នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ជាង៧ខែ ជនបរទេសជាង៥ម៉ឺននាក់ត្រូវបានបណ្ដេញចេញពីកម្ពុជា ក្នុងនោះមាន ១ម៉ឺន៧ពាន់នាក់ពាក់ព័ន្ធ Online Scams
ឆមាសទី១ឆ្នាំនេះ សមត្ថកិច្ចបង្ក្រាបបទល្មើសជួញដូរមនុស្ស និងអាជីវកម្មផ្លូវភេទជាង ១១០ករណី និងសង្គ្រោះបាន ៥៨១នាក់
មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង
ក្រសួងព័ត៌មានអប់រំណែនាំក្រុមអ្នកផលិតមាតិកា ២ក្រុម គឺ «ក្រុមនាយក្រឹប» និង «ក្រុមគ្រូតឿ» ដែលបានផលិតផ្សព្វផ្សាយមាតិកាមិនសមរម្យ និងបំពានលើក្រមសីលធម៌

សន្តិសុខ និង សង្គម

ព្រះរាជអាជ្ញារងខេត្តព្រះវិហារ និងឈ្មោះ រស់ សុធី ដឹកនាំកម្លាំងចុះចាប់ឡានចង្កូតស្ដាំ៤គ្រឿង នៅតាមផ្ទះ នៅភូមិកំពង់ស្រឡៅ

2022/03/05 08:07:47 pm        2506
Facebook Telegram Linkin
ព្រះវិហារ៖ ព្រះរាជអាជ្ញារងខេត្តព្រះវិហារ និងឈ្មោះ រស់ សុធី ជានាយការិយាល័យសេដ្ឋកិច្ចខេត្តព្រះវិហារ ដឹកនាំកម្លាំងចុះចាប់រថយន្ដចង្កូតស្ដាំ៤គ្រឿងនៅតាមផ្ទះ ខណៈថ្ងៃឱសានវាទចុះចាប់រថយន្ដចង្កូតស្តាំ ឡានអត់ពន្ធ នៅតាមផ្ទះ មិនទាន់មានបទបញ្ជាឲ្យចាប់នោះទេ ។ប្រតិបត្ដិការនេះ ធ្វើឡើងនៅថ្ងៃទី០៤ ខែមិនា ម្សិលមិញនេះ នៅចំណុចភូមិកំពង់ស្រឡៅ ឃុំកំពង់ស្រឡៅ១ ខេត្តព្រះវិហារ ដឹកនាំដោយព្រះរាជអាជ្ញារងខេត្តព្រះវិហារលោក វុធ សាវី ,លោកឈ្មោះ រស់ សុធី ជានាយការិយាល័យសេដ្ឋកិច្ចខេត្តព្រះវិហារ ,លោក ហួត ឃាន នាយរងការិយាល័យ,លោក ស៊ុំ សំណាង ស្នងការង និងចូលរួមកម្លាំងប៉ុស្ដិ៍ស្រឡៅ ផងដែរ។ពាក់ព័ន្ធករណីនេះ ព្រះរាជអាជ្ញារងខេត្តព្រះវិហារលោក វុធ សាវី បានឲ្យដឹងនៅថ្ងៃនេះថា ក្នុងប្រតិបត្ដិការនេះ ដងហូតបានរថយន្ដ៤គ្រឿង និង៤គ្រឿងទៀតបើកគេច ហើយម្ចាស់រថយន្ដម្នាក់បានរត់គេចទៅចូលទឹកដីឡាវ ហើយលោកក៏បានដឹង​អត្តសញ្ញាណផងដែរ កំពុងបើកការអង្កេត។ ចំពោះរថយន្ដដែលរឹបអូសបាន សហការជាមួយគយឲ្យចុះមកពិនិត្យ និងប្រគល់ជូនគយ។ ចំណែកឈ្មោះ រស់ សុធី ជានាយការិយាល័យសេដ្ឋកិច្ចខេត្តព្រះវិហារ ក៏BTV News ធ្វើការ​ទំនាក់ទំនង​តាមប្រព័ន្ធតេឡាក្រាមផងដែរ តែគ្មានការឆ្លើយតប។បើតាមប្រភពច្បាស់ការណ៍​សុំមិន​បញ្ចេញ​ឈ្មោះ បាន​ឲ្យយើងដឹងថា ឈ្មោះ រស់ សុធី ជានាយការិយាល័យ​សេដ្ឋកិច្ចខេត្តព្រះវិហារ ​បាន​លួចនាំរថយន្ដឆ្លងដែនទៅប្រទេសឡាវ ស្ថិតនៅចំណុចខ្ទមអ្នកតាកំពង់​ស្រឡៅ១ រាប់សិប​គ្រឿង​មកហើយ​មិន​ដែល​បានមន្ដ្រីណា ឬថ្នាក់លើ​ចុះមកបង្ក្រាប រឹបអូសនោះទេ ទើបតែថ្មីៗនេះ ​ទំនង​មិន​បានចែក​លាភសក្ការៈដល់​សមត្ថកិច្ច​មួយចំនួន ​ក៏បែកធ្លាយព័ត៌មានបំបែកឆ្នាំងបាយ ​ខណៈខ្លួនជាសមត្ថកិច្ចផែនបង្ក្រាបផងដែរនោះ ហើយការចុះចាប់កាលពីថ្ងៃទី០៤ ខែមិនា អាចជាគំណុំផ្ទាល់ខ្លួន ឬលាងឈ្មោះខ្លួនឯងបង្ហាញស្នាដៃជូនថ្នាក់លើ ខណៈអាជ្ញាធរភូមិឃុំមួយចំនួនមិនឯកភាពប្រតិបត្តិការនេះ ។ពាក់ព័ន្ធឡានអត់ពន្ធនេះ នារសៀលថ្ងៃទី២៣ ខែកុម្ភៈនេះ នៅសណ្ឋាគារសុខាភ្នំពេញ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា អញ្ជើញជាអធិបតីភាព ក្នុងពិធីបិទសន្និបាតត្រួត​ពិនិត្យ​លទ្ធផល​ការងារឆ្នាំ២០២១ និងលើកទិសដៅការងារឆ្នាំ២០២២ របស់ក្រសួងមហាផ្ទៃ សម្តេចតេជោ ហ៊ុន សែន អំពាវនាវឲ្យមានស្មារតី​បង់ពន្ធជូនរដ្ឋ​តាមច្បាប់ដែលបានកំណត់។ ទន្ទឹមនឹងនឹងនោះ ​កម្លាំងប្រដាប់អាវុធមានតួនាទីសំខាន់ណាស់សម្រាប់កិច្ចការមួយនេះ។ សម្តេច បញ្ជាក់ថា “បើមានលុយទិញឡានហើយ សូម​ទុកលុយ​ដើម្បីបង់ពន្ធផង”។កាលពីពេលថ្មីៗនេះ សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានបញ្ជាក់ថា ការអនុគ្រោះម្ដងហើយម្ដងទៀត ភាពច្រំដែលនឹងនៅតែបន្ត ហើយរថយន្តចង្កូតស្តាំ ឡានអត់ពន្ធ ជ្រកក្រោមនេះ ជ្រកក្រោមនោះ មិនអនុញ្ញាតឱ្យមានទៀតទេ។ អស់លោកគយ ត្រូវធ្វើកិច្ចការងារនេះ ដើម្បីប្រមូលឡានដែលអត់មានពន្ធនេះទុក ឬផាកពិន័យទៅតាមគោលការណ៍ ដែលមានរួចមកហើយ។សម្តេចតេជោ ហ៊ុន សែន បានលើកឡើងថា គ្មានអ្នកក្រណាមានលុយ​ទៅទិញឡាន​ជិះនោះទេ ​ខណៈអ្នកមាន ឬពួកអ្នកធំមានលុយទិញឡានជិះហើយបែ​ជា​លួចពន្ធ និង​មិនព្រមបង់ពន្ធចូល​រដ្ឋទៅវិញ៕

អាជ្ញាធរខណ្ឌចំការមន ចុះបង្រ្កាបហ្គេមបាញ់ត្រីមួយកន្លែង ឃាត់មនុស្សជិត១០នាក់ និង​រឹបអូស​ទូហ្គេម

2022/03/05 09:11:28 pm        1177
Facebook Telegram Linkin
ភ្នំពេញ៖ ដោយមានការបញ្ជាផ្ទាល់ពីលោក ថេង សុថុល អភិបាលខណ្ឌ និងជាប្រធានគណៈបញ្ជាការឯកភាពខណ្ឌចំការមន ចុះប្រតិបត្តិការបង្រាបល្បែងស៊ីសងហ្គេមបាញ់ត្រី ឃាត់ខ្លួនមនុស្សជិត១០នាក់។ប្រតិបត្តិការនេះ បានធ្វើឡើងនៅថ្ងៃទី០៥ ខែមីនា ឆ្នាំ២០២២ លោក យស យុទ្ធី អភិបាលរង​ខណ្ឌចំការ​មន បានដឹកនាំកម្លាំងគណៈបញ្ជាការឯកភាពខណ្ឌចំការ​មន ​ចុះបង្រាបល្បែងស៊ីសង ហ្គេមបាញ់ត្រី ស្ថិតនៅភូមិ៤ ផ្លូវ៩៧ កែងផ្លូវ៥០៨ សង្កាត់ផ្សារដើមថ្កូវ ខណ្ឌចំការមន។មន្រ្តីសាលាខណ្ឌចំការមន បានឲ្យដឹងថា នៅមុនឈានដល់ការចុះបង្ក្រាបទីតាំង​ហ្គេមបាញ់ត្រីនេះ ដោយការរាយការណ៍ពីបងប្អូនប្រជាពលរដ្ឋ រស់នៅជិតខាងទីតាំងលួចបើកល្បែងស៊ីសងនេះ និងមានមនុស្សប្រុសស្រីក្មេងៗ ស្ទាវៗ ចេញចូលលេង​ពពាក់​ពពូន​ បង្កភាព​អសន្តិសុខ ដល់ការ​រស់នៅ​របស់បងប្អូនពលរដ្ឋ។ក្នុងរង្វង់ប្រតិបត្តិការនេះ កម្លាំងសមត្ថកិច្ចបាន​ ឃាត់មនុស្សចំនួន០៧ ស្រី០២នាក់ និង​ទូហ្គេមបាញ់ត្រីចំនួន ០២ទូ​ និងទូកុំព្យូទ័រចំនួន០៦គ្រឿង រួចយកទៅរក្សារទុកនៅ​សាលាខណ្ឌ​ចំការមន ដើម្បីចាត់ការតាមនីតិវិធី៕ អត្ថបទ៖ កុម្ភះ

នគរបាលឃាត់ខ្លួនជនសង្ស័យ២នាក់ បញ្ជូន​ទៅតុលាការ​ពាក់ព័ន្ធករណីចេញសែកស្អុយជាង ១០ម៉ឺនដុល្លារ

2022/03/05 07:32:28 pm        2750
Facebook Telegram Linkin
ភ្នំពេញ ៖ កម្លាំងនគរបាលការិយាល័យព្រហ្មទណ្ឌកំរិតធ្ងន់ នៃនាយកដ្ឋាននគរបាលព្រហ្មទណ្ឌ ក្រសួងមហាផ្ទៃ បានធ្វើការឃាត់ខ្លួនបុរសពីរនាក់ យោងតាមពាក្យបណ្ដឹងរបស់ជនរងគ្រោះ ពាក់ព័ន្ធការទូទាត់ថ្លៃប្រេង ដោយចេញសែកស្អុយចំនួនពីរសន្លឹក សរុបជាទឹកប្រាក់ជាង ១០ម៉ឺនដុល្លារ និងបានបញ្ជូនខ្លួនទៅអយ្យការអមសាលាដំបូង រាជធានីភ្នំពេញ កាលពីរសៀលថ្ងៃទី០៤ ខែមិនាម្សិលមិញនេះ ដើម្បីចាត់ការតាមនីតិវិធី។នគរបាល បានឲ្យដឹងថា ជនសង្ស័យ ទាំង២នាក់មានឈ្មោះ ទី១, ប៉ែន សុភាព ភេទប្រុស អាយុ៣៨ឆ្នាំ ជនជាតិខ្មែរ មុខរបរបុគ្គលិកក្រុមហ៊ុន និងទី២,ឈ្មោះ ស៊ាង ថៃ ភេទប្រុស អាយុ ៣៨ឆ្នាំ ជនជាតិខ្មែរមុខរបរបុគ្គលិកក្រុមហ៊ុន ពាក់ព័ន្ធករណី​មិនបំពេញ​កាតព្វកិច្ច​ចំពោះ​ឧបករណ៍​ដែល​អាច​ជួញដូរបាន ។នគរបាល បានបញ្ជាក់បន្ថែមថា ជនសង្ស័យទាំងត្រូវបានកម្លាំងនគរបាលជំនាញ​ឃាត់ខ្លួន​កាល​ពីថ្ងៃទី០៣ ខែមិនា ឆ្នាំ២០២២ ​នៅម្ដុំសង្កាត់ទន្លេបាសាក់ ​ខណ្ឌចំការមន ​រាជធានីភ្នំពេញ តាមពាក្យ​បណ្ដឹងរបស់ជនរងគ្រោះ។គួរបញ្ជាក់ផងដែរ កាលពីថ្ងៃទី ១៦និងថ្ងៃទី៣០ ខែធ្នូឆ្នាំ ២០២១ ពាក់ព័ន្ធ​ជាមួយ​នឹង​ករណី​ចេញ​សែកស្អុយនេះ បុរសពីរនាក់​ដែលជាជនសង្ស័យ​តំណាង​ឲ្យក្រុមហ៊ុន ​E-zone express បាន​ធ្វើការ​ទូទាត់​ថ្លៃប្រាក់ទិញប្រេង​តាមរយៈ​មូលប្បទានប័ត្រ​(សែក) ចំនួនពីរសន្លឹកដែល​សរុបជា​ទឹក​ប្រាក់ជាង ១០ម៉ឺនដុល្លារ​ ក្រោយពីបានចេញសែករួចមក ជនរងគ្រោះឃើញថា សែកទាំងពីរ មិនមាន​សាច់​ប្រាក់​ក្រោយ​មក​ជនរងគ្រោះ​ បាន​ព្យាយាម​ចរចា​ដោះស្រាយ​បំណុល​តែមិន​បាន​លទ្ធផល​សោះ ហើយបុគ្គលទាំងពីរនាក់​មាន​ចេតនា​គេចវេស​មិនបំពេញកាតព្វកិច្ច​ចំពោះឧបករណ៍​ដែលបាន​ជួញដូរ​ ធ្វើឲ្យប៉ះពាល់ផលប្រយោជន៍​យ៉ាង​ធ្ងន់ធ្ងរ​របស់​ក្រុមហ៊ុនជនរងគ្រោះ ។បច្ចប្បន្ន ជនសង្ស័យទាំង២នាក់ កំពុងស្ថិតក្នុងដំណាក់កាល​តំណាង​អយ្យការបើក​ការស៊ើបសួរ​នៅឡើយរងចាំការចោទប្រកាន់ជាផ្លូវការ ​បញ្ជូន​ទៅ​ចៅក្រមស៊ើបសួរ​ដើម្បី​បន្តនីតិវិធី៕អត្ថបទ៖ កុម្ភះ

កម្ពុជា​រក​ឃើញ​ករណី​ឆ្លង​​កូវីដចំនួន ៣៣៤នាក់ប្រភេទអូមីក្រុងទាំងអស់

2022/03/05 06:59:22 pm        769
Facebook Telegram Linkin
ភ្នំពេញ៖ ​ក្រសួង​សុខាភិបាល​នៅ​ថ្ងៃ​នេះ បានប្រកាស​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ៣៣៤នាក់​ទៀត ត្រូវ​បាន​​ឆ្លង​មេរោគ​កូវីដ-១៩ ​ជាប្រភេទអូមីក្រុងទាំងអស់​ ក្នុងនោះ ឆ្លងក្នុងសហគមន៍ ៣១៣​​នាក់ ។ក្រសួង​ បាន​បញ្ជាក់ទៀត​ថា ករណី​មនុស្ស​​ស្លាប់​ដោយសារ​ជំងឺ​កូវីដ-១៩ ចំនួន០២ គឺ​មិនបានចាក់វ៉ាក់សាំង។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ៣,០៤០នាក់​ ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុប​បាន​កើន​ឡើង​ដល់ ១៣២,០៧២នាក់​នៅ​ទូទាំង​ប្រទេស។ក្រសួង​សុខាភិបាល ​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១២៦,០៣១នាក់​ហើយ ត្រូវ​បាន​ព្យាបាល​ជា​សះ​ស្បើយ​៕

អាជ្ញាធររាជធានី ទុករយៈពេល១សប្តាហ៍ឲ្យអាជ្ញាធរខណ្ឌទួលគោក រៀបចំសណ្តាប់ធ្នាប់​សាធារណៈ​នៅ​មហាវិថីម៉ៅសេទុង

2022/03/05 06:35:44 pm        1352
Facebook Telegram Linkin
ភ្នំពេញ៖ អាជ្ញាធររាជធានីភ្នំពេញ បានធ្វើការណែនាំឱ្យគណៈបញ្ជាការឯកភាពខណ្ឌទួលគោក រៀបចំសណ្តាប់ធ្នាប់សាធារណៈឲ្យបានល្អ ដោយទុករយៈពេលឱ្យអនុវត្តការងារ ក្នុងរយៈពេល១សប្តាហ៍ ដោយអនុវត្ត ចាប់ពីយប់ថ្ងៃ០៤ មិនានេះតទៅ។កាលណែនាំពីអាជ្ញាធររាជធានីភ្នំពេញបែបនេះ បានធ្វើឡើងក្នុងកិច្ចប្រជុំបន្ទាន់មួយនារសៀលថ្ងៃទី ០៤ ខែមិនាម្សិលមិញនេះ នៅសាលាខណ្ឌគោក ក្រោមវត្តមានឯកឧត្តម មាន ចាន់យ៉ាដា អភិបាលរងរាជធានីភ្នំពេញ តំណាងឯកឧត្តម ឃួង ស្រេង អភិបាលរាជធានីភ្នំពេញ លោក ជា ពិសី អភិបាលខណ្ឌទួលគោក លោកឧត្តមសេនីយ៍ត្រី សែម គន្ធា ស្នងការរងទទួលផែនសណ្ដាប់ធ្នាប់​នៃ​ស្នងការដ្ឋាននគរបាលរាជធានីភ្នំពេញ មេបញ្ជាការរងកងរាជអាវុធហត្ថខណ្ឌទួលគោក និង​មន្ត្រីពាក់ព័ន្ធមួយចំនួនទៀត។ឯកឧត្តម មាន ចាន់យ៉ាដា អភិបាលរងរាជធានីភ្នំពេញ មានប្រសាសន៍ថា អភិបាល​នៃគណៈអភិបាល​រាជធានី​ភ្នំពេញឯកឧត្តម ឃួង ស្រេង បានចាត់ឲ្យលោកមកបើកកិច្ចប្រជុំជា​បន្ទាន់​មួយជាមួយនឹងអាជ្ញាធរខណ្ឌទួលគោក ដើម្បីមានវិធានការទៅលើការរៀបចំ​សណ្ដាប់ធ្នាប់​លើ​បណ្ដោយមហាវិថីម៉ៅសេទុង​ ដោយចាប់ពីមហោស្រប ចេនឡា រហូតដល់សាលាសន្ធរម៉ុក ខណៈដែរតាមបណ្តោយផ្លូវនេះ ​នៅតែមានភាព​រញ៉េរញ៉ៃ​ គ្មានសណ្ដាប់ធ្នាប់ ដោយសារតែ​បងប្អូន​ប្រជាពលរដ្ឋមួយចំនួនបាន​រំលោភ​យក​ចិញ្ចឹម​ផ្លូវ ​ទ្រូង​ផ្លូវ​ធ្វើការ​លក់ដូររាល់ថ្ងៃ។ពាក់ព័ន្ធនឹងបញ្ហា​ស្មុគស្មាញ​នេះ រដ្ឋបាលរាជធានីភ្នំពេញ ទុករយៈពេលឲ្យមួយសប្តាហ៍ ដើម្បី​ឲ្យ​អភិបាលខណ្ឌទួលគោក​ ដឹកនាំកម្លាំង ​ក្នុងការរៀបចំសណ្ដាប់ធ្នាប់នៅតាមបណ្ដោយនេះ និង​នៅតាម​ផ្លូវមួយចំនួន​ ជុំវិញផ្សារដើមគរ ​ផ្សារនាគមាស​ សំខាន់​ធ្វើយ៉ាង​ណា​ឲ្យតាមដងផ្លូវនានា មាន​សណ្ដាប់ធ្នាប់ និង​មាន​សោភ័ណភាព​ល្អ​ប្រសើរឡើងវិញ។លោកអភិបាលរង បានបញ្ជាក់ថា កាលពីមុន​យើងប្រើពាក្យ​វែកចក ​តែពេលនេះ​មិនមែនវែកចកទេ គឺ​យើង​អង្គុយបក់ផ្សែង ។ ដូច្នេះយើងមិនអាចអង្គុយបក់ផ្សែងទៅទៀតទេ យើងត្រូវតែមាន​វិធានការ​ម៉ឹងម៉ាត់ ​និង​ទន់ភ្លន់​ដើម្បីរៀបចំសណ្តាប់ធ្នាប់តាមបណ្តោយផ្លូវនេះ ឲ្យបានល្អប្រសើរ។លោក ជា ពិសី អភិបាលនៃគណៈអភិបាលខណ្ឌទួលគោក បានបញ្ជាក់ផងដែរថា កិច្ចការងារនេះ គណៈបញ្ជាការ​ឯកភាព​ខណ្ឌទួលគោក​បែងចែក ​ក្រុមការងារជា២ក្រុម ​ដោយក្រុមទី១ ចាប់ផ្ដើម​អនុវត្តពីម៉ោង០៩យប់រហូតដល់ម៉ោង២ទៀបភ្លឺ ​និង​មួយក្រុមទៀត ចាប់ផ្ដើម​អនុវត្តចាប់​ពី​ម៉ោង០២​ទៀបភ្លឺ រហូតដល់ម៉ោង០៧ព្រឹក ។ ការងារនេះ យើងនឹងធ្វើឲ្យដូចភ្លៀងរលឹម ដោយចាប់​អនុវត្ត​ពី​យប់​ថ្ងៃទី០៤ ខែមិនា ​ឆ្នាំ២០២២នេះតទៅ៕ អត្ថបទ៖ កុម្ភះ

កម្ពុជា​រក​ឃើញ​ករណី​ឆ្លង​​កូវីដចំនួន ៣៦៦នាក់ប្រភេទអូមីក្រុងទាំងអស់

2022/03/04 07:05:00 pm        286
Facebook Telegram Linkin
ភ្នំពេញ៖ ​ក្រសួង​សុខាភិបាល​នៅ​ថ្ងៃ​នេះ បានប្រកាស​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ៣៦៦នាក់​ទៀត ត្រូវ​បាន​​ឆ្លង​មេរោគ​កូវីដ-១៩ ​ជាប្រភេទអូមីក្រុងទាំងអស់​ ក្នុងនោះ ឆ្លងក្នុងសហគមន៍ ៣៤០នាក់ ។ក្រសួង​ បាន​បញ្ជាក់ទៀត​ថា ករណី​មនុស្ស​​ស្លាប់​ដោយសារ​ជំងឺ​កូវីដ-១៩ ចំនួន០៥ គឺ​មិនបានចាក់វ៉ាក់សាំង។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ៣,០៣៨នាក់​ ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុប​បាន​កើន​ឡើង​ដល់ ១៣១,៧៣៨នាក់​នៅ​ទូទាំង​ប្រទេស។ក្រសួង​សុខាភិបាល ​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១២៥,៥៣៦នាក់​ហើយ ត្រូវ​បាន​ព្យាបាល​ជា​សះ​ស្បើយ​៕

ពលរដ្ឋជាង ១០០គ្រួសារ ​ចូលសង់ខ្ទមលើដីក្រុមហ៊ុន​ស្នើ​ឲ្យ​អាជ្ញាធរ​ខេត្ត​ជួយ​អន្តរាគមន៍​ដោះស្រាយ​

2022/03/03 08:48:04 pm        84
Facebook Telegram Linkin
ឧត្តរមានជ័យ៖ ប្រជាពលរដ្ឋប្រមាណ ១០០គ្រួសារមកពីបណ្តាខេត្តផ្សេងៗគ្នា ​ចូល​ទន្ទ្រាន​ធ្វើការ​អាស្រ័យផល​នឹង​សង់ខ្ទមតូចៗ​ យ៉ាង​អណាធិបតេយ្យ​លើដី​​របស់​ក្រុមហ៊ុនចំការកៅស៊ូ​របស់ក្រុមហ៊ុន សុខ សំណាង ស្ថិតនៅចំណុចភូមិអូរក្រូច ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។តាមការបញ្ជាក់ពីលោក ឃុត ចន្ថា តំណាងឲ្យក្រុមហ៊ុន បានឲ្យដឹងថា ប្រជាពលរដ្ឋដែលមករំលោភ​ចូល​មកធ្វើការអាស្រ័យផលលើផ្ទៃដីរបស់​ក្រុមហ៊ុន​នឹង​គៀងគរ​គ្នា​មក​ធ្វើជា​ជម្រក​ខ្ទម​តូចៗ​ក្នុងដី​ក្រុមហ៊ុន​ តាមរយៈមេខ្យល់មកពីបណ្តាខេត្តផ្សេងៗគ្នានោះរួមមាន ៖ដូចជាខេត្តសៀមរាប មាន​ចំនួន២៥គ្រួសារ ខេត្តកំពង់ចាម ១០គ្រួសារ កំពង់ធំ១១គ្រួសារ និងប្រជាពលរដ្ឋ​នៅឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ចំនួន១៥២គ្រួសារផងដែរ។ លោក បានបន្តថា កន្លងមកខាងក្រុមហ៊ុន​ និងក្រុមការងារថ្នាក់ខេត្ត ​និងស្រុក រួមនិង​អនុប្រធាន​សាលាដំបួងខេត្ត​ក៏បានចុះពិនិត្យ និង​ស្រាវជ្រាវ​ទំនាស់ដីធ្លីនេះដល់​ទីតាំង​ក្រុមហ៊ុននេះ​ជាក់ស្តែង​នៅពេលដែលក្រុមការងារបានចុះពិនិត្យនោះ​ ប៉ុន្តែប្រជាពលរដ្ឋទាំងអស់នោះ​មិនព្រមទទួលស្គាល់​នឹងនៅតែ​បំពាន​ទន្រ្ទាន​ចូលសង់​ខ្ទមតូចៗ ​នឹងធ្វើការ​អាស្រ័យជា​បន្តបន្ទាប់ទៀតទៅវិញ។យ៉ាងណាមិញលោក ហួរ ធី ប្រធាន​ការិយាល័យ​នីតិកម្ម​នឹង​សម្របសម្រួល​វិវាទ​ដោះស្រាយទំ​នាស់​ដីធ្លីមូលដ្ឋានរបស់​ស្រុកត្រពាំងប្រាសាទ បានបញ្ជាក់ថា៖ កន្លងមកប្រជាពលរដ្ឋដែលបានចូល​មក​បំពាន​លើដីរបស់ក្រុមហ៊ុនសុខសំណាងនោះ​គឺមានត្រឹមតែ ២០គ្រួសារតែប៉ុណ្តោះ មកធ្វើជាកម្មករ​នឹង​ជួលដីក្រុមហ៊ុន​អាស្រ័យផល។ហើយមកដល់ពេលថ្មីៗនេះទៀត មានពលរដ្ឋកើនឡើង​ប្រហែល ១០០គ្រួសារជាង​បាន​គៀងគរ​គ្នា​តាមរយៈមេខ្យល់​បាន​មកសង់​ខ្ទមនឹងអាស្រ័យផលជាច្រើនគ្រួសារ​បន្ថែមទៀត​យ៉ាងអណាធិបតេយ្យ​នៅលើដីទំនាស់ខាងលើនេះ។ករណីនេះ អាជ្ញាធរស្រុក បានធ្វើ​សម្របសម្រួល​ជាច្រើនដង​ប៉ុន្តែប្រជាពលរដ្ឋមិនព្រមស្តាប់​នឹង​ទទួល​យកនោះទេ នៅតែចូលរំលោភ​ទន្ទ្រាន​ដដែល​។តាមសំដី​របស់​ពលរដ្ឋ បានអះអាងថា ពួកគាត់មកអាស្រ័យ​ផល​រស់នៅលើដីនេះ​អស់រយៈពេលជា​ច្រើន​ឆ្នាំមក​ហើយតាំងពីឆ្នាំ២០១៨ ​ពុំឃើញមានក្រុមហ៊ុន​មក​ហាមឃាត់​នោះឡើយ។ទើបតែពេលថ្មីៗនេះ ឃើញមានក្រុមហ៊ុន សុខសំណាង​ ដាំកៅស៊ូ មកធ្វើការ​ហាមឃាត់​មិន​ឲ្យពួកគាត់អាស្រ័យផល​ នឹងធ្វើជម្រកខ្ទមតូចៗនោះ។ពាក់​ព័ន្ធករណី​ខាង​លើនេះដែរ ​ឯកឧត្តម ហួន វ៉ាន់និត អភិបាលរងខេត្ត​ទទួល​បន្ទុក​ដោះស្រាយវិវាទ​ដីធ្លី​ថ្នាក់​ខេត្ត បាន​សំណូមពរ​ឲ្យ​ប្រជាពលរដ្ឋទាំងអស់​ ដែល​កំពុង​ធ្វើការ​អាស្រ័យផល​និង​សង់​ខ្ទមតូចៗ​នៅលើចំណុចដីកំពុងមានវិវាទនោះ ​ត្រូវ​បញ្ឈប់​សកម្មភាព​ការ​សាងសង់​ខ្ទម​និង​អាស្រ័យផល​ ជាបណ្តោះអាសន្ន​សិន​រង​ចាំ​ការ​ដោះស្រាយ​បន្ត ដើម្បីឲ្យដឹងថា​ភាគី​ណា​រំលោភលើ​ភាគីណា ព្រោះថា​ដីដែល​បងប្អូន​ចូលមកសង់ខ្ទម និង​ធ្វើការ​អាស្រ័យ​ផល​នោះ​ អាជ្ញាធរស្រុកពុំបាន​មាន​ការ​ទទួល​ស្គាល់​និងមិនមានប័ណ្ណ​កាន់កាប់​នោះឡើយ៕ អត្ថបទ៖ ឃិន សារិទ្ធ

កម្ពុជា​រក​ឃើញ​ករណី​ឆ្លង​​កូវីដចំនួន ៣៦៨នាក់ប្រភេទអូមីក្រុងទាំងអស់

2022/03/03 07:09:42 pm        330
Facebook Telegram Linkin
ភ្នំពេញ៖ ​ក្រសួង​សុខាភិបាល​នៅ​ថ្ងៃ​នេះ បានប្រកាស​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ៣៦៨នាក់​ទៀត ត្រូវ​បាន​​ឆ្លង​មេរោគ​កូវីដ-១៩ ​ជាប្រភេទអូមីក្រុងទាំងអស់​ ក្នុងនោះ ឆ្លងក្នុងសហគមន៍ ៣៤៣នាក់ ។ក្រសួង​ បាន​បញ្ជាក់ទៀត​ថា ករណី​មនុស្ស​​ស្លាប់​ដោយសារ​ជំងឺ​កូវីដ-១៩ ចំនួន០១ គឺ​មិនបានចាក់វ៉ាក់សាំង។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ៣,០៣៣នាក់​ ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុប​បាន​កើន​ឡើង​ដល់ ១៣១,៣៧២នាក់​នៅ​ទូទាំង​ប្រទេស។ក្រសួង​សុខាភិបាល ​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១២៥,០២៩នាក់​ហើយ ត្រូវ​បាន​ព្យាបាល​ជា​សះ​ស្បើយ​៕

កម្ពុជា​រក​ឃើញ​ករណី​ឆ្លង​​កូវីដចំនួន ៤១៥នាក់ប្រភេទអូមីក្រុងទាំងអស់

2022/03/02 07:07:30 pm        285
Facebook Telegram Linkin
ភ្នំពេញ៖ ​ក្រសួង​សុខាភិបាល​នៅ​ថ្ងៃ​នេះ បានប្រកាស​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ៤១៥នាក់​ទៀត ត្រូវ​បាន​​ឆ្លង​មេរោគ​កូវីដ-១៩ ​ជាប្រភេទអូមីក្រុងទាំងអស់​ ក្នុងនោះ ឆ្លងក្នុងសហគមន៍ ៣៨៦នាក់ ។ក្រសួង​ បាន​បញ្ជាក់ទៀត​ថា ករណី​មនុស្ស​​ស្លាប់​ដោយសារ​ជំងឺ​កូវីដ-១៩ គឺ​គ្មាន។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ៣,០៣២នាក់​ ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុប​បាន​កើន​ឡើង​ដល់ ១៣១,០០៤នាក់​នៅ​ទូទាំង​ប្រទេស។ក្រសួង​សុខាភិបាល ​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១២៤,៦២៧នាក់​ហើយ ត្រូវ​បាន​ព្យាបាល​ជា​សះ​ស្បើយ​៕

កម្ពុជា​រក​ឃើញ​ករណី​ឆ្លង​​កូវីដចំនួន ៣១៣នាក់ប្រភេទអូមីក្រុងទាំងអស់

2022/03/01 06:59:48 pm        629
Facebook Telegram Linkin
ភ្នំពេញ៖ ​ក្រសួង​សុខាភិបាល​នៅ​ថ្ងៃ​នេះ បានប្រកាស​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ៣១៣នាក់​ទៀត ត្រូវ​បាន​​ឆ្លង​មេរោគ​កូវីដ-១៩ ​ជាប្រភេទអូមីក្រុងទាំងអស់​ ក្នុងនោះ ឆ្លងក្នុងសហគមន៍ ២៨៥នាក់ ។ក្រសួង​ បាន​បញ្ជាក់ទៀត​ថា ករណី​មនុស្ស​​ស្លាប់​ដោយសារ​ជំងឺ​កូវីដ-១៩ គឺ​គ្មាន។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ៣,០៣២នាក់​ ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុប​បាន​កើន​ឡើង​ដល់ ១៣០,៥៨៩នាក់​នៅ​ទូទាំង​ប្រទេស។ក្រសួង​សុខាភិបាល ​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១២៤,១៧៧នាក់​ហើយ ត្រូវ​បាន​ព្យាបាល​ជា​សះ​ស្បើយ​៕

បណ្ដាញសង្គម

ព័ត៌មានថ្មីៗ

ទីភ្នាក់ងារ IEA កាត់បន្ថយការព្យាករតម្រូវការប្រេងឆ្នាំ២០២៦ ក្នុងពេលមានការរំខាននៅច្រកសមុទ្រ Hormuz
08/13/2026 11:08 AM
Facebook Telegram Linkin
នាយករដ្ឋមន្ត្រី៖ អ៊ីរ៉ាក់នឹងមិនត្រូវបានប្រើប្រាស់ជាទីលានសម្រាប់ការវាយប្រហារលើប្រទេសជិតខាងទេ
08/13/2026 11:08 AM
Facebook Telegram Linkin
អត្តពលិក ៨ប្រទេស ត្រៀមចូលរួមប្រកួតកីឡាជឺជីតស៊ូជើងឯកអាស៊ាន លើទឹកដីអង្គរ នាសប្ដាហ៍ក្រោយ
08/13/2026 11:08 AM
Facebook Telegram Linkin
សាខាកាកបាទក្រហមកម្ពុជាខេត្តបាត់ដំបង ចុះផ្សព្វផ្សាយពីហានិភ័យនៃយុទ្ធភណ្ឌមិនទាន់ផ្ទុះ និង​ការធ្វើចំណាក​ស្រុកប្រកបដោយសុវត្ថិភាពដល់ពលរដ្ឋ នៅតំបន់ជាយដែន
08/13/2026 11:08 AM
Facebook Telegram Linkin
អ៊ីរ៉ង់នៅតែប្រកាន់តឹង ខណៈខ្លួនប្តេជ្ញាប្រយុទ្ធប្រឆាំងអាមេរិករហូតដល់ការទាមទារត្រូវបានបំពេញ
08/13/2026 11:08 AM
Facebook Telegram Linkin
អ្នកនាំពាក្យរបស់លោក Trump លោកស្រី Karoline Leavitt នឹងលាចេញពីតំណែង
08/13/2026 11:08 AM
Facebook Telegram Linkin
សមាជិកថ្មីព្រះខ័នរាជ Tartarotti រកបាន ២គ្រាប់ ក្នុងជ័យជម្នះលើក្រុម Geylang នៃពាន Pre-Season Cup 2026
08/13/2026 10:08 AM
Facebook Telegram Linkin
នគរបាលពង្រឹងការចុះអប់រំណែនាំអ្នកបើកបរល្មើសច្បាប់ ខណៈការអនុវត្តច្បាប់ចរាចរណ៍ឡើងវិញកាន់តែជិតមកដល់
08/13/2026 10:08 AM
Facebook Telegram Linkin
ចិន និងឥណ្ឌូនេស៊ីបញ្ចប់សមយុទ្ធនាវាចរណ៍កងទ័ពជើងទឹកក្នុងដែនទឹកភាគខាងកើតកោះតៃវ៉ាន់
08/13/2026 10:08 AM
Facebook Telegram Linkin
ក្រុមហ៊ុនក្រៅស្រុកមួយ កំពុងសិក្សាលទ្ធភាពបង្កើតផ្សារបោះដុំកសិផល និងអាហារស្រស់នៅកម្ពុជា
08/13/2026 10:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.