BTV NEWS

ចៅក្រមសម្រេចឃុំខ្លួនបណ្ដោះអាសន្នស្ដ្រីដែលជេរប្រមាថកងទ័ព

តំណាងអយ្យការចោទប្រកាន់ស្ដ្រីជេរប្រមាថកងទ័ព ចំនួន២បទល្មើស គឺបទធ្វើឲ្យខូចទឹកចិត្តកងទ័ព និងប្រមាថចំពោះអ្នករាជការសាធារណៈ

នគរបាលប្រឆាំងការជួញដូរមនុស្ស និងការពារអនីតិជន បន្តចុះបង្ក្រាបទីតាំងឈ្មោះ «ដារ៉ា៧២» ពាក់ព័ន្ធករណីសង្ស័យបង្កប់សកម្មភាពកេងប្រវ័ញ្ចផ្លូវភេទលើអនីតិជន

នគរបាលរាជធានីបង្ហាញមុខក្រុមទំនើង ៣២នាក់ពាក់ព័ន្ធបទល្មើស ៦ករណីផ្សេងគ្នា

សន្តិសុខ និង សង្គម

រថយន្តដឹកស៊ីម៉ងត៍ ទម្ងន់១៥តោន បួងចង្កូតគេចពីម៉ូតូវ៉ាជែង បណ្ដាលឲ្យក្រឡាប់ផ្ងារជើង

ភ្នំពេញ៖ រថយន្ត ដឹកស៊ីម៉ងត៍ទម្ងន់១៥តោន មួយគ្រឿង បើកគេចចេញពីម៉ូតូមួយគ្រឿង ដែលវ៉ាជែងហើយដួលនៅខាងមុខ អ្នកបើករថយន្តបួងចង្កូតគេច បណ្ដាលអោយក្រឡាប់ផ្ងារជើង នៅកណ្តាលផ្លូវ តែសំណាងល្អមិនបណ្តាលឱ្យមនុស្សរងរបួសធ្ងន់ធ្ងរក្នុងហេតុការណ៍នេះ ។ហេតុការណ៍នេះ កើតឡើងកាលពីវេលាម៉ោង ៩ និង ៣០នាទី ព្រឹកថ្ងៃទី២២ ខែមិនា ឆ្នាំ២០២១ នៅតាមបណ្តោយផ្លូវជាតិលេខ៦ ស្ថិតនៅភូមិបាក់ខែង សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។តាមប្រភពព័ត៌មាន នៅកន្លែងកើតហេតុ បានប្រាប់ឱ្យដឹងថា នៅមុនពេលកើតហេតុ គេឃើញ បុរសម្នាក់ បើករថយន្តម៉ាក់ហ៊ីយ៉ាន់ដាយ ដឹកស៊ីម៉ងត៍ធន់ធំ ពណ៌ស ពាក់ស្លាកលេខ កំពត3A-0914 បានធ្វើដំណើរតាមផ្លូវជាតិលេខ៦ ក្នុងទិសដៅពីត្បូងទៅជើង ពេលមកដល់ចំណុចកើតហេតុ ស្រាប់តែមានម៉ូតូមួយគ្រឿង បើកវ៉ាជែង បណ្តាលរអិលផ្លូវដួលនៅពីមុខ ទើបអ្នកបើករថយន្តបួងចង្កូតគេចទៅស្តាំដៃជ្រុលប្រុងទៅបុកចូលផ្ទះប្រជាពលរដ្ឋ ក៏បានទាញចង្កូតមកឆ្វេងដៃវិញ បណ្តាលឱ្យរថយន្តប្រឡាប់ ផ្ងារជើងម្ខាង នៅកណ្តាលផ្លូវតែម្តង ភ្លាមៗអ្នកបើកបរ បានលូនចេញពីក្នុងរថយន្ត ដោយមានរបួសស្រាលតែប៉ុណ្ណោះ។តាមអ្នកបើកបរ បានឱ្យដឹងថា នៅមុនពេលកើតហេតុ គាត់បានដឹកស៊ីម៉ងត៍ ចំនួន១៥តោន មកពីរោងចក្រនៅខេត្តកំពត យកទៅដាក់នៅការដ្ឋាន នៅព្រែកពោធិ៍ ពេលធ្វើដំណើរតាមផ្លូវ មកដល់ចំណុចកើតហេតុ ស្រាប់តែមានម៉ូតូវ៉ាជែង ហើយដួលនៅខាងមុខរថយន្តគាត់តែម្តង តែបើគាត់មិនទាញចង្កូតគេចច្បាស់ ជាកិនអ្នកបើកបរ ម៉ូតូដួលនោះស្លាប់ ជាមិនខាន ដូច្នេះក៏សុខចិត្តបួងចង្កូតគេច។ក្រោយពេលកើតហេតុ កម្លាំងសមត្ថកិច្ចមូលដ្ឋាន បានចុះមកដល់ចំណុចកើតហេតុ រួចឱ្យម្ចាស់រថយន្តយកទៅជួសជុលដោយខ្លួនឯង ដោយសារពុំបង្កឱ្យមនុស្សរងរបួស ឬ ខូចខាតទ្រព្យសម្បត្តិរដ្ឋនោះទេ៕អត្ថបទ៖ កុម្ភះ

ឃាត់ខ្លួនមុខសញ្ញា មេខ្យល់នាំចូលជនជាតិវៀតណាម ខុសច្បាប់មកកម្ពុជា៣នាក់បន្ថែមទៀត នៅស្រុកបូរីជលសារ

តាកែវ ៖ កំលាំងជំនាញ អធិការដ្ឋាននគរបាល ស្រុក ចុះល្បាតមូលដ្ឋាន បានឃាត់ខ្លួនមុខសញ្ញា មេខ្យល់ នាំចូល ជនជាតិវៀតណាម ខុសច្បាប់ មកកម្ពុជា ចំនួន ០៣នាក់ បន្ថែម ទៀត ។ជនសង្ស័យទាំង៣នាក់នេះ ទី១ ឈ្មោះ សាំង លុច ភេទ ប្រុស អាយុ ២៣ឆ្នាំ រស់នៅ ភូមិ កំពង់ ក្រសាំង ឃុំកំពង់ក្រសាំង ស្រុកបូរីជលសារ ខេត្ត តាកែវ ។ទី២ ឈ្មោះ ហួត សុខរ៉ាវី អាយុ ២២ឆ្នាំ ភេទ ប្រុស រស់នៅ ភូមិ កំពង់ក្រសាំង ឃុំកំពង់ក្រសាំង ស្រុកបូរីជលសារ ខេត្ត តាកែវ និងទី ៣ ឈ្មោះ ឡា ឆានី ភេទ ប្រុស អាយុ ២២ឆ្នាំ រស់នៅ ភូមិ ថ្មី បីដុំ ឃុំកំពង់ក្រសាំង ស្រុកបូរីជលសារ ខេត្ត តាកែវ ឃាត់ ខ្លួន បាន នៅចំណុច ភូមិ សាស្ត្រ ឃុំកំពង់ក្រសាំង ស្រុកបូរីជលសារ ខេត្ត តាកែវ ។ក្រោយ ពី ឃាត់ខ្លួនមុនសញ្ញានាំចូលជនជាតិ វៀតណាម ខុសច្បាប់ មកកម្ពុជា កម្លាំង ជំនាញ អធិការ ដ្ឋាននគរបាល ស្រុក បូរីជលសារ សហការជាមួយ កម្លាំងជំនាញស្នងការ ដ្ឋាននគរបាល ខេត្តតាកែវ បានកសាងសំណុំរឿងតាមនិតិវិធី ៕

ក្រុមប្រឹក្សាជាតិកម្ពុជា ដើម្បីកុមារថ្កោលទោសចំពោះអ្នកធ្វើឲ្យកុមារកំព្រាម្នាក់ស្លាប់

ភ្នំពេញ ៖ គណៈកម្មការការពារកុមារថ្នាក់ជាតិ នៃក្រុមប្រឹក្សាជាតិកម្ពុជាដើម្បីកុមារ (ក.ជ.ក.) បានថ្កោលទោស ជនសង្ស័យពីររូប ដែលបានប្រើប្រាស់អាវុធបាញ់សត្វ បណ្តាលឲ្យបាត់បង់អាយុជីវិតក្មេងប្រុសកំព្រាស្លូត ត្រង់ម្នាក់ ដែលកំពុងស្នាក់នៅក្នុងមណ្ឌលអង្គការសង្គ្រោះជនអស់សង្ឃឹម នៅខណ្ឌកំពូល រាជធានីភ្នំពេញ កាលពីពេលថ្មីៗនេះ។យោងតាមសេចក្តីថ្លែងការណ៍របស់គណៈកម្មការការពារកុមារថ្នាក់ជាតិ នៃក្រុមប្រឹក្សាជាតិកម្ពុជា ដើម្បីកុមារ នៅថ្ងៃទី១១ ខែមីនា នេះ បានលើកឡើងថា គណៈកម្មការការពារកុមារថ្នាក់ជាតិ ក៏ដូចជាសាធារណជនទូទៅ «ពិតជាមានក្តីរន្ធត់ តក់ស្លុតឥតឧបមា និងមានការអាណិតអាសូរយ៉ាងក្រៃលែង ចំពោះ កុមារកំព្រាដ៏កំសត់ម្នាក់ ដែលបានទទួលរងគ្រោះបាត់បង់ជីវិតយ៉ាងអាណោចអាធ័ម សោកសៅ និងខ្លោច ផ្សារបំផុត ដោយទង្វើខ្វះការប្រុងប្រយ័ត្ន ដែលជនសង្ស័យពីរនាក់ បានប្រើប្រាស់អាវុធជាឧបករណ៍កម្សាន្ត និងបានធ្វើការថ្កោលទោសចំពោះទង្វើមិនទទួលខុសត្រូវរបស់ជនសង្ស័យទាំងពីរ ដែលបណ្តាលឲ្យបាត់ បង់ជីវិតក្មេងប្រុសកំព្រាស្លូតត្រង់មួយរូប។សេចក្ដីថ្លែងការណ៍ បានបញ្ជាក់ថា គណៈកម្មការការពារកុមារថ្នាក់ជាតិ នៃក្រុមប្រឹក្សាជាតិកម្ពុជា ដើម្បីកុមារ បានថ្លែងកោតសរសើរ ចំពោះសមត្ថកិច្ចជំនាញ និងតុលាការ ដែលបានចាត់វិធានការយ៉ាងក្តៅ គគុក និងទាន់ពេលវេលា ចំពោះករណីស្លាប់បាត់បង់ជីវិតកុមារា សារឿន ប៊ុនថា អាយុ១៤ឆ្នាំ ជាសិស្ស នៃ អនុវិទ្យាល័យបែកចាន ស្នាក់នៅអង្គការសង្គ្រោះជនរស់សង្ឃឹម ដែលករណីនេះ បានកើតឡើងនៅក្នុង ខណ្ឌកំបូល រាជធានីភ្នំពេញ កាលពីថ្ងៃទី០៦ ខែមីនា នេះ ហើយជាមួយគ្នានេះដែរ កម្លាំងសមត្ថកិច្ច ក៏បាន ឃាត់ខ្លួនជនសង្ស័យពីររូប ព្រមទាំងកសាងសំណុំរឿងបញ្ជូនទៅតុលាការ ដើម្បីបន្តនីតិវិធីច្បាប់។យ៉ាងណាក៏ដោយ ពាក់ព័ន្ធនឹងករណីនេះដែរ គណៈកម្មការការពារកុមារថ្នាក់ជាតិ នៃក្រុមប្រឹក្សា ជាតិកម្ពុជាដើម្បីកុមារ ក៏បានអំពាវនាវ និងសំណូមពរដល់ស្ថាប័នតុលាការ បន្តធ្វើការស៊ើបអង្កេត និងផ្ដន្ទាទោសកម្រិតអតិបរមា (ស្ថានទម្ងន់ទោសលើជនសង្ស័យ ដោយគ្មានការលើកលែង) ដើម្បីកុំឲ្យទង្វើបែប នេះកើតមានក្នុងសង្គមខ្មែរបន្តទៀត៕អត្ថបទ៖ បាន ចក់

មនុស្ស ៣នាក់ស្លាប់ក្នុងការវាយប្រហារភេរវកម្មនៅទីក្រុងវីយែនប្រទេសអូទ្រីស

អូទ្រីស៖ មនុស្ស ៣នាក់ត្រូវបានសម្លាប់ បន្ទាប់ពីខ្មាន់កាំភ្លើងជាច្រើននាក់បានបើកការបាញ់ប្រហារ នៅកណ្ដាលទីក្រុងវីយែនកាលពីថ្ងៃច័ន្ទម្សិលមិញ ហើយយ៉ាងហោចណាស់ខ្មាន់វាយប្រហារម្នាក់នៅតែបន្តរត់គេខ្លួន បន្ទាប់ពីអ្វីដែលអធិការបតីអូទ្រីសលោក Sebastian Kurz បានថាជា “ការវាយប្រហារភេរវកម្មគួរឲ្យស្អប់ខ្ពើម”។អូទ្រីស៖ មនុស្ស ៣នាក់ត្រូវបានសម្លាប់ បន្ទាប់ពីខ្មាន់កាំភ្លើងជាច្រើននាក់បានបើកការបាញ់ប្រហារ នៅកណ្ដាលទីក្រុងវីយែនកាលពីថ្ងៃច័ន្ទម្សិលមិញ ហើយយ៉ាងហោចណាស់ខ្មាន់វាយប្រហារម្នាក់នៅតែបន្តរត់គេខ្លួន បន្ទាប់ពីអ្វីដែលអធិការបតីអូទ្រីសលោក Sebastian Kurz បានថាជា “ការវាយប្រហារភេរវកម្មគួរឲ្យស្អប់ខ្ពើម”។អត្ថបទ៖ សុខមាន

បុណ្យអុំទូកបីថ្ងៃ ៖ ស្លាប់ ១៩នាក់ និងរបួស ៥៣នាក់ ដោយគ្រោះថ្នាក់ចរាចរណ៍

ភ្នំពេញ៖ នៅក្នុងព្រះរាជពិធីបុណ្យ អុំទូក បណ្ដែតប្រទីប សំពះព្រះខែ និងអកអំបុក រយៈពេលបីថ្ងៃ គឺពីថ្ងៃទី៣០–៣១ ខែតុលា ដល់ថ្ងៃទី១ ខែវិច្ឆិកា ឆ្នាំ២០២០ គ្រោះថ្នាក់ចរាចរណ៍បានកើតឡើងចំនួន ៣៦លើក បណ្តាលឲ្យមនុស្សស្លាប់ និងរបួស ចំនួន ៧២នាក់ ក្នុងនោះ ស្លាប់ ១៩នាក់ និងរបួសធ្ងន់ស្រាលចំនួន ៥៣នាក់។ នេះបើតាមការបញ្ជាក់របស់លោកឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ។អ្នកនាំពាក្យអគ្គស្នងការដ្ឋាននគរបាលជាតិ បានបន្តថា បើប្រៀបធៀបនឹងរយៈពេលបីថ្ងៃដូចគ្នា នៃព្រះរាជពិធីបុណ្យ អុំទូក បណ្ដែតប្រទីប សំពះព្រះខែ និងអកអំបុក ឆ្នាំ២០១៩ អ្នកស្លាប់កើនចំនួន ៩នាក់ (១៩នាក់លើ១០នាក់) របួសថយ ២៤នាក់ (៥៣លើ៧៧នាក់)៕

សេវាកម្មដឹកជញ្ជូនទំនិញ តាមផ្លូវគោកនៅកម្ពុជា ចាប់ផ្តើមងើបឡើង

ភ្នំពេញ៖ ប្រធានសមាគមភស្តុភារកម្មកម្ពុជា ថ្លែងថា វិស័យសេវាកម្មដឹកជញ្ជូនទំនិញតាមផ្លូវគោក នៅប្រទេសកម្ពុជា ដែលបានធ្លាក់ចុះដោយសារការររឹតបន្តឹងការឆ្លងកាត់ព្រំដែន ដើម្បីទប់ទល់នឹងការរាលដាលជំងឺកូវីដ ១៩ បានចាប់ផ្តើមងើបឡើងវិញ ក្នុងរង្វង់ ១០% ទៅ ១៥% នៃការនាំចូលវត្ថុធាតុដើម បម្រើឲ្យវិស័យរោងចក្រ សហគ្រាស និងនាំចេញផលិតផលពីប្រទេសកម្ពុជាទៅកាន់ទីផ្សារអន្តរជាតិ។លោកឧកញ៉ា ស៊ិន ចន្ធី ប្រធានសមាគមភស្តុភារកម្មកម្ពុជា បានថ្លែងប្រាប់ភ្នាក់ងារអ្នកយកព័ត៌មាន BTV ស្តីពីវិស័យនៃការដឹកជញ្ជូន នៅថ្ងៃទី០២ ខែវិច្ឆិកា ឆ្នាំ២០២០ ស្ថិតនៅក្នុងការរីករាលដាលដោយសារជំងឺកូវីដ ១៩ នេះ ការដឹកជញ្ជូនតាមផ្លូវអាកាស បានធ្លាក់ចុះស្ទើរស្មើសូន្យ ហើយការដឹកជញ្ជូនតាមផ្លូវទឹក និងផ្លូវគោក ក៏បានរងផលប៉ះពាល់យ៉ាងធ្ងន់ធ្ងរផងដែរ។លោកឧកញ៉ា បន្តថា ដោយមានការបន្ទូបន្ថយ និងរៀបចំឱ្យមានការដឹកជញ្ជូនឆ្លងកាត់ឡើងវិញ របស់រាជរដ្ឋាភិបាលកម្ពុជា ការដឹកជញ្ជូនតាមផ្លូវគោកបានងើបឡើងរង្វង់ ១០% ទៅ ១៥%។ លោកឧកញ៉ា សង្ឃឹមថា ការដឹកជញ្ជូននេះ នឹងមានកំណើនកើនឡើងវិញជាបន្តបន្ទាប់ទៀត បន្ទាប់ពីស្ថានភាពជំងឺកូវីដ–១៩ បានធូរស្រាល និងត្រឡប់មលវិញជាប្រក្រតីផងដែរ។សូមបញ្ជាក់ថា ក្នុងពេលថ្មីៗនេះ ក្រុមប្រឹក្សាជាតិភស្តុភារកម្ម បានរៀបចំគម្រោងស្តីពី ការធ្វើឱ្យប្រសើរឡើង នូវច្រកទ្វារព្រំដែនអន្តរជាតិ បាវិត-ម៉ុកបៃ, ប៉ោយប៉ែត-អារញ្ញ ប្រាថេត, ស្ទឹងបត់-បានណងអៀន និងព្រៃវល្លិ៍-ប៊ិញហៀប ដើម្បីបម្រើដល់ការផ្លាស់ប្តូរទំនិញ និងនាំចេញ-នាំចូល ឲ្យបានទាន់ពេលវេលា៕ អត្ថបទ៖ សុន រ៉ាឌី

នគរបាលប្រឆាំងបទល្មើសសេដ្ឋកិច្ចដុតកម្ទេចចោលនូវសាច់គ្រួចខុសច្បាប់ជាង២តោនដែលនាំចូលពីប្រទេសវៀតណាម

ភ្នំពេញ៖ នគរបាលប្រឆាំងបទល្មើសសេដ្ឋកិច្ច នៃអគ្គស្នងការនគរបាលជាតិ សហការជាមួយមន្ត្រីកាំកុង ត្រូលបានធ្វើការគ្នាដុតកម្ទេចចោលនៅសាច់គ្រួចខុសច្បាប់ដែលនាំមកពីប្រទេសវៀតណាមលក់នៅកម្ពុជាប្រមាណជាងពីរតោន ក្រោយពីរឹបអូសបានពីឈ្មួញទុច្ចរិតប៉ុន្មានម៉ោងក្រោយមក។យោងតាមរបាយការណ៍របស់នាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ បានឲ្យដឹងថា តាមអនុសាសន៍របស់ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងក្រោមការបញ្ជាផ្ទាល់របស់ ឯកឧត្តមឧត្តមសេនីយ៍ឯក ចាន់ វ៉ាន់ធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច និងផ្អែកតាមការស្រាវជ្រាវស៊ើបអង្កេតរបស់មន្ត្រីជំនាញ នៅវេលាម៉ោង៥និង២០នាទីទៀបភ្លឺ ថ្ងៃទី៦ ខែវិច្ឆិកា ឆ្នាំ២០១៨នេះ កម្លាំងនាយកដ្ឋាននគរបាលប្រឆាំងបទល្មើសសេដ្ឋកិច្ច សហការជាមួយអគ្គនាយកដ្ឋានកាំកុងត្រូល ក្រោមការ សម្របសម្រួលនីតិវិធីពីលោក ខាំ សុផារី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានបង្រា្កប ករណីនាំចូលសាច់សត្វគ្រួចគ្មានច្បាប់អនុញ្ញាតពីប្រទេសវៀតណាម ដឹកតាមរថយន្តកូរ៉េ ១គ្រឿងម៉ាកHYUNDIA ស្លាកលេខ 3E 5868 នៅចំណុចផ្លូវ ជា សុផារ៉ា សង្កាត់ទួលសង្កែ ខណ្ឋឬស្សីកែវ រាជធានីភ្នំពេញ។ក្រោយពីការត្រួតពិនិត្យសមត្ថកិច្ចចម្រុះ បានឆែកឆេរជាក់ស្តែងរកឃើញសាច់សត្វគ្រួចគ្មានច្បាប់អនុញ្ញាតិ ប្រមាណជាង២តោនកន្លះ។ចំពោះវត្ថុតាងទាំងអស់ខាងលើ លោកព្រះរាជអាជ្ញារង ខាំ សុផារី បានសម្រេចឲ្យដកហូតរក្សាទុកជាបណ្ដោះអាសន្ន និងយកសាច់សត្វក្រូច គ្មានច្បាប់អនុញ្ញាតិទៅដុតបំផ្លាញចោលនៅទីលានចាក់សំរាមបឹងជើងឯក និងបាននាំខ្លួនអ្នកបើកបររថយន្តចំនួន 01នាក់មកនាយកដ្ឋាន ដើម្បីបន្តនីតិវិធី៕

ជនជាតិចិន បង្កគ្រោះថ្នាក់ចរាចរណ៍ បើករត់គេចសមត្ថកិច្ច ឆែកឃើញគ្រឿងញៀន ជាច្រើនគីឡូ

ភ្នំពេញ ៖ បុរសជនជាតិចិនម្នាក់ បើករថយន្តសេរីទំនើបបង្កគ្រោះថ្នាក់ចរាចរណ៍ បុក រ៉ឺម៉កកង់បី ឥណ្ឌាក្រឡាប់ បណ្ដាលឲ្យរងរបួសធ្ងន់ម្នាក់ បញ្ជូនទៅមន្ទីរពេទ្យភ្លាមៗ។ ហេតុការណ៍នេះ កើតឡើងកាលពីវេលាម៉ោង ០១និង៣០នាទី ថ្ងៃទី៣ ខែមិថុនា ឆ្នាំ២០១៩ ចំណុចស្តុបរោង កុនលុច្ស ស្ថិតតាមបណ្តោយមហាវិថីព្រះនរោត្តម កែងផ្លូវលេខ១៥៤ ក្នុងសង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេបានឃើញបុរសម្នាក់ និង ស្ត្រីម្នាក់បានបើករ៉ឺម៉កកង់បី ឥណ្ឌា ពណ៌ក្រហម ពាក់ស្លាកលេខ ព្រៃវែង ១M-១៥៧៤ ធ្វើដំណើរ តាមបណ្ដោយមហាវិថីព្រះនរោត្តម ទិសដៅពីកើតទៅលិច បានឈប់រងចាំស្តុប ខណៈពេលនោះ ក៏ស្រាប់តែមាន រថយន្តមួយគ្រឿងម៉ាក លុច្ស ស៊ីស RX350 ពណ៌ខ្មៅ ពាក់ស្លាកលេខ ២AW-៤៣៣២ បើកបរដោយបុរសជនជាតិម្នាក់ បានធ្វើដំណើរមកពីក្រោយបុកពេញទំហឹង អូសរ៉ឺម៉កកង់បី ជាច្រើនម៉ែត្របណ្ដាលឲ្យក្រឡាប់រងរបួសធ្ងន់ ត្រូវបានបញ្ជូនទៅមន្ទីរពេទ្យភ្លាមៗ ហើយរថយន្តបង្ក បានព្យាយាមបើករត់គេចរហូតដល់ផ្សារតាប៉ាង ផ្លូវលេខ១៣៦ ទើបត្រូវបានប្រជាពលរដ្ឋដេញ ឃាត់បានែម្តង និង វ៉ៃម្នាក់មួយដៃមួយជើង ទើបបណ្ដាលឲ្យរងរបួសបែកមាត់។ផ្ដើមឡើងដោយករណីគ្រោះថ្នាក់ចរាចរណ៍ និងឈានដល់ធ្វើការឃាត់ឆែកឆេរឃើញគ្រឿងញៀនដោយចៃដន្យ ជាង១០គីឡូ នេះដោយសារតែជនជាតិចិនធ្វើការបើកបររថយន្តលុច្សស៊ីស RX 350 ស្លាកលេខក្លែងក្លាយ ហើយ រថយន្តទំនងជាអត់ពន្ធ បើសិនជាជនជាតិចិនមិនបង្កគ្រោះថ្នាក់ចរាចរណ៍ទេ គ្រឿងញៀនជាច្រើនគីឡូនេះ ក៏មិនអាចឃាត់បានដែរ ៕

តម្រូវការប្រព័ន្ធបច្ចេកវិទ្យា មានកាន់តែខ្លាំង ក្នុងការធ្វើពាណិជ្ជកម្ម នៅកម្ពុជា

ភ្នំពេញ ៖ អ្នកជំនាញប្រព័ន្ធបច្ចេកវិទ្យា លើកឡើងថា ប្រព័ន្ធបច្ចេកវិទ្យា ដើរតួនាទីកាន់តែសំខាន់ ក្នុងការសម្រួលដល់ការធ្វើពាណិជ្ជកម្ម អាជីវកម្ម ទាំងក្នុងស្ថាប័នរដ្ឋ និងឯកជន, កាន់តែងាយស្រួល រហ័ស និងមានតម្រូវការកាន់តែខ្លាំងឡើងៗ ជាពិសេសស្ថិត នៅក្នុងផលប៉ះពាល់នៃជំងឺកូវីដ–១៩ នេះ។លោក ទុយ ហុង ស្ថាបនិក និងគ្រប់គ្រងគម្រោង Localize បានថ្លែងលើកឡើងនៅក្នុងកិច្ចសម្ភាសន៍ជាមួយភ្នាក់ងារ អ្នកយកព័ត៌មាន BTV ស្តីពីការប្រើប្រាស់ប្រព័ន្ធបច្ចេកវិទ្យា នៅថ្ងៃទី ២៦ ខែ តុលា ឆ្នាំ២០២០ នេះថា បច្ចុប្បន្នរាជរដ្ឋាភិបាលកំពុងយកចិត្តទុកដាក់យ៉ាងខ្លាំង វិស័យបច្ចេកវិទ្យា នឹងជួយជំរុញសេដ្ឋកិច្ច ដែលជួយវិស័យឯកជន ធ្វើអាជីវកម្ម ដោយប្រើប្រាស់ប្រព័ន្ធបច្ចេកវិទ្យានេះ ព្រោះប្រព័ន្ធប្រព័ន្ធបច្ចេកវិទ្យាដើរតួនាទីកាន់តែសំខាន់ ងាយ ស្រួល និងរហ័ស ក្នុងការជួយសម្រួលការងារទាំងក្នុងស្ថាប័នរដ្ឋ និងឯកជន ជាក់ស្តែងស្ថិតនៅក្នុងការរីករាលដាល នៃផល ប៉ះពាល់ជំងឺកូវីដ–១៩ នេះ។ជុំវិញនិងការប្រើប្រាស់ប្រព័ន្ធបច្ចេកវិទ្យានេះ និស្សិតនៃវិទ្យាស្ថានបច្ចេកវិទ្យាកម្ពុជា និងបុគ្គលិកក្រុមហ៊ុន Localize លើកឡើងស្រដៀងគ្នាថា តាមការមើលឃើញ ជាពិសេសនៅក្នុងដំណាក់កាលជំងឺកូវីដ ១៩ នេះ ការប្រើប្រាស់ប្រព័ន្ធបច្ចេកវិទ្យា ក្នុងអាជីវកម្ម ដូចជា ការបញ្ជាទិញ ការកុម្ម៉ង់ និងការផ្តល់សេវាផ្សេងៗ ដែលជួយបន្ថយទាំងពេលវេលា ថវិកា និងការប្រើប្រាស់កម្លាំងពលកម្មជាដើម។សូមបញ្ជាក់ថា ៖ គណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ (គ.ស.ហ) កាលពីពេលថ្មីៗនេះ បានបើកកិច្ចប្រជុំ ស្តីពីសេចក្តីព្រាងគោលនយោបាយជាតិ វិទ្យាសាស្ត្រ បច្ចេកវិទ្យា និងនវានុវត្តន៍ ឆ្នាំ២០២០–២០៣០ ក្នុងនោះគណៈកម្មាធិការបានកំណត់ គោលបំណងទី១ គឺការកសាង និងពង្រឹងធនធានមនុស្សឱ្យបានគ្រប់គ្រាន់ ទាំងបរិមាណ គុណភាព និងសមាសភាព, ទី២ ផ្តល់លទ្ធភាពដល់សកម្មភាពស្រាវជ្រាវ និងអភិវឌ្ឍជាតិប្រកបដោយប្រសិទ្ធ និងកសាង ប្រព័ន្ធអេកូនវានុវត្តន៍ប្រកបដោយបរិយាប័ន្ន ទី៣៖ ពង្រឹងស្ថាប័ន យន្តការស្ថាប័ន និងក្របខ័ណ្ឌគតិយុត្តិផ្នែក វិទ្យាសាស្ត្រ បច្ចេកវិទ្យា និងនវានុវត្តន៍ សម្រាប់គាំទ្រប្រព័ន្ធអេកូនវានុវត្តន៍ជាតិ ដើម្បីធ្វើជាមូលដ្ឋាននៃការអភិវឌ្ឍវិស័យ ឯកជន និងរដ្ឋ ឱ្យបានប្រកបដោយជីវភាព និងគោលបំណងទី៤ ការបណ្តុះសង្គមឱ្យមានវប្បធម៌ ប្រកបដោយបរិយាប័ន្ន ដោយការកសាងទំនុកចិត្តសាធារណៈលើផលិតផល និងសេវាបច្ចេកវិទ្យាជាតិ និងការពេញចិត្តទៅលើលទ្ធផលនៃការខិតខំ និងការវិនិ យោគលើការអភិវឌ្ឍ ក៏ដូចជាទៅលើការកែទម្រង់អភិបាលកិច្ចផ្នែកវិទ្យាសាស្ត្រ បច្ចេកវិទ្យា និងនវានុវត្តន៍នេះ ៕អត្ថបទ៖ សុន រ៉ាឌី

នគរបាលបង្ហាញមុខ ក្រុមចោរ ០៧នាក់ ដែលតែងតែធ្វើសកម្មភាពលួចសម្ភារៈក្នុងរថយន្តពេលរាត្រី

ភ្នំពេញ៖ ជនសង្ស័យ ចំនួន៧នាក់ ត្រូវបាននគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញធ្វើសន្និសីទបង្ហាញមុខ ពាក់ព័ន្ធករណីលួចបើកទ្វាររថយន្តរបស់អ្នកដំណើរនៅពេលយប់ ដើម្បីលួចយកទ្រព្យសម្បត្តិ។នគរបាលការិយាល័យព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ នៅព្រឹកថ្ងៃទី ១១ ខែកញ្ញា ឆ្នាំ២០២០ បានធ្វើសន្និសីទសារព័ត៌មាន បង្ហាញមុខក្រុមជនសង្ស័យចំនួន ០៧នាក់ ដែលពាក់ព័ន្ធករណីលួចបើកទ្វាររថយន្តរបស់អ្នកដំណើរនៅពេលយប់ ដើម្បីលួចយកទ្រព្យសម្បត្តិ។នគរបាលការិយាល័យព្រហ្មទណ្ឌកំរិតស្រាល បានឱ្យដឹងថា ក្រុមជនសង្ស័យទាំង ០៧នាក់នេះ គឺបានប្រព្រឹត្តិបទល្មើស ដោយបើកទ្វាររថយន្តរបស់អ្នកដំណើរនៅពេលយប់ព្រលប់ ហើយលួចយកទ្រព្យសម្បត្តិក្នុងរថយន្ត ដែលមកដល់ពេលនេះ ក្រុមជនសង្ស័យ បានធ្វើសកម្មភាពលួចចំនួន៥ករណីជាបន្តបន្ទាប់ ដោយមានជនរងគ្រោះបានដាក់ពាក្យបណ្ដឹងជាហូរហែ ទើបកម្លាំងនគរបាលជំនាញនៃការិយាល័យព្រហ្មទណ្ឌកម្រិតស្រាលធ្វើការស៊ើបអង្កេតស្រាវជ្រាវរហូតឈានដល់ការឃាត់ខ្លួនជនសង្ស័យទាំង ០៧នាក់នេះយកមកសួរនាំ និងឈានដល់ការឃាត់ខ្លួនជនសង្ស័យទាំង៧នាក់ និងវត្ថុតាងម៉ូតូចំនួន៧គ្រឿងផងដែរ បន្ទាប់ពីកម្លាំងជំនាញបានស្រាវជ្រាវកាលពីយប់ថ្ងៃទី៩ និងថ្ងៃទី១០ ខែកញ្ញា ឆ្នាំ២០២០។នគរបាលព្រហ្មទណ្ឌ បានឱ្យដឹងថា ជនសង្ស័យទាំង៧នាក់ មានឈ្មោះ ងី កប ភេទប្រុស អាយុ ៣៧ឆ្នាំ មុខរបរបើករថយន្ត។ ឈ្មោះ ហ៊ុនណាត ប្រុសអាយុ៤៥ឆ្នាំ មុខរបរអ្នកសារព័ត៌មាន VBN។ ឈ្មោះ យិន ធី ហៅតឿ ភេទប្រុស អាយុ៣២ឆ្នាំ មុខរបរលក់ទិញទូរស័ព្ទ។ ឈ្មោះឆាយ សុផល ហៅយ៉ាម៉ា អាយុ៣៣ ឆ្នាំ មុខរបររត់ម៉ូតូឌុប។ ឈ្មោះ សំ សិលាចិត្រា អាយុ៤៤ឆ្នាំ មុខរបររត់ម៉ូតូឌុប។ ឈ្មោះ សួង ដែនខេត្ត អាយុ៣៦ឆ្នាំ មុខរបរអ្នកយកព័ត៌មានk01 និងឈ្មោះ ចែម សំណាង អាយុ៣៤ឆ្នាំ មុខរបរមិនពិតប្រាកដ។នគរបាលបានបន្ថែមថា ចំពោះជនសង្ស័យទាំង៧នាក់នេះ ត្រូវបានឃាត់ខ្លួនបណ្ដោះអាសន្ន ដើម្បីកសាងសំណុំរឿងបញ្ជូនខ្លួន និងវត្ថុតាងទៅកាន់អយ្យការអមសាលាដំបូងរាជធានីភ្នំពេញ ដើម្បីអនុវត្តតាមនីតិវិធីច្បាប់៕ អត្ថបទ៖ ម៉ឺន កុម្ភៈ

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា ខ្លួនបានបាញ់ទម្លាក់យានដ្រូន MQ-9 ផលិតនៅអាមេរិក នៅខេត្ត Hormozgan

សមាជិកសភាកោះតៃវ៉ាន់ អនុម័តថវិកាឆ្នាំ២០២៦ ក្រោយពន្យារពេលយ៉ាងយូរបំផុត

ចៅក្រមសម្រេចឃុំខ្លួនបណ្ដោះអាសន្នស្ដ្រីដែលជេរប្រមាថកងទ័ព

អ្នកបើកបាត់បង់ជីវិត បន្ទាប់ពីឧទ្ធម្ភាគចក្រធ្លាក់នៅភាគខាងកើតអាល្លឺម៉ង់

មន្ត្រី៖ អាមេរិកចង់ឱ្យលោក Netanyahu ថ្កោលទោសការឡោមព័ទ្ធរបស់អ្នកតាំងលំនៅ ក្នុងភូមិប៉ាឡេស្ទីន

ការលេចធ្លាយឧស្ម័នពុល បណ្ដាលឱ្យកម្មករយ៉ាងតិច ៨នាក់ស្លាប់ នៅរោងចក្ររុះរើនាវារបស់បង់ក្លាដែស

រុស្ស៊ីច្រានចោលគំនិតឱ្យមានបទឈប់បាញ់ នៅសមុទ្រខ្មៅ ក្រោយអ៊ុយក្រែនលើកឡើង

លោក Marcos មើលឃើញលទ្ធភាពមានកិច្ចព្រមព្រៀងប្រេង និងឧស្ម័នរួមជាមួយចិន តែមិនផ្តល់ពេលវេលាជាក់លាក់

រយៈពេល២ឆ្នាំ បទល្មើសឆ្លងដែនពីវៀតណាម ឡាវ មកកម្ពុជាមាន ១៣៥៥ករណី និងឃាត់ខ្លួនជនល្មើសជាង ២ពាន់នាក់

មជ្ឈមណ្ឌលបណ្តុះធុរកិច្ចថ្មីតេជោ ដាក់ឱ្យដំណើរការកម្មវិធីរដូវកាលទី៦ ដើម្បីប្រកួតប្រជែងប្រាក់លាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

រថយន្តដឹកស៊ីម៉ងត៍ ទម្ងន់១៥តោន បួងចង្កូតគេចពីម៉ូតូវ៉ាជែង បណ្ដាលឲ្យក្រឡាប់ផ្ងារជើង

ឃាត់ខ្លួនមុខសញ្ញា មេខ្យល់នាំចូលជនជាតិវៀតណាម ខុសច្បាប់មកកម្ពុជា៣នាក់បន្ថែមទៀត នៅស្រុកបូរីជលសារ

ក្រុមប្រឹក្សាជាតិកម្ពុជា ដើម្បីកុមារថ្កោលទោសចំពោះអ្នកធ្វើឲ្យកុមារកំព្រាម្នាក់ស្លាប់

មនុស្ស ៣នាក់ស្លាប់ក្នុងការវាយប្រហារភេរវកម្មនៅទីក្រុងវីយែនប្រទេសអូទ្រីស

បុណ្យអុំទូកបីថ្ងៃ ៖ ស្លាប់ ១៩នាក់ និងរបួស ៥៣នាក់ ដោយគ្រោះថ្នាក់ចរាចរណ៍

សេវាកម្មដឹកជញ្ជូនទំនិញ តាមផ្លូវគោកនៅកម្ពុជា ចាប់ផ្តើមងើបឡើង

នគរបាលប្រឆាំងបទល្មើសសេដ្ឋកិច្ចដុតកម្ទេចចោលនូវសាច់គ្រួចខុសច្បាប់ជាង២តោនដែលនាំចូលពីប្រទេសវៀតណាម

ជនជាតិចិន បង្កគ្រោះថ្នាក់ចរាចរណ៍ បើករត់គេចសមត្ថកិច្ច ឆែកឃើញគ្រឿងញៀន ជាច្រើនគីឡូ

តម្រូវការប្រព័ន្ធបច្ចេកវិទ្យា មានកាន់តែខ្លាំង ក្នុងការធ្វើពាណិជ្ជកម្ម នៅកម្ពុជា

នគរបាលបង្ហាញមុខ ក្រុមចោរ ០៧នាក់ ដែលតែងតែធ្វើសកម្មភាពលួចសម្ភារៈក្នុងរថយន្តពេលរាត្រី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

រថយន្ត​ដឹក​ស៊ីម៉ងត៍ ​ទម្ងន់​១៥​តោន ​បួង​ចង្កូត​គេច​ពី​ម៉ូតូ​វ៉ាជែង​ បណ្ដាល​ឲ្យ​​ក្រឡាប់​ផ្ងារជើង​

ក្រុមប្រឹក្សា​ជាតិ​កម្ពុជា​ ដើម្បី​កុមារ​ថ្កោលទោស​ចំពោះ​អ្នកធ្វើ​ឲ្យ​កុមារ​កំព្រា​ម្នាក់​ស្លាប់

មនុស្ស​ ៣​នាក់​ស្លាប់​ក្នុង​ការ​វាយ​ប្រហារ​ភេរវកម្ម​នៅ​ទីក្រុង​វី​យែ​ន​ប្រទេស​អូទ្រីស​

បុណ្យអុំទូក​បី​ថ្ងៃ ៖ ស្លាប់ ១៩​នាក់ និង​របួស ៥៣​នាក់ ដោយ​គ្រោះថ្នាក់​ចរាចរណ៍​

សេវាកម្ម​ដឹកជញ្ជូន​ទំនិញ ​តាម​ផ្លូវ​គោក​នៅ​កម្ពុជា ចាប់​ផ្តើម​ងើបឡើង

ជនជាតិចិន​ បង្កគ្រោះថ្នាក់ចរាចរណ៍ ​បើករត់គេចសមត្ថកិច្ច ឆែក​ឃើញគ្រឿងញៀន ជាច្រើនគីឡូ

តម្រូវការ​ប្រព័ន្ធ​បច្ចេកវិទ្យា​ មាន​កាន់តែខ្លាំង​ ក្នុង​ការធ្វើ​ពាណិជ្ជកម្ម ​នៅ​កម្ពុជា

នគរបាល​បង្ហាញមុខ​ ក្រុមចោរ​ ០៧​នាក់ ​ដែល​តែងតែ​ធ្វើ​សកម្មភាព​លួច​សម្ភារៈ​ក្នុង​រថយន្ត​ពេល​រាត្រី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រថយន្តដឹកស៊ីម៉ងត៍ ទម្ងន់១៥តោន បួងចង្កូតគេចពីម៉ូតូវ៉ាជែង បណ្ដាលឲ្យក្រឡាប់ផ្ងារជើង

ក្រុមប្រឹក្សាជាតិកម្ពុជា ដើម្បីកុមារថ្កោលទោសចំពោះអ្នកធ្វើឲ្យកុមារកំព្រាម្នាក់ស្លាប់

មនុស្ស ៣នាក់ស្លាប់ក្នុងការវាយប្រហារភេរវកម្មនៅទីក្រុងវីយែនប្រទេសអូទ្រីស

បុណ្យអុំទូកបីថ្ងៃ ៖ ស្លាប់ ១៩នាក់ និងរបួស ៥៣នាក់ ដោយគ្រោះថ្នាក់ចរាចរណ៍

សេវាកម្មដឹកជញ្ជូនទំនិញ តាមផ្លូវគោកនៅកម្ពុជា ចាប់ផ្តើមងើបឡើង

ជនជាតិចិន បង្កគ្រោះថ្នាក់ចរាចរណ៍ បើករត់គេចសមត្ថកិច្ច ឆែកឃើញគ្រឿងញៀន ជាច្រើនគីឡូ

តម្រូវការប្រព័ន្ធបច្ចេកវិទ្យា មានកាន់តែខ្លាំង ក្នុងការធ្វើពាណិជ្ជកម្ម នៅកម្ពុជា

នគរបាលបង្ហាញមុខ ក្រុមចោរ ០៧នាក់ ដែលតែងតែធ្វើសកម្មភាពលួចសម្ភារៈក្នុងរថយន្តពេលរាត្រី