BTV NEWS

ចៅក្រមសម្រេចឃុំខ្លួនបណ្ដោះអាសន្នស្ដ្រីដែលជេរប្រមាថកងទ័ព

តំណាងអយ្យការចោទប្រកាន់ស្ដ្រីជេរប្រមាថកងទ័ព ចំនួន២បទល្មើស គឺបទធ្វើឲ្យខូចទឹកចិត្តកងទ័ព និងប្រមាថចំពោះអ្នករាជការសាធារណៈ

នគរបាលប្រឆាំងការជួញដូរមនុស្ស និងការពារអនីតិជន បន្តចុះបង្ក្រាបទីតាំងឈ្មោះ «ដារ៉ា៧២» ពាក់ព័ន្ធករណីសង្ស័យបង្កប់សកម្មភាពកេងប្រវ័ញ្ចផ្លូវភេទលើអនីតិជន

នគរបាលរាជធានីបង្ហាញមុខក្រុមទំនើង ៣២នាក់ពាក់ព័ន្ធបទល្មើស ៦ករណីផ្សេងគ្នា

សន្តិសុខ និង សង្គម

មន្ត្រីជំនាញកាំកុងត្រូលដកហូតគ្រឿងកំប៉ុងហួសសុពលភាព និងមានសភាពខូចទ្រង់ទ្រាយដើម

កណ្ដាល ៖ មន្ត្រីជំនាញកាំកុងត្រូលខេត្តកណ្តាល បានរកឃើញគ្រឿងកំប៉ុងហួសសុពលភាព និងមានសភាពខូចទ្រង់ទ្រាយដើម នៅក្នុងផ្សារព្រែកអញ្ចាញ និងផ្សារការកោងដោយបានដកហូត បឺរកំប៉ុង ចំនួន២ឡូហួសកាលបរិច្ឆេទ និងគ្រឿងកំប៉ុងមួយចំនួនទៀត ដែលមានសភាពខួចទ្រង់ទ្រាយដើម។លោក អ៊ូ ម៉ានូរិន ប្រធានសាខាកាំកុងត្រូល ខេត្តកណ្តាល បានលើកឡើងនៅក្នុងកិច្ចសហការ រួមជាមួយ មន្ត្រីមន្ទីរពាណិជ្ជកម្មខេត្ត និងគណៈកម្មាការផ្សារបានចុះពិនិត្យគុណភាពមុខទំនិញ ដែលកំពុងចរាចរ ក្នុងផ្សារព្រែកអញ្ចាញ និងផ្សាររការកោង ក្នុងស្រុកមុខកំពូល ខេត្តកណ្តាល នៅថ្ងៃទី៣០ ខែសីហា ឆ្នាំ២០១៨កន្លងមកថា ក្រុមការងាររបស់សាខាកាំកុងត្រូល តែងតែចុះជាប្រចាំតាមបណ្តា ផ្សារនានាទូទាំងខេត្ត ដោយអនុលោមតាមច្បាប់ និងអនុក្រឹត្យ ស្តីពីច្បាប់គ្រប់គ្រងសុខភាព សុវត្ថិភាព ចំណីអាហារ ដែលមានសិទ្ធិស្របច្បាប់ ក្នុងការបំពេញភារកិច្ចរបស់ខ្លួន ដើម្បីធ្វើការត្រួតពិនិត្យ ទំនិញចម្រុះនៅតាមទីផ្សារក្នុងដែនសមត្ថកិច្ច។លោក បន្តថា ចុះពិនិត្យគុណភាពទំនិញក្នុងផ្សារព្រែកអញ្ចាញ និងផ្សាររការកោងនៅពេលនេះ គឺសំដៅពង្រឹងសុវត្ថិភាព គុណភាពលើម្ហូប និងចំណីអាហារឲ្យកាន់តែប្រសើរ ព្រោះបញ្ហាម្ហូបអាហារមានតម្រូវការជាប្រចាំ សម្រាប់ការហូបចុករបស់ប្រជាពលរដ្ឋគ្រប់ៗរូប។លោក បន្តថា នៅក្នុងការពិនិត្យគុណភាពនេះ ក្រុមមន្ត្រីជំនាញបានផ្តោតសំខាន់ទៅលើ អាហារកំប៉ុង និងផលិតផលផ្សេងៗ ដែលមានសភាពខួចគុណភាព កំពៀចកំប៉ោង និងហួសកាលបរិច្ឆេទ ដែល កំពុងចរាចរណ៍នៅលើទីផ្សារ ក្នុងគោលបំណងធានាឲ្យបាននូវសុវត្ថិភាពចំណីអាហារ សំរាប់ប្រជាពលរដ្ឋយកទៅប្រើប្រាស់ ដោយមិនប៉ះពាល់ដល់សុខភាពរបស់ពួកគាត់។លោក បន្តថា ដើម្បីជំរុញការផ្គត់ផ្គង់ចំណីអាហារ នៅតាមទីផ្សារមានគុណភាព លោក អ៊ូ ម៉ានូរិន បានក្រើនរំលឹកដល់អាជីវករទាំងអស់ ត្រូវលក់តែផលិតផលដែលមានសុវត្ថិភាព មានកាលបរិច្ឆេទត្រឹមត្រូវ ចៀសវាងប្រជាជនទិញយកទៅប្រើប្រាស់ នាំអោយប៉ះពាល់ដល់សុខភាពកើតជំងឺផ្សេងៗ ដែលជាដើមហេតុធ្វើឲ្យប្រជាជនត្រូវចំណាយថវិកាមួយផ្នែកផ្សេងទៀត ក្នុងការព្យាបាលជំងឺដែលបង្កឡើង ដោយចំណីមិនមានសុវត្ថិភាពនេះ៕

ពលរដ្ឋ ស្នើឱ្យអាជ្ញាធរចាត់វិធានការអ្នកចោលសំរាមចូលក្នុងទឹកស្ទឹងព្រែកត្នោត

ភ្នំពេញ ៖ នៅរៀងរាល់ពេលយប់ ជាពិសេសពេលជិតភ្លឺ គេតែងតែសង្កេតឃើញ នៅតាមដងស្ទឹងព្រែកត្នោត នៅក្នុងក្រុងតាខ្មៅ ខេត្តកណ្តាល គឺមានសំរាមដែលជាកាកសំណល់ ត្រូវបានគេយកទៅបោះចោលបណ្តែតហូរតាមផ្ទៃទឹកយ៉ាងរប៉ាត់រប៉ាយ ដែលបញ្ហានេះ ពលរដ្ឋនៅក្នុងមូលដ្ឋាន បានស្នើឱ្យអាជ្ញាធរចាត់វិធានការទប់ស្កាត់ការចោលសំរាមបែបអានាធិបតេយ្យ នេះ។ពលរដ្ឋនៅភូមិព្រែកតាពៅ សង្កាត់ដើមមៀន លោក អ៊ុន ណប់ បានថ្លែងប្រាប់BTVនៅថ្ងៃទី២៩ខែសីហា នេះថា ជនដែលយកសំរាមទៅបោះពង្រាយ បណ្តែតតាមទឹកនៅលើផ្ទៃទឹកស្ទឹងព្រែកត្នោតនេះ គឺជាជនខិលខូច។ ការបោះចោលសំរាមនៅលើផ្ទៃទឹកនោះ គឺភាគច្រើនគេរៀបចំជាកញ្ចប់ធំៗ បោះចោលនៅពេលយប់ នៅតាមបណ្តាស្ពាននានាដែលធ្វើឆ្លងកាត់ស្ទឹងព្រែកត្នោត។លោក អ៊ុន ណប់ និងប្រជាពលរដ្ឋ បាននិយាយថា ជារួមនៅក្នុងសង្កាត់ដើមមៀន មានរថយន្តប្រមូលសំរាម មកប្រមូលជារៀងរាល់ថ្ងៃ ហើយសម្រាប់លំនៅឋានណាដែលមិនបានបង់ថ្លៃប្រមូលសំរាមតម្លៃ៥០០០រៀលក្នុងមួយខែ គឺគេភាគច្រើន តែងតែឆ្លៀតឱកាសសំរាមខ្លួនទៅចោលក្នុងស្ទឹងព្រែកត្នោត ដែលបញ្ហានេះ ពលរដ្ឋបានអាជ្ញាធរបើកតាមត្រួតពិនិត្យបញ្ហាគ្រប់គ្រងសំរាមនេះ។ប្រធានមន្ទីរបរិស្ថាន ខេត្តកណ្តាល លោក អូម ផាត់ បានប្រាប់BTVថា បញ្ហាចោលសំរាមបែបអានាធិបតេយ្យនេះនៅតាមស្ទឹងព្រែកត្នោត និងទីសាធារណៈនានាទៀត លោកនឹងចាត់មន្ត្រីចុះតាមដានឃ្លាំមើល ហើយនឹងហៅគេមកណែនាំ អប់រំឲ្យដឹងពីបញ្ហាបរិស្ថាន និងការគ្រប់គ្រងសំរាមនេះ។លោក ថា កន្លងមក ក្រសួងមហាផ្ទៃ និងក្រសួងបរិស្ថាន បានប្រកាសឲ្យប្រជាពលរដ្ឋ រួមសហការជាមួយអាជ្ញាធរមូលដ្ឋានរបស់ខ្លួន រួមគ្នាអនុវត្តអនុក្រឹត្យស្តីពីការគ្រប់គ្រងសំរាម និងសំណល់រឹងនៅទីប្រជុំជន ឲ្យបានគ្រប់ៗ គ្រប់គ្នា ដើម្បីរួមគ្នាថែរក្សាសម្អាតបរិស្ថាន នៅក្នុងមូលដ្ឋានឲ្យមានភាពល្អប្រសើរ។នៅក្នុងអនុក្រឹត្យនោះ ក៏បានកំណត់ថា សម្រាប់បុគ្គលដែលមិនគោរពការញែក វេចខ្ចប់សំរាម បែងចែកសំរាម និងដាក់ទុកសំរាមចោលតាមដងផ្លូវ មិនសមស្របតាមពេលវេលាដែលបានកំណត់ និងបោះចោលសំរាមតាមទីសាធារណៈ តាមដងផ្លូវ ការដុតសំរាមនៅទីប្រជុំជនសាធារណៈ មិនបានត្រឹមត្រូវ ម្ចាស់អ្នកគ្រប់គ្រងផ្សារ ទីតាំងអាជីវកម្ម ក្រុមហ៊ុនសហគ្រាសជាដើម ដែលមិនរៀបចំមានធុងសម្រាមត្រឹមត្រូវ ការវេចខ្ចប់ដោយមានលាយ ជាមួយសំណល់រឹងឧស្សាហកម្ម ឬសំណល់រឹងគ្រោះថ្នាក់ នឹងត្រូវទទួលបានការផាក ពិន័យជាប្រាក់ចាប់ពី១ម៉ឺនរៀល ទៅ២០ម៉ឺនរៀលទៅតាមប្រភេទសំរាម ។ ក្នុងករណីបុគ្គលបង់ប្រាក់ ពិន័យមិនតាមពេលវេលាកំណត់ ការពិន័យនឹងត្រូវបង់ពិន័យកើនចំនួនពី២ដង ទៅ៣ដង ហើយបើមិនបង់ក្នុងរយៈពេល៩០ថ្ងៃ អាជ្ញាធរនឹងរៀបចំសំណុំឯកសារប្តឹងទៅតុលាការ ៕

លោក សួស សុវណ្ណា មេបញ្ជាការរងស្រុកសន្ទុក បុកយុវជន២នាក់ស្លាប់ ! មតិពលរដ្ឋ...! ចាប់អត់បាន ឬ មិនចង់ចាប់ ?

កំពង់ធំ ៖ សមត្ថកិច្ចនៅពុំទាន់អាចចាប់ខ្លួនលោក សួស សុវណ្ណា ជាមេបញ្ជាការងកងអាវុធហត្ថស្រុកសន្ទុក និង ជាប្រធានស្នាក់ការសន្តិសុខ៦០១ បាននៅឡើយទេ រហូតមកដល់ថ្ងៃទី៣០ ខែសីហានេះ ។ប្រជាពលរដ្ឋ លើកឡើងថា សមត្ថកិច្ច ចាប់អត់បាន ឬ មិនចង់ចាប់ ព្រោះជាសមត្ថកិច្ចដូចគ្នា ។ ប៉ុន្តែសង្ឃឹមថា យុត្តិធម៌ពិតជាមានសម្រាប់គ្រួសារនៃសព។ ក្នុងនាម ជាមន្ត្រីនគរបាលយុត្តិធម៌ បុកយុវជន២នាក់ស្លាប់ ហើយជិះរត់គេចខ្លួន , មជ្ឈដ្ឋានជាច្រើន សង្ឃឹមនិងជឿជាក់ ថា ច្បាប់នឹងមិនលើកលែងឱ្យបុគ្គលរូបនេះឡើយ ។សូមបញ្ជាក់ថា ហេតុការណ៍គ្រោះថ្នាក់ចរាចរនេះ កើតឡើងកាលពីថ្ងៃ២៥ ខែសីហា លើផ្លូវទំនប់ ចំណុចទឹកវឹល ភូមិផ្លុង ឃុំទីពោធិ៍ ស្រុកសន្ទុក ខេត្តកំពង់ធំ ។គ្រោះថ្នាក់ចរាចររវាងរថយន្តកិនម៉ូតូ បើកបរក្នុងទិសដៅផ្ទុយគ្នា បណ្តាលឱ្យស្លាប់មនុស្ស២នាក់ ។អ្នកបើកបរម៉ូតូម៉ាក ហុងដាឌ្រីមសង់សេ១២៥ ពណ៌ខ្មៅ ផ្លាកលេខ កំពង់ធំ 1J.5120 បើកបរទិសដៅពីលិចទៅកើត ដោយឈ្មោះគង់ មករា ភេទប្រុស អាយុ១៨ឆ្នាំ រស់នៅភូមិតាំងក្រសាំង ឃុំតាំងក្រសាំង ស្រុកសន្ទុក ខេត្តកំពង់ធំ ពាក់មួកសុវត្ថិភាព ស្លាប់នៅកន្លែងកើតហេតុ អ្នករួមដំណើរឈ្មោះ ហេង គឹមហាន ភេទប្រុស អាយុ១៩ឆ្នាំ ភូមិវាំងខាងត្បូង ឃុំតាំងក្រសាំង ស្រុកសន្ទុក ខេត្តកំពង់ធំ ស្លាប់នៅកន្លែងកើតហេតុ មិនពាក់មួកសុវត្ថិភាព ។ចំណែកអ្នកបើកបរ រថយន្តម៉ាកឡិចស៊ីច Lx470 ពណ៌ស ផ្លាកលេខ កំពង់ធំ 2B.0601 បើកបរទិសដៅពីកើតទៅលិច ដោយឈ្មោះ សួស សុវណ្ណា ភេទប្រុស អាយុ៤៩ឆ្នាំ រស់នៅភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ ជាមេបញ្ជាការ រងកងអាវុធហត្ថស្រុកសន្ទុក និងជាប្រធានស្នាក់ការសន្តិសុខ៦០១ ជិះគេចខ្លួនពីកន្លែងកើតហេតុ ៕

ព្យុះNOUL បង្កជាប់គាំងការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍មួយចំនួនក្នុងឱកាសភ្ជុំបិណ្ឌ

ភ្នំពេញ៖ ឥទ្ធិពលព្យុះទី១១មានឈ្មោះថា NOUL(នូល) ដែលបាននាំទឹកភ្លៀងធ្លាក់ខ្លាំង និងខ្យល់បោកបក់ខ្លាំង មកលើប្រទេសកម្ពុជា ចាប់ពីថ្ងៃទី១៨ ដល់ថ្ងៃទី២០ ខែកញ្ញា ឆ្នាំ២០២០នេះ គឺបានបង្កអោយប៉ះពាល់ការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍សំខាន់ៗមួយចំនួន ជាពិសេសគោលដៅទេសចរណ៍ខេត្តព្រះសីហនុ បាត់ដំបង និងខេត្តសៀមរាបជាដើម។បើតាមឯកឧត្ដម តុប សុភ័ក រដ្ឋលេខាធិការ និងជាអ្នកនាំពាក្យក្រសួងទេសចរណ៍ បានថ្លែងប្រាប់BTV នៅថ្ងៃទី២១ ខែកញ្ញានេះថា នៅក្នុងអំឡុងពេលកម្ពុជា បានជួបរងនូវឥទ្ធិពលព្យុះ NOUL បានធ្វើអោយការធ្វើដំណើរកម្សាន្តនៃភ្ញៀវទេសចរក្នុងស្រុក នៅក្នុងឱកាសថ្ងៃឈប់សំរាកបុណ្យភ្ជុំបិណ្ឌចំនួន៣ថ្ងៃ និងថ្ងៃឈប់សម្រាកចុងសប្តាហ៍ចំនួន២ថ្ងៃនេះ បានជាប់គាំង ជាពិសេសបណ្តាភ្ញៀវទេសចរដែលធ្វើដំណើរទៅលេងកម្សាន្តនៅតាមបណ្តាកោះនានា នៅក្នុងខេត្តព្រះសីហនុ និងគោលដៅទេសចរណ៍មួយចំនួនទៀត នៅខេត្តបាត់ដំបងជាដើម។ឯកឧត្ដម តុប សុភ័ក បន្តថា ទោះយ៉ាងណាក៏ដោយនៅក្នុងឱកាសថ្ងៃឈប់សម្រាកបុណ្យភ្ជុំបិណ្ឌ ៣ថ្ងៃ នៅទូទាំងប្រទេសមានភ្ញៀវទេសចរក្នុងចេញដើរកម្សាន្តនៅតាមគោលដៅទេសចរណ៍នានា មានប្រមាណជាង១លាន១សែននាក់ ហើយរហូតមកដល់ថ្ងៃឈប់សម្រាកចុងសប្ដាហ៍ពីរថ្ងៃនេះទៀត គឺមានភ្ញៀវទេសចរចេញដើរកម្សាន្តបានកើនឡើង ប្រមាណ១លាន៥សែននាក់។ឯកឧត្ដម បន្តថា បច្ចុប្បន្ននៅទូទាំងប្រទេសគោលដៅទេសចរណ៍រួមមាន រមណីយដ្ឋានទេសចរណ៍ សហគមន៍ទេសចរណ៍ សហគមន៍អេកូទេសចរណ៍ និងតំបន់ដែលមានសក្តានុពលទេសចរណ៍ គឺមានប្រមាណ៥៥៧គោលដៅទេសចរណ៍ដែលអាចអោយភ្ញៀវទេសចរទៅទស្សនាកម្សាន្តបាន។ដោយឡែកបញ្ហាតម្លៃសេវានៅតាមគោលដៅទេសចរណ៍ ជារួមឯកឧត្តម បានវាយតំលៃថា គឺមានគ្រប់គ្រងបានល្អជាងមុនច្រើន ពីសំណាក់អាជ្ញាធរមូលដ្ឋាន ពោលគឺតំលៃលក់ម្ហូបអាហារ សេវាធ្វើដំណើរកម្សាន្ត និងការស្នាក់នៅជាដើម គឺភាគច្រើនមិនមានតំឡើងថ្លៃខ្ពស់ នៅក្នុងអំឡុងពេលឈប់សម្រាកកន្លងមកនេះទេ៕ អត្ថបទ៖ ស៊ុម សុខជា

អ្នកជំនាញទេសចរណ៍ជំរុញអោយមានការដាំដើមឈើនិងការពារបរិស្ថានបន្ថែម

ភ្នំពេញ៖ អ្នកជំនាញទេសចរណ៍និងធ្វើការងារលើវិស័យទេសចរណ៍រួមគ្នាចុះដាំដើមឈើតាមសាលារៀន និងរើសសំរាមនៅតាមទីសាធារណៈក្នុងគោលបំណងជួយការពារជួយលើកស្ទួយបរិស្ថាន និងផ្ដល់ជាគំរូដល់ប្រជាពលរដ្ឋនិងកុមារអោយស្រលាញ់បរិស្ថាន។ការចុះដាំដើមឈើ និងរើសសំរាមនេះ ធ្វើឡើងនៅថ្ងៃទី ២៥–២៦ ឧសភា ឆ្នាំ២០១៩ ដឹកនាំដោយ លោក ហូ វណ្ឌី ទីប្រឹក្សាសមាគមភ្នាក់ងារទេសចរណ៍កម្ពុជា និងជាប្រធានក្រុមហ៊ុនទេសចរណ៍ World Express រួមទាំងបុគ្គលិករបស់ខ្លួនជាច្រើននាក់ទៀតចុះដាំដើមឈើ នៅទីតាំងសាលារៀន ក្នុងខេត្តកណ្ដាល និងនៅខេត្តកំពង់ស្ពឺ និងមានការចុះរើសសំរាម នៅតាមទីផ្សារសាធារណៈក្នុងខេត្តកំពង់ស្ពឺ ហើយបន្តរើសសំរាមនៅទីតាំងរមណីយដ្ឋានឧទ្យានជាតិគីរីរម្យផងដែរ។លោក ហូ វណ្ឌី បញ្ជាក់ថា ការរៀបចំអោយមានសកម្មភាពសង្គមនេះ ទោះបីពុំអាចជួយសម្អាតបានច្រើននោះក្ដី តែវាជាផ្នែកមួយជួយ បណ្ដុះគំនិតអោយកុមារ និងពលរដ្ឋចេះស្រលាញ់បរិស្ថាន រួមគ្នាសំអាតបរិស្ថាន ដើម្បីផលប្រយោជន៍រួម។ លោកបន្តថា ការលើកស្ទួយបរិស្ថាន អនាម័យនេះ ជារឿងទាមទារអោយមានការចូលរួមពីបុគ្គលគ្រប់រូប ដោយចាប់ផ្ដើមពីខ្លួនឯង ដើម្បីសោភ័ណ្ឌភាព ផាសុខភាព ក៏ដូចជាលើកស្ទួយក្នុងវិស័យទេសចរណ៍។សម្រាប់ការបំពេញការងារសង្គមបែបនេះ ក៏ទទួលបានការសាទរពី ពលរដ្ឋដែលមកកំសាន្តនៅរមណីយដ្ឋានឧទ្យានជាតិគីរីរម្យ។ ពួកគាត់លើកឡើងថា ការធ្វើបែបនេះជារឿងប្រសើរ ជាគំរូដល់អ្នកមកកំសាន្តចេះ រក្សាទុកសំរាមរបស់ខ្លួនបានត្រឹមត្រូវ។បន្ទាប់ពីការធ្វើការងារសង្គមនេះ លោក ហូ វណ្ឌី ក៏បានឧបត្ថម្ភសម្ភារៈ និងភេសជ្ជៈមួយចំនួន ដល់សាលារៀន ដូង នៅគីរីរម្យ ដោយការផ្ដល់ជូននេះ ជាការលើកទឹកចិត្តដល់ការបង្កើតសាលា ផ្ដល់ការអប់រំដល់កុមារដោយមិនគិតថ្លៃ ថែមទាំងបណ្ដុះគំនិតស្រលាញ់បរិស្ថាន ចែថែទាំ និងកែឆ្នៃសំរាមធ្វើជារបស់ប្រើប្រាស់ផ្សេងៗ៕

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា ខ្លួនបានបាញ់ទម្លាក់យានដ្រូន MQ-9 ផលិតនៅអាមេរិក នៅខេត្ត Hormozgan

សមាជិកសភាកោះតៃវ៉ាន់ អនុម័តថវិកាឆ្នាំ២០២៦ ក្រោយពន្យារពេលយ៉ាងយូរបំផុត

ចៅក្រមសម្រេចឃុំខ្លួនបណ្ដោះអាសន្នស្ដ្រីដែលជេរប្រមាថកងទ័ព

អ្នកបើកបាត់បង់ជីវិត បន្ទាប់ពីឧទ្ធម្ភាគចក្រធ្លាក់នៅភាគខាងកើតអាល្លឺម៉ង់

មន្ត្រី៖ អាមេរិកចង់ឱ្យលោក Netanyahu ថ្កោលទោសការឡោមព័ទ្ធរបស់អ្នកតាំងលំនៅ ក្នុងភូមិប៉ាឡេស្ទីន

ការលេចធ្លាយឧស្ម័នពុល បណ្ដាលឱ្យកម្មករយ៉ាងតិច ៨នាក់ស្លាប់ នៅរោងចក្ររុះរើនាវារបស់បង់ក្លាដែស

រុស្ស៊ីច្រានចោលគំនិតឱ្យមានបទឈប់បាញ់ នៅសមុទ្រខ្មៅ ក្រោយអ៊ុយក្រែនលើកឡើង

លោក Marcos មើលឃើញលទ្ធភាពមានកិច្ចព្រមព្រៀងប្រេង និងឧស្ម័នរួមជាមួយចិន តែមិនផ្តល់ពេលវេលាជាក់លាក់

រយៈពេល២ឆ្នាំ បទល្មើសឆ្លងដែនពីវៀតណាម ឡាវ មកកម្ពុជាមាន ១៣៥៥ករណី និងឃាត់ខ្លួនជនល្មើសជាង ២ពាន់នាក់

មជ្ឈមណ្ឌលបណ្តុះធុរកិច្ចថ្មីតេជោ ដាក់ឱ្យដំណើរការកម្មវិធីរដូវកាលទី៦ ដើម្បីប្រកួតប្រជែងប្រាក់លាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

មន្ត្រីជំនាញកាំកុងត្រូលដកហូតគ្រឿងកំប៉ុងហួសសុពលភាព និងមានសភាពខូចទ្រង់ទ្រាយដើម

ពលរដ្ឋ ស្នើឱ្យអាជ្ញាធរចាត់វិធានការអ្នកចោលសំរាមចូលក្នុងទឹកស្ទឹងព្រែកត្នោត

លោក សួស សុវណ្ណា មេបញ្ជាការរងស្រុកសន្ទុក បុកយុវជន២នាក់ស្លាប់ ! មតិពលរដ្ឋ...! ចាប់អត់បាន ឬ មិនចង់ចាប់ ?

ព្យុះNOUL បង្កជាប់គាំងការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍មួយចំនួនក្នុងឱកាសភ្ជុំបិណ្ឌ

អ្នកជំនាញទេសចរណ៍ជំរុញអោយមានការដាំដើមឈើនិងការពារបរិស្ថានបន្ថែម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

មន្ត្រី​ជំនាញ​កាំកុងត្រូល​ដកហូត​គ្រឿង​កំប៉ុង​ហួស​​សុពលភាព​ និង​មាន​សភាព​ខូច​ទ្រង់ទ្រាយ​ដើម

ពលរដ្ឋ ស្នើឱ្យ​អាជ្ញាធរ​ចាត់វិធានការ​អ្នក​ចោល​សំរាម​ចូល​ក្នុង​ទឹកស្ទឹង​ព្រែក​ត្នោត

អ្នកជំនាញ​ទេសចរណ៍​ជំរុញ​អោយមាន​ការដាំ​ដើមឈើ​និង​ការពារ​បរិស្ថាន​បន្ថែម​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មន្ត្រីជំនាញកាំកុងត្រូលដកហូតគ្រឿងកំប៉ុងហួសសុពលភាព និងមានសភាពខូចទ្រង់ទ្រាយដើម

ពលរដ្ឋ ស្នើឱ្យអាជ្ញាធរចាត់វិធានការអ្នកចោលសំរាមចូលក្នុងទឹកស្ទឹងព្រែកត្នោត

អ្នកជំនាញទេសចរណ៍ជំរុញអោយមានការដាំដើមឈើនិងការពារបរិស្ថានបន្ថែម