BTV NEWS

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ និង ការអភិវឌ្ឍន៍

តំណាងនៃមាតាសន្តិភាពពិភពលោក ថាសម្តេចតេជោ ហ៊ុន សែន ជាមេដឹកនាំគំរូមិនសម្រាប់តែប្រទេសកូរ៉េទេ

ភ្នំពេញ៖ ក្នុងខណៈពេលដែលសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យលោកលោកបណ្ឌិត យុង យ៉ុងហូ អគ្គនាយកសហព័ន្ធសន្តិភាពសកល (UPF) និងជាបេសកជនពិសេសរបស់ លោកជំទាវបណ្ឌិត ហាក់ចាហាន់មូន ជាមាតានៃសន្តិភាពពិភពលោក ចូលជួប សម្ដែង ការគួរសម និង ពិភាក្សាការងារ នៅវិមានសន្តិភាព ។ ទីស្តីការនាយករដ្ឋមន្ត្រីនាព្រឹកថ្ងៃទី២០តុលានេះ លោកបណ្ឌិត យុងហូ បានសម្ដែងនូវការអបអរសាទរជូនចំពោះសម្តេចតេជោ ដែលបានចាក់វ៉ាក់សាំង ជូនប្រជាជនកម្ពុជាជាង៩០% ហើយលោកបានមានប្រសាសន៍ថា នេះជាគំរូ នៃការដឹកនាំមិនសម្រាប់តែប្រទេសកូរ៉េទេ គឺសម្រាប់ពិភពលោកទាំងមូលផងដែរ។ លោកក៏បានគោរពពាំនាំនូវការសួរសុខទុក្ខផង និងក្ដីគោរពផងពីលោកជំទាវបណ្ឌិត ហាក់ចាហានមូន និងបានសម្ដែង នូវអំណរគុណយ៉ាងជ្រាលជ្រៅជូនចំពោះសម្តេចតេជោដែលបានសម្រេចចូលរួមកិច្ចប្រជុំកំពូលជាលើកដំបូងនៅឧបទ្វីបកូរ៉េ។ ជាការឆ្លើយតប សម្តេចតេជោបានស្វាគមន៍ និងថ្លែងអំណរគុណចំពោះការពាំនាំ នូវការសួរសុខទុក្ខ និង ក្តីនឹ ក រឭក ពីលោកជំទាវ ហាក់ចាហានមូន ។ សម្តេចក៏បានផ្តល់ជូនបណ្ឌិត យុង ហូ នូវទស្សនវិស័យ ពាក់ព័ន្ធនឹង កិច្ចប្រជុំកំពូល ដែលបាននិងកំពុងរៀបចំដោយសម្តេចបានផ្តល់ជូននូវគំនិតផ្ដួចផ្ដើមមួយចំនួនសម្រាប់កិច្ចប្រជុំកំពូលផង និង សម្រាប់កិច្ចសហប្រតិបត្តិការរបស់អង្គការ UPF ទាំងក្នុងក្របខណ្ឌ នៃឥណ្ឌូ-ប៉ាស៊ីហ្វិច និងក្របខ័ណ្ឌមេគង្គផង ហើយ ជាទីបញ្ចប់ សម្តេចបានថ្លែងអំណរគុណសាជាថ្មី និងបានផ្តាំផ្ញើសួរសុខទុក្ខដោយក្ដីគោរពជូនចំពោះលោកជំទាវ ហាក់ ចាហានមូន ផងដែរ៕អត្ថបទ៖ មុត សុទ្ធ

កម្ពុជាបើកកិច្ចប្រជុំកំពូលឧត្តមមន្ត្រីអាស៊ាន ទទួលបន្ទុកវប្បធម៌ និងសិល្បៈលើកទី១៧

ភ្នំពេញ ៖ ក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា ស្ថិតក្រោមសសរស្ដម្ភសហគមន៍សង្គម-វប្បធម៌អាស៊ាន នៅព្រឹកថ្ងៃទី២០ ខែតុលា ឆ្នាំ២០២១នេះ បានបើកកិច្ចប្រជុំកំពូលឧត្តមមន្ត្រីអាស៊ាន ទទួលបន្ទុកវប្បធម៌ និងសិល្បៈលើកទី១៧ និងកិច្ចប្រជុំពាក់ព័ន្ធជាមួយដៃគូសន្ទនាសាធារណរដ្ឋប្រជាមានិតចិន-ជប៉ុន និងសាធារណរដ្ឋកូរ៉េ សម្រាប់ការចូលរួមរបស់អ្នកនៅក្នុងកិច្ចប្រជុំ SOMCA លើកទី១៧នេះ និងកិច្ចប្រជុំពាក់ព័ន្ធជាមួយដៃគូសន្ទនា។លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានរដ្ឋមន្ត្រីអាស៊ានទទួលបន្ទុកវប្បធម៌ និងសិល្បៈ ថ្លែងសុន្ទរកថា បើកតាមរយៈប្រព័ន្ធវីដេអូ យ៉ាងដូច្នេះថា រហូតមកដល់ពេលនេះយើងអាចកែសម្រួលខ្លួនយើងទៅរកភាពធម្មតាថ្មី ខណៈពេលកំពុងបន្តការងាររបស់យើងតាមអ៊ីនធឺណិត។ កិច្ចប្រជុំ SOMCA លើកទី ១៧ និងកិច្ចប្រជុំពាក់ព័ន្ធជាមួយដៃគូសន្ទនាឥឡូវនេះកំពុងប្រព្រឹត្តទៅនៅព្រះរាជាណាចក្រកម្ពុជាទឹកដី នៃបេតិកភណ្ឌវប្បធម៌ដ៏សំបូរបែប និងអរិយធម៌ស្នូលមួយ នៃសហស្សវត្ស អាស៊ី។ ក្រសួងវប្បធម៌ និងវិចិត្រសិល្បៈមានកិត្តិយសដ៏ធំធេងក្នុងការសន្មតថាខ្លួន នឹងធ្វើជាម្ចាស់ផ្ទះនៃកិច្ចប្រជុំសំខាន់ៗទាំងនេះតាមរយៈVideo Conference ចំពេល មានការរំខាននៃសកម្មភាពដោយសារការរីករាលដាលនៃជំងឺកូវីដ-១៩។ក្នុងស្មារតីនៃការរីកចំរើន នៃវប្បធម៌ដ៏សំបូរបែប លោកជំទាវបណ្ឌិតសភាចារ្យ បានបង្ហាញពីគោលការណ៍សំខាន់ៗមួយចំនួននៃកិច្ចសហប្រតិបត្តិការអាស៊ាន ថា នៅក្នុងប្រទេសកម្ពុជា អនុវត្តតាមគោលនយោបាយជាតិ របស់យើងលើវប្បធម៌ ដោយផ្អែកលើគោលគំនិត“ អភិរក្សដើម្បីអភិវឌ្ឍន៍ និងអភិវឌ្ឍន៍ ដើម្បីអភិរក្ស” ដែលជាប្លង់មេច្បាស់លាស់នៅក្នុងយុទ្ធសាស្ត្រដើម្បីជំរុញកំណើនសេដ្ឋកិច្ចនិងសង្គម ស្របពេលជាមួយគ្នាការពារបេតិកភណ្ឌវប្បធម៌របស់យើងសម្រាប់ការអភិវឌ្ឍ ប្រកបដោយចីរភាព និងរួមបញ្ចូល រាជរដ្ឋាភិបាលក្រោមការដឹកនាំដ៏ត្រចះត្រចង់របស់សម្តេចតេជោ ហ៊ុន សែន នាយករដ្ឋមន្ត្រី បានចាត់ទុកថាវប្បធម៌គឺជាខ្លឹមសារសំខាន់នៃព្រលឹងជាតិ និងអត្តសញ្ញាណរបស់យើងដែលជាទ្រព្យសម្បត្តិ ដ៏មានតម្លៃមិនអាចកាត់ថ្លៃបានដែលជាមូលដ្ឋានគ្រឹះដ៏រឹងមាំសម្រាប់ សន្តិភាព និងភាពសុខដុមរមនាក្នុងសង្គមគ្មានការរើសអើងឡើយខណៈធ្វើជាស្ពានតភ្ជាប់មនុស្សទៅមនុស្សនៅក្នុងសហគមន៍អាស៊ាន និងដៃគូសន្ទនា។លោកជំទាវ បណ្ឌិតសភាចារ្យ បានបន្ថែមទៀតថា ក្នុងការអនុវត្តចក្ខុវិស័យនេះ រាជរដ្ឋាភិបាលបានបង្កើតនូវពាក្យស្លោកថា“ រដ្ឋជាអ្នកគាំទ្រ និងអ្នកការពារដៃគូឯកជន គឺជាអ្នកអនុវត្ត” ។ កិច្ចសហប្រតិបត្តិការក្នុងភាពជាដៃគូរវាងរដ្ឋ និងឯកជននៅគ្រប់កម្រិតពាក់ព័ន្ធ នឹងសង្គមស៊ីវិលអង្គការជាតិ- អន្តរជាតិ ហើយជាការពិតសិល្បករនិងក្រុមល្ខោននីមួយៗធ្វើការរួមគ្នាដើម្បីឈានទៅមុខនិងសម្រេចបាននូវគោលដៅដ៏ថ្លៃថ្នូរប្រទេសកម្ពុជា ៖ ព្រះរាជាណាចក្រនៃវប្បធម៌។ យើងក៏មានផ្នែកសំខាន់និងជាក់លាក់នៃកិច្ចសហប្រតិបត្តិការ និងភាពជាដៃគូរឹងមាំនៅក្នុងក្របខ័ណ្ឌទ្វេភាគីនិងពហុភាគីដើម្បីសម្រេចបាននូវការកសាងសហគមន៍អាស៊ាន ២០២៥ របស់យើងនិងដើម្បីភាពរុងរឿងសម្រាប់ប្រជាជនយើងទាំងអស់គ្នា។លោកជំទាវ បណ្ឌិត សភាចារ្យ ភឿង សកុណា សង្ឃឹមថាកិច្ចប្រជុំ SOMCA និង SOMCA លើកទី ១៧ ជាមួយដៃគូសន្ទនានឹងក្លាយជាការពិភាក្សាប្រកបដោយផ្លែផ្កាក្នុងស្មារតីប្រពៃណីនៃសាមគ្គីភាពនិងមិត្តភាពអាស៊ាន។ លោកជំទាវ ក៏សូមជូនពរឯកឧត្តម លោកជំទាវ មន្ត្រីជាន់ខ្ពស់អាស៊ានទទួលបន្ទុកវប្បធម៌ និងសិល្បៈនៃប្រទេសជាសមាជិកអាស៊ាន និងដៃគូសន្ទនាមកពីសាធារណរដ្ឋប្រជាមានិតចិន-ជប៉ុន និងកូរ៉េ ប្រកបដោយជោគជ័យសុខភាពល្អបរិបូរណ៍ និងការយកឈ្នះកូវីដ-១៩ ។ សូមឱ្យអ្នកមានសុវត្ថិភាព និងមានសុខភាពល្អពីជំងឺរាតត្បាត និងសូមជូនពរឱ្យកិច្ចប្រជុំ SOMCA លើកទី១៧ និងកិច្ចប្រជុំពាក់ព័ន្ធជាមួយដៃគូសន្ទនាទទួលបាននូវបទពិសោធន៍រីករាយនិងលទ្ធផលជោគជ័យ៕អត្ថបទ រដ្ឋា

ស្ថានភាពទឹកទន្លេមេគង្គកំពង់ចាមបន្តឡើងទៀតហើយ

កំពង់ចាម ៖ ប្រជាពលរដ្ឋ រស់នៅតាមដងទន្លេមេគង្គ ខេត្តកំពង់ចាម លើកឡើងថា លំបាកសន្និដ្ឋានណាស់ លើបញ្ហាស្ថានភាពទឹកទន្លេមេគង្គ ពីព្រោះថា តាមចំណាំរដូវនេះ គឺជារដូវទឹកសម្រក ដែលឈានទៅធ្វើការដាំដុះទៅហើយ តែបែរជាទឹកទន្លេ បានឡើងទៅវិញ។បើតាមប្រភពពីប្រជាពលរដ្ឋ រស់នៅតាមដងទន្លេមេគង្គ នៅក្នុងភូមិសាស្ត្រ ខេត្តកំពង់ចាម ស្ថិតនៅឃុំកោះសូទិន ស្រុកកោះសូទិន បានលើកឡើងស្រដៀងៗគ្នាថា លំបាកសន្និដ្ឋានណាស់ អំពីស្ថានភាពកម្ពស់ទឹកទន្លេមេគង្គ នាបច្ចុប្បន្ននេះ ពោលគឺ វាខុសប្លែកពីបណ្តាឆ្នាំមុនៗឆ្ងាយណាស់ ។យ៉ាងណាមិញពួកគាត់មិននឹកស្មានថា ទឹកទន្លេមេគង្គ បានឡើងមកវិញ នារដូវទឹកសម្រក ខណៈដែលប្រជាពលរដ្ឋ ជាច្រើនគ្រួសារ បានចាប់ផ្តើមដាំដុះមុខដំណាំនានា នារដូវទឹកសម្រក ដូចជា ៖ ឪឡឹក ត្រសក់ ម្រះ ពោត ប៉េងប៉ោះ ជាដើម ។ ប្រភពពីបងប្អូនប្រជាពលរដ្ឋ នៅក្នុងឃុំកោះសូទិន បានឲ្យដឹងទៀតថា ប្រសិនបើទឹកតូចពេកមិនលិចចូលភូមិ ក៏ដូចជា ផ្ទៃដីស្រែ ចំការ របស់ពួកគាត់ទេ គឺមានការលំបាកហើយ ពីព្រោះថា បើទឹកទន្លេឡើងតូច គឺមិនបាននាំដីល្បាប់គ្រប់គ្រាន់ សម្រាប់ការងារបង្កបង្កើនផល របស់ពួកគាត់នោះឡើយ ក្រៅពីនោះ វាធ្វើឲ្យដីរឹង លំបាកភ្ជួររាស់ សំបូរស្មៅ និងកើតសត្វចង្រៃច្រើនទៀតផង ។បើយោងតាមរបាយការណ៍ របស់ លោក អ៊ុម វិបុល ប្រធានមន្ទីរធនធានទឹក និងឧតុនិយមខេត្តកំពង់ចាម បានបញ្ជាក់ថា នៅថ្ងៃទី២០ ខែតុលា ឆ្នាំ២០២១នេះ ស្ថានភាពកម្ពស់ទឹកទន្លេមេគង្គ បានបន្តហក់ឡើងសារជាថ្មី ដល់កម្ពស់ ១១,៦០ម៉ែត្រ ធៀបទៅនឹងថ្ងៃម្សិលមិញទឹកឡើង ០,៦៥ម៉ែត្រ បើធៀបទៅនឹងកម្រិតកម្ពស់ទឹក ក្នុងឆ្នាំ២០២០ មានកម្ពស់ ១១,៩៥ម៉ែត្រ ។ ដោយឡែក បើធៀបទៅនឹងកម្រិតទឹកទន្លេមេគង្គ ខេត្តកំពង់ចាម ស្ថិតនៅចំណុចប្រកាសអាសន្ន មានកម្ពស់ ១៥,២០ម៉ែត្រ ឯណោះ ។បើយោងតាមការព្យាករណ៍ របស់ក្រសួងធនធានទឹក និងឧតុនិយម បានបញ្ជាក់ថា នៅថ្ងៃទី២០ និង២១ ខែតុលា ឆ្នាំ២០២១ នេះ ទឹកទន្លេមេគង្គ ខេត្តកំពង់ចាម នៅតែបន្តឡើង បន្តថែមទៀត ៕

អាជ្ញាធរជាតិអប្សរា កំពុងជួសជុលខ្លោងទ្វារខាងកើតនៃប្រាសាទអង្គរវត្ត

សៀមរាប ៖ ក្រុមការងារនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ នៃអាជ្ញាធរជាតិអប្សរា កំពុងចាប់ផ្ដើមដំណើរការ ជួសជុលច្រកទ្វារចូលខាងកើតនៃប្រាសាទអង្គរវត្ត ឱ្យប្រសើរឡើងវិញ ដែលរងការខូចខាតដោយសារអាយុកាល កត្តាអាកាសធាតុ និងការបំផ្លាញដោយរុក្ខជាតិផ្សេងៗ។លោកស្រី ភិន វិជ្ជាសច្ចរ៉ា អ្នកបុរាណវិទូដែលមើលខុសត្រូវការដ្ឋានជួសជុលនោះ ឱ្យដឹងថា ច្រកចូលខាងកើតនៃប្រាសាទអង្គរវត្ត ថ្វីបើ មានការខូចខាតតិចតួចដោយផ្នែកខ្លះៗដូចជា ច្រកឡើងនៃកាំជណ្ដើរ ជ្រុះដំបូល ព្រហ្មដំបូល និងហោជាងជាដើម ប៉ុន្តែអ្នកជំនាញ ត្រូវការថែទាំ និងជួសជុលជាចាំបាច់ ដើម្បីជៀសវាងការឈានទៅដល់ការខូចខាតធ្ងន់ធ្ងរ។ កិច្ចការដំបូង គឺក្រុមការងារបាន សិក្សាទៅលើសម្រង់ប្លង់ ស្វែងរកថ្ម ដែលបានធ្លាក់ចុះរប៉ាត់រប៉ាយហើយកំណត់រូបរាងរបស់វាឡើងវិញ មុននឹងសម្អាតថ្មទាំងនោះឱ្យស្អាត ហើយយកវាទៅផ្គុំនៅកន្លែងដើមឡើងវិញ។សូមបញ្ជាក់ថា ការជួសជុលខ្លោងទ្វារខាងកើតនៃប្រាសាទអង្គរវត្ត ចាប់ផ្ដើមពីថ្ងៃទី១៨ ខែតុលាឆ្នាំ២០២១ តទៅ៕

ក្រសួងសុខាភិបាល និងវិទ្យាស្ថានប៉ាស្ទ័រកម្ពុជា បង្កើនកិច្ចសហប្រតិបតិ្តការលើការងារមនី្ទរពិសោធន៍ឲ្យកាន់តែប្រសើរ

ភ្នំពេញ ៖ ក្រសួងសុខាភិបាល នៃព្រះរាជាណាចក្រកម្ពុជា និងវិទ្យាស្ថានប៉ាស្ទ័រកម្ពុជាបង្កើនកិច្ចសហប្រតិបតិ្តការលើការងារមនី្ទរពិសោធន៍ ក្នុងការសិក្សាស្រាវជ្រាវពិសោធន៍រកមេរោគកូវីដ-១៩ និងមេរោគដទៃទៀត។ក្នុងជំនួបសម្តែងការគួរសម និងពិភាក្សាការងារ នាទីសី្តការក្រសួង ព្រឹកថ្ងៃទី១៩ ខែតុលា ឆ្នាំ២០២១នេះ ក្នុងឱកាសដែលលោកវេជ្ជបណ្ឌិត André Spiegel មកចូលកាន់ការងារជានាយក វិទ្យាស្ថានប៉ាស្ទ័រកម្ពុជាថ្មី ជំនួសលោកស្រីវេជ្ជបណ្ឌិត ឡូរ៉ង់ បារែល ដែលបានបញ្ចប់បេសកកម្មការងារ នៅក្នុងវិទ្យាស្ថានប៉ាស្ទ័រកម្ពុជា គឺលោកវេជ្ជបណ្ឌិត មានបំណងបន្តកិច្ចសហប្រតិបតិ្តការជាមួយក្រសួង សុខាភិបាល ដើម្បីធ្វើឲ្យវិស័យសុខាភិបាលនៅប្រទេសកម្ពុជា កាន់តែរីកច្រើន។ជាការឆ្លើយតបឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល សូមស្វាគមន៍ និងសូមកោតសរសើរដល់ថ្នាក់ដឹកនាំនៃវិទ្យាស្ថានប៉ាស្ទ័រកម្ពុជា ដែលបានចូលរួមចំណែកយ៉ាងសំខាន់ក្នុង ការអភិវឌ្ឍវិស័យសុខាភិបាល កាន់តែរឹងមាំ ពិសេសក្នុងបរិបទកូវីដ-១៩។ ហើយវិទ្យាស្ថានប៉ាស្ទ័រកម្ពុជា គឺជាដៃគូដ៏សំខាន់របស់ក្រសួងសុខាភិបាលចាប់តាំងពីឆ្នាំ១៩៩២ ដើម្បីជំរុញឱ្យការងារមានស្តង់ដាអន្តរជាតិ។សូមរំលឹកផងដែរថា វិទ្យាស្ថានប៉ាស្ទ័រកម្ពុជា បានសហការយ៉ាងល្អប្រសើរដើម្បីសិក្សា និងពិសោធន៍រកមេរោគផ្សេងៗ ដូចជា ជំងឺគ្រុនឈាម ជំងឺឆ្កែឆ្កួត ជំងឺគ្រុនចាញ់ ភាពស៊ាំជាមួយថ្នាំផ្សះ ជំងឺរបេង ជំងឺផ្តាសាយបក្សី ជំងឺរលាកថ្លើម មេរោគហ៊ីវ-ជំងឺអេដស៍ និងមេរោគកូវីដ-១៩ ដែលកំពុងរាតត្បាតក្នុងប្រទេសកម្ពុជា និងការរៀបចំយុទ្ធទប់ស្កាត់ នឹងមេរោគដទៃទៀត ប្រកបដោយប្រសិទ្ធភាព និងគុណភាពត្រឹមត្រូវផងដែរ៕អត្ថបទ រដ្ឋា

ពលរដ្ឋរងគ្រោះដោយទឹកជំនន់ នៅបន្ទាយមានជ័យជាង១ម៉ឺនគ្រួសារ ទទួលប្រាក់ឧបត្ថម្ភ៣ខែ

បន្ទាយមានជ័យ ៖ គណៈកម្មាធិការជាតិគ្រប់គ្រងគ្រោះមហន្តរាយ បានសម្របសម្រួលជាមួយ នឹងកម្មវិធីស្បៀងអារហារពិភពលោកប្រចាំនៅកម្ពុជា ដើម្បីផ្ដល់សាច់ប្រាក់ឧបត្ថម្ភប្រជាពលរដ្ឋ នៅក្នុងខេត្តបន្ទាយមានជ័យជាង១ម៉ឺនគ្រួសារ ដែលមានជីវភាពខ្វះខាត និងជួបបញ្ហាគ្រោះទឹកជំនន់ រយៈពេល៣ខែ ។ក្នុងពិធីឧបត្ថម្ភប្រាក់ពលរដ្ឋ នៅថ្ងៃទី១៩ ខែតុលា ឆ្នាំ២០២១ ឯកឧត្តម គីម វីរៈ ទីប្រឹក្សា និងជាតំណាងនាយឧត្តមសេនីយ៍ គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស ជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍ថា សម្រាប់ថវិកាជួយឧបត្ថម្ភនេះ ក្រោមជំនួយឧបត្ថម្ភគាំទ្រពីអង្គការGIZ របស់ប្រទេសអាល្លឺម៉ង់ អង្គការ USAID របស់ប្រទេសអាមេរិក ដោយគិតជាទឹកប្រាក់ចំនួន ៥ ២៨០ ០០០ ០០០រៀល ស្មើនឹង១.៣២លានដុល្លារអាមេរិក ។ឯកឧត្តម បានបន្តថា ក្រៅពីផ្តល់ជំនួយជាសាច់ប្រាក់ គណៈកម្មាធិការជាតិគ្រប់គ្រងគ្រោះមហន្តរាយ និងកម្មវិធីស្បៀងអាហារពិភពលោកប្រចាំ ក៏កំពុងបន្តសហការណ៍គ្នា ដើម្បីពង្រឹងសកម្មភាពកាត់បន្ថយហានិភ័យគ្រោះមហន្តរាយ នៅក្នុងក្របខ័ណ្ឌទូទាំងប្រទេស ដូចជាពង្រឹងសមត្ថភាពមន្រ្តីគ្រប់គ្រងគ្រោះមហន្តរាយនៅថ្នាក់ក្រោមជាតិ តាមរយៈពង្រឹងលើការរៀបចំ និងអនុវត្តផែនការត្រៀមបម្រុង ពង្រឹងប្រព័ន្ធគ្រប់គ្រងព័ត៌មានគ្រោះមហន្តរាយ នឹងការជូនដំណឹងជាមុន និងការសម្របសម្រួលជាមួយដៃគូរអភិវឌ្ឍន៍ និងភ្នាក់ងាមនុស្សធម៌នានា ។ល។ដោយកម្មវិធីផ្ដល់ប្រាក់ឧបត្ថម្ភនេះ ក៏មានការចូលរួមពីឯកឧត្តម ង៉ែត ចាន់ថុន ទីប្រឹក្សាគណៈកម្មាធិការជាតិគ្រប់គ្រងគ្រោះមហន្តរាយ ឯកឧត្តម អ៊ុ រាត្រី អភិបាលខេត្តបន្ទាយមានជ័យ និងលោកស្រី ក្លែ កូណាន់ តំណាង និងជានាយិការកម្មវិធីស្បៀងអាហាពិភពលោកនៅកម្ពុជា។សូមបញ្ជាក់ថា គិតចាប់ពីទឹកជំនន់ឆ្នាំ២០២០ រហូតមកដល់ពេលនេះ ការផ្តល់ជំនួយសាច់ប្រាក់ដល់គ្រួសារដែលមានជីវភាព ខ្វះខាតដែលរងគ្រោះដោយទឹកជំនន់ នៅក្នុងខេត្តចំនួន៥ រួមមាន ខេត្តពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ សរុបមានទឹកប្រាក់ចំនួនប្រមាណជាង ២៤ ០០០ ០០០ ០០០០ រៀល ឬប្រមាណជាង ៦លានដុល្លាអាមេរិក ៕អត្ថបទ ៖ បាន សុខរិទ្ធិ

ធុរកិច្ចអាមេរិក-អាស៊ាន ចង់វិនិយោគនៅកម្ពុជាលើវិស័យថាមពល ឧស្សាហកម្ម សុខាភិបាល និងបច្ចេកវិទ្យាជាដើម

ភ្នំពេញ ៖ ក្រុមធុរកិច្ចអាមេរិក-អាស៊ាន គឺមានបំណងចង់មកវិនិយោគនៅប្រទេសកម្ពុជា លើវិស័យមួយចំនួនដូចជាវិស័យវិស័យថាមពល ឧស្សាហកម្ម សុខាភិបាល បច្ចេកវិទ្យា និងការនាំចេញនាំចូល ។លោក ថេន អូសៀស (Ted Osius ) ដែលទើបត្រូវបានតែងតាំងជាប្រធានគណៈកម្មាធិការក្រុមប្រឹក្សាធុរកិច្ចអាមេរិក-អាស៊ាន ថ្លែងបែបនេះ ក្នុងឱកាសសម្តេចតេជោ ហ៊ុន សែន នាយករដ្ឋមន្ត្រី អនុញ្ញាតឱ្យជួបសំដែងការគួរសម និងពិភាក្សាការងារ នាព្រឹកថ្ងៃទី១៩តុលា ។នៅក្នុងជំនួបនេះ ឯកឧត្តម អូសៀស បានសំដែងនូវការសាទរចំពោះចំណាត់ការប្រកបដោយ ជោគជ័យយ៉ាងត្រចះត្រចង់របស់សម្តេចតេជោ ទៅលើវិធានការទប់ស្កាត់ ការរីករាលដាលកូវីដ១៩ និង បានគោរពជំរាបជូនពីចំណាប់អារម្មណ៍របស់ក្រុមអ្នកវិនិយោគរបស់ក្រុមធុរកិច្ចអាមេរិក-អាស៊ានដែលចង់មកវិនិយោគនៅកម្ពុជាលើវិស័យចំនួន៥ខាងលើនេះ។លោកក៏បានជម្រាបជូនសម្តេចតេជោថា ក្រុមប្រឹក្សាធុរកិច្ចអាមេរិក-អាស៊ាន នឹងគាំទ្រកម្ពុជានៅពេលដែលកម្ពុជាទទួលធ្វើជាប្រធានអាស៊ាននាឆ្នាំខាងមុខ ក៏ដូចជានឹងជួយដល់កម្ពុជាលើវិស័យសេដ្ឋកិច្ច ក្នុងកំឡុងពេលនៃការរាតត្បាតជំងឺកូវីដ១៩ ក៏ដូចជាជួយដល់កម្ពុជាក្នុងការកសាងសមត្ថភាព ក៏ដូចជាសន្តិសុខថាមពលផងដែរ។ជាការឆ្លើយតប សម្តេចតេជោ បានសម្ដែងនូវអំណរសាទរ ចំពោះឯកឧត្ដម អូសៀស ដែលត្រូវបានតែងតាំងជាប្រធាន និងជាអគ្គនាយកប្រតិបត្តិរបស់ក្រុមប្រឹក្សាធុរកិច្ចអាមេរិកអាស៊ាន,ហើយសម្ដេច ក៏បានអរគុណដល់សហរដ្ឋអាម៉េរិកដែលបានផ្តល់វ៉ាក់សាំងដល់កម្ពុជា។សម្តេចក៏បានសម្ដែងនូវសេចក្ដីរីករាយ ដែលក្រុមប្រឹក្សាសេដ្ឋកិច្ចអាម៉េរិកអាស៊ានទទួលស្គាល់នូវភាពជឿនលឿនរបស់កម្ពុជា ក្នុងការចាក់វ៉ាក់សាំងជូនដល់ប្រជាពលរដ្ឋ និងទទួលបានផ្លែផ្កាជាវិជ្ជមាន។ សម្តេចក៏បានជម្រាបជូនក្រុមប្រឹក្សាធុរកិច្ចអាមេរិកអាស៊ាន លោកផែនការចូលរួមដោះស្រាយការប្រែប្រួលអាកាសធាតុរបស់កម្ពុជា ក៏ដូចជាវិធានការឆ្ពោះទៅមុខរបស់កម្ពុជា ដែលរួមមានបន្តគ្រប់គ្រងជំងឺកូវីដ១៩ ,ជំរុញការកែទម្រង់ផ្នែកធុរៈកិច្ចឲ្យបានកាន់តែប្រសើរ ដើម្បីទាក់ទាញអ្នកវិនិយោគឲ្យបានច្រើន ជំរុញការកែទម្រង់លើគ្រប់វិស័យ និង ជំរុញការបង្កើតសកម្មភាពធុរៈកិច្ច និងលើកទឹកចិត្តឲ្យវិស័យឯកជន ចូលរួមដើម្បីជំរុញសេដ្ឋកិច្ចកម្ពុជា។ជាទីបញ្ចប់សម្ដេច ក៏បានជម្រាបជូនក្រុមប្រឹក្សាធុរកិច្ចពីសក្ដានុពលនៃការវិនិយោគនៅកម្ពុជាព្រមជាមួយនឹង ការអំពាវនាវឲ្យវិនិយោគសហរដ្ឋអាម៉េរិកពិចារណាមកវិនិយោគនៅកម្ពុជា៕អត្ថបទ៖ មុត សុទ្ធ

គ.ជ.ប ចុះឈ្មោះបោះឆ្នោតថ្មីជូនពលរដ្ឋជិត៨ម៉ឺននាក់ក្នុងរយៈពេល១សប្តាហ៍

ភ្នំពេញ ៖ ក្នុងរយៈពេលមួយសប្តាហ៍ គណៈគម្មាធិការជាតិរៀបចំការបោះឆ្នោត ដែលហៅកាត់ថា គ.ជ.ប បានចុះឈ្មោះពលរដ្ឋជិត៨ម៉ឺននាក់ បញ្ចូលក្នុងបញ្ចីបោះឆ្នោតថ្មីរបស់គ.ជ.ប។មានប្រសាសន៍ប្រាប់BTV តាមបណ្តាញទំនាក់ទំនងតេឡេក្រោម នៅថ្ងៃទី១៩ខែតុលានេះ ឯកឧត្តម ហង្ស ពុទ្ធា អ្នកនាំពាក្យគ.ជ.ប បានឱ្យដឹងថា គិតត្រឹមរយៈពេលមួយសប្តាហ៍ ចាប់ពីថ្ងៃទី១២ រហូតដល់ថ្ងៃទី១៨ ខែតុលាម្សិលមិញ ពលរដ្ឋជិត៨ម៉ឺននាក់ បានអញ្ជើញមកចុះឈ្មោះបោះឆ្នោតថ្មី។ក្រៅពីនេះ ឯកឧត្តម បន្តអំពាវនាវដល់ប្រជាពលរដ្ឋមានអាយុពី១៨ឆ្នាំឡើងទៅ ដែលមិនទាន់មានឈ្មោះក្នុងបញ្ជីបោះឆ្នោត សូមរួសរាន់ទៅចុះគ្រប់ៗគ្នា ហើយពេលទៅចុះឈ្មោះនោះ ត្រូវគោរពវិធានការ៣កុំ ៣ការពារ កុំឱ្យឆ្លងជំងឺកូវីដ-១៩។សម្រាប់ឆ្នាំ២០២១នេះ គ.ជ.ប ចាប់ផ្តើមពិនិត្យបញ្ជីឈ្មោះ និងការចុះឈ្មោះបោះឆ្នោត ចាប់ពីថ្ងៃទី១២ ខែតុលា ដល់ថ្ងៃទី៣០ ខែវិច្ឆិកា ឆ្នាំ២០២១។ ដំណើរនេះ នឹងធ្វើឡើងរៀងរាល់ថ្ងៃ រួមទាំងថ្ងៃសៅរ៍ និងថ្ងៃអាទិត្យ ចាប់ពីម៉ោង ៧ ៖ ០០នាទី ដល់ម៉ោង១១៖៣០នាទីព្រឹក និងពេលរសៀលចាប់ពីម៉ោង ២ ៖ ០០នាទី ដល់ម៉ោង ៥៖៣០នាទី នៅតាមសាលាឃុំ-សង្កាត់ និងទីតាំងមួយចំនួនទៀតក្នុងឃុំ-សង្កាត់។ ដើម្បីចុះឈ្មោះបោះឆ្នោតបាន ប្រជាពលរដ្ឋមានសញ្ជាតិកម្ពុជាទាំងពីរភេទ ត្រូវមានអាយុយ៉ាងតិចពី១៨ឆ្នាំឡើងទៅ និងមានឯកសាព័ន្ធផ្សេងៗមួយចំនួនទៀត។សម្រាប់ដំណើការការបោះឆ្នោតជ្រើសរើសក្រុមប្រឹក្សាឃុំ/សង្កាត់ អាណិត្តទី៥ នឹងប្រព្រឹត្តិទៅនៅថ្ងៃទី០៥ ខែមិថុនា ឆ្នាំ២០២២៕អត្ថបទ ៖ ទូច សោភ័ណ

រដ្ឋបាលខេត្តព្រះសគ្រោងនឹងសាងសង់បន្ទប់អគ្គិសនី និងសាងសង់ប៉មជួយសង្គ្រោះបន្ថែម នៅតាមបណ្តោយឆ្នេរសមុទ្រ

ព្រះសីហនុ ៖ រសៀលថ្ងៃទី១៨ ខែតុលា ឆ្នាំ២០២១ ឯកឧត្តម គួច ចំរើន អភិបាលខេត្តព្រះសីហនុ និងឯកឧត្តមអនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានដឹកនាំមន្ត្រីជំនាញ ចុះពិនិត្យស្ថានភាព និងជ្រើសរើសទីតាំងសម្រាប់សាងសង់បន្ទប់អគ្គិសនី និងសាងសង់ប៉មជួយសង្គ្រោះ (ឆ្មាំសមុទ្រ) បន្ថែម នៅតាមបណ្តោយឆ្នេរសមុទ្រ ចាប់ពីចំណុចផែ៥០២ ឆ្នេរអូរឈើទាល រហូតដល់ឆ្នេរជំទាវម៉ៅ ក្នុងភូមិសាស្ត្រក្រុងព្រះសីហនុ និងស្រុកព្រៃនប់ ខេត្តព្រះសីហនុ។នៅក្នុងឱកាសនោះ ឯកឧត្តមគួច ចំរើន អភិបាល នៃគណៈអភិបាលខេត្តព្រះសីហនុ ក៏បានធ្វើការណែនាំបងប្អូនអាជីវករលក់ដូរនៅតាមឆ្នេរទាំងអស់ ត្រូវចូលរួមថែរក្សាអនាម័យ បរិស្ថាន តាមទីតាំងរបស់ខ្លួនឱ្យបានស្អាតជាប្រចាំព្រោះភាពស្អាតអាចទាក់ទាញភ្ញៀវទេសចរ និងបង្កើនចំណូលបានថែមទៀត ព្រោះភ្ញៀវត្រូវការភាពស្អាត អនាម័យ និងបរិស្ថានល្អ។ទន្ទឹមនឹងនេះ ឯកឧត្តម ក៏ណែនាំឱ្យក្រុមការងារកាយយកគល់ឈើ មែកឈើ និងដុំថ្មចេញឱ្យអស់នៅតាមបណ្តោយឆ្នេរ និងធ្វើការឈូសឆាយខ្សាច់ឱ្យបានរៀបស្មើរដើម្បីលើកស្ទួយសោភ័ណភាពឆ្នេរខ្សាច់ និងសម្រាប់ត្រៀមបើកទេសចរ និងសេដ្ឋកិច្ចសង្គមឡើងវិញ នៅចុងឆ្នាំ២០២១ នេះ បន្ទាប់ពីជំងឺកូវីដ-១៩ បានធូរស្រាលជាបន្តបន្ទាប់៕អត្ថបទ ប៊ុនថា

កម្ពុជា នឹងរៀបចំកិច្ចប្រជុំឧត្តមមន្ត្រីអាស៊ានទទួលបន្ទុកវប្បធម៌ និងសិល្បៈលើកទី១៧

ភ្នំពេញ ៖ ក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា ស្ថិតក្រោមសសរស្ដម្ភសហគមន៍សង្គម-វប្បធម៌អាស៊ាន នៅថ្ងៃទី២០ ខែតុលា ឆ្នាំ២០២១ខាងមុននេះ នឹងរៀបចំកិច្ចប្រជុំឧត្តមមន្ត្រីអាស៊ានទទួលបន្ទុកវប្បធម៌ និងសិល្បៈលើកទី១៧ និងកិច្ចប្រជុំពាក់ព័ន្ធជាមួយដៃគូសន្ទនាតាមរយៈប្រព័ន្ធវីដេអូ។នៅក្នុងកិច្ចប្រជុំខាងលើនេះ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានរដ្ឋមន្រ្តីអាស៊ានទទួលបន្ទុកវប្បធម៌ និងសិល្បៈ នឹងផ្តល់កិត្តិយសថ្លែងសុន្ទរកថា បើកតាមរយៈប្រព័ន្ធវីដេអូ។ កិច្ចប្រជុំនេះ នឹងមានការចូលរួមពីសំណាក់ឧត្តមមន្រ្តីអាស៊ានទទួលបន្ទុកវប្បធម៌និងសិល្បៈ និងដៃគូសន្ទនាអាស៊ាន រួមមាន ៖ សាធារណរដ្ឋប្រជាមានិតចិន- ជប៉ុន និងសាធារណរដ្ឋកូរ៉េ។ នាឱកាសនោះដែរ ក្នុងគោលដៅពង្រឹងកិច្ចសហប្រតិបត្តិការភាពជាដៃគូ អាស៊ាន-ឥណ្ឌា លើវិស័យវិប្បធម៌ និងសិល្បៈ ហើយកិច្ចប្រជុំក៏នឹងពិភាក្សាសំណើរបស់ភាគីឥណ្ឌាផងដែរ។កិច្ចប្រជុំឧត្តមមន្ត្រីអាស៊ានទទួលបន្ទុកវប្បធម៌ និងសិល្បៈលើកទី១៧ និងកិច្ចប្រជុំពាក់ព័ន្ធជាមួយដៃគូសន្ទនា នឹងផ្តោតទៅលើការលើកកម្ពស់វឌ្ឍនភាពវប្បធម៌ និងសិល្បៈអាស៊ានដែលជាគ្រឹះមួយនៃសក្ដានុពលសហគមន៍អាស៊ានការកសាងភាពសុខដុមរមនាក្នុងចំណោមប្រជាជាតិអាស៊ាន ការលើកស្ទួយស្មារតីភាពជាម្ចាស់ក្នុងការអភិរក្ស និងអភិវឌ្ឍន៍បេតិកភណ្ឌវប្បធម៌អាស៊ាន ការពង្រីកការយល់ដឹងផ្នែកវប្បធម៌ពីគ្នាទៅវិញទៅមក និងការផ្លាស់ប្តូររវាងប្រជាជន និងប្រជាជន ការជំរុញវិសាលភាពនៃការផ្សព្វផ្សាយអំពីវប្បធម៌ ការច្នៃប្រឌិតនវានុវត្តន៍ ការបង្កើនជីវភាពរស់នៅក្នុងការកសាងសហគមន៍អាស៊ានឆ្ពោះទៅរកការអភិវឌ្ឍរួមប្រកបដោយចីរភាព។កិច្ចប្រជុំខាងលើនឹងពិគ្រោះពិភាក្សាលើចំណុចសំខាន់ៗមួយចំនួន ដូចជា៖១-ពិនិត្យលើវឌ្ឍនភាពការងារនៃកិច្ចសហប្រតិបត្តិការអាស៊ានលើវិស័យវប្បធម៌និងសិល្បៈ ក្នុងនោះរួមមាន ៖-ផែនការយុទ្ធសាស្ត្រអាស៊ាន សម្រាប់វិស័យវប្បធម៌ និងសិល្បៈ ២០១៦-២០២៥-ការលើកស្ទួយសកម្មភាពវប្បធម៌អាស៊ានក្នុងបរិបទ នៃការរីករាលដាល នៃជំងឺកូវីដ-១៩-សៀមរាបទីក្រុងវប្បធម៌អាស៊ាន សម្រាប់ឆ្នាំ២០២០-២០២២-បញ្ជីបេតិកភណ្ឌវប្បធម៌អាស៊ាន ២- អង្គប្រជុំនឹងពិនិត្យរួមមាន ៖-សេចក្តីព្រាងសេចក្ដីប្រកាសសៀមរាប ស្តីអំពីការលើកកម្ពស់ការច្នៃប្រឌិតនិងសម្របខ្លួន ទៅនឹងសហគមន៍ អាស៊ានដើម្បីគាំទ្រដល់ វប្បធម៌ និង សេដ្ឋកិច្ចច្នៃប្រឌិត-សេចក្តីព្រាងឯកសារទស្សនាទាន ស្តីពីការបង្កើតមជ្ឈមណ្ឌលសម្រាប់វប្បធម៌ និងឧស្សាហកម្មច្នៃប្រឌិត-វេទិកាធុរកិច្ចនវានុវត្តន៍អាស៊ាន-គំនិតផ្ដួចផ្ដើមរបស់កម្ពុជាសម្រាប់សកម្មភាពវប្បធម៌អាស៊ាន ឆ្ពោះទៅការរៀបចំកិច្ចប្រជុំកំពូលអាស៊ាន ឆ្នាំ២០២២-សេចក្តីព្រាងផែនការសកម្មភាព ស្តីពីកិច្ចសហប្រតិបត្តិការជាមួយដៃគូសន្ទនាអាស៊ានរួមមាន ៖ អាស៊ាន-ចិន អាស៊ាន-ជប៉ុន អាស៊ាន-សាធារណរដ្ឋកូរ៉េ លើវិស័យវប្បធម៌ និងសិល្បៈសម្រាប់ឆ្នាំ២០២២-២០២៥ -វេទិកាទំនាក់ទំនងរវាងអាស៊ាន-ឥណ្ឌា៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

ប្រទេសជប៉ុន ជួបប្រទះខែកក្កដាក្តៅបំផុតក្នុងរយៈពេល៣ឆ្នាំជាប់គ្នា

ប្រភពរដ្ឋាភិបាល៖ឥណ្ឌានឹងបន្តការនាំចូលប្រេងពីរុស្ស៊ី ទោះមានការគំរាមកំហែងពីលោក Trump ក៏ដោយ

ក្រសួងមហាផ្ទៃ និងស.ស.យ.ក រៀបចំកម្មវិធីបរិច្ចាកឈាម ដើម្បីគាំទ្រដល់សមរភូមិមុខ

នៅថ្ងៃទី៣ សីហានេះអនុព័ន្ធយោធាអាស៊ានបន្តចុះសង្កេតការណ៍ ពិនិត្យការអនុវត្តបទឈប់បាញ់នៅព្រំដែន

កម្ពុជាអំពាវនាវដល់ភាគីថៃធ្វើឱ្យមានភាពស៊ីគ្នារវាងពាក្យសម្ដី និងសកម្មភាពជាក់ស្ដែងជៀសវាងបង្ករឿង

ថៃ បន្តរងគ្រោះដោយទឹកជំនន់ពីព្យុះ Wipha សម្លាប់មនុស្ស៦នាក់ និងរាប់ម៉ឺននាក់រងផលប៉ះពាល់

សម្តេចសង្ឃ បួរ គ្រី យាងសួរសុខទុក្ខ និងប្រទានអំណោយដល់កងទ័ព និងជនភៀសសឹកជាង១ពាន់គ្រួសារ នៅឧត្តរមានជ័យ

ក្រុមគ្រូពេទ្យនិយាយថា កងកម្លាំងអ៊ីស្រាអែលបានសម្លាប់ជនជាតិប៉ាឡេស្ទីន៦២នាក់បន្ថែមទៀតនៅហ្កាហ្សា

លោកជំទាវបណ្ឌិត ពេជ ចន្ទមុន្នី អញ្ជើញគោរពវិញ្ញាណក្ខន្ធយុទ្ធជនពលីចំនួន២រូបនៅខេត្តតាកែវ និង កណ្តាល

អ៊ុយក្រែននិយាយថា ខ្លួនបានវាយប្រហារលើគោលដៅរុស្ស៊ី រួមមានរោងចក្រចម្រាញ់ប្រេង និងអាកាសយានដ្ឋាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

តំណាងនៃមាតាសន្តិភាពពិភពលោក ថាសម្តេចតេជោ ហ៊ុន សែន ជាមេដឹកនាំគំរូមិនសម្រាប់តែប្រទេសកូរ៉េទេ

កម្ពុជាបើកកិច្ចប្រជុំកំពូលឧត្តមមន្ត្រីអាស៊ាន ទទួលបន្ទុកវប្បធម៌ និងសិល្បៈលើកទី១៧

ស្ថានភាពទឹកទន្លេមេគង្គកំពង់ចាមបន្តឡើងទៀតហើយ

អាជ្ញាធរជាតិអប្សរា កំពុងជួសជុលខ្លោងទ្វារខាងកើតនៃប្រាសាទអង្គរវត្ត

ពលរដ្ឋរងគ្រោះដោយទឹកជំនន់ នៅបន្ទាយមានជ័យជាង១ម៉ឺនគ្រួសារ ទទួលប្រាក់ឧបត្ថម្ភ៣ខែ

ធុរកិច្ចអាមេរិក-អាស៊ាន ចង់វិនិយោគនៅកម្ពុជាលើវិស័យថាមពល ឧស្សាហកម្ម សុខាភិបាល និងបច្ចេកវិទ្យាជាដើម

គ.ជ.ប ចុះឈ្មោះបោះឆ្នោតថ្មីជូនពលរដ្ឋជិត៨ម៉ឺននាក់ក្នុងរយៈពេល១សប្តាហ៍

រដ្ឋបាលខេត្តព្រះសគ្រោងនឹងសាងសង់បន្ទប់អគ្គិសនី និងសាងសង់ប៉មជួយសង្គ្រោះបន្ថែម នៅតាមបណ្តោយឆ្នេរសមុទ្រ

កម្ពុជា នឹងរៀបចំកិច្ចប្រជុំឧត្តមមន្ត្រីអាស៊ានទទួលបន្ទុកវប្បធម៌ និងសិល្បៈលើកទី១៧

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

តំណាងនៃមាតាសន្តិភាពពិភពលោក ថាសម្តេចតេជោ ហ៊ុន សែន ជាមេដឹកនាំគំរូមិនសម្រាប់តែប្រទេសកូរ៉េទេ

កម្ពុជា​បើក​កិច្ចប្រជុំ​កំពូល​ឧ​ត្ត​ម​មន្ត្រី​អាស៊ាន ទទួលបន្ទុក​វប្បធម៌ និង​សិល្បៈ​លើក​ទី​១៧

ស្ថានភាព​ទឹកទន្លេ​មេគង្គ​កំពង់ចាម​បន្ត​ឡើង​ទៀត​ហើយ

អាជ្ញាធរជាតិអប្សរា កំពុងជួសជុលខ្លោងទ្វារខាងកើតនៃប្រាសាទអង្គរវត្ត

ពលរដ្ឋរងគ្រោះដោយទឹកជំនន់ នៅបន្ទាយមានជ័យជាង១ម៉ឺនគ្រួសារ ទទួលប្រាក់ឧបត្ថម្ភ៣ខែ

ធុរកិច្ចអាមេរិក-អាស៊ាន ចង់វិនិយោគនៅកម្ពុជាលើវិស័យថាមពល ឧស្សាហកម្ម សុខាភិបាល និងបច្ចេកវិទ្យាជាដើម

គ.ជ.ប ចុះឈ្មោះបោះឆ្នោតថ្មីជូនពលរដ្ឋជិត៨ម៉ឺននាក់ក្នុងរយៈពេល១សប្តាហ៍

រដ្ឋបាលខេត្តព្រះសគ្រោងនឹងសាងសង់បន្ទប់អគ្គិសនី និងសាងសង់ប៉មជួយសង្គ្រោះបន្ថែម នៅតាមបណ្តោយឆ្នេរសមុទ្រ

កម្ពុជា នឹងរៀបចំកិច្ចប្រជុំឧត្តមមន្ត្រីអាស៊ានទទួលបន្ទុកវប្បធម៌ និងសិល្បៈលើកទី១៧

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

កម្ពុជាបើកកិច្ចប្រជុំកំពូលឧត្តមមន្ត្រីអាស៊ាន ទទួលបន្ទុកវប្បធម៌ និងសិល្បៈលើកទី១៧

ស្ថានភាពទឹកទន្លេមេគង្គកំពង់ចាមបន្តឡើងទៀតហើយ