នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

ឯកឧត្តម ហោ ណាំ ផ្តល់ទឹកសុទ្ធ និងសាប៊ូដល់ពលករខ្មែរជាង៧ពាន់​នាក់កំពុង​ធ្វើចត្តាឡីស័ក​នៅ​ខេត្តជាប់ព្រំដែនថៃ

2021/08/18 12:25:44 pm        492
Facebook Telegram Linkin
បន្ទាយមានជ័យ ៖ ឯកឧត្តមឧបនាយករដ្ឋមន្រ្តី ហោ ណាំហុង តាមរយៈមូលនិធិហោ ណាំហុង បានផ្តល់ទឹកសុទ្ធ និងសាប៊ូលាងដៃ និងដូសខ្លួន ដល់បងប្អូន​ពលករខ្មែរដែលបានវិលមកពីប្រទេស​ថៃ​វិញ​ ហើយកំពុងធ្វើចត្តាឡីស័ក នៅខេត្តចំនួនពីរដែលជាប់និងប្រទេសថៃ គឺខេត្តបន្ទាយមានជ័យ និងខេត្តឧត្តរមានជ័យ។ការផ្តល់ទឹកសុទ្ធ និងសាប៊ូលាងដៃ និងដូសខ្លួនជូនដល់បងប្អូនពលករខ្មែរ​ ដែលបានវិលត្រឡប់​មក​ពីប្រទេសថៃវិញនេះ ​គឺដើម្បីរួមចំណែកជាមួយ រាជរដ្ឋាភិបាលក៏ដូចជាអាជ្ញាធរខេត្ត​ក្នុងកិច្ចការពារ នៃការឆ្លងរីករាលដាលនូវមេរោគកូវីដ១៩ បន្ទាប់ពីមើលឃើញថា​ខេត្តទាំងពីរ​ដែលជាប់​នឹងព្រំដែន​ប្រទេសថៃនេះ មានបងប្អូនពលករខ្មែរបានសម្រុកចូលមកប្រទេសកម្ពុជាវិញ ហើយបានកំពុង​ធ្វើ​ចត្តាឡីស័ក ដោយមានការខ្វះខាតនោះ។អំណោយសប្បុរសធម៌ជាទឹកសុទ្ធ និងសាប៊ូលាងដៃនេះ គឺសម្រាប់បងប្អូនពលករខ្មែរ​កំពុងធ្វើចត្តាឡីស័ក នៅខេត្តបន្ទាយមានជ័យ គឺមានចំនួន២៥០០កេស និងសាប៊ូលាងដៃ និងដូសខ្លួនចំនួន២៥០០កញ្ចប់ ហើយទឹកសុទ្ធចំនួន១១០០កេស និងសាប៊ូលាងដៃ និងដូសខ្លួន២២០០កញ្ចប់ សម្រាប់បងប្អូនពលករដែលកំពុងធ្វើចត្តាឡីស័ក នៅខេត្តឧត្តរមានជ័យ។ ដោយអំណោយទាំងនោះគឺយកទៅចែកជូនដោយផ្ទាល់ពីសំណាក់ឯកឧត្តម ជេត ណារ៉ែន តំណាងឯកឧត្តមឧបនាយករដ្ឋមន្រ្តីហោ ណាំហុង។ជាមួយនិងអំណោយសប្បុរសធម៌នេះដែរ រដ្ឋបាលខេត្តទាំងពីរបានថ្លែងអំណរអគុណ​ចំពោះទឹកចិត្ត​សប្បុរសធម៌របស់មូលនិធីហោ ណាំហុង ដែលបានចូលរួមចំណែកទប់ស្កាត់​ការរីករាល​ដាល​នូវ​មេរោគកូវីដ១៩ និងចូលរួម​ចំណែក​លើក​ស្ទួយ​សុខុមាលភាព​របស់​បងប្អូន​ពលករខ្មែរយើង​ដែល​បាន​វិលមក​ពីប្រទេសថៃវិញនោះ។រដ្ឋបាលខេត្តទាំងពីរបានលើកឡើងទៀតថា អំណោយនេះគឺបានធ្វើឡើងស្របតាមតម្រូវ ការរបស់​ខេត្ត និងជាទឹកចិត្តដ៏​សប្បុរសធម៌​មួយក្នុងការចូលរួមចំណែកជាមួយអាជ្ញាធរខេត្ត​ក៏ដូចជា​រាជ​រដ្ឋាភិបាល​ក្នុងការទប់ស្កាត់ការរីករាលដាលនូវមេរោគកូវីដ១៩ ដែលវាបានកំពុងកើត​មានឡើង​នៅពិភពលោកទាំងមូលក៏ដូចជាប្រទេសកម្ពុជាផងដែរនោះ។សូមរំលឹកថា ក្នុងអំឡុងពេលវិបត្តិកូវីដ១៩នេះ ឯកឧត្តមឧបនាយករដ្ឋមន្រ្តីហោ ណាំហុង ជានិច្ចកាលតែងតែ​ឧបត្ថម្ភ​ថវិកា ​និងសម្ភារៈដើម្បីរួមចំណែកជាមួយរាជារដ្ឋាភិបាល ក្នុងយុទ្ធនាការប្រយុទ្ធប្រឆាំងជំងឺរាតត្បាតសាហាវមួយនេះ ដោយបានផ្តល់ដូចជាម៉ាស់រាប់ម៉ឺន និងសម្ភារៈមួយចំនួនទៀតផងដែរ៕អត្ថបទ ៖​បាន ចក់

WHO បញ្ជាក់ជាថ្មីថា ខ្លួនមិនរត់ចោលកម្ពុជានោះទេ ទោះកម្ពុជាបន្តជួបវិបត្តិកូវីដ១៩ធំយ៉ាងណាក្តី

2021/08/17 03:41:10 pm        320
Facebook Telegram Linkin
ភ្នំពេញ ៖ តំណាងអង្គការសុខភាពពិភពលោក ដែលហៅកាត់ថា WHO លោកស្រី Li Ailan បាន​ប្រកាសជាថ្មីថា WHOនឹងមិនរត់ចោលប្រទេសកម្ពុជានោះទេ ខណៈដែលប្រទេសកម្ពុជា​កំពុង​​បន្តរីករាលដាលនូវមេរោគកូវីដ១៩ ចូលក្នុងសហគមន៍ ហើយថា មេរោគនេះវាបានកំពុងជះឥទ្ធិពល​អវិជ្ជមានយ៉ាងខ្លាំងដល់សុខភាពផ្នែករាងកាយ ផ្លូវចិត្តអារម្មណ៍ និងផ្នែកសង្គមរបស់​ប្រជាជន​ទាំង​មូល។ថ្លែងតាមរយៈវិដេអូពីចម្ងាយ នៅព្រឹកថ្ងៃទី១៧ ខែសីហា ឆ្នាំ២០២១នេះ ក្នុងសិក្ខាសាលា តម្រង់ទិស ការពង្រឹងការចូលរួមសហគមន៍ ក្នុងការទប់ស្កាត់ការចម្លងកូវីដ-១៩ នៅខេត្ត៩ រួមមាន​ ៖ សៀមរាប បន្ទាយមានជ័យ បាត់ដំបង ពោធិ៍សាត់ កំពង់ធំ ស្វាយរៀង តាកែវ កំពត និងកែប ដោយមានការ​ចូលរួមពីលោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធាន អនុគណៈកម្មការអប់រំបណ្តុះបណ្តាល និងទំនាក់ទំនងសាធារណៈនោះ លោកស្រី Li Ailan បានលើកឡើងថា អង្គការសុខភាពពិភពលោក នឹងបន្តធ្វើការជាមួយរាជរដ្ឋាភិបាលកម្ពុជា​ជា​​និច្ច​ក្នុងការទប់ស្កាត់ការរីករាលដាលនូវមេរោគដ៏កាចសាហាវមួយនេះ។អ្នកស្រី Li Ailan បានសង្កត់ធ្ងន់ថា«អង្គការសុខភាពពិភពលោក នឹងបន្តធ្វើការយ៉ាងជិតស្និត​ជាមួយ​នឹងក្រសួងសុខាភិបាល និងអាជ្ញាធរមូលដ្ឋាន ជាពិសេសផ្តល់ការគាំទ្រផ្នែកបច្ចេកទេស​ចាំបាច់​ទាំង​អស់សម្រាប់ពង្រឹងផែនការ និងការឆ្លើយតបដែលមានការចូលរួមពីសហគមន៍ ដើម្បីប្រយុទ្ធ​នឹង​ជំងឺ​កូវីដ១៩។ មានតែតាមរយៈការធ្វើការជាមួយគ្នា ការទទួលស្គាល់ និងការទទួលយកនូវភាព​ស្មុគស្មាញ​នៃបទពិសោធន៍ និងសមត្ថភាពរួមទេ ទើបយើងអាចធានាបានថា ពិភព​លោក​ «តាមរយៈបែបប្រក្រតីថ្មីមួយ» ក្រោយការផ្ទុះរាតត្បាតជំងឺចប់ទៅ មឹងក្លាយជាពិភព​លោកមួយ​ដែល​មិនទុកនរណាម្នាក់ចោល»។ជាមួយគ្នានោះដែរ លោកស្រី Li Ailan បានបញ្ជាក់បន្ថែមថា ជំងឺកូវីដ១៩បានជះឥទ្ធិពលអវិជ្ជមាន​យ៉ាង​ខ្លាំង​ដល់សុខុមាលភាពផ្នែករាងកាយ ផ្លូវចិត្តអារម្មណ៍ និងផ្នែកសង្គមរបស់ប្រជាជនទាំងមូល ហើយ ក្នុងពេលជាមួយគ្នានេះ ជំងឺកូវិដ១៩ក៏បានប៉ះពាល់ធ្ងន់ធ្ងរដល់ប្រព័ន្ធសុខាភិបាល សេដ្ឋកិច្ច និងបរិស្ថានជាដើម។យ៉ាងណាក៏ដោយលោកស្រី Li Ailan បានលើកឡើងផងដែរថា ដើម្បីកាត់បន្ថយ និងទប់ស្កាត់​ការ​រីករាលដាលនូវមេរោគកូវីដ១៩នេះ កុំឲ្យវាកាន់តែខ្លាំងទៀតនោះ គឺត្រូវមានការចូលរួមពីសហគមន៍ ដោយការចូលរួមពីសហគមន៍នេះ គឺជាគន្លឹះនៅក្នុងការឆ្លើយតបទៅ នឹងបញ្ហាសង្គម និង​សុខភាពសាធារណៈ ហើយប្រសិនបើគ្មានការចូលរួម ផ្តល់អំណាច ឬបុគ្គល គ្រួសារ និង​សហគមន៍ទេ វានឹងមិនអាចទទួលបានជោគជ័យក្នុងការប្រយុទ្ធឲ្យ​ឈ្នះនឹងជំងឺកូវីដ១៩នេះ បាននោះឡើយ។ថ្លែងនៅក្នុងសិក្ខាសាលានោះដែរ លោកជំទាវ ឱ វណ្ណឌីន បានលើកឡើងថា តួនាទីរបស់សហគមន៍ ក្នុងការទប់ស្កាត់ការចម្លងជំងឺកូវីដ-១៩ គឺជាយុទ្ធសាស្ត្រគន្លឹះមួយ ដោយសហគមន៍​មាន​តួនាទី​សំខាន់​ណាស់ ក្នុងការអប់រំផ្សព្វផ្សាយ ការតាមដានអនុវត្តវិធានការសុខាភិបាល ​និងវិធានការនានា ក្នុងភូមិស្រុក​របស់ខ្លួន ការគាំទ្រគ្នាទៅវិញទៅមក ​ការធ្វើចត្តាឡីស័ក ការតាមរកករណី និងការថែទាំ​ព្យាបាល​ជាដើម។លោកជំទាវ ឱ វណ្ណឌីន បានបន្ថែមទៀតថា ការចូលរួមរបស់សហគមន៍អាចមានប្រសិទ្ធភាព​ទៅ​បានលុះត្រា​តែយើងមានបណ្តាញ និងយន្តការចូលរួមរបស់សហគមន៍មួយច្បាស់លាស់ ប្រកប​ដោយ​សមត្ថភាព និងមានការគាំទ្រត្រឹមត្រូវផងដែរ៕អត្ថបទ បាន ចក់

សប្បុរសជន​ឧបត្ថម្ភឧបករណ៍​តេស្តរហ័ស​ទំនើបជិត ១.០០០ឈុត ជូនរដ្ឋបាលខេត្តព្រះសីហនុ

2021/08/17 12:21:41 pm        384
Facebook Telegram Linkin
ព្រះសីហនុ៖ ដើម្បីចូលរួមចំណែកក្នុងយុទ្ធនាការប្រយុទ្ធ និងទប់ស្កាត់ការឆ្លងរាលដាលជំងឺកូវីដ-១៩ ក្នុងសហគមន៍ សប្បុរសជននានា បាននិងកំពុងជួយឧបត្ថម្ភអំណោយមនុស្សធម៌ ជាសម្ភារៈសម្រាប់​ប្រើប្រាស់ក្នុងវិធានការប្រយុទ្ធប្រឆាំងទប់ស្កាត់ ​និងគ្រប់គ្រងជំងឺកូវីដ-១៩ ជូនរដ្ឋបាល​ខេត្ដព្រះសីហនុ នៅសាលាខេត្តព្រះសីហនុ នៅថ្ងៃទី១៧ ខែសីហា ឆ្នាំ២០២១។នៅក្នុងឱកាសនោះ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានលើកឡើងថា ការចូលរួមពីគ្រប់វិស័យ និងគ្រប់មជ្ឈដ្ឋាន (រដ្ឋ ឯកជន ប្រជាពលរដ្ឋ ។ល។) កិច្ចរួមសហការទាំងកម្លាំងកាយ-ចិត្ដ និងសម្ភារៈ ពិតជាកម្លាំងចលករមួយដ៏ខ្លាំងសម្រាប់ជម្រុញ និងពង្រឹងប្រតិបត្ដិការ នៃយុទ្ធនាការប្រយុទ្ធ​ និងទប់ស្កាត់ការឆ្លងរាលដាលជំងឺកូវីដ១៩ បានជោគជ័យក្នុងពេលឆាប់ៗនេះ។​ក្រុមហ៊ុន Guo Streng Medical Suppliers Co,Ltd បានឧបត្ថម្ភឧបករណ៍តេស្តកំហាក​រហ័សចំនួន ៩៦០ ទឹកពិសារបរិសុទ្ធ ៥០កេស ទឹកថ្នាំងសម្លាប់មេរោគ ១០កាន និងមី ៣០កេស ជូនរដ្ឋបាល​ខេត្តព្រះសីហនុ សម្រាប់ប្រើប្រាស់ក្នុងវិធានការប្រយុទ្ធប្រឆាំង ទប់ស្កាត់ និងគ្រប់គ្រងជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភះ នៅខេត្តព្រះសីហនុ។ នេះជាសកម្មភាពមនុស្សធម៌ដ៏ប្រពៃ សម្រាប់បណ្ដុះស្មារតីសាមគ្គីភាព ក្នុងការឈានទៅរកភាពជោគជ័យ ក្នុងសហគមន៍ និងសង្គមជាតិ ដើម្បីបន្ដការអភិវឌ្ឍឱ្យរុងរឿង។ឯកឧត្តម បន្ដថា សូមថ្លែងអំណរគុណចំពោះក្រុមហ៊ុនខាងលើ ដែលបាននាំយកអំណោយ​មនុស្សធម៌​ឧបត្ថម្ភជូនរដ្ឋបាលខេត្តព្រះសីហនុ ដែលកំពុងត្រូវការចាំបាច់ ហើយសកម្មមភាពនេះ ជាការចូលរួមចំណែកយ៉ាងធំធេងជាមួយរដ្ឋបាលខេត្តព្រះសីហនុ សម្រាប់ប្រើប្រាស់​ក្នុង​ប្រតិបត្តិការ​ប្រយុទ្ធប្រឆាំង និងទប់ស្កាត់ការឆ្លងរាលដាលជំងឺកូវីដ-១៩ នៅខេត្តព្រះសីហនុ ឱ្យមានប្រសិទ្ធភាព។ ក្នុងនោះ ឯកឧត្តម សង្ឃឹមថា ក្រុមហ៊ុន រោងចក្រ សហគ្រាសក្នុងខេត្តព្រះសីហនុ នឹងបន្តជួយ​ឧបត្ថម្ភគាំទ្រ​ដល់រដ្ឋបាលខេត្តព្រះសីហនុ ក្នុងការចូលរួមបង្ការទប់ស្កាត់ប្រយុទ្ធប្រឆាំងនឹងជំងឺកូវីដ-១៩ ក្នុងខេត្តព្រះសីហនុ បន្តទៀត។ ទន្ទឹមនឹងនោះ ឯកឧត្ដម បានបន្ដអំពាវនាវឱ្យសូមសាធារណជនទាំងអស់ ត្រូវបង្កើនការប្រុងប្រយ័ត្ន​ខ្ពស់ ក្នុងយុទ្ធនាការប្រយុទ្ធ និងទប់ស្កាត់ការឆ្លងរាលដាលជំងឺកូវីដ-១៩ ដោយបន្ដអនុវត្តឱ្យបាន​ខ្ជាប់ខ្ជួន​នូវគោលការណ៍ណែនាំរបស់ក្រសួងសុខាភិបាល និងអនុសាសន៍ “៣កុំ ៣ការពារ” របស់សម្តេចតេជោ ហ៊ុន សែន នាយករដ្ឋមន្ត្រី ៕ដោយ៖ ប៊ុនថា

ដំណើរការធ្វើប័ណ្ណចាក់វ៉ាក់សាំងជូនកងទ័ព និងប្រជាពលរដ្ឋបានជាងមួយលានហើយ ក្នុងគម្រោងជិតបីលានប័ណ្ណ

2021/08/17 11:49:45 am        552
Facebook Telegram Linkin
ភ្នំពេញ ៖ ដំណើរការធ្វើប័ណ្ណសម្គាល់នៃការចាក់វ៉ាក់សាំងរបស់ក្រសួងការពារជាតិ ជូនដល់កងទ័ព ក្រុមគ្រួសារកងទ័ព និងប្រជាពលរដ្ឋជា​បន្ទុក​របស់យោធាដែលរាជរដ្ឋាភិបាលផ្តល់ជូននោះ គឺមកដល់ពេលនេះ បានចំនួនជាងមួយលានប័ណ្ណហើយ ក្នុងគម្រោងជាង២លាន៨សែនប័ណ្ណ ។ថ្លែងប្រាប់អ្នកយកព័ត៌មាន ក្នុងឱកាស​ចុះត្រួតពិនិត្យ ដំណើរការធ្វើប័ណ្ណចាក់វ៉ាក់សាំងកូវីដ-១៩ ជូនប្រជាពលរដ្ឋ របស់ក្រុមការការផលិតប័ណ្ណ កងពកងពលតូចលេខ៧០ នាព្រឹកថ្ងៃទី១៧ ខែសីហា ឆ្នាំ២០២១នេះ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការ​ចម្រុះនៃកងយោធពលខេមរភូមិន្ទ និងជាប្រធានប្រតិបត្តិចាក់វ៉ាក់សាំងកូវីដ-១៩ រាជរដ្ឋា​ភិបាល​បានផ្តល់​ទំនុកចិត្តដល់កងយោធពលខេមរភូមិន្ទ ដើម្បីចាក់វ៉ាក់សាំងជូន​ដល់បងប្អូនប្រជាពលរដ្ឋ​នៅតាមគោលដៅដែលបានកំណត់ និងដើម្បីបញ្ជាក់ឲ្យច្បាស់លាស់​ក្នុងការចាក់​ជូនពួកគាត់រួច​ ឬមិនរួចនោះ គឺកងទ័ពបានធ្វើប័ណ្ណសម្គាល់ជូនពួកគាត់ ដោយមិនមានការយកលុយអ្វីទាំងអស់ គឺធ្វើឡើងដើម្បីលើក​កម្ពស​សុខុមាលភាព​របស់ពួកគាត់តែប៉ុណ្ណោះ។ជាមួយគ្នានោះដែរ នាយឧត្តមសេនីយ៍ ឥត សារ៉ាត់ ក៏បានបញ្ជាក់ផងដែរថា ការធ្វើ​ប័ណ្ណសម្គាល់​ជូនដល់កងទ័ព និងបងប្អូនប្រជាពលរដ្ឋនេះ គឺមានអត្ថប្រយោជន៍ជាខ្លាំង ដោយ​សម្គាល់​ និង​បញ្ជាក់អំពីភាពចូលរួមសង្គមរបស់ពួកគាត់ជាមួយរាជរដ្ឋាភិបាល ក្នុងការកាត់បន្ថយ​ការ​រីករាលដាលនូវមេរោគកូវីដ១៩ ​និងក៏ដើម្បីការពារអាយុជីវិតរបស់ពួកគាត់ផងដែរ។ក្នុងកិច្ចសម្ភាសន៍ជាមួយអ្នកសារព័ត៌មាននេះដែរ នាយឧត្តមសេនីយ៍ ឥត សារ៉ាត់ ក៏បានបញ្ជាក់ផងដែរថា រហូតដល់ពេលនេះ កងទ័ព ក្រុមគ្រួសារកងទ័ព ក្រុមកីឡាករ កម្ពុជា​បាន​ធ្វើការ​ចាក់វ៉ាក់សាំងដូសទី៣រួចជាស្ថាពរ បានចំនួនប្រមាណជិត២០ម៉ឺននាក់ហើយ ក្នុង​ចំណោម​ជាង៣០ម៉ឺននាក់ ដែលរាជរដ្ឋាភិបាលបានប្រគល់ឲ្យក្រសួងការពារជាតិជាអ្នកចាត់ចែងនោះ៕អត្ថបទ បាន ចក់

WHO ៖ ស្ថានភាពកូវីដ១៩ នៅកម្ពុជាកំពុងល្អប្រសើរឡើងវិញ បន្ទាប់ពីតស៊ូទប់ទល់ជាច្រើនខែ

2021/08/16 12:39:39 pm        852
Facebook Telegram Linkin
ភ្នំពេញ៖ អង្គការសុខភាពពិភពលោក (WHO) តាមរយៈតំណាងរបស់ខ្លួនប្រចាំនៅកម្ពុជា បានអះអាងថា ស្ថានភាពជំងឺកូវីដ១៩ នៅប្រទេសកម្ពុជាកំពុងមានភាពល្អប្រសើរឡើងវិញ បន្ទាប់ពីរាជរដ្ឋាភិបាល និងមានការចូលរួមពីគ្រប់ភាគីទាំងអស់ ក្នុងការតស៊ូទប់ទល់ និងរួមគ្នាទប់ស្កាត់អស់រយៈពេលប៉ុន្មានខែកន្លងទៅនេះ ។នាឱកាសចូលរួមក្នុងយុទ្ធនាការថ្នាក់ជាតិ (រួមគ្នាទទួលខុសត្រូវទប់ស្កាត់ការចម្លងវីរុសកូវីដ-១៩) នៅថ្ងៃទី១៦ ខែសីហា ឆ្នាំ២០២១ លោកជំទាវ Li Ailan តំណាងអង្គការសុខភាពពិភព​លោក​ប្រចាំ​នៅ​កម្ពុជា បានថ្លែងថា កម្ពុជាគឺជាប្រទេសមួយ ក្នុងចំណោមប្រទេសដែលជោគជ័យបំផុត​ក្នុងការ​ចាក់វ៉ាក់សាំងកូវីដ១៩ ជូនប្រជាពលរដ្ឋ ដែលជាប្រទេសនៅក្នុងតំបន់ប៉ាស៊ីហ្វិកខាងលិច​របស់​អង្គការសុខាភិបាលពិភពលោក ។លោកជំទាវ បន្ថែមថា សម្រាប់យុទ្ធនាការថ្នាក់ជាតិ ដែលកម្ពុជាបានអនុវត្តនៅពេលនេះ គឺចំនិង​ត្រូវពេលវេលា ខណៈកំពុងប្រយុទ្ធនឹងជំងឺកូវីដ១៩ ប្រភេទបំប្លែងថ្មីជាច្រើនប្រភេទ ពិសេស​វីរុស​បំប្លែងថ្មីដែលតា ហើយសកម្មភាពនៅថ្ងៃនេះ នឹងបានជួយទប់ស្កាត់ការចម្លងកូវីដ១៩ នៅថ្ងៃស្អែក តាមរយៈការរួមគ្នា វានឹងធ្វើឲ្យកាត់បន្ថយនូវការប៉ះពាល់ដល់សង្គមផងដែរ ។ជាមួយគ្នានេះ តំណាង WHO បានសង្កត់ធ្ងន់ថា តែយ៉ាងណាបញ្ហាជំងឺកូវីដ១៩ នៅឆ្ងាយពីទី​បញ្ចប់​នៅឡើយ ដូច្នេះត្រូវតែមានការប្រុងប្រយ័ត្នខ្ពស់ មិនត្រូវឈប់អនុវត្តវិធានការសាធារណៈ និងវិធាន​ការ​សង្គមនោះទេ ការ​បន្ធូរបន្ថយ​នូវវិធានការទាំងអស់នេះ ឆាប់រហ័ស និងលឿនពេកវា​នឹង​បាត់បង់​ទៅវិញ នូវ​លទ្ធផល​ដែលយើងទទួលបានយ៉ាងលំបាក ។ក្រសួងសុខាភិបាល បានប្រកាសថា កាលពីថ្ងៃទី១៥ ខែសីហា ឆ្នាំ២០២១ បានរកឃើញអ្នកវិជ្ជមាន​កូវីដ១៩ ចំនួន៥៩៣នាក់ ព្យាបាលជាសះស្បើយចំនួន ៨០៦នាក់ និងស្លាប់ចំនួន ២១នាក់ ។ ចាប់តាំងពីការផ្ទុះឆ្លងជំងឺកូវីដ១៩ សម្រាប់នៅក្នុងប្រទេសកម្ពុជា បានរកឃើញអ្នកវិជ្ជមានចំនួន ៨៦ ០៤១នាក់ ត្រូវបានព្យាបាលជាសះស្បើយចំនួន ៨១ ២០២នាក់ និងស្លាប់ចំនួន ១ ៧០៤នាក់ ៕អត្ថបទ ៖ សុខរិទ្ធ

៣ថ្ងៃមានពលករខ្មែរវិលមកពីថៃ តាមច្រកខេត្តបាត់ដំបងជិត៩០០នាក់ វិជ្ជមានកូវីដជាង៧០នាក់

2021/08/16 11:54:24 am        804
Facebook Telegram Linkin
បាត់ដំបង ៖ ក្នុងរយៈពេល៣ថ្ងៃបន្ទាប់ពីបើកដំណើរការច្រកព្រំដែនឡើងវិញ មានពលករខ្មែរត្រឡប់មកពីប្រទេសថៃ ចូលតាមច្រកព្រំដែនខេត្តបាត់ដំបង ចំនួន៨៨១នាក់ ក្នុងនោះ បានរកឃើញវិជ្ជមានជំងឺកូវីដ១៩ចំនួន៧១នាក់។លោក សឿម ប៊ុនរិទ្ធិ អភិបាលរងខេត្ត និងជាអ្នកនាំពាក្យរដ្ឋបាលខេត្តបាត់ដំបង បានឲ្យដឹងថា កាលពីថ្ងៃទី១៣ ខែ សីហា ពលករខ្មែរចេញពីប្រទេសថៃ ចូលមកប្រទេសកម្ពុជា តាមច្រកទ្វារតំបន់ព្រំដែនសួនស៊ុ (អូរអន្លក់) ស្រុកកំរៀង និង អូរព្រំដែនកោះតូច ស្រុកសំពៅលូន មានចំនួន៣៩៨នាក់ បានធ្វើតេសរហ័ស រកឃើញឆ្លងជំងឺកូវីដ១៩ចំនួន២៩នាក់។ចំណែកនៅថ្ងៃទី១៤ ខែ សីហា មានពលករចូលមកតាមច្រកទ្វារតំបន់ព្រំដែនសួនស៊ុ (អូរអន្លក់) សរុបចំនួន៣៨៥នាក់ ធ្វើតេស្តរហ័ស រកឃើញមានវិជ្ជមានកូវីដ១៩ ចំនួន៣២នាក់។សម្រាប់ថ្ងៃទី១៥ ខែ សីហា មានពលករចូលមកតាមច្រកទ្វារតំបន់ព្រំដែនសួនស៊ុ(អូរអន្លក់) ចំនួន៩៨នាក់ បានធ្វើ​តេស្តរហ័សរកឃើញវិជ្ជមានកូវីដ១៩ ចំនួន១០នាក់។នៅព្រឹកថ្ងៃទី ១៦ ខែ សីហា ឆ្នាំ ២០២១នេះ ឯកឧត្តម ងួន រតនៈ អភិបាលខេត្តបាត់ដំបង បាន​អញ្ជើញចូលរួមយុទ្ធនាការអប់រំផ្សព្វផ្សាយក្រោមប្រធានបទ"រួមគ្នាទទួលខុសត្រូវទប់ស្កាត់ការចម្លងវីរុសកូវីដ-១៩"។យុទ្ធនាការអប់រំផ្សព្វផ្សាយនេះ ធ្វើឡើងនៅក្នុងក្រុងបាត់ដំបង​ដោយមានការចុះបិទផ្លាកណែនាំ​នៅ​តាមដើមឈើ និងចងបដាអប់រំតាមទីកន្លែងសាធារណៈផ្សេងៗ ដើម្បីជំរុញឲ្យប្រជាពលរដ្ឋបាន​យល់ដឹង និងចូលរួមទប់ស្កាត់ការចម្លងជំងឺកូវីដ១៩ឲ្យបានគ្រប់ៗគ្នា។ សម្រាប់ខេត្តបាត់ដំបង រហូតមកពេលនេះមិនទាន់មានករណីឆ្លងជំងឺកូវីដ១៩ប្រភេទDelta ចូល​ក្នុង​សហគមន៍ឡើយដោយសារតែអាជ្ញាធរខេត្តគ្រប់គ្រងបានយ៉ាងល្អនូវលំហូរពលករខ្មែរមកពីប្រទេសថៃ តាមរយៈការពង្រឹងកងកម្លាំងមានសមត្ថកិច្ចឈរជើងនៅតាមខ្សែ​បន្ទាត់ព្រំដែន​មិនឲ្យ​មាន​ពលករ ឬ ប្រជាពលរដ្ឋលួចចេញចូលឆ្លងដែនបានឡើយ។រដ្ឋបាលខេត្តបាត់ដំបងនៅថ្ងៃទី១៥ ខែ សីហា ឆ្នាំ ២០២១ បានចេញសេចក្ដីប្រកាសព័ត៌មានស្ដីពី ករណីរកឃើញវិជ្ជមានកូវីដ១៩ ចំនួន៩៥នាក់ថ្មី ករណីជាសះស្បើយ១៦៦នាក់ និងស្លាប់ម្នាក់ ។រហូតមកដល់ពេលនេះ ខេត្តបាត់ដំបង បានរកឃើញអ្នកឆ្លងជំងឺកូវីដ១៩ សរុបចំនួន ៤ ៦៨៧នាក់ ក្នុងនោះបានព្យាបាលជាសះស្បើយ ៣ ២៨៧នាក់ កំពុងសម្រាកព្យាបាល ១ ៣៤០នាក់ និងស្លាប់៦០នាក់៕ អត្ថបទ៖ នឿត សុភ័ក្ត្រ

លោកជំទាវ ឱ វណ្ណឌិន ៖ វីរុសបំប្លែងថ្មីដែលតា និងអាលហ្វា កំពុងចរាចរយ៉ាងសកម្មនៅកម្ពុជា គួរឲ្យព្រួយបារម្ភ

2021/08/16 04:15:30 am        430
Facebook Telegram Linkin
ភ្នំពេញ៖ លោកជំទាវ ឱ វណ្ណឌិន រដ្ឋលេខាធិការក្រសួងសុខាភិបាល បានថ្លែងថា បច្ចុប្បន្ន វីរុសកូវីដ១៩ ប្រភេទបំប្លែងថ្មី គឺប្រភេទដែលតា និងអាលហ្វា កំពុងមានការឆ្លងជាច្រើនករណី និងកំពុងចរាចរយ៉ាងសកម្ម នៅក្នុងប្រទេសកម្ពុជា ដែលវាបានបង្កជាហានិភ័យ និងគួរឲ្យព្រួយបារម្ភ ។ក្នុងយុទ្ធនាការថ្នាក់ជាតិក្រោមប្រធានបទ “រួមគ្នាទទួលខុសត្រូវទប់ស្កាត់ ការចម្លងវីរុសកូវីដ១៩” ក្រោមអធិបតីភាពឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល នៅថ្ងៃទី១៦ ខែសីហា ឆ្នាំ២០២១ លោកជំទាវរដ្ឋលេខាធិការ មានប្រសាសន៍ថា ស្ថានភាពរាតត្បាតនៃជំងឺកូវីដ-១៩ នៅលើសកលលោកនៅមិនទាន់មានការថមថយនៅឡើយទេ ពិសេសជាមួយនឹងវត្តមាន​នៃវីរុសបំប្លែងថ្មីជាបន្តបន្ទាប់ បង្កជាហានិភ័យនៃការឆ្លងរាតត្បាតមកក្នុងប្រទេសកម្ពុជា ។លោក ជំទាវបន្ថែមថា ទន្ទឹមនឹងការព្រួយបារម្ភការឆ្លងរាលដាលជំងឺកូវីដ១៩ ប្រភេទបំប្លែងថ្មីនេះ ប្រជាពលរដ្ឋគ្រប់រូប មិនត្រូវមានការធ្វេសប្រហែស និងគិតថាខ្លួនមិនមានហានិភ័យនៃការឆ្លង និងចម្លង ដោយអាងបានចាក់វ៉ាក់សាំងរួចរាល់ ហើយមានការធុនទ្រាន់ ក្នុងការចូលរួមទប់ស្កាត់​ការឆ្លងរាលដាននៃជំងឺកូវីដ១៩ ព្រោះវីរុសបំប្លែងថ្មីដែលតា និងអាលហ្វាកំពុងចរាចរ នៅក្នុងប្រទេសកម្ពុជាយើងហើយ ។លោកជំទាវ រំពឹងថា យុទ្ធនាការថ្នាក់ជាតិនេះ នឹងជួយពញ្ញាក់ស្មារតី​អំពីគ្រោះថ្នាក់នៃការរាតត្បាត​ការចម្លងវីរុសកូវីដ-១៩ ដែលអាចផ្ទុះឡើងទ្រង់ទ្រាយធំក្នុងសហគមន៍ បានគ្រប់ពេលវេលា និងទាមទារឲ្យមានការចូលរួមទទួលខុសត្រូវទាំងអស់គ្នាពីបុគ្គល គ្រួសារ សហគមន៍ ស្ថាប័ន​ពាក់ព័ន្ធ សេវាឯកជននានា ដើម្បីទប់ស្កាត់ការចម្លងវីរុសកូវីដ-១៩ មុននឹងអ្វីៗយឺតពេល និង​សូមអំពាវនាវដល់រដ្ឋអនុវត្តនូវប្រធានបទ “រួមគ្នាទទួលខុសត្រូវទប់ស្កាត់ ការចម្លងវីរុសកូវីដ-១៩” ។យោងតាមសេចក្តីប្រកាសព័ត៌មាន របស់ក្រសួងសុខាភិបាល បានបង្ហាញថា ចាប់ពីថ្ងៃទី៣១ ខែមិនា ដល់ថ្ងៃទី១៣ ខែសីហា ឆ្នាំ២០២១ កម្ពុជាបានរកឃើញអ្នកមានវិជ្ជមានវីរុសកូវីដ១៩ ប្រភេទដែលតា លើពលករត្រឡប់ពីប្រទេសថៃ និងប្រទេសវៀតណាម អ្នកធ្វើដំណើរមកតាមជើងហោះហើរ បុគ្គលិកសុខាភិបាល មន្ត្រីរាជការ និងអ្នកភូមិនៅក្នុងសហគមន៍សរុបទាំងអស់ចំនួន ៤៩៤នាក់ (ស្រី២៤៣នាក់) និងបានប៉ះពាល់រាជធានីខេត្ត ចំនួន២២ នៅទូទាំងប្រទេស ៕អត្ថបទ ៖ បាន សុខរិទ្ធ

កាកបាទក្រហមកម្ពុជា ប្រគល់ផ្ទះចំនួន២៥០ខ្នងជំហានទី២ ជូន​​អតីត​យុទ្ធជន​ក្រីក្រ​នៅ​ខេត្តពោធិ៍សាត់

2021/08/15 03:00:25 pm        343
Facebook Telegram Linkin
ពោធិ៍សាត់ ៖ ផ្ទះថ្មីចំនួន២៥០ខ្នង ដែលបានសាងសង់រួចរាល់ក្នុងចំណោម៦២៨ខ្នងផ្ទះ ជា​អំណោយកាកបាទក្រហមកម្ពុជា ដែលមានហ្លួងម៉ែ នរោត្តម មុនីនាថ សីហនុ ជា​ព្រះប្រធាន​កិត្តិយស និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រធានបានប្រារព្ធពិធីប្រគល់-ទទួលជំហានទី២ ជូនអតីតយុទ្ធជនកម្ពុជាក្រីក្រចំនួន២៥០គ្រួសារ នៅភូមិប៊ុនរ៉ានីសែនជ័យ ឃុំព្រងិល ស្រុកភ្នំក្រវាញ ខេត្តពោធិ៍សាត់ នៅព្រឹកថ្ងៃទី១៥ ខែសីហា នេះ ។កម្មវិធីនេះ ក្រោមវត្ដមានលោកជំទាវ ម៉ែន នារីសោភ័គ អគ្គលេខាធិការរងទី១ តំណាងដ៏ខ្ពង់ខ្ពស់​សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងមានការចូលរួម​ពី​នាយឧត្តសេនីយ៍ គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគម​អតីតយុទ្ធ​ជន​កម្ពុជា និងឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ និងជាប្រធាន​កិត្តិយស​សមាគមអតីតយុទ្ធជនកម្ពុជាខេត្ត។គួរបញ្ជាក់ថា ពិធីប្រគល់-ទទួលផ្ទះចំនួន២៥០ខ្នងជូនអតីតយុទ្ធជនក្រីក្រនៅថ្ងៃនេះ គឺជាការផ្តល់ជូនជំហានទី២ ដែលកាលពីជំហានទី១ បានប្រគល់ជូនអតីតយុទ្ធជនក្រីក្រ និងពិការភាពចំនួន ៥០គ្រួសាររួចមកហើយកាលពីអំឡុងខែមិថុនា ឆ្នាំ២០២១កន្លងទៅ៕

កាកបាទក្រហមកម្ពុជា ផ្ដល់​ប្រាក់​កម្ចី​ខ្នាតតូចគ្មានការប្រាក់ ​ជូន​ពលរដ្ឋរង​គ្រោះដោយ​ទឹកជំនន់​ចំនួន ៤៤គ្រួសារ រស់នៅឃុំផ្ទះរុង ស្រុកតាលោសែនជ័យ

2021/08/14 09:12:13 am        566
Facebook Telegram Linkin
ពោធិ៍សាត់ ៖ កាកបាទក្រហមកម្ពុជា​ដែលមាន​ហ្លួងម៉ែ នរោត្តម មុនិនាថ សីហនុ ជាព្រះប្រធានកិត្តិយស និងមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានប្រគល់ប្រាក់​កម្ចី​ខ្នាតតូចគ្មានការប្រាក់ជូន​ប្រជាពលរដ្ឋរងគ្រោះដោយទឹកជំនន់ចំនួន ៤៤គ្រួសារ រស់នៅឃុំផ្ទះរុង ស្រុកតាលោសែនជ័យ​ ខេត្តពោធិ៍សាត់។នៅថ្ងៃសៅរ៍ ទី១៤ ខែសីហា ឆ្នាំ២០២១នេះ លោកជំទាវ ម៉ែន នារីសោភ័គ​ អគ្គលេខាធិការរងទី១ កាកបាទក្រហមកម្ពុជា និងឯកឧត្តម ខូយ រីដា អនុប្រធានអចិន្ត្រៃយ៍​​គណៈកម្មាធិការសាខា​កាក​បាទ​ក្រហមកម្ពុជា ខេត្តពោធិ៍សាត់ បានចុះ​ជួបសំណេះសំណាលសួរសុខទុក្ខ និងប្រគល់ប្រាក់​កម្ចី​ខ្នាតតូច​គ្មានការប្រាក់ ដែលជាជំនួយថវិការបស់សប្បុរសជនកូរ៉េ តាមរយៈក្រុមហ៊ុន​សាជីវកម្ម​ធានារ៉ាប់​រងកូរ៉េ កាកបាទក្រហមកូរ៉េ និងធនាគារហិរញ្ញវត្ថុវូរី ជូនប្រជាពលរដ្ឋរង​គ្រោះដោយ​ទឹកជំនន់​ចំនួន ៤៤គ្រួសារ (គ្រួសារនីមួយៗទទួលបានថវិកា២៥០ដុល្លារអាមេរិក ) រស់នៅភូមិចំនួន៨ នៃឃុំផ្ទះរុង ស្រុកតាលោសែនជ័យ ខេត្តពោធិ៍សាត់។ក្នុងឱកាសនោះ លោកជំទាវអគ្គលេខាធិការរងទី១ បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា​សាកសួរសុខទុក្ខ និង​ការលើក​ទឹកចិត្តដល់​ប្រជាពលរដ្ឋទាំងអស់ឱ្យបន្តខិតខំប្រឹងប្រែងខ្លួនឯងបន្ថែមទៀត​ពង្រីកមុខរបរ ដើម្បី​លើ​ស្ទួយជីវភាពគ្រួសារឱ្យកាន់តែប្រសើឡើង។ជាមួយគ្នានេះ​ សូមប្រជាពលរដ្ឋ​ទាំងអស់ចូលរួមទប់ស្កាត់ និងកាត់ផ្តាច់ខ្សែចម្លងនៃជំងឺកូវីដ-១៩ តាមរយៈអនុវត្តឱ្យបានខ្ជាប់ខ្ជួននូវវិធានការនានា​របស់រាជរដ្ឋាភិបាលអនុវត្ត ៣ការពារ ​៣កុំ ២ចូលរួម និង​ការធ្វើ​ចត្តាឡីស័កឱ្យបានត្រឹមត្រូវ។​ទន្ទឹមនឹងនេះ សូមបងប្អូនរស់នៅមានអនាម័យ បរិភោគទឹកឆ្អិន ជៀសផុតពីជំងឺឆ្លងនានា។គ្រួសារទទួលផលទាំងអស់ បានថ្លែងអំណរគុណយ៉ាងជ្រាលជ្រៅចំពោះ កាកបាទក្រហមកម្ពុជា ដែលបានផ្តល់ប្រាក់កម្ចីខ្នាតតូចគ្មានការប្រាក់ ដើម្បីជាដើម​ទុនក្នុងការពង្រីកមុខរបរ។ ជាមួយគ្នានេះ ​គ្រួសារនីមួយៗបានទទួលអំណោយបន្ថែមរួមមាន ៖ ម៉ាស់ , អាល់កុល , សាប៊ូដុំ និងឃីត (មុង ភួយ សារុង ក្រមា អាវយឺត ) ១កញ្ចប់ផងដែរ។​សូមជម្រាបជូនថា សម្រាប់ខេត្តពោធិ៍សាត់ ចាប់តាំងពីឆ្នាំ២០០៥ ដល់បច្ចុប្បន្ននេះ កាកបាទក្រហមកម្ពុជា បានផ្តល់ប្រាក់កម្ចីខ្នាតតូចគ្មានការប្រាក់ ជូនដល់ប្រជាពលរដ្ឋសរុបចំនួន ២.១១៥គ្រួសារ ដែលជាជំនួយរបស់កាកបាទក្រហមអូទ្រីស អាឡឺម៉ង់ ណ៍រវេស អូស្រ្តាលី និង ICRC ដែលប្រាក់កម្ចីនេះ បាននិងកំពុងជួយកាត់បន្ថយការរងគ្រោះថ្នាក់ ដោយសារមីន និង​សំណល់ជាតិផ្ទុះពីសង្គ្រាម និង​ធ្វើ​ឱ្យជីវភាពរស់នៅកាន់តែល្អប្រសើឡើង តាមរយៈការ​ប្រកបរបរ​ដាំដំណាំ ចិញ្ចឹមសត្វ លក់គ្រឿងទេស កាត់ដេរ អ៊ុតសក់ ជួសជុលកង់ម៉ូតូ។ល។ ដោយឡែកទីស្នាក់ការកណ្តាលកាកបាទក្រហមកម្ពុជា បានផ្តល់ប្រាក់កម្ចី ដល់គ្រួសារអតីត​យុទ្ធជន​នៅឆ្នាំ២០១៩ ចំនួន ២២គ្រួសារ និងប្រើប្រាស់ប្រាក់បង្វិល ផ្តល់ជាប្រាក់កម្ចីវិញនៅឆ្នាំ២០២១នេះ បានចំនួន២១គ្រួសារ៕អត្ថបទ ៖ ចក 

អាជ្ញាធរខេត្តចុះជួយបូមទឹកសង្រ្គោះស្រូវពលរដ្ឋចំនួន១២០០ហិកតាដែលរងផលប៉ះពាល់​

2021/08/14 03:24:56 pm        515
Facebook Telegram Linkin
ឧត្តរមានជ័យ ៖ ស្រូវប្រជាពលរដ្ឋចំនួន១២០០ហិកតា ក្នុងនោះ​ចំនួ​ន​ ៨០០ហិកតា​ត្រូវរងផលប៉ះពាល់​ធ្ងន់ធ្ងរ​ត្រូវបាន​សង្រ្គោះបន្ទាន់​ស្ថិតក្នុងឃុំជើងទាន ស្រុកចុងកាល់ ខេត្តឧត្តរមានជ័យ នាព្រឹកថ្ងៃទី១៤សីហាឆ្នាំ២០២១នេះ ។លោក ញើន កួន ប្រធានមន្ទីរធនទឹក និងឧតុនិយមខេត្តឧត្តរមានជ័យ បានឲ្យដឹងថា ស្រូវ​របស់​ប្រជាពលរដ្ឋ​ចំនួន៥ភូមិ គឺភូមិគោកពង្រ ភូមិជើងទាន ភូមិឆ្កែស្រែង ភូមិស្រែប្រាំង នឹងភូមិតានោក ក្នុងឃុំជើងទាន ស្រុកចុងកាល់ ខេត្តឧត្តរមានជ័យ បច្ចុប្បន្នបានរងផលប៉ះពាល់ចំនួន ១២០០ហិកតា ក្នុងនោះស្រូវចំនួន៨០០ហិកតាត្រូវសង្រ្គោះបន្ទាន់ ដែលរងប៉ះពាល់ធ្ងន់ធ្ងរជាងគេ​ ដោយសារ​តែ​បញ្ហា​អាកាសធាតុភ្លៀងធ្លាក់មិនគ្រប់គ្រាន់។លោក បន្តថា ក្នុងការជួយសង្រ្គោះនោះដែរ អាជ្ញាធររួមទាំង​មន្រ្តីធនធានទឹកបានប្រើប្រាស់​ម៉ាស៊ីន​ធំចំនួន៤ម៉ាស៊ីន និងម៉ាស៊ីនតូចៗ​ របស់ពលរដ្ឋចំនួន៣៥ម៉ាស៊ីន ​ដើម្បីរួមគ្នាបូមទឹក​ជួយ​សង្រ្គោះ​ស្រូវ​របស់ពលរដ្ឋដែលរងផលប៉ះពាល់ឲ្យបានទាន់ពេលវេលា។ក្នុងការចុះពិនិត្យជួយបូមទឹកសង្រ្គោះស្រូវពលរដ្ឋនាពេលនោះដែរ ឯកឧត្តម ប៉ែន កុសល្យ អភិបាល​ខេត្តឧត្តរមានជ័យ បានលើកឡើងថា ក្នុងនាមអាជ្ញាធរខេត្តដៃម្ខាង​ទប់ស្កាត់​ការរាលដាល​ជំងឺកូវីដ-១៩ និងដៃម្ខាងទៀតជួយសង្រ្គោះស្រូវ​របស់​បងប្អូនប្រជាពលរដ្ឋ​ដែលរងផលប៉ះពាល់​ដោយសារ​បញ្ហា​អាកាសធាតុ​ខ្វះខាត​ទឹកធ្វើស្រែ ដូច្នេះហើយ​អាជ្ញាធរខេត្ត​បានខិតខំប្រឹងប្រែង​រិះរក​​គ្រប់​មធ្យោបាយ ធ្វើយ៉ាងណាឲ្យបងប្អូនពលរដ្ឋ​ទទួល​បាន​ភាពកក់ក្តៅ​គ្រប់ពេលវេលា​បើទោះបី​ជា​កាលៈទេសៈនេះ យើងកំពុងជួបប្រឈម​ និង​បញ្ហា​លំបាកនានា​ ដែល​កើត​មានឡើង​ចំពោះមុខក្តី​ក៏អាជ្ញាធរខិតខំដោះស្រាយរាល់បញ្ហាប្រឈមទាំងអស់ជូនបងប្អូនមិនឲ្យលំបាកនោះឡើយ៕អត្ថបទ ៖ ឃិនសារិទ្ធ

បណ្ដាញសង្គម

ព័ត៌មានថ្មីៗ

ព្យុះត្រូពិក Podul បក់បោកទៅដល់ភាគខាងត្បូងប្រទេសចិន ទម្លាក់ទឹកភ្លៀងយ៉ាងខ្លាំងក្លា
08/14/2025 10:08 AM
Facebook Telegram Linkin
ក្រុមស្រាវជ្រាវ៖ រុស្ស៊ី ហាក់ត្រៀមសាកល្បងមីស៊ីលថ្មី ខណៈជំនួបលោក Trump-Putin ជិតមកដល់
08/14/2025 10:08 AM
Facebook Telegram Linkin
Press Briefing – Update on the implementation of the immediate and unconditional ceasefire agreement between Cambodia and Thailand ( August 14, 2025 )
08/14/2025 10:08 AM
Facebook Telegram Linkin
Press Briefing -Update on the implementation of the immediate and unconditional ceasefire agreement between Cambodia and Thailand ( August 14, 2025 )
08/14/2025 10:08 AM
Facebook Telegram Linkin
ពលរដ្ឋប៉ាឡេស្ទីនជាង១០០នាក់ ត្រូវបានសម្លាប់ ខណៈកងទ័ពអ៊ីស្រាអែលបាញ់ផ្លោងចូលទីក្រុងហ្កាហ្សា
08/14/2025 10:08 AM
Facebook Telegram Linkin
ក្រុមអ្នកសង្កេតការណ៍អន្តរកាលយោធាមកពីប្រទេស៧ ជួបមេបញ្ជការយោធភូមិភាគទី៥ ដើម្បីស្វែងយល់លម្អិតពីស្ថានភាពសន្តិសុខតាមព្រំដែន
08/14/2025 10:08 AM
Facebook Telegram Linkin
សម្ដេចតេជោ ហ៊ុន សែន៖ «ប៉ុន្មាន​​ថ្ងៃ​នេះ​ផ្ទុះ​រឿង​ផ្លែស្ពឺ «ហូបស្ពឺអត់» លុះ​ស្រាវ​ជ្រាវ​ទៅ​ទើប​ដឹង​ថា​ជា​រឿងរបស់​នាយករដ្ឋមន្ត្រី​បច្ចុប្បន្ន​ជាមួយ​ស្ត្រីទី១ កាលពី​ក្មេង​»
08/14/2025 10:08 AM
Facebook Telegram Linkin
ថៃកំពុងឈានទៅរកវិបត្តិរដ្ឋធម្មនុញ្ញមួយទៀត ខណៈថ្ងៃ២៩សីហានឹងកំណត់ជោគវាសនានាយករដ្ឋមន្ត្រី Paetongtarn
08/14/2025 09:08 AM
Facebook Telegram Linkin
លោក Zelensky និងក្រុមមេដឹកនាំអឺរ៉ុប បានព្រមព្រៀងជាមួយលោក Trump លើយុទ្ធសាស្ត្រសម្រាប់ការចរចាជាមួយរុស្ស៊ី
08/14/2025 09:08 AM
Facebook Telegram Linkin
លោក Macron៖ មានតែ លោក Zelenskiy ទេ ដែលអាចចរចារកិច្ចព្រមព្រៀងទឹកដីអ៊ុយក្រែនបាន
08/14/2025 09:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.