BTV NEWS

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ

នយោបាយ និង ការអភិវឌ្ឍន៍

វ៉ាក់សាំងស៊ីណូហ្វាមរបស់ចិនចំនួន១លានដូសថ្មីទៀត ត្រូវបានដឹកមកដល់កម្ពុជាហើយ

ភ្នំពេញ ៖ វ៉ាក់សាំងបង្ការជំងឺកូវីដ១៩ ប្រភេទស៊ីណូហ្វាមរបស់ចិនចំនួន១លានដូសបន្ថែមទៀត ដែលរដ្ឋាភិបាលបញ្ជាទិញពីភាគីចិន ត្រូវបានដឹកតាមយន្តហោះមកដល់ប្រទេសកម្ពុជា នៅព្រឹកថ្ងៃទី០៦ ខែកក្កដា ឆ្នាំ២០២១នេះ។ក្នុងខែកក្កដានេះ វ៉ាក់សាំងពីប្រទេសចិន នឹងមកដល់កម្ពុជាចំនួន៥លានដូស។ ក្នុងនោះនៅថ្ងៃទី៦ ខែកក្កដា ចំនួន១លានដូស។ នៅថ្ងៃទី១០ ខែកក្កដា មកដល់ចំនួន ៤លានដូស ក្នុងនោះ ១លានដូស ជាស៊ីណូហ្វាម ហើយ៣លានដូសជាស៊ីណូវ៉ាក់។ ដោយឡែកនៅខែសីហាខាងមុខនេះ កម្ពុជានឹងទទួលបានវ៉ាក់សាំងចំនួន៤លានដូសបន្ថែមទៀត។ វ៉ាក់សាំង ដែលកម្ពុជាទទួលបានក្នុងខែកក្កដា និងខែសីហា នេះ គឺជាចំនួនវ៉ាក់សាំងគម្រប់២០លានដូស ដែលបានកំណត់ក្នុងផែនការរបស់រាជរដ្ឋាភិបាល ក្នុងការរកយកមកចាក់ជូនប្រជាពលរដ្ឋ។វ៉ាក់សាំង គឺយុទ្ធសាស្ត្រមួយសម្រាប់កម្ពុជា ក្នុងការប្រយុទ្ធប្រឆាំងជំងឺកូវីដ១៩ ក៏ដូចជាការពារសុខភាពរបស់ប្រជាពលរដ្ឋពីជំងឺកូវីដ១៩។ តាមរយៈវ៉ាក់សាំង ដែលកម្ពុជាទទួលបានជាបន្តបន្ទាប់ ជួយឱ្យកម្ពុជាសម្រេចផែនការលើការងារចាក់វ៉ាក់សាំងជូនប្រជាពលរដ្ឋផងដែរ។ គិតត្រឹមថ្ងៃទី០៤ ខែកក្កដា កម្ពុជាចាក់វ៉ាក់សាំងជូនប្រជាពលរដ្ឋ ក៏ដូចជាជនបរទេសនៅកម្ពុជា បានចំនួនជាង ៤.៥លាននាក់ហើយ ស្មើនឹងជាង ៤៥ភាគរយ នៃចំនួនប្រជាពលរដ្ឋត្រូវចាក់ក្នុងផែនការ៕អត្ថបទ ៖ ចក

ស៊ុយអែតគាំទ្រជួយកម្ពុជា តាំងពីក្រោយថ្ងៃរំដោះចេញពីរបបប្រល័យពូជសាសន៍

ភ្នំពេញ ៖ ប្រមុខការទូតកម្ពុជា បានរម្លឹកពីប្រវត្តិនៃទំនាក់ទំនងការទូតរវាងស៊ុយអែត និងកម្ពុជាតាំងពីដើមរៀងមក ជាពិសេសតាំងពីក្រោយថ្ងៃរំដោះចេញពីរបបប្រល័យពូជសាសន៍ខ្មែរក្រហម។ការរម្លឹកឡើងវិញរបស់ប្រមុខការទូតកម្ពុជា បែបនេះបានធ្វើឡើងនាថ្ងៃទី០៥ខែកក្កដា ម្សិលមិញនេះនៅទីស្តីការក្រសួងការបរទេស និងសហប្រតិបត្តិការអន្តរជាតិ ដែលឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ បានអនុញ្ញាតឲ្យឯកឧត្តម ថ្រាន់ ហេគម៉ាក (Bjorn Haggmark) ឯកអគ្គរាជទូតស៊ុយអែតប្រចាំកម្ពុជា ចូលជួបសម្តែងការគួរសម និងជម្រាបលា ក្នុងឱកាសដែលឯកឧត្តម បានបញ្ចប់បេសកកម្មការទូតនៅកម្ពុជា។ឯកឧត្តម ឧបនាយករដ្ឋមន្ត្រី បានសាទរចំពោះ ឯកឧត្តម ឯកអគ្គរាជទូត ដែលបានបំពេញ បេសកកម្មការទូតនៅកម្ពុជាបានល្អ និងបានថ្លែងអំណរគុណចំពោះការចូលរួមចំណែករបស់ឯកឧត្តមក្នុង ការលើកកម្ពស់ និងពង្រឹងនូវទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ។ឯកឧត្តម ឧបនាយករដ្ឋមន្ត្រី ក៏បានរំលឹកពីប្រវត្តិទំនាក់ទំនង និងកិច្ចសហប្រតិបត្តិការល្អ ដែលប្រទេសស៊ុយអែត បានផ្តល់មកកម្ពុជា ជាពិសេស គឺការអនុញ្ញាតឲ្យកម្ពុជាបើកការិយាល័យតំណាងនៅស៊ុយអែតក្រោយពីកម្ពុជាត្រូវបានរំដោះពីរបបប្រល័យពូជសាសន៍ខ្មែរក្រហម។ឆ្លៀតក្នុងឱកាសនោះ ឯកឧត្ដម ឧបនាយករដ្ឋមន្ត្រី បានថ្លែងអំណរគុណចំពោះរដ្ឋាភិបាលស៊ុយអែត ដែលបានផ្តល់ជំនួយអភិវឌ្ឍន៍ដល់ប្រទេសកម្ពុជា តាមរយៈទីភ្នាក់ងារសម្រាប់កិច្ចសហប្រតិបត្តិការអភិវឌ្ឍ អន្តរជាតិរបស់ស៊ុយអែត ក្នុងវិស័យកសិកម្មអប់រំ បណ្ដុះបណ្ដាលវិជ្ជាជីវៈការងារ បរិស្ថាន និងបម្រែបម្រួល អាកាសធាតុ ការគ្រប់គ្រងហិរញ្ញវត្ថុសាធារណៈ និងកម្មវិធីកំណែទម្រង់ថ្នាក់ក្រោមជាតិនៅកម្ពុជា ព្រមទាំង ការផ្ដល់ជំនួយនាំមុខគេតាំងពីឆ្នាំ២០០៦ ដល់អង្គជំនុំជម្រះវិសាមញ្ញក្នុងតុលាការកម្ពុជា (ECCC) ផងដែរ។ជាការឆ្លើយតបឯកឧត្តម ឯកអគ្គរាជទូត បានបញ្ជាក់ថា ស៊ុយអែតក៏នឹងបន្តជួយសាលាក្ដីខ្មែរ ក្រហមរហូតដល់សាលាក្ដីនេះបានបញ្ចប់ភារកិច្ចសព្វគ្រប់។ ឯកឧត្តម ឯកអគ្គរាជទូត បានថ្លែងអំណរគុណ ជាពិសេសជូនចំពោះឯកឧត្តម ឧបនាយករដ្ឋមន្ត្រី ដែលទទួលសវនាការជម្រាបលារបស់ឯកឧត្តមនៅក្នុង ពេលវេលានេះ និងកិច្ចសហប្រតិបត្តិការដ៏ល្អរបស់ថ្នាក់ដឹកនាំ និងមន្ត្រីក្រសួងការបរទេស និងសហប្រតិបត្តិការអន្តរជាតិ ដែលបានជួយគាំទ្រ និងរួមចំណែកធ្វើឱ្យបេសកកម្មការទូតរបស់ ឯកឧត្តមនៅកម្ពុជា ទទួលបានជោគជ័យ ។ឯកឧត្តមឯកអគ្គរាជទូត ក៏បានឯកភាពថា ប្រទេសកម្ពុជា និងស៊ុយអែតពិតជាមានទំនាក់ទំនងពិសេសយូរអង្វែងចាប់ពីស្ថានភាពលំបាករហូតដល់បច្ចុប្បន្ន។ ដោយឡែក ស៊ុយអែតបាន ស្នើសុំជាផ្លូវការបើកស្ថានកុងស៊ុលកិត្តិយសនៅភ្នំពេញ។ភាគីទាំងពីរ បានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការទ្វេភាគីដ៏ល្អលើគ្រប់ វិស័យ ទោះបីជារដ្ឋាភិបាលស៊ុយអែត បានសម្រេចបិទស្ថានឯកអគ្គរាជទូតនៅទីក្រុងភ្នំពេញ ដែលបណ្តាល មកពីការធ្វើកំណែទម្រង់ និងសម្ពាធផ្នែកថវិការបស់ស៊ុយអែតយ៉ាងណាក៏ដោយ ក៏ស៊ុយអែត នៅតែបន្តកិច្ច សហប្រតិបត្តិការអភិវឌ្ឍន៍ជាមួយកម្ពុជា តាមរយៈស្ថានឯកអគ្គរាជទូតស៊ុយអែតដែលមាននិវេសនដ្ឋាននៅ ទីក្រុងបាងកក និងការិយាល័យតំណាងនៅភ្នំពេញ ដែលមានបុគ្គលិកមកពីទីភ្នាក់ងារសម្រាប់កិច្ចសហ ប្រតិបត្តិការអភិវឌ្ឍន៍អន្តរជាតិរបស់ស៊ុយអែត (Swedish International Development Cooperation Agency -SIDA) នៅភ្នំពេញ និងតាមរយ:កិច្ចសហប្រតិបត្តិការថ្នាក់តំបន់ចំពោះមុខ សម្រាប់ឆ្នាំ ២០២២ ២០២៦ ដែលយកចិត្តទុកដាក់នឹងការលើកកម្ពស់សិទ្ធិមនុស្ស និង ស្ថាប័នប្រជាធិបតេយ្យអនុលោមតាម រដ្ឋធម្មនុញ្ញរបស់កម្ពុជា។ព្រមជាមួយនេះ ភាគីទាំងពីរចូលរួមកិច្ចសហប្រតិបត្តិការអន្តរជាតិដើម្បីជម្នះជំងឺរាតត្បាតកូវីដ-១៩ ទន្ទឹមនឹងជោគជ័យរបស់រាជរដ្ឋាភិបាលកម្ពុជាក្នុងការចាក់ថ្នាំបង្ការជូនប្រជាពលរដ្ឋបាន ៤៥% គិតត្រឹមថ្ងៃ ទី៤ ខែកក្កដា កន្លងទៅនេះ។តួអង្គសំខាន់ក្នុងការជំរុញការផ្លាស់ប្ដូរពាណិជ្ជកម្ម ដែលអំណោយផលដល់កម្ពុជា គឺក្រុមហ៊ុន កាត់ដេរ H&M ដែលមានបំណងបន្តវត្តមាននៅកម្ពុជា ហើយយកចិត្តទុកដាក់នឹងការអភិវឌ្ឍប្រកបដោយ ចេរភាព ក្នុងនោះ គឺការយកចិត្តទុកដាក់នឹងការប្រែប្រួលអាកាសធាតុ ដោយគោរពការពារបរិស្ថាន បើ ប្រាស់ថាមពលដែលកកើតឡើងវិញបាន លក្ខខ័ណ្ឌការងារ ការបណ្ដុះបណ្ដាលពលករ និងការគោរពយេនឌ័រ។ក្រៅពីទំនាក់ទំនងទ្វេភាគី ភាគីទាំងពីរក៏បានពិភាក្សាប្តូរយោបល់គ្នាផងដែរលើប្រធានបទផ្សេងៗ ដូចជាបញ្ហាតំបន់ រួមមានបញ្ហាអាស៊ាន ដូចជាការត្រៀមលក្ខណៈរបស់កម្ពុជាក្នុងការធ្វើប្រធានអាស៊ាន បញ្ហាមីយ៉ាន់ម៉ា សមុទ្រចិនខាងត្បូង និងឥណ្ឌូប៉ាស៊ីហ្វិក។ ដោយឡែកលើបញ្ហាសកល ភាគីទាំងពីរមាន ជំហរដូចគ្នាលើការពង្រឹងពហុនិយម និងការគោរពគោលការណ៍ និងច្បាប់អន្តរជាតិ។នាចុងបញ្ចប់នៃជំនួប ឯកឧត្តមឧបនាយករដ្ឋមន្ត្រី ប្រាក់ សុខុន បានជូនពរឯកឧត្តម ថ្រាន់ ហេគម៉ាក ទទួលបានជោគជ័យជាបន្តទៀតនៅក្នុងភារកិច្ចថ្មីនាពេលខាងមុខរបស់ឯកឧត្តម ៕អត្ថបទ មុត សុទ្ធ

ពលរដ្ឋខេត្តកំពង់ស្ពឺ២៧ម៉ឺននាក់ បានស្ម័គ្រចិត្តចាក់វ៉ាក់សាំងកូវីដ-១៩ ខណៈថ្ងៃនេះកំពុងបន្តការចាក់ដូសទី២

កំពង់ស្ពឺ ៖ នៅថ្ងៃទី៥ខែកក្កដានេះ យុទ្ធនាការចាក់វ៉ាក់សាំងការពារកូវីដ-១៩ ដោយក្រុមពេទ្យយោធា នៅខេត្តកំពង់ស្ពឺ នៅតាមបណ្តាស្រុកក្រុងមួយចំនួនធំ គឺបានបញ្ចប់ការចាក់វាក់សាំងដូសទី១ ហើយបានចាប់ផ្តើមដំណើរការចាក់ដូសទី២ បន្តទៀត ។បើតាមឯកឧត្តម វី សំណាង អភិបាលខេត្តកំពង់ស្ពឺ បានថ្លែងប្រាប់BTVនៅថ្ងៃទី៥ ខែកក្កដានេះ ថា យុទ្ធនាការចាក់វ៉ាក់សាំងការពារកូវីដ-១៩ ដោយក្រុមពេទ្យយោធា នៅក្នុងដំណាក់កាលដំបូងនេះ គឺខេត្តបានកំណត់គោលដៅពលរដ្ឋទូទៅរស់នៅតាមទីប្រជុំជន និងកម្មករតាមរោងចក្រនានាដែលត្រូវចាក់មានគឺមានចំនួនជាង២៧ម៉ឺននាក់ ក្នុងនោះមានកម្មករកម្មការិនី សរុបមានប្រមាណពី១៣ ទៅ១៥ម៉ឺននាក់ ហើយក្រៅពីជា អាជីវករ ព្រះសង្ឃ និងជាអ្នកប្រកបរបរសេដ្ឋកិច្ចក្រៅប្រព័ន្ធនានាទៀត នៅតាមបណ្តាទីប្រជុំជន តាមបណ្តាក្រុងស្រុកទាំង៨ របស់ខេត្តកំពង់ស្ពឺ។ឯកឧត្តម វ៉ី សំណាង បន្តថា សម្រាប់ខេត្តកំពង់ស្ពឺ រាជរដ្ឋាភិបាល បានទម្លាក់វ៉ាក់សាំងកូវីដ-១៩ ចាក់ជូនពលរដ្ឋនៅក្នុងអំឡុងពេលនេះគឺមានចំនួនជាង ៥៥ម៉ឺនដូស ក្នុងនោះ ក្រុមពេទ្យយោធា និងក្រុមពេទ្យខេត្តបានចាក់ជូនពលរដ្ឋគោលដៅ បានប្រមាណជាង ៩០% ហើយនៅថ្ងៃច័ន្ទ ទីតាំងចាក់វ៉ាក់សាំងនៅតាមបណ្តាក្រុងស្រុកមួយចំនួនធំ គឺបានចាប់ផ្តើមចាក់ដូសទី២។ឯកឧត្តម បន្តថា នៅក្នុងដំណើរចាក់វ៉ាក់សាំង ការពារកូវីដ-១៩ បច្ចុប្បន្ន មានក្រុមពេទ្យយោធា មកពីក្រសួងការពារជាតិ បាននិងកំពុងចុះចាក់នៅតាមបណ្តាក្រុងស្រុកចំនួន៦ ដែលមានកម្មករកម្មការិនី និងពលរដ្ឋទូទៅច្រើន។ ដោយឡែកក្រុមពេទ្យនៅក្នុងខេត្តកំពង់ស្ពឺ បានទទួលចាក់តែ២ស្រុកនោះទេ រួមមានស្រុកថ្ពង និងស្រុកឱរ៉ាល់ ដែលមានពលរដ្ឋតិច៕អត្ថបទ ៖ ស៊ុម សុខជា

ឧត្តមសេនីយ៍ឯក ហ៊ុន ម៉ាណែត ណែនាំឲ្យពង្រឹងការគ្រប់គ្រងការចេញចូលរបស់ពលរដ្ឋ ដើម្បីទប់ស្កាត់ការនាំចូលនូវជំងឺកូវីដ-១៩ប្រភេទថ្មី

ភ្នំពេញ ៖ ឯកឧត្តម ឧត្តមសេនីយ៍ឯក ហ៊ុន ម៉ាណែត ណែនាំកងកម្លាំងទាំងអស់នៅតាមព្រំដែន ត្រូវសហការជាមួយសមត្ថកិច្ចគ្រប់ជំនាញ ដើម្បីពង្រឹងការគ្រប់គ្រង និងត្រួតពិនិត្យរាល់ការចេញចូលរបស់ពលរដ្ឋ ដើម្បីទប់ស្កាត់ការនាំចូលនូវជំងឺកូវីដ-១៩ ប្រភេទថ្មី។ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ថ្លែងបែបនេះ ក្នុងពិធីក្នុងពិធីប្រជុំឆ្លងរបាយការណ៍បូកសរុបលទ្ធផលការងារយោធា-សន្តិសុខឆមាសទី១ និងលើកទិសដៅឆមាសទី២ ឆ្នាំ២០២១ របស់កងទ័ពជើងគោក នៃកងយោធពលខេមរភូមិន្ទ។ឧត្តមសេនីយ៍ឯក ហ៊ុន ម៉ាណែត មានប្រសាសន៍ថា ទោះនៅក្នុងកាលៈទេសៈដ៏លំបាកនេះ រាជរដ្ឋាភិបាល ដែលមាន សម្តេចតេជោ នាយករដ្ឋមន្ត្រីជាប្រមុខ និងជាប្រធានគណៈកម្មការធិការជាតិប្រយុទ្ធនឹងជំងឺកូវីដ-១៩ បានដឹកនាំការងារយ៉ាងសកម្ម និងជាប្រចាំក្នុងរយៈពេល០២ឆ្នាំកន្លងមកនេះ ដោយបានចាត់វិធានការជាបន្តបន្ទាប់ដើម្បីទប់ស្កាត់ការរីករាលដាលនៃជំងឺកូវីដ-១៩ ក៏ដូចជាការព្យាបាល និងការរៀបចំធនធានដើម្បីដោះស្រាយរាល់បញ្ហាដែលកើតមានជូនប្រជាពលរដ្ឋ រួមមាន ការដាក់ឱ្យដំណើរការយន្តការជំនួយសង្គមសម្រាប់ប្រជាជនដែលជួបការលំបាកផ្នែកជីវភាពជាដើម។ឯកឧត្តម បានបន្ថែមទៀតថា ទិសដៅការងារបន្តចំពោះមុខ ដើម្បីឆ្លើយតបនឹងបទបញ្ជាជាយុទ្ធសាស្ត្រថ្មីៗរបស់សម្តេចតេជោ ក៏ដូចជាគោលការណ៍ណែនាំរបស់ក្រសួងការពារជាតិលើកិច្ចការនេះ កងទ័ពជើងគោកទាំងអស់ ត្រូវបន្តចាត់វិធានការការពារការឆ្លងរីករាលដាលជំងឺកូវីដ-១៩ នៅក្នុងអង្គភាព តាមរយៈការគ្រប់គ្រងកម្លាំងឱ្យបានហ្មត់ចត់, ការត្រួតពិនិត្យការចេញ-ចូល, ការរៀបចំកន្លែងចត្តាឡីស័ក និងកន្លែងព្យាបាលកម្រិតស្រាល។ ត្រូវប្រុងប្រៀបរៀបចំធ្វើតេស្តដល់យោធិននៅតាមបណ្តាអង្គភាព ដោយយកចិត្តទុកដាក់ជាពិសេសដល់កម្លាំងទាំងអស់ដែលចេញប្រតិបត្តិការតាមច្រកព្រំដែន, ពេទ្យយោធា, កម្លាំងចូលរួមចាក់វ៉ាក់សាំង និងកម្លាំងដែលចូលរួមប្រតិបត្តិការក្នុងតំបន់មានហានិភ័យខ្ពស់ ដូចជា តំបន់ក្រហម ជាដើម។ បន្តភារកិច្ចដែលបានអនុវត្តកន្លងមក ក៏ដូចជាត្រៀមកម្លាំងដើម្បីចូលរួមអនុវត្តភារកិច្ចនៅពេលមានបទបញ្ជា ដូចជា ៖ ការរៀបចំក្រុមគ្រូពេទ្យ, ការចូលរួមក្នុងការការពារ និងរក្សាសន្តិសុខនៅតាមមណ្ឌលចត្តាឡីស័ក, ការចូលរួមការបិទខ្ទប់នៅតាមបណ្តារាជធានី-ខេត្ត និងការដឹកជញ្ជូនពលករត្រលប់មកពីបរទេស។បន្តចូលរួម និងត្រៀមចូលរួមនៅក្នុងយុទ្ធនាការចាក់វ៉ាក់សាំងជូនប្រជាពលរដ្ឋ តាមផែនការរបស់រាជរដ្ឋាភិបាល។ពាក់ព័ន្ធនឹងការងារលើកកម្ពស់សុខុមាលភាពរបស់កងទ័ព ជាពិសេសការការពារជំងឺកូវីដ-១៩ ឧត្តមសេនីយ៍ឯក ហ៊ុន ម៉ាណែត សូមកោតសរសើរ និងវាយតម្លៃខ្ពស់ចំពោះគ្រប់ស្ថាប័ន-កងឯកភាពទាំងអស់ ដែលបានខិតខំអនុវត្តវិធានសុខាភិបាលក្នុងការគ្រប់គ្រងកម្លាំងក្នុងរយៈកាលកន្លងមកនេះ និងសូមបង្កើនការប្រុងប្រយ័ត្នខ្ពស់ និងបន្តរឹតបន្តឹងការអនុវត្តវិធានការទាំងនេះឱ្យមានប្រសិទ្ធភាពបន្ថែមទៀត ដើម្បីការពារខ្លួននៅក្នុងជួរទ័ព, គ្រួសារទ័ព និងសហគមន៍៕

អាជ្ញាធរខេត្តកណ្តាល ជំរុញពលរដ្ឋទៅចាក់វ៉ាក់សាំងដូសទី២ទាន់ពេល ខណៈយុទ្ធនាការជិតបិទបញ្ចប់

កណ្ដាល ៖ នៅថ្ងៃទី៧ខែកក្កដា ខាងមុខនេះ យុទ្ធនាការចាក់វ៉ាក់សាំងកូវីដ-១៩ដូសទី២ ជូនពលរដ្ឋនៅតាមទីប្រជុំជន និងរោងចក្រនៅទូទាំងខេត្តកណ្តាល នឹងត្រូវបិទបញ្ចប់។ សម្រាប់ក្រុមពេទ្យ និងអាជ្ញាធរមូលដ្ឋាន ដែលបានសហការចាក់វ៉ាក់សាំង នៅតាមទីវត្តអារាម និងតាមសាលារៀនជាដើម បានអំពាវនាវឲ្យពលរដ្ឋដែលបានចាក់ដូសទី១ រួចហើយ សូមអញ្ជើញទៅចាក់ដូសទី២ តាមការណាត់របស់គ្រូពេទ្យ ។បើតាមក្រុមពេទ្យ និងអាជ្ញាធរ ដែលបានសហការរៀបចំចាក់វ៉ាក់សាំងជូនពលរដ្ឋនៅក្នុងក្រុងតាខ្មៅ បានថ្លែងប្រាប់នៅថ្ងៃទី៥ខែកក្កដានេះថា នៅសល់ប្រមាណតែ២ថ្ងៃទៀតប៉ុណ្ណោះ យុទ្ធនាការចាក់វ៉ាក់សាំងការពារកូវីដ-១៩ នៅក្នុងខេត្តកណ្តាល នឹងត្រូវបិទបញ្ចប់ ហើយបើតាមការសង្កេតឃើញថា ស្ទើរគ្រប់ពលរដ្ឋដែលបានមកចាក់ដូសទី១រួចហើយ គឺបានមកចាក់ដូសទី២ តបតាមការណាត់របស់ក្រុមពេទ្យ។បើតាមលោកស្រីវេជ្ជបណ្ឌិត ទាវ គន្ធារតនា ប្រធានទីតាំងចាក់វ៉ាក់សាំងការពារកូវីដ-១៩ នៅក្នុងអនុវិទ្យាល័យ ហ៊ុន សែន ខ្ពបវែង បានបញ្ជាក់ថា សម្រាប់ពលរដ្ឋដែលត្រូវចាក់ដូសទី២ ទៅមិនទាន់តាមថ្ងៃណាត់ក្រុមពេទ្យ គឺចាប់ពីថ្ងៃទី៨ ខែកក្កដា តទៅសូមអញ្ជើញទៅស្វែងរកការចាក់ដោយខ្លួនឯង នៅឯមន្ទីរពេទ្យបង្អែកជ័យជំនះក្រុងតាខ្មៅ។ទោះយ៉ាងសម្រាប់ពលរដ្ឋដែលត្រូវចាក់ដូសទី២នេះ គឺមានពលរដ្ឋមួយចំនួនធំមានការយល់ដឹងដោយខ្លួន បានអញ្ជើញមកចាក់វ៉ាក់សាំងទាន់ពេលតាមណាត់ ហើយក៏មានមួយចំនួន គឺមានអាជ្ញាធរមូលដ្ឋាន បានចុះណែនាំក្រើនរំលឹកតាមខ្នងផ្ទះ ទៅចាក់វ៉ាក់សាំងដូសទី២ ចៀសវាងការហួសពេលអាក់ខានមិនបានចាក់ និងពិបាកទៅចាក់នៅឆ្ងាយពីផ្ទះ ។សូមបញ្ជាក់ថា បើតាមវេជ្ជបណ្ឌិត គួយ ប៊ុនធឿន ប្រធានមន្ទីរសុខាភិបាលខេត្តកណ្តាល បានថ្លែងថា យុទ្ធនាការចាក់វ៉ាក់សាំងការពារកូវីដ-១៩ នៅតាមតំបន់ទីប្រជុំជន និងកម្មករកម្មការិនីនៅទូទាំងខេត្តកណ្តាល ដែលបានចាប់ផ្តើមចាក់ចាប់ពីថ្ងៃទី១០ ខែមិថុនា មកនោះ គឺមានផែនការចាក់លើពលរដ្ឋទូទៅប្រមាណ៦០ម៉ឺននាក់ ខណៈមកដល់ព្រឹកថ្ងៃនេះ គឺមានពលរដ្ឋបានអញ្ជើញមកចាក់ដូសទី២ បានប្រមាណជាង ៨០% នៃចំនួនអ្នកចាក់ដូសទី១ ៕អត្ថបទ ស៊ុម សុខជា

មន្ត្រីសុខាភិបាលខេត្តបាត់ដំបង កំពុងយកចិត្តទុកដាក់ធ្វើតេស្តរហ័សនៅតាមច្រកព្រំដែន

បាត់ដំបង ៖ អាជ្ញាធរខេត្តបាត់ដំបង និងមន្ទីរសុខាភិបាលខេត្ត ក្នុងរយៈពេល៤ថ្ងៃ គឺចាប់ពីថ្ងៃទី៣០ ខែមិថុនា ដល់ថ្ងៃទី៤ ខែកក្កដា ឆ្នាំ២០២១ បានធ្វើតេស្តរហ័សដល់អ្នកបើកបររថយន្ត ក៏ដូចជាពលករទើបប្រឡប់មកពីប្រទេសថៃ នៅតាមច្រកជាប់ខេត្តបាត់ដំបង មានចំនួនជាង ២០០០សំណាក ។បើតាមលោក សឿម ប៊ុនរិទ្ធ អភិបាលរង និងជាអ្នកនាំពាក្យរដ្ឋបាលខេត្តបាត់ដំបង បានលើកឡើងថា បច្ចុប្បន្នអាជ្ញាធរខេត្តបានរៀបចំនូវទីតាំង ធ្វើតេស្តរហ័សរកមេរោគកូវីដ-១៩ មាននៅច្រកទ្វារព្រំដែនអន្តរជាតិដូង ច្រកតំបន់អូរអន្លក់ ច្រកតំបន់អូររំដួល និងច្រកទ្វារព្រំដែនអន្តរជាតិភ្នំដី ដោយការធ្វើតេស្តនេះ ធ្វើទៅលើអ្នកបើកបររថយន្ត និងអ្នករួមដំណើរទាំងខាងខ្មែរ និងខាងថៃ ហើយក៏ធ្វើតេស្តលើពលករផងដែរ ។លោក បន្តថា សម្រាប់ការធ្វើតេស្តរហ័សចំនួន២២៩៤សំណាក ក្នុងរយៈពេលទាំង៥ថ្ងៃនោះ បានរកឃើញអ្នកបើកបររថយន្តជនជាតិខ្មែរ និងពលករខ្មែរទើបត្រឡប់មកពីប្រទេសថៃ មានវិជ្ជមានកូវីដ១៩ ហើយពួកគេត្រូវបានបញ្ជូនទៅព្យាបាលនៅតាមមន្ទីរពេទ្យបង្អែក និងទីតាំងសម្រាប់ព្យាបាលអ្នកជំងឺកូវីដ-១៩ រួចរាល់អស់ហើយ ។គួរបញ្ជាក់ថា កាលពីថ្ងៃទី៤ ខែកក្កដា ឆ្នាំ២០២១ អាជ្ញាធរខេត្តបាត់ដំបង បានរកឃើញអ្នកវិជ្ជមានកូវីដ-១៩ ចំនួន៥៧នាក់ និងជាសះស្បើយចំនួន៣នាក់ ។ ដោយចាប់ពីមានការផ្ទុះឆ្លងជំងឺកូវីដ-១៩ នៅប្រទេសកម្ពុជា សម្រាប់ខេត្តបាត់ដំបង មានអ្នកឆ្លងជំងឺនេះចំនួន១១៧៦នាក់ ត្រូវបានព្យាបាលជាសះស្បើយចំនួន ៦១២នាក់ ស្លាប់ចំនួន៧នាក់ និងកំពុងសម្រាកព្យាបាលចំនួន ៥៥៧នាក់ ៕អត្ថបទ ៖ បាន សុខរិទ្ធ

សម្តេចតេជោ ប្រគល់អំណោយរថយន្តដឹកវ៉ាក់សាំងកូវីដ-១៩ ចំនួន១០គ្រឿង ដល់ក្រសួងការពារជាតិ

ភ្នំពេញ ៖ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស ប្រគល់រថយន្តដឹកវ៉ាក់សាំងកូវីដ-១៩ ចំនួន១០គ្រឿង ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជូនទៅក្រសួងការពារជាតិ នៅឃ្លាំងឱសថកណ្តាល (CMS)ព្រឹកថ្ងៃទី០៥ ខែកក្កដា ឆ្នាំ២០២១នេះ។លោកជំទាវវេជ្ជបណ្ឌិត ឱ វណ្ណឌីន បានឲ្យដឹងទៀតថា រថយន្តដឹកវ៉ាក់សាំងកូវីដ-១៩ ត្រូវបានរៀបចំឡើង ឲ្យត្រូវតាមតម្រូវការដឹកវ៉ាក់សាំង ហើយមានប្រព័ន្ធត្រជាក់ដក២៤អង្សាសេ។ជាចុងក្រោយលោកជំទាវ វេជ្ជបណ្ឌិត ឱ វណ្ណឌីន បានបញ្ជាក់ថា ឧបករណ៍ដែរសំខាន់សម្រាប់ជួយសង្គ្រោះអាយុជីវិត គឺមានតែការចាក់វ៉ាក់សាំងបង្ការជំងឺកូវីដ-១៩ ប៉ុណ្ណោះ ហើយត្រូវអនុវត្តន៍ឲ្យបានខ្ជាប់ខ្ជួននូវវិធានការ៣កុំ ៣ការពារ និងវិធានការរដ្ឋបាលរបស់ក្រសួងសុខាភិបាល ត្រូវពាក់ម៉ាស់ លាងដៃនឹងសាប៊ូ អាល់កុលឲ្យបានញឹកញាប់ និងរក្សាគម្លាតសុវត្ថិភាពសង្គម៕អត្ថបទ រដ្ឋា

មនី្ទរពេទ្យព្រះអង្គឌួង នឹងដាក់ដំណើរការមជ្ឈមណ្ឌលត្រចៀក ច្រមុះ បំពង់ក ជាជំនួយឥតសំណង់របស់សាធារណរដ្ឋកូរ៉េខាងត្បូង នាដើមឆ្នាំ២០២២

ភ្នំពេញ ៖ ឯកឧត្តម សាស្ត្រាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល នាព្រឹកថ្ងៃទី៥ខែកក្កដា ឆ្នាំ២០២១ បានចុះពិនិត្យគម្រោងសាងសង់អគារមជ្ឈមណ្ឌលត្រចៀក ច្រមុះ បំពង់ក នៅក្នុងមនី្ទរពេទ្យព្រះអង្គឌួង ដែលគ្រោងដាក់ឲ្យដំណើរការពិនិត្យព្យាបាលជំងឺជូនប្រជាពលរដ្ឋ ផ្នែកត្រចៀក ច្រមុះ បំពង់ក នាដើមឆ្នាំ២០២២ខាងមុខនេះ។ឯកឧត្តម សាស្ត្រាចារ្យ ម៉ម ប៊ុនហេង បានមានប្រសាសន៍ថា អគារថ្មី នៃមជ្ឈមណ្ឌលត្រចៀក ច្រមុះ បំពង់ក នៅក្នុងមនី្ទរពេទ្យព្រះអង្គឌួងនេះ ជាជំនួយឥតសំណង់របស់សាធារណរដ្ឋកូរ៉េ ខាងត្បូង តាមរយៈទីភ្នាក់ងារសហប្រតិបតិ្តការអន្តរជាតិកូរ៉េ ហៅកាត់ថា កយកា (KOICA) ហើយក៏ជាតម្រូវការមួយសម្រាប់ប្រជាពលរដ្ឋយើង មកទទួលការថែទាំផ្នែកត្រចៀក ច្រមុះ បំពង់កផងដែរ។ឆ្លៀតក្នុងឱកាសនោះឯកឧត្តម រដ្ឋមន្រី្ត ក៏បានជូនពរដល់បុគ្គលិកនៃមនី្ទរពេទ្យព្រះអង្គឌួង និងភាគីកូរ៉េ ទទួលបានសុខភាពល្អ និងជោគជ័យក្នុងការបំពេញភារកិច្ច ខាងសាងសង់ និងខាងបម្រើសុខភាពប្រជាពលរដ្ឋ សមស្របតាមគោលនយោបាយរបស់រាជរដ្ឋាភិបាល និងឆ្លើយតបតាមតម្រូវការរបស់ប្រជាពលរដ្ឋឲ្យបានគ្រប់គ្រាន់។ក្រៅពីនោះភាគីកូរ៉េ ក៏បានជួយសាងសង់មនី្ទរពេទ្យ នៅខេត្តពោធិ៍សាត់ និងសាងសង់គម្រោងបន្ថែមមនី្ទរពេទ្យ ក្នុងខេត្តបាត់ដំបង និងមនី្ទរពេទ្យ នៃសាកលវិទ្យាល័យវិទ្យាសាស្ត្រសុខាភិបាលនៅក្នុងខណ្ឌសែនសុខ រាជធានីភ្នំពេញ និងបានបណ្តុះបណ្តាលធនធានមនុស្សលើវិស័យសុខាភិបាល មានចំនួនច្រើនផងដែរ៕អត្ថបទ រដ្ឋា

តោ១ក្បាលដែលដកហូតពីបុរសជនជាតិចិន ត្រូវបានសម្តេចតេជោ ប្រកាសឲ្យម្ចាស់យកទៅចិញ្ចឹមវិញ

ភ្នំពេញ ៖ តាមរយៈហ្វេសប៊ុកផ្លូវការរបស់សម្តេចតេជោ នាយករដ្ឋមន្ត្រីនៅយប់មិញនេះសម្តេចបានប្រកាសអំពីសត្វតោ១ក្បាលដែលបានដកហូតពីជនជាតិចិនម្នាក់នៅភ្នំពេញ កន្លងមកនេះ ត្រូវបានសម្តេចណែនាំប្រគល់ឲ្យម្ចាស់យកទៅចិញ្ចឹមថែទាំវិញ។សម្តេចបានសរសេរថា កាលពីល្ងាចថ្ងៃម្សិលមិញនេះសម្តេច បានពិភាក្សាជាមួយរដ្ឋមន្ត្រីក្រសួងកសិកម្ម និងបានឯកភាពគ្នាថា អនុញ្ញាតឱ្យម្ចាស់យកទៅចិញ្ចឹមវិញក្នុងលក្ខខណ្ឌម្ចាស់ត្រូវធ្វើទ្រុង ឱ្យបានត្រឹមត្រូវដើម្បីធានា សុវត្ថិភាពទាំងមនុស្សក្នុងផ្ទះ និងអ្នករស់នៅជិតខាង។ អរគុណបងប្អូនជនរួមជាតិទាំងក្នុង និងក្រៅប្រទេស ដែលបានផ្តល់យោបល់និងអាណិតដល់សត្វតោ។សូមជម្រាបជូនផងដែរថា កាលព្រឹកថ្ងៃទី២៧ ខែមិថុនា ឆ្នាំ២០២១ អាជ្ញាធរចម្រុះ បានចុះធ្វើការដកហូតយកសត្វតោឈ្មោលមួយក្បាល ពីជនជាតិចិន ដែលបានចិញ្ចឹមដោយខុសច្បាប់ នៅក្នុងលំនៅឋានរបស់ខ្លួន ស្ថិតនៅផ្ទះលេខ២២ ផ្លូវ៣០៦ ភូមិ៧ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។សត្វតោឈ្មោលមួយក្បាលនេះ មានទម្ងន់ ៧០គីឡូក្រាម ត្រូវបានបុរសជនជាតិចិនចិញ្ចឹមតាំងពីតូច រហូតដល់ពេលនេះ មានអាយុប្រមាណ១ឆ្នាំកន្លះ ដោយឱ្យវាស៊ីសាច់៦គីឡូក្រាមក្នុង១ថ្ងៃ។ប្រតិបត្តិការចុះដកហូតសត្វតោដែលជាប្រភេទសត្វព្រៃកម្រនេះ ដឹកនាំដោយ លោក គាំ សីហា នាយខណ្ឌរដ្ឋបាលព្រៃឈើភ្នំពេញ សហការជាមួយព្រះរាជអាជ្ញារងអមសាលាដំបូង រាជធានីភ្នំពេញ និងមានការចូលរួមពីអង្គការសម្ព័ន្ធមិត្តសត្វព្រៃ Wildlife Alliance ព្រមទាំងសមត្ថកិច្ចចម្រុះមូលដ្ឋាន ដកហូតពីជនជាតិចិនដែលបានចិញ្ចឹមសត្វតោឈ្មោលមួយក្បាលជាប្រភេទសត្វព្រៃនៅក្នុងផ្ទះដោយខុសច្បាប់។សមត្ថកិច្ចរដ្ឋបាលព្រៃឈើភ្នំពេញ បានឱ្យដឹងថា ដោយសារមានប្រជាពលរដ្ឋជិតខាងបានរាយការណ៍ប្រាប់អំពីការចិញ្ចឹមសត្វតោ នៅក្នុងផ្ទះវីឡាខាងលើពីសំណាក់បុរសជនជាតិចិន ទើបអាជ្ញាធរសហការជាមួយអាជ្ញាធរមូលដ្ឋានចុះធ្វើការស្រាវជ្រាវឈានដល់ការចុះដកហូតយកសត្វតោឈ្មោលមួយក្បាលនោះ ដើម្បីបញ្ជូនទៅថែរក្សាទុក។ទោះជាយ៉ាងណាសត្វតោមួយក្បាលនេះ ត្រូវសម្តេចអនុញ្ញាតឲ្យម្ចាស់យកទៅចិញ្ចឹមវិញហើយ ប៉ុន្តែត្រូវធ្វើទ្រុងឲ្យបានត្រឹមត្រូវដើម្បីធានា សុវត្ថិភាពទាំងអ្នកនៅក្នុងផ្ទះ និងអ្នកជិតខាង៕អត្ថបទ ៖ មុត សុទ្ធ

ក្រសួងប្រៃសណីយ៍ទទួលបានការបញ្ជាទិញឧបករណ៍តេស្តរហ័សរហូតជាង២៦ម៉ឺនឧបករណ៍

ភ្នំពេញ ៖ គិតត្រឹមថ្ងៃទី ៤ ខែកក្កដាឆ្នាំ ២០២១នេះ ក្រសួងប្រៃសណីយ៍ និងទូរគមនាគមន៍ បានទទួលការបញ្ជាទិញឧបករណ៍តេស្តរហ័ស អង់ទីហ្សែនកូវីដ-១៩ លើសំណើរទិញចំនួន៧៤៥ ដោយគិតជាចំនួនឧបករណ៍តេស្តសរុប គឺមានចំនួន ២៦២,៧៧៥ ឧបករណ៍។ យ៉ាងណាម៉ិញការផ្គត់ផ្គង់ជាក់ស្ដែងគឺក្រសួងផ្ដល់ជូនមុនគេ ដល់បណ្ដាក្រុមហ៊ុន-ស្ថាប័ន ដែលប្រឈមហានិភ័យខ្ពស់ពីកូវីដ-១៩។ នេះជាការបញ្ជាក់របស់មន្ត្រីជំនាញនៃក្រសួងប្រៃសណីយ៍។ចាប់ពីការប្រកាសលក់ ឧបករណ៍តេស្តរហ័សអង់ទីហ្សែនកូវីដ-១៩ មកត្រឹមថ្ងៃទី ៤ខែកក្កដា ឆ្នាំ២០២១ ក្រសួងប្រៃសណីយ៍បានទទួលការបញ្ជាទិញ ពីក្រុមហ៊ុន-ស្ថាប័នចំនួនលើសំណើទិញចំនួន ៧៤៥ សំណើរគិតជាបរិមាណឧបករណ៍គឺមាន ២៦២,៧៧៥។ នេះជាការបញ្ជាក់របស់ ឯកឧត្តម ម៉ុក រ៉ាឌី ជាអគ្គនាយកនៃអគ្គនាយករដ្ឋបាលក្រសួងប្រៃសណីយ៍ និងទូរគមនាគមន៍។ ឯកឧត្តម បន្តថា គិតត្រឹមថ្ងៃម្សិលម៉ិញដដែលនេះ គឺមានក្រុមហ៊ុន-ស្ថាប័នចំនួន២១០ បានមកទទួលឧបករណ៍តេស្តរហ័សពីក្រសួងរួចរាល់ ដោយគិតជាឧបករណ៍គឺមានចំនួន ៤៦៦៧៥ ឧបករណ៍។ ការលក់ឧបករណ៍តេស្តរហ័សជូនបណ្ដាក្រុមហ៊ុន-ស្ថាប័ន គឺក្រសួងផ្ដល់ជូនអាទិភាព ដល់ទីតាំងដែលមានបុគ្គលិកច្រើន និងកំពុងប្រឈមហានិភ័យ ឬមានការពាក់ព័ន្ធនឹងជំងឺកូវីដ-១៩។ ក្រសួងក៏នឹងធ្វើការដោះស្រាយសំណើទិញផ្សេងទៀតស្របតាមអាទិភាពខាងលើ ជាបន្តបន្ទាប់ទៅតាមបរិមាណស្តុករបស់ឧបករណ៍ ដែលនៅសល់ និងនាំចូលបន្ថែម។ នេះជាការបញ្ជាក់បន្ថែមរបស់ ឯកឧត្តម អគ្គនាយកនៃអគ្គនាយករដ្ឋបាលក្រសួងប្រៃសណីយ៍។ជុំវិញការផ្ដល់នូវវគ្គបណ្ដុះបណ្ដាលពីការប្រើប្រាស់វិញ ឯកឧត្តម បញ្ជាក់ថា ក្រសួងប្រៃសណីយ៍ និងសហការជាមួយក្រសួងសុខាភិបាល ក្នុងការរៀបចំការបណ្ដុះបណ្ដាលដល់បណ្ដាក្រុមហ៊ុន-ស្ថាប័នដែលត្រូវការ។ តែបច្ចុប្បន្ននេះ គឺក្រុមហ៊ុនដែលបានទិញនូវឧបករណ៍តេស្តរហ័សរួចរាល់ គឺមានក្រុមការងាររបស់ខ្លួន រឺបានជួលនូវក្រុមគ្រូពេទ្យជំនាញ ដើម្បីបំពេញលើការងារនេះហើយ។ អ្វីដែលក្រុមហ៊ុន-ស្ថាប័នត្រូវការជាចាំបាច់នាពេលនេះ គឺឧបករណ៍តេស្តរហ័ស ។ ទោះបីជាពុំទាន់មានការបណ្ដុះបណ្ដាលពីរបៀបប្រើប្រាស់ក្ដី ក្រសួងប្រៃសណីយ៍ តាមរយៈទំព័រហ្វេសប៊ុកផ្លូវការរបស់ខ្លួន គឺបានបង្ហោះនូវ វីដេអូខ្លីស្ដីពីនីតិវិធីប្រើប្រាស់ ឧបករណ៍តេស្តរហ័ស អង់ទីហ្សែនកូវីដ-១៩ ឱ្យបានត្រឹមត្រូវ ដោយវីដេអូនោះ មានរយៈពេលជាង៣នាទី ជាពីរភាសាទាំងភាសាខ្មែរ និងភាសាអង់គ្លេសផងដែរ។យោងតាមសេចក្ដីជូនដំណឹងកន្លងទៅរបស់ ក្រសួងប្រៃសណីយ៍ បញ្ជាក់ថា ឧបករណ៍តេស្តរហ័ស អង់ទីហ្សែនកូវីដ-១៩ ដែលក្រសួងប្រៃសណីយ៍នាំចូលដើម្បីលក់ជូន ក្រុមហ៊ុន-ស្ថាប័ននាពេលនេះ គឺជាផលិតផលមកពីប្រទេសកូរ៉េ ដោយលក់ក្នុងតម្លៃដើមត្រឹមតែ ៣.៧ ដុល្លារក្នុងមួយឧបករណ៍តែប៉ុណ្ណោះ។ ការលក់ជូននេះ ធ្វើឡើងក្នុងគោលដៅប្រើប្រាស់សម្រាប់បុគ្គលិករបស់ក្រុមហ៊ុន-ស្ថាប័នរបស់ខ្លួន ដោយហាមប្រាមការចែកចាយ រឺ លក់បន្តជាដាច់ខាត។ គួរបញ្ជាក់ថា ការលក់ឧបករណ៍តេស្តរហ័ស អង់ទីហ្សែនកូវីដ-១៩ របស់ក្រសួងប្រៃសណីយ៍ នាពេលនេះ គឺពុំទាន់អនុញ្ញាតឱ្យសាធារណជនទូទៅបញ្ជាទិញបាននោះទេ។ ចំពោះសាធារណជនដែលមានការសង្ស័យ គឺត្រូវទៅយកសំណាកតាមទីតាំងដែលក្រសួងសុខាភិបាល ឬអាជ្ញាធរ បានកំណត់៕អត្ថបទ៖ គឹមហុក

បណ្ដាញសង្គម

ព័ត៌មានថ្មីៗ

ប្រមុខ EU នឹងពន្យល់ពីអាទិភាពរបស់ EU ក្រោយកិច្ចព្រមព្រៀងពាណិជ្ជកម្មជាមួយអាមេរិក រងប្រតិកម្ម

កុងតឺន័ររាប់សិបគ្រឿងធ្លាក់ពីលើនាវាចូលទឹកទន្លេ ដោយផែសំខាន់ នៅរដ្ឋ California ត្រូវបិទ

ឯកឧត្តមរដ្ឋមន្រ្តី ចាយ បូរិន និងមន្រី្តរាជការក្រោមឱវាទក្រសួងធម្មការ អញ្ជើញកាន់បិណ្ឌវេនទី៣ នៅវត្តបទុមវតីរាជវរារាម

អូស្ត្រាលីនឹងចំណាយ ១,១ពាន់លានដុល្លារលើយានដ្រូនវាយប្រហារក្រោមទឹក

ប្រធានាធិបតីប៉ូឡូញ៖ លោក Putin ត្រៀមរួចជាស្រេច ដើម្បីឈ្លានពានប្រទេសផ្សេងៗ

ទីភ្នាក់ងារស្វែងរក និងសង្គ្រោះ នៅ Bali បន្តព្យាយាមចូលទៅទីតាំងមានទឹកជំនន់ ដើម្បីជម្លៀសមនុស្ស

តំណាងប្រជាពលរដ្ឋក្នុងខេត្តស្វាយរៀងគាំទ្រគោលនយោបាយរាជរដ្ឋាភិបាលក្នុងការដោះស្រាយបញ្ហាព្រំដែនជាមួយថៃ

ប្រភពការទូត៖ ក្រុមប្រឹក្សាសន្តិសុខ UN នឹងជួបប្រជុំ ស្តីពីការវាយប្រហាររបស់អ៊ីស្រាអែល លើកាតា

ស្ពានលេខ១២ និងលេខ១៣នៅតាមបណ្តោយផ្លូវជាតិលេខ៤ លេងជន់លិចទៀតហើយចាប់ពីពេលនេះតទៅ

ប្រមុខUN ជំរុញឱ្យរដ្ឋនានា ធ្វើឱ្យមានតុល្យភាពឡើងវិញលើការចំណាយផ្នែកយោធា និងតម្រូវការអភិវឌ្ឍន៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

វ៉ាក់សាំងស៊ីណូហ្វាមរបស់ចិនចំនួន១លានដូសថ្មីទៀត ត្រូវបានដឹកមកដល់កម្ពុជាហើយ

ស៊ុយអែតគាំទ្រជួយកម្ពុជា តាំងពីក្រោយថ្ងៃរំដោះចេញពីរបបប្រល័យពូជសាសន៍

ពលរដ្ឋខេត្តកំពង់ស្ពឺ២៧ម៉ឺននាក់ បានស្ម័គ្រចិត្តចាក់វ៉ាក់សាំងកូវីដ-១៩ ខណៈថ្ងៃនេះកំពុងបន្តការចាក់ដូសទី២

អាជ្ញាធរខេត្តកណ្តាល ជំរុញពលរដ្ឋទៅចាក់វ៉ាក់សាំងដូសទី២ទាន់ពេល ខណៈយុទ្ធនាការជិតបិទបញ្ចប់

មន្ត្រីសុខាភិបាលខេត្តបាត់ដំបង កំពុងយកចិត្តទុកដាក់ធ្វើតេស្តរហ័សនៅតាមច្រកព្រំដែន

សម្តេចតេជោ ប្រគល់អំណោយរថយន្តដឹកវ៉ាក់សាំងកូវីដ-១៩ ចំនួន១០គ្រឿង ដល់ក្រសួងការពារជាតិ

តោ១ក្បាលដែលដកហូតពីបុរសជនជាតិចិន ត្រូវបានសម្តេចតេជោ ប្រកាសឲ្យម្ចាស់យកទៅចិញ្ចឹមវិញ

ក្រសួងប្រៃសណីយ៍ទទួលបានការបញ្ជាទិញឧបករណ៍តេស្តរហ័សរហូតជាង២៦ម៉ឺនឧបករណ៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

វ៉ាក់សាំងស៊ីណូហ្វាមរបស់ចិនចំនួន១លានដូសថ្មីទៀត ត្រូវបានដឹកមកដល់កម្ពុជាហើយ

ស៊ុយអែតគាំទ្រជួយកម្ពុជា តាំងពីក្រោយថ្ងៃរំ​ដោះចេញ​ពី​របប​ប្រល័យ​ពូជ​សាសន៍

មន្ត្រី​សុខាភិបាល​ខេត្តបាត់ដំបង​ កំពុង​យកចិត្តទុកដាក់​ធ្វើតេស្ត​រហ័ស​នៅ​តាម​ច្រកព្រំដែន

សម្តេច​តេ​ជោ​ ប្រគល់​អំណោយ​រថយន្ត​ដឹក​វ៉ាក់សាំង​កូ​វីដ​-១៩​ ចំនួន​១០​គ្រឿង ដល់​ក្រសួង​ការ​ពារ​ជាតិ

ក្រសួង​ប្រៃសណីយ៍​ទទួល​បាន​ការ​បញ្ជាទិញ​ឧបករណ៍​តេស្ត​រហ័ស​រហូត​ជាង​២៦​ម៉ឺន​ឧបករណ៍​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ស៊ុយអែតគាំទ្រជួយកម្ពុជា តាំងពីក្រោយថ្ងៃរំដោះចេញពីរបបប្រល័យពូជសាសន៍

មន្ត្រីសុខាភិបាលខេត្តបាត់ដំបង កំពុងយកចិត្តទុកដាក់ធ្វើតេស្តរហ័សនៅតាមច្រកព្រំដែន

សម្តេចតេជោ ប្រគល់អំណោយរថយន្តដឹកវ៉ាក់សាំងកូវីដ-១៩ ចំនួន១០គ្រឿង ដល់ក្រសួងការពារជាតិ

ក្រសួងប្រៃសណីយ៍ទទួលបានការបញ្ជាទិញឧបករណ៍តេស្តរហ័សរហូតជាង២៦ម៉ឺនឧបករណ៍