BTV NEWS

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ

នយោបាយ និង ការអភិវឌ្ឍន៍

ពេទ្យយោធាកម្ពុជានឹងត្រូវUN ស្នើឲ្យចូលរួមបេសកកម្មការងារចាក់ជូនពលរដ្ឋប្រទេសដទៃ

ភ្នំពេញ ៖ អគ្គនាយកមជ្ឈមណ្ឌលជាតិរក្សាសន្តិភាព បានឲ្យដឹងនៅថ្ងៃទី២៦ ខែមិថុនានេះថា ក្រុមកងពេទ្យយោធាមួយចំនួន ដែលកំពុងស្ម័គ្រចិត្តចុះយុទ្ធនាការចាក់វ៉ាក់សាំងការពារជាកូវីដ-១៩ ជូនបណ្តាពលរដ្ឋទូទៅនៅក្នុងស្រុក អាចនឹងស្នើសុំការស្ម័គ្រចិត្តបញ្ជូនចូលរួមបំពេញបេសកកម្មថែរក្សាសន្តិភាពអង្គការសហប្រជាជាតិលើការងារចាក់វ៉ាក់សាំងកូវីដ-១៩ ជូនកងកម្លាំងមួកខៀវមកពីប្រទេសផ្សេងៗ និងបណ្តាពលរដ្ឋស៊ីវិលនៅតាមប្រទេសកំពុងមានជម្លោះសង្គ្រាម។ដោយមានការស្នើពីខាងភាគីអង្គការសហប្រជាជាតិUN អោយកម្ពុជារៀបចំក្រុមពេទ្យមួកខៀវជំនាញចាក់វ៉ាក់សាំងការពារកូវីដ-១៩ ត្រៀមខ្លួនបញ្ជូនចូលរួមបំពេញបេសកកម្មរក្សាសន្តិភាពUN លើការងារចាក់វ៉ាក់សាំងការពារកូវីដ-១៩ ជូនកងកម្លាំងមួកខៀវ និងពលរដ្ឋស៊ីវិលនានា នៅក្នុងតំបន់បេសកកម្មតាមបណ្តាប្រទេសកំពុងមានជម្លោះសង្គ្រាម ។ ឯកឧត្តមនាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិរក្សាសន្តិភាព និងជាអនុប្រធានគណៈកម្មាធិការបញ្ជូនកងកម្លាំងរក្សាសន្តិភាព បានសម្រេចថា នឹងស្នើប្រមុខថ្នាក់ដឹកនាំក្រសួងការពារជាតិ និងរៀបចំក្រុមពេទ្យយោធាមួយចំនួនដែលកំពុងអនុវត្តផ្ទាល់ចាក់វ៉ាក់សាំងការពារកូវីដ-១៩ជូនពលរដ្ឋទូទៅនេះ ត្រៀមចូលរួមបំពេញបេសកកម្មសកម្មភាពមនុស្សធម៌ចាក់វ៉ាក់សាំងការពារកូវីដ-១៩ នៅក្រៅប្រទេសទៀត។នាយឧត្តមសេនីយ៍ សែម សុវណ្ណនី នៅក្នុងឱកាសចុះត្រួតពិនិត្យសកម្មភាពក្រុមពេទ្យរក្សាសន្តិភាពចុះចាក់វ៉ាក់សាំងកូវីដ ជូនពលរដ្ឋទូទៅនៅស្រុកឧត្តុង្គ ខេត្តកំពង់ស្ពឺ កាលពីពេលថ្មីនេះ ក៏បានថ្លែងថា ដើម្បីបញ្ជូនកងពេទ្យមួកខៀវកម្ពុជា ចូលរួមបំពេញបេសកកម្មជូនពលរដ្ឋនៅតាមបណ្តាប្រទេសកំពុងមានជម្លោះសង្គ្រាមនោះបានលុះត្រា កងពេទ្យយោធាយើងមានបទពិសោធន៍ចាក់វ៉ាក់សាំង និងមានវិញ្ញាបនបត្របញ្ជាក់ ឬ មាន Certificate បញ្ជាក់ពី នាយកដ្ឋានសុខាភិបាល នៃអគ្គនាយកដ្ឋានភស្តុភារនៃក្រសួងការពារជាតិ ឬសុំវិញ្ញាបនបត្របញ្ជាក់ពីក្រសួងសុខាភិបាល និងមានការហ្វឹកហ្វឺនបន្ថែមពីក្រុមពេទ្យបន្ថែមមកពីអង្គការសហប្រជាជាតិ។ឯកឧត្តម សែម សុវណ្ណនី បញ្ជាក់ថា បច្ចុប្បន្នដោយមានតម្រូវការស្នើពីខាងភាគីUN គឺមានកងពេទ្យទ័ពមួកខៀវកម្ពុជា ដែលកំពុងបំពេញបេសកកម្មនៅតាមបណ្តាប្រទេសនានា គឺបាននិងកំពុងចូលរួមសកម្មភាពចាក់វ៉ាក់សាំងការពារកូវីដ-១៩ ជូនដល់បណ្តាកងកម្លាំងទ័ពមួកខៀវគ្នាយើងផង និងទ័ពមួកខៀវមកពីតាមប្រទេសផ្សេងៗផងដែរ ប៉ុន្តែមិនបានពង្រីកការចាក់ជូនបណ្តាពលរដ្ឋស៊ីវិលនៅក្នុងតំបន់ប្រទេសកំពុងមានជម្លោះសង្គ្រាមនោះទេ ដោយសារចំនួនវ៉ាក់សាំងមានកម្រិត។សូមបញ្ជាក់ថា បច្ចុប្បន្នកម្ពុជា មានទ័ពមួកខៀវប្រមាណជិត៨០០នាក់ បាននិងកំពុងឈរជើងបំពេញបេសកកម្មរក្សាសន្តិភាព នៅតាមបណ្តាប្រទេសចំនួន៥រួមមាន ៖ ប្រទេស ស៊ូដង់ ស៊ូដង់ខាងត្បូង ប្រទេសលីបង់ សាធារណរដ្ឋអាហ្វ្រឹកកណ្តាល និងប្រទេសម៉ាលី៕អត្ថបទ ៖ ស៊ុម សុខជា

ឯកឧត្តម លី ធុជ អំពាវនាវឲ្យប្រជាពលរដ្ឋខ្មែរ បន្តចូលរួមមហាចលនាគ្រួសារខ្មែរតែមួយ ក្រោមម្លប់ដឹកនាំរបស់សម្តេចតេជោជាប្រធាន

ស្វាយរៀង ៖ ឯកឧត្តម លី ធុជ អំពាវនាវឲ្យប្រជាពលរដ្ឋខ្មែរ បន្តចូលរួមមហាចលនាគ្រួសារខ្មែរតែមួយ ជាតិតែមួយ អនាគតតែមួយ និងគោលដៅតែមួយ ក្រោមម្លប់ដឹកនាំរបស់គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធាន។ថ្លែងនៅព្រឹកថ្ងៃទី២៦ខែមិថុនានេះ ឯកឧត្តម លី ធុជ សមាជិកគណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានក្រុងបាវិត ក្នុងឱកាសអញ្ជើញជាអធិបតីក្នុងពិធីខួប អនុស្សាវរីយ៍លើកទី៧០ នៃការបង្កើតគណបក្សប្រជាជនកម្ពុជា និងផ្សព្វផ្សាយ«ផែនការសកម្មភាពសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២» នៅក្រុងបាវិត ខេត្តស្វាយរៀង ។ក្នុងឱកាសនោះឯកឧត្តម លី ធុជ បានកោតសរសើរប្រកបដោយការវាយតម្លៃខ្ពស់ចំពោះសមាជិក សមាជិកាក្រុមការងារគណបក្សគ្រប់ថ្នាក់ កន្លងមក ដែលបានយកចិត្តទុកដាក់គាំទ្រ និងជំរុញលើកទឹកចិត្តដល់សមាជិកបក្ស ឲ្យមានការបំពេញភារកិច្ចសម្រេចបានជោគជ័យជាបន្តបន្ទាប់ ។ ពិសេសការឆ្លើយតបនឹងគុណបំណាច់ និងការផ្តល់សេចក្តីទុកចិត្តជូនបងប្អូនប្រជាពលរដ្ឋដែលជាម្ចាស់ឆ្នោត ដែលថ្មីៗនេះ ប្រឈមនឹងបញ្ហាចំពោះមុខ បានចូលរួមយ៉ាងសកម្មដឹកនាំប្រយុទ្ធទប់ស្កាត់ជំងឺឆ្លងកូវីដ១៩ ការរក្សាសន្តិសុខ ស្ថិរភាពនយោបាយ សណ្តាប់ធ្នាប់សាធារណៈបានល្អប្រសើរ និងលើកកម្ពស់ជីវភាពរស់នៅរបស់បងប្អូនប្រជាពលរដ្ឋកាន់តែល្អប្រសើរ បង្កើនបាននូវជំនឿជឿជាក់លើការដឹកនាំរបស់គណបក្សប្រជាជនកម្ពុជា។ឯកឧត្តម ប្រធានក្រុមការងារគណបក្សចុះជួយក្រុងបាវិត ក៏បានពាំនាំការផ្ដាំផ្ញើសួរសុខទុក្ខនិងសេចក្តីនឹករលឹកពីសម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចកិត្តិព្រឹទ្ធបណ្ឌិត ដែលជានិច្ចកាល សម្តេចទាំងពីរមានមនោសញ្ចេតនាស្រឡាញ់រាប់អាន និងរួមសុខរួមទុក្ខជាមួយបងប្អូនជនរួមជាតិទាំងអស់ និងដោះស្រាយទុក្ខលំបាកសព្វបែបយ៉ាងគ្រប់ទីកន្លែងទូទាំងប្រទេសកម្ពុជា។ក្នុងពិធីផ្សព្វផ្សាយនេះ ឯកឧត្តម បានលើកឡើងថា គណបក្សប្រជាជនកម្ពុជា គឺជាគណបក្សនយោបាយ ដែលមានអាយុវែងជាងគេនៅក្នុងប្រវត្តិសាស្ត្រនៃប្រទេសកម្ពុជា ហើយក៏ជាគណបក្សដែលបានតស៊ូគ្រប់កាលៈទេសៈជាមួយប្រជាជន និងប្រទេសជាតិ ដោយបាននាំមកនូវសមិទ្ធផលមហាសាលជូនជាតិមាតុភូមិ ជាពិសេសបាននាំមកនូវសុខ សន្តិភាព ហើយនឹងបាននាំមកនូវការអភិវឌ្ឍប្រទេសជាតិដ៏អស្ចារ្យក្នុងប្រវត្តិសាស្ត្រ ប្រែក្លាយប្រទេសកម្ពុជា ពីប្រទេសក្រីក្រ និង មានប្រជាជនប្រមាណ៧លាននាក់ ទៅជាប្រទេសដែលមានការអភិវឌ្ឍ លើគ្រប់វិស័យនិងមានប្រជាជន ជាង១៦លាននាក់ ។ ឯកឧត្តម លី ធុជ បានបន្តទៀតថា គណបក្សប្រជាជនកម្ពុជា បាននឹងកំពុងកសាងនូវមុខមាត់ថ្មី រូបរាងថ្មី ក្តីសង្ឃឹមថ្មី និងការញញឹមថ្មីសម្រាប់ប្រជាជន និងប្រទេសជាតិទាំងមូលជាមួយនឹងសុខសន្តិភាព និងស្ថិរភាពពាសពេញផ្ទៃប្រទេស ដោយបានផ្តល់នូវឱកាសនៃការអភិវឌ្ឍ និងឱកាសជូនដល់ប្រជាជនគ្រប់រូប ដើម្បីកសាងអនាគតរបស់ខ្លួនគ្មានដែនកំណត់ឡើយ គឺមានតែជើងមេឃទេ ជាពិសេសនៅពេលដែលប្រជាជនឈរជាមួយ នឹងការដឹកនាំដ៏ត្រឹមត្រូវរបស់គណបក្សប្រជាជនកម្ពុជា។បញ្ចប់កម្មវិធី ឯកឧត្តម ប្រធានក្រុមការងារគណបក្សចុះជួយក្រុងបាវិត ក្រុមការងារ និងសហការី ក៏បានអញ្ជើញលើកប៉ាណូគណបក្សជានិមិត្តរូប ដើម្បីអបអរសាទរខួបអនុស្សាវរីយ៍លើកទី៧០ នៃបង្កើតគណបក្សប្រជាជនកម្ពុជានៅមុខទីស្នាក់ការគណបក្សសង្កាត់បាទីក្រុងបាវិត៕អត្ថបទ ៖ សារិទ្ធ

ក្រសួងអភិវឌ្ឍន៍ជនបទ ចុះវាយតម្លៃការងារថែទាំខួបផ្លូវចំនួន៣គម្រោង ក្នុងខេត្តចំនួន៣

ភ្នំពេញ ៖ ឯកឧត្តមបណ្ឌិត ចាន់ ដារ៉ុង រដ្ឋលេខាធិការ តំណាងឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រី ក្រសួងអភិវឌ្ឍន៍ជនបទ នាថ្ងៃទី ២៤-២៥ ខែមិថុនា ឆ្នាំ២០២១ នេះ បានដឹកនាំគណៈកម្មាធិការអន្តរ ក្រសួង រួមមាន ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ចុះត្រួតពិនិត្យ វាយតម្លៃ និងបញ្ចប់សុពលភាព លើការងារថែទាំខួបផ្លូវចំនួន ៣គម្រោង ក្នុងខេត្តចំនួន៣។គម្រោងទី១៖ ការងារថែទាំខួបផ្លូវក្រាលល្បាយថ្មភ្នំចំនួន០៣ខ្សែប្រវែង១៨ ៣០០ម៉ែត្រ ទទឹង ៤ម៉ែត្រ និង ៥ម កម្រាស់០,២០ម ស្ថិតនៅឃុំតាអូរ ឃុំអង្គប្រាសាទ ឃុំព្រៃរំដេង ស្រុកគីរីវង់ ខេត្តតាកែវ។គម្រោងទី២៖ ការងារថែទាំខួបផ្លូវក្រាលក្រហមចំនួន ០២ខ្សែ ប្រវែងសរុប ២០ ០០០ម៉ែត្រ ទទឹង ៦ម កម្រាស់០,២០ម ស្ថិតក្នុងឃុំចន្ត្រី ឃុំម្រាម ឃុំកំពង់ត្រាច និងឃុំសំបួរ ស្រុករមាសហែក ខេត្តស្វាយរៀង។ គម្រោងទី៣៖ ការងារថែទាំខួបផ្លូវក្រាលល្បាយថ្មភ្នំចំនួន ០២ខ្សែ ប្រវែងសរុប ៩ ៥០០ម ទទឹងខ្នងលើ ៤ម និង ៥ម កម្រាស់ ០,២០ម និងសាងសង់លូចំនួន ០២កន្លែង ស្ថិតក្នុងឃុំពងទឹក និងឃុំអង្គោល ស្រុកដំណាក់ចង្អើរ ខេត្តកែប។គម្រោងទាំងបីខាងលើប្រើប្រាស់ថវិកាជំពូក៦១ អនុវត្តដោយមន្ទីរអភិវឌ្ឍន៍ជនបទខេត្ត។ ជាលទ្ធផលគឺ គណៈកម្មការបានឯកភាពសម្រេចទទួលយកលទ្ធផលរបស់គម្រោងទាំងបី ខាងលើជាស្ថាពរ៕

សម្តេចតេជោ អំពាវនាវជនរួមជាតិទប់ស្កាត់ និងអប់រំកូនចៅអោយចៀសឆ្ងាយគ្រឿងញៀន

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអំពាវនាវដល់គ្រប់ស្ថាប័ន ដៃគូអភិវឌ្ឍន៍ ព្រះសង្ឃ ប្រជាពលរដ្ឋឲ្យបន្តចូលរួមទប់ស្កាត់ និងអប់រំកូនចៅអោយចៀសឆ្ងាយពីគ្រឿងញៀន។ក្នុងឱកាសប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន នៅថ្ងៃទី២៦ខែមិថុនា ឆ្នាំ២០២១ សម្តេចតេជោ បានផ្ញើសារលិខិតជូនជនរួមជាតិ ដោយសរសេរថា ក្នុងនាមរាជរដ្ឋាភិបាលនៃព្រះរាជាណាចក្រកម្ពុជា និងក្នុងនាមជាភាគីហត្ថលេខីនៃអនុសញ្ញា និងពិធីសារ របស់អង្គការសហ ប្រជាជាតិ ដែលពាក់ព័ន្ធនឹងគ្រឿងញៀន ។សម្តេច បានសម្ដែងមនោសញ្ចេតនារីករាយចូលរួម និងគាំទ្រយ៉ាងពេញទំហឹងចំពោះខ្លឹមសារ និងការរៀបចំប្រារព្ធទិវាអន្តរជាតិ ប្រយុទ្ធប្រឆាំងគ្រឿងញៀន ថ្ងៃទី២៦ខែមិថុនា ឆ្នាំ២០២១ ក្រោមប្រធានបទ “ចែករំលែកព័ត៌មានពិត ពីគ្រោះថ្នាក់នៃគ្រឿងញៀន គឺជួយសង្គ្រោះជីវិត ក្នុងគោលបំណង បន្តបំផុសឱ្យជនគ្រប់រូបបង្កើនការស្វែងយល់អំពីគ្រោះថ្នាក់នៃគ្រឿងញៀន ក៏ដូចជាយល់ដឹងអំពីសារៈសំខាន់នៃការប្រើប្រាស់ចំណេះដឹង និងមានភស្តុតាងធ្វើជាមូលដ្ឋាន ដើម្បីបង្កើនប្រសិទ្ធភាពក្នុងការចូលរួមបង្ការ ទប់ស្កាត់ ព្យាបាល ដល់ជនដែលងាយនិងកំពុងរងគ្រោះដោយសារគ្រឿងញៀន និងចែករំលែកព័ត៌មានពិត ក្នុងការដោះស្រាយរាល់បញ្ហាដែលមានការពាក់ព័ន្ធនឹងគ្រឿងញៀន ទាំងក្នុងកម្រិតបុគ្គល គ្រួសារ សហគមន៍ និងសង្គមជាតិទាំងមូល។សម្តេច បានគូសបញ្ជាក់ថា ទោះបីជាយើងសម្រេចបាននូវលទ្ធផលគួរជាទី មោទនៈក៏ដោយ ក៏បញ្ហាគ្រឿងញៀននៅតែជាបញ្ហាសង្គមដ៏ស្មុគស្មាញមួយ ដែលបានគំរាមកំហែងដល់សុខភាពសាធារណៈ សន្តិសុខ សណ្តាប់ធ្នាប់សាធារណៈ និងការអភិវឌ្ឍសង្គមរបស់យើង។ ដូច្នេះដើម្បីលើកកម្ពស់ប្រសិទ្ធភាព និងប្រសិទ្ធផលបន្ថែមទៀតលើការងារប្រយុទ្ធប្រឆាំងគ្រឿងញៀន ក្នុងដំណាក់កាលនៃការឆ្លងរីករាលដាលជំងឺកូវីដ-១៩ ឱ្យស្របតាមខ្លឹមសារនៃប្រធានបទដែលបានលើកឡើងសម្រាប់ឆ្នាំនេះ សម្តេច បានណែនាំ និងអំពាវនាវ អោយអាជ្ញាធរជាតិប្រយុទ្ធប្រឆាំងគ្រឿងញៀន និងគណៈបញ្ជាការយុទ្ធនា ការប្រយុទ្ធប្រឆាំងគ្រឿងញៀន ខុសច្បាប់ ព្រមទាំងក្រសួង ស្ថាប័ន និងអង្គភាពពាក់ព័ន្ធនានា ត្រូវបន្តយកចិត្តទុកដាក់ម្ចាស់ការប្រកបដោយការទទួលខុសត្រូវខ្ពស់ អនុវត្តឱ្យកាន់តែមានប្រសិទ្ធភាពទៅតាមតួនាទី និងភារកិច្ចរបស់ខ្លួន នូវផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់ លើកទី៦ ដែលរាជរដ្ឋាភិបាលបានដាក់ចេញ នាពេលកន្លងទៅនេះ។ ជាមួយនេះ ត្រូវធ្វើការដាស់តឿន ក្រើនរំលឹក និងណែនាំមន្ត្រីប្រតិបត្តិរបស់ខ្លួនឱ្យបានជាប្រចាំ ក្នុងការអនុវត្តការផ្លាស់ប្ដូរ កែប្រែទម្លាប់ និងឥរិយាបថនៃការបំពេញភារកិច្ចឱ្យស្របទៅតាមរបត់នៃការរស់នៅ "សកម្មភាពធម្មតាតាមបែបគន្លងថ្មី ក្នុងបរិបទប្រយុទ្ធនឹងជំងឺកូវីដ-១៩” ដោយប្រកាន់យកនូវវិធានការ ៣ការពារ ៣កុំ - និងវិធានការសុខាភិបាលផ្សេងៗទៀត ដើម្បីចូលរួមបង្ការទប់ស្កាត់ និងឈានទៅដល់ការកាត់ផ្ដាច់ខ្សែចម្លង នៃការឆ្លងរាលដាលនៃជំងឺកូវីដ-១៩ នៅតាមកន្លែង ធ្វើការមកលើខ្លួនឯង ក្រុមគ្រួសារ និងសហគមន៍។គណៈកម្មការទទួលបន្ទុកផ្សព្វផ្សាយអប់រំ ត្រូវបន្តជំរុញដល់ក្រសួង ស្ថាប័នពាក់ព័ន្ធ គណៈកម្មាធិការ ត្រួតពិនិត្យគ្រឿងញៀនរាជធានី ខេត្តទាំងអស់ រោងចក្រ សហគ្រាស ធ្វើការអប់រំផ្សព្វផ្សាយ អំពីគ្រោះថ្នាក់នៃគ្រឿងញៀន ឱ្យស្រុះដៃគ្នា ជាពិសេសតាមរយៈប្រព័ន្ធផ្សព្វផ្សាយ និងបណ្តាញសង្គម ក្នុងបរិបទជំងឺកូវីដ-១៩៕អត្ថបទ មុត សុទ្ធ

អាជ្ញាធររាជធានីពង្រឹងអនុវត្តវិធានការចំពោះការប្រមូលផ្ដុំជួបជុំមនុស្សតាមទីសាធារណៈ ដើម្បីទប់ស្កាត់ការឆ្លងរាលដាលកូវីដ-១៩

ភ្នំពេញ ៖ អាជ្ញាធររាជធានីភ្នំពេញ ជំរុញឱ្យពង្រឹងការអនុវត្តវិធានការក្រសួងសុខាភិបាល និងមិនអនុញ្ញាតឱ្យជួបជុំប្រមូលផ្ដុំមនុស្សទទួលទានគ្រឿងស្រវឹងនៅតាមទីសាធារណៈ។ឯកឧត្ដម ឃួង ស្រេង អភិបាលរាជធានីភ្នំពេញ បានជំរុញឱ្យអាជ្ញាធរខណ្ឌទាំង១៤ ត្រូវតែពង្រឹងការអនុវត្តវិធានការរបស់ក្រសួងសុខាភិបាលឱ្យម៉ឺងម៉ាត់បំផុត ដើម្បីទប់ស្កាត់ការរីករាលដាលជំងឺកូវីដ-១៩ ។ ឯកឧត្ដម បញ្ជាក់ថា ក្រៅពីមិនអនុញ្ញាតឱ្យបើកការ៉ាអូខេ ក្លឹបកំសាន្ត ក្លឹបហាត់ប្រាណជាដើមហើយនោះ ក៏មិនអនុញ្ញាតឱ្យមានការជួបជុំគ្នាពពាក់ពពូនទទួលទានគ្រឿងស្រវឹងនៅតាមទីសាធារណៈដែរ។ អ្នកដែលប្រព្រឹត្តិករណីនេះ ត្រូវតែឃាត់ខ្លួន ដោយអាជ្ញាធរ និងកងកម្លាំងមានសមត្ថកិច្ចត្រូវតែអប់រំ និងផ្សព្វផ្សាយព័ត៌មាននេះជាសាធារណៈថែមទៀត។ការជំរុញរបស់ ឯកឧត្ដម ឃួង ស្រេង អភិបាលរាជធានីភ្នំពេញ បានធ្វើឡើងនៅព្រឹកថ្ងៃទី២៥ ខែមិថុនា ឆ្នាំ២០២១ ក្នុងកិច្ចប្រជុំតាមរយៈ video conference ជាមួយអាជ្ញាធរខណ្ឌទាំង១៤ ស្នងការនគរបាល និងមេបញ្ជាការកងរាជអាវុធហត្ថរាជធានីភ្នំពេញ នៅសាលារាជធានីភ្នំពេញ ។ឯកឧត្ដម ឃួង ស្រេង បានមានប្រសាសន៍ថា បច្ចុប្បន្នយើងឃើញមានយុវជនមួយចំនួនបានជួបជុំគ្នាពពាក់ពពូន ទទួលទានគ្រឿងស្រវឹងនៅតាមទីសាធារណៈ ដូចជានៅផ្លូវ៦០ម៉ែត្រ ឬនៅតំបន់លីយ៉ុងផាត់ជាដើម ។ អ្នកដែលប្រព្រឹត្តិករណីនេះ ត្រូវតែឃាត់ខ្លួន ហើយអាជ្ញាធរ និងសមត្ថកិច្ចត្រូវនាំយកមកអប់រំ និងផ្សព្វផ្សាយព័ត៌មានជាសាធារណៈ ប៉ុន្តែយើងមិនបានហាមឃាត់ចំពោះការជួបជុំជាលក្ខណៈគ្រួសារនោះទេ។ឯកឧត្ដម ឃួង ស្រេង បានសង្កត់ធ្ងន់ថា ការបណ្តែតបណ្តោយឱ្យមានការលួចបើកការ៉ាអូខេ ក្លឹបកំសាន្ត ហាងម៉ាស្សា ក្លឹបហាត់ប្រាណជាដើម នៅក្នុងមូលដ្ឋានខណ្ឌរបស់ខ្លួន ហើយស្រាប់តែទីតាំងទាំងនោះបានផ្ទុះឡើងនូវជំងឺកូវីដ-១៩ គឺអភិបាលខណ្ឌត្រូវតែទទួលខុសត្រូវដោយខ្លួនឯង។ក្នុងកិច្ចប្រជុំនេះដែរ អាជ្ញាធរតាមបណ្ដាខណ្ឌ បានលើកឡើងថា ជំងឺកូវីដ-១៩ នៅតែបន្តកើតមាននៅក្នុងមូលដ្ឋានរាល់ថ្ងៃ ហើយភាគច្រើនកើតនៅតាមការដ្ឋានសំណង់ សិប្បកម្ម កម្មករ និងបុគ្គលិកក្រុមហ៊ុនឯកជន ដោយរាយប៉ាយ ប៉ុន្តែទោះបីជាយ៉ាងណាក្តី អាជ្ញាធរខណ្ឌនឹងពង្រឹងការអនុវត្តវិធានការម៉ឺងម៉ាត់បំផុត ទៅតាមការណែនាំរបស់រដ្ឋបាលរាជធានី និងថ្នាក់ជាតិ ដើម្បីទប់ស្កាត់ការរីករាលដាលជំងឺកូវីដ-១៩នេះ បន្ដទៀត។ចំពោះការចាក់វ៉ាក់សាំងការពារកូវីដ-១៩វិញ ឯកឧត្ដម ឃួង ស្រេង បានបញ្ជាក់ថា នៅភ្នំពេញប្រជាពលរដ្ឋមួយចំនួនតូច មិនទាន់មកទទួលការចាក់វ៉ាក់សាំងនៅឡើយទេ ដូច្នេះ អាជ្ញាធរខណ្ឌទាំងអស់ត្រូវចុះស្រង់ស្ថិតិ និងស្វែងរកមូលហេតុឱ្យបានច្បាស់លាស់ ថាតើ ហេតុអ្វីមកដល់ម៉ោងនេះហើយប្រជាពលរដ្ឋនៅមិនទាន់បានចាក់វ៉ាក់សាំង។ ឯកឧត្ដម ឃួង ស្រេង បន្ថែមថា រដ្ឋបាលរាជធានីភ្នំពេញ នឹងបើកការចាក់វ៉ាក់សាំងនេះ នៅតាមមណ្ឌលសុខភាពខណ្ឌទាំងអស់ ដោយផ្តើមអនុវត្តចាប់ពីថ្ងៃអាទិត្យទី២៧ ខែមិថុនានេះរហូតដល់ថ្ងៃទី០៨ ខែកក្កដា ឆ្នាំ២០២១ ដូច្នេះសូមប្រជាពលរដ្ឋនៅរាជធានីភ្នំពេញ ដែលមិនទាន់បានចាក់វ៉ាក់សាំង រួសរាន់មកទទួលចាក់វ៉ាក់សាំងឱ្យបានគ្រប់ៗគ្នា ដើម្បីឱ្យក្រុមគ្រូពេទ្យបានបន្តទៅចាក់ឱ្យប្រជាពលរដ្ឋនៅបណ្តាខេត្តផ្សេងៗទៀត៕អត្ថបទ ៖ ប្រាក់ វ៉ាន់ដា

អភិបាលខេត្តបាត់ដំបង ជំរុញបង្កើនទប់ស្កាត់ការឆ្លងជំងឺកូវីដ-១៩ ខណៈរកឃើញអ្នកវិជ្ជមានរាល់ថ្ងៃ

បាត់ដំបង ៖ ដោយមានការព្រួយបារម្ភ ពីការឆ្លងរាលដាលកាន់តែខ្លាំងក្នុងសហគមន៍ នៃជំងឺកូវីដ-១៩ ឯកឧត្តម ងួន រតនៈ អភិបាលខេត្តបាត់ដំបង បានជំរុញអាជ្ញាធរខេត្តគ្រប់លំដាប់ថ្នាក់ និងប្រជាពលរដ្ឋទាំងអស់ បង្កើនការទប់ស្កាត់ កុំឲ្យជំងឺនេះឆ្លងកាន់តែខ្លាំងបន្ថែមទៀត ខណៈការរកឃើញអ្នកវិជ្ជមាន នៅខែមិថុនា នេះ ជារៀងរាល់ថ្ងៃ ។ក្នុងឱកាសនាំអំណោយសម្ដេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួង មហាផ្ទៃ ចែកជូនពលរដ្ឋ រងការប៉ះពាល់ជីវភាពដោយសារវិបត្តិជំងឺកូវីដ-១៩ ១០០គ្រួសារ នៅភូមិបល្ល័ង្គ សង្កាត់វត្តគរ ក្រុងបាត់ដំបង នៅថ្ងៃទី២៥ ខែមិថុនា ឆ្នាំ២០២១ ឯកឧត្តម ងួន រតនៈ បានលើកឡើងថា ជំងឺកូវីដ-១៩ កំពុងឆ្លងច្រើននៅក្នុងខេត្តបាត់ដំបង រហូតមានអ្នកស្លាប់បាត់បង់ជីវិតដោយសារជំងឺនេះ ដែលបញ្ហានេះ ត្រូវតែចូលរួមទាំងអស់គ្នាក្នុងការទប់ស្កាត់ ដោយមិនត្រូវមានការព្រងើយកន្ដើយ និងមាន ការធ្វេសប្រហែស ។ឯកឧត្តម បានបន្តថា ក្នុងដំណាក់កាលនេះ យើងមិនត្រូវទុកចិត្តអ្នកណាម្នាក់នោះទេ ក្រៅពីសមាជិកក្រុមគ្រួសាររបស់ខ្លួន ដូច្នេះគ្រប់គ្នា ត្រូវតែអនុវត្តឲ្យបានខ្ជាប់ខ្ជួនតាមវិធានការ មាន៣កុំ ៣ការពារ តាមការណែនាំរបស់រាជរដ្ឋាភិបាល និងក្រសួងសុខាភិបាល រួមទាំងបង្កើននូវការផ្សព្វផ្សាយ ពីការទប់ស្កាត់ នៃការឆ្លងរាលដាលនៃជំងឺកូវីដ១៩ ។ទន្ទឹមនឹងការព្រួយបារម្ភ ពីការឆ្លងរាតត្បាតនៃជំងឺកូវីដ-១៩នេះ អភិបាលខេត្តបាត់ដំបង ក៏បានជំរុញអាជ្ញាធរមូលដ្ឋាន ត្រូវស្វែងរកប្រជាពលរដ្ឋ ដែលបានរងការប៉ះពាល់ផ្នែកសេដ្ឋកិច្ច និងមានជីវភាពខ្វះខាត ដើម្បីផ្ដល់ស្បៀងអាហារជូនពលរដ្ឋនៅតាមខ្នងផ្ទះ ដោយធ្វើឲ្យបានច្បាស់លាស់ និងមានតម្លាភាព។ចាប់ពីមានការផ្ទុះឆ្លងជំងឺកូវីដ-១៩ នៅកម្ពុជា សម្រាប់ខេត្តបាត់ដំបង រហូតមកដល់ពេលនេះ មាន អ្នកឆ្លងជំងឺនេះ ចំនួន៧៣៣នាក់ ព្យាបាលជាសះស្បើយ ចំនួន៤២៦នាក់ ស្លាប់៦នាក់ និងកំពុងសម្រាកព្យាបាល ចំនួន៣០១នាក់។ ដោយក្នុងចំណោមអ្នកឆ្លងទាំង ៧៣៣នាក់នោះ គឺកាលពីថ្ងៃទី២៤ ខែមិថុនា អាជ្ញាធរខេត្ត បានរកឃើញចំនួន២៥នាក់ និងជាសះស្បើយ ចំនួន១៣នាក់ ៕អត្ថបទ៖ បាន សុខរិទ្ធ

៥ខែដើមឆ្នាំនេះ ករណីជំងឺគ្រុនឈាមក្នុងរាជធានីភ្នំពេញថយចុះជាងពាក់កណ្តាលបើធៀបឆ្នាំកន្លងទៅ

ភ្នំពេញ ៖ លោកវេជ្ជបណ្ឌិត ងី មានហេង ប្រធានមនី្ទរសុខាភិបាលរាជធានីភ្នំពេញ ប្រាប់BTV ព័ត៌មាន នាព្រឹកថ្ងៃទី២៥ ខែមិថុនា ឆ្នាំ២០២១នេះថា ករណីជំងឺគ្រុនឈាម ក្នុងរយៈពេល៥ខែ ឆ្នាំ២០២១នេះ បើប្រៀបធៀប នឹង៥ខែឆ្នាំ២០២០ ករណីជំងឺគ្រុនឈាមក្នុងរាជធានីភ្នំពេញ មានការថយចុះជាងពាក់កណ្តាល។លោកវេជ្ជបណ្ឌិត ងី មានហេង បន្តទៀតថា ដោយហេតុថារដូវនេះ ជារដូវវស្សា ចាប់ផ្តើមភ្លៀង មានទឹកដកច្រើន។ ដូច្នេះក្នុងនាមមន្ត្រីសុខាភិបាល នៅតែចុះអប់រំ និងលុបបំបាត់ជម្រកមូសខ្លា និងនិយាយដោយឡែកសុខភាព គឺជាកត្តាចម្បង និងត្រូវតែនាំគ្នាថែរក្សាឲ្យបានល្អ ចៀសវាងនូវជំងឺដង្កាត់ផ្សេងៗ ដោយអនុវត្តឲ្យបានខ្ជាប់ខ្ជួននូវអនាម័យ រស់នៅស្អាត ហូបស្អាត បរិស្ថានស្អាត មិនមានសំរាម ថ្លុកទឹកដក់ និងសំភារៈដែលមានទឹកដក់ និងព្រៃជុំវិញផ្ទះដែលជាជម្រកសត្វ មូសខ្លា ដែលជាភ្នាក់ងារបង្ករោគគ្រុនឈាម ជាពិសេសកុមារតូចៗ។លោកវេជ្ជបណ្ឌិត ងី មានហេង ក៏សូមឲ្យបងប្អូនប្រជាពលរដ្ឋទាំងអស់ គិតគូរពីការថែរក្សាសុខភាពផ្ទាល់ខ្លួន និងក្រុមគ្រួសារ ជាបន្តទៀត បើមានបញ្ហាសុខភាព ត្រូវទៅប្រើប្រាស់សេវាសុខភាពនៅតាមបណ្តាមូលដ្ឋានសុខាភិបាល សាធារណៈដែលនៅជិតៗលោកអ្នក និងត្រូវជួបពិនិត្យនិងព្យាបាលជំងឺ ជាមួយគ្រូពេទ្យដែលមានការបណ្តុះបណ្តាលត្រឹមត្រូវ ជាពិសេសដែលយើងទាំងអស់គ្នាកំពុងស្ថិតក្នុងស្ថានភាពដ៏លំបាក ដែលបង្ករឡើងដោយជំងឺកូវីដ-១៩។ ដូច្នេះបងប្អូនប្រជាពលរដ្ឋទាំងអស់ ក៏ត្រូវអនុវត្តន៍ឲ្យបានម៉ឹងម៉ាត់ជាទីបំផុត តាមការណែនាំរបស់រាជរដ្ឋាភិបាលកម្ពុជា និងក្រសួងសុខាភិបាល គឺ៣កុំ ៣ការពារ ដើម្បីការពារការឆ្លងមេរោគកូវីដ-១៩ និងការបំប្លែងថ្មី នៃមេរោគកូវីដ-១៩៕អត្ថបទ រដ្ឋា

កិច្ចសហប្រតិបត្តិការអន្តរជាតិ ក្នុងស្ថានភាពជំងឺរាតត្បាត ពិតជាមានសារសំខាន់ជាងពេលណាទាំងអស់

ភ្នំពេញ ៖ កម្ពុជាមានជំនឿថា កិច្ចសហប្រតិបត្តិការអន្តរជាតិ និងការកសាងភាពជាដៃគូ ពិតជាមាន សារៈសំខាន់ជាងពេលណាទាំងអស់ ក្នុងកិច្ចខិតខំប្រឹងប្រែងរបស់យើង ដើម្បីស្តារសេដ្ឋកិច្ចនិងសង្គមឱ្យមានភាពរស់រវើក និងរួចផុតពីវិបត្តិសេដ្ឋកិច្ច-សង្គមដែលបង្កឡើងដោយជំងឺរាតត្បាតសកល។នេះគឺជាខ្លឹមសាររបស់ឯកឧត្តម ឧបនាយករដ្ឋមន្ត្រី ប្រាក់ សុខុន ថ្លែងក្នុងសន្និសីទជាន់ខ្ពស់អាស៊ី-ប៉ាស៊ីហ្វិក ស្តីពីកិច្ចសហប្រតិបត្តិការខ្សែក្រវាត់ និងផ្លូវ ក្រោមប្រធានបទ «ការលើកកម្ពស់កិច្ចសហប្រតិបត្តិការក្នុងការប្រយុទ្ធប្រឆាំង នឹងជំងឺរាតត្បាត ដើម្បីការអភិវឌ្ឍប្រកបដោយចីរភាព» នៅថ្ងៃទី២៣ ខែមិថុនា ឆ្នាំ២០២១នេះ។ឯកឧត្តម ឧបនាយករដ្ឋមន្ត្រី បញ្ជាក់ថា កិច្ចខិតខំប្រឹងប្រែងរបស់ចិន ដែលឈានមុខគេនៅក្នុងវ៉ាក់សាំងពហុភាគីនិយមត្រូវបានទទួលស្គាល់យ៉ាងទូលំទូលាយ និងផ្តល់សារៈសំខាន់យ៉ាងខ្លាំង។ មកទល់ថ្ងៃនេះ ចិនបានចែកចាយវ៉ាក់សាំងជាង៣៥០លានដូសទៅដល់ដៃគូសហប្រតិបត្តិការសាកល។ ដោយប្តេជ្ញាចិត្ត ក្នុងការធានាថា អ្នកណាក៏អាចទទួលបានវ៉ាក់សាំងដែរចិនបន្តគាំទ្រក្រុមហ៊ុនផលិតវ៉ាក់សាំង របស់ខ្លួនក្នុងការផ្ទេរបច្ចេកវិទ្យា និងការផលិតវ៉ាក់សាំងរួមគ្នា ជាមួយប្រទេសកំពុងអភិវឌ្ឍន៍នានាផងដែរ។ ជាមួយនឹងការប្តេជ្ញាចិត្តដ៏រឹងមាំទាំងនេះ យើងអាចមើលឃើញនូវអនាគតពិភព លោកមួយដែលមានសុវត្ថិភាពជាងពេលបច្ចុប្បន្ន។ឯកឧត្តម ជឿជាក់យ៉ាងមុតមាំថា កិច្ចសហប្រតិបត្តិការអន្តរជាតិ និងការតភ្ជាប់ គឺជាកាតាលីករដ៏ សំខាន់នៃការងើបឡើងវិញរបស់យើង។ កិច្ចសហប្រតិបត្តិការតំបន់របស់យើងចាំបាច់ត្រូវផ្តោត លើការធានាថា ខ្សែសង្វាក់ផ្គត់ផ្គង់ ក្នុងតំបន់នៅតែមានភាពធន់រឹងមាំ។ យើងធ្វើបានល្អនៅក្នុង បរិបទនេះ អាស្រ័យដោយមានគម្រោងខ្សែក្រវាត់ និងផ្លូវជាច្រើន ដែលកំពុងដំណើរការលូតលាស់ នៅទូទាំងតំបន់។នៅកម្ពុជាមានតំបន់សេដ្ឋកិច្ចពិសេសដ៏ធំមួយនៅខេត្តព្រះសីហនុគម្រោងសាងសង់ផ្លូវល្បឿនលឿនភ្នំពេញ-ខេត្តព្រះសីហនុ និងអាកាសយានដ្ឋានអន្តរជាតិថ្មីនៅភ្នំពេញ និងខេត្តសៀមរាបជាដើម។ គម្រោងហេដ្ឋារចនាសម្ព័ន្ធទាំងនេះបាន និងកំពុងវិវត្តន៍ទៅមុខយ៉ាងរលូន ហើយប្រាកដជានឹងចូលរួមចំណែកក្នុងការជំរុញការងើបឡើងវិញនៃសេដ្ឋកិច្ចកម្ពុជា។ចំពោះ ការរំពឹងទៅថ្ងៃអនាគតនៃកិច្ចសហប្រតិបត្តិការខ្សែក្រវាត់ និងផ្លូវ នៅក្នុងតំបន់អាស៊ី ប៉ាស៊ីហ្វិក បានចែករំលែកនូវគំនិតមួយចំនួនគឺយើងត្រូវ ពង្រឹងកិច្ចសហការ និងកិច្ចសហប្រតិបត្តិការអន្តរជាតិ លើការផលិត និងការចែកចាយវ៉ាក់សាំង ឱ្យកាន់តែប្រកបដោយបរិយាប័ន្ន និងសមធម៌ ហើយគួរចៀសវាងការយកជំងឺរាតត្បាតសកលមកធ្វើជាឧបករណ៍នយោបាយ ប្រការដែលសំខាន់ដូចគ្នានេះដែរ កិច្ចសហប្រតិបត្តិការតំបន់គឺជាការចាំបាច់ ដើម្បីពង្រឹងការការពារជំងឺរាតត្បាតទាំងឡាយនា ពេលអនាគត។ការកសាង «សហគមន៍វាសនារួមសម្រាប់មនុស្សជាតិ» មិនមែនគ្រាន់តែជា ពាក្យស្លាកនយោបាយប៉ុណ្ណោះទេ ក៏ប៉ុន្តែ គឺជាកិច្ចសហប្រតិបត្តិការអន្តរជាតិ ដែលនឹងជួយឱ្យយើង សម្រេចបាននូវគោលដៅអភិវឌ្ឍន៍ប្រកបដោយចីរភាព។ យើងត្រូវរក្សាឱ្យបាននូវប្រព័ន្ធពាណិជ្ជកម្ម និងវិនិយោគពហុភាគី ដែលឈរលើមូលដ្ឋានច្បាប់ ព្រមទាំងមានលក្ខណៈបើកចំហ និងបរិយាប័ន្ន។ ក្នុងន័យនេះ កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) នឹងដើរតួយ៉ាងសំខាន់ក្នុងការជំរុញ តំបន់និយមដែលមានលក្ខណៈបើកទូលាយ និងបរិយាប័ន្ន» និងគាំទ្រដល់ការងើបឡើងវិញ ប្រកបដោយបរិយាបន្ន និងចីរភាព។យើងត្រូវផ្តល់ធនធានបន្ថែមទៀតក្នុងការគាំពារសង្គម។ ការគាំពារសង្គមនេះ មិនមែនជាការចំណាយ ឬជាការអូសបន្លាយនូវវិបុលភាពរបស់យើងនោះឡើយ ក៏ប៉ុន្តែផ្ទុយទៅវិញ វាជាការវិនិយោគទៅលើប្រជាជនរបស់យើង ដែលនឹងជួយជំរុញសេដ្ឋកិច្ចឲ្យប្រកបដោយថាមវន្ត បរិយាប័ន្ន និងរឹងមាំជាងមុន។ ឯកឧត្តម ជឿជាក់ថា នេះគឺជាស្មារតីដ៏ពិតប្រាកដនៃគម្រោង ខ្សែក្រវាត់ និងផ្លូវទាំងអស់។ទន្ទឹមនឹងការគាំទ្រគំនិតផ្ដួចផ្ដើមទាំង២ ដែលស្នើឡើងដោយចិនស្តីពីកិច្ចសហប្រតិបត្តិការ វ៉ាក់សាំង និងភាពជាដៃគូក្នុងការអភិវឌ្ឍបៃតង ឯកឧត្តម មានសុទិដ្ឋិនិយមថា ស្មារតីនៃកិច្ចសហប្រតិបត្តិការខ្សែក្រវាត់ និងផ្លូវនឹងបន្តរួមចំណែកដល់ការឈានទៅសម្រេចបាននូវគោលដៅ អភិវឌ្ឍន៍ ប្រកបដោយចីរភាពរបស់យើង នៅក្នុងរយៈពេលច្រើនឆ្នាំទៅមុខទៀត៕អត្ថបទ ៖ មុត សុត

ឯកឧត្តម ប្រាជ្ញ ចន្ទ ត្រូវបានរដ្ឋសភាជ្រើសរើសជាប្រធានថ្មី នៃ (គជប)

ភ្នំពេញ ៖ រដ្ឋសភា នៃព្រះរាជាណាចក្រកម្ពុជា នៅថ្ងៃទី២៤ខែមិថុនានេះ បានសម្រេចជ្រើសរើសឯកឧត្តម ប្រាជ្ញ ចន្ទ ជាប្រធានថ្មី នៃ (គ.ជ.ប) ជំនួសឯកឧត្តម ស៊ិក ប៊ុនហុក ដែលបានសុំលាលែងពីតំណែង នៅដើមខែនេះ ដោយសារបញ្ហាសុខភាព។ឯកឧត្តម ប្រាជ្ញ ចន្ទ អតីតប្រធានគណៈកម្មការទី១ នៃរដ្ឋសភា នៅថ្ងៃទី២៤ខែមិថុនានេះ បានជាប់ឆ្នោតជាប្រធានថ្មី នៃគណៈកម្មាធិការជាតិរៀបចំការបោះឆ្នោត(គ.ជ.ប) ដោយសមាជិករដ្ឋសភាទាំងអស់ បានបោះឆ្នោតគាំទ្រផ្តល់សេចក្តីទុកចិត្តទាំងស្រុង។រដ្ឋសភា បានជ្រើសរើសប្រធាន(គជប) ថ្មីនេះ នៅក្នុងសម័យប្រជុំរដ្ឋសភា លើកទី៦ នីតិកាល ទី៦ ក្រោមអធិបតីភាព សម្តេចអគ្គមហាពញាចក្រី ហេង សំរិន ប្រធានរដ្ឋសភា ដោយមានសមាជិកសភា ចូលរួមចំនួន៨២រូប។ឯកឧត្តម ប្រាជ្ញ ចន្ទ គឺជាបេក្ខជនមួយរូប ក្នុងចំណោម២រូប ដែលបានដាក់ពាក្យស្នើសុំធ្វើ ប្រធានថ្មី នៃ (គ.ជ.ប) ទៅកាន់រដ្ឋសភា ហើយដែលត្រូវបានជ្រើសរើសដោយគណបក្សដឹកនាំរាជរដ្ឋាភិបាល គឺគណបក្សប្រជាជនកម្ពុជា ដោយស្របទៅតាម«ច្បាប់ ស្ដីពីការរៀបចំ និងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត»។ការរៀបចំនីតិវិធីជ្រើសរើសប្រធានគ.ជ.បថ្មី បានធ្វើឡើងបន្ទាប់ពី ឯកឧត្តម ស៊ិក ប៊ុនហុក ប្រធាន គណៈកម្មាធិការជាតិរៀបចំការបោះឆ្នោត បានដាក់ពាក្យលាលែងពីតំណែង កាលពីថ្ងៃទី០១ ខែមិថុនា ឆ្នាំ២០២១ បន្ទាប់ពីមានបញ្ហាសុខភាព។ ឯកឧត្តម ស៊ិក ប៊ុនហុក ត្រូវបានរដ្ឋសភាបោះឆ្នោតជ្រើសតាំង ជាប្រធាន (គ.ជ.ប) កាលពីឆ្នាំ២០១៥ បន្ទាប់ពីគណបក្សប្រជាជនកម្ពុជា និងអតីតគណបក្សសង្គ្រោះជាតិ បានរួមគ្នាកែទម្រង់ស្ថាប័នការបោះឆ្នោត ដោយជ្រើសរើសសមាជិកគ.ជ.ប តាមរូបមន្ត៤បូក៤ បូក នឹង១ មានន័យថា គណបក្សនីមួយៗជ្រើសរើសសមាសភាពបួនរូបម្ខាងម្នាក់ ហើយគណបក្សទាំងពីរ ត្រូវជ្រើសរើសសមាសភាពទី៩ ដោយការព្រមព្រៀងគ្នាជាឯកច្ឆន្ទ។ឯកឧត្ដម ប្រាជ្ញ ចន្ទ ធ្លាប់ជាអភិបាលខេត្តបាត់ដំបង ពីឆ្នាំ២០០១ ដល់២០១៣ ជាអភិបាលខេត្ត ត្បូងឃ្មុំ ពីឆ្នាំ២០១៤ ដល់ឆ្នាំ២០១៧ និងជាតំណាងរាស្ត្រ និងជាប្រធានគណៈកម្មការទី១ នៃរដ្ឋសភា គឺ គណៈកម្មការសិទ្ធិមនុស្ស ទទួលពាក្យបណ្តឹង អង្កេត និងទំនាក់ទំនងរដ្ឋសភា ព្រឹទ្ធសភា ពីឆ្នាំ២០១៧ រហូតដល់ក្លាយជាប្រធានគ.ជ.ប នៅពេលនេះ៕អត្ថបទ៖ ទូច សោភ័ណ

គណបក្សហ៊្វុនស៊ិនប៉ិច ធ្វើការថ្កោលទោសដាច់អហង្ការចំពោះទណ្ឌិតសម រង្ស៊ី ប្រមាថអង្គព្រះមហាក្សត្រ

ភ្នំពេញ ៖ គណបក្សហ៊្វុនស៊ិនប៉ិច បានចេញសេចក្តីថ្លែងការណ៍មួយធ្វើការថ្កោលទោសដាច់អហង្ការ ចំពោះទណ្ឌិត សម រង្ស៊ី ដែលបច្ចុប្បន្នកំពុងរត់ចោលស្រុក ដោយបានធ្វើការប្រមាថជាថ្មីម្តងទៀតដល់អង្គព្រះមហាក្សត្រ តាមរយៈសង្គមហ្វេសបុក ហើយបានធ្វើការអំពាវនាវដល់សមត្ថកិច្ច និងស្ថាប័នតុលាការធ្វើការចាប់ខ្លួនទណ្ឌិតនេះ មកផ្ដន្ទាទោសទៅតាមច្បាប់ជាធរមាន។យោងតាមសេចក្តីថ្លែងការណ៍របស់គណបក្សហ៊្វុនស៊ិនប៉ិច ដែលទូរទស្សន៍BTV ទទួលបាន នាថ្ងៃទី២៤ ខែមិថុនា ឆ្នាំ២០២១នេះ បានលើកឡើងថា គណបក្សហ៊្វុនស៊ិនប៉ិច សូមធ្វើការ ថ្កោលទោសយ៉ាងដាច់អហង្ការ ចំពោះទណ្ឌិត សម រង្ស៊ី ដែលបង្ហោះសាធារណៈតាមបណ្តាញសង្គមហ្វេសបុក កាលពីថ្ងៃទី២២ ខែមិថុនា ឆ្នាំ២០២១ កន្លងទៅនេះ ដោយគណបក្សចាត់ទុកខ្លឹមសារដែលទណ្ឌិត សម រង្ស៊ី បានផ្សព្វផ្សាយជាសាធារណៈនេះ គឺជាការប្រមាថយ៉ាងធ្ងន់ធ្ងរ និងបានធ្វើឲ្យប៉ះពាល់យ៉ាងខ្លាំងចំពោះព្រះកិត្តិនាម របស់អង្គព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈ ដ៏ខ្ពង់ខ្ពស់បំផុតនៃប្រជានុរាស្ត្រខ្មែរយើង និងបានរំលោភលើរដ្ឋធម្មនុញ្ញ នៃព្រះរាជាណាចក្រកម្ពុជា ជំពួកទី២ មាត្រា៧ ដែលបានចែងថា អង្គព្រះមហាក្សត្រ មិនអាចនណារំលោភបំពានបានឡើយ។សេចក្តីថ្លែងការណ៍របស់គណបក្សហ៊្វុនស៊ិនប៉ិចដដែលនេះ «បានចាត់ទុកការចោទប្រកាន់យ៉ាងងងឹតងងល់របស់ទណ្ឌិត សម រង្ស៊ី ម្តងហើយម្តងទៀតមកលើ អង្គព្រះមហាក្សត្រ នៃព្រះរាជាណាចក្រកម្ពុជា គឺមានចេតនាយ៉ាងអាក្រក់ បម្រើមហិច្ឆតានយោបាយគុំកួនសងសឹក មកលើរបបរាជានិយម និងព្រះរាជបល្ល័ង្ក ដែលគណបក្សហ៊្វុនស៊ិនប៉ិច ក៏ដូចជា អ្នករាជានិយម អ្នកសីហនុនិយម និងប្រជានុរាស្ត្រខ្មែរ មិនអាចទទួលយកបាននោះឡើយ»។តាមរយៈសេចក្តីថ្លែងការណ៍នេះដែរ គណបក្សហ៊្វុនស៊ិនប៉ិច សូមស្នើដល់រាជរដ្ឋាភិបាល និងស្ថាប័នតុលាការ មេត្តាចាត់វិធានការយ៉ាងម៉ឺងម៉ាត់ ដើម្បីនាំយកមេចលនាឧទ្ទាមក្រៅច្បាប់នេះ មកធ្វើការផ្ដន្ទាទោសទៅតាមច្បាប់ជាធរមានផងដែរ៕អត្ថបទ ៖ បាន ចក់'

បណ្ដាញសង្គម

ព័ត៌មានថ្មីៗ

មេដឹកនាំពិភពលោកថ្កោលទោសការវាយប្រហាររបស់អ៊ីស្រាអែល លើមេដឹកនាំក្រុមហាម៉ាសនៅទីក្រុង Doha ប្រទេសកាតា

ប្រតិភូក្រុមសភាជាតិកម្ពុជា នៃអ្នកនយោបាយសភាស្រ្តី អញ្ជើញចុះសួរសុខទុក្ខវីរកងទ័ព ដែលកំពុងសម្រាកព្យាបាល នៅមន្ទីរពេទ្យបង្អែកខេត្តសៀមរាប

កាកបាទក្រហមអន្តរជាតិ៖ កងទ័ពកម្ពុជា១៨នាក់ ដែលថៃចាប់ទៅ គឺមានសុវត្ថិភាព និងមានសុខភាពល្អទាំងអស់គ្នា

ការបញ្ជាជម្លៀសពីសំណាក់យោធាអ៊ីស្រាអែល បង្កឱ្យមានការភ័យស្លន់ស្លោ និងចលាចលនៅក្រុងហ្កាហ្សា

គណៈកម្មការទី១ នៃរដ្ឋសភា នាំយកអំណោយជូនប្រជាពលរដ្ឋ នៅភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ

ការតវ៉ាដោយហិង្សា នៅតែបន្តក្នុងប្រទេសនេប៉ាល់ ទោះបីជានាយករដ្ឋមន្ត្រីលាលែងពីតំណែងក៏ដោយ

ក្រុមហាម៉ាសអះអាងថាមេដឹកនាំរបស់ខ្លួនរួចជីវិតពីការវាយប្រហាររបស់អ៊ីស្រាអែលនៅកាតា ខណៈអាមេរិកនិយាយថានេះជាការព្រមានតិចតួច

ក្រុមហ៊ុន Apple របស់អាមេរិក បើកបង្ហាញទូរសព្ទ iPhone ថ្មី និងរក្សាតម្លៃឱ្យនៅដដែល

លោក Macron បានតែងតាំងលោក Sebastien Lecornu ជានាយករដ្ឋមន្រ្តីបារាំងថ្មី

សិប្បកម្មមួយនៅកំពង់ធំ គ្រោងពង្រីកការកែច្នៃផលនេសាទពីត្រឹម៤តោនក្នុង១ឆ្នាំ ទៅ៣០តោន ស្របនឹងសម្ទុះគាំទ្រសព្វថ្ងៃ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ពេទ្យយោធាកម្ពុជានឹងត្រូវUN ស្នើឲ្យចូលរួមបេសកកម្មការងារចាក់ជូនពលរដ្ឋប្រទេសដទៃ

ក្រសួងអភិវឌ្ឍន៍ជនបទ ចុះវាយតម្លៃការងារថែទាំខួបផ្លូវចំនួន៣គម្រោង ក្នុងខេត្តចំនួន៣

សម្តេចតេជោ អំពាវនាវជនរួមជាតិទប់ស្កាត់ និងអប់រំកូនចៅអោយចៀសឆ្ងាយគ្រឿងញៀន

អភិបាលខេត្តបាត់ដំបង ជំរុញបង្កើនទប់ស្កាត់ការឆ្លងជំងឺកូវីដ-១៩ ខណៈរកឃើញអ្នកវិជ្ជមានរាល់ថ្ងៃ

៥ខែដើមឆ្នាំនេះ ករណីជំងឺគ្រុនឈាមក្នុងរាជធានីភ្នំពេញថយចុះជាងពាក់កណ្តាលបើធៀបឆ្នាំកន្លងទៅ

កិច្ចសហប្រតិបត្តិការអន្តរជាតិ ក្នុងស្ថានភាពជំងឺរាតត្បាត ពិតជាមានសារសំខាន់ជាងពេលណាទាំងអស់

ឯកឧត្តម ប្រាជ្ញ ចន្ទ ត្រូវបានរដ្ឋសភាជ្រើសរើសជាប្រធានថ្មី នៃ (គជប)

គណបក្សហ៊្វុនស៊ិនប៉ិច ធ្វើការថ្កោលទោសដាច់អហង្ការចំពោះទណ្ឌិតសម រង្ស៊ី ប្រមាថអង្គព្រះមហាក្សត្រ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ពេទ្យ​យោធា​កម្ពុជា​នឹងត្រូវUN ស្នើ​ឲ្យ​ចូលរួម​បេសកកម្ម​ការងារ​ចាក់​ជូន​ពលរដ្ឋ​ប្រទេស​ដទៃ

ក្រសួង​អភិវឌ្ឍន៍ជនបទ​ ចុះ​វាយតម្លៃ​ការងារ​ថែទាំ​ខួប​ផ្លូវ​ចំនួន​៣​គម្រោង ក្នុង​ខេត្ត​ចំនួន​៣

សម្តេច​តេ​ជោ​ អំពាវនាវ​ជនរួម​ជាតិ​ទប់ស្កាត់ ​និង​អប់រំ​កូនចៅ​អោយ​ចៀស​ឆ្ងាយ​គ្រឿងញៀន

កិច្ច​សហប្រតិបត្តិការ​អន្តរជាតិ ក្នុងស្ថានភាព​ជំងឺ​រាតត្បាត ​ពិតជា​មានសារសំខាន់​ជាង​ពេលណា​ទាំងអស់

ឯកឧត្តម ប្រាជ្ញ ចន្ទ ត្រូវ​បាន​រដ្ឋសភា​ជ្រើសរើស​ជា​ប្រធាន​ថ្មី នៃ (​គជប​)

គណបក្ស​ហ៊្វុនស៊ិនប៉ិច​ ធ្វើការ​ថ្កោលទោស​ដាច់អហង្ការ​ចំពោះទណ្ឌិត​សម រង្ស៊ី ​ប្រមាថ​អង្គ​ព្រះមហាក្សត្រ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ពេទ្យយោធាកម្ពុជានឹងត្រូវUN ស្នើឲ្យចូលរួមបេសកកម្មការងារចាក់ជូនពលរដ្ឋប្រទេសដទៃ

ក្រសួងអភិវឌ្ឍន៍ជនបទ ចុះវាយតម្លៃការងារថែទាំខួបផ្លូវចំនួន៣គម្រោង ក្នុងខេត្តចំនួន៣

សម្តេចតេជោ អំពាវនាវជនរួមជាតិទប់ស្កាត់ និងអប់រំកូនចៅអោយចៀសឆ្ងាយគ្រឿងញៀន

កិច្ចសហប្រតិបត្តិការអន្តរជាតិ ក្នុងស្ថានភាពជំងឺរាតត្បាត ពិតជាមានសារសំខាន់ជាងពេលណាទាំងអស់

ឯកឧត្តម ប្រាជ្ញ ចន្ទ ត្រូវបានរដ្ឋសភាជ្រើសរើសជាប្រធានថ្មី នៃ (គជប)

គណបក្សហ៊្វុនស៊ិនប៉ិច ធ្វើការថ្កោលទោសដាច់អហង្ការចំពោះទណ្ឌិតសម រង្ស៊ី ប្រមាថអង្គព្រះមហាក្សត្រ