BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

WHO មានសុទិដ្ឋិនិយមចំពោះល្បឿនចាក់វ៉ាក់សាំងជូនពលរដ្ឋកម្ពុជា ដែលជាសញ្ញាល្អឈានទៅទប់ស្កាត់កូវីដ-១៩

ភ្នំពេញ ៖ បន្ទាប់ពីយុទ្ធនាការចាក់វ៉ាក់សាំងនៅកម្ពុជា មានល្បឿនលឿនហួសផែនការមេ ដែលបានគ្រោងទុក តំណាងអង្គការសុខភាពពិភពលោកប្រចាំកម្ពុជា បានសម្ដែងសុទិដ្ឋិនិយមថា ដំណើរការចាក់វ៉ាក់សាំងនេះ បង្ហាញសញ្ញាវិជ្ជមាន ដែលកម្ពុជា អាចនឹងឈានទៅទប់ស្កាត់ការរីករាលដាលជំងឺកូវីដ-១៩បាន។លោកស្រី លី អាយលែន តំណាងអង្គការសុខភាពពិភពលោកប្រចាំកម្ពុជា បានបញ្ជាក់ប្រាប់BTV កាលពីម្សិលមិញថា ល្បឿនលឿន នៃយុទ្ធនាការចាក់វ៉ាក់សាំងនៅកម្ពុជា គឺជាសញ្ញាល្អ បង្ហាញថា កម្ពុជាអាចឈានទៅទប់ស្កាត់ការរីករាលដាលជំងឺកូវីដ-១៩បាន ប៉ុន្តែនៅពេលទប់ស្កាត់បាន ប្រជាពលរដ្ឋ មិនត្រូវមានភាពសុទិដ្ឋិនិយមពេកចំពោះវ៉ាក់សាំងនោះទេ ពោលគឺត្រូវបន្តអនុវត្តវិធានការបីកុំ បីការពារ។ការចាក់វ៉ាក់សាំង គឺជាមធ្យោបាយមួយ ក្នុងចំណោមវិធានសុខាភិបាលចាំបាច់ដទៃទៀត ដែលនឹងបង្ការការរាតត្បាត ការចម្លង និងកាត់បន្ថយផលបះពាល់ នៃជំងឺកូវីដ-១៩ ទៅលើវិស័យសេដ្ឋកិច្ច និងសង្គម ។របាយការណ៍របស់គណៈកម្មការចំពោះកិច្ចចាក់វ៉ាក់សាំងកូវីដ-១៩ បានបង្ហាញថា គិតចាប់ពីថ្ងៃទី១០ ខែកុម្ភៈ រហូតដល់ថ្ងៃទី១៥ ខែមិថុនា នេះ ពលរដ្ឋកម្ពុជា ចំនួនជាងបីលាន៧ម៉ឺននាក់ហើយ ដែលបាន បានទទួលការចាក់វ៉ាក់សាំងបង្ការជំងឺកូវីដ-១៩ សម្រាប់ដូសទី១ និងចំនួនជាង២លាន៥សែននាក់ បានទទួលការចាក់វ៉ាក់សាំង ដូសទី២៕អត្ថបទ៖ ទូច សោភ័ណ

ស្ត្រីកំពុងបំបៅកូនដោយទឹកដោះ ចាប់ពីបីខែឡើងទៅ ត្រូវបានផ្តល់អាទិភាពក្នុងការចាក់វ៉ាក់សាំងបង្ការកូវីដ

កណ្ដាល ៖ បន្ទាប់ពីមានការជំរុញលើកទឹកចិត្តពីក្រសួងសុខាភិបាល និងពីសំណាក់អាជ្ញាធរមូលដ្ឋានផងដែរ សំគាល់ឃើញថា នៅតាមមណ្ឌលចាក់វ៉ាក់សាំងការពារកូវីដ-១៩នានា នៅក្នុងក្រុងតាខ្មៅ ខេត្តកណ្តាល គឺមានស្ត្រីក្រោយសម្រាល កូនចំនួនបីខែឡើងទៅ បានអញ្ជើញទៅចាក់វ៉ាក់សាំងការពារកូវីដ-១៩ ដើម្បីការពារខ្លួនឯងផង និងការពារចំលងកូវីដ-១៩ ពីម្តាយទៅកូនតូចផងដែរ។បើតាមបណ្តាស្ត្រីកំពុងបំបៅកូនដោយទឹកដោះ នៅក្រុងតាខ្មៅ បានថ្លែងប្រាប់BTV នៅថ្ងៃទី១៦ ខែមិថុនានេះថា បន្ទាប់ពីមានណែនាំក្រុមគ្រូពេទ្យ និងពីសំណាកមេភូមិចុះចែកសំបុត្រអញ្ជើញចាក់វ៉ាក់សាំងនៅតាមខ្នងផ្ទះពលរដ្ឋ ថា គ្រប់ស្ត្រីកំពុងបំបៅដោះកូនបានចំនួនបីខែឡើងទៅ អាចចាក់វ៉ាក់សាំងការពារកូវីដ-១៩បាន នៅពេលនេះ គឺមានស្ត្រីមួយចំនួនដែលទើបសម្រាលកូនរួចបានចំនួនបីខែឡើង បាននាំគ្នាទៅចាក់វ៉ាក់សាំងការពារកូវីដ-១៩ ដែលមានការបីនាំកូនតូចៗទៅជាមួយផងដែរ។សូមបញ្ជាក់ថា នៅក្នុងឱកាសមន្ត្រីជាន់ខ្ពស់មកពីក្រសួងសុខាភិបាល អង្គការសុខភាពពិភពលោក WHO និងអង្គការ UNICEF របស់អង្គការសប្រជាជាតិប្រចាំនៅកម្ពុជា ដែលធ្វើការងារដើម្បីកុមារតូច ចុះត្រួតពិនិត្យយុទ្ធនាការចាក់វ៉ាក់សាំងកូវីដ-១៩ នៅក្រុងតាខ្មៅ ខេត្តកណ្តាល កាលពីពេលថ្មីៗនេះ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ថ្លែងដូចគ្នានឹងតំណាង WHO និងUNICEFថា ជារួមគ្រប់ស្ត្រីដែលទើបសម្រាលកូនបានបីខែ បើស្ត្រីនោះមានសុខភាពល្អ មិនមានបញ្ហាអ្វីនោះទេ គឺគាត់អាចអញ្ជើញទៅចាក់វ៉ាក់សាំងការពារកូវីដ-១៩បាន ហើយការចាក់នោះអាជ្ញាធរ និងក្រុមពេទ្យត្រូវតែផ្តល់អាទិភាពចាក់មុនគេ កុំអោយគាត់រងចាំងយូរ។ទោះយ៉ាងណាដំណើរការចាក់វ៉ាក់សាំងនោះ លោកជំទាវ ឱ វណ្ណឌីន ក៏បានអំពាវនាវអោយបងប្អូនគ្រប់រូប ត្រូវអញ្ជើញចាក់វ៉ាក់សាំងការពារកូវីដ-១៩ អោយបានចំនួន២ដូស ដើម្បីបង្កើតប្រព័ន្ធការពារអោយបានគ្រប់គ្រាន់នៅក្នុងសិរីរាង្គដើម្បីទប់ស្កាត់ភាពធ្ងន់ធ្ងរ និង កាត់បន្ថយអត្រាស្លាប់ពីការចំលងមេរោគកូវីដ-១៩ ជាពិសេសសម្រាប់ជនដែលមានវ័យចាស់ និងចៀសវាងចាក់ដូសទី១ហើយមិនបន្តចាក់ដូសទី២ ដែលបញ្ហានេះធ្វើអោយប្រព័ន្ធការពារឆ្លងមេរោគកូវីដ-១៩ មានកម្រិតការពារទាបបំផុត៕អត្ថបទស៊ុម សុខជា

ប្រឡាយបឹងទំពន់ កំពុងស្ដារបាន៦០ភាគរយហើយ ដើម្បីរំដោះជំនន់ទឹកភ្លៀងនៅភ្នំពេញ

ភ្នំពេញ ៖ ការស្តារប្រឡាយ បឹងទំពន់ ដើម្បីរំដោះទឹករដូវវស្សាក្នុងខណ្ឌចំនួន៥ នៃភូមិសាស្ត្ររាជធានីភ្នំពេញ គិតត្រឹមថ្ងៃទី១៤ ខែមិថុនាសម្រេចបាន៦០ភាគរយហើយ។ អាជ្ញាធររាជធានីភ្នំពេញបាននិងកំពុងស្តារប្រឡាយបឹងទំពន់ ដែលមានប្រវែងជិត៤គីឡូម៉ែត្រ ដើម្បីរំដោះ និងបង្ហូរជំនន់ទឹកភ្លៀងនារដូវវស្សានេះ ។បើតាមលោក ដួង ចាន់សារ៉ាត់ ប្រធានអង្គភាពលូទឹក បូមទឹកនៃមន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងថា ប្រឡាយបឹងទំពន់ មានប្រវែង ៣៧១០ម៉ែត្រ និងមានទទឹង៣០ម៉ែត្រ ដែលភ្ជាប់ពីប្រឡាយស្ទឹងមានជ័យ ដល់ស្ថានីយបូមទឹកបឹងទំពន់ផ្លូវ៣៧១ ។ ប្រឡាយនេះបានចាប់ផ្តើមស្តារកាលពីថ្ងៃទី០៥ ខែមេសា ឆ្នាំ២០២១ ហើយមកដល់ពេលនេះ ក្រុមការងារបានស្តារប្រឡាយបឹងទំពន់ សម្រេចបាន៦០ភាគរយហើយ គិតជាប្រវែង ២២០០ម៉ែត្រ ។លោក បានបន្ថែមថា ប្រឡាយបឹងទំពន់នេះ មានតួនាទីយ៉ាងសំខាន់ក្នុងការរំដោះទឹកពីប្រឡាយដើមស្លែង ប្រឡាយបារាំង ពិសេសរំដោះទឹកពីក្នុងខណ្ឌពោធិ៍សែនជ័យ ខណ្ឌសែនសុខ ខណ្ឌទួលគោក និង១ផ្នែកខ្លះក្នុងខណ្ឌចំការមន និងខណ្ឌ៧មករា។លោក ដួង ចាន់សារ៉ាត់ ក៏បានស្នើឱ្យប្រជាពលរដ្ឋទុកដាក់សំរាមឱ្យបានត្រឹមត្រូវ ទៅតាមទីតាំងដែលក្រុមហ៊ុនប្រមូលសំរាមបានកំណត់ កុំបោះសំរាមចូលក្នុងប្រឡាយទឹក នាំឱ្យបិទបាំងផ្លូវទឹកមិនអាចហូរដល់ស្ថានីយបូមទឹកបាន ដែលបង្កជាជំនន់ និងស្ទះទឹកតាមប្រព័ន្ធលូជាដើម៕អត្ថបទ៖ ប្រាក់ វ៉ាន់ដា

វិស័យអប់រំឯកជន ស្នើសុំរាជរដ្ឋាភិបាលបើកសាលារៀនឡើងវិញ ដើម្បីបញ្ចៀសការក្ស័យធន

ភ្នំពេញ ៖ វិស័យអប់រំឯកជន ដែលមានចំនួនប្រមាណ ១៣៨គ្រឹះស្ថានសិក្សា បានសម្រេចរួមគ្នា ស្នើសុំរាជរដ្ឋាភិបាល ដើម្បីបើកដំណើរការសាលារៀនរបស់ខ្លួនឡើងវិញ ដើម្បីបញ្ចៀសការក្ស័យធន។ នេះជាការលើកឡើងរបស់ ឯកឧត្តម ហេង វ៉ាន់ដា ប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជា ក្រោយបញ្ចប់កិច្ចប្រជុំ នៅរសៀលថ្ងៃទី ១៥ ខែមិថុនា ម្សិលមិញនេះ ។ក្រោយពីផ្អាកដំណើរការសាលារៀនអស់រយៈពេលជាច្រើនខែមកនេះ វិស័យអប់រំឯកជន ដោយមានអនុវិស័យឧត្តមសិក្សា អនុវិស័យចំណេះដឹងទូទៅ អនុវិស័យសុខាភិបាល រួមទាំងអនុវិស័យការងារ និងមុខរបរ ដែលមានគ្រឹះស្ថានអប់រំប្រមាណ ១៣៨ បានចូលរួមក្នុងកិច្ចប្រជុំតាមប្រព័ន្ធ Zoom ដើម្បីលើកឡើងពីផលប៉ះពាល់ដោយសារកូវីដ-១៩ និងដាក់ពាក្យស្នើសុំការជួយពីរាជរដ្ឋាភិបាល។ក្រោយបញ្ចប់កិច្ចប្រជុំនេះ ឯកឧត្តម ហេង វ៉ាន់ដា បានបញ្ជាក់ថា គ្រប់គ្រឹះស្ថានសិក្សាឯកជនបានសម្រេច ដាក់ពាក្យស្នើសុំរាជរដ្ឋាភិបាលកម្ពុជា ដើម្បីបើកដំណើរការសាលារៀនឡើងវិញដោយគោរពតាមគោលការណ៍ប្រតិបត្តិស្តង់ដារ SOP របស់ក្រសួងអប់រំ ដើម្បីបញ្ចៀសការក្ស័យធន។ ឯកឧត្តម បន្តថា សំណើរនេះក៏ភ្ជាប់ជាមួយការស្នើសុំចាក់វ៉ាក់សាំងដល់សិស្សចាប់ពីអាយុ ៣ឆ្នាំដល់ ១៧ឆ្នាំផងដែរ។ជុំវិញការស្នើរបស់គ្រឹះស្ថានសិក្សាវិស័យឯកជននាពេលនេះ ឯកឧត្តម រស់ សុវាចា អ្នកនាំពាក្យក្រសួងអប់រំយុវជន និងកីឡាលើកឡើងថា ក្រសួងអប់រំ យុវជន និងកីឡា មានជំហរបន្តផ្អាកគ្រឹះស្ថានសិក្សាសាធារណៈ និងឯកជននៅទូទាំងប្រទេសដោយបន្តតាមដាននិងវាយតម្លៃស្ថានភាពព្រឹត្តិការណ៍សហគមន៍ ២០ កុម្ភៈ។ ចំពោះមុខនេះ ក្រសួងអប់រំ យុវជន និងកីឡាលើកទឹកចិត្តគ្រប់ភាគីពាក់ព័ន្ធ ជាពិសេសបុគ្គលិកអប់រំ មាតាបិតា សិស្ស-និស្សិត បន្តអនុវត្តឱ្យបានខ្ជាប់ខ្ជួននូវវិធានការ ៣ការពារ ៣កុំ។ឯកឧត្តម បន្តថា គ្រឹះស្ថានសិក្សាសាធារណៈ និងឯកជនត្រូវបន្តការបង្រៀន និងរៀនពីចម្ងាយ និងតាមអនឡាញស្របតាមគន្លងជីវិតថ្មីនៃវិស័យអប់រំ។ ក្រសួងអប់រំ យុវជន និងកីឡាបានចេញរួចហើយនូវសេចក្តីណែនាំស្ដីពីការបង្រៀន និងរៀនពីចម្ងាយ និងតាមប្រព័ន្ធអេឡិចត្រូនិចសម្រាប់គ្រឹះស្ថានបឋមសិក្សា និងមធ្យមសិក្សាសាធារណៈ ឆ្នាំសិក្សា ២០២០-២០២១។ ក្រសួងអប់រំ យុវជន និងកីឡានឹងចេញសេចក្តីណែនាំស្ដីពីការបង្រៀននិងរៀនពីចម្ងាយនិងតាមប្រព័ន្ធអេឡិចត្រូនិចសម្រាប់គ្រឹះស្ថានសិក្សាឯកជនឆ្នាំសិក្សា២០២០-២០២១។គួរបញ្ជាក់ថា សាលារៀនទូទាំងប្រទេស ទាំងសាលរៀនសាធារណៈ និងសាលរៀនឯកជន គ្រប់កម្រិតសិក្សា ត្រូវបានផ្អាកការសិក្សាក្នុងថ្នាក់រៀន តាំងពីថ្ងៃទី ២០ ខែមីនា ឆ្នាំ ២០២១មកម្ល៉េះ។ នេះបើផ្អែកតាមសេចក្ដីជូនដំណឹងរបស់ក្រសួងអប់រំ នាពេលកន្លងទៅ៕អត្ថបទ ៖ គឹមហុក

ក្រសួងការងារ គ្រោងចំណាយជិត៥០០លានដុល្លារដើម្បីអភិវឌ្ឍន៍វិស័យអប់រំបណ្តុះបណ្តាលបច្ចេកទេសនិងវិជ្ជាជីវៈ

ភ្នំពេញ ៖ មន្ត្រីជាន់ខ្ពស់នៃក្រសួងការងារ និងបណ្តុះបណ្តាលវិជ្ជាជីវៈ មានប្រសាសន៍ថា ក្រសួងគ្រោងចំណាយថវិកាចំនួនប្រមាណ ៤៩៣លានដុល្លារ សម្រាប់រយៈពេល ៥ឆ្នាំ (២០២១-២០២៥) ទៅមុខទៀត ដើម្បីអភិវឌ្ឍន៍វិស័យអប់រំបណ្តុះបណ្តាលបច្ចេកទេស និងវិជ្ជាជីវៈ (TVET) នៅកម្ពុជា។នៅព្រឹកថ្ងៃទី១៦ មិថុនា ឆ្នាំ២០២១នេះ ឯកឧត្តម ថង សាម៉ុន អគ្គនាយករង នៃអគ្គនាយកដ្ឋានអប់រំបណ្តុះបណ្តាលបច្ចេកទេសនិងវិជ្ជាជីវៈ នៃក្រសួងការងារ និងបណ្តុះបណ្តាលវិជ្ជាជីវៈ បានឲ្យដឹងថា ថវិកាដែលគ្រោងចំណាយនេះ គឺផ្ដោតលើយុទ្ធសាស្ត្រសំខាន់ៗចំនួន៤ រួមមាន ការកសាងនិងកែលម្អហេដ្ឋារចនាសម្ព័ន្ធរូបវន្តរបស់គ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈ, ការបំពាក់ឧបករណ៍បរិក្ខារនិងសម្ភារៈបណ្ដុះបណ្ដាល, ការពង្រឹងសមត្ថភាពអ្នកដឹកនាំគ្រប់គ្រងមន្ត្រីជំនាញ និងគ្រូបច្ចេកទេស និង និងទីការបង្កើនបរិមាណនិងគុណភាពជំនាញបច្ចេកទេសនិងវិជ្ជាជីវៈប្រកបដោយបរិយាបន្នយេនឌ័រ។ក្នុងឱកាសនោះដែរ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានចាត់ទុកការអប់រំបណ្ដុះបណ្ដាលបច្ចេកទេស និងវិជ្ជាជីវៈ ដើរតួនាទីសំខាន់ណាស់នៅក្នុងការអភិវឌ្ឍន៍សេដ្ឋកិច្ចសង្គមរបស់ប្រទេស ព្រមទាំងការបង្កើតនិងទទួលបានការងារធ្វើកាន់តែល្អ និងការជំរុញលើកកម្ពស់ជីវភាពកាន់តែប្រសើរឡើងសម្រាប់ប្រជាជនម្នាក់ៗ ដើម្បីប្រែក្លាយក្តីសុបិន្តក្នុងការផ្ដល់លទ្ធភាពឲ្យប្រជាពលរដ្ឋគ្រប់រូបអាចធ្វើការសិក្សាពេញមួយជីវិតទៅជាការពិត។សូមបញ្ជាក់ថា សម្រាប់ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ហៅថា TVET DAY នៅថ្ងៃម្សិលមិញនេះ ធ្វើតាមអនឡាញ បានទាក់ទាញអ្នកចូលទស្សនាតាមរយៈបណ្តាញសង្គមហ្វេសប៊ុក ក្នុងផេកក្រសួងការងារមានចំនួនរហូតដល់ជាង ៨ម៉ឺននាក់។ ទិវាជាតិនេះ ធ្វើឡើងក្នុងគោលបំណងដើម្បីលើកកម្ពស់ការអប់រំបណ្តុះបណ្តាលបច្ចេកទេស និងវិជ្ជាជីវៈ និងធ្វើការផ្សព្វផ្សាយទៅដល់សិស្ស និស្សិត យុវជន មាតាបិតា អាណាព្យាបាល សាធារណជន និងផ្នែកឯកជនឱ្យបានយល់ដឹងពីសារៈសំខាន់នៃការអប់រំបណ្តុះបណ្តាលបច្ចេកទេស និងវិជ្ជាជីវៈ ក្នុងការជំរុញការអភិវឌ្ឍកម្លាំងពលកម្មជំនាញប្រកបដោយគុណភាព និងប្រសិទ្ធភាពឱ្យឆ្លើយតបទៅនឹងតម្រូវការទីផ្សារការងារក្នុង និងក្រៅប្រទេស៕អត្ថបទ ឈិត បូរ៉ាវី

ប្រមុខការពារជាតិកម្ពុជា ៖ ចិនបានដើរតួនាទីយ៉ាងសំខាន់ក្នុងការថែរក្សាសន្តិភាព ស្ថិរភាព វិបុលភាព និងនិរន្តភាពតំបន់

ភ្នំពេញ ៖ ប្រមុខការពារជាតិកម្ពុជា បានថ្លែងថា ប្រទេសចិនបានដើរតួនាទីយ៉ាងសំខាន់ក្នុងការថែរក្សាសន្តិភាព ស្ថិរភាព វិបុលភាព និងនិរន្តភាពតំបន់ ហើយមួយវិញទៀតប្រទេសចិនបានប្ដេជ្ញាចិត្តដើម្បីកសាងទំនុកចិត្ត និងពង្រឹងចំណងទំនាក់ទំនងជាមួយអាស៊ាន ជាពិសេសលើវិស័យសន្តិសុខលម្ហសមុទ្រនេះតែម្តង។ថ្លែងនៅក្នុងកិច្ចប្រជុំ ក្រៅផ្លូវការរដ្ឋមន្ដ្រីការពារ ជាតិអាស៊ាន-ចិន តាមប្រព័ន្ធអនឡាញ (online ) នាថ្ងៃទី១៦ ខែមិថុនា ឆ្នាំ២០២១នេះ សម្តេចពិជ័យសេនាទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិកម្ពុជា បានសំដែងចូលរួមអបអរសាទរ ចំពោះខួបលើកទី៣០ នៃទំនាក់ទំនងសន្ទនាអាស៊ាន - ចិន។ សម្តេច បានបន្តថា នេះជាឱកាសមួយដ៏ល្អប្រសើរក្នុងការបង្កើនទំនាក់ទំនងអាស៊ាន-ចិនឈានដល់កម្រិតខ្ពស់បន្ថែមទៀត ដើម្បីកសាងសហគមន៍មួយដែលមានអនាគតរួមគ្នាក្នុងការបើកទំព័រថ្មីឆ្ពោះទៅរកវិបុលភាពរួម អាស៊ាន-ចិន។ប្រមុខការពារជាតិកម្ពុជារូបនេះបានសង្កត់ធ្ងន់ថា« បីទសវត្សរ៍កន្លងមកនេះ យើងឃើញថា ទំនាក់ទំនងអាស៊ាន-ចិន បានរីកដុះដាល់កាន់តែជិតស្និទ្ធ និងរឹងមាំឡើងហើយប្រទេសចិនបានដើរតួនាទីយ៉ាងសំខាន់ក្នុងការថែរក្សាសន្តិភាព ស្ថិរភាព វិបុលភាព និងនិរន្តភាពតំបន់។ ចាប់តាំងពីក្លាយជាដៃគូសន្ទនារបស់ អាស៊ានក្នុងឆ្នាំ១៩៩១ មក ប្រទេសចិនបានបន្តចូលរួមចំណែកការធ្វើឲ្យប្រសើរឡើងនៃកិច្ចសន្ទនា និងកិច្ចសហប្រតិបត្តិការនយោបាយ សន្តិសុខ និងតាមរយៈក្របខ័ណ្ឌផ្សេងៗដែលដឹកនាំដោយអាស៊ាន រួមមាន ៖ កិច្ចប្រជុំកំពូលអាស៊ីបូព៌ា (EAS) អាស៊ានបូកបី(API) វេទិកាតំបន់អាស៊ាន (ARF) និងកិច្ចប្រជុំរដ្ឋមន្ត្រីការពារជាតិអាស៊ាន- បូក (ADMM-Plus) ជាដើមនោះ»។សម្តេចពិជ័យសេនា បានបន្ថែមទៀតថា ចិនបានប្ដេជ្ញាចិត្តដើម្បីកសាងទំនុកចិត្ត និងពង្រឹងចំណង ទំនាក់ទំនងជាមួយ អាស៊ាន ជាពិសេស លើវិស័យសន្តិសុខលម្ហសមុទ្រ។ ក្នុងន័យនេះ សម្តេចពិជ័យសេនា បានវាយតម្លៃខ្ពស់លើជោគជ័យនៃលំហាត់លម្ហសមុទ្រអាស៊ាន -ចិន ដែលអនុវត្តកាលខែសីហា ឆ្នាំ២០១៨ ដែលជួយពង្រឹងអន្តរប្រតិបត្តិការកងទ័ពជើងទឹករបស់យើង និងសំខាន់ជាងនេះទៅទៀត ដើម្បីកសាងទំនុកចិត្ត និងការជឿជាក់ក្នុងការធ្វើការជាមួយគ្នា ដើម្បីដោះស្រាយ ឧប្បត្តិហេតុនៅសមុទ្រជាដើម។សម្តេចពិជ័យសេនា ក៏បានសំដែងការចូលរួមអបអរសាទរដល់ប្រទេសចិន ដែលបានធ្វើជាសហប្រធានក្រុមការងារជំនាញ ក្នុងក្របខ័ណ្ឌកិច្ចប្រជុំរដ្ឋមន្ត្រីការពារជាតិអាស៊ាន-បូក ដោយជោគជ័យ រួមមាន ការធ្វើជាសហប្រធានក្រុមការងារជំនាញ ស្ដីពីជំនួយមនុស្សធម៌ និងសង្គ្រោះគ្រោះមហន្តរាយជាមួយប្រទេសវៀតណាម ក្នុងជុំទី១ និងសហប្រធានក្រុមការងារជំនាញ ស្តីពីការ ប្រឆាំងភេរវកម្ម ជាមួយប្រទេសថៃក្នុងជុំទី៣។ ហើយនៅក្នុងជុំទី៤នេះ កម្ពុជាមានកិត្តិយសដែលបានធ្វើជាសហប្រធានក្រុមការងារជំនាញ ស្ដីពីសកម្មភាពកំចាត់មីនមនុស្សធម៌ ជាមួយប្រទេសចិន ផងដែរ។ ថ្លែងនៅក្នុងកិច្ចប្រជុំក្រៅផ្លូវការរវាងរដ្ឋមន្ត្រីក្រសួងការពារជាតិអាស៊ាន និងចិននេះដែរ លោកវេ ហ៊្វុងហឺ ( Wei Fenghe ) សមាជិកក្រុមប្រឹក្សារដ្ឋ និងជារដ្ឋមន្ដ្រីការពារជាតិចិន បានលើកឡើងថា អាស៊ាន និងចិន បានក្លាយទៅជាទំនាក់ទំនងមួយដែលមានថាមពល និងប្រសិទ្ធភាពបំផុតក្នុងតំបន់អាស៊ីប៉ាស៊ីហ្វិក។ នៅឆ្នាំនេះ គឺជាខួបលើកទី៣០ នៃកិច្ចទំនាក់ទំនងរវាងអាស៊ាន និងចិន ដូច្នេះ៣០ឆ្នាំកន្លងមកនេះ គឺប្រទេសអាស៊ាន និងប្រទេសចិនបានកសាងទំនាក់ទំនងនៅពេលសង្គ្រាមត្រជាត់ត្រូវបានបញ្ចប់ ជាពិសេសនៅពេលពិភពលោកបានក្លាយជាពហុប៉ូលក៏ដូចជាកិច្ចសហប្រតិបត្ដិការសេដ្ឋកិច្ចជាដើម។លោក វេ បានបន្តទៀតថា ជាច្រើនឆ្នាំកន្លងមកប្រទេសចិន និងអាស៊ានបានធ្វើកិច្ចសហប្រតិបត្ដិការផ្នែកសន្ដិសុខនេះ និងបានចូលរួមក្នុងវិស័យជាច្រើន ក្នុងនោះបានជំរុញអោយមានកិច្ចសហប្រតិបត្ដិការដែលមានខ្លឹមសារជាច្រើនក្នុងការរក្សាសន្ដិភាព និងស្ថិរភាពទាំងលើឆាកអន្ដរជាតិនិងតំបន់។ នេះបានបង្ហាញអំពីភាពជោគជ័យនៃកិច្ចខិតខំប្រឹងប្រែងក្នុងកសាងសហគមន៍របស់យើងដែលមានវាសនារួមគ្នារវាងអាស៊ាន និងចិន យើងការជឿទុកចិត្ដគ្នាទៅវិញទៅមកត្រូវបានពង្រឹង យើងជាអ្នកធ្វើការក្នុងវិស័យការពារជាតិក៏បានពង្រឹងកិច្ចសហប្រតិបត្ដិការជិតស្និទ្ធគ្នាទៅវិញទៅមក ក៏ដូចជាវិស័យពហុភាគី និងការធ្វើទស្សនកិច្ចទៅវិញទៅមក។ខណៈនោះដែរ អនុរដ្ឋមន្ត្រីក្រសួងការពារជាតិ នៃប្រទេសព្រុយណេ បានសំដែងការអបអរសាទរខួបលើកទី ៣០ឆ្នាំ នៃកិច្ចសហប្រតិបត្តិការរវាងអាស៊ាន ចិន ។ លោកអនុរដ្ឋមន្ត្រី បានថ្លែងអំណរគុណ ដល់បណ្តារដ្ឋមន្ត្រីការពារជាតិអាស៊ានទាំងអស់ ដែលបានចូលរួមប្រជុំក្រៅផ្លូវការ រដ្ឋមន្ត្រីការពារជាតិ នៃសាធារណរដ្ឋចិន ដែលជាដៃគូដ៏មានសារសំខាន់ ជាដៃគូមិត្តភាពដ៏ល្អបំផុតរបស់អាស៊ាន៕អត្ថបទ ៖ បាន ចក់

ក្រុងតាខ្មៅដំណើរការចាក់វ៉ាក់សាំងការពារកូវីដ-១៩យ៉ាងរលូន ជូនពលរដ្ឋអាយុចាប់ពី១៨ឆ្នាំឡើងទៅ

កណ្ដាល ៖ មកដល់ថ្ងៃទី១៥ ខែមិថុនានេះ នៅទូទាំងខេត្តកណ្តាល បានដំណើរការចាក់វ៉ាក់សាំងការពារកូវីដ-១៩ បានចំនួន៥ថ្ងៃ ដោយឡែកសម្រាប់ភូមិសាស្ត្រនៅក្នុងក្រុងតាខ្មៅវិញ នៅថ្ងៃនេះគេសង្កេតឃើញថា នៅតាមមណ្ឌលចាក់វ៉ាក់សាំងប្រមាណជិត១០កន្លែង គឺបានដំណើរការចាក់វ៉ាក់សាំងនេះ យ៉ាងរលូនបំផុត និងមានពលរដ្ឋនៅក្នុងមូលដ្ឋានគ្រប់ជាតិសាសន៍ និងអ្នកមកពីចម្ងាយស្នាក់នៅរយៈពេលយូរក៏ត្រូវបានទទួលបានការចាក់ដែរ។បើតាមលោកវេជ្ជបណ្ឌិត លី មករា ប្រធានមន្ទីរពេទ្យបង្អែកជ័យជំនះក្រុងតាខ្មៅ បានថ្លែងប្រាប់BTV នៅថ្ងៃនេះថា ក្នុងចំណោមមណ្ឌលចាក់វ៉ាក់សាំងទាំង១០កន្លែងនៅក្នុងក្រុងតាខ្មៅ ខេត្តកណ្តាល គឺមានតែនៅក្នុងមន្ទីរពេទ្យជ័យជំនះ បច្ចុប្បន្នបាននិងកំពុងដំណើរការចាក់វ៉ាក់សាំងទាំងពីរដូសគឺដូសទី១ និងដូសទី២។ សម្រាប់ដូសទី២ កំពុងដំណើរការចាក់ជូនពលរដ្ឋទូទៅនិងជនបរទេសដែលដល់ពេលកំណត់ ។ ដោយឡែកសម្រាប់ការចាក់ដូសទី១ កំពុងដំណើរការចាក់ជូនពលរដ្ឋទូទៅ និងជនបរទេស ដែលមានការអញ្ជើញអោយមកដោយ លោកចៅសង្កាត់ ឬមេភូមិ។បើតាមលោក ប្រាក់ ចន្ទី មេភូមិក្រពើហារ សង្កាត់ព្រែកឫស្សី បានថ្លែងថា សម្រាប់សង្កាត់ព្រែកឫស្សី គឺយើងបានដាក់វេនពលរដ្ឋនៅតាមភូមិអញ្ជើញអោយគាត់មកចាក់វ៉ាក់សាំងការពារកូវីដ-១៩ នៅក្នុងមន្ទីរពេទ្យជ័យជំនះ ហើយការអញ្ជើញនោះ ក្រៅពីពលរដ្ឋដែលមានលំនៅឋានអចិន្ត្រៃយ៍ ខាងភូមិក៏មានការអញ្ជើញពលរដ្ឋមកពីតាមបណ្តាខេត្តរាជធានី និងជនបរទេសនានា ដែលបានមកជួលផ្ទះ ស្នាក់នៅរយៈពេលយូរនៅក្នុងមូលដ្ឋានរបស់លោក អោយមកចាក់វ៉ាក់សាំងផងដែរ។សូមបញ្ជាក់ថា នៅក្នុងយុទ្ធនាការចាក់វ៉ាក់សាំងកូវីដ-១៩ នៅក្នុងខេត្តកណ្តាល ដែលបានចាប់ផ្តើមតាំងពីថ្ងៃទី១០ ខែមិថុនាមកនោះ នៅដំណាក់កាលដំបូងខេត្តបានទទួលវ៉ាក់សាំងប្រមាណជិត៦០ម៉ឺនដូស មានផែនការចាក់លើមនុស្សប្រមាណជាង៩០ម៉ឺននាក់។ បើតាមការបញ្ជាក់ពីឯកឧត្តម គង់ សោភ័ណ្ឌ អភិបាលខេត្តកណ្តាល បានថ្លែងថា នៅក្នុងយុទ្ធនាការចាក់នេះ គោលដៅអាទិភាពដែលទទួលបានចាក់មុនគេ គឺពលរដ្ឋរស់នៅក្នុងតំបន់ប្រឈមហានិភ័យ មានដូចជា ពលរដ្ឋអតីតតំបន់ក្រហម តំបន់លឿងទុំ និងក្រុមកម្មករកម្មការិនី បំរើការងារតាមរោងចក្រ ព្រមទាំងអ្នកជាប់ឃុំក្នុងពន្ធនាគារខេត្តកណ្តាលជាដើម៕អត្ថបទ ស៊ុម សុខជា

គណៈកម្មាធិការអចិន្ត្រៃយ៍រដ្ឋសភាអនុម័តបេក្ខជនពីររូបដើម្បីឈរឈ្មោះជាប្រធាន គ.ជ.ប ថ្មី

ភ្នំពេញ ៖ សម្ដេចអគ្គមហាពញាចក្រី ហេង សំរិន ប្រធានរដ្ឋសភា នៅព្រឹកថ្ងៃអង្គារ ទី១៥ ខែមិថុនា ឆ្នាំ២០២១ បានដឹកនាំកិច្ចប្រជុំគណៈកម្មាធិការអចិន្ត្រៃយ៍រដ្ឋសភា តាមប្រព័ន្ធវីដេអូ ដើម្បីអនុម័តរបៀបវារៈមួយចំនួន ដោយក្នុងនោះ អង្គប្រជុំក៏សម្រេចលើបេក្ខជនពីររូបដើម្បីឈរឈ្មោះជាប្រធានគណៈកម្មាធិការជាតិរៀបចំការបោះឆ្នោតផងដែរ។កិច្ចប្រជុំគណៈកម្មាធិការអចិន្ត្រៃយ៍នៃរដ្ឋសភា នៅថ្ងៃទី ១៥ ខែមិថុនា ឆ្នាំ ២០២១ នេះ បានអនុម័តយល់ព្រមនូវបេក្ខជនប្រធានគណៈកម្មាធិការជាតិរៀបចំការបោះឆ្នោត ដែលមានលក្ខណៈសម្បត្តិគ្រប់គ្រាន់ចំនួន ២រូប ដើម្បីបញ្ជូនទៅគណបក្សនយោបាយពាក់ព័ន្ធជ្រើសរើសបេក្ខជនចំនួន ១រូប ហើយផ្ញើមកគណៈកម្មាធិការអចិន្ត្រៃយ៍រដ្ឋសភាវិញ ដើម្បីបន្តនីតិវិធី។ នេះបើតាមសេចក្តីជូនដំណឹងរបស់រដ្ឋសភានៅថ្ងៃអង្គារនេះ។ តែយ៉ាងណាសេចក្តីជូនដំណឹងរបស់រដ្ឋសភា នៅមិនទាន់បញ្ជាក់ពីឈ្មោះបេក្ខជនជាសាធារណៈ ដែលគណៈកម្មាធិការអចិន្ត្រៃយ៍នៃរដ្ឋសភាអនុម័តយល់ព្រមជាបេក្ខជនប្រធានគណៈកម្មាធិការជាតិរៀបចំការបោះឆ្នោតជំនួសឯកឧត្តម ស៊ិក ប៊ុនហុក ដែលបានដាក់ពាក្យលាលែងពីតំណែងកាលពីថ្ងៃទី ១ ខែមិថុនា ឆ្នាំ ២០២១ នោះឡើយ។ ការលាលែងពីតំណែងជាប្រធានគ.ជ.ប របស់ឯកឧត្តម ស៊ិក ប៊ុនហ៊ុក ដោយសារមានបញ្ហាជំងឺប្រចាំកាយ ត្រូវបានគណៈកម្មាធិការអចិន្ត្រៃយ៍នៃរដ្ឋសភា អនុម័តយល់ព្រមតាមសំណើរបស់លោកកាលពីថ្ងៃទី ៤ ខែមិថុនា ឆ្នាំ២០២១។ដោយឡែក នៅក្នុងអង្គប្រជុំរបស់គណៈកម្មាធិការអចិន្ត្រៃយ៍ដដែលនោះ ក៏បានអនុម័តប្រគល់សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀង ពាណិជ្ជកម្មសេរី រវាងរាជរដ្ឋាភិបាលកម្ពុជា និងរដ្ឋាភិបាលចិន ជូនដល់គណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា ដោយសហការជាមួយគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា ពិនិត្យ សិក្សា ហើយធ្វើរបាយការណ៍ ជូនគណៈកម្មាធិការអចិន្ត្រៃយ៍រដ្ឋសភាវិញ៕ជា ធីរិទ្ធ រូបភាព ៖ ឯកសារ

ក្រសួងការងារ នឹងហៅក្រុមហ៊ុនណាហ្គាវើលបំភ្លឺរឿងគម្រោងបញ្ឈប់បុគ្គលិក នៅថ្ងៃស្អែក

ភ្នំពេញ ៖ ក្រសួងការងារ និងបណ្តុះបណ្តាលវិជ្ជាជីវៈ នឹងអញ្ជើញភាគីក្រុមហ៊ុនណាហ្គាវើល មកប្រជុំនៅថ្ងៃស្អែក ដើម្បីស្រាយបំភ្លឺជុំវិញគម្រោងបញ្ឈប់បុគ្គលិកជាង១ពាន់នាក់។ ការហៅបំភ្លឺនេះ ធ្វើឡើងតបតាមការស្នើសុំរបស់សហជីពតំណាងបុគ្គលិករបស់ក្រុមហ៊ុនណាហ្គាវើល ដែលស្នើសុំអន្តរាគមន៍ទៅក្រសួងការងារ នាពេលកន្លងមក។មន្ត្រីជាន់ខ្ពស់របស់ក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ប្រាប់ប៊ីធីវី នៅព្រឹកថ្ងៃទី១៥ ខែមិថុនា នេះថា តំណាងក្រុមហ៊ុនណាហ្គាវើល ត្រូវបានអញ្ជើញចូលរួមប្រជុំនៅក្រសួងការងារនៅថ្ងៃរសៀលថ្ងៃទីពុធ ទី១៦ ខែមិថុនានេះ ដើម្បីបកស្រាយជុំវិញញត្តិរបស់សហជីព។ការប្រជុំជាមួយភាគីក្រុមហ៊ុន ធ្វើឡើង បន្ទាប់ពីក្រសួងបានអញ្ជើញតំណាងសហជីពក្រុមហ៊ុនណាហ្គាវើល កាលពីរសៀលថ្ងៃចន្ទ ដើម្បីបកស្រាយលើការស្នើសុំចំនួន៥ចំណុច ក្នុងញត្តិដែលបានដាក់មកកាន់ក្រសួងការងារកន្លងមក ។អ្នកនាង ឈុន សុខា អនុប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរ នៃក្រុមហ៊ុនណាហ្គាវើលដ៍ បានប្រាប់ទូរទស្សន៍ព័ត៌មាន ប៊ីធីវី នៅថ្ងៃទី១៥ មិថុនា ឆ្នាំ២០២១នេះថា ការអញ្ជើញលើកទី១នេះរបស់ក្រសួងការងារ និងបណ្តុះបណ្តាលវិជ្ជាជីវៈ គឺដើម្បីទៅបំភ្លឺតាមនីតិវិធី ដោយសាកសួរព័ត៌មានបន្ថែមអំពីការទាមទារនៅក្នុងលិខិត។ អ្នកនាង បានឲ្យដឹងទៀតថា ជាទូទៅការកោះហៅនេះ ដំបូងកោះហៅជួបភាគីដើមបណ្តឹងដែលជាសហជីពនាពេលនេះ បន្ទាប់មកទើបក្រសួងនឹងអញ្ជើញភាគីក្រុមហ៊ុនជួបតាមក្រោយ។យោងតាមប្រភពដដែល ក្រសួងនឹងកំណត់ពេលវេលាសមស្របណាមួយ ដើម្បីឲ្យភាគីទាំងពីរបានជួបតទល់គ្នា ដើម្បីស្វែងរកដំណោះស្រាយ បន្ទាប់ពីបានជួបជាមួយភាគីសហជីព និងតំណាងក្រុមហ៊ុនរួចហើយ។ការស្នើសុំអន្តរាគមន៍ពីក្រសួងការងារ និងបណ្តុះបណ្តាលវិជ្ជាជីវៈរបស់កម្មករនិយោជិត និងសមាជិកសហជីព ធ្វើឡើងបន្ទាប់ពីក្រុមហ៊ុន ណាហ្គាវើលដ៍ បានចាប់ដំណើរការបញ្ឈប់បុគ្គលិកសរុបចំនួនជាង១ ៣០០នាក់ ក្រោមហេតុផលដើម្បីរក្សាស្ថិរភាពអាជីវកម្មដែលរងផលប៉ះពាល់ដោយសារជំងឺកូវីដ-១៩។ក្នុងញត្តិដាក់ទៅក្រសួងការងារ សហជីពបានស្នើសុំ៥ចំណុច រួមមាន ៖ ១.ទាមទារឲ្យក្រុមហ៊ុនបញ្ឈប់បន្ទាន់នូវគម្រោងកាត់បន្ថយបុគ្គលិក, ២.ទាមទារឲ្យក្រុមហ៊ុនបញ្ឈប់ការបំភិតបំភ័យបុគ្គលិកតាមរយៈកោះហៅកន្លងមក, ៣.ទាមទារឲ្យក្រុមហ៊ុនផ្តល់ប្រាក់បំណាច់ផ្ដាច់កិច្ចសន្យាការងារឲ្យបានត្រឹមត្រូវស្របតាមច្បាប់, ៤.ទាមទារឲ្យក្រុមហ៊ុនបន្តផ្ដល់ឡើងវិញនូវប្រាក់បំណាច់អតីតភាពការងារនិងប្រាក់រំលឹកបំណាច់អតីតភាពការងារជូនបុគ្គលិកទាំងអស់ ដែលកំពុងបំរើការងារ និង៥.ទាមទារឲ្យក្រុមហ៊ុនអនុវត្តវិធានការសុខាភិបាលនៅកន្លែងការងារឲ្យបានត្រឹមត្រូវស្របតាមការណែនាំក្រសួងសុខាភិបាល និងអង្គការសុខភាពពិភពលោក ដើម្បីរួមចំណែកទប់ស្កាត់ការឆ្លងរាលដាលជំងឺកូវីដ-១៩ នៅក្នុងក្រុមហ៊ុន៕អត្ថបទ ៖ ឈិត បូរ៉ាវី

សម្តេចតេជោ អំពាវនាវឱ្យបន្តគាំទ្រគោលនយោបាយជាតិ ស្តីពីការអប់រំបណ្ដុះបណ្ដាលបច្ចេកទេសវិជ្ជាជីវៈ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអំពាវនាវដល់គ្រប់តួអង្គពាក់ព័ន្ធបន្តការគាំទ្រអនុវត្តគោលនយោបាយជាតិ ស្ដីពីការអប់រំបណ្ដុះបណ្ដាលបច្ចេកទេស និងវិជ្ជាជីវៈ។នៅថ្ងៃនេះ សម្ដេចតេជោ ហ៊ុន សែន បានផ្ញើសារលិខិតអបអរទិវាជាតិអប់រំបណ្តុះបណ្តាលបច្ចេក ទេស និងវិជ្ជាជីវៈ លើកទី៤ ថ្ងៃទី១៥ ខែមិថុនា ក្រោមប្រធានបទ "TVET" ។សម្តេចតេជោ បានយកឱកាសនេះ អំពាវនាវដល់គ្រប់តួអង្គពាក់ព័ន្ធ បន្តចូលគាំទ្រក្នុងការអនុវត្តគោលនយោបាយជាតិ ស្តីពីការអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំ២០១៧-២០២៥ ក្នុងការអភិវឌ្ឍធនធានមនុស្សពោរពេញដោយសមត្ថភាពជំនាញ ដោយក្នុងដំណាក់កាលនេះ គ្រប់គ្រឹះស្ថានសិក្សាទាំងអស់ ត្រូវបន្តរៀបចំកម្មវិធីបណ្តុះបណ្តាលពីចម្ងាយ ឬតាមអនឡាញ និងបត់បែនតាមស្ថានភាពជាក់ស្តែង។- បន្តជំរុញលើកទឹកចិត្ត និងបង្កើនការចុះឈ្មោះចូលរៀនជំនាញបច្ចេកទេស និងវិជ្ជាជីវៈ ដើម្បីឱ្យមានចំណេះដឹង ជំនាញច្បាស់លាស់ ឥរិយាបថការងារ និងសីលធម៌វិជ្ជាជីវៈល្អ ដូចដែលប្រធានបទ នៃទិវាជាតិនេះ បានលើកឡើង “TVET ធ្វើឱ្យជំនាញកាន់តែប្រសើរ និងប្រាក់ចំណូលខ្ពស់” ។- គ្រប់ស្ថានីយវិទ្យុ ទូរទស្សន៍របស់រដ្ឋ និងឯកជន ព្រមទាំងប្រព័ន្ធផ្សព្វផ្សាយនានា សូមបន្តជួយ ផ្សព្វផ្សាយឱ្យបានទូលំទូលាយ អំពីវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ ដើម្បីបង្កើនការយល់ដឹងនូវសារសំខាន់ នៃវិស័យនេះ ជូនសាធារណជន។-ក្រសួង ស្ថាប័នពាក់ព័ន្ធ អាជ្ញាធរគ្រប់លំដាប់ថ្នាក់ សាស្ត្រាចារ្យ លោកគ្រូ អ្នកគ្រូ សិក្ខាកាម សិស្ស និស្សិត មាតាបិតា អាណាព្យាបាល កម្មករនិយោជិត និយោជក ផ្នែកឯកជន អង្គការមិនមែនរដ្ឋាភិបាល ដៃគូអភិវឌ្ឍន៍ និងជនរួមជាតិទាំងអស់ ចូលរួមសហការផ្សព្វផ្សាយទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៤ នេះ ឱ្យបានផុលផុសទូទាំងប្រទេស តាមប្រព័ន្ធផ្សព្វផ្សាយនានា។ឆ្លៀតក្នុងឱកាសនេះ សម្តេចតេជោ បានថ្លែងការកោតសរសើរចំពោះការខិតខំប្រឹងប្រែងរបស់ក្រសួងការងារ និងបណ្តុះបណ្តាលវិជ្ជាជីវៈ និងក្រសួងស្ថាប័នពាក់ព័ន្ធនានា ក្នុងការខិតខំអនុវត្តដោយជោគជ័យនូវគោលនយោបាយអាទិភាព និងការកែទម្រង់ស៊ីជម្រៅ ដែលរាជរដ្ឋាភិបាលបានដាក់ចេញសម្រាប់វិស័យអប់រំបណ្តុះបណ្តាល បច្ចេកទេស និងវិជ្ជាជីវៈ៕អត្ថបទ៖ មុត សុទ្ធ

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងការពារជាតិ៖ កងកម្លាំងកម្ពុជាមិនបានប្រើប្រាស់អាវុធបាញ់ចូលក្នុងទឹកដីថៃដូចការលើកឡើងរបស់ផេកកងទ័ពថៃ និងសារព័ត៌មានថៃ នោះទេ

សម្ដេចតេជោ ហ៊ុន សែន៖ ជំហរកម្ពុជានឹងមិនផ្លាស់ប្តូរទេ ហើយកម្ពុជាក៏មិនធ្វើថោកទៅសុំថៃបើកច្រកព្រំដែននោះដែរ, ថៃអាចបន្តបិទ សូម្បី១០០ឆ្នាំទៀតក៏កម្ពុជាមិនស្លាប់ដែរ

អ៊ីរ៉ង់ និង E3 នឹងបើកកិច្ចចរចាដ៏សំខាន់ ដើម្បីបញ្ចៀសការដាក់ទណ្ឌកម្ម តែឱកាសនៅតែស្ដួចស្ដើង

បាតុករគាំទ្រប៉ាឡេស្ទីន បិទកំពង់ផែទីក្រុង Genoa និងប៉ះង្គិចជាមួយនគរបាល នៅទីក្រុង Milan

មនុស្សយ៉ាងតិច ២នាក់ ស្លាប់ និងជាច្រើននាក់ រងរបួស ក្រោយអគារបាក់រលំ នៅភាគកណ្តាលឥណ្ឌា

នាយករដ្ឋមន្ត្រីអូស្ត្រាលីលើកឡើងពីការសម្លាប់បុគ្គលិកជំនួយក្នុងសុន្ទរកថា ស្តីពីការទទួលស្គាល់ប៉ាឡេស្ទីន

ឧទ្ធម្ភាគចក្រ និងរថយន្ត ស្វែងរក និងជួយសង្គ្រោះអ្នកស្រុកជាប់ក្នុងទឹកជំនន់ នៅអ៊ីតាលី

លោក Trump នឹងជួបក្រុមមន្ត្រីមកពីប្រទេសមូស្លីមភាគច្រើន ដើម្បីពិភាក្សាអំពីតំបន់ហ្កាហ្សា

ជប៉ុនបដិសេធមិនទទួលស្គាល់រដ្ឋប៉ាឡេស្ទីន ក្នុងកិច្ចប្រជុំអង្គការសហប្រជាជាតិ

អ្នកការទូតជាន់ខ្ពស់មកពីអាមេរិក កូរ៉េខាងត្បូង និងជប៉ុន សម្តែងក្ដីបារម្ភ អំពីច្រកសមុទ្រតៃវ៉ាន់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

WHO មានសុទិដ្ឋិនិយមចំពោះល្បឿនចាក់វ៉ាក់សាំងជូនពលរដ្ឋកម្ពុជា ដែលជាសញ្ញាល្អឈានទៅទប់ស្កាត់កូវីដ-១៩

ស្ត្រីកំពុងបំបៅកូនដោយទឹកដោះ ចាប់ពីបីខែឡើងទៅ ត្រូវបានផ្តល់អាទិភាពក្នុងការចាក់វ៉ាក់សាំងបង្ការកូវីដ

ប្រឡាយបឹងទំពន់ កំពុងស្ដារបាន៦០ភាគរយហើយ ដើម្បីរំដោះជំនន់ទឹកភ្លៀងនៅភ្នំពេញ

វិស័យអប់រំឯកជន ស្នើសុំរាជរដ្ឋាភិបាលបើកសាលារៀនឡើងវិញ ដើម្បីបញ្ចៀសការក្ស័យធន

ក្រសួងការងារ គ្រោងចំណាយជិត៥០០លានដុល្លារដើម្បីអភិវឌ្ឍន៍វិស័យអប់រំបណ្តុះបណ្តាលបច្ចេកទេសនិងវិជ្ជាជីវៈ

ក្រុងតាខ្មៅដំណើរការចាក់វ៉ាក់សាំងការពារកូវីដ-១៩យ៉ាងរលូន ជូនពលរដ្ឋអាយុចាប់ពី១៨ឆ្នាំឡើងទៅ

គណៈកម្មាធិការអចិន្ត្រៃយ៍រដ្ឋសភាអនុម័តបេក្ខជនពីររូបដើម្បីឈរឈ្មោះជាប្រធាន គ.ជ.ប ថ្មី

ក្រសួងការងារ នឹងហៅក្រុមហ៊ុនណាហ្គាវើលបំភ្លឺរឿងគម្រោងបញ្ឈប់បុគ្គលិក នៅថ្ងៃស្អែក

សម្តេចតេជោ អំពាវនាវឱ្យបន្តគាំទ្រគោលនយោបាយជាតិ ស្តីពីការអប់រំបណ្ដុះបណ្ដាលបច្ចេកទេសវិជ្ជាជីវៈ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ប្រឡាយ​បឹងទំពន់​ កំពុង​ស្ដារ​បាន​៦០​ភាគរយ​ហើយ ដើម្បី​រំដោះ​ជំនន់​ទឹកភ្លៀង​នៅ​ភ្នំពេញ

វិស័យ​អប់រំ​ឯកជន​ ស្នើសុំ​រាជរដ្ឋាភិបាល​បើក​សាលារៀន​ឡើងវិញ ដើម្បី​បញ្ចៀស​ការ​ក្ស័យធន

គណៈកម្មាធិការ​អចិន្ត្រៃយ៍​រដ្ឋសភា​អនុម័ត​បេក្ខជន​ពីររូប​ដើម្បី​ឈរ​ឈ្មោះ​ជា​ប្រធាន គ​.​ជ​.​ប ថ្មី

ក្រសួង​ការងារ នឹង​ហៅ​ក្រុមហ៊ុន​ណាហ្គា​វើ​ល​បំភ្លឺ​រឿង​គម្រោង​បញ្ឈប់​បុគ្គលិក​ នៅ​ថ្ងៃស្អែក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ប្រឡាយបឹងទំពន់ កំពុងស្ដារបាន៦០ភាគរយហើយ ដើម្បីរំដោះជំនន់ទឹកភ្លៀងនៅភ្នំពេញ

វិស័យអប់រំឯកជន ស្នើសុំរាជរដ្ឋាភិបាលបើកសាលារៀនឡើងវិញ ដើម្បីបញ្ចៀសការក្ស័យធន

គណៈកម្មាធិការអចិន្ត្រៃយ៍រដ្ឋសភាអនុម័តបេក្ខជនពីររូបដើម្បីឈរឈ្មោះជាប្រធាន គ.ជ.ប ថ្មី

ក្រសួងការងារ នឹងហៅក្រុមហ៊ុនណាហ្គាវើលបំភ្លឺរឿងគម្រោងបញ្ឈប់បុគ្គលិក នៅថ្ងៃស្អែក