BTV NEWS

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

TOP STORY | ខណៈព្រំដែនកំពុងមានការផ្ទុះអាវុធ, សម្តេចតេជោ ហ៊ុន សែន ប្រាប់ពលរដ្ឋឲ្យជឿទុកចិត្តលើរាជរដ្ឋាភិបាល និងកងទ័ព

នយោបាយ និង ការអភិវឌ្ឍន៍

លោកជំទាវ ឱ វណ្ណឌីន ៖ ស្ថានភាពជំងឺកូវីដ-១៩ នឹងថមថយតាមរយៈយុទ្ធនាការចាក់វ៉ាក់សាំង

ភ្នំពេញ ៖ លោកជំទាវ ឱ វណ្ណឌីន បានសម្ដែងនូវក្ដីរំពឹងថា តាមរយៈយុទ្ធនាការចាក់ វ៉ាក់សាំងជូនដល់ប្រជាពលរដ្ឋ នឹងជួយកាត់បន្ថយអត្រាចម្លងឱ្យនៅកម្រិតទាប ដូច្នេះនាពេលខាងមុខ កម្ពុជា នឹងមានការថមថយនៃជំងឺនេះ។លោកជំទាវ ឱ វណ្ណឌីន ប្រធានគណៈកម្មការចំពោះកិច្ចចាក់វ៉ាក់សាំងការពារជំងឺកូវីដ-១៩ក្រប ខណ្ឌទូទាំងប្រទេស តំណាងអង្គការសុខភាពពិភពលោក និងតំណាងអង្គការយូនីសែហ្វប្រចាំនៅកម្ពុជា នៅព្រឹកថ្ងៃនេះ បានចុះពិនិត្យដំណើរការចាក់វ៉ាក់សាំងបង្ការជំងឺកូវីដ-១៩ នៅមណ្ឌលសុខភាពសំរោង ដែលមានទីតាំងស្ថិតក្នុងសង្កាត់សំរោង ខណ្ឌព្រែកព្នៅ រាជធានីភ្នំពេញ។លោកជំទាវ បានលើកឡើងថា តាមរយៈការខិតខំខ្នះខ្នែងរបស់ប្រមុខរាជរដ្ឋាភិបាល បានរិះរក គ្រប់មធ្យោបាយ ទាំងការស្នើសុំរកជំនួយ ក៏ដូចជា ការបញ្ជាទិញវ៉ាក់សាំង ដើម្បីផ្តល់ជូនបងប្អូនប្រជាពល រដ្ឋដោយឥតគិតថ្លៃ ស្របតាមគោលដៅ១០លាននាក់ ។យោងតាមរបាយការណ៍របស់អនុគណៈកម្មការតាមដាន និងវាយតម្លៃ នៃគណៈកម្មករចំពោះកិច្ច ចាក់វ៉ាក់សាំងការពារជំងឺ Covid-19 ក្របខណ្ឌទូទាំងប្រទេស បានបង្ហាញអោយដឹងថា ចាប់តាំងពីថ្ងៃទី១០ ខែកុម្ភៈ ឆ្នាំ២០២១ រហូតមកដល់ថ្ងៃទី៧ ខែមិថុនា ឆ្នាំ២០២១ ទាំងក្របខណ្ឌក្រសួងសុខាភិបាល និង ក្រសួងការពារជាតិ បានចាក់វ៉ាក់សាំងជូនដល់ប្រជាពលរដ្ឋដែលមានអាយុចាប់ពី១៨ឆ្នាំឡើងទៅ បានចំនួនជាង២លាន៨សែននាក់ ស្មើហ្នឹងប្រមាណជាង២៧ភាគរយ បើធៀបនឹងគោលដៅ១០ លាននាក់៕អត្ថបទ៖ ជៀប សម្បត្តិ

រដ្ឋាភិបាលចំណាយថវិកាជាង៤លានដុល្លារ សម្រាប់កម្មវិធីជំនួយសង្គមជាសាច់ប្រាក់ក្រោយពេលបិទខ្ទប់

ភ្នំពេញ ៖ រាជរដ្ឋាភិបាលកម្ពុជា នឹងចំណាយថវិកាជាង៤លានដុល្លារអាមេរិក សម្រាប់បើកជូនដល់គ្រួសារទទួលផលចំនួន៦១៦៧៨គ្រួសារ ក្នុងកម្មវិធីជំនួយសង្គមជាសាច់ប្រាក់ក្រោយពេលបិទខ្ទប់ជំហ៊ានដំបូងនេះ។ ការបើកជូនសាច់ប្រាក់ គឺចាប់ផ្ដើមអនុវត្តពីថ្ងៃទី១០ ខែមិថុនានេះ ដោយគ្រួសារទទួលផល អាចទៅបើកបាននៅគ្រប់ភ្នាក់ងារវីង ដោយត្រូវភ្ជាប់មកជាមួយនូវអត្តសញ្ញាណប័ណ្ណ និងលេខទូរស័ព្ទដែលបានកត់ត្រាពេលសម្ភាសន៍។ក្នុងឱកាសសន្និសីទសារព័ត៌មាននាព្រឹកនេះ ក្រោមអធិបតីភាព ឯកឧត្តម រដ្ឋមន្ត្រី វង សូត រដ្ឋមន្ត្រីក្រសួងសង្គមកិច្ច និងមន្ត្រីនៃក្រសួងស្ថាប័នពាក់ព័ន្ធ បានបញ្ជាក់យ៉ាងច្បាស់ថា កម្មបើកសាច់ប្រាក់ជូនដល់ប្រជាពលរដ្ឋ សម្រាប់កម្មវិធីជំនួយសង្គមក្រោយពេលបិទបញ្ចប់ការបិទខ្ទប់ គឺចាប់ផ្ដើមអនុវត្តពីថ្ងៃទី១០ ខែមិថុនានេះតទៅ។ ជាក់ស្ដែងសម្រាប់ជំហ៊ានដំបូងនេះ គឺរាជរដ្ឋាភិបាលនឹងចំណាយថវិកា ជាងលានដុល្លារសម្រាប់ប្រជាពលរដ្ឋ ចំនួន ៦១៦៧៨ គ្រួសារ ដែលជាប់ក្នុងការសម្ភាសន៍។ នេះជាការលើកឡើងរបស់ លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម នៃក្រសួងសង្គមកិច្ច។លោក បញ្ជាក់បន្ថែមថា សម្រាប់កម្មវិធីនេះ គឺរាប់គ្របដណ្ដប់លើគ្រួសារគោលដៅ ៣ប្រភេទ គឺសម្រាប់អ្នកមានជីវភាព ខ្វះខាតក្នុងកំឡុងពេលបិទខ្ទប់ ក្នុងទីតាំងរាជធានីភ្នំពេញ ក្រុងតាខ្មៅ ក្រុងព្រះសីហនុ និងសម្រាប់គ្រួសារដែលមាន សមាជិកឆ្លងជំងឺកូវីដ ដែលមានជីវភាពខ្វះខាត និងសម្រាប់គ្រួសារដែលសមាជិកស្លាប់ដោយសារ ជំងឺកូវីដ ក្នុងក្របខណ្ឌទូទាំងប្រទេស។សម្រាប់ការបើកសាច់ប្រាក់នាពេលនេះ លោកបញ្ជាក់ថា គ្រួសារទទួលផលអាចទៅបើកថវិកាបាននៅគ្រប់ភ្នាក់ងារ វីង ដោយត្រូវភ្ជាប់ជាមួយ អត្តសញ្ញាណប័ណ្ណ និងលេខទូរស័ព្ទដែលបានផ្ដល់ជូន កំឡុងពេលសម្ភាសន៍។ លោក បានបន្តថា ចំពោះគ្រួសារដែលមានសមាជិកបាត់បង់ជីវិត ដោយកូវីដ-១៩ គឺមន្ត្រីជំនាញនឹងបើកសាច់ប្រាក់ជូនដល់គេហដ្ឋានដោយផ្ទាល់។សម្រាប់កម្មវិធីជំនួយសង្គមជាសាច់ប្រាក់ក្រោយពេលបិទខ្ទប់នេះ គឺជាកម្មវិធីអនុវត្តតែមួយដងតែប៉ុណ្ណោះ ពុំមានការបើកសាច់ប្រាក់ជូនរាល់ខែនោះទេ។ សម្រាប់គ្រួសារដែលមានជីវភាពខ្វះខាតក្រោយពេលបិទខ្ទប់ ហើយចង់ដាក់ពាក្យស្នើសុំការសម្ភាសន៍ នៅតែអាចបន្តដាក់ពាក្យស្នើសុំទៅឃុំ-សង្កាត់ក្នុងរយៈពេលមួយសប្ដាហ៍នេះបន្ថែមទៀត។ នេះជាការបញ្ជាក់របស់ ឯកឧត្តម ថេង បញ្ញាធន តំណាងមកពីក្រសួងផែនការ ជាក្រសួងសាមី ក្នុងការកំណត់អត្តសញ្ញាណគ្រួសារទទួលផល។គួរបញ្ជាក់ថា សម្រាប់កម្មវិធីជំនួយសង្គមក្រោយបញ្ចប់ការបិទខ្ទប់នេះ គឺមានផ្ដោតសំខាន់លើចំណុចសំខាន់ចំនួន ៣ រួមមាន ថ្លៃស្បៀងអាហារ ថ្លៃទឹកស្អាត និងថ្លៃអគ្គិសនី ដោយគ្រួសារទទួលផល អាចទទួលបានសាច់ប្រាក់ខុសគ្នា ទៅតាមចំនួនសមាជិកនៃគ្រួសារនីមួយៗ៕អត្ថបទ៖ គឹមហុក

អាស៊ាន-ចិន ប្ដេជ្ញាពង្រីកកិច្ចសហប្រតិបត្តិការឱ្យកាន់តែល្អប្រសើរបន្ថែមទៀត

ភ្នំពេញ ៖ កិច្ចប្រជុំពិសេសរដ្ឋមន្ត្រីការបរទេសអាស៊ាន-ចិន និងកិច្ចប្រជុំរដ្ឋមន្ត្រីការបរទេសមេគង្គ-ឡានឆាង លើកទី៦ បានធ្វើឡើងកាលពីថ្ងៃទី៧ និងថ្ងៃទី៨ ខែមិថុនា នេះ នៅទីក្រុងឆុងឈីង ប្រទេសចិន។ ជំនួបនេះ បានបង្កើតឡើងនូវការប្ដេជ្ញាបន្ថែមទៀត ដើម្បីពង្រីកកិច្ចសហប្រតិបត្តិការអាស៊ាន-ចិន ឱ្យកាន់តែល្អ ប្រសើរឡើងថែមទៀត។ឯកឧត្តម ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសកម្ពុជា ដែលបានដឹកនាំប្រតិភូទៅចូលរួមកិច្ចប្រជុំពិសេសរដ្ឋមន្ត្រីការបរទេសអាស៊ាន-ចិន និងកិច្ចប្រជុំរដ្ឋមន្ត្រីការបរទេស មេគង្គ-ឡានឆាង លើកទី៦ នៅក្នុងប្រទេសចិន បានឱ្យដឹងថា រដ្ឋមន្ត្រីការបរទេសចិន ឯកឧត្តម Wang Yi បានសន្យាថា នឹងគាំទ្រដល់ក្របខ័ណ្ឌស្តារឡើងវិញគ្រប់ជ្រុងជ្រោយរបស់អាស៊ាន (ACRF) ខណៈ ពាណិជ្ជកម្ម រវាងចិន និងអាស៊ាន បានកើនឡើងពីចំនួនតិចជាង៨ពាន់លានដុល្លារ ទៅជាង៦៨៤ពាន់ លានដុល្លារ ហើយភាគីទាំងពីរ ក៏បានផ្លាស់ប្ដូរកម្មករជាង៦ម៉ឺន៥ពាន់នាក់ ក្នុងរយៈពេលបីទសវត្សរ៍ចុង ក្រោយនេះ។ក្នុងអំឡុងចូលរួមកិច្ចប្រជុំនេះ ឯកឧត្ដម ប្រាក់ សុខុន ក៏បានជួបពិភាក្សាគ្នាដាច់ដោយឡែកជាមួយ ប្រមុខការទូតចិន ថៃ និងវៀតណាម ដោយក្នុងកិច្ចជំនួបនោះ បានសន្យាបន្តពង្រឹងកិច្ច សហប្រតិបត្តិការ ទ្វេភាគីជាមួយគ្នា ឲ្យកាន់តែល្អប្រសើបន្ថែមទៀត និងរួមគ្នាបន្តទប់ស្កាត់ការរីករាលដាលនូវមេរោគកូវីដ-១៩ ដែលប្រទេសផងខ្លួន កំពុងកើតឡើង នាពេលបច្ចុប្បន្ននេះ។កិច្ចប្រជុំពិសេសរដ្ឋមន្ត្រីការបរទេសអាស៊ាន-ចិន ត្រូវបានធ្វើឡើង ក៏ដើម្បីប្រារព្ធខួបអនុស្សាវរីយ៍ លើកទី៣០ នៃទំនាក់ទំនងសន្ទនាអាស៊ាន-ចិន។ជំនួបទ្វេភាគី រវាងឯកឧត្តម ប្រាក់ សុខុន និងឯកឧត្តម វ៉ាង យី រដ្ឋមន្ត្រីក្រសួងការបរទេសចិន បាន ផ្លាស់ប្ដូរទស្សនៈ ស្ដីពីការលើកតម្កើងទំនាក់ទំនង និងកិច្ចសហប្រតិបត្តិការកម្ពុជា-ចិន។ ភាគីទាំងពីរ បាន វាយតម្លៃខ្ពស់«ចំពោះកិច្ចសហប្រតិបត្តិការភាពជាដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា និងចិន និង បានបញ្ជាក់ជាថ្មីនូវការប្តេជ្ញាចិត្តយ៉ាងមុតមាំក្នុងការពង្រឹង និងធ្វើឱ្យកាន់តែស៊ីជម្រៅនូវចំណងមិត្តភាពដូច ដែកថែប ព្រមទាំងពង្រីកកិច្ចសហប្រតិបត្តិការលើគ្រប់វិស័យបន្ថែមទៀត» ៕អត្ថបទ៖ បាន ចក់

ខែមិថុនាឆ្នាំនេះ ខេត្តកំពង់ឆ្នាំង ទទួលបានទឹកភ្លៀងច្រើនជាងឆ្នាំមុន កសិករកំពុងចាប់ផ្តើមបន្តបង្កបង្កើនផល

កំពង់ឆ្នាំង ៖ គិតមកដល់ថ្ងៃទី០៨ ខែមិថុនា នេះ ខេត្តកំពង់ឆ្នាំង ទទួលបានរបបទឹកភ្លៀងច្រើនជាងដើមខែមិថុនា ឆ្នាំ២០២០ ក្នុងរយៈពេល២សប្តាហ៍នេះ ទឹកភ្លៀងបានបង្អុរមកជាបន្តបន្ទាប់ ធ្វើឱ្យប្រជាកសិករទាំងអស់ ចាប់ផ្តើមបង្ក បង្កើនផលនៅស្ទើរគ្រប់ទីកន្លែងក្នុងខេត្ត ដើម្បីធ្វើស្រែឱ្យទាន់ដើមរដូវ។លោក ងិន ហ៊ុន ប្រធានមន្ទីរកសិកម្មខេត្តកំពង់ឆ្នាំង បានឱ្យដឹងថា គិតមកដល់ថ្ងៃទី០៨ ខែមិថុនា ឆ្នាំ២០២១នេះ របបទឹកភ្លៀងទទួលបានចំនួន៦៩,២៩មម បូកយោងពីដើមរដូវ សរុបជាមធ្យមបានចំនួន៣៣៥,៩២មម ប្រៀបធៀប ជាមួយឆ្នាំ២០២០ មានកម្រិតច្រើនជាងចំនួន៦១,៦៧មម។ ដោយសារស្ថានភាពទឹកភ្លៀងបានអំណោយផល ប្រជា កសិករ កំពុងតែខំប្រឹងប្រែងក្នុងការបង្កបង្កើនផល នាំឱ្យសាបរួច ចំនួន៣២២ហិកតា ផ្ទៃដីដាំដុះ (ព្រោះ) បានចំនួនជាង១០ម៉ឺនហិកតា ស្មើនឹង៨៩% លើផែនការ១២ម៉ឺន២០០០ហិកតា។ចំណែកដំណាំសាកវប្បកម្ម និងដំណាំឧស្សាហកម្ម អនុវត្តបានជាង៤ពាន់ហិកតា ស្មើនឹង៧,៩៧% លើផែនការ ៧៨០០ហិកតា រួមមាន ពោត ស ដំឡូងជ្វា បន្លែគ្រប់មុខ ដំឡូងឈើ សណ្តែកបាយ អំពៅ ល្ង ថ្នាំជក់ ក្រចៅ ឪឡឹក និង សណ្តែកដី។ ចំពោះតម្លៃស្រូវក្នុងសប្តាហ៍នេះ គឺស្រូវស្ងួត ជាមធ្យម១១០០រៀល ក្នុង១គីឡូក្រាម មានតម្លៃខ្ពស់ជាង ឆ្នាំ២០២០ ចំនួន៥០រៀល ក្នុង១គីឡូក្រាម ស្រូវក្រអូប តម្លៃ១៣០០រៀល ក្នុង១គីឡូក្រាម ខ្ពស់ជាងឆ្នាំ២០២០ ចំនួន ១០រៀល ក្នុង១គីឡូក្រាម។នៅក្នុងខែមិថុនា ឆ្នាំ២០២១នេះ ពុំមានសត្វគោក្របីឈឺធ្ងន់ធ្ងរនោះទេ ដោយបច្ចុប្បន្ន ខាងមន្ត្រីបសុពេទ្យកំពុងជួយពិនិត្យគ្រប់ទីកន្លែងផងដែរ។ទោះបីទឹកភ្លៀងធ្លាក់គ្រប់គ្រាន់ និងស្ថិតក្នុងបរិបទ នៃការឆ្លងរាលដាលជំងឺកូវីដ-១៩ ក្នុងសហគមន៍ក៏ពិតមែន តែប្រជាកសិករ កំពុងសស្រាក់សស្រាំខិតខំបង្កបង្កើនផលនៅគ្រប់ទីកន្លែង។ មន្ទីរកសិកម្ម និងមន្ទីរធនធានទឹក កំពុងត្រៀមចុះ ជួយប្រជាពលរដ្ឋណា ដែលជួបនូវការខ្វះខាតទឹក នៅគ្រប់ទីកន្លែង តាមគោលការណ៍ ដោយមិនប្រកាន់និន្នាការអ្វី ឡើយ៕អត្ថបទ៖ ហុង វាស្នា

ខេត្តកណ្តាល ចាប់ផ្តើមចាក់វ៉ាក់សាំងកូវីដ១៩ ដូសទី១ ជូនពលរដ្ឋទូទៅចាប់ពីថ្ងៃទី១០ ខែមិថុនាតទៅ

កណ្ដាល ៖ រដ្ឋបាលខេត្តកណ្តាល ប្រកាសបើកយុទ្ធនាការចាក់វ៉ាក់សាំងការពារកូវីដ-១៩ នៅទូទាំងខេត្ត ចាប់ពីថ្ងៃទី១០ ខែមិថុនា ស្អែកនេះតទៅ ។ សម្រាប់ការយុទ្ធនាការចាក់វ៉ាក់សាំងនេះ គេសង្កេតឃើញថា អាជ្ញាធរនៅតាមឃុំសង្កាត់ទូទាំងខេត្តកណ្តាល បាននឹងកំពុងមមាញឹក ចុះចែកលិខិត ឬប័ណ្ណអញ្ជើញពលរដ្ឋទៅចាក់វ៉ាក់សាំងទៅតាមពេលវេលា និងទីតាំងដែលបានកំណត់ទៅតាមការណែនាំពីក្រុមពេទ្យចាក់វ៉ាក់សាំង។បើតាមលោក យ៉ាវ ឡេង ចៅសង្កាត់កំពង់សំណាញ់ ក្រុងតាខ្មៅខេត្តកណ្តាល បានថ្លែងថា មកដល់ថ្ងៃនេះសង្កាត់កំពង់សំណាញ់ ក៏ដូចឃុំសង្កាត់នានាទៀត នៅទូទាំងខេត្តកណ្តាល គឺបាននិងកំពុងចុះចែកលិខិតអញ្ជើញពលរដ្ឋនៅតាមបណ្តាភូមិមកចាក់វ៉ាក់សាំងនៅថ្ងៃស្អែកនេះរួចហើយ ហើយនៅព្រឹកថ្ងៃនេះដែរ អាជ្ញាធរក៏កំពុងរៀបចំទីតាំងចាក់នៅអនុវិទ្យាល័យ ហ៊ុន សែន ខ្ពបវែង ក៏ជិតរួចរាល់ដែរ ។លោក យ៉ាវ ឡេង បន្តថា សម្រាប់ការចាក់វ៉ាក់សាំងការពារកូវីដ-១៩នេះគឺយើងបានរៀបចំតាមណែនាំរបស់ក្រុមគ្រូពេទ្យចាក់វ៉ាក់សាំង ចៀសវាងការប្រជ្រៀតគ្នា ត្រូវរក្សាគន្លាតត្រឹមត្រូវ ហើយសម្រាប់ការចាក់នេះ គឺយើងចាក់ជូនចំពោះពលរដ្ឋណាដែលមានលិខិត ឬប័ណ្ណអញ្ជើញនៅក្នុងដៃតែប៉ុណ្ណោះ ហើយសម្រាប់ពលរដ្ឋមិនទាន់មានប័ណ្ណអញ្ជើញ ឬមិនទាន់ដល់ថ្ងៃណាត់ គឺត្រូវរង់ចាំចាក់នៅពេលក្រោយ។ឯកឧត្តម គីម រិទ្ធី អភិបាលរងខេត្តកណ្តាល បានថ្លែងបញ្ជាក់ថា យុទ្ធនាការចាក់វ៉ាក់សាំងការពារកូវីដ១៩នេះ គឺយើងគ្រោងនឹងបើកការចាក់ទៅមនុស្សប្រមាណជាង៩០ម៉ឺននាក់ ដែលមានអាយុចាប់ពី១៨ឆ្នាំឡើងទៅ ដែលមានពលរដ្ឋទូទៅក្នុងខេត្តកណ្តាល និងបណ្តាកម្មករ កម្មការិនីរោងចក្រនៅខេត្តកណ្តាល ហើយកម្មករកម្មការិនីមកពីបណ្តាខេត្តរាជធានីនានា មកធ្វើការងារនៅក្នុងខេត្តកណ្តាល ក៏អាចអញ្ជើញទៅចាក់បានដែរ តែត្រូវមានលិខិត ឬប័ណ្ណអញ្ជើញពីអាជ្ញាធរ។ឯកឧត្តម បន្តថា កាលពីមុនយើងមានគំរោងចាក់តែនៅក្នុងក្រុងតាខ្មៅមួយទេ ប៉ុន្តែដោយសារមុននេះ យើងទទួលដំណឹងថា ខេត្តកណ្តាល ទទួលបានវ៉ាក់សាំងច្រើនលើសលប់ពីសម្តេចតេជោ ទើបនៅថ្ងៃនេះយើងជំរុញអោយអាជ្ញាធរគ្រប់ក្រុងស្រុកទាំងអស់ក្នុងខេត្តកណ្តាល រៀបចំមណ្ឌលចាក់ជាច្រើន ដោយក្នុង១ស្រុកក្រុងត្រូវរៀបចំមណ្ឌលចាក់ប្រមាណ៨ទៅ១០កន្លែង ហើយការចាក់នេះនៅថ្ងៃដំបូងអាចមានភាពរអាក់រអួលបន្តិច។បន្ថែមពីនេះ បើតាមការបញ្ជាក់របស់ ឯកឧត្តម គង់ សោភ័ណ្ឌ អភិបាលខេត្តកណ្តាល បានលើកឡើងដែរថា ៖ នៅពេលនេះ ខេត្តកណ្តាល បានត្រៀមរួចរាល់ហើយបើកយុទ្ធនាការចាក់វ៉ាក់សាំងជូនពលរដ្ឋខេត្តកណ្តាលទ្រង់ទ្រាយធំនេះ សម្រាប់ការចាក់នេះ ក្រៅពីចាក់នៅតាមមន្ទីរពេទ្យបង្អែកក្រុងស្រុក ខេត្តក៏បានរៀបចំអោយមានការចាក់នៅតាមសាលារៀន និងវត្តអារ៉ាមតាមក្រុងស្រុកឃុំសង្កាត់នានាទូទាំងខេត្តកណ្តាល ដែលអាជ្ញាធរមូលដ្ឋានរៀបចំអញ្ជើញ ខណៈការចាក់យើងរៀបចំក្រុមគ្រូពេទ្យចំនួន ៧០០នាក់ ស្មើនឹង ៧០ក្រុម ហើយរដ្ឋបាលខេត្ត គ្រោងនឹងបន្ថែមគ្រូពេទ្យចំនួន ១៨០០ នាក់ទៀតផងដែរ ដើម្បីធ្វើឲ្យយុទ្ធនាការនេះប្រព្រឹត្តទៅប្រកបដោយភាពរលូន និងអាចចាក់វ៉ាក់សាំងបានឆាប់រហ័សជូនប្រជាពលរដ្ឋនៅទូទាំងខេត្តកណ្តាល៕ អត្ថបទ សុខជា

សាលារាជធានីភ្នំពេញ បិទខ្ទប់ផ្នែកខ្លះនៃភូមិចំនួន៤នៅខណ្ឌពោធិ៍សែនជ័យ ក្រោយមើលឃើញកំណើនករណីឆ្លងឡើងវិញ

ភ្នំពេញ៖ សាលារាជធានីភ្នំពេញ បានបិទខ្ទប់ផ្នែកខ្លះនៃភូមិចំនួន៤នៅក្នុងខណ្ឌពោធិ៍សែនជ័យឡើងវិញ ចាប់ពីថ្ងៃស្អែកនេះទៅ ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។ក្នុងសេចក្ដីសម្រេចនៅថ្ងៃនេះ រដ្ឋបាលរាជធានីភ្នំពេញ បានកំណត់ជាតំបន់លឿងទុំនូវផ្នែកខ្លះនៃភូមិចោមចៅ៣ ស្ថិតក្នុងសង្កាត់ចោមចៅទី២ និងផ្នែកខ្លះនៃភូមិត្រពាំងពោធិ៍ ភូមិព្រៃព្រីងខាងជើង២ និងភូមិជម្ពូវ័ន២ នៅក្នុងសង្កាត់ចោមចៅទី៣ ជា«តំបន់លឿងទុំ»។បើតាមសេចក្ដីសម្រេចនេះ វិធានការបិទខ្ទប់នេះ នឹងត្រូវចាប់ផ្ដើមអនុវត្តចាប់ពីម៉ោងសូន្យឈានចូលថ្ងៃស្អែកនេះ រហូតដល់ថ្ងៃទី២៣ ខែមិថុនាខាងមុខនេះ។នៅក្រោមវិធានការបិទខ្ទប់នេះ អាជ្ញាធររាជធានីភ្នំពេញសម្រេចហាមឃាត់ការធ្វើដំណើរចាកចេញពីលំនៅឋាន ឬទីស្នាក់អាស្រ័យរបស់ប្រជាពលរដ្ឋ។ចំណែកឯសកម្មភាពខាងមុខរបរ ការងារ និងអាជីវកម្ម ដែលមិនមែនជាតម្រូវការចាំបាច់ ក៏ត្រូវបានហាមឃាត់ផងដែរ។ទោះជាយ៉ាងណា សាលារាជធានីភ្នំពេញក៏បានផ្ដល់ការលើកលែងសម្រាប់ការធ្វើដំណើរមួយចំនួន និងសកម្មភាពអាជីវកម្ម ការងារ ឬមុខរបរមួយចំនួនផងដែរ។សាលារាជធានីភ្នំពេញ បានបញ្ជាក់ក្នុងសេចក្ដីសម្រេចនោះថា វិធានការនេះ គឺដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩ បន្ទាប់ពីខណ្ឌពោធិ៍សែនជ័យ បានមើលឃើញកំណើនឡើងវិញនៃចំនួនពលរដ្ឋឆ្លងមេរោគកូវីដ-១៩រយៈពេលប៉ុន្មានថ្ងៃចុងក្រោយនេះ៕

អាជ្ញាធរខេត្តបាត់ដំបង ពង្រីកទីតាំងព្យាបាល ខណៈមានកំណើនអ្នកជំងឺកូវីដ-១៩

បាត់ដំបង ៖ មន្ទីរសុខាភិបាលខេត្ត បានសម្រេចរៀបចំពង្រីកទីតាំងព្យាបាលបន្ថែមទៀត នៅតាមបណ្ដាស្រុកមួយចំនួន ជាប់ព្រំដែនជាមួយប្រទេសថៃ ខណៈមានការរកឃើញអ្នកវិជ្ជមាន ជំងឺកូវី-១៩ ចាប់តាំងពីដើមខែមិថុនានេះមក ជាបន្តបន្ទាប់ ពិសេសនៅក្នុងស្រុកកំរៀង។ក្នុងឱកាសចុះពិនិត្យមើលទីតាំងសម្រាកព្យាបាលថ្មី នៃអ្នកជំងឺកូវីដ-១៩ លោក សឿម ប៊ុនរិទ្ធ អភិ បាលរងខេត្តបាត់ដំបង បានឱ្យដឹងថា សម្រាប់ទីតាំងព្យាបាលជំងឺកូវីដ-១៩ បន្ថែមថ្មី មានចំនួន២កន្លែង គឺ វិទ្យាល័យកំរៀង ស្ថិតនៅឃុំអូរដា ស្រុកកំរៀង និងត្រៀម១កន្លែងទៀត នៅសាលាបឋមសិក្សាសម្តេចតេជោ ហ៊ុន សែន ជ្រៃសីមា ស្ថិតនៅឃុំជ្រៃសីមា ស្រុកសំពៅលូន ។លោក បានបន្តថា សម្រាប់អ្នកជំងឺកូវីដ-១៩ ដែលសម្រាកព្យាបាលនៅក្នុងទីតាំងបន្ថែមនេះ គឺជា អ្នកកម្រិតស្រាលប៉ុណ្ណោះ ខណៈអ្នកមានសភាពធ្ងន់ធ្ងរ នឹងត្រូវបញ្ជូនទៅព្យាបាលនៅក្នុងមន្ទីរពេទ្យបង្អែកខេត្ត។ បច្ចុប្បន្ន នៅតាមស្រុកជាប់ព្រំដែន មានអ្នកជំងឺកូវីដ-១៩ ជាង១០០នាក់ហើយ ។លោក សុខ គឹមខុន អភិបាលស្រុកកំរៀង បានឲ្យដឹងថា នៅទីតាំងព្យាបាលអ្នកជំងឺកូវីដ-១៩ ក្នុងវិទ្យាល័យកំរៀង គិតត្រឹមថ្ងៃទី៧ ខែមិថុនា នេះ មានអ្នកជំងឺ ចំនួន១០៧នាក់ ភាគច្រើនអ្នកជាប់ពាក់ ព័ន្ធព្រឹត្តិការណ៍២០កុម្ភៈ មកពីខេត្តប៉ៃលិន ខណៈវិទ្យាល័យនេះ អាចដាក់អ្នកជំងឺកូវីដ-១៩ បានចំនួនជិត ២០០នាក់ ។បន្ទាប់មានការរៀបចំនូវទីតាំងកន្លែងសម្រាកព្យាបាល នៃអ្នកជំងឺកូវីដ-១៩ បន្ថែមនេះ អាជ្ញាធរថៃ ក៏ បានផ្ដល់សម្ភារបរិក្ខារៈ ទប់ទល់ជំងឺកូវីដ-១៩មួយចំនួន មានដូចជា ៖ ម៉ាស់ អាវពេទ្យ អាល់កុល និងស្រោម ជើងពេទ្យ ដែលសម្ភារបរិក្ខារពេទ្យទាំងនេះ ត្រូវបានលោក សឿម ប៊ុនរិទ្ធ ប្រគល់ជូនដល់ទៅមន្ទីរពេទ្យ បង្អែកស្រុកកំរៀង ដើម្បីទុកប្រើប្រាស់ចាំបាច់នៅក្នុងអង្គភាពរបស់ខ្លួន។ចាប់ពីមានការផ្ទុះឆ្លងជំងឺកូវីដ-១៩ នៅក្នុងប្រទេសកម្ពុជា សម្រាប់ខេត្តបាត់ដំបង មានអ្នកឆ្លង ចំនួន៤៤៣នាក់ តែត្រូវបានព្យាបាលជាសះស្បើយ ចំនួន១៦២នាក់ ស្លាប់ចំនួន២នាក់ និងកំពុងព្យាបាល ចំនួន២៧៩នាក់៕អត្ថបទ៖ បាន សុខរិទ្ធ

ស្ថានទូតរុស្ស៊ីប្រចាំកម្ពុជា នាំយកសម្ភារៈការពារជំងឺកូវីដ-១៩ មួយចំនួនជូនដល់មន្ទីរមិត្តភាពខ្មែរ-សូវៀត

ភ្នំពេញ ៖ នៅព្រឹកថ្ងៃទី៩ខែមិថុនានេះ ស្ថានទូតរុស្សីប្រចាំកម្ពុជា បាននាំយកនូវសម្ភារៈការពារជំងឺ កូវីដ-១៩ មួយចំនួន ដើម្បីជួយឧបត្ថម្ភដល់មន្ទីរពេទ្យមិត្តភាពខ្មែរ-សូវៀត ដែលជាមន្ទីរពេទ្យសំខាន់មួយ ក្នុងការប្រយុទ្ធប្រឆាំងជំងឺរាតត្បាតកូវីដ-១៩ តាំងពីដំបូងមកទល់ពេលនេះ។សម្រាប់ការផ្ដល់ជូននូវ សម្ភារៈការពារកូវីដ-១៩ នាព្រឹកនេះ ធ្វើឡើងដោយមានវត្តមានរបស់ ឯកឧត្តម Anatoly Borovik ឯកអគ្គរដ្ឋទូតនៃប្រទេសរុស្ស៊ីប្រចាំកម្ពុជា រួមទាំងវត្តមានរបស់លោកវេជ្ជបណ្ឌិត ងី ម៉េង ប្រធានមន្ទីរពេទ្យមិត្តភាពខ្មែរ-សូវៀត ។ ការប្រគល់ជូននូវសម្ភារៈការពារកូវីដ-១៩ នេះ រួមមានសំលៀកបំពាក់ការពារ ម៉ាសN95 និងស្រោមដៃមួយចំនួន ដែលជាការ ចូលរួមចំណែក របស់បុគ្គលិក និងមន្ត្រីការទូត នៃស្ថានទូតរុស្ស៊ី។ក្នុងឱកាសផ្ដល់នូវសម្ភារៈទាំងអស់នេះ ឯកឧត្តម Anatoly Borovik ឯកអគ្គរដ្ឋទូតនៃប្រទេសរុស្ស៊ីប្រចាំកម្ពុជា បានលើកឡើងនូវការកោតសរសើរ នូវកិច្ចប្រឹងប្រែងរបស់មន្ទីរពេទ្យ ក៏ដូចជាបុគ្គលិកមន្ទីរពេទ្យ មិត្តភាពខ្មែរ-សូវៀតទាំងអស់ ដែលបានបំពេញការងារយ៉ាងសកម្ម ក្នុងការផ្ដល់ការព្យាបាលជំងឺទូទៅ និងជាពិសេសគឺព្យាបាលអ្នកជំងឺកូវីដ-១៩។ ឯកឧត្តម បន្តថា ការងាររបស់ក្រុមគ្រូពេទ្យទាំងអស់ គឺគួរឱ្យគោរព ហើយឯកឧត្តម សង្ឃឹមជឿជាក់ថា ការខិតខំប្រឹងប្រែងរួមគ្នា នឹងធ្វើឱ្យកម្ពុជា ឈ្នះលើជំងឺដ៏កាចសាហាវនេះ។សម្រាប់ការទទួលបានសម្ភារៈមួយចំនួននាពេលនេះ លោកវេជ្ជបណ្ឌិត ងី ម៉េង ប្រធានមន្ទីរពេទ្យមិត្តភាពខ្មែរ-សូវៀត ក៏បានថ្លែងអំណរគុណ ដល់ក្រុមការងារនៃស្ថានទូតរុស្ស៊ីប្រចាំកម្ពុជា។ លោកវេជ្ជបណ្ឌិតលើកឡើងថា ការផ្ដល់ជូនសម្ភារៈទាំងនេះ ជាការរួមចំណែកមួយដើម្បីប្រយុទ្ធប្រឆាំងជំងឺកូវីដ-១៩នៅកម្ពុជា ហើយវាក៏ជាការលើកទឹកចិត្តដល់ក្រុមគ្រូពេទ្យទាំងអស់ នៅក្នុងមន្ទីរពេទ្យមិត្តភាពខ្មែរ-សូវៀតផងដែរ។ លោកវេជ្ជបណ្ឌិត ក៏បានថ្លែងអំណរគុណដល់ សហភាពសូវៀត ដែលបានយកចិត្តទុកដាក់ និងជួយកសាងមន្ទីរពេទ្យនេះឡើង តាំងពីជាង៦០ឆ្នាំមុន។ លោកថា មន្ទីរពេទ្យនេះ ជាមរតកមួយសម្រាប់រាជរដ្ឋាភិបាលកម្ពុជា ក៏ដូចជា ប្រជាជនកម្ពុជា។ ហើយបច្ចុប្បន្ន មន្ទីរពេទ្យមិត្តភាពខ្មែរ-សូវៀត ក៏បានចូលរួមចំណែកយ៉ាងសំខាន់ ក្នុងការព្យាបាលអ្នកជំងឺកូវីដ-១៩ផងដែរ៕អត្ថបទ៖ គឹមហុក

ពលរដ្ឋចំនួន១០៣គ្រួសារ ដែលមានជីវភាពខ្វះខាត នៅសង្កាត់ទឹកល្អក់ទី៣ ទទួលអំណោយពីអាជ្ញាធរជាតិប្រយុទ្ធប្រឆាំងគ្រឿងញៀន

ភ្នំពេញ៖ ឯកឧត្តម ឌូ ដាលីតូ ទីប្រឹក្សាឯកឧត្តម ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន បានអញ្ជើញចុះសួរសុខទុក្ខ និងនាំយកអំណោយដើម្បីចែកជូនដល់ប្រជាពលរដ្ឋរស់នៅភូមិ១៣(សំណង់) សង្កាត់ទឹកល្អក់ទី៣ ដែលមានជីវភាពខ្វះខាតក្នុងដំណាក់កាលរីករាលដាលជំងឺកូវីដ-១៩ ចំនួន ១០៣គ្រួសារ នៅថ្ងៃទី០៩ ខែមិថុនា នេះ។ក្នុងនោះដែរឯកឧត្តម ក៏សូមអំពាវនាវដល់លោកតាលោកយាយ បងប្អូនទាំងអស់ យកចិត្តទុកដាក់ពីសុខភាព ជាពិសេសបន្តការពារ និងរក្សាអនាម័យជានិច្ចតាមការណែនាំរបស់ក្រសួងសុខាភិបាលដើម្បីចូលរួមទប់ស្កាត់ បង្ការហានិភ័យពីការឆ្លងជំងឺកូវីដ-១៩ ទាំងអស់គ្នា សូមមេត្តាអនុវត្តវិធានការពាររបស់រាជរដ្ឋាភិបាល ៣ការពារ ៣កុំ។គួរបញ្ជាក់ថា អំណោយដែលត្រូវប្រគល់នាពេលនេះ ក្នុងមួយៗ គ្រួសារ ទទួលបានអំណោយ អង្ករ២៥គីឡូ ត្រីខ១០កំប៉ុង មី១២កញ្ចប់ ទឹកត្រី២ដប ទឹកស៊ីអ៊ីវ២ដប ប៊ីចេង១កញ្ចប់ អំបិល១កញ្ចប់ ៕អត្ថបទ៖ កុម្ភះ

រដ្ឋបាលខេត្តពោធិ៍សាត់ និងសប្បុរសជននានាផ្ដល់អំណោយជូនជនក្រីក្រជាច្រើនគ្រួសារនៅស្រុកក្រគរ

ពោធិ៍សាត់ ៖ លោក ចេង ឡៃ អភិបាលរងខេត្តតំណាង ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ បាននាំយកអំណោយជាគ្រឿងឧបភោគ បរិភោគ របស់សប្បុរសនានាដែលដឹកនាំដោយក្រុមហ៊ុន អឹម ស៊ី ផ្តល់ជូនបងប្អូនប្រជាពលរដ្ឋដែលមានជីវភាពខ្វះខាត ជនចាស់ជរា និងស្ត្រីមេម៉ាយជាច្រើនគ្រួសារ មកពី ភូមិតាកែវក្រោម ឃុំបឹងកន្ទួត ស្រុកក្រគរ ខេត្តពោធិ៍សាត់ ខណៈអំណោយទាំងនោះ នឹងជួយសម្រាលទុក លំបាករបស់បងប្អូនបានមួយរយៈផងដែរ។ការផ្តល់នូវអំណោយសប្បុរសធម៌នេះ គឺបានធ្វើឡើងនាថ្ងៃទី៨ ខែមិថុនា ឆ្នាំ២០២១នេះ នៅបរិវេណវត្តសាមគ្គីរតនៈសោភ័ណ្ឌ (ហៅវត្តតាកែវក្រោម) នៅស្រុកក្រគរ ខេត្តពោធិ៍សាត់។ថ្លែងនៅក្នុងឱកាសចុះចែកអំណោយសប្បុរសធម៌នោះ លោក ចេង ឡៃ អភិបាលរងខេត្តពោធិ៍សាត់ បានលើកឡើងថា នាពេលកន្លងទៅក៏ដូចជា បច្ចុប្បន្ននេះ ថ្នាក់ដឹកនាំខេត្ត តែងតែយកចិត្តទុកដាក់អំពីសុខទុក្ខរបស់បងប្អូនប្រជាពលរដ្ឋក្នុងខេត្តពោធិ៍សាត់គ្រប់ពេលវេលា។ ជាក់ស្តែងដូចថ្ងៃនេះគឺខាងថ្នាក់ ដឹកនាំខេត្ត ជាមួយនិងអ្នកស្រី ចោម ខ្វាន់ អគ្គនាយិការ ក្រុមហ៊ុន ( អឹម ស៊ី ) បានជួយឧបត្ថម្ភអំណោយជាគ្រឿងឧបភោគបរិភោគ និងថវិកាមួយចំនួន ជូនដល់បងប្អូនប្រជាពលរដ្ឋ ដែលមានជីវភាពខ្វះខាត នេះ។លោកអភិបាលរងខេត្តក៏បាន ថ្លែងអំណរគុណចំពោះសប្បុរសជននានា ដែលបានជួយឧបត្ថម្ភ ជាស្បៀង និងថវិកាជួយដល់ជនក្រីក្រដែលកំពុងរស់នៅខេត្តពោធិ៍សាត់ ខណៈសកម្មភាពនៃការជួយនេះគឺ បញ្ជាក់ឱ្យឃើញពីទឹកចិត្តសប្បុរសធម៌ដ៏ធំធេងមួយ គឺខ្មែរចេះជួយខ្មែរ ក្នុងគ្រាមានទុក្ខលំបាក។នៅក្នុងពិធីចែកអំណោយនោះដែរលោកអភិបាលរងខេត្ត ក៏បានផ្ដាំផ្ញើឱ្យបងប្អូនប្រជាពលរដ្ឋទាំងអស់ត្រូវបន្តការការពារបង្ការទប់ស្កាត់ជំងឺកូវីដ-១៩ ដោយអនុវត្តន៍តាមវិធានការ ៣ការពារ និង៣កុំ របស់ប្រមុខរាជរដ្ឋាភិបាលកម្ពុជា និងក្រសួងសុខាភិបាលឱ្យបានខ្ជាប់ខ្ជួនផងដែរ ហើយលោកបានបន្តប្រាប់ដល់ អាជ្ញាធរមូលដ្ឋានទាំងអស់ ត្រូវបង្ការទប់ស្កាត់រាល់បទល្មើសចោរលួច ឆក់ប្លន់ ក្មេងទំនើង គ្រឿងញៀន ល្បែងស៊ីសងគ្រប់ប្រភេទ និងចូលរួមគោរពច្បាប់ចរាចរណ៍ទាំងអស់គ្នា។សូមបញ្ជាក់ថា អំណោយដែលបានផ្តល់ជូនដល់បងប្អូននាពេលនេះ ក្នុងមួយគ្រួសារៗ ទទួលបានអង្គ ២០គីឡូក្រាមមី ១កេះ ទឹកត្រី ១យួរ ទឹកស៊ីអ៊ីវ ១ យួរ ទឹកសុទ្ធ ១កេះ ម៉ាស់ ១ដុំ និងថវិកា ១០ម៉ឺនរៀល។ ទន្ទឹមនឹងនោះ លោកស្រីក៏បានប្រគេនបច្ច័យចំនួន ១លានរៀល ដល់ព្រះចៅអធិការវត្ត ដើម្បីទុកប្រើប្រាស់ក្នុងទីអារាមផងដែរ៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

TOP STORY | សម្ដេចតេជោ៖ថាក់ សុីន ប្រើប្រាស់សង្រ្គាមដើម្បីសងសឹក ហ៊ុន សែន ដែលលទ្ធផលចុងក្រោយគឺប្រជាជនជាអ្នករងគ្រោះ

ប្រធានអាស៊ានប្តូរវេន អំពាវនាវដល់មេដឹកនាំកម្ពុជា និងថៃ អនុវត្តបទឈប់បាញ់ជាបន្ទាន់ និងសន្ទនាដោយសន្តិវិធី

ទេសរដ្ឋមន្រ្តី គន់ គីម ចុះសួរសុខទុក្ខ និងរៀបចំបញ្ជូនអំណោយជូនជនភៀសសឹកក្នុងខេត្តឧត្តរមានជ័យ

កុមារខ្វះអាហារូបត្ថម្ភទទួលការព្យាបាលនៅមន្ទីរពេទ្យហ្កាហ្សា ខណៈវិបត្តិអត់ឃ្លានកាន់តែអាក្រក់ខ្លាំង

ហ៊្សកដានី បញ្ជូនជំនួយចូលទៅកាន់តំបន់ហ្កាហ្សា ស្របពេលដែលភាពអត់ឃ្លានកាន់តែអាក្រក់ខ្លាំង

រថយន្តក្រុងធ្វើដំណើរទៅកាន់ទីក្រុង Sweida ប្រទេសស៊ីរី ដើម្បីជម្លៀសជនស៊ីវិល

ថៃបាននឹងកំពុងប្រព្រឹត្តឧក្រិដ្ឋកម្មធ្ងន់ធ្ងរប្រឆាំងនឹងបេតិកភណ្ឌពិភពលោក និងរំលោភបំពានច្បាប់អន្តរជាតិ

សម្តេចកិត្តិសង្គហបណ្ឌិត ម៉ែន សំអន អញ្ជើញគោរពបូជា និងបួងសួងឱ្យបារមីលោកឧកញ៉ា ឃ្លាំង មឿង តាមជួយបីបាច់ថែរក្សាប្រជាពលរដ្ឋទូទាំងប្រទេស ឱ្យទទួលបានសេចក្តីសុខ សេចក្តីចម្រើន ពិសេសក្នុងបេសកកម្មការពារបូរណភាពទឹហកដីពីសត្រូវឈ្លានពាន

កម្ពុជាគាំទ្រគំនិតផ្តួចផ្តើមរៀបចំចុះ MoU ជាមួយបង់ក្លាដែស លើកិច្ចសហប្រតិបត្តិការវិស័យការងារនិងបណ្តុះបណ្តាលវិជ្ជាជីវៈ

អតីតពលករខ្មែរជាច្រើននាក់ បានកំពុងហ្វឹកហាត់ការងារមុនចូលបំពេញការងារពេញលេញនៅរោងចក្រ សហគ្រាស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

លោកជំទាវ ឱ វណ្ណឌីន ៖ ស្ថានភាពជំងឺកូវីដ-១៩ នឹងថមថយតាមរយៈយុទ្ធនាការចាក់វ៉ាក់សាំង

រដ្ឋាភិបាលចំណាយថវិកាជាង៤លានដុល្លារ សម្រាប់កម្មវិធីជំនួយសង្គមជាសាច់ប្រាក់ក្រោយពេលបិទខ្ទប់

អាស៊ាន-ចិន ប្ដេជ្ញាពង្រីកកិច្ចសហប្រតិបត្តិការឱ្យកាន់តែល្អប្រសើរបន្ថែមទៀត

ខែមិថុនាឆ្នាំនេះ ខេត្តកំពង់ឆ្នាំង ទទួលបានទឹកភ្លៀងច្រើនជាងឆ្នាំមុន កសិករកំពុងចាប់ផ្តើមបន្តបង្កបង្កើនផល

ខេត្តកណ្តាល ចាប់ផ្តើមចាក់វ៉ាក់សាំងកូវីដ១៩ ដូសទី១ ជូនពលរដ្ឋទូទៅចាប់ពីថ្ងៃទី១០ ខែមិថុនាតទៅ

សាលារាជធានីភ្នំពេញ បិទខ្ទប់ផ្នែកខ្លះនៃភូមិចំនួន៤នៅខណ្ឌពោធិ៍សែនជ័យ ក្រោយមើលឃើញកំណើនករណីឆ្លងឡើងវិញ

អាជ្ញាធរខេត្តបាត់ដំបង ពង្រីកទីតាំងព្យាបាល ខណៈមានកំណើនអ្នកជំងឺកូវីដ-១៩

ស្ថានទូតរុស្ស៊ីប្រចាំកម្ពុជា នាំយកសម្ភារៈការពារជំងឺកូវីដ-១៩ មួយចំនួនជូនដល់មន្ទីរមិត្តភាពខ្មែរ-សូវៀត

រដ្ឋបាលខេត្តពោធិ៍សាត់ និងសប្បុរសជននានាផ្ដល់អំណោយជូនជនក្រីក្រជាច្រើនគ្រួសារនៅស្រុកក្រគរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

លោកជំទាវ ឱ វណ្ណឌី​ន ​៖ ស្ថានភាព​ជំងឺ​កូ​វីដ​-១៩ នឹង​ថមថយ​តាមរយៈ​យុទ្ធនា​ការ​ចាក់​វ៉ាក់សាំង

អាស៊ាន​-​ចិន ប្ដេជ្ញា​ពង្រីក​កិច្ចសហប្រតិបត្តិការ​ឱ្យ​កាន់តែ​ល្អប្រសើរ​បន្ថែមទៀត

អាជ្ញាធរខេត្ត​បាត់ដំបង ​ពង្រីក​ទីតាំង​ព្យាបាល ខណៈ​មាន​កំណើន​អ្នកជំងឺ​កូ​វីដ​-១៩

រដ្ឋបាលខេត្ត​ពោធិ៍សាត់ ​និង​សប្បុរសជន​នានា​ផ្ដល់​អំណោយ​ជូន​ជន​ក្រីក្រ​ជាច្រើន​គ្រួសារ​នៅ​ស្រុក​ក្រគរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

លោកជំទាវ ឱ វណ្ណឌីន ៖ ស្ថានភាពជំងឺកូវីដ-១៩ នឹងថមថយតាមរយៈយុទ្ធនាការចាក់វ៉ាក់សាំង

អាស៊ាន-ចិន ប្ដេជ្ញាពង្រីកកិច្ចសហប្រតិបត្តិការឱ្យកាន់តែល្អប្រសើរបន្ថែមទៀត

អាជ្ញាធរខេត្តបាត់ដំបង ពង្រីកទីតាំងព្យាបាល ខណៈមានកំណើនអ្នកជំងឺកូវីដ-១៩

រដ្ឋបាលខេត្តពោធិ៍សាត់ និងសប្បុរសជននានាផ្ដល់អំណោយជូនជនក្រីក្រជាច្រើនគ្រួសារនៅស្រុកក្រគរ