BTV NEWS

សម្ដេចធិបតី៖ រាជរដ្ឋាភិបាល និងមហាគ្រួសារខ្មែរនៅជាមួយកងទ័ពជួរមុខគាំទ្រគ្រប់មធ្យោបាយទាំងអស់

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ និង ការអភិវឌ្ឍន៍

ក្នុងខេត្តសៀមរាប ត្រីមេពូជក្នុងតំបន់អភិរក្សបឹងពារាំង បានងាប់ជាបន្តបន្ទាប់ដោយសារខ្វះទឹក

ភ្នំពេញ ៖ ត្រីមេពូជចម្រុះក្នុងតំបន់អភិរក្សបឹងពារាំង ដែលមានទីតាំងក្នុងសង្កាត់ជ្រាវ ក្រុងសៀមរាប បានងាប់ជា បន្តបន្ទាប់ ដោយសាតែទឹកក្នុងបឹង បានចាប់ផ្ដើមគោករាក់។ សហគមន៍ និងមន្ត្រីជលផល កំពុងស្វះស្វែង រកវិធីជួយសង្គ្រោះ។ប្រធានសហគមន៍បឹងពារាំង លោក គង់ មង្គល បានឲ្យដឹងថា ត្រីមេពូជ ក្នុងបឹងពារាំង បានចាប់ ផ្តើមងាប់ ចំនួនពីរយប់មកហើយ។ យប់ថ្ងៃទី៣ ខែមិថុនានេះ មានត្រីងាប់តិចតួច តែយប់ថ្ងៃទី៤ ខែមិថុនា នេះ ងាប់រហូតជិត១០០គីឡូក្រាមឯណោះ ដែលមួយយប់ត្រីងាប់ជាង៥០ក្បាល ស្មើជាង៧០គីឡូក្រាម។ កត្តា ដែលធ្វើឱ្យត្រីមេពូជចម្រុះងាប់លឿនបែបនេះ ដោយសារកត្តាអាកាសធាតុក្តៅខ្លាំង ធ្វើឱ្យទឹករីងហួត លឿន។លោក បានឱ្យដឹងទៀតថា កន្លងមក សហគមន៍បានស្នើសុំខេត្ត និងក្រសួង ជីកជាស្រះក្នុងបឹងនេះ ដើម្បីរក្សាទឹកក្នុងការអភិរក្សត្រីមេពូជ។ តែដោយសាលិខិតដឹកជញ្ជូនអាចម៍ដីចេញមានការយឺតយ៉ាវ ទើប មិនអាចបន្តជីកទៀតកើត ហើយខ្វះទឹកក្នុងការសង្គ្រោះត្រីបែបនេះ។លោក បានបញ្ជាក់ថា ប្រសិនបើនៅតែបែបនេះ ត្រីមេពូជ និងហ្វូងសត្វស្លាបទឹក អាចបន្តងាប់ថែម ទៀតមិនខាន។ តែលោករំពឹងថា ថ្នាក់ដឹកនាំខេត្ត នឹងជួយពន្លឿនក្នុងការផ្តល់លិខិតដឹកអាចម៍ដីចេញ ដើម្បីបានជីកស្តារបឹងនេះបន្តទៀត។លោក ពត វណ្ណដេត នាយរងផ្នែករដ្ឋបាលជលផលចុងឃ្នៀស បានឱ្យដឹងដែរថា ករណីត្រីមេពូជ ក្នុងបឹងពារាំងងាប់យ៉ាងច្រើននេះ ខាងលោកកំពុងសហការជាមួយសហគមន៍ បូមទឹកពីក្នុងស្រះបញ្ចូល ដើម្បីសង្គ្រោះបឋម។ ក្នុងករណីជួយមិនបាននោះ នឹងសុំគោលការណ៍ពីសាលាក្រុង ប្រើប្រាស់រថយន្ត ដឹកទឹកយកទៅបញ្ចូលថែមទៀត។ បើមិនដូច្នេះទេ ត្រីមេពូជអាចងាប់បន្តរហូតអស់ពីបឹងក៏ថាបាន៕អត្ថបទ៖ ឈិត សាវី

ពលរដ្ឋរងគ្រោះដោយសារខ្យល់កន្ត្រាក់ចំនួន៧៣គ្រួសារ ទទួលបានការជួយឧបត្ថម្ភពីកាកបាទក្រហម

ភ្នំពេញ ៖ ប្រជាពលរដ្ឋចំនួន៧៣គ្រួសារ ដែលរងគ្រោះដោយសារខ្យល់កន្ត្រាក់ នៅស្រុកប្រាសាទសំបូរ និងស្រុកកំពង់ស្វាយ ទទួលបានសម្ភារសង្គ្រោះបន្ទាន់ថវិកា និងគ្រឿងឧបភោគបរិភោគពីការបាទក្រហមកម្ពុជាសាខាខេត្តកំពង់ធំ។ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តកំពង់ធំ និងសហការី កាលពីម្សិលមិញ បានអញ្ជើញចុះជួបសំណេះសំណាលសាកសួរសុខទុក្ខ និងនាំយកអំណោយមនុស្សធម៌ ផ្តល់ជូនប្រជាពលរដ្ឋរងគ្រោះដោយខ្យល់កន្ត្រាក់ ចំនួន៧៣គ្រួសារ នៅទីតាំងចំនួន៥ផ្សេងគ្នា ក្នុងស្រុក ប្រាសាទសំបូរ និងស្រុកកំពង់ស្វាយ ដែលក្នុងឱកាសនោះ ឯកឧត្តម បានចូលរួមសម្តែងការសោកស្តាយ ជាខ្លាំងជាមួយក្រុមគ្រួសាររងគ្រោះទាំងអស់ ចំពោះមហន្តរាយធម្មជាតិ ដែលបង្កឲ្យមានការខូចខាតផ្ទះ សម្បែង និងបង្កឲ្យមានគ្រោះថ្នាក់រហូតដល់បាត់បង់អាយុជីវិត ព្រមទាំងរងរបួសជាច្រើននាក់។ឯកឧត្តម បានពាំនាំប្រសាសន៍ផ្ដាំផ្ញើសួរសុខទុក្ខពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់ រូប ជនរងគ្រោះ ជនងាយរងគ្រោះ ដោយមិនរើសអើងឡើយ ហើយតែងបានចាត់តំណាងឲ្យចុះអន្តរាគមន៍ ផ្តល់ជំនួយសង្គ្រោះទាន់ពេលវេលា "ទីណាមានទុក្ខលំបាក ទីនោះមានកាកបាទក្រហមកម្ពុជា" ។ឯកឧត្តម អំពាវនាវដល់ប្រជាពលរដ្ឋទាំងអស់ ឱ្យបង្កើនការប្រុងប្រយ័ត្នឱ្យបានគ្រប់ៗគ្នា ក្នុងការ ចូលរួមទប់ស្កាត់ការឆ្លងជំងឺកូវីដ-១៩ ដោយត្រូវអនុវត្តវិធានការ "៣ការពារ ៣កុំ និង ២ចូលរួម" ពិសេស ត្រូវអនុវត្តឱ្យបានខ្ជាប់ខ្ជួនតាមសារណែនាំរបស់ក្រសួងសុខាភិបាល ដើម្បីទប់ស្កាត់ខ្សែចម្លង កុំឲ្យជំងឺកូវីដ-១៩ ឆ្លងចូលគ្រួសារ និងសហគមន៍។អំណោយមនុស្សធម៌ ដែលបានផ្ដល់ជូនជនរងគ្រោះ ទាំង៧៣គ្រួសារ ក្នុង១គ្រួសារ អង្ករ២៥គីឡូ ក្រាម គ្រឿងឧបភោគបរិភោគ និងសម្ភារប្រើប្រាស់មួយចំនួនទៀត និងថវិកាចំនួន២០០ពាន់រៀល។ ថ្វីត្បិត តែអំណោយទាំងអស់នេះ តិចតួចក៏ពិមែន ប៉ុន្តែបានជួយសម្រាលដល់ការលំបាករបស់ប្រជាពលរដ្ឋមួយ គ្រាដែរ៕អត្ថបទ ៖ លី សាងស៊ីន

ទេសរដ្ឋមន្ត្រី លី ធុជ ប្រគល់សម្ភារៈបរិក្ខារពេទ្យ ដើម្បីចូលរួមជួយដល់វិស័យសុខាភិបាលនៅក្រុងបាវិត

បាវិត ៖ រសៀលថ្ងៃទី០៤ ខែមិថុនានេះ ឯកឧត្តម ទេសរដ្ឋមន្ត្រី លី ធុជ ប្រធានក្រុមការងាររាជរដ្ឋាភិបាល ចុះមូលដ្ឋានក្រុងបាវិត បានប្រគល់សម្ភារៈបរិក្ខារពេទ្យចាំបាច់មួយចំនួនចូលរួមជួយដល់វិស័យសុខាភិបាលនៅក្រុងបាវិត ខេត្តស្វាយរៀង ក្នុងការប្រយុទ្ធប្រឆាំង និងទប់ស្កាត់ការរីករាលជំងឺកូវីដ-១៩ ។ក្នុងនាមលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង ឯកឧត្តម ទេសរដ្ឋមន្ត្រី លី ធុជ មានប្រសាសន៍ថា ក្រោមការសម្របសម្រួលរបស់លោក, លោក សាឡា អេអ៊ីសា បានកៀរគរនូវធនធានមួយចំនួនពីអ្នកវិនិយោគិន និងសប្បុរសជននានាទាំងក្នុងនិងក្រៅប្រទេស ដើម្បីចូលរួមជាមួយរាជរដ្ឋាភិបាលកម្ពុជា ក្រោមការដឹកនាំប្រកបដោយកិត្តិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការចូលរួមដល់ការងារចាក់វ៉ាក់សាំងបង្ការកូវីដ-១៩ ក៏ដូចជា ការងារទប់ស្កាត់ការរីករាលដាលជំងឺកូវីដ-១៩ ដែលលើកនេះ គឺជាលើកទីបីមកហើយតាមរយៈ លោក សាឡា អ៊ីសា។ឯកឧត្តម ទេសរដ្ឋមន្ត្រី បានបន្តទៀតថា ក្រុមធុរកិច្ចបរទេស និងសប្បុរសជនទាំងអស់ បានចាត់ទុកប្រទេសកម្ពុជាជាផ្ទះ និងជាកន្លែងធ្វើការរបស់ខ្លួន ព្រមទាំងបានបង្ហាញនូវកម្លាំងសាមគ្គីជាមួយប្រជាពលរដ្ឋកម្ពុជា និងតែងតែឈរជាមួយរាជរដ្ឋាភិបាលកម្ពុជាគ្រប់កាលៈទេសៈ និងគាំទ្រចំពោះការដឹកនាំរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ដែលអំណោយសប្បុរសនេះ គឺបានឆ្លុះបញ្ចាំងឲ្យឃើញអំពីការយកចិត្តទុកដាក់ និងទឹកចិត្តសាមគ្គីគ្នា ក្នុងការចូលរួមចំណែកពីសំណាក់ក្រុមធុរកិច្ចទាំងអស់ និងសប្បុរសជននានា សំដៅឱ្យដំណើរការងារចាក់វ៉ាក់សាំង និងការប្រយុទ្ធប្រឆាំងការរីករាលដាលជំងឺកូវីដ-១៩ បានប្រព្រឹត្តទៅដោយជោគជ័យ។ក្នុងនាមរាជរដ្ឋាភិបាលកម្ពុជា ឯកឧត្តមទេសរដ្ឋមន្ត្រី លី ធុជ បានថ្លែងអំណរគុណចំពោះទឹកចិត្តប្រកបដោយសប្បុរសចំពោះអ្នកវិនិយោគិន និងសប្បុរសជននានា ដែលមិនត្រឹមតែបានមកបណ្តាក់ទុករកស៊ីជួយដល់កំណើនសេដ្ឋកិច្ចជាតិ និងបង្កើតឱកាសការងារយ៉ាងច្រើនជូនបងប្អូនប្រជាពលរដ្ឋកម្ពុជា ប៉ុណ្ណោះទេ ថែមទាំងបានបង្ហាញពីសន្ដានចិត្តមេត្តាធម៌ចូលរួមជាមួយរាជរដ្ឋាភិបាលកម្ពុជា ក្នុងការងារទប់ស្កាត់ការរីករាលនៃជំងឺឆ្លងកូវីដ-១៩ ដែលបាននឹងកំពុងបង្ករជាក្តីបារម្ភយ៉ាងខ្លាំងក្នុងប្រទេសកម្ពុជា នាសព្វថ្ងៃនេះ។សម្ភារៈដែលត្រូវប្រគល់ជូននោះ រួមមាន ៖ សំលៀកបំពាក់ពេទ្យ(PPE), ឧបករណ៍វាស់សម្ពាធឈាម, ម៉ាស៊ីនស្កេនកំដៅ, ម៉ាស៊ីនបាញ់សម្លាប់មេរោគ, កុំព្យូទ័រ, ស្រោមដៃ, ស្រោមជើង, វ៉ែនតាសុវត្ថិភាព, មួកការពារ, របាំងមុខ, ម៉ាស់, អាលកុល, ជែល ថ្នាំផ្តាសាយទីហ្វី និងអង្ករ ដែលមានវិស័យឯកជន និងសប្បុរសជនទាំង ០៩ បានចូលរួម រួមមាន ៖ ១/. លោក Salah Essa២/. តំបន់សេដ្ឋកិច្ចពិសេស Manhattan Special Economic Zone & Medtecs Group៣/. កញ្ញា Narumon Rinruangsin (Modern IMP&EXP Co.,LTD)៤/. ក្រុមហ៊ុន ACMCERT INDOCHINA (Cambodia) Co.,LTD,៥/. លោក ANTHONY Galliano ប្រធានសភាពាណិជ្ជកម្មអាម៉េរិកកាំងប្រចាំនៅកម្ពុជា ៦/. លោក Khun Darith៧/. លោកស្រី ប្រាក់ ច័ន្ទបុផា និងក្រុមគ្រួសារ ៨/. លោក ANDREW TAY៩/. លោកស្រី អ៊ី សុដារីយ៍ និងក្រុមគ្រួសារ៕

នាយឧត្តមសេនីយ៍ វង្ស ពិសេន អនុញ្ញាតឱ្យអនុព័ន្ធយោធាចាស់-ថ្មីសហរដ្ឋអាម៉េរិក ចូលជួបសម្តែងការគួរសម

ភ្នំពេញ ៖ នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ នៅព្រឹកថ្ងៃទី០៤ មិថុនា ឆ្នាំ២០២១ បានអនុញ្ញាតឲ្យលោកវរសេនីយ៍ឯក ម៉ាកូស ហ្វេរ៉ារ៉ា នាយការិយាល័យអនុព័ន្ធយោធាសហរដ្ឋអាម៉េរិកប្រចាំកម្ពុជា ដែលត្រូវចប់អាណត្តិ ចូលជួបសំណេះសំណាល និងជម្រាបលា ។ ជាមួយនោះ លោកវរសេនីយ៍ត្រី អារីស រីប៊ូជីអូ នាយការិយាល័យអនុព័ន្ធយោធាសហរដ្ឋអាម៉េរិកថ្មី ក៏បានចូលជួបសម្ដែងការគួរសម និងបង្ហាញមុខនាឱកាសនោះផងដែរ។ក្នុងកិច្ចសន្ទនា លោកវរសេនីយ៍ឯក ម៉ាកូស ហ្វេរ៉ារ៉ា បានលើកឡើងនូវចំណុចសំខាន់ពីរក្នុងរយៈពេលដែលលោកបំពេញការងារនៅកម្ពុជា ក្នុងនោះទី១ គឺការឆ្លងរាតត្បាតនៃជំងឺកូវីដ-១៩ និងទី២ ទំនាក់ទំនងរវាងកងទ័ពប្រទេសទាំងពីរ(កម្ពុជា-អាម៉េរិក)។ លោកនាយសេនានុព័ន្ធយោធាសហរដ្ឋអាម៉េរិក បានបញ្ជាក់ថា ចាប់តាំងពីលោកបានមកបំពេញការងារដំបូងនៅកម្ពុជាក្នុងឆ្នាំ២០១៧ គឺបរិយាកាសមិត្តភាពរវាងកម្ពុជា និងសហរដ្ឋអាម៉េរិកមានភាពស្និទ្ធស្នាល ប៉ុន្តែកាលពីសប្តាហ៍មុនរូបលោកបានទៅមូលដ្ឋានសមុទ្ររាម ហើយបានឃើញសារព័ត៌មានចុះផ្សាយនៅទំព័រមុខថា កងទ័ពសហរដ្ឋអាម៉េរិកបានចុះទៅត្រួតពិនិត្យនៅសមុទ្ររាម ដែលធ្វើឲ្យលោកមានអារម្មណ៍ថា ទំនាក់ទំនងកម្ពុជា-អាម៉េរិក ហាក់ដូចជាមានការប្រែប្រួល ប៉ុន្តែលោកវរសេនីយ៍ឯក បានមានសង្ឃឹមថា ទៅថ្ងៃខាងមុខទំនាក់ទំនងរវាកងទ័ពប្រទេសទាំងពីរនឹងអាចត្រឡប់មកល្អដូចពីពេលមុនវិញ តាមរយៈការបន្តគោរពគ្នាទៅវិញទៅមក ការបន្តអនុវត្តអនុសាសន៍សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងការកសាងទំនុកចិត្តគ្នា។ក្នុងកិច្ចឆ្លើយតប នាយឧត្តមសេនីយ៍ វង្ស ពិសេន បានគូសបញ្ជាក់ពីទំនាក់ទំនងការទូតរវាងកម្ពុជា និងសហរដ្ឋអាម៉េរិក ដែលមានជាមួយគ្នារយៈពេល ៧១ឆ្នាំមកហើយ ដែលទំនាក់ទំនងនេះមានភាពល្អប្រសើររហូតមក។ បន្ថែមលើនេះ នាយឧត្តមសេនីយ៍អគ្គមេបញ្ជាការ បានគូសបញ្ជាក់ពីកិច្ចសហប្រតិបត្តិការរបស់កងទ័ពសហរដ្ឋអាម៉េរិក នៅក្នុងការជួយឧបត្ថម្ភគាំទ្រដល់កងយោធពលខេមរភូមិន្ទដែលត្រូវទៅបំពេញបេសកកម្មនៅក្នុងក្របខ័ណ្ឌអង្គការសហប្រជាជាតិ រួមទាំងការជួយហ្វឹកហ្វឺនផ្នែកដោះមីន គ្រាប់មិនទាន់ផ្ទុះ សន្តិសុខលំហសមុទ្រ ហើយថ្មីៗនេះការជួយឧបត្ថម្ភថវិកាដើម្បីប្រយុទ្ធប្រឆាំងជំងឺកូវីដ-១៩ ផងដែរ។ក្រៅពីនោះ នាយឧត្តមសេនីយ៍ ក៏បានលើកឡើងពីកិច្ចសហការល្អរវាងកងទ័ពប្រទេសទាំងពីរកន្លងមក នៅក្នុងការស្វែងរកអដ្ឋិធាតុទាហានអាមេរិកដែលបានបាត់ខ្លួននៅកម្ពុជា ក៏ដូចជាកិច្ចសហប្រតិបត្តិការប្រឆាំងអំពើភេរវកម្ម, ការងារមនុស្សធម៌ ការស្រាវជ្រាវវិទ្យាសាស្ត្រយោធា និងលំហាត់ឆ្មាំអង្គរជាដើម។ នាយឧត្តមសេនីយ៍ វង្ស ពិសេន បានមានជំនឿយ៉ាងមុតមាំថា ទៅថ្ងៃខាងមុខទំនាក់ទំនងរវាងកងទ័ពប្រទេសទាំងពីរ (កម្ពុជា-អាម៉េរិក ) នៅតែបន្តសហប្រតិបត្តិការល្អជាមួយគ្នា៕

ពិព័រណ៍វាយនភណ្ឌប្រពៃណីអាស៊ី នៃទន្លេមេគង្គ ត្រូវបានរៀបចំត្រៀមទទួលភ្ញៀវទេសចរ

សៀមរាប ៖ សារមន្ទីរវាយនភណ្ឌប្រពៃណីអាស៊ី នៅក្នុងខេត្តសៀមរាប បានរៀបចំដាក់តាំងពិព័រណ៍វាយនភណ្ឌប្រពៃណីអាស៊ីរួចរាល់ហើយ ដើម្បីត្រៀមទទួលទេសចរជាថ្មីទៀត ក្រោយបញ្ចប់វិបត្ដិជំងឺកូវីដ-១៩ នាពេលឆាប់ៗខាងមុខនេះ។សារមន្ទីរវាយនភណ្ឌប្រពៃណីអាស៊ី ដែលជាកិច្ចសហប្រតិបត្តិការទន្លេមេគង្គ-ទន្លេគង្គា គឺមានប្រទេសកម្ពុជា ឥណ្ឌា ឡាវ មីយ៉ាន់ម៉ា ថៃ និងវៀតណាម មានទីតាំងស្ថិតនៅផ្លូវសម្ដេចវិបុលបញ្ញា សុខ អាន ឬ ផ្លូវ៦០ម៉ែត្រសង្កាត់ស្លក្រាម ក្រុងសៀមរាប ខេត្ដសៀមរាប។លោកស្រី មឿន សូលីដា នាយិកាស្តីទី នៃសារមន្ទីរវាយនភណ្ឌប្រពៃណីអាស៊ី បានឱ្យដឹងថា បច្ចុប្បន្ននេះ សារមន្ទីរ បានធ្វើការតាំងបង្ហាញនូវសមុច្ច័យសំខាន់ៗជាច្រើន មកពីប្រទេសជាសមាជិកចំនួន៦ប្រទេស រួមមាន កម្ពុជា ថៃ វៀតណាម ឡាវ ឥណ្ឌា និងមីយ៉ាន់ម៉ា នៅក្នុងសាលពិព័រណ៍ទាំង៤ របស់សារមន្ទីរ ដែលមានមានដូចជា សាលព័ត៌មានពិព័រណ៍ សាលពិព័រណ៍វត្ថុធាតុដើម សាលពិព័រណ៍វាយនភណ្ឌបុរាណ និងសាលពិព័រណ៍វាយនភណ្ឌសហសម័យ។លោកស្រី បានបន្ថែមថា ក្រុមការងារមានគម្រោងបង្កើតដៃគូអភិវឌ្ឍន៍លើវិស័យឯកជន ដែលកំពុងធ្វើការលើតម្បាញសូត្រ ដើម្បីយកស្នារដៃសូត្រខ្មែរ ទៅដាក់តាំងនៅក្នុងសារមន្ទីរនោះបន្ថែមទៀត។បង្កើនកម្លាំងមនុស្សធ្វើតម្បាញវត្ថុធាតុដើម និងបង្កើតកន្លែងដើមរុក្ខជាតិជ្រលក់សូត្រផងដែរ ក្នុងគោលបំណងដើម្បីថែរក្សាប្រពៃណី នៃការផលិតវាយនភណ្ឌប្រពៃណីអាស៊ី និងដើម្បីត្រៀមលក្ខណៈក្នុងការទទួលអ្នកទេសចរជាតិ និងអន្ដរជាតិឱ្យចូលទស្សនា ក្រោយបញ្ចប់ជំងឺកូវីដ-១៩នាពេលខាងមុខនេះ។ ជាពិសេសធ្វើយ៉ាងណាឱ្យមានការចាប់ពីអារម្មណ៍ពីអ្នកទេសចរ។លោកស្រី មឿន សូលីដា បានបញ្ជាក់ទៀតថា សារមន្ទីរវាយនភណ្ឌប្រពៃណីអាស៊ី មិនទាន់បានបើកឱ្យភ្ញៀវចូលទស្សនានោះទេ ប៉ុន្ដែបានត្រៀមជាស្រេច សម្រាប់ទទួលភ្ញៀវចូលទស្សនា។សារមន្ទីរវាយនភណ្ឌប្រពៃណីអាស៊ី បានកសាងឡើងនៅឆ្នាំ២០១០ ដល់ឆ្នាំ២០១១ និងបើកឱ្យដំណើរការក្នុងខែមេសា ឆ្នាំ២០១៤ ក្រោមកិច្ចសហប្រតិបត្តិការទន្លេមេគង្គ-ទន្លេគង្គា ដោយមានប្រទេសចំនួន៦ចូលរួម ដូចជា ៖ ប្រទេសកម្ពុជា, ឥណ្ឌា, ឡាវ, មីយ៉ាន់ម៉ា, ថៃ និងប្រទេសវៀតណាម។ គោលបំណង នៃការកសាងសារមន្ទីរនេះ គឺដើម្បីថែរក្សាប្រពៃណី នៃការផលិតវាយនភណ្ឌ ក៏ដូចជាបង្ហាញពីទំនាក់ទំនងរវាងអរិយធម៌ វប្បធម៌ និងពាណិជ្ជកម្ម របស់ប្រទេសជាសមាជិកជុំវិញដងទន្លេមេគង្គ ដែលមានរយៈពេលជាច្រើនសត វត្សរ៍មកហើយ។ សារមន្ទីរនេះ បើកឱ្យភ្ញៀវចូលទស្សនា ពីថ្ងៃពុធ ដល់ថ្ងៃចន្ទ៕អត្ថបទ ៖ ឈិត សាវី

មន្ត្រីជំនាញ ៖ ក្នុងបរិបទជំងឺកូវីដ-១៩ តម្រូវការឈាមកើនឡើងខ្ពស់

ភ្នំពេញ ៖ ស្ថិតក្នុងព្រឹត្តិការណ៍សហគមន៍២០កុម្ភៈ តម្រូវការឈាមមានកើនឡើងខ្ពស់ ដោយក្នុង១ថ្ងៃត្រូវការឈាមប្រមាណ២០០ស័ក ឫហៅថាប្លោក ដើម្បីជួយសង្គ្រោះអ្នកជំងឺ។តាមរយៈបណ្តាញទំនាក់ទំនងតេឡេក្រាម នាថ្ងៃទី០៤ខែមិថុនានេះ លោកវេជ្ជបណ្ឌិត សុខ ប៉ូប្រធានមជ្ឈមណ្ឌលជាតិផ្តល់ឈាម បានឱ្យដឹងថា ក្នុងរយៈពេល៥ខែ ឆ្នាំនេះ មជ្ឈមណ្ឌលជាតិផ្តល់ឈាមទទួលបានការផ្គត់ផ្គងឈាម ផ្តល់ឱ្យអ្នកជំងឺ ជាង១ម៉ឺនប្លោក ដែលភាគច្រើន គឺជាការបរិច្ចាគជំនួសដោយក្រុមគ្រួសារជនរងគ្រោះ ខណៈអ្នកបរិច្ចាគស្ម័គ្រចិត្ត មិនដល់៥ភាគផង នៃចំនួនអ្នកផ្តល់ឈាមសរុប។លោកវេជ្ជបណ្ឌិត បានបន្តថា ស្ថិតក្នុងព្រឹត្តិការណ៍សហគមន៍២០កុម្ភៈ តម្រូវការឈាមមានការកើនឡើងខ្ពស់ ដោយក្នុង១ថ្ងៃ ត្រូវការឈាមក្នុងរង្វង់២០០ប្លោក ដើម្បីជួយសង្គ្រោះអ្នកជំងឺ។ តម្រូវការឈាម មានការកើនឡើង ដោយសារពលរដ្ឋភាគច្រើន ងាកមកប្រើប្រាស់សេវាសុខាភិបាលនៅក្នុងស្រុក។ លោកវេជ្ជបណ្ឌិត បានអំពាវនាវដល់ពលរដ្ឋ មេត្តាស្ម័គ្រចិត្តបរិច្ចាគឈាម ដើម្បីជួយសង្គ្រោះអាយុជីវិតជនរងគ្រោះ។សម្រាប់ការផ្តល់ឈាម ត្រូវបានគ្រូពេទ្យជំនាញ បញ្ជាក់ថា មិនបានប៉ះពាល់ដល់សុខភាពនោះទេ មុននឹងផ្តល់ឈាម ក្រុមគ្រូពេទ្យជំនាញបានពិនិត្យ និងសាកសួរព័ត៌មានយ៉ាងលម្អិតចំពោះអ្នកផ្តល់ឈាម ។ អ្នកបរិច្ចាគឈាម ត្រូវមានអាយុ ចាប់ពី១៨ឆ្នាំ ដល់៦០ឆ្នាំ មានសុខភាពល្អធម្មតា ទម្ងន់ចាប់ពី៤៥គីឡូ ក្រាមឡើងទៅ។ សម្រាប់មនុស្សប្រុស គឺអាចបរិច្ចាគឈាមបាន ចំនួន៤ដង ក្នុងមួយឆ្នាំ ហើយសម្រាប់ស្ត្រី គឺអាចបរិច្ចាគបានចំនួន៣ដង ក្នុងមួយឆ្នាំ៕អត្ថបទ ៖ ទូច សោភ័ណ

ពលរដ្ឋចំនួន១៤២គ្រួសារ ទទួលអំណោយក្រុមការងារអនុសាខាកាកបាទក្រហមកម្ពុជា ខណ្ឌច្បារអំពៅ

ភ្នំពេញ ៖ គណៈកម្មាធិការអនុសាខាកាកបាទក្រហមកម្ពុជា ខណ្ឌច្បារអំពៅ បានរៀបចំពិធីសាកសួរសុខទុក្ខ និងចែកអំណោយមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ជូនដល់ចាស់ជរា ស្ត្រីមេម៉ាយ ជនពិការ និងប្រជាពលរដ្ឋដែលមានជីវភាពខ្វះខាត សរុបចំនួន ១៤២គ្រួសាររស់នៅក្នុងសង្កាត់និរោធ នៅថ្ងៃទី០៤ ខែមិថុនា ឆ្នាំ២០២១នេះ។ក្នុងនាមអនុសាខាកាកបាទក្រហមកម្ពុជា ខណ្ឌច្បារអំពៅ ឯកឧត្តម បានពាំនាំនូវការផ្ដាំផ្ញើសាកសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែបានគិតគូរយកចិត្តទុកដាក់ជាប់ជានិច្ចចំពោះសុខទុក្ខប្រជាពលរដ្ឋ គ្រប់ក្រុមគ្រួសារ និងគ្រប់ទីកន្លែង ដោយមិនប្រកាន់ពីនិន្នាការនយោបាយ ជាតិសាសន៍ សាសនា វណ្ណៈ ពណ៌សម្បុរអ្វីទាំងអស់ ពោល “កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា-មិនទុកនរណាម្នាក់ចោល នោះឡើយ “ ។ឯកឧត្តម ក៏សូមអំពាវនាវដល់លោកតាលោកយាយ បងប្អូនទាំងអស់ យកចិត្តទុកដាក់ពីសុខភាព ជាពិសេសបន្តការពារ និងរក្សាអនាម័យជានិច្ចតាមការណែនាំរបស់ក្រសួងសុខាភិបាល ដើម្បីចូលរួមទប់ស្កាត់ បង្ការហានិភ័យពីការឆ្លងជំងឺកូវីដ-១៩ ទាំងអស់គ្នា ដោយផ្តើមចេញពីខ្លួនយើង។គួរបញ្ជាក់ថា អំណោយដែលត្រូវផ្ដល់ ក្នុង១គ្រួសារទទួលបា អង្ករចំនួន ២៥ គីឡូក្រាម ទឹកត្រី ទឹកស៊ីអ៊ីវ ត្រីខ មី ម៉ាស ជែល និងថវិកាមួយចំនួនផងដែរ ៕អត្ថបទ៖ កុម្ភៈ

ពលរដ្ឋអរគុណរាជរដ្ឋាភិបាល ចំពោះការអនុគ្រោះផាកពិន័យថ្ងៃហួសសុពលភាពធ្វើឆៀករថយន្ត ក្នុងតំបន់បិទខ្ទប់

ភ្នំពេញ ៖ នៅក្នុងអំឡុងពេលដែលរាជរដ្ឋាភិបាលប្រកាសការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ នៃខេត្តកណ្តាល និងបានបិទខ្ទប់តំបន់ក្រហមមកកន្លងមកនេះ ក្រសួងសេដ្ឋកិច្ច និងហិរញ្ញវត្ថុ និងក្រសួងសាធារណការ និងដឹកជញ្ជូន បានប្រកាសផ្តល់ការអនុគ្រោះ និងការមិនយកថ្លៃបង់ប្រាក់ផាកពិន័យចំនួន៥១ថ្ងៃលើយានយន្តគ្រប់ប្រភេទ ដែលហួសសុពលភាពការធ្វើឆៀក ឬត្រួតពិនិត្យលក្ខណៈបច្ចេកទេសយានយន្ត ដែលស្ថិតក្នុងតំបន់បិទខ្ទប់។ចំពោះការយោគយល់ និងការផ្តល់ការអនុគ្រោះធ្វើឆៀករថយន្តនេះ បណ្តាពលរដ្ឋ ដែលបានយករថយន្តទៅធ្វើឆៀក ដើម្បីត្រួតពិនិត្យលក្ខណៈបច្ចេកទេសយានយន្តរបស់នេះ គឺបានថ្លែងអំណររាជរដ្ឋាភិបាល ចំពោះការផ្តល់ការ អនុគ្រោះការបង់ផាកពិន័យហួសសុពលភាពការត្រួតពិនិត្យបច្ចេកទេសយានយន្ត(ឆៀក) រយៈពេល៥១ថ្ងៃ និងស្នើឱ្យបណ្តាម្ចាស់យានយន្តផ្សេងៗទៀត ដែលជិតហួស និងបាននិងកំពុងហួសសុពលភាពធ្វើឆៀករថយន្តរបស់ខ្លួន ត្រូវរូតរះយករថយន្តខ្លួនធ្វើឆៀក ចៀសវាង ការទុកយូរធ្វើអោយការបង់ផាកពិន័យកាន់តែអស់ថវិកាច្រើនទៅច្រើនទៅ។បើតាមលោក ចាប សុជាតិ អនុប្រធានការិយាល័យ ត្រួតពិនិត្យលក្ខណៈបច្ចេកទេសយានយន្ត មណ្ឌលបឹងស្នោ បានថ្លែងថា នៅក្នុងអំឡុងពេលរាជរដ្ឋាភិបាល ប្រកាសបិទខ្ចប់រាជធានីភ្នំពេញ និងក្រុងតាខ្មៅ គឺរាជរដ្ឋាភិបាលបានប្រកាសមិនយកថ្លៃបង់ផាកពិន័យលើរថយន្តដែលហួសសុពលភាពឆៀកចំនួន២១ថ្ងៃ ហើយបូកនឹងច្បាប់បានកំណត់ផ្តល់អនុគ្រោះហួសថ្ងៃធ្វើឆៀកចំនួន១ខែទៀត ដូចនេះ ក្នុងអំឡុងពេលនេះ គឺរាជរដ្ឋាភិបាលបានផ្តល់ការអនុគ្រោះការបង់ថ្លៃផាកពិន័យចំនួនសរុបចំនួន៥១ថ្ងៃ។បើតាមការបញ្ជាក់ពីឯកឧត្តម ឈួន វន់ អគ្គនាយកដឹកជញ្ជូនផ្លូវគោគ បានថ្លែងថា ជាទូទាំងតាមច្បាប់កំណត់ សម្រាប់យានយន្តដែលសុពលភាពធ្វើឆៀករថយន្តចំនួន១ថ្ងៃត្រូវបង់ថ្លៃផាកពិនិត្យចំនួន៥០០រៀលចំពោះរថយន្តទេសចរណ៍ ដែលត្រូវអោយធ្វើឆៀកចំនួន២ឆ្នាំម្តង ។ ដោយឡែកសម្រាប់រថយន្តដឹកទំនិញរថយន្តអាជីវកម្មដែលត្រូវធ្វើទៅធ្វើឆៀក១ឆ្នាំម្តងវិញនោះ ហួសសុពលរដ្ឋឆៀក ១ថ្ងៃ បង់ថ្លៃផាកពិន័យចំនួន១០០០រៀល។ឯកឧត្តម បន្តថា នៅពេលនេះ នៅមានរថយន្តជិត៣០ម៉ឺនគ្រឿងទៀត ដែលហួសសុពលភាពធ្វើឆៀក ខណៈបច្ចុប្បន្នមានរថយន្តប្រមាណជាង៨០ម៉ឺន ទៅ៩០ម៉ឺនគ្រឿង កំពុងចរាចរណ៍នៅទូទាំងប្រទេស៕អត្ថបទ ស៊ុម

ក្រសួងអប់រំ បន្តរៀបចំការប្រកួតជជែកដេញដោលយុវជនថ្នាក់ជាតិឆ្នាំ២០២១ ទោះស្ថិតក្នុងបរិបទជំងឺកូវីដ

ភ្នំពេញ ៖ ក្រសួងអប់រំសម្រាប់ឆ្នាំ ២០២១នេះ នៅតែអាចរៀបចំការប្រកួតជជែកដេញដោលយុវជនថ្នាក់ជាតិ សម្រាប់សិស្សវិទ្យាល័យថ្នាក់ទី១១ នៅរាជធានីភ្នំពេញ ទោះបីជាពេលនេះ កម្ពុជាប្រឈមនឹងបញ្ហាកូវីដ-១៩ យ៉ាងណាក្ដី។ ជាការចូលរួមក្នុងការទប់ស្កាត់ការរីករាលដាលនៃជំងឺនេះ ការប្រកួតជជែកដេញដោលយុវជនថ្នាក់ជាតិឆ្នាំ២០២១នេះ ត្រូវផ្លាស់មករៀបចំតាមប្រព័ន្ធអនឡាញវិញ។ជាការឆ្លើយតប តាមគោលនយោបាយស្ដីពីការអភិវឌ្ឍយុវជនកម្ពុជា និងកំណែទម្រង់ស៊ីជម្រៅរបស់ក្រសួងអប់រំ អគ្គនាយកដ្ឋានយុវជននៅតែបន្តរៀបចំកម្មវិធី ប្រកួតជជែកដេញដោលយុវជនថ្នាក់ជាតិ (National Youth Debate) ដែលកំណត់យកសិស្សថ្នាក់ទី១១ តាមគ្រឹះស្ថានអប់រំរដ្ឋនិងឯកជន នៅរាជធានីភ្នំពេញជាគោលដៅអាទិភាព ទោះឆ្នាំ២០២១នេះ កម្ពុជាកំពុងប្រឈមបញ្ហាកូវីដ-១៩យ៉ាងណាក្ដី។កម្មវិធីប្រកួតជជែកដេញដោលយុវជនថ្នាក់ជាតិនេះ ជាកម្មវិធីមានសារៈសំខាន់មួយ ដែលរៀបចំឡើងជារៀងរាល់ឆ្នាំ ដោយភ្ជាប់មកជាមួយនូវគោលបំណងសំខាន់ៗមួយចំនួនដូចជា បណ្តុះបណ្តាលយុវជន ឱ្យចេះប្រើប្រាស់នូវវប្បធម៌សន្ទនាតាមរយៈការជជែកដេញដោល បណ្តុះសមត្ថភាពយុវជនក្នុងការដោះស្រាយបញ្ហាផ្សេងៗដែលពួកគេជួបប្រទះតាមរយៈការសន្ទនា កសាងសមត្ថភាពយុវជនឱ្យមានភាពក្លាហាន ចេះប្រើប្រាស់សិទ្ធិស្របច្បាប់ប្រកបដោយភាពឈ្លាសវៃក្នុងការបញ្ចេញមតិដើម្បីទទួលបាននូវផ្លែផ្កាជាវិជ្ជមានជូនសង្គម ពង្រឹងជំនាញនៃការត្រិះរិះពិចារណា ការសិក្សាស្រាវជ្រាវ ការចែករំលែកគំនិត ការទាក់ទាញការគាំទ្រ ជំនាញក្នុងការនិយាយសាធារណៈជាដើម ផ្តល់ឱកាសឱ្យយុវជនបញ្ចេញគំនិតយោបល់ បង្ហាញសមត្ថភាព និងទេពកោសល្យជាសាធារណៈក្នុងការជជែកដេញដោលក្នុងសមរភូមិគំនិតនៃសង្គមពុទ្ធិ ដើម្បីស្វែងរកនូវសុខដុមនីយកម្មសម្រាប់ទាំងអស់គ្នា បង្កើនបណ្តាញទំនាក់ទំនងល្អរវាងយុវជននិងយុវជន ដើម្បីផ្លាស់ប្តូរបទពិសោធគ្នាក្នុងតម្លៃជាមិត្តភាព និងពង្រីកធនធានយុវជន ដើម្បីអាចអភិវឌ្ឍខ្លួនក្លាយជាមូលធនមនុស្សសម្រាប់ជាតិកម្ពុជា។សម្រាប់កម្មវិធីប្រកួតជជែកដេញដោលយុវជនថ្នាក់ជាតិឆ្នាំ២០២១នេះ នឹងចាប់ផ្ដើមវគ្គជម្រុះដំបូង នៅថ្ងៃទី ៥ទី ៦ខែ មិថុនា នេះ ដោយមានការចូលរួមពីក្រុមយុវជនជាសិស្សថ្នាក់ទី ១១ចំនួន ១៦ ក្រុម ដើម្បីជម្រុះយកត្រឹម ៨ក្រុម ឈានទៅវគ្គជម្រុះទី២។ កម្មវិធីជជែកដេញដោលយុវជនថ្នាក់ជាតិនេះ គឺនឹងមានការការផ្សាយផ្ទាល់ តាមរយៈទំព័រហ្វេសប៊ុក ផ្លូវការរបស់ក្រសួងអប់រំ យុវជន និងកីឡា៕អត្ថបទ៖ គឹមហុក

រដ្ឋសភាអនុម័តឱ្យប្រធាន គជប លាលែងពីដំណែង ដោយសារបញ្ហាសុខភាព

ភ្នំពេញ ៖ រដ្ឋសភា បានអនុម័តយល់ព្រមលើសំណើសុំលាលែងពីតំណែង របស់ប្រធានគណៈកម្មាធិការជាតិរៀបចំការបោះឆ្នោត (គជប) ដែលមានជំងឺប្រចាំកាយ។រដ្ឋសភា នៃព្រះរាជាណាចក្រកម្ពុជា បានសម្រេចយល់ព្រមលើសំណើលាឈប់របស់ប្រធាន គ.ជ.ប គឺឯកឧត្ដម ស៊ិក ប៊ុនហុក នៅក្នុងកិច្ចប្រជុំ គណៈកម្មធិការអចិន្ត្រៃយ៍រដ្ឋសភា ដឹកនាំដោយសម្តេចពញាចក្រី ហេង សំរិន ប្រធានរដ្ឋសភា នៅព្រឹកថ្ងៃទី០៤ ខែមិថុនានេះ បន្ទាប់ពីឯកឧត្ដម បានដាក់ពាក្យលាឈប់នេះ កាលពីថ្ងៃទី០១ ខែមិថុនា នេះដែរ ដោយសារបញ្ហាសុខភាព។ នេះបើតាមសេចក្ដីប្រកាសព័ត៌មានរបស់អគ្គលេខាធិកាដ្ឋាន នៃរដ្ឋសភា។សេចក្ដីប្រកាសព័ត៌មាន បានបញ្ជាក់ថា ជាមួយនឹងការយល់ព្រមឱ្យឯកឧត្ដម ស៊ិក ប៊ុនហុក លាឈប់នេះ គណៈកម្មាធិការអចិន្ត្រៃយ៍ នៃរដ្ឋសភា ក៏បានអនុម័តយល់ព្រមនូវសេចក្តីព្រាងសេចក្តីសម្រេច ស្តីពីការកំណត់បែបបទ និងនីតិវិធី នៃការជ្រើសរើសបេក្ខជនប្រធាន គជប និងប្រគល់ភារកិច្ចជូនអគ្គលេខាធិការដ្ឋានរដ្ឋសភា ធ្វើសេចក្តីជូនដំណឹងជ្រើសរើសបេក្ខជនជាប្រធាន គជប ថ្មីផងដែរ។តាមនីតិវិធី ការប្រកាសជ្រើសរើសបេក្ខជនប្រធាន គ.ជ.ប នឹងត្រូវធ្វើឡើងរយៈពេល៥ថ្ងៃ ហើយតាមច្បាប់ គឺគណបក្សប្រជាជនកម្ពុជា ដែលឈ្នះឆ្នោត ជាអ្នកស្នើដាក់បេក្ខជន។ បេក្ខជន ដែលនឹងត្រូវជ្រើសរើស គឺត្រូវតែមានលក្ខណៈសម្បត្តិគ្រប់គ្រាន់ តាមសេចក្តីប្រកាស។ឯកឧត្ដម ស៊ិក ប៊ុនហុក ត្រូវបានរដ្ឋសភា បោះឆ្នោតជ្រើសតាំងជាប្រធានគណៈកម្មាធិការជាតិរៀប ចំការបោះឆ្នោត កាលពីឆ្នាំ២០១៥ ក្រោយការជាប់គាំងនយោបាយ បន្ទាប់ពីការបោះឆ្នោតឆ្នាំ២០១៣។គណៈកម្មាធិការអចិន្ត្រៃយ៍រដ្ឋសភា នៅថ្ងៃនេះ ក៏បានអនុម័តយល់ព្រមបញ្ចូលក្នុងរបៀបវារៈសម័យប្រជុំរដ្ឋសភា លើកទី៦ នីតិកាលទី៦ នាពេលខាងមុខ នូវសេចក្តីព្រាងច្បាប់ចំនួន៤ ដែលគណៈកម្មការជំនាញរដ្ឋសភា ទើបបញ្ចប់ការពិនិត្យសិក្សា រួមមាន សេចក្តីព្រាងច្បាប់ ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលកម្ពុជា ឱ្យក្រុមហ៊ុនស្មេថេក ខូអិលធីឌី សម្រាប់គម្រោងអភិវឌ្ឍខ្សែបណ្តាញបញ្ជូនអគ្គិសនីតង់ស្យុង៥០០គីឡូវ៉ុល ពីខេត្តបាត់ដំបង ទៅកាន់ព្រំដែនកម្ពុជា-ថៃ ។ សេចក្តីព្រាងច្បាប់ ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលកម្ពុជា ឱ្យក្រុមហ៊ុនស្មេថេក ខូអិលធីឌី សម្រាប់គម្រោងអភិវឌ្ឍខ្សែបណ្តាញបញ្ជូនអគ្គិសនីតង់ស្យុង៥០០គីឡូវ៉ុល ពីរាជធានីភ្នំពេញ ទៅកាន់ព្រំដែនកម្ពុជា-ឡាវ ។ សេចក្តីព្រាងច្បាប់ ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលកម្ពុជា ឱ្យក្រុមហ៊ុនអគ្គិសនីវៀតណាម ធានាលើការទិញថាមពលអគ្គិសនីពីប្រទេសវៀតណាម និងសេចក្តីព្រាងច្បាប់ ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលកម្ពុជា ឱ្យក្រុមហ៊ុន ឆាយណាណេសិនណលហេវីម៉ាស៊ីនណឺរី ខបភើរេសិន សម្រាប់គម្រោងអភិវឌ្ឍវារីអគ្គិសនីស្ទឹងតាតៃលើ អានុភាព១៥០មេហ្កាវ៉ាត់ ក្នុងខេត្តកោះកុង៕អត្ថបទ ៖ បាន ចក់

បណ្ដាញសង្គម

ព័ត៌មានថ្មីៗ

ចិនចាប់ផ្តើមសាងសង់ទំនប់វារីអគ្គិសនីធំជាងគេបំផុតរបស់ពិភពលោកនៅតំបន់ទីបេតិ៍

គណៈកម្មាធិការស្វែងរកការពិតស៊ីរី រាយការណ៍ថា មនុស្ស ១.៤២៦នាក់ ត្រូវបានសម្លាប់អំឡុងអំពើហិង្សាក្នុងខែមីនា

ជនប៉ាឡេស្ទីននៅទីក្រុងហ្កាហ្សានិយាយថា ពួកគេពុំបានបរិភោគអស់រយៈពេល ៥ថ្ងៃមកហើយ

រដ្ឋមន្ត្រីសុខាភិបាល «អ្នកដឹកនាំសុខាភិបាល ស្ថិតនៅជាប់ជានិច្ចជាមួយមន្រ្តីរបស់ខ្លួន ឈរលើគោលដៅសម្រេចឱ្យបានជោគជ័យក្នុងការបម្រើសេវាជូនប្រជាពលរដ្ឋ និងលើកកិត្តិយសវិជ្ជាជីវៈសុខាភិបាលទាំងមូល»

ផ្សារសមាគមខ្មែរកំពុងស្រូបយកផលិតផលកែច្នៃក្នុងស្រុក គាំទ្រដល់ការរីកចម្រើនរបស់សហគ្រិន

រលកកម្តៅធ្ងន់ធ្ងរនៅតំបន់បាល់កង់ បណ្តាលឲ្យមានភ្លើងឆេះព្រៃនៅប្រទេសប៊ុលហ្គារី និងអាល់បានី

ប្រេសិតពិសេសសហរដ្ឋអាមេរិកជួបជាមួយប្រធានសភាលីបង់នៅទីក្រុងបេរូត

រដ្ឋមន្រ្តីសុខាភិបាល «យុទ្ធសាស្ត្រមួយល្អ លុះត្រាតែយុទ្ធសាស្រ្តនោះត្រូវបានយកទៅអនុវត្តជាក់ស្តែងបាន ដេីម្បីសម្រេចគោលដៅតាមការគ្រោងទុក»

ទូតឥណ្ឌូនេស៊ីកោតសរសើរកម្ពុជា ចំពោះការគ្រប់គ្រងវិស័យព័ត៌មាន និង សោតទស្សន៍

គម្រោង Golden Dome របស់លោក Trump ស្វែងរកជម្រើសជំនួស SpaceX របស់លោក Musk

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្នុងខេត្តសៀមរាប ត្រីមេពូជក្នុងតំបន់អភិរក្សបឹងពារាំង បានងាប់ជាបន្តបន្ទាប់ដោយសារខ្វះទឹក

ពលរដ្ឋរងគ្រោះដោយសារខ្យល់កន្ត្រាក់ចំនួន៧៣គ្រួសារ ទទួលបានការជួយឧបត្ថម្ភពីកាកបាទក្រហម

ទេសរដ្ឋមន្ត្រី លី ធុជ ប្រគល់សម្ភារៈបរិក្ខារពេទ្យ ដើម្បីចូលរួមជួយដល់វិស័យសុខាភិបាលនៅក្រុងបាវិត

នាយឧត្តមសេនីយ៍ វង្ស ពិសេន អនុញ្ញាតឱ្យអនុព័ន្ធយោធាចាស់-ថ្មីសហរដ្ឋអាម៉េរិក ចូលជួបសម្តែងការគួរសម

ពិព័រណ៍វាយនភណ្ឌប្រពៃណីអាស៊ី នៃទន្លេមេគង្គ ត្រូវបានរៀបចំត្រៀមទទួលភ្ញៀវទេសចរ

មន្ត្រីជំនាញ ៖ ក្នុងបរិបទជំងឺកូវីដ-១៩ តម្រូវការឈាមកើនឡើងខ្ពស់

ពលរដ្ឋចំនួន១៤២គ្រួសារ ទទួលអំណោយក្រុមការងារអនុសាខាកាកបាទក្រហមកម្ពុជា ខណ្ឌច្បារអំពៅ

ពលរដ្ឋអរគុណរាជរដ្ឋាភិបាល ចំពោះការអនុគ្រោះផាកពិន័យថ្ងៃហួសសុពលភាពធ្វើឆៀករថយន្ត ក្នុងតំបន់បិទខ្ទប់

ក្រសួងអប់រំ បន្តរៀបចំការប្រកួតជជែកដេញដោលយុវជនថ្នាក់ជាតិឆ្នាំ២០២១ ទោះស្ថិតក្នុងបរិបទជំងឺកូវីដ

រដ្ឋសភាអនុម័តឱ្យប្រធាន គជប លាលែងពីដំណែង ដោយសារបញ្ហាសុខភាព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្នុង​ខេត្តសៀមរាប ត្រី​មេ​ពូជ​ក្នុង​តំបន់​អភិរក្ស​បឹង​ពារាំង បាន​ងាប់​ជា​បន្តបន្ទាប់​ដោយសារ​ខ្វះ​ទឹក​

ពលរដ្ឋ​រងគ្រោះ​ដោយសារ​ខ្យល់​កន្ត្រាក់​ចំនួន​៧៣​គ្រួសារ​ ទទួល​បាន​ការ​ជួយឧបត្ថម្ភ​ពី​កាក​បាទក្រហម

ពិព័រណ៍​វាយនភណ្ឌ​ប្រពៃណី​អាស៊ី​ នៃ​ទន្លេមេគង្គ ​ត្រូវបាន​រៀបចំ​ត្រៀម​ទទួល​ភ្ញៀវ​ទេសចរ

មន្ត្រី​ជំនាញ​ ៖ ក្នុង​បរិបទ​ជំងឺ​កូ​វីដ​-១៩ តម្រូវការ​ឈាម​កើនឡើង​ខ្ពស់

ពលរដ្ឋ​ចំនួន​១៤២​គ្រួសារ ​ទទួល​អំណោយ​ក្រុមការងារ​អនុសាខា​កាកបាទក្រហមកម្ពុជា​ ខណ្ឌ​ច្បារអំពៅ

រដ្ឋសភា​អនុម័ត​ឱ្យ​ប្រធាន គជប លាលែង​ពី​ដំណែង ​ដោយសារ​បញ្ហា​សុខភាព​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ក្នុងខេត្តសៀមរាប ត្រីមេពូជក្នុងតំបន់អភិរក្សបឹងពារាំង បានងាប់ជាបន្តបន្ទាប់ដោយសារខ្វះទឹក

ពលរដ្ឋរងគ្រោះដោយសារខ្យល់កន្ត្រាក់ចំនួន៧៣គ្រួសារ ទទួលបានការជួយឧបត្ថម្ភពីកាកបាទក្រហម

ពិព័រណ៍វាយនភណ្ឌប្រពៃណីអាស៊ី នៃទន្លេមេគង្គ ត្រូវបានរៀបចំត្រៀមទទួលភ្ញៀវទេសចរ

មន្ត្រីជំនាញ ៖ ក្នុងបរិបទជំងឺកូវីដ-១៩ តម្រូវការឈាមកើនឡើងខ្ពស់

ពលរដ្ឋចំនួន១៤២គ្រួសារ ទទួលអំណោយក្រុមការងារអនុសាខាកាកបាទក្រហមកម្ពុជា ខណ្ឌច្បារអំពៅ

រដ្ឋសភាអនុម័តឱ្យប្រធាន គជប លាលែងពីដំណែង ដោយសារបញ្ហាសុខភាព