BTV NEWS

សម្ដេចធិបតី៖ រាជរដ្ឋាភិបាល និងមហាគ្រួសារខ្មែរនៅជាមួយកងទ័ពជួរមុខគាំទ្រគ្រប់មធ្យោបាយទាំងអស់

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ និង ការអភិវឌ្ឍន៍

កំណាយសង្គ្រោះផ្លូវវាងក្រវ៉ាត់ក្រុងទី៣ បានរកឃើញភស្តុតាងប្រវតិ្តសាស្ត្រស្ថិតក្នុងសតវត្សរ៍ទី២

ភ្នំពេញ ៖ លោក វឿន វុទី្ធ ប្រធាននាយកដ្ឋានបុរាណវិទ្យា និងបុរេប្រវតិ្តវិទ្យា នៃក្រសួងវប្បធម៌ និងវិចិត្រសិល្បៈ ប្រាប់BTV ព័ត៌មាន នាព្រឹកថ្ងៃទី៤ ខែមិថុនា ឆ្នាំ២០២១នេះថា ការធ្វើកំណាយសង្គ្រោះផ្លូវវាងក្រវ៉ាត់ក្រុងទី៣ ស្ថិតនៅភូមិបុណ្ណា ឃុំព្រះពុទ្ធ ស្រុកកណ្តាលស្ទឹង ខេត្តកណ្តាល បានរកឃើញភស្តុតាងប្រវតិ្តសាស្ត្រ របស់មនុស្សរស់នៅក្នុងសម័យដើមជាច្រើន ស្ថិតក្នុងសត វត្សរ៍ទី២។លោក បន្តទៀតថា ការធ្វើកំណាយសង្គ្រោះផ្លូវវាងក្រវ៉ាត់ក្រុងទី៣នេះ គឺធ្វើឡើងដើម្បីការអភិវឌ្ឍន៍ប្រទេសជាតិ និងសេចកី្តសុខរបស់ប្រជាពលរដ្ឋកម្ពុជា។ កិច្ចការខាងលើនេះ គឺក្រសួងវប្បធម៌ និងវិចិត្រសិល្បៈ សហការជាមួយក្រសួងសាធារណការ និងដឹកជញ្ជូន ក្រសួងសេដ្ឋកិច្ច និងហិរញ្ញវត្ថុ ហើយ និងក្រុមហ៊ុនសាងសង់ផ្លូវ SCG បានបើកការធ្វើកំណាយសង្គ្រោះស្ថានីយទួលអស់លោក ចាប់ផ្តើមពីថ្ងៃទី១៩ ខែឧសភា រហូតដល់ថ្ងៃទី០៥ ខែមិថុនា ឆ្នាំ២០២១ ដែលមានរយៈពេល៣សប្តាហ៍។ ប៉ុន្តែគម្រោងក្នុងការធ្វើកំណាយសង្គ្រោះនេះ ត្រូវបានបញ្ចប់មុនកាលកំណត់។លោក វឿន វុទី្ធ បានបញ្ជាក់ទៀតថា ក្នុងដំណើរការធ្វើកំណាយនេះ មានមន្ត្រីចូលរួមចំនួន២៨នាក់ បានរកឃើញសមុច្ច័យជាច្រើន ដែលទទួលបានក្រោយការធ្វើកំណាយ ទន្ទឹមនឹងនោះមន្ត្រីជំនាញ បានដឹកយកមករក្សាទុកនៅមនី្ទរពិសោធន៍ ក្នុងនោះ មានមន្រី្តជំនាញចំនួន១០នាក់ទៀត បានធ្វើការសិក្សាវិភាគបន្តនៅក្នុងក្រសួងវប្បធម៌ និងវិចិត្រសិល្បៈ៕អត្ថបទ រដ្ឋា

មន្ត្រីជំនាញ ៖ សត្វគោដែលបានកើតជំងឺដុំពក នៅខេត្តព្រះវិហារ និងឧត្តរមានជ័យ បានជាសះស្បើយហើយ

ភ្នំពេញ ៖ ឯកឧត្តម តាន់ ផាន់ណារ៉ា អគ្គនាយកនៃអគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ បានអះអាងថា សត្វគោជាច្រើនក្បាលដែលបានកើតជំងឺដុំពកនោះ រហូតមកដល់ថ្ងៃនេះ បានជាសះស្បើយស្ទើរតែមួយរយភាគរយហើយ ។ថ្លែងប្រាប់អ្នកយកព័ត៌មាន កាលពីថ្ងៃទី៣ ខែមិថុនា ម្សិលមិញនេះ ឯកឧត្តម តាន់ ផាន់ណារ៉ា បានលើកឡើងថា សត្វគោដែលបានកើតជំងឺដុំពកនៅខេត្តព្រះវិហារ និងខេត្តឧត្តរមានជ័យនោះ គឺបានឆ្លងមកពីប្រទេសថៃ តាមរយៈចំណីសត្វដែលបងប្អូនប្រជាកសិករទិញមកបំប៉នគោរបស់ពួកគាត់ ប៉ុន្តែទោះជាយ៉ាងនេះក្តី សត្វគោដែលបានកើតនោះ វាមិនទាន់ដល់កម្រិតធ្ងន់ធ្ងរនោះទេ ដោយសារពួកគាត់ ប្រញាប់រាយការណ៍មកអាជ្ញាធរទាន់ពេលវេលា ហើយធ្វើការទប់ស្កាត់បានរហ័សផងដែរ។សូមរំលឹកថា ជំងឺដុំពកស្បែកគោ ក្របី (Lumpy Skin Disease-LSD) ជាជំងឺបង្កដោយវីរុសក្នុងក្រុមPoxviridac នៃប្រភេទ Capripoxvirus ដែលបានផ្ទុះឡើងជាលើកដំបូងនៅប្រទេសហ្សំប៊ី (Zambia) នៅឆ្នាំ១៩២៩ ហើយវាបានឆ្លងរាលដាលពាសពេញពិភពលោកក្នុងនោះ មានទ្វីបអាហ្វ្រិក មជ្ឈិមបូព៌ា អឺរ៉ុបប៉ែកអាគ្នេយ៍ អាស៊ីកណ្តាល អាស៊ី ខាងត្បូង និងប្រទេសចិន ដែលបង្កផលប៉ះពាល់យ៉ាងធ្ងន់ធ្ងរ ដល់គ្រួសារកសិករចិញ្ចឹមសត្វ និងសេដ្ឋកិច្ចជាតិ។ ជំងឺដុំពកស្បែកគោនេះ បានឆ្លងមកប្រទេសកម្ពុជា កាលពីខែ ឧសភា ឆ្នាំ២០២១ កន្លងទៅនេះ។ភ្លាមៗបន្ទាប់ពីមានសេចក្តីរាយការណ៍ពីបងប្អូនប្រជាកសិករ ដែលគោរបស់ពួកគាត់បានកើតនូវជំងឺប្រាប់ដល់អាជ្ញាធរនោះ ឯកឧត្តម វេង សាខុន រដ្ឋមន្ដ្រីក្រសួងកសិកម្ម រុក្ខប្រមាញ់ និងនេសាទ បានណែនាំមន្ត្រីជំនាញឲ្យចុះអនុវត្តវិធានការចាំបាច់ និងបន្ទាន់នានាដើម្បីបង្ការ និងទប់ស្កាត់ការឆ្លងរាលដាល នៃជំងឺពកស្បែកគោ ក្របី (Lumpy Skin Disease-LSD) ដែលបានកើតនៅប្រទេសកម្ពុជាយើងនេះ។បើតាមសារាចរណែនាំរបស់ឯកឧត្តម វេង សាខុន បានលើកឡើងទៀតថា «ដើម្បីទប់ ស្កាត់ការឆ្លងរាលដាល ជំងឺដុំពកស្បែកគោ ក្របី ចូលមកព្រះរាជាណាចក្រកម្ពុជា ឱ្យមានប្រសិទ្ធភាពខ្ពស់នោះ ក្រសួងកសិកម្ម រុក្ខាប្រមាញ់ និងនេសាទ សូមធ្វើការណែនាំ ដល់អគ្គនាយកដ្ឋាន សុខភាពសត្វ និងផលិតកម្មសត្វ មន្ទីរកសិកម្ម រុក្ខាប្រមាញ់ និងនេសាទ និងការិយាល័យផលិតកម្ម និងបសុព្យាបាល រាជធានី-ខេត្ត ជាពិសេស បណ្ដាខេត្ត ជាប់ព្រំដែន ប្រទេសវៀតណាម និងប្រទេសថៃ ត្រូវអនុវត្ត និងចូលរួមសហការ ជាមួយអង្គភាព និងអាជ្ញាធរមូលដ្ឋានពាក់ព័ន្ធនោះ»។យ៉ាងណាក៏ដោយសត្វគោរបស់បងប្អូនប្រជាកសិករ ដែលបានកើតនូវជំងឺដុំពកនៅខេត្តទាំងពីរនៅប្រទេសកម្ពុជានេះ គឺបានជាសះស្បើយស្ទើរតែមួយរយភាគរយហើយ ការឆ្លងថ្មីក៏មិនទាន់មានទៀតនោះដែរ។ នេះបើតាមការបញ្ជាក់ពីឯកឧត្តម តាន់ ផាន់ណារ៉ា អគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ៕អត្ថបទ ៖ បាន ចក់

ប្រភេទអាជីវកម្មមួយចំនួន ក្នុងភូមិព្រៃទា១ជាតំបន់លឿងទុំ ត្រូវបានបិទទ្វារ

ភ្នំពេញ៖ បន្ទាប់ពីរដ្ឋបាលរាជធានីភ្នំពេញ បានប្រកាសកំណត់ភូមិព្រៃទា១ សង្កាត់ចោមចៅទី៣ ខណ្ឌពោធិ៍ សែនជ័យ ដែលមានអត្រាការឆ្លងជំងឺកូវីស-១៩កើនឡើង ជាតំបន់លឿងទុំ ដើម្បីទប់ស្កាត់ការឆ្លងរាលដាលនៃជំងឺនេះ កាលពីម្សិលមិញហើយនោះ ឃើញថានៅថ្ងៃទី០៣ ខែមិថុនានេះ ប្រភេទអាជីវកម្មមួយ ចំនួន ក្នុងភូមិព្រៃទា១ ត្រូវបានបិទ។បើតាមប្រភពព័ត៌មានពីកងកម្លាំងសមត្ថកិច្ច ដែលកំពុងធ្វើការត្រួតពិនិត្យយ៉ាងតឹងរឹងនៅគោល ដៅនេះ បានប្រាប់BTVឱ្យដឹងថា ក្រៅពីប្រភេទអាជីវកម្មមួយចំនួន ពុំអនុញ្ញាតឱ្យដំណើរការ ស្របតាម សេចក្តីសម្រេចរបស់រដ្ឋបាលរាជធានីភ្នំពេញហើយនោះ នៅគោលដៅបិទខ្ទប់ នៃភូមិព្រៃទា១នេះ ក៏ពុំអនុញ្ញាតឱ្យមានការធ្វើចរាចរចេញចូលផងដែរ លើកលែងតែករណីអ្នកត្រូវទៅយកសំណាក ចាក់វ៉ាក់សាំង ការពារជំងឺកូវីដ-១៩ និងករណីសុខភាពសង្គ្រោះបន្ទាន់។កាលពីថ្ងៃទី០២ ខែមិថុនា នេះ រដ្ឋបាលរាជធានីភ្នំពេញ បានចេញសេចក្តីសម្រេច ស្តីពីការដាក់ចេញ នូវវិការរដ្ឋបាល ដោយផ្អាកជាបណ្តោះអាសន្នចំពោះសកម្មភាពការងារ មុខរបរ ឬអាជីវកម្ម ដែលមាន ហានិភ័យខ្ពស់ នៃការឆ្លងរាលដាលជំងឺកូវីដ-១៩ និងការជួបជុំ ឬការប្រមូលផ្តុំមនុស្សជាលក្ខណៈឯកជន នៅក្នុងភូមិសាស្ត្ររាជធានីភ្នំពេញ សម្រាប់រយៈពេល១៤ថ្ងៃ ដោយគិតចាប់ពីថ្ងៃទី៣ ខែមិថុនានេះ រហូត ដល់ថ្ងៃទី១៦ ខែមិថុនា ឆ្នាំ២០២១។ផ្នែកខ្លះ នៃភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ និងភូមិផ្សារតូច នៃសង្កាត់ទួល សង្កែទី១ ខណ្ឌឫស្សីកែវ ត្រូវបានកំណត់ជាតំបន់លឿងទុំ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ នៅមានអនុភាពអនុវត្តបន្ត រហូតដល់អស់សុពលភាព ឬ មានការសម្រេចជាថ្មី ៕ អត្ថបទ៖ ជៀប សម្បត្តិ

ដំណើរការចាក់វ៉ាក់សាំងកូវីដ១៩ដូសទី២ ជូនពលរដ្ឋទូទៅនៅខណ្ឌច្បារអំពៅ នឹងចាប់ផ្តើមនៅថ្ងៃទី៨ ខែមិថុនាខាងមុខ

ភ្នំពេញ៖ លោក អៀង ផានិត ប្រធានក្រុមទី១៣ នៃសម្ព័ន្ធគ្រូពេទ្យសហភាពសហព័ន្ធយុវជនកម្ពុជា ប្រចាំមណ្ឌលសាលាបឋមសិក្សាបឹងឈូកប្រជុំវង្ស ស្ថិតក្នុងសង្កាត់និរោធ ខណ្ឌច្បារអំពៅបញ្ជាក់ ថា សម្ព័ន្ធគ្រូពេទ្យសហភាពសហព័ន្ធយុវជនកម្ពុជា ប្រចាំមណ្ឌលសាលាបឋមសិក្សាបឹងឈូកប្រជុំវង្ស គឺមានសមាជិកចំនួន ០២ក្រុម ដោយចាប់ផ្តើមយុទ្ធនាការចាក់វ៉ាក់សាំងស៊ីណូវ៉ាក់ ដូសទី១ ចាប់ពីថ្ងៃទី២៥ ខែឧសភា រហូតដល់ថ្ងៃទី០៧ ខែមិថុនា ឆ្នាំ២០២១ ដោយឡែកសម្រាប់ដូសទី២ ចាប់ពីថ្ងៃទី៨ ខែមិថុនា ឆ្នាំ២០២១។លោក អៀង ផានិត ប្រាប់BTV ព័ត៌មាននាព្រឹកថ្ងៃទី០៣ ខែមិថុនា ឆ្នាំ២០២១បន្តថា ក្នុងយុទ្ធនាការចាក់វ៉ាក់សាំង Sinovace ដូសទី១ ចាប់ពីថ្ងៃទី២៥ ខែឧសភា រហូតមកដល់ថ្ងៃទី៣ ខែមិថុនា ឆ្នាំ២០២១នេះ ជូនមន្រី្តរាជការ និងប្រជាពលរដ្ឋ បានចំនួនជិត ៦០០០នាក់ ក្រោយពេលបញ្ចប់សម្រាប់ដូសទី១នោះ ក្រុមការងារនឹងបន្តចាក់នូវដូសទី២ជូនដល់បងប្អូនបប្រជាពលរដ្ឋ លោកបានអំពាវនាវដល់ពលរដ្ឋនៅខណ្ឌច្បារអំពៅ រួសរាន់មក ទទួលការចាក់វ៉ាក់បង្ការជំងឺកូវីដ-១៩ ឲ្យបានគ្រប់ៗគ្នា ហើយបើយើងចូលរួមបានទាំងអស់គ្នា នោះយើងហ្នឹងទប់ស្កាត់ជំងឺកូវីដ១៩ ក្នុងប្រទេសកម្ពុជា ក៏ជាពិភពលោក ដែលកំពុងវិបត្តិកូវីដ១៩ នេះ។ដោយឡែកប្រជាពលរដ្ឋ យុវជនរស់នៅក្នុងមូលដ្ឋានខណ្ឌច្បារអំពៅ មកទទួលការចាក់វ៉ាក់សាំងបង្ការជំងឺកូវីដ-១៩ នៅថ្ងៃនេះ បានបង្ហាញពីទឹកចិត្តសប្បាយរីករាយដែលមកទទួលយកវ៉ាក់សាំង និងសូមថ្លែងអំណរគុណជូនចំពោះប្រមុខថ្នាក់ដឹកនាំក៏ដូចជាក្រសួងសុខាភិបាល និងក្រុមការងារគ្រូពេទ្យជួរមុខទាំងអស់ ដែលស្វះស្វែងរកវ៉ាក់សាំងចាក់ជូនពលរដ្ឋនិង ខិតខំបំពេញការងារយ៉ាងល្អលើការចាក់វ៉ាក់សាំងការពារការឆ្លងកូវីដ១៩នេះ៕ អត្ថបទ៖ រដ្ឋា

អគ្គស្នងការរងនគរបាលជាតិ ជំរុញដល់នគរបាលអត្តសញ្ញាណប័ណ្ណទាំងអស់ពន្លឿនការធ្វើអត្តសញ្ញាណប័ណ្ណ ជូនពលរដ្ឋ

ភ្នំពេញ ៖ ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានជំរុញដល់មន្ត្រីនគរបាល ជំនាញអត្តសញ្ញាណកម្មទាំងអស់ ត្រូវពន្លឿនការធ្វើអត្តសញ្ញាណប័ណ្ណ ជូនប្រជាពលរដ្ឋ ចាប់ពីអាយុ១៧ឆ្នាំឡើងទៅ ឱ្យបានច្រើន ដើម្បីប្រជាពលរដ្ឋយកទៅប្រើប្រាស់សម្រាប់ចុះឈ្មោះ និងទៅបោះឆ្នោតនៅឆ្នាំ២០២២ និង ឆ្នាំ២០២៣ ខាងមុខឱ្យបានគ្រប់គ្នា នៅគ្រាដែលពេលវេលានៃការរៀបចំបោះឆ្នោតក្រុមប្រឹក្សាឃុំសង្កាត់ និងបោះឆ្នោតជ្រើសរើសតំណាងរាស្ត្រ កាន់តែខិត ជិតមកដល់ហើយនោះ។ការជំរុញរបស់ស្នងការនគរបាលរាជធានីភ្នំពេញនេះ គឺបានធ្វើឡើងនៅក្នុងកិច្ចប្រជុំ តាមរយៈវីដេអូពីចម្ងាយ ស្តីពីត្រួតពិនិត្យលទ្ធផលសកម្មភាពអនុវត្តការងាររយៈពេល១ខែ របស់កម្លាំងនគរបាលរាជធានីភ្នំពេញ លើការងារការពារសន្តិសុខរក្សាសណ្ដាប់ធ្នាប់សុវត្ថិភាពសង្គម និងផ្តល់សេវាសាធារណៈជូនប្រជាពលរដ្ឋ នាថ្ងៃទី២ ខែមិថុនា ម្សិលមិញនេះ នៅស្នងការដ្ឋានរាជធានីភ្នំពេញ។ឯកឧត្តមឧត្តមសេនីយ៍ឯក ស ថេត បានលើកឡើងថា មន្ត្រីនគរបាលទាំងអស់ត្រូវដោះស្រាយបញ្ហាប្រជាពលរដ្ឋឱ្យបានលឿនឆាប់រហ័ស ហើយមិនត្រូវឲ្យពួកគាត់មានការថ្នាំងថ្នាក់នោះឡើយ ។ឯកឧត្តម ក៏បាន ព្រមានដាក់វិន័យចំពោះមន្ត្រីនគរបាលដែលអនុវត្តការងារមិនល្អនៅមូលដ្ឋាន និងមិនបានយកចិត្តទុកដាក់បំរើផលប្រយោជន៍ប្រជាពលរដ្ឋជាធំផងដែរ។ឧត្តមសេនីយ៍ឯក ស ថេត បានលើកឡើងទៀតថា «លោកអធិការនៃអធិការដ្ឋាននគរបាលខណ្ឌទាំង១៤ ត្រូវយកចិត្តទុកដាក់ និងប្រុងប្រយ័ត្នចំពោះបទល្មើសវិធានក្រសួងសុខាភិបាលដែលបង្កឱ្យមានហានិភ័យរីករាលដាលជំងឺកូវីដ-១៩។ ក្នុងករណីដែលបណ្តែតបណ្តោយឱ្យមានការបើកក្លឹបកម្សាន្តជួបជុំគ្នាផឹកស៊ី ច្រៀងរាំសប្បាយល្មើសវិធានក្រសួងសុខាភិបាល គឺលោកអធិការនៃអធិការដ្ឋាននគរបាលខណ្ឌទាំង១៤ ត្រូវទទួលខុសត្រូវចំពោះមុខថ្នាក់លើ ហើយកុំឆ្លើយថាបទល្មើសកើតហើយថា មិនដឹងនោះ»។ក្នុងកិច្ចប្រជុំនោះដែរ ឯកឧត្តមឧត្តមសេនីយ៍ឯក ស ថេត ក៏បានដាក់ចេញនូវការអនុវត្តវិធានការពង្រឹងច្បាប់ចរាចរណ៍ផ្លូវគោកឡើងវិញ នៅក្នុងរាជធានីភ្នំពេញ នៅបន្ទាប់ដែលរាជធានីភ្នំពេញត្រូវបាន ដកបម្រាមបិទខ្ទប់អត្រា នៃបទល្មើសមិនគោរពច្បាប់ចរាចរណ៍បានកើត និងកើនឡើងវិញដែលគិតជាមធ្យម ក្នុងរយៈពេល០២ថ្ងៃ យ៉ាងហោចណាស់មានមនុស្ស១នាក់ស្លាប់។ ជាងនេះថែមទៀតក៏បានណែនាំដល់កម្លាំងនគរបាលអធិការដ្ឋានខណ្ឌ ដែលជាប់នឹងទន្លេត្រូវអនុវត្តរបស់សេចក្តីណែនាំរបស់រដ្ឋបាលរាជធានីភ្នំពេញ ក្នុងការឱ្យរុះរើបែរចិញ្ចឹមត្រី និងផ្ទះបណ្តែតទឹក ឱ្យចេញពីភូមិសាស្ត្ររាជធានីភ្នំពេញ ដើម្បីការពារនិរន្តភាពបរិស្ថានទឹកទន្លេស្អាត ពីព្រោះការចិញ្ចឹមត្រី និងការធ្វើផ្ទះបណ្តែតទឹកទន្លេបង្កឱ្យប៉ះពាល់បរិស្ថានធ្ងន់ធ្ងរផងដែរ៕អត្ថបទ ៖ បាន ចក់

គ្រូពេទ្យ បន្តស្នើដល់ពលរដ្ឋដែលចាក់វ៉ាក់សាំងរួចចូលរួមអនុវត្តវិធានសុខាភិបាល

ភ្នំពេញ ៖ ពលរដ្ឋរស់នៅក្នុងខណ្ឌ៧មករា នៅថ្ងៃទី០៣ ខែមិថុនានេះ បន្តមកចាក់វ៉ាក់សាំង Sinovac ដូសទី១ ក្នុងទីតាំងសាលាបឋមសិក្សាសំពៅមាស។ តាមការគ្រោងទុកការចាក់វ៉ាក់សាំងដូសទី១ ជូនពលរដ្ឋនៅ ខណ្ឌនេះ នឹងបញ្ចប់នៅថ្ងៃទី៧ ខែមិថុនា ខាងមុខនេះ។ គ្រូពេទ្យ បន្តស្នើដល់ពលរដ្ឋដែលចាក់វ៉ាក់សាំងរួច ចូលរួមអនុវត្តវិធានសុខាភិបាល។ក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនពលរដ្ឋទូទៅក្នុងខណ្ឌ៧មករា នាថ្ងៃនេះ លោក វេជ្ជបណ្ឌិត អ៊ុក សីហា អនុប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានស្នើដល់ពលរដ្ឋ ដែលបានចាក់វ៉ាក់សាំងរួចហើយ ស្តាប់តាមការណែនាំរបស់ក្រុមគ្រូពេទ្យ ដើម្បីប្រសិទ្ធភាពវ៉ាក់សាំង ពោលគឺកុំទាន់ទទួលទានគ្រឿងស្រវឹង និងបរិភោគចំណីហឹរ និងបើទោះបីទទួលបានការចាក់វ៉ាក់ សាំងរួចហើយ កុំភ្លេចការពារខ្លួន ដោយត្រូវអនុវត្តវិធានការបីកុំ បីការពារ។សម្រាប់ពលរដ្ឋមកចាក់វ៉ាក់សាំងក្នុងទីតាំងសាលាបឋមសិក្សាសំពៅមាស ស្ថិតក្នុងខណ្ឌ៧មករា រាជធានីភ្នំពេញ បានលើកឡើងថា ពួកគេ នឹងបន្តអនុវត្តតាមការណែនាំរបស់ក្រុមគ្រូពេទ្យ ក្រោយចាក់វ៉ាក់ សាំងរួច ដើម្បីប្រសិទ្ធភាពវ៉ាក់សាំង។ការចាក់វ៉ាក់សាំងកូវីដ-19 គឺជាមធ្យោបាយមួយ ក្នុងចំណោមវិធានការសុខាភិបាលចាំបាច់ដទៃ ទៀត ដែលនឹងបង្ការការរាតត្បាត ការចម្លងជំងឺកូវីដ-19 និងកាត់បន្ថយផលប៉ះពាល់ នៃជំងឺកូវីដ-19 ទៅ លើវិស័យសេដ្ឋកិច្ច និងសង្គម។បើតាមផែនការមេ របស់គណៈកម្មការចំពោះកិច្ចចាក់វ៉ាក់សាំងកូវីដ-19 ក្នុងក្របខណ្ឌទូទាំង ប្រទេស មានគោលដៅចាក់ជូនពលរដ្ឋ១០លាននាក់ ឬ៦២ភាគរយ នៃប្រជាពលរដ្ឋសរុប នៅត្រឹមពាក់ កណ្តាលឆ្នាំក្រោយ៕អត្ថបទ៖ ទូច សោភ័ណ

រោងចក្រចំនួន១០ផ្សេងទៀតក្នុងខណ្ឌមានជ័យ បានផ្អាកបណ្តោះអាសន្ន ដោយសារមានកម្មករឆ្លងជំងឺកូវីដ-១៩

ភ្នំពេញ ៖ មានរោងចក្រចំនួន១០បន្ថែមទៀង ក្នុងខណ្ឌមានជ័យ រាជធានីភ្នំពេញ បានផ្អាកបណ្តោះអាសន្ន ក្រោយមានការឆ្លងជំងឺកូវីដ-១៩ ។ គិតរហូតមកទល់ពេលនេះ មានរោងចក្រចំនួន ១៧រោងចក្រ បានប្រកាសផ្អាកបណ្តោះអាសន្ន ហើយកម្មករនិយោជិតដែលរកឃើញវិជ្ជមានកូវីដ-១៩ សរុបចំនួនជាង៥០០នាក់។លោក ពេជ្រ កែវមុនី អភិបាលខណ្ឌមានជ័យ មានប្រសាសន៍ប្រាប់នៅព្រឹកថ្ងៃទី៣ មិថុនា ឆ្នាំ២០២១នេះថា រោងចក្រចំនួន១០ ដែលជាប់ពាក់ព័ន្ធនឹងករណីវិជ្ជមានកូវីដ-១៩ ស្ថិតក្នុងសង្កាត់ស្ទឹងមានជ័យ២ និងស្ទឹងមានជ័យ៣។ លោក បន្តថា តាមការសាកសួរព័ត៌មាននានា និងតាមការវាយតម្លៃសន្និដ្ឋាន ការឆ្លងជំងឺនេះ គឺមានច្រើនសណ្ឋាន ដូចជា ជួនកាលឆ្លងពីខេត្តក៏មាន ពីក្នុងសហព័ន្ធរស់នៅក៏មាន ជួនកាលឆ្លងដែលកើតចេញពីរោងចក្រផ្ទាល់ក៏មាន។ទាក់ទងនឹងរោងចក្របិទបណ្តោះអាសន្ន និងអនុញ្ញាតឲ្យបើកដំណើរការឡើងវិញនេះ លោកបានបញ្ជាក់ថា ក្នុងករណីរោងចក្រណា មិនចូលរួមអនុវត្ត ឬគោរពតាមគោលការវិធានការសុខាភិបាល ដែលនាំឲ្យផ្ទុះការឆ្លងរាលដាលកូវីដ-១៩ឡើងវិញ រោងចក្រទាំងនោះ នឹងប្រឈមការបិទ ឬឈានដល់ការដកអាជ្ញាប័ណ្ណក៏មាន ដែលយោងតាមស្ថានភាពជាក់ស្តែងពីការពិនិត្យ និងវាយតម្លៃរបស់អាជ្ញាធរមានសមត្ថកិច្ច។លោកអភិបាលខណ្ឌ បានបន្ថែមថា គ្រប់រោងចក្រទាំងអស់ដែលជាប់ពាក់ព័ន្ធកូវីដ-១៩ ដែលមានសិទ្ធិបើកដំណើរការអាជីវកម្មវិញ បន្ទាប់ពីផ្អាកបណ្តោះអាសន្នរយៈពេល ត្រូវរងចាំការត្រួតពិនិត្យ និងវាយតម្លៃឡើងវិញរបស់អាជ្ញាធរដែនដី និងក្រសួងការងារ និងបណ្តុះបណ្តាលវិជ្ជាជីវៈ នៅក្នុងរោងចក្រផ្ទាល់សិន ទើបអនុញ្ញាតឲ្យដំណើរការធម្មតាវិញបាន៕អត្ថបទ ឈិត បូរ៉ាវី

ប្រធានរដ្ឋសភាកម្ពុជា និងវៀតណាម សន្យាបង្កើនកិច្ចសហប្រតិបត្តិការ ដើម្បីស្តារសេដ្ឋកិច្ចនិងការ អភិវឌ្ឍប្រទេសទាំងពីរក្រោយពីកូវីដ-១៩

ភ្នំពេញ ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា បានជួបសន្ទនាការងារជាមួយ ឯកឧត្តម វឿង ឌីញ ហ្វេ (Vuong Dinh Hue) ប្រធានរដ្ឋសភា នៃសាធារណរដ្ឋសង្គមនិយមវៀតណាម នៅព្រឹកថ្ងៃទី៣ ខែមិថុនា ឆ្នាំ២០២១ តាមប្រព័ន្ធវីដេអូ ដែលភ្ជាប់ពីវិមានរដ្ឋសភាកម្ពុជា ទៅកាន់រដ្ឋសភាវៀតណាម។ នៅក្នុងកិច្ចសន្ទនានោះ ថ្នាក់ដឹកនាំសភាពប្រទេសទាំងពីរវាយតម្លៃខ្ពស់ពោះសមិទ្ធផលជាច្រើននៅគ្រប់វិស័យ ដែលប្រទេសទាំងពីរសម្រេចបានទាំងនៅស្ថាប័ននីតិប្បញ្ញត្តិនិងនីតិប្រតិបត្តិ ក្រោយកិច្ចសហប្រតិបត្តិការដ៏ល្អ ជាប្រពៃណីនិងមិត្តភាព ដែលមានតាំងពីយូរមកហើយនោះ។សម្តេចអគ្គមហាពញាចក្រី ហេង សំរិន បានលើកឡើងថា មិត្តភាព សាមគ្គីភាពជាប្រពៃណី និងកិច្ចសហប្រតិបត្តិការដ៏ជិតស្និទ្ធនៃប្រទេសទាំងពីរ ជាទ្រព្យសម្បត្តិដ៏មានតម្លៃមហាសាលសម្រាប់ប្រជាជាតិទាំងសងខាង។ ដោយសារមរតកនៃមិត្តភាពយូរអង្វែងនេះហើយ បានធ្វើឱ្យកិច្ចសហប្រតិបត្តិការស្ទើគ្រប់វិស័យ ជាពិសេសទំហំពាណិជ្ជកម្មទ្វេភាគីរវាងប្រទេសទាំងពីរ នៅតែបន្តកើនឡើងខ្ពស់នៅដើមឆ្នាំ២០២១នេះ ទោះបីស្ថិតនៅក្នុងស្ថានភាពវិបត្តិជំងឺកូវីដ-១៩ យ៉ាងណាក្តី ។សម្តេច មានប្រសាសន៍បន្តថា រដ្ឋសភាកម្ពុជានិងវៀតណាម បានរួមគ្នាកសាងនូវសមិទ្ធផលជាច្រើន ទាំងក្នុងក្រប ខណ្ឌទ្វេភាគីនិងពហុភាគី។ ជាមួយគ្នានេះរដ្ឋសភាទាំងពីរប្រទេសបានរក្សា និងអនុវត្តស្មារតីកិច្ចព្រមព្រៀងសហប្រតិបត្តិការជាមួយគ្នាបានយ៉ាងល្អប្រសើរ និងបានធ្វើបច្ចុប្បន្នភាពកិច្ចព្រមព្រៀងនេះជាបន្តបន្ទាប់ សំដៅឱ្យកិច្ចសហប្រតិបត្តិការវិស័យការទូតសភានៃប្រទេសទាំងពីរ ឆ្លើយតបទៅ នឹងការវិវឌ្ឍនៃទំនាក់ទំនង និងកិច្ចសហប្រតិបត្តិការទ្វេភាគី និងសមស្រប តាមបរិបទសកលថែមទៀតផង។ឯកឧត្តម វឿង ឌីញ ហ្វេ បានគាំទ្រការលើកឡើងរបស់សម្តេចប្រធានរដ្ឋសភាដែលថា សាមគ្គីភាពជាប្រពៃណី និងកិច្ចសហប្រតិបត្តិការដ៏ជិតស្និទ្ធនៃប្រទេសទាំងពីរ ជាទ្រព្យសម្បត្តិដ៏មានតម្លៃមហាសាលសម្រាប់ប្រជាជាតិទាំងសងខាង។ ឯកឧត្តម បានសន្យាថា នៅក្នុងអាណត្តិជាប្រធានរដ្ឋសភា ដែលទើបទទួលបានការគាំទ្រពីបក្សនិងរដ្ឋវៀតណាម ឯកឧត្តម នឹងខិតខំពង្រឹងពង្រីកចំណងមិត្តភាពប្រទេសទាំងពីរឲ្យកាន់តែរឹងមាំឡើងដើម្បីស្តារសេដ្ឋកិច្ច និងការអភិវឌ្ឍប្រទេសទាំងពីរឲ្យកាន់តែរីកចម្រើនឡើង នៅក្រោយពីវិបត្តិកូវីដ-១៩ បានបញ្ចប់ទៅ។ថ្នាក់ដឹកនាំរដ្ឋសភាកម្ពុជា និងវៀតណាមបានសន្យារួមគ្នានៅក្នុងការបន្តជំរុញឱ្យសម្រេចបាននៅគ្រប់ចំណុចអាទិភាពនៅក្នុងកិច្ចព្រមព្រៀងដែលរដ្ឋសភាប្រទេសទាំងពីរ បានចុះហត្ថលេខាកាលពីឆ្នាំ២០១៩ នៅក្នុងនោះ មានការផ្លាស់ប្តូរដំណើរទស្សនកិច្ចគ្នាទៅវិញទៅមកនៅគ្រប់កម្រិត ពិសេសជំរុញសកម្មភាព ក្រុមមិត្តភាពសមាជិកសភាវ័យក្មេង និងសមាជិកសភាជាស្ត្រីឱ្យមានសកម្មភាពឡើង។ រដ្ឋសភាប្រទេសទាំងពីរ បន្តគាំទ្រគ្នាទៅវិញទៅមកនៅលើវេទិកា អន្តរសភា ទាំងនៅក្នុងតំបន់និងសកលលោក។សម្តេចអគ្គមហាពញាចក្រី ហេង សំរិន និងឯកឧត្តម វឿង ឌីញ ហ្វេ បានវាយតម្លៃខ្ពស់ និងអបអរសាទរចំពោះលទ្ធផលបោះបង្គោលព្រំដែនប្រទេសទាំងពីរសម្រេចបាន៨៤% ហើយសង្ឃឹមថា រដ្ឋាភិបាលប្រទេសទាំងពីរនឹងសម្រេច ការងារដែលនៅសេសសល់ប្រមាណ១៦%ទៀត ក្នុងពេលឆាប់ៗនេះ ដើម្បីប្រែក្លាយខ្សែព្រំដែនកម្ពុជា-វៀតណាម ជាព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍ ដើម្បីភាពសុខសាន្ត និងការរីកចម្រើនរបស់ប្រជាជនយើងទាំងពីរ។ឆ្លៀតឱកាសនោះ សម្តេចអគ្គមហាពញាចក្រី ហេង សំរិន បានថ្លែងអំណរគុណដល់រដ្ឋសភាវៀតណាម ដែលបានផ្តល់ជំនួយថវិកាប្រមាណ ២៥លានដុល្លារ ដល់រដ្ឋសភាកម្ពុជា ក្នុងកសាងអគាររដ្ឋបាល ដែលមកដល់ពេលនេះ គម្រោងបានកំពុងដំណើរការសិក្សាលើការងារបច្ចេកទេស។ នៅចុងឆ្នាំនេះ ឬដើមឆ្នាំក្រោយ នឹងរៀបចំពិធីបើកការដ្ឋានសាងសង់ ដែលនៅពេលនោះរដ្ឋសភាកម្ពុជា នឹងគោរពអញ្ជើញថ្នាក់ដឹកនាំប្រទេសវៀតណាមមកចូលរួមផងដែរ៕

រាជរដ្ឋាភិបាលអនុញ្ញាតឲ្យភាគីអាមេរិក ទៅមើលតំបន់មួយចំនួននៅសមុទ្ររាម ដើម្បីជម្រះមន្ទិល ដែលចោទកម្ពុជាថា ផ្តល់មូលដ្ឋានឲ្យកងទ័ពចិន

ភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិកម្ពុជាបានថ្លែងថា រាជរដ្ឋាភិបាលកម្ពុជា បានសម្រេចអនុញ្ញាតឲ្យអនុព័ន្ធយោធា ឬមន្ត្រីទូតអាមេរិកប្រចាំនៅប្រទេសកម្ពុជា ទៅពិនិត្យតំបន់មួយចំនួននៅមូលដ្ឋានសមុទ្ររាម ដែលជាទីកន្លែងអាមេរិកបានចោទកម្ពុជាថា ផ្តល់មូលដ្ឋានឲ្យកងទ័ពចិននោះ។ថ្លែងប្រាប់ទូរទស្សន៍BTV តាមរយៈទូរស័ព្ទ នាព្រឹកថ្ងៃទី៣ ខែមិថុនា ឆ្នាំ២០២១នេះ សម្តេចពិជ័យសេនាទៀ បាញ់ បានលើកឡើងថា ក្រោយពីមានការឯកភាពរបស់សម្តេចតេជោ ហ៊ុន សែន នាយករដ្ឋមន្ត្រី ក្រសួងការពារជាតិ បានសម្រេចឲ្យខាងភាគីអាមេរិកចុះត្រួតពិនិត្យកន្លែងមួយចំនួននៅក្នុងមូលដ្ឋានសមុទ្ររាម ដែលគេបានចោទប្រកាន់កម្ពុជាម្តងហើយ ម្តងទៀតថា កម្ពុជាយើងបានអនុញ្ញាតឲ្យកងទ័ពចិន ដាក់មូលដ្ឋាននៅទីនោះ។ តែយ៉ាងណាក៏ដោយសម្តេចពិជ័យសេនា ទៀ បាញ់ មិនទាន់កំណត់ពេលវេលាច្បាស់លាស់ថា ភាគីអាមេរិកនឹងទៅមើលពេលណានោះទេ ខណៈភាគីអាមេរិក កំពុងធ្វើសំណើមកកម្ពុជានោះ។សម្តេចពិជ័យសេនា ទៀ បាញ់ បានសង្កត់ធ្ងន់ថា«យើងមិនបានហាមប្រាមក្នុងការស្នើសុំរបស់អាមេរិកទេ ហើយគេជាអ្នកចោទយើងខ្លួនឯង។ គេលើកគេដាក់អ្វីក៏ខ្លួនឯង ដូច្នេះដើម្បីឲ្យអស់សង្ស័យ យើងអនុញ្ញាតឲ្យគេទៅត្រួតពិនិត្យផ្ទាល់ ប៉ុន្តែមិនមែនឲ្យត្រួតគ្រប់ទីកន្លែងស្រេចតែចិត្តគេចង់បាននោះទេ ធម្មតាកន្លែងកងទ័ព នៃប្រទេសនីមួយៗមិនចេះតែបង្ហាញផ្ដេសផ្ដាសនោះឡើយ ហើយការចុះពិនិត្យនេះ គឺយើងបានកំណត់ច្បាស់លាស់ ពោលគឺឲ្យចំកន្លែងដែលគេសង្ស័យយើងតែប៉ុណ្ណោះ»។ប្រមុខការពារជាតិរូបនេះ បានបញ្ជាក់ប្រាប់ទូរទស្សន៍ប៊ីធីវីទៀតថា នាពេលនេះ ក្រុមការងារក្រសួងការពារជាតិកម្ពុជា និងក្រុមការងាររបស់ភាគីអាមេរិក កំពុងធ្វើកិច្ចការងារទាំងនេះហើយ ដូច្នេះវានឹងដំណើរការពេលឆាប់នេះ ដើម្បីជម្រះឲ្យអស់មន្ទិលសង្ស័យ និងឲ្យគេអស់ចិត្តកុំឲ្យពួកគេចេះតែចោទកម្ពុជាម្តងហើយម្តងទៀត ឥតឈប់ឈរនោះ។សូមបញ្ជាក់ថា ការអនុញ្ញាតឲ្យភាគីអាមេរិកចូលមើលតំបន់មួយចំនួននៅមូលដ្ឋានសមុទ្ររាមរបស់កម្ពុជានេះ គឺបានធ្វើឡើងបន្ទាប់ពីលោកស្រី Wendy Ruth Sherman អនុរដ្ឋមន្ត្រីការបរទេសអាមេរិក បានស្នើសុំសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ចុះពិនិត្យមើលកំពង់ផែនេះ ក្នុងពេលជំនួបជាមួយសម្តេច ក្នុងអំឡុងពេលដែល លោកស្រីមកបំពេញទស្សនកិច្ចប្រទេសកម្ពុជា នាពេលកន្លងទៅនេះ៕អត្ថបទ ៖ បាន ចក់

សាលារាជធានីភ្នំពេញ សម្រេចផ្អាកដំណើរអាជីវកម្មមានហានិភ័យខ្ពស់សម្រាប់ការឆ្លងរីករាលដាលនៃកូវីដ-១៩ចាប់ពីស្អែកនេះ

ភ្នំពេញ៖ សាលារាជធានីភ្នំពេញ បានសម្រេចផ្អាកជាបណ្ដោះអាសន្ននូវប្រតិបត្តិការអាជីវកម្មមួយចំនួននៅក្នុងរាជធានីភ្នំពេញ ដោយថា អាជីវកម្មទាំងនោះ មានហានិភ័យខ្ពស់នៃការឆ្លងរីករាលដាលនៃមេរោគកូវីដ-១៩។ក្នុងសេចក្ដីសម្រេចចេញនៅយប់នេះ អភិបាលរាជធានីភ្នំពេញ លោក ឃួង ស្រេង បានសម្រេចឱ្យផ្អាកដំណើរការអាជីវកម្មជាបណ្ដោះអាសន្នរយៈពេល ២សប្ដាហ៍សិន ចាប់ពីថ្ងៃទីស្អែកនេះ រហូតដល់ថ្ងៃទី១៦ ខែមិថុនា។បើតាមសេចក្ដីសម្រេចនោះ ប្រតិបត្តិការសាលារៀន អាជីវកម្មកម្សាន្ត ទីតាំងទេសចរណ៍ អាជីវកម្មម៉ាស្សា រោងភាពយន្ត និងទីតាំងសិល្បៈ និងទីតាំងហាត់ប្រាណ ឬលេងកីឡា នឹងមិនអនុញ្ញាតឱ្យដំណើរការទេនៅអំឡុងពេលនេះ។សាលារាជធានីភ្នំពេញ ក៏បានសម្រេចហាមឃាត់ផងដែរនូវការជួបជុំ ឬការប្រមូលផ្ដុំមនុស្សចាប់ពី ១៥នាក់ឡើងទៅនៅអំឡុងពេលនេះ ប៉ុន្តែ ក៏មានករណីលើកលែងមួយចំនួនផងដែរ។សាលារាជធានី ក៏បានក្រើនរំលឹកទៅម្ចាស់ ឬអ្នកគ្រប់គ្រងប្រតិបត្តិការអាជីវកម្មទាំងឡាយនៅរាជធានីភ្នំពេញ ឱ្យបង្កើនការអនុវត្តតាមវិធានការសុខភាព ដូចជា រក្សាគម្លាត វាស់កម្ដៅ និងបាញ់ទឹកអាល់កុលលាងសម្អាតដៃជាដើម ដើម្បីទប់ស្កាត់ការឆ្លងរីកដាលនៃមេរោគកូវីដ-១៩៕

បណ្ដាញសង្គម

ព័ត៌មានថ្មីៗ

វិមានក្រឹមឡាំងមិនច្រានចោលពីលទ្ធភាពមានកិច្ចប្រជុំ Putin-Trump នៅទីក្រុងប៉េកាំង ក្នុងខែកញ្ញា

វិមានក្រឹមឡាំងទទួលស្គាល់ភាពតានតឹងក្នុងទំនាក់ទំនងជាមួយអាស៊ែបៃហ្សង់ តែសង្ឃឹមថា នឹងប្រសើរឡើងវិញ

រដ្ឋទូតឥណ្ឌូនេស៊ី ត្រៀមផ្តល់ការគាំទ្រ និងកិច្ចសហការជាមួយកម្ពុជាដើម្បីប្រយុទ្ធប្រឆាំងការឆបោកតាមបច្ចេកវិទ្យា

អភិបាលខេត្តប៉ៃលិនពិនិត្យទីតាំងសាងសង់ខ្លោងទ្វារនៅច្រកទ្វារព្រំដែនអន្តរជាតិព្រំ

[UPDATE] យន្តហោះកងទ័ពអាកាសបង់ក្លាដែសធ្លាក់ចូលក្នុងបរិវេណសាលា បណ្ដាលឲ្យមនុស្សយ៉ាងតិច ១៩នាក់ ស្លាប់ និងរាប់សិបនាក់របួស

សម្តេចពិជ័យសេនា ចុះត្រួតពិនិត្យវឌ្ឍនភាពនៃការសាងសង់ស្តូបអនុស្សាវរីយ៍នយោបាយឈ្នះ ឈ្នះ ខេត្តប៉ៃលិន

ព្រះសង្ឃខេត្តស្វាយរៀងនិងសប្បុរសជន រស់នៅសហរដ្ឋអាមេរិកនាំអំណោយផ្ដល់ជូនវីរៈកងទ័ពឈរជើងទិសខេត្តព្រះវិហារ និងខេត្តឧត្តមានជ័យ

BREAKING NEWS ៖ មនុស្សយ៉ាងតិច ១៩នាក់ ស្លាប់ ដោយសារយន្តហោះកងទ័ពអាកាសបង់ក្លាដែសធ្លាក់ចូលក្នុងបរិវេណមហាវិទ្យាល័យ

នគរបាលអង់គ្លេស ចាប់ខ្លួនមនុស្ស ៦នាក់ បន្ទាប់ពីបាតុករទៅដល់សណ្ឋាគារដែលអ្នកស្វែងរកសិទ្ធិជ្រកកោន ស្នាក់នៅ

យន្តហោះរបស់ Air India រអិលចេញពីផ្លូវពេលចុះចត នៅទីក្រុង Mumbai ដោយបណ្ដាលឲ្យយន្តហោះ និងផ្លូវរត់ខូចខាត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

កំណាយសង្គ្រោះផ្លូវវាងក្រវ៉ាត់ក្រុងទី៣ បានរកឃើញភស្តុតាងប្រវតិ្តសាស្ត្រស្ថិតក្នុងសតវត្សរ៍ទី២

មន្ត្រីជំនាញ ៖ សត្វគោដែលបានកើតជំងឺដុំពក នៅខេត្តព្រះវិហារ និងឧត្តរមានជ័យ បានជាសះស្បើយហើយ

ប្រភេទអាជីវកម្មមួយចំនួន ក្នុងភូមិព្រៃទា១ជាតំបន់លឿងទុំ ត្រូវបានបិទទ្វារ

ដំណើរការចាក់វ៉ាក់សាំងកូវីដ១៩ដូសទី២ ជូនពលរដ្ឋទូទៅនៅខណ្ឌច្បារអំពៅ នឹងចាប់ផ្តើមនៅថ្ងៃទី៨ ខែមិថុនាខាងមុខ

អគ្គស្នងការរងនគរបាលជាតិ ជំរុញដល់នគរបាលអត្តសញ្ញាណប័ណ្ណទាំងអស់ពន្លឿនការធ្វើអត្តសញ្ញាណប័ណ្ណ ជូនពលរដ្ឋ

គ្រូពេទ្យ បន្តស្នើដល់ពលរដ្ឋដែលចាក់វ៉ាក់សាំងរួចចូលរួមអនុវត្តវិធានសុខាភិបាល

រោងចក្រចំនួន១០ផ្សេងទៀតក្នុងខណ្ឌមានជ័យ បានផ្អាកបណ្តោះអាសន្ន ដោយសារមានកម្មករឆ្លងជំងឺកូវីដ-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ប្រភេទ​អាជីវកម្ម​មួយចំនួន ​ក្នុងភូមិ​ព្រៃទា​១​ជា​តំបន់​លឿងទុំ ត្រូវបាន​បិទទ្វារ​

គ្រូពេទ្យ​ បន្ត​ស្នើ​ដល់​ពលរដ្ឋ​ដែល​ចាក់​វ៉ាក់សាំង​រួច​ចូលរួម​អនុវត្ត​វិធាន​សុខាភិបាល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ប្រភេទអាជីវកម្មមួយចំនួន ក្នុងភូមិព្រៃទា១ជាតំបន់លឿងទុំ ត្រូវបានបិទទ្វារ

គ្រូពេទ្យ បន្តស្នើដល់ពលរដ្ឋដែលចាក់វ៉ាក់សាំងរួចចូលរួមអនុវត្តវិធានសុខាភិបាល