BTV NEWS

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

សម្ដេចតេជោ ជំរុញឱ្យកម្ពុជា-កូរ៉េខាងត្បូងលើកកម្ពស់ទំនាក់ទំនងភាពជាដៃគូយុទ្ធសាស្រ្តគ្រប់ជ្រុងជ្រោយក្នុងឱកាសខួប៣០ឆ្នាំនៃទំនាក់ទំនងប្រទេសទាំងពីរ

នយោបាយ និង ការអភិវឌ្ឍន៍

វិទ្យាស្ថានប៉ាស្ទ័រកម្ពុជា ក្លាយជាស្ថាប័នជួរមុខមួយលើការងារប្រយុទ្ធប្រឆាំងកូវីដ-១៩

ភ្នំពេញ ៖ លោកស្រី បណ្ឌិត Laurence Baril (ឡូរ៉ង់ បារ៉ែល)នាយិកានៃវិទ្យាស្ថានប៉ាស្ទ័រកម្ពុជា បានបញ្ជាក់ថា វិទ្យាស្ថានប៉ាស្ទ័រកម្ពុជា ឆ្លើយតបសកម្ម និងមានភាពបត់បែន បានរហ័សទៅនឹងវិបតិ្តសុខភាពបង្កដោយជំងឺឆ្លងនានា។ការថ្លែងរបស់លោកស្រី បណ្ឌិត Laurence Baril យ៉ាងដូច្នេះ នៅក្នុងកិច្ចប្រជុំក្រុមប្រឹក្សាទំនាក់ទំនងប្រចាំឆ្នាំ២០២០ នៃវិទ្យាស្ថានប៉ាស្ទ័រកម្ពុជា នារសៀលថ្ងៃទី២៧ ខែឧសភា។ លោកស្រីបន្តថា ដោយ សារតែការរាតត្បាតនៃជំងឺកូវីដ-១៩ រួមជាមួយការរឹតត្បិតលើការធ្វើដំណើរ កិច្ចប្រជុំក្រុមប្រឹក្សាទំនាក់ទំនង ត្រូវរៀបចំទាំងតាមរយៈការជួបផ្ទាល់ផង និងតាមរយៈវីដេអូសន្និសីទផង អាស្រ័យទៅតាមកាលៈទេសៈ នៃអ្នកចូលរួមម្នាក់ៗ។លោកស្រីបណ្ឌិត បានបន្តថា ក្នុងឆ្នាំ២០២០ វិទ្យាស្ថានប៉ាស្ទ័រកម្ពុជា បានឈរនៅក្នុងចំណោមស្ថាប័នជួរមុខ ក្នុងការប្រយុទ្ធប្រឆាំងនឹងជំងឺកូវីដ-១៩ ដើម្បីគាំទ្រដល់ក្រសួងសុខាភិបាល និងអង្គការសុខភាពពិភពលោក។ នៅក្នុងខែមេសា ឆ្នាំ២០២០ អង្គការសុខភាពពិភពលោក បានកំណត់យកវិទ្យាស្ថានប៉ាស្ទ័រកម្ពុជា ជាមនី្ទរពិសោធន៍បង្គោលមួយ ក្នុងចំណោមមនី្ទរពិសោធន៍បង្គោលសម្រាប់វីរុសកូវីដ-១៩ ក្នុងពិភពលោក ដើម្បីដោះស្រាយលើហានិភ័យផ្នែកសុខភាពសាធារណៈ បង្កដោយសារការរាតត្បាតជំងឺកូវីដ-១៩ ដែលនេះ គឺជាការទទួលស្គាល់គួរឲ្យកត់សម្គាល និងជាកិត្តិយសសម្រាប់វិទ្យាស្ថាន ក៏ដូចជា សម្រាប់ប្រទេសកម្ពុជា។លោកស្រី បណ្ឌិត បានបង្ហាញអំពីលទ្ធផលវិទ្យាសាស្ត្រសំខាន់ៗជាច្រើន ក្រៅពីជំងឺកូវីដ-១៩ ដែលសម្រេចបានកាលពីឆ្នាំ២០២០ ដូចជាជំងឺគ្រុនឈាម ជំងឺឈីក ជំងឺឆ្កែឆ្កួត ជំងឺគ្រុនចាញ់ ភាពស៊ាំនឹងថ្នាំផ្សះ ជំងឺរបេង ជំងឺផ្តាសាយតាមរដូវ ជំងឺផ្តាសាយបក្សី ជំងឺថ្លើម មេរោគអេដស៍/ជំងឺអេដស៍ និងការសិក្សាអំពីបាណកសាស្ត្រ។ ផ្នែកសំខាន់មួយនៃសមិទ្ធផលទាំងនេះ គឺកើតចេញពីកិច្ចសហប្រតិបតិ្តការដ៏មានប្រសិទ្ធភាព និងយូរអង្វែងជាមួយក្រសួងសុខាភិបាល(សុខភាពមនុស្ស) និងជាមួយក្រសួងកសិកម្ម រុក្ខាប្រមាញ់ និងនេសាទ (សុខភាពសត្វ) ព្រមទាំងដៃគូថ្នាក់ជាតិ ថ្នាក់តំបន់ ថ្នាក់អន្តរជាតិជាច្រើនផ្សេងទៀត និងមនី្ទរពេទ្យនានា។ ជាពិសេសវិទ្យាស្ថានប៉ាស្ទ័រ បានរួមចំណែកយ៉ាងសកម្មក្នុងការកសាងសមត្ថភាព និងការបណ្តុះបណ្តាល និស្សិតកម្ពុជា និងអន្តរជាតិ។ គំរូការងាររបស់វិទ្យាស្ថាន មានភាពស្របគ្នាទៅនឹងបេសកកម្ម ក៏ដូចជាគុណតម្លៃរបស់វិទ្យាស្ថានផ្សេងៗទៀត នៃបណ្តាញវិទ្យាស្ថានប៉ាស្ទ័រអន្តរជាតិ។ជាមួយគ្នានោះដែរឯកឧត្តម សាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានថ្លែងអំណរគុណ និងកោតសរសើរវិទ្យាស្ថានប៉ាស្ទ័រកម្ពុជា ដែលបានចូលរួមយ៉ាងសកម្ម ក្នុងការប្រយុទ្ធនឹងជំងឺកូវីដ១៩ ជាមួយក្រសួងសុខាភិបាល និងដៃគូអភិវឌ្ឍន៍ផ្សេងៗទៀត ព្រមទាំងបានវិវត្តន៍ខ្លួនក្លាយជាមនី្ទរពិសោធន៍បង្អែកសកលមួយ ក្នុងការដោះស្រាយនូវហានិភ័យសុខភាពសាធារណៈឲ្យកាន់តែប្រសើរ និងជៀសផុតពីជំងឺរាតត្បាតកូវីដ-១៩។វិទ្យាស្ថានប៉ាស្ទ័រកម្ពុជា (ហៅកាត់ IPC) គឺជាវិទ្យាស្ថានស្រាវជ្រាវមិនស្វែងរកប្រាក់ចំណេញមួយ ដែលបានចុះកិច្ចព្រមព្រៀងជាមួយរាជរដ្ឋាភិបាលកម្ពុជា ដើម្បីដំណើរការប្រតិបតិ្តការ ការងាររបស់ខ្លួនក្រោមឱវាទរបស់ក្រសួងសុខាភិបាល នៃប្រទេសកម្ពុជា និងវិទ្យាស្ថានប៉ាស្ទ័រ(ទីក្រុងប៉ារីស ប្រទេសបារាំង)៕អត្ថបទ រដ្ឋា

អ្នកបុរាណវិទូ បើកការធ្វើកំណាយសង្គ្រោះស្ថានីយទួលអស់លោក ដើម្បីបុព្វហេតុជាតិ និងប្រវតិ្តសាស្ត្រ

ភ្នំពេញ ៖ ក្រសួងវប្បធម៌ និងវិចិត្រសិល្បៈ សហការជាមួយក្រសួងសាធារណការ និងដឹកជញ្ជូន ក្រសួងសេដ្ឋកិច្ច និងហិរញ្ញវត្ថុ ហើយនិងក្រុមហ៊ុនសាងសង់ផ្លូវ SCG បានបើកការធ្វើកំណាយសង្គ្រោះស្ថានីយទួលអស់លោក ដើម្បីបុព្វហេតុជាតិ និងប្រវតិ្តសាស្ត្រ ស្ថិតនៅភូមិបុណ្ណា ឃុំព្រះពុទ្ធ ស្រុកកណ្តាលស្ទឹង ខេត្តកណ្តាល រយៈពេលនៃការអនុវត្តគម្រោង ចាប់ពីថ្ងៃទី១៩ ខែឧសភា រហូតដល់ថ្ងៃទី០៥ ខែមិថុនា ឆ្នាំ២០២១(រយៈពេល៣សប្តាហ៍)។លោក វឿន វុទី្ធ ប្រធាននាយកដ្ឋានបុរាណវិទ្យា និងបុរេប្រវតិ្តវិទ្យា បានឲ្យដឹងថា ស្ថានីយទួលអស់លោក ត្រូវបានអ្នកជំនាញស្វែងយល់ជាបឋមថា ជាទួលមួយ ស្ថិតនៅក្នុងចំណោមទួលបី នៅជិតគ្នា។ ដូច្នេះរចនាសម្ព័ន្ធនៃការរស់នៅរបស់មនុស្សនៅក្នុងសម័យដើម មានជាកន្លែងកប់សព កន្លែងគោរពបូជា និងភូមិមនុស្សរស់នៅ។លោក បានបញ្ជាក់ទៀតថា ប្រទេសកម្ពុជា ជាប្រទេសអច្ឆរិយ សម្បូរទៅដោយវប្បធម៌ជ្រៅជ្រះ មកដល់បច្ចុប្បន្ននេះ ក្រសួងវប្បធម៌ និងវិចិត្រសិល្បៈ បានចុះបញ្ជីស្ថានីយ ឬហៅថាបុរាណដ្ឋាន បានចំនួនជាង៦៤០០។ ដូច្នេះក្នុងចំណោមជាង៦៤០០នេះ នាយកដ្ឋានបុរាណវិទ្យា និងបុរេប្រវតិ្តសាស្ត្រ នៃក្រសួងវប្បធម៌ និងវិចិត្រសិល្បៈ បានកំណត់ដែនរក្សាការពារ បានចំនួនរហូតដល់ជិត២០០០(ធ្វើការកំណត់រួច និងទុកឱកាសឲ្យប្រជាជន ដើម្បីធ្វើការអភិវឌ្ឍន៍ និងលើក តម្កើងសេដ្ឋកិច្ចជាតិ)។ ដោយឡែកស្ថានីយផ្សេងទៀត ក្រសួងកំពុងតែបន្តផ្ទៀងផ្ទាត់វាយតម្លៃ ឲ្យដឹងថាស្ថានីយដែលនៅសេសសល់ វាជាស្ថានីយប្រភេទណា។ ជាពិសេសក្នុងប្រវតិ្តសាស្ត្ររបស់កម្ពុជា ស្ថានីយចែកចេញជាបី ទី១.ស្ថានីយកប់សព, ទី២.ស្ថានីយមនុស្សរស់នៅ និងទី៣.ស្ថានីយគោរពបូជា។ជាចុងក្រោយក្នុងនាមក្រសួងវប្បធម៌ លោក វឿន វុទី្ធ អំពាវនាវដល់ប្រជាជន និងយុវជនជំនាន់ក្រោយ ត្រូវចេះស្រលាញ់វប្បធម៌របស់ខ្លួន កាលណាចេះស្រលាញ់វប្បធម៌របស់ខ្លួន គឺយើងចេះស្រលាញ់គ្នា ចេះគោរពគ្នា ហើយធ្វើឲ្យប្រទេសជាតិយើង គ្មានជម្លោះផ្លូវចិត្ត ផ្លូវកាយ ទន្ទឹមនឹងនោះការគ្មានជម្លោះនេះហើយវាបណ្តាលឲ្យសន្តិភាព ដែលសម្តេចតេជោ ហ៊ុន សែន នាយករដ្ឋមន្ត្រី ខំរកបានមកជូនប្រទេសជាតិនេះ វាបន្តឲ្យការអភិវឌ្ឍន៍កាន់តែលឿនថែមទៀត៕អត្ថបទ រដ្ឋា

រដ្ឋាករទឹកស្វយ័តក្រុងភ្នំពេញ គ្រោងបង្កើនចំណូល និងបង្កើនការផលិតទឹកស្អាតខ្ពស់ជាងឆ្នាំមុន

ភ្នំពេញ ៖ រដ្ឋាករទឹកស្វយ័តក្រុងភ្នំពេញ គ្រោងបង្កើនចំណូលការធ្វើអាជីវកម្មទឹកស្អាតឲ្យបានជាង ៣៤ ម៉ឺនលានរៀល ខ្ពស់ជាងឆ្នាំ២០២០ ប្រមាណជាង ៦ ភាគរយ និងដាក់ទិសដៅផលិតទឹកស្អាតឲ្យបានជាង ២២៧ លានម៉ែត្រគីប។ ការបង្កើនបរិមាណផ្គត់ផ្គង់ទឹកស្អាតនេះ គឺដោយសារកំណើននៃការប្រើប្រាស់ទឹកស្អាតនៅរាជធានីភ្នំពេញ កំពុងកើនឡើង។ឯកឧត្តម ស៊ឹម ស៊ីថា អគ្គនាយករដ្ឋាករទឹកស្វយ័តក្រុងភ្នំពេញ បានថ្លែងប្រាប់ភ្នាក់ងារអ្នកយកព័ត៌មាន BTV ស្តីពីការអភិវឌ្ឍន៍ និងទិសដៅលើការធ្វើអាជីវកម្មទឹកស្អាត នៅថ្ងៃទី ២៨ ខែ ឧសភា ឆ្នាំ ២០២១ នេះថា នៅក្នុងស្ថានភាពនៃការរីករាលដាលជំងឺកូវីដ-១៩ រដ្ឋាករទឹកស្វយ័តក្រុងភ្នំពេញនៅតែជំរុញការផលិតទឹកឲ្យបានគ្រប់គ្រាន់។ពាក់ព័ន្ធចំណូល, ឯកឧត្តម បន្តថា នាពេលថ្មីៗនេះ ក្រុមប្រឹក្សាភិបាលបានសម្រេចបង្កើនចំណូលនៅក្នុងឆ្នាំ ២០២១ ឲ្យខ្ពស់ជាងឆ្នាំ ២០២០ ដោយផ្អែកទៅលើផែនការដែលបានដាក់ចេញរួមមាន ៖ ការផលិតទឹកឲ្យបានច្រើន, បង្កើនបណ្តាញចែកចាយ, បង្កើនអតិថិជនដែលជាអ្នកប្រើប្រាស់ រួមជាមួយការបង្កើនកិច្ចការពារ ទប់ស្កាត់ទឹកបាត់បង់ ក្រៅពីនេះ រដ្ឋាករទឹកស្វយ័តក្រុងភ្នំពេញ ក៏មានចំណូលអំពីការធ្វើសេវាកម្មផ្សេងៗផងដែរ ។សូមបញ្ជាក់ថា នៅក្នុងឆ្នាំ ២០២១ នេះ រដ្ឋាករទឹកស្វយ័តក្រុងភ្នំពេញ បានដាក់ទិសដៅផលិតទឹកស្អាតឲ្យបានជាង ២២៧ លានម៉ែត្រគីប ការបង្កើនអតិថិជនប្រើប្រាស់ថ្មីឲ្យបានចំនួន ២៧ ពាន់បណ្តាញ ខណៈនៅឆ្នាំ២០២០ ការតបណ្តាញជូនអតិថិជនថ្មី បានត្រឹមជាង ១៧ពាន់បណ្តាញ, ដូច្នេះជាទិសដៅនៃផែនការការប្រមូលចំណូលនៅក្នុងឆ្នាំ ២០២១ នេះ រដ្ឋាករទឹកស្វយ័តក្រុងភ្នំពេញ គ្រោងប្រមូលចំណូលឲ្យបានប្រមាណជាង ៣៤ ម៉ឺនលានរៀល ខណៈនៅក្នុងឆ្នាំ ២០២០ ការប្រមូលចំណូលពីវិស័យនេះ បានជាង ៣២ ម៉ឺនលានរៀលប៉ុណ្ណោះ៕អត្ថបទ៖ សុន រ៉ាឌី

តំបន់ជាប់មាត់ព្រែកកំពត បានក្លាយជាកន្លែងសម្រាកលំហែដ៏ទាក់ទាញ សម្រាប់ភ្ញៀវជាតិ និងអន្តរជាតិ

កំពត ៖ ព្រែកកំពត ឬព្រែកកំពង់បាយ ជាកំណប់ទ្រព្យ និងជាបេះដូងរបស់ក្រុងកំពត។ ក្រៅពីបម្រើជាប្រពន្ធផ្លូវទឹក តភ្ជាប់ទៅកាន់សមុទ្រ ព្រែកកំពត បានក្លាយជាកន្លែងជិះទូកទេសចរណ៍កម្សាន្តដ៏ទាក់ទាញ នាពេលល្ងាច និងពេលយប់។ ពិសេសជាងនេះទៅទៀត បច្ចុប្បន្នតំបន់ទាំងសងខាងមាត់ព្រែកកំពត បានក្លាយទៅជារមណីយដ្ឋាន បឹងហ្គាឡូ រីស៊ត រចនាតាមបែបបរទេស និងបែបខ្មែរបុរាណគួរឲ្យចង់សម្រាកកម្សាន្ត។ នាពេលបច្ចុប្បន្ន កូវីដ-១៩ បានធ្វើឲ្យខេត្តកំពត មិនសូវសំបូរភ្ញៀវមកកម្សាន្តច្រើនទេ ក៏ប៉ុន្តែគេសង្កេតឃើញថា សកម្មភាពនៃការរៀបចំទីកន្លែងសម្រាកលំហែនៅតែបន្តជាហូរហែ ទាំងការរចនាកែលម្អពង្រីកបន្ថែម និងការសាងសង់បង្កើតថ្មី ពិសេសនៅតំបន់សងខាង ជាប់មាត់ព្រែកកំពតតែម្តង។ បើគេធ្វើដំណើរពីផ្សារកំពតឆ្លងស្ពានថ្មីទៅត្រើយខាងលិច ហើយដល់រង្វង់មូលទឹករលកបត់ស្តាំទៅរហូតដល់រមណីយដ្ឋានទឹកឈូ គេនឹងឃើញកន្លែងសម្រាកលំហែ រមណីយដ្ឋាន អមតាមផ្លូវជាប់ជាប់មាត់ព្រែក ដែលទើបបង្កើតថ្មី និងកំពង់កែលំអពង្រីកបន្ថែម មិនតិចជាង២០កន្លែងនោះទេ ហើយការបង្កើតឡើងសម្រាប់ភ្ញៀវក្នុងស្រុកផង និងបរទេសផង ។ កន្លែងទាំងនោះ មានផ្តល់សេវាទេសចរណ៍ជាច្រើន ទាំងអាហារដ្ឋាន បារ ការលេងកីឡាលើទឹកព្រែក ដូចជា ជិះកាយយ៉ាក់ ម៉ូតូទឹក ទាទឹក និងជិះទូកកម្សាន្តខ្នាតតូចលក្ខណៈគ្រួសារជាដើម។ប៉ុន្តែបើគេធ្វើដំណើរពីផ្សារកំពត ដល់គុលស្ពានថ្មី ហើយបត់ស្តាំទៅរហូតដល់ស្ពានចិនវិញ គេនឹងឃើញតំបន់រមណីយដ្ឋាន កន្លែងសម្រាកលម្ហែ អាហារដ្ឋាន ផ្សារាត្រី រីស៊ត បឹងហ្គាឡូដ៏ស្រស់ស្អាតជាច្រើន នៅលាក់ខ្លួនក្នុងព្រៃចាក និងចំការដំណាំហូរផ្លែរបស់ប្រជាពលរដ្ឋជាប់នឹងមាត់ព្រែក មិនចាញ់ត្រើយខាងលិចទេ បើទោះជាផ្លូវធ្វើមិនទាន់ល្អ។ ដោយឡែក កាន់តែពិសេសជាងនោះទៅទៀត តំបន់មាត់ព្រែកកំពុងអភិវឌ្ឍន៍ថ្មី គឺទេសចរអាចធ្វើដំណើរពីចំណុចសាលាខេត្តកំពត ទៅភាគខាងកើតរហូតដល់កំពង់ផែទេសចរណ៍អន្តរជាតិ ឬ អ្នកស្រុកនិយមហៅថា (កោះស្មៅ) ក៏មានកន្លែងសម្រាកលម្ហែមិនតិចជាង១៥កន្លែងដែរ ដែលបច្ចុប្បន្នបាននឹងកំពុងបើកទ្វាររង់ចាំទទួលភ្ញៀវទេសចរមកកម្សាន្ត។ ហើយទីនោះមានផ្តល់សេវាកម្សាន្តច្រើន ដូចជាស្ទូចត្រី ជិះទូកកម្សាន្ត ទស្សនាព្រែកកោងកាង ជិះកង់កម្សាន្តតាមវាលស្រែអំបិលដែលនៅជាប់នោះជាដើម និងមានទេសភាពស្អាតពេលថ្ងៃរះ និងពេលថ្ងៃលិចសមបំផុតសម្រាប់ថតរូបអនុស្សាវរីយ ។ ដោយការត្រៀមលក្ខណៈទាំងអស់នេះហើយ ទើបរដ្ឋបាលខេត្តក៏ដូចមន្ត្រីជំនាញរំពឹងថា ក្រោយកម្ពុជាអាចទប់ស្កាត់ និងលប់បំបាត់ជំងឺកូវីដ-១៩ បានហើយនោះ ភ្ញៀវទេសចរណ៍នឹងមកកម្សាន្តខេត្តកំពត មិនតិចជាង២លាននាក់ទេ ក្នុងមួយឆ្នាំ ៕អត្ថបទ ៖ សារឹម

GMAC ៖ ការអនុវត្តវិធានសុខាភិបាលប្រឆាំង នឹងការឆ្លងជំងឺកូវីដ-១៩ នៅតាមរោងចក្រនៅមានកម្រិត

ភ្នំពេញ ៖ សមាគមរោងចក្រកាត់ដេរនៅកម្ពុជា GMAC បានលើកឡើងថា រោងចក្រសហគ្រាសកាត់ដេរ ភាគច្រើន បានគោរព និងអនុវត្តវិធានសុខាភិបាល និងគោលការណ៍ណែនាំក្នុងការទប់ស្កាត់ការឆ្លងរាលដាលជំងឺកូវីដ-១៩ នៅក្នុងរោចក្រ។ ប៉ុន្តែការអនុវត្តតាមវិធាន និងគោលការណ៍ណែនាំនេះ នៅមានកម្រិតនៅឡើយ ទៅតាមស្ថានភាព និងកត្តាផ្សេងៗ។ មានប្រសាសន៍ប្រាប់ទូរទស្សន៍ព័ត៌មាន ប៊ីធីវី កាលពីរសៀលថ្ងៃទី២៧ ឧសភា ឆ្នាំ២០២១ កន្លងទៅ លោក កាំង ម៉ូនីកា អគ្គលេខាធិការរង នៃសមាគមរោងចក្រកាត់ដេរនៅកម្ពុជា និយាយថា រោងចក្រទាំងអស់បានព្យាយាមសហការ និងគោរពតាមការណែនាំរបស់ក្រសួងសុខាភិបាល ក៏ដូចជាក្រសួងការងារ និងបណ្តុះបណ្តាលវិជ្ជាជីវៈ គ្រាន់តែថា កម្រិតសហការ និងការគោរពនោះ មានកំរិតផ្សេងៗគ្នានិងអាស្រ័យទៅតាមកត្តាផ្សេងៗ។លោក បន្តថា បញ្ហាប្រឈមធ្ងន់ធ្ងរ គឺវិស័យកាត់ដេរសំលៀកបំពាក់ ផលិតស្បែកជើង និងផលិតផលធ្វើដំណើរ មានការជាប់ពាក់ព័ន្ធជាមួយកម្មករនិយោជិតរាប់សែននាក់ នេះជាបញ្ហាប្រឈមធំណាស់បន្ថែមទៅលើបញ្ហាផ្សេងៗទៀត។រោងចក្រជាង២០០ បន្ទាប់ពីបានផ្អាក ក្នុងអំឡុងពេលចូលឆ្នាំខ្មែរ ដែលមានអត្រាឆ្លងជំងឺកូវីដ-១៩ កើនខ្ពស់ ត្រូវបានអនុញ្ញាតឱ្យបើកដំណើការឡើងវិញ ជាមួយការអនុវត្ត តាមគោលការណ៍ណែនាំដើម្បីការពារការឆ្លងរីករាលដាលជំងឺកូវីដ១៩។យោងតាមសេចក្តីណែនាំរបស់អន្តរក្រសួងកាលពីដើមខែឧសភា កន្លងទៅ គឺតម្រូវឲ្យរោងចក្រ សហគ្រាសទាំងអស់ប្រើប្រាស់កម្លាំងពលតែ ៥០ភាគរយ នៃចំនួនសរុបប៉ុណ្ណោះ ដោយធ្វើការឆ្លាស់វេន ក្នុងគោលបំណងទប់ស្កាត់ការឆ្លងរាលដាលជំងឺនេះ។ ប៉ុន្តែ អាជ្ញាធររាជធានីភ្នំពេញ កាលពីកន្លងទៅថ្មីៗនេះបានលើកឡើងថា រោងចក្រដែលបើកអាជីវកម្មឡើងវិញបានអនុញ្ញាតឲ្យកម្មករនិយោជិតចូលធ្វើការរហូតដល់១០០ភាគរយ ដែលបញ្ហានេះធ្វើឲ្យមានហានិភ័យខ្ពស់នៃការឆ្លងរាលដាលឡើងវិញ ដែលបញ្ហានេះបង្ករផលប៉ះពាល់ និងស្មុគស្មាញរបស់រាជរដ្ឋាភិបាលក្នុងការដោះស្រាយ។កម្មករ កម្មការិនី នៃរោងចក្រកាត់ដេរសំលៀកបំពាក់ អេសអិលជេ (SLJ) បាននិយាយថា ពួកគាត់បានព្យាយាមជាខ្លាំង ក្នុងការអនុវត្តនិងគោរពតាមការណែនាំវិធានការសុខាភិបាល។ ទើបតែបានត្រឡប់ចូលធ្វើការងារមិនទាន់បាន១ខែផង រោងចក្របានបិទទ្វារបណ្ដោះអាសន្នលើកទី២ ដោយសាររាលដាលនៃជំងឺឆ្លងកូវីដ-១៩ ធ្វើឲ្យមានការព្រួយបារម្ភពីការប៉ះពាល់ដល់ដំណើការរោងចក្រ និងជីវភាពរបស់កម្មករ។ជាការកត់សម្គាល់ ក្នុងរយៈពេលថ្មីៗនេះ អាជ្ញាធរខណ្ឌមានជ័យ និងក្រសួងការងារ និងបណ្តុះបណ្តាលវិជ្ជាជីវៈ បានសម្រេចផ្អាកដំណើរការរោងចក្រចំនួន៤ ក្នុងខណ្ឌមានជ័យ ជាបណ្តោះអាសន្ន និងខណ្ឌពោធិ៍សែនជ័យ ដោយសាររកឃើញមានអ្នកឆ្លងវីរុសកូវីដ-១៩ ជាកម្មករបម្រើការងារនៅក្នុងរោងចក្រ៕ អត្ថបទ ៖ ឈិត បូរ៉ាវី

សម្តេចតេជោ នឹងអញ្ជើញចូលរួមកិច្ចប្រជុំកំពូលលើកទី២ នៃភាពជាដៃគូសម្រាប់ការអភិវឌ្ឍបៃតង និងគោលដៅសកលឆ្នាំ២០៣០ តាមប្រព័ន្ធវីដេអូ

ភ្នំពេញ ៖ តបតាមការអញ្ជើញរបស់ឯកឧត្តម មូន ចេអ៊ីន ប្រធានាធិបតីនៃសាធារណរដ្ឋកូរ៉េ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញចូលរួមកិច្ចប្រជុំកំពូលលើកទី២ នៃភាពជាដៃគូសម្រាប់ការអភិវឌ្ឍបៃតង និងគោលដៅសកលឆ្នាំ ២០៣០ (P4G) ដែលនឹងប្រព្រឹត្តិទៅតាមប្រព័ន្ធវីដេអូ នៅថ្ងៃទី៣១ខែឧសភា នៅទីក្រុងសេអ៊ូល សាធារណរដ្ឋកូរ៉េ។នេះបើយោងតាមសេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ នៅថ្ងៃទី២៨ ខែឧសភានេះ។កិច្ចប្រជុំនេះ ធ្វើឡើងក្រោមមូលបទ «ការស្តារបៃតងឡើងវិញប្រកបដោយបរិយាប័ន្ន ដើម្បីសម្រេចបាននូវអព្យាក្រឹត ភាពកាបូន» ហើយនៅក្នុងឱកាសនោះ សម្តេចតេជោនាយករដ្ឋមន្ត្រី នឹងអញ្ជើញថ្លែងសុន្ទរកថាលើប្រធានបទ «ការស្តារបៃតង ឡើងវិញប្រកបដោយបរិយាប័ន្ន ពីជំងឺឆ្លងកូវីដ-១៩» នៅក្នុងសម័យប្រជុំកិច្ចសន្ទនារបស់ថ្នាក់ដឹកនាំ ដោយផ្ដោតទៅលើទិដ្ឋភាពសំខាន់ៗ មួយចំនួន រួមមាន ១) ភាពចាំបាច់ក្នុងការកែសម្រួលគោល នយោបាយ និងធនធាន ដើម្បីអាចជម្នះដោយជោគជ័យលើជំងឺរាតត្បាតកូវីដ-១៩ ២) ផលប៉ះពាល់ អវិជ្ជមាននៃការប្រែប្រួលអាកាសធាតុទៅលើសន្តិសុខ និងការអភិវឌ្ឍសេដ្ឋកិច្ច-សង្គម និង ៣) សារៈសំខាន់នៃការស្ដារបៃតងឡើងវិញសម្រាប់ការអភិវឌ្ឍប្រកបដោយចីរភាព។ សម្តេច តេជោ ក៏នឹងចែករំលែកអនុសាសន៍ប្រកបដោយអត្ថន័យទូលំទូលាយ និងប្រាកដ ដល់កិច្ចប្រជុំកំពូលផងដែរ សម្រាប់ការអភិវឌ្ឍប្រកបដោយចីរភាព និងភាពធន់ ក្រោយវិបត្តិជំងឺកូវីដ-១៩។គួរកត់សម្គាល់ថា ៖ P4G ជាគំនិតផ្ដួចផ្ដើមសកលដែលត្រូវបានដាក់ដំណើរនៅឆ្នាំ២០១៧។ គំនិតផ្តួចផ្តើមនេះ គឺជាវេទិកាពហុភាគីសម្រាប់រដ្ឋាភិបាល វិស័យធុរកិច្ច និងអង្គការសង្គមស៊ីវិលធ្វើ ការរួមគ្នាដើម្បីឆ្លើយតបទៅនឹងការប្រែប្រួលអាកាសធាតុ និងសម្រេចបានគោលដៅអភិវឌ្ឍប្រកប ដោយចីរភាព តាមរយៈការផ្តល់នូវដំណោះស្រាយប្រកបដោយនវានុវត្តន៍។ កិច្ចប្រជុំកំពូល P4G លើក ទី២ នៅទីក្រុងសេអ៊ូល នឹងផ្ដល់ឱកាសដល់សហគមន៍អន្តរជាតិអាចបង្ហាញការប្តេជ្ញាចិត្តរួមគ្នា ក្នុងការកសាងពិភពលោកដែលល្អប្រសើរ និងកាន់តែបៃតងឡើង ក្រោយវិបត្តិកូវីដ-១៩៕អត្ថបទ មុត សុទ្ធ

ខេត្តព្រះសីហនុ បន្តហាមឃាត់ការលក់ដូរ និងជួបជុំទទួលទានគ្រឿងស្រវឹងរយៈពេល ២សប្ដាហ៍ទៀត

ព្រះសីហនុ៖ រដ្ឋបាលខេត្តព្រះសីហនុ បានសម្រេចបន្តហាមឃាត់ការលក់ដូរ និងជួបជុំទទួលទានគ្រឿងស្រវឹងរយៈពេល ២សប្ដាហ៍ទៀត ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តព្រះសីហនុ បានបញ្ជាក់ថា ការបន្តហាមឃាត់បែបនេះ គឺអនុវត្តចាប់ពីថ្ងៃស្អែកនេះរហូតទៅដល់ថ្ងៃទី១០ ខែមិថុនាខាងមុខនេះ។រដ្ឋបាលខេត្តនេះ បានព្រមានថា ប្រសិនបើម្ចាស់អាជីវកម្មលក់គ្រឿងស្រវឹង និងប្រជាពលរដ្ឋ មិនអនុវត្តតាមសេចក្ដីណែនាំនេះ ពួកគេនឹងត្រូវប្រឈមមុខនឹងវិធានការរដ្ឋបាល និងវិធានការច្បាប់ផងដែរ។ការលក់ដូរ និងការជួបជុំទទួលទានគ្រឿងស្រវឹងនៅខេត្តជាប់មាត់ឆ្នេរសមុទ្រមួយនេះ និងបណ្ដាខេត្តដទៃទៀតនៅទូទាំងប្រទេស ត្រូវបានហាមឃាត់ជាច្រើនសប្ដាហ៍មកហើយ បន្ទាប់ពីកម្ពុជាប្រឈមមុខនឹងការផ្ទុះការឆ្លងរីករាលដាលកាន់តែខ្លាំងនៃមេរោគកូវីដ-១៩៕

ខេត្តកណ្ដាល បន្តហាមឃាត់ការលក់ដូរ និងការទទួលទានគ្រឿងស្រវឹង ០១សប្ដាហ៍ទៀត

កណ្ដាល៖ រដ្ឋបាលខេត្តកណ្ដាល បានសម្រេចបន្តផ្អាកការលក់ដូរ និងការជួបជុំទទួលទានគ្រឿងស្រវឹងរយៈពេល ០១សប្ដាហ៍ទៀត ចាប់ពីទៅដល់ដើមខែក្រោយ។ក្នុងសេចក្ដីណែនាំនៅថ្ងៃនេះ អភិបាលខេត្តកណ្ដាល លោក គង់ សោភ័ណ្ឌ សម្រេចបែបនេះ ដោយថា ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។នៅក្នុងរយៈពេល ០៧ថ្ងៃនេះ រដ្ឋបាលខេត្តកណ្ដាលហាមលក់ដូរគ្រឿងស្រវឹងគ្រប់ប្រភេទនៅលើទីផ្សារទាំងអស់ ហើយក៏ហាមឃាត់ផងដែរការជួបជុំផឹកស៊ី។ការហាមឃាត់ការលក់ដូងគ្រឿងស្រវឹង និងការជួបជុំផឹកស៊ី បានកើតមានជាច្រើនសប្ដាហ៍មកហើយ បន្ទាប់ពីកម្ពុជាប្រឈមខ្លាំងនឹងការផ្ទុះរីករាលដាលនៃការឆ្លងមេរោគកូវីដ-១៩ពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ៕

រដ្ឋបាលខេត្តកំពង់ឆ្នាំង រកឃើញអ្នកវិជ្ជមានកូវីដ១៩ថ្មីចំនួន ១៩នាក់បន្ថែម ធ្វើអោយអ្នកឆ្លងនៅកំពង់ឆ្នាំងកើនដល់ ២១៦នាក់

កំពង់ឆ្នាំង៖ តាមសេចក្តីប្រកាសព័ត៌មានរបស់រដ្ឋបាលខេត្តកំពង់ឆ្នាំង នៅល្ងាចថ្ងៃទី២៧ ខែឧសភា ឆ្នាំ២០២១នេះ បានអោយដឹងថា ក្នុងខេត្តកំពង់ឆ្នាំង បានរកឃើញអ្នកវិជ្ជមានកូវីដ១៩ក្នុងព្រឹត្តិការណ៍សហគមន៍២០កុម្ភៈ ចំនួន ១៩នាក់បន្ថែម សម្រាប់ការធ្វើតេស្តសំណាកនៅថ្ងៃទី២៦ ខែឧសភា ឆ្នាំ២០២១ នាំអោយអ្នកឆ្លងជំងឺកូវីដនៅក្នុងខេត្តកើនឡើងរហូតដល់២១៦នាក់។រដ្ឋបាលខេត្តកំពង់ឆ្នាំង បានបន្តថា ករណីវិជ្ជមានកូវីដ១៩ នៅក្នុងភូមិសាស្ត្រខេត្តកំពង់ឆ្នាំង បានរកឃើញជាបន្តបន្ទាប់ចាប់ពីអំឡុងចុងខែមីនា ឆ្នាំ២០២១ រហូតមកដល់ពេលនេះ ដែលសុទ្ធសឹងជាករណីនាំចូលពីក្រុងភ្នំពេញ ពាក់ព័ន្ធនឹងព្រឹត្តិការណ៍សហគមន៍២០កុម្ភៈទាំងអស់។ដោយឡែកនៅថ្ងៃទី២៦ ខែឧសភា ឆ្នាំ២០២១ ក្រុមការងារឆ្លើយតបបន្ទាន់នៃមន្ទីរសុខាភិបាលខេត្តបានរកឃើញករណីវិជ្ជមានកូវីដ១៩ចំនួន ១៩នាក់ថ្មីបន្ថែមទៀត ធ្វើអោយអ្នកឆ្លងកូវីដ១៩នៅខេត្តកំពង់ឆ្នាំង កើនដល់ ២១៦នាក់ ក្នុងនោះ មានករណីជាសះស្បើយចំនួន ៣២នាក់, ករណីស្លាប់ចំនួន ០៣នាក់, និងកំពុងដាក់អោយសម្រាកព្យាបាលនៅក្នុងមន្ទីរពេទ្យបង្អែកខេត្តកំពង់ឆ្នាំង និងនៅមន្ទីរពេទ្យបង្អែកស្រុកកំពង់ត្រឡាចសរុបចំនួន ១៨១នាក់។អ្នកឆ្លងជំងឺកូវីដ១៩ជាករណីថ្មី ដែលក្រុមការងារទើបរកឃើញ គឺមាននៅក្នុងឃុំពាម និងឃុំសេដ្ឋី ស្រុកសាមគ្គីមានជ័យចំនួន៣នាក់, ក្នុងឃុំច្រេស និងឃុំពានី ស្រុកកំពង់ត្រឡាចចំនួន ០២នាក់, នៅក្នុងឃុំអភិវឌ្ឍន៍ និងឃុំចោងម៉ោង ស្រុកទឹកផុសចំនួន ០៧នាក់, ក្នុងឃុំជ្រៃបាក់ ឃុំអណ្តូងស្នាយ និងឃុំទឹកហូត ស្រុករលាប្អៀរចំនួន៧នាក់, និងសង្កាត់ប្អេរ ក្រុងកំពង់ឆ្នាំងចំនួន ០១នាក់។ ចំពោះអ្នកជំងឺកូវីដ១៩ ដែលរកឃើញថ្មីទាំង ១៩នាក់នោះ ភាគច្រើនជាកម្មករកម្មការិនីនៅតាមរោងចក្រ ហើយក្រុមការងារបានដាក់អោយសំរាកព្យាបាលនៅក្នុងវិទ្យាល័យ ហ៊ុន សែន កំពង់ត្រឡាច ស្រុកកំពង់ត្រឡាចទាំងអស់។រដ្ឋបាលខេត្តកំពង់ឆ្នាំង ក៏បានបន្តអំពាវនាវដ៏ទទូចដល់អាជ្ញាធរមូលដ្ឋានដែលមានកម្មករកម្មការនីស្នាក់នៅទាំងអស់ យកចិត្តទុកដាក់គ្រប់គ្រងក្រុមគ្រួសារអ្នកទាំងនោះអោយធ្វើចត្តាឡីស័កនៅតាមលំនៅដ្ឋាន ទីសំណាក់រៀងៗខ្លួនអោយបានត្រឹមត្រូវតាមវិធានរបស់ក្រសួងសុខាភិបាល។ បន្តតាមដានសុខភាពរបស់បងប្អូន និងជួយដោះស្រាយការលំបាកនានាក្នុងគ្រួសារនីមូយៗតាមជាក់ស្តែង។ រដ្ឋបាលខេត្ត ក៏បានអំពាវនាវដល់បងប្អូនប្រជាពលរដ្ឋ ដែលធ្លាប់ប្រាស្រ័យទាក់ទងដោយផ្ទាល់ជាមួយអ្នកវិជ្ជមានកូវីដ១៩ ដែលរដ្ឋបាលខេត្តបានបង្ហាញជូនហើយនោះ សូមមកពិនិត្យសំណាកជាបន្ទាន់នៅមន្ទីរពេទ្យបង្អែកខេត្ត ឬមន្ទីរពេទ្យបង្អែកស្រុកកំពង់ត្រឡាច ឬមណ្ឌលសុខភាពដែលនៅជិតបំផុត ដើម្បីទប់ស្កាត់ការឆ្លងរាលដាលនៃជំងឺកូវីដ១៩ ជាពិសេសសូមបន្តអនុវត្តអោយបានខ្ជាប់ខ្ជួននូវវិធានការណ៍ «៣ការពារ និង៣កុំ» ដើម្បីខ្លួនយើង គ្រួសារយើង និងសង្គមជាតិយើង៕ អត្ថបទ៖ ហុង វាស្នា

កាកបាទក្រហមទទួលប្រាក់ ១លានដុល្លារ ពីក្រុមហ៊ុន ជីប ម៉ុង សម្រាប់សាងសង់ផ្ទះជូនអតីតយុទ្ធជន

ភ្នំពេញ៖ នៅទីស្នាក់ការកណ្តាលថ្ងៃទី២៧ ខែឧសភា ឆ្នាំ២០២១នេះ កាកបាទក្រហមកម្ពុជា បានទទួលជួបសវនការ និងទទួលជំនួយថវិកាចំនួន ១លានដុល្លារអាមេរិក ពីក្រុមហ៊ុន ជីប ម៉ុង ដែលដឹកនាំដោយលោកជំទាវអ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង។ដើម្បីចូលរួមចំណែកជួយសាងសង់ផ្ទះចំនួន ៦២៨ខ្នង ជូនអតីតយុទ្ធជនក្រីក្រ និងអតីតយុទ្ធជនមានពិការភាព នៅភូមិដំណាក់ត្រយឹង ឃុំព្រងិល ស្រុកភ្នំក្រវាញ ខេត្តពោធិ៍សាត់។ថវិកានេះ គឺបន្ថែមពីលើថវិកាចំនួន ២០ម៉ឺនដុល្លារអាមេរិក របស់ក្រុមហ៊ុនខ្មែរប៊ែវើរី ដែលបានឧបត្ថម្ភកាលពីថ្ងៃទី១៧ ខែឧសភា ឆ្នាំ២០២១កន្លងទៅ។នៅក្នុងឱកាសជួបសវនការ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា និងក្រុមការងារបានទទួលស្វាគមន៍យ៉ាងកក់ក្តៅ និងបាននាំប្រសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន ដែលផ្តាំផ្ញើសួរសុខទុក្ខ ចំពោះលោកជំទាវអ្នកឧកញ៉ា ភាព ហៀក និងប្រតិភូ ដែលបានអញ្ជើញនាំយកថវិកាមកប្រគល់ជូនដល់ទីស្នាក់ការ។ ជាមួយគ្នានេះ ក្នុងនាមកាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានលោកជំទាវអគ្គលេខាធិការ បានថ្លែងអំណរគុណយ៉ាងជ្រាលជ្រៅបំផុត ចំពោះទឹកចិត្តដ៏សប្បុរសធម៌របស់ក្រុមហ៊ុន ជីប ម៉ុង ដែលតែងតែចូលរួមឧបត្ថម្ភគាំទ្រដល់កាកបាទក្រហមកម្ពុជា ជាបន្តបន្ទាប់ចំនួន៣៨លើករួចមកហើយ គិតចាប់តាំងពីឆ្នាំ២០០១មក។ទន្ទឹមនឹងនេះ លោកជំទាវបានគូសបញ្ជាក់ថា កាកបាទក្រហមកម្ពុជា នឹងផ្តល់ថវិកានេះតាមរយៈសមាគមអតីតយុទ្ធជនកម្ពុជា ដែលមានឯកឧត្តមទេសរដ្ឋមន្ត្រី គន់ គីម អនុប្រធាន និងជាអគ្គលេខាធិការ នៃសមាគមអតីតយុទ្ធជនកម្ពុជា សម្រាប់ការសាងសង់ផ្ទះជូនអតីតយុទ្ធជនក្រីក្រ និងអតីតយុទ្ធជនមានពិការភាពទាំង ៦២៨គ្រួសារ នៅខេត្តពោធិ៍សាត់ឱ្យបានគ្រប់ចំនួន ដោយមិនឱ្យខ្វះមួយគ្រួសារណាឡើយ។ការផ្តល់ថវិកាសម្រាប់ការសាងសង់ផ្ទះនេះ គឺជាការគិតគូររបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដោយសារតែសម្តេច ធ្លាប់បានឆ្លងកាត់ភ្លើងសង្គ្រាម និងមានប្រវត្តិតស៊ូជាច្រើនរាប់មិនអស់ ជាមួយសម្តេចតេជោ ហ៊ុនសែន ក៏ដូចជាឥស្សរជនជាន់ខ្ពស់ដទៃទៀត ជាពិសេសបងប្អូនអតីតយុទ្ធជន ដែលមានគុណបំណាច់ដ៏ធំធេង ចំពោះបុព្វហេតុជាតិមាតុភូមិ។ជាកិច្ចឆ្លើយតប គណៈប្រតិភូក្រុមហ៊ុន ជីប ម៉ុង បានថ្លែងអំណរគុណចំពោះសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានអនុញ្ញាតឱ្យក្រុមហ៊ុន បានចូលរួមចំណែកការងារមនុស្សធម៌ជាមួយកាកបាទក្រហមកម្ពុជា ដែលជាសមាគមជាតិ តែងតែធ្វើសកម្មភាពមនុស្សធម៌យ៉ាងសកម្មជួយដល់ប្រជាពលរដ្ឋងាយរងគ្រោះបំផុតយ៉ាងពិតប្រាកដ និងបានកសាងនូវភាពជឿជាក់ពីសប្បុរសជនគ្រប់មជ្ឈដ្ឋាន។ គណៈប្រតិភូបានគូសបញ្ជាក់ថា ទីណាមានទុក្ខលំបាក ទីនោះតែងតែមានវត្តមានកាកបាទក្រហមកម្ពុជាជានិច្ច។សូមជម្រាបថា រហូតដល់ថ្ងៃទី២៧ ខែឧសភា ឆ្នាំ២០២១នេះ សប្បុរសជនដែលបានចូលរួមបរិច្ចាគក្នុងការសាងសង់ផ្ទះជូនអតីតយុទ្ឋជនបានចំនួន៧នាក់ហើយ: ទី1ក្រុមហ៊ុន ជីប ម៉ុង គ្រុបឧបត្ថម្ភចំនួន ១,០០០,០០០ដុល្លារ, ក្រុមហ៊ុនខ្មែរប៊ែវើរី ២០០,០០ដុល្លារ, ឯកឧត្តមបណ្ឌិត ម៉ា ឈឿន និងលោកជំទាវកិត្តិបណ្ឌិត អ៊ុក ម៉ាលី ៧,០០០ដុល្លារ, ឯកឧត្តម ឈឿន កុសលវីរៈ និងលោកជំទាវ ៣,៥០០ដុល្លារ, លោកជំទាវកិត្តិសង្គហបណ្ឌិត ឃួន សុដារី ៣,៥០០ដុល្លារ, លោកជំទាវ ម៉ែន នារីសោភ័គ ៣,៥០០ដុល្លារ, លោក ឈាង រ័ត្ន និងលោកស្រី នួន ស៊ុន្ទរី ៧០,០០០ដុល្លារ។សូមបញ្ជាក់ផងដែរថា ផ្ទះនីមួយៗ មានទំហំ ៥ X ៧ម៉ែត្រ ដែលចំណាយថវិកាតម្លៃ 3,500ដុល្លារអាមេរិក និងបង្គន់អនាម័យដាច់ដោយឡែកមួយទៀតមានតម្លៃ ២៧០ដុល្លារអាមេរិក៕ អត្ថបទ៖ សំ ងីម

បណ្ដាញសង្គម

ព័ត៌មានថ្មីៗ

កុមារជួបកង្វះអាហារូបត្ថម្ភទទួលការព្យាបាលនៅមន្ទីរពេទ្យ Nasser ស្ថិតក្នុងតំបន់ហ្កាហ្សា

តើហេតុអ្វីបានជាអឺរ៉ុបប្រឈមនឹងរលកកម្តៅបំបែកកំណត់ត្រា?

កងកម្លាំងសន្តិសុខស៊ីរី ត្រូវបានដាក់ពង្រាយទៅកាន់ទីក្រុង Sweida របស់ជនជាតិភាគតិច Druze

សភាអ៊ុយក្រែនគាំទ្រការបង្កើនជិត ១០ពាន់លានដុល្លារដល់ការចំណាយលើវិស័យការពារជាតិ ខណៈសង្រ្គាមបន្តមាន

អ៊ីតាលីអាចនឹងដោះលែងអ្នកទោស ១០.០០០នាក់ ដើម្បីសម្រាលភាពចង្អៀត ក្នុងពន្ធនាគារ

អង់គ្លេសដកចេញការរឹតត្បិតលើក្រុមហ៊ុនអាកាសចរណ៍ប៉ាគីស្ថាន ក្រោយបំរាមរយៈពេល ៥ឆ្នាំ

លោក Prabowo ថាលោក Trump ជាអ្នកចរចាតឹងតែង ខណៈកិច្ចប្រជុំពាណិជ្ជកម្មឥណ្ឌូនេស៊ី-អាមេរិកនៅបន្ត

ការបំផ្ទុះសម្លាប់ទាហានកេនយ៉ា ៣នាក់ នៅតាមផ្លូវ ក្បែរព្រំដែនសូម៉ាលី

កម្លាំងចម្រុះរដ្ឋបាលរាជធានីភ្នំពេញចុះបង្រ្កាបទីតាំងលួចលាក់បង្កប់បទល្មើស Online Scams ឃាត់ជនសង្ស័យ១០០នាក់

ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ស្នើឱ្យបង្កើនចំនួនលេខាធិការដ្ឋាន ដើម្បីបង្កើនប្រសិទ្ធភាពបង្ក្រាបបទល្មើសគ្រឿងញៀន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

វិទ្យាស្ថានប៉ាស្ទ័រកម្ពុជា ក្លាយជាស្ថាប័នជួរមុខមួយលើការងារប្រយុទ្ធប្រឆាំងកូវីដ-១៩

អ្នកបុរាណវិទូ បើកការធ្វើកំណាយសង្គ្រោះស្ថានីយទួលអស់លោក ដើម្បីបុព្វហេតុជាតិ និងប្រវតិ្តសាស្ត្រ

រដ្ឋាករទឹកស្វយ័តក្រុងភ្នំពេញ គ្រោងបង្កើនចំណូល និងបង្កើនការផលិតទឹកស្អាតខ្ពស់ជាងឆ្នាំមុន

តំបន់ជាប់មាត់ព្រែកកំពត បានក្លាយជាកន្លែងសម្រាកលំហែដ៏ទាក់ទាញ សម្រាប់ភ្ញៀវជាតិ និងអន្តរជាតិ

GMAC ៖ ការអនុវត្តវិធានសុខាភិបាលប្រឆាំង នឹងការឆ្លងជំងឺកូវីដ-១៩ នៅតាមរោងចក្រនៅមានកម្រិត

ខេត្តព្រះសីហនុ បន្តហាមឃាត់ការលក់ដូរ និងជួបជុំទទួលទានគ្រឿងស្រវឹងរយៈពេល ២សប្ដាហ៍ទៀត

ខេត្តកណ្ដាល បន្តហាមឃាត់ការលក់ដូរ និងការទទួលទានគ្រឿងស្រវឹង ០១សប្ដាហ៍ទៀត

កាកបាទក្រហមទទួលប្រាក់ ១លានដុល្លារ ពីក្រុមហ៊ុន ជីប ម៉ុង សម្រាប់សាងសង់ផ្ទះជូនអតីតយុទ្ធជន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

វិទ្យាស្ថាន​ប៉ាស្ទ័រ​កម្ពុជា ក្លាយ​ជា​ស្ថាប័ន​ជួរមុខ​មួយ​លើ​ការងារ​ប្រយុទ្ធប្រឆាំង​កូ​វីដ​-១៩

រដ្ឋាករទឹក​ស្វយ័ត​ក្រុងភ្នំពេញ គ្រោង​បង្កើន​ចំណូល និង​បង្កើន​ការផលិត​ទឹកស្អាត​ខ្ពស់ជាង​ឆ្នាំមុន​

GMAC ៖ ការអនុវត្ត​វិធាន​សុខាភិបាល​ប្រឆាំង​ នឹង​កា​រឆ្លង​ជំងឺ​កូ​វីដ​-១៩​ នៅ​តាម​រោងចក្រ​នៅ​មានកម្រិត

ខេត្ត​ព្រះសីហនុ​ បន្ត​ហាមឃាត់​ការលក់ដូរ និង​ជួបជុំ​ទទួលទាន​គ្រឿង​ស្រវឹង​រយៈពេល ២​សប្ដាហ៍​ទៀត​

ខេត្តកណ្ដាល​ បន្ត​ហាមឃាត់​ការលក់ដូរ និង​ការ​ទទួលទាន​គ្រឿង​ស្រវឹង​ ០១​សប្ដាហ៍​ទៀត​

កាកបាទក្រហម​ទទួល​ប្រាក់​ ១​លាន​ដុល្លារ​ ពី​ក្រុមហ៊ុន ជីប ម៉ុង សម្រាប់​សាងសង់​ផ្ទះ​ជូន​អតីត​យុទ្ធជន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

វិទ្យាស្ថានប៉ាស្ទ័រកម្ពុជា ក្លាយជាស្ថាប័នជួរមុខមួយលើការងារប្រយុទ្ធប្រឆាំងកូវីដ-១៩

រដ្ឋាករទឹកស្វយ័តក្រុងភ្នំពេញ គ្រោងបង្កើនចំណូល និងបង្កើនការផលិតទឹកស្អាតខ្ពស់ជាងឆ្នាំមុន

GMAC ៖ ការអនុវត្តវិធានសុខាភិបាលប្រឆាំង នឹងការឆ្លងជំងឺកូវីដ-១៩ នៅតាមរោងចក្រនៅមានកម្រិត

ខេត្តព្រះសីហនុ បន្តហាមឃាត់ការលក់ដូរ និងជួបជុំទទួលទានគ្រឿងស្រវឹងរយៈពេល ២សប្ដាហ៍ទៀត

ខេត្តកណ្ដាល បន្តហាមឃាត់ការលក់ដូរ និងការទទួលទានគ្រឿងស្រវឹង ០១សប្ដាហ៍ទៀត

កាកបាទក្រហមទទួលប្រាក់ ១លានដុល្លារ ពីក្រុមហ៊ុន ជីប ម៉ុង សម្រាប់សាងសង់ផ្ទះជូនអតីតយុទ្ធជន