BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

ប្រឡាយជាង ៦០០ម៉ែត្រនឹងជួយដល់ដីស្រែកសិករជាង៣០០ហិកតា នៅស្វាយរៀងមានទឹកគ្រប់គ្រាន់

ស្វាយរៀង ៖ ប្រឡាយមួយខ្សែប្រវែងជាង៦០០ម៉ែត្រ រួមនិងស្ពានបេតុងប្រវែងជាង១០ម៉ែត្រ ស្ថិតនៅក្នុងឃុំស្វាយយា ស្រុកស្វាយជ្រំ ខេត្តស្វាយរៀង ត្រូវបានក្រុមការងាររាជរដ្ឋាភិបាល តាមរយះក្រសួងធនធានទឹក និងឧតុនិយម ជីកស្ដារ និងស្ថាបនា បានប្រមាណជាង៦០% និងត្រៀមដាក់អោយពលរដ្ឋប្រើប្រាស់ ក្នុងការងារបង្កបង្កើនផល និងឆ្លងកាត់។លោក សុខ សំអន មេឃុំស្វាយយា ស្រុកស្វាយជ្រំ ខេត្តស្វាយរៀង នៅថ្ងៃទី៣០ ខែឧសភា ម្សិលមិញ បានឲ្យដឹងថា ប្រឡាយ និងស្ពាន ដែលគាំទ្រគម្រោងដោយរាជរដ្ឋាភិបាល បច្ចុប្បន្នក្រុមការងារ មន្ទីរធនធានទឹក និងឧតុនិយមខេត្ត បានជីកស្តារ និងស្ថាបនា សម្រេចបានជាង៦០% និងត្រៀមដាក់អោយពលរដ្ឋប្រើប្រាស់ក្នុងវិស័យកសិកម្ម និងធ្វើដំណើរឆ្លងកាត់ នាពេលឆាប់ៗ ខាងមុខ។ លោក បានបន្តថា ប្រឡាយដែលក្រុមការងារមន្ទីរធនធានទឹក និងឧតុនិយម ជីកស្តានេះមានប្រវែង ៦៥០ម៉ែត្រ បន្ទាប់ពីជីកស្តាររួចរាល់ពលរដ្ឋនៅក្នុងតំបន់នេះ មានលទ្ធភាពបង្កបង្កើនផលបានទាំងប្រាំង និងវស្សានៅលើផ្ទៃដី ជាង៣០០ហិកតានៅក្នុងភូមិមួយចំនួនរបស់ឃុំ។លោក ចាន់ ប៉ុន ពលរដ្ឋនៅក្នុងឃុំសា្វយយា បានគោរពថ្លែងអំណរគុណចំពោះរាជរដ្ឋាភិបាលសម្តេចអគ្គមហាសេនាបតីតេជោ ហ៊ុន សែន នាយរដ្ឋមន្ត្រី ដែលបានគិតគូរ អភិវឌ្ឍន៍ ប្រព័ន្ធធារាសាស្ត្រ ស្ពាន ជូនពលរដ្ឋនៅគ្រប់តំបន់ ពិសេសនៅក្នុងឃុំរបស់ពួកគាត់ ដើម្បីប្រើប្រាស់ក្នុងការងារបង្កបង្កើនផល និងធ្វើដំណើរឆ្លងកាត់នាំកសិផលពីតំបន់មួយទៅតំបន់មួយទៀត។ឃុំស្វាយយា មានភូមិចំនួន១៥ មានពលរដ្ឋរស់នៅនិងអាស្រ័យផលលើវិស័យកសិកម្ម ចំនួនជាង៣ពាន់គ្រួសារ បច្ចុប្បន្នឃុំក្រោមការដឹកនាំរបស់រាជរដ្ឋាភិបាល រាល់ហេដ្ឋារចនាសម្ព័ន្ធ រូបវន្ត ប្រព័ន្ធ ទឹក ភ្លើង ផ្លូវ រួមនិងជីវភាពរបស់ពលរដ្ឋត្រូវបានលើកកម្ពស់ តាមរយះវិស័យកសិកម្ម សិប្បកម្មខ្នាតតូច និងចំណូលបន្ទាប់បន្សំបន្ថែមពីរោងចក្រសហគ្រាសនៅក្នុងតំបន់៕អត្ថបទ ៖ ភា សារិត

កងទ័ពកម្ពុជា ស្នើភាគីថៃកុំឲ្យមានការបាញ់ពលរដ្ឋខ្មែរ ខណៈពួកគេលួចឆ្លងដែនខុសច្បាប់

ភ្នំពេញ ៖ មន្ត្រីយោធារបស់កម្ពុជា បានស្នើទៅភាគីថៃជាថ្មីម្តងទៀត ដោយសូមឲ្យឆ្មាំការពារព្រំដែនរបស់ថៃ មានការយោគយល់ និងកុំធ្វើការបាញ់សម្លាប់ពលរដ្ឋខ្មែរ ពេលដែលពួកគាត់លួចឆ្លងដែនខុសច្បាប់ និងលួចទៅកាប់ឈើនៅលើទឹកដីថៃ ជាដើមនោះ។ការស្នើសុំរបស់យោធាកម្ពុជានេះ គឺបានធ្វើឡើងនៅក្នុងកិច្ចប្រជុំមួយ កាលពីចុងសប្តាហ៍កន្លងទៅនេះ នៅក្នុងភូមិសាស្ត្រជូរមុខតំបន់ភ្នំតាថាវ ខេត្តព្រះវិហារ ដើម្បីបន្តកិច្ចសហប្រតិបត្តិការរួមគ្នា ក្នុងទប់ស្កាត់បង្ក្រាបរាល់បទល្មើស ផ្សេងៗនៅតាមព្រំដែននៃប្រទេសទាំងពីរ(កម្ពុជា-ថៃ)។នៅក្នុងកិច្ចប្រជុំនោះភាគីទាំងពីរ បានប្ដេជ្ញារួមគ្នាបន្តក្នុងការបង្ក្រាប និងទប់ស្កាត់រាល់បទល្មើសដែលលួចឆ្លងដែនដោយខុសច្បាប់ ពិសេសបទល្មើសឆ្លងដែនដោយខុសច្បាប់ របស់បងប្អូនពលរដ្ឋខ្មែរលួចឆ្លងដែនចូលទៅរកកាប់ឈើប្រណិតក្នុងទឹកដីថៃជាដើមនោះ។យ៉ាងណាក៏ដោយនៅក្នុងកិច្ចប្រជុំនោះភាគីកម្ពុជា បានធ្វើការស្នើសុំការយោគយល់ពីសំណាក់ថ្នាក់ដឹកនាំ ក៏ដូចជាអាជ្ញាធរថៃ កុំមានការបាញ់សម្លាប់ពលរដ្ឋខ្មែរពេលដែលពួកគាត់លួចឆ្លងដែនទៅកាន់ប្រទេសថៃ។ រួមគ្នាទប់ស្កាត់ការរីករាលដាលជំងឺកូវីដ-១៩ តាមព្រំដែន មិនត្រូវធ្វើអ្វីថ្មីនៅចំណុចដែលមិនទាន់បានកំណត់ រួមគ្នាទប់ស្កាត់ការលួចឆ្លងដែន និងកាប់ព្រៃឈើខុសច្បាប់ និងការណាត់ជួបគ្នាឡើងវិញក្នុងរយ:ពេល១ខែម្តងនោះ។នៅក្នុងកិច្ចប្រជុំនោះដែរ លោកឧត្តមសេនីយ៍ត្រី ច័ន្ទ សុខុន មេបញ្ជាការកងពលតូចអន្តរាគមន៍លេខ៨ បានបញ្ជាក់ផងដែរថា គោលបំណងសំខាន់ក្នុងកិច្ចប្រជុំនេះ គឺបង្កើនកិច្ចសហប្រតិបត្តិការល្អបន្ថែមទៀត រវាងកងកម្លាំងឈរជើងជួរមុខ ដើម្បីរក្សាបានសុខសន្តិភាព និងការអភិវឌ្ឍន៍ ព្រមទាំងការរស់នៅប្រកបដោយភាពសុខសាន្តរបស់ប្រជាជន នៃប្រទេសទាំងពីរ ឈរលើគោលការណ៍ដោះស្រាយគ្នាដោយសន្តិវិធី ជៀសវាងការប្រឈមមុខដាក់គ្នាដោយកម្លាំងប្រដាប់អាវុធ។ បន្ថែមពីនោះទៀត លោកឧត្តមសេនីយ៍ត្រី ច័ន្ទ សុខុន បានធ្វើការក្រើនរំលឹកទៅដល់គ្រប់បណ្តាអង្គភាពទាំងអស់ ដែលកំពុងបំពេញភារកិច្ច ក្នុងកិច្ចការពារ នៅតាមគោលដៅខ្សែត្រៀមជួរមុខព្រំដែនកម្ពុជា-ថៃត្រូវប្តេជ្ញាចិត្តខ្ពស់ខិតខំប្រឹងប្រែងបន្តក្នុងការការពារ គ្រប់គ្រងបានយ៉ាងរឹងមាំ ដោយឈរលើស្មារតីប្រុងប្រយ័ត្ន និងទទួលខុសត្រូវខ្ពស់។ ពិសេសបង្កើនការចេញដើរល្បាតបានជាប់ជាប្រចាំ ទោះបីជាសភាពការណ៍ព្រំដែន មានសភាពស្ងប់ស្ងាត់ជាធម្មតាក្តី ក៏ត្រូវតែមានការប្រុងប្រយ័ត្នជាប់ជានិច្ច៕អត្ថបទបាន ចក់

សម្តេចប្រធានកាកបាទក្រហម ថ្វាយសារលិខិតអរព្រះគុណដល់ហ្លួងម៉ែ ដែលប្រទានព្រះរាជទ្រព្យ ទ្រទ្រង់សកម្មភាពកាកបាទក្រហមកម្ពុជា

ភ្នំពេញ ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី២៩ឧសភានេះ បានថ្វាយនូវសារលិខិតអរព្រះគុណ ដល់សម្តេច ព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គលព្រះប្រធានកិត្តិយស កាកបាទក្រហមកម្ពុជា ជាទីសក្ការៈដ៏ខ្ពង់ខ្ពស់បំផុត ដែលព្រះអង្គបានប្រទាននូវព្រះរាជទ្រព្យប្រចាំត្រីមាសសម្រាប់ទ្រទ្រង់ដល់កម្មភាពមនុស្សធម៌របស់កាកបាទក្រហមកម្ពុជា។សម្តេចប្រធាន បានបញ្ជាក់ក្នុងសារលិខិតថា សម្តេចនិងថ្នាក់ដឹកនាំ សមាជិក សមាជិកា មន្ត្រី បុគ្គលិកទាំងអស់ នៃកាកបាទក្រហមកម្ពុជា មាន សេចក្តីសោមនស្សរីករាយក្រៃលែង ដោយបានទទួលព្រះរាជទ្រព្យដ៏ឧត្តុង្គឧត្តម ចំនួន 6.000 USD (ប្រាំមួយពាន់ ដុល្លារអាមេរិក) របស់ សម្តេចព្រះមហារត្រី ព្រះវររាជមាតាជាតិខ្មែរ ជាទីគោរពសក្ការៈដែលជាព្រះរាជូបត្ថម្ភ ដ៏ថ្លៃថ្លា ចំពោះ កាកបាទក្រហមកម្ពុជា សម្រាប់២ត្រីមាស (ខែកក្កដា ដល់ ខែធ្នូ)ឆ្នាំ២០២១។តាងនាមថ្នាក់ដឹកនាំ សមាជិក សមាជិកា មន្ត្រី បុគ្គលិកទាំងអស់ នៃកាកបាទក្រហមកម្ពុជា សម្តេចសូម ព្រះបរមរាជានុញ្ញាត ថ្លែងអំណរព្រះរាជគុណដ៏ខ្ពង់ខ្ពស់បំផុត ថ្វាយ សម្ដេចព្រះមហាក្សត្រី ព្រះវររាជមាតា ជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុតដែលព្រះអង្គតែងតែសព្វព្រះរាជហឫទ័យប្រោសព្រះរាជូបត្ថម្ភ ជារៀងរហូតមកសម្រាប់ទ្រទ្រង់សកម្មភាពមនុស្សធម៌ របស់កាកបាទក្រហមកម្ពុជា។សម្តេច និងសហការីទាំងអស់ នឹងប្រើប្រាស់ព្រះរាជទ្រព្យដ៏ឧត្តុង្គឧត្តមនេះ ទៅតាមព្រះរាជតម្រិះ ដ៏ខ្ពង់ខ្ពស់របស់សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត សម្រាប់ជួយសង្គ្រោះដល់ប្រជារាស្ត្រក្រីក្រ និងប្រជារាស្ត្រដែលទទួលរងគ្រោះ ដោយគ្រោះមហន្តរាយផ្សេងៗ នៅទូទាំងព្រះរាជាណាចក្រកម្ពុជា។សម្តេចប្រធាន ក៏បានបួងសួង គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិក្នុងលោក ទេវតារក្សាព្រះមហា ស្វេតច្ឆត្រ ព្រះបារមី នៃព្រះវិញ្ញាណក្ខន្ធ អតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ ជាពិសេស ទេវតាឆ្នាំថ្មី ឆ្នាំ២០២១នេះ សូមប្រោសព្រះរាជទានព្រះពរជ័យ បវរមហាប្រសើរ ថ្វាយ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត សូមព្រះអង្គ មានព្រះបរមសុខគ្រប់ប្រការ ដើម្បីគង់ប្រថាប់ជាមហាម្លប់ដ៏ត្រជាក់ត្រជំ សម្រាប់ប្រជារាស្ត្រ ជាកូនចៅ ចៅទូត របស់ព្រះអង្គនៅទូទាំងព្រះរាជាណាចក្រកម្ពុជា ជ្រកកោនតរៀងទៅ៕អត្ថបទ មុត សុទ្ធ

ឆ្នាំ២០២១ គ.ជ.ប នឹងប្រើប្រាស់ប្រព័ន្ធព័ត៌មានវិទ្យា ដើម្បីបោះឆ្នោត

ភ្នំពេញ៖ នៅថ្ងៃទី២០ ខែមិថុនា ឆ្នាំ២០២១ គណៈកម្មាធិការជាតិរៀបចំការបោះឆ្នោត(គ.ជ.ប) នឹងរៀបចំការ បោះឆ្នោតសាកល្បងជ្រើសរើសក្រុមប្រឹក្សាឃុំ សង្កាត់ ដោយប្រើប្រាស់ប្រព័ន្ធព័ត៌មានវិទ្យា(IT) ដើម្បី សម្រួលការងារបោះឆ្នោតក្នុងបរិបទនៃបដិវត្តន៍ឧស្សាហកម្ម ៤.០ និងបរិបទនៃការរីករាលដាលនៃជំងឺ កូវីដ-១៩។ នេះបើតាមសេចក្ដីប្រកាសព័ត៌មានរបស់ គ.ជ.ប ចេញនៅថ្ងៃទី២៨ ខែឧសភា ឆ្នាំ២០២១។ប្រភពដដែលបន្តថា ការរៀបចំការបោះឆ្នោតសាកល្បងនេះ គឺជាការវាយតម្លៃអំពីប្រសិទ្ធភាពនៃការធ្វើ ទំនើបកម្មដំណើរការរៀបចំការបោះឆ្នោត ក្នុងក្របខណ្ឌកំណែទម្រង់នៃការបោះឆ្នោតរបស់ គ.ជ.ប ដើម្បីបោះជំហានទៅរកការបោះឆ្នោតនាពេលអនាគតដោយប្រើ IT។ ប្រភពដដែលបញ្ជាក់បន្ថែមថា ការរៀបចំការបោះឆ្នោតសាកល្បងនេះ មិនសំដៅដល់ការត្រៀមរៀបចំបោះឆ្នោតតាមអនឡាញនោះ ទេ ព្រោះគ្មានប្រទេសណាធ្វើនៅឡើយទេ លើកលែងតែប្រទេសអេស្តូនី តែ ១ គត់ក្នុងពិភពលោក។គ.ជ.ប នឹងប្រើប្រាស់ប្រព័ន្ធ IT ដើម្បីត្រួតពិនិត្យផ្ទៀងផ្ទាត់ និងវាយតម្លៃលើប្រសិទ្ធភាពការងារ សម្រាប់៖-ការចុះបញ្ជីបក្សនយោបាយ និងបញ្ជីបេក្ខជនឈរឈ្មោះបោះឆ្នោត តាមប្រព័ន្ធឌីជីថល ឬ អនឡាញ។-ការប្រើប្រាស់ប៊ិកគំនូសសញ្ញាគាំទ្របក្សនយោបាយគូសនៅលើសន្លឹកឆ្នោត។-ការប្រើប្រាស់កម្មវិធីត្រួតពិនិត្យ ផ្ទៀងផ្ទាត់ និងបូកសរុបលទ្ធផលនៃការបោះឆ្នោតតាមប្រព័ន្ធអន ឡាញ ដែលគ្របដណ្ដប់លើដំណើរការសំខាន់ៗនៅក្នុងថ្ងៃបោះឆ្នោត តាមកម្មវិធីជាប្រព័ន្ធជាដើម៕ អត្ថបទ៖ គង់ ឌិន

ខេត្តកំពង់ស្ពឺរកឃើញពលរដ្ឋ ៥៤នាក់ទៀតឆ្លងកូវីដ-១៩ ស្រុកឧដុង្គរកឃើញអ្នកឆ្លងថ្មីច្រើនជាងគេ

កំពង់ស្ពឺ៖ ខេត្តកំពង់ស្ពឺរកឃើញប្រជាពលរដ្ឋ ៥៤នាក់ទៀតឆ្លងមេរោគកូវីដ-១៩ ដែលសុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តកំពង់ស្ពឺ បានបញ្ជាក់ថា ករណីឆ្លងថ្មីទាំង ៥៤នាក់នេះ ត្រូវបានរកឃើញលើពលរដ្ឋចំនួន ៣៤នាក់នៅស្រុកសំរោងទង ហើយបន្ទាប់មករកឃើញនៅស្រុកឧដុង្គចំនួន ១០នាក់ទៀត។ចំណែកឯស្រុកគងពិសេស និងស្រុកភ្នំស្រួច រដ្ឋបាលខេត្តកំពង់ស្ពឺបញ្ជាក់ថា បានរកឃើញ ២នាក់បន្ថែមទៀតក្នុងស្រុកនីមួយៗ ហើយក្រុងច្បារមន និងស្រុកបសេដ្ឋ រកឃើញ ១នាក់ក្នុងភូមិសាស្ត្រនីមួយៗ។ចំណែកឯ ៣ករណីទៀត រដ្ឋបាលខេត្តនេះបញ្ជាក់ថា ត្រូវបានរកឃើញលើពលរដ្ឋមកពីស្រុកកណ្ដាលស្ទឹង និងស្រុកអង្គស្នួល នៃខេត្តកណ្ដាល។រដ្ឋបាលខេត្តកំពង់ស្ពឺឱ្យដឹងផងដែរថា អ្នកជំងឺកូវីដ-១៩ចំនួន ២នាក់ទៀត ត្រូវបានព្យាបាលជាសះស្បើយផងដែរ ដែលនាំឱ្យតួលេខអ្នកជាសះស្បើយសរុបឡើងដល់ ១៧៨នាក់ហើយគិតត្រឹមថ្ងៃនេះ។សម្រាប់ខេត្តកំពង់ស្ពឺទាំងមូល គិតត្រឹមថ្ងៃនេះ បានរកឃើញមនុស្សសរុប ៦៥៤នាក់ហើយឆ្លងមេរោគកូវីដ-១៩ ក្នុងនោះអ្នកជំងឺ ១២នាក់បានស្លាប់ ហើយអ្នកជំងឺ ៤៦១នាក់ទៀត កំពុងស្ថិតក្រោមការព្យាបាលបន្ត៕

ខេត្តបន្ទាយមានជ័យរកឃើញមនុស្ស ៣៦នាក់ទៀតឆ្លងកូវីដ-១៩ ខណៈអ្នកជំងឺ ៨១នាក់ទៀតជាសះស្បើយ

បន្ទាយមានជ័យ៖ រដ្ឋបាលខេត្តបន្ទាយមានជ័យបានប្រកាសនៅថ្ងៃនេះថា មនុស្សចំនួន ៣៦នាក់ទៀត ត្រូវបានរកឃើញឆ្លងមេរោគកូវីដ-១៩ ហើយអ្នកជំងឺកូវីដ-១៩ចំនួន ៨១នាក់ទៀត ក៏បានជាសះស្បើយឡើងវិញផងដែរ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តបន្ទាយមានជ័យ បញ្ជាក់ថា ប្រជាពលរដ្ឋរហូតដល់ ២៨នាក់ទៀតនៅក្រុងប៉ោយប៉ែត ត្រូវបានរកឃើញឆ្លងមេរោគកូវីដ-១៩ ហើយករណីឆ្លងកូវីដ-១៩ចំនួន ៨នាក់ផ្សេងទៀត ត្រូវបានរកឃើញលើពលករខ្មែរ ដែលធ្វើវិលត្រឡប់ពីប្រទេសថៃ។រដ្ឋបាលខេត្តនេះ ក៏បានប្រកាសឱ្យដឹងផងដែរថា អ្នកជំងឺកូវីដ-១៩ចំនួន ៨១នាក់ទៀត ត្រូវបានព្យាបាលជាសះស្បើយបន្ថែមទៀត៕

ខេត្តស្វាយរៀងរកឃើញមនុស្ស ៥០នាក់ទៀតឆ្លងកូវីដ-១៩ ក្នុងនោះ ៤៥នាក់ជាកម្មករកម្មការិនីនៅតំបន់សេដ្ឋកិច្ចពិសេស

ស្វាយរៀង៖ រដ្ឋបាលខេត្តស្វាយរៀង បានប្រកាសពីការរកឃើញមនុស្ស ៥០នាក់ទៀតឆ្លងមេរោគកូវីដ-១៩ ដែលភាគច្រើនជាកម្មករកម្មការិនីរោងចក្រ។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តស្វាយរៀង បញ្ជាក់ថា កម្មករកម្មការិនីរហូតដល់ ៤៦នាក់ទៀត ត្រូវបានរកឃើញឆ្លងមេរោគកូវីដ-១៩ ក្នុងនោះ មានកម្មករកម្មការិនីបម្រើការងារនៅរោងចក្ររហូតដល់ទៅ ៤០នាក់។បើតាមរដ្ឋបាលខេត្តនេះ អ្នកជំងឺកូវីដ-១៩ចំនួន ៤៥នាក់ ត្រូវបានបញ្ជូនទៅសម្រាកព្យាបាលនៅមណ្ឌលព្យាបាលកូវីដ-១៩បាវិត ខណៈអ្នកជំងឺចំនួន ៤នាក់ទៀត ត្រូវបានបញ្ជូនទៅមន្ទីរពេទ្យបង្អែកស្វាយជ្រំ និងម្នាក់ទៀត ត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកសាមគ្គីរំដួល។គិតត្រឹមថ្ងៃនេះ រដ្ឋបាលខេត្តស្វាយរៀងបញ្ជាក់ថា បានរកឃើញមនុស្ស ៧០៧នាក់ហើយឆ្លងមេរោគកូវីដ-១៩នៅទូទាំងខេត្តមួយនេះ ក្នុងនោះអ្នកជំងឺចំនួន ៥នាក់បានស្លាប់ ព្យាបាលជាសះស្បើយចំនួន ៣៧៧នាក់ ខណៈអ្នកជំងឺចំនួន ៣២៤នាក់ទៀត កំពុងស្ថិតក្រោមការព្យាបាលបន្ត៕

ព្រះមហាក្សត្រ និងសម្តេចព្រះមហាក្សត្រី ប្រោសព្រះរាជទាន សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា ចូលក្រាបថ្វាយបង្គំគាល់

ភ្នំពេញ៖ ក្នុងឱកាសដែលព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជា ណាចក្រ កម្ពុជា និងសម្តេចព្រះមហាក្សត្រី ព្រះវររាជមាតាជាតិខ្មែរ ក្នុងសេរីភាពសេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យ ប្រោសព្រះរាជទាន សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជាចូលក្រាបថ្វាយបង្គំគាល់ ថ្វាយព្រះពរ នៅថ្ងៃទី ២៨ ខែឧសភា ឆ្នាំ២០២១ មុននឹងប្រោស ព្រះរាជទាននូវព្រះរាជសវនាការដ៏វិសេសវិសាលនេះ ព្រះអង្គបានសព្វព្រះរាជហឬទ័យ ប្រោសព្រះរាជទានដល់ សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន និងគណៈប្រតិភូ ចូលក្រាប ថ្វាយបង្គំ និងថ្វាយគ្រឿងសក្ការៈបូជា ព្រះបរមរូប ព្រះករុណា ព្រះមហាវីរក្សត្រ ព្រះវររាជបិតាជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត គង់នៅខាងមុខឈាងឥសាន្ត នៃព្រះរាជដំណាក់គន់ធបុប្ផា ក្នុងព្រះបរមរាជវាំង។ការថ្វាយគ្រឿងសក្ការៈបូជា គោរពចំពោះព្រះបរមរូប ព្រះវិញ្ញាណក្ខន្ធ ព្រះករុណា ព្រះមហាវីរក្សត្រ ព្រះវររាជបិតាជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត នៅក្នុងឱកាសនេះ គឺជាការសម្តែងនូវសេចក្តីចងចាំជានិច្ចគ្មានថ្ងៃបំភ្លេចបាន ថ្វាយចំពោះ ព្រះមហាករុណាទិគុណដ៏ធំធេង មិនអាចកាត់ថ្លៃបាន របស់ព្រះករុណា ព្រះវររាជបិតាជាតិខ្មែរ ព្រះបរមរតនកោដ្ឋ ព្រះអង្គបានបំពេញព្រះរាជបេសសកកម្ម បំរើប្រទេសជាតិមាតុភូមិ និង ប្រជារាស្ត្រកម្ពុជា ទទួលបាននូវឯករាជ្យបូរណភាពទឹកដី ប្រកបដោយសេចក្តីសុខសន្តិភាព ឯកភាពជាតិ ត្រជាក់ត្រជុំ និងមានការរីកចម្រើនរុងរឿងលើគ្រប់វិស័យ តាំងពីសម័យសង្គមរាស្ត្រនិយមរហូតដល់ពេលបច្ចុប្បន្ន។ក្នុងកម្មវិធីបន្ត ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីសក្ការៈដ៏ខ្ពង់ខ្ពស់ បំផុត ព្រះអង្គទាំងទ្វេបានសព្វព្រះរាជហឬទ័យប្រោសព្រះរាជទាន សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា និងគណៈប្រតិភូចូលក្រាបថ្វាយបង្គំគាល់ ថ្វាយព្រះពរក្នុងព្រះបរមរាជវាំង ថ្ងៃទី ២៨ ខែឧសភា ឆ្នាំ ២០២១៕ អត្ថបទ៖ រក្សា

ក្រសួងការងារចូលរួមសន្និសីទអាស៊ានលើកទី៩ តាមប្រព័ន្ធអនឡាញ

ភ្នំពេញ៖ ឯកឧត្តម ឡេង តុង ប្រធាននាយកដ្ឋានពេទ្យការងារ នៃក្រសួងការងារ និងបណ្តុះបណ្តាលវិជ្ជាជីវៈ បានចូលរួមសន្និសីទអាស៊ានលើកទី៩ ស្ដីពីអធិការកិច្ចការងារក្រោមប្រធានបទ ពង្រឹងសមត្ថភាពអធិការកិច្ចការងារក្រោយជំងឺរាតត្បាតកូវីដ១៩ រៀបចំដោយក្រសួងការងារ នៃប្រទេសសឹង្ហបូរី និងលេខាធិការដ្ឋានអាស៊ាន រយ:ពេល ២ថ្ងៃ ចាប់ពីថ្ងៃទី២៧ និង២៨ ខែឧសភា ឆ្នាំ២០២១តាមរយៈប្រព័ន្ធអនឡាញ។សូមបញ្ជាក់ថា សន្និសីទនេះ តែងតែរៀបចំជារៀងរាល់ឆ្នាំ ដែលនេះជាលើកទី៩ហើយ ក្នុងគោលបំណង ដើម្បីចែករំលែកបទពិសោធន៍ និងការអនុវត្តល្អៗលើប្រព័ន្ធអធិការកិច្ចការងារ រួមមាន៖មុខងារ និងសកម្មភាពរបស់អធិការកិច្ចការងារ ក្នុងការបង្ការ និងទប់ស្កាត់ជំងឺរាតត្បាត ជាពិសេសជំងឺកូវីដ១៩ នៅកន្លែងធ្វើការ ដោយមានការចូលរួមពីតំណាងសមាជិកអាស៊ានទាំង ១០ប្រទេស តំណាងសហព័ន្ធនិយោជកអាស៊ាន តំណាងក្រុមប្រឹក្សាសហជីពពាណិជ្ជកម្មអាស៊ាន តំណាងអង្គការអន្តរជាតិខាងការងារ, តំណាងអង្គការសុខភាពពិភពលោក, តំណាងសមាគមអធិការកិច្ចការងារអន្តរជាតិ, តំណាងក្រុមប្រឹក្សាសុវត្ថិភាព និងសុខភាពការងារប្រទេសសឹង្ហបូរី និងទីភ្នាក់ងារសុវត្ថិភាព និងសុខភាពការងារកូរ៉េ។នៅក្នុងសន្និសីទនេះ អង្គសន្និសីទនឹងធ្វើការពិភាក្សា ចែករំលែកលើការពង្រឹងយុទ្ធសាស្ត្រ និងវិធានការណ៍ក្នុងការពង្រឹងប្រព័ន្ធអធិការកិច្ចការងារក្នុងយុគសម័យនៃការរីករាលដាលជំងឺកូវីដ១៩ នៅកន្លែងធ្វើការ ការពង្រឹងកិច្ចសហប្រតិបត្តិការអន្តរជាតិ និងការដាក់ចេញនូវអនុសាសន៍ ដើម្បីឆ្លើយតប និងអនុវត្តឱ្យមានប្រសិទ្ធភាពលើការងារអធិការកិច្ចការងារនៅក្នុងតំបន់អាស៊ាន៕ អត្ថបទ៖ឈិត បូរ៉ាវី

ពលរដ្ឋអតីតតំបន់ក្រហមជាង ៨០ម៉ឺននាក់ បានចាក់វ៉ាក់សាំង ខណៈចាក់ដូសទី២បានជាង ៥០ម៉ឺន

ភ្នំពេញ៖ បើតាមរបាយរបស់ក្រសួងការពារជាតិ កងទ័ពបានចាក់វ៉ាក់សាំងការពារជំងឺកូវីដ១៩ ជូនប្រជាពលរដ្ឋ នៅអតីតតំបន់ក្រហមនៃរាជធានីភ្នំពេញបានចំនួនជាង ៨០ម៉ឺននាក់ ខណៈប្រជាពលរដ្ឋចំនួនជាង ៥០ម៉ឺនបានចាក់ដូសទី២រួចរាល់។ យោងតាមរបាយការណ៍របស់ក្រសួងការពារជាតិ នៅថ្ងៃទី២៧ ខែឧសភា ឆ្នាំ២០២១ តាមរយៈយុទ្ធនការចាក់វ៉ាក់សាំងជូនប្រជាពលរដ្ឋនៅអតីតតំបន់ក្រហម រាជធានីភ្នំពេញ ក្រុមគ្រូពេទ្យកងទ័ព បានចាក់វ៉ាក់សាំងជូនប្រជាពលរដ្ឋបានចំនួន៨៣៣,៤៣១នាក់ ក្នុងនោះ ប្រជាពលរដ្ឋចាក់ដូសទី២មានចំនួន ៥១៨,១២២នាក់។ ចំពោះដំណើរការចាក់វ៉ាក់សាំងទាំងដូសទី១ និងទី២ មានភាពល្អប្រសើរ ហើយមានសណ្តាប់ធ្នាប់ត្រឹមត្រូវក្រោមកិច្ចសហការរវាងក្រុមការងារកងទ័ព និងអាជ្ញាធរមូលដ្ឋាន។ ក្នុងយុទ្ធនការចាក់វ៉ាក់សាំងជូនប្រជាពលរដ្ឋនៅអតីតតំបន់ក្រហមជាការបេ្តជ្ញាចិត្ត និងផែនការរបស់កងទ័ព ធ្វើយ៉ាងណានឹងជំរុញការចាក់វ៉ាក់សាំងដូសទី១ដែលមានប្រជាពលរដ្ឋជាង១លាននាក់បញ្ចប់នៅចំណាច់ខែឧសភានេះ។ អំឡុងនៃការបន្តការចាក់វ៉ាក់សាំងដោយកងទ័ពក្នុងខណ្ឌទាំង៦នៃរាជធានីភ្នំពេញ ក្រុមគ្រូពេទ្យកងទ័ពក៏បានអំពាវនាវដល់បងប្អូនប្រជាពលរដ្ឋដែលត្រូវទទួលដូសទី២ សូមមេត្តាទៅទទួលតាមកាលបរិច្ឆេទកំណត់ ឬចន្លោះក្រោយចាក់ដូសទី១បាន១៥ថ្ងៃ-២៨ថ្ងៃ ដើម្បីធានាបាននូវប្រសិទ្ធភាពនៃវ៉ាក់សាំង៕ អត្ថបទ៖ សេក ឧត្តម

បណ្ដាញសង្គម

ព័ត៌មានថ្មីៗ

ពិធីរំឭកលោក Charlie Kirk បង្ហាញពីអារម្មណ៍ស្មារតីក្តីស្រលាញ់នៅរដ្ឋ Arizona

នគរបាលបានបង្រ្កាបក្រុមបាតុករប្រឆាំងរដ្ឋាភិបាលប៉េរូនៅទីក្រុង Lima

ដូមីនីករឹបអូសបានសារធាតុកូកាអ៊ីនទម្ងន់ ១តោន អំឡុងប្រតិបត្តិការរួមគ្នាជាមួយអាមេរិក

បាតុកម្មទ្រង់ទ្រាយធំផ្ទុះឡើងនៅប្រេស៊ីល ប្រឆាំងនឹងសំណើច្បាប់លើកលែងទោសសម្រាប់លោក Bolsonaro

អ៊ីស្រាអែលបញ្ចេញវីដេអូឃើញរថក្រោះដែលពួកគេអះអាងថាស្ថិតក្នុង និងជុំវិញទីក្រុងហ្កាហ្សា

ជនប៉ាឡេស្ទីននៅវ៉េសប៊ែងស្វាគមន៍ការទទួលស្គាល់រដ្ឋប៉ាឡេស្ទីនរបស់អង់គ្លេស

ស៊ីរីកំណត់កាលបរិច្ឆេតបោះឆ្នោតជាលើកដំបូងនៅខែតុលា ក្រោយការដួលរលំរបស់លោក al-Assad

ការវាយប្រហាររបស់អ៊ីស្រាអែលសម្លាប់មនុស្សយ៉ាងហោច ២៥នាក់ក្នុងគ្រួសារតែមួយនៅទីក្រុងហ្កាហ្សា

មនុស្សម្នាក់ស្លាប់ ម្នាក់ទៀតបាត់ខ្លួន ក្រោយភ្លៀងធ្លាក់ខ្លាំងនៅតំបន់ Catalonia ប្រទេសអេស្ប៉ាញ

UNព្រួយបារម្ភយ៉ាងខ្លាំងចំពោះស្ថានភាពកាន់តែធ្ងន់ធ្ងរនៅទីក្រុង El-Fasher ប្រទេសស៊ូដង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ប្រឡាយជាង ៦០០ម៉ែត្រនឹងជួយដល់ដីស្រែកសិករជាង៣០០ហិកតា នៅស្វាយរៀងមានទឹកគ្រប់គ្រាន់

កងទ័ពកម្ពុជា ស្នើភាគីថៃកុំឲ្យមានការបាញ់ពលរដ្ឋខ្មែរ ខណៈពួកគេលួចឆ្លងដែនខុសច្បាប់

ឆ្នាំ២០២១ គ.ជ.ប នឹងប្រើប្រាស់ប្រព័ន្ធព័ត៌មានវិទ្យា ដើម្បីបោះឆ្នោត

ខេត្តកំពង់ស្ពឺរកឃើញពលរដ្ឋ ៥៤នាក់ទៀតឆ្លងកូវីដ-១៩ ស្រុកឧដុង្គរកឃើញអ្នកឆ្លងថ្មីច្រើនជាងគេ

ខេត្តបន្ទាយមានជ័យរកឃើញមនុស្ស ៣៦នាក់ទៀតឆ្លងកូវីដ-១៩ ខណៈអ្នកជំងឺ ៨១នាក់ទៀតជាសះស្បើយ

ខេត្តស្វាយរៀងរកឃើញមនុស្ស ៥០នាក់ទៀតឆ្លងកូវីដ-១៩ ក្នុងនោះ ៤៥នាក់ជាកម្មករកម្មការិនីនៅតំបន់សេដ្ឋកិច្ចពិសេស

ក្រសួងការងារចូលរួមសន្និសីទអាស៊ានលើកទី៩ តាមប្រព័ន្ធអនឡាញ

ពលរដ្ឋអតីតតំបន់ក្រហមជាង ៨០ម៉ឺននាក់ បានចាក់វ៉ាក់សាំង ខណៈចាក់ដូសទី២បានជាង ៥០ម៉ឺន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ប្រឡាយ​ជាង ៦០០​ម៉ែត្រ​នឹង​ជួយ​ដល់​ដីស្រែ​កសិករ​ជាង៣០០​ហិកតា​ នៅ​ស្វាយរៀង​មាន​ទឹក​គ្រប់គ្រាន់

កងទ័ព​កម្ពុជា ​ស្នើ​ភាគី​ថៃ​កុំ​ឲ្យ​មានការ​បាញ់​ពលរដ្ឋ​ខ្មែរ ​ខណៈ​ពួកគេ​លួច​ឆ្លងដែន​ខុសច្បាប់

ឆ្នាំ២០២១ គ.ជ.ប នឹងប្រើប្រាស់ប្រព័ន្ធព័ត៌មានវិទ្យា ដើម្បីបោះឆ្នោត

ខេត្ត​បន្ទាយមានជ័យ​រក​ឃើញ​មនុស្ស​ ៣៦​នាក់​ទៀត​ឆ្លង​កូវីដ-១៩ ខណៈ​អ្នក​ជំងឺ​ ៨១​នាក់​ទៀត​ជា​សះ​ស្បើយ

ក្រសួង​ការងារ​ចូលរួម​សន្និសីទ​អាស៊ាន​លើក​ទី​៩ តាម​ប្រព័ន្ធ​អន​ឡាញ​

​ពលរដ្ឋ​អតីត​តំបន់​ក្រហម​ជាង​ ៨០​ម៉ឺន​នាក់ ​បាន​ចាក់​វ៉ាក់សាំង ខណៈចាក់​ដូ​ស​ទី​២​បាន​ជាង​ ៥០​ម៉ឺន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ប្រឡាយជាង ៦០០ម៉ែត្រនឹងជួយដល់ដីស្រែកសិករជាង៣០០ហិកតា នៅស្វាយរៀងមានទឹកគ្រប់គ្រាន់

កងទ័ពកម្ពុជា ស្នើភាគីថៃកុំឲ្យមានការបាញ់ពលរដ្ឋខ្មែរ ខណៈពួកគេលួចឆ្លងដែនខុសច្បាប់

ខេត្តបន្ទាយមានជ័យរកឃើញមនុស្ស ៣៦នាក់ទៀតឆ្លងកូវីដ-១៩ ខណៈអ្នកជំងឺ ៨១នាក់ទៀតជាសះស្បើយ

ក្រសួងការងារចូលរួមសន្និសីទអាស៊ានលើកទី៩ តាមប្រព័ន្ធអនឡាញ

ពលរដ្ឋអតីតតំបន់ក្រហមជាង ៨០ម៉ឺននាក់ បានចាក់វ៉ាក់សាំង ខណៈចាក់ដូសទី២បានជាង ៥០ម៉ឺន