BTV NEWS

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ និង ការអភិវឌ្ឍន៍

ខេត្តកណ្តាល ចាប់ផ្តើមដំណើរការចាក់វ៉ាក់សាំងកូវីសែលដូសទី២ ជូនពលរដ្ឋវ័យចាប់ពី៦០ឆ្នាំឡើងទៅ

កណ្ដាល ៖ គ្រប់មន្ទីរពេទ្យបង្អែកទាំងអស់ នៅខេត្តកណ្តាល នៅថ្ងៃទី៧ ខែឧសភានេះ បានចាប់ផ្តើមទទួលការចាក់វ៉ាក់សាំងកូវីសែល ដែលទទួលអាជ្ញាប័ណ្ណផលិតដោយក្រុមហ៊ុន AstraZeneca សំរាប់ដូសទី២ ដល់មនុស្សចាស់វ័យលើស៦០ឆ្នាំ ។បើតាមវេជ្ជបណ្ឌិត លី មករា ប្រធានមន្ទីរពេទ្យបង្អែកជ័យជំនះ នៅក្នុងក្រុងតាខ្មៅខេត្តកណ្តាល បានថ្លែងប្រាប់ BTV នៅថ្ងៃទី៧ ខែឧសភានេះថា សម្រាប់មន្ទីរពេទ្យជ័យជំនះ នៅថ្ងៃនេះដែរ គឺបានដំណើរការចាក់វ៉ាក់សាំងប្រឆាំងកូវីដ-១៩ ទាំងបីប្រភេទក្នុងនោះ មានវ៉ាក់សាំងស៊ីណូហ្វាម ស៊ីណូវ៉ាក់សាំង និងវ៉ាក់សាំងកូវីសែល ដែលក្រុមគ្រូពេទ្យកំពុងចាប់ផ្តើមចាក់ចាប់ពីថ្ងៃនេះតទៅ។លោក លី មករា បន្តថា សម្រាប់វ៉ាក់សាំងប្រភេទស៊ីណូហ្វាម និងស៊ីណូវ៉ាក់យើងទទួលចាក់លើពលរដ្ឋទូទៅ ដែលមានវ័យចាប់ពី១៨ឆ្នាំឡើងទៅ ។ ដោយឡែកសម្រាប់វ៉ាក់សាំងកូវីសែលវិញ គឺយើងទទួលចាក់ជូនតែដូសទី២ ជូនចំពោះពលរដ្ឋវ័យចាប់ពី៦០ឆ្នាំឡើង ដែលបានមកចាក់ដូសទី១នៅក្នុងមន្ទីរពេទ្យជ័យជំនះនេះ ចន្លោះពី៨ទៅ១២សប្តាហ៍ ហើយយើងមិនអាចទទួលចាក់អ្នកមកពីចំងាយនោះទេ។សម្រាប់ពលរដ្ឋដែលបានអញ្ជើញចាក់វ៉ាក់សាំងកូវីសែលដូសទី២នេះ បានមើលឃើញថា បច្ចុប្បន្នរាជរដ្ឋាភិបាល បាននិងកំពុងស្វះស្វែងរកវ៉ាក់សាំងប្រឆាំងកូវីដ១៩ និងបានរៀបចំផែនការចាក់ច្បាស់លាស់ ដើម្បីចាក់ជូនពលរដ្ឋខ្មែរ អោយបានគ្រប់ៗគ្នា ហើយគេរំពឹងថា នៅថ្ងៃខាងមុខនេះ បើពលរដ្ឋខ្មែរ បានទទួលចាក់វ៉ាក់សាំងប្រឆាំងកូវីដ-១៩នេះទាំងអស់គ្នា នឹងធ្វើអោយគ្មានពលរដ្ឋណាឆ្លងកើតជំងឺកូវីដ១៩នេះ។បើតាមឯកឧត្តម គង់ សោភ័ណ្ឌ អភិបាលខេត្តកណ្តាល បានថ្លែងថា គិតមកដល់ពេលនេះ មានមន្ត្រីរាជការ កងកម្លាំងនគរបាល មន្ត្រីកិច្ចសន្យា ដែលបំរើការងារជួរមុខប្រឆាំងកូវីដ១៩ និងបណ្តាអាជីវករអ្នកប្រកបរបរសេដ្ឋកិច្ចក្នុងប្រព័ន្ធ និងក្រៅប្រព័ន្ធ មនុស្សចាស់ ព្រះសង្ឃ និងពលរដ្ឋអាទិភាពនានាទៀត បានចាក់វ៉ាក់សាំងប្រឆាំងកូវីដ-១៩ សរុបបានប្រមាណជាង ១០ម៉ឺននាក់ ហើយបច្ចុប្បន្ន រដ្ឋបាលខេត្តក៏កំពុងបានរៀបចំផែនការចាក់ជូនពលរដ្ឋទូទៅចាប់ពីវ័យ១៨ឆ្នាំឡើងទៅអោយបានលើមនុស្សជាង៨០ម៉ឺននាក់នៅទូទាំងខេត្តកណ្តាល នៅពេលដែលរាជរដ្ឋាភិបាលទំលាក់វ៉ាក់សាំងនោះមកអោយខេត្តកណ្តាល៕អត្ថបទ ៖ ស៊ុម សុខជា

មនី្ទរពេទ្យកុមារជាតិ ចាក់វ៉ាក់សាំងកូវីដ-១៩ ដូសទី២ ទាំង៣ប្រភេទ ជូនឥស្សរជន និងប្រជាពលរដ្ឋ

ភ្នំពេញ ៖ មនី្ទរពេទ្យកុមារជាតិ នាព្រឹកថ្ងៃទី៧ ឧសភា ២០២១នេះ បានចាក់វ៉ាក់សាំងបង្ការជំងឺកូវីដ-១៩ ដូសទី២ ទាំង៣ប្រភេទ គឺកូវីសែល(ទទួលអាជ្ញាប័ណ្ណផលិតពីក្រុមហ៊ុន AstraZeneca) ស៊ីណូហ្វាម និងស៊ីណូវ៉ាក់ ជូនឥស្សរជន និងប្រជាពលរដ្ឋ។លោកសាស្ត្រាចារ្យ វេជ្ជបណ្ឌិត ញឹប អង្គាបុស្ស នាយកមនី្ទរពេទ្យកុមារជាតិ បានលើកឡើងថា ថ្ងៃនេះមនី្ទរពេទ្យកុមារជាតិ ក៏ដូចជាមនី្ទរពេទ្យផ្សេងទៀត បានចូលរួមជាមួយរាជរដ្ឋាភិបាល ក្នុងការបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ដូសទី២។ ហើយវ៉ាក់សាំងកូវីសែល សម្រាប់ចាក់វ៉ាក់សាំងលើមនុស្ស អាយុ៦០ឆ្នាំឡើងទៅ។ ក្នុងនោះ អ្នកដែលបានចាក់វ៉ាក់សាំងកូវីសែល ដូសទី១ បានចំនួនជាង៦០០០នាក់ ទន្ទឹមនឹងនោះមនី្ទរពេទ្យកុមារជាតិ បានចាប់ផ្តើមចាក់វ៉ាក់សាំងកូវីសែល កាលពីថ្ងៃទី៦ ខែមីនា ឆ្នាំ២០២១ ដូច្នេះអ្នកដែលដល់ថ្ងៃកំណត់ត្រូវចាក់វ៉ាក់សាំង សូមអញ្ជើញមកចាក់វ៉ាក់សាំង ព្រោះវ៉ាក់សាំងកូវីសែល មានចំនួនកំណត់ ព្រោះថា មនី្ទរពេទ្យពិបាកក្នុងការចាក់វ៉ាក់សាំងជូនបងប្អូន ដែលបានចាក់វ៉ាក់សាំងនៅទីតាំងផ្សេង ហើយមកទទួលការចាក់វ៉ាក់សាំងខុសទីតាំង គឺធ្វើឲ្យការគ្រប់គ្រងវ៉ាក់សាំង និងការផ្តល់ឲ្យនេះ អត់បានគ្រប់គ្រាន់ទាំងអស់គ្នានោះទេ។ ដូច្នេះ តម្រូវឲ្យទៅចាក់វ៉ាក់សាំងនៅតាមទីតាំង ដែលអ្នកចាក់វ៉ាក់សាំងពីមុនមក ដើម្បីឲ្យទទួលបានការចាក់វ៉ាក់សាំងបានគ្រប់គ្នា។ជាមួយគ្នានោះដែរ ប្រជាពលរដ្ឋ មកទទួលការចាក់វ៉ាក់សាំងបង្ការជំងឺកូវីដ១៩ នៅក្នុងមនី្ទរពេទ្យកុមារជាតិ បានលើកឡើងស្រដៀងគ្នាថា គាត់បានមកចាក់វ៉ាក់សាំងកូវីសែល ដូសទី២តាមការកំណត់ ដើម្បីការពារសុខភាព និងកុំឲ្យឆ្លងជំងឺកូវីដ១៩ ក៏សូមថ្លែងអំណរគុណដល់ប្រមុខរាជរដ្ឋាភិបាល ក្រសួងសុខាភិបាល និងលោកគ្រូពេទ្យ អ្នកគ្រូពេទ្យ បានខិតខំយ៉ាងសស្រាក់សស្រាំចាក់វ៉ាក់សាំងកូវីដ-១៩ ជូនគាត់ និងប្រជាពលរដ្ឋទាំងអស់។ឋិតក្នុងស្ថានភាពដ៏លំបាកនេះ លោកសាស្ត្រាចារ្យ វេជ្ជបណ្ឌិត ញឹប អង្គាបុស្ស បានបញ្ជាក់ទៀតថា បងប្អូនប្រជាពលរដ្ឋបានដឹងទាំងអស់គ្នាហើយថា ក្នុងព្រឹត្តិការណ៍សហគមន៍ ២០ កុម្ភៈ មានប្រជាពលរដ្ឋជាង១ម៉ឺននាក់ ដែលបានឆ្លងជំងឺកូវីដ១៩ ហើយសព្វថ្ងៃចំនួននៃការឆ្លងនេះ នៅមានចំនួន៣ខ្ទង់នៅឡើយ ក្នុងនោះរាជរដ្ឋាភិបាលបានចេញវិធានការបិទខ្ទប់ និងបើកឡើងវិញកាលពីថ្ងៃទី៦ ខែឧសភា ឆ្នាំ២០២១ផងដែរ ប៉ុន្តែថែរក្សា និងចែកចេញជាតំបន់លឿង តំបន់លឿងទុំ និងតំបន់ក្រហមមួយចំនួន ដើម្បីបិទខ្ទប់ និងកាត់ផ្តាច់ការចម្លង។ ជាពិសេសបើទោះបីបងប្អូនប្រជាពលរដ្ឋ បានចាក់វ៉ាក់សាំងកូវីដ១៩ ហើយកី្ត និងមិនទាន់បានចាក់វ៉ាក់សាំងកូវីដ១៩ហើយកី្ត គឺវិធានការ៣កុំ ៣ការពារ និង២ចូលរួម ជាវិធីសាស្ត្រមួយដ៏សំខាន់ ដែលបុគ្គលគ្រប់រូបអាចធ្វើបានគ្រប់គ្នា ដែលជាវីធីសាស្ត្រ កំពុងប្រើប្រាស់នៅទូទាំងសកលលោក អាចទប់ស្កាត់ ការពារ ការចម្លងមេរោគកូវីដ១៩យ៉ាងមានប្រសិទ្ធភាព៕អត្ថបទ រដ្ឋា

៦ថ្ងៃ កងទ័ពចាក់វ៉ាក់សាំងជូនពលរដ្ឋនៅតំបន់ក្រហម ក្នុងរាជធានីភ្នំពេញ បានចំនួនជិត២៥ម៉ឺននាក់

ភ្នំពេញ ៖ ដំណើរការយុទ្ធនាការចាក់វ៉ាក់សាំងជូនប្រជាពលរដ្ឋនៅតំបន់ក្រហម ក្នុងរាជធានីភ្នំពេញ គិតត្រឹមរយះពេល៦ថ្ងៃ មានប្រជាពលរដ្ឋជិត២៥ម៉ឺននាក់ បានចាក់វ៉ាក់សាំងសម្រាប់ដូសទី១។ ថ្លែងប្រាប់អ្នកសារព័ត៌មាន ក្រោយចុះពិនិត្យទីតាំងចាក់វ៉ាក់សាំងជូនប្រជាពលរដ្ឋនៅតំបន់ក្រហម ស្ថិតក្នុងខណ្ឌឫស្សីកែវ រាជធានីភ្នំពេញ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង និងជានាយសេនាធិការចម្រុះនៃកងយោធពលខេមរភូមិន្ទ មានប្រសាសន៍ថា ចំពោះដំណើរការចាក់វ៉ាក់សាំងបង្ការកូវីដ១៩ជូនប្រជាពលរដ្ឋនៅតំបន់ក្រហម ទោះបីមានការលំបាក និងស្មុគស្មាញក្តី ក៏ដំណើរការនៅតែរក្សាបានភាពល្អប្រសើរ ហើយដំណើរការចាក់ក៏បានលឿនទៅតាមផែនការ។នាយឧត្តម សេនីយ៍ ឥត សារ៉ាត់ បានបញ្ជាក់ថា ក្នុងនោះ បើគិតត្រឹមថ្ងៃទី៦ ខែឧសភា ម្សិលមិញនេះ ក្រោយពីមានសម្ទុះការចាក់វ៉ាក់សាំងលឿនតាមរយះក្រុមគ្រូពេទ្យកងទ័ពបានធ្វើឱ្យចំនួនការចាក់ជូនប្រជាពលរដ្ឋបានដល់ជិត២៥ម៉ឺននាក់ ខណៈប្រជាពលរដ្ឋ សរុបនៅតំបន់ក្រហមក្នុងខណ្ឌទាំង៤ រួមមាន ពោធិ៍សែនជ័យ មានជ័យ ដង្កោ និងកំបូល មានចំនួនប្រមាណ៥២ម៉ឺននាក់។ នាយឧត្តមសេនីយ៍ ឥត សារ៉ាត់ បានបន្តថា ជាកត់សម្គាល់ឃើញពីការប្រឹងប្រែងរបស់ក្រុមការងារចាក់វ៉ាក់សាំងទាំងអស់ ដែលបានយកចិត្តទុកដាក់ និងបំពេញការងារយ៉ាងសស្រាក់សស្រាំ ដើម្បីចាក់វ៉ាក់សាំងជូនប្រជាពលរដ្ឋឱ្យបានតាមផែនការ ទោះបីជាតំបន់ចាក់វ៉ាក់សាំងនេះ ជាតំបន់រីករាលដាលជំងឺកូវីដ១៩ក្តី។បន្ថែមលើសពីនេះ នាយឧត្តមសេនីយ៍ ឥត សារ៉ាត់ បានវាយតម្លៃខ្ពស់ចំពោះទឹកចិត្តដ៏មុះមុតរបស់ក្រុមការងារចាក់វ៉ាក់សាំងទាំងអស់ និងថ្លែងអំណរគុណដល់កិច្ចខិតខំប្រឹងប្រែងរបស់ក្រុមការងារ ដើម្បីសម្រេចផែនការរបស់រាជរដ្ឋាភិបាល សំដៅធ្វើយ៉ាងណាឱ្យប្រជាពលរដ្ឋទាំងអស់បានទទួលវ៉ាក់សាំងបង្ការជំងឺកូវីដ១៩នេះ៕អត្ថបទ៖ សេក ឧត្តម

ក្រសួងអប់រំ និង ស.ស.យ.ក សហការដាក់ដំណើរការ App ថ្មី កម្មវិធីស្វ័យសិក្សា «MoEYS E-Learning»

ភ្នំពេញ ៖ ក្រសួងអប់រំ យុវជន និងកីឡា និង សហភាពសហព័ន្ធយុវជនកម្ពុជា សហការដាក់ដំណើរការកម្មវិធីស្វ័យសិក្សា «MoEYS E-Learning » ចាប់ពីថ្ងៃទី០៧ ខែឧសភា ឆ្នាំ២០២១តទៅ ដើម្បីជំរុញការអប់រំពីចម្ងាយ ,ការអប់រំបែបឌីជីថល និងផ្តល់ភាពងាយស្រួលដល់សិស្សានុសិស្សគ្រប់កម្រិតសិក្សាអាចសិក្សាដោយខ្លួនឯងក្នុងបរិបទកូវីដ-១៩ នេះ។ឯកឧត្តម សុខ សប្បាយណា សមាជិកគណៈកម្មាធិការអចិន្ត្រៃយ៍សហភាពសហព័ន្ធយុវជនកម្ពុជា បានលើកឡើងថា កម្មវិធីស្វ័យសិក្សា Moeys E-learning នេះ កើតចេញតាមរយៈកិច្ចសហប្រតិបត្តិការ ជាបន្តបន្ទាប់ ក្នុងជំនួបរវាង ឯកឧត្ដមបណ្ឌិតសភាចារ្យ ហង់ ជួនណារ៉ុន និងឯកឧត្ដម ហ៊ុន ម៉ានី នាថ្ងៃទី១៤ ខែឧសភា ឆ្នាំ២០២០ កន្លងទៅ និងទទួលបានការគាំទ្រជាស្មារតីដោយ គណៈកម្មការ អប់រំ យុវជន កីឡា កិច្ចការសាសនា វប្បធម៌ និងទេសចរណ៍ នៃរដ្ឋសភាជាតិនោះគឺ App ថ្មីនេះ នឹងជួយសម្រួលដល់ការងារស្វ័យសិក្សាដល់សិស្សានុសិស្សនៅទូទាំងប្រទេស ការគាំទ្រដល់យុទ្ធសាស្ត្រចតុកោណរបស់រាជរដ្ឋាភិបាល ជាវិធីសាស្ត្របន្ថែមមួយទៀតសម្រាប់សិស្សានុសិស្ស ដើម្បីបង្កើនចំណេះដឹងផ្ទាល់ខ្លួន ដើម្បីខ្លួនឯង អនាគតខ្លួនឯង និង អនាគតកម្ពុជា ដោយស្របទៅតាមបដិវត្តន៍ឧស្សាហកម្ម ៤.០ ហើយក៏ជាការផ្ដល់ឱកាសឲ្យសិស្សបង្កើនចំណេះដឹងខ្លួនឯង និងបន្តការសិក្សាក្នុងពេលដែលសាលារៀនកំពុងបន្តបិទទ្វារនៅក្នុងបរិបទកូវីដ១៩នេះ។ ឯកឧត្តម សុខ សប្បាយណា បញ្ជាក់ថា នេះជា កម្មវិធីទូរស័ព្ទដែលត្រូវបានដាក់សម្រាប់ការប្រើប្រាស់នេះ ត្រូវបានធ្វើការសាកល្បងគ្រប់ជ្រុងជ្រោយធ្វើយ៉ាងណាសំដៅដល់ការផ្តល់ជូនភាពងាយស្រួល ជាពិសេសជាការដំឡើងដោយស្នាដៃខ្មែរ ១០០% ដែលគិតដល់ត្រឹមថ្ងៃម្សិលមិញនេះ មានអ្នកចុះឈ្មោះបានប្រមាណ៣ម៉ឺននាក់ហើយ។លោក ឈន ឈុនឡេង អ្នកបច្ចេកទេសដំឡើង App មកពី E School Cambodia បានបញ្ជាក់ថា កម្រិតការងារបច្ចេកទេសទៅលើ App ថ្មីនេះ គឺប្រើប្រាស់បច្ចេកវិទ្យាចុងក្រោយ ការរៀបចំជាលក្ខណៈខ្មែរ និងកម្រិតពិភពលោក ដែលអាចប្រកួតប្រជែងជាមួយគេបាន សូម្បីតែកម្រិតទូរសព្ទទាបក៏អាចប្រើប្រាស់បាន និងទោះបីសិស្សានុសិស្សនៅតាមជនបទក៏អាចប្រើប្រាស់នូវកម្មវិធីនេះបានដោយរលូនផងដែរ។ឯកឧត្តមបណ្ឌិត រស់ សុវាចា អ្នកនាំពាក្យក្រសួងអប់រំ យុវជន និងកីឡា បានបញ្ជាក់ថា កម្មវិធីនេះជាកម្មវិធីថ្មីក៏ពិតមែនប៉ុន្តែ គឺជាកិច្ចការមួយបំពេញបន្ថែមជាមួយនឹងយន្តការដែលបានធ្វើកន្លងមករួចទៅហើយ ខណៈដែលក្រសួងអប់រំមានផែនការយុទ្ធសាស្ត្រអប់រំ 2019- 2023 ដែលជាការចង្អុលបង្ហាញការងារអប់រំឌីជីថល និងក្នុងអំឡុងវិបត្តិកូវីដ-១៩ ក្រសួងអប់រំ បានបង្វែរបញ្ហាប្រឈមទៅជាឱកាសពង្រឹងការអប់រំបែបឌីជីថលតាមរយៈយន្តការមួយចំនួនដែលបានដាក់ចេញនៅពេលកន្លងមក។ ឯកឧត្តម បានបញ្ជាក់ថា កម្មវិធីនេះ ក៏ជាឧបករណ៍ជំរុញបន្ថែមសម្រាប់ការសិក្សាពីចម្ងាយរបស់សិស្សានុសិស្សគ្រប់កម្រិត និងក៏បានចូលរួមជាកិច្ចសហការមួយក្នុងចក្ខុវិស័យអប់រំរបស់ក្រសួងអប់រំ យុវជន និងកីឡាផងដែរ។សូមបញ្ជាក់ថា កម្មវិធី MoEYS E-Learning App គឺកម្មវិធីដែលប្រមូលផ្តុំទៅដោយវីដេអូសិក្សាពីថ្នាក់ទី១ ដល់ថ្នាក់ទី១២ អមជាមួយការបញ្ចូលសៀវភៅសិក្សា (ចំណេះដឹងទូទៅ រឿងនិទាន ភាសាបរទេស) ព្រមទាំងមានលំហាត់សម្រាប់ការអនុវត្តក៏ដូចជាព័ត៌មានអប់រំផ្សេងៗ។ មុខងារពិសេសៗបន្ថែមនៃកម្មវិធីមានដូចជា ៖ (១) Download៖ វីដេអូសិក្សា និងសៀវភៅ អាចទាញយកមកប្រើប្រាស់ពេលមិនមានអ៊ីធឺណិត (Offline) ដើម្បីដោះស្រាយបញ្ហាកង្វះខាតអ៊ីនធឺណិត (២) Multi-User៖ អ្នកប្រើប្រាស់អាចប្រើ ៥គណនីផ្សេងគ្នា លើទូរស័ព្ទតែមួយ (Switch User Method) ដើម្បីដោះស្រាយបញ្ហាកង្វះខាតទូរស័ព្ទ (៣) Reminder ៖ គឺការកំណត់តារាងកាលវិភាគសិក្សាផ្ទាល់ខ្លួន ដើម្បីលើកទឹកចិត្ត និងដាស់តឿនសិស្សក្នុងការរៀនសូត្រតាមរយៈ Push Notification (៤) Graph សិក្សា ៖ មុខងារនេះ ប្រាប់ពីចំនួនម៉ោងប្រើប្រាស់កម្មវិធី ភាគរយសិក្សាតាមមុខវិជ្ជា មេរៀន និងលទ្ធផលលំហាត់ ដើម្បីមាតាបិតា និងសិស្សខ្លួនឯងផ្ទាល់តាមដាន ការសិក្សា និងអភិវឌ្ឍការសិក្សារបស់សិស្ស (៥) ឯកសារមេរៀន ៖ ជាជំនួយដល់សិស្សក្នុងការសិក្សា និងអាច Download ទុកបាន (៦) Ownership: សិស្សអាចដាក់ឈ្មោះ និងរូប របស់ខ្លួន នៅក្នុងកម្មវិធី (៧) កម្មវិធីនេះជា Platform មួយនៃបណ្តុំវីដេអូសិក្សា សៀវភៅសិក្សា ការតេស្ដសមត្ថភាព និងព័ត៌មានថ្មីៗស្ដីពីការអប់រំ (៨) វេទិកាសំណួរ ចម្លើយនៅក្រោមវីដេអូ (៩) រាល់ការរចនាទាំងអស់ គឺថ្មីទាំងស្រុងដោយមិនមានការលួចចំលង (Original Artwork) (១០) មុខងារ History និង Bookmark ផងដែរ៕អត្ថបទ ៖ រក្សា

រដ្ឋបាលខេត្តសៀមរាប តម្រូវឲ្យអ្នកធ្វើដំណើរឆ្លងកាត់ខេត្ត ត្រូវត្រួតពិនិត្យសុខភាពបឋម និងចុះឈ្មោះ ឬ ស្កែន QR Code

សៀមរាប ៖ គណៈបញ្ជាការឯកភាពរដ្ឋបាលខេត្តសៀមរាប តម្រូវឲ្យអ្នកបើកបរ និងអ្នកធ្វើដំណើរឆ្លងកាត់ ឬចូលខេត្តសៀមរាប ត្រូវបំពេញទម្រង់ផ្តល់ព័ត៌មានផ្តល់ជូនក្រុមការងារត្រួតពិនិត្យសុខភាពបឋម និងចុះឈ្មោះ ឬស្កែន QR Code។គណៈបញ្ជាការឯកភាពរដ្ឋបាលខេត្តសៀមរាប បានដាក់ដំណើរការត្រួតពិនិត្យសុខភាពបឋម និងស្កែន QR Code ទប់ស្កាត់កូវីដ១៩ ឬចុះឈ្មោះ នៅត្រង់ព្រំប្រទល់ជាមួយខេត្តកំពង់ធំ ចាប់ពីថ្ងៃទី០៩ ខែមីនា ឆ្នាំ២០២១ និងខេត្តបន្ទាយមានជ័យ ចាប់ពីថ្ងៃទី២០ ខែមីនា ឆ្នាំ២០២១ នៃដងផ្លូវជាតិលេខ៦។ទន្ទឹមគ្នានេះ ដើម្បីពង្រឹងប្រសិទ្ធភាពក្នុងការគ្រប់គ្រងអ្នកដំណើរឆ្លងកាត់ ឬ ចូលទឹកដីខេត្តសៀមរាប គណៈបញ្ជាការឯកភាពរដ្ឋបាលខេត្ត បានសំណូមពរឲ្យរថយន្តឈ្នួល រថយន្តក្រុង និងរថយន្តលក្ខណៈគ្រួសារទាំងអស់បំពេញទម្រង់មុនពេលមកដល់កន្លែងត្រួតពិនិត្យ។ អ្នកបើកបរ និងអ្នកដំណើរទាំងអស់ត្រូវផ្តល់កិច្ចសហការ និងផ្តល់ព័ត៌មានពិត ជៀសវាងការផ្តល់ព័ត៌មានមិនពិត នឹងប្រឈមទទួលខុសត្រូវចំពោះមុខច្បាប់៕អត្ថបទ ៖ សាវី

មនី្ទរពេទ្យព្រះអង្គឌួង បើកយុទ្ធនាការចាក់វ៉ាក់សាំងកូវីសែល សម្រាប់ដូសទី២ ជូនឥស្សរជន និងប្រជាពលរដ្ឋ

ភ្នំពេញ ៖ មនី្ទរពេទ្យព្រះអង្គឌួង នាព្រឹកថ្ងៃទី៦ ឧសភានេះ បើកយុទ្ធនាការចាក់វ៉ាក់សាំងកូវីសែល សម្រាប់ដូសទី២ ដែលទទួលអាជ្ញាបណ្ណផលិតពីក្រុមហ៊ុន AstraZeneca ជូនឥស្សរជន និងប្រជាពលរដ្ឋ។លោកសាស្រ្តាចារ្យ វេជ្ជបណ្ឌិត ប៉ូ រដ្ឋា ប្រធានបច្ចេកទេសមនី្ទរពេទ្យព្រះអង្គឌួង និងជាប្រធានក្រុមចាក់វ៉ាក់សាំងកូវីដ-១៩ បានឲ្យដឹងថា សម្រាប់ថ្ងៃទី៦ ឧសភានេះ ជាថ្ងៃដែលរាជរដ្ឋាភិបាល បានបើកការបិទខ្ទប់ មនី្ទរពេទ្យព្រះអង្គឌួង បានបើកយុទ្ធនាការចាក់វ៉ាក់សាំងកូវីដ១៩ ដូសទី២ ប្រភេទកូវីសែល សម្រាប់ឥស្សរជន និងប្រជាពលរដ្ឋ។ ដោយឡែកការចាក់វ៉ាក់សាំងកូវីសែល សម្រាប់ដូសទី១ កន្លងមកនេះ ក្រុមគ្រូពេទ្យបានចាក់វ៉ាក់សាំងជូនបានចំនួនជាង៤០០០នាក់។ ហើយសម្រាប់ដូសទី២នេះ មនី្ទរពេទ្យបានរក្សាវ៉ាក់សាំងទុកសម្រាប់ចាក់ជូនគាត់ គឺមិនឲ្យមានការខ្វះខាតនោះទេ។ ជាមួយគ្នានោះដែរ ឥស្សរជន និងប្រជាពលរដ្ឋ មានអាយុចាប់ពី៦០ឆ្នាំឡើងទៅ មកទទួលការចាក់វ៉ាក់សាំងបង្ការជំងឺកូវីដ-១៩ ប្រភេទ កូវីសែល នៅក្នុងមនី្ទរពេទ្យព្រះអង្គឌួង បាននិយាយស្រដៀងគ្នាថា គាត់ទាំងអស់គ្នានេះ បានមកចាក់វ៉ាក់សាំងកូវីដ១៩ ដូសទី២នេះ ដើម្បីការពារជំងឺដ៏កាចសាហាវនេះ ចំពោះរូបគាត់ផ្ទាល់ ក្រុមគ្រួសារ ប្រជាពលរដ្ឋទូទៅនៅក្នុងព្រះរាជាណាចក្រកម្ពុជា សូមអរគុណ ដឹងគុណរាជរដ្ឋាភិបាល និងក្រុមគ្រូពេទ្យជួរទាំងអស់ ដែលបានខិតខំបម្រើ និងថែទាំព្យាបាលបងប្អូនប្រជាពលរដ្ឋ។ បើតាមលោកសាស្រ្តាចារ្យ វេជ្ជបណ្ឌិត លូ លីឃាង នាយកមនី្ទរពេទ្យព្រះអង្គឌួង បានលើកឡើងថា ក្នុងដំណើរការចាក់វ៉ាក់សាំងបង្ការជំងឺកូវីដ១៩ ជូនឥស្សរជន និងប្រជាពលរដ្ឋ គឺនៅក្នុងមនី្ទរពេទ្យតែងតែរក្សាតាមគោលការណ៍ របស់រាជរដ្ឋាភិបាល ដោយអនុវត្ត៣ការពារ និង៣កុំ ដើម្បីឲ្យបងប្អូនប្រជាពលរដ្ឋ កុំទទួលយកការឆ្លងកូវីដ១៩ ពីកន្លែងចាក់វ៉ាក់សាំងកូវីដ១៩។ សង្ឃឹមថា ក្រោយបញ្ចប់ការចាក់វ៉ាក់សាំងកូវីដ១៩ នៅក្នុងក្របខណ្ឌទូទាំងប្រទេស គ្រប់ចំនួនជាង១០លាននាក់ នឹងធ្វើឲ្យប្រទេសកម្ពុជា ឈប់ឆ្លង និងរីករាលដាលមេរោគកូវីដ១៩ និងធ្វើឲ្យបងប្អូនប្រជាពលរដ្ឋរស់នៅមានសេចកី្តសុខ និងសេដ្ឋកិច្ចរបស់កម្ពុជា ដំណើរការល្អឡើងវិញ៕អត្ថបទ រដ្ឋា

សម្ដេចតេជោ ហ៊ុន សែន បញ្ចប់ការធ្វើចត្តាឡីស័ក១៤ថ្ងៃ ហើយការពិនិត្យសំណាកបញ្ជាក់ថា សម្ដេចពុំមានមេរោគកូវីដ-១៩ទេ

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់នៅព្រឹកថ្ងៃនេះថា សម្ដេចមិនបានឆ្លងមេរោគកូវីដ-១៩នោះ ក្រោយពីពិនិត្យសំណាកក្រោយ បន្ទាប់ពីការធ្វើចត្តាឡីស័ករយៈពេល ១៤ថ្ងៃហើយនោះ។សម្ដេចតេជោ ហ៊ុន សែន បានបញ្ជាក់បែបនៅលើទំព័រហ្វេសប៊ុកផ្លូវការរបស់សម្ដេចនៅព្រឹកថ្ងៃនេះ ជាថ្ងៃដែលសម្ដេចត្រូវចាកចេញពីការរក្សាខ្លួននៅដាច់ដោយឡែក ឬការធ្វើចត្តាឡីស័ក បន្ទាប់ពីវិលត្រឡប់មកពីកិច្ចប្រជុំមេដឹកនាំអាស៊ានកាលពីថ្ងៃទី២៤ ខែមេសាកន្លងមកនេះ។សម្ដេចតេជោ ហ៊ុន សែន រៀបរាប់ថា៖ «ថ្ងៃនេះ ខ្ញុំបានបញ្ចប់ការធ្វើចត្តាឡីស័ករយៈពេល ១៤ថ្ងៃ បន្ទាប់ពីគ្រូពេទ្យយកសំណាកទៅពិនិត្យ និងបញ្ជាក់ថា ខ្ញុំពុំមានកូវីដ-១៩នោះទេ»។ប្រមុខរាជរដ្ឋាភិបាលកម្ពុជា បានបញ្ជាក់ឡើងវិញថា សម្ដេចត្រូវធ្វើតេស្តសំណាក ៤ដងនៅមុន និងក្រោយកិច្ចប្រជុំកំពូលមេដឹកនាំអាស៊ាន ដែលត្រូវបានរៀបចំធ្វើឡើងនៅទីក្រុងហ្សាកាតា ប្រទេសឥណ្ឌូនេស៊ី៕

ពលរដ្ឋជាង២០គ្រួសារ នៅស្រុកពួក ស្នើឲ្យអាជ្ញាធរជួយដកបង្គោល ចេញពីផ្លូវបុរាណ ដែលមានបុគ្គល២គ្រួសារបានដាំធ្វើឲ្យផ្លូវ មានភាពតូចចង្អៀត

សៀមរាប ៖ ប្រជាពលរដ្ឋជាង២០គ្រួសារ ស្នើឲ្យអាជ្ញាធរជួយអន្ដរគមន៍កាប់ដើមឈើងាប់ចំនួន៣ដើម និងដើមដូង ព្រមទាំងជួយដកបង្គោលឈើគ្រាក់ ចេញពីផ្លូវ ដើម្បីបើកផ្លូវឱ្យប្រជាពលរដ្ឋ ធ្វើដំណើរ និងបើកបររទេះគោ ព្រមទាំងងាយស្រួលដឹកជញ្ជូនទំនិញកសិកម្ម។ ផ្លូវមួយខ្សែនេះ មានទំហំ៤ម៉ែត្រ ស្ថិតនៅក្នុងភូមិជ្រលង ឃុំខ្នាតស្រុកពួក ខេត្ដសៀមរាប ដែលអ្នកភូមិ២គ្រួសារ បានដាំនៅលើផ្លូវជាច្រើនឆ្នាំមកហើយ បណ្ដាលអោយផ្លូវនេះ មានភាពតូចចង្អៀត ។អ្នកស្រី ចាន់ សុជាតិ តំណាងឱ្យប្រជាពលរដ្ឋចំនួន២២គ្រួសារ នៅភូមិជ្រលង ឃុំខ្នាត បានឱ្យដឹង កាលពីព្រឹកថ្ងៃទី០៥ ខែឧសភានេះថា ផ្លូវមួយខ្សែជាប់របងសាលារៀនជាផ្លូវបុរាណដែលអ្នកភូមិធ្វើចរាចរណ៍ ចេញចូលភូមិជ្រលង ឃុំខ្នាត ស្រុកពួក ជាយូរឆ្នាំមកហើយ ប៉ុន្ដែ ត្រូវបានបុគ្គល២គ្រួសារ ដាំបង្គោល ដាំដើមដូង និងដើមឈើ នៅលើផ្លូវមិនឱ្យប្រជាពលរដ្ឋបរទេះគោ ឬ បើកបររម៉ក់ ដោយបុគ្គល២គ្រួសារនៅក្បែផ្លូវនោះ អះអាងថា ជាដីរបស់ពួកគាត់។ ពលរដ្ឋ ដែលដាំដើមឈើនៅលើដីផ្លូវនោះ មានឈ្មោះ មឿន សុខា និងឈ្មោះ មឿន បញ្ញា ជាអ្នករស់នៅភូមិជាមួយគ្នា។ អ្នកស្រី បានបន្ដថា កន្លងមក ការបិទផ្លូវនោះ មានអាជ្ញាធរភូមិឃុំស្រុកជួយដោះស្រាយដែរ ប៉ុន្ដែបុគ្គលពីររូបនោះ មិនព្រមតាមការណែនាំរបស់អាជ្ញាធរនោះឡើយ រហូតមានប្ដឹងផ្ដល់គ្នាដល់តុលាការ ហើយតុលាការខេត្ដសៀមរាប សម្រេចអោយឈ្នះក្ដី ប៉ុន្ដែពីរគ្រួសារនោះមិនព្រមដោយបានដាក់ប្ដឹងទៅសាលាឧទ្ធរហ៍បន្ដទៀត។ឡែកលោកយាយ ខេង សារឿន ហៅយាយយុន មានប្រសាសន៍ថា បច្ចុប្បន្នផ្លូវនេះ មានភាពតូចចង្អៀត ដោយសារពលរដ្ឋពីរគ្រួសារនោះ ដាំបង្គោលគ្រាក់ ដាំដើមឈើនៅលើផ្លូវ បណ្ដាលអោយប្រជាពលរដ្ឋជាច្រើនគ្រួសារពិបាកធ្វើដំណើរយ៉ាងខ្លាំង ដូចជាបររទេះគោមិនកើត បើកគោយន្ដមិនបាននិង បើកធុកៗ ក៏មិនរួចដែរ ។លោកយាយ បន្ដថា ផ្លូវនេះ ជាផ្លូវរទេះគោតាំងពីលោកយាយនៅក្មេង ហើយមានសារសំខាន់ណាស់សម្រាប់ប្រជាពលរដ្ឋដឹកដំណាំកសិកម្ម ក៏ដូចការដឹកជញ្ជូនទំនិញផ្សេងៗទៅផ្សារ។លោកយាយ ក៏ដូចជា ប្រជាពលរដ្ឋ ស្នើអោយអាជ្ញាធរមេត្ដាជួយដកបង្គោលឈើគ្រាក់ និងកាត់ដើមឈើនៅកណ្ដាលផ្លូវនោះចេញវិញដើម្បីអោយប្រជាពលរដ្ឋចេញចូលនិងធ្វើចរាចរណ៍បានស្រួល។លោកយាយថា បើទោះបីមិនបានបើកអោយធំក៏ត្រឹមកាត់ដើមឈើនិងបង្គោលគ្រាក់ដែលនៅលើផ្លូវនោះ ក៏បានដែរ។ករណីនេះ អភិបាលស្រុកពួក ខេត្ដសៀមរាបលោក ស៊ីន ចាន់ថុល មានប្រសាសាន៍ថា ការស្នើសុំនេះ ហួសពីដែនសមត្ថភាពរបស់លោកព្រោះភាគីទាំងពីរ បានប្ដឹងផ្ដល់នៅតុលាការ ហើយលោកមិនហ៊ានលូកដៃ ក្នុងតុលាការនោះឡើយ។ទោះជាយ៉ាងនេះក្ដី កាលពីពាក់កណ្ដាល ខែមករាឆ្នាំ២០២១នេះ សម្ដេចតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា បានណែនាំឱ្យគ្រប់បណ្ដាខេត្ដទាំងត្រូវមានវិធានការរដ្ឋបាលចំពោះអ្នកធ្វើរបងបិទផ្លូវសាធារណៈមិនត្រូវទុកឱ្យបុគ្គលម្នាក់ ឬពីរនាក់ បំផ្លាញប្រជាជនច្រើននាក់នោះឡើយ ៕អត្ថបទ ៖ សាវី

រដ្ឋបាលរាជធានីភ្នំពេញ សុំអធ្យាស្រ័យ និងអំពាវនាវដល់ពលរដ្ឋនៅតំបន់ក្រហម មានការអត់ធ្មត់បន្ថែមទៀត

ភ្នំពេញ ៖ លោក កើត ឆែ អភិបាលរងរាជធានីភ្នំពេញ បានសុំអធ្យាស្រ័យ និងធ្វើការអំពាវនាវដល់បងប្អូនប្រជាពលរដ្ឋ នៅក្នុងតំបន់ក្រហមទាំងអស់ ឲ្យមានការអត់ធ្មត់ខ្ពស់ បន្ថែមទៀត ខណៈអាជ្ញាធរបន្តបិទតំបន់ក្រហមទាំងនោះ រយៈពេល១សប្តាហ៍ទៀត ដោយសារតែបញ្ហានៃការរីករាលដាលនូវមេរោគកូវីដ១៩ មិនទាន់មានពន្លឺថយចុះ។ថ្លែងនៅក្នុងសន្និសីទសារព័ត៌មានផ្សព្វផ្សាយសេចក្តីសម្រេចលេខ ១០០/២១ សសរ ចុះថ្ងៃទី៥ ខែឧសភា ឆ្នាំ២០២១ របស់រដ្ឋបាលរាជធានីភ្នំពេញ ស្តីពី ការដាក់ចេញវិធានការរដ្ឋបាលសម្រាប់ភូមិសាស្ត្ររាជធានីភ្នំពេញ ដើម្បីទប់ស្កាត់ការឆ្លងរាលដាលជំងឺកូវីដ-១៩ ដោយបែងចែកជា “តំបន់ក្រហម” “តំបន់លឿងទុំ” និង “តំបន់លឿង”នាព្រឹកថ្ងៃទី៦ ខែ ឧសភា ឆ្នាំ២០២១នេះ លោក កើត ឆែ បានលើកឡើងថា ការបន្តបិទខ្ទប់បងប្អូនប្រជាពលរដ្ឋមិនឲ្យដើរប្រសេចប្រសាចរយៈពេល៧ថ្ងៃទៀតនេះ គឺដើម្បីការពារអាយុជីវិតរបស់បងប្អូនតែប៉ុណ្ណោះ មិនមែនជាការបិទសិទ្ធិសេរីភាពអ្វីនោះឡើយ។ជាមួយគ្នានោះដែរ លោក កើត ឆែ ក៏បានបញ្ជាក់ជូនដល់បងប្អូនប្រជាពលរដ្ឋផងដែរថា ការសម្រេចបិទខ្ទប់រយៈពេលមួយសប្តាហ៍ទៀតនេះ គឺបែងចែកជាតំបន់បី គឺតំបន់ក្រហម តំបន់ក្រហម តំបន់លឿងទុំ និងតំបន់លឿង ហើយតំបន់នីមួយៗត្រូវបានអាជ្ញាធរកំណត់ច្បាស់លាស់ ហើយផងដែរ នាថ្ងៃទី៥ ខែឧសភា កាលពីម្សិលមិញនេះ។នៅក្នុងសន្និសីទសារព័ត៌មាននេះផងដែរ លោក កើត ឆែ អភិបាលរងរាជធានីភ្នំពេញ ក៏បានអះអាងផងដែរថា រហូតមកដល់ពេលនេះបងប្អូនប្រជាពលរដ្ឋ ដែលស្ថិតនៅក្នុងតំបន់ក្រហមមានចំនួនជិត២០ម៉ឺននាក់ហើយ ដែលបានធ្វើការចាក់វ៉ាក់សាំងការពារមេរោគកូវីដ១៩ ខណៈនៅសេសសល់ក្រុមការងារ បានកំពុងបន្តធ្វើការចាក់ជាបន្តបន្ទាប់ទៀតរហូតដល់អស់ដូចការគ្រោងទុករបស់រាជរដ្ឋាភិបាលនោះ។យ៉ាងណាក៏ដោយអាជ្ញាធរភ្នំពេញបាន បន្តក្រើនរំលឹកដល់បងប្អូនប្រជាពលរដ្ឋទាំងអស់មានការប្រុងប្រយ័ត្នបន្ថែមទៀត ចំពោះវិធានការការពារមេរោគកូវីដ១៩នេះ ជាពិសេសគឺកុំភ្លេច«៣ការពារ ៣កុំ»ស្របទៅតាមការណែនាំរបស់រាជរដ្ឋាភិបាល និងក្រសួងសុខាភិបាលកម្ពុជានាពេលកន្លងទៅនោះ៕អត្ថបទ ៖ បាន ចក់

អភិបាលខេត្តតាកែវ ណែនាំឲ្យសមត្ថកិច្ចចុះធ្វើការផាកពិន័យចំពោះអ្នកដែលមិនពាក់ម៉ាស់ និងរក្សាគម្លាតនៅតាមទីសាធារណៈ

តាកែវ៖ អភិបាលខេត្តតាកែវ បានដាក់បទបញ្ជាយ៉ាងម៉ឹងម៉ាត់ដល់អភិបាលក្រុងស្រុក និងសមត្ថកិច្ច ពាក់ព័ន្ធត្រូវចុះពិនិត្យនៅតាមទីសាធារណៈ និងកន្លែងលក់ដូនានានៅក្នុងមូលដ្ឋានរបស់ខ្លួន ត្រូវធ្វើការផាកពិន័យចំពោះបុគ្គលដែលមិនពាក់ម៉ាស់ និងរក្សាគម្លាតតៅតាមច្បាប់ ដែលបានកំណត់។នៅក្នុងកិច្ចប្រជុំបន្ទាន់របស់រដ្ឋបាលខេត្តតាកែវ នៅព្រឹកថ្ងៃទី ៥ ខែឧសភានេះ ឯកឧត្តម អ៊ូច ភា អភិបាលខេត្តតាកែវ បន្ទាប់ពីក្រសួងសុខាភិបាល នៅថ្ងៃទី០៥ ខែឧសភា ឆ្នាំ២០២១នេះ បានកំណត់យកខេត្តកំពង់ចាម, តាកែវ និងខេត្តកំពង់ស្ពឺបន្ថែមទៀត ជាភូមិសាស្ដ្រត្រូវអនុវត្តកាត្វកិច្ចពាក់ម៉ាស និងកាតព្វកិច្ចរក្សាគម្លាតសុវត្ថិភាព។ឯកឧត្តមអភិបាលខេត្តតាកែវ មានប្រសាសន៍បន្តថា ក្រសួងសុខាភិបាលកំណត់យកទីតាំងភូមិសាស្ដ្រខេត្តកំពង់ចាម តាកែវ និងកំពង់ស្ពឺ ដែលត្រូវពាក់ម៉ាស និងរក្សាគម្លាតសុវត្ថិភាព ការកំណត់នេះ គឺដោយសារខេត្តទាំងបី បាននឹងកំពុងផ្ទុះរីករាលដាល ជំងឺកូវីដ១៩ ក្នុងសហគមន៍។ ដូច្នោះដើម្បីអនុវត្តន៍ការកំណត់របស់ក្រសួងសុខាភិបាល អភិបាលក្រុងស្រុក និងសមត្ថកិច្ចពាក់ព័ន្ធត្រូវធ្វើសកម្មភាព ចុះទៅដល់ទីតាំងសាធារណៈ កន្លែងលក់ដូនានា ជាពិសេសហាងកាហ្វេ ហើយបើឃើញមានបុគ្គលណាម្នាក់មិនគោរពតាមការនែនាំរបស់ក្រសួងសុខាភិបាល ដោយមិនបានពាក់ម៉ាស់ ឬមិនរក្សាគម្លាតនៅពេលដែលប្រមូលផ្ដុះគ្នាចាប់ពីពីរនាក់ឡើងទៅ ត្រូវតែធ្វើការផាកពិន័យតៅតាមច្បាប់ដោយគ្មានការយោគយល់អ្វីទាំងអស់។នៅក្នុងឱកាសនោះ ឯកឧត្តមអភិបាលខេត្តតាកែវ ក៏បានណែនាំដល់អាជ្ញាធក្រុងស្រុកត្រូវពង្រឹងការគ្រប់គ្រងការ ធ្វើចត្តាឡីស័ក តាមមូលដ្ឋាននិងបន្តស្រាវជ្រាវរកអ្នកពាក់ព័ន្ធក្នុងព្រឹត្តិការណ៍ ដើម្បីអោយមកធ្វើចត្តាឡីស័ក ពង្រឹងការគ្រប់គ្រងត្រួតពិនិត្យតាមច្រកព្រំដែន ( ការចេញ ចូលជាពិសេសពង្រឹងការគ្រប់សណ្តាប់ធ្នាប់ សន្តិសុខ តាមទីប្រជុំជនព្រមទាំងត្រូវចុះបាញ់ថ្នាំសំលាប់ មេរោគតាមផ្សារ និងតាមរោងចក្រដើម្បីទប់ស្កាត់ការរីករាលដាលជំងឺកូវីដ១៩ នៅក្នុងសហគមន៍៕ដោយ៖គុជ វិភាគ

បណ្ដាញសង្គម

ព័ត៌មានថ្មីៗ

សម្ដេចធិបតី ហ៊ុន ម៉ាណែត ថ្លែងអំណរគុណដល់បងប្អូនមហាគ្រួសារខ្មែរ ដែលបានជួបជុំគ្នាជាលើកទីពីរ ជាសារលើកទឹកចិត្តដ៏ធំធេងទៅដល់វីរកងទ័ពជួរមុខ

ប្រតិភូគណៈចលនាសាសនិកឥស្លាមកម្ពុជា នាំយកអំណោយឧបត្ថម្ភជូនកងកម្លាំងជួរមុខ ដែលកំពុងឈរជើងការពារព្រំដែន ខេត្តព្រះវិហារ

ឯកឧត្តម ឌិត ទីណា អញ្ជើញបើកកិច្ចប្រជុំបូកសរុបសកម្មភាព និងលទ្ធផលការងារមូលដ្ឋានខេត្តបន្ទាយមានជ័យ

កូនប្រុសពៅសម្ដេចធិបតី ហ៊ុន ម៉ាណែត ទទួលបានមេដាយមាសសិស្សឆ្នើម លើការប្រកួតគណិតវិទ្យាអន្តរជាតិ ចំណាត់ថ្នាក់លេខមួយ ៣ឆ្នាំជាប់គ្នា

ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បន្តចុះពិនិត្យ ព្យាបាលជំងឺ ជូនប្រជាពលរដ្ឋដោយឥតគិតថ្លៃ នៅឃុំតាសាល ស្រុកឱរ៉ាល់ ខេត្តកំពង់ស្ពឺ

ចិនប្តេជ្ញាចាត់វិធានការកាន់តែតឹងរ៉ឹង ប្រឆាំងនឹងការរត់ពន្ធរ៉ែយុទ្ធសាស្ត្រ

មន្ត្រីជាន់ខ្ពស់ក្រសួងធម្មការនិងសាសនាណែនាំដល់យុវជនត្រូវធ្វើអំពើល្អនិងខិតខំរៀនសូត្រដើម្បីបន្តការពារនិងអភិវឌ្ឍន៍ជាតិ

លោក Zelenskyy៖ រុស្ស៊ីបាញ់មីស៊ីលជាង ៣០គ្រាប់ និងយានដ្រូន ៣០០គ្រឿង អំឡុងការវាយប្រហារលើអ៊ុយក្រែន

មនុស្សយ៉ាងតិច ១៩នាក់ រងរបួសដោយសារការផ្ទុះកាំជ្រួចនៅកន្លែងតាំងពិព័រណ៍ ភាគខាងលិចអាល្លឺម៉ង់

កុងហ្គោ និងក្រុមឧទ្ទាម M23 ចុះហត្ថលេខាលើកិច្ចព្រមព្រៀងឈប់បាញ់ នៅកាតា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ខេត្តកណ្តាល ចាប់ផ្តើមដំណើរការចាក់វ៉ាក់សាំងកូវីសែលដូសទី២ ជូនពលរដ្ឋវ័យចាប់ពី៦០ឆ្នាំឡើងទៅ

មនី្ទរពេទ្យកុមារជាតិ ចាក់វ៉ាក់សាំងកូវីដ-១៩ ដូសទី២ ទាំង៣ប្រភេទ ជូនឥស្សរជន និងប្រជាពលរដ្ឋ

៦ថ្ងៃ កងទ័ពចាក់វ៉ាក់សាំងជូនពលរដ្ឋនៅតំបន់ក្រហម ក្នុងរាជធានីភ្នំពេញ បានចំនួនជិត២៥ម៉ឺននាក់

ក្រសួងអប់រំ និង ស.ស.យ.ក សហការដាក់ដំណើរការ App ថ្មី កម្មវិធីស្វ័យសិក្សា «MoEYS E-Learning»

មនី្ទរពេទ្យព្រះអង្គឌួង បើកយុទ្ធនាការចាក់វ៉ាក់សាំងកូវីសែល សម្រាប់ដូសទី២ ជូនឥស្សរជន និងប្រជាពលរដ្ឋ

រដ្ឋបាលរាជធានីភ្នំពេញ សុំអធ្យាស្រ័យ និងអំពាវនាវដល់ពលរដ្ឋនៅតំបន់ក្រហម មានការអត់ធ្មត់បន្ថែមទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រសួង​អប់រំ និង ស​.​ស​.​យ​.​ក ​សហការ​ដាក់​ដំណើរការ ​App ថ្មី ​កម្មវិធី​ស្វ័យ​សិក្សា ​«MoEYS E-Learning»

មនី្ទរពេទ្យព្រះអង្គឌួង បើកយុទ្ធនាការចាក់វ៉ាក់សាំងកូវីសែល សម្រាប់ដូសទី២ ជូនឥស្សរជន និងប្រជាពលរដ្ឋ

រដ្ឋបាលរាជធានីភ្នំពេញ សុំអធ្យាស្រ័យ​ និងអំពាវនាវដល់ពលរដ្ឋ​នៅ​តំបន់ក្រហម មានការអត់ធ្មត់បន្ថែមទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ក្រសួងអប់រំ និង ស.ស.យ.ក សហការដាក់ដំណើរការ App ថ្មី កម្មវិធីស្វ័យសិក្សា «MoEYS E-Learning»

រដ្ឋបាលរាជធានីភ្នំពេញ សុំអធ្យាស្រ័យ និងអំពាវនាវដល់ពលរដ្ឋនៅតំបន់ក្រហម មានការអត់ធ្មត់បន្ថែមទៀត