BTV NEWS

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ និង ការអភិវឌ្ឍន៍

កងទ័ពនៃយោធភូមិភាគទី៥ ចាប់ផ្ដើមទទួលវ៉ាក់សាំងដូសទី២

បាត់ដំបង ៖ ខណៈទទួលបានជោគជ័យ ក្នុងការចាក់វ៉ាក់សាំងបង្ការកូវីដ-១៩ លើកទី១ ថ្នាក់ដឹកនាំ និងកម្លាំងកង ទ័ព នៃយោធភូមិភាគទី៥ បានចាប់ផ្ដើមចាក់វ៉ាក់សាំង ជាលើកទី២ (ប្រភេទ ស៊ីណូហ្វាម) ទៅតាមពេល វេលា និងគោលដៅ ដែលបានកំណត់។ដំណើរការចាក់វ៉ាក់សាំងជូនកងទ័ព យោធភូមិភាគទី៥ លើទីពីរ បានចាប់ផ្ដើមនៅថ្ងៃទី១៧ ខែមី នានេះ ដែលឧត្តមសេនីយ៍ឯក ឯក សំអូន មេបញ្ជាការភូមិភាគទី៥ បានបញ្ជាក់ថា បន្ទាប់ពីការចាក់លើក ទី១ មិនមានអាការៈ អ្វីធំដុំ ធ្វើឲ្យប៉ះពាល់សុខភាព កម្លាំងកងទ័ព នៃយោធភូមិភាគទី៥ នៅក្នុងខេត្តបាត់ ដំបង ប៉ៃលិន និងបន្ទាយមានជ័យ បានផ្ដើមចាក់វ៉ាក់សាំងលើកទី២ តាមការកំណត់។ឧត្តមសេនីយ៍ឯក បានបន្តថា ការចាក់វ៉ាក់សាំងនេះ គឺត្រូវបានសួរនាំយ៉ាងយកចិត្តទុកដាក់ពីសំណាក់គ្រូពេទ្យមុនចាក់ ដោយមិនមានការធ្វេសប្រហែសនោះទេ ខណៈការចាក់នេះទៀតសោត គឺស្ថិតលើ គោលការណ៍ស្ម័គ្រចិត្ត មិនមានការបង្ខិតបង្ខំទេ។ចំពោះកងទ័ព ដែលទទួលបានវ៉ាក់សាំងទាំងពីរលើក បានឲ្យដឹងថា រាល់ការចាក់វ៉ាក់សាំងទាំង អស់ តែងមានអាការៈមិនស្រួលខ្លួនតិចតួច យ៉ាងណាមិញ វ៉ាក់សាំងកូវីដ-១៩ ប្រភេទស៊ីណូហ្វាមនេះ ក៏ ដូចគ្នាដែរ ប៉ុន្តែវាមិនបង្កឲ្យមានផលប៉ះពាល់សុខភាពធ្ងន់ធ្ងរនោះទេ។ យោងតាមរបាយការណ៍របស់រដ្ឋបាលខេត្តបាត់ដំបង ការចាក់វ៉ាក់បង្ការជំងឺកូវីដ-១៩ លើកទី១ ជូនថ្នាក់ដឹកនាំខេត្ត មន្ត្រីរាជការ កងកម្លាំង និងអ្នកមានអាទិភាពមួយចំនួន បានចំនួន៥៨៥៨នាក់ និង លើកទី២ បាន១៤១៦នាក់៕អត្ថបទ៖ បាន សុខរិទ្ធ

ប្រមុខរាជរដ្ឋាភិបាលកម្ពុជា អបអរសាទរការប្រារព្ធ “ខួបកំណើត ១០០ ឆ្នាំ របស់បិតាជាតិបង់ក្លាដែស

ភ្នំពេញ ៖ ព្រឹកថ្ងៃទី១៨មីនានេះ សម្តេចតេជោ ហ៊ុន សែន នាយក រដ្ឋមន្ត្រីកម្ពុជាបានអញ្ជើញថ្លែងសុន្ទរកថា តាមប្រព័ន្ធវីដេអូ ចូលរួមអបអរសាទរ ក្នុង "ពិធីប្រារព្ធខួបកំណើត ១០០ ឆ្នាំ របស់បិតាជាតិបង់ក្លាដែស" និង"ទិវាបុណ្យឯករាជ្យជាតិបង់ក្លាដែស ខួបលើកទី ៥០"។សុន្ទរកថា បានបង្ហាញថា ថ្ងៃនេះ តាងនាមរាជរដ្ឋាភិបាល និងប្រជាជនកម្ពុជា សម្តេចពិតជាមានកិត្តិយស និងសេចក្តីសោមន្សរីករាយជាអនេក ដែលបានចូលរួមថ្លែងសារ ដើម្បីអបអរសាទរការប្រារព្ធ “ខួបកំណើត ១០០ ឆ្នាំ របស់បិតាជាតិបង់ក្លាដែស បង់ហ្កាបាន់ឌូ សេក្ខ មូជីប៊ួ រ៉ាម៉ាន់” និង “ទិវាបុណ្យឯករាជ្យជាតិបង់ក្លាដែស ខួបលើកទី ៥០” តាមប្រព័ន្ធវីដេអូ បើទោះបីជាសម្តេចមិនអាចទៅចូលរួមព្រឹត្តិការណ៍ជាប្រវត្តិសាស្ត្រនេះដោយផ្ទាល់នៅទីក្រុងដាក្កា ដោយសារការរីករាលដាលនៃជំងឺកូវីដ-១៩ ក៏ដោយ ។ ក្នុងឱកាសនេះ, សម្តេច បានបង្ហាញនូវសេចក្ដីសោមនស្សរីករាយយ៉ាងក្រៃលែង ដោយបានសម្ដែងនូវអំណរសាទរដ៏ស្មោះអស់ពីដួងចិត្ត និងសូមប្រសិទ្ធពរបវរមហាប្រសើរជូនចំពោះ ឯកឧត្តមប្រធានាធិបតី អាប់ឌុល ហាមីត, លោកជំទាវនាយករដ្ឋមន្ត្រី សេក្ខ ហាស៊ីណា និងប្រជាជនបង់ក្លាដែសជាមិត្តទាំងអស់ សូមប្រកប ដោយសុខភាពមាំមួន, សុភមង្គល និងវិបុលភាព ។សម្តេចក៏បានសម្ដែងនូវការសាទរ និងកោត សរសើរចំពោះរដ្ឋាភិបាល និងប្រជាជនបង់ក្លាដែស ដែលសម្រេចបាននូវសមិទ្ធផលដ៏គួរឱ្យកត់សម្គាល់ជាច្រើនក្នុងទសវត្សរ៍កន្លងមក តាមមាគ៌ាដឹកនាំដ៏ប្រាកដនិយម ប្រកបដោយចក្ខុវិស័យវែងឆ្ងាយរបស់ ឯកឧត្តមបិតាជាតិ បង់ហ្កាបាន់ឌូ សេក្ខ មូជីប៊ួ រ៉ាម៉ាន់ ។ ក្រោមការដឹកនាំដ៏ឈ្លាសវៃរបស់ ឯកឧត្តមប្រធានាធិបតី អាប់ឌុល ហាមីត និង លោកជំទាវនាយករដ្ឋមន្ត្រី សេក្ខ ហាស៊ីណា, ប្រទេសបង់ក្លាដែស សម្រេចបាននូវកំណើន សេដ្ឋកិច្ចខ្ពស់, វឌ្ឍនភាពសង្គម និងជីវភាព រស់នៅ របស់ប្រជាជនបង់ក្លាដែសកាន់តែប្រសើរឡើង។ ជោគជ័យដ៏ធំធេងនេះ បានផ្តល់លទ្ធភាពឱ្យបង់ក្លាដែសអាចបំពេញបាននូវលក្ខខណ្ឌតម្រូវ ដើម្បីចាកចេញពីប្រទេសអភិវឌ្ឍន៍តិចតួចក្នុងឆ្នាំ ២០២១ នេះ ។ទំនាក់ទំនងមិត្តភាពជាប្រវត្តិសាស្ត្ររវាងកម្ពុជា និងបង់ក្លាដែស ចាប់ផ្តើមដំបូងពីសម្ព័ន្ធភាពដ៏ ជិតស្និទ្ធ និងជាពិសេសរវាងព្រះវររាជបិតាជាតិខ្មែរ ព្រះករុណា ព្រះបាទសម្តេចព្រះនរោត្តម សីហនុ ព្រះបរមរតនកោដ្ឋ និងបិតាជាតិបង់ក្លាដែស ឯកឧត្តម បង់ហ្កាបាន់ឌូ សេក្ខ មូជីប៊ួ រ៉ាម៉ាន់ ក្នុងអំឡុង សន្និសីទនៃចលនាមិនចូលបក្សសម្ព័ន្ធ នៅប្រទេសអាល់ហ្សេរី ក្នុងឆ្នាំ ១៩៧៣ ។ កម្ពុជា និងបង់ក្លាដែស បាន បង្កើតទំនាក់ទំនងការទូតជាផ្លូវការ នៅថ្ងៃទី ១៧ ខែ កុម្ភៈ ឆ្នាំ ១៩៩៣ ដែលជាការបើកទំព័រថ្មីមួយក្នុងទំនាក់ទំនងរបស់យើង ។ ក្នុងរយៈពេលជិត ៣ ទសវត្សរ៍កន្លងទៅនេះ សម្តេចពិតជាមានសេចក្តីសោមនស្សរីករាយ ដោយកត់សម្គាល់ឃើញថា ប្រទេសយើងទាំងពីរតែងតែខិតខំរក្សាបាននូវចំណងមិត្តភាព និងកិច្ចសហប្រតិបត្តិការយ៉ាងល្អ និងប្រកបដោយផ្លែផ្កា ទាំងក្នុងកម្រិតទ្វេភាគី និងពហុភាគី ដោយឈរលើមូលដ្ឋានស្មើភាព និងការគោរពគ្នាទៅវិញទៅមក ដើម្បីផលប្រយោជន៍របស់ប្រជាជាតិ និងប្រជាជនយើងទាំងពីរ ។ការផ្លាស់ប្តូរទស្សនកិច្ចជាន់ខ្ពស់រវាងប្រទេសទាំងពីរក៏ត្រូវបានធ្វើឡើងជាបន្តបន្ទាប់ ជាពិសេសទស្សនកិច្ចផ្លូវការជាប្រវត្តិសាស្ត្ររបស់សម្តេចផ្ទាល់នៅបង់ក្លាដែស ក្នុងខែ មិថុនា ឆ្នាំ ២០១៤ និងទស្សនកិច្ចផ្លូវការ របស់ លោកជំទាវនាយករដ្ឋមន្ត្រី សេក្ខ ហាស៊ីណា នៅកម្ពុជា ក្នុងខែ ធ្នូ ឆ្នាំ ២០១៧ បាននាំមកនូវការចុះហត្ថលេខាលើឯកសារកិច្ចសហប្រតិបត្តិការជាច្រើន ក្នុងការលើកស្ទួយវិស័យសេដ្ឋកិច្ច, ពាណិជ្ជកម្ម, ការវិនិយោគ និងបច្ចេកទេសរវាងប្រទេសទាំងពីរ ។ ទន្ទឹមនេះ, យើងទាំងពីរក៏បានឯកភាពដាក់ឈ្មោះវិថីដ៏សំខាន់ មួយខ្សែក្នុងរាជធានីភ្នំពេញ និងមួយខ្សែក្នុងរដ្ឋធានីដាក្កា តាមព្រះបរមនាមរបស់ព្រះវររាជបិតាជាតិខ្មែរ និងបិតាជាតិបង់ក្លាដែស ដើម្បីគូសបញ្ជាក់នូវការគោរព និងស្រលាញ់ដ៏ជ្រាលជ្រៅបំផុតចំពោះរដ្ឋបុរសដ៏ឆ្នើមទាំងពីរ ។ ជាចុងបញ្ចប់ សម្តេចបានអះអាងជាថ្មីនូវការប្តេជ្ញាចិត្តយ៉ាងមុតមាំធ្វើឱ្យកាន់តែស៊ីជម្រៅនូវទំនាក់ទំនង និងកិច្ចសហប្រតិបត្តិការទ្វេភាគីរវាងកម្ពុជា និងបង់ក្លាដែស និងអភិវឌ្ឍភាពជាដៃគូកាន់តែរឹងមាំ និងផ្តល់ប្រយោជន៍ទៅវិញទៅមក ទាំងក្នុងក្របខណ្ឌតំបន់ និងអន្តរជាតិ ដើម្បីចូលរួមចំណែកដល់សន្តិភាព, ស្ថិរភាព និងវិបុលភាពនៅក្នុងតំបន់ ក៏ដូចជាពិភពលោក ជាពិសេសជម្នះនូវវិបត្តិសុខភាពសកល បច្ចុប្បន្នដែលបង្កឡើងដោយជំងឺរាតត្បាតកូវីដ ១៩ ៕

ខេត្តកណ្តាល នឹងរៀបចំទីតាំងអគារមួយចំនួននៅស្រុកកោះធំ ជាមន្ទីរពេទ្យព្យាបាលកូវីដ-១៩

កណ្ដាល ៖ នៅថ្ងៃទី១៧ ខែមីនា ម្សិលមិញនេះ ឧត្តមសេនីយ៍ឯក ហ៊ុន ម៉ាណែត ក្នុងនាមជាប្រធានអនុគណៈកម្មការគ្រប់គ្រងសន្តិសុខ និងសណ្តាប់ធ្នាប់នៅតាមគោលដៅ និងតំបន់ចត្តាឡីស័ក និងក្រុមការងារបច្ចេកទេស បានចុះត្រួតពិនិត្យនិងជួយរៀបចំមន្ទីរពេទ្យព្យាបាលអ្នកជំងឺកូវីដ១៩ និង កន្លែងចត្តាឡីស័ក សម្រាប់អ្នកមានហានិភ័យខ្ពស់ឆ្លងកូវីដ១៩ នៅតំបន់ជ្រៃធំ ស្រុកកោះធំ ខេត្តកណ្តាល។ដើម្បីស្តារស្ថានភាពការរាតត្បាតកូវីដ១៩ នៅតំបន់ជ្រៃធំនោះអោយមានភាពល្អប្រសើរឡើងវិញ និងឆ្លើយតបសំណើរពីអាជ្ញាធរខេត្ត កណ្តាល នៅពេលនេះ ឧត្តមសេនីយ៍ឯក ហ៊ុន ម៉ាណែត បានសម្រេចផ្តល់ការគាំទ្រជួយរៀបចំវិធានការដើម្បីគ្រប់គ្រងទីតាំង និងប្រែក្លាយទីតាំងអាគារមួយចំនួនធ្វើជាមន្ទីរពេទ្យព្យាបាលជំងឺកូវីដ១៩ និងកន្លែងចត្តាឡីស័ក សម្រាប់អ្នកមានហានិភ័យខ្ពស់ក្នុងការឆ្លងជំងឺនេះ នៅតំបន់ជ្រៃធំ។តាមការបញ្ជាក់បន្ថែមពីឯកឧត្តម គីម រិទ្ធី អភិបាលរងខេត្តកណ្តាល បានថ្លែងប្រាប់ BTV នៅថ្ងៃទី១៨ ខែមីនានេះថា នៅក្នុងចុះជួយផ្តល់ពិសោធន៍ និងផ្តល់បច្ចេកទេសរៀបចំមន្ទីរពេទ្យព្យាបាលអ្នកជំងឺកូវីដ១៩ របស់ឧត្តមសេនីយ៍ ឯកហ៊ុន ម៉ាណែត នាពេលនេះ គឺយើងបានសម្រេចខ្ចីអាគារកាស៊ីណូយុងជីន ដែលអាចផ្ទុកមនុស្សស្នាក់ជាង២០០នាក់នោះ ធ្វើជាមណ្ឌលព្យាបាលអ្នកជំងឺកូវីដ១៩ បណ្តោះអាសន្ននៅតំបន់ជ្រៃធំ នៃស្រុកកោះធំ។ឯកឧត្តម គីម រិទ្ធី បញ្ជាក់ថា បើពិនិត្យស្ថានភាពជារួម បច្ចុប្បន្នពលរដ្ឋខ្មែរនៅក្នុងភូមិចំនួនបីសរុបចំនួនជាង១០២៥គ្រួសារនៅក្នុងតំបន់ជ្រៃធំឃុំសំពៅពូន ស្រុកកោះធំ នោះមិនមាននរណាម្នាក់នៅក្នុងមូលដ្ឋាននោះ មានឆ្លងមេរោគកូវីដ១៩នោះទេ ពោលគឺមានឆ្លងតែនៅក្នុងអាគារកាស៊ីណូក្នុងតំបន់នោះតែប៉ុណ្ណោះ។ដើម្បីទប់ស្កាត់កុំអោយកូវីដ១៩នេះរាតត្បាតបន្តចេញមកខាងក្រៅ នៅពេលនេះ អាជ្ញាធរ បានសម្រេចបិទបណ្តោះអាសន្នកាស៊ីណូចំនួន៦ទីតាំង និងបានយកអាគារកាស៊ីណូទាំងអស់នោះ ទៅធ្វើជាទីតាំងចត្តាឡីស័កទៅលើបណ្តាបុគ្គលិក និងអ្នកពាក់ព័ន្ធចូលក្នុងកាស៊ីណូនោះ ដោយឡែកសម្រាប់អាជីវកម្មតូចធំគ្រប់ប្រភេទនៅក្នុងតំបន់ជ្រៃធំនោះ ត្រូវបានអាជ្ញាធរក៏បានស្នើអោយបិទបណ្តោះអាសន្ន ហើយសម្រាប់ចរាចរណ៍ធ្វើដំណើរវិញ គឺពលរដ្ឋខ្មែរនៅក្នុងតំបន់នោះគឺអនុញ្ញាតធ្វើដំណើរធម្មតា តែជនបរទេសវិញគឺបានហាមធ្វើដំណើរជាបណ្តោះអាសន្នសិន។ គិតត្រឹមព្រឹកថ្ងៃទី១៨ខែមីនានេះ នៅខេត្តកណ្តាល មានករណីឆ្លងថ្មីកូវីដ១៩ ចំនួន២១នាក់ បន្ថែមទៀត ដែលនាំឲ្យចំនួនអ្នកពាក់ព័ន្ធព្រឹត្តិការណ៍សហគមន៍២០ កុម្ភៈ នៅស្រុកកោះធំ មានអ្នកវិជ្ជមានមេរោគកូវីដ-១៩ ចំនួន១៧៧នាក់៕អត្ថបទ ៖ ស៊ុម សុខជា

គ្រូបង្រៀនអរគុណរដ្ឋាភិបាលដែលផ្ដល់អាទិភាពឲ្យទទួលបានការចាក់វ៉ាក់សាំងកូវីដ១៩ នៅពេលខាងមុខ

ភ្នំពេញ ៖ ខណៈដែលការឆ្លងរាលដាលកូវីដ១៩នៅកម្ពុជា បន្តរកឃើញថ្មីជារៀងរាល់ថ្ងៃ ស្របគ្នានោះកម្ពុជាកំពុងដំណើរការចាក់វ៉ាក់សាំងបង្ការកូវីដ-១៩ ដល់ពលរដ្ឋអាទិភាពជាក្រុមគោលដៅដែលប្រព្រឹត្តទៅយ៉ាងរលូន។ ក្នុងនោះ គ្រូបង្រៀន នៅរាជធានីភ្នំពេញ បានថ្លែងអំណរគុណចំពោះប្រមុខរាជរដ្ឋាភិបាល ខណៈដែលពេលខាងមុខនេះ នឹងផ្តល់ការចាក់វ៉ាក់សាំងដល់គ្រូបង្រៀនតាមបណ្តារាជធានីខេត្តដែលប្រឈមហានិភ័យខ្ពស់នៃជំងឺឆ្លងកូវីដ១៩។យុទ្ធនាការចាក់វ៉ាក់សាំង រជំងឺកូវីដ-១៩ កំពុងបន្ត ទាំងការចាក់វ៉ាក់សាំង Sinopharm ជូនក្រុមគោលដៅសម្រាប់លើកទី២(ដូសទី២) និងការចាក់វ៉ាក់សាំង AstraZeneca ជូនដល់ប្រជាពលរដ្ឋអាយុចាប់ពី ៦០ឆ្នាំឡើង រស់នៅរាជធានីភ្នំពេញ ខេត្តកណ្ដាល និងខេត្តព្រះសីហនុ។ ស្របតាមស្ថានភាពជាក់ស្ដែង រាជរដ្ឋាភិបាលក៏បានសម្រេច ឲ្យមានការចាក់វ៉ាក់សាំងកូវីដ១៩ ចំពោះគ្រូបង្រៀននៅរាជធានី-ខេត្តមួយចំនួន ដែលមានហានិភ័យខ្ពស់ ចំពោះការឆ្លងកូវីដ១៩ ក្នុងភាពបន្ទាន់មួយចំនួន ហើយក្រសួងអប់រំត្រូវរៀបចំគ្រូបង្រៀន និងសិស្សនិស្សិតដែលអាចទទួលបានការចាក់វ៉ាក់សាំងការពារកូវីដ១៩ផងដែរ ។ នេះបើយោងតាមសារជាសម្លេងរបស់សម្តេចតេជោនាយករដ្ឋមន្ត្រីកាលពីថ្ងៃទី១៦ ខែមីនាកន្លងទៅ។ ជុំវិញការអនុញ្ញាតនេះ លោក សូ ធី ជានាយកសាលាបឋមសិក្សាចតុមុខ បញ្ជាក់ថា សាលារៀនក៏កំពុងរៀបចំបញ្ជីឈ្មោះ គ្រូបង្រៀនក្រោមគោលការណ៍ស្ម័គ្រចិត្តដើម្បីបញ្ជូនទៅខាងក្រសួងអប់រំផងដែរ។ លោកគ្រូពិតជារីករាយក្នុងការទទួលយក ចំពោះការផ្ដល់ជូននេះ។សម្រាប់លោកគ្រូ និងអ្នកគ្រូ ដែលបង្រៀននៅសាលានេះ ក៏បានបង្ហាញក្ដីរំភើបរីករាយ និងស្ម័គ្រចិត្តក្នុងការទទួលចាក់វ៉ាក់សាំងនាពេលខាងមុខផងដែរ។ ពួកគាត់អរគុណជាខ្លាំង ចំពោះការយកចិត្តទុកដាក់របស់ រាជរដ្ឋាភិបាលកម្ពុជា។សូមបញ្ជាក់ថា ក្រៅពីកំណត់ គ្រូបង្រៀននៅទីតាំងហានិភ័យទាំងនេះជាក្រុមគោលដៅបន្ទាប់ សម្ដេចតេជោ ហ៊ុន សែន ក៏បានលើកឡើងថា រដ្ឋាភិបាលក៏គិតគូរសំរាប់ការចាក់ជូនដល់កម្មករ ដែលតំរូវអោយ បញ្ជីនៅតាមរោងចក្រណាដែលអាចទទួលអាទិភាពអាចចាក់បានមុន ឬក្រោយអោយបានច្បាស់លាស់ និងតាមបណ្តារាជធានីខេត្តត្រូវពិនិត្យមើលអ្នកដែលមានអាទិភាពផ្សេងទៀត ជាពិសេសតាមផ្សារមានអ្នកលក់ដូរ ក៏ដូចជាបើកបរតាក់ស៊ី កង់បី ផងដែរ។សម្ដេចតេជោ ហ៊ុន សែន នាយករដ្ឋមន្ត្រីបានបញ្ជាក់ថាវ៉ាក់សាំងការពារមេរោគកូវីដ១៩ចំនួន១លាន៥សែនដូស នឹងមកដល់កម្ពុជានាពេលឆាប់ៗខាងមុខនេះ និងជាបន្តបន្ទាប់ក៏នឹងមានវ៉ាក់សាំង Sinovac មកដល់ ខណៈវ៉ាក់សាំង Sinopharm និង AstraZeneca ក៏មកជាបន្តបន្ទាប់ទៀតដែរ ហើយកម្ពុជាក៏កំពុងស្វះស្វែងរកទិញវ៉ាក់សាំងរបស់អាមេរិកផងដែរ៕អត្ថបទ៖គឹមហុក

១០នាក់ ចំណោមអ្នកប៉ះពាល់ជាមួយបុរសផ្ទុកកូវីដ១៩ នៅស្រុកឈូកលទ្ធផល តេស្តលើកទី១អវិជ្ជមាន

កំពត ៖ ការយកសំណាកទៅពិនិត្យលើកទី១ លើមនុស្សប្រុសស្រី១០នាក់ ក្នុងចំណោមភ្ញៀវប្រមាណជាង ២០០នាក់ ដែលបានប៉ះពាល់ផ្ទាល់ និងប្រយោលជាមួយបុរសផ្ទុកមេរោគកូវីដ១៩ នៅរោងការមួយ ក្នុង ស្រុកឈូក ខេត្តកំពត លទ្ធផលគឺអវិជ្ជមាន។លោកវេជ្ជបណ្ឌិត ញា ប៊ុនថន ប្រធានមន្ទីរសុខាភិបាលខេត្តកំពត បានបញ្ជាក់ថា ការវិភាគលើ មនុស្សប្រុសស្រី១០នាក់ ដែលបានប៉ះពាល់ផ្ទាល់ និងប្រយោលជាមួយបុរសផ្ទុកមេរោគកូវីដ-១៩ ក្នុងរោង ការមួយនៅស្រុកឈូកនោះ លទ្ធផលបង្ហាញឱ្យដឹង នៅព្រឹកថ្ងៃទី១៧ ខែមីនានេះ គឺអវិជ្ជមាន។ ការយក សំណាកលើកទីពីរ នឹងធ្វើនៅថ្ងៃទី១៨ ខែមីនា រីឯលើកទីបី ជាបន្តបន្ទាប់ទៀត ដើម្បីច្បាស់ថា ពួកគេ មិនមានផ្ទុកកូវីដ-១៩ទេ។ ពេលនេះ មន្ត្រីជំនាញ និងអាជ្ញាធរស្រុកឈូក កំពុងបន្តការយកចិត្តទុកដាក់ចំពោះប្រជាពលរដ្ឋ ក្នុងមូលដ្ឋានកើតហេតុ ដោយតម្រូវឱ្យពួកគេទាំងប្រមាណ២០០នាក់ ត្រូវរក្សាការធ្វើកត្តាឡីស័កដដែល។កាលពីល្ងាចថ្ងៃទី១៤ ខែមីនានេះ លទ្ធផល នៃការវិភាគលើបុរសម្នាក់ មានទីលំនៅក្នុងរាជធានីភ្នំ ពេញ បានរកឃើញវិជ្ជមានកូវីដ-១៩ ខណៈពេលសាមីខ្លួន កំពុងចូលរួមពិធីមង្គលការ ក្នុងឃុំគ្រាំងស្នាយ ស្រុកឈូក ខេត្តកំពត។ តាមរយៈហេតុការណ៍នោះ មន្ត្រីជំនាញ និងអាជ្ញាធរស្រុក បានស្រាវជ្រាវរកឃើញ ថា មនុស្ស៦នាក់ បានប៉ះពាល់ផ្ទាល់ និងប្រមាណជិត២០០នាក់ ទៀត ក្នុងលក្ខណៈប្រយោល។ ក្នុងនោះ អ្នកប៉ះពាល់ផ្ទាល់ ត្រូវបានបញ្ជូនទៅធ្វើចត្តាឡីស័ក នៅសាលប្រជុំរបស់សហគមន៍អ្នកផលិតអំបិលកំពត-កែប។ ចំណែកអ្នកភូមិប្រមាណជិត២០០នាក់ ដែលពាក់ព័ន្ធដោយប្រយោល តម្រូវឱ្យអនុវត្តវិធានសុខាភិបាល ក្នុងផ្ទះរៀងៗខ្លួន៕អត្ថបទ៖ អន សារឹម

សម្តេចតេជោ ហ៊ុន សែន បានឧបត្ថម្ភថវិកា និងឃីត ជូនទៅកាន់បណ្តាខេត្តនានា ដើម្បីរៀបចំចាត់ចែងធ្វើចត្តាឡីស័ក

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៅថ្ងៃទី១៧ ខែមីនា ឆ្នាំ២០២១នេះ បានផ្គត់ផ្គង់នូវថវិកា ឃីត និងទឹកបរិសុទ្ធបន្ថែម ជូនទៅបណ្តាខេត្តនានា សរុបចំនួនជិត២០ខេត្ត ដើម្បីដោះស្រាយដល់ប្រជាពលរដ្ឋ និងពលករខែ្មរយើង ត្រឡប់ពីប្រទេសថៃ ដើម្បីរៀបចំចាត់ចែងធ្វើចត្តាឡីស័ក។បើតាមការបញ្ជាក់របស់លោកជំទាវ វេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល ប្រាប់BTV ព័ត៌មាន នារសៀលនេះថា ដោយទទួលបានការយកចិត្តទុកដាក់ខ្ពស់ពីសម្តេចអគ្គមហាសេនាបតីតេជោ ហ៊ុន សែន បានឲ្យរៀបចំ ថវិកា បន្ថែមជូនទៅកាន់បណ្តាខេត្តនានា សរុបចំនួនជិត២០ខេត្ត សម្រាប់ត្រៀមពីថ្ងៃទី១៧ រហូតដល់ថ្ងៃទី២៧ ខែមីនា ឆ្នាំ២០២១។ ហើយបើយើងនិយាយពីខេត្តទាំង២៤នោះវិញ បច្ចុប្បន្នមានអ្នកកំពុងធ្វើចត្តាឡីស័ក សរុបចំនួន២២,៧៦៥នាក់។ លោកជំទាវ វេជ្ជបណ្ឌិត យក់ សម្បតិ្ត បានបញ្ជាក់ទៀតថា ខេត្តទាំង១៦ ដែលទទួលបានឧបត្ថម្ភថវិកាបន្ថែមរបស់សម្តេចតេជោ រួមមាន ៖ ខេត្តបាត់ដំបង ទទួលបានថវិកា ៣០០លានរៀល និងឃីត ចំនួន៣០០ ទឹកបរិសុទ្ធ១០០០, ខេត្តបន្ទាយមានជ័យ ទទួលបានថវិកា ៤៥០លានរៀល និងឃីត ចំនួន៣០០ ទឹកបរិសុទ្ធ១០០០, ខេត្តឧត្តរមានជ័យ ទទួលបានថវិកា ២០០លានរៀល និងឃីត៣០០ ទឹកបរិសុទ្ធ៥០០, ខេត្តប៉ៃលិន ទទួលបានថវិកា ១០០លានរៀល និងទឹកបរិសុទ្ធ៥០០, ខេត្តកោះកុង ទទួលបានឃីតចំនួន២០០, ខេត្តពោធិ៍សាត់ ទទួលបានថវិកា ៨០លានរៀល និងឃីតចំនួន៥០០ ទឹកបរិសុទ្ធ៨០០, ខេត្តព្រះវិហារ ទទួលបានថវិកា ៣០លានរៀល និងទឹកបរិសុទ្ធ២០០, ខេត្តកណ្តាល ទទួលបានថវិកា ២០០លានរៀល និងឃីតចំនួន១០០០, ខេត្តស្វាយរៀង ទទួលបានថវិកា ២០លានរៀល, ខេត្តព្រៃវែង ទទួលបានថវិកា ៣៥០លានរៀល និងឃីតចំនួន១០០០, ខេត្តត្បូងឃ្មុំ ទទួលបានថវិកា ១៥០លានរៀល និងឃីតចំនួន១០០០, ខេត្តក្រចេះ ទទួលបានថវិកា ២០លានរៀល, ខេត្តតាកែវ ទទួលបានថវិកា ៨០លានរៀល, ខេត្តកំពង់ចាម ទទួលបានថវិកា ៤០លានរៀល, ខេត្តកំពង់ឆ្នាំង ទទួលបានថវិកា៥០លានរៀល, ខេត្តកំពង់ស្ពឺ ទទួលបានថវិកា ៨០លានរៀល និងខេត្តសៀមរាប ទទួលបានថវិកា ៣០០លានរៀល។ ថវិកា ឃីត និងទឹកបរិសុទ្ធ ដែលផ្តល់ជូនបណ្តាខេត្តទាំងអស់ មានចំនួនសរុប ២,៤៥០,០០០,០០០រៀល (ពីរពាន់បួនរយហាសិបលានរៀល)សម្ភារៈឃីត ចំនួន៤៦០០ និងទឹកបរិសុទ្ធ៤០០០កេស៕អត្ថបទ រដ្ឋា

លទ្ធផលតេស្តលើកទី១លើមនុស្សជាង១០០នាក់ ដែលចូលរួមមង្គលការក្នុងខេត្តតាកែវ អវិជ្ជមាន

តាកែវ ៖ លទ្ធផលតេស្តលើកទី១ លើមនុស្សជាង១០០នាក់ ដែលបានចូលរួមក្នុងពិធីមង្គលការ នៅភូមិក្រាំងលាវ ឃុំរវៀង ស្រុកសំរោង ខេត្តតាកែវ គឺអវិជ្ជមានទាំងអស់ តែពួកគេនឹងត្រូវយកសំណាកពីរដងទៀត ដើម្បី បញ្ជាក់ច្បាស់ថា ពួកគេ មិនមានឆ្លងកូវីដ-១៩នោះទេ។លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ បានប្រាប់BTVថា សំណាក របស់មនុស្សចំនួន១០១នាក់ ដែលជាអ្នកប៉ះពាល់ផ្ទាល់ជាមួយអ្នកផ្ទុកកូវីដ-១៩ ដែលបានចូលរួមពិធី មង្គលការនៅក្នុងស្រុកសំរោង កាលពីចុងសប្ដាហ៍មុននោះ ត្រូវបានធ្វើវិភាគរួចរាល់លើកទី១ ដោយបាន បង្ហាញលទ្ធផលអវិជ្ជមានកូវីដ-១៩ តែទោះបីជាយ៉ាងណា មន្ត្រីសុខាភិបាល នឹងបន្តយកសំណាកពួកគេ ពីរដងទៀត ដើម្បីអោយច្បាស់ថា ពួកគេឆ្លងជំងឺកូវីដ១៩ ឬយ៉ាងណា។លោក បានបញ្ជាក់ថា បើទោះបីជាលទ្ធផលអវិជ្ជមានយ៉ាងណាក៏ដោយ ក៏អ្នកប៉ះពាល់ផ្ទាល់ទាំង នេះ ត្រូវដាក់ឱ្យធ្វើចត្តាឡីស័ក បន្តទៅទៀត ហើយអ្នកប៉ះពាល់ដោយប្រយោលជិត៥រយនាក់ ដែលបាន ចូលរួមពិធីមង្គលការនេះដែរ ក៏ត្រូវបានមន្ត្រីសុខាភិបាល និងអាជ្ញាធរ ណែនាំឱ្យធ្វើចត្តាឡីស័កបន្តទៀត ផងដែរ។កាលពីថ្ងៃទី១១ និងថ្ងៃទី១២ ខែមីនា នេះ បុគ្គលភេទទីបីម្នាក់ បានទៅចូលរួមពិធីមង្គលការមិត្ត ភក្តិរបស់ខ្លួន នៅក្នុងភូមិក្រាំងលាវ ឃុំរវៀង ស្រុកសំរោង ខេត្តតាកែវ ដែលពិធីមង្គលការនេះ មានអ្នកចូល រួមប្រមាណ៣០០នាក់។ បន្ទាប់ពីបានចូលរួមមង្គលការបានពីរថ្ងៃ ដោយមានអាការៈ មិនស្រួល បុគ្គលនេះ បានទៅធ្វើតេស្តរកជំងឺកូវីដ-១៩ ហើយលទ្ធផល គឺវិជ្ជមាន។បន្ទាប់ពីទទួលបានដំណឹងវិជ្ជមាននេះ អាជ្ញាធរខេត្តតាកែវ បានរកឃើញអ្នកពាក់ព័ន្ធផ្ទាល់ និងប្រយោលជាមួយបុគ្គលនេះ ជិត៥រយនាក់ និងបានយកសំណាកពួកគេទៅពិនិត្យរកជំងឺកូវីដ១៩ ហើយ អាជ្ញាធរ ក៏បិទភូមិក្រាំងលាវ និងបានបន្តបិទសាលារៀន នៅក្នុងឃុំចំនួន២ របស់ស្រុកបាទី និងស្រុកសំរោង ផងដែរ ដើម្បីទប់ស្កាត់ការរីករាលដាលជំងឺកូវីដ១៩ ឆ្លងចូលសហគមន៍៕អត្ថបទ៖ គុជ វិភាគ

ខេត្តកណ្តាល បង្កើនរឹតបន្តឹងគ្រប់គ្រងសន្តិសុខការធ្វើចត្តាឡីស័ក និងចរាចរណ៍ផ្លូវជាតិលេខ២១ (តាខ្មៅ-ជ្រៃធំ)

កណ្ដាល ៖ បន្ទាប់ពីខេត្តកណ្តាលបានរកឃើញអ្នកកើតជំងឺកូវីដ១៩ មានការកើនឡើងខ្លាំងពិសេសនៅក្នុងស្រុកកោះធំនោះ នៅថ្ងៃទី១៧ ខែមីនានេះ អាជ្ញាធរខេត្តកណ្តាល បានបង្កើនរឹតបន្តឹងការងារគ្រប់គ្រងការពារសន្តិសុខចត្តាឡីស័ក និងរឹតបន្តឹងគ្រប់គ្រងការធ្វើចរាចរណ៍តាមផ្លូវជាតិលេខ២១ ពីជ្រៃធំ ឃុំសំពៅពូន ស្រុកកោះធំ មកកាន់ក្រុងតាខ្មៅ។បើតាមឯកឧត្តម គង់ សោភ័ណ្ឌ អភិបាលខេត្តកណ្តាល បានថ្លែងប្រាប់BTVនៅថ្ងៃទី១៧ខែមីនា នេះថា សម្រាប់ការរកឃើញ អ្នកវិជ្ជមានមេរោគកូវីដ១៩ កើនឡើងនេះ គឺភាគច្រើនរកឃើញចំពោះអ្នកកំពុងចត្តាឡីស័ក នៅស្រុកកោះធំ ហើយមិនមានអ្នកណាម្នាក់រកឃើញនៅក្នុងមូលដ្ឋានសហគមន៍ប្រជាពលរដ្ឋនោះទេ ពោលគឺសម្រាប់ការងារនេះ ខេត្តគ្រប់គ្រងបានទាំងលើការងារគ្រប់គ្រងការពារសន្តិសុខកន្លែងធ្វើចត្តាឡីស័ក និងគ្រប់គ្រងបាននៃអ្នកកើតជំងឺកូវីដ១៩ យកទៅព្យាបាលត្រឹមត្រូវ។ឯកឧត្តម គង់ សោភ័ណ្ឌ បន្តថា នៅពេលនេះ យើងបានបង្កើនការរឹតបន្តឹងថែមទៀត ដោយបានបន្តស្នើ អោយបងប្អូនជនបរទេសនានា និងពលរដ្ឋខ្មែរអ្នកបំរើការងារនៅកាស៊ីណូទាំង៦ បន្តធ្វើចត្តាឡីស័ក អោយបានត្រឹមត្រូវ ខណៈចរាចរណ៍ធ្វើដំណើរចេញពីកាស៊ីណូ និងបណ្តាសណ្ឋាគារនានានៅក្នុងតំបន់ជ្រៃធំ ស្រុកកោះធំ មកក្រុងតាខ្មៅ ត្រូវបានបិទជាបណ្តោះអាសន្ន។ពលរដ្ឋអ្នកប្រកបរបរដឹកអ្នកដំណើរពីស្រុកកោះធំ មកតាខ្មៅ បានថ្លែងថា នៅពេលនេះ ការធ្វើដំណើរតាមរថយន្តឈ្នួលពីកោះធំ មកក្រុងតាខ្មៅ និងរាជធានីភ្នំពេញ គឺមិនមានច្រើននោះ ហើយក្រុមរថយន្តឈ្នួលមិនទទួលដឹកអ្នកដំណើរជាជនបរទេសនោះទេ ខណៈកំណាត់ផ្លូវជាតិលេខ២១ពីឃុំសំពៅពូនចូលទៅព្រំដែនជ្រៃធំត្រូវបានបិទ។គិតត្រឹមព្រឹកថ្ងៃទី១៧ ខែមីនានេះ នៅខេត្តកណ្តាល មានករណីឆ្លងថ្មីកូវីដ១៩ ចំនួន២២នាក់បន្ថែមទៀត ក្នុងនោះ ២០នាក់ ឆ្លងថ្មីនៅស្រុកកោះធំខេត្តកណ្តាល ដែលនាំឲ្យចំនួនអ្នកពាក់ព័ន្ធព្រឹត្តិការណ៍ សហគមន៍២០ កុម្ភៈ នៅស្រុកកោះធំ មានអ្នកវិជ្ជមានមេរោគកូវីដ-១៩ ចំនួន១៥៦នាក់ ខណៈនៅទូទាំងខេត្តកណ្តាល បានរកឃើញអ្នកវិជ្ជមានកូវីដ១៩ចំនួន១៩៦នាក់ ជាសះស្បើយ៣នាក់ និងបានយកសំណាកលើអ្នកពាក់ព័ន្ធ បានជាង១ម៉ឺននាក់ និងមានអ្នកកំពុងធ្វើចត្តាឡីស័ក នៅមណ្ឌលចំនួន ១៧១៧នាក់ អ្នកធ្វើចត្តាឡីស័ក នៅផ្ទះចំនួនជាង ១២០០០នាក់៕អត្ថបទ ស៊ុម សុខជា

សិស្សសាលានៅវិទ្យាល័យភ្នំធំ ស្រុកមង្គលបូរី ចំនួន២០នាក់ ដួលសន្លប់ជាបន្តបន្ទាប់ បង្កឲ្យមានការភ្ញាក់ផ្អើល

បន្ទាយមានជ័យ ៖ សិស្សសាលាចំនួនប្រមាណ២០នាក់ បានដួលសន្លប់ជាបន្តបន្ទាប់ បង្កឲ្យមានការភ្ញាក់ផ្អើលដល់លោកគ្រូអ្នកគ្រូ នៅវិទ្យាល័យភ្នំធំ ស្រុកមង្គលបូរី ខេត្តបន្ទាយមានជ័យ ដឹកយកទៅសង្គ្រោះនៅមន្ទីរពេទ្យ និងគ្លីនិកនានា នៅក្បែនោះ ខណៈហេតុការណ៍ដួលសន្លប់នេះបានកើតឡើងនៅវេលាម៉ោងប្រមាណ៩និង៣០ថ្ងៃទី១៧ ខែមីនា ឆ្នាំ២០២១នេះ។ នេះបើតាមលោក រ័ត្ន ដាស៊ីណង់ អភិបាលស្រុក មង្គលបូរី ដែលបានប្រាប់ទូរទស្សន៍ប៊ីធីវី នារសៀលថ្ងៃនេះ។លោកអភិបាលស្រុក បានឲ្យដឹងទៀតថា មូលហេតុដែលបង្កឲ្យមានសិស្សសាលាដួលសន្លប់ជាបន្តបន្ទាប់នេះ ដោយសារតែអាកាសធាតុមានការក្តៅខ្លាំង ហបខ្យល់ទើបបណ្តាល ឲ្យសិស្សដែលកំពុងតែរៀនមានអាការៈថប់ដួលសន្លប់តែម្តង ខណៈសិស្សខ្លះ បានឃើញអាការៈ យ៉ាងបែបនេះក៏បានដួលហើយយំបន្តគ្នា សិស្សខ្លះទៀតបានដួលសន្លប់មួយសន្ទុះក៏បានធូរស្បើយវិញ ដោយនៅសល់តែ២០នាក់ប៉ុណ្ណោះដែលមានលក្ខណៈសន្លប់ខ្លាំង ហើយពួកគាត់កំពុងបន្តសម្រាកព្យាបាលនៅ មន្ទីរពេទ្យបង្អែក ក្លីនីក និងមណ្ឌលសុខភាពក្បែរសាលារៀននោះ។លោក រ័ត្ន ដាស៊ីណង់ បានបញ្ជាក់ទៀតថា ក្រោយពីទទួលបានព័ត៌មាន សិស្សដួលសន្លប់យ៉ាងដូច្នេះ លោកក៏បានចុះទៅដល់ទីតាំងកើតហេតុភ្លាមៗផងដែរ ដើម្បីជួយអន្តរាគមន៍បញ្ជូនសិស្សានុសិស្សទៅមន្ទីរពេទ្យ ដោយខ្លះដឹកតាមម៉ូតូទៅមន្ទីរពេទ្យ និងគ្លីនិកក្បែរ និងបានបញ្ជូនទៅមន្ទីរពេទ្យមង្គលបូរីមួយចំនួននាក់។យ៉ាងណាក៏ដោយ លោកអភិបាលស្រុក បានបញ្ជាក់ថា ករណីនេះ មិនបណ្តាលឲ្យសិស្សានុសិស្សណាមានអាការៈធ្ងន់ធ្ងរនោះឡើយ ហើយរហូតមកទល់ម៉ោង១២ថ្ងៃត្រង់នេះ សិស្សដែលបានដួលសន្លប់ទាំង២០នាក់នោះមានអាការៈធូស្បើយ នឹងបានត្រលប់ទៅគេហដ្ឋានរៀងខ្លួនខ្លះហើយដែរ នៅសល់មួយចំនួនពេទ្យកំពុងបន្តតាមដាន ដែលអាចអនុញ្ញាតឲ្យចេញនៅរសៀលនេះផងដែរ៕អត្ថបទ ៖ បាន ចក់

អភិបាលខេត្តបាត់ដំបង ជំរុញអាជ្ញាធរឱ្យបង្កើនការយកចិត្តទុកដាក់ លើបញ្ហាលួចឆ្លងដែន

បាត់ដំបង ៖ ទោះបីស្ថានភាពការឆ្លងដែនរបស់ពលករខ្មែរ មកពីប្រទេសថៃ តាមច្រកនានាជាប់ខេត្តបាត់ដំបង មានការថយចុះ ប៉ុន្តែអភិបាលខេត្តបាត់ដំបង បានជំរុញឱ្យសមត្ថកិច្ចការពារព្រំដែន បង្កើនការយកចិត្តទុកដាក់ ទប់ស្កាត់ឲ្យបាននូវការលួចឆ្លងដែនទៅមករបស់ពលករ ពិសេសនៅមុនរដូវចូលឆ្នាំនេះ។ក្នុងពេលចុះពិនិត្យមើលស្ថានភាពការធ្វើចត្តាឡីស័ក របស់ពលករ តាមបណ្ដាស្រុកមួយចំនួន កាល ពីថ្ងៃទី១៦ ខែកុម្ភៈ ម្សិលមិញ ឯកឧត្តម ងួន រតនៈ អភិបាលខេត្តបាត់ដំបង បានជំរុញឱ្យកងកម្លាំងសមត្ថកិច្ចការពារ ព្រំដែន បង្កើនការត្រួតពិនិត្យ ចំពោះការលួចឆ្លងដែនខុសច្បាប់របស់ពលករ ខណៈកម្ពុជា កំពុងមានការ ឆ្លងរាលដាលខ្លាំងក្នុងសហគមន៍ នៃជំងឺកូវីដ១៩ និងនៅមុនរដូវបុណ្យចូលឆ្នាំ ពិសេសត្រូវបន្តស្វែងរក ចាប់ខ្លួនពួកមេខ្យល់ ដែលនៅតែញុះញង់ពលករឱ្យលួចឆ្លងដែនខុសច្បាប់ ទាំងទៅ និងមកពីប្រទេសថៃ នោះ។ឯកឧត្ដម បានបញ្ជាឲ្យអាជ្ញាធរស្រុកថ្មគោល និងស្រុកបវេល រៀបចំមណ្ឌលចត្តាឡីស័កបន្ថែម ទៀត ដោយសារកំណើនពលករ រស់នៅក្នុងស្រុកទាំងពីរនេះ ទើបត្រឡប់មកពីប្រទេសថៃ ពីមួយថ្ងៃទៅ មួយថ្ងៃ ខណៈនៅស្រុកមោងឫស្សី បង្កើនមណ្ឌលចត្តាឡីស័កដល់បីកន្លែង។ទន្ទឹមនឹងការបន្ថែមមណ្ឌលចត្តាឡីស័កនេះ ឯកឧត្តម បានដាក់បទបញ្ជាឱ្យអាជ្ញាធរគិតគូរឱ្យបាន ខ្លាំងក្លាចំពោះបញ្ហាអនាម័យ ភ្លើងអគ្គិសនី និងផ្ដល់របបអាហារឲ្យបានគ្រប់គ្នា ព្រមទាំងត្រូវរឹតបន្តឹងការធ្វើ ចត្តាឡីស័ករបស់ពលករ និងផ្សព្វផ្សាយអប់រំ អំពីវិធានទប់ស្កាត់ការឆ្លងរីករាលដាលនៃជំងឺកូវីដ១៩ ដល់ពួកគេ ឲ្យបានយល់ដឹងច្បាស់ ព្រមទាំងច្បាប់ ស្តីពីកូវីដ១៩ និងអនុក្រឹត្យរបស់រាជរដ្ឋាភិបាល។អាជ្ញាធរស្រុកជាប់ព្រំដែន បានឲ្យដឹងថា បច្ចុប្បន្ន ស្ថានភាពធ្វើចត្តាឡីស័ក ក្នុងស្រុកជាប់ព្រំដែន មានសភាពធូរស្រាលបន្តិចហើយ ព្រោះពលករ ដែលមានលំនៅឋានក្នុងរាជធានី ខេត្ត ស្រុក និងក្រុង ផ្សេងៗ ត្រូវបញ្ជូនទៅតាមគោលដៅរបស់ពួកគេ។របាយការណ៍របស់រដ្ឋបាលខេត្តបាត់ដំបង បានបង្ហាញថា ចាប់ពីថ្ងៃទី៧ ខែមីនានេះ អាជ្ញាធរខេត្ត បានបញ្ជូនពលករទៅរាជធានី និងខេត្តផ្សេងៗ ជាង១០០០នាក់ និងបានទទួលយកពលករមានលំនៅ ឋានក្នុងខេត្តបាត់ដំបង ពីខេត្តបន្ទាយមានជ័យ ខេត្តឧត្តរមានជ័យ និងខេត្តប៉ៃលិន ជាង២០០០នាក់ ខណៈបច្ចុប្បន្ន មានពលករ ចំនួនជាង៤ពាន់នាក់ កំពុងធ្វើចត្តាឡីស័ក តាមមណ្ឌលនានាក្នុងខេត្ត៕អត្ថបទ៖ បាន សុខរិទ្ធ

បណ្ដាញសង្គម

ព័ត៌មានថ្មីៗ

សម្ដេចធិបតី ហ៊ុន ម៉ាណែត ថ្លែងអំណរគុណដល់បងប្អូនមហាគ្រួសារខ្មែរ ដែលបានជួបជុំគ្នាជាលើកទីពីរ ជាសារលើកទឹកចិត្តដ៏ធំធេងទៅដល់វីរកងទ័ពជួរមុខ

ប្រតិភូគណៈចលនាសាសនិកឥស្លាមកម្ពុជា នាំយកអំណោយឧបត្ថម្ភជូនកងកម្លាំងជួរមុខ ដែលកំពុងឈរជើងការពារព្រំដែន ខេត្តព្រះវិហារ

ឯកឧត្តម ឌិត ទីណា អញ្ជើញបើកកិច្ចប្រជុំបូកសរុបសកម្មភាព និងលទ្ធផលការងារមូលដ្ឋានខេត្តបន្ទាយមានជ័យ

កូនប្រុសពៅសម្ដេចធិបតី ហ៊ុន ម៉ាណែត ទទួលបានមេដាយមាសសិស្សឆ្នើម លើការប្រកួតគណិតវិទ្យាអន្តរជាតិ ចំណាត់ថ្នាក់លេខមួយ ៣ឆ្នាំជាប់គ្នា

ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បន្តចុះពិនិត្យ ព្យាបាលជំងឺ ជូនប្រជាពលរដ្ឋដោយឥតគិតថ្លៃ នៅឃុំតាសាល ស្រុកឱរ៉ាល់ ខេត្តកំពង់ស្ពឺ

ចិនប្តេជ្ញាចាត់វិធានការកាន់តែតឹងរ៉ឹង ប្រឆាំងនឹងការរត់ពន្ធរ៉ែយុទ្ធសាស្ត្រ

មន្ត្រីជាន់ខ្ពស់ក្រសួងធម្មការនិងសាសនាណែនាំដល់យុវជនត្រូវធ្វើអំពើល្អនិងខិតខំរៀនសូត្រដើម្បីបន្តការពារនិងអភិវឌ្ឍន៍ជាតិ

លោក Zelenskyy៖ រុស្ស៊ីបាញ់មីស៊ីលជាង ៣០គ្រាប់ និងយានដ្រូន ៣០០គ្រឿង អំឡុងការវាយប្រហារលើអ៊ុយក្រែន

មនុស្សយ៉ាងតិច ១៩នាក់ រងរបួសដោយសារការផ្ទុះកាំជ្រួចនៅកន្លែងតាំងពិព័រណ៍ ភាគខាងលិចអាល្លឺម៉ង់

កុងហ្គោ និងក្រុមឧទ្ទាម M23 ចុះហត្ថលេខាលើកិច្ចព្រមព្រៀងឈប់បាញ់ នៅកាតា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

កងទ័ពនៃយោធភូមិភាគទី៥ ចាប់ផ្ដើមទទួលវ៉ាក់សាំងដូសទី២

ប្រមុខរាជរដ្ឋាភិបាលកម្ពុជា អបអរសាទរការប្រារព្ធ “ខួបកំណើត ១០០ ឆ្នាំ របស់បិតាជាតិបង់ក្លាដែស

ខេត្តកណ្តាល នឹងរៀបចំទីតាំងអគារមួយចំនួននៅស្រុកកោះធំ ជាមន្ទីរពេទ្យព្យាបាលកូវីដ-១៩

គ្រូបង្រៀនអរគុណរដ្ឋាភិបាលដែលផ្ដល់អាទិភាពឲ្យទទួលបានការចាក់វ៉ាក់សាំងកូវីដ១៩ នៅពេលខាងមុខ

១០នាក់ ចំណោមអ្នកប៉ះពាល់ជាមួយបុរសផ្ទុកកូវីដ១៩ នៅស្រុកឈូកលទ្ធផល តេស្តលើកទី១អវិជ្ជមាន

សម្តេចតេជោ ហ៊ុន សែន បានឧបត្ថម្ភថវិកា និងឃីត ជូនទៅកាន់បណ្តាខេត្តនានា ដើម្បីរៀបចំចាត់ចែងធ្វើចត្តាឡីស័ក

លទ្ធផលតេស្តលើកទី១លើមនុស្សជាង១០០នាក់ ដែលចូលរួមមង្គលការក្នុងខេត្តតាកែវ អវិជ្ជមាន

ខេត្តកណ្តាល បង្កើនរឹតបន្តឹងគ្រប់គ្រងសន្តិសុខការធ្វើចត្តាឡីស័ក និងចរាចរណ៍ផ្លូវជាតិលេខ២១ (តាខ្មៅ-ជ្រៃធំ)

សិស្សសាលានៅវិទ្យាល័យភ្នំធំ ស្រុកមង្គលបូរី ចំនួន២០នាក់ ដួលសន្លប់ជាបន្តបន្ទាប់ បង្កឲ្យមានការភ្ញាក់ផ្អើល

អភិបាលខេត្តបាត់ដំបង ជំរុញអាជ្ញាធរឱ្យបង្កើនការយកចិត្តទុកដាក់ លើបញ្ហាលួចឆ្លងដែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

កងទ័ព​នៃ​យោធភូមិភាគ​ទី​៥​ ចាប់ផ្ដើម​ទទួល​វ៉ាក់សាំង​ដូ​ស​ទី​២

ប្រមុខរាជរដ្ឋាភិបាលកម្ពុជា អបអរសាទរការប្រារព្ធ “ខួបកំណើត ១០០ ឆ្នាំ របស់បិតាជាតិបង់ក្លាដែស

ខេត្តកណ្តាល ​នឹង​រៀបចំ​ទីតាំង​អគារ​មួយ​ចំនួន​នៅ​ស្រុក​កោះធំ ​ជា​មន្ទីរពេទ្យ​ព្យាបាល​កូ​វីដ​-១៩

១០​នាក់​ ចំណោម​អ្នក​ប៉ះពាល់​ជាមួយ​បុរស​ផ្ទុក​កូ​វីដ​១៩​ នៅ​ស្រុក​ឈូក​លទ្ធផល ​តេស្ត​លើក​ទី​១​អវិជ្ជមាន

លទ្ធផល​តេស្ត​លើក​ទី​១​លើ​មនុស្ស​ជាង​១០០​នាក់ ​ដែល​ចូលរួម​មង្គលការ​ក្នុង​ខេត្តតាកែវ ​អវិជ្ជមាន​

អភិបាលខេត្ត​បាត់ដំបង ជំរុញ​អាជ្ញាធរ​ឱ្យ​បង្កើន​ការ​យក​ចិត្តទុកដាក់​ លើ​បញ្ហា​លួច​ឆ្លងដែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

កងទ័ពនៃយោធភូមិភាគទី៥ ចាប់ផ្ដើមទទួលវ៉ាក់សាំងដូសទី២

ខេត្តកណ្តាល នឹងរៀបចំទីតាំងអគារមួយចំនួននៅស្រុកកោះធំ ជាមន្ទីរពេទ្យព្យាបាលកូវីដ-១៩

១០នាក់ ចំណោមអ្នកប៉ះពាល់ជាមួយបុរសផ្ទុកកូវីដ១៩ នៅស្រុកឈូកលទ្ធផល តេស្តលើកទី១អវិជ្ជមាន

លទ្ធផលតេស្តលើកទី១លើមនុស្សជាង១០០នាក់ ដែលចូលរួមមង្គលការក្នុងខេត្តតាកែវ អវិជ្ជមាន

អភិបាលខេត្តបាត់ដំបង ជំរុញអាជ្ញាធរឱ្យបង្កើនការយកចិត្តទុកដាក់ លើបញ្ហាលួចឆ្លងដែន