BTV NEWS

សម្ដេចធិបតី៖ រាជរដ្ឋាភិបាល និងមហាគ្រួសារខ្មែរនៅជាមួយកងទ័ពជួរមុខគាំទ្រគ្រប់មធ្យោបាយទាំងអស់

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ និង ការអភិវឌ្ឍន៍

អភិបាលខេត្តបាត់ដំបង ជំរុញអាជ្ញាធរឱ្យបង្កើនការយកចិត្តទុកដាក់ លើបញ្ហាលួចឆ្លងដែន

បាត់ដំបង ៖ ទោះបីស្ថានភាពការឆ្លងដែនរបស់ពលករខ្មែរ មកពីប្រទេសថៃ តាមច្រកនានាជាប់ខេត្តបាត់ដំបង មានការថយចុះ ប៉ុន្តែអភិបាលខេត្តបាត់ដំបង បានជំរុញឱ្យសមត្ថកិច្ចការពារព្រំដែន បង្កើនការយកចិត្តទុកដាក់ ទប់ស្កាត់ឲ្យបាននូវការលួចឆ្លងដែនទៅមករបស់ពលករ ពិសេសនៅមុនរដូវចូលឆ្នាំនេះ។ក្នុងពេលចុះពិនិត្យមើលស្ថានភាពការធ្វើចត្តាឡីស័ក របស់ពលករ តាមបណ្ដាស្រុកមួយចំនួន កាល ពីថ្ងៃទី១៦ ខែកុម្ភៈ ម្សិលមិញ ឯកឧត្តម ងួន រតនៈ អភិបាលខេត្តបាត់ដំបង បានជំរុញឱ្យកងកម្លាំងសមត្ថកិច្ចការពារ ព្រំដែន បង្កើនការត្រួតពិនិត្យ ចំពោះការលួចឆ្លងដែនខុសច្បាប់របស់ពលករ ខណៈកម្ពុជា កំពុងមានការ ឆ្លងរាលដាលខ្លាំងក្នុងសហគមន៍ នៃជំងឺកូវីដ១៩ និងនៅមុនរដូវបុណ្យចូលឆ្នាំ ពិសេសត្រូវបន្តស្វែងរក ចាប់ខ្លួនពួកមេខ្យល់ ដែលនៅតែញុះញង់ពលករឱ្យលួចឆ្លងដែនខុសច្បាប់ ទាំងទៅ និងមកពីប្រទេសថៃ នោះ។ឯកឧត្ដម បានបញ្ជាឲ្យអាជ្ញាធរស្រុកថ្មគោល និងស្រុកបវេល រៀបចំមណ្ឌលចត្តាឡីស័កបន្ថែម ទៀត ដោយសារកំណើនពលករ រស់នៅក្នុងស្រុកទាំងពីរនេះ ទើបត្រឡប់មកពីប្រទេសថៃ ពីមួយថ្ងៃទៅ មួយថ្ងៃ ខណៈនៅស្រុកមោងឫស្សី បង្កើនមណ្ឌលចត្តាឡីស័កដល់បីកន្លែង។ទន្ទឹមនឹងការបន្ថែមមណ្ឌលចត្តាឡីស័កនេះ ឯកឧត្តម បានដាក់បទបញ្ជាឱ្យអាជ្ញាធរគិតគូរឱ្យបាន ខ្លាំងក្លាចំពោះបញ្ហាអនាម័យ ភ្លើងអគ្គិសនី និងផ្ដល់របបអាហារឲ្យបានគ្រប់គ្នា ព្រមទាំងត្រូវរឹតបន្តឹងការធ្វើ ចត្តាឡីស័ករបស់ពលករ និងផ្សព្វផ្សាយអប់រំ អំពីវិធានទប់ស្កាត់ការឆ្លងរីករាលដាលនៃជំងឺកូវីដ១៩ ដល់ពួកគេ ឲ្យបានយល់ដឹងច្បាស់ ព្រមទាំងច្បាប់ ស្តីពីកូវីដ១៩ និងអនុក្រឹត្យរបស់រាជរដ្ឋាភិបាល។អាជ្ញាធរស្រុកជាប់ព្រំដែន បានឲ្យដឹងថា បច្ចុប្បន្ន ស្ថានភាពធ្វើចត្តាឡីស័ក ក្នុងស្រុកជាប់ព្រំដែន មានសភាពធូរស្រាលបន្តិចហើយ ព្រោះពលករ ដែលមានលំនៅឋានក្នុងរាជធានី ខេត្ត ស្រុក និងក្រុង ផ្សេងៗ ត្រូវបញ្ជូនទៅតាមគោលដៅរបស់ពួកគេ។របាយការណ៍របស់រដ្ឋបាលខេត្តបាត់ដំបង បានបង្ហាញថា ចាប់ពីថ្ងៃទី៧ ខែមីនានេះ អាជ្ញាធរខេត្ត បានបញ្ជូនពលករទៅរាជធានី និងខេត្តផ្សេងៗ ជាង១០០០នាក់ និងបានទទួលយកពលករមានលំនៅ ឋានក្នុងខេត្តបាត់ដំបង ពីខេត្តបន្ទាយមានជ័យ ខេត្តឧត្តរមានជ័យ និងខេត្តប៉ៃលិន ជាង២០០០នាក់ ខណៈបច្ចុប្បន្ន មានពលករ ចំនួនជាង៤ពាន់នាក់ កំពុងធ្វើចត្តាឡីស័ក តាមមណ្ឌលនានាក្នុងខេត្ត៕អត្ថបទ៖ បាន សុខរិទ្ធ

សិស្សបន្តសិក្សាតាមអនឡាញដោយភាពអំណត់ក្រោយការផ្អាកសាលារៀន នៅរាជធានី-ខេត្តមួយចំនួន

ភ្នំពេញ ៖ បញ្ហាព្រឹត្តិការណ៍សហគមន៍ ២០កុម្ភៈ ក៏បានប៉ះពាល់ដល់វិស័យអប់រំមួយផ្នែកធំផងដែរ ជាក់ស្ដែងមកទល់ពេលនេះ ក្រសួងអប់រំ បានផ្អាកដំណើរការសិក្សារបស់គ្រឹះស្ថានរដ្ឋ និងឯកជន ទូទាំងរាជធានីភ្នំពេញ ខេត្តកណ្ដាល ខេត្តព្រៃវែង ខេត្តកោះកុង និងគ្រឹះស្ថានសិក្សារដ្ឋ និងឯកជន នៅក្រុងព្រះសីហនុ និងស្រុកស្ទឹងហាវ ខេត្តព្រះសីហនុ។ ចំពោះការផ្អាកការសិក្សានាពេលនេះ សិស្សគឺត្រូវបន្តការសិក្សាតាមប្រព័ន្ធអនឡាញ និងសិក្សាពីចម្ងាយ ទោះបីជាការសិក្សាក្នុងទម្រង់នេះមានបញ្ហាមួយចំនួនយ៉ាងណាក្ដី។បច្ចុប្បន្នសិស្សដែលសិក្សានៅទីតាំងដែលក្រសួងអប់រំបានសម្រេចផ្អាកជាបណ្ដោះអាសន្ន ត្រូវបន្តស្វ័យសិក្សា តាមប្រព័ន្ធអនឡាញ និងសិក្សាពីចម្ងាយ ទោះបីជាការសិក្សាក្នុងទម្រង់នេះ មានជួបបញ្ហាមួយចំនួនក្ដី។ បញ្ហាដែលសិស្សជួបប្រទះនាពេលនេះ គឺមិនខុសពីពេលកន្លងមកនោះទេ។ វាជាបញ្ហាប្រព័ន្ធអ៊ីនធឺណិត ការពិបាកផ្តោតដោយសារបរិស្ថានជុំវិញមានភាពរំខានខុសពីបន្ទប់រៀនធម្មតា និងភាពពិបាកក្នុងការសួរសំណួរក្នុងកំឡុងម៉ោងសិក្សាជាដើម។ នេះជាអ្វីដែលសិស្សនៅវិទ្យាល័យ ហ៊ុន សែន សេរីភាព ស្ថិតក្នុងក្រុងតាខ្មៅ ខេត្តកណ្ដាល បានលើកឡើង។ ពួកគាត់សង្ឃឹមថា ព្រឹត្តិការណ៍សហគមន៍ ២០កុម្ភៈ អាចបិទបញ្ចប់ក្នុងរយៈពេលខ្លីខាងមុខ នោះពួកគាត់នឹងអាចសិក្សាបានជាធម្មតាវិញ។គិតមកទល់ពេលនេះ ក្រសួងអប់រំមិនទាន់មានការបញ្ជាក់ពីកាលបរិច្ឆេទ ដំណើរការសាលារៀននៅទីតាំង ដែលត្រូវផ្អាកទាំងអស់វិញនោះទេ។ តាមការលើកឡើងរបស់ ឯកឧត្តម រស់ សុវាចា អ្នកនាំពាក្យក្រសួងអប់រំ បញ្ជាក់ថា ចំពោះមុខនេះ ក្រសួងអប់រំ បន្តតាមដាន វាយតម្លៃស្ថានការណ៍កូវីដ-១៩ ដោយយកចិត្តទុកដាក់កម្រិតខ្ពស់ និងបន្តសហការជាមួយក្រសួងសុខាភិបាល រួមទាំងគ្រប់ភាគីពាក់ព័ន្ធ។ ឯកឧត្តម ថា ក្រសួងអប់រំក្នុងខណៈពេលនេះ ក៏មិនទាន់ឈានដល់ការផ្អាកដំណើរការគ្រឹះស្ថានសិក្សារដ្ឋនិងឯកជនទូទាំងប្រទេសនោះទេ។ ក្នុងឆ្នាំសិក្សា២០២០-២០២១ ក្រសួងអប់រំ អនុវត្តកម្មវិធីសិក្សាបង្រួញ តាមរយ:ការអប់រំបែបចម្រុះគឺ សិស្សរៀនក្នុងថ្នាក់ផង រៀនពីចម្ងាយផង ធ្វើស្វ័យសិក្សាផង អមដោយសន្លឹកកិច្ចការ និងមេរៀនសង្ខេប។ សម្រាប់ការបង្រៀនតាមអនឡាញ និងការបង្រៀនពីចម្ងាយនេះ ក៏មានការចាក់ផ្សាយជាប្រចាំថ្ងៃតាមរយៈ ទទក២ App និងApp វិស័យឯកជន ដែលអាចបន្តឲ្យមានការរៀន និងបង្រៀននៅទីក្រុង និងជនបទទូទាំង២៥ខេត្ត រាជធានី ទន្ទឹមការចូលរួម ទប់ស្កាត់ការរីករាលដាលជម្ងឺកូវីដ-១៩។ សិស្សថ្នាក់ទី១២ ក៏អាចរៀនសូត្រតាមបណ្តាញផ្សព្វផ្សាយផ្លូវការរបស់ក្រសួងអប់រំ យុវជន និងកីឡានូវមាតិកា អប់រំ ជា វីដេអូ មាន ចំនួន ១ ០០០ វីដេអូ លើ ៩ មុខវិជ្ជា រួមមាន គណិតវិទ្យា អក្សរសាស្ត្រ ខ្មែរ រូបវិទ្យា គីមីវិទ្យា ជីវវិទ្យា ភូមិវិទ្យា ប្រវត្តិវិទ្យា សីលធម៌ ពលរដ្ឋ វិជ្ជា ផែនដីវិទ្យា ដែល ដកស្រង់ ចេញពី សៀវភៅ សិក្សា គោល ថ្នាក់ ទី ១២។ នេះជាការបញ្ជាក់បន្ថែមរបស់ អ្នកនាំពាក្យក្រសួងអប់រំ៕អត្ថបទ៖ គឹមហុក

រដ្ឋបាលរាជធានី-ខេត្តទាំង២៥ បានសម្រេចឲ្យផ្អាកជាបណ្តោះអាសន្ន ចំពោះអាពាហ៍ពិពាហ៍ និងជួបជុំនានា

ភ្នំពេញ ៖ ភ្លាមៗបន្ទាប់ពីសម្តេចតេជោ ហ៊ុន សែន នាយករដ្ឋមន្រ្តី បានអំពាវនាវ ដល់រដ្ឋបាលរាជធានី-ខេត្តទាំងអស់ ធ្វើការពិចារណាចំពោះការឲ្យរៀបចំពិធីអាពាហ៍ពិពាហ៍ ពិធីសាសនា និងពិធីជប់លៀងផ្សេងៗ របស់បងប្អូនប្រជាពលរដ្ឋ ដែលមានលក្ខណៈប្រមូលផ្តុំគ្នាច្រើន លើកលែងតែបុណ្យសព រដ្ឋបាលរាជធានី-ខេត្តទាំង២៥ បានសម្រេចឲ្យមានការផ្អាកជាបណ្តោះអាសន្ន ដើម្បីចូលរួមទប់ស្កាត់ បង្ការ និងការពារជំងឺកូវីដ១៩ ដែលកំពុងរាតត្បាតចូល ក្នុងសហគមន៍នាពេលបច្ចុប្បន្ននេះ។យោងតាមសេចក្តីជូនដំណឹងរបស់រដ្ឋបាលរាជធានី-ខេត្ត២៥ នាយប់ថ្ងៃទី១៥ ខែមីនា ឆ្នាំ២០២១នេះ ស្តីពី ការផ្អាកជាបណ្តោះអាសន្ននូវពិធីអាពាហ៍ពិពាហ៍ ពិធីជប់លៀង ពិធីសាសនា និងកម្មវិធីជួបជុំផ្សេងៗ ក្នុងមូលដ្ឋានរាជធានី-ខេត្តទាំងអស់ បានឲ្យថា ក្នុងគោលបំណងទប់ស្កាត់ការរីករាលដាលនៃជំងឺកូវីដ១៩ ដែលបាននឹងកំពុងផ្ទុះឡើងជាលើកទី៣ ក្នុង«ព្រឹត្តិការណ៍សហគមន៍២០-កុម្ភៈ រដ្ឋបាលរាជធានីខេត្តទាំអស់ បានអំពាវនាវដល់បងប្អូនទាំងអស់ ចូលរួមអនុវត្តដោយស្មារតីយោគយល់ អាធ្យាស្រ័យខ្ពស់បំផុត នូវវិធានការបិទសកម្មភាពសង្គមមួយចំនួន ដែលស្របទៅតាមការអំពាវនាវរបស់រាជរដ្ឋាភិបាល និងក្រសួងសុខាភិបាល។សេចក្តីជូនដំណឹង របស់រដ្ឋបាលរាជធានី-ខេត្តទាំងអស់ បានអំពាវនាវឲ្យបងប្អូនត្រូវ«ផ្អាកជាបណ្តោះអាសន្ននូវរាល់ការរៀបចំពិធីអាពាហ៍ពិពាហ៍ ពិធីជប់លៀង ពិធីសាសនា កម្មវិធីជួបជុំ សិក្ខាសាលា និងវគ្គ បណ្តុះបណ្តាលផ្សេងៗ ដើម្បីបញ្ចៀស និងកាត់បន្ថយជាអតិបរមានូវការផ្ទុះរីករាលដាលជំងឺកូវីដ១៩ ក្នុង«ព្រឹត្តិការណ៍សហគមន៍២០-កុម្ភៈនៅក្នុងរាជធានី-ខេត្តនោះ»។សេចក្តីជូនដំណឹងរបស់រដ្ឋបាលរាជធានី-ខេត្តដដែល បានបញ្ជាក់ឲ្យដឹងផងដែរថា ចំពោះការរៀបចំពិធីអាពាហ៍ពិពាហ៍ បែបប្រពៃណីក្នុងរង្វង់មូលគ្រួសារ និងពិធីបុណ្យសព ដែលពុំអាចលើកពេលបាន ម្ចាស់កម្មវិធីត្រូវផ្តល់កិច្ចសហការល្អជាមួយអាជ្ញាធរមូលដ្ឋាន ជាមួយនឹងការ-អនុវត្តឲ្យបានម៉ឺងម៉ាត់បំផុតតាមការណែនាំរបស់ក្រសួងសុខាភិបាល ជាពិសេសវិធានការ«៣ការពារ និង៣កុំ»របស់សម្តេចតេជោ ហ៊ុន សែននាយករដ្ឋមន្រ្តី នៃព្រះរាជាណាចក្រកម្ពុជា។ជាមួយគ្នានោះដែរ រដ្ឋបាលរាជធានី-ខេត្តទាំងអស់ ក៏បានព្រមានក្នុងករណីប្រសិនបើម្ចាស់កម្មវិធីណា មួយមិនចូលរួមសហការ អាជ្ញាធរមូលដ្ឋាន និងមន្ទីរ-អង្គភាពជំនាញពាក់ព័ន្ធ ត្រូវចុះបិទកម្មវិធីនោះជាបន្ទាន់ ដោយមិនទទួលខុសត្រូវរាល់ការខាតបង់ឡើង ហើយមួយវិញទៀត ត្រូវចាត់វិធានការច្បាប់ចំពោះជនទាំងឡាយណាដែលបំពាន និងមិនព្រមផ្តល់កិច្ចសហការ ក្នុងការទប់ស្កាត់ការរីករាលនៃជំងឺកូវីដ១៩ តាមខ្លឹមសារដូចដែលបានជួនដំណឹងនេះផងដែរ។តាមរយៈសេចក្តីជូនដំណឹងនេះដែរ រដ្ឋបាលរាជធានី-ខេត្តទាំងអស់ក៏បានអំពាវនាវដល់ស្ថាប័នពាក់ព័ន្ធ និងអាជ្ញាធរគ្រប់ថ្នាក់ទាំងអស់ ត្រូវចូលរួមសហការអនុវត្តសេចក្តីជូនដំណឹងនេះ ឲ្យមានប្រសិទ្ធភាព និងប្រកបដោយការទទួលខុសត្រូវផងដែរ៕

រោងចក្រកាត់ដេរពង្រឹងបន្ថែមការអនុវត្តវិធានសុខាភិបាល ខណៈមិនអាចប្តូរវេន ធ្វើការរបស់កម្មកររោងចក្រ

ភ្នំពេញ ៖ ក្រោយការអំពាវនាវរបស់ប្រមុខរដ្ឋាភិបាលឱ្យបង្កើនការប្រុងប្រយ័ត្នខ្ពស់ចៀសវាងពីការឆ្លងជំងឺកូវីដ និងស្នើបុគ្គលិកឱ្យធ្វើការនៅផ្ទះតាមអនឡាញ និងមានការឆ្លាស់វេនគ្នាជាប្រចាំ។ សម្រាប់រោងចក្រ សហគ្រាសក្នុងវិស័យកាត់ដេរ គិតមកដល់ពេលនេះពុំទាន់ឃើញមានការអនុវត្តបានទេ មូលហេតុដោយសារការងារទាមទារឱ្យចូលរួមទាំងអស់គ្នាជាចាំបាច់។ឯកឧត្តម អ៊ុក ចាន់ធូ ប្រធាននាយកដ្ឋានអធិការកិច្ចការងារ នៃក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃទី១១ មីនា ឆ្នាំ២០២១នេះ មានប្រសាសន៍ប្រាប់ទូរទស្សន៍ព័ត៌មាន ប៊ីធីវីថា ទោះបីជាមិនមាន ការចូលរួមធ្វើការងារឆ្លាស់វេនយ៉ាងណាក្តី ប៉ុន្តែពួកគាត់នៅតែបន្តអនុវត្តនិងគោរពតាមការណែនាំ របស់រដ្ឋាភិបាល ដែលបានដាក់ចេញ ដូចជា រក្សាគម្លាត ពាក់ម៉ាស និងលាងសម្អាតដៃ ជាប្រចាំដើម្បីចៀសផុតពីការឆ្លង ជំងឺកូវីដ១៩។អ្នកនាង សុឃឿន រដ្ឋបាលរោងចក្រកាត់ដេរ នៃក្រុមហ៊ុន វ៉ាយអិមស៊ី (YMC) ស្ថិតក្នុងស្រុកអង្គស្នួល ខេត្តកណ្តាល បានឱ្យដឹងថា សម្រាប់រោងចក្រនេះមិនមានការផ្លាស់ប្តូរវេនគ្នាធ្វើការទេ ដោយសាររោងចក្រ អត់សូវមានកម្មករច្រើន ប៉ុន្តែខាងរោងចក្រមានការប្តូរវេនទៅលើការញុំបាយទៅដល់់កម្មករនិយោជិត។ស្រដៀងគ្នានេះ លោក សឿន រ៉ាវុធ ប្រធានរដ្ឋបាលរោងចក្រ ខៃណេង ស្ថិតក្នុងខេត្តកំពង់ឆ្នាំង បានប្រាប់ឱ្យដឹងដែរថា ទាក់ទងការចូលរួមអនុវត្តន៍ទប់ស្កាត់ជំងឺកូវីដ១៩ គឺយើងនៅតែបន្តតាំងពីដើមរហូតមក ដោយអនុវត្តន៍ទូទៅដូចជា ការវ៉ាស់កម្តៅ ឱ្យកម្មករពាក់ម៉ាស មុននឹងអនុញ្ញាតឱ្យចូលធ្វើ និងបាញ់អាល់កុលជាដើមដែលជាការងារប្រចាំថ្ងៃ ប៉ុន្តែបើចំពោះការងារផ្លាស់ប្ដូរវេន យើងមិនអាចធ្វើបាន ដោយសារពិបាកក្នុងការគ្រប់គ្រង។ពាក់ព័ន្ធនឹងវិធានការបង្ការជំងឺកូវីដ១៩ នៅតាមរោងចក្រ សហគ្រាស ក្នុងព្រឹត្តិការណ៍សហគមន៍ ២០កុម្ភៈ ក្រសួងការងារ និងបណ្តុះបណ្តាលវិជ្ជាជីវៈបានណែនាំដល់ម្ចាស់ នាយករោងចក្រ សហគ្រាស និងកម្មករនិយោជិតទាំងអស់ ត្រូវរឹតបន្តឹងការអនុវត្តវិធានការសុខាភិបាល ជាពិសេសវិធានការ ៣ការពារ (ការពាក់ម៉ាស, ការលាងដៃ និងការរក្សាគម្លាតសុវត្ថិភាពសង្គម) និងវិធានការ ៣កុំ (កុំទៅកន្លែងបិទជិតគ្មានខ្យល់ចេញ ចូលហើយប្រើម៉ាស៊ីនត្រជាក់, កុំទៅកន្លែងមានមនុស្សច្រើនកុះករដែលមិនដឹងប្រភពច្បាស់លាស់ និងកុំប៉ះពាល់គ្នា កុំចាប់ដៃគ្នា)។ និងត្រូវផ្ដល់ព័ត៌មានទៅក្រសួងសុខាភិបាលជាបន្ទាន់ ក្នុងករណីមានរោគសញ្ញាសង្ស័យណា មួយកើតឡើង ចំពោះកម្មករនិយោជិតរបស់។ល៕អត្ថបទ៖ បូរ៉ាវី

អាជ្ញាធរខេត្ដព្រះសីហនុ អនុញ្ញាតឱ្យកន្លែងចត្ដាឡីស័ក ២ទីតាំងបើកដំណើរការអាជីវកម្មរបស់ខ្លួនឡើងវិញ

ព្រះសីហនុ ៖ រហូតមកដល់សប្ដាហ៍ទី៣នេះ ក្រុមគ្រូពេទ្យ នៃមន្ទីរសុខាភិបាលខេត្ដព្រះសីហនុ បានព្យាបាលអ្នកជំងឺកូវីដ-១៩ ជាសះស្បើយជិត ៣០នាក់ ដោយយល់ឃើញថា ស្ថានភាពបានប្រសើរបន្តិចនោះ ពិសេសដោយការយកសំណាកវិភាគ ចំនួនពីរលើកនៅទីតាំងចត្ដាឡីស័ក ទាំងពីរកន្លែង មានលទ្ធផលអវិជ្ជមានទាំងអស់ ទើបអាជ្ញាធរខេត្ដ បានសម្រេចបិទបញ្ចប់ ការធ្វើចត្ដាឡីស័កទីតាំងទាំងពីរ ហើយអនុញ្ញាតឱ្យដំណើរការឡើងវិញអាជីវកម្មរបស់ខ្លួនឡើងវិញ។នៅថ្ងៃទី១២ ខែមីនានេះ អ្នកនាំពាក្យសាលាខេត្ដព្រះសីហនុ លោក ឃាង ភារម្យ បានលើកឡើងថា រហូតមកដល់សប្ដាហ៍ទី៣នេះ ក្រុមគ្រូពេទ្យនៃមន្ទីរសុខាភិបាលខេត្ដព្រះសីហនុ បានព្យាបាលជាសះ ស្បើយអ្នកជំងឺកូវីដ-១៩ បាន ២៨នាក់ ដោយយល់ ឃើញថា ស្ថានភាពបានប្រសើរបន្តិចនោះ ពិសេសដោយការយកសំណាកវិភាគទាំងពីរលើកនៅទីតាំងចត្ដាឡីស័ក ទាំងពីរ មានលទ្ធផលអវិជ្ជមានទាំងអស់ ទើបអាជ្ញាធរខេត្ដ បានសម្រេចបិទបញ្ចប់ការធ្វើចត្ដាឡីស័ក ទីតាំងពីរនេះ ហើយអនុញ្ញាត ឱ្យដំណើរការឡើងវិញអាជីវកម្មរបស់សណ្ឋាគារ កាស៊ីណូ ជីនស៊ីកួយជូ (ជីនប៉ី២) និងសណ្ឋាគារ ហ័ង ហ្គ័នជាយឺ ដែលស្ថិត នៅក្នុងសង្កាត់លេខ៤ ក្រុង-ខេត្តព្រះសីហនុ។ ប៉ុន្តែ ត្រូវអនុវត្តឱ្យបានម៉ឺងម៉ាត់តាមវិធានការ «៣ការពារ និង៣កុំ» របស់ សម្តេចតេជោ ហ៊ុន សែន នាយករដ្ឋមន្ត្រី និងសេចក្តីណែនាំរបស់ក្រសួង សុខាភិបាល។លោក បន្ដថា ក្រុមគ្រូពេទ្យ នៃមន្ទីរសុខាភិបាលខេត្ដព្រះសីហនុ បានប្រតិបត្តិការយកសំណាកតាមគោលដៅជាង ១ម៉ឺននាក់ ស្រីជាង ៤ពាន់នាក់ បានរកឃើញអ្នកវិជ្ជមាន សរុបចំនួន ១៣២នាក់ ស្រី ៥៣នាក់ (ចិន ១១៦នាក់ ស្រី៤៣នាក់ ស្ត្រីវៀតណាម ៦នាក់ និងខ្មែរ ១០នាក់ ស្រី៤នាក់)។ អ្នកជំងឺទាំងអស់ ត្រូវបានដាក់ឱ្យសម្រាកព្យាបាលនៅមន្ទីរពេទ្យបង្អែក ខេត្ត និងសណ្ឋាគារសាកាណា ដែលបានព្យាបាលជាសះស្បើយចំនួន ២៨នាក់ ស្រី៦នាក់ (បុរសខ្មែរ៣នាក់ ចិន១៣នាក់ និងស្ត្រីវៀតណាម១នាក់) និងចំនួន អ្នកជំងឺនៅសល់កំពុងសម្រាកព្យាបាលចំនួន ១០៤នាក់។ ក្រុមគ្រូពេទ្យ បានកំពុង មមាញឹកចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋបានចំនួន ៣.៦៦៩នាក់ ស្រី ៩៦៧នាក់។លោក បញ្ជាក់ថា ព្រឹត្តិការណ៍សហគមន៍ ២០កុម្ភៈ អស់រយៈពេលប្រមាណ ៣សប្ដាហ៍ ការឆ្លងរាលដាលមេរោគកូវីដ-១៩ ត្រូវបានក្រសួងសុខាភិបាល រកឃើញចំនួនអ្នកឆ្លងមេរោគកូវីដ-១៩ (វិជ្ជាមាន) ជាបន្ដបន្ទាប់រៀងរាល់ថ្ងៃនៅតាមរាជធានី-ខេត្ដមួយចំនួន ក្នុងនោះ ខេត្ដព្រះសីហនុ ក៏មានទូរលេខគួរឱ្យកត់សម្គាល់ ផងដែរ ដែលបានធ្វើឱ្យថ្នាក់ដឹកនាំគ្រប់លំដាប់ថ្នាក់ មានការព្រួយបារម្ភខ្លាំងពីសុខុមាលភាព របស់ប្រជាពលរដ្ឋ ដែលតម្រូវឱ្យអាជ្ញាធរខេត្ដ ធ្វើការបិទផ្អាកបណ្ដោះអាសន្នទីតាំង ពាណិជ្ជកម្មជាច្រើនកន្លែង ដែលពាក់ព័ន្ធទៅនឹងជំងឺកូវីដ-១៩ ដើម្បីគ្រប់គ្រង និងទប់ស្កាត់ការឆ្លងរាលដាលជំងឺនេះឱ្យមាន ប្រសិទ្ធភាព។ អាជ្ញាធរខេត្ដ បានចុះធ្វើកិច្ចសន្យាជាមួយម្ចាស់ ឬអ្នកគ្រប់គ្រងទីតាំងអាជីវកម្ម សេវាកម្មគ្រប់ប្រភេទបានចំនួន ១ពាន់កន្លែង បានដាក់គោលដៅប៉ុស្តិ៍ត្រួតពិនិត្យរឹតបន្ដឹងការធ្វើដំណើចេញ-ចូលខេត្តចំនួន ៤កន្លែង និងបានចេញសេចក្តីជូន ដំណឹងផ្អាកបណ្ដោះអាសន្នអាជីវកម្ម ៤៦ កន្លែង និងបានកំណត់ជាមណ្ឌលចត្តាឡីស័ក និងបន្តស្រាវជ្រាវព្រមទាំងអំពាវនាវ ដល់អ្នក ដែលមានការពាក់ព័ន្ធអោយស្ម័គ្រចិត្តមកយកវត្ថុសំណាក និងធ្វើចត្តាឡីស័ក ឱ្យបានត្រឹមត្រូវស្របតាមការណែនាំ របស់ក្រសួងសុខាភិបាល៕អត្ថបទ ៖ គង៉ ប៊ុនថា

ទេសរដ្ឋមន្ត្រី លី ធុជ ចាត់ទុកក្រុមគ្រូពេទ្យជាកងទ័ពជួរមុខ ក្នុងការងារប្រយុទ្ធប្រឆាំងនឹងជំងឺកូវីដ-១៩

ស្វាយរៀង ៖ ឯកឧត្តម ទេសរដ្ឋមន្ត្រី លី ធុជ ប្រធានក្រុមការងាររាជរដ្ឋាភិបាល ចុះមូលដ្ឋានក្រុងបាវិត បានចាត់ទុកក្រុមគ្រូពេទ្យ ជាកងទ័ពជួរមុខ ក្នុងការងារប្រយុទ្ធប្រឆាំង នឹងជំងឺកូវីដ-១៩ នៅកម្ពុជា។នៅព្រឹកថ្ងៃទី១២ ខែមីនា ឆ្នាំ២០២១ ឯកឧត្តមទេសរដ្ឋមន្ត្រី លី ធុជ តំណាងលោកជំទាវកិត្តិសង្គហបណ្ឌិត ម៉ែន សំអន ប្រធានក្រុមការងាររាជរដ្ឋាភិបាល ចុះមូលដ្ឋានខេត្តស្វាយរៀង ថ្លែងក្នុងឱកាសបានចុះសួរសុខទុក្ខក្រុមគ្រូពេទ្យ កងកម្លាំងប្រដាប់អាវុធ និងប្រជាពលរដ្ឋដែលកំពុងធ្វើចត្តាឡីស័ក នៅក្រុងបាវិត និងប្រគល់សម្ភារប្រើប្រាស់ និងថវិកាមួយចំនួន សម្រាប់ប្រើប្រាស់ក្នុងការងារធ្វើចត្តាឡីស័ក នៅមូលដ្ឋានក្រុងបាវិត។ឯកឧត្តម លី ធុជ ប្រធានក្រុមការងាររាជរដ្ឋាភិបាល ចុះមូលដ្ឋានក្រុងបាវិត បានអរគុណ និងវាយតម្លៃខ្ពស់ចំពោះកិច្ចខិតខំប្រឹងប្រែងទាំងកម្លាំងកាយ កម្លាំងចិត្ត របស់ក្រុមគ្រូពេទ្យ ដែលបានយកចិត្តទុកដាក់ពិនិត្យ និងព្យាបាលជំងឺរបស់ប្រជាពលរដ្ឋ ជាពិសេសការចំណាយពេលវេលាទាំងយប់ទាំងថ្ងៃ ក្នុងការងារធ្វើចត្តាឡីស័ក និងព្យាបាលអ្នកឆ្លងជំងឺកូវីដ-១៩ ដែលកំពុងរីករាលដាលយ៉ាង ខ្លាំងគួរឱ្យព្រួយបារម្ភនៅកម្ពុជាយើងនេះ។ជាមួយគ្នានេះ ឯកឧត្តម ទេសរដ្ឋមន្ត្រី លី ធុជ បានអំពាវនាវឱ្យប្រជាពលរដ្ឋទាំងអស់ ត្រូវបន្តចូលរួមអនុវត្តន៍តាមអនុសាសន៍ណែនាំដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នូវវិធានការណ៍ «៣ការពារ និង៣កុំ» ឱ្យបានល្អប្រសើរ ជៀសវាងការឆ្លងពីជំងឺកូវីដ-១៩។ឯកឧត្តម ទេសរដ្ឋមន្ត្រី ក៏បានថ្លែងអរគុណយ៉ាងជ្រាលជ្រៅជូនចំពោះ ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្មភាព កំចាត់មីនកម្ពុជា, សមាគម ជួយសង្គ្រោះប្រជាជននៅកម្ពុជា, លោក ហែម ហេម៉ា ប្រធានក្រុមហ៊ុនយក្សាបោកអ៊ុត ដែលបានចូលរួមឧបត្ថម្ភជាសម្ភារៈ ប្រើប្រាស់ និងថវិកាមួយចំនួន សម្រាប់ប្រើប្រាស់ក្នុងការងារធ្វើចត្តាឡីស័កនៅមូលដ្ឋានក្រុងបាវិត ឧបត្ថម្ភដល់ក្រុមគ្រួសារ និងកងកម្លាំងប្រដាប់អាវុធ៕

កងទ័ពត្រៀមបម្រុងកម្លាំងពេទ្យជាង៣រយនាក់ បន្ថែមចូលរួមការប្រយុទ្ធនឹងកូវីដ-១៩

ភ្នំពេញ ៖ នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានបញ្ជាឲ្យត្រៀមកង កម្លាំងគ្រូពេទ្យ និងវេជ្ជបណ្ឌិត របស់កងទ័ព ចំនួន៣៥០នាក់បន្ថែមទៀត សម្រាប់ចូលរួមប្រតិបត្តិការ ប្រយុទ្ធប្រឆាំង នឹងកូវីដ-១៩ ជាមួយគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ១៩។បទបញ្ជា ស្តីពីការប្រើប្រាស់កម្លាំងក្រុមគ្រូពេទ្យ នៃកងយោធពលខេមរភូមិន្ទ ដើម្បីត្រៀមចូលរួម ប្រតិបត្តិការទប់ស្កាត់ជំងឺកូវីដ-១៩ ជាមួយគណៈកម្មការអន្តរក្រសួងដើម្បីប្រយុទ្ធ នឹងជំងឺកូវីដ-១៩ នាថ្ងៃ ទី១១ ខែមីនា នេះ បានលើកឡើងថា មេបញ្ជាការប្រភេទទ័ព និងទ័ពជំនាញ បណ្តាស្ថាប័ន និងកងឯក ភាពចំណុះអគ្គបញ្ជាការដ្ឋាន ត្រូវត្រៀមរៀបចំកម្លាំងពេទ្យ ជាកម្លាំងត្រៀមបម្រុងរបស់រាជរដ្ឋាភិបាល ដើម្បី ចូលរួមសហការជាមួយកម្លាំងក្រុមគ្រូពេទ្យ របស់ក្រសួងសុខាភិបាល ក្នុងប្រតិបត្តិការទប់ស្កាត់កូវីដ១៩ ក្រោមការដឹកនាំបញ្ជារបស់ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូ មិន្ទ មេបញ្ជាការកងទ័ពជើងគោក និងជាអនុប្រធានគណៈកម្មការអន្តរក្រសួងដើម្បីប្រយុទ្ធ នឹងកូវីដ១៩។យោងតាមបទបញ្ជា របស់នាយឧត្តមសេនីយ៍ វង្ស ពិសេន បានបញ្ជាឲ្យមានការរៀបចំកម្លាំងជា បន្ទាន់ ដោយមានចំនួន១៧ក្រុម ស្មើនឹង៣៥០នាក់ ដែលមកពីតាមបញ្ជាការដ្ឋាន ទ័ពជើងគោក ទឹក អាកាស យោធភូមិភាគទី៣ កងពលអន្តរាគមន៍លេខ១ បញ្ជាការដ្ឋានវិស្វកម្ម និងវិទ្យាស្ថានសុខាភិបាល របស់ក្រសួងការពារជាតិជាដើម។ជាមួយគ្នានោះដែរ តាមបទបញ្ជាខាងលើនេះ បានបញ្ជាក់ឲ្យដឹងផងដែរថា ក្រុមគ្រូពេទ្យ ដែលជា កងកម្លាំង នៃកងយោធពលខេមរភូមិន្ទទាំងនោះ គឺសុទ្ធតែជាពេទ្យបានចាក់វ៉ាក់សាំងបង្ការកូវីដ១៩រួចរាល់ គ្រប់តាមការកំណត់ និងមានសុខភាពល្អ ហើយក្រុមគ្រូពេទ្យទាំងនោះ នឹងត្រូវទទួលបានការហ្វឹកហ្វឺនជំនាញច្បាស់លាស់តាមស្តង់ដារ បំពាក់សម្ភារសម្រាប់ប្រតិបត្តិការ និងត្រូវបានចូលរួមសាកល្បងការងារ ជាមួយក្រុមគ្រូពេទ្យក្រសួងសុខាភិបាល មុននឹងចូលធ្វើប្រតិបត្តិការព្យាបាលជំងឺកូវីដ១៩ ព្រមទាំងទទួល បាននូវរបបបំប៉នឧបត្ថម្ភដូចក្រុមគ្រូពេទ្យស៊ីវិលផងដែរ។នាយឧត្តមសេនីយ៍ វង្ស ពិសេន បានបញ្ជាឲ្យកងឯកភាពផ្សេងៗទៀត ចាំបាច់ត្រូវត្រៀមកម្លាំង ពេទ្យ របស់អង្គភាពខ្លួនផងដែរ ដើម្បីត្រៀមចូលរួមអនុវត្តភារកិច្ចបន្តវេន ក្រោយពីមានបទបញ្ជា ហើយបទ បញ្ជានេះ គឺនឹងត្រូវអនុវត្តឲ្យមានប្រសិទ្ធភាព និងការទទួលខុសត្រូវបំផុតផងដែរ៕អត្ថបទ៖ បាន ចក់

ប្រមុខរាជរដ្ឋាភិបាលអំពាវនាវឱ្យរោងចក្រទាំងអស់ ត្រៀមលក្ខណៈសម្បត្តិ អនុវត្តប្រាក់ខែ១៨២ដុល្លារនិងបើក២សប្តាហ៍ម្តងឱ្យបានទៀងទាត់

កណ្ដាល៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអំពាវនាវទៅរោងចក្រ សហគ្រាសទាំងអស់ដែលកំពុងអនុវត្តប្រាក់បៀវត្សកម្មករ ១៧០ដុល្លារក្នុងឆ្នាំនេះ ត្រូវត្រៀមលក្ខណៈសម្បត្តិអនុវត្តប្រាក់បៀវត្ស១៨២ដុល្លារ និងបើក២សប្តាហ៍ម្តងឱ្យបានទៀងទាត់នៅខែមករាដើមឆ្នាំ២០១៩ ខាងមុខនេះ។ប្រមុខរាជរដ្ឋាភិបាលកម្ពុជា បានធ្វើការអំពាវនាវបែបនេះ ខណៈសម្តេចបានអញ្ជើញបន្តជួបសំណេះសំណាលជាមួយកម្មករ និយោជិត ប្រមាណជិត២ម៉ឺននាក់ មកពីរោងចក្រ សហគ្រាស ចំនួន១២ នៅស្រុកកណ្តាលស្ទឹង ខេត្តកណ្តាល នាព្រឹកថ្ងៃទី២៨វិច្ឆិកានេះ។សម្តេចបានមានប្រសាសន៍ថា នៅសល់តែជាង១ខែទៀតប៉ុណ្ណោះ ប្រាក់បៀវត្សកម្មករ ចំនួន ១៨២ដុល្លារ នឹងត្រូវអនុវត្ត និងត្រូវបើកក្នុងរយៈពេលពីរសប្តាហ៍ម្តង ហើយសម្តេចក៏បានអំពាវនាវឱ្យគ្រប់បណ្តារោងចក្រ សហគ្រាសទាំងអស់ក៏ដូចជាស្ថាប័នរដ្ឋ និងវិស័យឯកជនដទៃទៀត ត្រូវត្រៀមលក្ខណៈសម្បត្តិ អនុវត្តឱ្យបានល្អ កុំឱ្យមានការរអាក់រអួល។កម្មករ កម្មការិនី បានបង្ហាញការសប្បាយរីករាយ ដែលនឹងការទទួលបានប្រាក់បៀវត្សកើននៅដើមឆ្នាំ២០១៩ខាងមុខ និងបានសាទរ នឹងគោលនយោបាយបើកប្រាក់ខែជូនក្នុងរយៈពេល២សប្តាហ៍ម្តង។ក្នុងពិធីសំណេះសំណាលនេះ សម្តេចតេជោ ក៏យកឱកាស បង្ហាញនូវការប្រៀបធៀបនៃប្រាក់បៀវត្សកម្មករ នៅតាមបណ្តាប្រទេសជាច្រើនក្នុងតំបន់ដែលនៅមានចំនួនតិចជាងយើងនៅឡើយ។ ទោះជាយ៉ាងណា សម្តេចនៅតែមានមហិច្ឆតា ខិតខំធ្វើយ៉ាងណាឱ្យប្រាក់បៀវត្សរបស់កម្មករយើងឡើងដល់២៤០ដុល្លារក្នុង១ខែ ដោយរដ្ឋបានការគិតគូរ ត្រៀមថវិកាប្រមាណ៨០លានដុល្លារថែមទៀត សម្រាប់ប៉ះប៉ូវទៅលើការបញ្ចុះតម្លៃអគ្កិសនី ដើម្បីឱ្យមានការតម្លើងប្រាក់បៀវត្សនេះបានឡើងដល់២៤០ដុល្លារនៅពេលណាមួយ។ សម្តេចបានរម្លឹកថា គ្រាន់តែ២ឆ្នាំនេះ ការលះបង់ ប៉ះប៉ូវរបស់រដ្ឋ ទៅលើការបញ្ចុះថ្លៃអគ្គិសនីដើម្បីតម្លើងប្រាក់បៀវត្សកម្មករនោះ រដ្ឋបានលះបង់រហូតដល់១២០លានដុល្លារអាមេរិករួចទៅហើយ៕

សម្តេចតេជោ ហ៊ុន សែន អញ្ជើញជួបប្រធានក្រុមហ៊ុន ហាប៊័រ រៀលអ៊ីស្ទេត(Harbour Real Estate)

ភ្នំពេញ៖ នៅវិមានសន្តិភាព ព្រឹកថ្ងៃចន្ទ ១៣កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៨ ខែមីនា ឆ្នាំ២០១៩ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញទទួលជួបពិភាក្សាការងារជាមួយ លោក ឈិន ឈីវសុង (Chen Qiuxong) ប្រធានក្រុម Harbour Real Estate។លោក Chen Qiuxong បានជម្រាបជូន សម្តេចតេជោនាយករដ្ឋមន្ត្រីថា លោកបានមកកាន់ប្រទេសកម្ពុជា 5 ឆ្នាំមកហើយ ហើយបានឃើញកម្ពុជាមានសុខសន្តិភាព ស្ថិរភាព និងរីកចម្រើនលឿន។លោក Chen បានឃើញកម្ពុជាមានសក្ដានុពល និងឱកាសវិនិយោគជាច្រើន។ ទន្ទឹមនឹងនោះ លោកបានឃើញ សម្ដេចតេជោ កំពុងតែផ្តល់ឱកាស និងលើកទឹកចិត្តដល់វិនិយោគិនឱ្យចង់មកទស្សនា និងមកវិនិយោគនៅកម្ពុជា។ ជាមួយគ្នានេះដែរ លោក Chen ក៏បានឃើញពីសកម្មភាពមនុស្សធម៌របស់សម្តេចតេជោ ដែលកំពុងជួយពលរដ្ឋក្រីក្រជាពិសេសថ្មីៗនេះ គឺសម្តេចតេជោ បានបង្កើតក្រុមមេធាវីស្ម័គ្រចិត្តសម្តេចតេជោ ដើម្បីជួយដល់ពលរដ្ឋក្រីក្រ ជាពិសេសស្ត្រីរងគ្រោះដែលពុំទាន់បានកាត់ក្ដីនៅឡើយ។ ក្រុមហ៊ុនលោកបានសម្រេចចិត្តចូលរួមផ្តល់នូវវិភាគទានមូលនិធិមួយចំនួនបន្ថែមដល់កិច្ចការដ៏សំខាន់នេះ។សម្ដេចតេជោ ហ៊ុន សែន បានថ្លែងអំណរគុណ និងលើកទឹកចិត្តឲ្យ លោកប្រធានក្រុមហ៊ុន បន្តវិនិយោគនៅកម្ពុជាថែមទៀត ។ចំពោះមូលនិធិ ដែលទទួលបានគឺសម្រាប់ប្រើប្រាស់ក្នុងការជួយដល់ស្ត្រីនៅក្នុងពន្ធនាគារដែលពុំទាន់បានកាត់ក្ដីនៅឡើយ។ សម្ដេចតេជោបានបញ្ជាក់បន្ថែមថា ក្រុមមេធាវីដែលបង្កើតឡើងនេះ គឺធ្វើយ៉ាងណាជួយដល់ស្ត្រីដែលជាប់ពាក់ព័ន្ធនឹងតុលាការ ដែលមិនទាន់បានកាត់ក្ដី ដែលមានប្រមាណ២/៣ នៅក្នុងព័ន្ធនាគារ។សម្តេចតេជោ ហ៊ុន សែន នាយករដ្ឋមន្រ្តី បានមានប្រសាសន៍បញ្ជាក់ផងដែរថា នៅថ្ងៃនេះ សម្តេចបានបញ្ជាក់ប្រាប់ទៅ ឯកឧត្តមរដ្ឋមន្រ្តី ក្រសួងយុត្តិធម៍អោយរៀបចំពន្លឿនការកាត់ក្តីចំពោះអ្នកជាប់ចោទជាច្រើននាក់ ដែលកំពុងជាប់ឃុំនៅក្នុងពន្ឋធនាគារដែលមកទល់ពេលនេះមិនទាន់បានកាត់ក្តីនៅឡើយ ជាពិសេសស្រ្តីក្រីក្រ។ សម្តេចតេជោ បានសង្កត់ធ្ងន់ថា ការឃុំខ្លួនជនជាប់ចោទរយៈពេលយូរដោយមិនបានកាត់ក្តី គឺខុសច្បាប់៕

គម្រោងវិនិយោគរោងចក្រថ្មីៗ៦ទៀត ត្រូវបានក្រុមប្រឹក្សាអភិវឌ្ឍន៍កម្ពុជាអនុម័ត

ភ្នំពេញ ៖ គម្រោងវិនិយោគបើករោងចក្រថ្មីៗចំនួន៦ទៀតហើយ ត្រូវបានក្រុមប្រឹក្សាអភិវឌ្ឍន៍កម្ពុជា ហៅកាត់ថា CDC អនុម័តជាស្ថាពរ ឲ្យដំណើរការនៅកម្ពុជា ដើម្បីបង្កើតការងារជូនពលរដ្ឋខ្មែរ ដែលសរុបទុនវិនិយោគរបស់រោងចក្រទាំង៦ មាន២២លានដុល្លារអាមេរិក។តាមរយៈ Facebook ផ្លូវការរបស់ CDC បានចុះផ្សាយថ្ងៃទី១១ ខែមេសា ឆ្នាំ២០១៩នេះថា គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ដល់ក្រុមហ៊ុនដូចខាងក្រោម ៖ទី១ ក្រុមហ៊ុន TTHS RUBBER CO., LTD. គម្រោងបង្កើតរោងចក្រកែច្នៃជ័រកៅស៊ូ ដែលមានទីតាំងវិនិយោគស្ថិតនៅភូមិទ្ប ឃុំកោងកាង ស្រុកពញាក្រែក ខេត្តត្បូងឃ្មុំ មានទុនវិនិយោគប្រមាណ ២.៧លានដុល្លារអាមេរិក និងអាចបង្កើតការងារបានចំនួន ២២៤កន្លែង។ទី២ ក្រុមហ៊ុន SAI DI HANDBAG CO., LTD. គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិវល្លិសរ ឃុំវល្លិសរ ស្រុកសំរោងទង ខេត្តកំពង់ស្ពឺ មានទុនវិនិយោគប្រមាណ ៤.៥លានដុល្លារអាមេរិក និងអាចបង្កើតការងារបានចំនួន ១,២៧៥កន្លែង។ទី៣ក្រុមហ៊ុន GARCHI HUNG CO., LTD. គម្រោងបង្កើតរោងចក្រកាត់ដេរសំលៀកបំពាក់ ដែលមានទីតាំងវិនិយោគស្ថិតនៅភូមិដំណាក់ត្រយឹង សង្កាត់ចោមចៅទី២ ខណ្ឌពោធិ៍សែនជ័យ មានទុនវិនិយោគប្រមាណ ២.៦លានដុល្លារអាមេរិក និងអាចបង្កើតការងារបានចំនួន ៩២៤កន្លែង។ទី៤ក្រុមហ៊ុន KAMFOR RECYCLE PULP AND PAPER CO., LTD. គម្រោងបង្កើតរោងចក្រកាត់ដេរសំលៀកបំពាក់ ដែលមានទីតាំងវិនិយោគស្ថិតនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ មានទុនវិនិយោគប្រមាណ ៥.១លានដុល្លារអាមេរិក និងអាចបង្កើតការងារបានចំនួន ១៨២កន្លែង។ទី៥ WING HUNG TU INDUSTRIAL (CAMBODIA) CO., LTD. គម្រោងបង្កើតរោងចក្រកាត់ដេរសំលៀកបំពាក់ ដែលមានទីតាំងវិនិយោគស្ថិតនៅផ្លូវជាតិលេខ៤ គីទ្បូម៉ែត្រលេខ២៧ ភូមិទឹកជា ឃុំពើក ស្រុកអង្គស្នួល ខេត្តកណ្តាល មានទុនវិនិយោគប្រមាណ ២.២លានដុល្លារអាមេរិក និងអាចបង្កើតការងារបានចំនួន ៣០២កន្លែងនិង ទី៦ ក្រុមហ៊ុន KIRIROM FOOD PRODUCTION (K.F.P) CO., LTD. គម្រោងបង្កើតរោងចក្រកាត់ដេរសំលៀកបំពាក់ ដែលមានទីតាំងវិនិយោគស្ថិតនៅភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ មានទុនវិនិយោគប្រមាណ ៥លានដុល្លារអាមេរិក និងអាចបង្កើតការងារបានចំនួន ៣៦៧កន្លែង៕

បណ្ដាញសង្គម

ព័ត៌មានថ្មីៗ

ព្រះមហាក្សត្របានចេញព្រះរាជក្រម ប្រកាសឲ្យប្រើប្រាស់ច្បាប់ធម្មនុញ្ញ ស្តីពីវិសោធនកម្មមាត្រា៣៣

ក្នុងគោលបំណងមនុស្សធម៌! អាជ្ញាធរកម្ពុជាសម្រេចបើកច្រកទ្វារព្រំដែនអនុញ្ញាតដល់អនុព័ន្ធយោធាថៃប្រចាំនៅភ្នំពេញ និងមនុស្សពីរនាក់ធ្វើដំណើរតាមច្រកទ្វារអន្តរជាតិប៉ោយប៉ែត-ខ្លងលីកទៅព្យាបាលជំងឺនៅខេត្តស្រះកែវ

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សមាគមកាយឫទ្ធិនារីកម្ពុជាសាខាខេត្តមណ្ឌលគិរី បានចូលរួមសកម្មភាពជាច្រើននៅក្នុងសង្គមស្របតាមគម្រោងសកម្មភាពទាំង៥ របស់សមាគម

ឯកឧត្តម ឌិត ទីណា បន្តដំណើរចុះជួបសំណេះសំណាលជាមួយសហគមន៍ទំនើបស្វាយចន្ទីភ្នំគូលែន នៅខេត្តសៀមរាប

លោក Trump ទទូចថាទីតាំងនុយក្លេអ៊ែរអ៊ីរ៉ង់ត្រូវបានបំផ្លាញស្របពេលមានរបាយការណ៍មួយចំនួនថាបានរួចផុតពីការបំផ្លាញ

ពលរដ្ឋជប៉ុនបោះឆ្នោតក្នុងការសាកល្បងដ៏សំខាន់សម្រាប់នាយករដ្ឋមន្ត្រី Shigeru Ishiba

អ្នកស្លាប់ក្នុងជំនន់ទឹកភ្លៀងនៅកូរ៉េខាងត្បូងសប្តាហ៍នេះ កើនឡើងដល់១៤ នាក់

ការប៉ះទង្គិចបានផ្ទុះឡើងក្នុងការតវ៉ាប្រឆាំងនឹងជនអន្តោប្រវេសន៍ក្នុងប្រទេសប៉ូឡូញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អភិបាលខេត្តបាត់ដំបង ជំរុញអាជ្ញាធរឱ្យបង្កើនការយកចិត្តទុកដាក់ លើបញ្ហាលួចឆ្លងដែន

សិស្សបន្តសិក្សាតាមអនឡាញដោយភាពអំណត់ក្រោយការផ្អាកសាលារៀន នៅរាជធានី-ខេត្តមួយចំនួន

រដ្ឋបាលរាជធានី-ខេត្តទាំង២៥ បានសម្រេចឲ្យផ្អាកជាបណ្តោះអាសន្ន ចំពោះអាពាហ៍ពិពាហ៍ និងជួបជុំនានា

រោងចក្រកាត់ដេរពង្រឹងបន្ថែមការអនុវត្តវិធានសុខាភិបាល ខណៈមិនអាចប្តូរវេន ធ្វើការរបស់កម្មកររោងចក្រ

អាជ្ញាធរខេត្ដព្រះសីហនុ អនុញ្ញាតឱ្យកន្លែងចត្ដាឡីស័ក ២ទីតាំងបើកដំណើរការអាជីវកម្មរបស់ខ្លួនឡើងវិញ

ទេសរដ្ឋមន្ត្រី លី ធុជ ចាត់ទុកក្រុមគ្រូពេទ្យជាកងទ័ពជួរមុខ ក្នុងការងារប្រយុទ្ធប្រឆាំងនឹងជំងឺកូវីដ-១៩

កងទ័ពត្រៀមបម្រុងកម្លាំងពេទ្យជាង៣រយនាក់ បន្ថែមចូលរួមការប្រយុទ្ធនឹងកូវីដ-១៩

សម្តេចតេជោ ហ៊ុន សែន អញ្ជើញជួបប្រធានក្រុមហ៊ុន ហាប៊័រ រៀលអ៊ីស្ទេត(Harbour Real Estate)

គម្រោងវិនិយោគរោងចក្រថ្មីៗ៦ទៀត ត្រូវបានក្រុមប្រឹក្សាអភិវឌ្ឍន៍កម្ពុជាអនុម័ត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អភិបាលខេត្ត​បាត់ដំបង ជំរុញ​អាជ្ញាធរ​ឱ្យ​បង្កើន​ការ​យក​ចិត្តទុកដាក់​ លើ​បញ្ហា​លួច​ឆ្លងដែន

សិស្ស​បន្ត​សិក្សា​តាម​អន​ឡាញ​ដោយ​ភាព​អំណត់​ក្រោយ​ការ​ផ្អាក​សាលារៀន ​នៅ​រាជធានី​-​ខេត្ត​មួយ​ចំនួន

រដ្ឋបាលរាជធានី-ខេត្តទាំង២៥ បានសម្រេចឲ្យផ្អាកជាបណ្តោះអាសន្ន ចំពោះអាពាហ៍ពិពាហ៍ និងជួបជុំនានា

កងទ័ព​ត្រៀម​បម្រុង​កម្លាំង​ពេទ្យ​ជាង​៣​រយ​នាក់​ បន្ថែម​ចូលរួម​ការ​ប្រយុទ្ធ​នឹង​កូ​វីដ​-១៩

សម្តេចតេ​ជោ ​ហ៊ុន ​សែន ​អញ្ជើញ​ជួប​ប្រធាន​ក្រុម​ហ៊ុន ​ហាប៊័រ​ រៀល​អ៊ី​ស្ទេត​(Harbour ​Real ​Estate)​

គម្រោង​វិនិយោគ​រោងចក្រ​ថ្មីៗ​៦​ទៀត ត្រូវ​បាន​ក្រុមប្រឹក្សា​អភិវឌ្ឍន៍​កម្ពុជា​អនុម័ត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អភិបាលខេត្តបាត់ដំបង ជំរុញអាជ្ញាធរឱ្យបង្កើនការយកចិត្តទុកដាក់ លើបញ្ហាលួចឆ្លងដែន

សិស្សបន្តសិក្សាតាមអនឡាញដោយភាពអំណត់ក្រោយការផ្អាកសាលារៀន នៅរាជធានី-ខេត្តមួយចំនួន

កងទ័ពត្រៀមបម្រុងកម្លាំងពេទ្យជាង៣រយនាក់ បន្ថែមចូលរួមការប្រយុទ្ធនឹងកូវីដ-១៩

សម្តេចតេជោ ហ៊ុន សែន អញ្ជើញជួបប្រធានក្រុមហ៊ុន ហាប៊័រ រៀលអ៊ីស្ទេត(Harbour Real Estate)

គម្រោងវិនិយោគរោងចក្រថ្មីៗ៦ទៀត ត្រូវបានក្រុមប្រឹក្សាអភិវឌ្ឍន៍កម្ពុជាអនុម័ត