BTV NEWS

ទេសចរសរសើរថា តំបន់អង្គរត្រូវបានរៀបចំមានសណ្ដាប់ធ្នាប់ និងសោភ័ណភាពជាងមុន

សៀមរាប ៖ ទេសចរចំនួនជាង១៤ម៉ឺននាក់ បានទៅលេងខេត្តសៀមរាប ក្នុងថ្ងៃឈប់សម្រាកបុណ្យអុំទូក ដែលចំ នួននេះ គឺធ្លាក់ចុះជាងឆ្នាំមុន តែទោះជាយ៉ាងណាក៏ដោយ ទេសចរ បានសរសើរថា ឆ្នាំនេះ តំបន់អង្គរ ត្រូវ បានរៀបចំឱ្យមានសណ្ដាប់ធ្នាប់ និងសោភ័ណភាពល្អ។ភ្ញៀវទេសចរ បានលើកឡើងថា ពួកគេ មានអារម្មណ៍ស្រស់ស្រាយនៅពេលឃើញតំបន់អង្គរ ត្រូវ បានរៀបចំបានល្អប្រសើរ ខុសពីបណ្ដាឆ្នាំមុនៗ ។របាយការណ៍មន្ទីរទេសចរណ៍ បានឱ្យដឹងថា ខេត្តសៀមរាប រយៈពេលថ្ងៃឈប់សម្រាកបីថ្ងៃនេះ ទទួលបានភ្ញៀវទេសចរជាតិ និងអន្ដរជាតិ ចំនួនជាង១៤ម៉ឺននាក់ គឺធ្លាក់ចុះជាងឆ្នាំមុន។ខេត្តសៀមរាប បច្ចុប្បន្ន ក្រៅទីតំបន់ទេសចរណ៍វប្បធម៌ ប្រវត្តិសាស្ត្រ ធម្មជាតិ ដែលមានស្រាប់ ក៏ មានរមណីយដ្ឋានកែច្នៃថែមទៀតផង ដើម្បីទាក់ទាញទេសចរក្នុងស្រុក ខណៈដែលទេសចរក្រៅប្រទេស មានការធ្លាក់ចុះយ៉ាងគំហុក ដោយសារវិបត្តិកូវីដ១៩នោះ៕អត្ថបទ៖ ឈិត សាវី

អាជ្ញាធរខណ្ឌដូនពេញ លាងសម្អាតតំបន់មាត់ទន្លេ និងសួនច្បារក្រោយព្រះរាជពិធីបុណ្យអុំទូក

ភ្នំពេញ ៖ ក្រោយព្រះរាជពិធីបុណ្យអុំទូកបានបញ្ចប់ក្នុងរយៈពេល៣ថ្ងៃ ដែលមានពលរដ្ឋរាប់ម៉ឺននាក់ដើរលេងកម្សាន្តនៅតំបន់មាត់ទន្លេ និងតាមសួនច្បារ អាជ្ញាធរខណ្ឌដូនពេញ បានប្រមូលសំរាមដែលសេសសល់ និងចុះបាញ់ទឹកលាងសម្អាតតាមទីធ្លា។លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានដឹកនាំកម្លាំងចម្រុះបែងចែកតាមគោលដៅ ដើម្បីប្រមូលសំរាមដែលនៅសេសសល់ និងបាញ់ទឹកលាងសំអាតតាមមាត់ទន្លេ និងសួនច្បារ ក្នុងមូលដ្ឋាន ដើម្បីឱ្យមានសោភ័ណភាព សន្តិសុខសណ្ដាប់ធ្នាប់ ល្អប្រសើរឡើងវិញ នៅព្រឹកថ្ងៃទី០២ ខែវិច្ឆិកាឆ្នាំ ២០២០ នៅចំណុចតាមដងទន្លេចតុមុខ និងសួនច្បារនៅក្នុងមូលដ្ឋានខណ្ឌដូនពេញ។ កាលពីថ្ងៃទី៣០ ទី៣១ ខែតុលា និងថ្ងៃទី០១ ខែវិច្ឆិកា កន្លងមកនេះ ក្នុងរយៈពេល ៣ថ្ងៃនាថ្ងៃឈប់សម្រាកនៃព្រះរាជពិធីបុណ្យអុំទូក មានប្រជាពលរដ្ឋទូទាំងប្រទេសមួយចំនួនបានធ្វើដំណើរកម្សាន្តទៅលេងតាមបណ្តាខេត្ត និងរមណីយដ្ឋាននានាក៏ដូចជាជួបជុំគ្រួសារ និងមានប្រជាពលរដ្ឋមួយចំនួនក៏នៅទីក្រុងភ្នំពេញបានចេញដំណើរទៅតាមបណ្ដាខេត្ត រីឯខ្លះបានធ្វើដំណើរកម្សាន្តក្នុងថ្ងៃព្រះរាជពិធីបុណ្យអុំទូកនៅតំបន់កោះពេជ្រ មុខព្រះបរមរាជវាំង សួនច្បារវត្តបទុមវត្តី ហើយនៅយប់ថ្ងៃចុងក្រោយនៅក្នុងមូលដ្ឋានខណ្ឌដូនពេញ ក៏មានការកកស្ទះផងដែរ ដោយមានប្រជាពលរដ្ឋទាំងភ្ញៀវជាតិ និងអន្តរជាតិមកកំសាន្តប្រមាណជាង៨០ទៅ៩០ភាគរយ បើប្រៀបធៀបទៅនឹងព្រះរាជពិធីបុណ្យអុំទូកកាលពីឆ្នាំ២០១៩។លោក សុខ ពេញវុធ អភិបាលខណ្ឌដូនពេញ បានលើកឡើងថា ប្រជាពលរដ្ឋខ្មែរនាពេលបច្ចុប្បន្នមានការយល់ដឹងច្រើនពីបញ្ហាសំរាម និងមានការវេចខ្ចប់សំរាមរបស់ខ្លួនដែលសេសសល់ ក្នុងនោះលោកឃើញថា សំរាមជាច្រើនត្រូវបានវេចខ្ចប់ជាកញ្ចប់ទៅតាមទីតាំងកំណត់ ដើម្បីផ្ដល់ភាពងាយស្រួលក្នុងការប្រមូល ហើយនៅសេសសល់បន្តិចបន្តួច នៅព្រឹកមិញនេះ រួមជាមួយនឹងខ្យល់បក់ ធ្វើអោយសំរាមមានការរាយប៉ាយនោះ លោកក៏បានបញ្ចេញកម្លាំងគណៈបញ្ជាការឯកភាពខណ្ឌបានរៀបចំប្រមូលសំរាមដាក់មួយដុំរួចរាល់នឹងរង់ចាំក្រុមហ៊ុនស៊ីនទ្រីធ្វើការប្រមូល។ជាគោលការណ៍បន្ទាប់ អភិបាលខណ្ឌដូនពេញ បានបញ្ចេញកម្លាំងសហការជាមួយ កម្លាំងសណ្ដាប់សាលារាជធានីភ្នំពេញ ដើម្បីធ្វើការបាញ់លាងសម្អាតកុំអោយមានក្លិនស្អុយ និងប៉ះពាល់ដល់សុខភាពប្រជាពលរដ្ឋដែលមកកម្សាន្តនៅតាមសួនច្បារផងដែរ៕អត្ថបទ ៖ កុម្ភៈ

សមាគមន៍អតីតយុទ្ធជនកម្ពុជាខេត្តកំពង់ធំ ផ្តល់ផ្ទះថ្មីខ្នងទី១៧៤ របស់សម្តេចតេជោ ហ៊ុន សែន ដល់អតីតយុទ្ធជន

កំពង់ធំ៖ ផ្ទះថ្មីរបស់សម្តេចតេជោ ហ៊ុន សែន នៅតែបន្តផ្តល់ជូនគ្រួសារអតីតយុទ្ធជន ដែលមានជីវភាពខ្វះខាត ពុំមានលទ្ធភាពធ្វើគេហដ្ឋានសមរម្យ ដែលគិតមកដល់ពេលនេះមានចំនួន១៧៤ខ្នងហើយនៅក្នុងខេត្តកំពង់ធំ។នៅទី០១ ខែវិច្ឆិកា ឆ្នាំ២០២០ លោកឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជា ខេត្តកំពង់ធំ បានដឹកនាំសហការីប្រគល់ផ្ទះខ្នងទី១៧៤ ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជនកម្ពុជា តាមរយៈឯកឧត្តម នាយឧត្ដមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជា ជូនគ្រួសារអតីតយុទ្ធជន នៅភូមិក្រចាប់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ ។គ្រួសារអតីតយុទ្ធជនដែលបានទទួលផ្ទះថ្មីនេះមានឈ្មោះ ម៉ុន សៀងហៃ អាយុ៥៥ឆ្នាំ មានកូនចំនួន០៤នាក់ ដែលស្វាមីរបស់គាត់បានទទួលមរណភាពចោលគាត់ដោយសារជំងឺដែលបច្ចុប្បន្នក្រុមគ្រួសារគាត់ប្រកបមុខរបរជាកម្មករសំណង់ ។ជាមួយគ្នានេះដែរ លោកឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ ក៏បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដែលជានិច្ចកាលសម្តេចទាំងទ្វេ តែងតែយកចិត្តទុក្ខដាក់ដល់បងប្អូនអតីតយុទ្ធជន នៅគ្រប់ទីកន្លែង និងបានលើកឡើងថា ទាំងនេះជាការដឹងគុណដ៏ធំធេងដល់អតីតយុទ្ធជនដែលកន្លងមកបងប្អូនបានចូលរួមចំណែកជាមួយសម្តេចតេជោក្នុងការអនុវត្តន៍ នូវនយោបាយ ឈ្នះ ឈ្នះ ធ្វើឲ្យប្រទេសជាតិមានសុខសន្តិភាពពេញលេញ និងការអភិវឌ្ឍ។ លោកបញ្ជាក់ថា ផ្ទះថ្មីដែលប្រគល់ជូននាពេលនេះមានទំហំ ៤មx៦ម ធ្វើអំពីឆ្អឹងដែក ដំបូងប្រក់ស័ង្កសីកិនភ្លី ជញ្ជាំងស្មាតប៊ត និងរនាបក្តារ។ក្នុងឱកាសប្រគល់ផ្ទះថ្មីនេះ ឧត្ដមសេនីយ៍ ទោ សោម ស៊ុន បាននាំយកនូវអំណោយគ្រឿងឧបភោគបរិភោគរបស់ ឯកឧត្តម ឧត្តមសេនីយ៍ឯក បណ្ឌិត ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ផ្តល់ជូនគាត់បន្ថែមនៅពេលនេះរួមមាន អង្ករ ៥០ គ.ក្រ , មីចំនួន ០២កេស , ទឹកត្រី ទឹកស៊ីអ៉ីវ ចំនួន ០២ យួរ ទឹក ពិសារ បរិសុទ្ធ កម្ពុជា ចំនួន មួយ កេស និងថវិកាមួយចំនួនផងដែរ៕

កសិករនៅស្វាយរៀង ចាប់ផ្ដើមស្ដារដំណាំដាំដុះ ដែលរងផលប៉ះពាល់ពីជំនន់ឡើងវិញ

ស្វាយរៀង ៖ បន្ទាប់ពីជំនន់ទឹកភ្លៀង បានចាប់ផ្តើមថមថយចុះនៅតំបន់ទំនាបមួយចំនួន ក្នុងឃុំចន្ទ្រា ស្រុកចន្ទ្រា ខេត្តស្វាយរៀង ក្រុមកសិករបានផ្តើមធ្វើស្រែស្តាជួសជុលស្រូវឡើងវិញ ក្រោយពីជំនន់ទឹកបំផ្លាញស្រូវអស់ប្រមាណអស់ជាង១០០ ហិចតា ក្នុងភូមិចំនួន៤របស់ឃុំជាបណ្តើរៗហើយ ខណៈដែលភ្លៀងអាក់ខានបង្អុរនៅក្នុងមួយសប្តាហ៍កន្លងទៅនេះ ។លោក សុខ ស៊ីថា មេឃុំ ចន្ទ្រា បានប្រាប់ទូរទស្សន៍ BTV នៅថ្ងៃទី ១ ខែវិច្ឆិកាថា បន្ទាប់ពីជំនន់ទឹកភ្លៀងបានថមថយចុះនៅក្នុងប៉ុន្មានសប្ដាហ៍នេះ ក្រុមកសិករនៅក្នុងភូមិចំនួន៤ របស់ឃុំ ដែលមានផ្ទៃដីស្រូវខូចខាត និងរងប៉ះពាល់ជំនន់ទឹកភ្លៀងនោះ បានចាប់ផ្តើមធ្វើស្រែជួសជុលស្រូវឡើងវិញជាបណ្តើរៗហើយនៅចុងខែតុលា និងដើមខែវិច្ឆិកានេះ។លោក បន្តថា ឃុំ ចន្ទ្រា មានភូមិចំនួន ៤ ក្នុងជំនន់ទឹកភ្លៀងជនលិចនៅប៉ុន្មានសប្តាហ៍មុននោះ បង្កអោយពលរដ្ឋ ចំនួន១៩៥គ្រួសាររងប៉ះពាល់នូវការរស់នៅ និងសុខភាព សត្វពាហនៈរាប់រយក្បាលរងកង្វះចំណី ស្រូវចំនួន៤៧៣ហិចតា បានរងប៉ះពាល់នូវការលូតលាស់ និងស្រូវចំនួន១១៤ហិកតាផ្សេងទៀតរងការខូចខាតទាំងស្រុង។របាយការណ៍របស់មន្ទីរកសិកម្មរុក្ខាប្រមាញ់ និងនេសាទ បានបញ្ជាក់ថា នៅក្នុងពេលខេត្តរងជំនន់ទឹកភ្លៀងមួយរយះតូច មានស្រូវប្រមាណជាង១ពាន់ហិកតាបានរងការខូចខាតទាំងស្រុង និងជាង ៦ពាន់ហិកតាផ្សេងទៀតបានរងប៉ះពាល់ និងមិនសូវលូតលាស់ល្អ ក្នុងនោះ ស្រុកដែលមានស្រូវប្រឈមខូចខាតធ្ងន់ធ្ងរជាងគេ គឺក្រុងស្វាយរៀង មានចំនួន ៤ពាន់៨៣២ ហិកតា រងប៉ះពាល់ និង៦១ហិកតាផ្សេងទៀតរងការខូចខាតទាំងស្រុង ស្រុកស្វាយជ្រំ មានចំនួន៤៥៨ហិកតារងប៉ះពាល់ និងចំនួន ១៤៧ហិកតារងការខូចខាត ស្រុករមាសហែករងប៉ះពាល់ចំនួន ៥៦៥ហិកតា ខូចចំនួន១៧ហិកតា ស្រុកចន្ទ្រាចំនួន៥៣៩ហិកតារងប៉ះពាល់ និងខូចចំនួន១១៤ហិកតា ស្រុកកំពង់រោទ៍រងប៉ះពាល់ និងខូចខាតទាំងស្រុងចំនួន ៧៩៧ហិកតា និងក្រុងបាវិត បានរងប៉ះពាល់ចំនួន១៥ហិកតា និងខូចទាំងស្រុងចំនួន១ហិកតា ៕អត្ថបទ ៖ភា សារិត

នាយឧត្តមសេនីយ៍ ហ៊ឹម យ៉ាន ៖ នគរបាលចរាចរណ៍ផ្លូវទឹកត្រូវតែជំនាញហែលទឹក និងសញ្ញាអាសន្ន

ភ្នំពេញ ៖ នាយឧត្តមសេនីយ៍ ហ៊ឹម យ៉ាន អគ្គស្នងការរងនគរបាលជាតិ ទទួលបន្ទុកផែនចរាចរណ៍ បានស្នើដល់នគរបាលជើងទឹកអស់ (ទាំងសមុទ្រ និងទន្លេ) ត្រូវចេះជំនាញហែលទឹក និងសញ្ញាអាសន្ន និងសញ្ញាសម្គាល់ផ្សេងៗ ដើម្បីងាយស្រួលក្នុងប្រតិបត្តិការឲ្យបានឆាប់រហ័ស ខណៈជួបបញ្ហាអ្វីកើតឡើងនោះ។ថ្លែងនៅក្នុងកម្មវិធីបើកវគ្គបំប៉នជំនាញ នគរបាលចរាចរណ៍ផ្លូវទឹក នាព្រឹកថ្ងៃទី២ ខែ វិច្ឆិកា ឆ្នាំ២០២០នេះ នៅអគ្គស្នងការដ្ឋាននគរបាលជាតិ ឯកឧត្តម នាយឧត្តមសេនីយ៍ ហ៊ឹម យ៉ាន បានលើកឡើងថា នាពេល បច្ចុប្បន្ននេះ ថ្វីត្បិតតែការធ្វើចរាចរណ៍ផ្លូវទឹកពុំមានសកម្មភាពច្រើនដោយសារបញ្ហាមេរោគកូវិដក្តី ប៉ុន្តែក្នុងនាមយើងជានគរបាលចរាចរណ៍ផ្លូវទឹកត្រូវតែបង្កើនជំនាញបន្ថែមទាំងផ្នែកច្បាប់ បច្ចេកទេស និងសញ្ញាផ្សេងៗជាដើមនោះ។ឯកឧត្តម បានបន្តទៀតថា«យើងត្រូវតែយល់ដឹងឲ្យបានច្បាស់លាស់នូវសញ្ញា ទាំងថ្នាក់ជាតិ និងអន្តរជាតិ និងត្រូវមានសម្ភារៈជួយសង្គ្រោះទាំងអស់ ដើម្បីធ្វើយ៉ាងណាឲ្យការជួយសង្គ្រោះរបស់ពួកយើង ប្រកបដោយសុវត្ថិភាព និងលឿនបំផុតនោះ»។ជាមួយគ្នានោះដែរ ឯកឧត្តម ហ៊ឹម យ៉ាន ក៏បានឲ្យដឹងផងដែរថា ចំណូលដែលបានចូលរដ្ឋតារយៈដឹកជញ្ជូនផ្លូវទឹក(សមុទ្រ) ក្នុងរយៈពេលជិតមួយឆ្នាំមកនេះ គឺមានត្រឹមតែជាង១៨លានដុល្លារអាមេរិកតែប៉ុណ្ណោះ ខណៈឆ្នាំ២០១៩ កន្លងទៅបានរហូតដល់ជាងមួយរយលានដុល្លារអាមេរិក។ ដោយការធ្លាក់ចុះនេះ គឺកើតចេញពីបញ្ហាមេរោគកូវីដ១៩។ ប៉ុន្តែទោះជាយ៉ាងណាក៏ដោយ យើងត្រូវតែមានការប្រុងប្រយ័ត្នជានិច្ច ក្នុងកិច្ចសហប្រតិបត្តិការជាមួយភាគីពាក់ព័ន្ធ ក្នុងការជួយសង្គ្រោះ និងទប់ស្កាត់បទល្មើសនានានៅតាមដែនទឹក និងពិសេសនោះគឺត្រូវតែស្គាល់អំពីអ្វីដែលហៅថាសញ្ញាអន្តរជាតិ និងសញ្ញាជាតិ ខណៈនាវាបរទេសឆ្លងកាត់តាមដែនទឹករបស់យើងជាដើមនោះ។សូមបញ្ជាក់ថា វគ្គបំប៉ននេះ គឺនឹងប្រព្រឹត្តិទៅរយៈពេល៥ថ្ងៃ គឺចាប់ពីថ្ងៃទី ២ដល់ថ្ងៃទី៧ ខែ វិច្ឆិកា ឆ្នាំ២០២០ នេះ ដោយសិក្ខាកាមមកពីគ្រប់រាជធានីខេត្តទាំងអស់នៃប្រទេសកម្ពុជា៕អត្ថបទ ៖ ចក់

ចិនកម្ពុជាប៉ុន្មានឆ្នាំចុងក្រោយនេះ កិច្ចសហប្រតិបត្តិការរវាងភាគីទាំងពីរសម្រេចជោគជ័យគួរ កត់ សម្គាល់

ភ្នំពេញ ៖ តាមរយៈគណនីហ្វេសប៊ុកមានឈ្មោះ Royal du Cambodge បានឲ្យដឹងថា នៅវេលាថ្ងៃទី៣១ ខែតុលា ឆ្នាំ២០២០ ក្នុងឱកាសស្តេចយាងបំពេញព្រះរាជទស្សនកិច្ចផ្លូវការចំនួន៣ថ្ងៃ នៅខេត្តសានស៊ី តបតាមសេចក្តីក្រាបបង្គំសូមយាង និងរៀបចំថ្វាយដោយ ឯកឧត្តមប្រធានាធិបតី Xi JinPing ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យប្រោសព្រះរាជទានជូន ឯកឧត្តម Liu Guozhong លេខាគណៈកម្មាធិការបក្សខេត្ត និង ឯកឧត្តម Zhao Yide អភិបាលខេត្ត អញ្ជើញចូលថ្វាយបង្គំគាល់ នៅទីក្រុងស៊ីអាន។ឯកឧត្តម Liu Guozhong និងឯកឧត្តម Zhao Yide បានសំដែងការស្វាគមន៍យ៉ាងកក់ក្តៅជាទីបំផុត ចំពោះព្រះរាជដំណើរយាងបំពេញទស្សនកិច្ចក្នុងឱកាសនេះ ។ ឯកឧត្តម មានប្រសាសន៍ថាប្រទេសចិន និងកម្ពុជា មានចំណងមិត្តភាពជាប្រពៃណីជាយូរលង់ណាស់មកហើយ។ ក្នុងរយៈពេលប៉ុន្មានឆ្នាំ ចុងក្រោយនេះ ក្រោមការជំរុញរួមគ្នារបស់ ឯកឧត្តមប្រធានាធិបតី Xi JinPing និងព្រះករុណា ព្រះមហាក្សត្រ បានធ្វើឲ្យភាពជាដៃគូយុទ្ធសាស្ត្រគ្រប់ជ្រុងជ្រោយនៃកិច្ចសហប្រតិបត្តិការរវាងភាគីទាំងពីរបានឈានដល់កម្រិតថ្មីមួយគួរឲ្យកត់សម្គាល់។នៅក្នុងកិច្ចប្រជុំពេញអង្គលើកទី ៥ នៃគណៈកម្មាធិការមជ្ឈិមបក្សនីតិកាលទី១៩ នៃបក្សកុម្មុយនិស្តចិន ដែលទើបតែបញ្ចប់បានចង្អុលបង្ហាញថា ការអភិវឌ្ឍរបស់ប្រទេសចិននៅតែស្ថិតក្នុងដំណាក់កាលសំខាន់នៃឱកាសយុទ្ធសាស្ត្រនាពេលបច្ចុប្បន្ន និងក្នុងរយៈពេលមួយនាពេលអនាគត។ លំនាំអភិវឌ្ឍន៍ និងការរៀបចំយុទ្ធសាស្ត្រផ្សេងទៀតបានផ្តល់នូវទស្សនវិស័យទូលំទូលាយសម្រាប់កិច្ចសហប្រតិបត្តិការទ្វេភាគីឲ្យកាន់តែស៊ីជម្រៅ។ ក្នុងនាមជាសមាជិកសំខាន់របស់អាស៊ាន និងជាប្រទេសសំខាន់មួយនៅតាមបណ្តោយ“ ខ្សែក្រវាត់និងផ្លូវ” ប្រទេសកម្ពុជា មានមូលដ្ឋានរឹងមាំ និងសក្តានុពលដ៏អស្ចារ្យសម្រាប់កិច្ចសហប្រតិបត្តិការ។ឯកឧត្តម បានបន្តថា ព្រះរាជដំណើរទស្សនកិច្ច របស់ព្រះអង្គលើកនេះ ជាឱកាសមួយដើម្បីធ្វើឱ្យកិច្ចសហប្រតិបត្តិការប្រកបដោយភាពស៊ីជម្រៅលើវិស័យសេដ្ឋកិច្ចពាណិជ្ជកម្ម វប្បធម៌ និងការអប់រំ ពង្រឹងការផ្លាស់ប្តូររវាងខេត្ត និងរដ្ឋជាមិត្ត និងចូលរួមវិភាគទានដល់ការបង្កើតសហគមន៍ចិន – កម្ពុជារួមគ្នាជាមួយអនាគតរួមគ្នា។ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត មានព្រះរាជបន្ទូលសំណេះសំណាលក្នុងឱកាសនោះថា ព្រះអង្គពិតជាមានព្រះរាជហឫទ័យរីករាយដែលបានយាងមកទស្សនានៅខេត្ត សានស៊ី ជាថ្មីម្តងទៀត ព្រមទាំងបានកោតសរសើរអំពីភាពរីកចម្រើនដ៏អស្ចារ្យនៅក្នុងខេត្តផងដែរ។ ព្រះអង្គ សង្ឃឹមថាតាមរយៈដំណើរព្រះរាជទស្សនកិច្ចនេះ យើងនឹងបន្តបាននូវចំណងមិត្តភាពជាប្រពៃណីរវាងប្រជាជនទាំងពីរ ជំរុញការផ្លាស់ប្តូរ និងកិច្ចសហប្រតិបត្តិការរវាងកម្ពុជាចិន និងខេត្តសានស៊ី លើវិស័យផ្សេងៗគ្នា និងលើកកម្ពស់សុខុមាលភាពរបស់ប្រជាជនទាំងពីរ៕

នាយឧត្តមសេនីយ៍ សៅ សុខា ចុះសួរសុខទុក្ខអតីតនាយ នាយរង ដែលបានចូលនិវត្តន៍

ភ្នំពេញ ៖ នៅបញ្ជាការដ្ឋានកងរាជអាវុធហត្ថខេត្តឧត្តរមានជ័យ ថ្ងៃទី០១ ខែវិច្ឆិកា ឆ្នាំ២០២០ នាយឧត្តមសេនីយ៍ សៅ សុខា ចុះសំណេះសំណាល និងសួរសុខទុក្ខអតីតនាយទាហាន នាយទាហានរងនៃកងរាជអាវុធហត្ថ ដែលបានចូលនិវត្តន៍ ពិការ បាត់បង់សមត្ថភាព និងគ្រួសារអាវុធហត្ថពលី មរណៈ សរុបចំនួន ៤៦នាក់ ក្នុង១នាក់ឧបត្ថម្ភថវិកា ៥០ម៉ឺនរៀល។ក្នុងពិធីនេះ លោកនាយឧត្តមសេនីយ៍ សៅ សុខា ក៏បានពាំនាំបណ្ដាំសួរសុខទុក្ខ ពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា។ក្នុងឱកាសនោះ លោកនាយឧត្តមសេនីយ៍ បានកោតសរសើរចំពោះការដឹកនាំ ការសាមគ្គី ការមានវិន័យ ជាគំរូ និងការអនុវត្តតួនាទី ភារកិច្ច របស់កងរាជអាវុធហត្ថខេត្តឧត្តរមានជ័យ ទទួលបានលទ្ធផលល្អ។សូមបញ្ជាក់ថា ក្នុងឱកាសនោះ នាយ នាយរង និងពលអាវុធហត្ថខេត្តចំនួន ១៦៦នាក់ ក្នុង១នាក់ ឧបត្ថម្ភថវិកា ១០ម៉ឺនរៀល។ ក្រៅពីនោះ បានឧបត្ថម្ភថវិកាជូនដល់អតីតយុទ្ធជនចំនួន២៨គ្រួសារក្នុងខេត្តបន្ទាយមានជ័យ សរុបចំនួន២៨០លានរៀល ជូនដល់បញ្ជាការដ្ឋានយោធភូមិភាគទី៣ ទី៤ ទី៥ កងពលធំលេខ២ លេខ៣ កងពលតូចអន្តរាគមន៍លេខ៤១ លេខ៤២ លេខ៥១ តំបន់ប្រតិបត្តិការសិករងខេត្ត ស្នងការដ្ឋាននគរបាលខេត្ត បញ្ជាការដ្ឋានកងរាជអាវុធហត្ថខេត្ត ក្នុង១អង្គភាពចំនួន៤០លានរៀល ព្រមទាំងឧបត្ថម្ភថវិកា១៣២សែនរៀល ជូនដល់ពេទ្យចំនួន១៣២នាក់ប្រយុទ្ធប្រឆាំងជំងឺឆ្លងកូវីដ១៩។ ក្នុងពិធីនេះ លោកនាយឧត្តមសេនីយ៍ សៅ សុខា បានកៀរគរថវិកាពីសប្បុរសជន ចំណាយក្នុងការឧបត្ថម្ភសរុបចំនួនប្រមាណ ៧៧៣លានរៀល៕

រដ្ឋមន្ត្រីទេសចរណ៍ ជំរុញការជួសជុលផ្លូវដែលរងការខូចខាត ដោយជំនន់ទឹកភ្លៀង

កំពង់ធំ ៖ នៅថ្ងៃទី៣១ ខែតុលាម្សិលមិញនេះ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធានក្រុមការងារថ្នាក់ជាតិចុះជួយខេត្តកំពង់ធំ បានបើកការដ្ឋានជួសជុលជាបន្ទាន់កំណាត់ផ្លូវដែលរងការខូចខាតដោយគ្រោះទឹកជំនន់ទឹកភ្លៀងនាពេលកន្លងទៅ នៅក្នុងឃុំចំនួនបួនក្នុងស្រុកតាំងគោក។នៅក្នុងពិធីបើកការដ្ឋាននេះដែរ ឯកឧត្តម ថោង ខុន បានជំរុញរដ្ឋបាលថ្នាក់ក្រោមជាតិ ត្រូវពិនិត្យស្ថានភាព និងជួល ជុលផ្លូវទៅកាន់គោលដៅទេសចរណ៍ និងមូលដ្ឋាននានា ដែលរងការខូចខាតដោយសារទឹកជំនន់។ឯកឧត្តម ថោង ខុន មានប្រសាសន៍ថា កាលពីពេលថ្មីៗនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាឲ្យរដ្ឋមន្ត្រីចំនួន៤ រួមមាន ក្រសួងអភិវឌ្ឍន៍ជនបទ ក្រសួងសាធារណការ និងដឹកជញ្ជូន ក្រសួងកសិកម្មរុក្ខាប្រមាញ់ និងនេសាទ ក្រសួងធនធានទឹក និងឧតុនិយមឲ្យចុះមូលដ្ឋានជាបន្ទាន់ក្រោយជំនន់ទឹកភ្លៀង ដើម្បីសិក្សាស្រាវជ្រាវវាយតម្លៃការស្តារ និងជួសជុលទ្បើងវិញនូវហេដ្ឋារចនាសម្ព័ន្ធ រួមទាំងផលដំណាំរបស់ប្រជាពលរដ្ឋដែលរងផលប៉ះពាល់ដោយគ្រោះទឹកជំនន់ សំដៅជួយសម្រួលដល់ការលំបាករបស់ប្រជាពលរដ្ឋបានទាន់ពេលវេលា។សម្រាប់បញ្ហានេះ ឯកឧត្តម ថោង ខុន បានជំរុញអោយរដ្ឋបាលថ្នាក់ក្រោមជាតិ គិតចាប់ពីរដ្ឋបាលថ្នាក់ខេត្តរាជធានី ខណ្ឌក្រុងស្រុក ឃុំសង្កាត់នានា ត្រូវបានធ្វើតាមដានពិនិត្យស្ថានភាពផ្លូវ និងត្រូវរៀបចំផែនការអោយបានច្បាស់លាស់ ដាក់រដ្ឋបាលថ្នាក់ជាតិ ដើម្បីទទួលបានស្ថាបនា និងជួសជុលផ្លូវដែលរងខូចខាតដោយជំនន់ទឹកភ្លៀងអោយបានទាន់ពេលនេះវេលា ជាពិសេសគឺជួយសម្រាលការលំបាកការធ្វើដំណើររបស់បងប្អូនប្រជាពលរដ្ឋ។ឯកឧត្តម បានថ្លែងថា សំរាប់ការបើកការដ្ឋានស្តារនិងជួសជុលផ្លូវដែលរងការខូចខាតដោយជំនន់ទឹកភ្លៀងទាំងបួនឃុំមានប្រវែងផ្លូវសរុបប្រមាណ១២៤៥០ម៉ែត្រ នៅក្នុងស្រុកតាំងគោគនេះ គឺយើងបានប្រើប្រាស់គ្រឿងចក្ររបស់សម្តេចតេជោ ដែលប្រចាំការនៅស្រុកបារាយណ៍ និងស្រុកតាំងគោក ហើយចំពោះប្រេងឥន្ធនៈ និងដីក្រហមគឺបានមកពីការជួយចូលរួមចំណែករបស់ក្រុមការងារចុះជួយឃុំ៕អត្ថបទ ៖ ស៊ុម សុខជា

នាយឧត្តមសេនីយ៍ ហ៊ឹម យ៉ាន ៖ នគរបាលចរាចរណ៍ផ្លូវទឹកត្រូវតែជំនាញហែលទឹក និងសញ្ញាអាសន្ន

ភ្នំពេញ ៖ នាយឧត្តមសេនីយ៍ ហ៊ឹម យ៉ាន អគ្គស្នងការរងនគរបាលជាតិ ទទួលបន្ទុកផែនចរាចរណ៍ បានស្នើដល់នគរបាលជើងទឹកអស់ (ទាំងសមុទ្រ និងទន្លេ) ត្រូវចេះជំនាញហែលទឹក និងសញ្ញាអាសន្ន និងសញ្ញាសម្គាល់ផ្សេងៗ ដើម្បីងាយស្រួលក្នុងប្រតិបត្តិការឲ្យបានឆាប់រហ័ស ខណៈជួបបញ្ហាអ្វីកើតឡើងនោះ។ថ្លែងនៅក្នុងកម្មវិធីបើកវគ្គបំប៉នជំនាញ នគរបាលចរាចរណ៍ផ្លូវទឹក នាព្រឹកថ្ងៃទី២ ខែ វិច្ឆិកា ឆ្នាំ២០២០នេះ នៅអគ្គស្នងការដ្ឋាននគរបាលជាតិ ឯកឧត្តម នាយឧត្តមសេនីយ៍ ហ៊ឹម យ៉ាន បានលើកឡើងថា នាពេល បច្ចុប្បន្ននេះ ថ្វីត្បិតតែការធ្វើចរាចរណ៍ផ្លូវទឹកពុំមានសកម្មភាពច្រើនដោយសារបញ្ហាមេរោគកូវិដក្តី ប៉ុន្តែក្នុងនាមយើងជានគរបាលចរាចរណ៍ផ្លូវទឹកត្រូវតែបង្កើនជំនាញបន្ថែមទាំងផ្នែកច្បាប់ បច្ចេកទេស និងសញ្ញាផ្សេងៗជាដើមនោះ។ឯកឧត្តម បានបន្តទៀតថា«យើងត្រូវតែយល់ដឹងឲ្យបានច្បាស់លាស់នូវសញ្ញា ទាំងថ្នាក់ជាតិ និងអន្តរជាតិ និងត្រូវមានសម្ភារៈជួយសង្គ្រោះទាំងអស់ ដើម្បីធ្វើយ៉ាងណាឲ្យការជួយសង្គ្រោះរបស់ពួកយើង ប្រកបដោយសុវត្ថិភាព និងលឿនបំផុតនោះ»។ជាមួយគ្នានោះដែរ ឯកឧត្តម ហ៊ឹម យ៉ាន ក៏បានឲ្យដឹងផងដែរថា ចំណូលដែលបានចូលរដ្ឋតារយៈដឹកជញ្ជូនផ្លូវទឹក(សមុទ្រ) ក្នុងរយៈពេលជិតមួយឆ្នាំមកនេះ គឺមានត្រឹមតែជាង១៨លានដុល្លារអាមេរិកតែប៉ុណ្ណោះ ខណៈឆ្នាំ២០១៩ កន្លងទៅបានរហូតដល់ជាងមួយរយលានដុល្លារអាមេរិក។ ដោយការធ្លាក់ចុះនេះ គឺកើតចេញពីបញ្ហាមេរោគកូវីដ១៩។ ប៉ុន្តែទោះជាយ៉ាងណាក៏ដោយ យើងត្រូវតែមានការប្រុងប្រយ័ត្នជានិច្ច ក្នុងកិច្ចសហប្រតិបត្តិការជាមួយភាគីពាក់ព័ន្ធ ក្នុងការជួយសង្គ្រោះ និងទប់ស្កាត់បទល្មើសនានានៅតាមដែនទឹក និងពិសេសនោះគឺត្រូវតែស្គាល់អំពីអ្វីដែលហៅថាសញ្ញាអន្តរជាតិ និងសញ្ញាជាតិ ខណៈនាវាបរទេសឆ្លងកាត់តាមដែនទឹករបស់យើងជាដើមនោះ។សូមបញ្ជាក់ថា វគ្គបំប៉ននេះ គឺនឹងប្រព្រឹត្តិទៅរយៈពេល៥ថ្ងៃ គឺចាប់ពីថ្ងៃទី ២ដល់ថ្ងៃទី៧ ខែ វិច្ឆិកា ឆ្នាំ២០២០ នេះ ដោយសិក្ខាកាមមកពីគ្រប់រាជធានីខេត្តទាំងអស់នៃប្រទេសកម្ពុជា៕អត្ថបទ ៖ ចក់

ឯកឧត្តម ប៊ុន ហុន នាំអំណោយសម្តេចក្រឡាហោម ស ខេង ផ្តល់ជូនពលរដ្ឋរងគ្រោះដោយជំនន់ នៅស្រុកគាស់ក្រឡ

បាត់ដំបង ៖ ឯកឧត្តម ប៊ុន ហុន ប្រធានក្រុមការងារថ្នាក់កណ្តាល ចុះជួយស្រុកគាស់ក្រឡ ព្រមទាំងក្រុមការងារចុះជួយឃុំឆ្នាល់មាន់ បាននាំយកអំណោយសម្តេចក្រឡាហោម ស ខេង និងលោកជំទាវ ផ្តល់ជូនដល់ប្រជាពលរដ្ឋរងគ្រោះដោយជំនន់ទឹកភ្លៀង នៅភូមិសំរោង និងភូមិព្រៃទទឹង ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង នៅថ្ងៃទី៣១ ខែតុលា ម្សិញមិញនេះ ។អំណោយទាំងនោះ បានផ្តល់ជូនប្រជាពលរដ្ឋរងគ្រោះចំនួន៣៩១គ្រួសារ ដោយក្នុងមួយគ្រួសារទទួលបាន មី ទឹកបរិសុទ្ធ ថ្នាំពេទ្យ និងគ្រឿងឧបភោគ បរិភោគមួយចំនួនទៀត។ ក្នុងនាមសម្ដេចក្រឡាហោម និងលោកជំទាវ ឯកឧត្តម ប៊ុន ហុន ក៏បានប្រគល់ថវិកាជូនគ្រួសារសពជនរងគ្រោះដោយករណីលង់ទឹក ចំនួន ៤០០០០០រៀល ព្រមទាំងគ្រឿងឧបភោគ បរិភោគ មួយចំនួនទៀត។ឯកឧត្តម ប៊ុន ហុន បានផ្តាំផ្ញើសួរសុខទុក្ខពីសំណាក់ប្រមុខរាជរដ្ឋាភិបាល ក៏ដូចជាសម្តេចក្រឡាហោម ស ខេង និងលោកជំទាវ ដែលជានិច្ចជាកាល សម្ដេច និងលោកជំទាវ តែងតែយកចិត្តទុកដាក់ចំពោះជីវភាពរស់នៅ និងសុខទុក្ខរបស់ប្រជាពលរដ្ឋគ្រប់ពេលវេលា គ្រប់កាលៈទេសៈ។ឯកឧត្តម ប៊ុន ហុន ក៏បានអំពាវនាវប្រជាពលរដ្ឋក៏ដូចជាអាជ្ញាធរគ្រប់លំដាប់ថ្នាក់ចូលរួមថែរក្សាការពារសេចក្តីសុខ សន្តិភាព ដែលជាមូលដ្ឋានគ្រឹះនៃការអភិវឌ្ឍប្រទេសជាតិ ក្រោមកិច្ចដឹកនាំប្រកបដោយគតិបណ្ឌិត របស់រាជរដ្ឋាភិបាល ដែលមានសម្តេចតេជោ ហ៊ុន សែន នាយករដ្ឋមន្រ្តី ជាប្រមុខដឹកនាំ និងបានផ្តាំផ្ញើឱ្យបង្កើនការប្រុងប្រយ័ត្នខ្ពស់ចំពោះករណីគ្រោះធម្មជាតិដូចជា គ្រោះទឹកជំនន់ ជាពិសេសបន្តប្រុងប្រយ័ត្ន នាអំឡុងពេលទឹកស្រុកចុះនេះ និងប្រុងប្រយ័ត្នចំពោះករណីជំងឺកូវីដ–១៩ ៕

នយោបាយ និង ការអភិវឌ្ឍន៍

ទេសចរសរសើរថា តំបន់អង្គរត្រូវបានរៀបចំមានសណ្ដាប់ធ្នាប់ និងសោភ័ណភាពជាងមុន

អាជ្ញាធរខណ្ឌដូនពេញ លាងសម្អាតតំបន់មាត់ទន្លេ និងសួនច្បារក្រោយព្រះរាជពិធីបុណ្យអុំទូក

សមាគមន៍អតីតយុទ្ធជនកម្ពុជាខេត្តកំពង់ធំ ផ្តល់ផ្ទះថ្មីខ្នងទី១៧៤ របស់សម្តេចតេជោ ហ៊ុន សែន ដល់អតីតយុទ្ធជន

កសិករនៅស្វាយរៀង ចាប់ផ្ដើមស្ដារដំណាំដាំដុះ ដែលរងផលប៉ះពាល់ពីជំនន់ឡើងវិញ

នាយឧត្តមសេនីយ៍ ហ៊ឹម យ៉ាន ៖ នគរបាលចរាចរណ៍ផ្លូវទឹកត្រូវតែជំនាញហែលទឹក និងសញ្ញាអាសន្ន

ចិនកម្ពុជាប៉ុន្មានឆ្នាំចុងក្រោយនេះ កិច្ចសហប្រតិបត្តិការរវាងភាគីទាំងពីរសម្រេចជោគជ័យគួរ កត់ សម្គាល់

នាយឧត្តមសេនីយ៍ សៅ សុខា ចុះសួរសុខទុក្ខអតីតនាយ នាយរង ដែលបានចូលនិវត្តន៍

រដ្ឋមន្ត្រីទេសចរណ៍ ជំរុញការជួសជុលផ្លូវដែលរងការខូចខាត ដោយជំនន់ទឹកភ្លៀង

នាយឧត្តមសេនីយ៍ ហ៊ឹម យ៉ាន ៖ នគរបាលចរាចរណ៍ផ្លូវទឹកត្រូវតែជំនាញហែលទឹក និងសញ្ញាអាសន្ន

ឯកឧត្តម ប៊ុន ហុន នាំអំណោយសម្តេចក្រឡាហោម ស ខេង ផ្តល់ជូនពលរដ្ឋរងគ្រោះដោយជំនន់ នៅស្រុកគាស់ក្រឡ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ទេសចរ​សរសើរ​ថា ​តំបន់​អង្គរ​ត្រូវ​បាន​រៀបចំ​មាន​សណ្ដាប់ធ្នាប់​ និង​សោភ័ណភាព​ជាង​មុន​

អាជ្ញាធរ​ខណ្ឌដូនពេញ​ លាង​សម្អាត​តំបន់​មាត់ទន្លេ និង​សួនច្បារ​ក្រោយ​ព្រះរាជ​ពិធីបុណ្យ​អុំទូក

កសិករ​នៅ​ស្វាយរៀង​ ចាប់ផ្ដើម​ស្ដារ​ដំណាំ​ដាំដុះ ដែល​រង​ផល​ប៉ះពាល់​ពី​ជំនន់​ឡើងវិញ​

នាយ​ឧ​ត្ត​ម​សេនីយ៍​ ហ៊ឹម យ៉ាន​ ៖ នគរបាល​ចរាចរណ៍​ផ្លូវទឹក​ត្រូវតែ​ជំនាញ​ហែល​ទឹក ​និង​សញ្ញា​អាសន្ន

នាយ​ឧ​ត្ត​ម​សេនីយ៍ សៅ សុខា ចុះ​សួរសុខទុក្ខ​អតីត​នាយ ​នាយរង​ ដែល​បាន​ចូលនិវត្តន៍

រដ្ឋមន្ត្រី​ទេសចរណ៍ ​ជំរុញ​ការ​ជួស​ជុល​ផ្លូវ​ដែល​រង​ការខូចខាត​ ដោយ​ជំនន់​ទឹកភ្លៀង

នាយ​ឧ​ត្ត​ម​សេនីយ៍​ ហ៊ឹម យ៉ាន​ ៖ នគរបាល​ចរាចរណ៍​ផ្លូវទឹក​ត្រូវតែ​ជំនាញ​ហែល​ទឹក ​និង​សញ្ញា​អាសន្ន

ឯកឧត្តម ប៊ុន ហុន នាំ​អំណោយ​សម្តេច​ក្រឡាហោម ​ស ខេង​ ផ្តល់​ជូន​ពលរដ្ឋរងគ្រោះដោយ​ជំនន់ នៅ​ស្រុក​គាស់ក្រឡ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ទេសចរសរសើរថា តំបន់អង្គរត្រូវបានរៀបចំមានសណ្ដាប់ធ្នាប់ និងសោភ័ណភាពជាងមុន

អាជ្ញាធរខណ្ឌដូនពេញ លាងសម្អាតតំបន់មាត់ទន្លេ និងសួនច្បារក្រោយព្រះរាជពិធីបុណ្យអុំទូក

កសិករនៅស្វាយរៀង ចាប់ផ្ដើមស្ដារដំណាំដាំដុះ ដែលរងផលប៉ះពាល់ពីជំនន់ឡើងវិញ

នាយឧត្តមសេនីយ៍ ហ៊ឹម យ៉ាន ៖ នគរបាលចរាចរណ៍ផ្លូវទឹកត្រូវតែជំនាញហែលទឹក និងសញ្ញាអាសន្ន

នាយឧត្តមសេនីយ៍ សៅ សុខា ចុះសួរសុខទុក្ខអតីតនាយ នាយរង ដែលបានចូលនិវត្តន៍

រដ្ឋមន្ត្រីទេសចរណ៍ ជំរុញការជួសជុលផ្លូវដែលរងការខូចខាត ដោយជំនន់ទឹកភ្លៀង

នាយឧត្តមសេនីយ៍ ហ៊ឹម យ៉ាន ៖ នគរបាលចរាចរណ៍ផ្លូវទឹកត្រូវតែជំនាញហែលទឹក និងសញ្ញាអាសន្ន

ឯកឧត្តម ប៊ុន ហុន នាំអំណោយសម្តេចក្រឡាហោម ស ខេង ផ្តល់ជូនពលរដ្ឋរងគ្រោះដោយជំនន់ នៅស្រុកគាស់ក្រឡ