BTV NEWS

ក្រសួងអភិវឌ្ឍន៍ជនបទ កំពុងពង្រីកការស្ថាបនាផ្លូវនៅតំបន់ដាច់ស្រយាល តាមតម្រូវការពលរដ្ឋ

សម្ដេចធិបតី៖ រាជរដ្ឋាភិបាល និងមហាគ្រួសារខ្មែរនៅជាមួយកងទ័ពជួរមុខគាំទ្រគ្រប់មធ្យោបាយទាំងអស់

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

នយោបាយ និង ការអភិវឌ្ឍន៍

សប្បុរសជនចំនួន ១០ទៀត បន្តផ្តល់ជំនួយដល់កាកបាទក្រហមកម្ពុជា

ភ្នំពេញ៖ ដោយមើលឃើញពីវិសាលភាព នៃជនរងគ្រោះដោយទឹកជំនន់ បានជន់លិចភូមិឋាន និងផលដំណាំ ក៏ដូចជាប៉ះពាល់ដល់ជីវភាពរស់នៅរបស់ប្រជាពលរដ្ឋស្ទើរតែគ្រប់បណ្តារាជធានីខេត្ត ក្នុងនោះ ឃើញថាមានសប្បុរសជនជាច្រើន បានផ្តល់ជំនួយមនុស្សធម៌ ដល់កាកបាទក្រហមកម្ពុជា ជាបន្តបន្ទាប់នៅទីស្នាក់ការកណ្តាល កាកបាទក្រហមកម្ពុជា។ជាក់ស្ដែងនៅព្រឹកថ្ងៃទី២៧ ខែតុលានេះ មានសប្បុរសជនចំនួន១០បន្ថែមទៀត បានផ្តល់នូវសម្ភារ ប្រើប្រាស់ផ្សេងៗ គ្រឿងឧបភោគបរិភោគ និងថវិកា ដល់កាកបាទក្រហមកម្ពុជា សម្រាប់បម្រើដល់សកម្មភាពមនុស្សធម៌ ជួយដល់ប្រជាពលរដ្ឋជួបការលំបាក ដោយគ្រោះធម្មជាតិ និងគ្រោះមហន្តរាយផ្សេងៗ ជាពិសេសក្នុងស្ថានភាព គ្រោះទឹកជំនន់រហ័សនាពេលបច្ចុប្បន្ននេះ ក្នុងនោះ សប្បុរសជនរួមមាន: ទី១ក្រុមហ៊ុន សុវណ្ណគីរី អំបិលម៉ដ្ឋ៦០០បាវស្មើនឹង១៥តោន មីខ្លាឃុំ១៥០កេស ត្រីខកំប៉ុង៤០កេសធំ, ទី២ លោក ចាន់ សុដារ៉ាត់ ថវិកា៣០០ ដុល្លារអាមេរិក, ទី៣ លោក ដារារិទ្ធ ម្ចាស់ហាងម៉ូតូ ដារារិទ្ធ មី៥០កេស ទឹកស៊ីវ ៣០យួរ, ទី៤សមាគម វាយនភណ្ឌ ចិននៅកម្ពុជា អង្ករ៣០តោន មី១ពាន់កេស សំលៀកបំពាក់កុមារ២០០ឈុត ម៉ាស់២ម៉ឺន សរុបស្មើនិងថវិកា២ម៉ឺនដុល្លារអាមេរិក,ទី៥ លោកស្រី តាំង ឈុយឡាង ប្រធានក្រុមហ៊ុន បេឡាហ្វាម៉ា ឯ.ក ជូននូវ បន្ទះត្រជាក់ BELLA COOLING PATCH ចំនួន២០០០ប្រអប់ ស្មើនឹង៨០០០បន្ទះ,ទី៦ លោក ភុំ ភិរម្យ ថវិកា៥លានរៀល អង្ករ៥តោន ភួយ៥០០, ទី៧ កញ្ញា វណ្ណ យុធា ប្រធានក្រុមហ៊ុន វី វី ស៊ី ធី ថវិកា១ពាន់ ដុល្លារអាមេរិក និងអង្ករ១តោន, ទី៨ក្រុមហ៊ុន អ អិម អេ ខេមបូឌា អង្ករ ២០តោន ទឹកត្រី១ពាន់យួរ ទឹកស៊ីអ៊ីវ១ពាន់យួរ, ទី៩ សភាពាណិជ្ជកម្មហ៊ូបេ ថវិកាចំនួន ១៣៣៥០ដុល្លារអាមេរិក ទី១០ ក្រុមហ៊ុន Golden Real estate ថវិកា៥លានរៀល អាវរងាចំនួន១៥០០អាវ។ នៅក្នុងឱកាសទទួលអំណោយមនុស្សធម៌ ពីសប្បុរសជនខាងលើ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា បានពាំនាំប្រសាសន៍សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាវជ្រៅ ចំពោះសប្បុរសជនទាំងអស់ដែល បានចូលរួមចែករំលែកនូវក្តីស្រឡាញ់មួយនេះ ជាមួយកាកបាទក្រហមកម្ពុជា ដែលនេះគឺជាមោទនភាពមួយ របស់សប្បុរសជនទាំងអស់ បានបង្ហាញពីកម្លាំងសាមគ្គីគ្នា ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាមានអាសន្ន ខ្មែរជួយខ្មែរ ខ្មែរកាន់តែរឹងមាំ។ និងសូមកោតសរសើរចំពោះសប្បុរសជនជាតិ និងអន្ដរជាតិ ដែលមានទឹកចិត្ដស្រឡាញ់គ្នា និងជួយដល់ពលរដ្ឋងាយរងគ្រោះនាពេលកន្លងៗមក ដោយមិន ប្រកាន់ពូជសាសន៍ ពណ៌សម្បុរ ឬនិន្នាការអ្វីឡើយ។ដូច្នេះ ដើម្បីជាការឆ្លើយតបទៅនិង ទឹកចិត្តរបស់សប្បុរសជន ដែលបានចូលរួម លោកជំទាវ បានអោយដឹងថា អំណោយទាំងអស់នេះ និងយកទៅប្រគល់ជូន ដល់ដៃប្រជាពលរដ្ឋក្នុងពេលឆាប់ៗនេះ ស្របពេលដែលពួកគាត់កំពុងតែជួបនៅគ្រោះអាសន្ន។សូមជម្រាបថា រហូតមកដល់ពេលនេះ កាកបាទក្រហមកម្ពុជា បានចែកអំណោយជូនពលរដ្ឋរងគ្រោះដោយសារទឹកជំនន់រហ័សបានចំនួនជាង២ម៉ឺនគ្រួសារហើយ ដោយរាប់ទាំង២៥សាខារាជធានី ខេត្ត ក្រុង។ ដែលអំណោយដ៏វិសេសវិសាលទាំងនេះ គឺបានមកពីសប្បុរសជនគ្រប់ទិសទី ចូលរួមជាមួយរាជរដ្ឋាភិបាលកម្ពុជា និងកាកបាទក្រហម ដើម្បីរួមសុខរួមទុក្ខ ជាមួយប្រជាពលរដ្ឋនៅពេលមានគ្រោះអាសន្ន៕

កងអាវុធហត្ថមួកខៀវ ៧៣រូប មកពីប្រទេសស៊ូដង់ខាងត្បូង បានយកសំណាកបញ្ជូនធ្វើចត្តាឡីស័ក

ភ្នំពេញ៖ កងអាវុធហត្ថលេខ៨៦១ ចំនួន៧៣នាក់ ក្នុងនោះ មាននារី ១២នាក់ ដែលបានបញ្ចប់ការងារបំពេញថែរក្សាសន្តិភាពនៅប្រទេសស៊ូដង់ខាងត្បូង នៅរសៀលថ្ងៃទី២៧ ខែតុលានេះ បានអញ្ជើញមាតុភូមិនិវត្តបានប្រទេសកម្ពុជាវិញអស់ហើយ។នៅក្នុងឱកាសអញ្ជើញមកដល់ចំណតអាកាសយានដ្ឋានអន្តរជាតិនេះដែរ កងកម្លាំងមួកខៀវទាំងនោះ ត្រូវបានក្រុមគ្រូពេទ្យ យកសំណាកពិនិត្យរកមេរោគ COVID-19 និងតម្រូវអោយធ្វើចត្តាឡីស័កស្នាក់នៅដាច់ដោយឡែកចំនួន១៤ថ្ងៃ នៅវិទ្យាស្ថានហ្វឹកហ្វឺកកងកម្លាំងរក្សាសន្តិភាពស្រុងឧត្តុង្គ ខេត្តកំពង់ស្ពឺ។សម្រាប់លទ្ធផល នៃការយកសំណាកពិនិត្យមេរោគ COVID-19 លើកងកម្លាំងអាវុធហត្ថបញ្ចប់បេសកកម្មរក្សាសន្តិភាពមកពីប្រទេសស៊ូដង់ខាងត្បូង នឹងដឹងលទ្ធផលពីវិទ្យាស្ថានប៉ាស្ទ័រកម្ពុជា នៅថ្ងៃស្អែកនេះ។បើតាមឧត្តមសេនីយឯក អោក សៀង អគ្គនាយករងមជ្ឈមណ្ឌលជាតិរក្សាសន្តិភាព ក្នុងឱកាសទទួលដំណើរកងមួកខៀវ បានថ្លែងអំណរគុណចំពោះកងអាវុធហត្ថលេខ៨៦១ ដែលបានខិតខំបំពេញបេសកកម្មថែរក្សាសន្តិភាពនៅប្រទេសស៊ូដង់ខាងត្បូងទទួលជោគជ័យ នាំកិត្តិយសជូនជាតិ និងទទួលបានការកោតសរសើរថ្នាក់ដឹកនាំ នៃអង្គការសហប្រជាជាតិ ខណៈដែលនៅក្នុងប្រទេសស៊ូដង់ខាងត្បូង បច្ចុប្បន្នកំពុងមានជម្លោះសង្គ្រាម ដោះស្រាយមិនទាន់ចប់។ទោះយ៉ាងណា ឯកឧត្តម អោក សៀង បានស្នើបណ្តាកងអាវុធហត្ថ បន្ទាប់ពីយកសំណាកនេះ គឺត្រូវទៅធ្វើចត្តាឡីស័កតាមវិធានសុខាភិបាល និងត្រូវខិតខំប្រឹងប្រែងអនុវត្តតាមការណែនាំបញ្ជាការធ្វើចត្តាឡីស័ក អោយត្រឹមត្រូវ ដើម្បីទប់ស្កាត់ការចំលងកូវីដតៗគ្នានៅក្នុងមណ្ឌលចត្តាឡីស័ក។សូមបញ្ជាក់ថា ការវិលត្រឡប់មកដល់មាតុភូមិកម្ពុជាវិញ នៃកងអនុសេនាធំរាជអាវុធហត្ថលេខ៨៦១នេះ គឺបានធ្វើឡើងបន្ទាប់ពីរាជរដ្ឋាភិបាល ក្រសួងការពារជាតិកម្ពុជា បានបញ្ជូនអាវុធហត្ថថ្មីលេខ១៨៦ ចំនួន ៧៣នាក់ ក្នុងនោះ មានស្ត្រីចំនួន ២៨នាក់ បានបញ្ជូនប្តូរវេនទៅដល់ប្រទេសស៊ូដង់ខាងត្បូង កាលពីយប់ថ្ងៃទី២៥ ខែតុលាកន្លងមកថ្មីៗនេះ។គិតចាប់តាំងពីឆ្នាំ២០០៦មក កម្ពុជាបានបញ្ជូនកម្លាំងជិត ៧,១២៣នាក់ ក្នុងនោះមានស្ត្រីចំនួនជិត៤០០នាក់ ទៅចូលរួមបេសកកម្មរបស់អង្គការសហប្រជាជាតិ។ រហូតដល់ពេលនេះ កម្ពុជាមានកងកម្លាំង៥កង សរុបចំនួន៧៨៧នាក់ កំពុងបំពេញបេសកកម្មរក្សាសន្តិភាព ក្រោមឆ័ត្ររបស់អង្គការសហប្រជាជាតិ ក្នុងនោះ មានប្រទេសលីបង់, ស៊ូដង់, ស៊ូដង់ខាងត្បូង, ម៉ាលី និងអាហ្វ្រិកកណ្តាល៕អត្ថបទ៖ ស៊ុម សុខជា

ការបើកសាលារៀនឡើងវិញ ក្នុងដំណាក់កាលទី៣ នឹងចាប់ផ្ដើមពីថ្ងៃទី២វិច្ឆិកាឆ្នាំ២០២០

ភ្នំពេញ៖ បន្ទាប់ពីការបើកសាលារៀនឡើងវិញ បានពីរដំណាក់កាលមកនេះ ក្រសួងអប់រំយុវជន និងកីឡា បានកំណត់ពេលវេលាជាក់លាក់ ដោយបើកដំណើរការសាលារៀនក្នុងដំណាក់កាលទី៣នឹងចាប់ផ្ដើមពីថ្ងៃ២ ខែវិច្ឆិការហូតដល់ដំណាច់ខែធ្នូ ឆ្នាំ២០២០។ ការសម្រេចបើកសាលារៀនក្នុងដំណាក់កាលទី៣នេះ ធ្វើឡើងក្រោមការឯកភាពនិងទទួលបានការអនុញ្ញាតពីប្រមុខរាជរដ្ឋាភិបាល។ក្រសួងអប់រំ នាថ្ងៃទី ២៧ ខែធ្នូ ឆ្នាំ ២០២០ នេះ បានបញ្ជាក់ថា ការបើកសាលារៀនឡើងវិញក្នុងដំណាក់កាលទី៣ សម្រាប់គ្រប់គ្រឹះស្ថានសិក្សាសាធារណៈ នឹងអាចចាប់ផ្ដើមចាប់ពីថ្ងៃទី ២ខែវិច្ឆិកា រហូតដល់ដំណាច់ខែធ្នូ ឆ្នាំ២០២០ខាងមុខនេះ។ ការបើកសាលារៀនជាថ្មីក្នុងដំណាក់កាលទី៣នេះ ក៏តម្រូវឱ្យគ្រប់សាលារៀននៅតែប្រកាន់ខ្ជាប់នូវ គោលការណ៍ប្រតិបត្តិស្តង់ដារ SOP ដែលក្រសួងបានដាក់ចេញនាពេលកន្លងផងដែរការបើកដំណើរការសាលារៀនឡើងវិញក្នុងដំណាក់កាលទី៣នេះ មានការបែងចែកចំនួនសិស្សក្នុងថ្នាក់រៀន និងចំនួនថ្ងៃសិក្សាផ្សេងគ្នាទៅតាមកម្រិតសិក្សា។ សម្រាប់គ្រឹះស្ថានមតេ្តយ្យសិក្សា និងសេវាអប់រំកុមារតូច អាចបើកការបង្រៀន និងរៀនរយៈពេល៥ថ្ងៃ ក្នុងមួយសប្ដាហ៍ ដោយកំណត់ចំនួនសិស្សមិនលើសពី ២៥នាក់ក្នុងមួយថ្នាក់។សម្រាប់កម្រិតបឋមសិក្សាវិញ ក្រសួងកំណត់ការបង្រៀននិងរៀន តែមុខវិជ្ជាគោលប៉ុណ្ណោះ គឺមុខវិជ្ជាភាសាខ្មែរ និងគណិតវិទ្យា ដោយសិក្សា ៥ម៉ោងក្នុងមួយថ្ងៃ និងសិក្សារយៈពេល ៣ថ្ងៃក្នុងមួយសប្ដាហ៍ និងកំណត់ចំនួនសិស្សមិនលើសពី ៣០នាក់ក្នុងមួយថ្នាក់ និងត្រូវបន្តការសិក្សាបែបចម្រុះ គឺសិក្សាក្នុងថ្នាក់រៀនខ្លះ និងសិក្សាតាមប្រព័ន្ធអនឡាញខ្លះ។ចំណែកឯគ្រឹះស្ថានមធ្យមសិក្សាវិញ ក្រសួងបានកំណត់ឱ្យសិស្សថ្នាក់ទី ៩ និងសិស្សថ្នាក់ទី ១២ គឺបន្តការសិក្សាដូចដំណាក់កាលទី ២ដដែល ហើយអនុញ្ញាតឱ្យសិស្សថ្នាក់ទី៧ ទី៨ ទី១០ និងទី១១ សិក្សាក្នុងរយៈពេល ៣ថ្ងៃក្នុងមួយសប្ដាហ៍ ដោយចំនួនសិស្សមិនត្រូវលើស ៣០នាក់ក្នុងមួយបន្ទប់ និងត្រូវអនុវត្តការសិក្សាបែបចម្រុះដដែល ដោយផ្តោតលើមុខវិជ្ជាសិក្សាយ៉ាងតិច ៦មុខវិជ្ជា។ការបើកសាលារៀនដំណាក់កាលទី៣នេះក៏អនុញ្ញាតឱ្យគ្រឹះស្ថានសាធារណៈអាចចាប់ផ្ដើមដំណើរការឡើងវិញសេវារថយន្តដឹកសិស្ស បណ្ណាល័យ សកម្មភាពអប់រំកាយ និងកីឡា សកម្មភាពសិល្បៈ សេវអាហារដ្ឋាន ដោយត្រូវប្រកាន់ខ្ជាប់នូវគោលការណ៍ប្រតិបត្តិស្តង់ដារ SOP ឱ្យបានខ្ជាប់ខ្ជួន៕អត្ថបទ៖ គឹមហុក

អាជ្ញាធរខេត្តមណ្ឌលគិរីពិនិត្យកែលម្អសោភ័ណភាពក្រុងត្រៀមទទួលទេសចរក្នុងឱកាសថ្ងៃឈប់សម្រាកបុណ្យអុំទូក

ភ្នំពេញ ៖ អភិបាលខេត្តមណ្ឌលគិរី បានដឹកនាំមន្ត្រីជំនាញគ្រប់អង្គភាពពាក់ព័ន្ធ ពិនិត្យគោលដៅសំខាន់ៗ ក្នុងក្រុងសែនមនោរម្យ ដើម្បីកែលម្អសណ្ដាប់ធ្នាប់ និងរៀបចំទីប្រជុំជនក្រុង ឱ្យកាន់តែមានសោភ័ណភាព ត្រៀមទទួលទេសចរ ក្នុងឱកាសថ្ងៃ ឈប់សម្រាក នៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នៅចុងសប្ដាហ៍ នេះ។ឯកឧត្ដម ស្វាយ សំអ៊ាង អភិបាលខេត្តមណ្ឌលគិរី បានថ្លែងថា ទោះបីឆ្នាំនេះ រាជរដ្ឋាភិបាល មិនបានប្រារព្ធពិធី បុណ្យអុំទូក ព្រោះកត្តាគ្រោះធម្មជាតិ និងបញ្ហាកូវីដ–១៩ ប៉ុន្តែប្រជាពលរដ្ឋ មន្ត្រីរាជការ គឺមានថ្ងៃសម្រាកជាធម្មតា ហើយ នឹងប្រាកដជាធ្វើដំណើរកម្សាន្ត ដូចរៀងរាល់ឆ្នាំ ចំណុចនេះហើយ ទើបឯកឧត្ដម បានដឹកនាំមន្ត្រីជំនាញចុះពិនិត្យមើល ស្ថានភាពទូទៅក្នុងក្រុង និងរៀបចំសណ្ដាប់ធ្នាប់ សោភ័ណភាព តួយ៉ាងគឺនៅចំណុចរង្វង់មូលគោព្រៃ នឹងរៀបចំឱ្យមានទី ធ្លាធំទូលាយ ដើម្បីស្រួលធ្វើដំណើរ និងមានទីតាំងសម្រាប់អ្នកទេសចរឈប់សំចត ចំណែកតាមដងផ្លូវមួយចំនួនក្នុងក្រុង នឹងត្រូវជួសជុលការខូចខាត និងសម្អាត ផងដែរ ។ឯកឧត្ដម ស្វាយ សំអ៊ាង បានបញ្ជាក់ទៀតថា ក្រៅពីនេះ អាជ្ញាធរ ក៏បាននឹងកំពុងជំរុញការសាងសង់វិមានឯក រាជ្យឱ្យឆាប់រួចរាល់ ដែលនេះជាសំណង់ប្រវត្តិសាស្ត្រមួយរបស់ខេត្ត ដែលនឹងជួយឱ្យខេត្តមណ្ឌលគិរី កាន់តែមានភាពទាក់ ទាញ ជាទីតាំងកម្សាន្តថ្មីមួយរបស់ប្រជាពលរដ្ឋ និងទេសចរ៕អត្ថបទ៖ អ៊ិត ភីរុណ

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន អញ្ជើញដាក់បិណ្ឌទី៩ នៅវត្តមុនីសុវណ្ណ ហៅចំពុះក្អែក

ភ្នំពេញ៖ ក្នុងថ្ងៃកាន់បិណ្ឌទី៩ នៃពិធីបុណ្យកាន់បិណ្ឌ និងភ្ជុំបិណ្ឌនាឆ្នាំនេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ភរិយាដ៏ឧត្តមរបស់សម្តេចតេជោប្រមុខរាជរដ្ឋាភិបាល បានអញ្ជើញនាំយកនូវបង្ហាន់បិណ្ឌបាត្រ បច្ច័យ ទេយ្យវត្ថុនិងទេយ្យទានជាច្រើនមុខទៅប្រគេនព្រះសង្ឃ នៅវត្តមុនីសុវណ្ណ ហៅចំពុះក្អែក ខណ្ឌច្បារអំពៅ រាជធានីភ្នំពេញ។វត្តមានដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន រួមជាមួយក្រុមគ្រួសារ បងប្អូន សាច់ញាតិ និងមន្ត្រីអ្នកមុខអ្នកការ ដែលអញ្ជើញមកដាក់បិណ្ឌនៅវត្តចំពុះក្អែកនាពេលនេះ ក៏ដូចជាការអញ្ជើញទៅកាន់ទីអារាមផ្សេងៗនាពេលកន្លងមក ជាសក្ខីកម្មឆ្លុះបញ្ចាំងឱ្យឃើញពីការយកចិត្តទុកដាក់ដ៏ខ្ពង់ខ្ពស់ចំពោះព្រះពុទ្ធសាសនាដែលជាសាសនារបស់រដ្ឋ ជាមួយនឹងប្រជាពលរដ្ឋដែលជាអ្នកកាន់ព្រះពុទ្ធសាសនា ប្រមាណជាង៩០%នៅទូទាំងប្រទេស។តាមរយៈពិធីបុណ្យទាននានា សម្តេចតែងតែនាំនូវ បច្ច័យ ទេយ្យទាន ទេយ្យវត្ថុ សម្ភារៈបរិក្ខារ យ៉ាងច្រើនសន្ធឹកសន្ធាប់ ប្រគេនព្រះសង្ឃ និងសម្រាប់បន្តចូលរួមអភិវឌ្ឍកសាងសមិទ្ធផលនានាទាំងនៅក្នុងវិស័យពុទ្ធចក្រ និងអាណាចក្រ ឱ្យរីកចម្រើនរុងរឿងជាលំដាប់ផងដែរ។ក្នុងពិធីបុណ្យកាន់បិណ្ឌវេណ៩នេះ សម្តេចកិត្តិព្រឹទ្ធបណ្ឌិត ព្រមទាំង បុត្រា បុត្រី ចៅប្រុស ចៅស្រី និងក្រុម គ្រួសារ រួមជាមួយនឹងថ្នាក់ដឹកនាំមួយចំនួនទៀត បានអញ្ជើញធ្វើកិច្ចតាមប្រពៃណី នៃព្រះពុទ្ធសាសនា ដោយបានអញ្ជើញរាប់បាត្រ បូជាបច្ច័យ ទេយ្យវត្ថុ ទេយ្យទាន បង្សុកូល វេរប្រគេនព្រះសង្ឃ ឧទ្ទិសនូវផល្លាអានិសង្ឃ ជូនទៅដល់ដួងវិញ្ញាណក្ខន្ធ បុព្វការីជន មាន មាតា បិតា ជីដូន ជីតា ញាតិការទាំង៧សន្តាន ដែលបានចែកឋានទៅកាន់លោកខាងមុខហើយនោះ សូមឱ្យវិញ្ញាណក្ខន្ធរបស់អស់លោកអ្នកទាំងនោះបានទទួលយក កុំបីអាក់ខានឡើយ។តាមរយៈមនុញ្ញផលដ៏ថ្លៃថ្លានៅក្នុងវេនកាន់បិណ្ឌទី៩នៅវត្តមុនីសុវណ្ណ ហៅចំពុះក្អែក សម្តេច ថ្នាក់ដឹកនាំ និងមន្ត្រីចូលរួមបុណ្យក៏បានឧទ្ទិស សូមឱ្យដួងវិញ្ញាណក្ខន្ធ បុព្វការីជន បានយោងយកកំណើតកើតនៅក្នុងទីឋានដ៏ខ្ពង់ខ្ពស់និងងាកក្រោយឱ្យពរជ័យ ដល់កូន ចៅបានសេចក្តីសុខ សេចក្តីចម្រើន ជាពិសេសសូមឱ្យព្រះបារមីដ៏សក្ដិសិទ្ធិនៅក្នុងលោក ព្រះបារមី នៃវត្តមុនីសុវណ្ណ ហៅចំពុះក្អែក តាមជួយបីបាច់ថែរក្សាសម្តេចទាំងពីរ មានសុខភាពល្អបរិបូរណ៍ ជន្មាយុយឺនយូរ ដើម្បីសម្តេច បានស្ថិតនៅគ្រប់គ្រង ការពារព្រះរាជាណាចក្រកម្ពុជា ឱ្យរក្សាបានជានិច្ចនិរន្តរ នូវសន្តិភាព ស្ថិរភាពនយោបាយ សន្តិសុខសណ្ដាប់ធ្នាប់សាធារណៈ និងការអភិវឌ្ឍរីកចំរើនថ្មីៗបន្ថែមទៀត ដើម្បីជាសេចក្តីសុខ សេចក្តីចម្រើន របស់ប្រជាពលរដ្ឋខ្មែរទូទាំងប្រទេស ។ ហើយតាមរយៈមនុញ្ញផលនៃថ្ងៃដាក់ បិណ្ឌនេះ ក៏សូមឧទ្ទិសនូវមហាកុសលផលបុណ្យជូនចំពោះវិញ្ញាណក្ខន្ធវីរៈកម្មាភិបាល យុទ្ធជន យុទ្ធនារី អ្នកស្នេហា ជាតិ ដែលបានបាត់បង់ជីវិតដើម្បីបុព្វហេតតជាតិមាតុភូមិជាតិស្នេហានៃយើងផងដែរ។ក្នុងឱកាសបុណ្យដាក់បិណ្ឌទី៩ នៅចំពុះក្អែកនេះ សម្តេចមានសទ្ធាជ្រះថ្លាបានប្រគេនទេយ្យទាន ទេយ្យវត្ថុ សរុបចំនួន២២មុខ រួមនឹងបច្ច័យសង្កត់បិណ្ឌ៥លានរៀល ព្រមជាមួយបច្ច័យសម្រាប់រៀបចំចង្ហាន់ព្រះសង្ឃបូករួម នឹងបច្ច័យជាង១៩លាន ៨សែនរៀល និង៣ម៉ឺន៦ពាន់៨៥០ដុល្លារអាមេរិកបន្ថែមទៀត ដែលបានមកពីលោកជំទាវ ឯកឧត្តម មន្ត្រីអ្នកមុខ អ្នកការ ដែលបានអញ្ជើញចូលរួមនាឱកាសនោះផងដែរ។សរុបបច្ច័យទាំងអស់ក្នុងបិណ្ឌទី៩ នៅវត្តមុខនីសុវណ្ណ ហៅចំពុះក្អែក សម្រាប់ការកសាងសមិទ្ធផល ក្នុងវិស័យព្រះពុទ្ធសាសនាមានជាង២៤លាន៨សែនរៀល និងប្រាក់ដុល្លារ៣ម៉ឺន៦ពាន់៨៥០ដុល្លារអាមេរិក។ក្រៅពីនេះ សម្តេចក៏បានប្រគេនព្រះសង្ឃ១៨០អង្គក្នុង ១អង្គៗមានទេយ្យទាននិងបច្ច័យ៥ម៉ឺនរៀល,យាយជីតាជី ១៧០នាក់ ម្នាក់ៗទទួលបានក្រណាត់ស និងថវិកា៥ម៉ឺនរៀល៕ អត្ថបទ៖ មុត សុទ្ធ

សម្តេចតេជោ ថ្លែងអំណរគុណ បងប្អូនជនរួមជាតិដែលបានគាំទ្រដល់សារនយោបាយរបស់សម្តេចគឺ “ អរគុណ សន្តិភាព “

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអរគុណដល់បងប្អូនជនរួមជាតិដែលបានគាំទ្រដល់សារនយោបាយរបស់សម្តេចគឺអរគុណសន្តិភាព ហើយសម្ដេចថា មានតែភេរវករប៉ុណ្ណោះដែលចង់បំផ្លាញសន្តិភាព។ សម្ដេចតេជោ បានមានប្រសាសន៍យ៉ាងដូច្នេះ តាមរយៈសារលិខិតរបស់សម្ដេចក្នុងឱកាសទិវាសន្តិភាពអន្តរជាតិថ្ងៃទី២១កញ្ញាឆ្នាំ២០២០នេះ។តាមរយៈសារលិខិតនេះសម្ដេចបានគូសបញ្ជាក់ដោយថ្លែងអំណរគុណដល់បងប្អូនជនរួមជាតិដែលបានគាំទ្រដល់សារនយោបាយរបស់សម្ដេចគឺអរគុណសន្តិភាពដែលសម្ដេចយល់ថាមានតម្លៃមិនសាបសូន្យមិនថាកន្លងមក ថ្ងៃនេះនិងថ្ងៃក្រោយ។សម្ដេច បានបន្តថា មនុស្សទាំងអស់គ្នាត្រូវការសន្តិភាពលើកលែងតែពួកភេរវករប៉ុណ្ណោះដែលចង់បំផ្លាញសន្តិភាព។សម្ដេចបានបន្តថា“អរគុណសន្តិភាព” បានក្លាយទៅជាពាក្យស្លោករបស់ ប្រជាជនដែលស្រឡាញ់សន្តិភាព។ សារលិខិតរបស់សម្ដេច ក៏បានបញ្ជាក់ថា ក្នុងនាម ជាប្រទេសមួយដែលបានឆ្លងកាត់សង្គ្រាមបំផ្លិចបំផ្លាញដ៏រ៉ាំរ៉ៃ ក្រោយពីទទួលបាននូវការបង្រួបបង្រួមជាតិពិតប្រាកដ សុខសន្តិភាពពេញលេញនៅទូទាំងប្រទេស និងការរីកចម្រើននៅលើគ្រប់វិស័យគួរជាទីមោទនៈកម្ពុជាមិនភ្លេចនូវមនោសញ្ចេតនារបស់ខ្លួនដែលមានចំពោះប្រជាជាតិផ្សេងទៀតនៅក្នុងពិភពលោកតាមរយៈការសម្ដែងចេញនូវការខិតខំចែករំលែកបទពិសោធន៍ក្នុងការកសាងថែរក្សាការពារសន្តិភាពនិងអភិវឌ្ឍន៍ប្រទេសជាតិ។នេះគឺជាឆន្ទៈដ៏មោះមុតរបស់កម្ពុជាក្នុងការសម្ដែងសាមគ្គីភាពជាអន្តរជាតិនិងរួមវិភាគទានដោយកិច្ចប្រឹងប្រែងរបស់សហគមន៍អន្តរជាតិដើម្បីបុព្វហេតុសន្តិភាព សន្តិសុខនិងមនុស្សធម៌ទៅលើពិភពលោក។សម្តេច បានបន្តដែរថា កម្ពុជាមានមោទនភាពយ៉ាងក្រៃលែង ក្នុងការចូលរួមរបស់ខ្លួន ក្នុងកិច្ចប្រតិបត្តិការរក្សាសន្តិភាពពិភពលោក ក្រោមឆត្ររបស់អង្គការសហប្រជាជាតិ បើទោះជាមានការប្រឈមនឹងគ្រោះថ្នាក់ដល់អាយុជីវិតយ៉ាងណាក៏ដោយ។ឆ្នាំនេះគឺជាឆ្នាំទី១៤ដែលកម្ពុជា បានបញ្ជូនកងកម្លាំងសរុបចំនួន ៦ ៨២២នាក់ (ស្រី៣៦៩នាក់ )ទៅបំពេញបេសកកម្មថែរក្សាសន្តិភាព អ.ស.ប នៅតំបន់បេសកកម្មចំនួន ១០ ក្នុងប្រទេស៩ រួមមាន ឆាដ៍ ស៊ូដង់ ស៊ូដង់ខាងត្បូង អាហ្វ្រិកកណ្ដាល លីបង់ ស៊ីប ស៊ីរី ម៉ាលីនិង យេមែន។ គិតត្រឹមដំណាច់ខែកក្កដានេះ កងកំលាំងកម្ពុជាកំពុងបំពេញបេសកកម្មថែរក្សាសន្តិភាពមានចំនួន ៧៨៧នាក់(ស្រី៧៦នាក់)នៅប្រទេសស៊ូដង់ខាងត្បូង លីបង់ ម៉ាលី អាហ្វ្រិកកណ្ដាលនិង យេមែន៕

សម្ដេចតេជោ ៖ ទោះបីជាជំងឺរាតត្បាតកូវីដ១៩តែកម្ពុជាកំពុងរៀបចំកែលម្អច្បាប់វិនិយោគដើម្បីទាក់ទាញវិនិយោគិនបន្ថែម

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអះអាងបញ្ជាក់ជូនសមាជិកក្រុមប្រឹក្សាធុរកិច្ចអាមេរិក-អាស៊ាន អំពីកំណែទម្រង់ជាពិសេសការរៀបចំកែលម្អច្បាប់វិនិយោគ និងប្រព័ន្ធលើកទឹកចិត្តថ្មីដែលមានលក្ខណៈគ្រប់ជ្រុងជ្រោយដើម្បីទាក់ទាញវិនិយោគិន បន្ថែមទៀតជាពិសេសនៅពេលជំងឺកូវីដ១៩មានភាពធូរស្រាល ។ក្នុងឱកាសអញ្ជើញចូលរួមប្រជុំក្រុមប្រឹក្សាធុរកិច្ចអាមេរិក-អាស៊ានដឹកនាំដោយលោក អាឡិចសង់ឌ័រហ្វែលម៉េន នាយកប្រតិបត្តិនៃក្រុមប្រឹក្សាធុរកិច្ចអាស៊ាន-អាមេរិក សម្ដេចតេជោ ហ៊ុនសែន បានជម្រាបជូនសមាជិកគណៈប្រតិភូទាំងអស់ថា ទោះបីជាជម្ងឺរាតត្បាតកូវីដ១៩ បាននិងកំពុងបង្កការលំបាកជាច្រើនដល់កិច្ចដំណើរការនៃជីវិតសង្គម ក៏ប៉ុន្តែរាជរដ្ឋាភិបាលកម្ពុជាមិនបន្ថយល្បឿននៃការងារកំណែទម្រង់នៅក្នុងគ្រប់វិស័យរបស់ខ្លួននោះទេ។សន្ទរកថា របស់ប្រមុខរាជរដ្ឋាភិបាលកម្ពុជា ដែលបានថ្លែងចេញពីវិមានសន្តិភាពទីស្តីការនាយករដ្ឋមន្ត្រីនាព្រឹកថ្ងៃទី ២១កញ្ញា ទៅកាន់វេទិកាដ៏មានសារសំខាន់នេះ សម្ដេចបានស្វាគមន៍យ៉ាងកក់ក្តៅចំពោះលោក alexander Feldman ដែលបានចូលរួមកិច្ចប្រជុំប្រពន្ធវីដេអូនេះ។ សម្ដេចបានគូសបញ្ជាក់ថា ទោះជាមិនអាចរៀបចំជំនួបដោយផ្ទាល់ នៅប្រទេសកម្ពុជាក្តី តែសម្ដេចជឿជាក់ថាយើងនឹងអាចទាញយកលទ្ធផលជាក់ស្ដែងចេញពីកិច្ចប្រជុំដ៏សំខាន់នេះ នៅពេលដែលយើងកំពុងព្យាយាមដោះស្រាយបញ្ហាប្រឈមនានា ដែលបណ្ដាលមកពីការរាតត្បាតជំងឺកូវីដ១៩ ដើម្បីពង្រីកកាលានុវត្តភាព សហប្រតិបត្តិការ ជំរុញកំណើន នឹងធ្វើឲ្យសេដ្ឋកិច្ចរបស់យើងមានភាពរឹងមាំវិញ បន្ទាប់ពីជំងឺកូវីដ១៩ មានការថមថយ។សម្ដេចបានមានប្រសាសន៍ថា អស់រយៈពេលជាង ៩ ខែមកហើយ ពិភពលោកបាននិងកំពុងប្រយុទ្ធប្រឆាំងនិងជំងឺកូវីដ១៩ ដែលបានបង្កជាវិបត្ដិធ្ងន់ធ្ងរមិនធ្លាប់មានពីមុនមក លើ សង្គមនិងសេដ្ឋកិច្ច។ សម្រាប់កម្ពុជារាជរដ្ឋាភិបាលបានគ្រប់គ្រងសភាពការណ៍កូវីដ១៩ ប្រកបដោយប្រសិទ្ធភាព ដោយមកដល់ពេលនេះ កម្ពុជាមិនមានការឆ្លងជាសហគមន៍ ហើយក៏មិនបានឈានដល់ការបិទជាតំបន់ឬបិទប្រទេសទាំងមូលនោះទេ។ ជាការពិត ជំងឺកូវីដ១៩ បាននាំមកនូវបញ្ហាប្រឈមដ៏ស្រួចស្រាល់មួយចំនួនជាអាទិ៍ នៅក្នុងវិស័យវាយនភណ្ឌ វិស័យទេសចរណ៍ វិស័យអាកាសចរណ៍និងវិស័យសេវាខ្លះទៀត។ស្ថិតក្នុងសភាពការណ៍នេះ រាជរដ្ឋាភិបាលកម្ពុជាបានដាក់ចេញនូវវិធានការចំនួន៥ជុំរួចមកហើយទាំងវិធានការជួយដល់វិស័យសេដ្ឋកិច្ចនិងវិស័យសង្គមកិច្ច សំដៅជួយរក្សាលំនឹងផលិតកម្មនិងអាជីវកម្មក៏ដូចជាធានាលំនឹងជីវភាពរស់នៅរបស់ប្រជាពលរដ្ឋដែលទទួលរងផលប៉ះពាល់ធ្ងន់ធ្ងរ។សម្ដេចជឿជាក់ថា ធុរកិច្ចអាមេរិកមួយចំនួនដែលមានវត្តមាននៅកម្ពុជាក៏បានទទួលនូវផលប្រយោជន៍ពីវិធានការទាំងនេះ។ ទោះជាមានបញ្ហាជំងឺកូវីដក៏ដោយ សម្ដេចពិតជាមានមោទនភាពចំពោះកំណើនទំហំពាណិជ្ជកម្មទ្វេភាគីរវាងប្រទេសទាំងពីរដែលនៅក្នុងរយៈពេល ៨ ខែឆ្នាំ ២០២០ នេះ បានកើនឡើងប្រមាណជិត ១៧ ភាគរយ ធៀបនឹងរយៈពេលដូចគ្នានៃឆ្នាំកន្លងទៅ។សម្តេចតេជោ បានបន្តថា ដើម្បីទាក់ទាញវិនិយោគិនបន្ថែម ជាពិសេសនៅពេលជំងឺកូវីដ១៩ មានភាពធូរស្រាល កម្ពុជាកំពុងរៀបចំកែលម្អច្បាប់វិនិយោគនិងប្រព័ន្ធលើកទឹកចិត្តថ្មីដែលមានលក្ខណៈគ្រប់ជ្រុងជ្រោយនិងមានភាពទាក់ទាញសម្រាប់ឧស្សាហកម្មប្រភេទអេឡិចត្រូនិច បង្គំ កសិ-ឧស្សាហកម្ម គ្រឿងបន្លាស់ ឧស្សាហកម្មគាំទ្រ និងឧស្សាហកម្មផ្សេងទៀត៕

ខេត្តកំពត នឹងក្លាយជាតំបន់លំនៅឋាននិងទេសចរណ៍ដ៏ពេញនិយម

កំពត ៖ អភិបាលខេត្តកំពត បានលើកឡើងថា ការអភិវឌ្ឍរបស់ខេត្តកំពត មិនអាចនៅជាប់ទ្រឹងនោះទេ ដោយ ខេត្តនេះ នឹងក្លាយជាតំបន់លំនៅឋាន និងទេសចរណ៍ដ៏ទាក់ទាញ និងពេញនិយមបំផុតមួយនៅកម្ពុជា។នៅក្នុងកិច្ចប្រជុំគណៈបញ្ជាការឯកភាពរដ្ឋបាលខេត្ត នៅថ្ងៃទី២១ ខែកញ្ញា នេះ ឯកឧត្តម ជាវ តាយ អភិបាលខេត្តកំពត បានលើកឡើងថា បើទោះស្ថិតនៅក្នុងអន្តរកាល នៃវិបត្តិជំងឺកូវីដ១៩ក្តី ប៉ុន្តែ ខេត្តកំពត មានទីតាំងភូមិសាស្ត្រល្អ មានសក្ដានុពលសម្បូរបែប អនុគ្រោះ និងអំណោយផលដល់វិស័យ កសិកម្ម ឧស្សាហកម្ម សេដ្ឋកិច្ច និងទេសចរណ៍។ឯកឧត្ដម បានឱ្យដឹងថា អ្នកវិនិយោគជាច្រើន បាននឹងកំពុងបោះទុនទិញដី ធ្វើការវិនិយោគលើ វិស័យអចលនទ្រព្យ និងវិស័យផ្សេងទៀត ពិសេសវិស័យទេសចរណ៍ បាននឹងកំពុងពង្រីកវិសាលភាពកាន់ តែធំ ធ្វើឲ្យមានកំណើនភ្ញៀវ ពីមួយខែទៅមួយខែ។ ល្បឿន នៃការអភិវឌ្ឍខេត្ត មិនអាចថយចុះ ឬ នៅជាប់ ទ្រឹងនោះទេ ទោះជាស្ថិតនៅក្នុងអន្តរកាលនៃជំងឺកូវីដ១៩ក៏ដោយ ព្រោះបច្ចុប្បន្ន មានក្រុមហ៊ុនជាច្រើន បានដាក់ពាក្យសុំធ្វើការវិនិយោគ ខណៈក្រុមហ៊ុនខ្លះ បានរកទិញដីរាប់រយហិកតា ដើម្បីធ្វើការអភិវឌ្ឍលើ វិស័យអចលនទ្រព្យ ដូចជា មជ្ឈមណ្ឌលពាណិជ្ជកម្ម ឧស្សាហកម្ម ក្រុងវៃឆ្លាត (Smart City) និង គម្រោងអភិវឌ្ឍវិស័យទេសចរណ៍ជាច្រើនកន្លែង បង្កឱកាសឱ្យខេត្ត អាចនឹងរកចំណូលបានរាប់លាន ដុល្លារ ក្នុងមួយឆ្នាំៗ ដើម្បីយកមកអភិវឌ្ឍបន្ត។ឯកឧត្តម បានសម្ដែងនូវសុទិដ្ឋិនិយមថា ទៅថ្ងៃអនាគត ខេត្តកំពត នឹងក្លាយទៅជាតំបន់លំនៅ ឋាន និងទេសចរណ៍ដ៏ពេញនិយម ស្របពេលដែលរោងចក្រ តំបន់ឧស្សាហកម្ម និងពាណិជ្ជកម្មធំៗ បាន នឹងកំពុងស្ថាបនាយ៉ាងមមាញឹក។ ជាងនេះទៅទៀត ខេត្តនេះ ត្រូវបានសម្តេចតេជោ ហ៊ុន សែន ជ្រើសរើស ធ្វើជាទីតាំងដើម្បីនឹងសាងសង់ពហុកីឡដ្ឋានស្តង់ដារអន្តរជាតិថែមទៀតផង៕

ក្រសួងអប់រំមានគោលដៅឱ្យសាលាតាមទីប្រជុំជនបង្កើតបន្ទប់ឌីជីថលសម្រាប់ជួយសម្រួលការរៀនតាមបែបចម្រុះ

ភ្នំពេញ ៖ ក្នុងបរិបទជំងឺកូវីដ១៩នេះ ក្រសួងអប់រំ តាមការលើកឡើងរបស់ ឯកឧត្តមរដ្ឋមន្ត្រីដោយផ្ទាល់ បានលើកឡើងថា ក្រសួងអប់រំ មានគោលដៅចង់ឱ្យសាលារៀននៅតាមទីប្រជុំជន បង្កើតបន្ទប់ឌីជីថល ដើម្បីជួយសម្រួល ដល់ការសិក្សា ស្របពេលដែលកម្ពុជា នឹងនៅតែបន្តការសិក្សាបែបចម្រុះ ទាំងការសិក្សាក្នុងថ្នាក់រៀន និងការសិក្សាតាមប្រព័ន្ធអន ឡាញ រឺការសិក្សាពីចម្ងាយ។ នេះជាការលើកឡើងនៅថ្ងៃទី ២១ កញ្ញា ឆ្នាំ ២០២០ ក្នុងឱកាសរដ្ឋមន្ត្រីក្រសួងអប់រំ ហង់ជួន ណារ៉ុន និង ឯកឧត្តម ហ៊ុន ម៉ានី ប្រធានគណៈកម្មការអប់រំ យុវជននិងកីឡា កិច្ចការសាសនា វប្បធម៌ និងទេសចរណ៍ នៃរដ្ឋសភាចុះពិនិត្យការសិក្សានៅវិទ្យាល័យបាក់ទូក។ក្នុងឱកាសចុះត្រួតពិនិត្យដំណើរការសិក្សាឡើងវិញដំណាក់កាលទី២ ក្នុងបរិបទកូវីដ១៩ នៅវិទ្យាល័យបាក់ទូក នាព្រឹកនេះ ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ បានលើកឡើងថា ជាការត្រៀមក្នុងរយៈពេលមធ្យមចាប់ពីពេលបច្ចុប្បន្នទៅឆ្នាំ ២០២៣ ក្រសួងអប់រំមានគោលដៅឱ្យសាលានៅទីប្រជុំជនបង្កើតបន្ទប់ឌីជីថល បំពាក់ដោយកុំព្យូទ័រ និងឯកសារផ្សេងៗ ដើម្បីជួយគាំទ្រដល់ការសិក្សាតាមបែបចម្រុះ និងផ្ដល់ភាពងាយស្រួលកាន់ច្រើនដល់សិស្ស។ ឯកឧត្តម លើកឡើងថា បន្ទប់នេះគឺមានសារៈសំខាន់ច្រើន ជាពិសេសសម្រាប់សិស្សដែលពុំមានលទ្ធភាពរៀនតាមទូរស័ព្ទដៃ ដោយពួកគេអាចចូលមករៀនក្នុងបន្ទប់នេះ ហើយបន្ទប់នេះក៏អាចជួយកាត់បន្ថយការចំណាយលើប្រព័ន្ធអ៊ីនធើណិតរបស់សិស្សផងដែរ។ គោលដៅបែបនេះ ស្របពេលដែលកម្ពុជាបានអនុញ្ញាតឱ្យមានការបើកសាលាជាថ្មីបានពីរដំណាក់កាលរួចមកហើយ ហើយក្រសួងក៏នៅតែបន្តការសិក្សាតាមបែបចម្រុះទាំងការសិក្សាក្នុងថ្នាក់រៀន និងការសិក្សាតាមប្រព័ន្ធអនឡាញ រឺការសិក្សាពីចម្ងាយ។នាឱកាសដដែលនេះ ឯកឧត្តម ហ៊ុន ម៉ានី ជាប្រធានគណៈកម្មការអប់រំ យុវជន កីឡា កិច្ចការសាសនា វប្បធម៌ និងទេសចរណ៍ នៃរដ្ឋសភា លើកឡើងជាការកោតសរសើរចំពោះការផ្លាស់ប្ដូរភ្លាមៗ ដែលក្រសួងអប់រំអាចបន្តការបង្រៀនតាមប្រព័ន្ធអនឡាញ និងការសិក្សាពីចម្ងាយ ដល់សិស្សក្នុងបរិបទជំងឺកូវីដ ១៩ ស្របពេលដែលកម្ពុជាពុំមានបទពិសោធន៍ រឺ មូលដ្ឋានបែបនេះពីមុនមក។ ឯកឧត្តម ក៏លើកឡើងជាការគាំទ្រដែរថា វាជារឿងចាំបាច់សម្រាប់កម្ពុជាទាំងពេលបច្ចុប្បន្ន និងពេលអនាគត បើទោះជាលែងមានហានិភ័យពីជំងឺកូវីដ១៩ យ៉ាងណាក្ដី ក៏កម្ពុជាត្រូវវិនិយោគលើវិស័យអប់រំ តាមបែបឌីជីថលផងដែរ។សូមបញ្ជាក់ថា បច្ចុប្បន្នកម្ពុជាបានអនុញ្ញាតឱ្យសាលារៀនបើកដំណើរការបាន២ដំណាក់កាលរួចមកហើយ។ ដំណាក់កាលទី ១ គឺសម្រាប់សាលារៀនឯកជន មានស្តង់ដារសុវត្ថិភាពខ្ពស់ចំនួន ២០ រីឯដំណាក់កាលទី២ គឺការចូលរៀនជាថ្មីសម្រាប់សិស្សថ្នាក់ទី ៩ និងសិស្សថ្នាក់ទី១២ទូទាំងប្រទេស និងសាលាឯកជនមួយចំនួន ក្នុងខែកញ្ញានេះ។ ចំណែកឯការបើកសាលារៀនដំណាក់កាលទី ៣ពុំទាន់មានការបញ្ជាក់កាលបរិច្ឆេទនោះទេ។ ខណៈពេលនេះ ទោះបីជាសាលារៀនជាច្រើនបានបើកដំណើរការវិញយ៉ាងណាក្ដី ក៏ត្រូវអនុវត្តការសិក្សាបែបចម្រុះដែល ដោយរៀនក្នុងថ្នាក់រៀនខ្លះ និងរៀនតាមប្រព័ន្ធអនឡាញខ្លះ ។ ការសិក្សាតាមប្រព័ន្ធអនឡាញ សព្វថ្ងៃក្រសួងអប់រំបានបង្កើតវីដេអូបង្រៀនជាច្រើន ដោយមានការចាក់ផ្សាយ លើទំព័រហ្វេសប៊ុករបស់ក្រសួង ការចាក់ផ្សាយក្នុងប្រព័ន្ធ យូធូប របស់ក្រសួង និងមានការចាក់ផ្សាយនៅទូរទស្សន៍ ទទក ២ ផងដែរ៕

កម្មករនិយោជិត បានវិលត្រឡប់ចូលធ្វើការវិញដោយរីករាយ

ភ្នំពេញ ៖ តាមការកំណត់ នៅថ្ងៃទី២១ កញ្ញា ឆ្នាំ២០២០នេះ កម្មករ និយោជិតនៅតាមបណ្តារោងចក្រនានាទូទាំងប្រទេសបានត្រឡប់ចូលបំពេញការងារវិញ ក្រោយឈប់សម្រាកថ្ងៃបុណ្យភ្ជុំបិណ្ឌ។ ក្នុងនោះកត់សម្គាល់ឃើញថា ក្រុមកម្មករទាំងនោះមានទឹកមុខសប្បាយរីករាយ និងនៅតែប្រកាន់ខ្ជាប់នូវការពាក់ម៉ាស់ផងដែរ ខណៈជំងឺកូវីដ១៩ មិនទាន់អវត្តមាន។កំពុងធ្វើដំណើរទៅកាន់ទីកន្លែងការងាររៀងៗខ្លួន ក្រុមកម្មការិនី ស្ថិតនៅផ្លូវវេងស្រេង រាជធានីភ្នំពេញ បានប្រាប់ទូរទស្សន៍ព័ត៌មាន ប៊ីធីវី ថា បន្ទាប់ពីឈប់សម្រាកអស់រយះពេលជាច្រើនកន្លងមកនេះ បានបន្សល់ទុកនូវអនុស្សាវរីយ៍ជាច្រើនពីការជួបជុំ រវាងក្រុមគ្រួសារ សាច់ញាតិ និងមិត្តភ័ក្ដិ។ ក្រុមកម្មការិនីទាំងនេះ បានលើកឡើងស្រដៀងគ្នាទៀតថា សម្រាប់ថ្ងៃបុណ្យភ្ជុំបិណ្ឌឆ្នាំនេះ ធៀបនឹងឆ្នាំកន្លងៗទៅ សកម្មភាពជួបជុំគ្នានៅតាមផ្ទះ ក៏ដូចជា តាមទីវត្តអារាម នៅតែដូចដើម ពោលគឺមានភាពភាពអ៊ូអរនិងសប្បាយរីករាយ ទោះបីជាស្ថិតក្នុងវិបត្តិកូវីដ១៩ក្តី។ជាមួយគ្នានេះ ក្រុមកម្មការិនីទាំងនោះ បានអំពាវនាវដល់កម្មករនិយោជិត និងប្រជាពលរដ្ឋទាំងអស់ ចូលរួមទប់ស្កាត់ និងគោរពតាមការណែនាំរបស់រដ្ឋាភិបាល ជៀសវាងកើតមានជំងឺឆ្លងកូវីដ១៩៕

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងការពារជាតិកម្ពុជាច្រានចោលទាំងស្រុងការចោទប្រកាន់ដោយគ្មានមូលដ្ឋានរបស់ភាគីថៃមកលើកម្ពុជា ពាក់ព័ន្ធនឹងការរងរបួសរបស់ទាហានថៃដោយសារការផ្ទុះគ្រាប់មីន

ឯកឧត្តមសាស្រ្តាចារ្យ ឈាង រ៉ា អញ្ជើញប្រកាសដាក់ឱ្យប្រើប្រាស់នីតិវិធីប្រតិបត្តិស្តង់ដាជាតិ សម្រាប់ប្រព័ន្ធកត់ត្រាជំងឺមហារីក បែបប្រជាសាស្ត្រ

ជំនួយស្បៀងអាហារដល់ពលរដ្ឋនីហ្សេរីយ៉ា ១,៣លាននាក់ ស្ថិតក្នុងហានិភ័យ ដោយសារអស់ស្តុក

ឯកឧត្តម ហេង រតនា៖គ្រាប់មីនដែលទាហានថៃជាន់បណ្តាលឲ្យដាច់ជើងនៅតំបន់មុំបីជាមីនចាស់បើមីនថ្មីមិនត្រឹមតែដាច់ជើងទេគឺអាចដល់ស្លាប់

ម្លប់ ទឹក និងភេសជ្ជៈ ជួយតំបន់បាល់កង់ទប់ទល់នឹងរលកកម្តៅធ្ងន់ធ្ងរនារដូវក្តៅ

គណៈប្រតិភូអ៊ុយក្រែនជួបប្រធានាធិបតីទួរគីលោក Erdogan មុនកិច្ចប្រជុំជាមួយរុស្ស៊ី

អ៊ីតាលី និងអាល់ហ្សេរី ព្រមព្រៀងធ្វើការ ដើម្បីដោះស្រាយបញ្ហាអំពើភេរវកម្ម និងជនអន្តោប្រវេសន៍

EU នឹងដាក់វិធានការតបតលើទំនិញអាមេរិក ដើម្បីបញ្ចៀសការដំឡើងពន្ធ

ទិវាវាយតម្លៃទទួលស្គាល់ គាំទ្រដល់ SME ប្រើប្រាស់សេវាកម្មវាយតម្លៃទទួលស្គាល់ក្នុងដំណើរការអាជីវកម្ម

បាតុករលីបង់ នៅទីក្រុងបេរូតនាំគ្នាតវ៉ាប្រឆាំងវិបត្តិស្រេកឃ្លាននៅតំបន់ហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សប្បុរសជនចំនួន ១០ទៀត បន្តផ្តល់ជំនួយដល់កាកបាទក្រហមកម្ពុជា

កងអាវុធហត្ថមួកខៀវ ៧៣រូប មកពីប្រទេសស៊ូដង់ខាងត្បូង បានយកសំណាកបញ្ជូនធ្វើចត្តាឡីស័ក

ការបើកសាលារៀនឡើងវិញ ក្នុងដំណាក់កាលទី៣ នឹងចាប់ផ្ដើមពីថ្ងៃទី២វិច្ឆិកាឆ្នាំ២០២០

អាជ្ញាធរខេត្តមណ្ឌលគិរីពិនិត្យកែលម្អសោភ័ណភាពក្រុងត្រៀមទទួលទេសចរក្នុងឱកាសថ្ងៃឈប់សម្រាកបុណ្យអុំទូក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន អញ្ជើញដាក់បិណ្ឌទី៩ នៅវត្តមុនីសុវណ្ណ ហៅចំពុះក្អែក

សម្តេចតេជោ ថ្លែងអំណរគុណ បងប្អូនជនរួមជាតិដែលបានគាំទ្រដល់សារនយោបាយរបស់សម្តេចគឺ “ អរគុណ សន្តិភាព “

ខេត្តកំពត នឹងក្លាយជាតំបន់លំនៅឋាននិងទេសចរណ៍ដ៏ពេញនិយម

ក្រសួងអប់រំមានគោលដៅឱ្យសាលាតាមទីប្រជុំជនបង្កើតបន្ទប់ឌីជីថលសម្រាប់ជួយសម្រួលការរៀនតាមបែបចម្រុះ

កម្មករនិយោជិត បានវិលត្រឡប់ចូលធ្វើការវិញដោយរីករាយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សប្បុរសជន​ចំនួន ​១០​ទៀត បន្ត​ផ្តល់​ជំនួយ​ដល់​កាកបាទក្រហមកម្ពុជា​

កង​អាវុធហត្ថ​មួក​ខៀវ​ ៧៣​រូប​ មកពី​ប្រទេស​ស៊ូដង់​ខាងត្បូង បាន​យក​សំណាក​បញ្ជូន​ធ្វើ​ច​ត្តា​ឡី​ស័ក​

ការ​បើក​សាលារៀន​ឡើងវិញ ​ក្នុងដំណាក់កាល​ទី៣ ​នឹង​ចាប់ផ្ដើម​ពី​ថ្ងៃ​ទី​២​វិច្ឆិកា​ឆ្នាំ​២០២០

ខេត្តកំពត​ នឹង​ក្លាយជា​តំបន់​លំនៅឋាន​និង​ទេសចរណ៍​ដ៏​ពេញនិយម​

កម្មករ​និយោជិត ​បាន​វិលត្រឡប់​ចូល​ធ្វើការ​វិញ​ដោយ​រីករាយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សប្បុរសជនចំនួន ១០ទៀត បន្តផ្តល់ជំនួយដល់កាកបាទក្រហមកម្ពុជា

កងអាវុធហត្ថមួកខៀវ ៧៣រូប មកពីប្រទេសស៊ូដង់ខាងត្បូង បានយកសំណាកបញ្ជូនធ្វើចត្តាឡីស័ក

ការបើកសាលារៀនឡើងវិញ ក្នុងដំណាក់កាលទី៣ នឹងចាប់ផ្ដើមពីថ្ងៃទី២វិច្ឆិកាឆ្នាំ២០២០

ខេត្តកំពត នឹងក្លាយជាតំបន់លំនៅឋាននិងទេសចរណ៍ដ៏ពេញនិយម

កម្មករនិយោជិត បានវិលត្រឡប់ចូលធ្វើការវិញដោយរីករាយ