BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

ពលរដ្ឋយល់ថា ការទទួលសិទ្ធិធ្វើនយោបាយ បង្ហាញពីសេរីភាពអ្នកនយោបាយកម្ពុជាកាន់តែល្អប្រសើរ

ភ្នំពេញ ៖ ប្រជាពលរដ្ឋគ្រប់មជ្ឈដ្ឋាន បានលើកឡើងថា ការទទួលសិទ្ធិធ្វើនយោបាយពីគ្រប់និន្នាការ បង្ហាញពីសេរីភាពអ្នកនយោបាយនៅកម្ពុជាកាន់តែល្អប្រសើរ បន្ទាប់ពីសមាជិកអតីតបក្សប្រឆាំងចំនួន១២រូប មានខ្លះ បានបង្កើតបក្សនយោបាយថ្មី និងខ្លះទៀតកំពុងស្វះស្វែងរកការគាំទ្រពីប្រជាពលរដ្ឋ។ក្រោយពីអតីតមន្ត្រីជាន់ខ្ពស់នៃអតីតបក្សប្រឆាំងចំនួន ១២ រូប ទទួលបានសិទ្ធធ្វើនយោបាយឡើងវិញ ប្រជាពលរដ្ឋ បានសាទរចំពោះការទទួលបានសម្បទានយោបាយរបស់មន្ត្រីជាន់ខ្ពស់អតីតបក្សប្រឆាំងទាំងនោះ ដែលការទទួលបានសិទ្ធិនេះ បង្ហាញថា រាជរដ្ឋាភិបាលនៅតែប្រកាន់ខ្ជាប់នូវគោលការណ៍លទ្ធិប្រជាធិបតេយ្យ និងវាក៏ជាជម្រើសសម្រាប់ប្រជាពលរដ្ឋក្នុងការសម្រេចជ្រើសរើសគណបក្សដែលខ្លួនពេញចិត្ត។ដោយឡែក លោក អ៊ូ ចន្ទរ័ត្ន អតីតមន្ត្រីជាន់ខ្ពស់បក្សប្រឆាំង ដែលទទួលសិទ្ធិសម្បទានយោបាយ បានឱ្យដឹងដែរថា បើទោះបីជាការទទួលសិទ្ធិសម្បទានយោបាយឡើងវិញរបស់លោកមានការរិះគន់ពីក្រុមប្រឆាំងក្តី ប៉ុន្តែលោកនឹងមិនបោះបង់ឡើយចំពោះឆន្ទៈចូលរួមប្រកួតប្រជែងការធ្វើនយោបាយតាមរយៈការបោះឆ្នោតដែលនឹងប្រព្រឹត្តនាពេលខាងមុខនោះ។បើគិតមកទល់ពេលនេះ អតីតមន្ត្រីនៃអតីតគណបក្សសង្គ្រោះជាតិដែលទទួលបានសិទ្ធិសម្បទានធ្វើនយោបាយឡើងវិញ ក្នុងចំណោមអ្នក ១១៨ រូប ដែលត្រូវបានបាត់បង់សិទ្ធិធ្វើនយោបាយកន្លងមកនោះ មានចំនួន១២រូប រួមមាន លោក គង់ គាំ លោក គង់ បូរ៉ា លោក រៀល ខេមរិន្ទ្រ លោក ជីវ កត្តា លោក កង គឹមហាក់ លោក អ៊ូ ច័ន្ទរ័ត្ន លោក ច័ន្ធ សិលា លោក ស៊ីម សុវណ្ណនី លោកស្រី ទេព សិទ្ធី លោក តាវ គឹមឈន លោក វ៉ា សាម៉ុន និងលោក សុន ឆ័យ៕អត្ថបទ ៖ សេក ឧត្តម

ទ័ពមួកខៀវកម្ពុជាមកពីប្រទេសម៉ាលី មានសុខភាពល្អធម្មតាទាំងអស់ ក្រោយធ្វើចត្តាឡីស័កបាន១២ថ្ងៃមកនេះ

ភ្នំពេញ ៖ នៅថ្ងៃទី២៥ ខែកញ្ញានេះ ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងកិច្ចសហប្រតិបត្តិការអន្តរជាតិ និងជាប្រធានគណៈកម្មាធិការជាតិបញ្ជូនកងកម្លាំងរក្សាសន្តិភាព បានអញ្ជើញចុះត្រួតពិនិត្យស្ថានភាពសុខភាព និងនាំយកអំណោយម្ហូបអាហារជូនយោធាមួកខៀវដែលបានធ្វើកំពុងធ្វើចត្តាឡីស័ក នៅវិទ្យាស្ថានហ្វឹកហ្វឺនកម្លាំងរក្សាសន្តិភាព ស្រុកឧត្តុង្គ ខេត្តកំពង់ស្ពឺ។នៅក្នុងអំឡុងពេលជួបសំណេះសំណាលជាមួយកងទ័ពមួកខៀវ ឯកឧត្តម ឧបនាយករដ្ឋមន្ត្រី ប្រាក់ សុខុន មានប្រសាសន៍ថា មកដល់ថ្ងៃទី២៥ ខែកញ្ញា នេះ កងកម្លាំងទ័ពមួកខៀវបញ្ចប់បេសកកម្មរក្សាសន្តិភាព មកពីប្រទេសម៉ាលី គឺបានធ្វើចត្តាឡីស័ក បានចំនួន១២ថ្ងៃ ហើយនៅថ្ងៃនេះដែរ ក្រុមគ្រូពេទ្យចត្តាឡីស័ក ក៏បានអញ្ជើញមកយកសំណាក បងប្អូនទៅពិនិត្យជាលើកទី២ ហើយនៅសល់តែ២ថ្ងៃ ទៀតប៉ុណ្ណោះ រំពឹងថា បងប្អូននឹងទទួលបានលទ្ធផលល្អទាំងអស់គ្នា។ឯកឧត្តម ឧបនាយករដ្ឋមន្ត្រី បន្តថា ទោះយ៉ាងណាសម្រាប់បងប្អូនកងកម្លាំងមួកខៀវដែលនឹងចេញទៅផ្ទះនោះ គឺត្រូវបន្តធ្វើចត្តាឡីស័កនៅក្នុងផ្ទះចំនួន១៤ទៀត ដើម្បីបញ្ជាក់អោយច្បាស់ថា ខ្លួនពិតជាគ្មានករណីមេរោគCOVID-19 នៅក្នុងខ្លួន។ឯកឧត្តម ប្រាក់ សុខុន មានប្រសាសន៍ថា សម្រាប់ការស្នាក់នៅធ្វើចត្តាឡីស័កចំនួន១៤ថ្ងៃ ហើយនៅសល់តែ២ថ្ងៃទៀតនេះ គឺវាហាក់ដូចជា មានរយៈពេលយូរសម្រាប់បងប្អូន តែទោះយ៉ាងណា ឯកឧត្តម ក៏បានកោតសរសើរទឹកចិត្តកងកម្លាំងមួកខៀវ ដែលបានខិតខំស្វែងរកសន្តិភាពជូនពិភពលោក និងស្វែងរកស្នាដៃកិត្តិយសជូនដោយលំបាកនេះ។ ម្យ៉ាងទៀតសម្រាប់ការស្នាក់នៅនៅទីនេះ គឺយើងស្នាក់នៅក្នុងប្រទេសដែលមានសុខសន្តិភាព ហើយយើងមិនមានការភ័យខ្លាចដូចនៅក្នុងប្រទេសម៉ាលីនោះទេ ។ក្នុងពិធីសំណេះសំណាលនេះ ឯកឧត្តម ប្រាក់ សុខុន ក៏បានថ្លែងផងដែរថា ដោយសារអំឡុងពេលនេះ ពិភពលោក មានកើតករណីCOVID-19នេះ ដូចនេះ សម្រាប់ការបញ្ជូនកងកម្លាំងមួកខៀវកម្ពុជាក្រោយៗនេះទៀត យើងនឹងជ្រើសរើសយកតែកងយោធាវ័យក្មេង បញ្ជូនចូលរួមបំពេញបេសកកម្មរកសន្តិភាពនៅក្រៅប្រទេស។នាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិគ្រប់គ្រងកម្លាំងរក្សាសន្តិភាព បានអោយដឹងដែរ កាលពីយប់ថ្ងៃទី១៣ ខែកញ្ញាកន្លងមកទៅនេះ កងយោធាមួកខៀវកម្ពុជា ដែលបានបញ្ចប់បេសកកម្មរក្សាសន្តិភាពអង្គការសហប្រជាជាតិនៅប្រទេសម៉ាលី ចំនួន១៣៩នាក់ ក្នុងនោះមាននារី១១នាក់ ផងដែរ បានធ្វើអញ្ជើញត្រឡប់មកដល់មាតុភូមិកម្ពុជា ហើយកាលពីអំឡុងពេលក្រុមគ្រូពេទ្យចត្តាឡីស័កក្រសួងសុខាភិបាល បានយកសំណាកលើកដំបូង បានពិនិត្យឃើញថា ពុំមានកងយោធាមួកខៀវណាម្នាក់មានករណីឆ្លងមេរោគCOVID-19 នោះទេ ហើយកងកម្លាំងទាំងអស់នេះក៏បានតម្រូវអោយធ្វើចត្តាឡីស័កចំនួន១៤ថ្ងៃ។ឯកឧត្តម សែម សុវណ្ណនី បន្តថា សម្រាប់ការងារធ្វើចត្តាឡីស័ក មជ្ឈមណ្ឌលជាតិបានរៀបចំបានបែងចែកអោយចំនួន៤៥នាក់ស្រីម្នាក់ ត្រូវបានរៀបចំអោយមកស្នាក់នៅអាគារចត្តាឡីស័ក នៅវិទ្យាស្ថានហ្វឹកហ្វឹកកម្លាំងរក្សាសន្តិភាព ស្រុកឧត្តុង្គ ខេត្តកំពង់ស្ពឺ និងកម្លាំង ចំនួន៩៤នាក់ ក្នុងនោះមានស្រីចំនួន១០រូប គឺបានបញ្ជូនទៅធ្វើចត្តាឡីស័ក នៅសាលាហ្វឹកហ្វឺនពហុសាសន៍ ACO ស្រុកភ្នំស្រួច ខេត្តកំពង់ស្ពឺ ។សូមបញ្ជាក់ថា នៅពេលបច្ចុប្បន្ននេះ កម្ពុជា មានកំលាំងទ័ពមួកខៀវកំពុងឈរជើងបំពេញបេសកកម្មរក្សាសន្តិភាពអង្គការសហប្រជាជាតិចំនួន៧៨៦នាក់ ក្នុងនារី៧៦នាក់ កំពុងបំពេញបេសកកម្មនៅតាមប្រទេសចំនួន៥រួមមាន ៖ ប្រទេសស៊ូដង់ ស៊ូដង់ខាងត្បូង លីបង់ អាហ្វ្រឹកកណ្តាល និងប្រទេសម៉ាលី ហើយបើតាមការបញ្ជាក់ពីនាយឧត្តម សែម សុវណ្ណនី មកដល់នេះ គ្រប់កងកម្លាំងមួកខៀវកម្ពុជាទាំងអស់ ដែលកំពុងបំពេញបេសកកម្មរក្សាសន្តិភាពនៅក្រៅប្រទេសនោះ ពុំមានអ្នកណាឆ្លងមេរោគ COVID-19 នៅតាមតំបន់បេសកកម្មនោះទេ៕អត្ថបទ ៖ ស៊ុម សុខជា

មន្ត្រីជាន់ខ្ពស់ក្រសួងអប់រំ ស្នើអាជ្ញាធរខេត្តបាត់ដំបង ជួយរៀបចំការប្រឡងបាក់ឌុបឱ្យទទួលបានជោគជ័យ

បាត់ដំបង៖ ឋិតក្នុងដំណាក់កាលបើកសាលារៀនឡើងវិញ ហើយគ្រោងរៀបចំឱ្យបេក្ខជនបានប្រឡងមធ្យម សិក្សាទុតិយភូមិ (បាក់ឌុប) នៅខែធ្នូ ឆ្នាំ២០២០ មន្ត្រីជាន់ខ្ពស់ក្រសួងអប់រំ បានស្នើអាជ្ញាធរខេត្តបាត់ដំបង គ្រប់លំដាប់ថ្នាក់ ឱ្យចូលរួមរៀបចំការប្រឡងនេះ ឱ្យទទួលបានជោគជ័យដូចរាល់ឆ្នាំ។ក្នុងពិធីផ្សព្វផ្សាយកម្មវិធីកំណែទម្រង់សាកលវិទ្យាល័យបាត់ដំបង នៅថ្ងៃទី២៥ ខែកញ្ញា នេះ ឯកឧត្ដម ស សុខា រដ្ឋលេខាធិការក្រសួងអប់រំ យុវជន និងកីឡា បានលើកឡើថា ការប្រឡងបាក់ឌុប នឹង ចាប់ផ្ដើមនៅថ្ងៃទី២១ ខែធ្នូ ឆ្នាំ២០២០។ ឯកឧត្ដម បានស្នើឱ្យរដ្ឋបាលខេត្ត និងអាជ្ញាធរខេត្ត ជាពិសេស កងកម្លាំងប្រដាប់អាវុធ ត្រៀមខ្លួនធ្វើការងារជាមួយក្រសួងអប់រំ ជួយសម្របសម្រួលការដឹកជញ្ជូនវិញ្ញាសា ពីភ្នំពេញទៅសាលាខេត្ត និងដឹកបន្តទៅតាមមណ្ឌល។ឯកឧត្ដមបន្តថា ដោយការប្រឡងនេះ ក្នុងមួយថ្នាក់មិនឲ្យមានបេក្ខជនលើស ២០នាក់ ដូច្នេះហើយសូមឲ្យគណៈគ្រប់គ្រងមណ្ឌល នៃការប្រឡងបាក់ឌុបនីមួយៗ ត្រូវមានការយកចិត្តទុកដាក់ ហើយកិច្ចការងារនេះ ក្រសួងអប់រំ នឹងមានកិច្ចប្រជុំជាមួយអគ្គស្នងការនគរបាលជាតិ ក្នុងការជួយសម្របសម្រួលរបស់កងកម្លាំង ហើយក៏ស្នើទៅអាជ្ញាធរខេត្ត ជួយចូលរួមសហការផងដែរ ។ឯកឧត្តម បានជំរុញឱ្យបេក្ខជន ដែលនឹងចូលរួមប្រឡងបាក់ឌុប នាពេលខាងមុខ ខិតខំរៀនសូត្រ បំប៉នសមត្ថភាពចំណេះដឹង ក្នុងការប្រឡងឱ្យបានជាប់គ្រប់គ្នា បើទោះបីកម្ពុជាជួបនឹងវិបត្តិកូវីដ១៩ដែរ នោះ។ពាក់ព័ន្ធនឹងការកំណែទម្រង់ នៅសាកលវិទ្យាល័យបាត់ដំបងវិញ ដែលជាសាលារបស់រដ្ឋ ឯក ឧត្តម ស សុខា បានជំរុញដល់គណៈគ្រប់គ្រងសាលា ត្រូវខិតខំធ្វើយ៉ាងណាឱ្យគ្រប់កម្មវិធីសិក្សា ឬការ រៀបចំរបស់សាលា ប្រកបដោយស្តង់ដារ ដែលមានការទទួលស្គាល់ទាំងថ្នាក់ជាតិ និងអន្តរជាតិ ដើម្បីឱ្យសាលាឋិតនៅជាយូរអង្វែង។ឯកឧត្តម សេង ផល្លី អនុប្រធានគណៈគ្រប់គ្រងសាកលវិទ្យាល័យបាត់ដំបង បានលើកឡើងថា ដើម្បីឱ្យសាកលវិទ្យាល័យនីមួយៗ អាចដំណើរការដោយរលូន និងប្រកបដោយប្រសិទ្ធភាព ទាមទារអនុ វត្តឱ្យបាននូវចំណុចមួយចំនួន ក្នុងនោះ គណៈគ្រប់គ្រង ត្រូវមានសាមគ្គីភាពគ្នា ត្រូវមានទំនាក់ទំនងកិច្ច សហប្រតិបត្តិការល្អជាមួយដៃគូ ទាំងថ្នាក់ជាតិ និងអន្តរជាតិ កម្មវិធីសិក្សាច្បាស់លាស់ ការរៀបចំកិច្ចប្រជុំ ឱ្យទៀងទាត់ រួមទាំងលើកយកចំណុចល្អៗរបស់មន្ត្រីក្រោមឱវាទ មកបំពេញបន្ថែមក្នុងចំណុចខ្វះខាត៕ អត្ថបទ៖ បាន សុខរិទ្ធ

កសិករក្នុងស្រុកស្រីសន្ធរ ទទួលបានជីកសិកម្មពីអាជ្ញាធរខេត្តកំពង់ចាម ដើម្បីបង្កបង្កើនផលកសិកម្ម

កំពង់ចាម៖ ប្រជាកសិករ ដែលជាអ្នកដាំដំណាំកសិកម្ម បន្លែរួមផ្សំ ក្នុងឃុំព្រែកដំបូក និងឃុំស្វាយខ្សាច់ភ្នំ ចំនួន៩០គ្រួសារ ទទួល បានជីកសិកម្មពីអាជ្ញាធរខេត្តកំពង់ចាម តាមរយៈមន្ទីរកសិកម្មខេត្ត ដើម្បីចូលរួមចំណែកលើកស្ទួយជីវភាពកសិករ និងកាត់ បន្ថយការចំណាយបានមួយកម្រិតដែរ។ប្រជាកសិករ ដែលរស់នៅក្នុងឃុំស្វាយខ្សាច់ភ្នំ ស្រុកស្រីសន្ធរ និងជាអ្នកទទួលជីកសិកម្ម ពីអាជ្ញាធរខេត្តកំពង់ចាម បាននិយាយថា ជំនួយរបស់អាជ្ញាធរខេត្តកំពង់ចាម នឹងកាត់បន្ថយការចំណាយទិញជី យកមកដាក់ដំណាំ ហើយពួកគេ បាន ស្នើដល់មន្ទីរជំនាញពាក់ព័ន្ធជួយផ្តល់នូវបច្ចេកទេសដាំដុះ ចិញ្ចឹម បន្ថែមទៀត ពោលគឺធ្វើយ៉ាងបង្កើនចំណេះដឹង លើផ្នែក កសិកម្ម ឱ្យបានច្រើន ដើម្បីងាយស្រួលទទួលបានផលល្អ ក្នុងការប្រកបរបរកសិកម្មនេះ។អភិបាលខេត្តកំពង់ចាម ឯកឧត្តម អ៊ុន ចាន់ដា ក្នុងពិធីប្រគល់ជីកសិកម្មជូនកសិករ កាលពីម្សិលមិញ បានថ្លែងថា ប្រជាពលរដ្ឋ ដែលរស់នៅតាមដងទន្លេមេគង្គ ភាគច្រើនចូលចិត្តដាំដុះបន្លែ ក្រោមរូបភាពនៃការជួយទំនុកបម្រុងពីអាជ្ញាធរ ឃុំ និងអាជ្ញាធរស្រុក ជាពិសេស ពីមន្ទីរកសិកម្ម ដែលជាសេនាធិការឱ្យរដ្ឋបាលខេត្តកំពង់ចាម ។ឯកឧត្តម បានឱ្យដឹងថា បច្ចុប្បន្ននេះ ការដាំដុះបង្កបង្កើនផលរបស់ប្រជាពលរដ្ឋ គឺមានការរីកចម្រើនខុសពីមុន ដោយមួយផ្នែកសម្រាប់ផ្គត់ផ្គង់ម្ហូបអាហារក្នុងគ្រួសារ និងមួយផ្នែកទៀត សម្រាប់យកទៅលក់នៅទីផ្សារ ដូច្នេះការបង្កើន បរិមាណដាំដុះនេះ ចាំបាច់ណាស់ ត្រូវការបច្ចេកទេស ដើម្បីធ្វើឱ្យផលដំណាំមានគុណភាពប្រកួតប្រជែងលើទីផ្សារ។ ប្រការ នេះ បានធ្វើឱ្យជីវភាពប្រជាពលរដ្ឋ មានការរីកចម្រើន អភិវឌ្ឍពីមួយថ្ងៃទៅមួយថ្ងៃ ជាផ្នែកមួយចូលរួមចំណែកក្នុងការកាត់ បន្ថយភាពក្រីក្រក្នុងមូលដ្ឋានផងដែរ ស្របទៅតាមគោលនយោបាយរបស់រាជរដ្ឋាភិបាល ក្នុងការលើកកម្ពស់ជីវភាពរបស់ ប្រជាពលរដ្ឋ៕ អត្ថបទ៖ ថុង សីហា

មន្ត្រីធនធានទឹកធ្វើយុទ្ធនាការបូមទឹកបញ្ចូលអាងស្តុក ដើម្បីត្រៀមសង្គ្រោះស្រូវរដូវប្រាំង

ក្រចេះ៖ មន្ទីរធនធានទឹក និងឧតុនិយម ខេត្តក្រចេះ កំពុងតែបង្កើនសកម្មភាពបូមទឹកបញ្ចូលអាងស្តុក ដើម្បីជាប្រយោជន៍ឱ្យពលរដ្ឋបង្កបង្កើនផលស្រូវប្រាំង និងដំណាំផ្សេងទៀត ក្នុងរដូវប្រាំង ព្រោះឆ្នាំនេះទឹក មិន បានជន់លិច ចំណែករបបទឹកភ្លៀង ក៏មានតិចតួច។គិតត្រឹមព្រឹកថ្ងៃទី២៥ ខែកញ្ញា នេះ កម្ពស់ទឹកទន្លេមេគង្គ នៅស្ថានីយជលសាស្ត្រក្រចេះ គឺត្រឹម ១៤.៦៣ម៉ែត្រប៉ុណ្ណោះ។ ហើយក្នុងរយៈពេល២ថ្ងៃ គឺថ្ងៃទី២៣–២៤ ខែកញ្ញានេះ ក្រសួងធនធានទឹក និងឧតុនិយម ដឹកនាំដោយឯកឧត្តម យិន កូលេនីន អនុរដ្ឋលេខាធិការ សហការជាមួយមន្ទីរធនធានទឹក និងឧតុនិយម ខេត្តក្រចេះ ព្រមទាំងអាជ្ញាធរដែនដី បានចុះពិនិត្យមើលស្ថានភាពទឹក និងទីតាំងដើម្បីដាក់ម៉ាស៊ីនបូមទឹក។លោក ហេង រត្ន័ម៉ូនីដា ប្រធានមន្ទីរធនធានទឹក និងឧតុនិយម ខេត្តក្រចេះ បានឱ្យដឹងថា ផលប៉ះពាល់មានក្រុង១ និងបីស្រុក គឺក្រុងក្រចេះ ស្រុកចិត្របុរី ស្រុកឆ្លូង និងព្រែកប្រសព្វ។ ក្នុងនោះ មន្ទីរបាននឹងកំពុងដាក់ម៉ាស៊ីនអន្តរាគមន៍ ចំនួន០៥កន្លែង ដោយកន្លែងទី០១ គឺនៅទំនប់បឹងរំលាច សង្កាត់រកាកណ្ដាល ក្រុងក្រចេះ ទី០២ គឺដាក់នៅឃុំពង្រ ស្រុកឆ្លូង ទី០៣ នៅឃុំខ្សាច់អណ្ដែត ទី០៤ ដាក់នៅឃុំដំរីផុង និងកន្លែងទី០៥ គ្រោងដាក់នៅទំនប់ស្រែអណ្ដូង ឃុំចំបក់។ដោយឡែក ឃុំសោប និង ឃុំជ្រោយបន្ទាយ ស្រុកព្រែកប្រសព្វ ពុំមានផលប៉ះពាល់អ្វីឡើយ ដោយសារក្រសួង ក៏ដូចជាមន្ទីរធនធាន ទឹកខេត្ត បានសាងសង់ទំនប់ដ៏ធំមួយគឺ ទំនប់គោកម្លូររលំភ្នៅ ដែលបរិមាណទឹកមានជាង១០លានម៉ែត្រ ត្រីគុណ ហើយជាប្រភពទឹករស់ ដែលអាចបម្រើការស្រោចស្រពបាន ពុំមានការព្រួយបារម្ភអ្វីឡើយ។លោកបានឱ្យដឹងទៀតថា ឆ្នាំនេះ ទឹកមិនបានជន់លិចចូលអាងស្តុក ទំនប់ព្រែក ស្ទឹង បឹងបួរនោះ ទេ ធ្វើឱ្យកសិករ កំពុងតែប្រឈមនឹងបញ្ហាកង្វះទឹកប្រើប្រាស់បង្កបង្កើនផល នៅរដូវប្រាំងឆ្នាំនេះ។ តែទោះ ជាយ៉ាងណាក៏ដោយ អាជ្ញាធរខេត្ត កំពុងតែរកលទ្ធភាពជួយសង្គ្រោះ។ ហើយទន្ទឹមនឹងពេលប្រឈមបញ្ហា កង្វះទឹកនេះ កសិករ គួរតែផ្លាស់ប្តូរគ្រាប់ពូជ ពីស្រូវ មកដំណាំវិញ ដែលប្រើប្រាស់ទឹកតិច៕ អត្ថបទ៖ សេង ម័រ

អាជ្ញាធរខេត្តកោះកុង ត្រៀមរំដោះចិញ្ចើមផ្លូវពីការលក់ដូរគ្មានសណ្ដាប់ធ្នាប់

កោះកុង៖ អាជ្ញាធរសង្កាត់ដងទង់ និងក្រុងខេមរភូមិន្ទ ខេត្តកោះកុង ត្រៀមរំដោះចិញ្ចើមថ្នល់ចេញពីការលក់ដូរ គ្មានសណ្តាប់ធ្នាប់ត្រឹមត្រូវ នៅក្នុងភូមិ៤ ខណៈទីតាំងថ្មី ត្រូវបានសាងសង់រួចរាល់ជាង៧០ភាគរយហើយ ក្រោមការវិនិយោគរបស់វិស័យឯកជន។ការលក់ដូរទំនិញនៅទល់មុខព្រះវិហារឥស្លាម ក្នុងភូមិ៤ សង្កាត់ដងទង់ កំពុងធ្វើឱ្យប៉ះពាល់ដល់ សោភ័ណបរិស្ថាន និងសណ្ដាប់ធ្នាប់សាធារណៈ ជាពិសេស គឺបង្កការកកស្ទះចរាចរណ៍រាល់ថ្ងៃទៀតផង ដែលបញ្ហានេះ លោក លឹម ឌី ចៅសង្កាត់ដងទង់ បានឱ្យដឹងថា ការលក់ដូររបស់ពលរដ្ឋខ្មែរកាន់សាស នាឥស្លាមនេះ បានប្រព្រឹត្តទៅច្រើនឆ្នាំមកហើយ ទោះបីជាអាជ្ញាធរធ្លាប់បានចុះរៀបចំសណ្ដាប់ធ្នាប់ឱ្យល្អ ប្រសើរយ៉ាងណាក៏ដោយ ក៏កើតមានបញ្ហាស្មុគស្មាញដដែល។អ្នកស្រី តេះ អាំមីណាស់ អ្នកវិនិយោគផ្សារភូមិ៤ បានលើកឡើងថា មូលហេតុដែលលោកស្រីចូល រួមអភិវឌ្ឍជាមួយអាជ្ញាធរ ក្នុងគោលបំណងដើម្បីលើកកម្ពស់សោភ័ណភាព សណ្តាប់ធ្នាប់សាធារណៈ។យ៉ាងយូរមួយខែទៀតប៉ុណ្ណោះ ការលក់ដូរលើចំណីថ្នល់មុខព្រះវិហារឥស្លាម ក្នុងភូមិ៤ សង្កាត់ដង ទង់ នឹងលែងមានទៀតហើយ ចំណែកគណៈគ្រប់គ្រងសាសនាឥស្លាម នឹងកែលម្អទីតាំងនេះ ធ្វើជាសួន ច្បារឱ្យល្អស្អាត ឱ្យសក្ដិសមជាទីកន្លែងគោរពសក្ការៈ៕អត្ថបទ៖ ឈឹម មករា

ថវិកាជំនួយសង្គម ១១៥លានរៀលចំនួន២ជុំ បាននឹងកំពុង ចែកជូនពលរដ្ឋក្រីក្រនៅសង្កាត់ជ្រោយចង្វា

ភ្នំពេញ៖ ចាប់តាំងពីមានវិបត្តិកូវីដ១៩ រហូតមកដល់ពេលនេះ ប្រជាពលរដ្ឋក្រីក្រជាពិសេសអ្នកដែលប្រឈមដោយសារវិបត្តិកូវីដ១៩ នៅសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញចំនួន១ពាន់ ៨៥០ គ្រួសារ បានទទួលអំណោយជំនួយសង្គម ពីរាជរដ្ឋាភិបាល ក្រុមការងារចុះជួយខណ្ឌ សង្កាត់ និងសប្បុរស ជនមួយចំនួនជាបន្តបន្ទាប់។ក្នុងពិធីចែកអំណោយដល់ប្រជាពលរដ្ឋ ១១៥គ្រួសារនៅវត្តចាស់ សង្កាត់ជ្រោយចង្វារ នាព្រឹកថ្ងៃទី២៥កញ្ញានេះគឺជាលើកទី៣០ ហើយដែលរដ្ឋបាលសង្កាត់បានចែកជូនចាប់តាំង ពីខែមករាដើមឆ្នាំមក។លោក ម៉ៅ ប៊ុនថា ចៅសង្កាត់ជ្រោយចង្វារ បានប្រាប់BTVថា ចាប់តាំងពីមានវិបត្តិកូវីដ១៩ រដ្ឋបាលសង្កាត់ ជាពិសេសដោយមានការយកចិត្តទុកដាក់ក្រុមការងារ ចុះជួយមូលដ្ឋានខណ្ឌ សង្កាត់ ជាពិសេសការយកចិត្តទុកដាក់ដ៏ខ្ពង់ខ្ពស់ពីប្រមុខរាជរដ្ឋាភិបាលកម្ពុជាបានដាក់ចេញនូវគោលនយោបាយជំនួយសង្គម ជួយដល់ប្រជាពលរដ្ឋដែលទទួលរងផលប៉ះពាល់ដោយសារកូវីដ១៩ សង្កាត់ជ្រោយចង្វារគិតមកដល់ពេលនេះបាននិងកំពុងអនុវត្តនូវជុំទី២ ដែលមានទឹកប្រាក់សរុប១១៥លានរៀល ហើយរដ្ឋបាលសង្កាត់ក៏តែងតែធ្វើ សកម្មភាពចែកអំណោយជូនប្រជាពលរដ្ឋដែលបានមកពីក្រុមការងារ សប្បុរសជនជាបន្តបន្ទាប់សរុបមានចំនួន៣០លើកហើយ។លោក ក៏បានថ្លែងអំណរគុណយ៉ាងជ្រាលជ្រៅ ចំពោះប្រមុខរាជរដ្ឋាភិបាល ដែលបានយកចិត្តទុកដាក់គិតគូរ ប្រជាពលរដ្ឋទីទាល់ក្រជាពិសេសប្រជាពលរដ្ឋដែលប្រឈមនឹងវិបត្តិកូវីដ១៩ ហើយលោកក៏បានអរគុណប្រជាពលរដ្ឋដែលមានការយល់ដឹងនិងអនុវត្តបានយ៉ាងល្អប្រសើរនូវវិធានអនាម័យតាមកាចង្អុលបង្ហាញ ពីប្រមុខរាជរដ្ឋាភិបាលដែលមានក្រសួងសុខាភិបលជាសេនាធិការ។ឯកឧត្តម សួន ឈាងលី អនុ រដ្ឋលេខាធិការក្រសួងមហាផ្ទៃ អនុប្រធានក្រុមការងារថ្នាក់ជាតិចុះជួយខណ្ឌជ្រោយចង្វារ ក៏បាន រម្លឹកពីអតីតកាលនៃការបែកបាក់និងកត្តាសន្តិភាព ដែលយើងរកបានដោយលំបាកហើយត្រូវរួមគ្នាថែរក្សាសន្តិភាពអោយបាន ព្រោះថាទាល់តែមានសន្តិភាពទើបមានអ្វីៗគ្រប់យ៉ាង។ទន្ទឹមនេះ ឯកឧត្ដម ក៏បានផ្ដាំផ្ញើបងប្អូនប្រជាពលរដ្ឋត្រូវខិតខំប្រឹងប្រែងប្រកបរបរចិញ្ចឹមជីវិតប្រចាំថ្ងៃ ព្រោះយើងមិនអាចយកអំណោយបន្តិចបន្តួចនេះទៅប្រើប្រាស់ហូបចុកបានប៉ុន្មានថ្ងៃនោះទេ។ ដោយសារពេលនេះជារដូវភ្លៀងធ្លាក់ ឯកឧត្តម ក៏បានផ្ដាំផ្ញើពលរដ្ឋ ចូលរួមទុកដាក់សម្រាមអោយបានត្រឹមត្រូវចៀសវាងបង្កការកកស្ទះមាត់លូដែលនាំអោយមានការជន់លិចផ្លូវក៏ដូចជាលិចមូលដ្ឋានសហគមន៍៕ អត្ថបទ មុត សុទ្ធ

ប្រធានរដ្ឋសភា ៖ ក្នុងវិបត្តិកូវីដ១៩នេះ សភាមានតួនាទីសំខាន់ក្នុងការចូលរួមដោះស្រាយបញ្ហាប្រឈមនានា

ភ្នំពេញ ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា ថ្លែងថា ក្នុងកាលៈទេសៈ ដែលសកលោក មានវិបត្តិដោយសារជំងឺកូវីដ១៩ សភាមានតួនាទីយ៉ាងសំខាន់ក្នុងការរួមចំណែកដោះស្រាយ និងទប់ស្កាត់បញ្ហាប្រឈមនានា តាមរយៈការសម្របសម្រួល ការត្រួតពិនិត្យតាមដាន និងការអនុម័តច្បាប់សំខាន់ៗ និងការអនុម័តនូវកញ្ចប់ថវិកាសង្គ្រោះឆ្លើយតបនឹងតម្រូវការរបស់ប្រជាពលរដ្ឋ។ក្នុងមហាសន្និបាត នៃក្តីសង្ឃឹម របស់សហព័ន្ធសន្តិភាពសកល ដែលរៀបចំធ្វើនៅសាធារណរដ្ឋកូរ៉េ នៅព្រឹកថ្ងៃទី២៧ ខែកញ្ញា ឆ្នាំ២០២០ ក្រោមប្រធានបទ៖«ឈានឆ្ពោះទៅកសាង និងធ្វើឱ្យសង្គមជាតិទាំងមូលប្រសើរឡើងវិញ ក្រោយវិបត្តិកូវីដ–១៩ ៖ ឯករាជ្យភាព វិបុលភាព និងគុណតម្លៃជាសកល» សម្តេចពញាចក្រី ហេង សំរិន បានលើកឡើងថា ជំងឺកូវីដ១៩ បានបង្កផលប៉ះពាល់យ៉ាងធ្ងន់ធ្ងរចំពោះសង្គម និងសេដ្ឋកិច្ចសកលជារួម តែការឆ្លើយតបចំពោះវិបត្តិនេះ មានលក្ខណៈខុសៗគ្នាពីប្រទេសមួយទៅប្រទេសមួយ ដែលធ្វើឱ្យលទ្ធផលមិនទាន់បានពេញចិត្តទាំងស្រុង។ ការឆ្លើយតបចំពោះបញ្ហាកូវីដ១៩ ហាក់បង្ហាញថា ពិភពលោក ប្រឆាំងនឹងសត្រូវរួម តែដំណោះស្រាយមិនដូចគ្នា។សម្តេច បានបញ្ជាក់ថា ការដោះស្រាយបញ្ហាកូវីដ១៩ ទាមទារឲ្យធ្វើការរួមគ្នា បង្កើនកិច្ចសហប្រតិបត្តិការ និងសាមគ្គីភាពអន្តរជាតិ ជាកត្តាសំខាន់ និងមិនអាចខ្វះបាន។ ជាមួយគ្នានេះ សម្តេច ប្រធានរដ្ឋសភា បានចែករំលែកបទពិសោធន៍ ដែលកម្ពុជាបានគ្រប់គ្រងស្ថានភាពជំងឺកូវីដ១៩ប្រកបប្រសិទ្ធភាពខ្ពស់តាមរយៈការអនុវត្តប្រតិបត្តិនូវវប្បធម៌ចែករំលែក និងសាមគ្គីភាព ដល់មហាសន្និបាតផងដែរ។សម្តេចអគ្គមហាពញាចក្រី ហេង សំរិន លើកឡើងថា ការប្រយុទ្ធប្រឆាំងជំងឺកូវីដ១៩ ទាមទារថវិកា សម្ភារៈបរិក្ខារ និងកម្លាំងមនុស្សច្រើន។ កម្ពុជាបានរួមគ្នាបរិច្ចាគ និងចែករំលែកនូវធនធាន តាមលទ្ធភាពគ្រប់ភាគីមានស្ថាប័នរដ្ឋ ឯកជន គូអភិវឌ្ឍន៍ និង អង្គការមិនមែនរដ្ឋាភិបាល ទៅដល់ប្រជាពលរដ្ឋ។ រាជរដ្ឋាភិបាលបានដាក់ចេញនូវយុទ្ធសាស្ត្រអភិវឌ្ឍន៍ផ្តោតសំខាន់លើវិស័យកសិកម្ម កសិ-ឧស្សាហកម្ម ការប្រែក្លាយផ្នែកឌីជីថល និងទេសចរណ៍ក្នុងស្រុក ដែលជាវិស័យអាទិភាព ទៀតផង។ដើម្បីស្តារ និងកសាងសង្គមជាតិនៅពេលនេះ និងក្រោយវិបត្តិកូវីដ១៩ បញ្ចប់ទៅ សម្តេចប្រធានរដ្ឋសភា បានលើកឡើងថា គេគួររៀបចំផែនការស្តារឡើងវិញប្រកបដោយភាពជាក់លាក់ ដោយដាក់ចេញនូវសេណារីយ៉ូចាំបាច់ សម្រាប់បើកឱ្យដំណើរការជាបណ្តើរៗនូវការធ្វើដំណើរឆ្លងកាត់ និងប្រតិបត្តិការ ពាណិជ្ជកម្ម ព្រមទាំងការស្តារឡើងវិញនូវវិស័យដែលរងផលប៉ះពាល់ធ្ងន់ធ្ងរពីវិបត្តិនេះ និងត្រូវថែរក្សាសុខសន្តិភាពនៅក្នុងតំបន់និងសកលលោក ជាចម្បង និងចាំបាច់។សម្តេចប្រធានរដ្ឋសភា បានមានប្រសាសន៍បញ្ជាក់ថា សន្តិភាពត្រូវដើរទន្ទឹមគ្នានឹងការអភិវឌ្ឍ និងត្រូវមានវិធានការបង្កើនការគាំពារសង្គមបង្កើនសមត្ថភាព និងប្រសិទ្ធភាព ក្នុងប្រព័ន្ធសុខាភិបាល និងគាំទ្រសហគ្រាសខ្នាតតូច និងមធ្យម ពន្លឿនការប្រែក្លាយបច្ចេកវិទ្យាឌីជីថលឱ្យមានប្រសិទ្ធភាព ហើយសភាត្រូវយកចិត្តទុកដាក់នៅក្នុង ការអនុម័តច្បាប់ និងគោលនយោបាយពាក់ព័ន្ធនឹងបច្ចេកវិទ្យានេះ សំដៅធានាផ្តល់ផល ប្រយោជន៍ដល់ប្រទេសទាំងអស់ ក្នុងតំបន់និងសកលលោក ជាពិសេសប្រទេសកំពុងអភិវឌ្ឍន៍ នូវសមត្ថភាព និងហេដ្ឋារចនាសម្ព័ន្ធ។សម្តេចអគ្គមហាពញាចក្រី ហេង សំរិន បានមានប្រសាសន៍បញ្ជាក់ថា ក្នុងបរិបទនេះសភាត្រូវយកចិត្តទុកដាក់នៅក្នុងការអនុម័តច្បាប់ និងគោលនយោបាយពាក់ព័ន្ធនឹងបច្ចេកវិទ្យានេះ សំដៅធានាផ្តល់ផលប្រយោជន៍ដល់ប្រទេសទាំងអស់ ក្នុងតំបន់និងសកលលោក ជាពិសេសប្រទេសកំពុងអភិវឌ្ឍន៍ នូវសមត្ថភាព និងហេដ្ឋារចនាសម្ព័ន្ធ។ឆ្លៀតឱកាសនោះ សម្តេច បានសម្តែងការកោតសរសើរលោកស្រីបណ្ឌិត ហាក់ ចា ហាន មូន សហស្ថាបនិកនៃសហព័ន្ធសន្តិភាពសកល ដែលបានរៀបចំវេទិកាដ៏មានសារៈប្រយោជន៍នេះឡើង ដើម្បីផ្តល់ឱកាសដល់ថ្នាក់ដឹកនាំជុំវិញពិភពលោក ទាំងអ្នកនយោបាយ អ្នកដឹកនាំសាសនា អ្នកសេដ្ឋកិច្ច អ្នកសារព័ត៌មាន និងអ្នកសិក្សាស្រាវជ្រាវ បានបញ្ចេញនូវទស្សនៈ មតិយោបល់ និងបទពិសោធន៍ជាគន្លឹះក្នុងការរួមគ្នាដោះស្រាយបញ្ហាប្រឈមនានារបស់ប្រជាពល រដ្ឋខ្លួន និងសកលលោក ដើម្បីសម្រេចបានពិភពលោកមួយ មានសុខសន្តិភាព សុខដុមរម្យនា និង វិបុលភាព។សូមជម្រាបថា សហព័ន្ធសន្តិភាពសកល ដែលហៅកាត់ថា UPF ជាអង្គការមិនមែនរដ្ឋាភិបាល ត្រូវបានបង្កើតឡើងដោយលោក Sun Myung Moon និងលោកស្រីហាក់ ចា ហាន មូន (Hak Ja Han Moon) នៅឆ្នាំ២០០៥។ អង្គការនេះ មានតួនាទីផ្តល់យោបល់ពិសេស ជូនក្រុមប្រឹក្សាសេដ្ឋកិច្ច និងសង្គម នៃអង្គការសហប្រជាជាតិ តាមរយៈការប្រមូលមតិយោបល់ ពីមហាសន្និបាតប្រចាំឆ្នាំរបស់ខ្លួន ក្រោមប្រធានបទជាក់ស្តែងដែលកំពុងកើតមាន៕

មន្ត្រីវប្បធម៌ ស្នើឲ្យយុវជន គួរគប្បីសិក្សាស្រាវជ្រាវ អំពីប្រវតិ្តសាស្ត្រជាតិ សាវតាជាតិ

ភ្នំពេញ ៖ ឯកឧត្តម ស្រី សួន រដ្ឋលេខាធិការក្រសួងវប្បធម៌ និងវិចិត្រសិល្បៈ បានស្នើឲ្យយុវជន គួរគប្បីសិក្សាស្រាវជ្រាវ អំពីប្រវតិ្តសាស្ត្រជាតិ សាវតាជាតិ និងអតីតកាលនៃជាតិខ្មែរយើង។ការថ្លែងរបស់ឯកឧត្តម ស្រី សួន យ៉ាងដូច្នេះ ក្នុងពិធីបើកវគ្គបណ្តុះបណ្តាលការងាររដ្ឋបាល និងការគ្រប់គ្រងដំណាក់កាលទី២ (ភាពជាអ្នកដឹកនាំ) រយៈពេល០៣ថ្ងៃ ចាប់ពីព្រឹកថ្ងៃទី២៨ រហូតដល់ថ្ងៃទី៣០ កញ្ញា ២០២០, រៀបចំដោយសាលាបណ្តុះបណ្តាលក្របខណ្ឌវប្បធម៌ នៃក្រសួងវប្បធម៌ និងវិចិត្រសិល្បៈ។ឯកឧត្តម បន្តថា ទំរាំតែយើងបានមកដល់ថ្ងៃនេះបាន ប្រជាជនយើងបានឆ្លងកាត់តំណាក់កាលប្រវត្តិសាស្ត្រលំបាកប៉ុណ្ណា សុខសន្តិភាពមួយនេះ មិនអាចកើតឡើងបានដោយឯកឯងបានទេ គឺសុទ្ធតែចេញមកពី ការលះបង់សាច់ស្រស់ ឈាមស្រស់ របស់អ្នកស្នេហាជាតិ ជាតិខ្មែរ ពិតប្រាកដ ដែលជាអ្នកសង្គ្រោះជាតិពិត ចេញពីរបបខ្មៅងងឹត ប៉ុលពត។ឯកឧត្តម បានលើកឡើងទៀតថា បច្ចុប្បន្ននេះក្រសួងវប្បធម៌និងវិចិត្រសិល្បៈ បានដាក់ចេញនូវគោលនយោបាយ និងផែនការសកម្មភាពសម្រាប់អនុវត្តឆ្នាំ២០២០–២០២២ ដោយកំណត់យកគោលនយោបាយ អភិរក្ស និងអភិវឌ្ឍវប្បធម៌ជាតិ ដោយបានពង្រីកវិសាលភាពការងារវប្បធម៌ បន្ថែមពីលើការងារអភិរក្ស រួមមានការអភិវឌ្ឍប្រកបដោយចីរភាព សំដៅដល់ការពង្រឹង ពង្រីកការអភិវឌ្ឍន៍ចំណេះដឹង និងជំនាញវិជ្ជាជីវៈលើវិស័យវប្បធម៌ និងបន្តឈានទៅពង្រីកទីផ្សារផលិតផល និងសេវាកម្មវប្បធម៌ ដោយផ្តល់ឱកាសឲ្យបានទូលំទូលាយជូនដល់យុវជនជាសិល្បករ ផលិតករ និងអ្នកប្រកបអាជីពក្នុងវិស័យវប្បធម៌ និងសិល្បៈ តាមរយៈការសហការជាមួយក្រសួងស្ថាប័នពាក់ព័ន្ធ ដើម្បីជំរុញដល់ការបង្កើតទីផ្សារផលិតផលវប្បធម៌ និងទីផ្សារការងារក្នុងវិស័យវប្បធម៌ និងសិល្បៈ និងលើកទឹកចិត្ត និងជំរុញឲ្យយុវជនមានគំនិតផ្ដួចផ្ដើម ច្នៃប្រឌិត បង្កើតថ្មី និងមានស្មារតីឆន្ទៈ ម្ចាស់ការ ប្រកបដោយការទទួលខុសត្រូវផងដែរ។បើតាមលោក តន សុវណ្ណឧត្តម នាយកសាលាបណ្តុះបណ្តាលក្របខណ្ឌវប្បធម៌ បានឲ្យដឹងថា វគ្គបណ្តុះបណ្តាលលើកនេះ សាលាបានកំណត់យកមុខវិជ្ជាធំៗចំនួន០៤ ក្នុងនោះ រួមមាន ៖ ការគ្រប់គ្រង និងប្រើប្រាស់បណ្តាញសង្គម, សិល្បៈ នៃការទំនាក់ទំនង និងការនិយាយនៅសាធារណៈ, ភាពជាអ្នកដឹកនាំ និងសមធម៌ និងបរិយាប័ន្ន ដែលក្នុងនោះសាលាបានកំណត់ជ្រើសយកសិក្ខាកាមជាយុវជនសកម្ម សរុបចំនួន៦០រូប ក្នុងនោះសិក្ខាកាមជាស្រី្ត មានចំនួន២៣រូប មកពីបណ្តានាយកដ្ឋានក្នុងអង្គភាព ថ្នាក់កណ្តាលក្រសួង។លោក តន សុវណ្ណឧត្តម បានបញ្ជាក់ទៀតថា វគ្គបណ្តុះបណ្តាលនេះ គឺជាលទ្ធផលថ្មីមួយ ដ៏ល្អ ដែលថ្នាក់ដឹកនាំក្រសួងបានខិតខំប្រឹងប្រែងបំពេញភារកិច្ច ក្នុងការបណ្តុះបណ្តាលធនធានមនុស្ស ផ្ដល់ចំណេះដឹងដល់មន្ត្រីរាជការទាំងអស់ឲ្យមានការទទួលខុសត្រូវក្នុងការងារ។ នេះជាកាតព្វកិច្ចរបស់មន្ត្រីរាជការក្នុងការបំពេញការងារបម្រើផលប្រយោជន៍ជាតិ ជំរុញឲ្យការងារក្នុងវិស័យវប្បធម៌ និងវិចិត្រសិល្បៈកាន់តែរីកចម្រើនប្រសើរឡើងថែមទៀត៕

ចិនសន្យាចូលរួមបន្តគាំទ្រចំពោះផែនការយុទ្ធសាស្ត្ររបស់រាជរដ្ឋាភិបាលកម្ពុជាគ្មានមីនឆ្នាំ២០២៥

ភ្នំពេញ៖ លោក Wang Wentian ឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជាបានបញ្ជាក់ថា រដ្ឋាភិបាល និងប្រជាជនចិន នឹងបន្តចូលរួមអភិវឌ្ឍប្រទេសកម្ពុជា ក្នុងនោះបន្តគាំទ្រចំពោះផែនការយុទ្ធសាស្ត្ររបស់រាជរដ្ឋាភិបាលកម្ពុជាគ្មានមីនឆ្នាំ២០២៥។ក្នុងជំនួបជាមួយឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន តំណាងដ៏ខ្ពង់ខ្ពស់របស់ សម្ដេចតេជោ ហ៊ុន សែន នាយករដ្ឋមន្ត្រី និងជាប្រធានអាជ្ញាធរមីន ថ្ងៃទី២៨ ខែកញ្ញា ឆ្នាំ២០២០ នៅស្ថានទូតចិនប្រចាំកម្ពុជា លោក Wang Wentian បានចាត់ទុកការងារបោសសម្អាត គឺជាការចូលរួមផ្តល់នូវសុភមង្គលដល់ប្រជាពលរដ្ឋកម្ពុជាផងដែរ។ក្នុងនាមរាជរដ្ឋាភិបាលកម្ពុជា ឯកឧត្តមទេសរដ្ឋមន្រ្តី បានថ្លែងអរគុណយ៉ាងជ្រាលជ្រៅជូនចំពោះរដ្ឋាភិបាល និងប្រជាជនចិន ដែលតែងតែចូលរួមដល់ការងារអភិវឌ្ឍន៍ ជាមួយរាជរដ្ឋាភិបាលកម្ពុជា ក្នុងនោះរួមមានការគាំទ្រដល់ការងារសកម្មភាពមីនមនុស្សធម៌នៅកម្ពុជាទាំងថវិកា បច្ចេកទេស និងសម្ភារៈ។ឯកឧត្តមទេសរដ្ឋមន្រ្តី បានមានប្រសាសន៍ថា រាជរដ្ឋាភិបាលកម្ពុជា បានដាក់ចេញនូវចក្ខុវិស័យ និងគោលដៅយ៉ាងច្បាស់លាស់ ក្នុងការបញ្ចប់ការគម្រាមកំហែងដោយមីន ដែលយើងបានស្គាល់អោយអស់ត្រឹមឆ្នាំ២០២៥ និងការកាត់បន្ថយអត្រាគ្រោះដោយសារមីនអោយបានជាអតិបរមា។ឯកឧត្តមទេសរដ្ឋមន្រ្តី បានបន្តថា ការផ្តល់ជំនួយបម្រើដល់កាងារបោសសម្អាតមីនមនុស្សធម៌របស់មិត្តចិន នាពេលនេះ និងកន្លងមក គឺជាចូលរួមចំណែកឆ្លើយតប និងស្របតាមការលះបង់ និងគោលដៅដ៏យូរអង្វែងរបស់សម្តេចតេជោ សម្រាប់ប្រទេសជាតិ និងប្រជាជន រួមមាន សន្តិភាព សន្តិសុខ សុវត្ថិភាព និងការអភិវឌ្ឍសម្រាប់ប្រជាជនកម្ពុជាទាំងអស់។ឯកឧត្តមទេសរដ្ឋមន្រ្តី ក៏បានថ្លែងអំណរគុណ និងវាយតម្លៃខ្ពស់ចំពោះប្រទេសចិន ដែលបានចូលរួមក្នុងការងារប្រយុទ្ធប្រឆាំងការរីករាលដាលជំងឺឆ្លងកូវីដ-១៩ នៅកម្ពុជា តាំងពីដើមមក៕

បណ្ដាញសង្គម

ព័ត៌មានថ្មីៗ

មហាសន្និបាតអាយប៉ាក្នុងប្រទេសម៉ាឡេស៊ី បានអនុម័តគំាទ្រសេចក្តីព្រាងសេចក្តីសម្រេចចំនួនបីដែលស្នើឡើងដោយសភាកម្ពុជា ក្នុងការលើកកម្ពស់សន្តិភាព និងវិបុលភាពរបស់ប្រជាពលរដ្ឋក្នុងតំបន់

សម្តេចតេជោ ហ៊ុន សែន អនុញ្ញាតឱ្យឯកឧត្តមឧត្តមសេនីយ៍ទោ មេបញ្ជាការកងយោធពលភូមិន្ទ នៃប្រទេសប្រ៊ុយណេ ចូលជួបសម្តែងការគួរសម

សម្តេចអគ្គមហាពញាចក្រី ហេង សំរិន និងសម្តេចធម្មវិសុទ្ធវង្សា អញ្ជើញកាន់បិណ្ឌវេនទី១២ នៅវត្តថ្កូវ ស្ថិតនៅក្នុងឃុំកក់ ស្រុកពញាក្រែក ដែលជាស្រុកកំណើតរបស់សម្តេច

ប្រព័ន្ធផ្សព្វផ្សាយបរទេសស្ទើរទូទាំងពិភពលោក រាយការណ៍ពីការឈ្លានពានរបស់ថៃ ក្នុងទឹកដីកម្ពុជា

លោកជំទាវ ហ៊ុន ម៉ាណា ចាត់ឱ្យក្រុមការងារនាំយុវជនម្នាក់នៅខេត្តពោធិ៍សាត់មកព្យាបាលនៅភ្នំពេញ ក្រោយជួបគ្រោះថ្នាក់ចរាចរណ៍ប៉ះពាល់ដល់លលាក្បាលត្រូវវ៉ះកាត់

ប្រតិភូសភាកម្ពុជាចូលរួមកិច្ចប្រជុំសមាជិកសភាស្រ្តី (WAIPA) ក្នុងមហាសន្និបាតអាយប៉ាលើកទី៤៦ដោយអំពាវនាវកុំឱ្យមានជម្លោះ ព្រោះស្ត្រី និងកុមារងាយរងគ្រោះជាងគេ

លោក Trump ថាលោកមិនយល់ស្របជាមួយមេដឹកនាំអង់គ្លេសលោក Starmer លើការទទួលស្គាល់រដ្ឋប៉ាឡេស្ទីនទេ

អាមេរិក វេតូសេចក្ដីសម្រេចបទឈប់បាញ់ហ្កាហ្សារបស់ UN ជាថ្មីម្តងទៀត ខណៈអ៊ីស្រាអែល បន្តទម្លាក់គ្រាប់បែក

លោក Trump-Xi គ្រោងពិភាក្សាពីរឿង TikTok និងអនាគតនៃទំនាក់ទំនងអាមេរិក-ចិន ក្នុងជំនួបទូរសព្ទថ្ងៃសុក្រនេះ

ពលរដ្ឋប៉ាឡេស្ទីនធ្លាក់ភ័យស្លន់ស្លោក្នុងទីក្រុងហ្កាហ្សា ខណៈអ៊ីស្រាអែលបន្តវាយរុលទៅមុខលើចំណុចកណ្តាលដែនដីនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ពលរដ្ឋយល់ថា ការទទួលសិទ្ធិធ្វើនយោបាយ បង្ហាញពីសេរីភាពអ្នកនយោបាយកម្ពុជាកាន់តែល្អប្រសើរ

ទ័ពមួកខៀវកម្ពុជាមកពីប្រទេសម៉ាលី មានសុខភាពល្អធម្មតាទាំងអស់ ក្រោយធ្វើចត្តាឡីស័កបាន១២ថ្ងៃមកនេះ

មន្ត្រីជាន់ខ្ពស់ក្រសួងអប់រំ ស្នើអាជ្ញាធរខេត្តបាត់ដំបង ជួយរៀបចំការប្រឡងបាក់ឌុបឱ្យទទួលបានជោគជ័យ

កសិករក្នុងស្រុកស្រីសន្ធរ ទទួលបានជីកសិកម្មពីអាជ្ញាធរខេត្តកំពង់ចាម ដើម្បីបង្កបង្កើនផលកសិកម្ម

មន្ត្រីធនធានទឹកធ្វើយុទ្ធនាការបូមទឹកបញ្ចូលអាងស្តុក ដើម្បីត្រៀមសង្គ្រោះស្រូវរដូវប្រាំង

អាជ្ញាធរខេត្តកោះកុង ត្រៀមរំដោះចិញ្ចើមផ្លូវពីការលក់ដូរគ្មានសណ្ដាប់ធ្នាប់

ថវិកាជំនួយសង្គម ១១៥លានរៀលចំនួន២ជុំ បាននឹងកំពុង ចែកជូនពលរដ្ឋក្រីក្រនៅសង្កាត់ជ្រោយចង្វា

ប្រធានរដ្ឋសភា ៖ ក្នុងវិបត្តិកូវីដ១៩នេះ សភាមានតួនាទីសំខាន់ក្នុងការចូលរួមដោះស្រាយបញ្ហាប្រឈមនានា

មន្ត្រីវប្បធម៌ ស្នើឲ្យយុវជន គួរគប្បីសិក្សាស្រាវជ្រាវ អំពីប្រវតិ្តសាស្ត្រជាតិ សាវតាជាតិ

ចិនសន្យាចូលរួមបន្តគាំទ្រចំពោះផែនការយុទ្ធសាស្ត្ររបស់រាជរដ្ឋាភិបាលកម្ពុជាគ្មានមីនឆ្នាំ២០២៥

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ពលរដ្ឋ​យល់ថា ​ការទទួល​សិទ្ធិ​ធ្វើ​នយោបាយ ​បង្ហាញ​ពី​សេរីភាព​អ្នកនយោបាយ​កម្ពុជា​កាន់​តែ​ល្អប្រសើរ

មន្ត្រី​ធនធានទឹក​ធ្វើ​យុទ្ធនា​ការ​បូមទឹក​បញ្ចូល​អាង​ស្តុក​ ដើម្បី​ត្រៀម​សង្គ្រោះ​ស្រូវ​រដូវប្រាំង​

អាជ្ញាធរ​ខេត្ត​កោះកុង ​ត្រៀម​រំដោះ​ចិញ្ចើម​ផ្លូវ​ពី​ការលក់ដូរ​គ្មាន​សណ្ដាប់ធ្នាប់​

ថវិកាជំនួយ​សង្គម ១១៥​លាន​រៀល​ចំនួន​២​ជុំ​ បាននឹងកំពុង ចែកជូន​ពលរដ្ឋ​ក្រីក្រ​នៅ​សង្កាត់​ជ្រោយចង្វា​

មន្ត្រី​វប្បធម៌​ ស្នើ​ឲ្យ​យុវជន ​គួរ​គប្បី​សិក្សាស្រាវជ្រាវ​ អំពី​ប្រវតិ្ត​សាស្ត្រ​ជាតិ ​សាវតា​ជាតិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ពលរដ្ឋយល់ថា ការទទួលសិទ្ធិធ្វើនយោបាយ បង្ហាញពីសេរីភាពអ្នកនយោបាយកម្ពុជាកាន់តែល្អប្រសើរ

មន្ត្រីធនធានទឹកធ្វើយុទ្ធនាការបូមទឹកបញ្ចូលអាងស្តុក ដើម្បីត្រៀមសង្គ្រោះស្រូវរដូវប្រាំង

អាជ្ញាធរខេត្តកោះកុង ត្រៀមរំដោះចិញ្ចើមផ្លូវពីការលក់ដូរគ្មានសណ្ដាប់ធ្នាប់

ថវិកាជំនួយសង្គម ១១៥លានរៀលចំនួន២ជុំ បាននឹងកំពុង ចែកជូនពលរដ្ឋក្រីក្រនៅសង្កាត់ជ្រោយចង្វា

មន្ត្រីវប្បធម៌ ស្នើឲ្យយុវជន គួរគប្បីសិក្សាស្រាវជ្រាវ អំពីប្រវតិ្តសាស្ត្រជាតិ សាវតាជាតិ