BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

តម្រូវការប្រាក់រៀល បានកើនឡើងជាមធ្យម ១៦ភាគរយ ក្នុងមួយឆ្នាំៗ

ភ្នំពេញ៖ ទេសាភិបាលធនាគារជាតិនៃកម្ពុជា ថ្លែងឲ្យដឹងថា កំណើនតម្រូវការប្រាក់រៀល ត្រូវបានគាំទ្រជាចម្បងដោយកំណើនជំនឿទុកចិត្តរបស់សាធារណជន ដែលទទួលបានជាចម្បងពីសន្តិភាព និងស្ថិរភាពម៉ាក្រូសេដ្ឋកិច្ច និងហិរញ្ញវត្ថុ ជាក់ស្តែងរយៈពេល ២០ឆ្នាំចុងក្រោយនេះ តម្រូវការប្រាក់រៀល បានកើនឡើងជាមធ្យមប្រមាណ ១៦% ក្នុងមួយឆ្នាំៗ។ឯកឧត្តម ជា ចាន់តូ ទេសាភិបាលធនាគារជាតិ នៃកម្ពុជា ថ្លែងលើកឡើងក្នុងឱកាសប្រារព្ធខួបអនុស្សាវរីយ៍លើកទី ៤០ នៃការបង្កើតប្រាក់រៀលឡើងវិញ នៅថ្ងៃទី២៨ ខែកញ្ញា ឆ្នាំ២០២០ នេះថា ប្រាក់រៀលមានសារៈសំខាន់នៅក្នុងសេដ្ឋកិច្ច ចាប់តាំងពីដើមទសវត្សរ៍ឆ្នាំ២០០០មក ក្នុងនោះរាជរដ្ឋាភិបាលបានកំណត់គោលនយោបាយលើកកម្ពស់ប្រាក់រៀលជាអាទិភាពសំខាន់មួយ នៅក្នុងយុទ្ធសាស្ត្រអភិវឌ្ឍន៍វិស័យហិរញ្ញវត្ថុ ដើម្បីជំរុញការអភិវឌ្ឍវិស័យធនាគារនិងហិរញ្ញវត្ថុ និងពង្រឹងភាពធន់នៃសេដ្ឋកិច្ច។វិធានការដែលបានអនុវត្ត បានជួយរួមចំណែកលើកកម្ពស់ការប្រើប្រាស់ប្រាក់រៀលជាលំដាប់ ជាក់ស្ដែងរយៈពេល ២០ឆ្នាំចុងក្រោយនេះ តម្រូវការប្រាក់រៀល បានកើនឡើងជាមធ្យមប្រមាណ ១៦% ក្នុងមួយឆ្នាំៗ។ កំណើនតម្រូវការប្រាក់រៀល ត្រូវបានគាំទ្រជាចម្បងដោយកំណើនជំនឿទុកចិត្តរបស់សាធារណជន ដែលទទួលបានជាចម្បងពីសន្តិភាព និងស្ថិរភាពម៉ាក្រូសេដ្ឋកិច្ចនិងហិរញ្ញវត្ថុ។ជាក់ស្តែងសេដ្ឋកិច្ចកម្ពុជាមានកំណើនជាមធ្យមប្រមាណ ៧,៨% ជាមួយអត្រាអតិផរណាត្រូវបានរក្សាឱ្យស្ថិតក្នុងកម្រិតទាបប្រមាណ ២,៥% ហើយប្រាក់រៀលមានស្ថិរភាពល្អប្រសើរក្នុងរង្វង់ ៤.០៥០ រៀលក្នុងមួយដុល្លារអាមេរិក ក្នុងរយៈពេលពីរទសវត្សរ៍ចុងក្រោយ។ជុំវិញស្ថានភាពប្រាក់រៀល, លោកបណ្ឌិត អ៊ិន ចាន់នី ប្រធានសមាគមធនាគារនៅកម្ពុជា បានលើកឡើងថា ការដែលធ្វើឲ្យប្រាក់រៀលមានកំណើនពីមួយឆ្នាំទៅមួយឆ្នាំនេះ គឺដោយសារកំណើនធំៗរួមមាន៖ ធនាគារជាតិនៃកម្ពុជាមានច្បាប់គ្រប់គ្រងត្រឹមត្រូវ, និងការគ្រប់គ្រងតាមគោលនយោបាយរូបិយវត្ថុរបស់ជាតិ ជម្រុញឲ្យសេដ្ឋកិច្ចរីកច្រើនលូតលាស់ ប្រកបដោយចីរភាព និងគ្រប់គ្រង់អតិផរណាបាន ដោយបានធ្វើឲ្យប្រជាជនគ្រប់ស្រទាប់វណ្ណៈជឿជាក់លើប្រាក់រៀល។ទាក់ទងនិងស្ថិរភាពប្រាក់រៀលនេះ, ឯកឧត្តម ជា ចាន់តូ បានបញ្ជាក់ថា សមិទ្ធផលដ៏ល្អប្រសើរ ដែលសម្រេចបានរហូតដល់បច្ចុប្បន្ននេះ មិនថាតែប្រាក់រៀលនោះឡើយ គឺបានកើតចេញពីកិច្ចខិតខំប្រឹងប្រែងរបស់គ្រប់ភាគីពាក់ព័ន្ធទាំងអស់។ សន្តិភាពបានបង្កលក្ខណៈឱ្យយើងទាំងអស់គ្នារួបរួមសាមគ្គី ខិតខំប្រឹងប្រែងផ្តោតការយកចិត្តទុកដាក់ទៅលើការអភិវឌ្ឍប្រកបដោយភាពប្រាកដប្រជា។សន្តិភាព ដែលសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជណាចក្រកម្ពុជា សម្រេចបាន និងបន្តរក្សាយ៉ាងរឹងមាំ គឺជាមូលដ្ឋាននៃគ្រប់ការអភិវឌ្ឍសេដ្ឋកិច្ចនិងសង្គមកម្ពុជា និងការប្រើប្រាស់ប្រាក់រៀលប្រកបដោយនិរន្តរភាព៕ អត្ថបទ៖ សុន រ៉ាឌី

សាខាកាកបាទក្រហមកម្ពុជារាជធានីភ្នំពេញ ទទួលទេយ្យទាន ពីវត្តលង្កាព្រះកុសុមារាម

ភ្នំពេញ៖ លោក ជិន ប៊ុនធឿន នាយកសាខាកាកបាទក្រហមកម្ពុជារាជធានីភ្នំពេញ ទទួលទេយ្យទានពីសម្តេចព្រះធម្មលិខិតបណ្ឌិត សៅរ៍ ចន្ទថុល្ល ព្រះចៅអធិការវត្តលង្កាព្រះកុសុមារាម, នារសៀលថ្ងៃទី២៨ កញ្ញា ២០២០នេះ។សម្តេចព្រះធម្មលិខិតបណ្ឌិត សៅរ៍ ចន្ទថុល្ល មានព្រះថេរដីកាថា សម្តេចតែងតែគាំទ្រជានិច្ច និងមានទឹកព្រះទ័យរីករាយ ក្នុងការចូលរួមចំណែកជាមួយសកម្មភាពមនុស្សធម៌របស់សាខា កាកបាទក្រហមកម្ពុជា រាជធានីភ្នំពេញ ជាពិសេសកាកបាទក្រហមកម្ពុជា ក្រោមការដឹកនាំដ៏ត្រឹមត្រូវប្រកបដោយគតិបណ្ឌិតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា។ក្នុងពិធីប្រគល់-ទទួល លោក ជិន ប៊ុនធឿន បានសម្តែងអំណរគុណយ៉ាងជ្រាលជ្រៅចំពោះទឹកព្រះទ័យពោរពេញដោយមនុស្សធម៌របស់សម្តេចព្រះធម្មលិខិតបណ្ឌិត សៅរ៍ ចន្ទថុល្ល ព្រះចៅអធិការវត្តលង្កាព្រះកុសុមារាម បានបង្ហាញឲ្យឃើញកាន់តែច្បាស់ ពីការចូលរួមចំណែករបស់វិស័យព្រះពុទ្ធសាសនា ក្នុងអាណាចក្រ និងពុទ្ធចក្រ បានផ្សារភ្ជាប់ជាមួយនឹងសកម្មភាពមនុស្សធម៌នានា ជាពិសេសជាមួយវិស័យមនុស្សធម៌ កាកបាទក្រហមកម្ពុជា ដែលមានសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ប្រមុខដឹកនាំប្រកបដោយគតិបណ្ឌិតជាមាតាមនុស្សធម៌ ដែលទីណាជួបការលំបាក ទីនោះមានអ្នកម្តាយមនុស្សធម៌។ហើយទេយ្យទាន ដែលសាខាកាកបាទក្រហមកម្ពុជារាជធានីភ្នំពេញ ទទួលនៅថ្ងៃនេះ នឹងយកទៅប្រើប្រាស់ឲ្យចំគោលដៅមនុស្សធម៌ សម្រាប់ជួយដល់ជនរងគ្រោះ និងជនងាយរងគ្រោះពិតប្រាកដ ដោយមិនប្រកាន់ពូជសាសន៍ ពណ៌សម្បុរ និងនិន្នាការនយោបាយណាមួយឡើយ ហើយសកម្មភាពមនុស្សធម៌របស់សាខាកាកបាទក្រហមកម្ពុជារាជធានីភ្នំពេញ ទៀតសោត គឺគោរពតាមគោលការណ៍គ្រឹះទាំង០៧ របស់ចលនាកាកបាទក្រហមកម្ពុជា និងអឌ្ឍចន្ទក្រហម និងតាមការចង្អុលបង្ហាញ ជាប្រចាំពីសំណាក់សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា៕ អត្ថបទ៖ រដ្ឋា

ព័ត៌មាន ជាតិនយោបាយ និង ការអភិវឌ្ឍន៍ ឯកឧត្ដម សុះ មុះសិន ណែនាំសិស្សានុសិស្សឱ្យ ខិតខំសិក្សារៀនសូត្រឱ្យបានពូកែ

ភ្នំពេញ៖ ឯកឧត្ដមវេជ្ជបណ្ឌិត សុះ មុះសិន សមាជិករដ្ឋសភា អនុប្រធានសហភាពសហព័ន្ធយុវជនកម្ពុជា និងជាប្រធានសមាគមគ្រូពេទ្យឥស្លាមកម្ពុជា បានក្រើនរម្លឹកទៅកាន់អាណាព្យាបាល និងសិស្សានុសិស្សឱ្យជំរុញ និងខិតខំសិក្សារៀនសូត្របានពូកែ ដើម្បីបានក្លាយជាទំពាំងស្នងឫស្សីនៃសង្គមជាតិ។ការជំរុញរំលឹកដាស់តឿនរបស់ឯកឧត្តម វេជ្ជបណ្ឌិត សុះ មុះសិន ទៅកាន់មាតាបិតា អាណាព្យាបាល និងសិស្សានុសិស្សឲ្យខិតខំសិក្សារៀនសូត្រ បានពូកែនិងក្លាយជាធនធានមនុស្សដ៏ល្អរបស់សង្គមជាតិ ខណ:អញ្ជើញក្នុងពិធីបើកការដ្ឋានសាងសង់អគារសិក្សាថ្មី១ខ្នង ដែលបំពាក់ដោយសម្ភារៈបរិក្ខារតុ កៅអី ក្តារខៀន នៅភូមិអណ្ដូងស្វាយ ឃុំត្នោតជុំ ស្រុកក្រគរ ខេត្តពោធិ៍សាត់ នាព្រឹកថ្ងៃទី២៧ កញ្ញានេះ។ឯកឧត្តមវេជ្ជបណ្ឌិត សុះ មុះសិន បានមានប្រសាសន៍ថា ក្មួយៗជាសិស្សានុសិស្ស ត្រូវយកចិត្តទុកដាក់រៀនសូត្រទាំងនៅសាលារៀននិងនៅផ្ទះ ដោយចៀសឆ្ងាយពីអំពើអបាយមុខ គ្រឿងញៀន ការដើរលេងច្រើន បងធំ បងតូចល្បែងស៊ីសងគ្រប់ប្រភេទ ពោល គឺត្រូវខិតខំ សិក្សារៀនសូត្រ ឲ្យបានក្លាយជាសិស្សពូកែ ជាសិស្សល្អ មិត្តល្អ និងជាកូនល្អ។ឯកឧត្ដម បានបញ្ជាក់ថា គោល នយោបាយរបស់រាជរដ្ឋាភិបាល ដែលមានសម្តេចតេជោជាប្រមុខ គឺបាននិងកំពុងបន្តការ រុញច្រានសាលារៀនឲ្យបាននៅកៀកនឹងមូលដ្ឋានរបស់ប្រជាពលរដ្ឋ ដូច្នេះក្មួយៗ ជាសិស្សានុសិស្សកុំបណ្ដែតបណ្ដោយខ្លួនឲ្យឱកាសដ៏ល្អនេះកន្លងផុត គឺត្រូវខិតខំសិក្សាតាំងពីថ្នាក់បឋមសិក្សា រហូតដល់អនុវិទ្យាល័យ វិទ្យាល័យ មហាវិទ្យាល័យ គ្រឹះស្ថានឧត្តមសិក្សា។ថ្នាក់ដឹកនាំឥស្លាមក្នុងខេត្តពោធិ៍ សាត់ក៏ដូចជាថ្នាក់ដឹកនាំឥស្លាមរួមនឹងមាតា បិតា អាណាព្យាបាលសិស្សានុសិស្សក្នុងមូលដ្ឋាន បានថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំ រាជរដ្ឋាភិបាល និងអង្គការសប្បុរសធម៌ ឌូបៃ តាមរយៈឯកឧត្តមវេជ្ជបណ្ឌិត និងសហការី ដែលបានយកចិត្តទុកដាក់ជួយក្នុងការកសាងអគារសិក្សាថ្មី១ ខ្នងដើម្បីជួយសម្រួលដល់ការលំបាកខ្វះខាតនូវអគារសិក្សា របស់សិស្សានុសិស្ស នៅទីជនបទនេះ៕ អត្ថបទ៖ សុទ្ធ

ក្រសួងផែនការ គ្រោងផ្សព្វផ្សាយរបាយការណ៍វឌ្ឍនភាពឆ្នាំ២០១៩ បង្ហាញពីសមិទ្ធផលរដ្ឋាភិបាល

ភ្នំពេញ៖ របាយការណ៍វឌ្ឍនភាពឆ្នាំ២០១៩ នៃការអនុវត្តផែនការយុទ្ធសាស្ត្រអភិវឌ្ឍន៍ជាតិ ឆ្នាំ២០១៩–២០២៣ និងចេញផ្សាយនៅពេលឆាប់ៗនេះ។ បើតាមរដ្ឋមន្ត្រីក្រសួងផែនការ ការរៀបចំផែនការយុទ្ធសាស្ត្រអភិវឌ្ឍន៍ជាតិនេះ មានសារៈសំខាន់ណាស់សម្រាប់វាយការតម្លៃការអនុវត្តគោលនយោយរបស់រាជរដ្ឋាភិបាល។មានប្រសាសន៍ ក្នុងកិច្ចប្រជុំអន្តរក្រសួងកម្រិតនយោបាយ ដើម្បីពិនិត្យ និងផ្តល់ការឯកភាពលើសេចក្តីព្រាងច្បាប់ របាយការណ៍វឌ្ឍនភាពឆ្នាំ២០១៩ នៃការអនុវត្តផែនការយុទ្ឋសាស្ត្រជាតិ ឆ្នាំ២០១៩–២០២៣ ស្ថិតនៅសណ្ឋាគារកាំបូឌីយ៉ាណា នាថ្ងៃទី២៨ ខែកញ្ញានេះ ឯកឧត្តមទេសរដ្ឋមន្ត្រី ឆាយ ថន រដ្ឋមន្ត្រីក្រសួងផែនការ បានថ្លែងថា ការរៀបចំផែនការយុទ្ធសាស្ត្រអភិវឌ្ឍន៍ជាតិ មានសារៈសំខាន់ណាស់សម្រាប់វាយការតម្លៃការអនុវត្តគោលនយោបាយអាទិភាពនានារបស់រាជរដ្ឋាភិបាលកម្ពុជា ដែលកំណត់ក្នុងយុទ្ធសាស្ត្រចតុកោណដំណាក់កាលទី០៤ និងសម្រាប់អនុវត្តធ្វើឲ្យសម្រេចបាន គោលដៅអភិវឌ្ឍប្រកបដោយចីរភាព ២០១៦–២០៣០។ ហើយឆ្នាំ២០១៩នេះ គឺជាឆ្នាំដំបូងនៃការអនុវត្តផែនការយុទ្ធសាស្ត្រអភិវឌ្ឍន៍ជាតិឆ្នាំ២០១៩–២០២៣ ដែលកំណត់នៅក្នុងជំពូកទី០៦នៃឯកសារផែនការនេះ។របាយការណ៍វឌ្ឍនភាពនៅឆ្នាំ២០១៩ ដែលរៀបចំដោយក្រសួងផែនការ គ្រោងនឹងផ្សព្វផ្សាយ ក្នុងពេលឆាប់ៗនេះ បន្ទាប់ពីកិច្ចប្រជុំអន្តរក្រសួងបិទបញ្ចប់នៅថ្ងៃនេះ។ របាយការណ៍នេះ នឹងបង្ហាញពីសមិទ្ធផលផ្សេងៗ និងបញ្ហាប្រឈមមួយចំនួនទៀតរបស់ក្រសួងសាប័ននៅក្នុងប្រទេសកម្ពុជា។បើយោងសេចក្តីព្រាងរបាយការណ៍របស់ក្រសួងផែនការ ដែលគ្រោងនឹងចេញផ្សាយនៅពេលឆាប់នេះៗ ក៍បានបង្ហាញដែរថា សេដ្ឋកិច្ចកម្ពុជាក្នុងឆ្នាំ២០១៩ បានបន្តកើនឡើងខ្ពស់រង្វង់៧,១ភាគរយ ក្នុងនោះវិស័យឧស្សាហកម្ម បានដើរតួរនាទីយ៉ាងសំខាន់ជាវិស័យជំរុញកំណើន និងបានកើនឡើងក្នុងកម្រិតប្រមាណ ១១,០ភាគរយ អនុវិស័យសំណង់មានកំណើនរឹងមាំ ចំណែកវិស័យសេវាកម្មនៅតែបន្ត មានកំណើនល្អប្រសើរក្នុងអត្រាប្រមាណ ៦,៧ភាគរយ ដែលគាំទ្រដោយការកើនឡើង នៃអនុវិស័យអចលនទ្រព្យ អនុវិស័យលក់ដុំ-រាយ អនុវិស័យដឹកជញ្ជូន និងគមនាគមន៍ និងអនុវិស័យសណ្ឋាគារ និងភោជនីយដ្ឋាន។វិស័យកសិកម្មមានកំណើនយឺត ពោល គឺក្នុងអត្រា ១,០ភាគរយ ដោយការថមថយកំណើននៃអនុវិស័យដំណាំ ប៉ុន្តែ អនុវិស័យចិញ្ចឹមសត្វ អនុវិស័យនេសាទអាចរក្សាបានកំណើនប្រហាក់ប្រហែលឆ្នាំ២០១៨៕ អត្ថបទ៖ទូច សោភ័ណ

ប្រមុខការទូតកម្ពុជា នឹងចូលរួមកិច្ចប្រជុំរដ្ឋមន្ត្រីការបរទេសអាស៊ាន-អង់គ្លេស តាមវីដេអូ នៅថ្ងៃទី៣០នេះ

ភ្នំពេញ ៖ ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នឹងអញ្ជើញចូលរួមកិច្ចប្រជុំរដ្ឋមន្ត្រីការបរទេសអាស៊ាន ជាមួយចក្រភពអង់គ្លេស ស្ដីពីជំងឺកូវីដ–១៩ ដែលនឹងប្រព្រឹត្តទៅនៅថ្ងៃទី៣០ ខែកញ្ញា ឆ្នាំ២០២០ តាមប្រព័ន្ធវីដេអូ។យោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ដែលបានចេញ នៅព្រឹកថ្ងៃទី២៩ ខែកញ្ញានេះ បានឲ្យដឹងថា ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា នឹងអញ្ជើញចូលរួមកិច្ចប្រជុំរដ្ឋមន្ត្រីការបរទេសអាស៊ាន ជាមួយចក្រភពអង់គ្លេស ស្ដីពីជំងឺកូវីដ–១៩ ដែលនឹងប្រព្រឹត្តទៅនៅថ្ងៃទី៣០ ខែកញ្ញា ឆ្នាំ២០២០ តាមរយៈប្រព័ន្ធវីដេអូ។សេចក្តីប្រកាស បានបន្តថា នៅក្នុងកិច្ចប្រជុំនោះ រដ្ឋមន្ត្រីការបរទេសអាស៊ាន និងអង់គ្លេស នឹងផ្លាស់ប្តូរយោបល់គ្នាអំពីបទពិសោធន៍ និងឧត្តម្មានុវត្តន៍ ក្នុងការឆ្លើយតបនឹងការរាតត្បាតជំងឺកូវីដ–១៩ ក៏ដូចជា ផែនការស្តារសេដ្ឋកិច្ចឡើងវិញក្រោយពីវិបត្តិជំងឺនេះ។ក្នុងឱកាសនេះដែរ រដ្ឋមន្ត្រីការបរទេសទាំងអស់ ក៏នឹងពិភាក្សាអំពីវិធីសាស្ត្រនានាដើម្បីលើកកម្ពស់ទំនាក់ទំនង និងកិច្ចសហប្រតិបត្តិការលើគ្រប់វិស័យដែលមានផលប្រយោជន៍រួមគ្នារវាងអង់គ្លេស និងប្រទេសសមាជិកអាស៊ាន។ បញ្ហាតំបន់ និងសកល ដែលជាកង្វល់រួម ក៏ជារបៀបវារៈនៃកិច្ចពិភាក្សាគ្នាផងដែរ។សេចក្តីប្រកាសព័ត៌មានដដែល បានបញ្ជាក់ទៀតថា កិច្ចប្រជុំតាមប្រព័ន្ធវីដេអូនេះ នឹងក្លាយជាជំហានមួយឆ្ពោះទៅរកការរៀបចំទិសដៅអនាគតសម្រាប់ជំរុញទំនាក់ទំនង និងកិច្ចសហប្រតិបត្តិការអាស៊ាន-អង់គ្លេស ក្នុងបរិបទនៃបញ្ហាប្រឈមជាសកលនៃជំងឺឆ្លងកូវីដ–១៩ ដែលពុំធ្លាប់មានពីមុន និងការចាកចេញរបស់អង់គ្លេសពីសហភាពអឺរ៉ុប៕អត្ថបទ ៖ បាន ចក់

អគ្គលេខាធិការព្រឹទ្ធសភារំពឹងថា ចិននឹងសិក្សាធ្វើយ៉ាងណាឲ្យបណ្តាល័យនៅកម្ពុជា ក្លាយជាបណ្ណាល័យអេឡិចត្រូនិក

កម្មករ-និយោជិត ដែលព្យួរការងារនៅស្វាយរៀង ទទួលបានថវិកាពីរដ្ឋាភិបាល ជិតហុកសិបម៉ឺនដុល្លារ

ស្វាយរៀង ៖ កម្មករ និយោជិត ព្យួរការងារតាមប្រព័ន្ធស្វយ័តប្រវត្តិកម្ម ដោយវិបត្តិជំងឺកូវីដ–១៩ នៅស្វាយរៀង បានទទួលសារបើកសាច់ប្រាក់ពីរាជរដ្ឋាភិបាលចំនួន៤០ដុល្លារ រួចរាល់ហើយ ខណៈដែលកម្មករនិយោជិត ជាង៣ពាន់នាក់ផ្សេងទៀត និងបន្តបើកក្រោយពេលដែលមន្ត្រីមន្ទីរការងារបណ្តុះបណ្តាលវិជ្ជាជីវៈ និងថៅកែរោងចក្រ ធ្វើលិខិតបែបបទរួច ។លោក អ៊ូ សុខឿន ប្រធានមន្ទីរការងារបណ្តុះបណ្តាលវិជ្ជាជីវៈខេត្តស្វាយរៀង នៅថ្ងៃទី២៨ ខែកញ្ញាម្សិលមិញ បានបញ្ជាក់ថា នៅក្នុងវិបត្តិជម្ងឺកូវីដ១៩ គួបផ្សំទៅ និងខ្វះអ្នកបញ្ជាទិញទំនិញក្នុងរយះពេលប៉ុន្មានខែនេះ នៅទូទាំងខេត្ត ថៅកែរោងចក្រ សហគ្រាស បានទទួលសិទ្ធិ និងដាក់អោយកម្មករ និយោជិត ព្យួរការងារតាមប្រព័ន្ធស្វយ័តប្រវត្តកម្ម ដោយទទួលសាច់ប្រាក់ពីរោងចក្រ សហគ្រាស ចំនួន៣០ដុល្លារ និង៤០ ដុល្លារ ពីរាជរដ្ឋាភិបាលកម្ពុជា មានចំនួន២០ក្រុមហ៊ុនស្នើនិង៦១លើក គិតត្រឹមថ្ងៃទី ២៨ ខែកញ្ញា ដែលក្រុមកម្មករ និយោជិតបានសម្រាកពីការងារមានចំនួន ១៨ ពាន់ ២៥៨ នាក់ ។លោក បន្តថា នៅក្នុងចំណោមកម្មករ និយោជិត សម្រាកការងារ ចំនួន ១៨ពាន់២៥៨នាក់ នៅតាមរោងចក្រ សហគ្រាស ចំនួន២០ ស្មើនិង៦១លើក ដែលថៅកែបានសុំព្យួរការងារតាមប្រព័ន្ធស្វយ័តប្រវត្តកម្ម រហូតមកដល់ពេលនេះ មន្ទីរបានទទួលសារពីរាជរដ្ឋាភិបាល ស្តីពីការ ផ្តល់សាច់ប្រាក់បើកជូនកម្មករ មានចំនួន១៣ ក្រុមហ៊ុនស្មើនិង៦១លើក មានកម្មករនិងយោជិត ត្រូវបានបើកសាច់ប្រាក់ចំនួន៤០ដុល្លារ ចំនួន ១៤ពាន់៨១៣នាក់ ។ទាក់ទងទៅនិងកម្មករ និយោជិត ដែលសម្រាកការងារហើយមិនទាន់បានបើកសាច់ប្រាក់ពីរាជរដ្ឋាភិបាលចំនួន៤០ដុល្លារ ជាង៣ពាន់នាក់ផ្សេងទៀតនោះ បើតាមការបានបញ្ជាក់របស់លោកប្រធានមន្ទីរ បានឲ្យដឹងថា ក្រុមកម្មករ និយោជិត ទាំងនោះបច្ចុប្បន្ន ក្រុមការងារមន្ទីរ និងថៅកែរោងចក្រកំពុងតែធ្វើបែបបទផ្តល់ទៅផ្នែកពាក់ព័ន្ធដើម្បីសម្របសម្រួល និងបន្តបើកជូនក្រុមគាត់នៅពេលក្រោយ ។ស្វាយរៀងជាខេត្តដែលរាជរដ្ឋាភិបាលបានបង្កើតអោយមានតំបន់សេដ្ឋកិច្ចពិសេសនៅឆ្នាំ២០០៥ រហូតមកដល់ពេលនេះ ខេត្តមានតំបន់សេដ្ឋកិច្ចពិសេសចំនួន៨តំបន់កំពុងដំណើរការផលិតទំនិញក្នុងចំណោមតំបន់សេដ្ឋកិច្ចពិសេសទាំង១១តំបន់ បើទោះជាមានវិបត្តិ ជម្ងឺកូវីដ១៩ បានផ្ទុះនៅក្នុងពិភពលោ ក តែខ្សែសង្វាក់ផលិតកម្ម របស់កម្មករ ទាំងជាង៦ម៉ឺននាក់ដែលកំពុងបន្តការងាររបស់ខ្លួនដដែល ខណៈដែលកម្មករតែជាង ១ម៉ឺននាក់ប៉ុណ្ណេះ ដែលត្រូវបានថៅកែដាក់អោយទំនេរពីការងារដោយបើកប្រាក់ពីរាជរដ្ឋាភិបាលចំនួន៤០ដុល្លារ និង៣០ដុល្លារ ពីថៅកែរោងចក្រ៕អត្ថបទ ៖ ភា សារិត

ការលួចឆ្លងដែនដោយខុសច្បាប់ បានបន្ថែមទម្ងន់លើវិបត្តិកូវីដ១៩

សៀមរាប ៖ លេខាធិការដ្ឋាន នៃគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តសៀមរាប បានបង្ហាញ កង្វល់ថា វាជាទម្ងន់បន្ថែមលើដំណោះស្រាយ ខណៈពេលដែលពលរដ្ឋខ្មែរមួយចំនួន នៅតែលួចឆ្លងដែន នៅក្នុងអន្តរកាល នៃវិបត្តិកូវីត១៩នេះ។នៅក្នុងកិច្ចប្រជុំប្រចាំត្រីមាសទី៣ ឆ្នាំ២០២០ របស់គណៈកម្មាធិការប្រយុទ្ធប្រឆាំងអំពើជួញដូរ មនុស្ស ខេត្តសៀមរាប កាលពីថ្ងៃទី២៨ ខែកញ្ញា ម្សិលមិញ លោកស្រី យូ សុភា អភិបាលរងខេត្ត និងជាប្រធានលេខាធិការដ្ឋានគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តសៀមរាប បានបញ្ជាក់ថា មកដល់ពេលនេះ ក្រុមការងារជំនាញបានរកឃើញថា ប្រជាពលរដ្ឋខេត្តសៀមរាប ដែលបានធ្វើចំណាកស្រុកទៅរកការងារ ធ្វើនៅក្រៅប្រទេស ចំនួនជាង៥ម៉ឺននាក់ ក្នុងនេះការធ្វើចំណាកស្រុកដោយស្របច្បាប់ មានចំនួនតែជាង ២ម៉ឺននាក់ ហើយការធ្វើចំណូលស្រុកមកវិញ មានចំនួនជាងបីម៉ឺននាក់។ ក្រុមអ្នកចំណូលស្រុកទាំងនេះ មានមួយចំនួន បានព្យាយាមឆ្លងដែនត្រឡប់ទៅវិញ ដោយផ្សងនឹងគ្រោះថ្នាក់ជាច្រើន ដោយសារតែការ ចាញ់ឧបាយកលមេខ្យល់ ដែលទាំងនោះ គឺជាក្តីកង្វល់មួយ។លោកស្រី បានបន្ថែមថា មូលហេតុមួយចំនួន នៃការលួចឆ្លងដែនជាថ្មី របស់ពលរដ្ឋខ្មែរទាំងនោះ ក្រៅពីការអូសទាញ ក៏មានមួយចំនួនដែរ ជាពលករស្របច្បាប់ បានធ្វើចំណូលស្រុកមកវិញដោយខុស ច្បាប់ នៅពេលដែលព្រំដែនត្រូវបានបិទ។ ការឆ្លងដែនក្នុងពេលដែលច្រកព្រំដែនត្រូវបានបិទ វាជាករណី ខុសច្បាប់រួចទៅហើយ ប៉ុន្តែវាក៏កំពុងឋិតក្នុងវិបត្តិកូវីដ១៩ថែមទៀត ដែលទាំងអស់នេះ បានក្លាយជាបន្ទុក ដ៏ធ្ងន់ធ្ងរសម្រាប់ការរកដំណោះស្រាយ។លោកស្រី យូ សុភាព បានបញ្ជាក់ថា យ៉ាងណាក៏ដោយ ឆ្លើយតបទៅនឹងបញ្ហាទាំងនេះ គណៈកម្មាធិការប្រយុទ្ធប្រឆាំង អំពើជួញដូរមនុស្ស បានសហការជាមួយរដ្ឋបាលខេត្ត រៀបចំកម្លាំងទទួលពលរដ្ឋ ខ្មែរ ដែលបានធ្វើចំណូលស្រុកវិញ ប្រចាំការនៅតាមបណ្តាច្រកទ្វារព្រំដែន ដូចជា ប៉ោយប៉ែត ម៉ាឡៃ និង អូរបីជាន់ ជាដើម ជាមួយនឹងការអនុវត្តតាមវិធានសុវត្ថិភាព ដែលដាក់ចេញដោយក្រសួងសុខាភិបាល ធ្វើ ចត្តាឡីស័ក ឧបត្ថម្ភអាហារ ដឹកជញ្ជូនទៅកាន់មូលដ្ឋាន តាមដានសុខភាព បង្ការទប់ស្កាត់រលកទី២ ចូល ក្នុងសហគមន៍៕អត្ថបទ៖ ងឹន គឹមឡេង

មន្ទីរពេទ្យបង្អែកខេត្តកោះកុង ទទួលបានជំនួយបរិក្ខារវេជ្ជសាស្ត្រដើម្បីលើកកម្ពស់សេវាសុខាភិបាល

កោះកុង ៖ ទីភ្នាក់ងារសហប្រតិបត្តិការអន្តរជាតិរបស់ថៃ បានផ្តល់នូវសម្ភារបរិក្ខារវេជ្ជសាស្ត្រដល់មន្ទីរពេទ្យបង្អែក ខេត្តកោះកុង ក្នុងន័យលើកកម្ពស់វិស័យសុខាភិបាល ឱ្យកាន់តែល្អប្រសើរជូនដល់ប្រជាពលរដ្ឋកម្ពុជា ជាពិសេសអ្នករស់នៅក្នុងខេត្តកោះកុង។រដ្ឋាភិបាលថៃ តាមរយៈទីភ្នាក់ងារកិច្ចសហប្រតិបត្តិការអន្តរជាតិថៃ នៅតែអនុវត្តទៅគម្រោងកិច្ច សន្យារបស់ខ្លួន លើការគាំទ្រ និងផ្តល់ជំនួយជាអគារសង្គ្រោះបន្ទាន់ បន្ទប់បោក គក់សម្លាប់មេរោគរួមជា លក្ខណៈទំនើប និងសម្ភារបម្រើដល់ផ្នែកវេជ្ជសាស្ត្រមួយចំនួនធំទៀត ដល់មន្ទីរពេទ្យបង្អែកខេត្តកោះកុង។លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុង បានឱ្យដឹងនៅថ្ងៃទី២៩ ខែកញ្ញា នេះថា ៦ខែមកនេះ ភាគីថៃ បានជួយសាងសង់អគារថ្មីទំនើបមួយ ដែលផ្តោតលើការអន្តរាគមន៍ ជួយសង្គ្រោះបន្ទាន់។ គ្រឿងសម្ភារបរិក្ខារពេទ្យ ដែលទទួលមកពីក្រុមការងារទីភ្នាក់ងារសហប្រតិបត្តិអន្តរ ជាតិថៃ កាលពីថ្ងៃទី២៨ ខែកញ្ញា ម្សិលមិញ គឺនឹងត្រូវបំពាក់នៅក្នុងអគារថ្មីនេះតែម្តង មុននឹងដាក់ឱ្យដំណើរការជាផ្លូវការ នៅពេលខាងមុខ។ ប៉ុន្តែទោះជាបែបនេះក្តី ក៏ក្រុមការងារជំនាញថៃ ផ្តើមប្រើប្រាស់អគារ និងសម្ភារពេទ្យ នេះជាបណ្តើរៗ។លោកវេជ្ជបណ្ឌិត មានសុទិដ្ឋិនិយមថា សាធារណជន និងប្រជាពលរដ្ឋ នឹងកាន់តែមានទំនុកចិត្ត ខ្ពស់មកលើវិស័យសេវាសុខាភិបាលរបស់រដ្ឋ ដោយអាចធ្វើឱ្យពួកគេ មិនងាកទៅទទួលយកសេវាឯកជន ឬមន្ទីរពេទ្យប្រទេសជិតខាងទៀតឡើយ។មន្ទីរពេទ្យបង្អែកខេត្តកោះកុង កាលពីឆ្នាំ២០១៩ បានជាប់ជ័យលាភីលេខ១ កម្រិត២ CPA2 ទូទាំងប្រទេស បន្ទាប់ពីបានចូលរួមប្រកួតប្រជែង និងមានការវាយតម្លៃយ៉ាងសុក្រឹត យុត្តិធម៌ ពីគណៈកម្ម ការអន្តរក្រសួង រួមមាន ក្រសួងមុខងារសាធារណៈ ក្រសួងសុខាភិបាល ក្រសួងអប់រំ ក្រសួងបរិស្ថាន និង គណៈកម្មការកែទម្រង់ប្រជាធិបតេយ្យជាតិ៕

អាជ្ញាធរជាតិសំបូរព្រៃគុកអំពាវនាវឱ្យពលរដ្ឋនៅក្នុងតំបន់អភិរក្សចូលរួមការពារសម្បត្តិបេតិកភណ្ឌ

កំពង់ធំ ៖ អាជ្ញាធរជាតិប្រាសាទសំបូរព្រៃគុក បានអំពាវនាវដល់ប្រជាពលរដ្ឋទាំងអស់ ដែលរស់នៅតំបន់អភិរក្ស ប្រាសាទបេតិកភណ្ឌពិភពលោក “ប្រាសាទសំបូរព្រៃគុក” ឱ្យចូលរួមគោរពច្បាប់ និងការពារបេតិកភណ្ឌ ដើម្បីឱ្យប្រាសាទទាំងអស់នៅក្នុងតំបន់ អាចរក្សាបានគង់វង្សយូរអង្វែង និងក្លាយជាគោលដៅទេសចរណ៍ ល្អឯកសម្រាប់ភ្ញៀវទេសចរ។ក្នុងសិក្ខាសាលាផ្សព្វផ្សាយច្បាប់កិច្ចការពារបេតិកភណ្ឌ នៅតំបន់រមណីយដ្ឋានប្រាសាទសំបូរព្រៃ គុក កាលពីថ្ងៃទី២៨ ខែកញ្ញា ម្សិលមិញ លោក ហេង ថាន អគ្គនាយករងអាជ្ញាធរជាតិសំបូរព្រៃគុក បានលើកឡើងថា ប្រាសាទសំបូរព្រៃគុក គង់វង្សទៅបាន ត្រូវតែមានកិច្ចសហការ និងការពារពីប្រជាពលរដ្ឋនៅក្នុងតំបន់ រួមទាំង ភ្ញៀវទេសចរផងដែរ។លោក បានបញ្ជាក់ថា ប្រជាពលរដ្ឋ និងអាជ្ញាធរមូលដ្ឋាន ដែលរស់នៅក្នុងតំបន់ ត្រូវតែដឹងពីច្បាប់ បទដ្ឋានគតិយុត្តនានា និងស្វែងយល់ពីកិច្ចការពារ ក្នុងការចូលរួមថែរក្សាបេតិកភណ្ឌវប្បធម៌ ដែលជាកេរ តំណែលរបស់ដូនតា។ កិច្ចការពារអភិរក្ស និងថែរក្សាស្លាកស្នាមរចនាសម្ព័ន្ធដែនដីក្រុងបុរាណប្រាសាទ ទំនៀមទម្លាប់ ប្រពៃណី បែបបទ នៃការរស់នៅរបស់ប្រជាជន និងទម្រង់សំណង់ផ្សេងៗ នៅក្នុងតំបន់ការ ពាររមណីយដ្ឋានសំបូរព្រៃគុក គឺជារឿងចាំបាច់បំផុត ដែលត្រូវអនុវត្តច្បាប់ និងតម្រូវឱ្យមានស្មារតីចូលរួម សហការខ្ពស់ពីប្រជាពលរដ្ឋក្នុងតំបន់ ប្រកបដោយការទទួលខុសត្រូវ។ឧត្តមសេនីយ៍ទោ ស៊ុន វុឌ្ឍី ប្រធាននាយកដ្ឋានសណ្តាប់ធ្នាប់ បានស្នើឱ្យអាជ្ញាធរពាក់ព័ន្ធទាំងអស់ ជួយផ្សព្វផ្សាយដល់ប្រជាពលរដ្ឋនៅក្នុងតំបន់ ឱ្យមានការយល់ដឹងខ្ពស់អំពីអត្ថប្រយោជន៍ នៃប្រាង្គប្រាសាទ។ ជាពិសេសកងកម្លាំងនគរបាលការពារបេតិកភណ្ឌ ប្រចាំការនៅរមណីយដ្ឋាន ត្រូវមានទំនួលខុសត្រូវ ពន្យល់ណែនាំដល់អាជីវករ និងប្រជាពលរដ្ឋរស់នៅក្នុងតំបន់ឱ្យយល់ដឹងអំពីច្បាប់ នៃកិច្ចការពារបេតិកភណ្ឌ ដែលត្រូវបានតាក់តែងឡើងដើម្បីថែរក្សានូវគោលដៅទេសចរណ៍ និងទាក់ទាញទេសចរ៕អត្ថបទ៖ លី សាងស៊ីន

បណ្ដាញសង្គម

ព័ត៌មានថ្មីៗ

ក្រសួងការពារជាតិកម្ពុជា បន្តអំពាវនាវឲ្យថៃដោះលែងទាហានខ្មែ១៨នាក់ដែលថៃចាប់ទៅ ខណៈពេលនេះ ៥២ថ្ងៃហើយ

កម្ពុជា បន្តរក្សាការអភិវឌ្ឍ និងនវានុវត្តន៍បច្ចេកវិទ្យា នៅក្នុងវិស័យសន្តិសុខផ្ទៃក្នុង

កម្ពុជា លើកឡើងអំពី ចក្ខុវិស័យក្នុងការជំរុញកិច្ចសហប្រតិបត្តិការអាស៊ាន-ចិន

បុរាណវិទូរកឃើញហ្វូស៊ីលត្រីដូហ្វាំងនៅបាតសមសមុទ្របុរាណប្រទេសប៉េរូ

ពលរដ្ឋអាហ្វហ្គានីស្ថានធ្វើមាតុភូមិនិវត្តន៍ជួបការលំបាក ស្របពេលកើតវិបត្តិសេដ្ឋកិច្ច និងអាកាសធាតុ

មន្រ្តីសុខាភិបាល ត្រូវមានស្មារតីបុរេសកម្ម នវានុវត្តន៍ ពង្រឹងសមត្ថភាព ដេីម្បីបង្កេីនគុណ ប្រសិទ្ធភា ព ជូនប្រជាពលរដ្ឋ

រដ្ឋមន្ត្រីក្រសួងទេសចរណ៍៖ បច្ចេកវិទ្យាឌីជីថល គឺជាកម្លាំងចលករថ្មីមួយសម្រាប់កំណើនសេដ្ឋកិច្ចសកល

ប្រាក់ចំណូលពីប្រេង និងឧស្ម័នរបស់រុស្ស៊ី នៅខែកញ្ញា ទំនងធ្លាក់ចុះ ២៣ភាគរយ

UN ៖ បម្រែបម្រួលអាកាសធាតុ បង្កភាពវឹកវរដល់វដ្តទឹករបស់ពិភពលោក

គុយបាអំពាវនាវឲ្យ UNបញ្ឈប់ការធ្វើយោធូបនីយកម្មសហរដ្ឋអាមេរិកនៅក្នុងតំបន់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

តម្រូវការប្រាក់រៀល បានកើនឡើងជាមធ្យម ១៦ភាគរយ ក្នុងមួយឆ្នាំៗ

សាខាកាកបាទក្រហមកម្ពុជារាជធានីភ្នំពេញ ទទួលទេយ្យទាន ពីវត្តលង្កាព្រះកុសុមារាម

ក្រសួងផែនការ គ្រោងផ្សព្វផ្សាយរបាយការណ៍វឌ្ឍនភាពឆ្នាំ២០១៩ បង្ហាញពីសមិទ្ធផលរដ្ឋាភិបាល

ប្រមុខការទូតកម្ពុជា នឹងចូលរួមកិច្ចប្រជុំរដ្ឋមន្ត្រីការបរទេសអាស៊ាន-អង់គ្លេស តាមវីដេអូ នៅថ្ងៃទី៣០នេះ

អគ្គលេខាធិការព្រឹទ្ធសភារំពឹងថា ចិននឹងសិក្សាធ្វើយ៉ាងណាឲ្យបណ្តាល័យនៅកម្ពុជា ក្លាយជាបណ្ណាល័យអេឡិចត្រូនិក

កម្មករ-និយោជិត ដែលព្យួរការងារនៅស្វាយរៀង ទទួលបានថវិកាពីរដ្ឋាភិបាល ជិតហុកសិបម៉ឺនដុល្លារ

ការលួចឆ្លងដែនដោយខុសច្បាប់ បានបន្ថែមទម្ងន់លើវិបត្តិកូវីដ១៩

មន្ទីរពេទ្យបង្អែកខេត្តកោះកុង ទទួលបានជំនួយបរិក្ខារវេជ្ជសាស្ត្រដើម្បីលើកកម្ពស់សេវាសុខាភិបាល

អាជ្ញាធរជាតិសំបូរព្រៃគុកអំពាវនាវឱ្យពលរដ្ឋនៅក្នុងតំបន់អភិរក្សចូលរួមការពារសម្បត្តិបេតិកភណ្ឌ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

តម្រូវការ​ប្រាក់​រៀល​ បាន​កើន​ឡើងជា​មធ្យម ១៦​ភាគរយ ក្នុង​មួយឆ្នាំៗ​

សាខា​កាក​បាទក្រហមកម្ពុជារាជធានី​ភ្នំពេញ ទទួល​ទេយ្យទាន ពី​វត្ត​លង្កា​ព្រះ​កុសុមារាម​

ក្រសួងផែនការ​ គ្រោង​ផ្សព្វផ្សាយ​របាយការណ៍​វឌ្ឍនភាព​ឆ្នាំ​២០១៩ បង្ហាញ​ពី​សមិទ្ធផល​រដ្ឋាភិបាល

កម្មករ​-​និយោជិត ដែល​ព្យួរ​ការងារ​នៅ​ស្វាយរៀង​ ទទួលបាន​ថវិកា​ពី​រដ្ឋាភិបាល ជិត​ហុកសិប​ម៉ឺន​ដុល្លារ

ការ​លួច​ឆ្លងដែន​ដោយ​ខុសច្បាប់ ​បាន​បន្ថែម​ទម្ងន់​លើ​វិបត្តិ​កូ​វីដ​១៩

មន្ទីរពេទ្យបង្អែក​ខេត្តកោះកុង ​ទទួល​បាន​ជំនួយ​បរិក្ខារ​វេជ្ជសាស្ត្រ​ដើម្បី​លើកកម្ពស់​សេវា​សុខាភិបាល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

តម្រូវការប្រាក់រៀល បានកើនឡើងជាមធ្យម ១៦ភាគរយ ក្នុងមួយឆ្នាំៗ

សាខាកាកបាទក្រហមកម្ពុជារាជធានីភ្នំពេញ ទទួលទេយ្យទាន ពីវត្តលង្កាព្រះកុសុមារាម

ក្រសួងផែនការ គ្រោងផ្សព្វផ្សាយរបាយការណ៍វឌ្ឍនភាពឆ្នាំ២០១៩ បង្ហាញពីសមិទ្ធផលរដ្ឋាភិបាល

កម្មករ-និយោជិត ដែលព្យួរការងារនៅស្វាយរៀង ទទួលបានថវិកាពីរដ្ឋាភិបាល ជិតហុកសិបម៉ឺនដុល្លារ

ការលួចឆ្លងដែនដោយខុសច្បាប់ បានបន្ថែមទម្ងន់លើវិបត្តិកូវីដ១៩

មន្ទីរពេទ្យបង្អែកខេត្តកោះកុង ទទួលបានជំនួយបរិក្ខារវេជ្ជសាស្ត្រដើម្បីលើកកម្ពស់សេវាសុខាភិបាល