BTV NEWS

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ និង ការអភិវឌ្ឍន៍

ក្រសួងការបទេសមិនទាន់រកឃើញ NGO ណាមួយចូលរួមលាងលុយខុសច្បាប់ ពីបរទេសនោះទេ

ភ្នំពេញ ៖ ជាថ្មីម្តង ក្រសួងការបទេស និងសហប្រតិបត្តិការអន្តរជាតិ នៅថ្ងៃទី២៩ ខែកញ្ញានេះ បានបញ្ជាក់ថា បច្ចុប្បន្ននេះ ក្រសួងការបទេសមិនទាន់រកឃើញអង្គមិនមែនរដ្ឋាភិបាលបរទេសណាមួយ បានចូលរួមលាងលុយពីបរទេសនោះទេ។ឯកឧត្តម លុយ ដាវីត រដ្ឋលេខាធិការ ក្រសួងការបរទេស និងសហប្រតិបត្តិការអន្តរជាតិ ដឹកនាំកិច្ចប្រជុំពិគ្រោះយោបល់រវាងរាជរដ្ឋាភិបាលកម្ពុជា និងអង្គការមិនមែនរដ្ឋាភិបាលបរទេសលើកទី២ ចាប់ពីថ្ងៃទី២៩–៣០ ខែកញ្ញា ឆ្នាំ២០២០ នៅទីស្តីការក្រសួង។កិច្ចប្រជុំនេះ មានគោលបំណងផ្លាស់ប្ដូរទស្សនទានដោយស្មោះត្រង់ និងពង្រឹងកិច្ចសហប្រតិបត្តិការ រវាងរាជរដ្ឋាភិបាលកម្ពុជា និងអង្គការមិនមែនរដ្ឋាភិបាលបរទេស ព្រមទាំងលើកកម្ពស់ការយល់ដឹង ដល់អង្គការមិនមែនរដ្ឋាភិបាលបរទេស អំពី «ច្បាប់ស្តីពីការប្រឆាំងហិរញ្ញប្បទាន ដល់ការរីកសាយ ភាយអាវុធមហាប្រល័យ» និង «ច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទាន ភេរវកម្ម» និងកាតព្វកិច្ចរបស់អង្គការមិនមែនរដ្ឋាភិបាលបរទេស។មានប្រសាសន៍ក្នុងកិច្ចប្រជុំខាងលើ ឯកឧត្តម លុយ ដាវីតរដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា បច្ចុប្បន្ននេះ ក្រសួងការបរទេសមិនបានរកឃើញ អង្គការមិនមែនរដ្ឋាភិបាលបរទេសណាមួយ ចូលរួមលាងលុយខុសច្បាប់ និងផ្ដល់ហិរញ្ញប្បទានជូនភេរវកម្ម នោះទេ។ឯកឧត្តម ថា អង្គការមិនមែនរដ្ឋាភិបាលបរទេស គឺបានគោរពតាមច្បាប់នៃព្រះរាជាណាចក្រកម្ពុជា និងមានសហប្រតិបត្តិការល្អជាមួយក្រសួង។នៅឆ្នាំ២០១៩ កន្លងទៅ អង្គការឃ្លាំមើលការលាងលុយកខ្វក់អន្តរជាតិដែលហៅកាត់ជា ភាសារអង់គ្លេសថា «FATF» បានដាក់កម្ពុជាក្នុងបញ្ជីប្រផេះ ដើម្បីតាមដានការលាងលុយកខ្វក់ ខណៈកម្ពុជា មានលំហូរអ្នកវិនិយោគចិន ផ្នែកសំណង់ ខុនដូរ និងកាស៊ីណូ ជាដើម។ឆ្លើយតបទៅនឹងការចោទប្រកាន់នេះ នៅឆ្នាំ២០២០នេះ រាជរដ្ឋាភិបាលបានបង្កើតច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទាន ភេរវកម្ម។មាត្រា៣៨នៃច្បាប់នេះ ត្រូវផ្ដន្ទាទោសដាក់ពន្ធនាគារ ពី២ឆ្នាំទៅ០៥ឆ្នាំ និងពិន័យជាប្រាក់ពីមួយរយលានរៀលទៅប្រាំរយលានរៀល ឫរហូតដល់ស្មើនឹងតម្លៃមូលនិធិ ឫទ្រព្យសម្បត្តិដែលជាកម្មវត្ថុនៃការសម្អាតប្រាក់ខុសច្បាប់៕អត្ថបទ ៖ ទូច សោភ័ណ

នគរបាលការពារព្រំដែន ត្រូវត្រៀមខ្លួនជានិច្ច ក្នុងកិច្ចការពារសន្តិសុខ អធិបតេយ្យភាព បូរណភាពទឹកដី

តាកែវ៖ អគ្គស្នងការរងនគរបាលជាតិ និងជាមេបញ្ជាការគណៈបញ្ជាការនគរបាលជាតិប្រចាំទិសភូមិភាគទី៣ លោកឧត្តមសេនីយ៍ឯក តេង សួន បានរំលឹកដល់នគរបាលការពារព្រំដែនទាំងអស់ ត្រូវត្រៀមខ្លួនជានិច្ចក្នុងកិច្ចការពារសន្តិសុខ សណ្ដាប់ធ្នាប់ អធិបតេយ្យភាព បូរណភាពទឹកដី និងបន្តការអនុវត្តន៍គោលនយោបាយភូមិ-ឃុំ មានសុវត្ថិភាព ហើយជាពិសេសទៅទៀតនោះ ត្រូវមានភក្ដីភាពការពាររដ្ឋធម្មនុញ្ញ និងការពារដាច់ខាតចំពោះព្រះមហាក្សត្រ ប្រមុខរាជរដ្ឋាភិបាល ក្រសួងមហាផ្ទៃ និងអគ្គស្នងការដ្ឋាននគរបាលជាតិ ទោះស្ថិតក្នុងកាលៈទេសៈបែបណាក៏ដោយ។ការលើកឡើងរបស់អគ្គស្នងការរងរូបនេះ គឺបានធ្វើឡើងនៅក្នុងពិធីប្រគល់ទទួលម៉ូតូចំនួន៤៣គ្រឿង និងម៉ាស៊ីនភ្លើងចំនួន៣០គ្រឿង របស់សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រី ក្រសួងមហាផ្ទៃ ផ្តល់ជូនដល់ វរៈសេនាតូច និងប៉ុស្តិ៍នគរបាលការពារតាមព្រំដែនទឹក-គោក ចំណុះគណៈបញ្ជាការនគរបាលជាតិប្រចាំទិសភូមិភាគទី៣ នៅស្នងការដ្ឋាននគរបាលខេត្តតាកែវ នាព្រឹកថ្ងៃទី២៩ ខែកញ្ញា ឆ្នាំ២០២០នេះ។ឯកឧត្ដមឧត្តមសេនីយ៍ឯក តេង សួន បានលើកឡើងថា «ចំពោះការងារព្រំដែនត្រូវបន្តលើកកម្ពស់ស្មារតីសាមគ្គីភាពជាមួយកងយោធពលខេមរភូមិន្ទ, បន្តតាមដានស្រាវជ្រាវរកមុខសញ្ញាប្រព្រឹត្តបទល្មើស, បន្តជំរុញបើកវគ្គហ្វឹកហ្វឺនផ្ទៃក្នុង និងហ្វឹកហ្វឺនការងារព្រំដែន ដល់វរសេនាតូច និងបន្តសហការជាមួយស្ថាប័នផ្សេងៗ»។ឯកឧត្ដមបានបន្តថា ក្នុងនាមយើងជានគរបាលត្រូវទប់ស្កាត់កុំឲ្យមានការរីករាលដាលនូវបញ្ហាគ្រឿងញៀន, ត្រូវបន្តផ្សព្វផ្សាយអប់រំ ដល់ប្រជាពលរដ្ឋឲ្យយល់ដឹងពីបញ្ហាគ្រឿងញៀន, ត្រូវចុះធ្វើការណែនាំជាប្រចាំដល់ ក្លឹបកម្សាន្ត កន្លែងសប្បាយដ្ឋាន ផ្ទះសំណាក់ សណ្ឋាគារ និងបន្តសហការជាមួយសមត្ថកិច្ចពាក់ព័ន្ធក្នុងការបង្ក្រាបមុខសញ្ញាជាដើមនោះ។គួរបញ្ជាក់ថា សម្ភារម៉ូតូចំនួន ៤៣គ្រឿង និងម៉ាស៊ីនភ្លើង ចំនួន ៣០គ្រឿង ជាអំណោយរបស់សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រី ក្រសួងមហាផ្ទៃ ដែលយកមកចែកជូនដល់ វរៈសេនាតូច និងប៉ុស្តិ៍នគរបាលការពារតាមព្រំដែនទឹក-គោក ចំណុះគណៈបញ្ជាការនគរបាលជាតិប្រចាំទិសភូមិភាគទី៣ សម្រាប់កិច្ចប្រតិបត្តិការរក្សាការពារសន្តិសុខ សណ្តាប់ធ្នាប់ អធិបតេយ្យភាព បូរណភាពទឹកដីជាដើម។ក្នុងឱកាសនោះដែរ ឧត្តមសេនីយ៍ឯក តេង សួន ក៏បានណែនាំដល់នគរបាលការពារព្រំដែនគោក និងទឹកទាំងអស់ឲ្យចូលរួមប្រយុទ្ធប្រឆាំងនឹងការរីករាលដាលនៃវីរុសកូវីដ១៩ ស្រមតាមការណែនាំរបស់រាជរដ្ឋាភិបាល ក៏ដូចជាក្រសួងសុខាភិបាល ដែលឲ្យពួកយើងទាំងអស់គ្រានត្រូវពាក់ម៉ាស ត្រូវលាងដៃនិងសាប៊ូ ត្រូវបាញ់អាល់កុល ឬជែ ត្រូវរក្សាគម្លាតពីគ្នា ត្រូវកាត់បន្ថយការជួបជុំគ្នាជាដើមនោះផងដែរ៕ អត្ថបទ៖ បាន ចក់

រដ្ឋមន្ត្រីប្រទេសទន្លេមេគង្គ ជំរុញឲ្យវិស័យឯកជន និងសាធារណៈ រួមគ្នាជួយសេដ្ឋកិច្ចនៅតំបន់ទន្លេមេគង្គ

ភ្នំពេញ៖ ក្នុងកិច្ចប្រជុំរដ្ឋមន្ត្រីការបរទេសមេគង្គ-សាធារណរដ្ឋកូរ៉េលើកទី១០ រដ្ឋមន្ត្រីនៃបណ្តាប្រទេសទន្លេមេគង្គ បានលើកឡើងថា វិស័យឯកជន និងវិស័យសាធារណៈ មានអត្ថប្រយោជន៍ក្នុងការជំរុញចរន្តសេដ្ឋកិច្ចនៅតំបន់ទន្លេមេគង្គ។ការលើកឡើងរបស់រដ្ឋមន្ត្រី នៃបណ្តាប្រទេសមេគង្គធ្វើឡើងកាលពីថ្ងៃទី២៨ កញ្ញា ម្សិលមិញនេះ អំឡុងពេល ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសកម្ពុជា អញ្ជើញចូលរួមកិច្ចប្រជុំរដ្ឋមន្ត្រីការបរទេសមេគង្គ-សាធារណរដ្ឋកូរ៉េលើកទី១០ តាមរយៈប្រព័ន្ធវីដេអូ Conference ដោយកិច្ចប្រជុំនេះ ត្រូវបានដឹកនាំដោយសហប្រធាន ឯកឧត្តម ផាម ប៊ិញមិញ ឧបនាយករដ្ឋមន្ត្រី រដ្ឋមន្ត្រីការបរទេសនៃសាធារណរដ្ឋសង្គមនិយមវៀតណាម និងលោកជំទាវ កាង ក្យុងវ៉ា រដ្ឋមន្ត្រីការបរទេស នៃសាធារណរដ្ឋកូរ៉េ។ក្នុងកិច្ចប្រជុំនេះ រដ្ឋមន្ត្រី នៃបណ្តាប្រទេសមេគង្គ បានសម្តែងការគាំទ្រយ៉ាងមុតមាំចំពោះ «គោលនយោបាយភាគខាងត្បូងថ្មី» របស់សាធារណរដ្ឋកូរ៉េ ដោយផ្អែកលើសសរស្តម្ភបី គឺ ប្រជាជន វិបុលភាព និងសន្តិភាព ដូចមានគូសបញ្ជាក់ក្នុងសេចក្ដីថ្លែងការណ៍ទន្លេមេគង្គ-ទន្លេហាន។នាឱកាសនោះ រដ្ឋមន្ត្រីការបរទេសទាំងអស់ បានសង្កត់ធ្ងន់ពីសារសំខាន់នៃកិច្ចសហប្រតិបត្តិការកាន់តែរឹងមាំរវាងវិស័យឯកជន និងវិស័យ សាធារណៈ ដើម្បីការអភិវឌ្ឍប្រកបដោយបរិយាប័ន្ន និងចីរភាពនៅក្នុងតំបន់ និងបានចែករំលែកនូវទស្សនៈថា វេទិកាធុរកិច្ចមេគង្គ-សាធារណរដ្ឋកូរ៉េ និងក្រុមប្រឹក្សាធុរកិច្ចមេគង្គ-សាធាណរដ្ឋកូរ៉េ បានពង្រឹងនូវចំណងទំនាក់ទំនងសេដ្ឋកិច្ច រវាងសាធារណរដ្ឋកូរ៉េ និងបណ្ដាប្រទេសមេគង្គ។ លើសពីនេះ លោកជំទាវ កាង ក្យុងវ៉ា បានប្រកាសនៅក្នុងកិច្ចប្រជុំ អំពីសំណើរបស់សាធារណរដ្ឋកូរ៉េក្នុងការតម្លើង កម្រិតនៃកិច្ចសហប្រតិបត្តិការមេគង្គ-សាធារណរដ្ឋកូរ៉េ ទៅជាភាពជាដៃគូយុទ្ធសាស្ត្រ។នៅអំឡុងពេលនៃកិច្ចប្រជុំ ឯកឧត្តម ប្រាក់ សុខុន បានបង្ហាញពីការស្វាគមន៍ យ៉ាងកក់ក្តៅ និងការគាំទ្រយ៉ាងពេញទំហឹងរបស់កម្ពុជា ចំពោះសំណើរបស់សាធារណរដ្ឋកូរ៉េ ក្នុងការតម្លើងកម្រិតនៃកិច្ចសហប្រតិបត្តិការមេគង្គ-សាធារណរដ្ឋកូរ៉េ ទៅជាភាពជាដៃគូយុទ្ធសាស្ត្រ ដែលនេះស្របទៅនឹងគំនិតផ្តួចផ្តើមរបស់សម្តេចតេជោនាយករដ្ឋមន្ត្រីកាលពីឆ្នាំមុន ក្នុងការតម្លើងកម្រិតយន្តការនៃកិច្ចប្រជុំនេះ ទៅដល់កម្រិតកិច្ចប្រជុំកំពូល ស្របពេលកម្ពុជាបានបញ្ចប់ដោយជោគជ័យនៃគម្រោង ការគ្រប់គ្រង និងការអភិវឌ្ឍធនធានទឹក នៅលើដងទន្លេមេគង្គភ្ជាប់ទៅនឹងបឹងទន្លេសាប។ កិច្ចប្រជុំរដ្ឋមន្ត្រីនៃបណ្តាប្រទេសមេគង្គ បានគូសបញ្ជាក់ទៀតថា តួនាទីសំខាន់នៃភាពជាដៃគូមេគង្គ-សាធារណរដ្ឋកូរ៉េ គឺដើម្បីការកាត់បន្ថយគម្លាតអភិវឌ្ឍន៍នៅក្នុងចំណោមប្រទេសអាស៊ាន និងក្នុងការសម្រេចបាននូវ ចក្ខុវិស័យសហគមន៍អាស៊ានឆ្នាំ២០២៥ផងដែរ។ ដោយឡែកចំពោះបញ្ហាប្រឈមនឹងជំងឺកូវីដ១៩ ប្រមុខការទូតកម្ពុជារំពឹងថា ការចូលរួមចំណែកយ៉ាងសកម្មរបស់វិស័យឯកជន នឹងជំរុញកាលានុវត្តនភាពអាជីវកម្ម និងវិនិយោគថ្មីៗ ក្នុងការបង្កើតសក្ដានុពលការងារថ្មីៗ សមស្របទៅតាមបរិបទក្រោយការយកឈ្នះជំងឺរាតត្បាតកូវីដ–១៩៕ អត្ថបទ៖ ឧត្តម

កម្ពុជា-ចិន ត្រូវបានប្រសិទ្ធនាមជាគំរូ នៃកិច្ចសហប្រតិបត្តិការទប់ស្កាត់នឹងវីរុសកូវីដ-១៩

ភ្នំពេញ៖ ទីប្រឹក្សានយោបាយនៃស្ថានទូតចិន ប្រចាំកម្ពុជា ថ្លែងថា ចាប់តាំងពីមានការផ្ទុះឡើងនូវជម្ងឺកូវីដ–១៩ ប្រទេសទាំងពីរបានជួយគ្នាពុះពាររាល់ឧបសគ្គ ដោយបានមកបង្ហាញពីចំណុចស្នូលនៃសហគមន៍ជោគវាសនារួមគ្នា និងត្រូវបានប្រសិទ្ធនាមថា ជាគំរូនៃកិច្ចសហប្រតិបត្តិការទប់ស្កាត់នឹងជំងឺវីរុស សម្រាប់សហគមន៍អន្តរជាតិ។លោកស្រី ហ្សូវ វិនស៊ីង (Zuo Wenxing) ទីប្រឹក្សានយោបាយនៃស្ថានទូតចិន ប្រចាំប្រទេសកម្ពុជា បានលើកឡើងនៅ ក្នុងកម្មវិធីប្រគល់-ទទួលអំណោយ ពីសហព័ន្ធស្ត្រីទូទាំងប្រទេសចិន នៅថ្ងៃទី២៨ ខែកញ្ញា ឆ្នាំ២០២០ ថា ប្រទេសចិន និងកម្ពុជា ជាមិត្តជិតខាងល្អ បងប្អូនល្អ ដៃគូល្អ ហើយប្រជាជនជាស្ត្រីភេទប្រទេសទាំងពីរ គឺជាបងប្អូនស្រីល្អ នឹងគ្នាដែលមិនធ្លាប់មានពីមុនមក។ ជាក់ស្ដែងចាប់តាំងពីមានការផ្ទុះឡើងនូវជំងឺវីរុសកូវីដ–១៩ ប្រទេសទាំងពីរបានជួយគ្នា ពុះពាររាល់ឧបសគ្គ ដោយបានបង្ហាញពីចំណុចស្នូលនៃសហគមន៍ជោគវាសនារួម រវាងប្រទេសទាំងពីរ ហើយត្រូវបានប្រសិទ្ធនាមថា ជាគំរូនៃកិច្ចសហប្រតិបត្តិការទប់ស្កាត់នឹងជំងឺវីរុសសម្រាប់សហគមន៍អន្តរជាតិ។លោកស្រី បន្តថា ក្រោយពីប្រទេសចិនមានការផ្ទុះឡើងនូវជំងឺវីរុសមក គ្រប់មជ្ឈដ្ឋានក្នុងប្រទេសកម្ពុជា បានបង្ហាញពីការគាំទ្រយ៉ាងមុះមុត សម្រាប់កិច្ចទប់ស្កាត់នឹងជំងឺវីរុសក្នុងប្រទេសចិន។ក្នុងនោះ ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនីនាថសីហនុ ព្រះអង្គទាំងទ្វេរ បានសព្វព្រះរាជហឭទ័យប្រោសព្រះរាជទានព្រះរាជទ្រព្យ និងសម្ភារៈជូនដល់ភាគីចិន។ ស្ថិតក្នុងដំណាក់កាលនេះដែរ សម្តេចតេជោ នាយករដ្ឋមន្ត្រី ក៏បានអញ្ជើញបំពេញទស្សនកិច្ចជាបន្ទាន់ទៅកាន់ប្រទេសចិន, សម្តេចបានក្លាយជាថ្នាក់ដឹកនាំបរទេសដំបូងគេបង្អស់ ដែលបានបំពេញទស្សនកិច្ចក្នុងប្រទេសចិន ខណៈពេលដែលមានការផ្ទុះឡើងនូវជំងឺវីរុស។ក្នុងពិធីនេះ, លោកជំទា អ៊ឹង កន្ថាផាវី រដ្ឋមន្ត្រីក្រសួងកិច្ចការនារី បានថ្លែងផងដែរថា ទំនាក់ទំនងទ្វេភាគី រវាងព្រះរាជាណាចក្រកម្ពុជា និងសាធារណៈរដ្ឋប្រជាមានិតចិន មានអាយុកាលយូរអង្វែង ប្រៀបដូចជាសមាជិកមហាគ្រួសារតែមួយ ជួយគ្នាទៅវិញទៅមក ក្នុងគ្រប់កាលៈទេសៈ, ក្នុងនោះចាប់តាំងពីទស្សវត្សទី ៩០ មក សហព័ន្ធស្ត្រីទូទាំងប្រទេសចិន បានរក្សាទំនាក់ទំនងយ៉ាងល្អ ជាមួយក្រសួងកិច្ចការនារី និងសមាគមនារីកម្ពុជាដើម្បីសន្តិភាព និងការអភិវឌ្ឍន៍។ចាប់តាំងពីពេលនោះ សហព័ន្ធស្ត្រីទូទាំងប្រទេសចិន បានផ្តល់ជំនួយជាសំភារៈ និងថវិកាមកកាន់ក្រសួងកិច្ចការនារី និងសមាគមនារីកម្ពុជាដើម្បីសន្តិភាព និងការអភិវឌ្ឍន៍ ព្រមទាំងមាន ទស្សនកិច្ចសិក្សាទៅវិញទៅមករវាងប្រទេសទាំងពីរផងដែរ។សូមបញ្ជាក់ថាចាប់តាំងឆ្នាំ ២០១០, ២០១៨ និង២០២០ ក្រសួងកិច្ចការនារីបានរៀបចំពិធី ប្រគល់-ទទួលអំណោយពីសាធារណៈរដ្ឋប្រជាមានិតចិន និងសហព័ន្ធស្ត្រីទូទាំងប្រទេសចិន សរុបចំនួន ០៣ដង ក្នុងនោះ សម្ភារៈបរិក្ខារសរុបដែលទទួលបានរួមមាន៖ Sharp Duplicator, Aigo Digital Camera, Lenovo E46A laptop, Lenovo Desktop, Lenovo Laser Printer, Lenovo Office Jet, Mini-bus (Jiang Ling Te Shun), ambulances (Jin Lv), និង Lenovo៕ អត្ថបទ៖ សុន រ៉ាឌី

កម្ពុជាសង្ឃឹមថា កិច្ចសន្យាផលិតកម្មកសិកម្មរវាងក្រុមហ៊ុន និងសហគមន៍ នឹងកើនដល់១ពាន់នៅចុងឆ្នាំនេះ

ភ្នំពេញ៖ រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ បានបង្ហាញការជឿជាក់ថា នៅចុងឆ្នាំ២០២០នេះ កិច្ចសន្យាផលិតកម្មកសិកម្ម រវាងក្រុមហ៊ុន និងសហគមន៍កសិកម្មនៅកម្ពុជា នឹងកើនដល់ ០១ពាន់កិច្ចសន្យា ខណៈដែលបច្ចុប្បន្នបានឈានដល់ជាង៧០០រួចទៅហើយ។មានប្រសាសន៍ប្រាប់ក្រុមអ្នកសារព័តមាន ក្រោយចប់ពិធីចុះកិច្ចសន្យាផលិតកម្មកសិកម្មលើដំណាំកសិ ឧស្សាហកម្ម និងស្រូវសរីរាង្គ រវាងក្រុមហ៊ុន និងសហគមន៍កសិកម្មនៅប្រទេសកម្ពុជា កាលពីព្រឹកថ្ងៃទី២៩ កញ្ញា ឆ្នាំ២០២០នេះ ឯកឧត្តម វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ បានឱ្យដឹងថា ដើម្បីពង្រីកវិសាលភាពឲ្យបានកាន់តែទូលំទូលាយ ទៅដល់សហគមន៍ផ្សេងៗទៀត ក្នុងទិសដៅចូលរួមចំណែកអភិវឌ្ឍន៍វិស័យកសិកម្មក្នុងបរិបទនៃបដិវត្តន៍ឧស្សាហកម្មទី៤ និងសាកលភាវូបនីយកម្ម គិតត្រឹមចុងខែកញ្ញានេះ ការចុះកិច្ចសន្យាផលិតកសិកម្មបានកើនឡើងដល់ជាង៧០០កិច្ចសន្យា ទៅលើប្រភេទផលិតផលកសិកម្មជាច្រើនមុខដូចជា ស្រូវពូជ ស្រូវសរីរាង្គ ស្រូវចំណី ម្រេច ស្ករត្នោត បន្លែ ដំឡូងមីសរីរាង្គ មាន់ស្រែ ជ្រូក។ល។ឯកឧត្ដមរដ្ឋមន្ត្រី បានបញ្ជាក់ទៀតថា នាពេលខាងមុខ កិច្ចសន្យាបែបនេះនឹងអាចកើនហូតដល់ចំនួន ១០ម៉ឺន ២០ម៉ឺន ឬ០១លានកិច្ចសន្យា ដោយសារទំហំផលិតកសិកម្មមានភាពធំធេងណាស់ គ្រាដែលកម្ពុជាកំពុងពង្រីកលទ្ធភាពនេះ។ទាក់ទងនឹងកិច្ចសន្យាខាងលើ លោក ឆាត់ ឈៀង ប្រធានសហគមន៍កសិកម្មរំដួលម្លូព្រៃ ស្ថិតនៅខេត្តព្រះវិហារ បានយល់ឃើញថា តាមរយៈកម្មវិធីនេះពិតជាល្អណាស់សម្រាប់ប្រជាកសិករក្នុងការទិញនិងលក់កសិផល ព្រោះថា បើគ្មានកិច្ចសន្យា នោះក៏គ្មានទំនុកចិត្តគ្នាផងដែរ ជាពិសេសធ្វើឱ្យតម្លៃធ្លាក់ចុះ ច្រើនជាងឡើងថ្លៃ ដោយសារមានឈ្មួញកណ្តាលចាំចចារ។ពិធីចុះកិច្ចសន្យាផលិតកម្មកសិកម្មលើដំណាំកសិ ឧស្សាហកម្ម និងស្រូវសរីរាង្គថ្ងៃនេះ បានប្រព្រឹត្តទៅ រវាងរោងម៉ាស៊ីនកិនស្រូវចំនួន៤ ជាមួយសហគមន៍កសិកម្មសរុបចំនួន៥០ លើផលិតផលស្រូវសរីរាង្គក្នុងបរិមាណជាង ២ម៉ឺនតោន និងដំឡូងមីសរីរាង្គជាង ៣ម៉ឺនតោន ដោយមានសហគមន៍កសិកម្មក្នុងខេត្តចំនួន៦ គឺខេត្តតាកែវ, កំពង់ស្ពឺ, កំពត, កំពង់ឆ្នាំង, មណ្ឌលគិរី និងខេត្តព្រះវិហារ។ ដោយឡែកក្រុមហ៊ុនចំនួន៤ ដែលបានចុះកិច្ចសន្យា រួមមាន ក្រុមហ៊ុនសាជីវកម្មកសិកម្មកម្ពុជា, ក្រុមហ៊ុន អេមរុ រ៉ាយកម្ពុជា, ក្រុមហ៊ុន សាញណេតធ័រ អហ្វ អេស៊ា (Signatures of Asia) និងក្រមហ៊ុន បាយ័នហេរីធេច៕ អត្ថបទ៖ឈិត បូរ៉ាវី

មេបញ្ជាការកងស្វ័យការពារជើងគោកជប៉ុន កោតសរសើរកម្ពុជាថា ទប់ស្កាត់បានល្អនូវមេរោគកូវិដ១៩

ភ្នំពេញ៖ មេបញ្ជាការកងស្វ័យការពារជើងគោកជប៉ុន នាយឧត្តមសេនីយ៍ YUASA Goro បានសម្តែងនូវការគោរពកោតសរសើរចំពោះរាជរដ្ឋាភិបាលកម្ពុជា ដែលបាននិងកំពុងគ្រប់គ្រងស្ថានភាពនៃជំងឺកូវីដ–១៩ បានយ៉ាងល្អប្រសើរ និងត្រឹមត្រូវ ព្រមទាំងបានវាយតម្លៃខ្ពស់ចំពោះសកម្មភាព និងវិធានការទាំងឡាយដែលកងទ័ពជើងគោក នៃកងយោធពលខេមរភូមិន្ទបានអនុវត្តនៅក្នុងការងារនេះផងដែរ។ការលើកឡើងរបស់នាយឧត្តមសេនីយ៍រូបនេះ គឺបានធ្វើឡើងនៅក្នុងកិច្ចសន្ទនាតាមរយៈទូរស័ព្ទនាថ្ងៃទី២៩ ខែកញ្ញា ឆ្នាំ២០២០នេះ ជាមួយឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក។នៅក្នុងកិច្ចសន្ទនានោះ «នាយឧត្តមសេនីយ៍ YUASA Goro បានសម្តែងនូវការគោរពកោតសរសើរចំពោះរាជរដ្ឋាភិបាលកម្ពុជា ដែលបាននិងកំពុងគ្រប់គ្រងស្ថានភាពនៃជំងឺកូវីដ–១៩ បានយ៉ាងល្អប្រសើរ និងត្រឹមត្រូវ ព្រមទាំងបានវាយតម្លៃខ្ពស់ចំពោះសកម្មភាព និងវិធានការទាំងឡាយដែលកងទ័ពជើងគោក នៃកងយោធពលខេមរភូមិន្ទបានអនុវត្តនៅក្នុងការងារនេះ។ និង បានសម្តែងនូវការពេញចិត្ត និងការអរគុណចំពោះការបន្តរក្សានូវទំនាក់ទំនងដ៏ល្អរវាងកងទ័ពនៃប្រទេសទាំងពីរ ទោះបីក្នុងស្ថានភាពវិបត្តិនៃជំងឺកូវីដ–១៩នេះផងដែរ»។ថ្លែងនៅក្នុងកិច្ចសន្ទនានោះដែរឧត្តមសេនីយ៍ឯក ហ៊ុន ម៉ាណែត បានធ្វើការគូសបញ្ជាក់អំពីសារៈសំខាន់នៃទំនាក់ទំនងកិច្ចសហប្រតិបត្តិការជាមួយគ្រប់បណ្តាប្រទេសជាមិត្ត ជាអាទិ៍កម្ពុជា-ជប៉ុន ជាពិសេសទំនាក់ទំនងរវាងកងទ័ពនៃប្រទេសទាំងពីរ ដែលជាគន្លឹះមួយដ៏មានប្រសិទ្ធភាពដើម្បីឆ្លើយតបទៅនឹងបញ្ហាប្រឈមនានាដែលកើតមាន។ឯកឧត្តមហ៊ុន ម៉ាណែតបានសង្កត់ធ្ងន់ថា«បញ្ហាកូវីដ–១៩ ជាបទពិសោធន៍ថ្មីមួយសម្រាប់ទាំងអស់គ្នា ទាំងការសហការដោះស្រាយផ្ទៃក្នុងប្រទេសនីមួយៗ ក៏ដូចជាការសហប្រតិបត្តិការ និងការគាំទ្រគ្នាទៅវិញទៅមកជាមួយបណ្តាប្រទេសជាដៃគូនៅក្នុងឆ្លើយតបនឹងជំងឺដ៏កាចសាហាវនេះ។ហើយឆ្លងតាមការប្រឈមនៃការដោះស្រាយរួមគ្នាលើបញ្ហាកូវីដ–១៩នេះ ទាំងអស់គ្នានឹងអាចស្វែងរកនូវចំណុចខ្លាំង និងចំណុចប្រឈមនានា ដើម្បីឈានទៅពង្រឹងនូវយន្តការនៃការសហប្រតិបត្តិការជាមួយគ្នាឱ្យបានកាន់តែប្រសើរឡើង»។នៅក្នុងកិច្ចសន្ទនានោះដែរ ភាគីទាំងពីរក៏បានចែករំលែក និងផ្លាស់ប្តូរបទពិសោធន៍ទៅវិញទៅមកលើការចូលរួមរបស់កងទ័ពជើងគោក នៃកងយោធពលខេមរភូមិន្ទ និងកងស្វ័យការពារជើងគោកជប៉ុននៅក្នុងការងារប្រយុទ្ធប្រឆាំងនឹងជំងឺកូវីដ–១៩ ដែលជាបញ្ហាប្រឈមរួមដ៏ធ្ងន់ធ្ងរមួយ និងដែលកំពុងនៅបន្តរាតត្បាតពិភពលោកនៅឡើយ។ជាចុងក្រោយ ថ្នាក់ដឹកនាំកងទ័ពជើងគោក នៃប្រទេសទាំងពីរ បានឯកភាពគ្នាទៅលើសារៈសំខាន់នៃកិច្ចសហការរវាងប្រទេសទាំងពីរក្នុងគ្រប់វិស័យទាំងអស់ ជាពិសេសរវាងកងទ័ព និងកងទ័ព ជាអាទិ៍ ការរួមគ្នាបង្កើនសមត្ថភាពឆ្លើយតបនឹងយថាហេតុគ្រោះមហន្តរាយផ្សេងៗ, ការផ្តល់ឱកាសក្នុងការលើកកម្ពស់សមត្ថភាព និងបណ្តុះបណ្តាលធនធានមនុស្ស ក៏ដូចជាការបង្កើតឱកាសឱ្យមានការភ្ជាប់ទំនាក់ទំនងមនោសញ្ចេតនារវាងយោធិនគ្រប់លំដាប់ថ្នាក់ តាមរយៈការផ្លាស់ប្តូរទស្សនកិច្ចជាដើម ដែលសុទ្ធសឹងជាមូលដ្ឋាននៅក្នុងការទំនាក់ទំនងយូរអង្វែង ហើយសង្ឃឹមយ៉ាងមុតមាំថា នៅពេលស្ថានភាពជំងឺកូវីដ–១៩ បានធូរស្រាលឡើងវិញ ឬបញ្ចប់ក្នុងពេលខាងមុខនេះ កងទ័ពជើងគោកទាំងពីរនឹងអាចបន្តជំរុញនូវល្បឿននៃកិច្ចសហប្រតិបត្តិការទាំងនេះឱ្យមានសន្ទុះឡើងវិញ៕ អត្ថបទ៖ បាន ចក់

ព័ត៌មាន ជាតិនយោបាយ និង ការអភិវឌ្ឍន៍ព័ត៌មាន សំខាន់ៗ មេទ័ពជើងគោកកម្ពុជាជួបសន្ទនាជាមួយមេទ័ពជើងគោកហ្វីលីពីនលើកិច្ចសហប្រតិបត្តិការកងទ័ពប្រទេសទាំងពីរ

ភ្នំពេញ៖ នៅទីបញ្ជាការកងទ័ពជើងគោក នៃកងយោធពលខេមរភូមិន្ទ នារសៀលថ្ងៃទី២៩ ខែកញ្ញា ឆ្នាំ២០២០ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានបន្តជួបប្រជុំតាមរយៈប្រព័ន្ធ Virtual Conference ជាមួយឧត្តមសេនីយ៍ឯក CIRILITO E. SOBEJANA មេបញ្ជាការកងទ័ពជើងគោកហ្វីលីពីន តបតាមការអញ្ជើញរបស់ ឧត្តមសេនីយ៍ឯក CIRILITO E. SOBEJANA ដើម្បីរក្សាការផ្សារភ្ជាប់ទំនាក់ទំនងរវាងកងទ័ពជើងគោក នៃប្រទេសទាំងពីរកម្ពុជា-ហ្វីលីពីន ជាពិសេសក្នុងស្ថានភាពលំបាក ដែលបង្កឡើងដោយជំងឺកូវីដ-១៩ ។លោក ឧត្តមសេនីយ៍ឯក CIRILITO E. SOBEJANA លើកឡើងថា កងទ័ពជើងគោកហ្វីលីពីនត្រៀមខ្លួនជានិច្ចនៅក្នុងការបន្តជំរុញកិច្ចសហប្រតិបត្តិការជាមួយកងទ័ពជើងគោក នៃកងយោធពលខេមរភូមិន្ទ នៅក្នុងផ្នែកនានាជាច្រើនដែលជាផលប្រយោជន៍រួម ដូចជា ការប្រយុទ្ធប្រឆាំងនឹងអំពើភេរវកម្ម, ឧក្រិដ្ឋកម្មឆ្លងដែន និងសកម្មភាពផ្លាស់ប្តូរទស្សនកិច្ចរបស់នាយទាហានរង ជាដើម។លោក ឧត្តមសេនីយ៍ឯក ហ៊ុន ម៉ាណែត បានគាំទ្រចំពោះទស្សនវិស័យនៃការបង្កើនកិច្ចសហប្រតិបត្តិការរវាងកងទ័ពជើងគោក នៃប្រទេសទាំងពីរ និងបានបញ្ជាក់បន្ថែមថា ក្នុងចំណោមអាទិភាពនានា កងទ័ពជើងគោក នៃកងយោធពលខេមរភូមិន្ទ តែងបានផ្តោតការយកចិត្តទុកដាក់លើការពង្រឹង និងពង្រីកកិច្ចសហប្រតិបត្តិការជាមួយប្រទេសក្បែរខាងក្នុងតំបន់អាស៊ាន ដោយរួមទាំងកងទ័ពជើងគោកហ្វីលីពីនផងដែរ។ជាក់ស្តែង អនុលោមតាមស្មារតីនៃអនុស្សារណៈនៃការយោគយល់ (MOU) រវាងក្រសួងការពារជាតិកម្ពុជា-ហ្វីលីពីន កិច្ចសហប្រតិបត្តិការរវាងកងទ័ពជើងគោក នៃប្រទេសទាំងពីរ គឺជាទំនាក់ទំនងប្រកបដោយសក្តានុពល ដែលអាចមានវិសាលភាពទូលំទូលាយ ទាំងសម្រាប់ពេលបច្ចុប្បន្ន និងអនាគត។ក្នុងឱកាសនោះផងដែរ ភាគីទាំងពីរក៏បានពិភាក្សា ផ្លាស់ប្តូរ និងចែករំលែកបទពិសោធន៍លើការងារប្រយុទ្ធនឹងជំងឺកូវីដ-១៩ ក៏ដូចជាអំពីវិធីសាស្ត្រផ្សេងៗពាក់ព័ន្ធនឹងការអនុវត្តរបៀបរបបការងារថ្មី ស្របតាមបរិបទថ្មីនៃជំងឺនេះ ដើម្បីធ្វើយ៉ាងណាឱ្យការងារហ្វឹកហ្វឺន និងប្រតិបត្តិការផ្សេងៗទៀតអាចដំណើរការទៅបានជាធម្មតា ដោយទាំងនេះ សុទ្ធសឹងជាមេរៀនដ៏ល្អសម្រាប់ការដកពិសោធន៍រៀនសូត្រពីគ្នាទៅវិញទៅមក។ថ្នាក់ដឹកនាំកងទ័ពជើងគោកទាំងពីរ ក៏បានកត់សម្គាល់អំពីភាពសំខាន់ចាំបាច់នៃនិរន្តរភាពនៃសន្តិភាព និងស្ថិរភាព ដើម្បីភាពសុខសាន្តរបស់ជាតិ និងប្រជាជន ក៏ដូចជាសម្រាប់តំបន់ទាំងមូល និងបានឯកភាពគ្នាបន្តជំរុញល្បឿននៃកិច្ចសហប្រតិបត្តិការឱ្យកាន់តែសកម្ម ជាពិសេសការខិតខំពិនិត្យលទ្ធភាពក្នុងការសម្រេចឱ្យបាននូវការចុះអនុស្សារណៈនៃការយោគយល់ (MOU) រវាងកងទ័ពជើងគោកកម្ពុជា-ហ្វីលីពីនក្នុងពេលឆាប់ៗខាងមុខនេះ៕

អូស្ត្រាលីសន្យា ជួយកម្ពុជាលើការធ្វើពាណិជ្ជកម្មតាមប្រព័ន្ធអេឡិចត្រូនិក និងច្បាប់ការពារអ្នកប្រើប្រាស់

ភ្នំពេញ ៖ ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម នៅថ្ងៃទី២៩ កញ្ញា បានទទួលជួបជាមួយ ឯកឧត្តម ប៉ាប្លូ កាំង (Pablo Kang) ឯកអគ្គរាជទូតអូស្ត្រាលីប្រចាំនៅកម្ពុជា ដើម្បីពិភាក្សាការងារមួយចំនួន ។នៅក្នុងជំនួបនោះ ឯកឧត្តមរដ្ឋមន្ត្រី ប៉ាន សូរស័ក្តិ បានជម្រាបជូននូវព័ត៌មានស្ដីពីកំណែទម្រង់ និងគំនិ តផ្ដួចផ្ដើមជាច្រើនរបស់រដ្ឋាភិបាលក្នុងការប្រយុទ្ធជាមួយការរីករាលដាលនៃជំងឺកូវីដ១៩ ហើយក្នុងនោះ ក្រសួងពាណិជ្ជកម្ម បានដើរតួយ៉ាងសំខាន់ក្នុងការរក្សាបាននូវសន្និធិទំនិញ និងស្ថេរភាពតម្លៃទំនិញចាំបាច់ប្រើប្រាស់ប្រចាំថ្ងៃ។ឯកឧត្តមរដ្ឋមន្ត្រី បានជម្រាបជូនភាគីជំនួបបន្ថែមទៀត អំពីដំណើរការនៃការអនុវត្តច្បាប់ ដូចជា ច្បាប់ស្ដីពីពាណិជ្ជកម្មតាមប្រព័ន្ធអេឡិចត្រូនិក និងច្បាប់ការពារអ្នកប្រើប្រាស់ ដែលបានប្រកាសឱ្យប្រើប្រាស់រួចហើយ និងការរៀបចំសេចក្ដីព្រាងច្បាប់ដូចជា ច្បាប់ប្រកួតប្រជែង និងច្បាប់សុវត្ថិភាពចំណីអាហារជាដើម។ជាកិច្ចឆ្លើយតប ភាគីអូស្រា្តលី បានវាយតម្លៃខ្ពស់ចំពោះការខិតខំប្រឹងប្រែង និងលទ្ធផលដ៏ល្អដែលកម្ពុជាទទួលបានក្នុងការប្រយុទ្ធនឹងជំងឺកូវីដ–១៩ ។ ទាក់ទងនឹងការអនុវត្តច្បាប់ពាណិជ្ជកម្មតាមប្រព័ន្ធអេឡិចត្រូនិក ឯកឧត្តម បានឱ្យដឹងថា រដ្ឋាភិបាលអូស្ត្រាលីបានជួយឧបត្ថម្ភក្នុងការរៀបចំជាសៀវភៅមគ្គទេសក៍សម្រាប់វិស័យពាណិជ្ជកម្មតាមប្រព័ន្ធអេឡិចត្រូនិក ដែលជួយណែនាំដល់អ្នកលក់ អ្នកផ្ដល់សេវា និងអ្នកប្រើប្រាស់ អំពីការធ្វើពាណិជ្ជកម្មតាមប្រព័ន្ធអេឡិចត្រូនិក។ សម្រាប់ច្បាប់ស្ដីពីកិច្ចការពារអ្នកប្រើប្រាស់ ឯកឧត្តម បានជម្រាបជូនអំពីគំនិតផ្ដួចផ្ដើមរបស់រដ្ឋាភិបាលអូស្ត្រាលីក្នុងការផ្ដល់ជំនួយបច្ចេកទេសដល់ការពង្រឹងការអនុវត្តច្បាប់ និងអភិវឌ្ឍន៍សមត្ថភាពនៃគណៈកម្មការជាតិកិច្ចការពារអ្នកប្រើប្រាស់ ដោយការងារនេះនឹងធ្វើឱ្យការអនុវត្តច្បាប់កិច្ចការពារអ្នកប្រើប្រាស់ដែលជាច្បាប់ថ្មីមួយ អាចអនុវត្តបានប្រកបដោយប្រសិទ្ធភាពខ្ពស់។ឯកឧត្តមរដ្ឋមន្ត្រី ប៉ាន សូរស័ក្តិ បានស្វាគមន៍ចំពោះជំនួយ និងគំនិតផ្ដួចផ្ដើមរបស់អូស្ត្រាលី ព្រមទាំងស្នើសុំឱ្យស្ថានទូតអូស្ត្រាលី ធ្វើការយ៉ាងជិតស្និតជាមួយ នឹងអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ដែលជាអគ្គនាយកដ្ឋានទទួលបន្ទុកកិច្ចការពារអ្នកប្រើប្រាស់។ ក្រៅពីនេះទៀត កិច្ចប្រជុំក៏បានពិភាក្សាលើកិច្ចសហការរវាងកម្ពុជា និងអូស្ត្រាលី ក្នុងក្របខ័ណ្ឌ អង្គការពាណិជ្ជកម្មពិភពលោក ការចូលរួមពិព័រណ៍ពាណិជ្ជកម្ម និងការផ្ដល់វិញ្ញាបនបត្រហាឡាលផងដែរ៕អត្ថបទ ៖ ឈិត បូរ៉ាវី

អាជ្ញាធរក្រុងស្ទឹងសែន អំពាវនាវឱ្យពលរដ្ឋជួយថែរក្សាប្រព័ន្ធលូ និងទុកដាក់កាកសំណល់ឱ្យបានត្រឹមត្រូវ

កំពង់ធំ ៖ ដើម្បីថែរក្សាប្រព័ន្ធផ្លូវ និងការពារសុខភាពពលរដ្ឋនៅរដូវភ្លៀងធ្លាក់ អាជ្ញាធរក្រុងស្ទឹងសែន ខេត្តកំពង់ធំ បានស្តារប្រឡាយរំដោះទឹកភ្លៀង និងអំពាវឱ្យពលរដ្ឋ អាជ្ញាធរពាក់ព័ន្ធ ជួយថែរក្សាប្រព័ន្ធលូរំដោះទឹកភ្លៀង ជាពិសេសទុកដាក់កាកសំណល់ឱ្យបានត្រឹមត្រូវ នៅតាមសហគមន៍រៀងៗខ្លួន។លោក ម៉ាក់ ប៊ុនហុង អភិបាលក្រុងស្ទឹងសែន កាលពីថ្ងៃទី២៩ ខែកញ្ញា ម្សិលមិញ បានដឹកនាំសហការីចុះស្តារប្រឡាយរំដោះទឹកភ្លៀងជូនប្រជាពលរដ្ឋ ដែលក្នុងឱកាសនោះ លោកបានឱ្យដឹងថា ក្នុងរយៈពេលប៉ុន្មានថ្ងៃ កន្លងទៅនេះ មានភ្លៀងធ្លាក់ច្រើននៅក្នុងក្រុងស្ទឹងសែន ខេត្តកំពង់ធំ ស្របពេលដែលប្រជាពលរដ្ឋ នៅក្នុង ក្រុងធ្វើសំណង់ថ្មីៗក្នុងឆ្នាំនេះ រួមផ្សំជាមួយការចាក់ដីរបស់ប្រជាពលរដ្ឋខ្ពស់ជាងផ្លូវ លុបប្រព័ន្ធលូ ការស្នើ សុំរៀបចំដាក់ប្រព័ន្ធលូរំដោះទឹកភ្លៀងរបស់ប្រជាពលរដ្ឋ ភ្ជាប់ពីផ្លូវមុខផ្ទះរបស់ខ្លួន មិនមានភាពស្មើគ្នា និងមានភាពតូចចង្អៀត ជាពិសេសការបោះចោលកាកសំណល់មិនត្រឹមត្រូវ ធ្វើឱ្យស្ទះលូ។ប្រជាពលរដ្ឋ នៅក្នុងសង្កាត់អាចារ្យលាក់ បានសម្តែងនូវសេចក្តីសោមនស្សរីករាយ និងអគុណ ចំពោះការយកចិត្តទុករបស់អាជ្ញាធរ ក្នុងការជួយថែទាំសុខភាពរបស់ពួកគេ។ប្រជាពលរដ្ឋ បានអំពាវដល់ប្រជាពលរដ្ឋផ្សេងទៀតឱ្យជួយថែរក្សាប្រព័ន្ធលូ ចូលរួមទុកដាក់កាក សំណល់ឱ្យបានត្រឹមត្រូវ ជាពិសេសចូលរួមសុំច្បាប់រាល់ពេលចាក់ដី ធ្វើរបង ដាក់ប្រព័ន្ធលូ និងសំណង់ ផ្សេងៗផងដែរ៕អត្ថបទ៖ លី សាងស៊ីន

បារាំងប្ដេជ្ញាបន្តកិច្ចសហប្រតិបត្តិការកាន់តែល្អប្រសើរក្នុងការដ្ឋានជួសជុលប្រាសាទមេបុណ្យខាងលិច

សៀមរាប ៖ តំណាងស្ថានទូតបារាំង បានប្ដេជ្ញាថា លោកនឹងខិតខំធ្វើយ៉ាងណាឱ្យការដ្ឋានជួសជុលប្រាសាទមេបុណ្យ ខាងលិច ដែលភាគីបារាំងផ្តល់ថវិកាហិរញ្ញប្បទានសម្រាប់ការជួសជុលនេះ ដំណើរការដោយរលូន និងមានតម្លាភាព។លោក គ្រីស្ដុហ្វ ហ្សីហ្កូដូ (CHRISTOPHE GIGAUDAUT) ទីប្រឹក្សាសហប្រតិបត្តិការ និងកិច្ចការ វប្បធម៌ នៃស្ថានទូតបារាំង ប្រចាំកម្ពុជា កាលពីថ្ងៃទី២៩ ខែកញ្ញា ម្សិលមិញ បានធ្វើទស្សនកិច្ចទៅកាន់ការដ្ឋានជួសជុលប្រាសាទ មេបុណ្យខាងលិច ដើម្បីស្វែងយល់ពីការងារទូទៅ ដែលនេះជាទស្សនកិច្ចដំបូងរបស់សហប្រធានភាគីបារាំង ខណៈដែលលោកទើបនឹងចូលមកបន្តការងារពីអតីតសហប្រធានចាស់ ដែលចប់អាណត្តិ។លោក គ្រីស្ដុហ្វ ហ្សីហ្កូដូ បានវាយតម្លៃខ្ពស់ និងបានសម្ដែងអារម្មណ៍រីករាយក្នុងការបំពេញទស្សន កិច្ចទៅកាន់ការដ្ឋានជួសជុលប្រាសាទមេបុណ្យខាងលិចនៅពេលនេះ ដែលទស្សនកិច្ចជាលើកដំបូងនេះ គឺដើម្បីស្វែងយល់កាន់តែស៊ីជម្រៅលើការងារនានា ដើម្បីឱ្យកិច្ចសហប្រតិបត្តិការរវាងភាគីបារាំង និងអាជ្ញាធរជាតិអប្សរាកាន់តែល្អប្រសើរ។ឯកឧត្តម ហង់ ពៅ អគ្គនាយកអាជ្ញាធរជាតិអប្សរា មានសេចក្ដីសោមនស្សចំពោះកិច្ចសហប្រតិបត្តិ ការរវាងកម្ពុជា និងបារាំង ហើយឯកឧត្តម ក៏មានការរំពឹងថា សហប្រធានថ្មីរបស់ស្ថានទូតបារាំង និងបន្ត កិច្ចសហប្រតិបត្តិការនៅការដ្ឋានជួសជុលប្រាសាទមេបុណ្យខាងលិចនេះ ឱ្យកាន់តែល្អប្រសើរ និងដោយ រលូនទៅតាមការគ្រោងទុករបស់ភាគីទាំងពីរ៕អត្ថបទ៖ ឈិត សាវី

បណ្ដាញសង្គម

ព័ត៌មានថ្មីៗ

BREAKING NEWS | សម្ដេចធិបតី៖ ករណីចាប់ខ្លួនយុទ្ធជនយើង ដែលមកដល់ពេលនេះយើងនៅរង់ចាំភាគីថៃបញ្ជូនត្រឡប់មកកម្ពុជាវិញ ខណៈជីវិតរបស់ពួកគាត់គឺជាអាទិភាពចម្បងបំផុត

កាណាដាគ្រោងចូលរួមជាមួយបារាំង និងអង់គ្លេស ដើម្បីទទួលស្គាល់រដ្ឋប៉ាឡេស្ទីន

ឯកឧត្តម ឧត្តមសេនីយ៍ឯក រ៉ាត់ ដារ៉ារ័ត្ន ជួបជាមួយអនុព័ន្ធយោធាមកពី១៣ប្រទេស និងជម្រាបពីការឈ្លានពានរបស់កងទ័ពថៃមកលើបូរណភាពទឹកដីកម្ពុជា ក្រោយដើរមើលនៅសមរភូមិជាក់ស្តែង

កម្ពុជាសង្ឃឹមថា អូស្ត្រាលីនឹងផ្ដល់ជំនាញប្រកបដោយគុណភាពដល់យុវជនក្នុងវិស័យអប់រំ ធីវ៉េត

UN ត្រៀមខ្លួនរួចរាល់ក្នុងការបញ្ជូនជំនួយទៅកាន់ខេត្ត Sweida ក្រោយរដ្ឋាភិបាលស៊ីរីបើកភ្លើងខៀវ

សិង្ហបុរីត្រៀមរួមចំណែកកសាងតំបន់ហ្កាហ្សាឡើងវិញ នៅពេលឈានដល់កិច្ចព្រមព្រៀងបទឈប់បាញ់អចិន្រ្តៃយ៍

លោក Trumpនិយាយថា អាមេរិកនឹងទារពន្ធឥណ្ឌា ២៥ភាគរយ ចាប់ពីថ្ងៃទី ១ ខែសីហាតទៅ

មនុស្ស ១០នាក់ ស្លាប់ក្នុងរថយន្តក្រុងដែលបាត់ នៅចិន

វិមានក្រឹមឡាំង៖ គ្មានអ្នកស្លាប់ក្នុងហេតុការណ៍រញ្ជួយដី នៅ Kamchatka ខណៈប្រព័ន្ធប្រកាសអាសន្នធ្វើការបានល្អ

កូរ៉េខាងត្បូងចាប់ផ្តើមការស៊ើបអង្កេតរួម ដើម្បីពិនិត្យឡើងវិញ ចំពោះការប្រជ្រៀតគ្នាស្លាប់ ក្នុងពិធីបុណ្យ Halloween ឆ្នាំ២០២២

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្រសួងការបទេសមិនទាន់រកឃើញ NGO ណាមួយចូលរួមលាងលុយខុសច្បាប់ ពីបរទេសនោះទេ

នគរបាលការពារព្រំដែន ត្រូវត្រៀមខ្លួនជានិច្ច ក្នុងកិច្ចការពារសន្តិសុខ អធិបតេយ្យភាព បូរណភាពទឹកដី

រដ្ឋមន្ត្រីប្រទេសទន្លេមេគង្គ ជំរុញឲ្យវិស័យឯកជន និងសាធារណៈ រួមគ្នាជួយសេដ្ឋកិច្ចនៅតំបន់ទន្លេមេគង្គ

កម្ពុជា-ចិន ត្រូវបានប្រសិទ្ធនាមជាគំរូ នៃកិច្ចសហប្រតិបត្តិការទប់ស្កាត់នឹងវីរុសកូវីដ-១៩

កម្ពុជាសង្ឃឹមថា កិច្ចសន្យាផលិតកម្មកសិកម្មរវាងក្រុមហ៊ុន និងសហគមន៍ នឹងកើនដល់១ពាន់នៅចុងឆ្នាំនេះ

មេបញ្ជាការកងស្វ័យការពារជើងគោកជប៉ុន កោតសរសើរកម្ពុជាថា ទប់ស្កាត់បានល្អនូវមេរោគកូវិដ១៩

អូស្ត្រាលីសន្យា ជួយកម្ពុជាលើការធ្វើពាណិជ្ជកម្មតាមប្រព័ន្ធអេឡិចត្រូនិក និងច្បាប់ការពារអ្នកប្រើប្រាស់

អាជ្ញាធរក្រុងស្ទឹងសែន អំពាវនាវឱ្យពលរដ្ឋជួយថែរក្សាប្រព័ន្ធលូ និងទុកដាក់កាកសំណល់ឱ្យបានត្រឹមត្រូវ

បារាំងប្ដេជ្ញាបន្តកិច្ចសហប្រតិបត្តិការកាន់តែល្អប្រសើរក្នុងការដ្ឋានជួសជុលប្រាសាទមេបុណ្យខាងលិច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រសួង​ការ​បទេស​មិនទាន់​រកឃើញ NGO​ ណាមួយចូលរួម​លាង​លុយ​ខុសច្បាប់​ ពី​បរទេស​នោះទេ

នគរបាល​ការពារ​ព្រំដែន ត្រូវ​ត្រៀមខ្លួន​ជានិច្ច​ ក្នុង​កិច្ចការពារ​សន្តិសុខ អធិបតេយ្យភាព បូរណភាព​ទឹកដី​

កម្ពុជា​-​ចិន ត្រូវបាន​ប្រសិទ្ធ​នាម​ជា​គំរូ នៃ​កិច្ចសហប្រតិបត្តិការ​ទប់ស្កាត់​នឹង​វីរុស​កូ​វីដ​-១៩

មេបញ្ជាការ​កង​ស្វ័យ​ការពារ​ជើងគោក​ជប៉ុន កោតសរសើរ​កម្ពុជា​ថា ទប់ស្កាត់​បាន​ល្អ​នូវ​មេរោគ​កូ​វិដ​១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ក្រសួងការបទេសមិនទាន់រកឃើញ NGO ណាមួយចូលរួមលាងលុយខុសច្បាប់ ពីបរទេសនោះទេ

នគរបាលការពារព្រំដែន ត្រូវត្រៀមខ្លួនជានិច្ច ក្នុងកិច្ចការពារសន្តិសុខ អធិបតេយ្យភាព បូរណភាពទឹកដី

កម្ពុជា-ចិន ត្រូវបានប្រសិទ្ធនាមជាគំរូ នៃកិច្ចសហប្រតិបត្តិការទប់ស្កាត់នឹងវីរុសកូវីដ-១៩

មេបញ្ជាការកងស្វ័យការពារជើងគោកជប៉ុន កោតសរសើរកម្ពុជាថា ទប់ស្កាត់បានល្អនូវមេរោគកូវិដ១៩