BTV NEWS

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ និង ការអភិវឌ្ឍន៍

សាលាដំបូងក្នុងខេត្តចំនួនបី បិទបញ្ចប់សំណុំរឿងកកស្ទុះ ក្នុងវិបត្តិកូវីដ-១៩

ភ្នំពេញ ៖ គិតមកដល់ពេលនេះ សាលាដំបូងក្នុងខេត្តចំនួន៣ បានបិទបញ្ចប់សំណុំរឿងកកស្ទុះ ក្នុងវិបត្តិកូវីដ–១៩។ សាលាខេត្តដំបូងទាំងបីនោះមានដូចជា ៖ សាលាដំបូងខេត្តកោះកុង កំពត និងខេត្តសៀមរាប។នៅថ្ងៃទី៣០ ខែកញ្ញានេះ ឯកឧត្តមជិន ម៉ាលីនរដ្ឋលេខាធិការក្រសួងយុត្តិធម៌ បានលើកឡើងថា គិតមកដល់ពេលនេះ មានសាលាដំបូងក្នុងខេត្តចំនួន៣រួមមាន ៖ ខេត្តកោះកុង កំពត និងខេត្តសៀមរាប បានបិទបញ្ចប់សំណុំរឿង ក្នុងវិបត្តិកូវីដ–១៩។ឯកឧត្តម បន្តថា យុទ្ធនាការដោះស្រាយការកកស្ទះសំណុំរឿងព្រហ្មទណ្ឌ (គ.យ.ក.ស) ទូទាំង២៥រាជធានី-ខេត្ត គ្រោងនឹងបញ្ចប់នៅ ចុងឆ្នាំ២០២០នេះ។នៅថ្ងៃទី១៨ ខែឧសភាកន្លងទៅ ឯកឧត្តមកើត រិទ្ធ រដ្ឋមន្ត្រីក្រសួងយុត្តិធម៌ បានប្រកាសបើកយុទ្ធនាការ ដោះស្រាយការកកស្ទុះសំណុំរឿងព្រហ្មទណ្ឌ ដែលហៅកាត់(គ.យ.ក.ស) ទូរទាំង២៥រាជធានី-ខេត្ត។នៅក្នុងឱកាសនោះ ឯកឧត្តមរដ្ឋមន្ត្រី បានលើកឡើងថា ក្នុងរយៈពេលពីរឆ្នាំចុងក្រោយ រាជរដ្ឋាភិបាល បានបើកយុទ្ធនាការជាច្រើនរួមមាន ៖ យុទ្ធនាការប្រឆាំងគ្រឿងញៀន យុទ្ធនាការបង្ក្រាបបទល្មើសព្រៃឈើ និងយុទ្ធនាការភូមិឃុំមានសុវត្ថិភាពជាដើម។យុទ្ធនាការទាំងនេះ នាំឲ្យកើនឡើងសំណុំរឿង នៅតុលាការ និងកើនឡើងនូវចំនួនអ្នកជាប់ពន្ធនាគារ។ ការកកស្ទះសំណុំរឿង នៅសាលាដំបូងរាជធានី-ខេត្ត តាមរយៈការដាក់ចេញនូវយុទ្ធនាការដោះស្រាយការកកស្ទះសំណុំរឿង ត្រូវធ្វើជាចាំបាច់ ក្នុងគោលបំណងបីរួមមាន ៖ ទី១.ការបន្ថយការកកស្ទះសំណុំរឿង នៅតាមសាលាដំបូងរាជធានីខេត្ត ដើម្បីរកយុត្តិធម៌ឲ្យបានឆាប់ដល់ជនរងគ្រោះ ទី២.បង្កើនប្រសិទ្ធភាពស្ថាប័នតុលាការ និងឲ្យដំណើរការឆាប់រហ័សជាងមុន និងទី៣-.កាត់បន្ថយភាពចង្អៀតណែន នៅតាមពន្ធនាគារ។គិតចាប់ពីថ្ងៃប្រកាសយុទ្ធនាការដោះស្រាយសំណុំរឿង នៅថ្ងៃទី១៨ខែឧសភា រហូតដល់ថ្ងៃទី២៨ខែសីហា ឆ្នាំ២០២០នេះ គណៈកម្មការដឹកនាំយុទ្ធនាការដោះស្រាយការកកស្ទះសំណុំរឿងព្រហ្មទណ្ឌ នៅតាមសាលាដំបូងទូទាំងប្រទេសកម្ពុជា ដោះស្រាយបានជាង៨ពាន់សំណុំរឿង ដែលស្មើនឹង៦៣% នៃសំណុំរឿងដែលកកស្ទះកន្លងមក៕អត្ថបទ ៖ ទូច សោភ័ណ

កម្ពុជានៅសល់ផ្ទៃដីរងផលប៉ះពាល់ដោយសារគ្រាប់បែកចង្កោមប្រមាណជាង ៧៤៣ គីឡូម៉ែត្រក្រឡា ក្នុងខេត្តចំនួន១៩

រតនគិរី៖ ព្រឹកថ្ងៃទី៣០ ខែកញ្ញា ឆ្នាំ២០២០ ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន តំណាងដ៏ខ្ពង់ខ្ពស់របស់សម្ដេចតេជោនាយករដ្ឋមន្ត្រី និងជាប្រធានអាជ្ញាធរមីន និងលោក W. Patrick Murphy ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា បានអញ្ជើញទស្សនកិច្ចការងារបោសសម្អាតគ្រាប់បែកចង្កោមរបស់អង្គការ MAG និងអង្គការ NPA នៅខេត្តរតនគិរី។ឯកឧត្តមទេសរដ្ឋមន្រ្តី និងឯកអគ្គរដ្ឋទូត បានចុះពិនិត្យ ម៉ាស៊ីនគាំទ្រប្រតិបត្តិការបោសសម្អាតគ្រាប់របស់អង្គការ MAG ដែលជាជំនួយរបស់សហរដ្ឋអាមេរិកនៅក្រុងបានលុង និងលទ្ធផលនៃការបោសសម្អាតគ្រាប់បែកចង្កោមរបស់អង្គការ NPA នៅវិទ្យាល័យត្រពាំងក្រហម ស្រុកកូនមុំ ព្រមទាំងបានមើលការប្រកួតបាល់ទាត់នារីរវាងអ្នកដោះមីន/គ្រាប់របស់អង្គការ MAG និងអង្គការ NPA ផងដែរ។ឯកឧត្តមទេសរដ្ឋមន្រ្តី បានលើកឡើងថា ផ្អែកតាមលទ្ធផលនៃការស្រាវជ្រាវ ទិន្នន័យមូលដ្ឋាន ចាប់ពីឆ្នាំ២០០៩ ដល់ខែសីហា ឆ្នាំ២០២០ ប្រទេសកម្ពុជា រងផលប៉ះពាល់ដោយសារគ្រាប់បែកចង្កោមមានផ្ទៃដីប្រមាណជាង ៨៩៤ គីឡូម៉ែត្រក្រឡា ក្នុងនោះបានបោសម្អាតរួចមានប្រមាណជាង ១៨៥ គីឡូម៉ែត្រការ៉េ និងផ្ទៃដីនៅសល់មានប្រមាណជាង ៧៤៣ គីឡូម៉ែត្រការ៉េ ទៀត។ឯកឧត្តមថ្លែងអំណរគុណយ៉ាងជ្រាលជ្រៅ ចំពោះការគាំទ្រសកម្មភាពមីនមនុស្សធម៌នៅកម្ពុជាដ៏សប្បុរស ដែលបានផ្តល់ដោយរដ្ឋាភិបាល និងប្រជាជនសហរដ្ឋអាមេរិក ក្នុងការរួមចំណែកកាត់បន្ថយការគម្រាមកំហែងដោយសារគ្រាប់មីន និងគ្រាប់បែកចង្កោម និងសង្រ្គោះជីវិតមនុស្សនៅកម្ពុជា ចាប់តាំងពីឆ្នាំ១៩៩២ ក្នុងទឹកប្រាក់ប្រមាណជាង ១៦០លានដុល្លារ តាមរយៈ WRA (Weapon Removal and Abatement) និងកម្មវិធី HDR& D (Humanitarian Demining, Research and Development) ។ឯកឧត្តមទេសរដ្ឋមន្រ្តី បានស្នើសុំឲ្យរដ្ឋាភិបាល និងប្រជាជនសហរដ្ឋអាមេរិក បន្តជួយគាំទ្រ៖ ទី១/ បង្កើននូវកញ្ចប់ថវិការបស់ខ្លួន ក្នុងការចូលរួមលើការងារបោសសម្អាតមីននិងគ្រាប់បែកចង្កោមនៅកម្ពុជា ទី២/ ជួយកសាងសមត្ថភាពថ្នាក់ជាតិក្នុងការគ្រប់គ្រងហានិភ័យសំណល់ជាតិផ្ទុះរយៈពេលវែងក្រោយឆ្នាំ២០២៥ និងទី៣/ គាំទ្រការបង្កើតបន្ថែមក្រុមការងារបច្ចេកទេសស្រាវជ្រាវចម្ការគ្រាប់បែកចង្កោម។ឯកឧត្តម W. Patrick Murphy បានមានប្រសាសន៍ថា សហរដ្ឋអាមេរិក គឺជាអ្នកផ្តល់ជំនួយមនុស្សធម៌លើការងារបោសសម្អាតមីន/គ្រាប់នៅកម្ពុជាធំមួយ ក្នុងគោលដៅចូលរួមផ្តល់នូវសុខសុវត្ថិប្រភពជូនប្រជាពលរដ្ឋកម្ពុជា ហើយសហរដ្ឋអាមេរិក នឹងប្តេជ្ញាបន្តឈរជាមួយកម្ពុជាក្នុងការបញ្ចប់ការគម្រាមកំហែងដោយសារមីនអោយអស់នៅឆ្នាំ២០២៥ ស្របតាមផែនការយុទ្ធសាស្ត្ររបស់រាជរដ្ឋាភិបាលកម្ពុជា ផងដែរ៕

យោធិនសោធននិវត្តន៍ និងពិការ បានធ្វើពលិកម្មយ៉ាងធំធេងក្នុងបុព្វហេតុរំដោះប្រទេសជាតិ

ភ្នំពេញ ៖ មេបញ្ជាការកងពលតូចលេខ៧០ បានសម្ដែងនូវការដឹងគុណយ៉ាងជ្រាលជ្រៅបំផុតចំពោះពលទាហាន នៃកងយោធពលខេមរភូមិន្ទ ដែលរយៈពេលកន្លងមកបានធ្វើពលិកម្មយ៉ាងធំធេងក្នុងបុព្វហេតុរំដោះប្រទេសជាតិពីរបបប្រល័យពូជសាសន៍ ប៉ុល ពត ទប់ស្កាត់ការប៉ុនប៉ងត្រឡប់មកវិញ នៃរបបព្រៃផ្សៃយង់ឃ្នង។ថ្លែងក្នុងពិធីសំណេះសំណាល និងបំពាក់ឋានន្តរសក្តិ ជូនយោធិនសោធននិវត្តន៍ និងពិការ ចំណុះកងពល ឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក មេបញ្ជាការកងពលតូចលេខ៧០ បានថ្លែងបន្ដថា នាយទាហាន នាយទាហានរង និង ពលទាហាន បានចូលរួមយ៉ាងសកម្មក្នុងចលនាបង្រួបបង្រួមជាតិផ្សះផ្សាជាតិ និងជាកម្លាំងស្នូលក្នុងការអនុវត្តននូវយោបាយឈ្នះឈ្នះ នាំមកនូវសន្តិភាពពេញលេញនៅ កម្ពុជា ក៏ដូចជាបានចូលរួមចំណែកថែរក្សាការពារសន្តិភាព សន្តិសុខ សណ្ដាប់ធ្នាប់សង្គម និងរួមចំណែកអភិវឌ្ឍន៍ប្រទេសជាតិ ក្រោមការដឹកនាំដ៏ឈ្លាសវៃរបស់សម្ដេច តេជោ ហ៊ុន សែន នាយករដ្ឋមន្ត្រី ធ្វើឲ្យប្រទេសកម្ពុជាទទួលបានជោគជ័យដ៏ត្រចះត្រចង់ជាប្រវត្តិសាស្ត្រ។លោកមេបញ្ជាការ បានបន្តទៀតថា ការអនុវត្តគោលនយោបាយចំពោះយោធិន នៃកងយោធពលខេមរភូមិន្ទ ក៏ដូចជា ការយកចិត្តទុកដាក់អនុវត្តន៍នូវគោលនយោបាយចំពោះយោធិនពលី ពិការ មរណៈ បាត់បង់សមត្ថភាពការងារ យោធិនចូលនិវត្តន៍ អតីតយុទ្ធជន និងគ្រួសារ ដោយការគោរពដឹងគុណចំពោះគុណូបការៈដ៏ថ្លៃថ្លារបស់បងប្អូនចំពោះជាតិមាតុភូមិ និងប្រជាជន ដោយយកចិត្តទុកដាក់ដោះស្រាយជីវភាពរស់នៅ ទាំងស្មារតី សម្ភារៈ និងថវិកាជាបន្តបន្ទាប់ ។ ជាក់ស្ដែងនាពេលនេះ យើងបានអនុវត្តន៍នូវគោលនយោបាយរបស់ប្រមុខរាជរដ្ឋាភិបាល ធ្វើការបំពាក់ឋានន្តរសក្តិ គ្រឿងឥស្សរយស បន្ថែមមួយថ្នាក់ជូនយោធិនចូលនិវត្តន៍ និងយោធិនពិការ ដែលបានត្រូវផ្ទេរចេញពីក្របខ័ណ្ឌ ក្រសួងការពារជាតិ របស់អង្គភាពចំណុះបញ្ជាការដ្ឋានកងទ័ពជើងគោកក្នុងឆ្នាំ២០២០ នេះមានចំនួនសរុប ២៦រូប នារីចំនួន០១រូប។សូមបញ្ជាក់ថា នៅព្រឹកថ្ងៃទី៣០ ខែកញ្ញា ឆ្នាំ២០២០ នៅទីបញ្ជាការដ្ឋានកងពលតូចលេខ៧០ បានរៀបចំពិធីសំណេះសំណាល បំពាក់ឋានន្តរសក្តិ និង បំពាក់គ្រឿងឥស្សរិយយសជូនយោធិនសោធននិវត្តន៍ និងពិការចំនួន២៦នាក់ ក៏បានទទួលថវិកាលើកទឹកចិត្តបន្ថែម ក្នុងម្នាក់ៗទទួលបានថវិកាចំនួន ១២០០,០០០៛ ក្នុងនោះ ថវិកាចំនួន២០០,០០០៛ ជាអំណោយដ៏ថ្លៃថ្លារបស់ឯកឧត្តម ឧត្តមសេនីយ៍ឯក ហ៊ុន ម៉ាណែត និងលោកជំទាវ ពេជ ចន្ទមុន្នី និងថវិកាចំនួន១០០,០០០៛ ជាអំណោយរបស់បញ្ជាការដ្ឋានកងពលតូចលេខ៧០ និងគ្រឿងឧបភោគបរិភោគមួយចំនួនទៀត៕

ក្រសួងអប់រំបញ្ជាក់ឱ្យគ្រឹះស្ថានសិក្សា មិនទាន់បើកដំណើរការ ត្រូវរង់ចាំ និងរៀបចំតាមគោលការណ៍ ប្រតិបត្តិស្តង់ដារ

ភ្នំពេញ ៖ ក្រសួងអប់រំ តាមរយៈអ្នកនាំពាក្យបានបញ្ជាក់ឱ្យគ្រឹះស្ថានសិក្សាទាំងរដ្ឋ និងឯកជនដែលពុំទាន់ បានបើកដំណើរការឡើងវិញ ក្នុងដំណាក់កាលទី២នេះ គឺត្រូវតែរង់ចាំ និងបន្តការរៀបចំគ្រឹះស្ថាន របស់ខ្លួន ឱ្យស្របទៅនឹងគោលការណ៍ប្រតិបត្តិស្តង់ដារ សម្រាប់ដំណើរការសាលារៀនឡើងវិញ ក្នុងបរិបទកូវីដ ១៩។ជុំវិញការបើកដំណើរការសាលារៀនជាថ្មី ក្នុងដំណាក់កាលទី២ នេះ គឺមានតែគ្រឹះស្ថានសិក្សាសាធារណៈមួយចំនួន និងគ្រឹះស្ថានសិក្សាឯកជនមួយចំនួនប៉ុណ្ណោះ ពុំទាន់មានការបើកដំណើរការគ្រប់គ្រឹះស្ថានសិក្សាពេញផ្ទៃប្រទេសនោះទេ។ នេះជាការបញ្ជាក់ជាថ្មីម្ដងទៀត របស់ឯកឧត្តម រស់ សុវាចា អ្នកនាំពាក្យក្រសួងអប់រំ។ឯកឧត្តម លើកឡើងថា សម្រាប់គ្រឹះស្ថានសិក្សាទាំងរដ្ឋ និងឯកជនដែលមិនទាន់បានបើកដំណើរការក្នុងដំណាក់កាលទី២នេះ គឺត្រូវតែបន្តការរង់ចាំ និងត្រូវតែបន្តរៀបចំគ្រឹះស្ថានសិក្សារបស់ខ្លួនឱ្យស្របទៅនឹង គោលការណ៍ប្រតិបត្តិស្តង់ដារ សម្រាប់ដំណើរការសាលារៀនឡើងវិញ ក្នុងបរិបទកូវីដ –១៩ ។ ការតម្រូវបែបនេះ ជារឿងចាំបាច់ដោយគិតគូរខ្ពស់ពីសុខភាពរបស់សិស្ស និងសុខភាពរបស់បុគ្គលិកអប់រំផងដែរ។ឯកឧត្តមអ្នកនាំពាក្យ បញ្ជាក់ថា ការអនុញ្ញាតឱ្យបើកដំណើរការក្នុងដំណាក់កាលទី៣ គឺត្រូវបន្តរង់ចាំការត្រួតពីនិត្យវាយតម្លៃជាក់ស្ដែង ដោយក្រសួងអប់រំ រួមជាមួយក្រសួងសុខាភិបាល ក្រសួងសេដ្ឋកិច្ច និងក្រសួងស្ថាប័នពាក់ព័ន្ធ ជាដំណាក់កាលរហូតដល់អំឡុងខែ វិច្ឆិកា ទើបឈានទៅរកការដាក់ពាក្យស្នើសុំពីរាជរដ្ឋាភិបាល ដើម្បីបើកដំណើរការ។បច្ចុប្បន្ននេះ ក្រសួងអប់រំ បានអនុញ្ញាតឱ្យសិស្សថ្នាក់ទី ៩និងសិស្សថ្នាក់ទី ១២ទូទាំងប្រទេសចូលរៀនជាថ្មីក្នុងដំណាក់កាលទី ២ ដែលកំពុងដំណើរការដល់ពេលបច្ចុប្បន្ន ដើម្បីឱ្យសិស្សទាំងពីរក្រុមនេះ មានពេលវេលាគ្រប់គ្រាន់សម្រាប់ការប្រឡងបញ្ចប់ឆ្នាំ។ សម្រាប់ការប្រឡង ជាពិសេសផ្តោតលើសិស្សថ្នាក់ទី ១២ នឹងប្រឡងនៅថ្ងៃទី ២១ ខែធ្នូ ឆ្នាំ២០២០ ដែលក្រសួងអប់រំ យុវជន និងកីឡា នៅតែបន្តរក្សាគោលការណ៍ច្បាប់ តម្លាភាព និងលទ្ធផលទទួលយកបាន ដោយពុំមានការបន្ធូរបន្ថយកម្រិតវិញ្ញាសា រនោះទេ។ ក្រសួងអប់រំនៅតែបន្តបញ្ជាក់ឱ្យបេក្ខភាពប្រឡងត្រូវតែយកចិត្តទុកដាក់ ប្រឹងប្រែងរៀនសូត្រនៅក្នុងថ្នាក់រៀន និងការធ្វើស្វ័យសិក្សាជាចាំបាច់ សម្រាប់ការប្រឡងនាពេលខាងមុខនេះ។ បច្ចុប្បន្នភាពសម្រាប់សាលារៀនគួរ ជាសាលាដែលពុំមានអាជ្ញាប័ណ្ណពីក្រសួង អប់រំ គឺពុំទាន់មានគោលការណ៍អនុញ្ញាតឱ្យបើកដំណើរការវិញនោះទេ៕អត្ថបទ ៖ គឹមហុក

កម្ពុជាមិនអនុញ្ញាតឱ្យមានការលាងសម្អាតលុយខ្មៅ តាមរយៈល្បែងពាណិជ្ជកម្មឡើយ

ភ្នំពេញ ៖ ឯកឧត្តម ឡេង ប៉េងឡុង អ្នកនាំពាក្យរដ្ឋសភា បានអះអាងថា កម្ពុជា ដាច់ខាតមិនអនុញ្ញាតឱ្យមាន ការលាងសម្អាតលុយខ្មៅ តាមរយៈល្បែងពាណិជ្ជកម្មឡើយ។អ្នកនាំពាក្យរដ្ឋសភា ឯកឧត្ដម ឡេង ប៉េងឡុង បន្ទាប់ពីកិច្ចប្រជុំគណៈកម្មាធិការអចិន្ត្រៃយ៍ ដើម្បី ពិនិត្យ និងសម្រេចអនុម័តលើរបៀបវារៈ នៃសេចក្តីព្រាងច្បាប់ចំនួន១១ និងបានកំណត់កាលបរិច្ឆេទ បញ្ជូនរបៀបវារៈ នៃសេចក្តីព្រាងច្បាប់ទាំងអស់នេះ ទៅក្នុងសម័យប្រជុំរដ្ឋសភា លើកទី៥ នីតិកាលទី៦ ដែលនឹងប្រព្រឹត្តទៅ នៅថ្ងៃទី៥ ខែតុលា ខាងមុខនេះ ដែលក្នុងចំណោមសេចក្តីព្រាងច្បាប់នោះ មានពាក់ ព័ន្ធនឹងការគ្រប់គ្រងល្បែងពាណិជ្ជកម្មផង បានបញ្ជាក់ថា កម្ពុជា ដាច់ខាតមិនអនុញ្ញាតឱ្យមានការលាង សម្អាតលុយខ្មៅ តាមរយៈការធ្វើវិនិយោគល្បែងពាណិជ្ជកម្មឡើយ ដោយសារកម្ពុជា មានច្បាប់ប្រឆាំង នឹង ការលាងសម្អាតប្រាក់ ឬហិរញ្ញប្បទានផ្សេងៗ ជាដើម។ឯកឧត្តម ឡេង ប៉េងឡុង បានបញ្ជាក់ទៀតថា សេចក្តីព្រាងច្បាប់ទាំង១១ ដែលបានដាក់បញ្ចូល ទៅក្នុងសម័យប្រជុំរដ្ឋសភា នាសប្តាហ៍ក្រោយនេះ ក៏មានភាពចាំបាច់ ដើម្បីឆ្លើយតបចំពោះការប្រយុទ្ធ ប្រឆាំងនឹងកូវីដ១៩ រួមទាំងចូលរួមចំណែកជំរុញកំណើនសេដ្ឋកិច្ច ក្រោយកូវីដ១៩ផង។ក្នុងចំណោមសេចក្តីព្រាងច្បាប់ ចំនួន១១ រួមមាន សេចក្តីព្រាងច្បាប់ ស្តីពីការគ្រប់គ្រងល្បែង ពាណិជ្ជកម្ម មូលបត្ររដ្ឋ ការរៀបចំ និងការប្រព្រឹត្តទៅ នៃអាជ្ញាធរសេវាហិរញ្ញវត្ថុមិនមែនធនាគារ ការអនុម័តយល់ព្រមលើកិច្ចព្រមព្រៀង ស្តីពីការវិនិយោគក្រោមកិច្ចព្រមព្រៀងក្របខ័ណ្ឌ ស្តីពីសហប្រតិបត្តិការ សេដ្ឋកិច្ចទូលំទូលាយ រវាងសមាគមប្រជាជាតិអាស៊ីអាគ្នេយ៍ និងសាធារណរដ្ឋឥណ្ឌា ការអនុម័តយល់ព្រម លើកិច្ចព្រមព្រៀង ស្តីពីការវិនិយោគរវាងបណ្តារដ្ឋសមាជិក នៃសមាគមប្រជាជាតិអាស៊ីអាគ្នេយ៍ និង រដ្ឋាភិបាល នៃតំបន់រដ្ឋបាលពិសេសហុងកុង ការអនុម័តយល់ព្រមលើពិធីសារទីមួយ ធ្វើវិសោធនកម្មកិច្ច ព្រមព្រៀង ស្តីពីភាពជាដៃគូសេដ្ឋកិច្ចទូលំទូលាយ រវាងរដ្ឋជាសមាជិកសមាគមប្រជាជាតិអាស៊ីអាគ្នេយ៍ និងជប៉ុន ការអនុម័តយល់ព្រមលើពិធីសារអនុវត្តកញ្ចប់សន្យាទី១០ ក្រោមកិច្ចព្រមព្រៀងក្របខ័ណ្ឌ អាស៊ាន ស្តីពីសេវាកម្ម និងសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងអាស៊ាន ស្តីពីការ ទទួលស្គាល់ទៅវិញទៅមក លើការផ្តល់អាជ្ញាប័ណ្ណក្រុមអាកាសយានិក៕អត្ថបទ៖ សេក ឧត្តម

ក្រុមការងារអន្តរក្រសួង ជំរុញបង្កើតគោលដៅអេកូទេសចរណ៍ជាច្រើនកន្លែង បន្ថែមទៀតនៅកម្ពុជា

ភ្នំពេញ ៖ នៅថ្ងៃទី៣០ ខែកញ្ញានេះ នៅក្រសួងទេសចរណ៍ បានបើកកិច្ចប្រជុំអន្តរក្រសួងស្តីពីការអភិវឌ្ឍន៍តំបន់អេកូទេសចរណ៍។ នៅក្នុងកិច្ចប្រជុំនេះ រដ្ឋមន្ត្រីក្រសួងទេសចរណ៍ ថ្លែងថា នៅពេលបច្ចុប្បន្ន ក្រសួងទេសចរណ៍មានតម្រូវការអោយមានចូលរួមពីភាគីពាក់ព័ន្ធនានាដើម្បីអភិវឌ្ឍន៍តំបន់អេកូទេសចរណ៍ ខណៈអំឡុងពេលកម្ពុជាកំពុងជួបប្រឈមនៃការរាតត្បាត COVID-19 គឺមានតែគោលដៅតំបន់អេកូទេសចរណ៍នោះទេ បានទាក់ទាញភ្ញៀវទេសចរក្នុងស្រុកទៅទស្សនាកម្សាន្តច្រើនជាងគេ។ឯកឧត្តម ថោង ខុន រដ្ឋមន្ត្រីក្រសួងទេសចរណ៍ មានប្រសាសន៍ថា នៅក្នុងឆ្នាំ២០២០នេះ ក្រសួងទេសចរណ៍រំពឹងថា នឹងមានភ្ញៀវទេសចរក្នុងស្រុកចេញដើរកម្សាន្តមានកំណើនប្រមាណ២០% ប៉ុន្តែបើនិយាយពីភ្ញៀវទេសចរអន្តរជាតិ គឺមិនមានកំណើននោះទេ។ទោះយ៉ាងណាដើម្បីត្រៀមទទួលភ្ញៀវទេសចរអន្តរជាតិនៅក្រោយវិបត្តិCOVID-19 ឯកឧត្តម ថោង ខុន បានស្នើស្ថាប័ននានា រួមគ្នាជំរុញការអភិវឌ្ឍន៍វិស័យទេសចរណ៍ ក្នុងនោះ តំបន់អេកូទេសចរណ៍មិនទាន់មានផ្លូវ គឺត្រូវស្ថាបនានិងជួសជុលផ្លូវចូលទៅកាន់តំបន់ទេសចរណ៍ ភ្ជាប់បណ្តាប្រព័ន្ធទូរស័ព្ទ និងរៀបចំបណ្តាញទឹកស្អាតជាដើម ដើម្បីទាក់ទាញកំណើនភ្ញៀវទេសចរទៅទស្សនាផង រកចំណូលជូនប្រជាពលរដ្ឋក្នុងសហគមន៍ និងការអភិរក្សព្រៃឈើ និងធនធានធម្មជាតិនានានៅក្នុងសហគមន៍ជាដើម។លោក ជុក ជំនោរ ប្រធាននាយកដ្ឋានអភិវឌ្ឍន៍ទេសចរណ៍ នៃក្រសួងទេសចរណ៍ បានថ្លែងថា នៅក្នុងអំឡុងពេលនេះ ក្រសួងទេសចរណ៍បានចុះសិក្សា តំបន់អេកូទេសចរណ៍ដែលមានភ្ញៀវទេសចរឧស្សាហ៍ទៅលេងច្រើនរួមមាន ៖ តំបន់អេកូទេសចរណ៍ភ្នំខ្នងផ្សារ ខេត្តកំពង់ស្ពឺ សហគមន៍នេសាទផាត់សណ្តាយ ខេត្តកំពង់ធំ សហគមន៍អេកូទេសចរណ៍ទឹកជប់ខ្នារពោធិ៍ ខេត្តសៀមរាប សហគមន៍ទេសចរណ៍ទួលព័ន្ធតាឡី ខេត្តព្រៃវែងជាដើម ដើម្បីដាក់បញ្ចូលសកម្មភាពទេសចរណ៍ទទួលភ្ញៀវទេសចរប្រកបដោយភាពទាក់ទាញ។លោក បន្តថា កន្លងមកនៅទូទាំងប្រទេស មានតំបន់អេកូទេសចរណ៍ រមណីយដ្ឋានទេសចរណ៍ តំបន់ទេសចរណ៍វប្បធម៌ និងតំបន់នានាទៀតដែលភ្ញៀវទេសចរអាចទៅទស្សនាកម្សាន្តបាន មានប្រមាណជាង៥៥៧កន្លែង ហើយតំបន់ទេសចរណ៍ភាគច្រើនមិនទាន់មានផ្លូវស្អាត ប្រព័ន្ធទូរស័ព្ទ ប្រព័ន្ធទឹកស្អាត និងប្រព័ន្ធអគ្គិសនីសូឡាជាដើម។នៅក្នុងកិច្ចប្រជុំអន្តរក្រសួងនេះ លោក ជុក ជំនោរ និងក្រុមការងារ នឹងបន្តស្រាវជ្រាវ និងជំរុញអភិវឌ្ឍន៍សកម្មភាពទេសចរណ៍ និងអេកូទេសចរណ៍ នៅតាមសហគមន៍ដែលមានសក្តានុពល តាមរយៈការរៀបចំដំណើរទស្សនកិច្ច របស់ថ្នាក់ដឹកនាំក្រុមការងារអន្តរក្រសួងគ្រប់គ្រង និងអភិវឌ្ឍន៍សហគមន៍ទេសចរណ៍ និងអេកូទេសចរណ៍ដើម្បីលើកទឹកចិត្ត និងដោះស្រាយបញ្ហាប្រឈមនានា រៀបចំការបណ្តុះបណ្តាល ផ្សព្វផ្សាយ និងពង្រឹងសមត្ថភាពសមាជិកសហគមន៍ជាដើម៕

នគរបាលការពារព្រំដែនត្រូវត្រៀមខ្លួនជានិច្ច ក្នុងកិច្ចការពារអធិបតេយ្យភាព បូរណភាពទឹកដី

ភ្នំពេញ៖ អគ្គស្នងការរងនគរបាលជាតិ និងជាមេបញ្ជាការគណៈបញ្ជាការនគរបាលជាតិប្រចាំទិសភូមិភាគទី៣ ឧត្តមសេនីយ៍ឯក តេង សួន បានរំលឹកដល់នគរបាលការពារព្រំដែនទាំងអស់ ត្រូវត្រៀមខ្លួនជានិច្ចក្នុងកិច្ចការពារសន្តិសុខ សណ្ដាប់ធ្នាប់ អធិបតេយ្យភាព បូរណភាពទឹកដី និងបន្តការអនុវត្តន៍គោលនយោបាយភូមិ-ឃុំ មានសុវត្ថិភាព ហើយជាពិសេសទៅទៀតនោះ ត្រូវមានភក្ដីភាពការពាររដ្ឋធម្មនុញ្ញ និងការពារដាច់ខាតចំពោះព្រះមហាក្សត្រ ប្រមុខរាជរដ្ឋាភិបាល ក្រសួងមហាផ្ទៃ និងអគ្គស្នងការដ្ឋាននគរបាលជាតិ ទោះស្ថិតក្នុងកាលៈទេសៈបែបណាក៏ដោយ។ការលើកឡើងរបស់ ឯកឧត្ដម ឧត្តមសេនីយ៍ឯក តេង សួន អគ្គស្នងការរងនគរបាលជាតិ តំណាងនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ក្នុងពិធីប្រគល់ទទួលម៉ូតូចំនួន៤៣គ្រឿង និងម៉ាស៊ីនភ្លើងចំនួន៣០គ្រឿង របស់សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រី ក្រសួងមហាផ្ទៃ ជូនដល់ វរៈសេនាតូច និងប៉ុស្តិ៍នគរបាលការពារតាមព្រំដែនទឹក-គោក ចំណុះគណៈបញ្ជាការនគរបាលជាតិប្រចាំទិសភូមិភាគទី៣ នៅស្នងការដ្ឋាននគរបាលខេត្តតាកែវ នាថ្ងៃទី២៩ ខែកញ្ញា ឆ្នាំ២០២០នេះ។ឯកឧត្ដម ឧត្តមសេនីយ៍ឯក អគ្គស្នងការរងនគរបាលជាតិ បានមានប្រសាសន៍ទៀតថា «ចំពោះការងារព្រំដែន ក្នុងនាមយើងជានគរបាលត្រូវបន្តលើកកម្ពស់ស្មារតីសាមគ្គីភាពជាមួយកងយោធពលខេមរភូមិន្ទ, បន្តតាមដានស្រាវជ្រាវរកមុខសញ្ញាប្រព្រឹត្តបទល្មើស, បន្តជំរុញបើកវគ្គហ្វឹកហ្វឺនផ្ទៃក្នុង និងហ្វឹកហ្វឺនការងារព្រំដែន ដល់វរសេនាតូច និងបន្តសហការជាមួយស្ថាប័នផ្សេងៗ »។ឯកឧត្តមបានបន្តថា ត្រូវទប់ស្កាត់កុំអោយមានការរីករាលដាលនូវបញ្ហាគ្រឿងញៀន, ត្រូវបន្តផ្សព្វផ្សាយអប់រំ ដល់ប្រជាពលរដ្ឋអោយយល់ដឹងពីបញ្ហាគ្រឿងញៀន, ត្រូវចុះធ្វើការណែនាំជាប្រចាំដល់ ក្លិបកំសាន្ត កន្លែងសប្បាយដ្ឋាន ផ្ទះសំណាក់ សណ្ឋាគារ និងបន្តសហការជាមួយសមត្ថកិច្ចពាក់ព័ន្ធក្នុងការបង្ក្រាបមុខសញ្ញាជាដើមនោះ។ក្នុងឱកាសនោះដែរ ឧត្តមសេនីយ៍ឯក តេង សួន ក៏បានណែនាំដល់នគរបាលការពារព្រំដែនគោក និងទឹកទាំងអស់ឲ្យចូលរួមប្រយុទ្ធប្រឆាំងនឹងការរីករាលដាលនៃវីរុសកូវីដ១៩ ស្រមតាមការណែនាំរបស់រាជរដ្ឋាភិបាល ក៏ដូចជាក្រសួងសុខាភិបាល ដែលឲ្យពួកយើងទាំងអស់គ្រានត្រូវពាក់ម៉ាស ត្រូវលាងដៃនិងសាប៊ូ ត្រូវបាញ់អាល់កុល ឬជែ ត្រូវរក្សាគម្លាតពីគ្នា ត្រូវកាត់បន្ថយការជួបជុំគ្នាជាដើមនោះផងដែរ។ជាចុងក្រោយ ឯកឧត្តម ឧត្តមសេនីយ៍ឯក តេង សួន អគ្គស្នងការរងនគរបាលជាតិ បាននាំយកអំណោយរបស់ឯកឧត្តម នាយឧត្តមសេនីយ៍សន្តិបណ្ទិត នេត សាវឿន អគ្គស្នងការនគរបាលជាតិ ចំនួន៤លានរៀល ផ្តល់ជូនស្នងការដ្ឋាននគរបាលខេត្តតាកែវ៕ អត្ថបទ៖ បាន ចក់

កងទ័ពជើងគោកហ្វីលីពីនត្រៀមខ្លួនជានិច្ច ក្នុងការបង្ក្រាបភេរវកម្មជាមួយកងទ័ពជើងគោកកម្ពុជា

ភ្នំពេញ៖ ឧត្តមសេនីយ៍ឯក ស៊ីរីលីតូ សូប៊ីហាណា (CIRILITO E. SOBEJANA) មេបញ្ជាការកងទ័ពជើងគោកហ្វីលីពីន បានអះអាងថា កងទ័ពរបស់លោក បានត្រៀមខ្លួនជានិច្ចក្នុងកិច្ចសហប្រតិបត្តិការទ្វេភាគីជាមួយកងទ័ពជើងគោកកម្ពុជា ដើម្បីទប់ស្កាត់ និងបង្ក្រាបអំពើភេរវកម្ម និងឧក្រិដ្ឋឆ្លងដែនផ្សេងៗនោះ។ការអះអាង របស់ឧត្តមសេនីយ៍ផ្កាយបីរបស់ប្រទេសហ្វីលីពីនរូបនេះ គឺបានធ្វើឡើងនៅក្នុងកិច្ចជំនួបសន្ទនាតាមរយៈវិដេអូ Virtual Conference ជាមួយឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក កាលពីល្ងាចថ្ងៃទី២៩ ខែកញ្ញា ឆ្នាំ២០២០ម្សិលមិញនេះ។នៅក្នុងកិច្ចសន្ទនានោះ លោកឧត្តមសេនីយ៍ឯក ស៊ីរីលីតូ សូប៊ីហាណា (CIRILITO E. SOBEJANA) បានលើកឡើងថា «កងទ័ពជើងគោកហ្វីលីពីនត្រៀមខ្លួនជានិច្ច នៅក្នុងការបន្តជំរុញកិច្ចសហប្រតិបត្តិការជាមួយកងទ័ពជើងគោក នៃកងយោធពលខេមរភូមិន្ទ នៅក្នុងផ្នែកនានាជាច្រើនដែលជាផលប្រយោជន៍រួម ដែលអាចមានដូចជា ការប្រយុទ្ធប្រឆាំងនឹងអំពើភេរវកម្ម, ឧក្រិដ្ឋកម្មឆ្លងដែន និងសកម្មភាពផ្លាស់ប្តូរទស្សនកិច្ចរបស់នាយទាហានរងជាដើមនោះ»។ថ្លែងនៅក្នុងកិច្ចសន្ទនានោះដែរ ឧត្តមសេនីយ៍ឯក ហ៊ុន ម៉ាណែត បានគាំទ្រចំពោះទស្សនវិស័យនៃការបង្កើនកិច្ចសហប្រតិបត្តិការរវាងកងទ័ពជើងគោក នៃប្រទេសទាំងពីរ និងបានបញ្ជាក់បន្ថែមថា ក្នុងចំណោមអាទិភាពនានា កងទ័ពជើងគោក នៃកងយោធពលខេមរភូមិន្ទ តែងបានផ្តោតការយកចិត្តទុកដាក់លើការពង្រឹង និងពង្រីកកិច្ចសហប្រតិបត្តិការជាមួយប្រទេសក្បែរខាងក្នុងតំបន់អាស៊ាន ដោយរួមទាំងកងទ័ពជើងគោកហ្វីលីពីនផងដែរ។ជាក់ស្តែង អនុលោមតាមស្មារតីនៃអនុស្សារណៈនៃការយោគយល់ (MOU) រវាងក្រសួងការពារជាតិកម្ពុជា-ហ្វីលីពីន កិច្ចសហប្រតិបត្តិការរវាងកងទ័ពជើងគោក នៃប្រទេសទាំងពីរ គឺជាទំនាក់ទំនងប្រកបដោយសក្តានុពល ដែលអាចមានវិសាលភាពទូលំទូលាយ ទាំងសម្រាប់ពេលបច្ចុប្បន្ន និងអនាគត។ក្នុងឱកាសនោះផងដែរ ភាគីទាំងពីរក៏បានពិភាក្សាផ្លាស់ប្តូរ និងចែករំលែកបទពិសោធន៍លើការងារប្រយុទ្ធនឹងជំងឺកូវីដ–១៩ ក៏ដូចជាអំពីវិធីសាស្ត្រផ្សេងៗពាក់ព័ន្ធនឹងការអនុវត្តរបៀបរបបការងារថ្មី ស្របតាមបរិបទថ្មីនៃជំងឺនេះ ដើម្បីធ្វើយ៉ាងណាឱ្យការងារហ្វឹកហ្វឺន និងប្រតិបត្តិការផ្សេងៗទៀតអាចដំណើរការទៅបានជាធម្មតា ដោយទាំងនេះ សុទ្ធសឹងជាមេរៀនដ៏ល្អសម្រាប់ការដកពិសោធន៍រៀនសូត្រពីគ្នាទៅវិញទៅមក។ថ្នាក់ដឹកនាំកងទ័ពជើងគោកទាំងពីរ ក៏បានកត់សម្គាល់អំពីភាពសំខាន់ចាំបាច់នៃនិរន្តរភាពនៃសន្តិភាព និងស្ថិរភាព ដើម្បីភាពសុខសាន្តរបស់ជាតិ និងប្រជាជន ក៏ដូចជាសម្រាប់តំបន់ទាំងមូល និងបានឯកភាពគ្នាបន្តជំរុញល្បឿន នៃកិច្ចសហប្រតិបត្តិការឱ្យកាន់តែសកម្ម ជាពិសេសការខិតខំពិនិត្យលទ្ធភាពក្នុងការសម្រេចឱ្យបាននូវការចុះអនុស្សរណៈ នៃការយោគយល់ (MOU) រវាងកងទ័ពជើងគោកកម្ពុជា-ហ្វីលីពីនក្នុងពេលឆាប់ៗខាងមុខនេះ៕ អត្ថបទ៖ បាន ចក់

ការបង់ពន្ធ គឺវិនិយោគ ដើម្បីប្រជាជន និងដើម្បីអភិវឌ្ឍន៍ប្រទេសជាតិ

ភ្នំពេញ៖ តំណាងអគ្គនាយកដ្ឋានពន្ធដារ និយាយថា ការដាក់ឲ្យប្រើប្រាស់ប្រព័ន្ធស្វ័យប្រវត្តិកម្មផ្ទេរកម្មសិទ្ធយានជំនិះ គឺជាកាតលីករថ្មី នៃការធ្វើបច្ចុប្បន្នភាពព័ត៌មាន ការពង្រឹងវប្បធម៌នៃការបង់ពន្ធ ឬការចូលរួមបង់ពន្ធ គឺជាការវិនិយោគដើម្បីខ្លួនឯង ដើម្បីប្រជាជន និងដើម្បីការចូលរួមអភិវឌ្ឍន៍ប្រទេសជាតិយើងទាំងអស់គ្នា។ឯកឧត្តម កែន សម្បត្តិ អគ្គនាយករង នៃអគ្គនាយកដ្ឋានពន្ធដារ បានលើកឡើងនៅក្នុងពិធីបើកឲ្យដំណើរការជាផ្លូវការ ប្រព័ន្ធស្វ័យប្រវត្តិកម្មផ្ទេរកម្មសិទ្ធយានជំនិះ និងមជ្ឍមណ្ឌលសេវាសាធារណៈថ្មី នៅថ្ងៃទី៣០ ខែកញ្ញា ឆ្នាំ២០២០ នេះថា បច្ចុប្បន្នអគ្គនាយកដ្ឋានពន្ធដារ បានធ្វើកំណែទម្រង់ប្រព័ន្ធបច្ចេកវិទ្យាជាច្រើន និងទទួលបានជោគជ័យជាបន្តបន្ទាប់ ក្នុងការប្រមូលចំណូល ដោយមានការកំណើនកើនឡើងលើសផែនការជាប់ជាប្រចាំ ជាក់ស្តែងនៅក្នុងឆ្នាំ២០១៩ កន្លងមក អគ្គនាយកដ្ឋានពន្ធដារ ប្រមូលចំណូលលើសផែនការជាង ២៣% ដែលបញ្ហាទាំងនេះ គឺកើតឡើងក្រោមការខិតខំប្រឹងប្រែង ការធ្វើទំនើបកម្មប្រព័ន្ធបច្ចេកវិទ្យា ដែលបានដាក់ឲ្យដំណើរការប្រព្រឹត្តទៅដោយរលូន។ឯកឧត្តម បន្តទៀតថា ចំណែកការដាក់ឲ្យប្រើប្រាស់ប្រព័ន្ធស្វ័យប្រវត្តិកម្មផ្ទេរកម្មសិទ្ធយានជំនិះ រវាងក្រសួងសាធារណការ និងដឹកជញ្ជូន ជាមួយអគ្គនាយកដ្ឋានពន្ធដារនៅពេលនេះ គឺជាកាតលីករថ្មីមួយទៀត នៃការធ្វើនៃការធ្វើបច្ចុប្បន្នភាពព័ត៌មាន ក្នុងគោលដៅជំរុញប្រកបដោយតម្លាភាព និងការផ្តល់ភាពងាយស្រួលដល់បងប្អូនប្រជាពលរដ្ឋ ក៏ពង្រឹងវប្បធម៌នៃការបង់ពន្ធ ឬការចូលរួមបង់ពន្ធ គឺជាការវិនិយោគដើម្បីខ្លួនឯង ដើម្បីប្រជាជន និងដើម្បីការចូលរួមអភិវឌ្ឍន៍ប្រទេសជាតិយើងទាំងអស់គ្នា, ប្រទេសជាតិរីកចម្រើន ពិតជាចៀសមិនផុតពីចូលបង់ពន្ធពីប្រជាពលរដ្ឋនោះឡើយ។ជុំវិញបញ្ហាប្រមូលចំណូល តាមរយៈការចុះបញ្ជី និងការផ្ទេរកម្មសិទ្ធផ្សេងៗ, ឯកឧត្តម ឈួន វ៉ន់ អគ្គនាយក នៃអគ្គនាយកដ្ឋានដឹកជញ្ជូនផ្លូវគោក លើកឡើងថា ចាប់តាំងពីឆ្នាំ១៩៩០ ដល់ឆ្នាំ ២០២០ នេះ យានយន្តដែលបានចុះបញ្ជីមានចំនួនជិត ៦លានគ្រឿង ដោយឡែកទោចក្រយានយន្តជិត ៥ លានគ្រឿង ក្នុងនោះ សម្រាប់រថយន្តមាន៖ រថយន្តធុនស្រាលជាង ៥០ម៉ឺនគ្រឿង រថយន្តធុនធ្ងន់ ២៥ ម៉ឺនគ្រឿង។ចំណែកការផ្តល់ប័ណ្ណបើកបរបានចំនួនជិត ២ លានប័ណ្ណ ភាគច្រើនប្រភេទឡានទេសចរ, ចំពោះការផ្ទេរកម្មសិទ្ធពីឆ្នាំ២០១៧ ដល់ ២០២០ វិញ មានចំនួន ១០ ម៉ឺនគ្រឿង ដែលបញ្ហាទាំងនេះគឺជាការប្រមូលចំណូលសម្រាប់ចូលថវិកាជាតិ ដើម្បីចូលរួមអភិវឌ្ឍន៍សង្គមយើងផងដែរ៕ អត្ថបទ៖ សុន រ៉ាឌី

រដ្ឋមន្ត្រីក្រសួងសាធារណការ ប្រកាសធ្វើប័ណ្ណបើកបរខ្នាតអន្តរជាតិ ដែលអាចធ្វើបើកបរបាន ៩៩ប្រទេស

ភ្នំពេញ៖ រដ្ឋមន្ត្រីក្រសួងសាធារណការ និងដឹកជញ្ជូន ប្រកាសធ្វើប័ណ្ណបើកបរថ្មី ខ្នាតអន្តរជាតិ ដោយប័ណ្ណអាចធ្វើបើកបរបានចំនួន ៩៩ ប្រទេស និងមានសុពលភាពរយៈពេលមួយឆ្នាំ ដើម្បីបង្កលក្ខណៈកាន់តែងាយស្រួល ក្នុងការធ្វើដំណើររបស់បងប្អូនប្រជាពលរដ្ឋទៅកាន់បរទេស។ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងឲ្យដឹង នៅក្នុងពិធីបើកឲ្យដំណើរការជាផ្លូវការ ប្រព័ន្ធស្វ័តប្រវត្តិកម្មផ្ទេរកម្មសិទ្ធយានជំនិះ និងមជ្ឍមណ្ឌលសេវាសាធារណៈថ្មី នៅថ្ងៃទី ៣០ ខែកញ្ញា ឆ្នាំ២០២០ នេះថា ក្រៅពីសមិទ្ធផលសម្រេចបានផ្លែផ្កាជាច្រើន នៅក្នុងវិស័យសាធារណការ និងដឹកជញ្ជូន ក្នុងនោះ ដើម្បីឆ្លើយតបនិងតម្រូវការបន្ថែម និងស្របពេលដែលប្រទេសកម្ពុជា, បានចូលជាសមជិកអង្គការរអន្តជាតិនោះ ក្រសួងសូមប្រកាសជាផ្លូវការ អំពីការធ្វើប័ណ្ណបើកបរថ្មីខ្នាតអន្តរជាតិ ជូនប្រជាពលរដ្ឋទូទៅ ដែលប័ណ្ណបើកបរនេះ អាចធ្វើការបើកបរបានចំនួន ៩៩ប្រទេស មានសុពលភាពរយៈពេលមួយឆ្នាំ ក្នុងនោះបងប្អូនមកធ្វើប័ណ្ណនេះបាន នៅអគ្គនាយដ្ឋាន ឬនៅតាមមន្ទីររាជធានីខេត្ត និងនៅមជ្ឍមណ្ឌលសេវាសាធារណៈថ្មី ស្ថិតនៅផ្សារទំនើបជីបម៉ុង ណូរ៉ូម៉ល នេះបាន ដែលបញ្ហាទាំងនេះ ជាការបង្ករលក្ខណៈកាន់តែងាយស្រួល សម្រាប់បងប្អូនប្រជាពលរដ្ឋ ធ្វើដំណើរកាន់បរទេស។ឯកឧត្តម ទេសរដ្ឋមន្ត្រី បានបញ្ជាក់ថា សម្រាប់ការធ្វើប័ណ្ណបើកបរថ្មីនេះ គឺជាប័ណ្ណស្តង់ដារអន្តរជាតិរបស់ពិភពលោក ចំណែកបងប្អូនដែលកំពុងប្រើប្រាស់ប័ណ្ណបើកបរសព្វថ្ងៃនេះ ប្រសិនមានបំណងចង់ប្តូរប័ណ្ណបើកបរខ្នាតអន្តរជាតិ អាចយកប័ណ្ណនោះមកដូរបាន នៅគ្រប់កន្លែងដែលផ្តល់សេវាកម្ម ដោយគិតតម្លៃសេវាចំនួនប្រមាណ ២៥ ម៉ឺនរៀល ដែលតម្លៃនេះគឺជាតម្លៃសមរម្យ ពោល គឺយកត្រឹមមធ្យម សម្រាប់ប្រទេសនៅក្នុងអាស៊ានប៉ុណ្ណោះ៕ក្រៅពីការផ្តលប័ណ្ណខាងលើ, ឯកឧត្តម ស៊ុន ចាន់ថុល បញ្ជាក់បន្ថែមថា៖ ការបើកឲ្យដំណើរការជាផ្លូវការ ប្រព័ន្ធស្វ័តប្រវត្តិកម្មផ្ទេរកម្មសិទ្ធយានជំនិះ និងមជ្ឍមណ្ឌលសេវាសាធារណៈថ្មី នៅផ្សារទំនើបជីបម៉ុង នេះ គឺជាផ្តល់សេវាឲ្យកាន់តែខិតជិតប្រជាពលរដ្ឋ ដើម្បីបង្ករលក្ខណៈងាយស្រួល និងងាយស្វែងរកក្នុងផ្ទេរកម្មសិទ្ធយានយន្តគ្រប់ប្រភេទ និងការពន្យាប័ណ្ណបើកបរ ការស្នើសុំឈៀកឡានជាដើម និងអនុវត្តន៍តបតាមអនុសាសន៍ដ៏ខ្ពស់ខ្ពស់របស់ សម្តេចតេជោ នាយករដ្ឋមន្ត្រី គឺយើងជាអ្នកបម្រើរាស្ត្រ ត្រូវតែផ្តល់សេវាសាធារណៈ សេវាចាំបាច់ជូនប្រជាពលរដ្ឋ ធ្វើឲ្យមានតម្លាភាព ធ្វើឲ្យមានប្រសិទ្ធភាព ធ្វើឲ្យបានឆាប់រហ័ស៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញចុះជួបសួរសុខទុក្ខ បងប្អូនយុទ្ធជន ដែលបានរងរបួស អំឡុងពេលជម្លោះព្រំដែនកម្ពុជា-ថៃ ចាប់ពីថ្ងៃទី២៤ ដល់ថ្ងៃទី២៨ ខែកក្កដា ឆ្នាំ២០២៥។

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចុះសួរសុខទុក្ខកងទ័ព និង ជនភៀសសឹកនៅខេត្តព្រះវិហារ

កងទ័ពអាវស TYDA កំពុងបំពេញបេសកកម្មមនុស្សធម៌ក្នុងបុព្វហេតុជាតិ និងប្រជាជន នៅលើទឹកដីខេត្តព្រះវិហារ

ក្រុមសិទ្ធិមនុស្សជំរុញឲ្យនេប៉ាល់ផ្លាស់ប្តូរបំរាមកម្មវិធីផ្ញើរសារលើបណ្តាញព័ត៌មានសង្គម Telegram

រដ្ឋមន្រ្តីពាណិជ្ជកម្ម៖ ឥណ្ឌានឹងចាត់រាល់វិធានការចាំបាច់ទាំងអស់ ដើម្បីធានាផលប្រយោជន៍ជាតិរបស់ខ្លួន

នាយករដ្ឋមន្ត្រី៖ ព័រទុយហ្គាល់នឹងពិចារណាទទួលស្គាល់រដ្ឋប៉ាឡេស្ទីន ក្នុងខែកញ្ញា

ឯកឧត្តម ទេសរដ្ឋមន្រ្តី គន់ គីម៖ អាជ្ញាធរខេត្តបន្ទាយមានជ័យបានយកចិត្តទុកដាក់ខ្ពស់ពីសុខទុក្ខរបស់ជនភៀសសឹក

បេសកជនអាមេរិក លោក Witkoff ជួបជាមួយនាយករដ្ឋមន្ត្រីអ៊ីស្រាអែល លោក Netanyahu

ភាពច្របូកច្របល់បង្ខំឲ្យយន្តហោះរបស់ក្រុមហ៊ុនអាកាសចរណ៍ Delta ចុះចត ហើយអ្នកដំណើរ ២៥នាក់ ត្រូវបញ្ជូនទៅមន្ទីរពេទ្យ

ប្រធានាធិបតី៖ អ៊ីរ៉ង់កំពុងស្ថិតនៅមាត់ជ្រោះនៃការមានវិបត្តិទឹកធ្ងន់ធ្ងរ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សាលាដំបូងក្នុងខេត្តចំនួនបី បិទបញ្ចប់សំណុំរឿងកកស្ទុះ ក្នុងវិបត្តិកូវីដ-១៩

កម្ពុជានៅសល់ផ្ទៃដីរងផលប៉ះពាល់ដោយសារគ្រាប់បែកចង្កោមប្រមាណជាង ៧៤៣ គីឡូម៉ែត្រក្រឡា ក្នុងខេត្តចំនួន១៩

យោធិនសោធននិវត្តន៍ និងពិការ បានធ្វើពលិកម្មយ៉ាងធំធេងក្នុងបុព្វហេតុរំដោះប្រទេសជាតិ

កម្ពុជាមិនអនុញ្ញាតឱ្យមានការលាងសម្អាតលុយខ្មៅ តាមរយៈល្បែងពាណិជ្ជកម្មឡើយ

ក្រុមការងារអន្តរក្រសួង ជំរុញបង្កើតគោលដៅអេកូទេសចរណ៍ជាច្រើនកន្លែង បន្ថែមទៀតនៅកម្ពុជា

នគរបាលការពារព្រំដែនត្រូវត្រៀមខ្លួនជានិច្ច ក្នុងកិច្ចការពារអធិបតេយ្យភាព បូរណភាពទឹកដី

កងទ័ពជើងគោកហ្វីលីពីនត្រៀមខ្លួនជានិច្ច ក្នុងការបង្ក្រាបភេរវកម្មជាមួយកងទ័ពជើងគោកកម្ពុជា

ការបង់ពន្ធ គឺវិនិយោគ ដើម្បីប្រជាជន និងដើម្បីអភិវឌ្ឍន៍ប្រទេសជាតិ

រដ្ឋមន្ត្រីក្រសួងសាធារណការ ប្រកាសធ្វើប័ណ្ណបើកបរខ្នាតអន្តរជាតិ ដែលអាចធ្វើបើកបរបាន ៩៩ប្រទេស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សាលាដំបូង​ក្នុង​ខេត្ត​ចំនួន​បី បិទ​បញ្ចប់​សំណុំរឿង​កក​ស្ទុះ​ ក្នុង​វិបត្តិ​កូ​វីដ​-១៩

យោធិន​សោធន​និវត្តន៍ ​និង​ពិការ​ បានធ្វើ​ពលិកម្ម​យ៉ាង​ធំធេង​ក្នុង​បុព្វហេតុ​រំដោះ​ប្រទេសជាតិ

កម្ពុជា​មិន​អនុញ្ញាត​ឱ្យ​មាន​ការ​លាង​សម្អាត​លុយ​ខ្មៅ​ តាមរយៈ​ល្បែង​ពាណិជ្ជកម្ម​ឡើយ​

ក្រុមការងារ​អន្តរក្រសួង​ ​ជំរុញ​បង្កើត​គោលដៅ​អេកូ​ទេសចរណ៍​ជាច្រើន​កន្លែង​ បន្ថែមទៀត​នៅ​កម្ពុជា

នគរបាល​ការពារ​ព្រំដែន​ត្រូវ​ត្រៀមខ្លួន​ជានិច្ច ​ក្នុង​កិច្ចការពារ​អធិបតេយ្យភាព បូរណភាព​ទឹកដី​

កងទ័ពជើងគោក​ហ្វីលីពីន​ត្រៀមខ្លួន​ជានិច្ច​ ក្នុង​ការ​បង្ក្រាប​ភេរវកម្ម​ជាមួយ​កងទ័ពជើងគោក​កម្ពុជា​

ការ​បង់ពន្ធ គឺ​វិនិយោគ​ ដើម្បី​ប្រជាជន និង​ដើម្បី​អភិវឌ្ឍន៍​ប្រទេសជាតិ​

រដ្ឋ​មន្ត្រីក្រសួង​សាធារណការ ប្រកាស​ធ្វើ​ប័ណ្ណបើកបរ​ខ្នាត​អន្តរជាតិ ដែល​អាច​ធ្វើ​បើកបរ​បាន ៩៩ប្រទេស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សាលាដំបូងក្នុងខេត្តចំនួនបី បិទបញ្ចប់សំណុំរឿងកកស្ទុះ ក្នុងវិបត្តិកូវីដ-១៩

យោធិនសោធននិវត្តន៍ និងពិការ បានធ្វើពលិកម្មយ៉ាងធំធេងក្នុងបុព្វហេតុរំដោះប្រទេសជាតិ

កម្ពុជាមិនអនុញ្ញាតឱ្យមានការលាងសម្អាតលុយខ្មៅ តាមរយៈល្បែងពាណិជ្ជកម្មឡើយ

ក្រុមការងារអន្តរក្រសួង ជំរុញបង្កើតគោលដៅអេកូទេសចរណ៍ជាច្រើនកន្លែង បន្ថែមទៀតនៅកម្ពុជា

នគរបាលការពារព្រំដែនត្រូវត្រៀមខ្លួនជានិច្ច ក្នុងកិច្ចការពារអធិបតេយ្យភាព បូរណភាពទឹកដី

កងទ័ពជើងគោកហ្វីលីពីនត្រៀមខ្លួនជានិច្ច ក្នុងការបង្ក្រាបភេរវកម្មជាមួយកងទ័ពជើងគោកកម្ពុជា

ការបង់ពន្ធ គឺវិនិយោគ ដើម្បីប្រជាជន និងដើម្បីអភិវឌ្ឍន៍ប្រទេសជាតិ

រដ្ឋមន្ត្រីក្រសួងសាធារណការ ប្រកាសធ្វើប័ណ្ណបើកបរខ្នាតអន្តរជាតិ ដែលអាចធ្វើបើកបរបាន ៩៩ប្រទេស