BTV NEWS

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ និង ការអភិវឌ្ឍន៍

ត្រីមាសទី៣នេះ ឃាត់រថយន្តដឹកលើសទម្ងន់ កម្រិតកំណត់ជាង១៣ម៉ឺនគ្រឿង

ភ្នំពេញ ៖ នៅក្នុងត្រីមាសទី៣ ឆ្នាំ២០២០នេះ ក្រុមការងារក្រសួងសាធារណការ និងដឹកជញ្ជូន បានឃាត់រថយន្តដឹកលើសទម្ងន់កម្រិតកំណត់ រហូតដល់ជាង១៣ម៉ឺនគ្រឿង និងពិន័យប្រាក់ បានជាងមួយប៊ីលានរៀល (៦៣២លាន ១៨២ពាន់រៀល )។ឯកឧត្ដម ឯក រត្ន អនុរដ្ឋលេខាធិការក្រសួងសាធារណការ និងដឹកជញ្ជូន បានឱ្យដឹងថា ក្នុងរយៈពេលត្រីមាសទី៣ ឆ្នាំ២០២០នេះ ក្រុមការងារក្រសួងសាធារណការបានត្រួតពិនិត្យយានយន្តសរុប ៤៤៨ ០៤៧ គ្រឿង ក្នុងនោះ បានរកឃើញការដឹកលើសទម្ងន់កម្រិតកំណត់ចំនួន ១៣៤ ៦៧៣ គ្រឿង។ ឯកឧត្ដម ឯក រត្ន បានបន្ថែមថា យានយន្តដែលដឹកលើសទម្ងន់កម្រិតកំណត់ជាង១៣ម៉ឺនគ្រឿងនេះ គឺរកឃើញលើទម្ងន់ក្រោម ៥% មានចំនួន ១៣៣ ៨៧៥ គ្រឿង និងដឹកលើសពី ៥% ដល់២០% សរុប ៧៩៨ គ្រឿង។ បើគិតជាប្រាក់ផាកពិន័យក្នុងត្រីមាសទី៣នេះ មានចំនួន មួយប៊ីលាន ៦៣២លាន ១៨២ពាន់រៀល។របាយការណ៍ពីគណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ឯណេះវិញ ក៏បានបង្ហាញឱ្យដឹងដែរថា រយៈពេល ៩ខែ ឆ្នាំ២០២០ កន្លងទៅនេះ ក្រុមការងារក្រសួងសាធារណការ និងដឹកជញ្ជូន បានបើកប្រតិបត្តិការចាប់ឃាត់រថយន្តដឹកលើសទម្ងន់កម្រិតកំណត់នៅទូទាំងប្រទេស បានចំនួន ៤១៥ ៩១៧ គ្រឿង ។ ក្នុងចំណោមរថយន្តដែលរកឃើញដឹកលើសទម្ងន់កម្រិតកំណត់នោះ រួមមាន រថយន្តផ្ទុកលើសទម្ងន់ក្រោម ៥% មានចំនួន ៤១៣ ៣៥៣គ្រឿង។ រថយន្តផ្ទុកលើសទម្ងន់ពី ៥%ទៅ១០% មានចំនួន ៦២គ្រឿង។ រថយន្តផ្ទុកលើសទម្ងន់ពី ១០% ទៅ ២០% មានចំនួន ១ ៦៥៣គ្រឿងនិងរថយន្តផ្ទុកលើសទម្ងន់លើសពី ២០% មានចំនួន ៨៤៩គ្រឿង។កន្លងមក ឯកឧត្ដម សេង ឈួន រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានគណៈកម្មាធិការសម្របសម្រួលអចិន្ត្រៃយ៍ បានជំរុញមន្ត្រីទាំងអស់ឱ្យខិតខំយកចិត្តទុកដាក់ បន្តអនុវត្តការងាររឹតបន្តឹងបទល្មើសដឹកលើសទម្ងន់កម្រិតកំណត់ឱ្យកាន់តែប្រសើរឡើង។ ជាពិសេស គឺយុទ្ធសាស្ត្រក្រុមការងារចល័ត ការសាងសង់ និងការធ្វើឱ្យប្រសើរឡើងនៅតាមស្ថានីយជញ្ជីងថ្លឹងមួយចំនួន គឺមន្ត្រីតាមស្ថានីយ ត្រូវពង្រឹងការអនុវត្តការងារឱ្យមានប្រសិទ្ធភាព ប្រកាន់ភ្ជាប់នូវក្រមសីលធម៌ការងារ និងសហការល្អជាមួយដៃគូពាក់ព័ន្ធ៕អត្ថបទ៖ ប្រាក់ វ៉ាន់ដា

អនុព័ន្ធយោធាហ្វីលីពីន ស្នើដល់ CMAC ចែករំលែកបទពិសោធន៍ដោះមីន នៅកម្ពុជា

ភ្នំពេញ ៖ ដោយសារកម្ពុជា មានបទពិសោធន៍ក្នុងសកម្មភាពដោះមីន អនុព័ន្ធយោធាហ្វីលីពីន ស្នើដល់កម្ពុជាចែករំលែកបទពិសោធន៍ដោះមីន ។ឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុក ជាអគ្គនាយកស៊ីម៉ាក់ នៅល្ងាចថ្ងៃទី០៧ ខែតុលា ម្សិលមិញ បានជួបពិភាក្សាជាមួយលោកវរសេនីយ៍ឯក ហ្សាលីម៉ា អ៊ីមភើរីយ៉ាល (Shalima R. Imperial) អនុព័ន្ធ យោធា ហ្វីលីពីន នៃសាធារណៈរដ្ឋហ្វីលីពីនថ្មី ប្រចាំនៅកម្ពុជា ដើម្បីពិភាក្សាការងារស្តីពី ៖ កិច្ចសហប្រតិបត្តិការ និងភាពជាដៃគូ លើវិស័យសកម្មភាពមីននៅកម្ពុជា។នៅក្នុងឱកាសនោះលោកអនុព័ន្ធយោធាហ្វីលីពីន បានបង្ហាញចំណាប់អារម្មណ៍ ចំពោះភាពជោគជ័យ របស់អង្គភាពដោះមីនស៊ីម៉ាក់ ក្នុងសកម្មភាពបោសសំអាតមីន និងសំណល់ជាតិផ្ទុះ ដោយសារសង្គ្រាមក្នុងរយៈពេលជាង២ ទសវត្សមកនេះ។ ហើយព្រមទាំងស្នើដល់ CMAC ចែករំលែកបទពិសោធន៍ដោះមីន នៅកម្ពុជា ក្នុងពេលណាមួយផងដែរ។ជាការឆ្លើយតប ឯកឧត្តម ហេង រតនា អគ្គនាយកស៊ីម៉ាក់ បានបង្ហាញការយល់ព្រមក្នុងចែករំលែកបទពិសោធន៍ទាំងអស់នេះ ទៅដល់ប្រទេសភីលីពីន។ ឯកឧត្តម បន្តថា កម្ពុជាមានប្រវត្តិជូរចត់ដោយសារតែសង្គ្រាមស៊ីវិលជាច្រើនឆ្នាំ ដោយបានសម្លាប់ជនស៊ីវិលជាច្រើននាក់។ ធ្ងន់ធ្ងរជាងនេះទៅទៀត ក្រោយសង្គ្រាមបានបញ្ចប់ ប្រជាពលរដ្ឋកម្ពុជារាប់ម៉ឺននាក់ទៀត បានបន្តរងគ្រោះដោយសារគ្រាប់មីន និងយុទ្ធភណ្ឌមិនទាន់ផ្ទុះ ។ ពលរដ្ឋមួយចំនួន បានធ្លាក់ខ្លួនពិការ និងក្លាយជាបន្ទុកដ៏ធំធេង សម្រាប់សង្គមជាតិ និងសេដ្ឋកិច្ច។ទោះយ៉ាងនេះក្តី រាជរដ្ឋាភិបាលកម្ពុជា បានខិតខំប្រឹងប្រែងបោសសំអាតផ្ទៃដីដែលមានគ្រាប់មីន និងយុទ្ធភណ្ឌមិនទាន់ផ្ទុះ និងបានផ្តល់ដីកសិកម្មជូនពលរដ្ឋដើម្បីធ្វើកសិកម្ម។ជាការកត់សំគាល់ ក្រោមការដឹកនាំរបស់រាជរដ្ឋាភិបាលដែលមានសម្តេចតេជោ ហ៊ុន សែន នាយករដ្ឋមន្ត្រីកម្ពុជា បានដាក់ចេញផែនការយុទ្ធសាស្ត្រជាតិសកម្មភាពមីន នៅ២០២៥ «កម្ពុជា គឺជាប្រទេសដែលគ្មានមីន ហើយការគំរាមដោយសារសំណល់ជាតិផ្ទុះពីសង្គ្រាមត្រូវបានកាត់បន្ថយឱ្យនៅកម្រិតអប្បបរមា និងមានការអភិវឌ្ឍសង្គម-សេដ្ឋកិច្ច ប្រព្រឹត្តទៅដោយសុវត្ថិភាព»៕អត្ថបទ ៖ ឡឹក សុផាន់ណា

អ្នកដំណើរជិត៤០នាក់ បានស្លាប់ ដោយបញ្ហាចរាចរណ៍ នៅក្នុងខេត្តតាកែវ

តាកែវ ៖ គ្រោះថ្នាក់ចរាចរណ៍ រយៈពេល៩ខែ ឆ្នាំ២០២០ មានការធ្លាក់ចុះ ចំនួន៣៨ភាគរយ បើប្រៀបធៀបនិងរយៈពេលដូចគ្នា នឹងឆ្នាំ២០១៩ កន្លងមក បានឆក់យកអាយុជីវិត មនុស្សអស់ចំនួន៣៦នាក់។ថ្លែងនៅក្នុងកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោក រយៈពេល៩ខែឆ្នាំ២០២០ នៅថ្ងៃទី៧ ខែតុលា លោក ណុប នី ប្រធានលេខាធិការដ្ឋាន នៃអនុគណៈកម្មាធិការសុវត្ថិភាពចរាចរណ៍ផ្លូវគោក ខេត្តតាកែវ បានឲ្យដឹងថា ក្នុងរយៈពេល៩ខែក្នុងឆ្នាំ២០២០នេះ គ្រោះថ្នាក់ចរាចរណ៍ នៅក្នុងខេត្តតាកែវ បានកើតឡើង៥៣លើ ៨១លើកក្នុងឆ្នាំ២០១៩ ថយចុះស្មើនិង៣៤,៥៦% បណ្តាលអោយមនុស្សរងគ្រោះ ១០១ នាក់ ស្លាប់ចំនួន ៣៦នាក់ លើ ៥០នាក់ ថយចុះ២៨% និងខូចខាតមធ្យោបាយសរុប១០៣ គ្រឿង។ថ្លែងនៅក្នុងឱកាសនោះដែរឯកឧត្តម អ៊ូច ភា អភិបាលខេត្តតាកែវ បានណែនាំ និងស្នើឲ្យអាជ្ញាធរគ្រប់ក្រុងស្រុកទាំងអស់ ត្រូវតែចូលរួមផ្សព្វផ្សាយ ពីច្បាប់ចរាចរណ៍ផ្លូវគោក ឲ្យខ្លាំងក្លាបន្ថែមទៀត នៅពេលចុះតាមមូលដ្ឋាន ដើម្បីអោយពលរដ្ឋបានយល់ដឹងកាន់តែច្រើនពីច្បាប់ចរាចរណ៍ដើម្បីជាការរួមចំណែកមួយ ក្នុងការកាត់បន្ថយបញ្ហាគ្រោះចរាចរណ៍នៅកម្រិតទាប បំផុតនៅខេត្តរបស់យើង។ឯកឧត្តម បន្តថា មានតែការចូលរួមផ្សព្វផ្សាយនៅតាមមូលដ្ឋាន និងនៅតាមសាលារៀន ពីសំណាក់អាជ្ញាធររបស់យើងនៅគ្រប់បណ្តាក្រុងស្រុងនោះទេ ទើបជាការល្អ ព្រោះការធ្លាក់ចុះ នៃចំនួនគ្រោះថ្នាក់ចរាចរណ៍ កន្លងមក គឺបណ្ដាលមកពីការអនុវត្ត ច្បាប់និងការចុះផ្សព្វផ្សាយអប់រំដល់បងប្អូនប្រជាពលរដ្ឋ និងសិស្សានុសិស្សនៅទូទាំងខេត្តតាកែវ៕

និវត្តន៍ជន សប្បាយចិត្តដែលនឹងទទួលបានការដំឡើងប្រាក់សោធននិវត្តន៍ នៅឆ្នាំ២០២១

ភ្នំពេញ ៖ អតីតយុទ្ធជនចូលនិវត្តន៍មុន បានបង្ហាញពីភាពត្រេកអរ នៅពេលដែលប្រមុខរាជរដ្ឋាភិបាល សម្រេចនឹងបន្តដំឡើងប្រាក់ចូលនិវត្តន៍ឱ្យខ្លួនសម្រាប់ឆ្នាំ ២០២១ ដើម្បីឱ្យកាំប្រាក់ចូលនិវត្តន៍ មានភាពប្រហាក់ប្រហែល ទៅនឹងអ្នកដែលទើបចូលនិវត្តន៍ថ្មីៗ។ជុំវិញការសម្រេចរបស់រាជរដ្ឋាភិបាល ក្នុងការបន្តដំឡើងប្រាក់ចូលនិវត្តន៍សម្រាប់អតីតយុទ្ធជន និងអ្នកចូលនិវត្តន៍មុនៗ ក្នុងឆ្នាំ ២០២១ ខាងមុខ អតីតយុទ្ធជនរស់នៅតាមរាជធានី ខេត្ត បានបង្ហាញភាពត្រេកអរជាខ្លាំងចំពោះការយកចិត្តទុកដាក់របស់រាជរដ្ឋាភិបាល គ្រប់កាលៈទេសៈ ទោះបីជាសព្វថ្ងៃកម្ពុជា កំពុងជួបវិបត្តិ ជំងឺកូវីដ ១៩ យ៉ាងណាក្ដី ។ ក្នុងនាមជាអ្នកតស៊ូក្នុងភ្លើងសង្គ្រាមជំនាន់មុនដើម្បីសុខសន្តិភាព នាពេលបច្ចុប្បន្ន ពួកគាត់ពិតជាសប្បាយចិត្ត ដែលមើលឃើញប្រទេសជាតិ មានសុខសន្តិភាពពេញលេញ និងទទួលបានការយកចិត្តទុកដាក់ចំពោះពួកគាត់ពីសំណាក់រាជរដ្ឋាភិបាល និងមិនដែលភ្លេចពួកគាត់ឡើយ។ ពួកគាត់ ថា ការបន្តដំឡើងប្រាក់ចូលនិវត្តន៍នេះ នឹងធ្វើឱ្យកម្រិតជីវភាពរបស់ពួកគាត់កាន់តែល្អប្រសើរ។ការបញ្ជាក់ពីការបន្តដំឡើងនេះ ប្រាក់ចូលនិវត្តន៍សម្រាប់អតីតយុទ្ធជន និងអ្នកចូលនិវត្តន៍មុនៗ គឺបញ្ជាក់ដោយផ្ទាល់ដោយសម្ដេច នាយករដ្ឋមន្ត្រី ហ៊ុន សែន កាលពីថ្ងៃទី ៧តុលាម្សិលម៉ិញ នេះ ក្នុងឱកាសអញ្ជើញសម្ពោធដាក់ឲ្យដំណើរការមជ្ឈមណ្ឌលកម្សាន្ត ព្រីនស៍ ម៉ាណ័រ នៅឃុំដីឥដ្ឋ ស្រុកកៀនស្វាយ ខេត្តកណ្តាល ។ សម្ដេចតេជោ បញ្ជាក់ថា ការដំឡើងប្រាក់ចូលនិវត្តន៍សម្រាប់អតីតយុទ្ធជន គឺដើម្បីឱ្យកាំប្រាក់ចូលនិវត្តន៍ មានភាពប្រហាក់ប្រហែលនឹងអ្នកចូលនិវត្តន៍ថ្មីៗ។ តែយ៉ាងណាម៉ិញ រាជរដ្ឋាភិបាលបានសម្រេចផ្អាកការដំឡើងប្រាក់បៀវត្សសម្រាប់មន្ត្រីរាជការ ក្នុងឆ្នាំ២០២១ ដោយសារបញ្ហាសេដ្ឋកិច្ច ដែលប៉ះពាល់ពីជំងឺកូវីដ ១៩។សម្រាប់ការសម្រេចរក្សាប្រាក់បៀវត្សនៅដដែល សម្រាប់មន្ត្រីរាជការបម្រើការងារសព្វថ្ងៃវិញ លោក រស់ ហ៊ន ជាប៉ូលិសចរាចរណ៍មួយរូប ប្រចាំការលើផ្លូវជាតិលេខ១ ក្នុងខណ្ឌច្បារអំពៅ បញ្ជាក់ថាលោកមិនមានការអាក់អន់ស្រពន់ចិត្តនោះទេ ព្រោះនេះ ជាបញ្ហារបស់ជាតិដែលប៉ះពាល់ដោយសារជំងឺកូវីដ១៩។ លោកថា នឹងនៅបន្តព្យាយាមបំពេញការងារ រួមគ្នា ដើម្បីការរីកចំរើនរបស់ជាតិទៅមុខទៀត។បច្ចុប្បន្នភាពនេះ ដោយសារវិបត្តិជំងឺកូវីដ ១៩ រាជរដ្ឋាភិបាលកម្ពុជា បានចំណាយថវិកាជាច្រើន ជាពិសេសសម្រាប់ការជួយសម្រួលកម្រិតជីវភាពរបស់ប្រជាពលរដ្ឋ។ ជាក់ស្ដែងរាជរដ្ឋាភិបាលកំពុងបន្តផ្ដល់សាច់ប្រាក់ ៤០ដុល្លារក្នុងមួយខែ សម្រាប់កម្មករ កម្មការិនីក្នុងវិស័យកាត់ដេរ និងអ្នកបំពេញការងារក្នុងវិស័យទេសចរណ៍ ដែលបាត់បង់ការងារក្នុងកំឡុងពេលប្រយុទ្ធប្រឆាំងជំងឺកូវីដ ១៩នេះ ហើយរាជរដ្ឋាភិបាលក៏កំពុងអនុវត្តកម្មវិធីជំនួយសង្គម ឧបត្ថម្ភសាច់ប្រាក់ជូនគ្រួសារក្រីក្រនិងងាយរងគ្រោះ ជិត ៦៩ម៉ឺនគ្រួសារស្មើនឹងចំនួនប្រជាជនជាង ២លាន ៧សែននាក់ផងដែរ៕អត្ថបទ ៖ គឹមហុក

ADB នឹងផ្ដល់កម្ចីឥណទានសម្រាប់អភិវឌ្ឍន៍ទឹកស្អាត និងអនាម័យទីក្រុងក្នុងខេត្តចំនួនបី

បាត់ដំបង ៖ ធនាគារអភិវឌ្ឍន៍អាស៊ី ហៅកាត់ថា ADB នឹងផ្ដល់ប្រាក់កម្ចីឥណទាន ដល់រាជរដ្ឋាភិបាលកម្ពុជា សម្រាប់អនុវត្តគម្រោងអភិវឌ្ឍន៍ ទឹកស្អាត និងបញ្ហាអនាម័យទីក្រុង នៅខេត្តចំនួន៣ ក្នុងនោះ មានខេត្តបាត់ដំបង ខេត្តសៀមរាប និងខេត្តកំពង់ចាម ។ក្នុងកិច្ចប្រជុំពិភាក្សាលើការងារ ដោះស្រាយផលប៉ះពាល់ នៃការអនុវត្តគម្រោងទឹកស្អាត និងអនាម័យក្រុងក្នុងភូមិសាស្ត្រខេត្តបាត់ដំបង នៅថ្ងៃទី៧ ខែតុលា ឆ្នាំ២០២០ លោក សឿម ប៊ុនរិទ្ធ អភិបាលរងខេត្តបាត់ដំបង មានប្រសាសន៍ថា ទាក់ទងនឹងគម្រោងអភិវឌ្ឍលើវិស័យទាំងពីរនេះ គឺនឹងមានការសាងសង់ប្រព័ន្ធលូ ស្ថានីយប្រព្រឹត្តកម្មទឹកកខ្វក់ និងទីលានចាក់សំរាមជាដើម ហើយដើម្បីឈានដល់ការសាងសង់ នូវហេដ្ឋារចនាសម្ព័ន្ធទាំងអស់នោះ នឹងមានការសិក្សាវាយតម្លៃពីផលប៉ះពាល់នានា របស់ក្រុមការងារជំនាញរបស់អន្តរក្រសួង ។លោកអភិបាលរង បានបន្ថែមថា នៅក្នុងកិច្ចប្រជុំនេះ គឺមានការប្រាប់ទៅអាជ្ញាធរមូលដ្ឋាន ដើម្បីផ្សព្វផ្សាយពីគម្រោងនេះ និងពន្យល់ទៅដល់មូលដ្ឋាន ដែលនឹងត្រូវអនុវត្តគម្រោង និងឲ្យមូលដ្ឋានបានស្វែងយល់ ចូលរួមគាំទ្រអំពីការអនុវត្តគម្រោងតាមរយៈគំនូសប្លង់បច្ចេកទេស និងធ្វើឲ្យថ្នាក់មូលដ្ឋាន កាន់តែយល់ដឹង អំពីគោលនយោបាយការដោះស្រាយផលប៉ះពាល់ យល់ដឹងពីគោលការណ៍ និងពីនីតិវិធី នឹងចាប់ដំណើរការវាស់វែងលម្អិត ។បើយោងតាមមន្ត្រីតំណាងក្រសួងសាធារណការ និងដឹកជញ្ជូន បានបញ្ជាក់ថា ការសិក្សាវាយតម្លៃពីផលប៉ះពាល់នោះ គឺផ្ដោតទៅលើការប៉ះពាល់សំណង់នានា ផ្ទះសម្បែង ដីធ្លី ដំណាំឈើហូបផ្លែ និងទ្រព្យសម្បត្តិផ្សេងៗរបស់ពលរដ្ឋ ដែលស្ថិតនៅជាប់នឹងគម្រោងនេះ ។គួរបញ្ជាក់ថា ក្នុងកិច្ចប្រជុំនេះ មិនទាន់បានបញ្ជាក់ពីទំហំទឹកប្រាក់ដែលធនាគារអភិវឌ្ឍន៍អាស៊ី គ្រោងនឹងផ្ដល់ប្រាក់កម្ចីឥណទានដល់កម្ពុជាប៉ុន្មាននោះទេ ហើយទីតាំងអភិវឌ្ឍន៍ ក៏នៅមិនទាន់លម្អិតពីតំបន់ណាមួយ ក្នុងក្រុងបាត់ដំបងនោះដែរ ៕

ពលរដ្ឋក្នុងស្រុកសៀមប៉ាង ទទូចឱ្យអាជ្ញាធរអគ្គិសនីកម្ពុជា លុបអាជ្ញាប័ណ្ណសេវាករអគ្គិសនីស្រុកនេះ

ស្ទឹងត្រែង ៖ អ្នកប្រើប្រាស់បណ្ដាញអគ្គិសនី សេវករ ហ៊ុយ ចេង ក្នុងស្រុកសៀមប៉ាង ខេត្តស្ទឹងត្រែង បានសំដែង ការខកចិត្តទៅលើក្រុមការងារបច្ចេកទេសអគ្គិសនី ដែលបានរកឃើញកំហុសរបស់សេវករនេះ រហូតដល់ ១៥ចំណុច តែនៅតែឱ្យសិទ្ធិបន្ដរយៈពេល៦ខែទៀត ។ប្រជាពលរដ្ឋនៅក្នុងស្រុកសៀមប៉ាង ខេត្តស្ទឹងត្រែង ជិត៥០០គ្រួសារ បាននឹងកំពុងធ្វើការតវ៉ា ទៅលើភាពមិនប្រក្រតីនៃការចែកចាយបណ្ដាញអគ្គិសនី របស់សេវករ ហ៊ុយ ចេង តែមិនទាន់មានដំណោះស្រាយល្អ សម្រាប់ពលរដ្ឋឡើយ ចំណែកតម្លៃប្រើប្រាស់ភ្លើង កាន់ឡើងខ្ពស់ទៅៗ ពី១ខែ ទៅ១ខែ។លោក ផាន់ យុត អភិបាលស្រុកសៀមប៉ាង បានបញ្ជាក់ថា បញ្ហាដែលបង្កឱ្យផ្ទុះការតវ៉ាពីសំណាក់ ប្រជាពលរដ្ឋនេះ គឺបង្កឡើងដោយបញ្ហាមិនប្រក្រតី១៥ចំណុច ដែលត្រូវបានរកឃើញ ពិសេសគឺតម្លៃប្រើប្រាស់អគ្គិសនី។លោកអភិបាលស្រុកសៀមប៉ាង បានបន្ថែមថា ប្រជាពលរដ្ឋអ្នកប្រើប្រាស់អគ្គិសនី ស្នើឱ្យ លុបអាជ្ញាប័ណ្ណសេវករ ហ៊ុយ ចេង ហើយភ្ជាប់ប្រព័ន្ធអគ្គិសនីរបស់រដ្ឋវិញ៕

ក្រោមម្លប់សន្តិភាព ពលរដ្ឋរស់នៅស្រុកលើកដែក ខេត្តកណ្តាល រស់នៅមានក្តីសុខ និងជីវភាពធូរធារ

កណ្ដាល៖ ប្រពលរដ្ឋរស់នៅស្រុកលើកដែក ខេត្តកណ្តាល បានអះអាងថា ក្រោមម្លប់សន្តិភាព អ្នករស់នៅក្នុងស្រុកនេះ មានជីវភាពធូរធារជាងមុន និងរស់នៅមានសេចក្តីសុខ មិនដូចសម័យសង្គ្រាមនោះទេ។សមិទ្ធផលសន្តិភាពដែលមាននៅសព្វថ្ងៃ បានធ្វើអោយប្រជាពលរដ្ឋរស់នៅស្រុកលើកដែក ខេត្តកណ្តាល មានសេចក្តីសុខ និងមានជីវភាពធូរធារជាងមុន។ ពួកគាត់ថា ក្រោមការដឹកនាំរបស់សម្តេចតេជោ ហ៊ុន សែន នាយរដ្ឋមន្ត្រីកម្ពុជា បច្ចុប្បន្នប្រទេសជាតិមានសុខសន្តិភាពពេញបរិបូរណ៍ ប្រជាពលរដ្ឋអាចដើរហើរបានគ្រប់ទីកន្លែង មិនដូចសម័យសង្គ្រាមនោះទេ។ក្រៅពីនេះ ពួកគាត់បានកោតសរសើរចំពោះ ក្រុមការងាររបស់គណបក្សប្រជាជនកម្ពុជា ដែលមានឯកឧត្ដម ហេង រតនា ប្រធានក្រុមការងាររាជរដ្ឋាភិបាលចុះមូលដ្ឋាន ស្រុកលើកដែក និងថ្នាក់ដឹកនាំជាច្រើនរូបទៀត ដែលតែងតែបានចុះជួបសួរសុខទុក្ខប្រជាពលរដ្ឋ កសាងផ្លូវ សាលារៀន វត្តអារាម និងឧបត្ថម្ភថវិកាជាដើម។ជាមួយគ្នានេះ ឯកឧត្ដម ហេង រតនាប្រធានក្រុមការងាររាជរដ្ឋាភិបាល ចុះមូលដ្ឋានស្រុកលើកដែក បានប្រាប់BTV ក្រោយបញ្ចាប់កិច្ចប្រជុំបូកសរុបលទ្ឋផលការងារ០៩ខែឆ្នាំនេះ និងលើកទិសដៅបន្ត នាថ្ងៃទី០៨ខែតុលានេះថា ក្រោមការដឹកនាំរបស់សម្តេចតេជោហ៊ុន សែននាយរដ្ឋមន្ត្រីកម្ពុជា តែងតែគិតគូរដល់សុខទុក្ខប្រជាពលរដ្ឋគ្រប់កាលៈទេសៈមិនខ្លាចនឿយហត់នោះ។លើសពីនេះ ឯកឧត្តមបានបង្ហាញសម្មតិផលជាច្រើន ដែលក្រុមការងាររាជរដ្ឋាភិបាលចុះមូលដ្ឋានស្រុកលើកដែល ក្រោមការចង្អុបង្ហាញពីប្រមុខរាជរដ្ឋាភិបាល សម្រេចបានលទ្ឋផលជាច្រើនរួមមាន៖កសាងផ្លូវបេតុងក្នុងមូលដ្ឋានជាច្រើនខ្សែរ ស្តារព្រែកប្រឡាយជូនប្រជាពលរដ្ឋ ដាក់បង្គោលសូឡានៅតាមដងផ្លូវ និងដោះស្រាយរាល់បញ្ហារបស់ប្រជាពលរដ្ឋជាដើម។គួរបញ្ជាក់ដែរថា ក្រោមការដឹកនាំរបស់សម្តេចតេជោហ៊ុន សែននាយរដ្ឋមន្ត្រីកម្ពុជា បានរំដោះប្រទេសជាតិពីភ្នក់ភ្លើងសង្គ្រាម រហូតបច្ចុប្បន្ន មានការអភិវឌ្ឍន៍រីកចំរើនគ្រប់វិស័យ និងជាពិសេសប្រជាពលរដ្ឋរស់នៅក្នុងភាពសុខសាន្ត ដោយសារប្រទេសជាតិមានសុខសន្តិភាពពេញបរិបូរណ៍៕អត្ថបទ៖ ទូច សោភ័ណ

ឯកឧត្ដម លេង ផាលី៖ អំពាវនាវពលរដ្ឋរស់នៅស្រុកសណ្ដាន់ ចុះឈ្មោះបោះឆ្នោតរួចហើយ សូមពិនិត្យមើលឈ្មោះបោះឆ្នោត

ភ្នំពេញ៖ ឯកឧត្ដម លេង ផាលី រដ្ឋលេខាធិការក្រសួងផែនការ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកសណ្តាន់ ខេត្តកំពង់ធំ បានអំពាវនាវពលរដ្ឋរស់នៅឃុំមានរិទ្ធ ស្រុកសណ្ដាន់ បានចុះឈ្មោះបោះឆ្នោតរួចហើយ សូមពិនិត្យមើលឈ្មោះបោះឆ្នោត។ការថ្លែងរបស់ឯកឧត្តម លេង ផាលី យ៉ាងដូច្នេះ ក្នុងឱកាសបើកវេទិកាសាធារណៈ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងការអនុវត្តយុទ្ធសាស្ត្រចតុកោណ ដំណាក់កាលទី៤ របស់រាជរដ្ឋាភិបាលកម្ពុជា និងជំរុញសកម្មភាពកំណត់អត្តសញ្ញាណកម្មគ្រួសារក្រីក្រក្នុងអំឡុងពេលនៃការរីករាលដាលជំងឺកូវីដ–១៩ នៅឃុំមានរិទ្ធ ស្រុកសណ្តាន់ ខេត្តកំពង់ធំ ព្រឹកថ្ងៃទី០៨ តុលា ២០២០នេះ ដោយមានការចូលរួមពីឯកឧត្តម ពាង ផារ័ត្ន ឯកឧត្តម គិន ប៊ុនលី និងឯកឧត្តម សាន វណ្ណនេត លោកជំទាវ អស់លោក អ្នកស្រីជាប្រធាន អនុប្រធាន សមាជិកក្រុមការងារថ្នាក់ជាតិចុះមូលដ្ឋានស្រុក អាជ្ញាធរឃុំទាំង០៩ តំណាងមន្ទីរ កងកម្លាំងប្រដាប់អាវុធ ប្រមាណ៥៩នាក់។មានប្រសាសន៍ក្នុងពិធីបើកវេទិកា ឯកឧត្តម លេង ផាលី បានបញ្ជាក់ថា ប្រជាពលរដ្ឋទាំងអស់ ដែលគ្រប់អាយុ អញ្ជើញទៅចុះឈ្មោះបោះឆ្នោតចាប់ពីថ្ងៃទី០១ តុលា រហូតដល់ថ្ងៃទី១៩ តុលា ២០២០ និងពិនិត្យមើលបញ្ជីឈ្មោះបោះឆ្នោត នៅការិយាល័យចុះឈ្មោះបោះឆ្នោត តាម ឃុំ សង្កាត់ របស់ខ្លួនរៀងៗខ្លួន ឱ្យបានគ្រប់គ្នា ដើម្បីធានាដល់សិទ្ធិ ក្នុងការបោះឆ្នោត ក្នុងនាមជាប្រជាពលរដ្ឋល្អ នៅក្នុងសង្គម។ព្រោះថា ការចុះឈ្មោះបោះឆ្នោត និងទៅពិនិត្យបញ្ជីឈ្មោះបោះឆ្នោត នៅពេលនេះវាពិតជាមាន សារៈសំខាន់ណាស់ ព្រោះនៅក្នុងសង្គមប្រកាន់លទ្ធិប្រជាធិបតេយ្យ ប្រជាពលរដ្ឋជាម្ចាស់ប្រទេសជាម្ចាស់សិទ្ធិអំណាចជាអ្នកបោះឆ្នោត ជ្រើសរើស អ្នកដឹកនាំ ប្រទេសតាមការពេញចិត្ត និងសំដែងនូវឆន្ទៈរបស់ខ្លួន។ ជាការពិត វីរុសកូវីដ–១៩ គឺជាជំងឺដ៏កាចសាហាវ ក្នុងប្រវត្តិសាស្ត្រថ្មីៗរបស់មនុស្សជាតិ។ មកដល់ពេលនេះ មានមនុស្សជាច្រើនលាននាក់ ហើយនៅលើពិភពលោកទាំងមូលបានឆ្លងជំងឺកូវីដ១៩នេះ។នេះគឺជាសោកនាដកម្មដ៏អាក្រក់មួយ ដែលយើងគ្រប់គ្នាមិនចង់ជួប និងមិនចង់ឃើញកើតឡើងនោះទេ។ បច្ចុប្បន្ន ពិភពលោកនៅមិនទាន់រកឃើញនូវថ្នាំ និងវ៉ាក់សាំងសម្រាប់ព្យាបាល និងការពារជំងឺកូវីដ–១៩ នេះនៅឡើយទេ។សម្រាប់កម្ពុជា ទោះបីជាយើងអាចគ្រប់គ្រងសភាពការណ៍បានល្អប្រសើរ ក្នុងការទប់ស្កាត់ការឆ្លងក្នុងប្រទេស និងការនាំចូលជំងឺពីក្រៅប្រទេស តាមរយៈការដាក់ចេញនូវវិធានការម៉ត់ចត់ និងតឹងរ៉ឹង របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណៈកម្មការជាតិដើម្បីប្រយុទ្ធនឹងជំងឺកូវីដ–១៩ ទទួលបានលទ្ធផលល្អប្រសើរគួរជាទីមោទនៈ ដែលត្រូវបានទទួលស្គាល់ដោយអង្គការសុខភាពពិភពលោក (WHO) ថា ជាប្រទេសមួយក្នុងចំណោមប្រទេសមួយចំនួនតូច ដែលអាចគ្រប់គ្រងជំងឺកូវីដ–១៩ បានល្អប្រសើរ រហូតមកដល់ពេលនេះមិនទាន់មានការចម្លងចូលក្នុងសហគមន៍នៅឡើយទេ។ បន្ទាប់មក លោក អភិបាលស្រុកសណ្តាន់ ឲ្យដឹងថា ពាក់ព័ន្ធនឹងជំងឺកូវីដ១៩ នៅក្នុងតំបន់នេះទាំងមូល ប្អូនៗបងៗពលករ ដែលធ្វើការងារនៅប្រទេសថៃ បានត្រឡប់មកកាន់ស្រុកកំណើតវិញមានចំនួន២៨៩នាក់ ពេលពួកគាត់មកដល់ស្រុកកំណើតវិញ យើងបានឲ្យគាត់ធ្វើចត្តាឡីស័ក នៅមណ្ឌលសុខភាពមានជ័យ មុននឹងអាជ្ញាធរស្រុក បញ្ជូនគាត់មកកាន់លំនៅដ្ឋានវិញ។ទន្ទឹមនឹងនោះចំពោះការអប់រំ ផ្សព្វផ្សាយ អាជ្ញាធរបានចុះតាមលំនៅដ្ឋានរបស់បងប្អូន នៅតាមខ្នងផ្ទះទាំងមូល អំពីវិធានការទប់ស្កាត់ជំងឺកូវីដ១៩នេះ។ ក៏សូមអរគុណដល់ឯកឧត្តម លេង ផាលី ប្រធានក្រុមការងាររាជរដ្ឋាភិបាលចុះមូលដ្ឋានស្រុកសណ្តាន់ និងឯកឧត្តម លោកជំទាវ ដែលបានឧបត្ថម្ភម៉ាស់ អាល់កុល ថ្នាំពេទ្យ ដោយអាជ្ញាធរថ្នាក់ស្រុកយកទៅប្រើប្រាស់នៅកម្រិតមូលដ្ឋាន។ ទន្ទឹមនឹងនោះ ឯកឧត្តម លេង ផាលី បានជូនវេទិកាទៅអ្នកចូលរួមឱ្យឡើងមានយោបល់ ឬលើកជាសំណូមពរ។ក្នុងនោះមានការលើកឡើងពីសំណើរបស់ប្រជាពលរដ្ឋ បានសុំដីសង់ផ្ទះរស់នៅ សុំជួសជុលផ្លូវលំចំនួន០៥គីឡូម៉ែត្រ សុំឲ្យមានភ្លើងរដ្ឋប្រើប្រាស់ក្នុងភូមិ និងសុំធ្វើអត្តសញ្ញាណប័ណ្ឌថ្មី។ មុននឹងឆ្លើយតបដោះស្រាយជូនប្រជាជន ឯកឧត្តមបានស្នើ លោកអភិបាលស្រុក ប្រធានក្រុមការងារឃុំ នាយករដ្ឋបាលស្រុក និងតំណាងការិយាល័យជំនាញឡើងឆ្លើយបំភ្លឺជាបន្តបន្ទាប់។ បន្ទាប់ពីបានស្តាប់ការបកស្រាយរួចមក ឯកឧត្តម លេង ផាលី បានដោះស្រាយនូវបញ្ហាចំពោះរបស់ប្រជាពលរដ្ឋ ជោគជ័យទាំងស្រុង។ជាមួយគ្នានោះដែរប្រជាពលរដ្ឋ០២រូប ក្នុងចំណោមប្រជាពលរដ្ឋ៤០រូប ដែលចូលរួមក្នុងវេទិកាសាធារណៈ ទទួលបានការដោះស្រាយពីក្រុមការងារភ្លាមៗ ទិញដី និងសង់ផ្ទះជូន និងពលរដ្ឋ ទទួលបានការពិនិត្យព្យាបាលនិងថ្នាំពេទ្យ បង្ហាញចំណាប់អារម្មណ៍របស់ខ្លួនថា។ជាចុងក្រោយ ឯកឧត្តម លេង ផាលី រួមនឹងក្រុមការងារបានចែកអំណោយជូនប្រជាពលរដ្ឋក្រីក្រនៅឃុំមានរិទ្ធ ចំនួន៤០គ្រួសារ ក្នុងមួយគ្រួសារទទួលបានអង្ករសែនក្រអូប១០០%, ១ការ៉ុង, មី១កេស, ទឹកស៊ីអ៊ីវ ១យួរ, ទឹកត្រី១យួរ, ប៊ីចេង ១កញ្ចប់, សាប៊ូ២ដុំ, ពូជសំរាប់ដាំដំណាំចំនួន៥មុខ (ត្រឡាច,ត្រសក់ស្រូវ, ននោង, ស្ពៃ និង ល្ហុង) ថវិកាចំនួន២ម៉ឺនរៀល ចែកថ្នាំពេទ្យផ្នែកជំងឺផ្លូវចិត្តចំនួន១៥០នាក់ សរុបថវិកាអស់ចំនួន៣០លានរៀល។ តមកក្រុមការងារបានចុះត្រួតពិនិត្យការជួសជុលផ្លូវលំប្រវែង២៣គីឡូម៉ែត្រ ពីឃុំទំរីង មកឃុំសុចិត្រ តាមសំណូមពរពីប្រជាពលរដ្ឋនិងអាជ្ញាធរមូលដ្ឋាន សរុបថវិកាបណ្តោះអាសន្នអស់ចំនួន២៦លានរៀល៕ អត្ថបទ៖ រដ្ឋា

បច្ចុប្បន្ន ACU កំពុងដំណើរការរឿងក្តីពុករលួយមួយចំនួន ដែលជាប់ពាក់ព័ន្ធទំហំថវិការាប់លានដុល្លារ

ភ្នំពេញ៖ នៅថ្ងៃទី០៨ ខែតុលានេះ ឯកឧត្តម ទេសរដ្ឋមន្ត្រី ឱម យិនទៀង ប្រធានអង្គភាពប្រឆាំងអំពុករលួយACU និងអង្គភាពចំនួន១៩ស្ថាប័នរដ្ឋផ្សេងទៀត បានបើកសិក្ខាសាលា ស្តីពី ការគ្រប់គ្រង ការចាត់ចែងនិងការរឹបអូសផលនៃបទល្មើស។ ថ្លែងបើកអង្គការសិក្ខាសាលា ឯកឧត្តមទេសរដ្ឋមន្ត្រី ឱម យិនទៀង ថា គ្រប់សំណុំរឿងពាក់ព័ន្ធពុករលួយ ភាគច្រើនគឺបានចាត់ការបញ្ជូនតុលាការលឿន ហើយភាគច្រើនគឺមានជាប់ពាក់ព័ន្ធថវិការាប់លានដុល្លារអាមេរិក។ឯកឧត្ដម ទេសរដ្ឋមន្ត្រី ឱម យិនទៀង បានថ្លែងថា ចាប់ពីដើមឆ្នាំ២០២០មកដល់បច្ចុប្បន្ន ករណីបទល្មើសសំអាតប្រាក់ និងហិរញ្ញប្បទានដែលក្រុមនគរបាលបើកប្រតិបត្តិការស៊ើបអង្កេត គឺមានប្រមាណជាង១៤០ករណី ក្នុងសំណុំរឿង នៅក្នុងផ្នែកពុករលួយមានប្រមាណ១០ករណី ហើយគ្រប់សំណុំរឿងទាំងអស់ គឺមានជាប់ពាក់ព័ន្ធនឹងថវិការាប់លានដុល្លារ តែទោះយ៉ាងយ៉ាងណាសម្រាប់ ទំហំថវិកាជាក់ស្តែងដែលបានពីផលនៃបទល្មើស គឺក្រសួងសេដ្ឋកិច្ចនិងហិរញ្ញវត្ថុ ជាអ្នកវាយតំលៃដាក់ចូលថវិការដ្ឋ។ឯកឧត្ដម ទេសរដ្ឋមន្ត្រី ឱម យិនទៀង បន្តថា ទោះយ៉ាងណា នៅក្នុងចំណោមសំណុំរឿងដែលACUទទួល និងបានយកមកដោះស្រាយចំនួនជាង១០០ គឺACUបានចាត់ការលឿន មានភស្តុតាងច្បាស់ និងមិនមានសំណុំរឿងណាធ្វើអោយយើងបរាជ័យនៅក្នុងតុលាការនោះទេ។ឯកឧត្តម បន្តថា ជាក់ស្តែងការរៀបចំសិក្ខាសាលាការគ្រប់គ្រង ការចាត់ចែងនិងការរឹបអូសផលនៃបទល្មើស គឺធ្វើឡើងដើម្បីពង្រឹងសមត្ថភាពជំនាញក្នុងការប្រឆាំងបទល្មើសសំអាតប្រាក់ ហិរញ្ញប្បទានភេវរកម្ម ការកំណត់អត្តសញ្ញាណទ្រព្យសម្បត្តិពាក់ព័ន្ធនឹងបទល្មើស ការចាប់យកការឃាត់ទុក ការបង្កក ការគ្រប់គ្រងចាត់ចែង និងការរឹបអូសផលនៃបទល្មើស ដែលជាអនុសាសន៍ចំណុចទី៨ ចំណោមអនុសាសន៍១៤ចំណុច ដែលអង្គការក្រុមអាស៊ីប៉ាស៊ិភិច APG និងក្រុមការងារហិរញ្ញវត្ថុ FATF ដែលស្ថាប័នដ៏ធំរបស់អន្តរជាតិតម្រូវអោយអនុវត្ត។ឯកឧត្តម ទេសរដ្ឋមន្ត្រី ឱម យិនទៀង បានបញ្ជាក់ថា សម្រាប់បទល្មើសសំអាតប្រាក់ និងហិរញ្ញប្បទានដែលកម្ពុជា ត្រូវចាត់ការបង្ក្រាបអោយខាងតែបាននោះគឺមានដូចជា បទល្មើសឆបោក ព្រៃឈើ សត្វព្រៃ ការជួញដូរមនុស្ស គ្រឿងញៀន អំពើរត់ពន្ធ និងអំពើពុករលួយ និងបទល្មើសពាក់ព័ន្ធនានាជាច្រើនទៀត ស្ថិតក្នុងវិស័យធនាគារ វិស័យផ្ទេរប្រាក់ កាស៊ីណូ និងវិស័យអចលទ្រព្យជាដើម ហើយតាមរយៈការមានចំណាត់ការនេះ បានធ្វើអោយអង្គការ APG វាយតំលៃកម្ពុជាស្ថិតក្នុងពណ៌ប្រផេះឈានទៅរកពណ៌ស ដែលជាចំណុចវិជ្ជមានមួយក្នុងការជម្រុញប្រទេសកម្ពុជា មានសេដ្ឋកិច្ចល្អប្រសើរ៕ អត្ថបទ៖ ស៊ុម សុខជា

សម្តេចតេជោ លើកទឹកចិត្តឱ្យប្រទេសទាំងអស់រៀបចំបញ្ចប់ និងដាក់ជូនរបាយការណ៍រួមចំណែក របស់ជាតិខ្លួន ដើម្បីដោះស្រាយការប្រែប្រួលអាកាសធាតុ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅវេលាម៉ោង ៨យប់ថ្ងៃទី០៧ ខែតុលា ឆ្នាំ២០២០ បានអញ្ជើញចូលរួមព្រឹត្តិការណ៍ថ្នាក់ដឹកនាំ នៃវេទិកាភាពងាយរងគ្រោះនៃអាកាសធាតុ ដែលធ្វើឡើងតាមប្រព័ន្ធវីដេអូនៅវិមានសន្តិភាព។ នៅក្នុងវេទិកាដ៏មានសារៈសំខាន់នោះ សម្តេចបានលើកទឹកចិត្តឱ្យប្រទេសទាំងអស់រៀបចំបញ្ចប់ និងដាក់ជូននូវរបាយការណ៍ រួមចំណែករបស់ជាតិខ្លួន ដើម្បីដោះស្រាយការប្រែប្រួលអាកាសធាតុ។សម្តេចតេជោប្រមុខរាជរដ្ឋាភិបាលកម្ពុជា បានថ្លែងសុន្ទរកថា ដោយគូសបញ្ជាក់ថា៖ឆ្នាំ២០២០នេះ ជាឆ្នាំដ៏លំបាកសម្រាប់ការអភិវឌ្ឍសេដ្ឋកិច្ចសង្គមដោយសារកូវីដ១៩ ហើយបន្ថែមលើនេះការប្រែប្រួលអាកាសធាតុ ក៏ជាបញ្ហាដ៏គួរឱ្យបារម្ភ។ក្នុងបញ្ហានេះ សម្តេចបញ្ជាក់ថា ទោះបីកម្ពុជាជាប្រទេសតូច ប៉ុន្តែបានបំពេញកាតព្វកិច្ច ប្រកាន់យកការទប់ទល់នឹងការប្រែប្រួលអាកាសធាតុក្នុងគោលនយោបាយអភិវឌ្ឍជាតិ ហើយសម្តេចក៏បាន លើកទឹកចិត្តឱ្យប្រទេសទាំងអស់រៀបចំបញ្ចប់និងដាក់ជូនរបាយការណ៍រួមចំណែក របស់ជាតិខ្លួន ដើម្បីដោះស្រាយការ ប្រែប្រួលអាកាសធាតុប្រកបដោយមហិច្ឆតា ហើយសម្តេចថាកម្ពុជាក៏បានប្រឹងប្រែងចូលរួមយ៉ាងសកម្មផងដែរដើម្បីឆ្លើយតប ទៅនឹងការប្រែប្រួលអាកាសធាតុពិភពលោក។សូមបញ្ជាក់ថាវេទិកាភាពងាយរងគ្រោះនៃអាកាសធាតុនេះ គឺធ្វើឡើងតាមការអញ្ជើញរបស់លោកស្រី សេក្ខ ហាស៊ីណា នាយករដ្ឋមន្ត្រីនៃសាធារណរដ្ឋប្រជាមានិត បង់ក្លាដែស និងជាប្រធានវេទិកាភាពងាយ រងគ្រោះ អាកាសធាតុ។ក្នុងនាមជាវេទិកាពិភពលោកដ៏សំខាន់មួយសម្រាប់កិច្ចសហប្រតិបត្តិការរវាងប្រទេសកំពុងអភិវឌ្ឍន៍ ដែលងាយរងគ្រោះដោយការប្រែប្រួលអាកាសធាតុ ព្រឹត្តិការណ៍ថ្នាក់ដឹកនាំរបស់វេទិកាភាពងាយរងគ្រោះនៃអាកាសធាតុ មានការចូលរួមពីសំណាក់អគ្គលេខាធិការអង្គការសហប្រជាជាតិ ប្រមុខររដ្ឋ និងរដ្ឋាភិបាល ក៏ដូចជាដៃគូសំខាន់ៗផងដែរ។ ព្រឹត្តិការណ៍ថ្នាក់ដឹកនាំនេះ គូសបញ្ជាក់ពីភាពបន្ទាន់នៃការធ្វើសកម្មភាព និងតម្រូវការឲ្យប្រទេសទាំងអស់ ធ្វើបច្ចុប្បន្នភាពអំពីការចូលរួមចំណែករបស់ជាតិក្នុងការអនុវត្តកិច្ចព្រមព្រៀងទីក្រុងប៉ារីស។វេទិកានេះ ក៏សង្កត់ធ្ងន់លើសារៈសំខាន់ចាំបាច់ក្នុងពង្រឹងកិច្ចប្រឹងប្រែងកសាងភាពធន់នឹងអាកាសធាតុ ព្រមគ្នានឹងការការឆ្លើយតបចំពោះការរាតត្បាតនៃជំងឺកូវីដ–១៩ និងការស្ដារឡើងវិញក្រោយពីវិបត្តិនេះ ដើម្បីរក្សាកម្លាំងសន្ទុះនៃការងារពង្រឹងភាពសាំ និងកាត់បន្ថយការខូចខាត និងការបម្លាស់ទីជម្រកបង្កឡើងដោយគ្រោះធម្មជាតិ៕ អត្ថបទ៖ មុត សុទ្ធ

បណ្ដាញសង្គម

ព័ត៌មានថ្មីៗ

សហរដ្ឋអាមេរិកប្រកាសគាំទ្រផ្នែកភស្តុភា និងបច្ចេកទេសដើម្បីបង្កើតក្រុមការងារអ្នកសង្កេតការណ៍អាស៊ានឲ្យបានលឿនបំផុតតាមដានការអនុវត្តបទឈប់បាញ់

សម្ដេចធិបតី រំភើបដោយក្នុងមួយរយៈនេះបានឃើញស្មារតីស្នេហាជាតិ សាមគ្គីឯកភាពជាតិរបស់ប្រជាពលរដ្ឋខ្មែរនៅទូទាំងពិភពលោក

ប្រមុខការពារជាតិកម្ពុជា៖ កិច្ចប្រជុំក្រុមការងារលេខាធិការដ្ឋាន GBC កម្ពុជា-ថៃ រយៈពេល៣ថ្ងៃនេះប្រកបដោយភាពវិជ្ជមាន

អភិបាលខេត្តបន្ទាយមានជ័យនាំយកអំណោយសម្តេចមហាបវរធិបតី ហ៊ុន ម៉ាណែត ជូនដល់បងប្អូនជនភៀសសឹកមកពីសមរភូមិមុខខេត្តឧត្តរមានជ័យ ព្រះវិហារ ចំនួន៣ទីតាំង

កម្ពុជាបើកសម្ពោធពិព័រណ៍ម៉ាស៊ីន និងសម្លៀកបំពាក់ដ៏ធំបំផុតនៅក្នុងស្រុក

ថ្មប៉ប្រះទឹក Great Barrier របស់អូស្រ្តាលី បាត់បង់ផ្កាថ្មជាប់កំណត់ត្រាក្រោយរលកកម្តៅសមុទ្រ

ក្រុមភ្នាក់ងារពន្លត់អគ្គិភ័យព្យាយាមពន្លត់ភ្លើងឆេះព្រៃធំបំផុតនៅឆ្នាំនេះនៅភាគខាងត្បូងបារាំង

កង្វះខាតទឹកស្អាតនៅតែវិបត្តិមនុស្សធម៌ធ្ងន់ធ្ងរនៅតំបន់ហ្កាហ្សា ស្របពេលដែលជនប៉ាឡេស្ទីន ពិបាកស្វែងរកទឹកប្រើប្រាស់

វិមានក្រឹមឡាំងចាត់ទុកជំនួបរវាងលោក Putin និងលោក Witkoff ថាមានលក្ខណៈស្ថាបនា មុនឱសានវាទទណ្ឌកម្មអាមេរិក

កងទ័ពជើងទឹករុស្ស៊ី និងចិន ហ្វឹកហាត់យុទ្ធវិធីបំផ្លាញ «នាវាមុជទឹកសត្រូវ» ប៉ុន្មានថ្ងៃក្រោយមានបញ្ជារបស់លោក Trump ឲ្យផ្លាស់ទី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ត្រីមាសទី៣នេះ ឃាត់រថយន្តដឹកលើសទម្ងន់ កម្រិតកំណត់ជាង១៣ម៉ឺនគ្រឿង

អនុព័ន្ធយោធាហ្វីលីពីន ស្នើដល់ CMAC ចែករំលែកបទពិសោធន៍ដោះមីន នៅកម្ពុជា

អ្នកដំណើរជិត៤០នាក់ បានស្លាប់ ដោយបញ្ហាចរាចរណ៍ នៅក្នុងខេត្តតាកែវ

និវត្តន៍ជន សប្បាយចិត្តដែលនឹងទទួលបានការដំឡើងប្រាក់សោធននិវត្តន៍ នៅឆ្នាំ២០២១

ADB នឹងផ្ដល់កម្ចីឥណទានសម្រាប់អភិវឌ្ឍន៍ទឹកស្អាត និងអនាម័យទីក្រុងក្នុងខេត្តចំនួនបី

ពលរដ្ឋក្នុងស្រុកសៀមប៉ាង ទទូចឱ្យអាជ្ញាធរអគ្គិសនីកម្ពុជា លុបអាជ្ញាប័ណ្ណសេវាករអគ្គិសនីស្រុកនេះ

ក្រោមម្លប់សន្តិភាព ពលរដ្ឋរស់នៅស្រុកលើកដែក ខេត្តកណ្តាល រស់នៅមានក្តីសុខ និងជីវភាពធូរធារ

ឯកឧត្ដម លេង ផាលី៖ អំពាវនាវពលរដ្ឋរស់នៅស្រុកសណ្ដាន់ ចុះឈ្មោះបោះឆ្នោតរួចហើយ សូមពិនិត្យមើលឈ្មោះបោះឆ្នោត

បច្ចុប្បន្ន ACU កំពុងដំណើរការរឿងក្តីពុករលួយមួយចំនួន ដែលជាប់ពាក់ព័ន្ធទំហំថវិការាប់លានដុល្លារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ត្រីមាស​ទី​៣​នេះ ​ឃាត់​រថយន្ត​ដឹក​លើស​ទម្ងន់​ កម្រិត​កំណត់​ជាង​១៣​ម៉ឺន​គ្រឿង

អនុព័ន្ធយោធា​ហ្វីលីពីន​ ស្នើដល់ CMAC ​ចែករំលែក​បទ​ពិសោធន៍​ដោះមីន ​នៅ​កម្ពុជា

អ្នកដំណើរ​ជិត៤០​នាក់​ បាន​ស្លាប់ ​ដោយ​បញ្ហា​ចរាចរណ៍​ នៅ​ក្នុង​ខេត្តតាកែវ​

និវត្តន៍​ជន​ សប្បាយចិត្ត​ដែល​នឹង​ទទួល​បាន​ការដំឡើង​ប្រាក់​សោធន​និវត្តន៍​ នៅ​ឆ្នាំ​២០២១

ADB នឹង​ផ្ដល់​កម្ចី​ឥណទាន​សម្រាប់​អភិវឌ្ឍន៍​ទឹកស្អាត ​និង​អនាម័យ​ទីក្រុង​ក្នុង​ខេត្ត​ចំនួន​បី​

ក្រោម​ម្លប់​សន្តិភាព ពលរដ្ឋ​រស់នៅ​ស្រុក​លើកដែក ខេត្តកណ្តាល រស់នៅ​មាន​ក្តី​សុខ និង​ជីវភាព​ធូរធារ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ត្រីមាសទី៣នេះ ឃាត់រថយន្តដឹកលើសទម្ងន់ កម្រិតកំណត់ជាង១៣ម៉ឺនគ្រឿង

អនុព័ន្ធយោធាហ្វីលីពីន ស្នើដល់ CMAC ចែករំលែកបទពិសោធន៍ដោះមីន នៅកម្ពុជា

អ្នកដំណើរជិត៤០នាក់ បានស្លាប់ ដោយបញ្ហាចរាចរណ៍ នៅក្នុងខេត្តតាកែវ

និវត្តន៍ជន សប្បាយចិត្តដែលនឹងទទួលបានការដំឡើងប្រាក់សោធននិវត្តន៍ នៅឆ្នាំ២០២១

ADB នឹងផ្ដល់កម្ចីឥណទានសម្រាប់អភិវឌ្ឍន៍ទឹកស្អាត និងអនាម័យទីក្រុងក្នុងខេត្តចំនួនបី

ក្រោមម្លប់សន្តិភាព ពលរដ្ឋរស់នៅស្រុកលើកដែក ខេត្តកណ្តាល រស់នៅមានក្តីសុខ និងជីវភាពធូរធារ