BTV NEWS

សម្ដេចធិបតីនាយករដ្ឋមន្ត្រី និងនាយរដ្ឋមន្រ្តីថៃ បញ្ជាក់ពីការប្តេជ្ញាចិត្តរួមគ្នាសម្រាប់សន្តិភាពយូរអង្វែង

ក្រសួងអភិវឌ្ឍន៍ជនបទ កសាងហេដ្ឋារចនាសម្ព័ន្ធ ជួយសម្រួលជីវភាពពលរដ្ឋនៅគម្រោងដីសម្បទានសង្គមកិច្ចក្នុងភូមិសាស្ត្រាស្រុកចន្ទ្រា ខេត្តស្វាយរៀង

ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់ផ្លូវលំប្រវែង ៥.៧០០ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា

នយោបាយ និង ការអភិវឌ្ឍន៍

មេបញ្ជាការយោធាស៊ូដង់ ប្តេជ្ញាប្រយុទ្ធជាមួយកងកម្លាំងយោធាប៉ារ៉ា រហូតដល់ទីបញ្ចប់

យោងតាមសេចក្តីថ្លែងការណ៍របស់ក្រុមប្រឹក្សាអធិបតេយ្យភាព បានឲ្យដឹងថា អគ្គមេបញ្ជាការនៃកងកម្លាំងប្រដាប់អាវុធស៊ូដង់ (SAF) លោក Abdel Fattah Al-Burhan កាលពីថ្ងៃព្រហស្បតិ៍ បាននិយាយថា កងទ័ពនឹងប្រយុទ្ធជាមួយកងកម្លាំងគាំទ្ររហ័សយោធាប៉ារ៉ា(RSF) រហូតដល់ទីបញ្ចប់។ លោក Al-Burhan ដែលជាប្រធានក្រុមប្រឹក្សាអធិបតេយ្យភាពអន្តរកាលរបស់ប្រទេសស៊ូដង់ បានលើកឡើងដូច្នេះ នៅពេលថ្លែងសុន្ទរកថាទៅកាន់កងពលទ័ពជើងគោកទី ១៨ របស់កងទ័ពនៅទីក្រុង Kosti ក្នុងរដ្ឋ វ៉ាយ ណៃ(White Nile)។លោក Al-Burhan បានបញ្ជាក់នៅក្នុងសេចក្តីថ្លែងការណ៍ថា យើងនឹងប្រយុទ្ធប្រឆាំងជាមួយកងជីវពលកងកម្លាំងគាំទ្ររហ័សយោធាប៉ារ៉ា(RSF) ជាក្រុមភេរវករ រហូតដល់ទីបញ្ចប់ ទោះបីជាយើងនៅសល់ទាហានចុងក្រោយតែម្នាក់ក៏ដោយ។ ទន្ទឹមនឹងនេះ មេបញ្ជាការយោធារូបនេះ បានប្តេជ្ញាឆ្លើយតបយ៉ាងម៉ឺងម៉ាត់ចំពោះ «ឧក្រិដ្ឋកម្មរបស់កងកម្លាំងគាំទ្ររហ័សយោធាប៉ារ៉ា(RSF)» នៅក្នុងភូមិ Wad Al-Noura ក្នុងរដ្ឋ Gezira ដោយនិយាយសំដៅទៅលើការវាយប្រហាររបស់កងកម្លាំង RSF កាលពីពេលមុន ដែលបានសម្លាប់ជនស៊ីវិលជាងមួយរយនាក់។ការប៉ះទង្គិចគ្នាដោយហិង្សា កាលពីពេលថ្មីៗនេះ បាននិងកំពុងផ្ទុះឡើងរវាងកងកម្លាំងប្រដាប់អាវុធស៊ូដង់(SAF) និងកងកម្លាំងគាំទ្ររហ័សយោធាប៉ារ៉ា(RSF) នៅរដ្ឋធានី Khartoum និងនៅ Gezira នៅភាគកណ្តាលប្រទេសស៊ូដង់ ព្រមទាំងនៅរដ្ឋវ៉ាយ ណៃ(White Nile) និងនៅទីក្រុង Darfur ។ការកើនឡើងនេះ គឺជាផ្នែកមួយនៃជម្លោះកាន់តែធំ រវាងភាគីទាំងពីរ នៅទូទាំងប្រទេសស៊ូដង់ ចាប់តាំងពីថ្ងៃទី ១៥ ខែមេសា ឆ្នាំ២០២៣ ដែលរហូតមកដល់ពេលនេះ បានឆក់យកជីវិតមនុស្ស ១៥.៥៥០នាក់ និងបានជម្លៀសប្រជាជនជាង ៨,៨ លាននាក់នៅទូទាំងប្រទេស នេះបើយោងតាមការប៉ាន់ប្រមាណដោយការិយាល័យអង្គការសហប្រជាជាតិ សម្រាប់ការសម្របសម្រួលកិច្ចការមនុស្សធម៌ ប៉ុន្តែតួលេខនេះ ពុំបានរាប់បញ្ចូលអ្នកស្លាប់ចុងក្រោយ ដែលត្រូវបានរាយការណ៍នោះទេ។

អេស្ប៉ាញ នឹងចូលរួមសំណុំរឿងរបស់អាហ្វ្រិកខាងត្បូង ដែលចោទប្រកាន់អ៊ីស្រាអែលពីបទប្រល័យពូជសាសន៍

កាលពីថ្ងៃព្រហស្បតិ៍ អេស្បាញបានក្លាយជាប្រទេសអឺរ៉ុបដំបូងគេដែលស្នើសុំតុលាការអង្គការសហប្រជាជាតិសម្រាប់ការអនុញ្ញាតឲ្យចូលរួមក្នុងសំណុំរឿងរបស់អាហ្វ្រិកខាងត្បូង ដែលចោទប្រកាន់អ៊ីស្រាអែល ពីបទប្រល័យពូជសាសន៍ នៅក្នុងតំបន់ហ្កាហ្សា។អាហ្រ្វិកខាងត្បូង បានដាក់ពាក្យប្តឹងទៅតុលាការយុត្តិធម៌អន្តរជាតិកាលពីចុងឆ្នាំមុន។ ពាក្យបណ្តឹងនោះ បានចោទប្រកាន់ថា អ៊ីស្រាអែល កំពុងបំពានលើអនុសញ្ញាប្រល័យពូជសាសន៍ ក្នុងការវាយលុកផ្នែកយោធារបស់ខ្លួន ដែលបានបណ្តាលឲ្យតំបន់ហ្កាហ្សារងការខូចខាតស្ទើរតែទាំងស្រុង។តុលាការ បានបញ្ជាឲ្យអ៊ីស្រាអែលបញ្ឈប់ការវាយលុកយោធារបស់ខ្លួនភ្លាមៗ នៅក្នុងទីក្រុងរ៉ាហ្វា ភាគខាងត្បូងនៃតំបន់ហ្កាហ្សា និងបានបញ្ជាឲ្យមានបទឈប់បាញ់សម្រាប់ទឹកដីនេះ។ អ៊ីស្រាអែល មិនបានអនុវត្តតាម ហើយមិនបង្ហាញសញ្ញានៃការធ្វើដូច្នេះទេ។នាយករដ្ឋមន្ត្រីអេស្ប៉ាញលោក Pedro Sanchez បាននិយាយបន្ទាប់ពីរដ្ឋមន្ត្រីការបរទេសរបស់ខ្លួន បានធ្វើសេចក្តីប្រកាសថា «មិនគួរមានការងឿងឆ្ងល់ទេថា អេស្ប៉ាញ នឹងនៅតែស្ថិតនៅផ្នែកដ៏ត្រឹមត្រូវនៃបញ្ហានេះ»។ប្រទេសម៉ិកស៊ិក កូឡុំប៊ី នីការ៉ាហ្គ័រ លីប៊ី និងប៉ាឡេស្ទីន កំពុងរង់ចាំតុលាការយុត្តិធម៌អន្តរជាតិ នៅទីក្រុងឡាអេ ប្រទេសហូឡង់ ផ្តល់ការយល់ព្រមចំពោះសំណើរបស់ពួកគេ ដើម្បីចូលរួមសំណុំរឿងនេះ។អ៊ីស្រាអែលបដិសេធថា ខ្លួនមិនបានប្រព្រឹត្តអំពើប្រល័យពូជសាសន៍ នៅក្នុងប្រតិបត្តិការយោធារបស់ខ្លួនដើម្បីកម្ទេចក្រុមហាម៉ាស ដែលបង្កឡើងដោយការវាយប្រហារដ៏សាហាវរបស់ខ្លួន កាលពីថ្ងៃទី៧ ខែតុលា នៅប្រទេសអ៊ីស្រាអែលភាគខាងត្បូងទេ។

មហាសន្និបាតអង្គការសហប្រជាជាតិ បោះឆ្នោតជ្រើសរើសអតីតមេដឹកនាំកាមេរូន ជាប្រធានថ្មី

មហាសន្និបាតអង្គការសហប្រជាជាតិ បានបោះឆ្នោតជ្រើសរើសអតីតនាយករដ្ឋមន្ត្រីប្រទេសកាមេរូន លោក Philemon Yang ជាប្រធានបន្ទាប់របស់ខ្លួន។ អាណត្តិរយៈពេលមួយឆ្នាំរបស់លោក នឹងចាប់ផ្តើមនៅខែកញ្ញា។ នៅក្នុងសុន្ទរកថា កាលពីថ្ងៃព្រហស្បតិ៍ លោក Yang បាននិយាយថា ភាពតានតឹងភូមិសាស្ត្រនយោបាយ នៅតែបន្តជំរុញការមិនទុកចិត្តគ្នាក្នុងចំណោមរដ្ឋ និងបង្កើនការប្រកួតប្រជែងសព្វាវុធ។ លោកបាននិយាយថា ជម្លោះកំពុងកើនឡើងនៅក្នុងតំបន់ជាច្រើននៃពិភពលោក ដោយមានចំនួនជនស៊ីវិលស្លាប់យ៉ាងច្រើន ហើយករណីនៅតំបន់ហ្កាហ្សា និងនៅអ៊ុយក្រែន គឺជាគំរូដ៏ឈឺចាប់បំផុត ទាក់ទងទៅនឹងជម្លោះ។មហាសន្និបាត បានបោះឆ្នោតជ្រើសរើសសមាជិកមិនអចិន្ត្រៃយ៍ចំនួនប្រាំរូបនៃក្រុមប្រឹក្សាសន្តិសុខសម្រាប់អាណត្តិរយៈពេលពីរឆ្នាំ ចាប់ពី ខែមករា ឆ្នាំ ២០២៥។ ប្រទេសដាណឺម៉ាក ក្រិក ប៉ាគីស្ថាន ប៉ាណាម៉ា និងប្រទេសសូម៉ាលី ត្រូវបានបោះឆ្នោតជ្រើសរើសពីបេក្ខជន ដែលតំណាងឱ្យតំបន់នីមួយៗ នៅលើពិភពលោក។ ប្រទេសប៉ាគីស្ថាន នឹងជំនួសប្រទេសជប៉ុន ជាអ្នកតំណាងតំបន់អាស៊ី-ប៉ាស៊ីហ្វិកនៅឆ្នាំក្រោយ។មហាសន្និបាតអង្គការសហប្រជាជាតិ និងក្រុមប្រឹក្សាសន្តិសុខ បន្តស្វែងរកមធ្យោបាយដើម្បីដោះស្រាយបញ្ហាប្រឈមមុខដាក់គ្នាកាន់តែជ្រៅ និងភាពខ្វែងគំនិតគ្នា ក្នុងពេលការវាយលុករបស់រុស្ស៊ីលើអ៊ុយក្រែន និងការប្រយុទ្ធគ្នា រវាងអ៊ីស្រាអែល និងក្រុមហាម៉ាស។

អ្នកនយោបាយស្លូវ៉ាគី នៅតែខ្វែងគំនិតគ្នាយ៉ាងជូរចត់ បន្ទាប់ពីការប៉ុនប៉ងធ្វើឃាតនាយករដ្ឋមន្ត្រី

ការសម្រាករយៈពេលខ្លីនៃភាពតានតឹងនយោបាយ ដែលកើតឡើងបន្ទាប់ពីនាយករដ្ឋមន្ត្រីស្លូវ៉ាគី លោក រ៉ូប៊ឺត ហ្វីកូ (Robert Fico) ត្រូវបានបាញ់ប្រហារចំនួនបួនគ្រាប់ កាលពីខែមុន បានផ្ដល់ចំណុចចាប់ផ្ដើមសម្រាប់ល្បែងនយោបាយបន្ទោសគ្នាទៅមកដ៏កាន់តែជូរចត់។ អ្នកនយោបាយនៅក្នុងប្រទេសដ៏តូចមួយនៅអឺរ៉ុបខាងកើតនេះ នៅតែខ្វែងគំនិតគ្នា និងមានភាពតានតឹង មួយសប្តាហ៍បន្ទាប់ពីលោក ហ្វីកូ បានចាកចេញពីមន្ទីរពេទ្យ។ការប៉ុនប៉ងធ្វើឃាតលើមេដឹកនាំស្លូវ៉ាគី នេះគឺជាលើកដំបូងក្នុងប្រវត្តិសាស្ត្ររយៈពេល ៣០ ឆ្នាំរបស់ប្រទេស ហើយជាលើកដំបូងនៅលើទ្វីបក្នុងរយៈពេលជាង ២ ទសវត្សរ៍។ សម្រាប់មនុស្សជាច្រើន ការវាយប្រហារថ្ងៃទី១៥ ខែឧសភា នោះបានបង្កប់នូវស្នាមរបួសដ៏ជ្រៅនៃកំណើនភាពខ្វែងគំនិត ដែលបានញាំញីប្រទេសស្លូវ៉ាគី អស់រយៈពេលជាច្រើនឆ្នាំ។ ក្រុមអាជ្ញាធរបាននិយាយថា ការបាញ់ប្រហារនេះមានហេតុផលនយោបាយ។ ជនល្មើសដែលត្រូវបានកំណត់អត្តសញ្ញាណដោយប្រព័ន្ធផ្សព្វផ្សាយស្លូវ៉ាគី ថាជាអ្នកនិពន្ធកំណាព្យ ឈ្មោះ ជូរ៉ាច ស៊ីនទូឡា (Juraj Cintula) វ័យ ៧១ ឆ្នាំ មានប្រវត្តិនយោបាយមិនប្រក្រតី ដោយគាំទ្រគណបក្សជាច្រើននៅក្នុងប្រទេស។ ការប៉ុនប៉ងធ្វើឃាតលើលោក ហ្វីកូ បានកើតឡើងនៅពេលដែលរដ្ឋាភិបាលរបស់លោកព្យាយាមជំរុញការផ្លាស់ប្តូរដ៏ចម្រូងចម្រាសជាច្រើន ដូចជាការបិទការិយាល័យរដ្ឋអាជ្ញាពិសេសរបស់ប្រទេសស្លូវ៉ាគី ដែលស៊ើបអង្កេតអំពើពុករលួយកម្រិតខ្ពស់ និងការគ្រប់គ្រងលើប្រព័ន្ធផ្សព្វផ្សាយរបស់រដ្ឋ។ ក្រុមអ្នកជំនាញបាននិយាយថា វិធានការបែបនោះនឹងកាន់តែធ្វើឱ្យការខ្វែងគំនិតគ្នាកាន់តែស៊ីជម្រៅប៉ុណ្ណោះ។ មួយខែមុនការធ្វើឃាតនោះ លោក ហ្វីកូ បានរិះគន់អ្នកសារព័ត៌មាន និងក្រុមប្រឆាំងរបស់ប្រទេសស្លូវ៉ាគី ដោយចោទពួកគេពីការផ្សព្វផ្សាយភាពស្អប់ខ្ពើម និងព្យាករណ៍យ៉ាងឃោរឃៅថា នោះអាចនាំទៅដល់ការសម្លាប់ឥស្សរជនជាន់ខ្ពស់របស់រដ្ឋាភិបាល៕

អាណត្តិទីបីរបស់លោក Modi មើលឃើញទំនាក់ទំនងការពារជាតិឥណ្ឌា កាន់តែជិតស្និទ្ធជាមួយអាមេរិក

បន្ទាប់ពីការប្រកាសជ័យជម្នះក្នុងការបោះឆ្នោតរបស់ប្រទេសឥណ្ឌា លោកនាយករដ្ឋមន្ត្រី ណារ៉េនដ្រា ម៉ូឌី (Narendra Modi) បានផ្តល់ព័ត៌មានលម្អិតមួយចំនួនអំពីរបៀបវារៈសម្រាប់អាណត្តិទី៣ របស់ខ្លួន ដោយគូសបញ្ជាក់ថាលោកនឹងបន្តផ្តោតលើការបង្កើនការត្រៀមខ្លួន និងកម្លាំងយោធារបស់ប្រទេស។នោះគួរតែក្លាយជាដំណឹងល្អសម្រាប់សហរដ្ឋអាមេរិក និងសម្ព័ន្ធមិត្តផ្សេងទៀតរបស់ខ្លួន ខណៈដែលពួកគេផ្តោតកាន់តែខ្លាំងលើការទប់ទល់ការទាមទារសិទ្ធិដែនសមុទ្រដែលកំពុងកើនឡើងរបស់ចិន និងអាកប្បកិរិយាអះអាងកាន់តែខ្លាំងឡើងនៅក្នុងតំបន់ឥណ្ឌូប៉ាស៊ីហ្វិក។លោក ម៉ូឌី បានប្រាប់អ្នកគាំទ្រនៅទីស្នាក់ការកណ្តាលរបស់គណបក្សបន្ទាប់ពីលទ្ធផលបោះឆ្នោតថា «រដ្ឋាភិបាលនឹងផ្តោតលើការពង្រីកការផលិត និងការនាំចេញការពារជាតិ»។ លោកបាននិយាយអំពីផែនការរបស់ខ្លួនក្នុងការបង្កើនសន្តិសុខ ដោយកាត់បន្ថយការពឹងផ្អែករបស់ឥណ្ឌា លើការនាំចូលអាវុធ ហើយថាឥណ្ឌានឹងមិនឈប់នោះទេ រហូតទាល់តែវិស័យការពារជាតិមានភាពគ្រប់គ្រាន់ដោយខ្លួនឯង»។កិច្ចសហប្រតិបត្តិការលើវិស័យការពារជាតិឥណ្ឌា ជាមួយសហរដ្ឋអាមេរិក បានពង្រីកយ៉ាងខ្លាំងក្រោមការដឹកនាំរបស់លោក ម៉ូឌី ជាពិសេសតាមរយៈក្រុមសន្តិសុខចតុភាគីប្រទេស ឬហៅថា ក្វាដ (Quad) ដែលរួមមានអូស្ត្រាលី និងជប៉ុន។ ជំហាននេះជាប្រយោជន៍ពីរផ្លូវ ដោយទីមួយផ្តល់ឱ្យសហរដ្ឋអាមេរិក នូវដៃគូដ៏រឹងមាំនៅជិតប្រទេសចិន ដែលទីក្រុងវ៉ាស៊ីនតោន បានហៅថាជា «មានការប្រកួតប្រជែងក្នុងល្បឿនដ៏លឿន» របស់ខ្លួន និងទីពីរគឺពង្រឹងភាពជឿជាក់លើវិស័យការពារជាតិរបស់ឥណ្ឌា ប្រឆាំងនឹងគូប្រជែងដ៏មានឥទ្ធិពល៕

សម្តេចធិបតី៖ ការប្រើប្រាស់បញ្ញាសិប្បនិម្មិតត្រូវមានដែនកំណត់មួយដោយគិតគូរពីសីលធម៌ និងតម្លៃសង្គម

ក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ បើកកិច្ចប្រជុំរដ្ឋមន្ត្រីអាស៊ានផ្នែកវិទ្យាសាស្រ្ត បច្ចេកវិទ្យា និងនវានុវត្តន៍ លើកទី២០ នៅព្រឹកថ្ងៃទី៧ ខែមិថុនា ឆ្នាំ២០២៤នេះ នៅលើទឹកដីខេត្តសៀមរាប សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍បញ្ជាក់ថា ការចាប់យក និងប្រើប្រាស់បញ្ញាសិប្បនិម្មិត គឺត្រូវមានដែនកំណត់មួយ ដែលគិតគូរពីសីលធម៌ និងតម្លៃសង្គម។សម្ដេចធិបតី នាយករដ្ឋមន្រ្ដី បានថ្លែងថា ភាពចាំបាច់ ដែលជាការអភិវឌ្ឍ វិស័យវិទ្យាសាស្ត្រ, បច្ចេកវិទ្យា និង នវានុវត្តន៍ គឺមានមូលដ្ឋានដែល «យកប្រជាជនជាស្នូល»។ ប្រទេសទាំងអស់ ពិតជាមានសិទ្ធិនៅក្នុងការទាញប្រយោជន៍ពីវឌ្ឍនភាពនៃបច្ចេកវិទ្យា ប៉ុន្តែទន្ទឹមនេះក៏ត្រូវមានការទទួលខុសត្រូវនៅក្នុងការធានាតុល្យភាព និង ធានានូវអត្ថប្រយោជន៍ ដែលបច្ចេកវិទ្យាអាចបម្រើដល់មនុស្សជាតិផងដែរ។សម្តេចធិបតី ថ្លែងថា ការចាប់យក និងការប្រើប្រាស់បញ្ញាសិប្បនិម្មិត ត្រូវមានដែនកំណត់មួយ ដែលគិតគូរពីសីលធម៌ និងតម្លៃសង្គម។ សាធារណជនទូទៅបានសម្ដែងការ ភ័យខ្លាច និងការព្រួយបារម្ភរួចទៅហើយថា សិទ្ធិ និងឯកជនភាពរបស់ពួកគេ អាចនឹងត្រូវបានរំលោភបំពាន ដោយសមត្ថភាពដ៏ខ្លាំងសម្បើមនៃកម្មវិធីដែលបង្កើតឡើងដោយបញ្ញាសិប្បនិម្មិត។ក្នុងឱកាសនោះ សម្ដេចធិបតីនាយករដ្ឋមន្រ្ដី បានបញ្ជាក់ថា ចាប់តាំងពីការបង្កើតអាស៊ាននៅឆ្នាំ ១៩៦៧ មក មានការរីកចម្រើនគួរឱ្យកត់សម្គាល់លើវិស័យវិទ្យាសាស្ត្រ បច្ចេកវិទ្យា និងនវានុវត្តន៍ នៅក្នុងសហគមន៍របស់អាស៊ានទាំងមូល។ ក្នុងនោះវិទ្យាសាស្ត្រ បច្ចេកវិទ្យា និងនវានុវត្តន៍ បង្កើតជាមូលដ្ឋានគ្រឹះលើគ្រប់របៀបវារៈនៃការអភិវឌ្ឍសង្គម-សេដ្ឋកិច្ច។ អាស៊ានមានការរីកចម្រើនយ៉ាងខ្លាំង ជាមួយនឹងផែនការអនុវត្តនៃផែនការសកម្មភាពអាស៊ានស្តីពី វិទ្យាសាស្ត្រ បច្ចេកវិទ្យា និងនវានុវត្តន៍ ២០១៦-២០២៥ ដែលផែនការនេះបង្ហាញពីជំហាន និងគោលដៅសំខាន់ៗ ដើម្បីសម្រេចឱ្យបាននូវការបង្កើតអាស៊ានរីកចម្រើនអាស្រ័យលើវិទ្យាសាស្ត្រ បច្ចេកវិទ្យា និងនវានុវត្តន៍។ នាពេលបច្ចុប្បន្ន អាស៊ានកំពុងធ្វើការរួមគ្នាដើម្បីបង្កើតផែនការយុទ្ធសាស្ត្របន្ទាប់សម្រាប់វិទ្យាសាស្ត្រ បច្ចេកវិទ្យា និងនវានុវត្តន៍សម្រាប់ឆ្នាំ ២០២៦-២០៣៥។ កិច្ចខិតខំប្រឹងប្រែងនេះពាក់ព័ន្ធនឹងកិច្ចខិតខំប្រឹងប្រែងសហការជាមួយរដ្ឋជាសមាជិក និងដៃគូសន្ទនាទាំងអស់ ដើម្បីបង្កើតផែនទីបង្ហាញផ្លូវយុទ្ធសាស្ត្រ ដើម្បីឈានដល់កម្រិតថ្មីមួយ នៃតម្រូវការសេដ្ឋកិច្ច និងសង្គមក្នុងតំបន់មួយទៀត។ ជារៀងរាល់ឆ្នាំ ក្រុមប្រឹក្សាភិបាលរបស់គណៈកម្មាធិការអាស៊ានស្ដីពីវិទ្យាសាស្ត្រ បច្ចេកវិទ្យា និងនវានុវត្តន៍ ជ្រើសរើសទិសដៅអាទិភាព ដែលបន្ទាប់មកត្រូវបានអនុម័តដោយរដ្ឋមន្ត្រីអាស៊ានផ្នែក វិទ្យាសាស្ត្រ បច្ចេកវិទ្យា និងនវានុវត្តន៍៕

សម្ដេចធិបតី៖ ក្រុងអង្គរជាភស្តុតាងជាក់ស្តែងប្រើប្រាស់វិទ្យាសាស្ត្រ និងបច្ចេកវិទ្យាកសាងអច្ឆរិយៈពិភពលោក

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍បញ្ជាក់ថា ទីក្រុងអង្គរ គឺជាភស្តុតាងជាក់ស្តែងនៃការប្រើប្រាស់វិទ្យាសាស្ត្រ និងបច្ចេកវិទ្យា ដើម្បីកសាងអច្ឆរិយៈពិភពលោក និង ប្រាង្គប្រាសាទដ៏អស្ចារ្យជាច្រើន ដែលនៅបន្តគង់វង្សអស់រយៈកាល ១០០០ ឆ្នាំ ហើយក៏នឹងនៅតែបន្តស្ថិតស្ថេរតទៅអនាគតខាងមុខសម្រាប់មនុស្សជាតិទាំងមូល។សម្ដេចធិបតី នាយករដ្ឋមន្រ្ដី មានប្រសាសន៍បញ្ជាក់បែបនេះ ក្នុងឱកាស អញ្ជើញជាអធិបតីភាពដ៏ខ្ពង់ខ្ពស់ បើកកិច្ចប្រជុំរដ្ឋមន្ត្រីអាស៊ានផ្នែកវិទ្យាសាស្រ្ត បច្ចេកវិទ្យា និងនវានុវត្តន៍ លើកទី២០ នៅព្រឹកថ្ងៃទី៧ ខែមិថុនា ឆ្នាំ២០២៤នេះ ដែលរៀបចំឡើងនៅលើទឹកដីខេត្តសៀមរាប។ ក្នុងឱកាសនោះ សម្ដេចធិបតី នាយករដ្ឋមន្រ្ដី មានសេចក្តីសោមនស្ស ដែលបានចូលរួមបើកកិច្ចប្រជុំរដ្ឋមន្ត្រីអាស៊ាន ផ្នែកវិទ្យាសាស្ត្រ បច្ចេកវិទ្យា និង នវានុវត្តន៍ លើកទី ២០ (AMMSTI-20) ដែលកម្ពុជាធ្វើជាប្រធានលើផ្នែកនេះនៅ ក្នុងឆ្នាំ២០២៤ ហើយសម្ដេចស្វាគមន៍យ៉ាងកក់ក្ដៅចំពោះគណៈប្រតិភូទាំងអស់ ដែលបានមកកាន់ទីក្រុងអង្គរដែលជាទីក្រុងបុរាណដ៏ស្រស់ស្អាតរបស់របស់កម្ពុជា។សម្តេចធិបតី បញ្ជាក់ថា វិទ្យាសាស្ត្រ និងបច្ចេកវិទ្យា ជានិច្ចកាល គឺជាសសរស្តម្ភដ៏សំខាន់ដែលទ្រទ្រង់វឌ្ឍនភាពរបស់មនុស្សជាតិ, ជួយផ្ដល់ជាដំណោះស្រាយផ្សេងៗ, ធ្វើឱ្យជីវិតរបស់យើងកាន់តែល្អប្រសើរ និង ងាយស្រួលជាងមុន, និងបានជួយពង្រីកវិសាលភាព និងលទ្ធភាពនៃការគ្រប់គ្រងរបស់មនុស្សជាតិទៅលើសង្គម, ធម្មជាតិ និងភពផែនដីផងដែរ។សូមជម្រាបថា កម្ពុជាបានធ្វើជាម្ចាស់ផ្ទះរៀបចំកិច្ចប្រជុំរដ្ឋមន្ត្រីអាស៊ានផ្នែកវិទ្យាសាស្ត្រ បច្ចេកវិទ្យា និងនវានុវត្តន៍លើកទី២០ ចាប់ពីថ្ងៃទី៣ ដល់ថ្ងៃទី៧ ខែមិថុនានេះ។ កិច្ចប្រជុំនេះត្រូវបានធ្វើឡើងក្រោមប្រធាន «ការប្រើប្រាស់បញ្ញាសិប្បនិម្មិត៖ ដំណើរឆ្ពោះទៅអនាគត»។ កិច្ចប្រជុំទាំងនេះបានក្លាយជាវេទិកាដ៏មានសារៈសំខាន់សម្រាប់ជំរុញកិច្ចសហប្រតិបត្តិការផ្នែកវិស័យវិទ្យាសាស្ត្រ និងបច្ចេកវិទ្យាក្នុងតំបន់ ហើយក្នុងនាមជាប្រធានប្តូរវេន កម្ពុជាប្តេជ្ញាជំរុញការបង្កើនសមត្ថភាពផ្នែកវិទ្យាសាស្ត្ររបស់អាស៊ាន និងលើកកម្ពស់នវានុវត្តន៍សម្រាប់ការអភិវឌ្ឍប្រកបដោយចីរភាព៕អត្ថបទ៖វ៉ន ដារ៉ា

សម្តេចធិបតី៖ វិទ្យាសាស្រ្ត បច្ចេកវិទ្យា និងនវានុវត្តន៍ (STI) មានអត្ថប្រយោជន៍ខ្លាំងតែកុំប្រើខុសគោលដៅ

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា នាព្រឹកថ្ងៃទី៧ ខែមិថុនា ឆ្នាំ២០២៤ បានអនុញ្ញាតឱ្យគណៈប្រតិភូរដ្ឋមន្ត្រីអាស៊ានផ្នែកវិទ្យាសាស្រ្ត បច្ចេកវិទ្យា និងនវានុវត្តន៍ (STI) ដែលដឹកនាំដោយឯកឧត្តម Pengiran Dato Shamhary Mustapha រដ្ឋមន្ត្រីក្រសួងដឹកជញ្ជូន និងសារគមនាគមន៍ប្រទេសព្រុយណេដារូសាឡឹម ចូលជួបសម្តែងការគួរសម និងពិភាក្សាការងារ នៅខេត្តសៀមរាប។ក្នុងឱកាសនៃជំនួប សម្តេចធិបតី បានស្វាគមន៍យ៉ាងកក់ក្ដៅដល់គណៈប្រតិភូដែលបានអញ្ជើញចូលរួមកិច្ចប្រជុំរដ្ឋមន្រ្តីអាស៊ានផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ លើកទី២០ នៅខេត្តសៀមរាប ដែលជាទីក្រុងវប្បធម៍របស់ព្រះរាជាណាចក្រកម្ពុជា ព្រមទាំងបានគូសបញ្ជាក់ថា វិទ្យាសាស្ត្រ បច្ចេកវិទ្យា និងនវានុវត្តន៍ មានសារៈសំខាន់ណាស់សម្រាប់រាជរដ្ឋាភិបាលក្នុងការរៀបចំអនាគតដ៏រុងរឿង។ ជាមួយគ្នានេះ សម្តេចធិបតី មានប្រសាសន៍ថា បច្ចេកវិទ្យាមានអត្ថប្រយោជន៍ជាអនេក ប៉ុន្តែបច្ចេកវិទ្យាត្រូវតែបម្រើនូវមុខងារឱ្យបានត្រឹមត្រូវសម្រាប់សង្គមជាតិ ហើយមុខងារ និងគោលបំណងទាំងអស់នោះត្រូវកំណត់ឡើងដោយមនុស្ស។ ដោយឡែកសម្តេចធិបតី បានសង្កត់ធ្ងន់ផងដែរថា ប្រសិនបច្ចេកវិទ្យាត្រូវបានប្រើប្រាស់ក្នុងទិដ្ឋភាពមិនត្រឹមត្រូវ អាចបង្កផលប៉ះពាល់អវិជ្ជមានច្រើនដល់សង្គមជាតិទាំងមូល រួមមានបញ្ហាដូចជា បទល្មើសបច្ចេកវិទ្យា (cybercrime) សន្តិសុខសាយប័រ (Cybersecurity) និងការឆបោកតាមប្រព័ន្ធអនឡាញ (Online Scam) ដែលនេះសុទ្ធតែបណ្ដាលមកពី ការប្រើប្រាស់បច្ចេកវិទ្យាក្នុងគោលដៅមិនត្រឹមត្រូវ និងខុសច្បាប់។ បន្ថែមលើនេសម្តេចធិបតី បានលើកឡើងថា ច្បាប់ និងលិខិតបទដ្ឋានគតិយុត្តច្បាស់លាស់មានសារៈសំខាន់ សម្រាប់អនុញ្ញាតឱ្យប្រទេសជាតិ ទទួលបានអត្ថប្រយោជន៍ និងអភិវឌ្ឍន៍សង្គម-សេដ្ឋកិច្ចឱ្យបានរុងរឿងបន្ថែមទៀត តាមរយ:ការចូលរួមពីបច្ចេកវិទ្យា។ មុននឹងបញ្ចប់ សម្តេចធិបតី បានលើកទឹកចិត្តដល់ប្រទេសអាស៊ានទាំងអស់ រួបរួមគ្នាធ្វើការជាមួយគ្នា ហើយចែករំលែកនូវបទពិសោធន៍ល្អៗ ដើម្បីធ្វើយ៉ាងណាជំរុញឱ្យបច្ចេកវិទ្យាអាចបំពេញតួនាទីបានល្អប្រសើរ។ ជាទីបញ្ចប់ សម្តេចធិបតី បានជូនពរគណៈប្រតិភូទាំងអស់ ឱ្យទទួលបានការស្នាក់នៅព្រះរាជាណាចក្រកម្ពុជាប្រកបដោយក្តីរីករាយ និងទទួលបានជោគជ័យក្នុងកិច្ចប្រជុំប្រកបផ្លែផ្កា៕

ការបោះឆ្នោតសហភាពអឺរ៉ុប បានចាប់ផ្តើមជាមួយនឹងការប្រជែងដ៏ស្វិតស្វាញនៅហូឡង់

អ្នកបោះឆ្នោតហូឡង់ បានចាប់ផ្តើមការបោះឆ្នោតរយៈពេល ៤ ថ្ងៃនៅទូទាំងសហភាពអឺរ៉ុប ជាមួយនឹងការស្ទង់មតិបង្ហាញពីការប្រកួតប្រជែងដ៏តឹងតែងរវាងសម្ព័ន្ធភាពបៃតងឆ្វេងនិយម និងគណបក្សប្រជានិយមប្រឆាំងនឹងសាសនាអ៊ីស្លាមរបស់នាយករដ្ឋមន្រ្តីជាប់ឆ្នោតថ្មី លោក ហ្គឺត វីលឌឺស (Geert Wilders)។ គណបក្សស្តាំនិយម និងស្តាំជ្រុលនិយម ត្រូវបានគេរំពឹងយ៉ាងទូលំទូលាយថានឹងអាចទទួលបានការគាំទ្រយ៉ាងច្រើននៅក្នុងរដ្ឋជាសមាជិកចំនួន ២៧ របស់សហភាពអឺរ៉ុប ហើយក្នុងនោះការគាំទ្រដ៏ច្រើនហាក់ដូចជាបានកើតចេញពីប្រទេសហូឡង់។ទោះបីជាសម្ព័ន្ធភាពគណបក្ស ពលករបៃតង (Green-Labour) ត្រូវបានគេគិតថានឹងទទួលបានអាសនៈបន្ថែមទៀតនៅក្នុងសភាអឺរ៉ុប យោងតាមការស្ទង់មតិក៏ដោយ គណបក្សសេរីភាពរបស់លោក វីលឌឺស កំពុងតែទទួលបានការគាំទ្រយ៉ាងច្រើន។ នៅក្រោមច្បាប់អ៊ឺរ៉ុប លទ្ធផលចុងក្រោយមិនត្រូវបានចេញផ្សាយទេ រហូតដល់គ្រប់ប្រទេសទាំងអស់បានបោះឆ្នោតរួចនៅល្ងាចថ្ងៃអាទិត្យ (០៩ មិថុនា)។ ប្រជាជនអឺរ៉ុបប្រហែល ៣៧៣ លាននាក់មានសិទ្ធិបោះឆ្នោតនៅក្នុងការបោះឆ្នោតប្រជាធិបតេយ្យដ៏ធំបំផុតទីពីររបស់ពិភពលោកបន្ទាប់ពីប្រទេសឥណ្ឌា។សភាអឺរ៉ុបបន្ទាប់ នឹងមានអាសនៈចំនួន ៧២០ ដោយប្រទេសនីមួយៗមានអាសនៈសមាមាត្រទៅនឹងចំនួនប្រជាជនរបស់ពួកគេ។ អាល្លឺម៉ង់ មាន ៩៦ អាសនៈ បារាំង ៨១ អាសនៈ និងអ៊ីតាលី ៧៦ អាសនៈ ខណៈដែលហូឡង់មាន ៣១ អាសនៈ។ ប្រទេសអៀរឡង់ ម៉ាល់តា និងសាធារណរដ្ឋឆេក នឹងបោះឆ្នោតនៅថ្ងៃសុក្រ (០៧ មិថុនា) នេះ ហើយប្រទេសផ្សេងទៀតនៃសហភាពអឺរ៉ុប នឹងបោះឆ្នោតនៅចុងសប្តាហ៍។ការស្ទង់មតិរបស់ហូឡង់ ដែលបង្ហាញពីការប្រកួតប្រជែងដ៏ស្វិតស្វាញនោះ នឹងត្រូវបានឃ្លាំមើលយ៉ាងដិតដល់នៅទូទាំងទ្វីបអឺរ៉ុប សម្រាប់លទ្ធភាពនៃនិន្នាការដែលនឹងលេចឡើងនៅកន្លែងផ្សេងទៀតនៃទ្វីបនេះ ខណៈអ្នកបោះឆ្នោតជាច្រើនមានទំនោរបោះឆ្នោតទៅលើបញ្ហាជាតិ ដូចគ្នាទៅនឹងទំនោរបោះឆ្នោតលើបញ្ហាគោលនយោបាយអឺរ៉ុប៕

លោក Biden នឹងមិនលើកលែងទោសឲ្យកូនប្រុសរបស់លោកឡើយ ជុំវិញបទចោទប្រកាន់ទាក់ទងនឹងអាវុធ

បងថ្លៃស្រីរបស់លោក Hunter Biden បានផ្តល់សក្ខីកម្មនៅក្នុងការជម្រះក្តីបទព្រហ្មទណ្ឌរបស់លោកកាលពីថ្ងៃព្រហស្បតិ៍ថា អ្នកស្រី បានរកឃើញសំណល់កូកាអ៊ីន និងកាំភ្លើង នៅក្នុងរថយន្តរបស់លោក ដែលជាសក្តានុពលជំរុញសំណុំរឿងរបស់រដ្ឋអាជ្ញាដែលថាកូនប្រុសរបស់ប្រធានាធិបតី លោក Joe Biden បានបំពានច្បាប់ដែលរារាំងអ្នកប្រើប្រាស់គ្រឿងញៀនមិនឲ្យកាន់កាប់អាវុធ។កាលពីថ្ងៃព្រហស្បតិ៍ ប្រធានាធិបតីសហរដ្ឋអាមេរិក លោក Joe Biden បាននិយាយថា លោកនឹងមិនលើកលែងទោសដល់កូនប្រុសរបស់លោក លោក Hunter ប្រសិនបើត្រូវបានគេរកឃើញថាមានពិរុទ្ធពីបទបំពានច្បាប់ដែលរារាំងអ្នកប្រើប្រាស់គ្រឿងញៀនខុសច្បាប់ មិនឲ្យកាន់កាប់អាវុធ។គណៈវិនិច្ឆ័យក្នុងការជម្រះក្តីបទព្រហ្មទណ្ឌលើកដំបូង លើកូនប្រុសរបស់ប្រធានាធិបតីសហរដ្ឋអាមេរិក បានស្តាប់សក្ខីកម្មនៅសប្តាហ៍នេះ ពីសាក្សីរួមទាំងបងថ្លៃស្រីរបស់លោក អ្នកស្រី Hallie Biden ជាស្ត្រីមេម៉ាយ។ អ្នកស្រី បានប្រាប់គណៈវិនិច្ឆ័យថា អ្នកស្រី បានរកឃើញឧបករណ៍ប្រើប្រាស់គ្រឿងញៀន និងកាំភ្លើងខ្លីមួយដើម ក្នុងពេលសម្អាតរថយន្តរបស់លោក។លោក Hunter Biden បានផ្តល់ចម្លើយពីភាពគ្មានទោសចំពោះបទព្រហ្មទណ្ឌចំនួនបីករណី ដែលចោទប្រកាន់លោកថា ពុំបានបង្ហាញពីការប្រើប្រាស់គ្រឿងញៀនខុសច្បាប់ នៅពេលដែលលោកបានទៅទិញកាំភ្លើងខ្លីក្នុងឆ្នាំ២០១៨ និងបានកាន់កាប់អាវុធដោយខុសច្បាប់។ យោងតាមក្រសួងយុត្តិធម៌សហរដ្ឋអាមេរិកបានឲ្យដឹងថា ប្រសិនបើ លោក Hunter Biden ត្រូវបានកាត់ទោសលើបទចោទប្រកាន់ទាំងអស់ លោកអាចប្រឈមមុខទៅនឹងការជាប់ពន្ធនាគាររហូតដល់២៥ឆ្នាំ។

បណ្ដាញសង្គម

ព័ត៌មានថ្មីៗ

អបអរសាទរ ខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៦ ក្រោយមូលបទ៖ «បន្តរួមកម្លាំងគ្នា ដើម្បីមនុស្សធម៌»

មន្រ្តីឃុំ/សង្កាត់ ប្ដេជ្ញាខិតខំយកចិត្តទុកដាក់ផ្តល់សេវាជូនពលរដ្ឋឱ្យកាន់តែលឿនរហ័ស និងមិនស្មុគស្មាញ

រដ្ឋសភាកំណត់យកថ្ងៃទី១២ ឧសភាខាងមុខ បើកសម័យប្រជុំវិសាមញ្ញ ដើម្បីអនុម័តច្បាប់ "កាតព្វកិច្ចយោធា" និងការធានាទូទាត់ថាមពលអគ្គិសនី

ក្រសួងការពារជាតិកម្ពុជាចូលរួមសម្របសម្រួលក្នុងពិធីផ្ទេរ-ប្រគល់ភារកិច្ចដឹកនាំរបស់ប្រធានបេសកកម្មប្តូរវេនៃក្រុម AOT HOM ហ្វីលីពីនថ្មី ប្រចាំកម្ពុជា នៅស្នាក់ការទី២ ក្រុងសិរីសោភ័ណ្ឌ

ខណៈជំនួបកំពូលលោក Trump-Xi កាន់តែកៀក ភាពមិនច្បាស់លាស់ផ្នែកពាណិជ្ជកម្មនៅតែកើនឡើងខ្លាំង

តារាចម្រៀងប៉ុប Shakira បញ្ចេញបទចម្រៀងផ្លូវការសម្រាប់ព្រឹត្តិការណ៍បាល់ទាត់ពិភពលោក

អភិបាលរាជធានីភ្នំពេញ ណែនាំឱ្យប្រធានគណៈកម្មាធិការសមាគមអតីតយុទ្ធជន និងនិវត្តជនប្រចាំខណ្ឌទាំង១៤ យកចិត្តទុក្ខដាក់ឱ្យបានខ្ពស់ចំពោះគ្រួសារយុទ្ធជនជួរមុខ និងកូនៗរបស់គាត់

ឯកឧត្តម វ៉ាត់ ចំរើន លើកពីផលវិជ្ជមាន នៃកំណើនអ្នករត់ម៉ារ៉ាតុងចក្រភពអង្គរ ស្របពេលពិភពលោកកំពុងមានវិបត្តិ

រដ្ឋមន្ត្រីក្រសួងឧស្សាហកម្ម ស្នើដល់អ្នកពាក់ព័ន្ធ ជំរុញបង្កើត MSME ក្នុងតំបន់សេដ្ឋកិច្ចពិសេស ដើម្បីតភ្ជាប់វិស័យនេះទៅរោងចក្រ

ឈ្លោះប្រកែកគ្នាឈានដល់ហិង្សារវាងមិត្តរួមក្រុម Real Madrid, Tchouameni វាយ Valverde បែកក្បាល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍