BTV NEWS

សម្ដេចធិបតីនាយករដ្ឋមន្ត្រី និងនាយរដ្ឋមន្រ្តីថៃ បញ្ជាក់ពីការប្តេជ្ញាចិត្តរួមគ្នាសម្រាប់សន្តិភាពយូរអង្វែង

ក្រសួងអភិវឌ្ឍន៍ជនបទ កសាងហេដ្ឋារចនាសម្ព័ន្ធ ជួយសម្រួលជីវភាពពលរដ្ឋនៅគម្រោងដីសម្បទានសង្គមកិច្ចក្នុងភូមិសាស្ត្រាស្រុកចន្ទ្រា ខេត្តស្វាយរៀង

ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់ផ្លូវលំប្រវែង ៥.៧០០ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា

នយោបាយ និង ការអភិវឌ្ឍន៍

ឯកអគ្គរដ្ឋទូតអូស្ត្រាលី ប្រចាំអាមេរិក៖ សង្គ្រាមលើកោះតៃវ៉ាន់ នឹងមានផលវិបាកធ្ងន់ធ្ងរដល់ពិភពលោក

ឯកអគ្គរដ្ឋទូតអូស្ត្រាលី ប្រចាំនៅសហរដ្ឋអាមេរិក លោក ខេវីន រ៉ូដ (Kevin Rudd) បានព្រមាននៅក្នុងសុន្ទរកថាមួយថា ផលវិបាកជាសកលនៃសង្រ្គាមលើកោះតៃវ៉ាន់ នឹងខ្លាំងក្លាដូចឥទ្ធិពលនៃសង្គ្រាមលោកលើកទីពីរ ដែលធ្វើឱ្យពិភពលោក «ផ្លាស់ប្ដូរយ៉ាងខ្លាំង»។លោក រ៉ូដ បាននិយាយនៅក្នុងសុន្ទរកថានៅទីក្រុង ហូណូលូលូ (Honolulu) របស់សហរដ្ឋអាមេរិក កាលពីថ្ងៃព្រហស្បតិ៍ (០៦ មិថុនា) ថា ប្រសិនបើប្រធានាធិបតីចិន លោក ស៊ី ជីនពីង (Xi Jinping) ដែលមានវ័យ ៧១ ឆ្នាំក្នុងខែនេះ ចង់សម្រេចបាន «ការបង្រួបបង្រួមជាតិចុងក្រោយ» ជាមួយកោះតៃវ៉ាន់ លោកទំនងជានឹងធ្វើសកម្មភាពក្នុងទសវត្សរ៍ក្រោយនេះ មុនពេលលោកឈានដល់វ័យ ៨០ ឆ្នាំ។ លោក រ៉ូដ បានបន្ថែមថា សកម្មភាពរបស់ចិន បែបណានោះនឹងអាស្រ័យលើការយល់ឃើញរបស់ខ្លួនចំពោះភាពរឹងមាំនៃការរារាំងរបស់សហរដ្ឋអាមេរិក។ចិន អះអាងសិទ្ធិលើកោះស្វ័យគ្រប់គ្រងតាមបែបប្រជាធិបតេយ្យ តៃវ៉ាន់ ថាជាទឹកដីរបស់ខ្លួន ហើយមិនដែលបោះបង់ការប្រើប្រាស់កម្លាំងដើម្បីក្រសោបយកកោះនេះមកក្រោមការគ្រប់គ្រងរបស់ខ្លួនឡើយ។ កោះតៃវ៉ាន់ ជំទាស់យ៉ាងខ្លាំងចំពោះការទាមទារអធិបតេយ្យភាពរបស់ចិន ហើយនិយាយថាមានតែប្រជាជនរបស់កោះនេះទេ ដែលអាចសម្រេចចិត្តអនាគតរបស់ពួកគេបាន។ សហរដ្ឋអាមេរិក បានសម្តែងការព្រួយបារម្ភអំពីសកម្មភាពយោធារបស់ចិន នៅជិតកោះតៃវ៉ាន់ រួមទាំងបន្ទាប់ពីការបោះឆ្នោតជ្រើសរើសមេដឹកនាំរបស់កោះនេះ និងការឡើងកាន់តំណែងរបស់មេដឹកនាំថ្មី លោក ឡៃ ឆឹងទ័រ (Lai Ching-te) កាលពីខែមុន។ ចិន បានព្រមានអាមេរិក ថាមិនគួរលូកដៃចូលក្នុងកិច្ចការរបស់ចិន ជាមួយកោះតៃវ៉ាន់ឡើយ៕

ទីក្រុងប៉េកាំងជំទាស់ ក្រោយលោក Modi អរគុណមេដឹកនាំកោះតៃវ៉ាន់សម្រាប់សារអបអរការបោះឆ្នោត

រដ្ឋាភិបាលក្រុងប៉េកាំងបានតវ៉ាប្រឆាំងនឹងការឆ្លើយតបរបស់លោកនាយករដ្ឋមន្ត្រីឥណ្ឌាទើបជាប់ឆ្នោត Narendra Modi ចំពោះសារអបអរសាទរពីមេដឹកនាំកោះតៃវ៉ាន់លោក វីលៀម ឡៃ ឆឹង-ទ័រ (William Lai Ching-te)និងបានជំរុញឱ្យទីក្រុង New Delhi ប្រុងប្រយ័ត្នចំពោះការឃុបឃិតខាងនយោបាយ របស់ទីក្រុងតៃប៉ិ (Taipei)។ អ្នកនាំពាក្យក្រសួងការបរទេសចិន លោកស្រី ម៉ៅ នីង (Mao Ning) បាននិយាយកាលពីថ្ងៃព្រហស្បតិ៍សប្ដាហ៍នេះថា ទីក្រុងប៉េកាំង បានប្រឆាំងយ៉ាងម៉ឺងម៉ាត់រាល់ទម្រង់នៃការផ្លាស់ប្តូរជាផ្លូវការរវាងអាជ្ញាធរនៅតៃវ៉ាន់ និងប្រទេស ដែលមានទំនាក់ទំនងការទូតជាមួយទីក្រុងប៉េកាំង។ លោកស្រី ម៉ៅ បាននិយាយថា ឥណ្ឌាបានប្តេជ្ញាចិត្តខាងនយោបាយដ៏ឧឡារិកមួយទាក់ទងនឹងគោលនយោបាយចិនតែមួយ ហើយគួរតែដឹង និងប្រុងប្រយ័ត្នប្រឆាំងនឹងការឃុបឃិតខាងនយោបាយដោយភាគីតៃវ៉ាន់។ កាលពីថ្ងៃពុធ សប្ដាហ៍នេះ លោក Lai បានបង្ហោះសារនៅលើបណ្ដាញសង្គម X អបអរសាទរលោក Modi ដែលបានឈ្នះការបោះឆ្នោតអាណត្តិទីបីរបស់លោក។ លោក Lai បាននិយាយថា លោកទន្ទឹងរង់ចាំការជំរុញកិច្ចសហប្រតិបត្តិការរវាងកោះតៃវ៉ាន់ និងឥណ្ឌាលើវិស័យដូចជាសេដ្ឋកិច្ច និងបច្ចេកវិទ្យាជាដើម។ នៅក្នុងការថ្លែងអំណរគុណចំពោះលោក Lai លោក Modi បានឆ្លើយតបថា លោកក៏ទន្ទឹងរង់ចាំ ទំនាក់ទំនងកាន់តែជិតស្និទ្ធដែរ ខណៈយើងធ្វើការឆ្ពោះទៅរកភាពជាដៃគូសេដ្ឋកិច្ច និងបច្ចេកវិទ្យាដែលបានផ្ដល់ផលប្រយោជន៍ឲ្យគ្នាទៅវិញទៅមក៕

ហ្វីលីពីន ចោទឆ្មាំល្បាតឆ្នេរចិន ថាបានរារាំងដល់ការជម្លៀសវេជ្ជសាស្ត្រនៅសមុទ្រចិនខាងត្បូង

ឆ្មាំល្បាតឆ្នេរហ្វីលីពីន នៅថ្ងៃសុក្រ (០៧ មិថុនា) នេះ បានចោទប្រកាន់សមភាគីចិន ថាបានរារាំងកិច្ចខិតខំប្រឹងប្រែងដើម្បីជម្លៀសសមាជិកកងកម្លាំងប្រដាប់អាវុធដែលមានជំងឺ នៅក្នុងសមុទ្រចិនខាងត្បូងដោយហៅការរំខាននោះថាជារឿង «ព្រៃផ្សៃ និងអមនុស្សធម៌»។ឧប្បត្តិហេតុ ដែលហ្វីលីពីននិយាយថាបានកើតឡើងកាលពីខែមុន ពាក់ព័ន្ធនឹងសមាជិកនៃកងម៉ារីនតូចមួយក្រុមដែលបានប្រតិបត្តិការដើម្បីការពារនាវា ប៊ីអាភី សៀរ៉ា ម៉ាដ្រេ (BRP Sierra Madre) ដែលជានាវាហ្វីលីពីន ចូលចតនៅដែនទឹកជម្លោះ សេខិន ថូម៉ាស ស្ហូល (Second Thomas Shoal) ដែលជាទីតាំងនៃការប្រឈមមុខដាក់គ្នាម្តងហើយម្តងទៀតជាមួយចិន កាលពីឆ្នាំមុន។អ្នកនាំពាក្យឆ្មាំល្បាតឆ្នេរហ្វីលីពីន លោក ជេយ តារៀលឡា (Jay Tarriela) បាននិយាយថា ឆ្មាំល្បាតឆ្នេរ និងទូកតូចៗរបស់កងទ័ពជើងទឹកត្រូវបានរំខានដោយនាវាចិន ទោះបីជាបានជូនដំណឹងដល់ពួកគេថា ប្រតិបត្តិការនេះគឺមានលក្ខណៈវេជ្ជសាស្រ្តក៏ដោយ។ ស្ថានទូតចិនប្រចាំហ្វីលីពីន មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។ហ្វីលីពីន និងចិន បានប៉ះទង្គិចគ្នាម្តងហើយម្តងទៀតកាលពីឆ្នាំមុន នៅជិតលក្ខណៈដែនទឹកជម្លោះដែលស្ថិតនៅក្នុងតំបន់សេដ្ឋកិច្ចផ្តាច់មុខរបស់ទីក្រុងម៉ានីល។ ប្រទេសចិន តែងតែចោទប្រកាន់ហ្វីលីពីន ពីការទន្ទ្រានកាន់កាប់ ខណៈដែលទីក្រុងម៉ានីល និងសម្ព័ន្ធមិត្តបានរិះគន់នូវអ្វីដែលពួកគេហៅថាសកម្មភាពអរិភាពរបស់ទីក្រុងប៉េកាំង៕

រុស្ស៊ី និងចិន ជំទាស់នឹងអាមេរិក ជុំវិញសេចក្ដីសម្រេច UN ស្តីពីផែនការឈប់បាញ់ហ្កាហ្សា

រុស្ស៊ី និងចិន ដែលកាន់អំណាចវេតូនៅក្នុងក្រុមប្រឹក្សាសន្តិសុខអង្គការសហប្រជាជាតិ បានលើកឡើងពីការព្រួយបារម្ភរបស់ខ្លួនកាលពីថ្ងៃព្រហស្បតិ៍ (០៦ មិថុនា) ជាមួយនឹងពង្រាងសេចក្ដីសម្រេចរបស់សហរដ្ឋអាមេរិក ដែលនឹងគាំទ្រសំណើមួយ ដែលគូសបញ្ជាក់ដោយលោកប្រធានាធិបតី ចូ បៃដិន (Joe Biden) សម្រាប់បទឈប់បាញ់រវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីនហាម៉ាស។ក្រុមអ្នកការទូតនិយាយថា សមាជិកអារ៉ាប់តែមួយគត់របស់ក្រុមប្រឹក្សានេះ គឺអាល់ហ្សេរី ក៏បានបង្ហាញសញ្ញាថាខ្លួនមិនទាន់ត្រៀមដើម្បីគាំទ្រពង្រាងនេះដែរ។ សេចក្ដីសម្រេចមួយត្រូវការសំឡេងគាំទ្រយ៉ាងតិចប្រាំបួន ហើយគ្មានការវេតូពីសហរដ្ឋអាមេរិក បារាំង អង់គ្លេស ចិន ឬរុស្ស៊ី ដើម្បីអនុម័ត។លោក បៃដិន បានដាក់ចេញនូវផែនការបទឈប់បាញ់បីដំណាក់កាលសម្រាប់តំបន់ហ្កាហ្សា កាលពីមួយសប្តាហ៍មុន ដែលលោកបានពណ៌នាថាជាគំនិតផ្តួចផ្តើមរបស់អ៊ីស្រាអែល ហើយកំពុងស្វែងរកការគាំទ្រពីអន្តរជាតិចំពោះផែនការ ដែលក្រុមហាម៉ាស កំពុងតែសិក្សាមួយនេះ។ ពង្រាងដែលអាមេរិកដាក់ទៅក្រុមប្រឹក្សា UN ស្វាគមន៍សំណើបទឈប់បាញ់ ដោយពិពណ៌នាថាវា «អាចទទួលយកបាន» ចំពោះអ៊ីស្រាអែល ហើយ «អំពាវនាវឱ្យក្រុមហាម៉ាស ទទួលយក និងជំរុញឱ្យភាគីទាំងពីរអនុវត្តលក្ខខណ្ឌរបស់ខ្លួនឱ្យបានពេញលេញដោយមិនពន្យារពេល និងដោយគ្មានលក្ខខណ្ឌ»។ ប៉ុន្តែអ្នកការទូតនិយាយថា សមាជិកក្រុមប្រឹក្សាមួយចំនួនបានចោទជាសំណួរថាតើអ៊ីស្រាអែល ពិតជាបានទទួលយកផែនការនេះដែរឬទេ ហើយចង់ឱ្យក្រុមប្រឹក្សានេះប្រកាន់ខ្ជាប់នូវការទាមទារដែលបានធ្វើឡើងកាលពីខែមីនា ជំនួសវិញ សម្រាប់បទឈប់បាញ់ជាបន្ទាន់ និងការដោះលែងចំណាប់ថ្នូរទាំងអស់ដោយគ្មានលក្ខខណ្ឌ៕

លោក Trump នឹងដាក់ពន្ធលើប្រទេសនានា រួមទាំងចិន ជុំវិញការមិនទប់ស្កាត់អន្តោប្រវេសន៍ខុសច្បាប់

បេក្ខជនប្រធានាធិបតីរបស់គណបក្សសាធារណរដ្ឋ លោក Donald Trump បាននិយាយ កាលពីថ្ងៃព្រហស្បតិ៍ ថា លោកអាចនឹងដាក់ពន្ធលើប្រទេសនានា រួមទាំងប្រទេសចិន ដែលមិនទប់ស្កាត់លំហូរជនអន្តោប្រវេសន៍គ្មានឯកសារមកពីទឹកដីរបស់ពួកគេ ចូលទៅកាន់សហរដ្ឋអាមេរិក ប្រសិនបើលោកទទួលជ័យជម្នះក្នុងការបោះឆ្នោតនៅសហរដ្ឋអាមេរិក ក្នុងខែវិច្ឆិកា។ លោក Trump បាននិយាយដូច្នេះ នៅក្នុងព្រឹត្តិការណ៍មួយនៅរដ្ឋ Arizona ខណៈឆ្លើយតបទៅនឹងសំណួររបស់អ្នកចូលរួម ប៉ុន្តែពុំបានបញ្ជាក់ច្បាស់ពីទំហំនៃពន្ធ ដែលលោកនឹងដាក់ក្នុងសេណារីយ៉ូ បែបណានោះទេ។ នៅពេលត្រូវបានសួរអំពីវិធីដែលលោកនឹងទប់ស្កាត់លំហូរជនអន្តោប្រវេសន៍ឆ្លងកាត់ចូលទៅក្នុងសហរដ្ឋអាមេរិកដោយខុសច្បាប់ លោក Trump បាននិយាយថា យើងមានអំណាចសេដ្ឋកិច្ចយ៉ាងខ្លាំង។ លោក Trump និយាយថា ប្រសិនបើប្រទេសមួយ ដូចជាប្រទេសចិន មិនជួយទប់ស្កាត់លំហូរជនអន្តោប្រវេសន៍ចូលទៅក្នុងសហរដ្ឋអាមេរិក យើងមានរឿងរ៉ាវទាំងនេះដែលហៅថា ការដាក់ពន្ធ។ លោក Trump បានព្រមានថា ប្រសិនបើប្រទេសផ្សេងៗ មិនជួយកាត់បន្ថយការធ្វើអន្តោប្រវេសន៍នោះទេ លោកអាចនឹងដាក់ពន្ធ ប្រសិនបើលោកជាប់ឆ្នោតជាថ្មី។ សន្តិសុខនៅព្រំដែន និងបញ្ហាអន្តោប្រវេសន៍ បានលេចចេញជាបញ្ហាចម្បង សម្រាប់ប្រជាជនអាមេរិក នៅក្នុងការបោះឆ្នោតនៅថ្ងៃទី ៥ ខែវិច្ឆិកាខាងមុខ ដែលលោក Trump នឹងប្រឈមមុខជាមួយប្រធានាធិបតីសហរដ្ឋអាមេរិក លោក Joe Biden មកពីគណបក្សប្រជាធិបតេយ្យ នៅក្នុងការប្រជែងឡើងវិញ នៃការដណ្តើមយកសេតវិមាន បន្ទាប់ពីការបោះឆ្នោតឆ្នាំ២០២០។ វាគឺជាព្រឹត្តិការណ៍យុទ្ធនាការលើកដំបូងរបស់លោក Trump ចាប់តាំងពីគណៈវិនិច្ឆ័យនៅទីក្រុង Manhattan កាលពីថ្ងៃទី៣០ ខែឧសភា បានរកឃើញថាលោកមានទោសលើបទចោទប្រកាន់ចំនួន៣៤ករណី ដែលលោកបានប្រឈមមុខទៅនឹងការក្លែងបន្លំកំណត់ត្រាអាជីវកម្មដើម្បីបិទបាំងការបង់ប្រាក់ចំនួន ១៣០.០០០ដុល្លារ ដែលអតីតមេធាវីរបស់លោក គឺលោក Michael Cohen បានបង់ទៅឱ្យតារាភាពយន្តអាសអាភាស នាង Stormy Daniels មុនពេលការបោះឆ្នោតឆ្នាំ២០១៦ ដើម្បីឲ្យរក្សាភាពស្ងៀមស្ងាត់របស់នាង ជុំវិញការជួបទំនាក់ទំនងផ្លូវភេទដែលនាងបាននិយាយថា មានជាមួយលោក trump។ លោក Trump បានបដិសេធរាល់ការប្រព្រឹត្តខុសទាំងអស់ ហើយបានប្តេជ្ញាប្តឹងឧទ្ធរណ៍ចំពោះសាលក្រមនេះ។ លោក Biden បានចេញក្រិតមួយ កាលពីថ្ងៃអង្គារ ដែលបង្កើតបម្រាមសិទ្ធិជ្រកកោនយ៉ាងទូលំទូលាយ លើជនអន្តោប្រវេសន៍ ដែលត្រូវចាប់ខ្លួនខណៈឆ្លងកាត់ព្រំដែនអាមេរិក-ម៉ិកស៊ិក ដោយខុសច្បាប់។

សម្តេចធិបតី៖ ការជឿនលឿននូវបច្ចេកវិទ្យាបានផ្លាស់ប្តូរនូវមូលដ្ឋានឧស្សាហកម្ម និងទិដ្ឋភាពសង្គម

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានលើកឡើងថា វិទ្យាសាស្រ្ត និងបច្ចេកវិទ្យាគឺជានិច្ចកាលជាសរសរស្តម្ភដ៏សំខាន់ដែលទ្រទ្រង់វឌ្ឍនៈភាពរបស់មនុស្សជាតិ ហើយការជឿនលឿននូវបច្ចេកវិទ្យានេះ បានផ្លាស់ប្តូរនូវមូលដ្ឋានឧស្សាហកម្ម និងទិដ្ឋភាពសង្គមផងដែរ។ថ្លែងក្នុងឱកាសអញ្ជើញជាអធិបតីភាពបើកកិច្ចប្រជុំរដ្ឋមន្រ្តីអាស៊ានផ្នែកវិទ្យាសាស្រ្ត បច្ចេកវិទ្យា និងនវានុវត្តន៍លើកទី២០ នៅខេត្តសៀមរាប នាថ្ងៃទី៧ ខែមិថុនា ឆ្នាំ២០២៤នេះ សម្តេចធិបតី ហ៊ុន ម៉ាណែត បានបញ្ជាក់ថា វិទ្យាសាស្រ្តបច្ចេកវិទ្យានេះ បានជួយផ្តល់ដំណោះស្រាយផ្សេងៗ បានជួយឲ្យជីវិត របស់មនុស្សរស់នៅកាន់តែប្រសើរ ងាយស្រួលជាងមុន និងថែមទាំងជួយពង្រឹងវិសាលភាពរបស់មនុស្សជាតិឲ្យកាន់តែល្អប្រសើរផងដែរ។នៅក្នុងឱកាសនោះដែរ សម្តេចធិបតី នាយករដ្ឋមន្រ្តីក៏បានលើកឡើងផងងដែរថា បច្ចេកវិទ្យា និងវិទ្យាសាស្រ្តបន្តវិវត្តន៍ក្នុងល្បឿនយ៉ាងលឿន ហើយវាមានភាពចាំបាច់ដែលពិភពលោកត្រូវការប្រើប្រាស់ និងត្រួតពិនិត្យឲ្យបានម៉ត់ចត់លើបច្ចេកវិទ្យាដែលកំពុងលេចឡើងថ្មី ដែលវាអាចមានលទ្ធភាព និងឥទ្ធិពលកែប្រែពិភពលោក និងតម្រង់ទិសវឌ្ឍនៈភាពនៃបច្ចេកវិទ្យា ដើម្បីឲ្យវាអាចបម្រើគាំទ្រដល់បរិយាបន្ន និងភាពនៃការអភិវឌ្ឍប្រកបដោយចីរភាព និងភាពធនជាដើម។ សម្តេចធិបតី បានបន្ថែមទៀតថា ការជួបជុំគ្នានាឱកាសនេះ គឺជាឱកាសមួយរួមគ្នាសិក្សាឈ្វេងយល់ពីប្រធានបទសំខាន់ៗ ពោលគឺការប្រើប្រាស់បញ្ញាសិប្បនិមិត្តដំណើរទៅអនាគត៕អត្ថបទបាន ចក់

យន្តហោះចម្បាំង NATO ហ្វឹកហាត់ក្នុងការប្រកួតមិត្តភាពនៅលើមូលដ្ឋានទ័ពអាកាសអាមេរិក Ramstein នៅអាល្លឺម៉ង់

យន្តហោះចម្បាំង មកពីបណ្តាប្រទេសរបស់សម្ព័ន្ធយោធាណាតូ បានចូលរួមក្នុងសមយុទ្ធនៅលើមូលដ្ឋានទ័ពអាកាសរបស់សហរដ្ឋអាមេរិក Ramstein នៅភាគខាងត្បូងប្រទេសអាល្លឺម៉ង់ កាលពីថ្ងៃព្រហស្បតិ៍។រដ្ឋនៃសម្ព័ន្ធយោធាណាតូ បាននិយាយថា យន្តហោះចម្បាំងជំនាន់ទី៤ និងទី៥ បានហ្វឹកហាត់ក្នុងការប្រកួតជាមិត្តភាពនៅក្នុងការបង្ហាញមួយដែលប្រធានអង្គភាពនៅមូលដ្ឋាន Ramstein របស់អាល្លឺម៉ង់ បាននិយាយថា សមាជិកយានិក និងយន្តហោះចម្បាំង ដែលពាក់ព័ន្ធ ត្រូវបានបណ្តុះបណ្តាលយ៉ាងល្អ និងត្រៀមជាស្រេច ដើម្បីការពារពួកយើង។វរសេនីយ៍ឯក មីឈែល ត្រៅធឺម៉ាន(Michael Trautermann) នៃកងកម្លាំងប្រដាប់អាវុធអាល្លឺម៉ង់ បាននិយាយថា គោលបំណងនៃការបណ្តុះបណ្តាល គឺដើម្បីឱ្យមានការប្រយុទ្ធតាមអាកាសនៅក្នុងលំហដែលត្រូវបានកំណត់ ដោយមានគោលបំណងបាញ់ទម្លាក់យន្តហោះផ្សេងទៀតនៅក្នុងសេណារីយ៉ូ ដែលលោកហៅថា សិល្បៈដ៏ល្អនៅពេលដែលចូលក្នុងការប្រយុទ្ធតាមអាកាស។លោក Trautermann បាននិយាយថា សមយុទ្ធកាលពីថ្ងៃព្រហស្បតិ៍នៅមូលដ្ឋាន Ramstein ពុំមែនជាផ្នែកមួយនៃការហ្វឹកហ្វឺនជាប្រចាំនោះទេ ចាប់តាំងពីចុងបញ្ចប់នៃសង្គ្រាមត្រជាក់មក។

វិមានក្រឹមឡាំងបន្ថែមការព្រមានលើលោកខាងលិច ជុំវិញការផ្តល់អាវុធរយៈចម្ងាយឆ្ងាយដល់អ៊ុយក្រែន ក្រោយការគំរាមពីលោកPutin

វិមានក្រឹមឡាំងបាននិយាយកាលពីថ្ងៃព្រហស្បតិ៍ទី៦មិថុនាសប្ដាហ៍នេះ ថាប្រទេសលោកខាងលិចដែលផ្គត់ផ្គង់អាវុធដល់អ៊ុយក្រែនដើម្បីវាយប្រហារចូលទៅជ្រៅក្នុងទឹកដីរុស្ស៊ី នឹងត្រូវជម្រះបញ្ជីជាមួយរុស្ស៊ី បន្ទាប់ពីលោកប្រធានាធិបតី Vladimir Putin លើកឡើងថាលោកកំពុងពិចារណាផ្តល់អាវុធដល់សត្រូវរបស់លោកខាងលិច ជាការសងសឹក។ អ្នកនាំពាក្យវិមានក្រឹមឡាំង លោក Dmitry Peskov បានប្រាប់ទូរទស្សន៍រដ្ឋ ថាលោក ជឿថា ការព្រមានរប់លោក Putin បានលិចលឺទៅដល់លោកខាងលិចមិនខាន ជាទីដែល លោកជឿថា ប្រទេសទាំងនោះបានស្វែងយល់រួចទៅហើយ។ ថ្លែងជាមួយនិពន្ធនាយកជាន់ខ្ពស់នៃទីភ្នាក់ងារសារព័ត៌មានអន្តរជាតិនៅទីក្រុង សេន ភីធ័រស្បើក (St Petersburg) កាលពីថ្ងៃពុធសប្ដាហ៍នេះ មេដឹកនាំរុស្ស៊ី រូបនេះ បាននិយាយថា ទីក្រុងមូស្គូកំពុងគិតអំពីការផ្តល់អាវុធរយៈចម្ងាយឆ្ងាយ ស្រដៀងគ្នាទៅនឹងអ្វីដែលលោកខាងលិចកំពុងផ្តល់ឲ្យអ៊ុយក្រែន ដល់សត្រូវរបស់លោកខាងលិចជុំវិញពិភពលោក។ នៅក្នុងការអត្ថាធិប្បាយរបស់លោក លោក Putin បានលើកឡើងពីមីស៊ីលរយៈចម្ងាយឆ្ងាយដែលត្រូវបានផ្គត់ផ្គង់ដល់អ៊ុយក្រែនដោយសហរដ្ឋអាមេរិក និងអង់គ្លេស។ ការអត្ថាធិប្បាយរបស់លោក បានលើកឡើងថា លោកអាចផ្គត់ផ្គង់អាវុធដល់ក្រុមប្រឆាំង សហរដ្ឋអាមេរិក ដូចជាកងជីវពលគាំទ្រដោយអ៊ីរ៉ង់នៅក្នុងប្រទេសអ៊ីរ៉ាក់ និងស៊ីរី ដែលបានបាញ់គ្រាប់រ៉ូកែត និងយានដ្រូន ជាប្រចាំទៅកាន់កងទ័ពសហរដ្ឋអាមេរិក៕

ប្រទេសបារាំង នឹងផ្តល់យន្តហោះចម្បាំង រួមនិងការហ្វឹកហ្វឺនដល់អ៊ុយក្រែន

ប្រធានាធិបតីបារាំង លោក អ៊ីម៉ានុយអែល ម៉ាក្រុង (Emmanuel Macron) បានប្រកាសផែនការមួយនៅក្នុងបទសម្ភាសន៍ជាមួយស្ថានីយទូរទស្សន៍ក្នុងស្រុកមួយកាលពីថ្ងៃព្រហស្បតិ៍ (០៦ មិថុនា) ដែលផ្តល់ឱ្យអ៊ុយក្រែននូវយន្តហោះចម្បាំងប្រភេទ ម៉ាយរ៉េច ២០០០ (Mirage 2000) ជាមួយនិងការបណ្តុះបណ្តាលបើកយន្តហោះនោះផងដែរ។ លោក ម៉ាក្រុង បាននិយាយថា អ្នកបើកយន្តហោះអ៊ុយក្រែន នឹងត្រូវហ្វឹកហាត់នៅប្រទេសបារាំង នៅដើមរដូវក្តៅនេះ។យន្តហោះចម្បាំងប្រភេទ ម៉ាយរ៉េច ២០០០ ដែលផលិតដោយបារាំង ត្រូវបានគេចាត់ទុកថាជាយន្តហោះចម្បាំងជំនាន់ទី៤ ដែលស្រដៀងនឹងយន្តហោះ F-16 ។ ក្រុមអ្នកផលិតរបស់បារាំងនិយាយថា យន្តហោះចំនួន ៦០០ គ្រឿងត្រូវបានផលិតឡើង ដោយខ្លះត្រូវបាននាំចេញទៅកាន់កោះតៃវ៉ាន់ ឥណ្ឌា និងកន្លែងផ្សេងទៀត។បារាំង រួមជាមួយប្រទេសមួយចំនួនទៀត បានបង្ហាញការគាំទ្រសម្រាប់ការពង្រឹងសមត្ថភាពទ័ពអាកាសរបស់អ៊ុយក្រែន។ ប្រទេសជាច្រើនរួមទាំងហូឡង់ និងដាណឺម៉ាក បានប្រកាសផែនការផ្តល់យន្តហោះចម្បាំង F-16 ខណៈដែលស៊ុយអែត បានសន្យាផ្ដល់យន្តហោះឃ្លាំមើលឈ្លបយកការណ៍ និងប្រព័ន្ធគ្រប់គ្រងលើដែនអាកាស។ប្រធានាធិបតីបារាំងរូបនេះក៏បានស្នើឱ្យមានការបណ្តុះបណ្តាលទាហានអ៊ុយក្រែន ចំនួន ៤.៥០០ នាក់ផងដែរដើម្បីបង្កើតកងពលតូចថ្មី ប៉ុន្តែលោកមិនបានផ្តល់ព័ត៌មានលម្អិតដូចជាថា តើគ្រូបង្វឹកទាហានជនជាតិបារាំង នឹងត្រូវបញ្ជូនទៅអ៊ុយក្រែន ឬយ៉ាងណានោះទេ។ លោក ម៉ាក្រុង និយាយថា លោកនឹងប្រកាសពីភាពជាក់លាក់នៃជំនួយថ្មីនៅថ្ងៃសុក្រ (០៧ មិថុនា) នេះ នៅពេលដែលលោកជួបជាមួយប្រធានាធិបតីអ៊ុយក្រែន លោក វ្ល៉ូឌីមី ហ្ស៊េឡិនស្គី (Volodymyr Zelenskyy)៕

មន្រ្តីជាន់ខ្ពស់បក្សភ្លើងទៀននៅខេត្តកំពង់ស្ពឺ ប្រកាសលាលែងពីបក្សហើយមកសុំរួមរស់ជាមួយគណបក្សប្រជាជនកម្ពុជា

ក្រោយអស់ជំនឿចំពោះការដឹកនាំរបស់គណបក្សភ្លើងទៀន និងស្អប់ខ្ពើមចំពោះការញុះញង់ និងការរាំងនូវគម្រោង«ព្រែកជីកហ្វូណនតេជោ» របស់ជនក្បត់ជាតិបីជំនាន់សម រង្ស៊ី និងបក្សពួករបស់ខ្លួននោះ មន្រ្តីជាន់ខ្ពស់របស់គណបក្សភ្លើងទៀនប្រចាំ នៅខេត្តកំពង់ស្ពឺពីរនាក់ បានប្រកាសលាលែងចេញពីបក្ស ហើយ សុំចូលរួមជីវភាពនយោបាយជាមួយគណបក្សប្រជាជនកម្ពុជាវិញ។លោក គង់ ភ័ណ្ឌ លេខាអតីតបក្សសង្រ្គោះជាតិស្រុកឧត្តុង្គ និងជាអនុប្រធានក្រុមការងារបណ្តោះអាសន្នបក្សភ្លើងទៀន ខេត្តកំពង់ស្ពឺ និងលោក ឈឹម សាវី អតីតសមាជិកគណបក្សសង្រ្គោះជាតិខេត្តកំពង់ស្ពឺ ហើយបច្ចុប្បន្នជាសមាជិកព្រឹត្តិបត្រគណបក្សភ្លើងទៀនខេត្តកំពង់ស្ពឺ និងជាអ្នកទ្រទ្រង់ថវិកាបក្សផងនោះ បានប្រកាសឈប់ទាក់ទងជាមួយគណបក្សប្រឆាំងបន្តទៅទៀតចាប់ពីពេលនេះតទៅ ដោយសារតែពួកគាត់មើលឃើញការដឹកនាំរបស់គណបក្សភ្លើងទៀនមិនល្អ មិនសមជាអ្នកស្នេហាជាតិពិតប្រាកដនោះ។តាមរយៈវិដេអូឃ្លីប ពួកគាត់ទាំងពីរនោះបានលើកឡើងថា ការចាក់ចេញរបស់ពួកគាត់ដោយសារតែគណបក្សភ្លើងទៀន«មានការបែកបាក់សាមគ្គីផ្ទៃក្នុងគ្នា ពុករលួយ ហើយពេលថ្មីៗនេះលោក សម រង្ស៊ី បានប្រកាសប្រឆាំងគម្រោង«ព្រែកជីកហ្វូណនតេជោ» គឺជាការប្រឆាំងផលប្រយោជន៍របស់ជាតិ និងប្រជាពលរដ្ឋយ៉ាងធ្ងន់ ធ្ងរ»។តាមរយៈវិដេអូឃ្លីបដែលបានចេញដាច់ដោយឡែកពីគ្នានោះដែរ លោក ឈឹម សាវី និងលោកគង់ ភ័ណ្ឌ បានប្រកាសគោរពស្នើសុំសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ចូលរួមជីវភាពនយោបាយជាមួយគណបក្សប្រជាជនកម្ពុជាផងដែរចាប់ពីពេលនេះតទៅ៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

លោក អ៊ូ តារា៖ ការប្រកួតគុនល្បុក្កតោបឋមសិក្សាថ្នាក់ជាតិឆ្នាំនេះកុមារា កុមារី មានការកើនឡើងទាំងចំនួន និងបច្ចេកទេស

អាមេរិកដាក់ទណ្ឌកម្មលើអនុរដ្ឋមន្ត្រីប្រេង និងកងជីវពលអ៊ីរ៉ាក់ ជុំវិញការគាំទ្រអ៊ីរ៉ង់

ប្រធានក្រុមប្រឹក្សាអឺរ៉ុប៖ EU កំពុងរៀបចំសម្រាប់ការចរចាដែលអាចកើតមានជាមួយរុស្ស៊ី

សម្តេចធិបតី ហ៊ុន ម៉ាណែត ឆ្លៀតជួបពិភាក្សាក្រៅផ្លូវការជាមួយអគ្គលេខាធិការក្រសួងការបរទេសនៃប្រទេសមីយ៉ាន់ម៉ា មុនចូលរួមពិធីបើកកិច្ចប្រជុំកំពូលអាស៊ាន

ក្លិបអង់គ្លេសឡើងវគ្គផ្តាច់ព្រ័ត្រក្របខណ្ឌអឺរ៉ុបទាំងបីកម្រិតលើកដំបូង

កម្ពុជា ដឹកនាំបណ្ដាអង្គទូត និងសហភាពអឺរ៉ុបនៅកម្ពុជា ចុះពិនិត្យស្ថានភាពជាក់ស្តែង និងស្ដាប់បទបង្ហាញអំពីផលប៉ះពាល់ និងខូចខាតប្រាសាទព្រះវិហារដោយសារថៃឈ្លានពាន

ប្រព័ន្ធផ្សព្វផ្សាយ៖ CIA ជឿជាក់ថា អ៊ីរ៉ង់អាចទប់ទល់នឹងការបិទផ្លូវរបស់អាមេរិកយ៉ាងតិចពី ៣ទៅ៤ខែ

វិធានការយុទ្ធសាស្ត្រ ៦ចំណុច ត្រូវបានដាក់ចេញ ដើម្បីពង្រឹងមុខងារបណ្តុះបណ្តាលមន្ត្រីរាជការនៅតាមក្រសួង-ស្ថាប័ន

អ៊ីរ៉ង់៖ ចរាចរណ៍ធម្មតានៅច្រកសមុទ្រហ័រមូស គឺពឹងផ្អែកលើការបញ្ចប់សង្គ្រាម ការដកការបិទផ្លូវ និងទណ្ឌកម្ម

សម្ដេចធិបតី ហ៊ុន ម៉ាណែត ឆ្លៀតជួបពិភាក្សាក្រៅផ្លូវការជាមួយប្រមុខដឹកនាំប្រទេសសមាជិកអាស៊ាន ក្នុងឱកាសចូលរួមកិច្ចប្រជុំកំពូលអាស៊ានលើកទី៤៨ នៅហ្វីលីពីន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ឯកអគ្គរដ្ឋទូតអូស្ត្រាលី ប្រចាំអាមេរិក៖ សង្គ្រាមលើកោះតៃវ៉ាន់ នឹងមានផលវិបាកធ្ងន់ធ្ងរដល់ពិភពលោក

ទីក្រុងប៉េកាំងជំទាស់ ក្រោយលោក Modi អរគុណមេដឹកនាំកោះតៃវ៉ាន់សម្រាប់សារអបអរការបោះឆ្នោត

ហ្វីលីពីន ចោទឆ្មាំល្បាតឆ្នេរចិន ថាបានរារាំងដល់ការជម្លៀសវេជ្ជសាស្ត្រនៅសមុទ្រចិនខាងត្បូង

រុស្ស៊ី និងចិន ជំទាស់នឹងអាមេរិក ជុំវិញសេចក្ដីសម្រេច UN ស្តីពីផែនការឈប់បាញ់ហ្កាហ្សា

លោក Trump នឹងដាក់ពន្ធលើប្រទេសនានា រួមទាំងចិន ជុំវិញការមិនទប់ស្កាត់អន្តោប្រវេសន៍ខុសច្បាប់

សម្តេចធិបតី៖ ការជឿនលឿននូវបច្ចេកវិទ្យាបានផ្លាស់ប្តូរនូវមូលដ្ឋានឧស្សាហកម្ម និងទិដ្ឋភាពសង្គម

យន្តហោះចម្បាំង NATO ហ្វឹកហាត់ក្នុងការប្រកួតមិត្តភាពនៅលើមូលដ្ឋានទ័ពអាកាសអាមេរិក Ramstein នៅអាល្លឺម៉ង់

ប្រទេសបារាំង នឹងផ្តល់យន្តហោះចម្បាំង រួមនិងការហ្វឹកហ្វឺនដល់អ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ឯកអគ្គរដ្ឋទូតអូស្ត្រាលី ប្រចាំអាមេរិក៖ សង្គ្រាមលើកោះតៃវ៉ាន់ នឹងមានផលវិបាកធ្ងន់ធ្ងរដល់ពិភពលោក

ទីក្រុងប៉េកាំងជំទាស់ ក្រោយលោក Modi អរគុណមេដឹកនាំកោះតៃវ៉ាន់សម្រាប់សារអបអរការបោះឆ្នោត

ហ្វីលីពីន ចោទឆ្មាំល្បាតឆ្នេរចិន ថាបានរារាំងដល់ការជម្លៀសវេជ្ជសាស្ត្រនៅសមុទ្រចិនខាងត្បូង

រុស្ស៊ី និងចិន ជំទាស់នឹងអាមេរិក ជុំវិញសេចក្ដីសម្រេច UN ស្តីពីផែនការឈប់បាញ់ហ្កាហ្សា

លោក Trump នឹងដាក់ពន្ធលើប្រទេសនានា រួមទាំងចិន ជុំវិញការមិនទប់ស្កាត់អន្តោប្រវេសន៍ខុសច្បាប់

សម្តេចធិបតី៖ ការជឿនលឿននូវបច្ចេកវិទ្យាបានផ្លាស់ប្តូរនូវមូលដ្ឋានឧស្សាហកម្ម និងទិដ្ឋភាពសង្គម

យន្តហោះចម្បាំង NATO ហ្វឹកហាត់ក្នុងការប្រកួតមិត្តភាពនៅលើមូលដ្ឋានទ័ពអាកាសអាមេរិក Ramstein នៅអាល្លឺម៉ង់

ប្រទេសបារាំង នឹងផ្តល់យន្តហោះចម្បាំង រួមនិងការហ្វឹកហ្វឺនដល់អ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍