នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីនាយករដ្ឋមន្ត្រី និងនាយរដ្ឋមន្រ្តីថៃ បញ្ជាក់ពីការប្តេជ្ញាចិត្តរួមគ្នាសម្រាប់សន្តិភាពយូរអង្វែង
ក្រសួងអភិវឌ្ឍន៍ជនបទ កសាងហេដ្ឋារចនាសម្ព័ន្ធ ជួយសម្រួលជីវភាពពលរដ្ឋ​នៅគម្រោងដី​សម្បទាន​សង្គមកិច្ច​ក្នុងភូមិសាស្ត្រាស្រុកចន្ទ្រា ខេត្តស្វាយរៀង
ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់​ផ្លូវលំ​ប្រវែង ៥.៧០០​ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា

នយោបាយ​ និង ការអភិវឌ្ឍន៍

ម្ចាស់ហ្វេសប៊ុកឈ្មោះ «កុមារ ទេព» គោរពសុំការអភ័យទោសសម្ដេចតេជោ ក្រោយយករូបសម្ដេច និងក្រុមគ្រួសារទៅបង្ហោះនាំឱ្យមានការភ័ន្តច្រឡំ

2024/06/07 12:47:30 am        233
Facebook Telegram Linkin
ភ្នំពេញ៖ ក្រោយមានប្រតិកម្ម និងប្រាប់ឱ្យម្ចាស់ហ្វេសប៊ុក ឈ្មោះ «កុមារ ទេព» ឱ្យបញ្ឈប់សកម្មភាពយករូបភាពសម្ដេចតេជោ ហ៊ុន សែន និងក្រុមគ្រួសារទៅបង្ហោះតទៅទៀតនាយប់ថ្ងៃទី៦ ខែមិថុនា ឆ្នាំ ២០២៤នេះ ម្ចាស់គណនី ហ្វេសប៊ុកឈ្មោះ «កុមារ ទេព» បានចេញសារ​ភ្លាម សូមគោរពសុំការអភ័យទោស ដែលបានតែងតែប្រើប្រាស់រូបភាព របស់សម្ដេច សម្ដេចកិត្តិព្រឹទ្ធបណ្ឌិត និងបុត្រាបុត្រី របស់សម្ដេចមកផុស នាំឱ្យមានការ​ភ័ន្តច្រឡំនាពេលកន្លងមក។ម្ចាស់គណនីហ្វេសប៊ុកនេះ បានសរសេរថា៖«ដោយក្ដីគោរពដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាជាតិនៃកម្ពុជា ជាទីគោរពដ៏ខ្ពង់ខ្ពស់បំផុត។ ខ្ញុំបាទជាម្ចាស់គណនី សូមគោរពសុំការអភ័យទោស ដែលបានតែងតែប្រើប្រាស់រូបភាព របស់សម្ដេចតេជោពុក សម្ដេចកិត្តិព្រឹទ្ធបណ្ឌិត និងបុត្រាបុត្រី របស់សម្ដេចមកផុស ដោយហេតុជាការគោរព ស្រលាញ់ក្រុមគ្រួសារសម្ដេចពុក ដែលជាស្ថាបនិកនៃសុខសន្តិភាព ជាភាពកក់ក្ដៅនៃបងប្អូនប្រជាពលរដ្ឋ ក្រោមម្លប់នៃសន្តិភាព»។«ខ្ញុំសូមសន្យាថានិងមិនប្រើប្រាស់រូបថត សម្ដេចពុក សម្ដេចម៉ែ និងបុត្រាបុត្រីរបស់សម្ដេចមកបង្ហោះលើអាខោនហ្វេសបុកនេះតទៅទៀតឡើយ។ សូមសម្ដេចពុក សម្ដេចម៉ែ មេត្តាទទួលនូវការគោរពដ៏ខ្ពង់ខ្ពស់អំពីខ្ញុំបាទ»។បន្ទាប់ពីមានសារ​សូមទោសពីម្ចាស់គណនីហ្វេសប៊ុកបែបនេះ សម្ដេច​តេជោ ហ៊ុន សែន បាន​ខមិនឆ្លើយតប ចំពោះម្ចាស់គណនីហ្វេសប៊ុក «កុមារ ទេព» ដោយសម្ដេច​បាន អរគុណសម្រាប់ការស្រឡាញ់ចំពោះនិងក្រុមគ្រួសារ។សម្ដេច​តេជោបញ្ជាក់ថា កន្លងមកនេះមានមនុស្សមួយចំនួនមានការភ័ន្តច្រឡំថា គណនីហ្វេសបុក ឈ្មោះ «កុមារ ទេព» នេះ ជារបស់សម្ដេច​ រាប់ទាំងវិទ្យុបរទេសនិយាយភាសារខ្មែរផងដែរ។ សម្ដេច​តេជោបានបញ្ជាក់ថា៖«ខ្ញុំមានផេកផ្លូវការរបស់ខ្ញុំដែលផ្តល់ព័ត៌មានទៅកាន់សាធារណជនគ្រប់គ្រាន់ហើយ»៕ 

សម្ដេចតេជោ ហ៊ុន សែន ​បានចេញមុខអះអាងថា គណនីហ្វេសប៊ុក ដែលមានឈ្មោះថា «កុមារ ទេព» ពុំមែនជាគណនីហ្វេសប៊ុកពិតរបស់សម្ដេចទេ

2024/06/06 11:54:26 pm        102
Facebook Telegram Linkin
ភ្នំពេញ៖សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា នៅយប់ថ្ងៃទី៦ ខែមិថុនានេះ ចេញមុខអះអាងថា គណនីហ្វេសប៊ុក ដែលមានឈ្មោះថា «កុមារ ទេព» ពុំមែនជាគណនីហ្វេសប៊ុកពិតរបស់សម្ដេចទេ។ សម្ដេចតេជោ បានមានប្រសាសន៍ក្នុង Comment ហ្វេសប៊ុកឈ្មោះ កុមារ ទេព យ៉ាងដូច្នេះថា៖ «ខ្ញុំហ៊ុន សែនសូមបញ្ជាក់ថា Facebook ឈ្មោះកុមារទេពនេះមិនមែនជារបស់ខ្ញុំទេ។ សូមអ្នកប្រើប្រាស់ឈប់តាំងខ្លួនជារូបខ្ញុំបង្ហោះសកម្មភាពខ្ញុំ និងគ្រួសារខ្ញុំតទៅទៀត»។

រដ្ឋបាលខេត្តព្រះវិហារ ប្រារព្ធទិវាបរិស្ថានជាតិ និងបរិស្ថានពិភពលោក ៥មិថុនា ឆ្នាំ២០២៤ ក្រោមប្រធានបទ ការកែប្រែគុណភាពដី រហោស្ថានកម្ម និងភាពធន់ នឹងគ្រោះរាំងស្ងួត

2024/06/06 03:01:47 pm        259
Facebook Telegram Linkin
នៅព្រឹកថ្ងៃទី៦ខែមិថុនា ឆ្នាំ២០២៤ ឯកឧត្តម គីម រិទ្ធី អភិបាល នៃគណៈខេត្តព្រះវិហារបានអញ្ជើញជាអធិបតីភាពក្នុងពិធីអបអរសាទរទិវាបរិស្ថានជាតិ និងបរិស្ថានពិភពលោក ៥ មិថុនា ឆ្នាំ២០២៤ ក្រោមប្រធានបទ «ការកែប្រែ គុណភាពដី រហោស្ថានកម្ម និងភាពធន់ នឹងគ្រោះរាំងស្ងួត »នៅក្នុងបរិវេណសាលាខេត្តព្រះវិហារ។ពិធីនេះ ក៏មានការចូលរួមពីសំណាក់ អភិបាលរងខេត្ត ប្រធានមន្ទីរ-អង្គភាពជុំវិញខេត្ត កងកម្លាំងទាំងបី មន្ត្រីរាជការ លោកគ្រូ អ្នកគ្រូ សិស្សានុ សិស្ស និងប្រជាពលរដ្ឋយ៉ាងច្រើនកុះករ។ឯកកឧត្តម គីម រិទ្ធី បានថ្លែងថា ការប្រារព្ធទិវាបរិស្ថានជាតិ បរិស្ថានពិភពលោក ៥ មិថុនា ឆ្នាំ២០២៤ នាឱកាសនេះ គឺចង់បង្ហាញនូវសារៈសំខាន់ នៃការចូលរួមរបស់យើងទាំង អស់គ្នា ដែលជាប្រជាជនកម្ពុជាក្នុងការស្រឡាញ់ទឹកដី ស្រឡាញ់បរិស្ថានធម្មជាតិ ស្រឡាញ់ ភាពស្រស់បំព្រងនៃធម្មជាតិ និងចូលរួមថែរក្សាការពារទាំងអស់គ្នា ដើម្បីឱ្យប្រទេសរបស់យើង ដែលជាប្រទេសសម្បូរទៅដោយសម្បត្តិធនធានធម្មជាតិ នៅតែរក្សាភាពបៃតង និងស្រស់ស្អាតជានិច្ច។ឯកឧត្តមបន្តថា ទិវានេះនឹងក្លាយជាចរន្តចលករ ដែលជំរុញឱ្យមានការផ្តួចផ្តើម ធ្វើសកម្មភាពមេត្រីបរិស្ថាន ចេញពីបុគ្គលម្នាក់ៗក្នុងការចេះទទួលខុសត្រូវក្នុងការទុកដាក់កាកសំណល់ឱ្យបានត្រឹមត្រូវ ដោយមិនបោះចោលពាសវាលពាសកាលនៅទីសាធារណៈ ជាហេតុ មិនធ្វើឱ្យប៉ះពាល់ដល់សោភ័ណភាពប្រទេសកម្ពុជាយើង។ជាមួយគ្នានេះ យើងទាំងអស់គ្នាក៏អាចចូលរួមលើកស្ទួយវិស័យបរិស្ថានដោយអនុវត្តសកម្មភាពងាយៗ ក្នុងការប្រតិបត្តិមេត្រីភាពបរិស្ថាន ការសំអាតអនាម័យបរិស្ថានតាមលំនៅដ្ឋាន តាមទីសាធារណៈ តាមអង្គភាពរបស់ខ្លួន ការទុកដាក់សំរាម សំណល់ផ្សេងៗ ក្នុងធុងសំរាមឱ្យបានត្រឹមត្រូវ និងការចូលរួមដាំដើមឈើឱ្យបានច្រើន ដើម្បីឱ្យមានភាពបៃតងស្រស់ បំព្រងប្រកបដោយផាសុកភាព។ទន្ទឹមនេះ គណៈបញ្ជាការឯកភាពរដ្ឋបាលក្រុង-ស្រុក ត្រូវសហការប្រើប្រាស់វិធានការសរុប កម្លាំងសរុប ដើម្បីទប់ស្កាត់ និងបង្ក្រាបបទល្មើសធនធានធម្មជាតិ ជលផល ព្រៃឈើ ការទន្ទ្រានដីព្រៃខុសច្បាប់ឱ្យបានជាប់ជាប្រចាំ និងម៉ឺងម៉ាត់បំផុត។ចូលរួមរៀបចំសកម្មភាព និង បំផុសចលនាការដាំដើមឈើឱ្យច្រើននៅតាមទីសាធារណៈ តំបន់ការពារ តំបន់អភិរក្ស និងទី កន្លែងផ្សេងៗ ដើម្បីរក្សានូវគម្របព្រៃឈើ ទប់លំនឹងនៃការប្រែប្រួលអាកាសធាតុស្របតាម ទិស ដៅអាទិភាព នៃការបង្កើនគម្របព្រៃឈើឱ្យបាន៦០% នៅឆ្នាំ២០៥០ ស្របតាមយុទ្ធសាស្ត្រ បញ្ចកោណ របស់រាជរដ្ឋាភិបាលកម្ពុជា និងលើកកម្ពស់ជីវភាពប្រជាពលរដ្ឋនៅតាមសហគមន៍ ក្នុងការអភិរក្សជីវចម្រុះប្រកបដោយចីរភាព នឹងចូលរួមអនុវត្តយុទ្ធនាការរបស់ក្រសួងបរិស្ថាន ក្នុងការដាំដើមឈើយ៉ាងតិច ១លានដើម ក្នុងមួយឆ្នាំ ចាប់ពីឆ្នាំ២០២៤៕

អ្នកស្រាវជ្រាវអាវុធនុយក្លេអ៊ែរ កូរ៉េខាងជើង បានក្លាយជាសមាជិកសភាកូរ៉េខាងត្បូង

2024/06/06 02:43:08 pm        254
Facebook Telegram Linkin
លោក Park Choong-kwon ធ្លាប់ជាសមាជិកនៃអង្គភាពសម្រាំងកូរ៉េខាងជើង ដែលបានអភិវឌ្ឍន៍មីស៊ីលរយៈចម្ងាយឆ្ងាយ។ ឥឡូវនេះ ក្នុងនាមជាសមាជិកសភានៅប្រទេសកូរ៉េខាងត្បូង លោកកំពុងបង្ហាញពីការព្រួយបារម្ភជុំវិញអាវុធរបស់លោក គីម ជុងអ៊ុន។ក្នុងនាមជាយុវជនម្នាក់នៅប្រទេសកូរ៉េខាងជើង លោក Park ត្រូវបានដកចេញពីថ្នាក់រៀនធម្មតារបស់ខ្លួន ហើយត្រូវបានបញ្ជូនទៅសាលាសម្រាប់ក្មេងៗដែលមានទេពកោសល្យ ជាទីដែលលោកបានរីកចម្រើនយ៉ាងឆាប់រហ័ស ឈានទៅសិក្សានៅសាកលវិទ្យាល័យការពារជាតិរបស់ប្រទេសនេះ។ប៉ុន្តែលោកមិនចូលចិត្តវិន័យយោធា ហើយមិនសប្បាយចិត្តចំពោះអំពើពុករលួយកម្រិតខ្ពស់ នៅទីបំផុតលោកបានសម្រេចចិត្តរត់ចោលប្រទេសទៅប្រទេសកូរ៉េខាងត្បូង ជាទីដែលបុរសវ័យ ៣៨ឆ្នាំរូបនេះ បានស្បថចូលកាន់តំណែងជាសមាជិកសភា កាលពីខែមុន។ដោយត្រូវបានបង្កើតឡើង ក្នុងទសវត្សរ៍ឆ្នាំ ១៩៦០ សាកលវិទ្យាល័យរបស់លោកស្រី Park គឺជាផ្នែកមួយដ៏សំខាន់នៃកម្មវិធីអាវុធហាមឃាត់របស់កូរ៉េខាងជើង ដែលមានអាវុធនុយក្លេអ៊ែរ ដោយវាត្រូវការខួរក្បាលសំខាន់ៗរបស់ប្រទេស ហើយប្រើប្រាស់វា ដើម្បីបន្តដំណើរស្វែងរករបស់លោក គីម ជុងអ៊ុន សម្រាប់មី ស៊ីល ផ្កាយរណប និងក្បាលគ្រាប់នុយក្លេអ៊ែរ ដែលធំជាងមុន និងប្រសើរជាងមុន។លោក Park ដែលបានសិក្សានៅទីនោះពីឆ្នាំ ២០០៣ ដល់ឆ្នាំ ២០០៧ បាននិយាយថា សាកលវិទ្យា ល័យ «ត្រូវបានបង្កើតឡើងជាមួយនឹងគោលដៅចម្បងគឺការផលិតមីស៊ីលបាលិស្ទិកអន្តរទ្វីប»។លោកបាននិយាយថា ក្រោមការដឹកនាំរបស់លោក គីម ជុងអ៊ុន ដែលបានចូលកាន់តំណែងពីឪពុករបស់ខ្លួន ក្នុងឆ្នាំ ២០១១ សាកលវិទ្យាល័យនេះ ត្រូវបានពង្រីក ជាមួយនឹងនាយកដ្ឋានថ្មីសម្រាប់ប្រព័ន្ធអាវុធល្បឿនលឿនជាងសំឡេង ផ្កាយរណប និងនុយក្លេអ៊ែរ ហើយល្បឿននៃការអភិវឌ្ឍអាវុធដែលទំនើបជាងមុន ដែលអ្នកខាងក្រៅជាច្រើន បានដឹង។

គិតត្រឹមដើមខែមិថុនានេះ ព្រលានយន្តហោះថ្មីក្រុងតាខ្មៅ សម្រេចការសាងសង់បានប្រមាណ ៧៥ភាគរយ

2024/06/06 01:53:15 pm        498
Facebook Telegram Linkin
គិតមកដល់បច្ចុប្បន្ននេះ ព្រលានយន្តហោះអន្តរជាតិតេជោ ក្រុងតាខ្មៅ តម្លៃប្រមាណ ១,៥០០លានដុល្លារ សម្រេចការសាងសង់បានប្រមាណជាង ៧៥%ហើយ ដោយមិនមានបញ្ហាប្រឈម ឬឧបសគ្គរាំងស្ទះអ្វីនោះទេ។ នេះតាមការអះអាងរបស់លោកអគ្គនាយកគោលនយោបាយដឹកជញ្ជូនតាមផ្លូវអាកាស។លោក វ៉ាន់ ចន្ទី អគ្គនាយកគោលនយោបាយដឹកជញ្ជូនតាមផ្លូវអាកាស ក្នុងកម្មវិធីចុះទស្សនកិច្ចដើម្បីពិនិត្យមើលវឌ្ឍនភាព នៃការសាងសង់អាកាសយានដ្ឋានតេជោ ក្រុងតាខ្មៅ ដោយមានការចូលរួមពីក្រុមហ៊ុនអាកាសចរណ៍ជាតិ និងអន្តរជាតិចំនួន៣១ក្រុមហ៊ុន ដឹកនាំដោយ ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋាន​អាកាសចរណ៍​ស៊ីវិល នៅព្រឹកថ្ងៃទី៦ មិថុនា ឆ្នាំ២០២៤នេះ បានមានប្រសាសន៍ប្រាប់បណ្តាញ​អ្នកសារព័ត៌មាន ឲ្យដឹងថា ព្រលានយន្តហោះថ្មីនេះ សង្ឃឹមថា នឹងអាចដាក់ឲ្យដំណើរការនៅឆមាសទី១ ដើមឆ្នាំ២០២៥ខាងមុខ ខណៈដែលក្រុមការងារបានកំពុង​ពន្លឿនការសាងសង់។ លោកបានបន្តថា នៅពេលដែលព្រលានថ្មីនេះសាងសង់រួចរាល់ នឹងជួយលើកមុខមាត់ប្រទេស​កម្ពុជា ​ទាំងវិស័យអាកាសចរណ៍ ទាំងវិស័យពាក់ព័ន្ធផ្សេងៗ​ជាច្រើនទៀត ជាពិសេសរួមចំណែក​យ៉ាងសំខាន់ ក្នុងការលើកស្ទួយសេដ្ឋកិច្ចជាតិឱ្យកាន់តែប្រសើរឡើងបន្ថែមទៀត។ឯកឧត្តម ឆារស៍ វ៉ាន់ នាយកគ្រប់គ្រង នៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក បានមានប្រសាសន៍ឲ្យដឹងដែរថា លើការសម្រេចបានលទ្ធផលជាង ៧៥% ក្រុមហ៊ុនអភិវឌ្ឍន៍​លើព្រលានយន្តហោះថ្មីនេះ បានចំណាយទឹកប្រាក់ក្នុងការសាងសង់ចំនួនប្រមាណ ១,១០០លានដុល្លារ លើទំហំផ្ទៃដីជាង ២,៦០០ហិចតា។ ឯកឧត្តម បានបញ្ជាក់ថា នៅក្នុងវិវឌ្ឍន៍ការសាងសង់រហូតមកទល់បច្ចុប្បន្ននេះ គឺបានដើរតាម​ផែនការ​ទាំងអស់ ដែលគ្រោងបើកឲ្យមានការហោះហើរនៅ​ឆ្នាំ២០២៥ខាងមុខផងដែរ។សូមបញ្ជាក់ថា ព្រលានយន្តហោះអន្តរជាតិតេជោ ក្រុងតាខ្មៅ មានទីតាំងស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល។ អាកាសយានដ្ឋាននេះ ក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) គឺជាក្រុមហ៊ុនចម្រុះបង្កើតឡើងរួមគ្នាដោយ ក្រុមហ៊ុន OCIC និងរដ្ឋលេខាធិការ​ដ្ឋានអាកាសចរស៊ីវិលកម្ពុជាក្នុងឆ្នាំ២០១៨ ក្រោមការណែនាំរបស់សម្តេចតេជោ ហ៊ុន សែន អតីតនាយករដ្ឋមន្រ្តី និងបច្ចុប្បន្នជាប្រធានព្រឹទ្ធសភា ដើម្បីធ្វើការងារសាងសង់ព្រលានយន្តភ្នំពេញថ្មីមួយនេះ៕អត្ថបទ ឈិត បូរ៉ាវី

រុស្ស៊ី មិនរំពឹងថា រដ្ឋបាលរបស់លោក Trump នឹងមានការផ្លាស់ប្តូរគោលនយោបាយរុស្ស៊ី ទេ

2024/06/06 01:45:57 pm        262
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) បាននិយាយកាលពីថ្ងៃពុធ (០៥ មិថុនា) ថា រុស្ស៊ី មិនខ្វល់ថាប្រធានាធិបតីអាមេរិកបន្ទាប់ជានរណាទេ ព្រោះនេះប្រហែលជាមិនមានការផ្លាស់ប្តូរអ្វីធំដុំឡើយសម្រាប់ទីក្រុងមូស្គូ ហើយថា ប្រព័ន្ធតុលាការរបស់សហរដ្ឋអាមេរិក កំពុងត្រូវបានប្រើប្រាស់យ៉ាងច្បាស់នៅក្នុងការប្រយុទ្ធនយោបាយប្រឆាំងនឹងលោក ដូណាល់ ត្រាំ (Donald Trump)។ប្រតិបត្តិការយោធាទ្រង់ទ្រាយធំរបស់លោក ពូទីន លើអ៊ុយក្រែន ក្នុងឆ្នាំ២០២២ ដែលលោកចាត់ទុកជាវិធានការការពារប្រឆាំងនឹងអង្គការណាតូ ដែលដឹកនាំដោយសហរដ្ឋអាមេរិក បានមើលឃើញថាទំនាក់ទំនងរវាងទីក្រុងមូស្គូ និងទីក្រុងវ៉ាស៊ីនតោន បានធ្លាក់ចុះដល់កម្រិតទាបបំផុតចាប់តាំងពីវិបត្តិមីស៊ីលគុយបាឆ្នាំ១៩៦២ មក។លោក ពូទីន បាននិយាយថា រដ្ឋបាលប្រធានាធិបតីកាលពីមុនរបស់លោក ត្រាំ បានធ្វើឱ្យខូចទំនាក់ទំនងរវាងសហរដ្ឋអាមេរិក និងរុស្ស៊ី ហើយវាពិបាកក្នុងការនិយាយថាតើនឹងមានអ្វីប្លែកនៅជុំនេះ ប្រសិនបើលោកឈ្នះការបោះឆ្នោតនៅខែវិច្ឆិកា។ លោក ពូទីន ក៏បានចោទប្រកាន់រដ្ឋបាលលោកប្រធានាធិបតីអាមេរិក ចូ បៃដិន (Joe Biden) ដែលជាអ្នកផ្គត់ផ្គង់សម្ភារៈយោធាដ៏ធំបំផុតតែមួយគត់ដល់អ៊ុយក្រែន ថាបានធ្វើកំហុសម្ដងហើយម្ដងទៀត ដែលលោកបានចោទប្រកាន់ថាកំពុង «ដុតបញ្ឆេះ» ប្រព័ន្ធនយោបាយរបស់សហរដ្ឋអាមេរិក និងការដឹកនាំពិភពលោក។ដោយហៅលោក បៃដិន ថាជាអ្នកនយោបាយចាស់គំរិល លោក ពូទីន បាននិយាយថា ទីក្រុងមូស្គូ នឹងមិនជ្រៀតជ្រែកនយោបាយក្នុងស្រុករបស់សហរដ្ឋអាមេរិក ដូចដែលត្រូវបានចោទប្រកាន់ម្តងហើយម្តងទៀតដោយសេវាស៊ើបការណ៍សម្ងាត់របស់សហរដ្ឋអាមេរិក នាពេលកន្លងមកនេះឡើយ៕

លោក ពូទីន៖ លក្ខខណ្ឌនៅពុំទាន់រួចរាល់សម្រាប់ការបន្តកិច្ចពិភាក្សាសន្ធិសញ្ញាសន្តិភាពជាមួយជប៉ុន នៅឡើយ

2024/06/06 01:38:02 pm        63
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន និយាយថា លក្ខខណ្ឌនានានៅពុំទាន់រួចរាល់ សម្រាប់ប្រទេសរបស់លោក ក្នុងការបន្តការចរចាសន្ធិសញ្ញាសន្តិភាពជាមួយប្រទេសជប៉ុននៅឡើយទេ។ លោកពូទីន បាននិយាយដូច្នេះ ទៅកាន់អ្នកតំណាងទីភ្នាក់ងារសារព័ត៌មានអន្តរជាតិ កាលពីថ្ងៃពុធ នៅខាងក្រៅវេទិកាសេដ្ឋកិច្ចនៅទីក្រុង សេន ភីធឺស្បើក។ រដ្ឋាភិបាលប្រទេសជប៉ុន រក្សាការប្ដេជ្ញាចិត្តឥតងាករេរបស់ខ្លួន ក្នុងការដោះស្រាយបញ្ហាដែនដីភាគខាងជើង និងបញ្ចប់សន្ធិសញ្ញាសន្តិភាពជាមួយរុស្ស៊ី។ រុស្ស៊ី គ្រប់គ្រងកោះចំនួនបួន ដែលប្រទេសជប៉ុន ក៏បានអះអាងសិទ្ធលើកោះទាំងនេះ។ រដ្ឋាភិបាលជប៉ុន អះអាងកោះទាំងនោះ ជាផ្នែកមួយនៃទឹកដីរបស់ប្រទេសជប៉ុន និងបាននិយាយថា កោះទាំងនេះត្រូវបានកាន់កាប់ដោយខុសច្បាប់ក្រោយសង្គ្រាមលោកលើកទីពីរ។ លោក ពូទីន ពុំបានច្រានចោលការបន្តកិច្ចចរចានោះទេ ប៉ុន្តែ បានទទូចថា វានឹងកើតឡើងនៅពេលដែលលក្ខខណ្ឌចាំបាច់ទាំងអស់ត្រូវបានបំពេញ។ លោក និយាយថា ប្រទេសជប៉ុន បានប្រកាសថា ខ្លួនចូលរួមក្នុងការប៉ុនប៉ងដើម្បីសម្រេចយុទ្ធសាស្ត្រផ្តួលរុស្ស៊ី នោះហើយជាឧបសគ្គ ហើយប្រទេសជប៉ុន គួរតែផ្លាស់ប្តូរជំហររបស់ខ្លួនជាមុនសិន។ លោក និយាយកាលពី ខែមករា ថា លោក នឹងធ្វើដំណើរទស្សនកិច្ចជាលើកដំបូង ទៅកាន់កោះទាំងនោះ នៅថ្ងៃណាមួយ។ ប្រធានគណៈរដ្ឋមន្ត្រីជប៉ុន លោក Hayashi Yoshimasa បាននិយាយនៅក្នុងទីក្រុងតូក្យូ នៅថ្ងៃព្រហស្បតិ៍នេះថា ការឆ្លើយតបរបស់រុស្ស៊ី គឺអយុត្តិធម៌ និងមិនអាចទទួលយកបានទាំងស្រុង។ លោក និយាយថា រដ្ឋាភិបាលជប៉ុន មិនអាចនិយាយអ្វីជាក់លាក់បានទេ ដោយសារតែទំនាក់ទំនងជប៉ុន-រុស្ស៊ី ស្ថិតក្នុងស្ថានភាពធ្លាក់ចុះខ្លាំង ដោយសារតែការវាយលុកលើអ៊ុយក្រែន ប៉ុន្តែខ្លួននឹងបន្តរក្សាគោលនយោបាយដោះស្រាយបញ្ហា និងចុះហត្ថលេខាលើសន្ធិសញ្ញាសន្តិភាព។លោក និយាយថា ប្រទេសជប៉ុន នឹងបន្តតាមដានស្ថានភាពដោយយកចិត្តទុកដាក់ និងឆ្លើយតបយ៉ាងសមស្រប។ ទីក្រុងមូស្គូ បាននិងកំពុងប្រកាន់ជំហរតឹងរ៉ឹងប្រឆាំងប្រទេសជប៉ុន ចាប់តាំងពីរដ្ឋាភិបាលជប៉ុន រួមជាមួយបណ្តាប្រទេសលោកខាងលិច បានដាក់ទណ្ឌកម្មលើរុស្ស៊ី ជុំវិញការឈ្លានពានលើអ៊ុយក្រែន។

អង្គការ WHO បញ្ជាក់ករណីមនុស្សស្លាប់ដំបូងនៃជំងឺផ្ដាសាយបក្សី H5N2 នៅម៉ិកស៊ិក

2024/06/06 01:34:58 pm        58
Facebook Telegram Linkin
អង្គការសុខភាពពិភពលោក (WHO) បាននិយាយកាលពីថ្ងៃពុធ (០៥ មិថុនា) ថា មនុស្សម្នាក់បានស្លាប់ដោយសារជំងឺផ្តាសាយបក្សីនៅក្នុងប្រទេសម៉ិកស៊ិក ក្នុងករណីដែលបានបញ្ជាក់ជាលើកដំបូងនៃមនុស្សឆ្លងមេរោគ H5N2 ។ WHO បាននិយាយនៅក្នុងសេចក្តីថ្លែងការណ៍មួយថា បុរសវ័យ ៥៩ ឆ្នាំនោះ បានស្លាប់នៅថ្ងៃទី២៤ ខែមេសា បន្ទាប់ពីកើតមានអាការៈគ្រុនក្តៅ ថប់ដង្ហើម រាគ និងចង្អោរ ហើយមិនមានប្រវត្តិប៉ះពាល់ជាមួយបសុបក្សី ឬសត្វផ្សេងទៀតទេ ប៉ុន្តែអ្នកស្លាប់មាន «លក្ខខណ្ឌជំងឺមូលដ្ឋានជាច្រើន»។សេចក្តីថ្លែងការណ៍បាននិយាយថា អ្នកស្លាប់ដែលជាអ្នកស្រុកនៃរដ្ឋម៉ិកស៊ិក (the State of Mexico) រូបនេះ ត្រូវបានបញ្ជូនទៅមន្ទីរពេទ្យនៅរដ្ឋធានី ម៉ិកស៊ិកូស៊ីធី ហើយបានស្លាប់នៅថ្ងៃដដែលនោះ។ អង្គការ WHO បានបន្ថែមថា នេះគឺជា «ករណីស្លាប់ដំបូងរបស់មនុស្ស ដែលត្រូវបានបញ្ជាក់ដោយមន្ទីរពិសោធន៍ជាមួយនឹងមេរោគផ្តាសាយប្រភេទ A (H5N2) ដែលបានរាយការណ៍ទូទាំងពិភពលោក»។លោកវេជ្ជបណ្ឌិត ចន ប្រោនស្ទេន (John Brownstein) ដែលជាអ្នកជំនាញខាងរោគរាតត្បាតនៅមន្ទីរពេទ្យកុមារបូស្តុន (Boston) សហរដ្ឋអាមេរិក បាននិយាយថា «ខណៈពេលដែលទាំងមេរោគ H5N2 និង H5N1 ស្ថិតក្នុងក្រុមនៃមេរោគគ្រុនផ្តាសាយ A ដូចគ្នានោះ មេរោគ H5N1 ត្រូវបានគេដឹងថាឆ្លងទៅមនុស្សអស់ជាច្រើនឆ្នាំមកហើយ ប៉ុន្តែនេះគឺជាករណីដំបូងគេបង្អស់ដែលមិនធ្លាប់មាននៃមេរោគ H5N2 លើមនុស្ស»៕

លោក ពូទីន គំរាមបំពាក់អាវុធដល់បណ្ដាប្រទេស ដែលអាចវាយប្រហារគោលដៅលោកខាងលិច

2024/06/06 01:29:23 pm        126
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) កាលពីថ្ងៃពុធ (៥ មិថុនា) បានរិះគន់ការបញ្ជូនអាវុធចម្ងាយឆ្ងាយរបស់លោកខាងលិច ទៅកាន់អ៊ុយក្រែន ដោយលើកហេតុផលថា ទីក្រុងមូស្គូ អាចបំពាក់អាវុធដល់ប្រទេសផ្សេងទៀត ដោយអាវុធស្រដៀងគ្នានេះដើម្បីវាយប្រហារគោលដៅលោកខាងលិច។ការអត្ថាធិប្បាយ ដែលលោក ពូទីន បានធ្វើនៅក្នុងសន្និសីទសារព័ត៌មានដ៏កម្រមួយជាមួយសារព័ត៌មានបរទេសនេះ បានធ្វើឡើងបន្ទាប់ពីប្រទេសលោកខាងលិចជាច្រើនរួមទាំងសហរដ្ឋអាមេរិក បានផ្តល់ភ្លើងខៀវឱ្យអ៊ុយក្រែន ក្នុងការវាយប្រហារលើគោលដៅនៅក្នុងប្រទេសរុស្ស៊ី ដោយនោះជាទង្វើមួយដែលទីក្រុងមូស្គូ បានហៅថាជាការគិតខុសធ្ងន់ធ្ងរ។លោកពូទីន បាននិយាយថា «យើងអាចមានសិទ្ធិក្នុងការផ្គត់ផ្គង់អាវុធប្រភេទដូចគ្នាទៅកាន់តំបន់នៃពិភពលោក ដែលនឹងមានការវាយប្រហារទៅលើទីតាំងរសើបនៃបណ្តាប្រទេសលោកខាងលិចទាំងនោះ»។ថ្លែងនៅក្នុងសន្និសីទសារព័ត៌មាននោះ លោកពូទីន បាននិយាយម្តងទៀតថាប្រទេសរុស្ស៊ី «មិនបានចាប់ផ្តើមសង្រ្គាមប្រឆាំងនឹងអ៊ុយក្រែន មុនទេ» ហើយបានស្តីបន្ទោសបដិវត្តដែលគាំទ្រលោកខាងលិចក្នុងឆ្នាំ២០១៤ ថាជាមូលហេតុជំរុញ។ លោកបានបដិសេធមិនផ្តល់ចំនួនទាហានរុស្ស៊ី ដែលស្លាប់នៅសមរភូមិក្នុងជម្លោះរយៈពេលច្រើនជាងពីរឆ្នាំនេះដោយគ្រាន់តែនិយាយថា អ៊ុយក្រែន មានចំនួនអ្នកស្លាប់ខ្ពស់ជាងខ្លួនប្រាំដង។បញ្ហានៃការស្លាប់ និងរបួសខាងយោធាគឺមានភាពរសើបខ្លាំងនៅក្នុងប្រទេសរុស្ស៊ី ដែលរាល់ការរិះគន់នៃជម្លោះត្រូវបានហាមឃាត់ និង «ការផ្សព្វផ្សាយព័ត៌មានមិនពិត» អំពីកងទ័ព ត្រូវជាប់ពន្ធនាគារអតិបរមា ១៥ ឆ្នាំ៕

អាមេរិក យល់ព្រមលក់គ្រឿងបន្លាស់យន្តហោះចម្បាំង F-16 ឱ្យកោះតៃវ៉ាន់ ក្នុងតម្លៃ ៨០ លានដុល្លារ

2024/06/06 01:25:46 pm        120
Facebook Telegram Linkin
ទីភ្នាក់ងារសហប្រតិបត្តិការសន្តិសុខការពារជាតិរបស់មន្ទីរបញ្ចកោណ (DSCA) បាននិយាយកាលពីថ្ងៃពុធ (០៥ មិថុនា) ថា ក្រសួងការបរទេសសហរដ្ឋអាមេរិក បានយល់ព្រមលក់គ្រឿងបន្លាស់យន្តហោះចម្បាំង F-16 និគ្រឿងសម្រាប់ជួសជុលទៅឱ្យកោះតៃវ៉ាន់ ក្នុងតម្លៃប៉ាន់ស្មានប្រមាណ ៨០ លានដុល្លារ។ទីភ្នាក់ងារសហប្រតិបត្តិការសន្តិសុខ DSCA នេះ បាននិយាយនៅក្នុងសេចក្តីថ្លែងការណ៍មួយថា ការលក់គ្រឿងបន្លាស់នេះនឹងជួយ «កែលម្អសន្តិសុខរបស់អ្នកទិញ និងជួយក្នុងការរក្សាស្ថិរភាពនយោបាយ តុល្យភាពយោធា និងវឌ្ឍនភាពសេដ្ឋកិច្ចក្នុងតំបន់»។ អាជ្ញាធរការពារជាតិរបស់កោះតៃវ៉ាន់ បានថ្លែងអំណរគុណដល់សហរដ្ឋអាមេរិក ហើយបាននិយាយថា ការលក់នេះនឹងជំរុញសមត្ថភាពប្រយុទ្ធ និងតម្រូវការការពារកងទ័ពអាកាសរបស់ខ្លួន ហើយដំណើរការលក់នេះនឹងត្រូវបញ្ចប់នៅខែកក្កដា។ ថ្លែងទៅកាន់អ្នកសារព័ត៌មានក្នុងសភានៅថ្ងៃព្រហស្បតិ៍ (០៦ មិថុនា) នេះ ប្រមុខការពារជាតិកោះតៃវ៉ាន់ លោក វែលលីងតុន ខូ (Wellington Koo) បាននិយាយថា តៃវ៉ាន់ត្រូវតែបង្កើនសមត្ថភាពការពារខ្លួនរបស់ខ្លួន ដើម្បីជាផ្នែកនៃ «ការទប់ស្កាត់ប្រកបដោយប្រសិទ្ធភាព» នៅក្នុងយុទ្ធសាស្ត្រឥណ្ឌូប៉ាស៊ីហ្វិករបស់សហរដ្ឋអាមេរិក។ចិន បានទាមទារម្តងហើយម្តងទៀតដល់សហរដ្ឋអាមេរិក ដែលជាអ្នកផ្គត់ផ្គង់អាវុធដ៏សំខាន់បំផុតរបស់តៃវ៉ាន់ បញ្ឈប់ការលក់អាវុធទៅកោះនេះ ដែលទីក្រុងប៉េកាំង អះអាងថាជាទឹកដីរបស់ខ្លួន ជុំវិញការជំទាស់យ៉ាងខ្លាំងរបស់ទីក្រុងតៃប៉ិ៕

បណ្ដាញសង្គម

ព័ត៌មានថ្មីៗ

ការប៉ះទង្គិចគ្នាថ្មីៗនេះរវាងអាមេរិក និងអ៊ីរ៉ង់ គឺជា «ការកើនឡើងភាពតានតឹងដែលគ្រប់គ្រងបាន»
05/08/2026 03:05 PM
Facebook Telegram Linkin
អាមេរិកបានវាយប្រហារទីតាំងយោធាអ៊ីរ៉ង់ ជាការឆ្លើយតបទៅនឹងការវាយប្រហារនាវាពិឃាតរបស់ខ្លួន
05/08/2026 03:05 PM
Facebook Telegram Linkin
អតីតរដ្ឋមន្ត្រីការបរទេស៖ អាល្លឺម៉ង់ប្រឈមនឹងការដួលរលំ ប្រសិនបើមិនផ្លាស់ប្តូរគោលនយោបាយរបស់ខ្លួនទេ
05/08/2026 03:05 PM
Facebook Telegram Linkin
កោះតៃវ៉ាន់ស្វាគមន៍មេដឹកនាំប៉ារ៉ាហ្គាយ ស្របពេលប្រទេសចិនកំពុងដាក់សម្ពាធការទូត
05/08/2026 03:05 PM
Facebook Telegram Linkin
ចំនួនអ្នកស្លាប់នៅលីបង់កើនឡើងដល់ ២.៧២៧នាក់ ខណៈអ៊ីស្រាអែលនៅតែបន្តការវាយប្រហារ
05/08/2026 03:05 PM
Facebook Telegram Linkin
ក្រុមការងារ CMAC កំពុងបន្តរុករកសំណល់ជាតិផ្ទុះ នៅបរិវេណប្រាសាទព្រះវិហារ ដែលជាគម្រោងរបស់អង្គការ UNESCO
05/08/2026 03:05 PM
Facebook Telegram Linkin
នាវាដឹកប្រេងចិន ត្រូវរងការវាយប្រហារ នៅជិតច្រកសមុទ្រហ័រមូស
05/08/2026 02:05 PM
Facebook Telegram Linkin
រដ្ឋមន្ត្រីក្រសួងរ៉ែ និងថាមពល៖ វិស័យថាមពល រ៉ែ និងប្រេងកាត​កម្ពុជា​មាន​កាលានុវត្តភាព​ សម្រាប់​ការ​វិនិយោគ
05/08/2026 02:05 PM
Facebook Telegram Linkin
មន្ត្រី CMAC ធ្វើការបំផ្ទុះគ្រាប់បែកចង្កោមប្រភេទ M85 និងកូនរបស់វា ៥៦គ្រាប់ ដែលបន្សល់ពីសង្គ្រាមឈ្លានពានថៃ នាពេលកន្លងមក
05/08/2026 02:05 PM
Facebook Telegram Linkin
លោក អ៊ូ តារា៖ ការប្រកួតគុនល្បុក្កតោបឋមសិក្សាថ្នាក់ជាតិឆ្នាំនេះកុមារា កុមារី មានការកើនឡើងទាំងចំនួន និងបច្ចេកទេស
05/08/2026 02:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.