BTV NEWS

សម្ដេចធិបតីនាយករដ្ឋមន្ត្រី និងនាយរដ្ឋមន្រ្តីថៃ បញ្ជាក់ពីការប្តេជ្ញាចិត្តរួមគ្នាសម្រាប់សន្តិភាពយូរអង្វែង

ក្រសួងអភិវឌ្ឍន៍ជនបទ កសាងហេដ្ឋារចនាសម្ព័ន្ធ ជួយសម្រួលជីវភាពពលរដ្ឋនៅគម្រោងដីសម្បទានសង្គមកិច្ចក្នុងភូមិសាស្ត្រាស្រុកចន្ទ្រា ខេត្តស្វាយរៀង

ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់ផ្លូវលំប្រវែង ៥.៧០០ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា

នយោបាយ និង ការអភិវឌ្ឍន៍

សម្តេចធិបតី អំពាវនាវសូមកុំឱ្យមានការទិញដីកាក់ទុកតាមបណ្តោយសណ្តគម្រោងព្រែកជីកហ្វូណន ដែលបង្កការលំបាកដល់ការអភិវឌ្ឍ

អញ្ជើញថ្លែងក្នុងពិធីសម្ពោធដាក់ឱ្យប្រើប្រាស់ជាផ្លូវការកំពង់ផែពហុបំណងកំពត ក្រោមទុនវិនិយោគរបស់ក្រុមហ៊ុនកំពតផត ដែលបានសាងសង់នៅទីតាំងភូមិសាស្ត្រភូមិគីឡូ១២ សង្កាត់កោះតូច និងសង្កាត់បឹងទូក ក្រុងបូកគោ ខេត្តកំពត ដំណាក់កាលទី១នាព្រឹកថ្ងៃទី៦ខែមិថុនានេះ សម្តេចធិបតី ហ៊ុន ម៉ាណែត បានអំពាវនាវទៅកាន់ពលរដ្ឋជាពិសេសអ្នករកស៊ីទិញលក់ដីសូមកុំឱ្យមានការទិញដីកាក់ទុកតាមបណ្តោយសណ្តគម្រោងព្រែកជីកហ្វូណនដែលបង្កការលំបាករាំងស្ទះដល់ដំណើរការអភិវឌ្ឍ។សម្តេចធិបតីបញ្ជាក់ថា ការអភិវឌ្ឍនៅកន្លែងនេះសូមបងប្អូនប្រជាពលរដ្ឋចូលរួម។ទន្ទឹមនេះដែរ សម្តេចក៏បានអំពាវនាវសូមកុំឱ្យ អង្គការសង្គមស៊ីវិលលូកដៃញុះញង់បំផ្លាញដល់ដំណើរការគម្រោងព្រែកជីកហ្វូណនតេជោដែលនឹងចាប់ផ្តើមបើកការដ្ឋាននៅថ្ងៃទី៥ខែសីហាខាងមុខ ដែលធ្វើឱ្យខាតនូវផលប្រយោជន៍ជាតិ ដើម្បីគ្រាន់តែប្រឆាំងអត់ប្រយោជន៍៕

អ្នកជំនាញ៖ សេដ្ឋកិច្ចរបស់រុស្ស៊ី ពឹងផ្អែកកាន់តែខ្លាំង លើប្រទេសចិន

អ្នកជំនាញបាននិយាយថា សេដ្ឋកិច្ចរបស់ប្រទេសរុស្ស៊ី កាន់តែពឹងផ្អែកខ្លាំងលើប្រទេសចិន ចាប់តាំងពីបណ្តាប្រទេសលោកខាងលិច បានដាក់ទណ្ឌកម្មលើទីក្រុងមូស្គូ។ លោកស្រី អាឡិចសានដ្រា ប្រូកូប៉េនកូ(Alexandra Prokopenko) នៅមជ្ឈមណ្ឌល ខានីជី រុស្ស៊ី អាស៊ីអឺរ៉ុប(Carnegie Russia Eurasia) និយាយថា ទណ្ឌកម្ម បានធ្វើឱ្យប្រទេសចិន ក្លាយជាដៃគូ ដែលពុំអាចជំនួស បានសម្រាប់ប្រទេសរុស្ស៊ី។អ្នកស្រាវជ្រាវ បានគូសបញ្ជាក់ថា ប្រទេសចិន នាពេលបច្ចុប្បន្ននេះ គឺជាដៃគូពាណិជ្ជកម្មលេខមួយរបស់ប្រទេសរុស្ស៊ី និងជាអ្នកជួយសង្គ្រោះ ក្នុងការនាំចូល និងនាំចេញ។លោកស្រី បាននិយាយបន្ថែមថា រុស្ស៊ី អាចក្លាយជាអ្នកពឹងពាក់អាស្រ័យលើប្រទេសចិន ដោយសារសេដ្ឋកិច្ចរបស់ចិនធំជាងរុស្ស៊ីច្រើន។លោកស្រី Prokopenko ក៏គិតផងដែរថា ទណ្ឌកម្មរបស់ប្រទេសលោកខាងលិច នឹងមានផលប៉ះពាល់រយៈពេលវែង ខណៈពួកគេនឹងដាក់ឧបសគ្គបន្ថែមទៀត លើការអភិវឌ្ឍន៍របស់ប្រទេសរុស្ស៊ី។

មន្ត្រីអ៊ុយក្រែន នៅទីក្រុងប៉េកាំង ជំរុញឲ្យប្រទេសចិនចូលរួមកិច្ចប្រជុំកំពូលសន្តិភាព

អនុរដ្ឋមន្ត្រីការបរទេសទីមួយរបស់អ៊ុយក្រែន បានបំពេញទស្សនកិច្ចនៅប្រទេសចិនកាលពីថ្ងៃពុធ ហើយបានជំរុញឱ្យចិន បញ្ជូនគណៈប្រតិភូទៅចូលរួមកិច្ចប្រជុំកំពូល ដែលបានគ្រោងធ្វើឡើងស្តីពីសង្រ្គាមអ៊ុយក្រែន ថ្ងៃ១៤ដល់១៦ ខែនេះ ក្នុងប្រទេសស្វីស ដោយសង្ឃឹមថានឹងអាចបញ្ចុះបញ្ចូលប្រទេសចិនឱ្យចូលរួមបាន។ប្រទេសរុស្ស៊ី មិនត្រូវបានអញ្ជើញឱ្យចូលរួមក្នុងកិច្ចប្រជុំ នៅខែមិថុនានោះទេ។ រហូតមកដល់ពេលនេះ ទីក្រុងប៉េកាំងបាននិយាយថា ខ្លួននឹងនៅឱ្យឆ្ងាយ ដោយហៅការចូលរួមរបស់ភាគីជម្លោះទាំងពីរថា ជាតម្រូវការជាអាទិភាព សម្រាប់សន្និសីទសន្តិភាពសំខាន់ៗណាមួយ។ ក្រសួងការបរទេសអ៊ុយក្រែន បាននិយាយបន្ទាប់ពីកិច្ចប្រជុំនៅទីក្រុងប៉េកាំងរវាងអនុរដ្ឋមន្ត្រីការបរទេសទីមួយលោក អាន់ឌ្រី ស៊ីប៊ីហា (Andriy Sybiha) និងអនុរដ្ឋមន្ត្រីការបរទេសចិន លោក សុន វ៉េតុង (Sun Weidong) ថា ភាគីអ៊ុយក្រែនបានបង្ហាញក្តីសង្ឃឹមថាការចូលរួមរបស់ប្រទេសចិននៅក្នុងព្រឹត្តិការណ៍នេះ អាចជាឱកាសដ៏ល្អមួយក្នុងការរួមចំណែកជាក់ស្តែងដើម្បីសម្រេចបានសន្តិភាពដ៏ត្រឹមត្រូវ និងយូរអង្វែងនៅក្នុងអ៊ុយក្រែន ។ ទីក្រុង Kyiv និយាយថា ប្រទេសជាង ១០០ បានទទួលយកការអញ្ជើញរបស់ខ្លួនទៅចូលរួមកិច្ចប្រជុំកំពូល ដើម្បីពិភាក្សាអំពីការផ្តល់ផែនការសន្តិភាពដែលដាក់ចេញដោយ លោក ប្រធានាធិបតី Volodymyr Zelenskiy ក្នុងបំណាងបញ្ចប់សង្រ្គាមរបស់រុស្ស៊ីពេញបន្ទុកនៅពេលនេះដែលបានឈានចូលដល់ឆ្នាំទីបីទៅហើយនោះ។។ ក្រសួងរបស់ចិន បាននិយាយថា ភាគីទាំងពីរបានផ្លាស់ប្តូរយោបល់និង ទស្សនៈគ្នា អំពីវិបត្តិអ៊ុយក្រែន និងបញ្ហាអន្តរជាតិ ក៏ដូចជាក្នុងតំបន់ដែលមានការព្រួយបារម្ភជារួម៕

អ៊ីស្រាអែល ត្រូវបានចោទប្រកាន់ថា បានប្រើផូស្វ័រពណ៌ស លើអគារលំនៅឋាន ក្នុងប្រទេសលីបង់

អង្គការឃ្លាំមើលសិទ្ធិមនុស្ស (HRW) បាននិយាយកាលពីថ្ងៃពុធថា យោធាអ៊ីស្រាអែល បានប្រើប្រាស់ ផូស្វ័រពណ៌សម្តងហើយម្តងទៀតក្នុងប្រទេសលីបង់ ក្នុងប៉ុន្មានខែថ្មីៗនេះ ដោយបន្ថែមការព្រួយបារម្ភអំពីឧក្រិដ្ឋកម្មសង្គ្រាមដោយយោធាអ៊ីស្រាអែល នៅក្នុងតំបន់ ចាប់តាំងពីការចាប់ផ្តើមនៃសង្រ្គាមប្រឆាំងនឹងក្រុមហាម៉ាស។អង្គការ HRW បាននិយាយថា ខ្លួនអាចបញ្ជាក់ការប្រើប្រាស់ផូស្វ័រពណ៌ស នៅក្នុងក្រុងចំនួន ១៧ នៅទូទាំងប្រទេសលីបង់ ចាប់តាំងពីខែតុលា រួមទាំងយ៉ាងហោចណាស់ចំនួន ៥កន្លែងដែលវាត្រូវបានប្រើប្រាស់ដោយខុសច្បាប់ នៅក្នុងតំបន់ដែលមានជនស៊ីវិលរស់នៅច្រើន។ផូស្វ័រពណ៌ស ដែលជាសារធាតុគីមីដូចក្រមួន ដែលបង្កឲ្យឆេះ នៅពេលប៉ះនឹងអុកស៊ីហ្ស៊ែន ជាធម្មតាមិនត្រូវបានចាត់ទុកថា ជាអាវុធគីមីនោះទេ ប៉ុន្តែក្រុមសិទ្ធិមនុស្សតែងតែរិះគន់ការប្រើប្រាស់របស់វា ក្នុងសង្គ្រាម។សារធាតុគីមីនេះ បណ្តាលឲ្យរលាកពុលយ៉ាងធ្ងន់ធ្ងរ និងងាយបង្កឲ្យរចនាសម្ព័ន្ធឆេះ ដែលអង្គការ HRW និយាយថា បង្កើនហានិភ័យដល់ជនស៊ីវិល។លោក Ramzi Kaiss អ្នកស្រាវជ្រាវនៅអង្គការ HRW បាននិយាយនៅក្នុងសេចក្តីថ្លែងការណ៍មួយថា៖«ការប្រើប្រាស់របស់អ៊ីស្រាអែលនៃគ្រាប់រំសេវផូស្វ័រពណ៌ស នៅតំបន់ដែលមានប្រជាជនរស់នៅ ធ្វើឲ្យប៉ះពាល់ដល់ជនស៊ីវិលភ្លាមៗ និងបានបង្ខំឲ្យមនុស្សជាច្រើន ចាកចេញពីផ្ទះសម្បែងរបស់ពួកគេ»។ «កងកម្លាំងអ៊ីស្រាអែល គួរតែបញ្ឈប់ជាបន្ទាន់នូវការប្រើប្រាស់គ្រាប់រំសេវផូស្វ័រពណ៌ស នៅក្នុងតំបន់ដែលមានប្រជាជន ជាពិសេស នៅពេលដែលជម្រើស ដែលមិនសូវមានគ្រោះថ្នាក់ គឺអាចរកបានយ៉ាងងាយស្រួលនោះ»។ក្រសួងសុខាភិបាលលីបង់ បានរាយការណ៍ថា មានអ្នករងរបួស ១៧៣នាក់ គិតត្រឹមសប្តាហ៍មុនដោយសារការប៉ះពាល់សារធាតុផូស្វ័រពណ៌ស ចាប់តាំងពីខែតុលាមក។ ក្រុមនេះ មិនអាចបញ្ជាក់ពីតួលេខនេះបានទេ។

អធិការបតីអាល្លឺម៉ង់ អំពាវនាវឲ្យដៃគូការពារជាតិអឺរ៉ុប សហការបន្ថែមទៀត

អធិការបតីអាល្លឺម៉ង់លោក អូឡាហ្វ សូល ( Olaf Scholz) បានសន្យាថា រដ្ឋាភិបាលរបស់លោក នឹងគាំទ្រដល់ឧស្សាហកម្មការពារជាតិ ហើយបានអំពាវនាវឲ្យមានកិច្ចសហប្រតិបត្តិការកាន់តែជិតស្និទ្ធរវាងអ្នក ផលិតនៅអឺរ៉ុប ខណៈដែលលោក បានបើកពិព័រណ៍ពាណិជ្ជកម្ម កាលពីថ្ងៃពុធ។លោក បានថ្លែងប្រាប់ពិព័រណ៍អាកាសចរណ៍អន្តរជាតិ (ILA) នៅទីក្រុងប៊ែរឡាំងថា៖«ថ្ងៃនេះ យើងឃើញកាន់តែច្បាស់ជាងពេលណាៗទាំងអស់ថាតើវាមានសារៈសំខាន់យ៉ាងណា ក្នុងការមានឧស្សាហកម្មការពារជាតិអឺរ៉ុប និងអាល្លឺម៉ង់ ដែលអាចបន្តផលិតសព្វាវុធសំខាន់ៗ និងគ្រាប់រំសេវចាំបាច់ទាំងអស់»។ លោកបាននិយាយថា ប្រទេសអាល្លឺម៉ង់ បានផ្តល់ឲ្យឧស្សាហកម្មនេះច្រើនពេកនូវកន្លែងចតធំទូលាយកាលពីអតីតកាល ប៉ុន្តែ «វាចប់ហើយ។ ការវាយប្រហាររបស់រុស្ស៊ីលើអ៊ុយក្រែនដោយបំពានច្បាប់អន្តរជាតិបានបង្ហាញឲ្យប្រទេសអាល្លឺម៉ង់ទាំងមូលនូវការពិតអំពីគោលនយោបាយសន្តិសុខថ្មីមួយ»។លោក សូល បានបញ្ជាក់ថា ខ្លួនពេញចិត្តយ៉ាងខ្លាំងក្នុងការរក្សា និងពង្រីកសមត្ថភាពផលិតកម្ម។ នោះហើយជាមូលហេតុដែលយើងនឹងបញ្ជាទិញយន្តហោះចម្បាំង Euro ចំនួន ២០គ្រឿងបន្ថែមទៀត នៅក្នុងសម័យនីតិប្បញ្ញត្តិនេះ បន្ថែមពីលើយន្តហោះ ៣៨គ្រឿង ដែលបច្ចុប្បន្ន កំពុងស្ថិតនៅក្នុងកន្លែងដាក់់បំពង់បង្ហូរប្រេង។លោកបាននិយាយថា កិច្ចសហប្រតិបត្តិការជិតស្និទ្ធរវាងដៃគូអឺរ៉ុប គឺចាំបាច់ដើម្បីជៀសវាងការចម្លងដែលអឺរ៉ុបមិនអាចមានលទ្ធភាពទិញបាន។ លោក បានសង្កត់ធ្ងន់ថា អ្វីដែលចាំបាច់ គឺផ្តោតទៅលើការឆ្លុះបញ្ចាំងពីភាពខ្លាំងនៃឧស្សាហកម្មរៀងៗខ្លួន ដើម្បីលើកកម្ពស់អន្តរប្រតិបត្តិការរវាងកងកម្លាំងប្រដាប់អាវុធរបស់អឺរ៉ុប។ លោកបានបន្ថែមថា ឧស្សាហកម្មអាល្លឺម៉ង់ គួរតែស្ថិតនៅជួរមុខ។

សហរដ្ឋអាមេរិក រំពឹងថារុស្ស៊ី នឹងធ្វើសមយុទ្ធទ័ពជើងទឹកនៅសមុទ្រការាអ៊ីប នៅរដូវក្ដៅនេះ

មន្ត្រីជាន់ខ្ពស់អាមេរិកម្នាក់បាននិយាយកាលពីថ្ងៃពុធ (០៥ មិថុនា) ថា ប្រទេសរុស្ស៊ី គ្រោងនឹងបញ្ជូននាវាចម្បាំងទៅកាន់តំបន់សមុទ្រការ៉ាអ៊ីបនៅរដូវក្តៅនេះ ជាផ្នែកនៃសមយុទ្ធកងទ័ពជើងទឹក ដែលទំនងជានឹងរួមបញ្ចូលការចូលចតតាមកំពង់ផែនៅក្នុងប្រទេសគុយបា និងប្រហែលជាអាចឈប់សំចតនៅក្នុងប្រទេសវេណេហ្ស៊ុយអេឡា។មន្ត្រីរូបនេះបានប្រាប់ក្រុមអ្នកយកព័ត៌មានថា សហរដ្ឋអាមេរិក មិនមើលឃើញថា សកម្មភាពដែលពាក់ព័ន្ធនឹងនាវា និងយន្តហោះមួយចំនួនតូចនេះជាការគំរាមកំហែងនោះទេ ប៉ុន្តែកងទ័ពជើងទឹកអាមេរិក នឹងតាមដានសមយុទ្ធនេះ។ ភាពតានតឹងរវាងសហរដ្ឋអាមេរិក និងរុស្ស៊ី បានកើនឡើងខ្លាំងចាប់តាំងពីរុស្ស៊ី វាយលុកអ៊ុយក្រែន ឆ្នាំ២០២២។ មន្ត្រីដដែលនេះបាននិយាយថា សកម្មភាពទ័ពជើងទឹករបស់រុស្ស៊ី បានកើនឡើងដោយសារតែការគាំទ្ររបស់សហរដ្ឋអាមេរិក ចំពោះអ៊ុយក្រែន។មន្ត្រី ដែលមិនបញ្ចេញឈ្មោះនេះបានបន្តថា «ជាផ្នែកមួយនៃសមយុទ្ធយោធាជាប្រចាំរបស់រុស្ស៊ី ដែលយើងរំពឹងថាធ្វើឡើងនៅរដូវក្តៅនេះ រុស្ស៊ីនឹងធ្វើសកម្មភាពទ័ពជើងទឹក និងផ្លូវអាកាសកាន់តែខ្ពស់នៅជិតសហរដ្ឋអាមេរិក។ សមយុទ្ធត្រូវបានគេមើលឃើញថាជាផ្នែកនៃសកម្មភាពកងទ័ពជើងទឹកជាប្រចាំ ហើយ «យើងមិនមានការព្រួយបារម្ភចំពោះការដាក់ពង្រាយរបស់រុស្ស៊ី នេះទេ ព្រោះមិនបង្កការគំរាមកំហែងដោយផ្ទាល់ដល់សហរដ្ឋអាមេរិក»៕

សម្តេចធិបតី ហ៊ុន ម៉ាណែត ដាក់បទបញ្ជាឱ្យអនុវត្តបង្ក្រាបក្មេងទំនើងដូចភ្លៀងរលឹម

អំពីបញ្ហាក្មេងទំនើងដែលគេបានមើលឃើញមានសកម្មភាពកក្រើកនៅតាមទីសាធារណៈរាជធានី ខេត្ត ហើយត្រូវបានរាជរដ្ឋាភិបាលបាននិងកំពុងចាត់វិធានក្តៅបង្ក្រាបដោយមិនលើកលែងនោះ សម្តេចធិបតី ហ៊ុន ម៉ាណែត នាយករដ្ឋមន្ត្រី នៅតែរំលឹកដោយដាក់បទបញ្ជាឱ្យអាជ្ញាធរ កងកម្លាំងមានសមត្ថកិច្ចអនុវត្តបង្ក្រាបដូចភ្លៀងរលឹម។សម្តេចធិបតីនាយករដ្ឋមន្ត្រីដាស់តឿនរម្លឹកទៅកាន់មន្ត្រីមានសមត្ថកិច្ចបែបនេះ ក្នុងពេលសម្តេចបានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការកំពង់ផែពហុបំណងកំពត ក្រោមទុនវិនិយោគរបស់ក្រុមហ៊ុនកំពតផត ដែលបានសាងសង់នៅទីតាំងភូមិសាស្ត្រភូមិគីឡូ១២ សង្កាត់កោះតូច និងសង្កាត់បឹងទូក ក្រុងបូកគោ ខេត្តកំពត ដំណាក់កាលទី១ នាព្រឹកថ្ងៃទី៦ ខែមិថុនានេះ។សម្តេចបានគូសបញ្ជាក់ថា ដើម្បីជាចំណែកឈានទៅបំបាត់ក្មេងទំនើង គេចសាលាជាដើម សម្តេចបានសម្រេចឱ្យមានការអនុវត្តសាកល្បង ដើម្បីពង្រឹងការអប់រំថ្នាក់បឋមសិក្សាបន្ថែមម៉ោងបំប៉ននៅពេលល្ងាច២ម៉ោងទៀត ដើម្បីពង្រឹងវិន័យ និងគុណភាពការសិក្សារបស់សិស្សចៀងវាងសិស្សគេចសាលាដើរលេងច្រើន ដែលនាំឱ្យកើតមានក្រុមបងធំ បងតូច៕

សម្ដេចធិបតី អំពាវនាវពលរដ្ឋបន្តគាំទ្រគម្រោងព្រែកជីកហ្វូណនតេជោ និងប្រឆាំងបុគ្គលប៉ងធ្វើឱ្យរាំងស្ទះ

ក្នុងឱកាសអញ្ជើញជាអធិបតីពិធីសម្ពោធបើកឲ្យប្រើប្រាស់ជាផ្លូវការកំពង់ផែពហុបំណងកំពត ស្ថិតនៅក្រុងបូកគោ ខេត្តកំពត នៅព្រឹកថ្ងៃទី៦ ខែមិថុនា ឆ្នាំ២០២៤ដែរនេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានអំពាវនាវដល់ប្រជាពលរដ្ឋបន្តរួមគ្នាគាំទ្រគម្រោងព្រែកជីកហ្វូណនតេជោ និងរួមគ្នាប្រឆាំងរាល់បុគ្គលណាដែលមានបំណងធ្វើវិទ្ធង្សនា ឬធ្វើឱ្យរាំងស្ទះដល់គម្រោងព្រែកជីកនេះ។សម្ដេចធិបតី នាយករដ្ឋមន្រ្ដី ថ្លែងអំណរគុណដល់ប្រជាពលរដ្ឋនៅទូទាំងពិភពលោកជាពិសេសប្រជាពលរដ្ឋនៅតាមបណ្ដាខេត្តស្ថិតក្នុងគម្រោងព្រែកជីកហ្វូណនតេជោនេះដែលបានចេញសារ គាំទ្រដល់គម្រោងព្រែកជីកហ្វូណនតេជោដែលជាសមិទ្ធផលប្រវត្តសាស្រ្ដមួយទៀតរបស់ខ្មែរ។ សម្ដេចធិបតី បញ្ជាក់ថា គម្រោងព្រែកជីកនេះ គឺជាគម្រោងលក្ខណៈឯកជន វិនិយោគិនឯកជន ស្នើសុំសិទ្ធវិនិយោគរយៈពេល៥០ឆ្នាំរួច ប្រគល់មកឱ្យរាជរដ្ឋាភិបាលគ្រប់គ្រងវិញ ហើយការវិនិយោគលើគម្រោងព្រែកជីកហ្វូណនតេជោនេះ មានវិនិយោគិនខ្មែរភាគច្រើនដែលបានដាក់ទុនវិនិយោគ។ សម្តេចធិបតី បញ្ជាក់ជូនប្រជាពលរដ្ឋថា គម្រោងព្រែកជីកហ្វូណនតេជោនឹងផ្ដល់ផលប្រយោជន៍ដល់ប្រជាពលរដ្ឋចាប់ពីពេលបច្ចុប្បន្ន រហូតទៅដល់អនាគត ដូច្នេះសូមពលរដ្ឋកុំជឿការញុះញង់របស់ក្រុមប្រឆាំងមួយក្ដាប់តូចនៅក្រៅស្រុកដែលតែងតែមានបំណង់ធ្វើឱ្យរាំស្ទះដល់គម្រោងព្រែកជីកនេះ។សូមជម្រាបថា តាមរយៈគម្រោងព្រែកជីកហ្វូណនតេជោនេះនឹងផ្ដល់ឯករាជភាពលើការដឹកជញ្ជូនផ្លូវទឹករបស់កម្ពុជា ដោយមិនចាំបាច់ពឹងដង្ហើមរបស់ប្រទេសដទៃឡើយ។ គម្រោងនេះព្រែកជីកនេះមានប្រវែង១៨០គីឡូម៉ែត្រ ឆ្លងកាត់ខេត្ត កណ្ដាល តាកែវ កំពត និងកែប។ គម្រោងព្រែកជីកនេះ ត្រូវបានសិក្សាយ៉ាងល្អិតល្អន់ពីក្រុមអ្នកជំនាញបច្ចេកទេសជាតិ និងអន្តរជាតិចំនួន៤២រូប ទាំងនៅលើដីផ្ទាល់ និងប្រើឧបករណ៍សិក្សាពីលើអាកាស។ជាលទ្ធផលនៃការសិក្សាបង្ហាញថា គម្រោងដែលមានតម្លៃវិនិយោគប្រមាណ ១ពាន់៧រយលានដុល្លារ អាចដំណើរការទៅបានដោយគ្មានបង្ករជាផលប៉ះពាល់ដល់បរិស្ថាន ឬលំហូរទឹករវាងទន្លេមេគង្គ និងសមុទ្រនោះទេ។ ព្រែកជីកនេះអាចអនុញ្ញាតឱ្យនាវាចំណុះ៣ពាន់តោនធ្វើចរាចរបានហើយនឹងអាចហុចផលដល់សេដ្ឋកិច្ចចន្លោះពី២១% ទៅ៣០% រួមទាំងអត្ថប្រយោជន៍ជាច្រើនទៀត៕អត្ថបទ៖វ៉ន ដារ៉ា

សម្ដេចធិបតី៖ កំពង់ផែពហុបំណងកំពត នឹងក្លាយជាសរសៃឈាមដ៏សំខាន់សម្រាប់ការដឹកជញ្ជូនផ្លូវសមុទ្រកម្ពុជា

ក្នុងឱកាសអញ្ជើញជាអធិបតីពិធីសម្ពោធបើកឲ្យប្រើប្រាស់ជាផ្លូវការកំពង់ផែពហុបំណងកំពត ស្ថិតនៅក្រុងបូកគោ ខេត្តកំពត នៅព្រឹកថ្ងៃទី៦ ខែមិថុនា ឆ្នាំ២០២៤នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានបញ្ជាក់ថា កំពង់ផែពហុបំណងកំពត គឺជាកំពង់ផែស្តង់ដារកម្រិតអន្តរជាតិមុនគេនៅកម្ពុជា ហើយកំពង់ផែនេះនឹងចូលរួមចំណែក ក្លាយជាសរសៃឈាមដ៏សំខាន់ថ្មីមួយទៀតសម្រាប់ការដឹកជញ្ជូនតាមផ្លូវសមុទ្រកម្ពុជា។ ក្នុងឱកាសនោះ សម្ដេចធិបតី នាយករដ្ឋមន្រ្ដី បានបានថ្លែងអំណរគុណក្រសួង ស្ថាប័នពាក់ព័ន្ធ រួមទាំងក្រុមហ៊ុនកំពតផត ដែលបានប្រឹងប្រែងរួមគ្នាសាងសង់កំពង់ផែនេះឱ្យចេញជារូបរាង។ សម្ដេច ថ្លែងថា កំពង់ផែនេះ នឹងចូលរួមចំណែកក្លាយជាសរសៃឈាមដ៏សំខាន់ថ្មីមួយទៀត សម្រាប់ការដឹកជញ្ជូនតាមផ្លូវសមុទ្រកម្ពុជា និងធ្វើឱ្យប្រសើរឡើងនូវសកម្មភាព ពាណិជ្ជកម្ម ការផ្លាស់ប្ដូរទំនិញ រួមទាំងជួយជំរុញកំណើនសេដ្ឋកិច្ចនៅខេត្តកំពត ក៏ដូចជាការអភិវឌ្ឍសង្គម សេដ្ឋកិច្ចកម្ពុជាផងដែរ។សម្តេចធិបតី នាយករដ្ឋមន្រ្ដីថ្លែងថា វិស័យកំពង់ផែ គឺជាវិស័យអាទិភាពមួយ ក្នុងចំណោមវិស័យ អាទិភាពនានា ដែលរាជរដ្ឋាភិបាល យកចិត្តទុកដាក់ជំរុញការអភិវឌ្ឍ ដោយរាជរដ្ឋាភិបាលត្រូវខិតខំ បន្តបង្កើនថវិកាវិនិយោគ និងកៀរគរហិរញ្ញប្បទាន ព្រមទាំងពង្រឹងប្រសិទ្ធភាពនៃការប្រើប្រាស់ ដើម្បីបន្តអភិវឌ្ឍន៍ហេដ្ឋារចនាសម្ព័ន្ធកំពង់ផែឱ្យកាន់តរីកចម្រើនថែមទៀត។សូមជម្រាបថា កំពង់ផែពហុបំណងកំពត មានទីតាំងស្ថិតនៅភូមិគីឡូ១២ សង្កាត់កោះតូច និងសង្កាត់បឹងទូក ក្រុងបូកគោ ខេត្តកំពត។ កំពង់ផែនេះ ត្រូវបានរំពឹងថានឹងក្លាយជាសរសៃឈាមដ៏សំខាន់សម្រាប់ការដឹកជញ្ជូនតាមផ្លូវសមុទ្ររបស់កម្ពុជា ដែលនឹងចូលរួមចំណែកជំរុញសេដ្ឋកិច្ចកម្ពុជាឱ្យមានកំណើនបន្ថែមទៀត ហើយនឹងក្លាយជាកំពង់ផែទឹកជ្រៅមួយបន្ថែមទៀតរបស់កម្ពុជា ដែលនឹងជួយបំពេញបន្ថែមឱ្យកំពង់ផែស្វយ័តក្រុងព្រះសីហនុ និងកំពង់ផែស្វយ័តភ្នំពេញ។ ការដឹកជញ្ជូនតាមផ្លូវសមុទ្រពីកំពង់ផែពហុបំណងកំពតទៅកាន់ប្រទេសក្នុងតំបន់អាស៊ីប៉ាស៊ីហ្វិក អាចដំណើរការទៅបាន ដោយពុំចាំបាច់ប្តូរនាវានៅកំពង់ផែណាមួយឡើយ លើកលែងតែការ ដឹកជញ្ជូនទំនិញទៅកាន់សហរដ្ឋអាមេរិក និងអឺរ៉ុប ដែលតម្រូវឱ្យប្តូរនាវានៅកំពង់ផែធំៗ មុននឹងទៅដល់គោលដៅចុងក្រោយ៕អត្ថបទ៖ វ៉ន ដារ៉ា

រាជរដ្ឋាភិបាលនឹងមិនផ្តល់អាជ្ញាបណ្ណឲ្យបើកក្រុមហ៊ុនកាស៊ីណូ នៅទីរួមខេត្តកំពត និងកែបនោះឡើយ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសថា រាជរដ្ឋាភិបាល នឹងមិនផ្តល់អាជ្ញាបណ្ណឲ្យមានការបើកបនល្បែងស៊ីសង ឬក្រុមហ៊ុនកាស៊ីណនៅទីរួមខេត្តកំពត និងខេត្តកែបនោះឡើយ លើកលែងតែក្រុងបូកគោ និងតំបន់ជាប់ព្រំដែន។ក្នុងឱកាសអញ្ជើញជាអធិបតីក្នុងពិធីសម្ពោធបើកឲ្យប្រើប្រាស់ជាផ្លូវការកំពង់ផែពហុបំណងកំពត ស្ថិតនៅក្រុងបូកគោ ខេត្តកំពត នាថ្ងៃទី៦ ខែមិថុនា ឆ្នាំ២០២៤នេះសម្តេចធិបតី ហ៊ុន ម៉ាណែត បានបញ្ជាក់ថា រាជរដ្ឋាភិបាលមិនអនុញ្ញាតឲុ្យមានកាស៊ីណូនោះទេ សម្រាប់ ទីប្រជុំជនក្នុងទីរួមខេត្តកំពត និងខេត្តកែប ប៉ុន្តែសម្តេចសូមលើកទឹកចិត្តឲ្យមានការបើកសណ្ឋាគារ កន្លែងកម្សាន្ត និងកម្មន្តសាលនានា ដើម្បីលើកកម្ពស់សេដ្ឋកិច្ចសម្រាប់ខេត្តទាំងពីរ ដែលជាប់សមុទ្រនេះ ឲ្យកាន់តែល្អប្រសើរបន្ថែមទៀត។សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ក៏បានប្រកាសផងដែរថា ខេត្តកំពត នឹងក្លាយជាខេត្តមួយ ដែលសម្បូរកន្លែងទេសចរណ៍ និងរោងចក្រសហគ្រាសច្រើននាពេលខាង មុខនេះឆាប់ៗនេះ ខណៈខេត្តនេះ កំពុងមានកំពង់ផែពហុបំណង ប៉ុន្តែទោះជាយ៉ាងណារាជរដ្ឋាភិបាលនឹងមិនឲ្យមានការកសាងនូវព្រលានយន្តហោះសម្រាប់ខេត្តនេះឡើយ៕អត្ថបទបាន ចក់

បណ្ដាញសង្គម

ព័ត៌មានថ្មីៗ

មេបញ្ជាការរងកងរាជអាវុធហត្ថលើផ្ទៃប្រទេស ដឹកនាំកិច្ចប្រជុំផ្សព្វផ្សាយផែនការការពារសន្តិសុខ កិច្ចប្រជុំគណៈកម្មការកិច្ចសហប្រតិបត្តិការ រក្សាសន្តិសុខរបៀបរៀបរយតាមបណ្តោយព្រំដែន កម្ពុជា-ឡាវ ឡាវ-កម្ពុជា លើកទី៤ ឆ្នាំ២០២៦

គ.វ.រ. បើកកិច្ចប្រជុំពិភាក្សាលើរបៀបវារៈសំខាន់ៗចំនួន៤ បន្ថែមទៀត ដើម្បីពន្លឿនការកែទម្រង់រដ្ឋបាលសាធារណៈ

សម្តេចធិបតី ហ៊ុន ម៉ាណែត ជួបពិភាក្សាទ្វេភាគីជាមួយឯកឧត្តម Anwar Ibrahim នាយករដ្ឋមន្ត្រីម៉ាឡេស៊ី នៅហ្វីលីពីន

ក្រុមការងារក្រសួងបរិស្ថានរកឃើញទីតាំងសិប្បកម្មផលិត «ជីសរីរាង្គ» ជុង ហេង បង្ហូរសំណល់រាវចូលប្រឡាយទឹកសាធារណៈ បង្កឱ្យមានផលប៉ះពាល់ដល់បរិស្ថាន និងតម្រូវឱ្យផ្អាកអាជីវកម្មជាបណ្តោះអាសន្ន

ប្រភព៖ លោក Trump គ្រោងនាំគណៈប្រតិភូនាយកប្រតិបត្តិតិចជាងមុនទៅកិច្ចប្រជុំកំពូលទីក្រុងប៉េកាំង

ក្រសួងបរិស្ថានបន្តចែកធុងសំរាមដល់មូលដ្ឋាន ក្នុងគោលបំណងសំខាន់លើកកម្ពស់ «ភាពស្អាត» តាមរយៈការគ្រប់គ្រងសំរាម និងសំណល់ប្លាស្ទិកឱ្យបានត្រឹមត្រូវនៅទូទាំងប្រទេស

រុស្ស៊ី និងអ៊ុយក្រែនទម្លាក់កំហុសដាក់គ្នាទៅវិញទៅមក ជុំវិញការរំលោភលើបទឈប់បាញ់

គម្រោងសហគ្រប់គ្រងជលផលឆ្លាតវៃបានធ្វើឱ្យជីវភាពពលរដ្ឋខេត្តក្រចេះនិងស្ទឹងត្រែងប្រសើរជាងមុន

សម្តេចរដ្ឋសភាធិបតី ឃួន សុដារី អរគុណការចូលរួមបរិច្ចាគអំណោយពីសប្បុរសជននានាជូនវីរយុទ្ធជនការពារទឹកដី ពីព្រោះថា “មានជាតិទើប មានយើងទាំងអស់គ្នា”

សេចក្ដីសម្រេចស្នើដោយអាមេរិក ស្តីពីអ៊ីរ៉ង់ នៅ UN ទំនងប្រឈមនឹងការវេតូពីចិន និងរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អ្នកជំនាញ៖ សេដ្ឋកិច្ចរបស់រុស្ស៊ី ពឹងផ្អែកកាន់តែខ្លាំង លើប្រទេសចិន

មន្ត្រីអ៊ុយក្រែន នៅទីក្រុងប៉េកាំង ជំរុញឲ្យប្រទេសចិនចូលរួមកិច្ចប្រជុំកំពូលសន្តិភាព

អ៊ីស្រាអែល ត្រូវបានចោទប្រកាន់ថា បានប្រើផូស្វ័រពណ៌ស លើអគារលំនៅឋាន ក្នុងប្រទេសលីបង់

អធិការបតីអាល្លឺម៉ង់ អំពាវនាវឲ្យដៃគូការពារជាតិអឺរ៉ុប សហការបន្ថែមទៀត

សហរដ្ឋអាមេរិក រំពឹងថារុស្ស៊ី នឹងធ្វើសមយុទ្ធទ័ពជើងទឹកនៅសមុទ្រការាអ៊ីប នៅរដូវក្ដៅនេះ

សម្តេចធិបតី ហ៊ុន ម៉ាណែត ដាក់បទបញ្ជាឱ្យអនុវត្តបង្ក្រាបក្មេងទំនើងដូចភ្លៀងរលឹម

សម្ដេចធិបតី អំពាវនាវពលរដ្ឋបន្តគាំទ្រគម្រោងព្រែកជីកហ្វូណនតេជោ និងប្រឆាំងបុគ្គលប៉ងធ្វើឱ្យរាំងស្ទះ

សម្ដេចធិបតី៖ កំពង់ផែពហុបំណងកំពត នឹងក្លាយជាសរសៃឈាមដ៏សំខាន់សម្រាប់ការដឹកជញ្ជូនផ្លូវសមុទ្រកម្ពុជា

រាជរដ្ឋាភិបាលនឹងមិនផ្តល់អាជ្ញាបណ្ណឲ្យបើកក្រុមហ៊ុនកាស៊ីណូ នៅទីរួមខេត្តកំពត និងកែបនោះឡើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អ្នកជំនាញ៖ សេដ្ឋកិច្ចរបស់រុស្ស៊ី ពឹងផ្អែកកាន់តែខ្លាំង លើប្រទេសចិន

មន្ត្រីអ៊ុយក្រែន នៅទីក្រុងប៉េកាំង ជំរុញឲ្យប្រទេសចិនចូលរួមកិច្ចប្រជុំកំពូលសន្តិភាព

អ៊ីស្រាអែល ត្រូវបានចោទប្រកាន់ថា បានប្រើផូស្វ័រពណ៌ស លើអគារលំនៅឋាន ក្នុងប្រទេសលីបង់

អធិការបតីអាល្លឺម៉ង់ អំពាវនាវឲ្យដៃគូការពារជាតិអឺរ៉ុប សហការបន្ថែមទៀត

សហរដ្ឋអាមេរិក រំពឹងថារុស្ស៊ី នឹងធ្វើសមយុទ្ធទ័ពជើងទឹកនៅសមុទ្រការាអ៊ីប នៅរដូវក្ដៅនេះ

សម្តេចធិបតី ហ៊ុន ម៉ាណែត ដាក់បទបញ្ជាឱ្យអនុវត្តបង្ក្រាបក្មេងទំនើងដូចភ្លៀងរលឹម

សម្ដេចធិបតី អំពាវនាវពលរដ្ឋបន្តគាំទ្រគម្រោងព្រែកជីកហ្វូណនតេជោ និងប្រឆាំងបុគ្គលប៉ងធ្វើឱ្យរាំងស្ទះ

សម្ដេចធិបតី៖ កំពង់ផែពហុបំណងកំពត នឹងក្លាយជាសរសៃឈាមដ៏សំខាន់សម្រាប់ការដឹកជញ្ជូនផ្លូវសមុទ្រកម្ពុជា

រាជរដ្ឋាភិបាលនឹងមិនផ្តល់អាជ្ញាបណ្ណឲ្យបើកក្រុមហ៊ុនកាស៊ីណូ នៅទីរួមខេត្តកំពត និងកែបនោះឡើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍