នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​ធិបតី ហ៊ុន ម៉ាណែត​ តែងប្រាប់មិត្តបរទេសថាកម្ពុជាប្រើយន្តការ UNCLOS មកពីថៃដក​ខ្លួន​ឯកតោភាគីពី MoU 2001
កម្ពុជា-ហ្វីលីពីន វាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិទ្វេភាគី
ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត
សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

នយោបាយ​ និង ការអភិវឌ្ឍន៍

ប្រសាសន៍សំខាន់ៗរបស់សម្តេចធិបតី ក្នុងពិធីបិទវគ្គបណ្តុះបណ្តាលឆ្នាំ២០២៣ នៃសាលាភូមិន្ទរដ្ឋបាល នៅវិទ្យាស្ថានជាតិអប់រំ

2024/06/10 08:57:45 am        384
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី១០ ខែមិថុនា ឆ្នាំ២០២៤ នេះ បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបិទវគ្គបណ្តុះបណ្តាលឆ្នាំ២០២៣ និងបើកវគ្គបណ្តុះបណ្តាលឆ្នាំ២០២៤ នៃសាលាភូមិន្ទរដ្ឋបាល នៅវិទ្យាស្ថានជាតិអប់រំ ។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានលើកឡើងថា ធនធានមនុស្សគឺជាកត្តាធំបំផុតសម្រាប់កសាងជាតិ ឲ្យកាន់តែរីកចម្រើនបន្ថែមទៀតលើគ្រប់វិស័យ ហើយប្រសិនបើគ្មានធនធានមនុស្សទេកិច្ចការងារអ្វីក៏មិនអាចសម្រេចបាននោះឡើយ។-សម្តេចធិបតី ហ៊ុន ម៉ាណែត ណែនាំដល់សិស្សមន្រ្ដីនៃសាលាភូមិន្ទរដ្ឋបាលទាំងអស់ខិតខំអភិវឌ្ឍន៍ខ្លួន និងបំពេញការងារឱ្យអស់ពីសមត្ថភាពដើម្បីបម្រើប្រជាពលរដ្ឋ និងជួយអភិវឌ្ឍន៍សង្គមជាតិ កម្ពុជាប្រកបដោយសមត្ថភាពខ្ពស់ ខ្លាំង វ័យឆ្លាត និងស្អាតស្អំ។-សម្តេចធិបតី ហ៊ុន ម៉ាណែត៖ មានប្រព័ន្ធការងារល្អ លុះត្រា ណាយើងត្រូវមានធនធានមនុស្សគ្រប់គ្រាន់ ដូច្នេះយើងត្រូវតែពង្រឹងនូវធនធានមនុស្សនេះឲ្យកាន់តែល្អ ប្រសើរបន្ថែមទៀតគ្រប់ក្រសួង ស្ថាប័នទាំងអស់។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ ដើម្បីឱ្យការងារក្នុងស្ថាប័នមួយរីកមច្រើន និង ដំណើរការទៅដោយរលូន គឺត្រូវមានយន្តការល្អ និងធនធានមនុស្សប្រកបដោយសមត្ថភាព។-សម្តេចធិបតី ហ៊ុន ម៉ាណែត បញ្ជាក់ថា រាជរដ្ឋាភិបាលតាំងពីអាណត្តិមុនៗ និងអាណត្តិទី៧នេះ បានធ្វើវិមជ្ឈការ និងវិសហមជ្ឈការទៅថ្នាក់ក្រោមជាតិ គឺដើម្បីផ្ដល់សេវាបម្រើប្រជាពលរដ្ឋឱ្យទៅដល់គ្រប់ទីកន្លែង និងរឹតតែល្អនៅថ្នាក់ក្រោមជាតិ។-សម្តេចធិបតី បញ្ជាក់ថា បច្ចុប្បន្នរាជរដ្ឋាភិបាលកំពុងធ្វើទំនើបកម្មលើការផ្ដល់សេវាដល់ប្រជាពលរដ្ឋពីថ្នាក់ជាតិទៅដល់ថ្នាក់ក្រោមជាតិ ដូចជាការចុះបញ្ជីពាណិជ្ជកម្មអាជីវកម្មរបស់ប្រជាពលរដ្ឋ គឺអាចធ្វើឡើងបានតាមរយៈប្រព័ន្ធឌីជីថល អនឡាញ។-សម្តេចធិបតី ហ៊ុន ម៉ាណែត ណែនាំដល់មន្រ្តីនគរបាលចរាចរណ៍ទាំងអស់ពេលជួបករណី ប្តី ឬសាច់ញាតិដឹកស្រ្តីមានផ្ទៃ ពោះទៅកាន់មន្ទីរពេទ្យ ហើយមានការ​លើសលស់​នឹងច្បាប់ចរាចរណ៍គប្បីត្រូវលើកលែងដល់ពួកគាត់ និង ត្រូវអមពួកគាត់ និងធ្វើចរាចរណ៍ជូនពួកគាត់ឲ្យដល់គោលដៅ ឬមន្ទីរពេទ្យទើបជាការល្អបំផុតសម្រាប់មន្រ្តីបម្រើប្រជាជន។-សម្ដេចធិបតី ហ៊ុន ម៉ាណែត ៖ ដើម្បីពង្រឹងគុណភាពប្រឡង គឺគ្រប់គ្រងលើវិញ្ញាសាដែលត្រូវចេញសម្រាប់ការប្រលងឱ្យបានហ្មត់ចត់កុំឱ្យមានការបែកធ្លាយ និងទី២ គ្រប់គ្រងលើ កំណែវិញ្ញាសាឱ្យបានម៉ត់ចត់។-សម្ដេចធិបតីនាយករដ្ឋមន្ត្រី៖ ម្ដាយឪពុកដែលភ័យខ្លាចកូនមិនបានប្រលង ជាប់ សូមកុំទៅរត់ការ ឬ ស្វែងរកការអន្តរាគមន៍ណាមួយ។ សម្ដេចធិបតីបន្ថែមថា បើឪពុកម្ដាយភ័យ ខ្លាចកូនប្រឡងមិនជាប់ សូមប្រាប់ឱ្យកូនខំប្រឹងរៀនសូត្រ។-សម្តេចធិបតី ហ៊ុន ម៉ាណែត បញ្ជាក់ថា ជោគជ័យលើកំណែទម្រង់ដ៏ធំបំផុតក្នុងការប្រឡង មិនមែនគ្រាន់តែជាការរឹតបន្ដឹងការប្រឡងនោះទេ ប៉ុន្ដែជាការកែប្រែឥរិយាបថរបស់សិស្ស និងឪពុកម្ដាយរបស់សិស្សឱ្យពួកគាត់​បញ្ឈប់​ស្វែងរកការអន្តរាគមន៍នៅពេលមានការប្រឡងណាមួយដូចជាការប្រឡងបាក់ឌុបជាដើម។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ សាលាភូមិន្ទរដ្ឋបាល គួរជាសាលាដែលមាន ស្តង់ដាវិន័យខ្ពស់ ដោយសិស្ស និងកម្មសិក្សាការីម្នាក់ៗ ត្រូវគោរពតួនាទី និងភារកិច្ចរបស់សាលាដោយខ្លួនឯង និងមិនគួរអនុវត្តវិធានការវិន័យតឹងរ៉ឹងនោះទេ។ ព្រោះថា អ្នកដែលបញ្ចប់ការសិក្សានៅ ទីនេះ នឹងក្លាយជាមន្ត្រីបម្រើសេវាសាធារណៈជូនពលរដ្ឋ និងជាអនាគតកាន់ការងារជាមេដឹកនាំ ហេតុនេះ ត្រូវធ្វើជាគំរូដល់សាធារណជន។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ ការបម្រើប្រជារាស្ត្រប្រជាពលរដ្ឋ គឺដូចបម្រើ ខ្លួនឯង, កូនៗខ្លួនឯង និងក្រុមគ្រួសារខ្លួនឯង។ ហេតុនេះត្រូវអនុវត្តតួនាទីភារកិច្ចជាមន្ត្រីល្អ មន្ត្រីគំរូ ដើម្បីបម្រើសេវាសាធារណៈឱ្យបានល្អជូនពលរដ្ឋ។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ សូមវិស័យរដ្ឋ កុំដើរតួនាទីដូចឆ្មា ហើយវិស័យ ឯកជនដើរតួនាទីដូចកណ្ដុរ។ រដ្ឋ និងឯកជនត្រូវដើរតួនាទីជាឆ្មាដូចគ្នា ដើម្បីកម្ចាត់កណ្ដុរ ដែលជាបរិ ស្ថានមិនល្អ ដើម្បីកម្ពុជាមានបរិយាកាសរស់នៅល្អទាំងអស់គ្នា។-សម្តេចធិបតី នាយករដ្ឋមន្រ្ដី បញ្ជាក់ជាថ្មីដល់មន្រ្ដីរាជការ គឺត្រូវចាំថាខ្លួនមានតួនាទីភាកិច្ចជាអ្នកបម្រើរាស្រ្ដ ហើយការបម្រើប្រជាពលរដ្ឋ និងផ្ដល់ផលប្រយោជន៍ទៅដល់សង្គមជាតិ គ្រួសារ និងខ្លួនឯងផងដែរ។-សម្តេចធិបតី ជំរុញដល់ក្រសួង ស្ថាប័នរដ្ឋទាំងអស់ ត្រូវបន្តជំរុញដល់ការកសាង បណ្ដុះបណ្ដាល សមត្ថភាពមន្រ្ដីនៅក្នុងស្ថាប័នរបស់ខ្លួន។

ចិន និយាយថា អាមេរិកកំពុងបង្កការរត់ប្រណាំងសព្វាវុធក្នុងសកម្មភាពនៅសមុទ្រចិនខាងត្បូង

2024/06/10 08:32:40 am        326
Facebook Telegram Linkin
អនុរដ្ឋមន្ត្រីការបរទេសចិនលោក សុន វេតុង (Sun Weidong) បាននិយាយនៅក្នុងសុន្ទរកថាចេញផ្សាយកាលពីថ្ងៃអាទិត្យ ៩ មិថុនា ថាសហរដ្ឋអាមេរិក បង្កបញ្ហាប្រឈមផ្នែកសន្តិសុខដ៏ធំបំផុតនៅក្នុងសមុទ្រចិនខាងត្បូង ខណៈការដាក់ពង្រាយយោធារបស់ខ្លួននៅទីនោះ កំពុងប្រែក្លាយទៅជាកម្លាំងរុញឲ្យមានការប្រណាំងអាវុធ ។ជម្លោះដែនសមុទ្រនាពេលថ្មីៗនេះ រវាងចិន និងហ្វីលីពីន ដែលជាសម្ព័ន្ធមិត្តសន្ធិសញ្ញារបស់សហរដ្ឋអាមេរិក បានធ្វើឱ្យសមុទ្រចិនខាងត្បូង ក្លាយជាបញ្ហាដ៏ក្ដៅគកុករវាងទីក្រុងវ៉ាស៊ីនតោន និងទីក្រុងប៉េកាំង។ លោក សុន បាននិយាយនៅក្នុងសេចក្តីអត្ថាធិប្បាយចេញផ្សាយដោយក្រសួងរបស់លោក បន្ទាប់ពីចូលរួមកិច្ចប្រជុំកម្រិតខ្ពស់ស្តីពីកិច្ចសហប្រតិបត្តិការអាស៊ីបូព៌ានៅប្រទេសឡាវថា បច្ចុប្បន្ននេះ បញ្ហាប្រឈមផ្នែកសន្តិសុខដ៏ធំបំផុតនៅក្នុងសមុទ្រចិនខាងត្បូងគឺមកពីកម្លាំងខាងក្រៅតំបន់។លោក បាននិយាយថា កងកម្លាំងដែលដឹកនាំដោយសហរដ្ឋអាមេរិកកំពុង បង្កើនការដាក់ពង្រាយ និងសកម្មភាពយោធានៅក្នុងសមុទ្រចិនខាងត្បូង ដោយញុះញង់ និងបង្កើនជម្លោះដែនសមុទ្រ និងការខ្វែងគំនិតគ្នា និងប៉ះពាល់ដល់សិទ្ធិ ព្រមទាំងផលប្រយោជន៍ស្របច្បាប់នៃបណ្ដាប្រទេសឆ្នេរសមុទ្រ។ លោក សុន បានសង្កត់ធ្ងន់ថា សកម្មភាពរបស់សហរដ្ឋអាមេរិកក្នុងការដាក់ពង្រាយប្រព័ន្ធមីស៊ីលរយៈចម្ងាយមធ្យមនៅក្នុងតំបន់ គឺកំពុងអូសតំបន់នេះឲ្យធ្លាក់ចូលទៅក្នុងការរត់ប្រណាំងអាវុធ ដោយដាក់តំបន់អាស៊ីប៉ាស៊ីហ្វិកទាំងមូល នៅក្រោមស្រមោលនៃជម្លោះភូមិសាស្ត្រនយោបាយ៕

ឯកឧត្តមរដ្ឋមន្រ្តី ហួត ហាក់ ដឹកនាំគណៈប្រតិភូជាន់ខ្ពស់ក្រសួងអធិការកិច្ច ទៅបំពេញទស្សនកិច្ចផ្លូវការនៅវៀតណាម មួយសប្តាហ៍

2024/06/09 06:48:50 pm        385
Facebook Telegram Linkin
ភ្នំពេញ៖ ល្ងាចថ្ងៃអាទិត្យ ៣កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៩ ខែមិថុនា ឆ្នាំ២០២៤ តបតាមការអញ្ជើញរបស់ឯកឧត្តម ឌ័ន ហុង ហ្វុង (Doan Hong Phong) អគ្គអធិការ នៃអធិការកិច្ចរដ្ឋាភិបាល នៃសាធារណរដ្ឋសង្គមនិយមវៀតណាម ព្រមទាំងទទួលបានគោលការណ៍អនុញ្ញាតដ៏ខ្ពង់ខ្ពស់ពីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ឯកឧត្តម ហួត ហាក់ រដ្ឋមន្រ្តីក្រសួងអធិការកិច្ច អញ្ជើញដឹកនាំគណៈប្រតិភូជាន់ខ្ពស់នៃក្រសួងអធិការកិច្ច ទៅបំពេញទស្សនកិច្ចផ្លូវការនៅសាធារណរដ្ឋសង្គមនិយមវៀតណាម ចាប់ពីថ្ងៃទី៩ ដល់ថ្ងៃទី១៥ ខែមិថុនា ឆ្នាំ២០២៤។សូមជម្រាបជូនថា នេះជាការបំពេញទស្សនកិច្ចផ្លូវការលើកទីមួយនៅក្រៅប្រទេស ដែល ឯកឧត្តម ហួត ហាក់ និង ឯកឧត្តម ឌ័ន ហុង ហ្វុង នឹងមានជំនួបទ្វេភាគី និងចុះអនុស្សរណៈនៃការយោគយល់គ្នា រវាងក្រសួងអធិការកិច្ច នៃព្រះរាជាណាចក្រកម្ពុជា និងអគ្គអធិការកិច្ចរាជរដ្ឋាភិបាលនៃសាធារណរដ្ឋសង្គមនិយមវៀតណាម ដើម្បីពង្រឹង និងពង្រីកកិច្ចសហប្រតិបត្តិការក្នុងវិស័យអធិការកិច្ចរវាងស្ថាប័នអធិការកិច្ចនៃប្រទេសទាំងពីរ។ជាមួយគ្នានេះដែរ ក្នុងឱកាសនៃដំណើរទស្សនកិច្ចនេះ ឯកឧត្តមរដ្ឋមន្រ្តី នឹងចូលជួបសម្តែងការគួរសមជាមួយ ឯកឧត្តម ផាម មិញជិញ (Pham Minh Chinh) នាយករដ្ឋមន្រ្តី នៃសាធារណរដ្ឋសង្គមនិយមវៀតណាម ព្រមទាំងថ្នាក់ដឹកនាំវៀតណាមជាន់ខ្ពស់មួយចំនួនទៀតផងដែរ។ ក្នុងកំឡុងពេលនៃដំណើរទស្សនកិច្ចនេះ គណៈប្រតិភូជាន់ខ្ពស់ក្រសួងអធិការកិច្ចនៃព្រះរាជាណាចក្រកម្ពុជា នឹងជួបប្រជុំពិភាក្សាការងារ និងមានដំណើរទស្សនកិច្ចដកស្រង់បទពិសោធពីបណ្តាស្ថាប័នមួយចំនួនទាំងក្នុងស្ថាប័នរដ្ឋ និងវិស័យឯកជន នៅរដ្ឋធានីហាណូយ ទីក្រុងហូជីមិញ និងខេត្តប៊ិញយឿង។

មនុស្សរាប់លាននាក់បោះឆ្នោតនៅថ្ងៃចុងក្រោយ នៃការបោះឆ្នោតសភាសហភាពអឺរ៉ុប

2024/06/09 04:15:06 pm        327
Facebook Telegram Linkin
ប្រជាជនអឺរ៉ុបក្នុង២០ប្រទេស បានទៅបោះឆ្នោតនៅថ្ងៃដ៏ធំបំផុត និងចុងក្រោយនៃការបោះឆ្នោតសភាអឺរ៉ុប។ ក្នុងឆ្នាំនៃការបោះឆ្នោតដ៏សំខាន់ ការបោះឆ្នោតរបស់សហភាពអឺរ៉ុបមានសារៈសំខាន់ជាពិសេស លើទ្វីបដែលត្រូវគេមើលឃើញពីនយោបាយដែលមានភាពលំអៀង និងការកើនឡើងជាតិនិយម។ ការទៅកាន់មណ្ឌលបោះឆ្នោតត្រូវបានសម្គាល់ឃើញមានឧបទ្ទវហេតុហឹង្សា ទោះបីជាការវាយប្រហារដែលបានធ្វើឱ្យនាយករដ្ឋមន្ត្រីដាណឺម៉ាកលោកស្រីមេតេ ហ្វ្រេឌើរីកស៊ីន ( Mette Frederiksen) មានរបួសបន្តិចបន្តួច និងបានបង្ខំឱ្យលោកស្រីបញ្ឈប់យុទ្ធនាការ គឺមិនត្រូវបានគេមើលឃើញថាជាហេតុផលនយោបាយនោះទេ។ ក្រុមស្តាំនិយមកណ្តាលរបស់អឺរ៉ុបត្រូវបានគេរំពឹងថានឹងទទួលបានសំឡេងគាំទ្រច្រើនជាងគេបំផុត នៅទូទាំងសហភាពអឺរ៉ុប នៅពេលការព្យាករណ៍ដំបូងបានធ្វើឡើងនៅថ្ងៃអាទិត្យ ទោះជាយ៉ាងណាក៏ដោយ គណបក្សប្រកាន់ស្តាំចំនួនបី សុទ្ធតែសម្លឹងរកការឈ្នះអាសនៈច្រើនជាងគេនៅទូទាំងប្រទេស។ ការបោះឆ្នោតបានចាប់ផ្តើមរួចហើយនៅថ្ងៃព្រហស្បតិ៍ សុក្រ និងថ្ងៃសៅរ៍ សម្រាប់បណ្តាប្រទេសមួយចំនួននៅសហភាពអឺរ៉ុប ប៉ុន្តែរដ្ឋជាសមាជិកសហភាពអឺរ៉ុបភាគច្រើនកំពុងបោះឆ្នោតនៅថ្ងៃអាទិត្យ។ សភាអឺរ៉ុប គឺជាទំនាក់ទំនងផ្ទាល់រវាងអឺរ៉ុប និងស្ថាប័នរបស់សហភាពអឺរ៉ុប៕

គណបក្សប្រជាជនកម្ពុជារាជធានីភ្នំពេញ រៀបចំពិធីប្រកាសកែសម្រួលសមាសភាព និងបញ្ចូលសមាជិកថ្មី៥៥២រូប

2024/06/09 02:48:22 pm        195
Facebook Telegram Linkin
គណបក្សសប្រជាជនកម្ពុជារាជធានីភ្នំពេញ រៀបចំពិធីប្រកាសសាខាគណបក្ស ភ.ព១៦ , ភ.ព១៧ ,ភ.ព១៨ និងកែសម្រួលសមាសភាពខាគណបក្ស ភ.ព១១ , ភ.ព១៤ រួមទាំងការបញ្ចូលសមាជិកសមាជិកាថ្មីចំនួន ៥៥២រូប បន្ថែមទៀតផងដែរ ។ អង្គពិធីនេះ ធ្វើឡើងនាព្រឹកថ្ងៃទី​០៩​ ខែមិថុនា​ ឆ្នាំ​២០២៤​នេះក្រោមអធិបតីភាពឯកឧត្ដម ឃួង ស្រេង សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធាន​គណៈកម្មាធិការ​គណបក្សរាជធានីភ្នំពេញ ​ដែលប្រព្រឹត្តិទៅ នាមន្ទីររបស់គណបក្ស​ប្រជានជនកម្ពុជារាជធានីភ្នំពេញ ដោយមាន​សមាជិសមាជិការសរុបជាង ៦០០នាក់ ចូលរួម ។ ឯកឧត្ដម ឃួង ស្រេង មានប្រសាសន៍ឱ្យដឹងថា ការប្រកាសសាខាគណបក្ស កែសម្រួល​សមាសភាព​សមាជិកសាខា​គណបក្ស និង​បញ្ចូល​សមាជិក​សមាជិកាគណបក្ស​ប្រជាជនកម្ពុជា​រាជធានីភ្នំពេញនាពេលនេះ ​គឺដើម្បីត្រៀមឈានឆ្ពោះទៅ​យកជ័យជំនៈ ក្នុងការ​បោះឆ្នោត ឆ្នាំ២០២៧-២០២៨ ខាងមុខ។គណបក្សប្រជាជនកម្ពុជា បានដាក់ចេញនូវគោលនយោបាយច្បាស់លាស់​ប្រាកដនិយមខ្ពស់ តាមរយៈការ​បញ្ចូល​សមាជិកថ្មីចំនួនជាង ៥០០រូបនេះ គឺពិតជា​បាន​ឆ្លុះបញ្ចាំង​ឲ្យឃើញកាន់​តែច្បាស់​ពីភាពដឹកនាំដ៏ត្រឹមត្រូវរបស់​គណបក្សប្រជាជនកម្ពុជា​ ដែលបានធ្វើឲ្យប្រទេសជាតិមាន​ការអភិវឌ្ឍរីកចម្រើនរុងរឿង ។ ​បងប្អូនសមាជិក​ សមាជិកាទាំងជាង៥០០នាក់នេះ នឹង​ក្លាយ​ជាប្រតិបត្តិករ ពោរពេញ​ទៅដោយចំណេះដឹងរបស់គណបក្សប្រជាជនកម្ពុជាទៅថ្ងៃអនាគត។ ឯកឧត្ដមបានបន្តថា តាមរយៈគម្រោង “ព្រែកជីកហ្វូណន-តេជោ” យើងពិតជា​បាន​ឃើញច្បាស់​ពី​នរណាដែលជាអ្នកស្នេហាជាតិ​ ហើយនរណា​ជាអ្នក​បំភ្លេចបំផ្លាញ​ជាតិពិតប្រាកដ ។ គណបក្សប្រជាជនកម្ពុជា បានរំដោះជាតិពីរបបប្រល័យពូជសាសន៍​ប៉ុលពត ហើយបន្តនូវ​ការ​កសាងប្រទេសជាតិ រហូតមានការអភិវឌ្ឍរីកចម្រើន​លើគ្រប់វិស័យរហូតមកដល់សព្វថ្ងៃនេះ ។ ឯកឧត្ដមប្រធាន ​បានមានប្រសាសន៍បន្ថែមថា សុខសន្តិភាព​គឺសម្ដេចតេជោ ហ៊ុន សែន ប្រធាន​គណបក្សប្រជាជនកម្ពុជា ​ជាអ្នករកបានមកដោយលំបាក​ ដូច្នេះយើងត្រូវរួមគ្នាការពារ ​សន្តិភាពនេះ ឲ្យបានដាច់ខាត ​ទោះក្នុងតម្លៃណាក៏ដោយ ។សម្ដេចតេជោនៅបានរំដោះអាយុជីវិតបងប្អូនប្រជាពលរដ្ឋចេញពីជំងឺឆ្លងដ៏កាចសាហាវកូវីដ-១៩ ថែមទៀតផងដែរ ។ ជាងនេះទៅទៀត គណបក្សប្រជាជនកម្ពុជា​នូវបានដោះស្រាយ​បញ្ហាធំៗរបស់ជាតិយ៉ាងច្រើនទៀត ​រួមទាំងការដោះស្រាយ ​ការជាប់គាំងនយោបាយ ការ​ទប់ស្កាត់ជំងឺ covid-១៩ ការស្ដារធ្វើឲ្យ ​មានកំណើន​សេដ្ឋកិច្ចជាតិ ​និងការធ្វើឲ្យកេរឈ្មោះកម្ពុជា លេចមុខលេចមាត់ ​នៅលើឆាកអន្តរជាតិ ៕ អត្ថបទ៖ លីហេង 

រូបវីដេអូឯកសាររបស់ម្ដាយចំណាប់ថ្នូរអ៊ីស្រាអែល ដែលកងទ័ពនិយាយថា បានរំដោះនៅក្នុងប្រតិបត្ដិការតំបន់ហ្កាហ្សា

2024/06/09 12:06:09 pm        151
Facebook Telegram Linkin
កងយោធា បាននិយាយថា កងទ័ពអ៊ីស្រាអែល បានជួយសង្រ្គោះចំណាប់ថ្នូរនៅរស់ចំនួន៤នាក់ ចេញពីកន្លែងចំនួន២នៅសង្កាត់អាល់នូសេរ៉ាត់ (al-Nuseirat) តំបន់ហ្កាហ្សាភាគកណ្តាល កាល​ពីថ្ងៃសៅរ៍ បន្ទាប់ពីពួកគេ ត្រូវបានចាប់ជាចំណាប់ថ្នូរ អស់រយៈ ៨ខែ​ ដោយក្រុមសកម្ម​ប្រយុទ្ធហាម៉ាស ​នៅក្នុងការវាយលុកដ៏បង្ហូរឈាមមួយ ​ចូលទៅក្នុងប្រទេសអ៊ីស្រាអែល។យោធា បាននិយាយថា ​ចំណាប់ថ្នូរ៤នាក់ ​ប្រុស៣នាក់ និងស្រីម្នាក់ ដែលត្រូវបានចាប់ពង្រាត់​ចេញពីកន្លែង​បុណ្យតន្រ្ដីណូវ៉ា (Nova) នៅភាគខាងត្បូងប្រទេសអ៊ីស្រាអែល កាលពីថ្ងៃទី៧ តុលា ឆ្នាំកន្លងទៅនោះ ត្រូវបានបញ្ជូនទៅមន្ទីរពេទ្យ​ ដើម្បីពិនិត្យសុខភាព ​ហើយពួកគេទាំងនោះ មានសុខភាពល្អនៅឡើយ។ពួកគេទាំងនោះ ត្រូវបានគេសម្គាល់អត្ដសញ្ញាណ ដូចជា ​ឈ្មោះ ណូអា អាហ្កាម៉ានី (Noa Argamani) អាយុ២៥ឆ្នាំ អាល់ម៉ុក មៀ ជេន (Almog Meir Jan) អាយុ២១ឆ្នាំ អង់ដ្រេ កូសឡូវ (Andrey Kozlov) អាយុ២៧ឆ្នាំ និងឈ្មោះ ស្លូមី ហ្ស៊ីវ (Shlomi Ziv) អាយុ៤០ឆ្នាំ ។រូបភាពវីដេអូឯកសារ បានបង្ហាញពីការផ្ដល់បទសម្ភាសរបស់អ្នកសារព័ត៌មាន Reuters ជាមួយអ្នកស្រី អូរីត មៀរ(Orit Meir ) ដែលជាម្ដាយចំណាប់ថ្នូរអ៊ីស្រាអែលម្នាក់ ឈ្មោះ អាល់ម៉ុក មៀរ ចេន ។អ្នកស្រី បានយំ ខណៈដែលអ្នកស្រី​ បានរៀបរាប់ពីភាពតក់ស្លុតរបស់អ្នកស្រី​ នៅពេលដែលឃើញ​កូនប្រុសក្នុងវីដេអូដែលគេ ​បាន​ផ្ញើរូបនោះ​មក​ឱ្យអ្នកស្រី​តាមរយៈ​មិត្តភ័ក្ដិ​ម្នាក់​របស់​កូនប្រុសអ្នកស្រី ដោយវីដេអូនោះ ​ឃើញកូន​ប្រុស​កំពុង​យកដៃបាំងមុខ។ អ្នកសារព័ត៌មាន ​Reuters ​បានទទួលវីដេអូនេះពីក្រុមគ្រួសារ​ ប៉ុន្ដែ​មិន​អាច​ផ្ទៀងផ្ទាត់​ដោយឯករាជ្យ​ពីប្រភពដើម ​និងមាតិការឿងនោះទេ៕អត្ថបទ មករា (Makara)

រដ្ឋមន្រ្តីក្រសួងទេសចរណ៍ រំឭកមន្ទីរទេសចរណ៍ខេត្តសៀមរាប ពង្រឹងសមត្ថភាពដើម្បីអភិវឌ្ឍន៍ស្ថាប័ន

2024/06/09 10:54:20 am        120
Facebook Telegram Linkin
រដ្ឋមន្ត្រីក្រសួងទេសចរណ៍ឯកឧត្តម សុខ សូកេន នៅក្នុងឱកាសជួបសំណេះសំណាលជាមួយមន្ត្រីរាជការ នៃមន្ទីរទេសចរណ៍ខេត្តសៀមរាប នៅរសៀលថ្ងៃទី៨ ខែមិថុនា ឆ្នាំ២០២៤ បានលើកឡើងនូវអនុសាសន៍ណែនាំដល់មន្ទីរទេសចរណ៍ខេត្តសៀមរាប ឱ្យរៀបចំផ្ទះខ្លួនឯងឱ្យបានល្អ តាមរយៈការរៀបចំឡើងវិញ នូវការវិភាគមុខងារ និងរចនាសម្ព័ន្ធការងារក្នុងស្ថាប័ន ដើម្បីបង្កើនប្រសិទ្ធភាពការងារ។ឯកឧត្តម សុខ សូកេន មានប្រសាសន៍ថា រដ្ឋាភិបាលបានធ្វើបច្ចុប្បន្នអំពីយន្តការក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា(CTB) ដែលនឹងដាក់ឱ្យដំណើរការក្នុងពេលដ៏ខ្លីខាងមុខនេះ ដើម្បីចូលរួមជំរុញការអភិវឌ្ឍវិស័យទេសចរណ៍បន្ថែមទៀត។ ជាមួយគ្នានេះឯកឧត្តមក៏ស្នើឱ្យមន្រ្តីរាជការទាំងអស់ បំពេញការងារ ឱ្យកាន់តែមានប្រសិទ្ធភាព ព្យាយាមពង្រឹងសមត្ថភាពបន្ថែម និងរិះរកមធ្យោបាយ នានា ដើម្បីអភិវឌ្ឍន៍ស្ថាប័ន​ឱ្យកាន់​តែប្រសើរ។ ការងារនេះអាចធ្វើទៅបាន គឺអាស្រ័យលើការសាមគ្គីគ្នា យោគយល់ ជំរុញ និងការចូលរួមពីភាគីពាក់ព័ន្ធនានា។ ឯកឧត្តមរដ្ឋមន្ត្រីបានជំរុញឱ្យមន្ទីរទេសចរណ៍ខេត្តបន្តការគិតគូរពាក់ព័ន្នឹងខ្សែក្រវាត់បៃតង នៅតាមតំបន់ទេសចរណ៍សំខាន់ៗ ដែលប្រជាកសិករអាចដាំដុះបន្លែបង្ការ ត្រី សាច់គ្រប់ប្រភេទ ដើម្បីផ្គត់ផ្គង់ដល់មូលដ្ឋានអាជីវកម្មទេសចរណ៍ក្នុងខេត្ត និងតំបន់ជុំវិញផងដែរ។ ឯកឧត្តមបន្តថា កិច្ចការនេះជាការបង្កើតឱកាសការងារ បង្កើនប្រាក់ចំណូលរបស់ប្រជាកសិករ ស្របទៅនឹងកម្មវត្ថុ ការនាំចេញនៅនឹងកន្លែង។ឆ្លៀតក្នុងឱកាសនោះ ឯកឧត្តម រដ្ឋមន្ត្រី បានរំលេចពីផែនការមេ អភិវឌ្ឍន៍ទេសចរណ៍ខេត្ដសៀមរាប ឆ្នាំ២០២១-២០៣៥ ​ដែលបានដាក់ចេញដោយ រាជរដ្ឋាភិបាលកម្ពុជា ក្នុងនោះយុទ្ធសាស្ត្រអភិវឌ្ឍន៍​តំបន់ទេសចរណ៍ អាទិភាពខេត្តសៀមរាប មាន៦តំបន់ ជាពិសេសតំបន់ឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ជាគោលដៅទេសចរណ៍ជំនឿ សាសនា ធម្មជាតិ ផ្សងព្រេង ទេសចរណ៍​ស្រាវជ្រាវ និងវិទ្យាសាស្ត្រផងដែរ៕

ឯកឧត្តមបណ្ឌិត អ៊ាង សុផល្លែត៖ លទ្ធផលសម្រេចបានកន្លងមក គឺជាការបញ្ជាក់យ៉ាងច្បាស់ ពីភាពជោគជ័យ នៃវិធានការការពារបរិស្ថានកម្ពុជា

2024/06/09 10:03:33 am        148
Facebook Telegram Linkin
នៅមន្ទីរបរិស្ថានខេត្តស្វាយរៀងឯកឧត្តមរដ្ឋមន្រ្តី បានលើកសរសើរមន្រ្តីក្រសួងបរិស្ថាន ទាំងអស់ ដែលបានរួមចំណែកក្នុងយុទ្ធនាការនានា នៃផែនការសកម្មភាពរបស់យុទ្ធសាស្រ្ត ចក្រាវិស័យបរិស្ថាន ក្នុងនោះមានយុទ្ធនាការកាត់បន្ថយការប្រើប្រាស់ប្លាស្ទិក «ថ្ងៃនេះ ខ្ញុំមិនប្រើថង់ប្លាស្ទិកទេ» ទទួលបានជោគជ័យ និងមានមនុស្សចូលរួម ច្រើនជាងអ្នកបោះ សំរាម ចោលពាសវាលពាសកាល។ ឯកឧត្តមបណ្ឌិត អ៊ាង សុផល្លែត បានបញ្ជាក់ថា លទ្ធផលសម្រេចរបស់ក្រសួងបរិស្ថាន នាពេលកន្លងមក គឺជាការសបញ្ជាក់យ៉ាងច្បាស់ ពីភាពជោគជ័យនៃវិធានការ ការពារបរិស្ថានកម្ពុជា ហើយបានបន្តទៅដល់ការព្យាបាល គឺជាការរួមគ្នាក្នុងយុទ្ធនាការ «កម្ពុជាស្អាត ខ្មែរធ្វើបាន!» ដែលកំពុងរីកសាយភាយនូវភាពស្អាត ពីភូមិទៅដល់ឃុំ បន្តទៅដល់ស្រុកនឹងរហូតទៅដល់ខេត្ត នៅទូទាំងប្រទេសកម្ពុជា។ឯកឧត្តមបានលើកទឹកចិត្តជាថ្មីទៀតដល់មន្រ្តីបរិស្ថាន សហការជាមួយរដ្ឋបាលរាជធានី ខេត្ត មន្ទីរ អង្គភាពពាក់ព័ន្ធ ជាពិសេសជាមួយអាជ្ញារក្រុងស្រុក ភូមិ ឃុំ សង្កាត់ រួមទាំងប្រជាជនទូទៅ ដើម្បី​ធ្វើឱ្យកម្ពុជាស្អាត ​និងបង្ហាញពីបទពិសោធន៍ស្អាតនេះ​ ទៅដល់ឆាកអន្តរជាតិថា កម្ពុជាដែលជាផ្ទះ​របស់យើងទាំងអស់គ្នាស្អាត មាន​អនាម័យ ​និងសេចក្តីថ្លៃថ្នូរ។សូមបញ្ជាក់ថា​ ដើម្បីកម្ពុជាស្អាត​ ចាំបាច់ត្រូវមានការចូលរួមពីប្រជាជនទូទៅ យុវជន សិស្សានុសិស្ស និងភាគីពាក់ព័ន្ធទាំងអស់ធ្វើការរួមគ្នា​ ហើយក្នុងនោះយើងបានចាប់ផ្តើម ពីចំណុចដំបូងគេ គឺធ្វើឱ្យប្រជាពលរដ្ឋ និងសិស្សានុសិស្ស បានបង្កើតផ្នត់គំនិតស្អាត ហើយភាពស្អាតចេញពីចិត្ត បានធ្វើឱ្យយើងបានកាត់បន្ថយថង់ប្លាស្ទិកប្រមាណជាង ៣០លានថង់ក្នុង១ថ្ងៃ និងកាត់បន្ថយការនាំចូលថង់ប្លាស្ទិកប្រមាណជាង ៧០% នៅក្នុងដើមត្រីមាសដំបូង នៃឆ្នាំ២០២៤នេះ។បន្ទាប់ពីខេត្តកំពង់ចាម មកដល់ខេត្តព្រៃវែង និងបន្តមកដល់ខេត្តស្វាយរៀង ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន​ បានចុះជួបសំណេះសំណាល និងសួរសុខទុក្ខថ្នាក់ដឹកនាំ និង​មន្រ្តីរាជការនៃមន្ទីរបរិស្ថាន តាមបណ្តាខេត្តជាបន្តបន្ទាប់ នៅក្នុងថ្ងៃសៅរ៍ ទី០៨ ខែមិថុនា ឆ្នាំ២០២៤។ ឯកឧត្តមរដ្ឋមន្រ្តីក្រសួងបរិស្ថាន មានគម្រោង ជួបសំណេះសំណាល ជាមួយ​ថ្នាក់ដឹកនាំនិងមន្រ្តីរាជការ មន្រ្តីឧទ្យានុរក្ស ​មន្រ្តីជាប់កិច្ចសន្យារបស់មន្ទីរបរិស្ថានទាំងអស់។ ក្នុងសប្តាហ៍កន្លងទៅ​ ឯកឧត្តមបណ្ឌិត អ៊ាង សុផល្លែត បានជួបសំណេះសំណាល និង​សួរសុខទុក្ខមន្រ្តី ​នៅខេត្តត្បូងឃ្មុំ នាថ្ងៃទី០៥ ខែមិថុនា ​ឆ្នាំ២០២៤នៅខេត្តសៀមរាប ​និងកំពង់ធំ នាថ្ងៃទី០៧ ខែមិថុនា ឆ្នាំ២០២៤។ តាមគម្រោង ​ឯកឧត្តមរដ្ឋមន្រ្តីនឹងធ្វើដំណើរ ទៅខេត្តកំពង់ឆ្នាំង ពោធិ៍សាត់ និងបាត់ដំបង នៅដើមសប្តាហ៍ក្រោយ បន្ថែមទៀត៕

ឧត្តមមន្រ្តីអាស៊ានកម្ពុជា ជួបពិភាក្សាការងារជាមួយឧបការីរដ្ឋមន្ត្រីការបរទេសទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក នៃក្រសួងការបរទេសអាមេរិក

2024/06/09 09:48:39 am        148
Facebook Telegram Linkin
នៅថ្ងៃទី៨ ខែមិថុនា ឆ្នាំ២០២៤ ឯកឧត្តម គង់ ភោគ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ និងជាឧត្តមមន្រ្តីអាស៊ានកម្ពុជា បានជួបពិភាក្សាទ្វេភាគីជាមួយ ឯកឧត្តម Daniel J. Kritenbrink ឧបការីរដ្ឋមន្ត្រីការបរទេសទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក នៃក្រសួងការបរទេសអាមេរិក ក្នុងឱកាសចូលរួមកិច្ចប្រជុំឧត្តមមន្រ្តីអាស៊ាន និងកិច្ចប្រជុំពាក់ព័ន្ធ នៅរដ្ឋធានីវៀងចន្ទន៍ ប្រទេសឡាវ។ភាគីទាំងពីរបានពិភាក្សាអំពីកិច្ចសហប្រតិបត្តិការនានាដែលមានសក្តានុពលក្រោមភាពជាដៃគូយុទ្ធសាស្ត្រគ្រប់​ជ្រុងជ្រោយ​អាស៊ាន-សហរដ្ឋអាមេរិក​ និងអាទិភាពនានា ​ខណៈកម្ពុជា​នឹង​ទទួលតួនាទី​ជាប្រទេសសម្របសម្រួល​ទំនាក់ទំនង​ដៃគូសន្ទនាអាស៊ាន-សហរដ្ឋអាមេរិក​ (២០២៤-២០២៧)។ ភាគីទាំងពីរក៏បានចែករំលែកនូវទស្សនៈលើ​បញ្ហាតំបន់ ​និងអន្តរជាតិដែលជាកង្វល់ និងផល​ប្រយោជន៍រួម ផងដែរ៕

ទីប្រឹក្សារាជរដ្ឋាភិបាល៖ ការសម្រេចចិត្តមិនចូលរួមសន្និសីទ ដើម្បីសន្តិភាពនៅអ៊ុយក្រែនគឺបង្ហាញថា កម្ពុជាមិនចំណុះខ្លួនឲ្យមហាអំណាចណាមួយ

2024/06/09 07:50:06 am        263
Facebook Telegram Linkin
ទីប្រឹក្សារាជរដ្ឋាភិបាលកម្ពុជា និងជាទីប្រឹក្សាសម្តេចតេជោ ហ៊ុន សែន ប្រធានគណបក្សប្រជាជនកម្ពុជាឯកឧត្តម យឿន យឿត បានលើកឡើងថា ការសម្រេចចិត្តមិនចូលរួមសន្និសីទសន្តិភាពអ៊ុយក្រែន គឺជាការបញ្ជាក់បន្ថែមពីឯករាជភាព និងអព្យាក្រឹត្យភាពរបស់កម្ពុជាក្នុងនាមជារដ្ឋ​អធិបតេយ្យ​មួយ ហើយការ សម្រេចចិត្តនេះគឺពិតជាត្រឹមត្រូវ និងក៏ជាការបង្ហាញថា កម្ពុជាមិនចំណុះឲ្យមហាអំណាចណាមួយផងដែរ។ឆ្លើយតបនិង​សំនួរ​របស់ទូរទស្សន៍ប៊ីធីវី ទាក់ទងនឹងការប្រកាសរបស់សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជាថា​កម្ពុជា​មិនចូលរួមកិច្ចប្រជុំកំពូលដើម្បី​សន្តិភាព​អ៊ុយក្រែន(Global Peace Summit)នោះ ឯកឧត្តម យឿន យឿត ​បានលើកឡើងថា ការសម្រេច​របស់រាជរដ្ឋាភិបាលកម្ពុជានេះគឺពិតជាត្រឹមត្រូវ ហើយស្របទៅតាមច្បាប់រដ្ឋធម្មនុញ្ញរបស់កម្ពុជា ដែលមិនចូលរួមក្នុងសម្ព័ន្ធភាពណាមួយ ដើម្បីប្រឆាំងប្រទេសមួយផ្សេងទៀតនោះដែរ។សូមបញ្ជាក់ថា សម្តេចតេជោ ហ៊ុន សែន ក្នុងនាមជាប្រធានគណបក្សប្រជាជនកម្ពុជា ​និងជាប្រធានព្រឹទ្ធសភា ​បានប្រកាសថា កម្ពុជា​នឹង​មាន​កំហុស​ធ្ងន់ធ្ងរ​ប្រសិនបើកម្ពុជា​សម្រេចទៅ​ចូលរួមកិច្ចប្រជុំកំពូល ដើម្បីសន្តិភាពអ៊ុយក្រែន ដែលនឹងធ្វើឡើង នាថ្ងៃទី១៥ដល់ថ្ងៃទី១៦ ខែមិថុនា ឆ្នាំ២០២៤ខាងមុខនេះ។ ការដែលសម្តេចលើកឡើង​យ៉ាងដូច្នេះគឺ​ដោយសារតែកិច្ច​ប្រជុំនេះ​គ្មាន​វត្តមានភាគីសំខាន់គឺប្រទេសរុស្ស៊ី។ មួយវិញទៀតវានឹងក្លាយទៅជាកំហុសដ៏ធ្ងន់ធ្ងរ និងក្លាយ​ទៅជាការ​ប្រមាថ​មួយចំពោះនយោបាយការបរទេស​របស់កម្ពុជា ប្រសិនបើកម្ពុជា​សម្រេច​ទៅចូលរួមកិច្ចប្រជុំកំពូលដើម្បីសន្តិភាពរបស់ អ៊ុយក្រែននេះ។ទាក់ទង​នឹងកិច្ចប្រជុំខាងលើនេះដែរសម្តេចតេជោ ហ៊ុន សែន ក៏បានលើកឡើងផងដែរថា កុំព្យាយាមទម្លាក់កំហុសឲ្យចិន ខណៈដែលកម្ពុជាមិនចូលរួមក្នុងសន្និសីទ ដើម្បី​សន្តិភាពនៅអ៊ុយក្រែន និងសូម​បញ្ឈប់​ការភ្ជាប់កម្ពុជា​ទៅក្នុង​ល្បែងភូមិសាស្រ្ត​នយោបាយ​ប្រឆាំងទៅ នឹងប្រទេសចិនផងដែរ៕អត្ថបទបាន ចក់

បណ្ដាញសង្គម

ព័ត៌មានថ្មីៗ

ស្ថានទូតសហរដ្ឋអាមេរិក និងរដ្ឋបាលរាជធានីភ្នំពេញរៀបចំពិព័រណ៍ម្ហូបអាហារ និងផលិតផលអាមេរិក នៅផ្លូវថ្មើរជើងចតុមុខ ដើម្បីឆ្លុះបញ្ចាំងពីចំណងមិត្តភាព និងភាពជាដៃគូនូវទំនាក់ទំនងការទូត៧៦ឆ្នាំ
07/04/2026 08:07 PM
Facebook Telegram Linkin
ការលើកកម្ពស់សុខភាពភ្នែកកុមារ គឺជាផ្នែកសំខាន់មួយនៃការអភិវឌ្ឍធនធានមនុស្ស
07/04/2026 05:07 PM
Facebook Telegram Linkin
ប្រធានក្រុមការងារគណបក្សចុះមូលដ្ឋាន ដឹកនាំកិច្ចប្រជុំ​ផ្សព្វផ្សាយ​ផែនការ​រួម​ឆ្ពោះ​ទៅ​កាន់​ការ​បោះឆ្នោត​ជ្រើស​រើស​ក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅស្រុកប្រាសាទបល្ល័ង្ក
07/04/2026 05:07 PM
Facebook Telegram Linkin
អនុប្រធានសភា៖ ប្រទេសចិននឹងអភិវឌ្ឍទំនាក់ទំនងជាមួយអ៊ីរ៉ង់ឲ្យកាន់តែរឹងមាំ
07/04/2026 04:07 PM
Facebook Telegram Linkin
ក្រុងមូស្គូ៖ រដ្ឋបាល់ទិកអនុញ្ញាតឲ្យអ៊ុយក្រែនប្រើប្រាស់ដែនអាកាសសម្រាប់វាយប្រហារភាគពាយ័ព្យរុស្ស៊ី
07/04/2026 04:07 PM
Facebook Telegram Linkin
ប្រភពនិយាយថា ក្រុមឧទ្ទាមបានវាយប្រហារទីក្រុងជាច្រើន នៅភាគខាងជើង និងកណ្តាលប្រទេសម៉ាលី
07/04/2026 04:07 PM
Facebook Telegram Linkin
អភិបាលខេត្តកំពង់ស្ពឺ ណែនាំអាជ្ញាធរបន្ត​ផ្សព្វផ្សាយ​ដល់​ពលរដ្ឋ​ឱ្យ​បញ្ឈប់​ការ​យក​ដី​ចំណី​ផ្លូវ​ទៅ​ប្រើ​ប្រាស់ដោយ​ខុសច្បាប់
07/04/2026 04:07 PM
Facebook Telegram Linkin
កម្ពុជា និងជប៉ុន ដាំកូនឈើមួយម៉ឺនដើម នៅក្នុងឧទ្យានអង្គរ ដើម្បីការពារសម្បត្ដិបេតិភណ្ឌពិភពលោក
07/04/2026 04:07 PM
Facebook Telegram Linkin
អ្នកស៊ើបអង្កេតសិទ្ធិមនុស្សរបស់UN ចាប់ផ្តើមការងារនៅប្រទេសលីបង់ ក្នុងបេសកកម្មលើកដំបូងរបស់ខ្លួន
07/04/2026 04:07 PM
Facebook Telegram Linkin
ក្រឡាបញ្ជីតុលាការអន្តរជាតិបញ្ជូនឈ្មោះបេក្ខជនបីរូបឱ្យកម្ពុជានិងថៃ ជ្រើសជាប្រធាន​ក្រុមអ្នកផ្សះផ្សា
07/04/2026 03:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.