BTV NEWS

កម្ពុជា-ឡាវ-វៀតណាម ឯកភាពបន្តជំរុញកិច្ចសហប្រតិបត្តិការលើគ្រប់វិស័យឱ្យកាន់តែជិតស្និទ្ធ

សម្ដេចធិបតីនាយករដ្ឋមន្ត្រី និងនាយរដ្ឋមន្រ្តីថៃ បញ្ជាក់ពីការប្តេជ្ញាចិត្តរួមគ្នាសម្រាប់សន្តិភាពយូរអង្វែង

ក្រសួងអភិវឌ្ឍន៍ជនបទ កសាងហេដ្ឋារចនាសម្ព័ន្ធ ជួយសម្រួលជីវភាពពលរដ្ឋនៅគម្រោងដីសម្បទានសង្គមកិច្ចក្នុងភូមិសាស្ត្រាស្រុកចន្ទ្រា ខេត្តស្វាយរៀង

ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់ផ្លូវលំប្រវែង ៥.៧០០ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ

នយោបាយ និង ការអភិវឌ្ឍន៍

ហ្វីលីពីន៖ ទូកចិន បានរឹបអូសយកការផ្គត់ផ្គង់ដែលទម្លាក់តាមអាកាសនៅដែនទឹកជម្លោះ

យោធាហ្វីលីពីន បាននិយាយកាលពីថ្ងៃអង្គារ (០៤ មិថុនា) ថា ទូករបស់ចិន បាន «រឹបអូសយក» ដោយខុសច្បាប់នូវអាហារ និងឱសថ ដែលបានទម្លាក់តាមអាកាសទៅកាន់ទីស្នាក់ការហ្វីលីពីននៅសមុទ្រចិនខាងត្បូង។ ឧបទ្ទវហេតុដែលត្រូវបានចោទប្រកាន់នេះបានកើតឡើងកាលពីថ្ងៃទី១៩ ខែឧសភា នៅឯដែនទឹកជម្លោះ សេខិន ថូម៉ាស ស្ហូល (Second Thomas Shoal) ក្នុងប្រជុំកោះ ស្រ្ពាតលី (Spratly) ជាទីដែលទាហានហ្វីលីពីន ត្រូវបានដាក់ពង្រាយនៅលើនាវាកងទ័ពជើងទឹកចតចោលមួយគ្រឿង ដើម្បីអះអាងការអះអាងរបស់ទីក្រុងម៉ានីល ចំពោះដែនទឹកនោះ។ទីក្រុងប៉េកាំង បានទាមទារស្ទើរតែទាំងស្រុងនូវសមុទ្រចិនខាងត្បូង ហើយមានការប្រឈមមុខគ្នាជាបន្តបន្ទាប់ដែលពាក់ព័ន្ធនឹងនាវាចិន និងហ្វីលីពីន នៅជិតថ្មប៉ប្រះទឹកដ៏ប្រកួតប្រជែងនោះជាញឹកញាប់ក្នុងអំឡុងពេលបេសកកម្មផ្គត់ផ្គង់ឡើងវិញរបស់ហ្វីលីពីន ទៅកាន់ដែនទឹក សេខិន ថូម៉ាស ស្ហូល។យោធាហ្វីលីពីន បានចោទប្រកាន់ចិន ពីបទ «ទន្រ្ទាន និងជ្រៀតជ្រែកដោយគ្មានការបង្កហេតុ» នៅពេលដែលទូកខ្នាតតូចរបស់ចិនពីរគ្រឿង ត្រូវចោទថាបានចូលមកក្នុងចម្ងាយ ១០ ម៉ែត្រពីនាវា សៀរ៉ា ម៉ាដ្រេ (Sierra Madre) ហើយបានរឹបអូសយកកញ្ចប់គ្រឿងផ្គត់ផ្គង់ដែលទម្លាក់តាមយន្តហោះសម្រាប់ឱ្យកងទ័ពហ្វីលីពីន ហើយថានេះជាលើកទីមួយហើយដែលការផ្គត់ផ្គង់ត្រូវបានរឹបអូស។អ្នកនាំពាក្យកងនាវាហ្វីលីពីន លោក រ៉យ វីនសិន ទ្រីនីដាដ (Roy Vincent Trinidad) បាននិយាយថា ក្រោយមក បុគ្គលិកចិននៅលើទូកនោះបានបោះចោលឥវ៉ាន់នៅក្នុងទឹក ហើយគេមិនច្បាស់ទេថាតើអ្នកទាំងនោះជាឆ្មាំល្បាតឆ្នេរចិន ឬកងទ័ពជើងទឹក។ បេសកកម្មផ្គត់ផ្គង់ហ្វីលីពីនជាធម្មតាធ្វើឡើងតាមសមុទ្រ ប៉ុន្តែប្រមុខយោធា លោកឧត្តមសេនីយ៍ រ៉ូមីអូ ប្រាវនឺ (Romeo Brawner) បាននិយាយកាលពីខែមុនថា គ្រឿងផ្គត់ផ្គង់ត្រូវទម្លាក់ពីលើអាកាសតាមយន្តហោះដើម្បីបញ្ចៀសពី «ការរំខាន» និង «ការយាយី»៕

UN ថ្កោលទោសអំពើហិង្សានៅតំបន់ West Bank ដែលធ្វើឱ្យមានអ្នកស្លាប់ដ៏ច្រើនចាប់ពីថ្ងៃ០៧ តុលា

ប្រធានសិទ្ធិមនុស្សរបស់អង្គការសហប្រជាជាតិកាលពីថ្ងៃអង្គារ (០៤ មិថុនា) បានទាមទារឱ្យបញ្ចប់នូវអំពើហិង្សាដែលកំពុងកើនឡើងនៅតំបន់កាន់កាប់ វេសបែង (West Bank) ដោយនិយាយថានេះជារឿង «នឹកស្មានមិនដល់» ដែលជនជាតិប៉ាឡេស្ទីនជាង ៥០០ នាក់ ត្រូវបានសម្លាប់នៅទីនោះចាប់តាំងពីថ្ងៃទី០៧ ខែតុលា មក។លោក វ៉ុលឃឺ ធឺក (Volker Turk) បាននិយាយថា យ៉ាងហោចណាស់មានជនជាតិប៉ាឡេស្ទីនចំនួន ៥០៥ នាក់ត្រូវបានសម្លាប់នៅតំបន់ វេសបែង ដោយយោធាអ៊ីស្រាអែល និងដោយអ្នកតាំងលំនៅនៅ វេសបែងចាប់តាំងពីសង្រ្គាមនៅតំបន់ហ្កាហ្សា ក្បែរនោះបានផ្ទុះឡើងជិតប្រាំបីខែមុនមក ខណៈក្រុមមន្ត្រីប៉ាឡេស្ទីនបានផ្តល់ចំនួនអ្នកស្លាប់យ៉ាងហោចណាស់ ៥២៣ នាក់។លោកបាននិយាយថា ជនជាតិអ៊ីស្រាអែល ២៤ នាក់ រួមទាំងទាហាន ៨ នាក់ ក៏ត្រូវបានសម្លាប់ផងដែរនៅក្នុងការប៉ះទង្គិចគ្នានៅ វេសបែង ឬការវាយប្រហារដោយជនជាតិប៉ាឡេស្ទីនពីតំបន់កាន់កាប់នេះ ក្នុងអំឡុងពេលដូចគ្នានេះ។ លោក ធឺក បានទទូចថា «ការសម្លាប់ ការបំផ្លិចបំផ្លាញ និងការរំលោភសិទ្ធិមនុស្សយ៉ាងទូលំទូលាយ គឺមិនអាចទទួលយកបានទេ ហើយត្រូវតែបញ្ឈប់ជាបន្ទាន់»។ប្រធានសិទ្ធិមនុស្សរូបនេះបានថ្កោលទោសអំពី «និទណ្ឌភាពដ៏រាលដាលសម្រាប់ឧក្រិដ្ឋកម្មបែបនេះ» នៅតំបន់ វេសបែង ដែលអ៊ីស្រាអែល បានកាន់កាប់តាំងពីឆ្នាំ១៩៦៧ ហើយមានកំណើនអំពើហិង្សា តាំងតែពីមុនថ្ងៃទី០៧ ខែតុលា មក។ លោក ធឺក បានព្រមានថា អំពើហិង្សា «ក្នុងរូបភាពនៃការសម្លាប់ និង ការបំផ្លិចបំផ្លាញដែលកំពុងបន្តនៅតំបន់ហ្កាហ្សា បានបង្កភាពភ័យខ្លាច និងអសន្តិសុខយ៉ាងខ្លាំងក្នុងចំណោមប្រជាជនប៉ាឡេស្ទីននៅតំបន់មួយនេះ»៕

ស៊ីរីអះអាងថា គ្មានការសន្ទនាជាមួយទួរគីទេ មុនពេលទីក្រុងអង់ការ៉ា ប្រកាសពីផែនការដកទ័ពចេញ

រដ្ឋមន្ត្រីការបរទេសស៊ីរី បាននិយាយកាលពីថ្ងៃអង្គារថា កិច្ចសន្ទនាណាមួយរវាងស៊ីរី និងទួរគី គួរតែធ្វើឡើង បន្ទាប់ពីក្រុងអង់ការ៉ាប្រកាសថា ខ្លួននឹងដកទ័ពចេញពីដែនដីស៊ីរី ដែលខ្លួនគ្រប់គ្រង។លោក Faisal Mekdad បានធ្វើការអត្ថាធិប្បាយក្នុងអំឡុងសន្និសីទសារព័ត៌មានរួមគ្នា ជាមួយរដ្ឋមន្ត្រីការបរទេសស្តីទីរបស់អ៊ីរ៉ង់ លោក Ali Bagheri Kani បន្ទាប់ពីប្រទេសទួរគី បានគំរាមកំហែង ក្នុងរយៈពេលប៉ុន្មានថ្ងៃថ្មីៗនេះ ដើម្បីធ្វើសកម្មភាពប្រឆាំងនឹងអាជ្ញាធរដឹកនាំដោយឃើដ នៅភាគឦសាននៃប្រទេសស៊ីរី ខណៈដែលពួកគេ រៀបចំការបោះឆ្នោតក្រុង នៅសប្តាហ៍ក្រោយនេះ។ប្រទេសទួរគី បានចាប់ផ្តើមប្រតិបត្តិការឆ្លងព្រំដែនធំៗចំនួនបី ចូលទៅក្នុងប្រទេសស៊ីរី ចាប់តាំងពីឆ្នាំ ២០១៦ ហើយបានគ្រប់គ្រងទឹកដីមួយចំនួន នៅភាគខាងជើង។ ទីក្រុងអង់ការ៉ា គឺជាអ្នកគាំទ្រដ៏សំខាន់មួយរបស់យុទ្ធជនប្រឆាំងស៊ីរី ដែលបាននិងកំពុងព្យាយាមដកប្រធានាធិបតីស៊ីរី លោក បាសា អាសាដ (Bashar Assad) ចេញពីអំណាច ចាប់តាំងពីជម្លោះ បានចាប់ផ្តើមនៅក្នុងខែមីនា ឆ្នាំ ២០១១។កិច្ចប្រឹងប្រែងផ្សះផ្សារវាងស៊ីរី និងទួរគី បានបរាជ័យក្នុងការសម្រេចបាននូវវឌ្ឍនភាព តាំងពីដើមឆ្នាំ ២០២៣ បើទោះបីជាកិច្ចប្រជុំនៅទីក្រុងមូស្គូរវាងរដ្ឋមន្ត្រីការបរទេសរបស់ប្រទេស និងរដ្ឋមន្ត្រីការពារជាតិក៏ដោយ។លោក Mekdad បានបញ្ជាក់ថា៖«លក្ខខណ្ឌចម្បងសម្រាប់កិច្ចសន្ទនាស៊ីរី-ទួរគី គឺសម្រាប់ទីក្រុងអង់ការ៉ាដើម្បីប្រកាសពីការត្រៀមខ្លួនរបស់ខ្លួន ក្នុងការដកខ្លួនចេញពីទឹកដីរបស់យើងដែលខ្លួនកាន់កាប់»។ យើងមិនចរចាជាមួយអ្នកដែលកាន់កាប់ទឹកដីរបស់យើងទេ»។

ក្រុមហាម៉ាស រិះគន់អាមេរិក និងលោកខាងលិចជុំវិញការជំរុញឲ្យក្រុមនេះ ទទួលយកសំណើរបស់លោកបៃដិន

មន្ត្រីជាន់ខ្ពស់ក្រុមហាម៉ាស លោក Sami Abu Zuhri បានរិះគន់ការអំពាវនាវរបស់ទីក្រុងវ៉ាស៊ីនតោន និងលោកខាងលិច ឲ្យទទួលយកសំណើបទឈប់បាញ់ ដែលត្រូវបានជំរុញដោយប្រធានាធិបតីសហរដ្ឋអាមេ រិកលោក ចូ បៃដិណ ដោយបាននិយាយកាលពីថ្ងៃអង្គារថា វាហាក់ដូចជា «ក្រុមហាម៉ាសដែលកំពុងរារាំងកិច្ចព្រមព្រៀងនេះ»។នៅក្នុងការអត្ថាធិប្បាយដែលត្រូវបានរាយការណ៍ដោយប្រព័ន្ធផ្សព្វផ្សាយហាម៉ាស លោក Abu Zuhri បាននិយាយថា អ៊ីស្រាអែល មិនផ្តោតជាសំខាន់ចំពោះការឈានដល់កិច្ចព្រមព្រៀងមួយ នៅតំបន់ហ្កាហ្សានោះទេ ហើយនៅតែកំពុងធ្វើសមយុទ្ធ ក្រោមការការពាររបស់សហរដ្ឋអាមេរិក។លោក បៃដិន កាលពីថ្ងៃសុក្រ បានដាក់ចេញនូវសំណើបទឈប់បាញ់បីដំណាក់កាលពីអ៊ីស្រាអែល ទៅកាន់ក្រុមហាម៉ាស ដើម្បីបញ្ចប់សង្រ្គាមនៅតំបន់ហ្កាហ្សា ដែលបានសម្លាប់មនុស្សរាប់ម៉ឺននាក់ និងបង្កឲ្យមានវិបត្តិមនុស្សធម៌។សំំណើនោះ អំពាវនាវមានបទឈប់បាញ់ ការដោះលែងចំណាប់ថ្នូរអ៊ីស្រាអែល និងអ្នកទោសប៉ាឡេស្ទីន និងការកសាងតំបន់ហ្កាហ្សាឡើងវិញ។ក្រុមហាម៉ាស បាននិយាយកាលពីថ្ងៃសុក្រថា ខ្លួនមានទស្សនៈវិជ្ជមានចំពោះខ្លឹមសារនៃសំណើនេះ។សហរដ្ឋអាមេរិក បាននិយាយកាលពីថ្ងៃអាទិត្យថា ប្រសិនបើក្រុមហាម៉ាសទទួលយកផែនការដែលបានស្នើឡើងនោះ នោះគេរំពឹងថា អ៊ីស្រាអែល នឹងធ្វើតាម។

ស្ពានខ្ពស់ជាងគេនៅកម្ពុជាកាត់ស្ទឹងឫស្សីជ្រុំក្នុងស្រុកវាលវែង សម្រេចការសាងសង់បាន ៤១,៥០%ហើយ

ការសាងសង់ស្ពានដែលមានកម្ពស់ ខ្ពស់ជាងគេនៅកម្ពុជា បច្ចុប្បន្ននេះសម្រេចបាន៤១,៥០% ហើយ ដោយគ្រោងនឹងដាក់ឱ្យប្រើប្រាស់សាកល្បងនៅចុងខែមីនា ឆ្នាំ២០២៥ នេះបើតាមឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ជូន នៅថ្ងៃទី៥ ខែមិថុនា ឆ្នាំ២០២៤ ។ ស្ពាននេះឆ្លងកាត់ស្ទឹងឬស្សីជ្រុំ ស្ថិតនៅភូមិឆាយលូក ឃុំអូសោម ស្រុកវាលវែង ខេត្តពោធិ៍សាត់ ក្នុងគម្រោងសាងសង់ផ្លូវជាតិលេខ១០ ត្រង់គីឡូម៉ែត្រលេខ ១២៨+៩១៥ មានកម្ពស់៩០ម៉ែត្រ ប្រវែង៥៣០ម៉ែត្រ ទទឹង១០ម៉ែត្រ បន្ទុកនៃស្ពានរចនាតាមស្តង់ដាចិនហាយវេកម្រិត៣ ដែលមានបន្ទុកចំនួន៥៥តោន ហើយគ្រោងចំណាយថវិកាអស់ ២២,៩២លានដុល្លារអាមេរិក ។អ្នកនាំពាក្យក្រសួងសាធារណការ បានបន្តឱ្យដឹងថា គិតត្រឹមដំណាច់ខែឧសភា ឆ្នាំ២០២៤ គម្រោងស្ថាបនាផ្លូវជាតិលេខ១០ទាំងមូល សម្រេចការសាងសង់បាន៨៣,៣៦% ក្នុងនោះរួមមាន៖ ការងារផ្លូវថ្នល់សម្រេចបាន ៨៧.៣១%, ការងារស្ពានសម្រេចបាន ៩១,១៨%, ការងារលូកាត់ទទឹងថ្នល់សម្រេចបាន ៩៩.៨២% និងការងារលូបណ្តោយថ្នល់ និងជញ្ជាំងការពារជើងទេរអនុវត្តបាន ៨៩,៨៤%។ ហើយនៅរដូវវស្សានេះផ្លូវជាតិលេខ១០ ប្រជាពលរដ្ឋអាចធ្វើដំណើរបានដោយរលូន តែត្រូវមានការប្រុងប្រយ័ត្ន ដោយសារកំណាត់ផ្លូវខ្លះនៅជាក្រួសក្រហម និងកំណាត់ផ្លូវខ្លះទៀត អាចរអិលដោយអន្លើពេលមានភ្លៀងធ្លាក់ខ្លាំង។ គួរឱ្យដឹងដែរថា គម្រោងសាងសង់ផ្លូវជាតិលេខ១០ មានប្រវែងសរុបចំនួន ១៩៨,៥១៨គីឡូម៉ែត្រ តភ្ជាប់ពីសំឡូត-វាលវែង-អូរសោម ដល់កោះកុង សាងសង់ស្របតាមបទដ្ឋានបច្ចេកទេស កម្រិត៣ របស់សាធារណរដ្ឋប្រជាមានិតចិន មានទទឹងតួផ្លូវ សរុបចំនួន ៩ម៉ែត្រ ជាប្រភេទផ្លូវកៅស៊ូ ពីរស្រទាប់ (DBST) សាងសង់ស្ពាន ចំនួន ២៣កន្លែង ប្រវែង ១៧២១,៤៦ម៉ែត្រ ព្រមទាំងមានបំពាក់ផ្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ និងបង្គោលសុវត្ថិភាពផងដែរ ។ គម្រោងសាងសង់ផ្លូវនេះមានរយៈពេល ៦៦ខែ និងបានចាប់ផ្ដើមសាងសង់ពីថ្ងៃទី១៨ ខែធ្នូ ឆ្នាំ២០១៩ ហើយគ្រោងនឹងបញ្ចប់នាខែមិថុនា ឆ្នាំ២០២៥ខាងមុខ ។ គម្រោងផ្លូវនេះមានការជ្រើសរើសគន្លងផ្លូវថ្មី ប្រវែងសរុប ៦៥,៨៩គីឡូម៉ែត្រ ដើម្បីធ្វើផ្លូវពង្វាងពីភ្នំក្រវាញ ព្រោះតែមិនចង់វះកាត់ភ្នំក្រវាញ ជាពីរនាំឲ្យប៉ះពាល់ដល់បរិស្ថាន និងជម្រកសត្វព្រៃធ្ងន់ធ្ងរ ដែលនេះជាការបង្ហាញឲ្យឃើញពីការយកចិត្តទុកដាក់ខ្ពស់របស់រាជរដ្ឋាភិបាល លើការថែរក្សាបរិស្ថាន៕

ពលរដ្ឋជាច្រើននាក់បន្តស្នើសុំប័ណ្ណ ប.ស.ស. ដោយស័្មគ្រចិត្តដើម្បីទទួលសេវាថែទាំសុខភាពឥតគិតថ្លៃ

គិតត្រឹមថ្ងៃបំណាច់ខែឧសភា ឆ្នាំ២០២៤នេះ ក្រសួងការងារ និងបណ្តុះបណ្តាលវិជ្ជាជីវៈ បានបញ្ចូលឈ្មោះសមាជិកថ្មី នៃរបបសន្តិសុខផ្នែកថែទាំសុខភាពតាមរបបភាគទានដោយស្ម័គ្រចិត្ត ចំនួនសរុបជាង ១៦ ម៉ឺននាក់ក្នុងនោះបុគ្គលស្វ័យនិយោជន៍ ដែលជាអ្នកប្រកបរបររកចំណូលផ្ទាល់ខ្លួន មានចំនួនជាង ១១ម៉ឺននាក់។ឯកឧត្តម ហេង សុផាន់ណារិទ្ធ អគ្គនាយករង បេឡាជាតិសន្តិសុខសង្គម នៃក្រសួងការងារនិងបណ្តុះបណ្តាលវិជ្ជាជីវៈ នៅព្រឹកថ្ងៃទី៥ មិថុនា ឆ្នាំ២០២៤នេះ មានប្រសាសន៍ប្រាប់ ប៊ីធីវី ឲ្យដឹងថា បើគិតត្រឹមរយៈពេល ១ថ្ងៃម្សិលមិញនេះ មានបុគ្គលស្វ័យនិយោជន៍ចំនួនជិត ១,៥០០នាក់ មកស្នើសុំចុះបញ្ជិកាតាមរយៈការបង់ភាគទានដោយស្ម័គ្រចិត្ត។ ឯកឧត្តមបន្តថា ចាប់តាំងពីសម្តេចធិបតី ហ៊ុន ម៉ាណែត នាយករដ្ឋមន្រ្តី បានប្រកាសដាក់ឱ្យអនុវត្តជាផ្លូវការនូវរបបសន្តិសុខសង្គមផ្នែកថែទាំសុខភាពតាមរបបភាគទាន ដោយស្ម័គ្រចិត្ត កាលពីខែវិច្ឆិកា ២០២៣កន្លងទៅ មន្រ្តីក្រុមការងាររបស់ ប.ស.ស. នៃក្រសួងការងារ និងបណ្តុះបណ្តាលវិជ្ជាជីវៈ បានផ្សព្វផ្សាយតាមបណ្តាញសង្គម និងបានចុះយុទ្ធនាការតាមរោងចក្រ សហគ្រាស ផ្ទះជួល ផ្សារ និងទីប្រជុំជនយ៉ាងសកម្មផងដែរ។ក្រុមប្រជាពលរដ្ឋមកពីតំបន់ផ្សេងៗគ្នា ដែលកំពុងរងចាំទទួលបណ្ណ ប.ស.ស. តាមរយៈរបបភាគទានដោយស្ម័គ្រចិត្តនេះ បានឲ្យដឹងថា ពួកគាត់ពិតជាមានអារម្មណ៍ថាកក់ក្តៅ និងសប្បាយចិត្តជាខ្លាំង ព្រោះធ្លាប់តែឃើញមន្រ្តីរាជការ និងបុគ្គលិកក្រុមហ៊ុនប៉ុណ្ណោះដែលអាចមានសិទ្ធិទទួលបណ្ណនេះ។ ប៉ុន្តែបច្ចុប្បន្ន ត្រឹមជាពលរដ្ឋធម្មតានិងមានមុខរបរតិចតួច ក៏អាចទទួលបានសិទ្ធិក្នុងការស្នើសុំបណ្ណ័សមាជិក ប.ស.ស. បានដូចគ្នាដែរ។ ពួកគាត់បានឲ្យដឹងស្រដៀងគ្នាទៀតថា ប័ណ្ណ ប.ស.ស. នេះ ពិតជាមានសារសំខាន់ណាស់សម្រាប់ពួកគាត់ ព្រោះអាចជួយសម្រាលលើបន្ទុកចំណាយបានច្រើនណាស់ នៅពេលមានបញ្ហាសុខភាពត្រូវទៅពេទ្យ។គិតចាប់ពីប្រកាសដាក់ឱ្យអនុវត្តជាផ្លូវការនូវរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្ត កាលពីថ្ងៃទី១៤ ខែវិច្ឆិកា ២០២៣ រហូតមកដល់បច្ចុប្បន្ន របបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តមានសមាជិកសរុបចំនួនាជិត ២៧ម៉ឺនននាក់។ សូមជម្រាបជូនបន្ថែមទៀតថា បេឡាជាតិសន្តិសុខសង្គម នៃក្រសួងការងារ និងបណ្តុះបណ្តាល ក៏ទទួលកុមារចូលជាសមាជិកផងដែរ ក្នុងនោះសម្រាប់កុមារ (អ្នកក្នុងបន្ទុកសមាជិក ប.ស.ស.) ក៏ទទួលបានអត្ថប្រយោជន៍ជាច្រើន ពេលក្លាយជាសមាជិក ប.ស.ស. មានន័យថា កុមារ (អ្នកក្នុងបន្ទុកសមាជិក ប.ស.ស.) ទទួលបានអត្ថប្រយោជន៍ ដូចជាការព្យាបាល និងថែទាំវេជ្ជសាស្ត្រ ដោយឥតគិតថ្លៃនៅគ្រប់មន្ទីរពេទ្យដៃគូ ប.ស.ស. ទូទាំងប្រទេស ទាំងមន្ទីពេទ្យសាធារណ និងឯកជន ក្នុងនោះដែរប្រសិនបើកុមារជួបគ្រោះថ្នាក់ និងជំងឺជាអកុសលរហូតដល់ស្លាប់បាត់បង់ជីវិត បេឡាជាតិសន្តិសុខសង្គម នៃក្រសួងការងារនឹងផ្តល់ប្រាក់វិភាជន៍បូជាសព៕អត្ថបទ ឈិត បូរ៉ាវី

ក្រសួងការងារ៖ ក្រុមហ៊ុនធំៗ៥ ផ្តល់ឱកាសការងារជាង៣០០កន្លែង នៅថ្ងៃស្អែកនេះ

ភ្នំពេញ៖ ក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី៥ ខែមិថុនា ឆ្នាំ២០២៤នេះ បានឱ្យដឹងថា ក្រុមហ៊ុនហ៊ុនធំៗក្នុងស្រុកចំនួន៥នឹងផ្តល់ឱកាសការងាររហូតជាង ៣០០កន្លែង សម្រាប់យុវជន សិស្ស/និស្សិត និងអ្នកស្វែងរកការងារ នៅថ្ងៃទី០៦ ខែមិថុនា ឆ្នាំ២០២៤ ស្អែកនេះនៅទីភ្នាក់ងារជាតិមុខរបរ និងការងារ(NEA)ដែលមានទីតាំងក្នុងបរិវេណទីស្តីការក្រសួង។ ក្រុមហ៊ុនធំៗទាំង៥នោះរួមមាន ធនាគារឯកទេសអ៉ីអន, ធនាគារជីបម៉ុង, ក្រុមហ៊ុនធានារ៉ាប់រង Manulife, ណាហ្គាវើល៍ និងក្រុមហ៊ុន សូគីមិច ដែលនឹងធ្វើការជ្រើសរើសបុគ្គលិកភ្លាមៗ នៅថ្ងៃស្អែកនេះតែម្តង។ ចំពោះសិស្ស/និស្សិត និងអ្នកកំពុងស្វែងរកការងារធ្វើ ឬចង់ផ្លាស់ប្តូរការងារអាចយកប្រវត្តិរូបសង្ខេប(CV) ដើម្បីចូលរួមដាក់ពាក្យ និងសម្ភាសផ្ទាល់ជាមួយ អ្នកតំណាងក្រុមហ៊ុនទាំងនោះបាន ចាប់ពីម៉ោង ៨ព្រឹក ដល់ម៉ោង៥ល្ងាច នៅក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី៦ ខែមិថុនា ឆ្នាំ២០២៤។ នេះបើតាមការជូនដំណឹងរបស់ក្រសួង។ បន្ថែមពីនេះ យុវជន សិស្ស/និស្សិត និងអ្នកស្វែងរកការងារ អាចទាក់ទងមជ្ឈម ណ្ឌលការងាររាជធានីភ្នំពេញ នៃទីភ្នាក់ងារជាតិមុខរបរ និងការងារ តាមរយៈលេខទូរស័ព្ទ៖ ០១៦ ៧៨៦ ៦៥៥ ឬគេហទំព័រ www.nea.gov.kh និងទំព័រ facebook neakhmer (អិនអ៊ីអេ ខ្មែរ)សម្រាប់ព័ត៌មានបន្ថែម៕

ប្រមុខកងទ័ពអះអាងថា អ៊ីស្រាអែលជិតឈានដល់សម្រេចចិត្តលើការវាយលុក នៅព្រំដែនលីបង់

អ៊ីស្រាអែល បានត្រៀមខ្លួនរួចជាស្រេចសម្រាប់ការវាយលុកនៅតាមបណ្តោយព្រំដែនភាគខាងជើងជាមួយប្រទេសលីបង់ ហើយជិតឈានដល់ការសម្រេចចិត្តមួយ ខណៈដែលចលនាហេសបូឡា បាននិយាយថា ខ្លួនមិនស្វែងរកការពង្រីកជម្លោះនោះទេ ប៉ុន្តែបានត្រៀមខ្លួនរួចរាល់ហើយ ដើម្បីប្រយុទ្ធនឹងសង្គ្រាមណាមួយដែលកើតឡើងចំពោះខ្លួន។ជម្លោះរវាងក្រុមហេសបូឡា និងអ៊ីស្រាអែល ដែលបានប្រយុទ្ធគ្នាស្របទៅនឹងសង្រ្គាមនៅតំបន់ហ្កាហ្សា កាន់តែតានតឹង ក្នុងប៉ុន្មានថ្ងៃថ្មីៗនេះ ដោយបន្ថែមក្តីបារម្ភថា ការប្រឈមមុខដាក់គ្នាកាន់តែទូលំទូលាយអាចផ្ទុះឡើងរវាងសត្រូវប្រដាប់អាវុធយ៉ាងខ្លាំងក្លា។អគ្គសេនាធិការយោធាអ៊ីស្រាអែល លោក Herzi Halevi បាននិយាយថា កងកម្លាំងការពារអ៊ីស្រាអែល (IDF) បានត្រៀមខ្លួនរួចជាស្រេច ដើម្បីឈានទៅការវាយលុក នៅភាគខាងជើង។លោកបានថ្លែងនៅក្នុងសេចក្តីថ្លែងការណ៍ដែលបានកត់ត្រាថា៖«យើងត្រូវបានរៀបចំ បន្ទាប់ពីដំណើរការដ៏ល្អនៃការបណ្តុះបណ្តាលរហូតដល់កម្រិតនៃការងារអគ្គសេនាធិការ ដើម្បីឈានទៅការវាយលុក នៅភាគខាងជើង»។«យើងកំពុងឈានដល់ចំណុចសម្រេចចិត្តមួយ»។អរិភាពរវាងអ៊ីស្រាអែល និងក្រុមហេសបូឡា គឺជារឿងដ៏អាក្រក់បំផុតរបស់ពួកគេ ចាប់តាំងពីពួកគេ បានធ្វើសង្រ្គាម ក្នុងឆ្នាំ ២០០៦ ហើយប្រជាជនរាប់ម៉ឺននាក់ នៅសងខាងព្រំដែន ត្រូវបានបង្ខំឲ្យភៀសខ្លួនចេញពីផ្ទះសម្បែងរបស់ពួកគេ។

នាយករដ្ឋមន្រ្តីឥណ្ឌា លោក Modi និងសម្ព័ន្ធមិត្ត នឹងជួបប្រជុំគ្នាលើការបង្កើតរដ្ឋាភិបាល បន្ទាប់ពីឈ្នះឆ្នោត

នាយករដ្ឋមន្ត្រីឥណ្ឌា លោក ណារ៉េនដ្រា ម៉ូឌី (Narendra Modi) គ្រោងនឹងជួបសម្ព័ន្ធមិត្តនៅថ្ងៃពុធ (០៥ មិថុនា) នេះដើម្បីពិភាក្សាអំពីការបង្កើតរដ្ឋាភិបាល រយៈពេលមួយថ្ងៃបន្ទាប់ពីគណបក្សជាតិនិយមហិណ្ឌូរបស់លោក បានឈ្នះដោយសំឡេងភាគច្រើនស្ដួចស្ដើងនៅក្នុងសភា នៅក្នុងលទ្ធផលបោះឆ្នោតដ៏គួរឱ្យភ្ញាក់ផ្អើលមួយ។គណបក្ស បារ៉ាទីយ៉ា ចាណាតា (BJP) របស់លោក ម៉ូឌី ទទួលបានអាសនៈចំនួន ២៤០ នៅក្នុងការបោះឆ្នោតសកល ដោយខ្វះចំនួន ៣២ អាសនៈដែលត្រូវការនៅក្នុងសភាជាន់ទាបសមាជិកចំនួន ៥៤៣ អាសនៈ ដែលធ្វើសេចក្តីសម្រេច នេះបើយោងតាមលទ្ធផលផ្លូវការដែលបានប្រកាសកាលពីល្ងាចថ្ងៃអង្គារ។លទ្ធផលនេះធ្វើឱ្យអ្នកវិនិយោគមិនសប្បាយចិត្ត ដោយភាគហ៊ុនបានធ្លាក់ចុះយ៉ាងខ្លាំងកាលពីថ្ងៃអង្គារ ពីព្រោះលោក ម៉ូឌី នឹងត្រូវពឹងផ្អែកលើគណបក្សក្នុងតំបន់ផ្សេងៗទៀត ដែលភាពស្មោះត្រង់ខាងនយោបាយបានធ្លាក់ចុះអស់ជាច្រើនឆ្នាំ។ សម្ព័ន្ធប្រជាធិបតេយ្យជាតិ (NDA) ដឹកនាំដោយគណបក្ស BJP របស់លោក ម៉ូឌី ទទួលបាន ២៩៣ អាសនៈ ច្រើនជាងចំនួន ២៧២ អាសនៈដែលត្រូវការ ដើម្បីបង្កើតរដ្ឋាភិបាល។សម្ព័ន្ធបក្សប្រឆាំងរបស់ឥណ្ឌា ក៏ត្រូវបានគេរំពឹងថានឹងជួបប្រជុំគ្នានៅថ្ងៃពុធ នេះនៅទីក្រុងញូវដេលី និងពិភាក្សាអំពីដំណើរនៃសកម្មភាពបន្ទាប់ ប៉ុន្តែកិច្ចខិតខំប្រឹងប្រែងណាមួយនៅក្នុងការបង្កើតរដ្ឋាភិបាលដោយក្រុមប្រឆាំង ទំនងជាត្រូវបានរារាំងដោយសម្ព័ន្ធមិត្តសំខាន់ពីររបស់បក្ស BJP ដែលគាំទ្រលោក ម៉ូឌី៕

ឯកឧត្តម ចាយ បូរិន បើកយុទ្ធនាការធ្វើតេស្តរហ័សរកសារធាតុញៀនតាមទឹកមូត្រ ក្នុងក្របខណ្ឌក្រសួងធម្មការនិងសាសនា

ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនា អញ្ជើញបើកយុទ្ធនាការធ្វើតេស្តរហ័សរកសារធាតុញៀនតាមទឹកមូត្រ ដោយមានការសហការពីអាជ្ញាធរជាតិប្រយុទ្ធប្រឆាំងគ្រឿងញៀន រៀបចំធ្វើតេស្ត រកសារធាតុញៀន ក្នុងក្របខណ្ឌក្រសួងធម្មការ និងសាសនា នាព្រឹកថ្ងៃទី០៥ ខែមិថុនា ឆ្នាំ២០២៤នេះ។ឯកឧត្តម ចាយ បូរិន បានថ្លែងថា ការធ្វើតេស្តរកសារធាតុញៀននេះ ធ្វើឡើងស្របទៅនឹងការអនុវត្តបទបញ្ជារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃរាជរដ្ឋាភិបាលកម្ពុជា លេខ ០១ បប ចុះថ្ងៃទី២០ ខែកុម្ភៈ ឆ្នាំ២០២៤ ស្តីអំពីការដាក់ចេញវិធានការម៉ឺងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ។ ដើម្បីជាគំរូដល់មន្ត្រីរាជការដទៃទៀត ឯកឧត្តម រដ្ឋមន្រ្តី បានធ្វើតេស្តស្វែងរកសារធាតុញៀន និងបន្តដោយថ្នាក់ដឹកនាំ និងមន្ត្រីរាជការមកពីអគ្គនាយកដ្ឋានជំនាញ។ ឯកឧត្តមរដ្ឋមន្ត្រី ក៏បានជូនពរដល់ថ្នាក់ដឹកនាំ មន្ត្រីរាជការទាំងអស់ទទួលបានលទ្ធផលល្អទាំងអស់គ្នា។តាមរយៈរបាយការណ៍លើកឡើងដោយអាជ្ញាធរជាតិប្រយុទ្ធប្រឆាំងគ្រឿងញៀន បានអោយដឹងថា គិតមកដល់ថ្ងៃទី២៩ ខែមេសា ឆ្នាំ២០២៤កន្លងទៅនេះ ក្រសួង ស្ថាប័ន និងរដ្ឋបាលថ្នាក់ក្រោមជាតិមួយ ចំនួនបានចាត់តាំងអនុវត្តបទបញ្ជានេះ ដោយបានធ្វើតេស្តរហ័ស រកសារធាតុញៀន ក្នុងទឹកមូត្រ ចំពោះមន្ត្រីរាជការស៊ីវិល មន្ត្រីនគរបាលជាតិ យោធិន ព្រមទាំងមន្ត្រី ជាប់កិច្ចសន្យា សរុបបានចំនួន ៥៦ ៤៤៥ រូប ក្នុងនោះមាន លទ្ធផលវិជ្ជមានសារធាតុញៀន ក្នុងទឹកមូត្រ ចំនួន ៧៦រូប ដែលមន្ត្រីទាំងនេះត្រូវបានបណ្តេញចេញពីក្របខ័ណ្ឌ។ដោយឡែកសម្រាប់ ការធ្វើតេស្តរហ័សរកសារធាតុញៀន ក្នុងក្របខណ្ឌក្រសួងធម្មការ និងសាសនានេះ មានការអញ្ជើញចូលរួមធ្វើតេស្តរកសារធាតុញៀនដោយថ្នាក់ដឹកនាំ មន្ត្រីរាជការ សរុបចំនួន ៤៦០នាក់ ក្នុងនោះស្រ្តី៩៤នាក់ ជាលទ្ធផលពុំមានថ្នាក់ដឹកនាំ ឬមន្ត្រីណាម្នាក់មានពាក់ព័ន្ធសារធាតុញៀនខុសច្បាប់ឡើយ។ យុទ្ធនាការដើម្បីសម្រេចឱ្យបាននូវការប្តេជ្ញាចិត្ត «កម្ពុជា ជាប្រទេសគ្មានគ្រឿងញៀន និងរក្សាគ្រួសារនីមួយៗ ជាគ្រួសារស្អាតស្អំ គ្មានគ្រឿងញៀន តាមទស្សនវិស័យ ចូលរួមទាំងអស់គ្នាដើម្បីជីវិត និងសហគមន៍គ្មានគ្រឿងញៀន»។ជាមួយគ្នានេះ អាជ្ញាធរជាតិប្រយុទ្ធប្រឆាំងគ្រឿងញៀន ក៏បានដាក់ចេញនូវវិធានការមួយចំនួន ដើម្បីបន្តអនុវត្តបទបញ្ជា ០១ បប ប្រកបដោយប្រសិទ្ធិភាព ដោយធ្វើការកៀគរជំនួយ ដើម្បីទទួលបានឧបករណ៍ធ្វើតេស្តបន្ថែមសហការជាមួយក្រសួងសុខាភិបាល បង្កើតក្រុមការងារចំពោះកិច្ចមួយឡើង សម្រាប់ធ្វើតេស្តបញ្ជាក់ឡើងវិញ ក្នុងករណីមានការតវ៉ាពីមន្ត្រីអំពីលទ្ធផលតេស្ត, បើកវគ្គបណ្តុះបណ្តាលដល់គ្រូបង្គោលតាមស្ថាប័ន អង្គភាព,ណែនាំដល់សាម៉ីក្រសួង-ស្ថាប័ន ដែលបានបណ្តេញមន្ត្រីវិជ្ជមានសារធាតុញៀនចេញ ឱ្យបញ្ជូនពួកគាត់ទៅទទួលការព្យាបាល និងស្តារនីតិសម្បទា៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

លោកស្រី Kallas៖ EU ចង់ធ្វើការឲ្យបានលឿន ស្ដីពីកិច្ចពិភាក្សាអំពីការចូលជាសមាជិករបស់ម៉ុលដាវី

មន្រ្តីជាន់ខ្ពស់ក្រសួងអភិវឌ្ឍន៍ជនបទ អញ្ជើញបើកការដ្ឋានស្ថាបនាផ្លូវក្រាលបេតុង១ខ្សែ នៅស្រុកស្អាង ខេត្តកណ្តាល

លោកស្រី Meloni ជួបលោក Rubio ខណៈសង្គ្រាមអ៊ីរ៉ង់ធ្វើឲ្យទំនាក់ទំនងអ៊ីតាលី-អាមេរិកអាប់អួ

អូទ្រីស៖ ការដកខ្លួនរបស់អេមីរ៉ាតអារ៉ាប់រួមចេញពី OPEC នឹងមិនធ្វើឲ្យអង្គការនេះចុះខ្សោយទេ

នគរបាលអាល្លឺម៉ង់ឡោមព័ទ្ធធនាគារ ក្នុងស្ថានភាពមានការចាប់ចំណាប់ខ្មាំង

ក្មេងសិស្សសាលាជាង ១០០នាក់ ចូលសម្រាកព្យាបាលក្នុងមន្ទីរពេទ្យ ក្រោយបរិភោគអាហារសាលានៅរដ្ឋ Bihar ប្រទេសឥណ្ឌា

ទីក្រុងអ៊ីស្លាម៉ាបាដស្វែងរកជំនួយពីសិង្ហបុរីក្នុងការធ្វើមាតុភូមិនិវត្តន៍ជនជាតិប៉ាគីស្ថាន និងអ៊ីរ៉ង់ នៅលើនាវាដែលអាមេរិករឹបអូស

អាជ្ញាធររួសរាន់ទៅសង្រ្គោះអ្នកឡើងភ្នំ ២០នាក់ ក្រោយបន្ទុះភ្នំភ្លើង Dukonoនៅប្រទេសឥណ្ឌូនេស៊ី

អគ្គនាយកដ្ឋានការការពារជនស៊ីវិលលីបង់៖ ការវាយប្រហាររបស់អ៊ីស្រាអែល បានសម្លាប់អ្នកជួយសង្គ្រោះនៅភាគខាងត្បូង

ការសិក្សារកឃើញថា ១ភាគ ៥នៃប្រវត្តិរុក្ខជាតិមានផ្កា ស្ថិតក្នុងហានិភ័យនៃការវិនាស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ហ្វីលីពីន៖ ទូកចិន បានរឹបអូសយកការផ្គត់ផ្គង់ដែលទម្លាក់តាមអាកាសនៅដែនទឹកជម្លោះ

UN ថ្កោលទោសអំពើហិង្សានៅតំបន់ West Bank ដែលធ្វើឱ្យមានអ្នកស្លាប់ដ៏ច្រើនចាប់ពីថ្ងៃ០៧ តុលា

ស៊ីរីអះអាងថា គ្មានការសន្ទនាជាមួយទួរគីទេ មុនពេលទីក្រុងអង់ការ៉ា ប្រកាសពីផែនការដកទ័ពចេញ

ក្រុមហាម៉ាស រិះគន់អាមេរិក និងលោកខាងលិចជុំវិញការជំរុញឲ្យក្រុមនេះ ទទួលយកសំណើរបស់លោកបៃដិន

ស្ពានខ្ពស់ជាងគេនៅកម្ពុជាកាត់ស្ទឹងឫស្សីជ្រុំក្នុងស្រុកវាលវែង សម្រេចការសាងសង់បាន ៤១,៥០%ហើយ

ពលរដ្ឋជាច្រើននាក់បន្តស្នើសុំប័ណ្ណ ប.ស.ស. ដោយស័្មគ្រចិត្តដើម្បីទទួលសេវាថែទាំសុខភាពឥតគិតថ្លៃ

ក្រសួងការងារ៖ ក្រុមហ៊ុនធំៗ៥ ផ្តល់ឱកាសការងារជាង៣០០កន្លែង នៅថ្ងៃស្អែកនេះ

ប្រមុខកងទ័ពអះអាងថា អ៊ីស្រាអែលជិតឈានដល់សម្រេចចិត្តលើការវាយលុក នៅព្រំដែនលីបង់

នាយករដ្ឋមន្រ្តីឥណ្ឌា លោក Modi និងសម្ព័ន្ធមិត្ត នឹងជួបប្រជុំគ្នាលើការបង្កើតរដ្ឋាភិបាល បន្ទាប់ពីឈ្នះឆ្នោត

ឯកឧត្តម ចាយ បូរិន បើកយុទ្ធនាការធ្វើតេស្តរហ័សរកសារធាតុញៀនតាមទឹកមូត្រ ក្នុងក្របខណ្ឌក្រសួងធម្មការនិងសាសនា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ហ្វីលីពីន៖ ទូកចិន បានរឹបអូសយកការផ្គត់ផ្គង់ដែលទម្លាក់តាមអាកាសនៅដែនទឹកជម្លោះ

UN ថ្កោលទោសអំពើហិង្សានៅតំបន់ West Bank ដែលធ្វើឱ្យមានអ្នកស្លាប់ដ៏ច្រើនចាប់ពីថ្ងៃ០៧ តុលា

ស៊ីរីអះអាងថា គ្មានការសន្ទនាជាមួយទួរគីទេ មុនពេលទីក្រុងអង់ការ៉ា ប្រកាសពីផែនការដកទ័ពចេញ

ក្រុមហាម៉ាស រិះគន់អាមេរិក និងលោកខាងលិចជុំវិញការជំរុញឲ្យក្រុមនេះ ទទួលយកសំណើរបស់លោកបៃដិន

ស្ពានខ្ពស់ជាងគេនៅកម្ពុជាកាត់ស្ទឹងឫស្សីជ្រុំក្នុងស្រុកវាលវែង សម្រេចការសាងសង់បាន ៤១,៥០%ហើយ

ពលរដ្ឋជាច្រើននាក់បន្តស្នើសុំប័ណ្ណ ប.ស.ស. ដោយស័្មគ្រចិត្តដើម្បីទទួលសេវាថែទាំសុខភាពឥតគិតថ្លៃ

ក្រសួងការងារ៖ ក្រុមហ៊ុនធំៗ៥ ផ្តល់ឱកាសការងារជាង៣០០កន្លែង នៅថ្ងៃស្អែកនេះ

ប្រមុខកងទ័ពអះអាងថា អ៊ីស្រាអែលជិតឈានដល់សម្រេចចិត្តលើការវាយលុក នៅព្រំដែនលីបង់

នាយករដ្ឋមន្រ្តីឥណ្ឌា លោក Modi និងសម្ព័ន្ធមិត្ត នឹងជួបប្រជុំគ្នាលើការបង្កើតរដ្ឋាភិបាល បន្ទាប់ពីឈ្នះឆ្នោត

ឯកឧត្តម ចាយ បូរិន បើកយុទ្ធនាការធ្វើតេស្តរហ័សរកសារធាតុញៀនតាមទឹកមូត្រ ក្នុងក្របខណ្ឌក្រសួងធម្មការនិងសាសនា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍