BTV NEWS

ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ២០២៦តទៅ

សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បីសម្រេចលើរបៀបវារៈចំនួន៧

បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួមជីវភាពនយោបាយ ជាមួយគណបក្សប្រជាជនកម្ពុជា

ស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំងតម្លៃជាង ១៩លានដុល្លារ ត្រូវបានសម្ពោធដាក់ឲ្យប្រើប្រាស់ជាផ្លូវការនៅថ្ងៃនេះ

នយោបាយ និង ការអភិវឌ្ឍន៍

ក្រុមហ៊ុន TikTok លើកឡើងការព្រួយបារម្ភអំពីសេចក្តីស្នើច្បាប់អនុម័តដោយសភាអាមេរិក

ក្រុមហ៊ុន TikTok កាលពីថ្ងៃអាទិត្យ បាននិយាយឡើងវិញការព្រួយបារម្ភ អំពីសេចក្តីស្នើច្បាប់ ដែលត្រូវបានអនុម័តដោយសភាសហរដ្ឋអាមេរិកកាលពីថ្ងៃសៅរ៍។ វិធានការនេះ នឹងហាមឃាត់កម្មវិធីប្រព័ន្ធផ្សព្វផ្សាយសង្គមដ៏ពេញនិយមនៅសហរដ្ឋអាមេរិក ប្រសិនបើម្ចាស់ក្រុមហ៊ុន ByteDance របស់ប្រទេសចិន មិនលក់ភាគហ៊ុនរបស់ខ្លួនក្នុងរយៈពេលមួយឆ្នាំ។ សភាបានអនុម័តច្បាប់នេះដោយសំឡេង ៣៦០ទល់នឹង៥៨ សំឡេង ជាផ្នែកមួយនៃកញ្ចប់ជំនួយបរទេសកាន់តែទូលំទូលាយ។ព្រឹទ្ធសភា ត្រូវបានគេរំពឹងថានឹងបោះឆ្នោតលើច្បាប់នៅសប្តាហ៍នេះ ហើយ ប្រធានាធិបតី លោក Joe Biden បាននិយាយថា លោកនឹងចុះហត្ថលេខាលើច្បាប់នេះ។ នៅក្នុងសេចក្តីថ្លែងការណ៍មួយ ក្រុមហ៊ុន TikTok បាននិយាយថា វាគួឲ្យសោកស្តាយដែលសភាកំពុងប្រើប្រាស់របាំងជំនួយបរទេស និងមនុស្សធម៌សំខាន់ៗដើម្បីរារាំងម្តងទៀត តាមរយៈសេចក្តីស្នើច្បាប់ហាមឃាត់ ដែលនឹងជាន់ឈ្លីសិទ្ធិបញ្ចេញមតិដោយសេរីរបស់ប្រជាជនអាមេរិកចំនួន ១៧០ លាននាក់។សមាជិកសភាអាមេរិកជាច្រើននាក់ មកពីគណបក្សសាធារណៈរដ្ឋ និងគណបក្សប្រជាធិបតេយ្យ និងរដ្ឋបាលរបស់លោក Biden និយាយថាក្រុមហ៊ុន TikTok បង្កហានិភ័យសន្តិសុខជាតិ ព្រោះប្រទេសចិន អាចបង្ខំក្រុមហ៊ុនឱ្យចែករំលែកទិន្នន័យរបស់អ្នកប្រើប្រាស់អាមេរិកចំនួន ១៧០លាននាក់។ ក្រុមហ៊ុន TikTok ទទូចថា ខ្លួនពុំដែលបានចែករំលែកទិន្នន័យអាមេរិក និងពុំធ្វើបែបនោះឡើយ។សមាជិកព្រឹទ្ធសភាអាមេរិកគណបក្សប្រជាធិបតេយ្យ លោក Mark Warner ដែលជាប្រធានគណៈកម្មាធិការស៊ើបការណ៍ព្រឹទ្ធសភា កាលពីថ្ងៃអាទិត្យបានប្រាប់សារព័ត៌មាន CBS News ថា ក្រុមហ៊ុន TikTok អាចត្រូវបានប្រើប្រាស់ជាឧបករណ៍ឃោសនាដោយរដ្ឋាភិបាលប្រទេសចិន។ សភាបានបោះឆ្នោតកាលពីថ្ងៃទី១៣ ខែមីនា ដើម្បីផ្តល់ឱ្យក្រុមហ៊ុន ByteDance ប្រហែល៦ខែដើម្បីលក់ផ្តាច់ទ្រព្យសម្បត្តិឲ្យសហរដ្ឋអាមេរិកនៃកម្មវិធីវីដេអូខ្លី បើមិនដូច្នេះទេប្រឈមនឹងការហាមឃាត់។

រុស្ស៊ី៖ អាមេរិក ប្រឈមភាពអាម៉ាស់ ក្នុងសង្រ្គាមអ៊ុយក្រែន ដូចនៅវៀតណាម និងអាហ្វហ្គានីស្ថាន

រុស្ស៊ី បាននិយាយកាលពីថ្ងៃអាទិត្យថា ជំនួយចុងក្រោយបំផុតរបស់សហរដ្ឋអាមេរិកសម្រាប់អ៊ុយក្រែនបានបង្ហាញថា ទីក្រុងវ៉ាស៊ីនតោន កំពុងលូកដៃចូលកាន់តែជ្រៅទៅក្នុងសង្រ្គាមប្រឆាំងនឹងទីក្រុងមូស្គូ ដែលទីបំផុតនឹងជួបភាពអាម៉ាស់ ដូចទៅនឹងជម្លោះនៅក្នុងប្រទេសវៀតណាម និងអាហ្វហ្គានីស្ថាន។ ការលើកឡើងនេះ កើតឡើងបន្ទាប់ពីសភាសហរដ្ឋអាមេរិក កាលពីថ្ងៃសៅរ៍បានអនុម័តដោយមានការគាំទ្រពីគណបក្សទាំង២លើកញ្ចប់ជំនួយចំនួន៩៥ពាន់លានដុល្លារ ដែលផ្តល់ជំនួយសន្តិសុខដល់អ៊ុយក្រែន អ៊ីស្រាអែល និងកោះតៃវ៉ាន់។ អ្នកនាំពាក្យក្រសួងការបរទេសរុស្ស៊ី លោកស្រី ម៉ារីយ៉ាណា ហ្សាខារ៉ូវ៉ា(Maria Zakharova)និយាយថា ច្បាស់ណាស់ថាអាមេរិកចង់ឱ្យអ៊ុយក្រែន ប្រយុទ្ធនៅក្នុងទឹកដីចុងក្រោយរបស់អ៊ុយក្រែន រួមទាំងការវាយប្រហារលើទឹកដីអធិបតេយ្យភាពរុស្ស៊ី និងជនស៊ីវិល។លោកស្រី បាននិយាយថា ការជ្រៀតជ្រែកកាន់តែខ្លាំង និងជ្រៅឡើង របស់ទីក្រុងវ៉ាស៊ីនតោន នៅក្នុងសង្រ្គាមកូនកាត់ប្រឆាំងនឹងរុស្ស៊ី នឹងក្លាយជាភាពអាម៉ាស់ខ្លាំងសម្រាប់សហរដ្ឋអាមេរិក នៅដូចជាសង្គ្រាមនៅវៀតណាម និងអាហ្វហ្គានីស្ថានដែរ។ លោកស្រីបន្តថា ប្រទេសរុស្ស៊ីនឹងផ្តល់ ការឆ្លើយតបដោយគ្មានលក្ខខណ្ឌ និងម៉ឺងម៉ាត់ ចំពោះចំណាត់ការរបស់សហរដ្ឋអាមេរិក ចូលរួមបន្ថែមទៀតនៅក្នុងសង្គ្រាមអ៊ុយក្រែន។ សហរដ្ឋអាមេរិកបានបាត់បង់បុគ្គលិកយោធាជាង៥៨.០០០នាក់ នៅក្នុងសង្គ្រាមវៀតណាមឆ្នាំ ១៩៥៥ ដល់១៩៧៥ ដែលបានបញ្ចប់ដោយជ័យជម្នះរបស់វៀតណាមខាងជើងកុម្មុយនិស្ត និងការកាន់កាប់ភាគខាងត្បូង ខណៈជនស៊ីវិលរាប់សែននាក់ត្រូវបានសម្លាប់។ នៅក្នុងសង្រ្គាមឆ្នាំ ២០០១ដល់ ២០២១ នៅប្រទេសអាហ្វហ្គានីស្ថាន សហរដ្ឋអាមេរិកបានរាយការណ៍ថាមនុស្ស ២.៤៥៩ នាក់ នាក់បានស្លាប់ និងជាង២០.០០០នាក់ បានរងរបួសនៅក្នុងជម្លោះដែលបានបញ្ចប់ដោយការដកកងកម្លាំងចម្រុះដឹកនាំដោយសហរដ្ឋអាមេរិក ហើយក្រុមតាលីបង់ បានវិលត្រលប់ទៅកាន់អំណាចឡើងវិញ។ សហភាពសូវៀតបានបាត់បង់កងទ័ពចំនួន ១៤.៤៥៣នាក់ នៅក្នុងសង្គ្រាមពីឆ្នាំ១៩៧៩ ដល់ ១៩៨៩ នៅប្រទេសអាហ្វហ្គានីស្ថាន៕

សម្តេចធិបតី អញ្ជើញចូលរួមពិធីបើកសន្និបាតលើកទី៨០ របស់គណៈកម្មការសេដ្ឋកិច្ច និងសង្គមកិច្ច សម្រាប់អាស៊ី~ប៉ាស៊ីហ្វិក នៅទីក្រុងបាងកក

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃចន្ទ ទី២២ មេសា ២០២៤ ដឹកនាំគណៈប្រតិភូរាជរដ្ឋាភិបាលកម្ពុជា ចូលរួមពិធីបើកសន្និបាតលើកទី៨០ របស់គណៈកម្មការសេដ្ឋកិច្ច និងសង្គមកិច្ច សម្រាប់អាស៊ី~ប៉ាស៊ីហ្វិក នៅទីក្រុងបាងកក ព្រះរាជាណាចក្រថៃ ក្រោមប្រធានបទ «ការប្រើប្រាស់នវានុវត្តន៍ឌីជីថលសម្រាប់ការអភិវឌ្ឍប្រកបដោយចីរភាព ក្នុងតំបន់អាស៊ី-ប៉ាស៊ីហ្វិក» ។ សន្និបាតប្រចាំឆ្នាំនេះនឹងពិភាក្សាអំពីសក្តានុពលនៃបច្ចេកវិទ្យាឌីជីថល នឹងវិធីសាស្ត្រពង្រឹងកិច្ចសហប្រតិបត្តិការតំបន់ ក្នុងការដោះស្រាយបញ្ហាប្រឈមជាសកលដែលកំពុងកើតមាន និងការពន្លឿនការសម្រេចឱ្យបាននូវគោលដៅអភិវឌ្ឍន៍ប្រកបដោយចីរភាព ។គណៈប្រតិភូរាជរដ្ឋាភិបាលកម្ពុជាបាននឹងកំពុងបន្តបេសកកម្ម ការទូតក្រៅប្រទេស ជាលើកទី១៤ ក្នុងគោលបំណងដើម្បីបន្តពង្រឹង ចំណងមិត្តភាពជាមួយប្រទេសក្នុងតំបន់ និងសកល ដោយពង្រីកនូវកិច្ចសហប្រតិបត្តិការលើគ្រប់វិស័យ ដើម្បីឧត្តមប្រយោជន៍ជាតិ និងប្រជាជន។

នាយករដ្ឋមន្ត្រីអ៊ីស្រាអែល នឹងច្រានចោលការដាក់ទណ្ឌកម្មណាមួយលើអង្គភាពយោធា

លោកនាយករដ្ឋមន្ត្រីអ៊ីស្រាអែល Benjamin Netanyahu បានប្តេជ្ញាថានឹងបដិសេធរាល់ការដាក់ទណ្ឌកម្មលើយោធារបស់ប្រទេសនេះ បន្ទាប់ពីមានសេចក្តីរាយការណ៍ថាសហរដ្ឋអាមេរិកគ្រោងនឹងកាត់បន្ថយជំនួយដល់អង្គភាពមួយ។ នាយករដ្ឋមន្ត្រី បាននិយាយកាលពីថ្ងៃអាទិត្យថា លោកនឹងតតាំងឲ្យអស់ពីកម្លាំងរបស់លោក។ថ្មីៗនេះ គេហទំព័រព័ត៌មាន អាស៊ីអូស (Axios) បាននិយាយថា សហរដ្ឋអាមេរិកនឹងដាក់គោលដៅលើកងវរសេនាតូច ណេតហ្សា យ៉េហ៊ូដា (Netzah Yehuda)របស់អ៊ីស្រាអែល ជុំវិញការចោទប្រកាន់ថាមានការរំលោភសិទ្ធិមនុស្សនៅក្នុងតំបន់ West Bank ដែលខ្លួនកាន់កាប់។ទូរទស្សន៍ BBC យល់ថា រាល់ទង្វើនឹងកើតឡើងក្រោមបម្រាមរបស់សហរដ្ឋអាមេរិកលើជំនួយដល់អង្គភាពបរទេសដែលជាប់ពាក់ព័ន្ធនឹងការរំលោភបំពាននានា។នៅពេលត្រូវបានសួរកាលពីសប្តាហ៍មុនអំពីរបាយការណ៍ដែលថាជំនួយយោធារបស់សហរដ្ឋអាមេរិកដល់អង្គភាពរបស់កងកម្លាំងការពារអ៊ីស្រាអែល (IDF) អាចត្រូវបានកាត់បន្ថយ ជុំវិញការចោទប្រកាន់ពីបទរំលោភសិទ្ធិមនុស្សនៅក្នុងតំបន់ West Bank រដ្ឋមន្ត្រីការបរទេសអាមេរិកលោក Antony Blinken បាននិយាយថា លោកបានប្តេជ្ញារួចចិត្តហើយ អ្នកអាចរំពឹងថានឹងឃើញទណ្ឌកម្មនៅប៉ុន្មានថ្ងៃខាងមុខ។ទីក្រុង វ៉ាស៊ីនតោន ដែលជាសម្ព័ន្ធមិត្តដ៏សំខាន់របស់អ៊ីស្រាអែល មិនដែលផ្អាកជំនួយដល់អង្គភាព IDF កាលពីកន្លងទៅទេ។ យោធាអ៊ីស្រាអែលបាននិយាយថា កងវរសេនាតូច ណេតហ្សា យ៉េហ៊ូដា (Netzah Yehuda) កំពុងធ្វើប្រតិបត្តិការស្របតាមច្បាប់អន្តរជាតិ។រដ្ឋមន្ត្រីការពារជាតិអ៊ីស្រាអែល លោក Yoav Gallant បានអំពាវនាវឱ្យសហរដ្ឋអាមេរិកដកចេតនាដាក់ទណ្ឌកម្មលើកងវរសេនាតូចនេះ ដោយនិយាយថា ពេលនេះ ពិភពលោកកំពុងឃ្លាំមើលទំនាក់ទំនងរវាងសហរដ្ឋអាមេរិក និងអ៊ីស្រាអែល កាន់តែជិតស្និទ្ធជាងពេលណាៗទាំងអស់៕

កូនប្រុសលោកស្រី អ៊ុងសាន ស៊ូជី បារម្ភថាម្ដាយខ្លួនត្រូវរបបសឹកមីយ៉ាន់ម៉ា ប្រើជាខែល

កូនប្រុសរបស់អតីតមេដឹកនាំដែលត្រូវបានឃុំខ្លួន គឺលោកស្រី អ៊ុងសាន ស៊ូជី (Aung San Suu Kyi) បាននិយាយកាលពីថ្ងៃព្រហស្បតិ៍ (១៨ មេសា) ថា ម្ដាយរបស់លោកត្រូវបានផ្លាស់ប្តូរពីការឃុំខ្លួននៅពន្ធនាគារទៅការឃុំខ្លួនក្នុងផ្ទះ ដែលអាចត្រូវរបបសឹកដែលកំពុងកាន់អំណាចរបស់ប្រទេសអាស៊ីអាគ្នេយ៍មួយនេះ ប្រើប្រាស់ជាខែលការពារខ្លួននៅក្នុងជម្លោះជាមួយនឹងក្រុមតស៊ូ។លោកស្រី ស៊ូជី ត្រូវបានយោធាមីយ៉ាន់ម៉ា ចាប់ឃុំចាប់តាំងពីបានផ្ដួលរំលំរដ្ឋាភិបាលរបស់លោកស្រីក្នុងរដ្ឋប្រហារឆ្នាំ ២០២១។ ម្ចាស់ពានរង្វាន់ណូបែលវ័យ ៧៨ ឆ្នាំរូបនេះ ត្រូវបានឃុំខ្លួនក្នុងផ្ទះសរុបចំនួន ១៥ ឆ្នាំ ក្រោមរបបយោធាមុន។កូនប្រុសរបស់លោកស្រី គឺលោក គីម អារីស (Kim Aris) ដែលរស់នៅក្នុងទីក្រុងឡុងដ៍ (London) ចក្រភពអង់គ្លេស បានប្រាប់សារព័ត៌មានរ៉យទ័រថា លោកបានលឺថា ម្ដាយរបស់លោកកំពុងទទួលរងនូវផលប៉ះពាល់ពីកម្តៅ ប៉ុន្តែហេតុផលផ្លូវការរបស់របបយោធាសម្រាប់ការផ្លាស់ប្ដូរនេះគឺ «មិនទំនងទាល់តែសោះ»។ លោក អារីស បាននិយាយថា លោកគិតថាពួកគេមានហេតុផលផ្ទាល់ខ្លួនក្នុងការផ្លាស់ប្ដូរនេះ ពោលគឺពួកគេចង់ប្រើលោកស្រី ស៊ូជី ជាខែលការពារខ្លួន ឬជាថ្នូរសម្រាប់ការចរចាណាមួយ។អ្នកនាំពាក្យរបស់របបយោធាបាននិយាយនៅសប្តាហ៍នេះថា លោកស្រី ស៊ូជី ត្រូវបានផ្លាស់ទៅឃុំខ្លួនក្នុងផ្ទះជាជំហានមួយដើម្បីការពារលោកស្រី និងអ្នកទោសវ័យចំណាស់ផ្សេងទៀតពីអាកាសធាតុក្តៅ ប៉ុន្តែគេមិនដឹងច្បាស់ទេថា លោកស្រីត្រូវបានគេផ្លាស់ទៅទីណា៕

ប្រធាន CIA ព្រមានថា អ៊ុយក្រែនអាចចាញ់សង្គ្រាមនៅឆ្នាំនេះ បើពុំមានជំនួយយោធាថ្មី

ប្រមុខចារកម្មកណ្ដាល CIA របស់សហរដ្ឋអាមេរិក បានព្រមានកាលពីថ្ងៃព្រហស្បតិ៍ (១៨ មេសា) ថា អ៊ុយក្រែន អាចចាញ់សង្រ្គាមក្រោមដៃរុស្ស៊ី នៅចុងឆ្នាំនេះ លុះត្រាតែសហរដ្ឋអាមេរិក បញ្ជូនជំនួយយោធាបន្ថែមទៀតដើម្បីសង្រ្គោះ។ការព្រមានដ៏ក្រៀមក្រំរបស់លោក ប៊ីល ប៊ឺនស៍ (Bill Burns) នេះ បានកើតឡើងនៅពេលដែលសភាតំណាងរាស្រ្តអាមេរិកគ្រោងនឹងបោះឆ្នោតនៅថ្ងៃសៅរ៍ (២០ មេសា) លើកញ្ចប់ជំនួយចំនួន ៦១ ពាន់លានដុល្លារសម្រាប់ប្រទេសអ៊ុយក្រែន ដែលត្រូវបានជាប់គាំងអស់រយៈពេលជាច្រើនខែដោយសមាជិកសភាមកពីគណបក្សសាធារណរដ្ឋ ដែលជាសម្ព័ន្ធមិត្តជាមួយលោក ដូណាល់ ត្រាំ (Donald Trump) ស្របពេលដែលលោកកំពុងស្វះស្វែងរកការបោះឆ្នោតឡើងវិញ។រដ្ឋបាលរបស់លោកប្រធានាធិបតី ចូ បៃដិន (Joe Biden) បានព្រមានថា សម្ព័ន្ធមិត្តដែលគាំទ្រលោកខាងលិចរបស់អាមេរិកមួយនេះអាចបាត់បង់ទឹកដីទៅឱ្យកងកម្លាំងឈ្លានពានរបស់រុស្ស៊ី បើមិនទទួលបានជំនួយបន្ថែមទៀត ខណៈដែលខ្លួនបានបញ្ចុះបញ្ចូលឱ្យបញ្ជូនគ្រាប់រំសេវ និងគ្រឿងយុទ្ធោបករណ៍ផ្សេងទៀតទៅកាន់អ៊ុយក្រែន។ ប៉ុន្តែកាលពីថ្ងៃព្រហស្បតិ៍ នៅក្នុងសុន្ទរកថាមួយនៅឯមជ្ឈមណ្ឌល ចច ដាប់ប៊ែលយូ ប៊ុស (George W. Bush) លោក ប៊ឺន បាននិយាយថា ហានិភ័យចាញ់សង្គ្រាមរបស់អ៊ុយក្រែន ឥឡូវនេះគឺកាន់តែខ្ពស់ជាងមុនទៅទៀត។ប្រធានាធិបតីអ៊ុយក្រែន លោក វ្ល៉ូឌីមី ហ៊្សេឡិនស្គី (Volodymyr Zelensky) ក៏បានចេញការព្រមានយ៉ាងធ្ងន់ធ្ងរថា ប្រទេសរបស់លោកនឹងចាញ់សង្រ្គាម បើប្រទេសនេះមិនទទួលបានជំនួយយោធាបន្ថែមទៀតទេ៕

ពលរដ្ឋប៉ូឡូញ ត្រូវបានគេចោទប្រកាន់ពីបទធ្វើចារកម្មឲ្យរុស្ស៊ី ក្នុងផែនការធ្វើឃាតលោកហ្សេឡិនស្គី

រដ្ឋអាជ្ញាជាន់ខ្ពស់នៅក្នុងប្រទេសប៉ូឡូញ និងអ៊ុយក្រែន បាននិយាយកាលពីថ្ងៃព្រហស្បតិ៍ថា ពលរដ្ឋប៉ូឡូញម្នាក់ ត្រូវបានចាប់ខ្លួនពីបទធ្វើចារកម្មឲ្យរដ្ឋាភិបាលរុស្ស៊ី ដែលជាផ្នែកមួយនៃការប៉ុនប៉ងធ្វើឃាតដ៏សំខាន់ទៅលើប្រធានាធិបតីអ៊ុយក្រែន វ៉ូឡូមៀ ហ្សេឡិនស្គី ( Volodymyr Zelenskyy)។ ការិយាល័យរដ្ឋអាជ្ញាជាតិប៉ូឡូញ បាននិយាយនៅក្នុងសេចក្តីប្រកាសព័ត៌មានមួយថា ពលរដ្ឋប៉ូឡូញដែលត្រូវបានគេកំណត់អត្តសញ្ញាណថា ជា Pawel K. ត្រូវបានចោទប្រកាន់ពីបទត្រៀមខ្លួន ដើម្បីធ្វើសកម្មភាពស៊ើបការណ៍សម្ងាត់បរទេសប្រឆាំងនឹងសាធារណរដ្ឋប៉ូឡូញ។លោក Andriy Kostin ដែលជាអគ្គរដ្ឋអាជ្ញាអ៊ុយក្រែន បានបញ្ជាក់ថា ជនសង្ស័យត្រូវបានចោទប្រកាន់ថា «បានបង្កើតទំនាក់ទំនងយ៉ាងសកម្ម» ជាមួយក្រុមតំណាងបញ្ជាការយោធារុស្ស៊ី និង «បានជូនដំណឹងពួកគេអំពីការត្រៀមរបស់ខ្លួន ក្នុងកិច្ចសហប្រតិបត្តិការជាមួយទីភ្នាក់ងារចារកម្មយោធាបរទេសរបស់សហព័ន្ធ រុស្ស៊ី។មន្ត្រីនគរបាលប៉ូឡូញ និងអ៊ុយក្រែន បាននិយាយថា កិច្ចការរបស់ជនសង្ស័យសម្រាប់រដ្ឋាភិបាលរុស្ស៊ី រួមមានការប្រមូល និងផ្តល់ព័ត៌មានដល់ទីភ្នាក់ងារសន្តិសុខនៃអាកាសយានដ្ឋាន Rzeszów-Jasionka ជាអាកាសយានដ្ឋានអន្តរជាតិ នៅក្នុងភូមិ Jasionka ភាគអាគ្នេយ៍នៃប្រទេសប៉ូឡូញ។លោក Kostin បានលើកឡើងក្នុងសេចក្តីថ្លែងការណ៍មួយ នៅលើបណ្តាញសង្គម X ថា៖«ការធ្វើបែបនេះ គឺដើម្បីជួយសេវាកម្មពិសេសរបស់រុស្ស៊ីរៀបចំផែនការធ្វើឃាតដែលអាចកើតមានលើលោកប្រធានាធិបតីអ៊ុយក្រែន ក្នុងអំឡុងពេលវត្តមានរបស់លោក នៅក្នុងប្រទេសប៉ូឡូញ»។

កូរ៉េខាងជើង បញ្ចេញបទចម្រៀងថ្មី ក្រោមចំណងជើងថា"Friendly Father" កោតសរសើរលោក Kimg Jong Un

មេដឹកនាំកូរ៉េខាងជើង លោក Kim Jong-un ត្រូវបានលើកតម្កើន ជា"friendly father" ឬបិតារួសរាយរាក់ទាក់ របស់ប្រទេសនេះ នៅក្នុងបទចម្រៀងថ្មីមួយដែលបានចាក់ផ្សាយនៅលើកញ្ចក់ទូរទស្សន៍រដ្ឋ នៅសប្ដាហ៍នេះ ។ បទចម្រៀងនេះ ត្រូវបានផ្សាយផ្ទាល់ជាលើកដំបូង ដើម្បីអបអរពិធីបើកការអភិវឌ្ឍន៍លំនៅឋានថ្មីចំនួន១០.០០០ខ្នង នៅក្នុងរដ្ឋធានីព្យុងយ៉ាង កាលពីថ្ងៃអង្គារសប្ដាហ៍នេះ ដែលទីភ្នាក់ងារសារព័ត៌មានកណ្ដាលកូរ៉េ (KCNA) និយាយថាការសាងសង់បានបញ្ចប់ហើយ ដែលបានចំណាយពេល ក្នុងរង្វង់រយៈពេល១៤ខែ។ ពិធីបញ្ចប់ការសាងសង់លំនៅឋានថ្មីនេះ ត្រូវបានផ្ដាយផ្ទាល់លើកញ្ចក់ទូរទស្សន៍ ដោយមានព្រឹត្តិការប្រគំតន្ត្រីដ៏ធំ អមដោយការហោះហើរយន្តហោះចម្បាំង និងការសកម្មភាពសម្ដែងដោយក្រុមតារាចម្រៀងដ៏ល្បីល្បាញបំផុតរបស់ប្រទេសនេះ ដែលបានបង្ហាញបទចម្រៀងថ្មីនេះគោរពដល់មេដឹកនាំកំពូលរបស់កូរ៉េខាងជើង ។ បទចម្រៀងក្រោមចំណងជើងថា "friendly father" បានរៀបរាប់ពីការកោតសរសើរលោក Kim សម្រាប់ការដឹកនាំកូរ៉េខាងជើងឆ្ពោះទៅរកអនាគតភ្លឺស្វាង និងបានប្រកាសថា ប្រជាជនជឿជាក់ និងដើរតាមមាគ៌ាដឹកនាំរបស់លោក ។ អមដោយបទចម្រៀងវីដេអូ ឬMV ដែលបានបញ្ចេញកាលពីថ្ងៃពុធ បង្ហាញពីកម្មករ កងទ័ព និងពលរដ្ឋអបអរសាទរពោពេញដោយភាពសប្បាយរីករាយ ការរាំងលេងកម្សាន្ត និងបង្ហាញក្ដីស្រឡាញ់របស់ពួកគេចំពោះលោក Kim៕

សម្ដេចធិបតី៖ ទោះក្នុងតម្លៃណាត្រូវតែរក្សាសន្ដិភាពរបស់កម្ពុជា មិនឱ្យមានបដិវត្តន៍ពណ៌កើតឡើងឡើយ

ក្នុងឱកាសអញ្ជើញជាអធិបតីសម្ពោធដាក់ឱ្យប្រើប្រាស់អគារសហសិក្សា អគារស្នាក់នៅ និងអគារអាហារដ្ឋាននៅសាកលវិទ្យាល័យការពារជាតិ នាព្រឹកនេះដែរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ក៏បានណែនាំទៅដល់នាយទាហាន ពលទាហានទាំងអស់ទោះក្នុងតម្លៃណាត្រូវតែរក្សាសន្ដិភាពរបស់កម្ពុជា មិនឱ្យមានបដិវត្តន៍ពណ៌ណាមួយកើតឡើងបានឡើយ។ សម្តេចធិបតី នាយករដ្ឋមន្រ្ដីបានបញ្ជាក់ទៅកាន់នាយទាហាន ពលទាហានទាំងអស់ថា កងកម្លាំងការពារជាតិ គឺត្រូវតែពង្រឹងខឿនការពារជាតិ កងយោធពលខេមរភូមិន្ទត្រូវតែជាកម្លាំងដែលមានថាមពលខ្លាំង សមត្ថភាពពេញលេញមានឆន្ទៈមោះមុត មនសិការ និងវិន័យល្អ ការពារបានរឹងមាំនូវឯករាជ្យជាតិអធិបតេយ្យភាព បូរណភាពទឹកដី សន្តិសុខសណ្តាប់ធ្នាប់សង្គមនៅគ្រប់កាលៈទេសៈសំដៅធ្វើឲ្យបរាជ័យ រាល់ឧបាយកល និងសកម្មភាពរបស់កម្លាំងអមិត្តទាំងក្នុង និងក្រៅប្រទេស។សម្តេចធិបតីបញ្ជាក់ថា ការប៉ុនប៉ងបង្កើតបដិវត្តន៍ពណ៌នៅកម្ពុជា បង្កអសន្តិសុខដល់សង្គមជាតិទោះក្នុងតម្លៃណា ក៏ដោយត្រូវថែរក្សាសន្តិភាពឲ្យបាន ហើយសកម្មរួមចំណែកទប់ស្កាត់បង្ក្រាបរាល់បទល្មើសបានទាន់ពេលវេលា។ក្នុងឱកាសនោះ សម្តេចធិបតី ហ៊ុន ម៉ាណែត បានថ្លែងថា ការបំពេញភារកិច្ចយោធិនគ្រប់លំដាប់ថ្នាក់នៃកងយោធពលខេមរភូមិន្ទត្រូវអនុវត្ត និង ប្រកាន់ខ្ជាប់នូវអភិក្រម «ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់»។ មេបញ្ជាការគ្រប់ថ្នាក់ ត្រូវមានវិធានការចាត់តាំងផ្សព្វផ្សាយ គ្រប់គ្រង ស្តាប់ឲ្យជាប់នូវសតិអារម្មណ៍យោធិន ដើម្បីធ្វើការកែតម្រូវទាន់ពេលវេលា៕អត្ថបទ៖ វ៉ន ដារ៉ា

សម្ដេចធិបតី៖ ពិធីបុណ្យចូលឆ្នាំថ្មីឆ្នាំនេះ រៀបចំបានល្អបង្កភាពសប្បាយរីករាយ ជូនពលរដ្ឋគ្រប់ទីកន្លែង

ភ្នំពេញ៖ ក្នុងឱកាស អញ្ជើញជាអធិបតីសម្ពោធដាក់ឱ្យប្រើប្រាស់អគារសហសិក្សា អគារស្នាក់នៅ និងអគារអាហារដ្ឋាននៅសាកលវិទ្យាល័យការពារជាតិ នាព្រឹកថ្ងៃទី១៩ ខែមេសានេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានកត់សម្គាល់ឃើញថា ការរៀបចំពិធីបុណ្យចូលឆ្នាំថ្មីប្រពៃណីជាតិនៅឆ្នាំនេះរៀបចំបានល្អ បង្កភាពសប្បាយរីករាយជូនប្រជាពលរដ្ឋនៅគ្រប់ទីកន្លែង។ ក្នុងឱកាសនោះ សម្ដេចបានថ្លែងអំណរគុណយ៉ាងជ្រាលជ្រៅចំពោះក្រសួង-ស្ថាប័ន អាជ្ញាធរដែនដីគ្រប់លំដាប់ថ្នាក់ គ្រប់រាជធានី-ខេត្ត ក៏ដូចជានៅក្រៅប្រទេសផងដែរ ដែលបានចូលរួមសហការបំពេញភារកិច្ចរៀបចំ តុបតែង និងប្រចាំការការពារសន្តិសុខសណ្តាប់ធ្នាប់ ធានាបាននូវសុវត្ថិភាព បង្កលក្ខណៈដល់ការកម្សាន្តសប្បាយដល់ប្រជាពលរដ្ឋ ធ្វើឱ្យការប្រារព្ធពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំរោង ឆស័ក ព.ស ២៥៦៨ នៅទូទាំងប្រទេស បានប្រព្រឹត្តទៅដោយភាពសប្បាយរីករាយ សោភ័ណភាព សេចក្តីថ្លៃថ្នូរ សុខសុវត្ថិភាព របៀបរៀបរយល្អ ប្រកបដោយមោទកភាពជាតិ។សូមជម្រាបថា «កម្ពុជាមានសន្តិភាពពេញលេញ» ទើបអាចមានព្រឹត្តការណ៍ ពិធីបុណ្យចូលឆ្នាំថ្មីឆ្នាំនេះ «សង្ក្រាន្តឆ្នាំ២០២៤» នៅទូទាំង ២៥ រាជធានី-ខេត្ត ពោរពេញដោយភាពរីករាយ សប្បាយក្អាកក្អាយ របស់បងប្អូនប្រជាពលរដ្ឋដែលចូលរួមលេងកម្សាន្តទាំងនេះបាន។ ហើយលើសពីនេះមិនថា តែប្រជាពលរដ្ឋខ្មែរទេ ក្នុងនោះក៏មានភ្ញៀវបរទេសច្រើនកុះករបានមកលេងកម្សាន្ត ប្រកបដោយភាពសប្បាយរីករាយ និងមានទំនុកចិត្តលើសុវត្ថិភាពរបស់ខ្លួនដោយមិនមានការភ័យខ្លាចអ្វីទាំងអស់៕អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

អ្នកតាំងលំនៅអ៊ីស្រាអែល ចូលទៅទស្សនាវិហារឥស្លាម Al-Aqsa អមដំណើរដោយនគរបាលអ៊ីស្រាអែល

ឯកឧត្តម ស៊ុន ចាន់ថុល ស្នើក្រុមហ៊ុន Medline ពិចារណាពង្រីកការទិញផលិតផលបរិក្ខាពេទ្យ ដែលផលិតនៅកម្ពុជាបន្ថែម និងពិនិត្យលទ្ធភាពដាក់ទុនវិនិយោគបង្កើតរោងចក្រនៅកម្ពុជាដោយផ្ទាល់

មេដឹកនាំរបបយោធាប្រទេសហ្គីណេ ឈរឈ្មោះជាប្រធានាធិបតី

កងទ័ពអ៊ុយក្រែនបានប្រើដ្រូនជាង ១២០ គ្រឿង ក្នុងការវាយប្រហារលើតំបន់ Belgorod របស់រុស្ស៊ី

លោកMedvedev៖ លោកខាងលិចចំណាយកាន់តែច្រើនលើអ៊ុយក្រែន រុស្ស៊ីនឹងដណ្តើមយកទឹកដីមកវិញកាន់តែច្រើន

មនុស្សយ៉ាងហោចណាស់៥លាននាក់ ត្រូវការជំនួយខណៈស្បៀងសង្គ្រោះទៅដល់តំបន់ការ៉ាអ៊ីប រងគ្រោះដោយព្យុះសង្ឃរា

លោក Trump និយាយថា លោកចង់កាត់បន្ថយអាវុធនុយក្លេអ៊ែរ

ឧបនាយករដ្ឋមន្ត្រីចិន សង្ឃឹមថាទីក្រុងហុងកុងអាចពង្រឹងទំនាក់ទំនងហិរញ្ញវត្ថុជាមួយចិនដីគោក

ពលរដ្ឋរស់នៅម្តុំច្រកចូលប្រាសាទតាមាន់ បង្ហាញការត្រេកអរក្រោយកងទ័ពកម្ពុជា និងថៃដកអាវុធធុនធ្ងន់ចេញឆ្ងាយពីទីតាំងជម្លោះ

អង្គការ ICRC ព្រមានអំពី «គំរូនៃអំពើហិង្សា» ប្រឆាំងនឹងបុគ្គលិកជំនួយនៅហ្កាហ្សា និងប្រទេសស៊ូដង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្រុមហ៊ុន TikTok លើកឡើងការព្រួយបារម្ភអំពីសេចក្តីស្នើច្បាប់អនុម័តដោយសភាអាមេរិក

រុស្ស៊ី៖ អាមេរិក ប្រឈមភាពអាម៉ាស់ ក្នុងសង្រ្គាមអ៊ុយក្រែន ដូចនៅវៀតណាម និងអាហ្វហ្គានីស្ថាន

នាយករដ្ឋមន្ត្រីអ៊ីស្រាអែល នឹងច្រានចោលការដាក់ទណ្ឌកម្មណាមួយលើអង្គភាពយោធា

កូនប្រុសលោកស្រី អ៊ុងសាន ស៊ូជី បារម្ភថាម្ដាយខ្លួនត្រូវរបបសឹកមីយ៉ាន់ម៉ា ប្រើជាខែល

ប្រធាន CIA ព្រមានថា អ៊ុយក្រែនអាចចាញ់សង្គ្រាមនៅឆ្នាំនេះ បើពុំមានជំនួយយោធាថ្មី

ពលរដ្ឋប៉ូឡូញ ត្រូវបានគេចោទប្រកាន់ពីបទធ្វើចារកម្មឲ្យរុស្ស៊ី ក្នុងផែនការធ្វើឃាតលោកហ្សេឡិនស្គី

កូរ៉េខាងជើង បញ្ចេញបទចម្រៀងថ្មី ក្រោមចំណងជើងថា"Friendly Father" កោតសរសើរលោក Kimg Jong Un

សម្ដេចធិបតី៖ ទោះក្នុងតម្លៃណាត្រូវតែរក្សាសន្ដិភាពរបស់កម្ពុជា មិនឱ្យមានបដិវត្តន៍ពណ៌កើតឡើងឡើយ

សម្ដេចធិបតី៖ ពិធីបុណ្យចូលឆ្នាំថ្មីឆ្នាំនេះ រៀបចំបានល្អបង្កភាពសប្បាយរីករាយ ជូនពលរដ្ឋគ្រប់ទីកន្លែង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រុមហ៊ុន TikTok លើកឡើងការព្រួយបារម្ភអំពីសេចក្តីស្នើច្បាប់អនុម័តដោយសភាអាមេរិក

រុស្ស៊ី៖ អាមេរិក ប្រឈមភាពអាម៉ាស់ ក្នុងសង្រ្គាមអ៊ុយក្រែន ដូចនៅវៀតណាម និងអាហ្វហ្គានីស្ថាន

នាយករដ្ឋមន្ត្រីអ៊ីស្រាអែល នឹងច្រានចោលការដាក់ទណ្ឌកម្មណាមួយលើអង្គភាពយោធា

កូនប្រុសលោកស្រី អ៊ុងសាន ស៊ូជី បារម្ភថាម្ដាយខ្លួនត្រូវរបបសឹកមីយ៉ាន់ម៉ា ប្រើជាខែល

ប្រធាន CIA ព្រមានថា អ៊ុយក្រែនអាចចាញ់សង្គ្រាមនៅឆ្នាំនេះ បើពុំមានជំនួយយោធាថ្មី

ពលរដ្ឋប៉ូឡូញ ត្រូវបានគេចោទប្រកាន់ពីបទធ្វើចារកម្មឲ្យរុស្ស៊ី ក្នុងផែនការធ្វើឃាតលោកហ្សេឡិនស្គី

កូរ៉េខាងជើង បញ្ចេញបទចម្រៀងថ្មី ក្រោមចំណងជើងថា"Friendly Father" កោតសរសើរលោក Kimg Jong Un

សម្ដេចធិបតី៖ ទោះក្នុងតម្លៃណាត្រូវតែរក្សាសន្ដិភាពរបស់កម្ពុជា មិនឱ្យមានបដិវត្តន៍ពណ៌កើតឡើងឡើយ

សម្ដេចធិបតី៖ ពិធីបុណ្យចូលឆ្នាំថ្មីឆ្នាំនេះ រៀបចំបានល្អបង្កភាពសប្បាយរីករាយ ជូនពលរដ្ឋគ្រប់ទីកន្លែង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍