នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
នាយកប្រតិបត្តិអង្គការ HFHI កោតសរសើរគោលនយោបាយ​អភិវឌ្ឍលំនៅដ្ឋានរបស់កម្ពុជា​
ឯកអគ្គរាជទូតជប៉ុនថ្មី ប្តេជ្ញាបន្តពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែរឹងមាំ និងស៊ីជម្រៅ
សម្ដេចតេជោផ្ដល់អនុសាសន៍ដល់គុនខ្មែរ និងសមាគមខ្មែរនៅជប៉ុនឱ្យខិតខំបន្ថែម ដើម្បីនិរន្តរភាពស្ថាប័ន
តំណាងពិសេសរបស់អគ្គលេខាធិការអង្គការសហប្រជាជាតិ កោតសរសើរកម្ពុជាលើការអនុវត្តផែនការសកម្មភាពជាតិស្តីពីការបង្ការ និងការឆ្លើយតបចំពោះអំពើហិង្សាលើកុមារ

នយោបាយ​ និង ការអភិវឌ្ឍន៍

បារាំង និងប្រធានគណៈកម្មការអឺរ៉ុប ជំរុញលោក Xi ស្ដីពីតុល្យភាពពាណិជ្ជកម្មក្នុងកិច្ចពិភាក្សានៅក្រុងប៉ារីស

2024/05/07 05:12:24 pm        144
Facebook Telegram Linkin
លោកប្រធានាធិបតីបារាំង Emmanuel Macron និងប្រធានគណៈកម្មការសហភាពអឺរ៉ុប (EU) លោកស្រី អឺស៊ូឡា វ៉ុន ឌើ យ៉េយិន (Ursula von der Leyen) បានជំរុញប្រទេសចិនធានាឱ្យមានតុល្យភាពពាណិជ្ជកម្មបន្ថែមទៀតនៅពេលចាប់ផ្តើមដំណើរទស្សនកិច្ចរបស់លោកប្រធានាធិបតី Xi Jinping ទៅកាន់ទីក្រុងប៉ារីស អំឡុងលោក Macron ត្រូវក៏បានដាក់សម្ពាធលើលោក Xi លើ វិបត្តិសង្គ្រាមអ៊ុយក្រែន ផងដែរ។ លោក Xi កំពុងមានវត្តមានក្នុងទ្វីបអឺរ៉ុប ជាលើកដំបូងក្នុងរយៈពេល ៥ ឆ្នាំ ខណៈមានភាពតានតឹងផ្នែកធុរកិច្ចកាន់តែខ្លាំង ដែលរួមមានទាំងសហភាពអឺរ៉ុប កំពុងស៊ើបអង្កេតលើឧស្សាហកម្មចិនដូចជាការនាំចេញរថយន្តអគ្គិសនី (EV) ជាដើម ទន្ទឹមនឹងទីក្រុងប៉េកាំង ស៊ើបអង្កេតការនាំចូលផលិតផលមានម៉ាកយីហោផលិតពីបារាំងភាគច្រើន។ លោក Macron បាននិយាយថា អឺរ៉ុប និងចិនត្រូវការដោះស្រាយការលំបាករចនាសម្ព័ន្ធ ជាពិសេសលើពាណិជ្ជកម្ម។មេដឹកនាំបារាំងរូបនេះ លើកឡើងនៅពេលមេដឹកនាំទាំងបីអង្គុយនៅតុមូលក្នុងវិមាន អេលីហ្សេ(Elysee)ថាអនាគតនៃទ្វីបរបស់យើងក៏នឹងពឹងផ្អែកយ៉ាងច្បាស់ផងដែរទៅលើសមត្ថភាពរបស់យើងក្នុងការអភិវឌ្ឍបន្ថែមទៀតនៅក្នុងរបៀបតុល្យភាពទំនាក់ទំនងរបស់យើងជាមួយប្រទេសចិន។ លោកស្រី ឡេ យិន និយាយថា ទំនាក់ទំនង សហភាពអឺរ៉ុប និងប្រទេសចិន ត្រូវបានប៉ះពាល់ដោយការទទួលបានទីផ្សារមិនស្មើភាពគ្នា និងការឧបត្ថម្ភធនបម្រុងរដ្ឋរបស់ចិន។ បន្ទាប់ពីជំនួបនោះ លោកស្រីបានប្រាប់អ្នកសារព័ត៌មានថា សហភាពអឺរ៉ុប មិនអាចស្រូបយកការផលិតទំនិញឧស្សាហកម្មរបស់ចិនច្រើនហួសប្រមាណ ដែលជាន់ពន្លិចទីផ្សាររបស់ខ្លួនបានទេ ដោយបន្ថែមថា អឺរ៉ុបនឹងមិនងាកចេញពីការសម្រេចចិត្តដ៏តឹងតែងដែលចាំបាច់ដើម្បីការពារទីផ្សាររបស់ខ្លួនឡើយ។ចំណែកលោកប្រធានាធិបតីចិន វិញបានលើកឡើងថា ទំនាក់ទំនងរបស់ចិន ជាមួយអឺរ៉ុប គឺចំណុចអាទិភាពសម្រាប់គោលនយោបាយបរទេសរបស់ខ្លួន៕

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញជាអធិបតី “ ប្រកាសដាក់ឱ្យអនុវត្តជាផ្លូវការ ប្រព័ន្ធបញ្ជរតែមួយជាតិ ”

2024/05/07 03:55:04 pm        233
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី៧ ឧសភា ២០២៤ បានអញ្ជើញជាអធិបតី “ ប្រកាសដាក់ឱ្យអនុវត្តជាផ្លូវការ ប្រព័ន្ធបញ្ជរតែមួយជាតិ ”។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ នៅមុនវិបត្តិកូវីដសកល កម្ពុជាជាប្រទេសដែល មានកំណើនសេដ្ឋកិច្ចខ្ពស់ជាងគេទាំងក្នុងតំបន់ និងសកលលោក ដោយកំណើនសេដ្ឋកិច្ចកម្ពុជាស្ថិត ក្នុងរង្វង់ ៧ ភាគរយ។ ក្រោយវិបត្តិកូវីដសកលធូរស្រាល កំណើនសេដ្ឋកិច្ចកម្ពុជាបានស្ទុះងើបឡើង វិញយ៉ាងឆាប់រហ័ស។ កំណើនសេដ្ឋកិច្ចកម្ពុជា ភាគច្រើនទ្រទ្រង់ដោយវិស័យពាណិជ្ជកម្ម។-សម្ដេចធិបតី ហ៊ុន ម៉ាណែត មានប្រសាសន៍ថា ការដាក់ឱ្យអនុវត្តជាផ្លូវការនូវ «ប្រព័ន្ធបញ្ជរតែមួយជាតិ» ក្នុងថ្ងៃនេះ គឺជាសមិទ្ធិផលថ្មីមួយទៀតរបស់រាជរដ្ឋាភិបាល ក្នុងកិច្ចប្រឹងប្រែងធ្វើឱ្យប្រសើរឡើងនូវបរិយាកាសធុរកិច្ច ជំរុញការធ្វើពាណិជ្ជកម្ម និងលើកកម្ពស់កំណើនសេដ្ឋកិច្ចនៅកម្ពុជា។-សម្ដេចធិបតី ហ៊ុន ម៉ាណែត មានប្រសាសន៍ថា «ប្រព័ន្ធបញ្ជរតែមួយជាតិ» គឺជាប្រព័ន្ធថ្មីមួយទៀត របស់អគ្គនាយកដ្ឋានគយ និងរដ្ឋាករកម្ពុជា ដែលបំពេញបន្ថែម និងធ្វើការជាមួយប្រព័ន្ធដែលមានស្រាប់ ដូចជា E-customs, ASYCUDA, Pre-Arrival Manifest System ជាដើម។-សម្ដេចធិបតី ហ៊ុន ម៉ាណែត បញ្ជាក់ថា «ប្រព័ន្ធបញ្ជរតែមួយជាតិ» នឹងអនុញ្ញាតឱ្យអ្នកនាំចេញ-នាំចូលទំនិញ អាចដាក់ស្នើសុំ អាជ្ញាបណ្ណ, លិខិតអនុញ្ញាត, វិញ្ញាបនបត្រ, និងឯកសារតម្រូវផ្សេងទៀត ពាក់ព័ន្ធការនាំ ចេញ-នាំចូលទំនិញ ទៅគ្រប់ក្រសួង-ស្ថាប័នមានសមត្ថកិច្ច តែមួយលើករួមគ្នា ដើម្បីទទួលបានការអនុញ្ញាត សម្រាប់យកទៅប្រើប្រាស់ក្នុងការបំពេញបែបបទបញ្ចេញទំនិញពីគយ តាមមធ្យោបាយអេឡិចត្រូនិក។-សម្ដេចធិបតី ហ៊ុន ម៉ាណែត «ប្រព័ន្ធបញ្ជរតែមួយជាតិ» ក៏មានមុខងារដ៏សំខាន់ ក្នុងការតភ្ជាប់ទៅកាន់ប្រព័ន្ធបញ្ជរតែមួយអាស៊ាន ដើម្បីផ្លាស់ប្តូរទិន្នន័យវិញ្ញាបនបត្របញ្ជាក់ដើមកំណើតទំនិញ, ទិន្នន័យឯកសារប្រតិវេទន៍គយ និងទិន្នន័យឯកសារពាណិជ្ជកម្មផ្សេងទៀត តាមទម្រង់អេឡិចត្រូនិក ជាមួយបណ្តាប្រទេសជាសមាជិកអាស៊ានផងដែរ។-សម្ដេចធិបតី ហ៊ុន ម៉ាណែត បញ្ជាក់ថា ការដាក់ឱ្យអនុវត្តប្រព័ន្ធបញ្ជរតែមួយជាតិ នឹងនាំមកនូវផលប្រយោជន៍ជាច្រើន ទាំងសម្រាប់វិស័យសាធារណៈ និងវិស័យឯកជន។-សម្ដេចធិបតី ហ៊ុន ម៉ាណែត បន្តថា សម្រាប់វិស័យសាធារណៈ ប្រព័ន្ធបញ្ជរតែមួយជាតិ មានតួនាទីសំខាន់ក្នុងការសម្របសម្រួល និងការពង្រឹងកិច្ចសហការ រវាងក្រសួង ស្ថាប័នជំនាញពាក់ព័ន្ធ សំដៅបង្កើនប្រសិទ្ធភាព និងស័ក្តិសិទ្ធភាពបន្ថែមទៀត នូវកិច្ចសម្រួលពាណិជ្ជកម្ម។ ជាពិសេសសម្រួលដល់ការបំពេញឱ្យបានឆាប់នូវបែបបបទនាំចេញ-នាំចូលទំនិញ ស្របតាមយុទ្ធសាស្រ្ត និងគោលនយោបាយ របស់រាជរដ្ឋា ភិបាល។-សម្ដេចធិបតី ហ៊ុន ម៉ាណែត មានប្រសាសន៍ថា «ប្រព័ន្ធបញ្ជរតែមួយជាតិ»នេះ ក៏នឹងផ្តល់អត្ថប្រយោជន៍សំខាន់ដល់ក្រសួង-ស្ថាប័នជំនាញពាក់ព័ន្ធឱ្យទទួលបាននូវព័ត៌មាន និងទិន្នន័យត្រឹមត្រូវ និងទាន់ពេល សម្រាប់ធ្វើការវិភាគវាយតម្លៃហានិភ័យ និងសម្រាប់ប្រើប្រាស់តាមតម្រូវការផ្សេងទៀត។-សម្ដេចធិបតី ហ៊ុន ម៉ាណែត បញ្ជាក់ថា តាមរយៈការដាក់ឱ្យអនុវត្ត «ប្រព័ន្ធបញ្ជរតែមួយជាតិ»នេះ សម្រាប់វិស័យឯកជន ក៏នឹងទទួលបានអត្ថប្រយោជន៍ជាច្រើនផងដែរ ដូចជា ចំណេញពេល ព្រមទាំងការកាត់បន្ថយចំណាយ។-សម្ដេចធិបតី ហ៊ុន ម៉ាណែត បន្តថា ជាពិសេស ការកាត់បន្ថយការិយាធិបតេយ្យក្នុងការរត់ការឆ្លងកាត់ពីក្រសួង-ស្ថាប័នមានសមត្ថកិច្ចមួយ ទៅមួយទៀត ពាក់ព័ន្ធនឹងការស្នើសុំអាជ្ញាបណ្ណ, លិខិតអនុញ្ញាត, វិញ្ញាបនបត្រ, និង ឯកសារតម្រូវផ្សេងៗ, សម្រាប់ការនាំចេញ-នាំចូលទំនិញ។-សម្ដេចធិបតី ហ៊ុន ម៉ាណែត បន្ថែមថា លើសពីនេះ តាមរយៈការដាក់ឱ្យអនុវត្ត «ប្រព័ន្ធបញ្ជរតែមួយជាតិ» ប្រតិបត្តិករនៃវិស័យឯកជន ក៏អាចប្រើប្រាស់ឡើងវិញនូវទិន្នន័យក្នុងប្រព័ន្ធ សម្រាប់ជាប្រយោជន៍ក្នុងការគ្រប់គ្រងទិន្នន័យរបស់ខ្លួន ឱ្យបានទាន់ពេល, មានសង្គតិភាព និងមានភាពច្បាស់លាស់ផងដែរ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ ប្រព័ន្ធបញ្ជរតែមួយជាតិ ជាប្រព័ន្ធដែលជួយឱ្យ ចំណេញពេល កាត់បន្ថយការចំណាយ ដោយមិនចាំបាច់រត់ការបំពេញបែបបទពីស្ថាប័នមួយទៅស្ថាប័ នមួយទៀត។ ប្រព័ន្ធបញ្ជរតែមួយជាតិ ជាប្រព័ន្ធដែលតម្រូវឱ្យដាក់ការស្នើសុំតែម្ដង ក្នុងពេលតែមួយ នឹងបានទៅដល់ស្ថាប័នមានសមត្ថកិច្ចពាក់ព័ន្ធនឹងការនាំចេញ-នាំចូលចំនួន ២១ ស្ថាប័នតែម្ដង។-សម្ដេចធិបតី ហ៊ុន ម៉ាណែត លើកទឹកចិត្តឱ្យវិស័យឯកជនចូលរួមប្រើប្រាស់ និងផ្ដល់ធាតុចូលបន្ថែមលើការប្រើប្រាស់ «ប្រព័ន្ធបញ្ជរតែមួយជាតិ»នេះ ដើម្បីឱ្យការប្រើប្រាស់រឹតតែមានប្រសិទ្ធភាព តាមរយៈគោលការណ៍ជួយគិត ជួយទទួលខុសត្រូវ។

[BREAKING NEWS] ក្រុមហាម៉ាស ទទួលយកសំណើបទឈប់បាញ់ ខណៈអ៊ីស្រាអែល បន្តជំរុញឲ្យពលរដ្ឋក្រុងរ៉ាហ្វា ជម្លៀសចេញពីរ៉ាហ្វា

2024/05/07 02:52:05 pm        252
Facebook Telegram Linkin
ក្រុមហាម៉ាសកាលពីថ្ងៃចន្ទទី ៦ ឧសភា បាននិយាយថា ខ្លួនបានទទួលយកសំណើសម្រាប់បទឈប់បាញ់ក្នុងសង្គ្រាមរយៈពេល៧ខែនៅដែនដីហ្កាហ្សា ខណៈអ៊ីស្រាអែលបានបន្តបញ្ជាឱ្យពលរដ្ឋប៉ាឡេស្ទីននៅទីក្រុង រ៉ាហ្វា ជម្លៀសចេញ មុនពេលការឈ្លានពានដែលខ្លួនបានគំរាមជាយូរមកហើយ។ អ៊ីស្រាអែល និយាយថាខ្លួន ចាប់ផ្តើមប្រតិបត្តិការសឹកលើទីក្រុងរ៉ាហ្វា បន្ទាប់ពីក្រុមហាម៉ាសឯកភាពលើកិច្ចព្រមព្រៀងបទឈប់បាញ់។ សម្ព័ន្ធមិត្តជិតស្និទ្ធរបស់អ៊ីស្រាអែល គឺសហរដ្ឋអាមេរិក បាននិយាយថា ខ្លួនកំពុងពិនិត្យឡើងវិញចំពោះការឆ្លើយតបរបស់ក្រុមហាម៉ាស។ អ្នកនាំពាក្យយោធាអ៊ីស្រាអែលលោក Daniel Hagari បាននិយាយថា យន្តហោះរបស់ខ្លួនបានដាក់គោលដៅជាង៥០កន្លែងលើគោលដៅនានានៅក្នុងតំបន់រ៉ាហ្វា កាលពីថ្ងៃចន្ទ។ចំណែកប្រភពពីប្រទេសអេហ្ស៊ីប វិញនិយាយថាអ៊ីស្រាអែលគ្រាន់តែវាយប្រហារបណ្ដោះអាសន្នប៉ុណ្ណោះ។ ការិយាល័យរបស់លោកនាយករដ្ឋមន្ត្រីអ៊ីស្រាអែល Benjamin Netanyahu បាននិយាយថា សំណើនេះ នៅឆ្ងាយពីការទាមទារសំខាន់ៗរបស់អ៊ីស្រាអែល ប៉ុន្តែរដ្ឋាភិបាលនឹងបញ្ជូនក្រុមអ្នកចរចាសម្រាប់កិច្ចពិភាក្សា ដើម្បីស្រោចស្រង់កិច្ចព្រមព្រៀងដ៏សំខាន់នេះ។ សមាជិកក្រុមហាម៉ាស លោក ខាលីល អាល់ ហាយ៉ា (Khalil al-Hayya) បានប្រាប់ទូរទស្សន៍ Al Jazeera ដែលមានមូលដ្ឋាននៅកាតាថា សំណើដែលក្រុមហាម៉ាស បានយល់ព្រម រួមមានបទឈប់បាញ់បីដំណាក់កាល។ លោកបាននិយាយថា បទឈប់បាញ់នេះ រួមបញ្ចូលទាំងការដកទ័ពអ៊ីស្រាអែលទាំងស្រុងចេញពីតំបន់ហ្កាហ្សា ការវិលត្រឡប់របស់ជនជាតិប៉ាឡេស្ទីនដែលភៀសខ្លួនដោយសង្រ្គាម និងការដោះដូរចំណាប់ខ្មាំង និងអ្នកទោស ក្នុងបំណងឲ្យមានបទឈប់បាញ់ជាអចិន្ត្រៃយ៍៕

ពលរដ្ឋជាច្រើនភូមិរស់នៅទីប្រជុំជនក្នុងឃុំស្រុកអន្លង់វែង ប្រឈមគ្មានទឹកស្អាតប្រើប្រាស់

2024/05/06 09:54:11 pm        234
Facebook Telegram Linkin
ឧត្ដរមានជ័យ៖ ប្រជាពលរដ្ឋចំនួន១៥ភូមិ នៃទីប្រជុំជន ក្នុងឃុំអន្លង់វែង ស្រុកអន្លង់វែង ខេត្តឧត្តរមានជ័យ បច្ចុប្បន្នកំពុងប្រឈមគ្មានប្រព័ន្ធទឹកស្អាតប្រើប្រាស់នៅឡើយ ខណៈមានស្ថានីយផ្គត់ផ្គង់ទឹកស្អាតបង្កើតក្បែរភូមិទាំងនោះយូរឆ្នាំមកហើយ ប៉ុន្តែនៅមិនមានឱកាសបានប្រើប្រាស់នោះឡើយ។លោក ជា ខ្លឹង វ័យ៥៦ ប្រជាពលរដ្ឋរស់នៅភូមិថ្នល់បំបែក និងភូមិអូរជីក ក៏ដូចជា​ពលរដ្ឋភូមិដទៃទៀត​ ក្នុងឃុំអន្លង់វែង បានលើកឡើងថា ពួកគាត់ប្រើប្រាស់ទឹកប្រចាំថ្ងៃ គឺទឹកអណ្តូង ស្រះ និងទឹកទិញពីអ្នកដឹកលក់តាម​រឺម៉កម៉ូតូ រថយន្ត យក​មកលក់គ្មាន​ទីតាំង​ប្រភពច្បាស់លាស់​ ក្នុងតម្លៃចាប់ពី៦០០០រៀលទៅ១២០០០រៀល ក្នុងមួយធុង។ហើយការប្រើប្រាស់ប្រភពទឹកទាំងអស់នេះ ថ្វីត្បិតមិនមានបញ្ហាប្រឈមទៅនឹងសុខភាព នាបច្ចុប្បន្ន តែមានការព្រួយបារម្ភពីសុខភាពនៅពេលថ្ងៃខាងមុខផងដែរ។អ្នកស្រី ផាវ វិន អាយុ៥០ ជាមេភូមិអូរជីក ឃុំអន្លង់វែង បានឱ្យដឹងថា មិនថា ទីប្រជុំជនក្នុងភូមិគាត់នោះទេ នៅភូមិទីប្រជុំជនដទៃទៀតក៏គ្មានទឹកស្អាតប្រើប្រាស់ដែរ។រីឯសម្រាប់ភូមិអ្នកស្រី ប្រជាពលរដ្ឋកន្លងមក បានស្នើសុំតាមរយៈអាជ្ញាធរភូមិ ឃុំ ស្រុក ដល់ក្រុមហ៊ុនផ្គត់ផ្គង់ទឹកស្អាតឱ្យមានការតភ្ជាប់បណ្តាញទឹកប្រើប្រាស់ដែរ ប៉ុន្តែក្រុមហ៊ុនផ្តល់​ចម្លើយត្រឡប់វិញ បានត្រឹមពាក្យថា ជិតហើយៗរហូតបច្ចុប្បន្ននេះ នៅតែពុំមានទឹកស្អាត​បានប្រើប្រាស់នោះទេ។យ៉ាងណាម៉ិញលោក វង្ស ភ័ក្រ មេឃុំអន្លង់វែង បានឧ្យដឹងថា ​នៅក្នុងឃុំអន្លង់វែង មានខ្នងផ្ទះ​ប្រជាពលរដ្ឋចំនួន ៧០០០ខ្នងផ្ទះជាង ស្មើនិងចំនួន១៦ភូមិ ក្នុងចំណោមភូមិទាំងនោះ មាន​ប្រជាពលរដ្ឋតែមួយភូមិអូរចិញ្ចៀនមួយតែប៉ុណ្ណោះ ដែលមានប្រព័ន្ធទឹកស្អាតបានប្រើប្រាស់ ពោលគឺភូមិក្រៅពីនោះដទៃទៀតមិនមានទឹកស្អាតប្រើប្រាស់នោះទេ។ពាក់ព័ន្ធបញ្ហាប្រឈមខាងលើ ក្រុមហ៊ុន​ទទួលបាន​សិទ្ធិ​ផ្គត់ផ្គង់​ទឹកស្អាត​នៅទីប្រជុំជន ឃុំស្រុកអន្លង់វែង អ្នកព័ត៌មាន យើង មិនអាចសុំការបំភ្លឺបាននោះទេ ដោយពុំមានលេខសម្រាប់​ទំនាក់ទំនង។បញ្ហានេះ ពលរដ្ឋ បានបង្ហើបថា ម្ចាស់ក្រុមហ៊ុនផ្គត់ផ្គង់ទឹកស្អាតស្រុកអន្លង់វែង គឺជារបស់លោក​ឧកញ៉ា​ លឹម ហេង ​ដែលជាថៅកែកាស៊ីណូច្រកជាំសាងាំរីសត ។គួរបញ្ជាក់ថា បច្ចុប្បន្ន​រាជរដ្ឋាភិបាល ​នីតិកាលទី៧​ នៃរដ្ឋសភា ​នៅតែបន្តផ្តល់ការយកចិត្តទុកដាក់​គិតគូរ​ខ្ពស់​ និងផ្តល់អាទិភាពខ្ពស់បំផុត​ នូវការថែរក្សាសុខសន្តិភាព​ ស្ថិរភាពសង្គម ​សេដ្ឋកិច្ច និង​ការអភិវឌ្ឍជាតិ​ ព្រមទាំងការកែទម្រង់សំខាន់ៗ​ ក្នុងគោលដៅ​បម្រើ​ឧត្តម​ប្រយោជន៍ជាតិ ដោយ​ឆ្លើយតប​ទាន់ពេលវេលា​ទៅ​នឹងសំណូមពរ​ ព្រមទាំងសេចក្តីត្រូវការ​របស់​ប្រជាពលរដ្ឋ​ផងដែរ៕ 

លោក ណេតាន់យ៉ាហ៊ូ៖ អ៊ីស្រាអែល នឹងបន្តប្រយុទ្ធនៅតំបន់ហ្កាហ្សា រហូតដល់ទទួលបានជ័យជម្នះ

2024/05/06 09:24:36 pm        216
Facebook Telegram Linkin
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ ( Benjamin Netanyahu) បាននិយាយថា ប្រទេសនេះ នឹងបន្តសង្រ្គាមនៅតំបន់ហ្កាហ្សាស្ទ្រី រហូតដល់គោលដៅទាំងអស់ ត្រូវបានសម្រេច ហើយបានស្តីបន្ទោសក្រុមសកម្មប្រយុទ្ធប៉ាឡេស្ទីនហាម៉ាសចំពោះការជាប់គាំងការចរចាជុំវិញបទឈប់បាញ់បណ្តោះអាសន្ន។លោក ណេតាន់យ៉ាហ៊ូ បាននិយាយក្នុងសារជាវីដេអូ កាលពីថ្ងៃអាទិត្យថា៖«ការលើកឡើងចំពោះការទាមទាររបស់ក្រុមហាម៉ាស នឹងជាការបរាជ័យដ៏អាក្រក់សម្រាប់រដ្ឋអ៊ីស្រាអែល។ «វានឹងជាជ័យជម្នះដ៏ អស្ចារ្យសម្រាប់ក្រុមហាម៉ាស អ៊ីរ៉ង់ និងអ័ក្សនៃអំពើអាក្រក់ទាំងមូល។ វានឹងបង្ហាញពីភាពទន់ខ្សោយដ៏គួរឲ្យ ភ័យខ្លាចចំពោះមិត្តរបស់យើង និងសត្រូវរបស់យើង»។លោកបានព្រមានថា ប្រសិនបើអ៊ីស្រាអែលបង្ហាញភាពទន់ខ្សោយតាមវិធីនេះ វានឹងនាំឲ្យសង្រ្គាមបន្ទាប់កាន់តែខិតជិតឡើង» ហើយវានឹងរុញច្រានឲ្យផុតកិច្ចព្រមព្រៀងសន្តិភាពបន្ទាប់» ពីព្រោះសម្ព័ន្ធភាព មិនត្រូវបានធ្វើឡើងដោយអ្នកទន់ខ្សោយនោះទេ ហើយសម្ព័ន្ធភាព ត្រូវបានធ្វើឡើងជាមួយអ្នកខ្លាំង និងជ័យជម្នះ»។កិច្ចពិភាក្សាដែលត្រូវបានសម្របសម្រួល បានប្រព្រឹត្តទៅនៅទីក្រុងគែរ ដោយមានការចូលរួមពីតំណាងមកពីក្រុមហាម៉ាស ជាមួយនឹងក្តីសង្ឃឹមថា នឹងធានាបាននូវការដោះលែងចំណាប់ថ្នូរ ដែលនៅសេសសល់នៅតំបន់ហ្កាហ្សាជាថ្នូរនឹងអ្នកទោសប៉ាឡេស្ទីនដែលកំពុងជាប់ឃុំនៅក្នុងពន្ធនាគាររបស់អ៊ីស្រាអែល ហើយក៏មានការពិភាក្សាអំពីលទ្ធភាពបទឈប់បាញ់ផងដែរ។លោក ណេតាន់យ៉ាហ៊ូ បាននិយាយថា អ៊ីស្រាអែល បានបង្ហាញពីភាពបត់បែន ក្នុងអំឡុងពេលការចរចានៅទីក្រុងគែរ ខណៈដែលក្រុមហាម៉ាស កំពុងប្រកាន់ខ្ជាប់នូវ«ជំហរជ្រុលនិយមរបស់ខ្លួន ជាដំបូង និងសំខាន់បំផុត គឺការដកកងកម្លាំងរបស់យើងចេញពីតំបន់ហ្កាហ្សាស្ទ្រីប ការបញ្ចប់សង្រ្គាម និងទុកឲ្យក្រុមហាម៉ាស នៅដដែល»។

កូរ៉េខាងជើងគាំទ្រមេដឹកនាំលោក គីម ជាមួយនឹងពាក្យសច្ចាប្រណិធានស្មោះត្រង់ ក្នុងថ្ងៃខួបកំណើត

2024/05/06 08:53:39 pm        132
Facebook Telegram Linkin
វិទ្យាស្ថានស្រាវជ្រាវរបស់ប្រទេសកូរ៉េខាងត្បូង បានឲ្យដឹងថា ជាលើកដំបូង គិតចាប់តាំងពីមេដឹកនាំ លោក Kim Jong Un (គីម ជុងអ៊ុន) ឡើងកាន់អំណាចក្នុងឆ្នាំ២០១១ ប្រជាជនកូរ៉េខាងជើងត្រូវបានស្នើឲ្យស្បថសច្ចាប្រណិធាន នៅថ្ងៃខួបកំណើតរបស់លោក ចំពេលដែលប្រទេសនេះកំពុងចាត់វិធានការផ្សេងៗទៀត ដើម្បីពង្រឹងការគ្រប់គ្រងរបស់មេដឹកនាំរូបនេះ។ពាក្យសច្ចាប្រណិធានស្មោះត្រង់ ដែលសារព័ត៌មាន Reuters មិនអាចផ្ទៀងផ្ទាត់ដោយឯករាជ្យបាននោះ ត្រូវបានគ្រប់គ្រងត្រួតពិនិត្យ ពោលគឺជាអ្វីដែលគេជឿថា ថ្ងៃខួបកំណើតគម្រប់ ៤០ឆ្នាំរបស់លោក គីម នៅថ្ងៃទី៨ ខែមករា។ នេះបើយោងតាមវិទ្យាស្ថាន South & North Development Institute (SAND) ជាស្ថាប័នដែលមានមូលដ្ឋាន នៅទីក្រុងសេអ៊ូល ដែលបានចេញផ្សាយរូបភាពនៃពាក្យសម្បថនេះ នៅក្នុងប័ណ្ណដែលមានការតុបតែងលម្អយ៉ាងស្រស់ស្អាតកាលពីថ្ងៃសុក្រសប្ដាហ៍កន្លងមក។គួរបញ្ជាក់ថា កូរ៉េខាងជើង មិនធ្លាប់បានបញ្ជាក់ជាផ្លូវការនូវថ្ងៃខែឆ្នាំកំណើតរបស់លោក គីម នោះឡើយ ហើយជាប្រពៃណី ពិធីសច្ចាប្រណិធានបែបនេះ ត្រូវបានធ្វើឡើងចំថ្ងៃខួបកំណើតរបស់ឪពុក និងជីតារបស់លោក ដែលជាមេដឹកនាំពីមុនរបស់ប្រទេសប្រដាប់អាវុធនុយក្លេអ៊ែរមួយនេះ។វិទ្យាស្ថាន SAND បានលើកឡើងនៅក្នុងការវិភាគមួយថា៖ «ការជ្រើសរើសរបស់លោក គីម ជុង អ៊ុន ដើម្បីធ្វើពិធីសច្ចាប្រណិធានក្នុងថ្ងៃខួបកំណើតគម្រប់ ៤០ឆ្នាំរបស់លោក ខណៈដែលលោកចាប់ផ្តើមឆ្នាំទី១៣ នៃការកាន់អំណាចរបស់លោកនោះ បង្ហាញពីសញ្ញាផ្លាស់ប្តូរឆ្ពោះទៅរកការអះអាងផ្នែកនយោបាយ ដោយចាកចេញពីវិធីសាស្រ្តរបស់អ្នកកាន់តំណែងមុនៗ»។ប្រធានវិទ្យាស្ថាន SAND លោក Choi Kyong-hui បានប្រាប់សារព័ត៌មាន Reuters ថា កូរ៉េខាងជើងអាចកំណត់ថ្ងៃខួបកំណើតរបស់លោក គីម ជាផ្លូវការឆាប់ៗនៅឆ្នាំក្រោយ។ សូមបញ្ជាក់ថា សន្តតិវង្សរបស់លោក គីម បានគ្រប់គ្រងប្រទេសនេះ ចាប់តាំងពីការបង្កើតឡើងក្រោយសង្គ្រាមលោកលើកទី២ ដោយពង្រឹងការក្ដោបក្ដាប់អំណាច ដោយការសាងការគោរពបូជាថ្នាក់ដឹកនាំ នៅជុំវិញពួកគេ៕

BREAKING NEWS សម្តេចធិបតី ហ៊ុន ម៉ាណែត សម្រេចផ្តល់ក្របខ័ណ្ឌជូនដល់សាច់ញាតិបង្កើត របស់យោធិនពលីទាំង ២០នាក់ ក្នុងឧបទ្ទវហេតុ នៅខេត្តកំពង់ស្ពឺ

2024/05/06 08:34:31 pm        407
Facebook Telegram Linkin
សម្តេចធិបតី ហ៊ុន ម៉ាណែត៖ "ខ្ញុំបានឃើញសាររបស់ក្មួយ ជាសំណាង រស្មីសត្យា ជាកូនបង្កើតរបស់វរសេនីយ៍ទោ ជា សំណាង ជាយោធិនដែលបានពលីក្នុងឧបទ្ទវហេតុផ្ទុះគ្រាប់នៅយោធភូមិភាគទី៣ ដោយក្មួយបានស្នើសុំក្របខ័ណ្ឌ ចូលបម្រើក្នុងជួរកងយោធពលខេមរភូមិន្ទដើម្បីបានបន្តវេន្តពីឪពុក។ ខ្ញុំឯកភាពតាមសំណើរបស់ក្មួយប្រុស រស្មីសត្យា។ មិនត្រឹមតែសម្រាប់ក្មួយប្រុស រស្មីសត្យា តែម្នាក់ទេ ខ្ញុំនឹងផ្តល់ក្របខ័ណ្ឌជូនដល់សាច់ញាតិបង្កើត របស់យោធិនពលីទាំង ២០នាក់ (អាចជាកូន ជាចៅ ឬជាបងប្អូនបង្កើត និងអាចជាស្រី ឬជាប្រុសក៏បាន) ដើម្បីអាចបានចូលបម្រើក្នុងជួរកងទ័ពបន្តវេនពីឳពុក ឬបងប្អូនរបស់គាត់"។

ហ្វីលីពីន៖ ខ្លួននឹងមិនប្រើកាណុងបាញ់ទឹក និងមិនបង្កើនភាពតានតឹង នៅក្នុងសមុទ្រចិនខាងត្បូងទេ

2024/05/06 07:44:56 pm        98
Facebook Telegram Linkin
ប្រធានាធិបតីហ្វីលីពីនលោក Ferdinand Marcos Jr នៅថ្ងៃចន្ទ (ទី៦ ខែឧសភា) នេះ បាននិយាយថា ប្រទេសរបស់លោកនឹងមិនប្រើប្រាស់កាណុងបាញ់ទឹក ឬអាវុធវាយប្រហារណាមួយ នៅក្នុងសមុទ្រចិនខាងត្បូងនោះទេ។លោក Marcos បានប្រាប់អ្នកសារព័ត៌មានថា រឿងចុងក្រោយដែលហ្វីលីពីនចង់ធ្វើ គឺមិនបង្កើនភាពតានតឹង នៅក្នុងផ្លូវទឹកយុទ្ធសាស្ត្រ។ លោក Marcos បាននិយាយថា៖ «យើងនឹងមិនដើរតាមឆ្មាំល្បាតសមុទ្រចិន និងនាវាចិននោះទេ» ដោយលោកបន្ថែមថា បេសកកម្មរបស់កងទ័ពជើងទឹក និងឆ្មាំល្បាតសមុទ្រហ្វីលីពីន គឺកាត់បន្ថយភាពតានតឹង ហើយមិនមានគម្រោងដំឡើងកាណុងបាញ់ទឹក នៅលើនាវានោះទេ។ពាក់ព័ន្ធនឹងការលើកឡើងរបស់ប្រធានាធិបតីហ្វីលីពីននេះ ស្ថានទូតចិនប្រចាំនៅទីក្រុងម៉ានីល មិនបានឆ្លើយតបភ្លាមៗនោះឡើយ ចំពោះសំណើសុំការអត្ថាធិប្បាយ។ គួបញ្ជាក់ថា កាលពីសប្តាហ៍មុន ទីក្រុងម៉ានីលបានតវ៉ា ចំពោះការប្រើប្រាស់កាណុងបាញ់ទឹករបស់ទីក្រុងប៉េកាំងប្រឆាំងនឹងនាវាហ្វីលីពីន នៅឯតំបន់ថ្មប៉ប្រះទឹកដែលមានជម្លោះ ក្នុងសមុទ្រចិនខាងត្បូង ដោយពណ៌នាការធ្វើបែបនោះថា វាជាការយាយី និង «សកម្មភាពបង្កគ្រោះថ្នាក់» ខណៈភាពតានតឹងក្នុងដែនទឹកមានជម្ល៉ោះ រវាងប្រទេសទាំង២ កើនឡើងក្នុងប៉ុន្មានខែថ្មីៗនេះ។គួរបញ្ជាក់បន្ថែមថា ប្រទេសចិនទាមទារអធិបតេយ្យភាពលើតំបន់ភាគច្រើននៃសមុទ្រចិនខាងត្បូង ដែលជាផ្លូវសម្រាប់ពាណិជ្ជកម្មប្រចាំឆ្នាំជាង ៣សែនកោដិដុល្លារ ក្នុងនោះរួមទាំងផ្នែកដែលទាមទារដោយហ្វីលីពីន វៀតណាម ឥណ្ឌូនេស៊ី ម៉ាឡេស៊ី និងប្រ៊ុយណេផងដែរ។ តុលាការអន្តរជាតិ ក្នុងឆ្នាំ២០១៦ បានសម្រេចថា ការទាមទារតំបន់ដ៏ធំល្វឹងល្វើយរបស់ចិននេះមិនមានមូលដ្ឋានផ្លូវច្បាប់នោះទេ តែសេចក្តីសម្រេចនេះត្រូវបានក្រុងប៉េកាំងច្រានចោល៕

ហ្វីលីពីន បដិសេធ គំរូថ្មី ក្នុងការដោះស្រាយជាមួយចិន ក្នុងជម្លោះនៅសមុទ្រចិនខាងត្បូង

2024/05/06 07:10:31 pm        144
Facebook Telegram Linkin
មន្ត្រីជាន់ខ្ពស់ហ្វីលីពីនពីររូបកាលពីថ្ងៃអាទិត្យបានបដិសេធការអះអាងរបស់ប្រទេសចិនដែលថាទីក្រុងម៉ានីល បានយល់ព្រមលើ គំរូថ្មី ក្នុងការដោះស្រាយជម្លោះដែនទឹករបស់ពួកគេនៅសមុទ្រចិនខាងត្បូង។រដ្ឋមន្ត្រីការពារជាតិហ្វីលីពីន លោក ជីបើតូ តេអូដូរ៉ូ ជូនៀ (Gilberto Teodoro Jr )និងទីប្រឹក្សាសន្តិសុខជាតិ លោកអេក្វាដូ អាណូ (Eduardo Ano) បានចេញសេចក្តីថ្លែងការណ៍ដាច់ដោយឡែក ដោយលោក តេអូដូរ៉ូ បានចាត់ទុកការអះអាងនេះថា ម៉ាស៊ីនបោកប្រាក់ ហើយលោកអាណូ ហៅថាជាទង្វើ មិនសមហេតុផល និងគួរឱ្យអស់សំណើច ។អ្នកនាំពាក្យរបស់ស្ថានទូតចិននៅទីក្រុងម៉ានីលកាលពីថ្ងៃសៅរ៍បាននិយាយថា ទីបញ្ជាការភាគខាងលិចរបស់យោធាហ្វីលីពីនដែលគ្រប់គ្រងសមុទ្រចិនខាងត្បូងនៅដើមឆ្នាំនេះ បានយល់ព្រមលើគំរូថ្មីមួយដើម្បីគ្រប់គ្រងស្ថានការណ៍នៅក្នុងតំបន់ដែនទឹកមានជម្លោះ ថូម៉ាស់ ស៊ូល (Thomas Shoal) ។ទីនោះជាកន្លែងដែលភាពតានតឹងរវាងប្រទេសទាំងពីរបានកើនឡើងក្នុងប៉ុន្មានខែថ្មីៗនេះ។ព័ត៌មានលម្អិតនៃគំរូថ្មីនេះ ពុំត្រូវបានបញ្ចេញទេ ប៉ុន្តែស្ថានទូតចិនបាននិយាយថា ទីបញ្ជាការភាគខាងលិចបានបញ្ជាក់ដដែលៗ ថាគំរូថ្មីនេះ ត្រូវបានអនុម័តដោយមន្រ្តីសំខាន់ៗទាំងអស់នៅក្នុងខ្សែសង្វាក់បញ្ជាការហ្វីលីពីន រួមទាំងរដ្ឋមន្ត្រីការពារជាតិ និងទីប្រឹក្សាសន្តិសុខជាតិ របស់ប្រទេសនេះផងដែរ៕

ទីក្រុងមូស្គូ រៀបចំការហាត់សមសម្រាប់ព្យុហយាត្រាខួបសង្គ្រាមលោកលើកទី ២

2024/05/06 07:07:20 pm        179
Facebook Telegram Linkin
ការហាត់សមចុងក្រោយសម្រាប់ព្យុហយាត្រាយោធានៃទិវាជ័យជំនះនៅឆ្នាំនេះ ត្រូវបានធ្វើឡើងកាលពីថ្ងៃអាទិត្យ នៅទីលានក្រហម ទីក្រុងមូស្គូ ប្រទេសរុស្សី។ យោងតាមរដ្ឋមន្ត្រីការពារជាតិរុស្ស៊ី លោក សឺហ្កេ សយហ្គូ(Sergei Shoigu) បាននិយាយថា បុគ្គលិកយោធាជាង ៩.០០០នាក់ និងយានយន្តយោធាចំនួន៧០គ្រឿង នឹងចូលរួមនៅក្នុងពិធីដ៏ធំនេះ ដើម្បីរំលឹកខួបលើកទី៧៩ នៃជ័យជំនះរបស់សហភាពសូវៀតនៅក្នុងសង្គ្រាមស្នេហាជាតិដ៏អស្ចារ្យឆ្នាំ ១៩៤១ដល់ឆ្នាំ១៩៤៥។ការហាត់សមនេះ ត្រូវបានធ្វើឡើងអនុវត្តពេញលេញតាមនីតិវិធីនៃក្បួនព្យុហយាត្រាផ្លូវការ ដែលប្រារព្ធធ្វើនៅទីលានក្រហម ក្នុងទិវាជ័យជម្នះ។ រថក្រោះT-34 ប្រព័ន្ធមីស៊ីលIskander-M ប្រព័ន្ធមីស៊ីលការពារដែនអាកាសS-400 មីស៊ីលបាលីស្ទីក Yars សព្វាវុធនិងយុទ្ធោបករណ៍ផ្សេងទៀត ត្រូវបានបង្ហាញក្នុងអំឡុងពេលហាត់សមនេះ។នៅថ្ងៃទី ២៤ ខែមិថុនា ឆ្នាំ ១៩៤៥ សហភាពសូវៀត បានធ្វើព្យុហយាត្រាយោធាលើកដំបូងរបស់ខ្លួននៅទីលានក្រហម ដើម្បីរំលឹកពីជ័យជំនះក្នុងសង្គ្រាមស្នេហាជាតិដ៏អស្ចារ្យប្រឆាំងពួកណាស៊ីអាល្លឺម៉ង់ ជាផ្នែកសំខាន់មួយនៃសង្គ្រាមលោកលើកទី២។បន្ទាប់ពីការរំលាយសហភាពសូវៀត ប្រទេសរុស្ស៊ី បានប្រារព្ធពិធីព្យុហយាត្រាយោធា និងការប្រារព្ធពិធីជាបន្តបន្ទាប់នៅថ្ងៃទី ៩ ខែឧសភា ជារៀងរាល់ឆ្នាំ ចាប់តាំងពីឆ្នាំ១៩៩៥មក ដើម្បីរំលឹកដល់ជ័យជំនះលើពួកណាស៊ីអាល្លឺម៉ង់។ កងទ័ព បានដើរហែក្បួន ហើយយន្តហោះចម្បាំង បានហោះពីលើទីក្រុងមូស្គូកាលពីថ្ងៃអាទិត្យ ក្នុងអំឡុងពេលហាត់សម។ប្រធានាធិបតី លោក វ្ល៉ាឌីមៀ ពូទីន ត្រូវបានគេរំពឹងថានឹងដឹកនាំព្រឹត្តិការណ៍ទិវាជ័យជំនះនៅទីក្រុងមូស្គូ នៅថ្ងៃព្រហស្បត្តិ៍ ទី៩ ខែ ឧសភា ដើម្បីរំលឹកខួបលើកទី៧៩ នៃជ័យជំនះ។ នៅឆ្នាំនេះ ក៏ដូចជាឆ្នាំចុងក្រោយ និងឆ្នាំ ២០២២ ក្បួនព្យុហយាត្រា នឹងត្រូវធ្វើឡើងក្នុងពេលមានជម្លោះនៅក្នុងប្រទេសអ៊ុយក្រែន ដែលរុស្ស៊ីហៅថា «ប្រតិបត្តិការសឹកពិសេស»។

បណ្ដាញសង្គម

ព័ត៌មានថ្មីៗ

CWEA បន្តគាំទ្រភាពជោគជ័យអាជីវកម្មដែលមានស្ត្រីជាម្ចាស់ ដើម្បីរួមចំណែកជួយជំរុញសេដ្ឋកិច្ចជាតិ
11/06/2026 09:11 PM
Facebook Telegram Linkin
តំណាង FASMEC ជំរុញឱ្យ SMEs ដែលប្រើបច្ចេកវិទ្យាឌីជីថល ចូលរួមក្នុងភូមិហ្រ្វង់កូហ្វូនី ជំរុញតភ្ជាប់ SMEs ទៅកាន់អន្តរជាតិ
11/06/2026 07:11 PM
Facebook Telegram Linkin
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងនាំយកអំណោយមនុស្សធម៌ចែកជូនប្រជាជនរងគ្រោះដោយបាក់ច្រាំងទន្លេ ប្រជាជនរងផលប៉ះពាល់ក្រោយទឹកជំនន់ និងគ្រួសារងាយរងគ្រោះបំផុតចំនួន ៨៦០គ្រួសារ នៅខេត្តត្បូងឃ្មុំ…!!
11/06/2026 07:11 PM
Facebook Telegram Linkin
ឯកឧត្តម ហ៊ុន ម៉ានី ចាត់ទុក ពិព័រណ៍ផលិតផលខ្មែរ ជាឱកាសបង្ហាញសក្ដានុពលសេដ្ឋកិច្ចកម្ពុជា
11/06/2026 06:11 PM
Facebook Telegram Linkin
មីយ៉ាន់ម៉ាគ្រោងរៀបចំការបោះឆ្នោតបំពេញ​អាសនៈ​ នៅខែមេសា រួមទាំងតំបន់មានជម្លោះផង​ដែរ
11/06/2026 06:11 PM
Facebook Telegram Linkin
លោក Zelenskyy៖ អ៊ុយក្រែនត្រូវសម្របនឹងនយោបាយថ្មីរបស់​អាមេរិក និងដោះស្រាយប្រព័ន្ធ​ការពារដែនអាកាស
11/06/2026 06:11 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី៖ «ខ្មែរធ្វើបាន» បង្ហាញមោទនភាពថា ខ្មែរគ្រប់ជំនាន់អាចធ្វើបាន
11/06/2026 06:11 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី៖ ការគាំទ្រផលិតផលខ្មែរដែលមានគុណភាព គឺជាការពង្រឹងសេដ្ឋកិច្ចជាតិ
11/06/2026 06:11 PM
Facebook Telegram Linkin
លោក Trum អាច​ប្រឹង​ប្រែងបញ្ចុះបញ្ចូល​កូរ៉េខាងជើង ក្រោយ​ខកចិត្ត​ក្នុងការបោះឆ្នោតពាក់កណ្តាលអាណត្តិ
11/06/2026 06:11 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី៖ ការគាំទ្រផលិតផលខ្មែរ ជំរុញឱ្យអ្នកផលិតកាន់តែខំប្រឹងពង្រឹងគុណភាព
11/06/2026 06:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.