នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ​២០២៦​តទៅ
សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បី​សម្រេច​លើ​របៀប​វារៈចំនួន៧
បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួម​ជីវភាពនយោបាយ ជាមួយគណបក្សប្រជាជនកម្ពុជា
ស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំងតម្លៃជាង ១៩លានដុល្លារ ត្រូវបាន​សម្ពោធ​ដាក់​ឲ្យ​ប្រើ​ប្រាស់​ជាផ្លូ​វការ​នៅថ្ងៃនេះ

នយោបាយ​ និង ការអភិវឌ្ឍន៍

ប្រមុខកងទ័ពជើងទឹកកោះតៃវ៉ាន់ នឹងទៅបំពេញទស្សនកិច្ចនៅសហរដ្ឋអាមេរិក នៅសប្តាហ៍ក្រោយ

2024/03/29 02:21:33 pm        102
Facebook Telegram Linkin
ប្រភពចំនួនប្រាំមួយដែលដឹងពីបញ្ហានេះបាននិយាយថា មេបញ្ជាការកងទ័ពជើងទឹកកោះតៃវ៉ាន់ លោក ថាង ហ័រ (Tang Hua) នឹងទៅបំពេញទស្សនកិច្ចនៅសហរដ្ឋអាមេរិក ចាប់ពីសប្តាហ៍ក្រោយនេះ ដើម្បីចូលរួមពិធីយោធា និងពិភាក្សាអំពីមធ្យោបាយជំរុញកិច្ចសហប្រតិបត្តិការកងទ័ពជើងទឹកទ្វេភាគី ខណៈដែលចិនបង្កើនការគំរាមកំហែងទៅលើកោះនេះ។ខណៈពេលដែលកោះតៃវ៉ាន់ និងសហរដ្ឋអាមេរិក មានទំនាក់ទំនងជិតស្និទ្ធ ដែលមិនមានលក្ខណៈផ្លូវការ ព្រោះថាទីក្រុងវ៉ាស៊ីនតោន ទទួលស្គាល់ជាផ្លូវការនូវប្រទេសចិនតែមួយ មិនមែនជាកោះដែលគ្រប់គ្រងតាមបែបប្រជាធិបតេយ្យ ដែលទីក្រុងប៉េកាំង អះអាងសិទ្ធថាជាទឹកដីរបស់ខ្លួននោះទេ ខណៈតៃវ៉ាន់បដិសេធការទាមទារទឹកដីរបស់ប្រទេសចិនជាបន្តបន្ទាប់។ប្រភពសន្តិសុខទាំងប្រាំមួយនោះបាននិយាយថា លោក ថាង នឹងទៅទស្សនាកោះហាវ៉ៃ ដែលជាជម្រករបស់ទីបញ្ជាការឥណ្ឌូប៉ាស៊ីហ្វិករបស់សហរដ្ឋអាមេរិក សម្រាប់ពិធីផ្លាស់ប្តូរកងនាវាចរប៉ាស៊ីហ្វិក។ ប្រភពបីក្នុងចំណោមនោះបាននិយាយថា បន្ទាប់មកលោក ថាង ត្រូវបានគេរំពឹងថានឹងចូលរួមសន្និសីទ សមុទ្រ-អកាស-លំហ (Sea-Air-Space) ពីថ្ងៃទី ០៨ ដល់ទី ១០ ខែមេសា នៅជិតទីក្រុង វ៉ាស៊ីនតោន ហើយកិច្ចពិភាក្សានោះកំពុងដំណើរការដើម្បីរៀបចំកិច្ចប្រជុំជាមួយប្រធានប្រតិបត្តិការកងទ័ពជើងទឹកសហរដ្ឋអាមេរិក គឺលោកស្រីឧត្តមនាវី លីសា ហ្រ្វង់ឆេទី (Lisa Franchetti)។មិនដូចដំណើរទស្សនកិច្ចទៅកាន់សហរដ្ឋអាមេរិក ដោយមន្ត្រីជាន់ខ្ពស់មកពីសម្ព័ន្ធមិត្តដូចជាជប៉ុន និងអង់គ្លេស ដែលធ្វើឡើងដោយបើកចំហនោះទេ ចំពោះទស្សនកិច្ចក្រុមមន្ត្រីកោះតៃវ៉ាន់ ជាពិសេសយោធា ត្រូវបានរក្សាទុកស្ងាត់ៗ ហើយជារឿយៗមិនត្រូវបានបញ្ជាក់ជាផ្លូវការនោះទេ៕

ឯកអគ្គរដ្ឋទូតកូរ៉េខាងត្បូង ប្រចាំអូស្ត្រាលី ចុះចេញពីដំណែង ស្របពេលមានការស៊ើបអង្កេតពុករលួយ

2024/03/29 02:15:11 pm        132
Facebook Telegram Linkin
ឯកអគ្គរដ្ឋទូតកូរ៉េខាងត្បូង ប្រចាំប្រទេសអូស្ត្រាលី បានលាលែងពីតំណែងនៅថ្ងៃសុក្រ (២៩ មីនា) ដោយសារសំណួរអំពីការតែងតាំងរបស់លោកអំឡុងពេលដែលកំពុងស្ថិតនៅក្រោមការស៊ើបអង្កេតអំពើពុករលួយ បានវាយលុកគណបក្សកាន់អំណាចរបស់លោកប្រធានាធិបតី យ៉ុន សុកយ៉ុល (Yoon Suk Yeol) តិចជាងពីរសប្តាហ៍ពីការបោះឆ្នោតសភា ដែលកំពុងតស៊ូយ៉ាងស្វិតស្វាញ។លោក លី ជុងសប់ (Lee Jong-sup) ដែលត្រូវបានតែងតាំងជាឯកអគ្គរដ្ឋទូតប្រចាំប្រទេសអូស្ត្រាលី កាលពី ៤ សប្តាហ៍មុន កំពុងត្រូវបានស៊ើបអង្កេតជុំវិញការចោទប្រកាន់ថាលោកបានព្យាយាមប្រើឥទ្ធិពលមិនត្រឹមត្រូវចំពោះការស៊ើបអង្កេតលើការស្លាប់របស់ទាហានម៉ារីនម្នាក់កាលពីឆ្នាំមុន ខណៈពេលដែលលោកបម្រើជារដ្ឋមន្ត្រីការពារជាតិ។លោក លី ធ្លាប់បានបដិសេធថាមិនបានប្រព្រឹត្តកំហុសណាមួយនោះទេ ហើយបាននិយាយថា លោកមានឆន្ទៈក្នុងការសហការពេញលេញជាមួយនឹងការស៊ើបអង្កេតនេះ។ ការរិះគន់លើការតែងតាំងលោក លី បានកើនឡើងយ៉ាងខ្លាំងនៅពេលដែលលោកបានហោះហើរទៅកាន់រដ្ឋធានី កង់បេរ៉ា កាលពីថ្ងៃទី ១០ ខែមីនា ដែលសមាជិកគណបក្សប្រឆាំងបានចាត់ទុកថាជាការប៉ុនប៉ងដើម្បីគេចចេញពីការសាកសួរនៅក្នុងសំណុំរឿងនេះ។ទីភ្នាក់ងារប្រឆាំងអំពើពុករលួយកំពុងស៊ើបអង្កេតលោក លី ជុំវិញការចោទប្រកាន់ថាលោកនៅពីក្រោយការប៉ុនប៉ងរបស់រដ្ឋាភិបាលដើម្បីជ្រៀតជ្រែកក្នុងការស៊ើបអង្កេតលើការស្លាប់របស់ទាហានម៉ារីនម្នាក់ ដែលបានចូលរួមក្នុងប្រតិបត្តិការស្វែងរក និងជួយសង្គ្រោះក្នុងអំឡុងពេលទឹកជំនន់កាលពីឆ្នាំមុន៕

អាជ្ញាធរប៉ាឡេស្ទីន ប្រកាសគណៈរដ្ឋមន្ត្រីថ្មី ខណៈដែលខ្លួនប្រឈមនឹងការអំពាវនាវឲ្យមានកំណែទម្រង់

2024/03/29 02:11:42 pm        41
Facebook Telegram Linkin
អាជ្ញាធរប៉ាឡេស្ទីន (PA) បានប្រកាសបង្កើតគណៈរដ្ឋមន្ត្រីថ្មី ខណៈដែលខ្លួនប្រឈមនឹងសម្ពាធអន្តរជាតិ ក្នុងការធ្វើកំណែទម្រង់។លោកម៉ាខ្មូដ អាបាស(Mahmoud Abbas)ជាប្រធានដែលបានដឹកនាំ PA អស់រយៈពេលជិត ២ទសវត្សរ៍ និងនៅតែស្ថិតក្នុងការគ្រប់គ្រងជារួម បានប្រកាសរដ្ឋាភិបាលថ្មីនៅក្នុងក្រឹត្យរបស់ប្រធាននេះ កាលពីថ្ងៃព្រហស្បតិ៍។ គ្មានរដ្ឋមន្ត្រីណាម្នាក់ដែលទើបនឹងតែតាំង គឺជាឥស្សរជនល្បីនោះទេ។លោកអាបាស បានជ្រើសរើសលោក ម៉ូហាមេដ មូស្តាហ្វា (Mohammad Mustafa) ដែលជាទីប្រឹក្សាយូរឆ្នាំ ធ្វើជានាយករដ្ឋមន្ត្រីកាលពីដើមខែនេះ។ លោក មូស្តាហ្វា ជាសេដ្ឋវិទូឯករាជ្យខាងនយោបាយដែលទទួលការអប់រំពីសហរដ្ឋអាមេរិក បានប្តេជ្ញាបង្កើតរដ្ឋាភិបាលវិទ្យាសាស្ត្រនិងបច្ចេកទេស និងបង្កើតមូល និធិទុកចិត្តឯករាជ្យ ដើម្បីជួយកសាងតំបន់ហ្កាហ្សាឡើងវិញ។ លោកមូស្តាហ្វា ក៏នឹងធ្វើជារដ្ឋមន្ត្រីការបរទេសផងដែរ។រដ្ឋមន្ត្រីមហាផ្ទៃ លោកហ្សៀដ ហាប អាល់រី ( Ziad Hab al-Rih) គឺជាសមាជិកនៃចលនា Fatah របស់លោកអាបាស និងកាន់តួនាទីដូចគ្នា នៅក្នុងរដ្ឋាភិបាលមុននេះ។ ក្រសួងមហាផ្ទៃ ត្រួតពិនិត្យកម្លាំងសន្តិ សុខ។ លោក អាស្រាហ្វ អាល់ហ្វា (Ashraf al-Awar) រដ្ឋមន្ត្រីទទួលបន្ទុកកិច្ចការក្រុងហ្ស៊េរុយសាឡឹមបានចុះឈ្មោះឈរឈ្មោះជាបេក្ខជន Fatah ក្នុងការបោះឆ្នោតនៅឆ្នាំ ២០២១ ដែលត្រូវបានពន្យារពេលគ្មានកំណត់។យ៉ាងហោចណាស់រដ្ឋមន្ត្រីចំនួន៥រូបក្នុងចំណោមរដ្ឋមន្ត្រី ២៣រូបដែលទើបនឹងតែងតាំង គឺមកពីតំបន់ ហ្សា ប៉ុន្តែវាមិនច្បាស់ភ្លាមៗថាតើពួកគេ នៅតែស្ថិតនៅក្នុងទឹកដីនេះឬយ៉ាងណានោះទេ។អាជ្ញាធរប៉ាឡេស្ទីន (PA) គ្រប់គ្រងផ្នែកខ្លះនៃតំបន់វេសបែងដែលកាន់កាប់ដោយអ៊ីស្រាអែល។ កម្លាំងរបស់ខ្លួន ត្រូវបានបណ្តេញចេញពីតំបន់ហ្កាហ្សា នៅពេលក្រុមហាម៉ាស បានដណ្តើមអំណាចក្នុងឆ្នាំ ២០០៧ ហើយក្រុមនេះពុំមានអំណាចនៅទីនោះទេ។

រដ្ឋមន្ត្រីការបរទេសរុស្ស៊ី ប្រាប់សារព័ត៌មានថា ផែនការសន្តិភាពអ៊ុយក្រែន គឺគ្មានន័យអ្វីទាំងអស់

2024/03/29 12:10:08 pm        193
Facebook Telegram Linkin
នៅក្នុងបទសម្ភាសន៍មួយដែលបានចេញផ្សាយនៅថ្ងៃសុក្រនេះ រដ្ឋមន្ត្រីការបរទេសរុស្ស៊ី លោកសឺហ្គេ ឡាវរ៉ូវ ( Sergei Lavrov) បាននិយាយថា ផែនការសន្តិភាពដែលបានស្នើឡើងរបស់អ៊ុយក្រែន គឺគ្មានន័យ អ្វីឡើយ ដោយសារតែវាផ្អែកលើការយល់ឃើញដែលមិនអាចទទួលយកបាន ដូចជាការដកខ្លួនរបស់ទីក្រុងមូស្គូចេញពីតំបន់ដែលខ្លួនបានកាន់កាប់។លោកឡាវរ៉ូវ បានប្រាប់សារព័ត៌មាន Izvestia ប្រចាំថ្ងៃរបស់ទីក្រុងមូស្គូថា កិច្ចប្រជុំកំពូលសន្តិភាពដែលបានស្នើឡើង នឹងមិនជោគជ័យទេ រហូតដល់មូលដ្ឋានសំខាន់ៗរបស់ខ្លួន ត្រូវបានផ្លាស់ប្តូរ រួមទាំងការអនុញ្ញាតឲ្យរុស្ស៊ីចូលរួមផងដែរ។លោកឡាវរ៉ូវ បានប្រាប់សារព័ត៌មាននេះថា៖ «យើងស្ថិតក្នុងករណីណាមួយ ដើម្បីធ្វើការពិភាក្សា ប៉ុន្តែមិនមែនផ្អែកលើរូបមន្តសន្តិភាពរបស់ប្រធានាធិបតីអ៊ុយក្រែនលោក វ៉ូឡូមៀ ហ្សេឡិនស្គី Volodymyr Zelenskiy នោះទេ»។លោកបានលើកឡើងថា៖«តើអ្នកនយោបាយសំខាន់ណាមួយ នៅទីក្រុងវ៉ាស៊ីនតោន ប្រ៊ុចសែល ទីក្រុងឡុងដ៍ ប៉ារីស ឬទីក្រុងប៊ែរឡាំង និយាយថា គ្មានជម្រើសណាមួយចំពោះរូបមន្តរបស់លោកហ្សេឡិន ស្គី?»។លោកឡាវរ៉ូវ បានច្រានចោលថា មិនអាចទទួលយកបាននូវបទប្បញ្ញត្តិរបស់ផែនការដែលអំពាវនាវឲ្យ រុស្ស៊ីដកខ្លួនចេញពីទឹកដីដែលខ្លួនបានកាន់កាប់ រួមទាំងតំបន់គ្រីម៉េ ដែលបានបញ្ចូលជាឧបសម្ព័ន្ធរបស់ខ្លួនក្នុងឆ្នាំ ២០១៤ និងការស្ដារឡើងវិញនូវព្រំដែនក្រោយសូវៀតឆ្នាំ ១៩៩១ របស់អ៊ុយក្រែន។ ផែនការនេះ ក៏អំពាវនាវឲ្យមានមធ្យោបាយ ដើម្បីជំរុញប្រទេសរុស្ស៊ីពន្យល់អំពីការលុកលុយខែ កុម្ភៈឆ្នាំ ២០២២របស់ខ្លួនលើអ៊ុយក្រែន។លោកហ្សេឡិនស្គី ច្រានចោលគំនិតណាមួយនៃការចរចាជាមួយទីក្រុងមូស្គូ នៅលើមូលដ្ឋានណាមួយ ក្រៅពីផែនការសន្តិភាព។លោកឡាវរ៉ូវ បាននិយាយថា ខ្លួនបានជួបមន្ត្រី និងអ្នកការទូតមកពីប្រទេសស្វ៊ីស ដែលបានធានាចំពោះខ្លួនថា កិច្ចប្រជុំកំពូលសន្តិភាពដែលទីក្រុងប៊ឺន ( Bern) បានយល់ព្រមធ្វើជាម្ចាស់ផ្ទះ នឹងរួមបញ្ចូលការចូលរួមរបស់រុស្ស៊ី ហើយនឹងធ្វើឡើងក្នុងលក្ខខណ្ឌជាក់ស្តែង។

ក្រុមហ៊ុនផលិតឱសថជប៉ុន ព្យាយាមកំណត់អត្តសញ្ញាណ សារធាតុដែលមិនមានក្នុងផែនការ

2024/03/29 12:07:23 pm        86
Facebook Telegram Linkin
ក្រុមហ៊ុនផលិតឱសថជប៉ុន កូបាយ៉ាស៊ិ ហ្វាម៉ាស៊ីធិខល(Kobayashi Pharmaceutical) កំពុងប្រញាប់ប្រញាល់ ដើម្បីកំណត់នូវអ្វីដែលវាហៅថា «សារធាតុដែលពុំមាននៅក្នុងផែនការ» ដែលអាចត្រូវបានដាក់រួមបញ្ចូលនៅក្នុងសារធាតុផ្សំ នៅក្នុងអាហារបំប៉នសុខភាពរបស់ខ្លួន។ក្រុមហ៊ុន និយាយថាសារធាតុនេះ គឺស្រដៀងទៅនឹងអ្វីដែលត្រូវបានផលិតដោយមានផ្សិត។មនុស្សមួយចំនួនមានបញ្ហាតម្រងនោម ឬបញ្ហាសុខភាពផ្សេងៗទៀត បន្ទាប់ពីទទួលទានអាហារបំប៉នរបស់ក្រុមហ៊ុនផលិត ដែលមានផ្ទុកសារធាតុ «បេនី-កូជិ» ជាមេដំបែអង្ករក្រហម។ វាត្រូវបានបញ្ជាក់ថាមនុស្ស ៤នាក់បានស្លាប់ ហើយចំនួនសរុបនៃការចូលសម្រាកព្យាបាលនៅមន្ទីរពេទ្យមានចំនួន ១០៦ នាក់ ត្រូវបានបញ្ជាក់ផងដែររហូតមកដល់ពេលនេះ។ក្រុមហ៊ុនឱសថ Kobayashi Pharmaceutical និយាយថា ការពិនិត្យរបស់ក្រុមហ៊ុន ទៅលើផលិតផលមួយក្នុងចំណោមផលិតផលជាច្រើនរបស់ខ្លួនគឺ បេនិកូជិ ឆូឡេសស្តេហេប(Benikoji CholesteHelp) បានរកឃើញថាសារធាតុមានរួមបញ្ចូលនៅក្នុងសារធាតុ Beni-koji ដែលផលិតនៅចន្លោះខែមេសា និងខែធ្នូ អាចមានផ្ទុក សារធាតុដែលពុំមាននៅក្នុងផែនការ។ ក្រុមហ៊ុនផលិតឱសថនេះនិយាយថា ក្រុមហ៊ុនកំពុងធ្វើការវិភាគលើសារធាតុនេះ ហើយនឹងពិនិត្យមើលថាហេតុអ្វីបានជាសារធាតុនេះត្រូវបានផលិត និងថាតើវាប៉ះពាល់ដល់សុខភាពមនុស្សយ៉ាងដូចម្តេច។ក្រុមហ៊ុនមានផែនការធ្វើសន្និសីទសារព័ត៌មាននៅថ្ងៃសុក្រនេះ ហើយវាត្រូវបានគេរំពឹងថានឹងពន្យល់ពីវឌ្ឍនភាពក្នុងការពិនិត្យ និងការប្រមូលមកវិញនូវផលិតផលដែលមានផ្ទុកសារធាតុ Beni-koji។

សហរដ្ឋអាមេរិក ខកចិត្តយ៉ាងខ្លាំងបន្ទាប់ពីរុស្ស៊ីរារាំងអ្នកឃ្លាំមើលទណ្ឌកម្មកូរ៉េខាងជើងឲ្យនៅបន្ត

2024/03/29 11:59:16 am        97
Facebook Telegram Linkin
អ្នកនាំពាក្យក្រសួងការបរទេសសហរដ្ឋអាមេរិក លោក Matthew Miller បាននិយាយ កាលពីថ្ងៃព្រហស្បតិ៍ថា ក្រសួងការបរទេសសហរដ្ឋអាមេរិក មានការខកចិត្តយ៉ាងខ្លាំងចំពោះការប្រើសិទ្ធវ៉េតូ របស់រុស្ស៊ីចំពោះការបន្តអាណត្តិរបស់គណៈកម្មការជំនាញនៃក្រុមប្រឹក្សាសន្តិសុខអង្គការសហប្រជាជាតិ ដែលដាក់ទណ្ឌកម្មលើប្រទេសកូរ៉េខាងជើង ជុំវិញកម្មវិធីអាវុធនុយក្លេអ៊ែរ និងមីស៊ីលបាលីស្ទីករបស់ប្រទេសកាលពីថ្ងៃទី ២៨ ខែមីនា។ប្រទេសរុស្ស៊ី កាលពីថ្ងៃព្រហស្បតិ៍ បានប្រើសិទ្ធវ៉េតូចំពោះការបន្តប្រចាំឆ្នាំរបស់គណៈកម្មការអ្នកជំនាញដែលត្រួតពិនិត្យការអនុវត្តទណ្ឌកម្មរបស់អង្គការសហប្រជាជាតិ ដែលមានរយៈពេលជាយូរមកហើយលើប្រទេសកូរ៉េខាងជើង។ចំណាត់ការនេះ ធ្វើឡើងក្នុងពេលមានការចោទប្រកាន់ដឹកនាំដោយសហរដ្ឋអាមេរិកថា ប្រទេសកូរ៉េខាងជើង បានផ្ទេរសព្វាវុធទៅឱ្យប្រទេសរុស្ស៊ីសម្រាប់ប្រើប្រាស់ក្នុងសង្គ្រាមនៅអ៊ុយក្រែន។ ទាំងក្រុងទីក្រុងមូស្គូ និងទីក្រុងព្យុងយ៉ាង បានបដិសេធការចោទប្រកាន់នេះ ប៉ុន្តែកាលពីឆ្នាំមុន បានប្តេជ្ញាថានឹងធ្វើឱ្យទំនាក់ទំនងយោធាកាន់តែស៊ីជម្រៅ។ទណ្ឌកម្មរបស់អង្គការសហប្រជាជាតិ ត្រូវបានដាក់ដោយគ្មានពេលកំណត់។ ប៉ុន្តែក្នុងអំឡុងពេលការចរចា លើសេចក្តីព្រាងឯកសារ ដែលត្រូវបានប្រើសិទ្ធវ៉េតូ កាលពីថ្ងៃព្រហស្បតិ៍ រុស្ស៊ី និងចិន ពុំទទួលបានជោគជ័យនោះទេសម្រាប់រឿងនេះ ដែលវាត្រូវរួមបញ្ចូលលក្ខខណ្ឌតម្រូវឱ្យរបបទណ្ឌកម្មត្រូវបានបន្តជារៀងរាល់ឆ្នាំ។

សារព័ត៌មាន Financial Times៖ អ៊ុយក្រែនជំរុញឲ្យឥណ្ឌាគិតឡើងវិញអំពី«កេរដំណែលសូវៀត»នៃទំនាក់ទំនងរុស្ស៊ី

2024/03/29 11:50:19 am        87
Facebook Telegram Linkin
សារព័ត៌មាន Financial Times (FT) បានរាយការណ៍នៅថ្ងៃសុក្រនេះថា រដ្ឋមន្ត្រីការបរទេសអ៊ុយក្រែន លោក ឌ្មីត្រូ កូលេបា (Dmytro Kuleba) បានជំរុញឲ្យប្រទេសឥណ្ឌាឈរក្បែរទីក្រុងគីវ ដោយនិយាយថាទំនាក់ ទំនងជិតស្និទ្ធរបស់ប្រទេសជាមួយរុស្ស៊ី គឺផ្អែកលើកេរដំណែលសូវៀត ដែលកំពុងរលាយបាត់បន្តិច ម្តងៗ។លោកកូលេបា បានមកដល់ទីក្រុងញូវដែលី (New Delhi) កាលពីថ្ងៃព្រហស្បតិ៍ ដើម្បីជំរុញចក្ខុវិស័យរបស់ទីក្រុងគីវអំពីផ្លូវទៅកាន់សន្តិភាព ក្នុងប្រទេសអ៊ុយក្រែន និងដើម្បីពង្រឹងទំនាក់ទំនងជាមួយប្រទេសឥណ្ឌា។ជាប្រពៃណី ឥណ្ឌាមានទំនាក់ទំនងសេដ្ឋកិច្ច និងការពារជាតិយ៉ាងជិតស្និទ្ធជាមួយទីក្រុងមូស្គូ ហើយបានបដិសេធមិនរិះគន់រុស្ស៊ីជុំវិញការឈ្លានពានអ៊ុយក្រែន ក្នុងខែកុម្ភៈ ឆ្នាំ២០២២ ជំនួសឲ្យការបង្កើនការទិញប្រេងពីរុស្ស៊ីដល់កម្រិតកំណត់ត្រា។លោកបាននិយាយថា ឥណ្ឌាទទួលបានអត្ថប្រយោជន៍ជាច្រើនពីការពង្រីកទំនាក់ទំនងពាណិជ្ជកម្ម និង បច្ចេកវិទ្យាជាមួយអ៊ុយក្រែន ហើយបានផ្តល់ឲ្យក្រុមហ៊ុនឥណ្ឌានូវតួនាទីក្នុងការកសាងឡើងវិញក្រោយ សង្គ្រាម។លោកបានប្រាប់សារព័ត៌មានFT ថា បច្ចុប្បន្ន អ៊ុយក្រែនកំពុងស្វែងរក «ស្តារពាណិជ្ជកម្មឡើងវិញ» ជាមួយប្រទេសឥណ្ឌា ដោយបានបន្តការនាំចេញផលិតផលកសិកម្ម ដូចជាប្រេងផ្កាឈូករ័ត្ន និងការទិញទំនិញឥណ្ឌាបន្ថែមទៀត។លោកបានបន្តថា៖«យើងមានចំណាប់អារម្មណ៍ក្នុងការនាំចូលគ្រឿងម៉ាស៊ីនធុនធ្ងន់មួយចំនួន ដែលឥណ្ឌាកំពុងផលិត។

នាយករដ្ឋមន្រ្តីអ៊ីស្រាអែល ស្នើឱ្យតុលាការពន្យារពេលកំណត់លើផែនការយោធាកាតព្វកិច្ចដ៏ចម្រូងចម្រាស

2024/03/29 11:45:58 am        71
Facebook Telegram Linkin
លោកនាយករដ្ឋមន្ត្រី បេនចាមីន ណេតាន់យ៉ាហ៊ូ (Benjamin Netanyahu) កាលពីថ្ងៃព្រហស្បតិ៍ (២៨ មីនា) បានស្នើឱ្យតុលាការកំពូលរបស់អ៊ីស្រាអែល ពន្យាពេលកាលបរិច្ឆេទកំណត់ថ្ងៃទី ៣១ ខែមីនា សម្រាប់រដ្ឋាភិបាលក្នុងការបង្កើតផែនការយោធាកាតព្វកិច្ចថ្មី ដែលនឹងដោះស្រាយការខឹងសម្បារជាចម្បងចំពោះការលើកលែងចូលបម្រើទ័ព ដែលផ្តល់ដល់ជនជាតិជ្វីហ្វជ្រុលនិយម។ភាពចម្រូងចម្រាសជាច្រើនទស្សវត្សន៍បានក្លាយជាភាពរសើបជាពិសេសនៅពេលដែលកងកម្លាំងប្រដាប់អាវុធរបស់អ៊ីស្រាអែល ដែលភាគច្រើនជាទាហានកាតព្វកិច្ចវ័យជំទង់ និងជនស៊ីវិលវ័យចំណាស់ ដែលត្រូវបានចល័តសម្រាប់កាតព្វកិច្ចបម្រុង កំពុងធ្វើសង្រ្គាមជិតប្រាំមួយខែនៅហ្កាហ្សា ដើម្បីព្យាយាមលុបបំបាត់ចលនាអ៊ីស្លាមនិយមហាម៉ាស ដែលគ្រប់គ្រងលើតំបន់ហ៊ុមព័ទ្ធប៉ាឡេស្ទីននេះ។ខណៈពេលដែលតុលាការកំពូលមិនបានឆ្លើយតបភ្លាមៗចំពោះសំណើរបស់លោក ណេតាន់យ៉ាហ៊ូ តុលាការបានសម្រេចដោយឡែកពីគ្នាថា ការឧបត្ថម្ភធនរបស់រដ្ឋសម្រាប់បុរសជនជាតិជ្វីហ្វជ្រុលនិយមមានវ័យបម្រើយោធា ដែលកំពុងសិក្សានៅក្នុងថ្នាក់សិក្ខាសាលា ជាជាងការបម្រើក្នុងឯកសណ្ឋាន ត្រូវផ្អាកនៅថ្ងៃចន្ទ (០១ មេសា) ខាងមុខនេះ។តុលាការកំពូលក្នុងឆ្នាំ ២០១៨ បានសម្រេចផ្ដល់ការគាំទ្រចំពោះអ្នកប្តឹងតវ៉ាដែលអះអាងថាការលើកលែងកាតព្វកិច្ចយោធានេះគឺមានការរើសអើង។ សភាបានបរាជ័យក្នុងការរៀបចំផែនការថ្មី ហើយការលើកលែងដែលចេញដោយរដ្ឋាភិបាលក្នុងការបំពេញកាតព្វកិច្ចយោធានៃពួកជនជាតិជ្វីហ្វជ្រុលនិយមនេះ នឹងត្រូវផុតកំណត់នៅថ្ងៃច័ន្ទសប្ដាហ៍ក្រោយនេះ៕

ស្ពានអាកាស « មរតកតេជោ » នឹងដាក់ឱ្យប្រើប្រាស់បណ្តោះអាសន្ន នៅថ្ងៃទី១ មេសា ខាងមុខនេះ

2024/03/29 11:45:57 am        654
Facebook Telegram Linkin
រាជរដ្ឋាភិបាលកម្ពុជា បានផ្តល់ការអនុញ្ញាត​ដល់រដ្ឋបាលរាជធានីភ្នំពេញ ក្នុង​ការដាក់​ឱ្យ​ប្រើប្រាស់​ស្ពានអាកាស « មរតកតេជោ » ជាបណ្តោះអាសន្ន សម្រាប់បងប្អូនប្រជាពលរដ្ឋអាចប្រើប្រាស់ នៅថ្ងៃ​ទី០១ ខែមេសា ឆ្នាំ២០២៤ខាងមុខនេះ ពោលនៅ​មុនពិធី​បុណ្យ​ចូល​ឆ្នាំថ្មី​ប្រពៃណី​ជាតិ​ខ្មែរ​ចូល​មក​ដល់ ដើម្បីសម្រួលដល់លំហូរចរាចរណ៍ និងជួយកាត់បន្ថយការកកស្ទះ ។ ការដាក់ឱ្យប្រើប្រាស់បណ្តោះអាសន្ននេះ គឺ ស្ពានជាន់ទី២ ដែលជាដំណាក់កាលទី១ ត្រូវ​បាន​បញ្ចប់​ការ​សាងសង់នៅថ្ងៃទី៣០ ខែមីនា ឆ្នាំ២០២៤ ដោយតភ្ជាប់ពីមហាវិថីសម្តេចតេជោ ( ផ្លូវ៦០ម៉ែត្រ ) ភ្ជាប់ទៅកាន់មហាវិថី ព្រះមុន្នីវង្ស ។ ប្រជាពលរដ្ឋអ្នកដំណើរ បានសម្តែងក្តីរំភើបរីករាយ ចំពោះ​ការ​បើក​ឱ្យ​ប្រើប្រាស់​បណ្តោះ​អាសន្ន​ក្នុង​ពេល​ឆាប់ៗខាងមុខនេះ ព្រោះស្ពាននេះ នឹងជួយសម្រួលច្រើន​ដល់​លំហូរ​ការ​ធ្វើ​ដំណើរ​ទៅ​មក​របស់​ពួក​គាត់បានលឿនរហ័ស មិនចំណាយពេល និងជួយកាត់​បន្ថយ​ការ​កក​ស្ទះ​បាន​ច្រើន​ឡើង​ផង​ដែរ ព្រោះកន្លងទៅតំបន់អតីតច្រមុះជ្រូកក្បាលថ្នល់ តែងតែប្រឈមការកកស្ទះមករហូត ។ ពលរដ្ឋ ក៏បានថ្លែងអំណរគុណរាជរដ្ឋាភិបាល ចំពោះ​ការ​បន្ត​គិតគូរ​យក​ចិត្ត​ទុក​ដាក់​ក្នុង​ការ​កសាង​សមិទ្ធ​ផលថ្មីៗជាបន្តបន្ទាប់ជូនប្រជាពលរដ្ឋប្រើប្រាស់ ។ សូមបញ្ជាក់ថា ស្ពានអាកាស “មរតកតេជោ” ខាងលើនេះ មានកម្ពស់ពីរជាន់ ស្ថិត​នៅ​ចំណុច​ប្រសព្វ​រវាង​មហាវិថី សម្តេចតេជោ ហ៊ុន សែន, មហាវិថីព្រះមុនីវង្ស និង មហាវិថី​កង​យោធ​ពល​ខេមរ​ភូមិន្ទ ក្នុងមូលដ្ឋានខណ្ឌមានជ័យ និងខណ្ឌចំការមន រាជធានីភ្នំពេញ ។ បច្ចុប្បន្ន​ដំណាក់​កាលទី​១ ​នឹងត្រូវបញ្ចប់ក្នុងរយះពេល២ថ្ងៃទៀតប៉ុណ្ណោះ ដោយឡែក​ការសាង​សង់​ដំណាក់​កាល​ទី២​ ក៏នឹងត្រូវបញ្ចប់ការសាងសង់នៅមុនខែមេសា ឆ្នាំ២០២៥ខាងមុន ។ គួររំលឹកថា ស្ពានអាកាស “មរតកតេជោ” គឺបានដំណើរការបើកការដ្ឋានសាងសង់កាលពីថ្ងៃទី៣១ ខែសី​ហា ឆ្នាំ២០២២កន្លងទៅ ក្រោមអធិបតីភាពដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតី តេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា ។ ស្ពាន​នេះ​ទទួល​ការ​សាង​សង់​ដោយ​ក្រុមហ៊ុនវិនិយោគទុនអាណិកជនកម្ពុជា ( OCIC ) ដោយគ្រោង​ចំណាយ​ថវិកា​សាង​សង់​ជាង ៣៦លានដុល្លារអាមេរិក៕ អត្ថបទ៖ លីហេង &កុម្ភះ

ចិន ព្រមានពីការបង្កហេតុរបស់ហ្វីលីពីន និងការជ្រៀតជ្រែករបស់អាមេរិកនៅសមុទ្រចិនខាងត្បូង

2024/03/29 11:39:52 am        100
Facebook Telegram Linkin
អ្នកនាំពាក្យក្រសួងការពារជាតិចិនបាននិយាយកាលពីថ្ងៃព្រហស្បតិ៍ថា ប្រទេសចិននឹងមិនអនុញ្ញាតឱ្យហ្វីលីពីនធ្វើសកម្មភាពតាមអំពើចិត្ត លើបញ្ហាសមុទ្រចិនខាងត្បូងឡើយ ហើយប្រឆាំងការជ្រៀតជ្រែកលើបញ្ហានេះ ពីសំណាក់សហរដ្ឋអាមេរិក។ លោក វូ ជៀន (Wu Qian)បានប្រាប់សន្និសីទសារព័ត៌មានប្រចាំថ្ងៃនៅក្នុងទីក្រុងប៉េកាំងថា ពុំមានកត្តាធំជាងការជ្រៀតជ្រែករបស់សហរដ្ឋអាមេរិក ក្នុងការបង្កភាពចលាចលនៅសមុទ្រចិនខាងត្បូងនោះទេ ហើយការយាយី និងការបង្កហេតុរបស់ហ្វីលីពីន គឺជាមូលហេតុនាំឲ្យមានការកើនឡើងបញ្ហាភ្លាមៗ នៅសមុទ្រចិនខាងត្បូងនាពេលថ្មីៗនេះ។ លោក វូ បាននិយាយថា ចំពោះបញ្ហាសមុទ្រចិនខាងត្បូងរវាងចិន និងហ្វីលីពីន ប្រទេសចិនប្រឆាំងដាច់ខាតចំពោះការជ្រៀតជ្រែកពីបរទេស ការរំលោភបំពាន និងការញុះញង់បង្កហេតុ និងតស៊ូមតិក្នុងការគ្រប់គ្រងការខ្វែងគំនិតឱ្យបានត្រឹមត្រូវ។ លោកបាននិយាយថា ប្រទេសចិនក៏ត្រៀមខ្លួនយ៉ាងពេញលេញសម្រាប់ភាពអាសន្នណាមួយ ហើយនឹងការពារយ៉ាងម៉ឺងម៉ាត់នូវអធិបតេយ្យភាពទឹកដី សិទ្ធិ និងផលប្រយោជន៍ដែនសមុទ្ររបស់ចិនដែរ។អ្នកនាំពាក្យរូបនេះបានបញ្ជាក់ក្នុងការឆ្លើយតបទៅនឹងសំណួរអំពីអ្វីដែលហៅថា គោលគំនិតការពារប្រជុំកោះទូលំទូលាយ របស់ទីក្រុងម៉ានីល និងការចោទប្រកាន់របស់ខ្លួនថា ចិនបានរារាំងបេសកកម្មផ្គត់ផ្គង់របស់ខ្លួនឡើងវិញ ទៅកាន់ កោះមានជម្លោះ រិន អាយ ជីអាវ (Ren'ai Jiao) ជាច្រើនលើក។ តាមរបាយការណ៍ រដ្ឋមន្ត្រីការបរទេសអាមេរិកលោក Antony Blinken ថ្មីៗនេះបានចោទប្រកាន់ចិនអំពីប្រតិបត្តិការរបស់ខ្លួននៅសមុទ្រចិនខាងត្បូង ហើយបានរំលឹកឡើងវិញនូវការប្តេជ្ញាចិត្តការពារជាតិអាមេរិកចំពោះហ្វីលីពីន ហើយភាគីអាមេរិកក៏បានរិះគន់សកម្មភាពរបស់ភាគីចិនប្រឆាំងនឹងភាគីហ្វីលីពីននៅសមុទ្រចិនខាងត្បូងកាលពីថ្ងៃទី២៣ខែមីនា៕

បណ្ដាញសង្គម

ព័ត៌មានថ្មីៗ

អ្នករស់រានពីការវាយប្រហាររបស់សត្វខ្លាឃ្មុំនៅប្រទេសជប៉ុន អំពាវនាវឲ្យមានការឆ្លើយតបគ្មានមេត្តា
11/07/2025 09:11 PM
Facebook Telegram Linkin
មេដឹកនាំជីវពលលោក Khazali ព្យាយាមចង់កែប្រែខ្លួនជាអ្នកនយោបាយកំពូលមួយរូបរបស់អ៊ីរ៉ាក់
11/07/2025 09:11 PM
Facebook Telegram Linkin
ប្រជាពលរដ្ឋស៊ូដង់បង្ហាញក្តីសង្ឃឹម និងក្តីបារម្ភ ក្រោយកងកម្លាំង RSF ទទួលយកសំណើឈប់បាញ់
11/07/2025 09:11 PM
Facebook Telegram Linkin
កម្ពុជាចូលរួមកិច្ចប្រជុំរដ្ឋមន្រ្តីសេដ្ឋកិច្ច CLMV លើកទី១៧ នៅ មីយ៉ាន់ម៉ា
11/07/2025 08:11 PM
Facebook Telegram Linkin
ប្រធានាធិបតីអ៊ីរ៉ង់៖ ទីក្រុងតេអេរ៉ង់ស្វែងរកសន្តិភាព តែនឹងមិនចុះញ៉មជាមួយការសម្លុតកំហែងឡើយ
11/07/2025 08:11 PM
Facebook Telegram Linkin
លោក Zelenskyy នឹងទៅទស្សនកិច្ចអេស្ប៉ាញឆាប់ៗនេះ ក្រោយខកខានកាលពីខែមេសា
11/07/2025 08:11 PM
Facebook Telegram Linkin
ក្រុមអ្នកវិទ្យាសាស្រ្តដាក់ការស្តីបន្ទោសសីតុណ្ហភាពកើនឡើង ស្របពេលព្យុះ Kalmaegi បង្កភាពវឹកវរនៅអាស៊ីអាគ្នេយ៍
11/07/2025 07:11 PM
Facebook Telegram Linkin
រដ្ឋមន្ត្រីមហាផ្ទៃ៖ អង់គ្លេសសម្រេចដកទណ្ឌកម្មពីប្រធានាធិបតីស៊ីរី
11/07/2025 07:11 PM
Facebook Telegram Linkin
តុលាការ ICCបញ្ជាក់ការចោទប្រកាន់ឧក្រិដ្ឋកម្មសង្គ្រាមប្រឆាំងនឹងមេដឹកនាំឧទ្ទាមអ៊ូហ្គង់ដាលោក Joseph Kony
11/07/2025 07:11 PM
Facebook Telegram Linkin
គណៈកម្មការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្ដែង រៀបចំវេទិកាជាមួយអ្នកសារព័ត៌មាន អំពីការងារជំរឿនមន្ត្រី
11/07/2025 07:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.