នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចអគ្គមហាសេនាបតីតេជោ ហ៊ុន សែន អញ្ជើញដង្ហែព្រះមហាក្សត្រ ក្នុងព្រះរាជពិធីពន្លត់ទៀនជ័យ នៃទិវាបុណ្យឯករាជ្យជាតិ ៩ វិច្ឆិកា ខួបលើកទី៧៣
នាយកប្រតិបត្តិអង្គការ HFHI កោតសរសើរគោលនយោបាយ​អភិវឌ្ឍលំនៅដ្ឋានរបស់កម្ពុជា​
ឯកអគ្គរាជទូតជប៉ុនថ្មី ប្តេជ្ញាបន្តពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែរឹងមាំ និងស៊ីជម្រៅ
សម្ដេចតេជោផ្ដល់អនុសាសន៍ដល់គុនខ្មែរ និងសមាគមខ្មែរនៅជប៉ុនឱ្យខិតខំបន្ថែម ដើម្បីនិរន្តរភាពស្ថាប័ន

នយោបាយ​ និង ការអភិវឌ្ឍន៍

ព្រះអគ្គមហេសី Camilla៖ ព្រះសុខភាពរបស់ព្រះមហាក្សត្រ Charles នៃចក្រភពអង់គ្លេស មានស្ថានភាពល្អណាស់

2024/02/09 07:00:12 pm        70
Facebook Telegram Linkin
ព្រះសុខភាពរបស់ព្រះមហាក្សត្រ ឆាលស៍ (Charles) នៃចក្រភពអង់គ្លេស កំពុងស្ថិតក្នុង «ស្ថានភាពល្អខ្លាំងណាស់» នេះបើយោងតាមបន្ទូលរបស់ព្រះអគ្គមហេសី ខែមមីឡា (Camilla) កាលពីថ្ងៃព្រហស្បតិ៍ (០៨ កុម្ភៈ) នៅក្នុងការបង្ហាញព្រះវត្តមានជាសាធារណៈលើកដំបូងចាប់តាំងពីព្រះមហាក្សត្រ ដែលមានព្រះជន្ម ៧៥ ព្រះវស្សាអង្គនេះ ត្រូវបានគេធ្វើរោគវិនិច្ឆ័យថាមានជំងឺមហារីកមក។ ដោយមានរាជបន្ទូលទៅកាន់អ្នកជូនពរនៅឯការប្រគុំតន្ត្រីសប្បុរសធម៌នៅវិហារ សាលីសប៊ឺរី (Salisbury) នៅភាគខាងត្បូងប្រទេសអង់គ្លេស ព្រះអគ្គមហេសី ខែមមីឡា បានមានបន្ទូលថាព្រះអង្គ ឆាលស៍ សព្វព្រះហឬទ័យយ៉ាងខ្លាំងចំពោះសារនៃការគាំទ្រពីសាធារណៈជន។បុត្រារបស់ព្រះមហាក្សត្រ ឆាលស៍ និងជាអ្នកស្នងរាជបល្ល័ង្ក គឺព្រះរាជទាយាទ វីលៀម (William) កាលពីថ្ងៃពុធ បានមានបន្ទូលថ្លែងអំណរគុណដល់សាធារណជនអង់គ្លេស សម្រាប់សារដ៏សប្បុរសរបស់ពួកគេទាំងចំពោះបិតា និងមហេសីរបស់ទ្រង់ គឺព្រះនាង ខេត (Kate) បន្ទាប់ពីការវះកាត់ថ្មីៗនេះរបស់ទ្រង់កាលពីថ្ងៃទី១៦ ខែមករា។ចាប់តាំងពីពេលវេលាដូចគ្នានោះមក ព្រះអង្គ ឆាលស៍ បានឆ្លងកាត់ការព្យាបាលសម្រាប់បញ្ហាក្រពេញប្រូស្តាតរីកធំ មុនពេលព្រះមរមរាជវាំង បាក់ឃីងហែម (Buckingham) បានប្រកាសកាលពីថ្ងៃចន្ទថា ការធ្វើតេស្តជាបន្តបន្ទាប់លើព្រះមហាក្សត្រ បានបង្ហាញថាទ្រង់មានទម្រង់នៃជំងឺមហារីក៕

អ៊ុយក្រែន តែងតាំងប្រមុខទ័ពថ្មី ដែលជាការផ្លាស់ប្ដូរដ៏ធំក្នុងគ្រាលំបាកនៃសង្រ្គាមជាមួយរុស្ស៊ី

2024/02/09 06:52:42 pm        91
Facebook Telegram Linkin
លោកប្រធានាធិបតី វ្ល៉ូឌីមី ហ៊្សេឡិនស្គី (Volodymyr Zelenskiy) បានជំនួសតំណែងប្រមុខទ័ពដ៏មានប្រជាប្រិយរបស់អ៊ុយក្រែន ដោយតែងតាំងមេបញ្ជាការកងកំលាំងជើងគោករបស់ខ្លួនជាប្រមុខទ័ពជំនួសវិញ កាលពីថ្ងៃព្រហស្បតិ៍ (០៨ កុម្ភៈ) ដែលជាការភ្នាល់ដ៏ធំមួយនៅពេលដែលកងកម្លាំងរុស្ស៊ី កំពុងមានប្រៀបខ្ពស់ ក្នុងរយៈពេលជិតពីរឆ្នាំនៅក្នុងសង្រ្គាមរបស់ពួកគេ។ការកែប្រែក្នុងថ្នាក់ដឹកនាំយោធាថ្មី បន្ទាប់ពីមានការរំពឹងទុកជាច្រើនខែជុំវិញការមិនចុះសម្រុងរវាងលោក ហ៊្សេឡិនស្គី និងអតីតប្រមុខទ័ព លោក វ៉ាឡេរី ហ្សាលូស្ហ៍ន្យី (Valeriy Zaluzhnyi) ដែលប្រជាជនអ៊ុយក្រែនជាច្រើនមើលឃើញថាជាវីរបុរសជាតិ។លោក ហ៊្សេឡិនស្គី បានដំឡើងឋានន្តរស័ក្តិមេទ័ពជើងគោក វរសេនីយ៍ឯក អូឡេកសានដ៍ ស៊ីស្គី (Oleksandr Syrskyi) វ័យ ៥៨ ឆ្នាំ ជាប្រមុខថ្មីនៃកងកម្លាំងប្រដាប់អាវុធ ដោយលើកឡើងពីតួនាទីរបស់លោកក្នុងការត្រួតពិនិត្យការការពារទីក្រុងគីវ ក្នុងឆ្នាំ២០២២ និងការវាយបកភ្លាមៗរបស់ក្រុង ខាគីវ (Kharkiv) នៅចុងឆ្នាំនោះ។លោក ស៊ីស្គី ឡើងកាន់តំណែង ស្របពេលមានភាពមិនប្រាកដប្រជាខ្លាំង ខណៈដែលទីក្រុងគីវ កំពុងរង់ចាំជំនួយផ្នែកយោធាសំខាន់ៗពីសហរដ្ឋអាមេរិក ដែលត្រូវបានពន្យារពេលដោយគណបក្សសាធារណរដ្ឋនៅក្នុងសភាសហរដ្ឋអាមេរិក អស់ជាច្រើនខែ៕

វ៉េណេហ្ស៊ុយអេឡា ប្តេជ្ញាឆ្លើយតបដោយកម្លាំង ប្រសិនបើការខួងយកប្រេង ចាប់ផ្តើមនៅក្នុងតំបន់ជម្លោះ

2024/02/09 06:39:39 pm        95
Facebook Telegram Linkin
វ៉េណេហ្ស៊ុយអេឡាកាលពីថ្ងៃព្រហស្បតិ៍ បានប្តេជ្ញាថា នឹងមាន «ការឆ្លើយតបដោយកម្លាំង» ប្រសិនបើការខួងយកប្រេង ចាប់ផ្តើមនៅក្នុងដែនទឹកដែលមានការតវ៉ាជំទាស់ពីប្រទេសជិតខាងហ្គីយ៉ាន ដូចដែលបានប្រកាសដោយក្រុមហ៊ុនប្រេងយក្សរបស់សហរដ្ឋអាមេរិក ExxonMobil ក្នុងសប្តាហ៍នេះ។ទីក្រុងការ៉ាកាស បានទាមទារជាយូរមកហើយនូវតំបន់ Essequibo ដែលបង្កើតបានប្រហែល ២ ភាគ ៣ នៃទឹកដីហ្គីយ៉ាន ប៉ុន្តែបានបង្កើនវោហាស័ព្ទបស់ខ្លួន ចាប់តាំងពីអ្នកជិតខាងរបស់ខ្លួន បានចាប់ផ្តើមចេញអាជ្ញាប័ណ្ណសម្រាប់ក្រុមហ៊ុនប្រេង ដើម្បីធ្វើប្រតិបត្តិការ នៅទីនោះ។រដ្ឋមន្ត្រីការពារជាតិវ៉េណេហ្ស៊ុយអេឡា លោក វ្ល៉ាឌីមៀ ប៉ាឌ្រីណូ (Vladimir Padrino) បានសរសេរនៅលើបណ្តាញសង្គម X ថា ខណៈដែលក្រុម ExxonMobil អាចមានការការពារពីសហរដ្ឋអាមេរិក និង ប្រទេសហ្គីយ៉ាន នៅក្នុងលំហដែនសមុទ្រដែលជាកម្មសិទ្ធិរបស់ប្រទេសវ៉េណេហ្ស៊ុយអេឡា ពួកគេនឹងទទួលបានការឆ្លើយតបដោយកម្លាំងសមាមាត្រ ដែលប្រកាន់ខ្ជាប់នឹងច្បាប់»។ក្រុមហ៊ុន ExxonMobil ដែលបានរកឃើញស្តុកប្រេងឆៅដ៏ធំនៅប្រទេសហ្គីយ៉ាន ក្នុងឆ្នាំ ២០១៥ បានប្រកាសកាលពីថ្ងៃអង្គារថា ខ្លួនគ្រោងនឹងខួងអណ្តូងរុករកចំនួនពីរនៅឆ្នាំនេះ នៅឯឆ្នេរសមុទ្រ Essequibo ដែលគ្រប់គ្រងដោយហ្គីយ៉ាន អស់រយៈពេលជាងមួយសតវត្សរ៍មកហើយ។កាលពីខែធ្នូ ប្រធានាធិបតីវ៉េណេហ្ស៊ុយអេឡា លោក នីកូឡាស ម៉ាឌូរ៉ូ (Nicolas Maduro) បានហៅការបោះឆ្នោតប្រជាមតិដ៏ចម្រូងចម្រាសមួយដែលមិនជាប់កាតព្វកិច្ច ដែលបានអនុម័តយ៉ាងលើសលប់នូវការបង្កើតខេត្តវ៉េណេស៊ុយអេឡា នៅឆ្នេរសមុទ្រ Essequibo ដែលបង្កឲ្យមានការភ័យខ្លាចនៃជម្លោះយោធានៅអាមេរិកខាងត្បូងដែលមានសន្តិភាពយ៉ាងទូលំទូលាយនោះ។

លោក Biden ហៅការឆ្លើយតបរបស់អ៊ីស្រាអែល លើតំបន់ហ្កាហ្សា ថាជាទង្វើហួសហេតុ

2024/02/09 06:28:10 pm        92
Facebook Telegram Linkin
លោកប្រធានាធិបតីអាមេរិក Joe Biden បាននិយាយកាលពីល្ងាចថ្ងៃព្រហស្បតិ៍ទី៩ខែកុម្ភៈសប្ដាហ៍នេះថា ការឆ្លើយតបរបស់យោធាអ៊ីស្រាអែល ក្នុងតំបន់ហ្កាហ្សាស្ទ្រីប ចំពោះការវាយប្រហារកាលពីថ្ងៃទី៧ខែតុលាដោយក្រុមហាម៉ាស គឺជាទង្វើជ្រុលហួសពេកហើយ។ ប្រធានាធិបតីអាមេរិកវ័យ៨១ឆ្នាំ មកពីគណបក្សប្រជាធិបតេយ្យរូបនេះ បានប្រាប់ក្រុមអ្នកយកព័ត៌មាននៅសេតវិមានថា តាមទស្សនៈរបស់លោក ដូចដែលអ្នករាល់គ្នាដឹងស្រាប់ហើយថា ការឆ្លើយតបនៅក្នុងតំបន់ហ្កាហ្សា គឺជាសកម្មភាពជ្រួលហួសប្រមាណ។ ការគាំទ្ររបស់អាមេរិក សម្រាប់សង្រ្គាមអ៊ីស្រាអែល លើក្រុមសកម្មប្រយុទ្ធប៉ាឡេស្ទីន បានរុញឲ្យផ្ទុះកំហឹងឈានដល់ការវាយប្រហារទាហានអារិកក្នុងតំបន់ ព្រមទាំងមានការរិះគន់លើរដ្ឋបាលរបស់លោកប្រធានាធិបតី Biden ទាំងនៅក្នុងសហរដ្ឋអាមេរិក និងបរទេស។ ការទម្លាក់គ្រាប់បែក និងការឡោមព័ទ្ធជាច្រើនខែមកនេះ បានរុញឲ្យមានវិបត្តិមនុស្សធម៌ពិសេនៅក្នុងតំបន់ហ្កាហ្សាភាគខាងត្បូង។ ប៉ុន្តែលោក Biden បាននិយាយថា លោកបានជំរុញឲ្យមានជំនួយមនុស្សធម៌ចូលទៅក្នុងតំបន់ហ្កាហ្សា។ការសឹងសឹករបស់អ៊ីស្រាអែលបានឆក់យកអាយុជីវិតជនស៊ីលហ្កាហ្សាយ៉ាងហោចណាស់២៧.៨៤០នាក់ ភាគច្រើនជាស្ត្រីនិងកុមារ។សង្រ្គាមនេះ បាននាំឲ្យមានការរីកសាយអំពើហិង្សាទូទាំងតំបន់ដោយក្រុមកងកម្លាំងប្រដាប់អាវុធគាំទ្រដោយអ៊ីរ៉ង់ជាការបង្ហាញសាមគ្គីភាពជាមួយក្រុមហាម៉ាស ដែលនាំឲ្យមានការវាយប្រហារសងសឹកគ្នាពីអ៊ីស្រាអែលនិងអាមេរិក ព្រមទាំងសម្ព័ន្ធមិត្តនានារបស់ខ្លួន៕

អាល្លឺម៉ង់បញ្ជូននាវាចម្បាំង ដើម្បីជួយធានាការដឹកជញ្ជូនសមុទ្រក្រហម

2024/02/09 06:25:46 pm        117
Facebook Telegram Linkin
នាវាចម្បាំងរបស់កងទ័ពជើងទឹកអាល្លឺម៉ង់ បានធ្វើដំណើរទៅកាន់សមុទ្រក្រហម កាលពីថ្ងៃព្រហស្បតិ៍ក្នុងគោលបំណងការពារនាវាពាណិជ្ជកម្មពីការវាយប្រហារដោយក្រុមឧទ្ទាមយេម៉ែន ដែលជាផ្នែកមួយនៃបេសកកម្មសហភាពអឺរ៉ុបដែលបានគ្រោងទុក។មេបញ្ជាការកងទ័ពជើងទឹកលោក ចាន់ គ្រីស្ទៀន កាអេក (Jan Christian Kaack) បានប្រាប់អ្នកយកព័ត៌មាន នៅទីក្រុងប៊ែរឡាំងថា ការដាក់ពង្រាយនេះ គឺជាការចូលរួមដ៏សំខាន់បំផុតរបស់អង្គភាពមួយនៃកងទ័ពជើងទឹកអាល្លឺម៉ង់ ក្នុងរយៈពេលជាច្រើនទសវត្សរ៍ ។ក្រុមឧទ្ទាមហ៊ូធីដែលគាំទ្រដោយអ៊ីរ៉ង់របស់យេម៉ែន បានចាប់ផ្តើមការវាយប្រហារជាបន្តបន្ទាប់លើកនាវាឆ្លងកាត់សមុទ្រក្រហម ចាប់តាំងពីខែវិច្ឆិកា ដោយនិយាយថា យុទ្ធនាការរបស់ពួកគេ គឺនៅក្នុងសាមគ្គីភាពជាមួយប៉ាឡេស្ទីន ក្នុងសង្គ្រាមរវាងអ៊ីស្រាអែលនិងក្រុមហាម៉ាស។សមុទ្រក្រហម ជាធម្មតាគ្របដណ្តប់ប្រហែល ១២ភាគរយនៃពាណិជ្ជកម្មសមុទ្រពិភពលោក។ភាពចលាចល បានជំរុញឲ្យក្រុមហ៊ុនដឹកជញ្ជូនមួយចំនួនប្តូរទិសដៅនាវារបស់ពួកគេចេញពីសមុទ្រក្រហម ដោយធ្វើឲ្យពួកគេប្រើប្រាស់ផ្លូវវែងជាង និងថ្លៃជាង នៅជុំវិញចុងខាងត្បូងនៃទ្វីបអាហ្រ្វិក។លោកកាអេក បាននិយាយថា នាវាចម្បាំង «Hesse» បានចេញដំណើរពីកំពង់ផែវីហែមសាវិន ( Wilhelmshaven) ភាគខាងជើងប្រទេសអាល្លឺម៉ង់ ជាមួយនឹងនាវិកប្រហែល ២៤០នាក់។លោកបានបន្ថែមថា វានឹងអាចឆ្លើយតបទៅនឹងការវាយប្រហារដែលមានសក្តានុពល រួមទាំងពីមីស៊ីល យានដ្រូន និង នាវាអត្តឃាតដែលបញ្ជាពីចម្ងាយ។

ប្រទេសស្លូវ៉ាគី អនុម័តកំណែទម្រង់ច្បាប់ព្រហ្មទណ្ឌ ដែលបានបង្កការតវ៉ាទូទាំងប្រទេស

2024/02/09 06:14:46 pm        99
Facebook Telegram Linkin
សភាប្រទេសស្លូវ៉ាគី បានអនុម័តកំណែទម្រង់លុបចោលសាខាអយ្យការពិសេស ដែលដោះស្រាយលើឧក្រិដ្ឋកម្មកម្រិតខ្ពស់ និងបន្ថយទណ្ឌកម្មសម្រាប់ឧក្រិដ្ឋកម្មហិរញ្ញវត្ថុ ក្នុងនីតិវិធីដ៏លឿនមួយកាលពីថ្ងៃព្រហស្បតិ៍ (០៨ កុម្ភៈ) ស្របពេលមានការតវ៉ាជាសាធារណៈ និងការព្រួយបារម្ភពីគណៈកម្មការអឺរ៉ុប។រដ្ឋាភិបាលរបស់លោកនាយករដ្ឋមន្រ្តី រ៉ូប៊ឺត ហ្វីខូ (Robert Fico) ដែលបានឡើងកាន់អំណាចកាលពីខែតុលា ឆ្នាំមុនជាលើកទីបួនបន្ទាប់ពីមានការប្រឆាំងតវ៉ា បានអះអាងថាការផ្លាស់ប្តូរនេះគឺចាំបាច់ដើម្បីបញ្ចប់នូវអ្វីដែលវាហៅថាការងារលើសបន្ទុកនៅការិយាល័យរដ្ឋអាជ្ញាពិសេស និងការលំអៀងប្រឆាំងនឹងគណបក្ស SMER-SSD ដែលកំពុងកាន់អំណាចបច្ចុប្បន្ន។រដ្ឋាភិបាលបាននិយាយថាការផ្លាស់ប្តូរនេះបានធ្វើទំនើបកម្មក្រមព្រហ្មទណ្ឌដោយការកាត់បន្ថយទោសជាប់ពន្ធនាគាររយៈពេលវែង និងរើសយកវិធានការដាក់ទោសផ្សេងជំនួសវិញ។ ប្រធានាធិបតីស្លូវ៉ាគី លោកស្រី ហ្ស៊ូហ្សាណា ឆាពូតូវ៉ា (Zuzana Caputova) ភ្លាមៗបានផ្តល់សញ្ញាថាលោកស្រីនឹងព្យាយាមបញ្ឈប់លទ្ធភាពនៃការផ្លាស់ប្តូរនេះ តាមរយៈការវេតូ ឬការប្រជែងនៅក្នុងតុលាការ។គណបក្សប្រឆាំង និងជនជាតិស្លូវ៉ាគីរាប់ម៉ឺននាក់ ដែលបានតវ៉ានៅឯការប្រមូលផ្តុំគ្នាទូទាំងប្រទេសក្នុងប៉ុន្មានសប្តាហ៍កន្លងមកនេះ បាននិយាយថា ការផ្លាស់ប្តូរនេះនឹងការពារសម្ព័ន្ធមិត្តផ្នែកនយោបាយ និងអាជីវកម្មរបស់នាយករដ្ឋមន្រ្តី ហ្វីខូ ពីការស៊ើបអង្កេត៕

ព្រឹទ្ធសភាអាមេរិក ពន្លឿនសំណើច្បាប់ជំនួយអ៊ុយក្រែន និងអ៊ីស្រាអែល បន្ទាប់ពីកិច្ចព្រមព្រៀងព្រំដែនបរាជ័យ

2024/02/09 06:08:15 pm        126
Facebook Telegram Linkin
សេចក្ដីស្នើច្បាប់តម្លៃ ៩៥,៣៤ ពាន់លានដុល្លារ ដែលរួមបញ្ចូលជំនួយសម្រាប់អ៊ុយក្រែន អ៊ីស្រាអែល និងកោះតៃវ៉ាន់ ត្រូវបានពន្លឿននៅក្នុងព្រឹទ្ធសភាសហរដ្ឋអាមេរិក កាលពីថ្ងៃព្រហស្បតិ៍ (០៨ កុម្ភៈ) បន្ទាប់ពីគណបក្សសាធារណរដ្ឋបានរារាំងច្បាប់សម្របសម្រួលមួយដែលរួមបញ្ចូលការកែប្រែគោលនយោបាយអន្តោប្រវេសន៍ ដែលអាមេរិកព្យាយាមស្វែងរកជាយូរមកហើយ។សមាជិកព្រឹទ្ធសភាបានគាំទ្រចលនានីតិវិធីដោយសំឡេងឆ្នោត ៦៧ ទល់នឹង ៣២ សំឡេង ដែលលើសពីកម្រិតកំណត់ ៦០ សំឡេងដើម្បីជំរុញសេចក្តីព្រាងច្បាប់នេះ។ សមាជិកគណបក្សសាធារណរដ្ឋចំនួន ១៧ រូបបានបោះឆ្នោតគាំទ្រ ក្នុងការផ្លាស់ប្តូរដ៏គួរឱ្យភ្ញាក់ផ្អើលមួយបន្ទាប់ពីពួកគេបានរារាំងសំណើច្បាប់ដ៏ទូលំទូលាយកាលពីថ្ងៃពុធ។មិនមានព័ត៌មានលម្អិតភ្លាមៗថា នៅពេលណាដែលសភាសមាជិក ១០០ អសនៈនេះនឹងពិចារណាលើការអនុម័តចុងក្រោយ ខណៈដែលសមាជិកព្រឹទ្ធសភាមួយចំនួនបាននិយាយថា ពួកគេរំពឹងថានឹងបន្តនៅក្នុងសម័យប្រជុំនៅចុងសប្តាហ៍ប្រសិនបើចាំបាច់។ ព្រឹទ្ធសភាដឹកនាំដោយប្រជាធិបតេយ្យ បានទទួលយកសេចក្ដីស្នើច្បាប់ជំនួយផ្នែកសន្តិសុខនេះ បន្ទាប់ពីគណបក្សសាធារណរដ្ឋកាលពីថ្ងៃពុធ បានរារាំងវិធានការទូលំទូលាយដែលរួមបញ្ចូលផងដែរនូវកំណែទម្រង់សន្តិសុខព្រំដែន និងគោលនយោបាយអន្តោប្រវេសន៍ដែលសមាជិកព្រឹទ្ធសភាទ្វេបក្សបានចរចាអស់រយៈពេលជាច្រើនខែ៕

អាមេរិក ព្រមានអ៊ីស្រាអែល ទល់នឹងការវាយប្រហារដោយយោធាដែលគ្មានគម្រោងលើតំបន់រ៉ាហ្វា

2024/02/09 06:05:06 pm        153
Facebook Telegram Linkin
សហរដ្ឋអាមេរិក បានព្រមានអ៊ីស្រាអែលថា ការវាយលុកដោយយោធាចូលទៅក្នុងទីក្រុង រ៉ាហ្វា (Rafah)ភាគខាងត្បូងនៃតំបន់ហ្កាហ្សាដោយគ្មានការរៀបចំផែនការត្រឹមត្រូវនឹងក្លាយជាគ្រោះមហន្តរាយ។ សេតវិមានបាននិយាយថា ខ្លួននឹងមិនគាំទ្រផែនការសម្រាប់ប្រតិបត្តិការសំខាន់ៗណាមួយនៅក្នុងតំបន់ Rafah ដោយគ្មានការពិចារណាត្រឹមត្រូវសម្រាប់ជនភៀសខ្លួននៅទីនោះទេ។ ការអត្ថាធិប្បាយនេះកើតឡើងប៉ុន្មានថ្ងៃបន្ទាប់ពីមេដឹកនាំអ៊ីស្រាអែលបាននិយាយថាយោធាត្រូវបានបញ្ជាឱ្យរៀបចំប្រតិបត្តិការនៅតំបន់រ៉ាហ្វា។ ជាងពាក់កណ្តាលនៃប្រជាជននៅតំបន់ហ្កាហ្សាឥឡូវនេះរស់នៅក្នុងទីក្រុងជាប់ព្រំដែនប្រទេសអេហ្ស៊ីប។ ប្រជាជនប៉ាឡេស្ទីនប្រហែល ១,៥ លាននាក់កំពុងព្យាយាមរស់នៅទីនោះ ក្នុងស្ថានភាពមនុស្សធម៌ធ្ងន់ធ្ងរ។ អ៊ីស្រាអែលបានទម្លាក់គ្រាប់បែកលើផ្នែកខ្លះនៃទីក្រុង រ៉ាហ្វា ពីលើអាកាសកាលពីព្រឹកថ្ងៃព្រហស្បតិ៍ ហើយតាមសេចក្តីរាយការណ៍ រថក្រោះអ៊ីស្រាអែល ក៏បានបើកការបាញ់ប្រហារផងដែរ។ ថ្លែងកាលពីល្ងាចថ្ងៃព្រហស្បតិ៍ សប្ដាហ៍នេះ ដោយពុំសំដៅលើតំបន់រ៉ាហ្វា លោកប្រធានាធិបតីអាមេរិក Joe Biden បាននិយាយថា សកម្មភាពរបស់អ៊ីស្រាអែលនៅហ្កាហ្សាគឺ ជ្រុលហួសពេកហើយ។ថ្មីៗនេះអ្នកនាំពាក្យក្រុមប្រឹក្សាសន្តិសុខជាតិអាមេរិក លោក John Kirby បាននិយាយថា យោធាអ៊ីស្រាអែល មានកាតព្វកិច្ចពិសេស ខណៈពួកគេធ្វើប្រតិបត្តិការនៅទីនោះ ឬកន្លែងផ្សេងទៀត ដើម្បីប្រាកដថា ពួកគេកំពុងការពារជីវិតជនស៊ីវិលស្លូតត្រង់៕

ប្រទេសឥណ្ឌា លើកឡើងថា ខ្លួននឹងបញ្ចប់សកម្មភាពព្រំដែនសេរី ជាមួយសហភាពមីយ៉ាន់ម៉ា

2024/02/09 06:01:59 pm        69
Facebook Telegram Linkin
រដ្ឋមន្ត្រីក្រសួងមហាផ្ទៃឥណ្ឌា បាននិយាយកាលពីថ្ងៃព្រហស្បតិ៍ ៨កុម្ភៈថា លោកបានណែនាំឱ្យផ្អាកជាបន្ទាន់នៃកិច្ចព្រមព្រៀងព្រំដែនសកម្មភាពសេរីជាមួយសហភាពមីយ៉ាន់ម៉ា ដែលមនុស្សរាប់ពាន់នាក់បានភៀសខ្លួនចាប់តាំងពីការប្រយុទ្ធគ្នារវាងរបបយោធា និងក្រុមគូប្រជែងរបស់ខ្លួនបានកើនឡើងកាលពីឆ្នាំមុន។ លោក អាមីដ សា (Amit Shah) បាននិយាយថា ក្រសួងការបរទេសកំពុងស្ថិតក្នុងដំណើរការលុបចោលកិច្ចព្រមព្រៀងនេះរួចហើយ ដែលអនុញ្ញាតឱ្យអ្នកដែលរស់នៅក្នុងតំបន់ព្រំដែនអាចធ្វើការរកស៊ី ចូលទៅកាន់ទឹកដីជិតៗ នៃប្រទេសជិតខាងរបស់ពួកគេ ដោយគ្មានទិដ្ឋាការ។ មនុស្សជាច្រើននៅតំបន់ព្រំដែន ចែករំលែកទំនាក់ទំនងវប្បធម៌ និងសាសនាយ៉ាងជិតស្និទ្ធ។ លោក សា បាននិយាយថា នេះជារឿងចាំបាច់ដើម្បីធានាសន្តិសុខផ្ទៃក្នុងរបស់ប្រទេស និងដើម្បីរក្សារចនាសម្ព័ន្ធប្រជាសាស្រ្តនៅតាមតំបន់ជាប់ព្រំដែនមីយ៉ាន់ម៉ា។ វិធានការនេះ រាប់បញ្ចូលទាំងរដ្ឋម៉ានីពួរ(Manipur) របស់ប្រទេសឥណ្ឌា ដែលមានមនុស្សជាង២០០ នាក់ត្រូវបានសម្លាប់ចាប់តាំងពីការប៉ះទង្គិចគ្នាបានផ្ទុះឡើងកាលពីខែឧសភាឆ្នាំមុនរវាងប្រជាជនភាគច្រើននៃសាសនាហិណ្ឌូ ម៉ីតី (Meitei)និងសហគមន៍គ្រិស្តសាសនាគូគី(Kuki) ។ អ្នកភៀសខ្លួនទៅឥណ្ឌាភាគច្រើននាក់ពីមីយ៉ាន់ម៉ា បានចែករំលែកទំនាក់ទំនងជាមួយជនជាតិភាគតិចគូគី។ នាយករដ្ឋមន្ត្រីប្រចាំរដ្ឋម៉ានីពួរ លោក អិន ប៊ីរិន ស៊ីញ (N Biren Singh) មកពីគណបក្សបារ៉ាទីយ៉ាចាណាតា (Bharatiya Janata Party)កំពុងកាន់អំណាចបាននិយាយកាលពីថ្ងៃព្រហស្បតិ៍នៅក្នុងការបង្ហោះនៅលើបណ្ដាញសង្គម X ថាការបញ្ចប់សកម្មភាពដោយសេរីគឺជាគន្លឹះដើម្បី ទប់ស្កាត់ការធ្វើអន្តោប្រវេសន៍ខុសច្បាប់ និងការពង្រឹងសន្តិសុខផ្ទៃក្នុងរបស់យើង។ផ្នែកខ្លះនៃសហភាពមីយ៉ាន់ម៉ានៅជិតព្រំដែនឥណ្ឌាបានមើលឃើញការប៉ះទង្គិចគ្នាជាញឹកញាប់ចាប់តាំងពីក្រុមយុទ្ធជនអរ៉ាកាន់(Arakan Army) បានវាយប្រហារកងកម្លាំងសន្តិសុខកាលពីខែវិច្ឆិកា ដោយបញ្ចប់បទឈប់បាញ់ដែលបានធ្វើឡើងភាគច្រើនចាប់តាំងពីរដ្ឋប្រហារយោធាឆ្នាំ២០២១មក។ ទាហានរាប់រយនាក់មកពីសហភាពមីយ៉ាន់ម៉ា និងជនស៊ីវិលរាប់ពាន់នាក់ បានឆ្លងចូលទៅក្នុងប្រទេសឥណ្ឌា ដោយសារស្ថានភាពការប្រយុទ្ធគ្នាបានកក្រើកខ្លាំងនៅតាមព្រំដែនជាច្រើន៕

លោក ពូទីន និយាយថា រុស្ស៊ី ពុំមានចំណាប់អារម្មណ៍ក្នុងការឈ្លានពានប្រទេសប៉ូឡូញ ឬឡាតវីទេ

2024/02/09 05:58:36 pm        82
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយនៅក្នុងបទសម្ភាសន៍មួយដែលបានចាក់ផ្សាយកាលពីថ្ងៃព្រហស្បតិ៍ (០៨ កុម្ភៈ) ថាទីក្រុងមូស្គូ មិនមានចំណាប់អារម្មណ៍ក្នុងការឈ្លានពាន «ប្រទេសប៉ូឡូញ ឡាតវី ឬកន្លែងណាផ្សេងទៀតទេ» ហើយបាននិយាយថា ការលើកឡើងទាំងឡាយដែលថាទីក្រុងមូស្គូ អាចធ្វើដូច្នេះ គឺជាការគំរាមកំហែងយ៉ាងខ្លាំង។លោកប្រធានាធិបតី វ្ល៉ាឌីមៀ ពូទីន បាននិយាយថានេះជាសំណួរផ្ដេសផ្ដាសណាស់ ដែលថារុស្ស៊ី ចង់ឈ្លានពានប៉ូឡូញ ឬឡាតវី ដោយប្រាប់អ្នករៀបចំកម្មវិធីជជែកពិភាក្សារបស់សហរដ្ឋអាមេរិក លោក ថាក់ឃើ ខាលសុន (Tucker Carlson) នៅក្នុងបទសម្ភាសន៍មួយដែលបានបង្ហោះកាលពីថ្ងៃព្រហស្បតិ៍ថា «យើងមិនមានចំណាប់អារម្មណ៍នោះទេ» ក្នុងការពង្រីកសង្រ្គាមនៅអ៊ុយក្រែន។លោក ពូទីន បានធ្វើការអត្ថាធិប្បាយបែបនេះក្នុងអំឡុងការសន្ទនារយៈពេលពីរម៉ោងជាមួយពិធីករទូរទស្សន៍អាមេរិករូបនេះ ដែលត្រូវបានថតនៅទីក្រុងមូស្គូ កាលពីថ្ងៃអង្គារ។ វិមានក្រឹមឡាំងបាននិយាយថាលោក ពូទីន បានយល់ព្រមផ្ដល់បទសម្ភាសន៍ដល់លោក ខាលសុន ដោយសារតែវិធីសាស្រ្តរបស់អតីតពិធីករទូរទស្សន៍ ហ្វក ញ៉ូវស៍ (Fox News) រូបនេះខុសពីការរាយការណ៍ «តែម្ខាង» នៃជម្លោះអ៊ុយក្រែនដោយសារព័ត៌មានលោកខាងលិចជាច្រើនទៀត៕

បណ្ដាញសង្គម

ព័ត៌មានថ្មីៗ

ចិន៖ អាមេរិកកំពុងប្រើប្រាស់ការអះអាង​ចារកម្ម ពាក់ព័ន្ធនាយក​ប្រតិបត្តិ​ Nvidia ជាលេសស «បិទខ្ទប់» បច្ចេកវិទ្យា
11/12/2026 06:11 PM
Facebook Telegram Linkin
បារាំង៖ សហភាពអឺរ៉ុប នឹងអនុម័តទណ្ឌកម្មបន្ថែមលើរុស្ស៊ី នៅថ្ងៃចន្ទ
11/12/2026 06:11 PM
Facebook Telegram Linkin
អ្នកសម្របសម្រួល (L.O) គណៈប្រតិភូ ហ្វ្រង់កូហ្វូនី ពេញចិត្តចំពោះចំពោះការងារ ដោយនឹងព្យាយាមធ្វើឱ្យបានល្អដើម្បីមុខមាត់កម្ពុជា
11/12/2026 06:11 PM
Facebook Telegram Linkin
ប្រធានាធិបតីកូរ៉េខាងត្បូង លោក Lee នឹងធ្វើ​ទស្សនកិច្ចនៅហ្វីលីពីន និងចូលរួមកិច្ចប្រជុំកំពូល APEC នៅចិន
11/12/2026 06:11 PM
Facebook Telegram Linkin
អ៊ីរ៉ង់៖ នាវាដឹកប្រេង ២គ្រឿងផ្ទុក​​ប្រេងជាង ៤លានបារ៉ែល មាន​​អគ្គិភ័យ នៅច្រកសមុទ្រ Hormuz
11/12/2026 06:11 PM
Facebook Telegram Linkin
អ៊ីរ៉ង់ ធ្វើបច្ចុប្បន្នភាពបញ្ជីគោលដៅយោធាសម្រាប់សង្គ្រាមដែលអាចកើតមាននៅពេលអនាគត
11/12/2026 05:11 PM
Facebook Telegram Linkin
ការប្រយុទ្ធគ្នាកាន់តែខ្លាំងនៅយេម៉ែន ខណៈក្រុមហ៊ូទី ច្រានចោលថាមិនបានកំណត់គោលដៅលើទីក្រុងមេកា
11/12/2026 05:11 PM
Facebook Telegram Linkin
អគ្គនាយកដ្ឋានអត្តសញ្ញាណកម្មបើកកិច្ចប្រជុំស្តីពីការដោះស្រាយបញ្ជាកំហុសទិន្នន័យលើឯកសារអត្តសញ្ញាណប្រជាពលរដ្ឋ
11/12/2026 05:11 PM
Facebook Telegram Linkin
អ៊ីរ៉ង់ ព្រមានសងសឹកកាន់តែខ្លាំង ខណៈមានសេចក្តីរាយការណ៍ថា អ៊ីស្រាអែលត្រៀមវាយប្រហារ
11/12/2026 04:11 PM
Facebook Telegram Linkin
ទីក្រុងឌែលី ទប់ទល់វិបត្តិបំពុលបរិស្ថានខណៈខ្យល់និងទឹកមានសារធាតុពុលបង្កហានិភ័យសុខភាព
11/12/2026 04:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.