នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈប្រតិភូសភាពាណិជ្ជកម្មអាមេរិក-កម្ពុជា បង្ហាញចំណាប់អារម្មណ៍បណ្ដាក់ទុនវិនិយោគលើវិស័យសំខាន់ៗ នៅកម្ពុជា
សមាគម JCA ពង្រឹងកិច្ចសហប្រតិបត្តិការជាមួយកម្ពុជាលើវិស័យបណ្តុះបណ្តាល, កសិកម្ម និងឧស្សាហកមុ្មឌីជីថល
ឯកអគ្គរដ្ឋទូតអ៊ីរ៉ង់ ប្ដេជ្ញាជំរុញកិច្ចសហប្រតិបត្តិការជាមួយកម្ពុជា
សម្ដេចតេជោ សង្ឃឹមថា ឯកអគ្គរដ្ឋទូតថ្មីអ៊ីរ៉ង់នឹងញ៉ាំងទំនាក់ទំនងកម្ពុជា និងអ៊ីរ៉ង់ឱ្យកាន់តែរឹងមាំបន្ថែមទៀត

នយោបាយ​ និង ការអភិវឌ្ឍន៍

១១ខែឆ្នាំនេះទេសចរអន្តរជាតិទិញសំបុត្រចូលទស្សនាអង្គរជិត ៧០ ម៉ឺននាក់ រកចំណូលបានជាង ៣២ លានដុល្លារ

2023/12/01 07:59:05 pm        378
Facebook Telegram Linkin
 សៀមរាប៖ ភ្ញៀវទេសចរអន្ដរជាតិ ទិញសំបុត្រចូលទស្សនាអង្គរ រយៈពេល១១ខែឆ្នាំ២០២៣នេះ មានចំនួនជិត ៧០ ម៉ឺននាក់ កើនឡើងជាង ២១០ ភាគរយ និងទទួលថវិកាពីការលក់សំបុត្រជាងជាង ៣២ លានដុល្លារ កើនឡើងជាង ២៦១ ភាគរយ បើធៀបនឹងឆ្នាំ២០២២កន្លងមក។ នេះបើតាមរបាយការណ៍របស់គ្រិះស្ថានអង្គរចេញផ្សាយនៅថ្ងៃទី១ខែធ្នូឆ្នាំ២០២៣នេះ។ តាមរបាយការណ៍ដដែលបានបង្ហាញថា ចាប់ពីខែមករាដល់ខែវិច្ឆិកា ឆ្នាំ២០២៣ មានភ្ញៀវទេសចរអន្ដរជាតិ៩ម៉ឺន៧៤២៦នាក់ បានទិញសំបុត្រចូលទស្សនាអង្គរ និងទទួលបានចំណូល៤លាន ៦៦ម៉ឺន៤៤១២ដុល្លារ។សម្រាប់រយៈពេល១១ខែឆ្នាំ២០២៣នេះ មានអ្នកទេសចរចំនួន៦៩៩ ៩៩៦នាក់ បានទិញសំបុត្រចូលទស្សនារមណីយដ្ឋានអង្គរ ដែលចំនួននេះ បានកើនឡើងជាង២១០ភាគរយ ដោយទទួលចំណូលថវិកា៣២លាន៥៤៦,៨៤៧ដុល្លា កើនឡើងជាង២៦១ភាគរយ បើធៀបនឹងឆ្នាំ២០២២កន្លងមក។ នេះបើតាមការបញ្ជាក់របស់របាយការណ៍ដដែល៕

ប្រព័ន្ធផ្សព្វផ្សាយ៖ លោកPutin ចាប់ផ្តើមយុទ្ធនាការបោះឆ្នោតថ្មីដោយប្រសិទ្ធភាពជាមួយពិព័រណ៍រុស្ស៊ី

2023/12/01 07:40:55 pm        159
Facebook Telegram Linkin
ប្រធានាធិបតីរុស្ស៊ី លោក Vladimir Putin អាចប្រកាសពីបំណងរបស់លោកសម្រាប់ការបោះឆ្នោតថ្មីនៅដើមខែនេះ។ ប្រព័ន្ធផ្សព្វផ្សាយរុស្ស៊ី និយាយថា យុទ្ធនាការរបស់លោកសម្រាប់ការបោះឆ្នោតប្រធានាធិបតី ដែលកំណត់ពេលធ្វើនៅខែមីនាខាងមុខ បានចាប់ផ្តើមយ៉ាងមានប្រសិទ្ធភាពជាមួយនឹងការបង្ហាញសមិទ្ធផលរបស់រុស្ស៊ី។ ព្រឹត្តិការណ៍ទ្រង់ទ្រាយធំដែលកំពុងធ្វើឡើងមានឈ្មោះថា «Russia Expo» បានបើកនៅទីក្រុងមូស្គូកាលពីដើមខែវិច្ឆិកា។ ពិព័រណ៌បានបង្ហាញពីបច្ចេកវិទ្យាអវកាស និងនុយក្លេអ៊ែររបស់រុស្ស៊ី ដែលប្រទេសនេះតែងតែផ្សព្វផ្សាយ។ ស្តង់ជាច្រើនមកពីជាង ៨០ តំបន់ កំពុងបង្ហាញឧស្សាហកម្ម និងវប្បធម៌របស់ពួកគេ។ ជាក់ស្តែង ពិព័រណ៍នេះ បានសាទរពីគោលនយោបាយរបស់លោកPutin ថាជាអ្នកជំរុញការអភិវឌ្ឍន៍របស់រុស្ស៊ី។ពិព័រណ៌ក៏មានស្តង់ជាច្រើន ណែនាំពីតំបន់គ្រីម៉េ នៅភាគខាងត្បូងប្រទេសអ៊ុយក្រែន ដែលរុស្ស៊ីបានដាក់បញ្ចូលជាឧបសម្ព័ន្ធឯកតោភាគីក្នុងឆ្នាំ២០១៤ និងតំបន់អ៊ុយក្រែនចំនួន៤ ដែលរុស្ស៊ីបានប្រកាសការគ្រប់គ្រងជាឯកតោភាគី កាលពីឆ្នាំមុន។ឧបករណ៍ដាក់តាំង ក៏បង្ហាញពីសមិទ្ធិផលស្នាដៃនៃការឈ្លានពានលើអ៊ុយក្រែនផងដែរ។ ស្ត្រីម្នាក់ និយាយថា នាងមានមោទនភាពចំពោះប្រទេសរបស់នាង ដែល រុស្ស៊ីកំពុងរីកចម្រើន ទោះបីជាមានរឿងគ្រប់យ៉ាង បានកើតឡើងក្នុងឆ្នាំនេះក៏ដោយ។ និស្សិតសកលវិទ្យាល័យម្នាក់និយាយថា ប្រទេសរបស់គាត់មានអនាគតដ៏អស្ចារ្យ។សភារុស្ស៊ីត្រូវបានគេរំពឹងថានឹងសម្រេចជាផ្លូវការថ្ងៃបោះឆ្នោតប្រធានាធិបតីនៅក្នុងខែនេះ។ ប្រព័ន្ធផ្សព្វផ្សាយ និងអ្នកជំនាញរុស្ស៊ី សន្និដ្ឋានថា លោក Putin អាចនឹងប្រកាសបេក្ខភាពរបស់លោក នៅក្នុងសន្និសីទសារព័ត៌មាន និងវគ្គសំណួរចម្លើយជាមួយសាធារណជន ដែលគ្រោងធ្វើនៅថ្ងៃទី ១៤ ខែធ្នូ។

បារាំងនឹងជំរុញការផ្គត់ផ្គង់គ្រាប់រំសេវ ដល់អ៊ុយក្រែន នៅឆ្នាំ២០២៤

2023/12/01 06:07:05 pm        161
Facebook Telegram Linkin
ក្រសួងការពារជាតិអ៊ុយក្រែន បានប្រកាសកាលពីថ្ងៃទី ៣០ ខែវិច្ឆិកា បន្ទាប់ពីដំណើរទស្សនកិច្ចរបស់គណៈប្រតិភូបារាំងថា ប្រទេសបារាំង បានសន្យាជំរុញការផ្គត់ផ្គង់គ្រាប់រំសេវដល់អ៊ុយក្រែន ដើម្បីបំពេញតម្រូវការការពារជាតិរបស់ក្រុងគីវ នៅឆ្នាំក្រោយ។ អនុរដ្ឋមន្ត្រីការពារជាតិអ៊ុយក្រែន លោក ឌ្មីត្រូ ក្លីមែនកូវ ( Dmytro Klimenkov) និងលោក ឧត្តមសេនីយ៍ទោ អ៊ីវ៉ាន ហាវរីលីអ៊ុក (Ivan Havryliuk) បានជួបគណៈប្រតិភូបារាំង ដឹកនាំដោយអគ្គវិស្វករ Jean-Francois Dock ក្នុងទីក្រុងគីវ ដើម្បីពិភាក្សាអំពីកិច្ចសហប្រតិបត្តិការលើវិស័យការពារជាតិរវាងប្រទេសទាំងពីរ។លោក Dock បាននិយាយថា ទីក្រុងប៉ារីស កំពុងចាត់វិធានការទាំងឡាយណា ដែលអាចធ្វើទៅ បានដើម្បីគាំទ្រអ៊ុយក្រែន។ លោកបានបញ្ជាក់ថា មូលនិធិជំនួយរបស់បារាំង កំពុងព្យាយាមគ្របដណ្តប់ផ្នែកខ្លះនៃការទិញអាវុធ និងគ្រឿងបន្លាស់របស់អ៊ុយក្រែន ដោយបន្ថែមថា ប្រទេសបារាំង នឹងបង្កើនការផ្គត់ផ្គង់គ្រាប់រំសេវ នៅឆ្នាំក្រោយនេះ។ភាគីនានា ក៏បានពិភាក្សាអំពីការពង្រឹងកិច្ចសហប្រតិបត្តិការលើវិស័យភ័ស្តុភារយោធាផងដែរ។លោក ហាវរីលីអ៊ុក បាននិយាយថា៖ «សប្តាហ៍នេះ យើងបានទទួលមូលនិធិរួចហើយ ហើយនឹងធ្វើការបង់ប្រាក់សម្រាប់ការទិញបន្ថែមនូវកាំភ្លើងបាញ់ស្វ័យប្រវត្តិធុនCaesar»។

មេដឹកនាំកូរ៉េខាងជើង Kim Jong Un អំពាវនាវឲ្យត្រៀមកម្លាំងយោធា ខណៈអាមេរិកដាក់ទណ្ឌកម្មថ្មីៗបន្ថែមទៀត

2023/12/01 05:58:01 pm        185
Facebook Telegram Linkin
ប្រព័ន្ធផ្សព្វផ្សាយរដ្ឋ KCNA បាននិយាយនៅថ្ងៃសុក្រ ទី០១ ខែធ្នូ ថា មេដឹកនាំកូរ៉េខាងជើង លោក គីម ជុងអ៊ុន(Kim Jong Un) បានអំពាវនាវឱ្យយោធាត្រៀមខ្លួនសម្រាប់ការបង្កហេតុណាមួយពីសត្រូវ ជាពិសេស ក្រោយការបាញ់បង្ហោះផ្កាយរណបចារកម្មកាលពីថ្ងៃអង្គារសប្ដាហ៍មុន។ ដោយប្រយ័ត្នប្រយែងចំពោះសត្រូវ ក្រុងព្យុងយ៉ាងបានប្ដេជ្ញាពង្រាយកម្លាំងប្រដាប់អាវុធ និងសព្វាវុធជាច្រើននៅព្រំដែនរបស់ខ្លួនជាមួយខាងត្បូង។ មួយថ្ងៃមុន លោក Kim បានចុះពិនិត្យ ទីបញ្ជាការកងទ័ពអាកាស ហើយបានដាក់ចេញនូវគោលការណ៍ណែនាំយុទ្ធសាស្ត្រប្រតិបត្តិការ ដើម្បីបង្កើនការត្រៀនកម្លាំង និងសមត្ថភាពធ្វើសង្គ្រាមរបស់យោធា។ ទីភ្នាក់ងារសារព័ត៌មាន KCNA ដដែលនេះ បាននិយាយថា លោក Kim បានវាយតម្លៃខ្ពស់ចំពោះការត្រៀមខ្លួនដ៏តានតឹងរបស់អ្នកបើកយន្តហោះក្នុងការអនុវត្តបេសកកម្មប្រយុទ្ធតាមផ្លូវអាកាសដោយគ្មានបញ្ហា ដែលមិនត្រូវឲ្យការមិនពេញចិត្តណាមួយកើតឡើងជាដាច់ខាត។ជំហរបង្កហេតុរបស់លោក Kim កើតមានប៉ុន្មានម៉ោងបន្ទាប់ពីទីក្រុងវ៉ាស៊ីនតោន បានប្រកាសដាក់ទណ្ឌកម្មថ្មីលើកូរ៉េខាងជើងចំពោះការបាញ់បង្ហោះផ្កាយរណបចារកម្ម។ សហរដ្ឋអាមេរិកបានថ្កោលទោសម្តងហើយម្តងទៀតចំពោះការបាញ់បង្ហោះផ្កាយរណបចារកម្ម ម៉ាលីយ៉ុង ១ "Malligyong-1" ដោយហៅការបាញ់នេះ ថាជាការបំពានដ៏ធ្ងន់ធ្ងរ លើទណ្ឌកម្មរបស់អង្គការសហប្រជាជាតិ។ កាលពីថ្ងៃព្រហស្បតិ៍សប្ដាហ៍នេះ ក្រសួងរតនាគារសហរដ្ឋអាមេរិកបាននិយាយថា ខ្លួនកំពុងដាក់ទណ្ឌកម្ម ដោយមានការសម្របសម្រួលជាមួយអូស្ត្រាលី ជប៉ុន និងកូរ៉េខាងត្បូង លើក្រុមចារកម្មអ៊ីនធឺណេត គីមស៊ូគី (Kimsuky) ដោយចោទប្រកាន់ថាប្រទេសឯកោមួយនេះ បានប្រមូលព័ត៌មានសម្ងាត់ដើម្បីគាំទ្រមហិច្ឆតាយុទ្ធសាស្ត្រ និងនុយក្លេអ៊ែររបស់កូរ៉េខាងជើង៕

ស្ថានទូតជប៉ុនប្រចាំព្រះរាជាណាចក្រកម្ពុជា អញ្ជើញជួបពិភាក្សាការងារ ជាមួយថ្នាក់ដឹកនាំខេត្តបន្ទាយមានជ័យ

2023/12/01 05:52:46 pm        125
Facebook Telegram Linkin
បន្ទាយមានជ័យ៖ ស្ថានទូតជប៉ុនប្រចាំព្រះរាជាណាចក្រកម្ពុជា ដឹកនាំដោយលោក តានិណៃ អ៊ីឈិតុម៉ុ ឧបទូត/អនុប្រធាន បេសកកម្ម ការទូតស្ថានទូតជប៉ុន ប្រចាំព្រះរាជាណាចក្រ កម្ពុជា  រួមនឹងប្រតិភូ បានអញ្ជើញសម្តែងការគួរសមជាមួយឯកឧត្តម អ៊ុំ រាត្រី អភិបាល នៃ​គណៈ​អភិបាល​​ខេត្តបន្ទាយមានជ័យ ធ្វើឡើងនៅព្រឹកថ្ងៃទី០១ ខែធ្នូ ឆ្នាំ២០២៣ នៅសាលប្រជុំ​សាលា​ខេត្ត​បន្ទាយមានជ័យ ។ តាមរយៈ នៃជំនួបរវាងប្រទេសទាំង២ ក៏បានពិភាក្សាដូចជា ១. វឌ្ឍនភាពនៃគម្រោងជំនួយ ODA ដោយរដ្ឋាភិបាលជប៉ុនក្នុងវិស័យហេដ្ឋារចនាសម្ព័ន្ធ, ២. អត្ថប្រយោជន៍ទីតាំងភូមិសាស្ត្រខេត្តបន្ទាយមានជ័យដែលជាមជ្ឈមណ្ឌលសំខាន់ក្នុងច្រករបៀងសេដ្ឋកិច្ច ភាគខាងត្បូង, ៣. ការណែនាំអំពីសកម្មភាពរបស់ក្រុមហ៊ុនជប៉ុននៅប៉ោយប៉ែត, ៤. ការ​រំពឹង​ទុករបស់រដ្ឋបាលខេត្តទៅលើគម្រោងហេដ្ឋារចនាសម្ព័ន្ធនាពេលអនាគត (ដូចជា​គម្រោង​ផ្លូវ​ល្បឿនលឿន ផ្លូវដែក) ជាដើម។

កិច្ចប្រជុំអាកាសធាតុ COP28 ចាប់ផ្តើមជាមួយនឹងជ័យជំនះមូលនិធិគ្រោះមហន្តរាយអាកាសធាតុ

2023/12/01 05:48:42 pm        87
Facebook Telegram Linkin
កិច្ចប្រជុំកំពូលអាកាសធាតុរបស់អង្គការសហប្រជាជាតិ ទទួលបានជោគជ័យយ៉ាងឆាប់រហ័សកាលពីថ្ងៃព្រហស្បតិ៍ (៣០ វិច្ឆិកា) ដោយគណៈប្រតិភូបានអនុម័តមូលនិធិថ្មីដើម្បីជួយបណ្ដាប្រទេសដែលងាយរងគ្រោះ ទប់ទល់នឹងការចំណាយនៃគ្រោះមហន្តរាយអាកាសធាតុ។ កិច្ចព្រមព្រៀងនេះត្រូវបានអនុម័តបន្ទាប់ពីពិធីបើកកិចប្រជុំកំពូល COP28 នៅទីក្រុងឌុយបៃ ហើយបន្ទាប់ពីមានការចរចាជាច្រើនខែរួចមកហើយ។ប៉ុន្តែអ្នកខ្លះបារម្ភថានៅតែមានបញ្ហាដែលមិនអាចដោះស្រាយបាន រួមទាំងរបៀបដែលមូលនិធិនឹងត្រូវផ្តល់ហិរញ្ញប្បទាននៅពេលអនាគត។ របកគំហើញដំបូងលើមូលនិធិ ដែលបណ្ដាប្រទេសក្រីក្របានទាមទារអស់ជាច្រើនឆ្នាំមកហើយនេះ អាចជួយកាត់បន្ថយភាពតានតឹងដល់ការសម្របសម្រួលផ្សេងទៀត។នៅមុននោះ ប្រធានកិច្ចប្រជុំ COP28 លោក ស៊ុលតាន អាល់ចាប៊ឺ (Sultan al-Jaber) និងជានាយកប្រតិបត្តិនៃក្រុមហ៊ុនប្រេងជាតិរបស់អារ៉ាប់រួម បានបើកកិច្ចប្រជុំកំពូលនេះដោយជំរុញឱ្យបណ្តាប្រទេស និងក្រុមហ៊ុនឥន្ធនៈហ្វូស៊ីល ធ្វើការរួមគ្នាដើម្បីសម្រេចបាននូវគោលដៅអាកាសធាតុពិភពលោក។ក្នុងរយៈពេលពីរសប្តាហ៍ខាងមុខ បណ្ដារដ្ឋាភិបាលក៏នឹងពិភាក្សាគ្នាថាតើត្រូវយល់ព្រមជាលើកដំបូង ដើម្បីបញ្ឈប់ការប្រើប្រាស់ធ្យូងថ្ម ប្រេង និងឧស្ម័នដែលបញ្ចេញឧស្ម័នកាបូនឌីអុកស៊ីត ជាសកល ដែលជាប្រភពចម្បងនៃការបំភាយឧស្ម័ន ឬយ៉ាងណា។ របៀបវារៈនៅក្នុងកិច្ចប្រជុំកំពូលអាកាសធាតុមួយនេះ ត្រូវបានគេស្គាល់ថា «ការវាយតម្លៃសកល» ហើយនោះគឺជាពេលវេលាដែលប្រទេសនានាវាយតម្លៃវឌ្ឍនភាពរបស់ពួកគេក្នុងការសម្រេចបាននូវគោលដៅអាកាសធាតុសកល៕

សហរដ្ឋអាមេរិក និងបណ្ដាដៃគូ ដាក់ទណ្ឌកម្មថ្មីលើកូរ៉េខាងជើង បន្ទាប់ពីការបាញ់បង្ហោះផ្កាយរណប

2023/12/01 05:41:56 pm        100
Facebook Telegram Linkin
សហរដ្ឋអាមេរិក កាលពីថ្ងៃព្រហស្បតិ៍ (៣០ វិច្ឆិកា) បានកំណត់គោលដៅលើកូរ៉េខាងជើង ជាមួយនឹងការដាក់ទណ្ឌកម្មថ្មី បន្ទាប់ពីការបាញ់បង្ហោះផ្កាយរណបចារកម្មកាលពីសប្តាហ៍មុន ដោយកំណត់លើបណ្ដាភ្នាក់ងារមានមូលដ្ឋាននៅបរទេស ដែលខ្លួនបានចោទប្រកាន់ពីបទសម្របសម្រួលការគេចវេសពីទណ្ឌកម្ម រួមទាំងប្រាក់ចំណូល និងបច្ចេកវិទ្យាសម្រាប់កម្មវិធីអាវុធមហាប្រល័យ។ក្រសួងរតនាគារសហរដ្ឋអាមេរិក នៅក្នុងសេចក្តីថ្លែងការណ៍មួយបាននិយាយថា ខ្លួនក៏បានដាក់ទណ្ឌកម្មលើក្រុមចារកម្មតាមអ៊ីនធឺណិត គីមសុគី (Kimsuky) ដោយចោទប្រកាន់ថាក្រុមនេះបានប្រមូលព័ត៌មានសម្ងាត់ដើម្បីគាំទ្រមហិច្ឆតាយុទ្ធសាស្ត្រ និងនុយក្លេអ៊ែររបស់កូរ៉េខាងជើង។សកម្មភាពកាលពីថ្ងៃព្រហស្បតិ៍ ដែលធ្វើឡើងដោយមានការសម្របសម្រួលជាមួយអូស្ត្រាលី ជប៉ុន និងកូរ៉េ បានកើតឡើងបន្ទាប់ពីកូរ៉េខាងជើង កាលពីសប្តាហ៍មុនបានបាញ់បង្ហោះផ្កាយរណបឈ្លបយកការណ៍ដំបូងរបស់ខ្លួនដោយជោគជ័យ ដែលខ្លួននិយាយថាត្រូវបានរចនាឡើងដើម្បីតាមដានចលនាយោធាអាមេរិក និងកូរ៉េខាងត្បូង។ បេសកកម្មរបស់កូរ៉េខាងជើង នៅអង្គការសហប្រជាជាតិក្នុងទីក្រុងញូវយ៉ក មិនបានឆ្លើយតបភ្លាមៗចំពោះសំណើសុំការអត្ថាធិប្បាយលើការដាក់ទណ្ឌកម្មកាលពីថ្ងៃព្រហស្បតិ៍នេះនោះទេ។ចាប់តាំងពីការបាញ់បង្ហោះផ្កាយរណបមក កូរ៉េខាងជើងបាននិយាយថា មេដឹកនាំរបស់ខ្លួនគឺលោក គីម ជុងអ៊ុន បានពិនិត្យមើលរូបថតផ្កាយរណបចារកម្មរបស់សេតវិមាន មន្ទីរបញ្ចកោណ និងនាវាផ្ទុកយន្តហោះអាមេរិកនៅឯមូលដ្ឋានទ័ពជើងទឹក ណហ្វក (Norfolk)។ ប្រព័ន្ធផ្សព្វផ្សាយរដ្ឋរបស់ខ្លួនក៏បានរាយការណ៍ផងដែរថា ផ្កាយរណបបានថតរូបទីក្រុង និងមូលដ្ឋានយោធានានានៅកូរ៉េខាងត្បូង ដែនដីហ្គាំ និងអ៊ីតាលី បន្ថែមពីលើទីក្រុងវ៉ាស៊ីនតោន ផងដែរ៕

ថ្ងៃនេះ សម្ដេចធិបតីប្រកាសដាក់ចេញ «យុទ្ធនាការសាលារៀនស្អាត គ្មានសំរាម» នៅទូទាំងប្រទេស

2023/12/01 05:41:10 pm        349
Facebook Telegram Linkin
ភ្នំពេញ៖នៅថ្ងៃទី១ ខែធ្នូ ឆ្នាំ ២០២៣នេះ ត្រូវនឹងថ្ងៃបើកបវេសនាកាលឆ្នាំសិក្សាថ្មី ២០២៣-២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានប្រកាសដាក់ចេញ «យុទ្ធនាការសាលារៀនស្អាត គ្មានសំរាម»នៅទូទាំងប្រទេស ចាប់ពីឆ្នាំសិក្សា២០២៣-២០២៤​តទៅ ដើម្បីគាំទ្រដល់ការអនុវត្តចលនាប្រឡង ប្រណាំងសាលាស្អាត។ សម្ដេចធិបតី នាយករដ្ឋមន្រ្ដី បានមានប្រសាសន៍ថា ក្នុងនាមរាជរដ្ឋាភិបាលកម្ពុជា ថ្ងៃនេះ​សម្ដេច​ប្រកាស​ដាក់​ចេញនូវ «យុទ្ធនាការសាលារៀនស្អាត គ្មានសំរាម» នៅទូទាំងប្រទេស ចាប់ពីឆ្នាំ​សិក្សា​២០២៣-២០២៤តទៅ ដើម្បីគាំទ្រដល់ការអនុវត្តចលនាប្រឡង ប្រណាំងសាលាស្អាត ដែល​កន្លងមក ក្រសួងអប់រំ យុវជន និងកីឡា បានដាក់ចេញនូវគោលការណ៍, លក្ខណៈវិនិច្ឆ័យ, និង​នីតិវិធី នៃការវាយតម្លៃសាលាស្អាតរួចមកហើយ ព្រមទាំងមានផ្តល់ជូនរង្វាន់លើកទឹកចិត្ត ក្នុង​ឱកាស​សន្និបាតអប់រំប្រចាំឆ្នាំផងដែរ។សម្ដេចធិបតីបញ្ជាក់ថា ការដាក់ចេញនូវអាទិភាពគោលនយោបាយ, វិធានការគន្លឹះ និង​យុទ្ធនាការ​ខាងលើនេះ មានគោលដៅ ធ្វើឱ្យសាលារៀន ក្លាយជាអង្គភាពសេវាសាធារណៈ ដែល​មាន​ប្រសិទ្ធភាពខ្ពស់, អភិបាលកិច្ចល្អ, និងមាន គណនេយ្យភាព ជាមួយនឹងប្រជាជន និង​សហគមន៍។ ដូច្នេះហើយ សាលារៀនត្រូវតែអនុវត្តតួនាទី ប្រកបដោយ ការទទួលខុសត្រូវខ្ពស់ ជាពិសេស លើការបង្រៀន និងការរៀន ដែលនឹងនាំទៅរក ការប្រែប្រួលជាវិជ្ជមាន នៃ​លទ្ធផល​សិក្សា​របស់សិស្ស។ ការពង្រឹងអភិបាលកិច្ចសាលារៀន នឹងឈានទៅលើកកម្ពស់គុណភាពអប់រំ ដែល​ចំណុះឱ្យកត្តាសំខាន់ៗ ៤ រួមមាន៖ ទី១ កត្តាសាលារៀន៖ សាលារៀនត្រូវផ្តល់នូវ បរិស្ថាន​អំណោយ​ផល សម្រាប់ការបំពេញការងាររបស់ គ្រូបង្រៀន និងការសិក្សារបស់សិស្ស ដូចជា​ការ​គ្រប់គ្រង និងភាពជាអ្នកដឹកនាំ មានប្រសិទ្ធភាព, ហេដ្ឋារចនាសម្ព័ន្ធរូបវន្តសមស្រប, អនាម័យ និង​សុវត្ថិភាព, ការប្រើប្រាស់ថវិកាដើម្បីគាំទ្រការរៀន និងបង្រៀន, ស្វ័យភាព​ក្នុង​ការ​អនុវត្ត​កម្ម​វិធី​សិក្សា និងគណនេយ្យភាពរបស់សាលារៀន។ ទី២ កត្តាគ្រូបង្រៀន៖ គ្រូ​បង្រៀន​ត្រូវ​មាន​គុណ​វុឌ្ឍខ្ពស់, មានការអភិវឌ្ឍវិជ្ជាជីវៈជាប្រចាំ, មានវិធីសាស្ត្រ បង្រៀនថ្មី, និងចេះប្រើប្រាស់បច្ចេកវិទ្យា និង​រង្វាយ​តម្លៃក្នុងការបង្រៀន។ ទន្ទឹមនេះ គ្រូបង្រៀន ក៏ត្រូវខិតខំប្រឹងប្រែង និងមាន​ឥរិយាបថ​ល្អ, ទទួលបាននូវលក្ខខណ្ឌការងារ និងការរស់នៅសមរម្យ, ទទួលបា​ន​ឱកាស​សម្រាប់​ការ​សិក្សា​ស្រាវជ្រាវ និងសហគមន៍សិក្សាវិជ្ជាជីវៈ ព្រមទាំងការលើកទឹកចិត្តតាមគ្រប់រូបភាព។ ទី៣ កត្តា​សិស្ស​៖ សិស្សមានការលូតលាស់រាងកាយ ខួរក្បាល សតិបញ្ញា មានឥរិយាបថវិជ្ជមាន មាន​ពេល​វេលា​គ្រប់គ្រាន់ សម្រាប់ការសិក្សារៀនសូត្រ និងត្រៀមខ្លួនរួចស្រេចសម្រាប់ការសិក្សា។ សាលា​រៀន​ទាំងនៅទីជនបទ និងតំបន់ជួបការលំបាក ត្រូវមានកម្មវិធីបំប៉នអាហារូបត្ថម្ភ, ការផ្ដល់ អាហារូបករណ៍, និងការផ្ដល់អាហារតាមសាលារៀន។ ទី៤ កត្តាគ្រួសារ៖ ស្ថានភាព​សេដ្ឋកិច្ច និង​សង្គម​របស់គ្រួសារ, ការឱ្យតម្លៃលើការរៀនសូត្រ, ការជួយគាំទ ខាងផ្នែកស្មារតី និងសម្ភារៈ ពិតជា​មាន​សារៈសំខាន់សម្រាប់ការអប់រំ។ ទោះជាយ៉ាងណា បញ្ហា ចំណាកស្រុក, កង្វះការថែទាំកុមារ, ស្ថានភាព​អនាម័យ, និងការប្រើប្រាស់ពលកម្មកុមារ ដើម្បី រកប្រាក់ចំណូល បានជះ​ឥទ្ធិពល​អវិជ្ជមាន លើការសិក្សារបស់សិស្ស។ដូចនេះ ដើម្បីពង្រឹងអភិបាលកិច្ចសាលារៀន ចាប់ពីកម្រិតមត្តេយ្យសិក្សា ដល់មធ្យមសិក្សា ក្រសួង​អប់រំ យុវជន និងកីឡា បានរៀបចំយន្តការដើម្បីគាំទ្រដល់សាលារៀន ឆ្ពោះទៅសម្រេច​បាន​ស្ដង់​ដាសាលារៀនមាន ប្រសិទ្ធភាព ដែលរាជរដ្ឋាភិបាលកម្ពុជា បានឯកភាព​ជា​គោល​ការណ៍​រួច​ហើយ ដើម្បីដាក់ឱ្យអនុវត្ដ “ស្តង់ដា សាលារៀនគំរូ” និង "ពានរង្វាន់ សាលាគំរូ សម្តេច​មហាបវរ​ធិបតី” នៅទូទាំងប្រទេស ចាប់ពីឆ្នាំសិក្សា ២០២៣-២០២៤ នេះតទៅ៕

សម្ដេចធិបតី ហ៊ុន ម៉ាណែត ដឹកនាំកិច្ចប្រជុំពេញអង្គគណៈរដ្ឋមន្ត្រី នៅវិមានសន្តិភាព លើរបៀបវារៈមួយចំនួន

2023/12/01 05:25:30 pm        135
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នាថ្ងៃទី១ ខែធ្នូនេះ បានដឹកនាំ កិច្ចប្រជុំពេញអង្គគណៈរដ្ឋមន្ត្រី នៅវិមានសន្តិភាព លើរបៀបវារៈមួយចំនួន ដូចជា១-របាយការណ៍វឌ្ឍនភាព នៃការអនុវត្តវិធានការគន្លឹះក្នុងវិស័យអប់រំ របស់ក្រសួងអប់រំ យុវជន និងកីឡា។២-របាយការណ៍វឌ្ឍនភាពនៃការរៀបចំ និងការអនុវត្តវិធានការគន្លឹះក្នុងវិស័យសុខាភិបាល។៣-សេចក្តីព្រាងកម្មវិធីវិនិយោគសាធារណៈ ៣ឆ្នាំរំកិល ២០២៤-២០២៦។៤-សេចក្តីព្រាងគោលនយោបាយជាតិ ស្ដីពីកម្មសិទ្ធិបញ្ញា ឆ្នាំ២០២៤-២០២៨ និង ៥-បញ្ហាផ្សេងៗ។

សម្ដេចធិបតី ហ៊ុន ម៉ាណែត អបអរសាទរថ្ងៃបើកបវេសនកាលឆ្នាំសិក្សា ២០២៣-២០២៤

2023/12/01 05:00:35 pm        338
Facebook Telegram Linkin
ក្នុងឱកាសបើកបវេសនកាលឆ្នាំសិក្សា ២០២៣-២០២៤ នៅថ្ងៃទី១ ខែធ្នូ ឆ្នាំ២០២៣នេះ សម្ដេច​មហាបវរធិបតី ហ៊ុន ម៉ាណែត នាយករដ្ឋមន្តី នៃព្រះរាជាណាចក្រកម្ពុជា បាន​ផ្ញើ​សារ​លិខិតសម្តែងនូវក្តីសោមនស្ស រីករាយ និងសូមចូលរួម​អបអរ​សាទរ​ថ្ងៃ​បើក​បវេសន​កាល​ឆ្នាំ​សិក្សា​ថ្មីនេះ​ ជាមួយលោកគ្រូ អ្នកគ្រូ និងសិស្សានុសិស្សទាំងអស់នៅទូទាំងព្រះរាជាណាចក្រកម្ពុជា។សម្ដេចធិបតីនាយករដ្ឋមន្រ្ដីមានប្រសាសន៍ថា ថ្ងៃទី១ ខែធ្នូ ឆ្នាំ២០២៣ ជាថ្ងៃ​បើក​ទំព័រថ្មី​នៃ​ការ​ចាប់​ផ្តើម​ជីវិត​សិក្សាដំបូងរបស់សិក្សានុសិស្សដែលទើបនឹងដល់អាយុត្រូវចូលសាលារៀន ជា​ពិសេស​កុមារតូចនៅតាមសាលាមត្តេយ្យសិក្សា និងកុមារអាយុ ៦ ឆ្នាំនៅតាម​សាលា​បឋម​សិក្សា​ព្រម​ទាំង​ជា​ថ្ងៃថ្មីសម្រាប់ថ្នាក់ថ្មី សិក្សានុសិស្សដែលបានឡើងថ្នាក់ពីឆ្នាំសិក្សាកន្លងមក។សម្ដេចថ្លែងថា ថ្ងៃទី១ ខែធ្នូ ឆ្នាំ២០២៣ ក៏អាចចាត់ទុកជាថ្ងៃដំបូង ដែលរាជរដ្ឋាភិបាលកម្ពុជា នីតិកាល​ទី៧ នៃរដ្ឋសភាចាប់ផ្តើមអនុវត្តអាទិភាពគោលនយោបាយសំខាន់ៗ ពាក់ព័ន្ធ​នឹង​វិស័យអប់រំ ដូចមានចែងក្នុងបញ្ចកោណទី១នៃយុទ្ធសាស្ត្របញ្ចកោណដំណាក់កាលទី១ ផ្តោតលើ «ការ​ពង្រឹងគុណភាពវិស័យអប់រំ កីឡា វិទ្យាសាស្ត្រ និងបច្ចេកវិទ្យា» និងការ​ដាក់​ចេញ​នូវ​វិធា​ន​ការ​គន្លឹះ សម្រាប់ដោះស្រាយក្នុងនីតិកាលទី៧ នៃរដ្ឋសភា ក្នុងគោលដៅ «លើកកម្ពស់ គុណភាព​អប់រំ​» ​ដោយផ្តោតលើការពង្រឹងគុណភាពសាលារដ្ឋ ចាប់ពីថ្នាក់មត្តេយ្យសិក្សា ដល់​មធ្យម​សិក្សា​។ សម្ដេចធិបតីបញ្ជាក់ថា ការដាក់ចេញនូវវិធានការគន្លឹះ ក្នុងគោលដៅ «លើកកម្ពស់ គុណភាព​អប់រំ» នោះ​ តាមរយៈការពង្រឹងកិច្ចការសំខាន់ៗដូចជា ទី១ ការពង្រឹងអភិបាលកិច្ចសាលារៀន។ ទី២ ការពិនិត្យ កែសម្រួល និងរៀបចំកម្មវិធីសិក្សា និងសកម្មភាព​ក្រៅ​ម៉ោង​សិក្សា​ឱ្យ​ស្រប​ទៅ​តាម​តម្រូវ​ការ ក្នុងការពង្រឹងចំណេះដឹង វិន័យ សីលធម៌ និងឥរិយាបថរបស់សិស្ស។ ទី៣ ការយកចិត្ត​ទុក​ដាក់​លើសុខភាពរបស់សិស្ស តាមរយៈកម្មវិធីអាហារូបត្ថម្ភដល់កុមារ និងការត្រួតពិនិត្យ គុណ​ភាព​ចំណី​អាហារ នៅតាមសាលា។ ទី៤ ការជំរុញ និងលើកទឹកចិត្តការចូលរួមរបស់មាតាបិតា អ្នក​អាណាព្យាបាល និងសហគមន៍ ក្នុងការអប់រំ ស្របតាមពាក្យស្លោក «ភាពជាដៃគូ រដ្ឋ និង​សហគមន៍​ដើម្បីការអប់រំ»។នៅថ្ងៃនេះដែរ ក្នុងនាមរាជរដ្ឋាភិបាលកម្ពុជា សម្ដេចធិបតី ប្រកាសដាក់ចេញនូវ «យុទ្ធនាការ​សាលា​រៀន​ស្អាត គ្មានសំរាម” នៅទូទាំងប្រទេស ចាប់ពីឆ្នាំសិក្សា២០២៣-២០២៤ តទៅ ដើម្បី​គាំទ្រដល់ការអនុវត្តចលនាប្រឡងប្រណាំងសាលាស្អាត ដែលកន្លងមក ក្រសួងអប់រំ យុវជន និង​កីឡា បានដាក់ចេញនូវគោលការណ៍, លក្ខណៈវិនិច្ឆ័យ, និងនីតិវិធី នៃការ​វាយ​តម្លៃ​សាលា​ស្អាត​រួច​មក​ហើយ ព្រមទាំងមានផ្តល់ជូនរង្វាន់លើកទឹកចិត្ត ក្នុងឱកាសន សន្និបាត​អប់រំ​ប្រចាំ​ឆ្នាំ​ផង​ដែរ​។សម្ដេចធិបតីថ្លែងថា ឆ្លើយតបនឹងស្មារតីខាងលើនេះ ក្រសួងអប់រំ យុវជន និងកីឡា បាន​បញ្ចូល​ចំណុច​គន្លឹះ​ ទាំង៤ ខាងលើ ទៅក្នុង «ស្តង់ដាសាលារៀនគំរូ» ចំនួន៥ សម្រាប់មត្តេយ្យសិក្សា រហូត​ដល់មធ្យមសិក្សា។ ជាងនេះទៅទៀត ដើម្បីបង្កើនការយកចិត្តទុកដាក់ លើការពង្រឹងវិន័យ សីលធម៌ ចរិយាធម៌ សុជីវធម៌ គុណធម៌ និងឥរិយាបថល្អ របស់បុគ្គលិកអប់រំ និងសិស្សានុសិស្ស ក្រសួង​បានដាក់ឱ្យអនុវត្តការផ្ដល់ពិន្ទុ ៨០ ភាគរយ លើចំណេះដឹង, ១០ភាគរយ លើបំណិន, និង ១០ ភាគរយលើសីលធម៌ និងចរិយាធម៌។ក្នុងឱកាសថ្ងៃបើកបវេសនកាលឆ្នៃសិក្សាថ្មីនេះ សម្ដេចធិបតី ក៏បានថ្លែង​អំណរ​ព្រះ​គុណ​ចំពោះ​ព្រះ​តេជគុណ ព្រះសង្ឃគ្រប់ ព្រះអង្គ បងប្អូនជនរួមជាតិ លោកគ្រូ អ្នកគ្រូ បុគ្គលិកអប់រំទាំងអស់ ព្រម​ទាំងដៃគូអភិវឌ្ឍ វិស័យឯកជន អង្គការមិនមែនរដ្ឋាភិបាល និងសប្បុរសជននានា ដែល​តែង​តែ​បាន​រួមចំណែកក្នុងការកសាង និងអភិវឌ្ឍវិស័យអប់រំនៅកម្ពុជា ឱ្យមាន​ដំណើរ​ការ​រីក​ចម្រើន​គួរ​ជា​ទី​មោទនៈ ក្នុងរយៈកាលកន្លងមកនេះ។ សម្ដេចអំពាវនាវឱ្យបន្តជួយឧបត្ថម្ភគាំទ្រ និងផ្ដល់​នូវ​កិច្ច​សហការល្អតទៅទៀតដើម្បីបុព្វហេតុនៃការអភិវឌ្ឍកុមារ និងយុវជនកម្ពុជាគ្រប់ៗរូប៕

បណ្ដាញសង្គម

ព័ត៌មានថ្មីៗ

សម្តេចតេជោ ហ៊ុន សែន អញ្ជើញរៀបចំពិធីលៀងភោជនាហារផ្លូវរដ្ឋជាកិត្តិយសជូន ឯកឧត្តម មីន អោង ឡាំង ប្រធានាធិបតីនៃសាធារណរដ្ឋសហភាពមីយ៉ាន់ម៉ា
09/11/2026 03:09 PM
Facebook Telegram Linkin
សហព័ន្ធកីឡាទាញព្រ័ត្រកម្ពុជា ប្រកាសលើក​ពេលការប្រកួតកីឡាទាញព្រ័ត្រ​ជ្រើសរើសជើង​ឯក​ថ្នាក់ជាតិ និងពានរង្វាន់ខេត្តព្រះសីហនុ
09/11/2026 02:09 PM
Facebook Telegram Linkin
រដ្ឋមន្ត្រីក្រសួងប្រៃសណីយ៍ អញ្ជើញជាតំណាងដ៏ខ្ពង់ខ្ពស់របស់សម្ដេចធិបតី ចូលរួម​កិច្ច​ប្រជុំកំពូលអន្តរជាតិស្ដីពីលំហអាកាសនៅប្រទេសបារាំង
09/11/2026 02:09 PM
Facebook Telegram Linkin
សមត្ថកិច្ចជំនាញផ្ទុះអាវុធក្នុងប្រតិបត្តិការ បង្រ្កាបមេខ្លោង និង​បក្ខពួក​ជួញ​ដូរ​គ្រឿង​ញៀន​ ​ក្នុង​ខេត្តព្រះសីហនុ ឃាត់ខ្លួនជនសង្ស័យ ៨នាក់
09/11/2026 02:09 PM
Facebook Telegram Linkin
អ្នកជំនាញវិទ្យាសាស្រ្តនយោបាយ៖ ដំណើការកិច្ចប្រជុំលើកដំបូង UNCLOS ជា​សញ្ញា​វិជ្ជមាន​ខាង​ផ្លូវ​ច្បាប់
09/11/2026 01:09 PM
Facebook Telegram Linkin
ភារធារីស្ថានទូតអាមេរិក ជួបជាមួយក្រុមអ្នកសង្កេតការណ៍អាស៊ាន (AOT) ដើម្បីស្តាប់អំពីការងារក្នុងការសង្កេតការអនុវត្តបទឈប់បាញ់នៅតាមព្រំដែនកម្ពុជា-ថៃ
09/11/2026 01:09 PM
Facebook Telegram Linkin
សម្តេច ម៉ែន សំអន អញ្ជើញជាតំណាងដ៏ខ្ពង់ខ្ពស់ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងពិធីបញ្ចុះបឋមសិលាកសាងអគារសាលបដិសណ្ឋារកិច្ច នៅវត្តនិគ្រោធវ័ន គល់ទទឹង
09/11/2026 01:09 PM
Facebook Telegram Linkin
ទេសាភិបាលធនាគារជាតិ ជួបសំណេះសំណាលសិស្សប្រឡងបាក់ឌុប និងសញ្ញាបត្របច្ចេកទេស និងវិជ្ជាជីវៈកម្រិត៣
09/11/2026 01:09 PM
Facebook Telegram Linkin
សម្តេចប្រមុខរដ្ឋស្តីទី អញ្ជើញជួបប្រជុំកំពូល ជាមួយឯកឧត្តមប្រធានាធិបតីមីយ៉ាន់ម៉ា
09/11/2026 12:09 PM
Facebook Telegram Linkin
ជនជាតិថៃ ៦៥នាក់ ត្រូវបានបណ្ដាញចេញពីកម្ពុជាពាក់ព័ន្ធករណីឆបោកតាមប្រព័ន្ធបច្ចេកវិទ្យា និងបទល្មើសផ្សេងៗទៀត
09/11/2026 12:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.