នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

សាកលវិទ្យាល័យភូមិន្ទវិចិត្រសិល្បៈ​ បើកពិធីការពារស្នាដៃនិស្សិត បញ្ចប់បរិញ្ញាបត្រសិល្បៈ សូនរូប ក្នុងឆ្នាំ សិក្សា២០២២-២០២៣

2023/10/23 01:38:54 pm        2731
Facebook Telegram Linkin
ភ្នំពេញ៖ មហាវិទ្យាល័យសិល្បៈសូនរូប នៃសាកលវិទ្យាល័យភូមិន្ទវិចិត្រសិល្បៈ ព្រឹកថ្ងៃទី២៣ ខែតុលា ឆ្នាំ២០២៣នេះ បានប្រារព្ធពិធីការពារស្នាដៃនិសិ្សត បញ្ចប់បរិញ្ញាបត្រ សូនរូប ក្នុងឆ្នាំសិក្សា២០២២-២០២៣ ដល់បេក្ខជនទាំង០៤ ជំនាញឯកទេស សរុបចំនួន១៤៧នាក់ នារី៩៦នាក់។ពិធីការពារស្នាដៃនិសិ្សត ឋិតក្រោមវត្តមានឯកឧត្តម សោម សុគន្ធ រដ្ឋលេខាធិការ នៃក្រសួងវប្បធម៌ និងវិចិត្រសិល្បៈ ប្រធានក្រុមប្រឹក្សាភិបាល ​សាកលវិទ្យាល័យភូមិន្ទវិចិត្រសិល្បៈ និងជាប្រធាន​គណៈកម្មការទទួលខុសត្រូវរួម នៃការប្រឡងបញ្ចប់បរិញ្ញាបត្រ​ នៅមហាវិទ្យាល័យសិល្បៈសូនរូប, ឯកឧត្តមបណ្ឌិត គឹម ពីនន់ អនុរដ្ឋលេខាធិការក្រសួងវប្បធម៌ និងវិចិត្រសិល្បៈ និងជាអនុប្រធាន​គណៈកម្មការមេប្រយោគ, ឯកឧត្តមបណ្ឌិត ហេង សុផាឌី សាកលវិទ្យាធិការ នៃសាកលវិទ្យាល័យភូមិន្ទវិចិត្សល្បៈ។បើតាមលោកសាស្រ្តាចារ្យ សុផុន សំខាន់ ព្រឹទ្ធបុរសមហាវិទ្យាល័យសូនរូប បានឲ្យដឹងថា ក្នុងរយៈពេល៨ខែ នៃការធ្វើស្នាដៃប្រឡងបញ្ចប់ ដែលគិតចាប់ពីខែធ្នូឆ្នាំ២០២២ មកដល់ថ្ងៃទី០៨ ខែកញ្ញាឆ្នាំ២០២៣នេះ និស្សិតទាំងអស់ពុះពារការលំបាក ​ដោយឈរលើស្មារតីទទួលខុសត្រូវខ្ពស់ ក្នុងការបំពេញភារកិច្ច ដែលសាមីខ្លួនត្រូវប្រឡងរហូតដល់បានបញ្ចប់កិច្ចការជាស្ថាពរ យកមកដាក់ការពារនៅចំពោះមុខឯកឧត្តម លោក លោកស្រី ដែលជា​គណៈកម្មការកំណែនាថ្ងៃនេះ។ ចំនួននិស្សិតដែលជាបេក្ខជនត្រូវប្រលងទាំង៤ឯកទេសក្នុងឆ្នាំនេះ សរុបមានចំនួន ១៤៧ នាក់ / នារី ៩៦នាក់។ ឯកទេស តុបតែងលំអ នៃស្ថាបត្យកម្ម ជំនាន់ទី២៥ មានចំនួន ១០១នាក់ / នារី ៧៦នាក់, ឯកទេស គំនូរសារគមនាគមន៍ ជំនាន់ទី១៤ មានចំនួន ៣៧នាក់ / នារី ១៧នាក់, ឯកទេស វិចិត្រកម្ម ជំនាន់ទី៣១ មានចំនួន ០៧នាក់ / នារី ០៣នាក់ និងឯកទេស ចម្លាក់ ជំនាន់ទី២៩ មានចំនួន០២នាក់។ មហាវិទ្យាល័យបានបង្កើតគណៈកម្មការតាមជំនាញនីមួយៗ ដើម្បីធ្វើការវាយតម្លៃ និងកែតំរូវលើប្រធានបទស្នាដៃ របស់និស្សិតចំនួន៨លើកផងដែរ។ ទោះជាមានការមមាញឹកក្នុងការសិក្សាក្នុងថ្នាក់ឆ្នាំទី៤នេះក្តី ក៏ប្អូនៗនិស្សិតបាន ខិតខំប្រឹងប្រែងរៀនសូត្រ យ៉ាងយកចិត្តទុកដាក់ ក្នុងស្មារតីទទួលខ្ពស់ ដោយទទួលបានលទ្ធផលយ៉ាងល្អប្រសើរ នាពេលកន្លងមកនេះ។នាឱកាសនោះ ឯកឧត្តម សោម សុគន្ធ បានផ្ដល់ជាអនុសាសន៍​មួយចំនួនដល់ លោក លោកស្រី ដែលជាសាស្ត្រាចារ្យគ្រប់មុខវិជ្ជា ជំនាញឯកទេស មេត្តាខិតខំស្រាវជ្រាវបន្ថែមនូវចំណេះដឹងថ្មីៗ ដើម្បីជាទុនក្នុងការកសាងធនធានមនុស្សឆ្លើយតបទៅសង្គមសម័យឌីជីថល ម៉្យាងទៀតទោះបី​សង្គមមានការអភិវឌ្ឍក៏ពិតមែន ចំពោះវប្បធម៌ជាតិត្រូវជួយថែរក្សា និងអភិរក្សឲ្យមានចីរភាព។ ក្មួយៗនិស្សិតជាទីរាប់អាន​ ក្មួយជាបញ្ញាវ័ន្តមួយរូបដែលមានភារៈកិច្ច ចូលរួមចំណែកក្នុងការ​កសាងប្រទេស​របស់យើងដោយយកជំនាញដែលត្រូវប្រឡងបញ្ចប់ថ្ងៃនេះប្រើប្រាស់​ក្នុង​មុខរបរឲ្យបានល្អប្រសើរ ព្រោះជាកិត្តិយសរបស់ប្អូនៗ ​ក៏ដូចជាកិត្តិយសរបស់ជាតិ។ ក្មួយៗជាទីស្រឡាញ់ ក្នុងការសិក្សាមិនបញ្ចប់ត្រឹមបរិញ្ញាបត្រនេះទេ ក្មួយៗត្រូវខិតខំបន្តរៀន​យកបរិញ្ញាបត្រជាន់ខ្ពស់ ឬបណ្ឌិត ដើម្បីឆ្ពោះទៅរកភាពរុងរឿង៕ អត្ថបទ រដ្ឋ

ប្រតិភូប្រទេសអាមេនី កោតសសើរកម្ពុជាថា ជាប្រទេសគំរូក្នុងការបោសសម្អាតមីន

2023/10/23 01:31:21 pm        254
Facebook Telegram Linkin
ភ្នំពេញ៖ ក្រុមប្រតិភូនៃមជ្ឈមណ្ឌលសកម្មភាព បោសសម្អាតមីននៅប្រទេសអាមេនី បានសម្តែងការកោតសសើរដល់កម្ពុជាយ៉ាងខ្លាំងថា ជាប្រទេសគំរូដែលខិតខំប្រឹងប្រែង និងទទួលបានជោគជ័យជាបន្តបន្ទាប់លើការបោសសម្អាតមីន ដើម្បីកម្ពុជាសម្រេចគោលដៅឲ្យអស់មីននៅក្នុងឆ្នាំ ២០២៥ ខាងមុខនោះ។នាឱកាសធ្វើទស្សនកិច្ចសិក្សាស្វែងយល់នៅទីតាំងមជ្ឈមណ្ឌលសកម្មភាពកម្ចាត់មីននៅកម្ពុជា នាវេលាព្រឹកថ្ងៃទី២៣ ខែតុលា២០២៣នេះ លោក វ៉ាហ្គហ៊ីណាក់ សាគស៊ីយ៉ាន ប្រធានប្រតិភូ នៃមជ្ឈមណ្ឌលសកម្មភាពកម្ចាត់មីនមកពីប្រទេសអាមេនី​ បានថ្លែងកោតសសើរ និងវាយតម្លៃខ្ពស់​ដល់កម្ពុជាថា ជាប្រទេសគំរូដែលត្រូវរៀនសូត្រតាមលើសកម្មភាពបោសសម្អាតមីន ដើម្បី​ឲ្យអត្រាគ្រោះថ្នាក់ដោយសារគ្រាប់មីនលែងមានតទៅទៀត។ជាពិសេសក្នុងការរំដោះផ្ទៃដីពីចំការមីន ប្រែក្លាយមកជាផ្ទៃដីមានសុវត្ថិភាពសម្រាប់មនុស្ស​រស់នៅវិញ។ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុក អគ្គនាយកនៃមជ្ឈមណ្ឌលសកម្មភាព​កំចាត់​មីនកម្ពុជា (CMAC) បានឲ្យដឹងថា ​ប្រតិភូនៃអង្គភាពសម្របសម្រួលនៃការបោសសម្អាតមីន​នៃប្រទេសអាមេនីនេះ​បានចាប់​អារម្មណ៍យ៉ាងខ្លាំង​ពីការខិតខំរបស់ប្រតិបត្តិកររបស់កម្ពុជា​ដែល​មានបទពិសោធន៍បច្ចេកទេសគួបផ្សំ ​និងការធ្វើសមាហរណកម្មរវាងឧបករណ៍ជាមួយ និង​សត្វសុនខ និងសត្វកណ្តុរហិតមីនលើសកម្មភាព បោសសម្អាតមីនទទួលជោគជ័យជាបន្តបន្ទាប់។ឯកឧត្តម ហេង រតនា បានបន្តថា ដោយសារតែកម្ពុជាមានភាពជោគជ័យលើវិស័យមីន ភាគីនៃ​ប្រទេស​អាមេនីក៏បានស្មើសុំប្រតិភូកម្ពុជា ​ទៅធ្វើទស្សនកិច្ចនៅក្នុងប្រទេសអាមេនី នាពេលដ៏ខ្លី​ខាងមុខនេះដើម្បីពង្រឹងនៅកិច្ចសហប្រតិបត្តការជាមួយគ្នាឱ្យកាន់តែខ្លាំង លើការបោសសម្អាតមីន ពីព្រោះប្រទេសនេះក៏រង ​គ្រោះដោយសារសង្រ្គាមហើយមានជនរងគ្រោះដោយសារគ្រាប់មីន​យ៉ាងច្រើននាក់ផងដែរ។សូមជម្រាបជូនថា ក្រុមប្រតិភូប្រទេសអាមេនីបាន​មកធ្វើទស្សនកិច្ចស្វែងយល់ពី​គម្រោង​សមាហរណកម្ម បោសសម្អាតមីន និងការជួយសង្គ្រោះជនរងគ្រោះដោយសារគ្រាប់មីន​បន្សល់ពី​សម័យសង្គ្រាមនៅក្នុងប្រទេសកម្ពុជា។ ​ការធ្វើទស្សនកិច្ចនេះ ​មានចំនួន៤ថ្ងៃចាប់ពីថ្ងៃទី ២០ តុលាដល់ ២៣​ តុលាឆ្នាំ ២០២៣នេះនៅក្នុងខេត្តប៉ៃលិន កំពង់ កំពង់ឆ្នាំង បាត់ដំបង និងនៅរាជធានីភ្នំពេញ៕ អត្ថបទ៖ ភារម្យ 

សម្រស់ទិដ្ឋភាពប្រាសាទបេងមាលានារដូវវស្សា

2023/10/23 01:23:19 pm        325
Facebook Telegram Linkin
សៀមរាប៖ ប្រាសាទបេងមាលាមានទីតាំងស្ថិតនៅភូមិ បេងមាលា ឃុំ បេងមាលា ស្រុកស្វាយលើ ខេត្តសៀមរាប នាទិសនារតីនៃភ្នំគូលេន និងមានចម្ងាយផ្លូវ ៧៧ គីឡូម៉ែត្រពីទីរួមខេត្តសៀមរាប។ប្រាសាទចំណាស់មួយនេះ បានសំងំក្នុងព្រៃរំលិចដោយសម្រស់ស្រស់ត្រកាលនារដូវវស្សាដែលភ្ញៀវទេសចរពុំគួររំលង។ អមជាមួយដើមឈើធំៗ ប្រាង្គប្រាសាទ​រុំព័ទ្ធ​ដោយស្លែរបានធ្វើឲ្យប្រាសាទបេងមាលាកាន់តែស្រស់ស្អាតផងដែរ។ បេងមាលាបានទាក់ទាញភ្ញៀវទេសចរជាតិ និងអន្តជាតិមកទស្សនា ហើយតែងតែសរសើរមិនដាច់ពីមាត់ថាប្រាសាទចំណាស់នេះពិតស្រស់ស្អាតខ្លាំងបំផុត។ប្រាសាទបេងមាលាស្ថាបនាឡើងអំពីថ្មភក់និងថ្មបាយក្រៀម មានទ្រង់ទ្រាយប្រហាក់ប្រហែលនឹងប្រាសាទអង្គរវត្ត ដែលអ្នកស្រាវជ្រាវមួយចំនួនយល់ថា ប្រាសាទបេងមាលាជាគំរូសម្រាប់បុព្វបុរសខ្មែរកសាងអង្គរវត្ត។ ប្រាសាទបេងមាលា មានគូទឹកព័ទ្ធជុំវិញមានបណ្តោយប្រវែង ១២០០ ម៉ែត្រ ទទឹង ៩០០ ម៉ែត្រ ដែលជាតំណាងមហាសមុទ្រព័ទ្ធជុំវិញចក្កវាល។ ប៉ុន្តែតាមការស្រាវជ្រាវថ្មីៗ ដោយផ្អែកលើភស្តុតាង​នៃការសិក្សាលើវិស័យបដិមាសាស្ត្រនៃប្រវត្តិសិល្បៈ សំណង់ស្ថាបត្យកម្ម ព្រមទាំងសំណង់​ប្រាសាទ​នៅផ្នែកខាងកើត នាំឱ្យអ្នកស្រាវជ្រាវយល់ថាប្រាសាទនេះ​ទំនងជាស្ថាបនាក្រោយអង្គរវត្ត នាភាគខាងចុងនៃសតវត្សទី១២។ ពោលគឺសាងទ្បើងនៅចន្លោះសម័យសាងអង្គរវត្ត និងមុនសម័យសាងបាយ័ន៕

ឥណ្ឌានិយាយថា ទំនាក់ទំនងជាមួយកាណាដា កំពុងឆ្លងកាត់ដំណាក់កាលដ៏លំបាក

2023/10/23 11:49:24 am        137
Facebook Telegram Linkin
ប្រទេសឥណ្ឌា កាលពីថ្ងៃអាទិត្យ (២២ តុលា) បាននិយាយថា ទំនាក់ទំនងរបស់ខ្លួនជាមួយប្រទេសកាណាដា កំពុងឆ្លងកាត់ដំណាក់កាលដ៏លំបាកមួយ ហើយមាន «ការជ្រៀតជ្រែកជាបន្តបន្ទាប់» ដោយបុគ្គលិកកាណាដា នៅក្នុងកិច្ចការផ្ទៃក្នុងរបស់ទីក្រុង ញ៉ូវដេលី្ល។រដ្ឋាភិបាលឥណ្ឌា មានការខឹងសម្បារយ៉ាងខ្លាំង ដែលនាយករដ្ឋមន្ត្រីកាណាដា លោក Justin Trudeau កាលពីខែមុន បាននិយាយថា ភ្នាក់ងារឥណ្ឌា ប្រហែលជាមានជាប់ពាក់ព័ន្ធក្នុងការសម្លាប់មេដឹកនាំផ្តាច់ខ្លួនសាសនាស៊ីក ក្នុងខេត្តប្រ៊ីធធីស កូឡំប៊ី កាលពីខែមិថុនា ហើយឥណ្ឌាបានបដិសេធការចោទប្រកាន់នេះ។រដ្ឋមន្ត្រីការបរទេសឥណ្ឌា លោក S Jaishankar បាននិយាយនៅក្នុងព្រឹត្តិការណ៍មួយថា «ទំនាក់ទំនងរវាងឥណ្ឌា និងកាណាដា នៅពេលនេះ កំពុងឆ្លងកាត់ដំណាក់កាលដ៏លំបាកមួយ ប៉ុន្តែបញ្ហាដែលយើងមាននោះ គឺជាបញ្ហាមួយផ្នែកដ៏ជាក់លាក់ជាមួយនយោបាយកាណាដា និងគោលនយោបាយដែលហូរចេញពីនោះផងដែរ»។ប្រទេសកាណាដា បានដកអ្នកការទូតរបស់ខ្លួនចំនួន ៤១រូប ចេញពីប្រទេសឥណ្ឌា កាលពីថ្ងៃព្រហស្បតិ៍ ខណៈទីក្រុងញ៉ូវដែលី្ល បានសម្រេចដកហូតឋានៈការទូតផ្លូវការរបស់ពួកគេជាឯកតោភាគី។ លោកនាយករដ្ឋមន្រ្តី Trudeau បាននិយាយកាលពីថ្ងៃសុក្រថា ការបង្រ្កាបរបស់រដ្ឋាភិបាលឥណ្ឌា លើអ្នកការទូតកាណាដា កំពុងធ្វើឱ្យស្ថានភាពរស់នៅមានការលំបាក សម្រាប់មនុស្សរាប់លាននាក់នៅក្នុងប្រទេសទាំងពីរ៕

បេសកកម្មផ្ទុកអវកាសយានិក ស៊ិនចូវ-១៧ របស់ចិន សាកល្បងមុនការបាញ់បង្ហោះ

2023/10/23 11:42:33 am        110
Facebook Telegram Linkin
ការលាយបញ្ចូលគ្នានៃយានផ្ទុកអវកាសយានិក ស៊ិនចូវ-17 (Shenzhou-17) និង យានចម្លង Long March-2F ត្រូវបានបញ្ជូនទៅកាន់តំបន់បាញ់បង្ហោះនៅមជ្ឈមណ្ឌលបាញ់បង្ហោះផ្កាយរណប ជីវជ័ន (Jiuquan) ភាគពាយព្យប្រទេសចិនកាលពីថ្ងៃព្រហស្បតិ៍។ ការត្រួតពិនិត្យមុខងារមុនការបាញ់បង្ហោះយ៉ាងម៉ត់ចត់កាលពីថ្ងៃអាទិត្យ និងការសាកល្បងរួមគ្នាពាក់ព័ន្ធនឹងដំណើរការទាំងមូល និងប្រព័ន្ធទាំងអស់នៃបេសកកម្មបាញ់បង្ហោះ។ ជាផ្នែកមួយនៃការវាយតម្លៃ និងសុពលភាពនៃទីតាំងបាញ់បង្ហោះ និងយានដឹកជញ្ជូន សមាជិកអវកាសយានិក ស៊ិនចូវ -១៧ (Shenzhou-17) ទាំងបីនាក់ បានចូលរួមក្នុងដំណើរការប្រដូចទៅនឹងបាញ់បង្ហោះ ក្នុងការសមសម្រាប់ការបាញ់បង្ហោះទាន់ពេលវេលា។លោក ស៊ើ យ៉ាវស៊ីន (Shi Yaoxin) វិស្វករយានចម្លង ក្នុងក្រុមបាញ់បង្ហោះយានចម្លង Long March-2F មកពីវិទ្យាស្ថានបច្ចេកវិទ្យាបាញ់បង្ហោះយាននៃបណ្ឌិតសភាចិន បានប្រាប់ប្រព័ន្ធផ្សព្វផ្សាយ China Media Group ថា ប្រព័ន្ធយានចម្លងបានបញ្ចប់ ការប្រដូចទៅនឹងការហោះហើរចុងក្រោយក្នុងអំឡុងពេលហាត់សមកាលពីថ្ងៃអាទិត្យ។ លោកបានលើកឡើងថា នេះគឺជាការប្រៀបប្រដូចទៅនឹងការបាញ់ពិតប្រាកដទាំងស្រុង ដែលគ្របដណ្តប់លើការបង្ហាត់បង្រៀនទាំងអស់នៅក្នុងប្រព័ន្ធថាមពល និងអគ្គិសនី ពីការបញ្ឆេះរហូតដល់ការផ្ដាច់ខ្លួនរបស់យានចម្លង និងយានអវកាស ដោយបន្ថែមថា សញ្ញានៃការហាត់សមដែលប្រព័ន្ធទាំងអស់របស់យានចម្លងត្រូវបានរៀបចំយ៉ាងពេញលេញសម្រាប់ ការបំពេញឧបករណ៍ជំរុញ និងការហោះឡើងចុងក្រោយ។ អវកាសយានិក Shenzhen-17 នឹងត្រូវបានស្វាគមន៍នៅលើស្ថានីយ៍អវកាសរបស់ប្រទេសចិនដោយក្រុមអវកាសយានិក Shenzhou-16 ដែលបានទៅដល់ស្ថានីយ៍អវកាសកាលពីថ្ងៃទី៣០ ខែឧសភា៕

លោក Bidenនិងមេដឹកនាំលោកខាងលិចសំខាន់ៗ ជំរុញឲ្យអ៊ីស្រាអែល ការពារជនស៊ីវិល

2023/10/23 11:29:31 am        120
Facebook Telegram Linkin
បណ្តាមេដឹកនាំរបស់សហរដ្ឋអាមេរិក កាណាដា បារាំង អាល្លឺម៉ង់ អ៊ីតាលី និងចក្រភពអង់គ្លេស កាលពីថ្ងៃអាទិត្យ បានបញ្ជាក់ពីការគាំទ្ររបស់ពួកគេចំពោះប្រទេសអ៊ីស្រាអែល និងសិទ្ធិដើម្បីការពារខ្លួន ប៉ុន្តែ ក៏បានជំរុញឲ្យប្រទេសនេះប្រកាន់ភ្ជាប់ចំពោះច្បាប់មនុស្សធម៌អន្តរជាតិ និងការពារជនស៊ីវិល។ នៅក្នុងសេចក្តីថ្លែងការណ៍រួម ដែលបានចេញបន្ទាប់ពីជំនួបតាមបណ្តាញអ៊ីនធឺណិតស្តីពីជម្លោះដែលកំពុងបន្តរវាងអ៊ីស្រាអែល និងក្រុមសកម្មប្រយុទ្ធហាម៉ាស់ មេដឹកនាំទាំងនេះ បានស្វាគមន៍ ការដោះលែងចំណាប់ថ្នូរ២រូបធ្វើឡើងដោយក្រុមហាម៉ាស់ និងបានអំពាវនាវសម្រាប់ការដោះលែងបន្ទាន់ចំណាប់ខ្មាំងដែលនៅសល់ទាំងអស់។ ប្រធានាធិបតីសហរដ្ឋអាមេរិក លោក Joe Biden បានកោះប្រជុំ ដែលគេហៅថាក្រុមប្រទេសទាំង៥ មានសហរដ្ឋអាមេរិក បារាំង ចក្រភពអ់គ្លេស អាល្លឺម៉ង់ និងប្រទេសអ៊ីតាលី បូករួមទាំងកាណាដា បន្ទាប់ពីបានសន្ទនាជាមួយនាយករដ្ឋមន្ត្រីអ៊ីស្រាអែល លោក Benjamin Netanyahu ។លោក Biden បានសរសេរលើបណ្តាញសង្គម Twitter អំពីការសន្ទនារបស់លោក ជាមួយលោក Netanyahu លើបណ្តាញ X ដែលគេស្គាល់កាលពីពេលមុនថា Twitter ហើយនាយករដ្ឋមន្ត្រីកាណាដាលោក Trudeau ក៏បានសរសេរលើបណ្តាញTwitter អំពីការសន្ទនារបស់លោក ជាមួយ ប្រធានាធិបតីអ៊ីស្រាអែលលោក Isaac Herzog ។

កូរ៉េខាងត្បូង អាមេរិក និងជប៉ុន ធ្វើសមយុទ្ធដែនអាកាសរួមគ្នាលើកដំបូង បំណងទប់ទល់ការគំរាមពីកូរ៉េខាងជើង

2023/10/23 11:22:22 am        87
Facebook Telegram Linkin
ទីក្រុងតូក្យូ សេអ៊ូល និងវ៉ាស៊ីនតោន បានប្រកាសថា កូរ៉េខាងត្បូង សហរដ្ឋអាមេរិក និងជប៉ុន បានធ្វើសមយុទ្ធដែនអាកាសរួមគ្នាលើកដំបូង កាលពីថ្ងៃអាទិត្យ។ លំហាត់ ដែលបានចូលរួមដោយយន្តហោះទម្លាក់គ្រាប់បែក B-52 មានសមត្ថភាពបំពាក់អាវុធនុយក្លេអ៊ែររបស់សហរដ្ឋអាមេរិក បានកើតឡើង ខណៈប្រទេសទាំង៣នេះ បានពង្រឹងកិច្ចសហប្រតិបត្តិការរបស់ខ្លួនទប់ទល់នឹងការគំរាមមីស៊ីល និងនុយក្លេអ៊ែរដែលចេះតែកើនឡើងរបស់កូរ៉េខាងជើង។ យន្តហោះទម្លាក់គ្រាប់បែករបស់អាមេរិកបានចុះចតនៅមូលដ្ឋានទ័ពអាកាសកូរ៉េខាងត្បូងកាលពីថ្ងៃទី ១៧ ខែតុលា បន្ទាប់ពីការហោះហើរនៅឯពិព័រណ៍ការពារជាតិដ៏ធំបំផុតរបស់ប្រទេសនេះ ។ B-52s ដែលហោះហើរក្នុងល្បឿនលឿនជាងសំឡេង អាចធ្វើដំណើរបានជាង១៤.០០០គីឡូម៉ែត្រ ដោយមិនចាំបាច់ចាក់ប្រេង នៅរយៈកំពស់ដល់រហូតទៅ ៥០.០០០ ហ្វីត។ យោងតាមកងទ័ពអាកាសកូរ៉េខាងត្បូង សមយុទ្ធត្រីភាគីបានធ្វើឡើងនៅភាគខាងត្បូងនៃឧបទ្វីបកូរ៉េ ជាទីដែលតំបន់កំណត់អត្តសញ្ញាណការពារដែនអាកាសរបស់ទីក្រុងសេអ៊ូល និងតូក្យូ ត្រួតស៊ីគ្នា ។ ប្រទេសនេះ បាននិយាយនៅក្នុងសេចក្តីថ្លែងការណ៍មួយថា នេះជាលើកទីមួយហើយសម្រាប់មហាអំណាចផ្លូវអាកាសរបស់កូរ៉េខាងត្បូង សហរដ្ឋអាមេរិក និងជប៉ុន ដែលធ្វើសមយុទ្ធលើអាកាស។ សេចក្តីថ្លែងការណ៍ខាងលើបានបន្ថែមថា សមយុទ្ធនេះត្រូវបាន គ្រោងពង្រីកសមត្ថភាពឆ្លើយតបរបស់ប្រទេសទាំងបីប្រឆាំងនឹងការគំរាមកំហែងនុយក្លេអ៊ែរ និងមីស៊ីលដែលកំពុងកើនឡើងរបស់កូរ៉េខាងជើង ។ នៅថ្ងៃចន្ទនេះ ឯកអគ្គរដ្ឋទូតសហរដ្ឋអាមេរិកប្រចាំប្រទេសជប៉ុន លោក រាំ អេម៉ានូអែល(Rahm Emanuel) បានសរសើរសកម្មភាពនេះ ដោយនិយាយថា នេះជាសញ្ញានៃសករាជថ្មី នៅក្នុងកិច្ចសហប្រតិបត្តិការត្រីភាគី៕

ចិនជំរុញឲ្យហ្វីលីពីន បញ្ឈប់ការបង្កជម្លោះនៅដែនសមុទ្រ

2023/10/23 11:13:19 am        146
Facebook Telegram Linkin
អ្នកនាំពាក្យក្រសួងការបរទេសចិនកាលពីថ្ងៃអាទិត្យ បានជំរុញឲ្យប្រទេសហ្វីលីពីន បញ្ឈប់ការបង្កជម្លោះ និងរករឿង នៅដែនសមុទ្រ ហើយបញ្ឈប់បង្កើតចំណាត់ការដ៏គ្រោះថ្នាក់។ អ្នកនាំពាក្យ បានលើកឡើងដូច្នេះ នៅពេលត្រូវបានសួរឲ្យធ្វើការអធិប្បាយស្តីពីឧបទ្ទវហេតុចុងក្រោយនេះ នៅសមុទ្រចិនខាងត្បូង។ កាលពីថ្ងៃអាទិត្យ ប្រទេសហ្វីលីពីន បានដឹកជញ្ជូនគ្រឿងផ្គត់ផ្គង់ ទៅកាន់នាវាចម្បាំងដែលចតដោយ ខុសច្បាប់នៅកោះថ្មប៉ប្រះទឹក Ren'ai Jiao ( រ៉ិនអាយ ជាយ) ។ ឆ្មាំឆ្នេររបស់ប្រទេសចិន ដោយធ្វើទៅតាមច្បាប់ បានរារាំងនាវាហ្វីលីពីន ដែលបានដឹកជញ្ជូនសម្ភារៈសំណង់ខុសច្បាប់។ អ្នកនាំពាក្យចិន បាននិយាយថានាវាស៊ីវិល២គ្រឿង និងនាវាឆ្មាំឆ្នេរ២គ្រឿង របស់ហ្វីលីពីនបានរំលោភដែនទឹកនៅកោះថ្មប៉ប្រាស់ទឹក Ren'ai Jiao ក្នុងតំបន់ Nansha Qundao របស់ប្រទេសចិន កាលពីថ្ងៃទី២២ ខែតុលា ដោយគ្មានការអនុញ្ញាតពីប្រទេសចិន។ យោងតាមអ្នកនាំពាក្យបានឲ្យដឹងថា ទាក់ទងទៅនឹងការព្រមានរបស់ឆ្មាំឆ្នេរចិន នាវាហ្វីលីពីនបានបន្តទៅមុខទៅដែនទឹកថ្មប៉ប្រះទឹក Ren'ai Jiao និងបានប៉ះទង្គិចគ្នាយ៉ាងគ្រោះថ្នាក់ ជាមួយនាវាឆ្មាំចិនដែលកំពុងអនុវត្តច្បាប់នៅកន្លែងកើតហេតុ ហើយទូកនេសាទចិនជាច្រើនគ្រឿង មានសកម្មភាពនេសាទជាធម្មតានៅទីនោះ។គួកត់សំគាល់ថា ប្រទេសហ្វីលីពីនបានសន្យាយ៉ាងច្បាស់លាស់ ជាច្រើនដងមកហើយ ដើម្បីសណ្តោងចេញនាវាយោធាដែលបានចូលចតដោយចេតនា និងខុសច្បាប់ នៅកោះថ្មប៉ប្រះទឹក Ren'ai Jiao ដែលអ្នកនាំពាក្យបាននិយាយថា២៤ឆ្នាំកន្លងផុត ដែលជំនួសឲ្យការសណ្តោងចេញនេះ ប្រទេសហ្វីលីពិន បានព្យាយាមជួសជុល និងបន្ថែមកម្លាំងក្នុងទ្រង់ទ្រាយធំ ដើម្បីកាន់កាប់បណ្តោះអាសន្ន កោះថ្មប៉ប្រះទឹក Ren'ai Jiao ។

សហដ្ឋអាមេរិកម បង្កើនកម្លាំងយោធានៅមជ្ឈិមបូព៌ា ខណៈព្រមានទល់នឹងការរីកធំនៃជម្លោះ

2023/10/23 11:05:15 am        131
Facebook Telegram Linkin
មន្ត្រីជាន់ខ្ពស់ចំនួនពីររូបរបស់សហរដ្ឋអាមេរិក បាននិយាយកាលពីថ្ងៃអាទិត្យ ២២ ខែតុលា ប៉ុន្មានម៉ោងបន្ទាប់ពីមន្ទីរបញ្ចកោណបានសម្រេចបង្កើនការត្រៀមលក្ខណៈយោធានៅក្នុងតំបន់ថា សហរដ្ឋអាមេរិក បានព្រមានអ៊ីរ៉ង់ ឬសម្ព័ន្ធមិត្តរបស់ប្រទេសនេះ ទល់នឹងការបង្កឲ្យជម្លោះរីកកាន់តែធំ ក្រោយសង្រ្គាមរបស់ប្រទេសអ៊ីស្រាអែលជាមួយកក្រុមហាម៉ាស។ស្របពេលភាពតានតឹងកើនឡើងខ្លាំង ទីក្រុងវ៉ាស៊ីនតោន ក៏បានប្រកាសកាលពីថ្ងៃអាទិត្យផងដែរថា ខ្លួនបានបញ្ជាឱ្យបុគ្គលិកដែលពុំមានជាប់ភារកិច្ចបន្ទាន់ចាកចេញពីស្ថានទូតរបស់ខ្លួន នៅក្នុងប្រទេសអ៊ីរ៉ាក់។ ប្រមុខការបរទេសអាមេរិក លោក Antony Blinken បាននិយាយនៅលើសារព័ត៌មាន CBS News ថា សហរដ្ឋអាមេរិក ព្រួយបារម្ភចំពោះលទ្ធភាពនៃកងកម្លាំងតំណាងរបស់អ៊ីរ៉ង់ដែលបង្កើនការវាយប្រហាររបស់ពួកគេប្រឆាំងនឹងបុគ្គលិករបស់ ក៏ដូចជាប្រជាជនរបស់យើង ។ យើងរំពឹងថានឹងមានភាពតានតឹងកើនឡើងថែមទៀត។គ្មាននរណាម្នាក់គួរទាញយកប្រយោជន៍ពី ឱកាសនេះ ដើម្បីពង្រីកការវាយប្រហារបន្ថែមទៀតលើអ៊ីស្រាអែល ឬសម្រាប់បញ្ហានោះ ឬក៏វាយប្រហារមកលើបុគ្គលិករបស់យើងឡើយ។ លោក Blinken បាននិយាយថា សហរដ្ឋអាមេរិកដែលបានបញ្ជូនក្រុមក្រុមនាវាពិឃាត២គ្រឿង ទៅកាន់សមុទ្រមេឌីទែរ៉ាណេភាគខាងកើត កំពុងចាត់វិធានការគ្រប់បែបយ៉ាងដើម្បីធ្វើឱ្យប្រាកដថាយើងអាចការពារពួកគេ បាន ក្នុងករណីចាំបាច់ នឹងមានការឆ្លើយតបយ៉ាងម៉ឺងម៉ាត់។សម្ដីរបស់លោក បានឆ្លុះបញ្ចាំងទៅដល់សារកាលពីពេលថ្មីៗពីប្រមុខការពារជាតិ លោក ឡដ អូស្ទីន (Lloyd Austin)ដែលបានព្រមានពីលទ្ធភាពនៃការបង្កើនការវាយប្រហារទៅលើកងទ័ពរបស់យើង នៅក្នុងតំបន់មជ្ឈិមបូព៌ា៕

កាយរឹទ្ធិកម្ពុជាចូលរួមការបោះជំរំសកលតាមរលកធាតុអាកាស និងប្រព័ន្ធអ៊ីនធឺណិត

2023/10/23 10:56:23 am        265
Facebook Telegram Linkin
ភ្នំពេញ៖ កាយរឹទ្ធិកម្ពុជា បានបង្ហាញវត្តមានជាថ្មី ក្នុងការចូលរួមបោះជំរំសាកលតាមរលកធាតុអាកាស និងប្រព័ន្ធអ៊ីនធឺណិត ជាលើកទី ១២ សម្រាប់កាយរឹទ្ធកម្ពុជាបន្ទាប់ពីការចូលរួមដំបូងកាលនៅឆ្នាំ ២០១១។វត្តមានកាយរឹទ្ធកម្ពុជា បានចូលរួមជាថ្មី ក្នុងការបោះជំរំសកល តាមរលកធាតុអាកាស និងប្រព័ន្ធអ៊ីនធឺណិត ដែលរៀបចំឡើងនៅថ្ងៃទី ២២ ខែតុលា កន្លងទៅនេះ ជាការបោះជំរំដែលមានការចូលរួមពី កាយរឹទ្ធតាមបណ្ដាប្រទេសជំវិញពិភពលោក ខណៈឆ្នាំ ២០២៣ នេះ ជាការបោះជំរំ តាមរលកធាតុអាកាសលើកទី ៦៦ និងជាការបោះជំរំតាមរលកធាតុអាកាសលើកទី ២៧ ដែលរៀបចំឡើង ក្រោមប្រធានបទ «ភាពជាអ្នកដឹកនាំវ័យក្មេង ដើម្បីសន្តិភាព»។ ឯកឧត្តម ចឹក លីម ស្នងការកិច្ចការអន្តរជាតិនៃ កាយរឹទ្ធិជាតិកម្ពុជា លើកឡើងថា ការបោះជំរំនេះ ជាការជួបជុំដ៏ធំសម្រាប់កាយរឹទ្ធិជំវិញពិភពលោក ក្នុងការផ្លាស់ប្ដូរ ចំណេះដឹង ក៏ដូចជា បទពិសោធន៍ របស់កាយរឹទ្ធិតាមប្រទេសនីមួយៗ ថែមទាំងមានការជជែកពិភាក្សាពីវាគ្មិនល្បីៗលើប្រធានបទមួយចំនួនផងដែរ។ឯកឧត្តម មើលឃើញថា ការបោះជំរំនេះ បានផ្ដល់ឧត្តមប្រយោជន៍ ជាច្រើនសម្រាប់កាយរឹទ្ធិកម្ពុជា ដូចជាការធ្វើទំនាក់ទំនងជាមួយកាយរឹទ្ធិ ជំវិញពិភពលោក និងចំណេះដឹងជាច្រើនដែកទទួលបានពីសកម្មភាព ក្នុងការបោះជំរំ ពិសេសការជជែកពិភាក្សាពីវាគ្មិនលំដាប់អន្តរជាតិនានា។សូមជម្រាបថា តាមរយៈព្រឹត្តិការណ៍នេះ វាគ្មិនល្បីៗ បានជជែកគ្នាលើប្រធានបទមួយចំនួនលើគោលដៅអភិវឌ្ឍន៍ប្រកបដោយចីរភាពទាំង ១៧ ដែលដាក់ចេញដោយអង្គការសហប្រជាជាតិ ដើម្បីធ្វើឱ្យយុវជនកាយរឹទ្ធិយល់ពីអ្វីទៅជាគោលដៅអភិវឌ្ឍន៍បប្រកបដោយចីរភាព យល់ពីសកម្មភាព និងតួនាទីរបស់ខ្លួន ជាកាយរឹទ្ធិ ក្នុងការរួមចំណែកសម្រេចគោលដៅនេះ៕ អត្ថបទ៖ គឹមហុក  

បណ្ដាញសង្គម

ព័ត៌មានថ្មីៗ

កម្ពុជា-ឥណ្ឌាដាក់ឱ្យដំណើរការទូទាត់ឆ្លងដែនតាមឃ្យូអរកូត ដើម្បីសម្រួលដល់ប្រជាជនឥណ្ឌាមកកម្ពុជា
06/02/2026 06:06 PM
Facebook Telegram Linkin
អាមេរិកបញ្ចេញរូបភាពរូងផ្លូវក្រោមដីដ៏ស្មុគស្មាញមួយប្រើប្រាស់សម្រាប់រត់ពន្ធគ្រឿងញៀនពីម៉ិកស៊ិក
06/02/2026 06:06 PM
Facebook Telegram Linkin
មន្ត្រីជាន់ខ្ពស់អ៊ីរ៉ង់ និយាយថា សង្គ្រាមថ្មី ជាមួយសហរដ្ឋអាមេរិក គឺ​ «ចៀស​មិនរួច» ទេ
06/02/2026 06:06 PM
Facebook Telegram Linkin
UN ព្រមានពីហានិភ័យក្តៅខ្លាំងពីបាតុភូតអែល នីញ៉ូ និងជំរុញការត្រៀមខ្លួន
06/02/2026 05:06 PM
Facebook Telegram Linkin
ការវាយប្រហាររបស់រុស្ស៊ីលើទីក្រុង Dnipro ប្រទេសអ៊ុយក្រែនសម្លាប់មនុស្ស ១១នាក់
06/02/2026 05:06 PM
Facebook Telegram Linkin
លោក Guterres៖ ការរក្សាកងកម្លាំង UN នៅលីបង់ គឺសំខាន់​ ក្រោយការ​ចាក​ចេញ​របស់​កងរក្សាសន្តិភាពបច្ចុប្បន្ន
06/02/2026 05:06 PM
Facebook Telegram Linkin
គិតត្រឹមខែឧសភា ឆ្នាំ២០២៦ ក្រសួងបរិស្ថានបានបណ្តុះកូនឈើ បានចំនួនជាង៤លានដើម ក្នុងនោះដើមត្នោតចំនួនជាង១លានដើម ដើម្បីចែកជូនប្រជាពលរដ្ឋ យកទៅដាំនៅតាមទីសាធារណៈ និងដាំស្តារព្រៃ
06/02/2026 05:06 PM
Facebook Telegram Linkin
សម្ដេចតេជោ ហ៊ុន សែន ជ្រើសរើសយកទីតាំងអគារទីស្នាក់ការកណ្តាលថ្មីនៃអគ្គនាយកដ្ឋានពន្ធដារ សម្រាប់​រៀបចំកិច្ចប្រជុំថ្នាក់ដឹកនាំកំពូលរដ្ឋសភា និងព្រឹទ្ធសភាអន្តរជាតិនៅខែសីហាខាងមុខនេះ
06/02/2026 05:06 PM
Facebook Telegram Linkin
គ្រូ U19 កម្ពុជា ប្ដេជ្ញាយកលទ្ធផលល្អជូនជាតិ ក្នុងការប្រកួតជើងឯកយុវជនអាស៊ាន នៅឥណ្ឌូនេស៊ី
06/02/2026 05:06 PM
Facebook Telegram Linkin
ក្រសួងបរិស្ថាន៖ UN គាំទ្រយុទ្ធសាស្ត្រហិរញ្ញប្បទាន NDC 3.0 ដើម្បីការពារព្រៃឈើ និងគ្រប់គ្រងសំណល់ឆ្លាតវៃ
06/02/2026 04:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.