នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ​ និង ការអភិវឌ្ឍន៍

សម្ដេចតេជោ និងសម្ដេចកិត្តិព្រឹទ្ធបណ្ឌិត ព្រមទាំងសម្ដេចធិបតី អញ្ជើញទៅភ្ជុំបិណ្ឌនៅវត្តវាំងចាស់

2023/10/14 11:14:40 am        286
Facebook Telegram Linkin
កណ្តាល៖ នៅក្នុងថ្ងៃបុណ្យភ្ជុំបិណ្ឌ ដែលជាពិធីបុណ្យប្រចាំឆ្នាំដ៏ធំ ហើយដែលប្រជាពុទ្ធបរិស័ទខ្មែរគ្រប់មជ្ឈដ្ឋានតែងបានគោរពប្រណិបត្តិជាដរាបមក, នាឆ្នាំនេះក៏ដូចប្រជាពលរដ្ឋខ្មែរគ្រប់ស្រទាប់នៅគ្រប់ទិសទីទូទាំ ងប្រទេសដែរ នាព្រឹកថ្ងៃទី១៤ ខែតុលា សម្តេចអគ្គមហាសេនាបតីតេជោ ហ៊ុន សែន សម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ព្រមទាំងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី រួមទាំងបុត្រា បុត្រី ចៅប្រុស ចៅស្រី បានអញ្ជើញចូលរួមប្រារព្ធពិធីបុណ្យភ្ជុំនៅវត្តវាំងចាស់ ដែលស្ថិតនៅក្នុងស្រុកព ញាឮ ខេត្តកណ្តាល។នៅលើឧបដ្ឋានសាលាវត្តវាំងចាស់ ពេលអញ្ជើញដល់ទីអារាម សម្តេចតេជោ ហ៊ុន សែន និងសម្តេចកិ ត្តិព្រឹទ្ធបណ្ឌិត ព្រមទាំងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី រួមទាំងក្រុមគ្រួសារបានអ ញ្ជើញបូជាទៀន ធូប ថ្វាយផ្កាចំពោះព្រះពុទ្ធបដិមា និងបា្ររព្ធពិធីសូត្រមន្ត សមាទានសីលតាមទំនៀម ទម្លាប់ព្រះពុទ្ធសាសនា ដើម្បីជាការរំលឹកដល់គុណបុណ្យ ព្រះរតនត្រ័យ និងព្រះសម្មាសម្ពុទ្ធព្រះបរមគ្រូនៃយើង។គួរកត់សម្គាល់ថា ដោយគោរពខ្ជាប់ខ្ជួនចំពោះព្រះពុទ្ធសាសនាដែលជាសាសនារបស់រដ្ឋ នៅរៀងរាល់ឆ្នាំ ក្នុងថ្ងៃភ្ជុំ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ព្រមទាំងក្រុមគ្រួសារតែងអញ្ជើញទៅចូលរួមប្រារព្ធពិធីបុណ្យភ្ជុំ នៅវត្តវាំងចាស់ នេះពុំសូវអាក់ខានឡើយ។តាមរយៈព្រះសង្ឃ តាមរយៈព្រះធម៌នៃព្រះសម្មាសម្ពុទ្ធ ជាពិសេសការគោរពប្រណិបត្តិដោយសទ្ធាជ្រះថ្លា នូវកិច្ចសាសនានៃពិធីបុណ្យភ្ជុំនាឱកាសនេះ សម្តេចតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី, សម្តេច ឯកឧត្តម លោកជំទាវ ជាក្រុមគ្រួសារ បុត្រធិតា សូមឧទ្ទិសកុសលផលបុណ្យជូនចំពោះបុព្វការីជនមាន មាតាបិតា បងប្អូនរបស់សម្តេចទាំងទ្វេរួមមាន៖ វិញ្ញាណក្ខន្ធអ្នកឧកញ៉ាមហាភក្តីសប្បុរិសភោគាធិបតី ហ៊ុន នាង, វិញ្ញាណក្ខន្ធម ហាឧបាសិកា ឌី ប៉ុក បិតាមាតាបង្កើតសម្តេចតេជោ ហ៊ុន សែន, វិញ្ញាណក្ខន្ធមហាឧបាសក លីន គ្រី និង អ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី បិតាមាតាបង្កើតសម្តេចកិត្តិព្រឹទ្ធប ណ្ឌិត, វិញ្ញាណក្ខន្ធសម្តេចឧត្តមទេពញាណ ហ៊ុន ណេង បងប្រុសបង្កើតសម្តេចតេជោ, វិញ្ញាណក្ខន្ធលោកជំទាវមហាសទ្ធាភិរ័ត្នធម្មសិរីរតន៍អគ្គមហាឧបាសិកាពុទ្ធសាសនូបត្ថម្ភក៌ ប៊ុន សុថា ប្អូនស្រីបង្កើតសម្តេចកិត្តិព្រឹទ្ធបណ្ឌិត, វិញ្ញាណក្ខន្ធកុមារា ហ៊ុន កំសត់ បុត្រាច្បងសម្តេចតេជោ និងសម្តេចកិត្តិព្រឹទ្ធប ណ្ឌិត ព្រមទាំងញាតិមិត្ត សាច់សាលោហិតទាំងឡាយ ដែលបានចែកឋានទៅកាន់លោកខាងមុខហើ យនោះ សូមបានសោយសុខ ក្នុងឋានសុគតិភព កុំបីឃ្លាងឃ្លាតឡើយ។ដោយសេចក្តីជ្រះថ្លា នៅក្នុងពិធីបុណ្យភ្ជុំបិណ្ឌ សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្ដេចមហាបវរធិបតី ហ៊ុន ម៉ាណែត ព្រមទាំងសម្តេច ឯកឧត្តម លោកជំទាវ និងបងប្អូនក្រុមគ្រួ សារ សាច់ញាតិ បាននាំយកចង្ហាន់គ្រឿង ឧបភោគបរិភោគ នំចំណី ភេសជ្ជៈ និងបច្ច័យវេរប្រគេនព្រះ សង្ឃ និងចូលរួមរីករាយជាមួយប្រជាពុទ្ធបរិស័ទជិតឆ្ងាយ ក្នុងថ្ងៃបុណ្យភ្ជុំ នៅវត្តវាំងចាស់ នាឱកាសនេះ ។ទេយ្យទានដែលនាំយកមកប្រគេនព្រះសង្ឈនៅវត្តវាំងចាស់ក្នុងថ្ងៃនេះរួមមាន៖ ទឹកក្រូចចំនួន ២០ កេ ស, ទឹកបរិសុទ្ធចំនួន ៣០ កេស, ទឹកសណ្ដែកចំនួន ៥ កេស, ទឹកគូលែនចំនួន ៥ កេស, ទឹកត្រឡាចចំ នួន ៥ កេស, ទឹកដោះគោខាប់ចំនួន ២ កេស, ស្ករសចំនួន ២០ គីឡូក្រាម, កាកាវចំនួន ៣ កេស, មៀន កំប៉ុងចំនួន ៥ កេស, តែចំនួន ៥ គីឡូក្រាម, ត្រីខចំនួន ៥ កេស, មីចំនួន ៣ កេសធំ, អង្ករចំនួន ៥០០ គី ឡូក្រាម, ត្រីងៀតចំនួន ១០ គីឡូក្រាម, សាច់ក្រកចំនួន ១០ គីឡូក្រាម, នំចិនចំនួន ២ កន្ត្រក, ផ្លែឈើ ចំនួន ៨ កន្ត្រក, ទេយ្យទានរួមទាំងថវិកាចំនួនមួយសែនរៀល មានចំនួន ៣០ កញ្ចប់, ទេយ្យទានរួមទាំ ងថវិកាពីរលានរៀល មានចំនួន ១ កញ្ចប់, ប្រគេនបច្ច័យកសាងចំនួន ដប់លានរៀល។សម្តេចទាំងទ្វេ ព្រមទាំងសម្តេច ឯកឧត្តម លោកជំទាវ ជាបុត្រាបុត្រី ចៅប្រុសស្រី បានអញ្ជើញរាប់បា ត្រ បង្សុកូល ដើម្បីជាកិច្ចឧទ្ទិសកុសលផលបុណ្យជូនចំពោះវិញ្ញាណក្ខន្ធបុព្វការីជន វីរជនអ្នកស្នេហាជាតិទាំងឡាយ ដែលបានពលីជីវិតក្នុងបុព្វហេតុជាតិមាតុភូមិ ព្រមទាំងវិញ្ញាណក្ខន្ធជនរួមជាតិខ្មែរស្លូតត្រង់ជាងបីលាននាក់ ដែលបានបាត់បង់អាយុជីវិតយ៉ាងអយុត្តិធម៌ក្នុងរបបប្រល័យពូជសាសន៍ ប៉ុលពត សូមឱ្យវិញ្ញាណក្ខន្ធ អ្នកទាំងអស់នោះ បានសោយសុខក្នុងឋានសុគតិភពគ្រប់ៗគ្នា។ម្យ៉ាងវិញទៀត តាមរយៈផល្លានិសង្ឃកើតចេញពីទឹកចិត្តជ្រះថ្លា ក្នុងថ្ងៃបុណ្យភ្ជុំនេះ ព្រះថេរានុថេរគ្រប់ព្រះអង្គដែលគង់ក្នុងទីអារាមវត្តវាំងចាស់ ឧទ្ទិសថ្វាយដល់វត្ថុស័ក្តិសិទ្ធក្នុងលោក និងទេវតាថែរក្សាទឹកដីនៃព្រះរាជាណាចក្រកម្ពុជា សូមតាមជួយបីបាច់ថែរក្សាការពារ ជួយប្រោសព្រហ្មប្រសិទ្ធីពរជ័យ សិរីមង្គលគ្រប់ប្រការជូនសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី សូមមានសុខភាពល្អ បរិបូរណ៍ ជន្មាយុយឺនយូរ ពលំនុភាពមាំមួន បញ្ញាញាណភ្លឺថ្លា ដើម្បីបន្តស្ថិតនៅជាអ្នកដឹកនាំកំពូលនៅព្រះរាជាណាចក្រកម្ពុជា ឱ្យកាន់តែទទួលបាននូវការអភិវឌ្ឍរីកចម្រើនលើគ្រប់វិស័យ ប្រជាពលរដ្ឋកម្ពុជានៅទូទាំងប្រទេស កាន់តែទទួលបាននូវភាពសុខដុមរមនា រីកចម្រើនគ្រប់ក្រុមគ្រួសារ សូមឱ្យកម្ពុជាជៀសចាកឆ្ងាយពីគ្រោះមហន្តរាយផងទាំងពួង និងរក្សាបាននូវសុខសន្តិភាពជាយូរអង្វែងតរៀងទៅ៕

ប្រធានាធិបតីហ្គាណា ស្វែងរកក្រុមចម្រុះ ដើម្បីប្រយុទ្ធប្រឆាំងនឹង «អំពើភេរវកម្ម» របស់ អាហ្វ្រិកខាងលិច

2023/10/14 10:39:22 am        149
Facebook Telegram Linkin
ប្រធានាធិបតីហ្គាណា Nana Akufo-Addo កាលពីថ្ងៃព្រហស្បតិ៍ បានអំពាវនាវឲ្យមាន «សម្ព័ន្ធនៃលទ្ធិប្រជាធិបតេយ្យសកល» ដើម្បីប្រយុទ្ធប្រឆាំងនឹងក្រុមជ្រុលនិយមហិង្សានៅអាហ្វ្រិកខាងលិច ដែលបាននិងកំពុងរីករាលដាលភាគខាងត្បូងពីសាហែល (Sahel) ឆ្ពោះទៅកាន់ប្រទេសហ្គាណា និងប្រទេសជិតខាង។លោក Afuko-Addo បាននិយាយនៅក្នុងសុន្ទរកថានៅទីក្រុងវ៉ាស៊ីនតោនដែលលោកបានប្រៀបធៀបជំនួយរបស់លោកខាងលិចសម្រាប់អ៊ុយក្រែនជាមួយនឹងការផ្តល់ដល់បណ្តាប្រទេសប្រជាធិបតេយ្យ នៅអាហ្វ្រិកខាងលិចថា«ការគំរាមកំហែងដែលបង្កឡើងដោយក្រុមភេរវករ គឺយើងត្រូវតែចែករំលែកបន្ទុកនៃការប្រយុទ្ធប្រឆាំងនឹងពួកគេ»។«នេះគឺជាពេលវេលាសម្រាប់សម្ព័ន្ធប្រជាធិបតេយ្យសកល ដែលជាសម្ព័ន្ធនៃឆន្ទៈ ដែលបានប្តេជ្ញាចិត្តក្នុងលុបបំបាត់នូវវត្តមាននៃអំពើភេរវកម្មនិងលទ្ធិជ្រុលនិយមដ៏ឃោរឃៅ»។ជាមួយនឹងក្រុមសកម្មប្រយុទ្ធឥស្លាមនិយមគ្រប់គ្រងតំបន់ដ៏ធំនៃប្រទេសម៉ាលី បួគីណាហ្វាសូ និងនីហ្សេ សហរដ្ឋអាមេរិកនិងដៃគូលោកខាងលិចផ្សេងទៀត បាននឹងកំពុងស្វែងរក ដើម្បីជួយប្រទេសហ្គាណា និងរដ្ឋនៅអាហ្វ្រិកខាងលិច នៅតាមឆ្នេរសមុទ្រផ្សេងទៀត ពង្រឹងការការពាររបស់ពួកគេ។

ថ្ងៃបញ្ចប់ពិធីបុណ្យភ្ជុំបិណ្ឌ បងប្អូនពលករខ្មែរ ដែលបម្រើការងារនៅប្រទេសថៃ នៅតែបន្ដធ្វើដំណើរមកលេងស្រុកកំណើតជាបន្ដបន្ទាប់

2023/10/14 09:28:55 am        1337
Facebook Telegram Linkin
នៅថ្ងៃទី១៤ ខែតុលា ឆ្ឆ្នាំ២០២៣នេះ ដែលជាថ្ងៃបញ្ចប់ពិធីបុណ្យភ្ជុំបិណ្ឌ បងប្អូនពលករខ្មែរ ដែលបម្រើការងារនៅប្រទេសថៃ នៅតែបន្ដធ្វើដំណើរមកលេងស្រុកកំណើតជាបន្តបន្ទាប់ នៅតាមច្រកព្រំដែននានា ហើយមន្ត្រីនគរបាលអន្តោប្រវេសន៍ប្រចាំការនៅច្រកនីមួយៗ បានសម្រួលការធ្វើដំណើរចេញ-ចូល របស់ពលករបានយ៉ាងល្អប្រសើរ និងឆាប់រហ័ស។ជាក់ស្តែងនៅនៅច្រកទ្វារអន្តរជាតិប៉ោយប៉ែត ក្នុងខេត្តបន្ទាយមានជ័យ សង្កេតឃើញពលករខ្មែរ ជាច្រើននាក់ បានចូលមកកាន់ប្រទេសកម្ពុជា ជាបន្តបន្ទាប់ដើម្បីជួបជុំក្រុមគ្រួសារ ក្នុងឱកាសពិធីបុណ្យភ្ជុំបិណ្ឌ។ប៉ុស្តិ៍នគរបាលច្រកព្រំដែនអន្តរជាតិប៉ោយប៉ែត បានសម្របសម្រួលបែបបទរហ័សជូនបងប្អូនប្រជាពលរដ្ឋ និងពលករខ្មែរដែលត្រឡប់មកពីប្រទេសថៃ ដើម្បីចូលរួមពិធីបុណ្យភ្ជុំបិណ្ឌប្រពៃណីជាតិខ្មែរនៅស្រុកកំណើត។

កម្ពុជា និងតួកគី កំណត់ទិសដៅដើម្បីសម្រេចបាននូវគោលដៅពាណិជ្ជកម្ម ក្នុងទំហំ ១ ប៊ីលានដុល្លារអាមេរិក

2023/10/13 11:28:16 am        344
Facebook Telegram Linkin
ភ្នំពេញ៖ ឯកឧត្តម សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហ​ប្រតិបត្តិ​ការ អន្តរជាតិនៃព្រះរាជាណាចក្រកម្ពុជា បានពិភាក្សាប្រកបដោយផ្លែផ្កាជាមួយ លោក​ជំទាវ Ulkü Kocaefe ឯកអគ្គរដ្ឋទូតនៃសាធារណរដ្ឋតួកគី ប្រចាំព្រះរាជាណាចក្រកម្ពុជា ក្នុង​ឱកាស​ដែល​លោកជំទាវឯកអគ្គរដ្ឋទូត ចូលជួបសម្តែងការគួរសម និងពិភាក្សាការងារ នៅថ្ងៃទី៦ ខែតុលា ឆ្នាំ២០២៣ នៅទីស្តីការក្រសួង។ភាគីទាំងពីរបានកត់សម្គាល់ដោយសេចក្តីពេញចិត្តចំពោះទំនាក់ទំនងមិត្តភាពរវាងប្រទេសទាំងពីរ។ ខណៈដែលកម្ពុជា និងតួកគីនឹងប្រារព្ធខួបអនុស្សាវរីយ៍លើកទី៦៥ នៃទំនាក់​ទំនង​ការ​ទូត​នៅ​ឆ្នាំ​ក្រោយ​ ឯកឧត្ដមឧបនាយករដ្ឋមន្ត្រី និងលោកជំទាវឯកអគ្គរដ្ឋទូត បានបង្ហាញ​នូវ​ការ​ត្រៀម​ខ្លួន​ជា​ស្រេច​ក្នុង​ការរៀបចំសកម្មភាពរួមគា្ននានា ដើម្បីអបអរព្រឹត្តិការណ៍ដ៏មានសារៈសំខាន់នេះ។ ភាគីទាំងពីរ ក៏បានផ្លាស់ប្ដូរ យោបល់អំពីមធ្យោបាយដើម្បីពង្រឹងបន្ថែមទៀតនូវទំនាក់ទំនង និង​ផ្តល់​អាទិភាព​លើវិស័យសក្តានុពលនានា នៃកិច្ចសហប្រតិបត្តិការ​ដែល​ស្រប​តាម​យុទ្ធ​សាស្ត្រ​បញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា។ចំពោះទំនាក់ទំនងសេដ្ឋកិច្ច និងពាណិជ្ជកម្ម ភាគី​ទាំង​ពីរ​បាន​វាយ​តម្លៃ​ខ្ពស់​ចំពោះ​កិច្ច​សហប្រតិបត្តិការ​យ៉ាងជិតស្និទ្ធ។ ភាគីទាំងពីរ បានប្ដេជ្ញាចិត្តក្នុងការស្វែងរកលទ្ធភាពបន្ថែមទៀត ដើម្បី​បង្កើនសកម្មភាព ពាណិជ្ជកម្ម និងធុរកិច្ច ដើម្បី​សម្រេច​បាន​នូវ​គោល​ដៅ​ពាណិជ្ជ​កម្ម​ក្នុង​ទំហំ១ ប៊ីលានដុល្លារអាមេរិក។ ក្នុងន័យនេះ លោកជំទាវ ülkù Kocaefe បានគូស​បញ្ជាក់​ថា​ តួកគី បានបង្កើតឱ្យមានជាលើកដំបូងនូវ ការិយាល័យ​ទីប្រឹក្សា​ទទួល​បន្ទុ​ក​កិច្ច​ការ​ពាណិជ្ជកម្ម​នៅ​កម្ពុជា​ ដើម្បីសម្របសម្រួលឱ្យកាន់តែល្អប្រសើរនូវ កិច្ចខិតខំប្រឹងប្រែង ក្នុងការជំរុញពាណិជ្ជកម្ម និ​ង​ការវិនិយោគទ្វេភាគី។កម្ពុជាឯកឧត្ដមឧបនាយករដ្ឋមន្ដ្រី បានសម្តែង​នូវ​អំណរ​គុណ​យ៉ាង​ស្មោះ​សរ​ចំពោះ​រដ្ឋាភិបាល​តួកគី​សម្រាប់ ការផ្តល់ជំនួយអភិវឌ្ឍន៍ដល់កម្ពុជា។ ជាការឆ្លើយតប លោកជំទាវឯកអគ្គរដ្ឋទូត បានអះអាងសាជាថ្មីន ប្តេជ្ញាចិត្តរបស់រដ្ឋាភិបាលតួកគីក្នុងការជួយដល់កម្ពុជា ជាពិសេស​ការ​បន្ត​កិច្ច​សហប្រតិបត្តិការតាមរយៈទីភ្នាក់ងារសម្របសម្រួល និងសហប្រតិបត្តិការតួកគី (TIKA)។ភាគីទាំងពីរក៏បានផ្លាស់ប្តូរទស្សនៈលើកិច្ចសហប្រតិបត្តិការក្នុងវិស័យវប្បធម៌ ទេសចរណ៍ និង​អប់រំ​ រួមមានការផ្តល់អាហារូបករណ៍ និងការបណ្តុះបណ្តាលដល់មន្ត្រីការទូត និងនិស្សិតកម្ពុជា។ កិច្ច​សហ-ប្រតិបត្តិការក្នុងក្របខ័ណ្ឌពហុភាគីក៏ត្រូវបានលើកយកមកពិភាក្សាផងដែរ៕

កម្ពុជា និងរុស្ស៊ី នឹងពង្រឹងពង្រីកចំណងមិត្តភាពជាប្រពៃណី

2023/10/13 11:15:08 am        343
Facebook Telegram Linkin
ភ្នំពេញ៖ ឯកឧត្តម សុខ ចិន្តាសោភា ឧបនាយករដ្ឋមន្រ្តី និងជារដ្ឋមន្ត្រីការបរទេស និង​សហប្រតិបត្តិការ អន្តរជាតិ នៃព្រះរាជាណាចក្រកម្ពុជា បានពិភាក្សាប្រកបដោយផ្លែផ្កាជាមួយ ឯកឧត្តម Anatoly Borovik ឯកអគ្គរដ្ឋទូតសហព័ន្ធរុស្ស៊ីប្រចាំកម្ពុជា ក្នុងឱកាសដែលឯកឧត្តម ឯក​អគ្គរដ្ឋទូត ចូលជួបសម្តែងការគួរសម នៅថ្ងៃទី១០ ខែតុលា ឆ្នាំ២០២៣ នៅទីស្តីការក្រសួង ។ជាកិច្ចចាប់ផ្តើម ឯកឧត្ដមឧបនាយករដ្ឋមន្ត្រី បានថ្លែងអំណរគុណដល់សហព័ន្ធរុស្ស៊ី ដែល​បាន​បន្ត ផ្តល់ការគាំទ្រ និងជំនួយដល់ប្រទេសកម្ពុជា ជាពិសេសក្នុងអំឡុងគ្រាដ៏លំបាក។ ឯកឧត្តម​ឧបនាយក​រដ្ឋមន្តី ក៏បានកោតសរសើរដល់ការប្ដេជ្ញាចិត្តរបស់រុស្ស៊ី ក្នុងការអភិវឌ្ឍ​ធន​ធាន​មនុស្ស​នៅ​កម្ពុជា​ ដែលដើរតួជា មូលដ្ឋានគ្រឹះដ៏រឹងមាំ ក្នុងការពង្រឹងទំនាក់ទំនងរវាងប្រជាជន និង​ប្រជាជន​បន្ថែមទៀត។ ក្នុងនាមជាសាក្សី ដែលបានឃើញផ្ទាល់ភ្នែកពីស្ថានភាពកម្ពុជា នៅ​ទសវត្សរ៍​ឆ្នាំ១៩៨០ ឯកឧត្តម Anatoly Borovik បាន កោតសរសើរ​កម្ពុជា​ចំពោះ​ការ​ស្តារ​ឡើង​វិញ​ប្រកប​ដោយភាពជោគជ័យក្រោយសង្គ្រាម។ ឆ្លៀតឱកាសនេះ ឯកអគ្គរដ្ឋទូតរុស្ស៊ី បាន​ចូល​រួម​រំលែក​ទុក្ខ​ដល់​ក្រុមគ្រួសារនៃនិស្សិតកម្ពុជាមួយរូប ដែលបានបាត់បង់ជីវិត ក្នុងសោកនាដកម្ម​ថ្មី​ៗ​នេះ​ នៅប្រទេសអ៊ីស្រាអែល។ជាការឆ្លើយតប ឯកឧត្តមឧបនាយករដ្ឋមន្រ្តី បានថ្លែងអំណរគុណចំពោះសាររំលែកទុក្ខរបស់ ឯក​អគ្គរដ្ឋទូតរុស្ស៊ី ក្នុងគ្រាដ៏លំបាកនេះ ហើយបានសង្កត់ធ្ងន់ថា រាជរដ្ឋាភិបាលកម្ពុជា បាន​និង​កំពុង​ចាត់​រាល់វិធានការ ដើម្បីធានាសុខសុវត្ថិភាពដល់និស្សិតកម្ពុជាទាំងអស់ នៅប្រទេសអ៊ីស្រាអែល។ភាគីទាំងពីរ បានកត់សម្គាល់ដោយការពេញចិត្តយ៉ាងជ្រាលជ្រៅ ចំពោះ​ចំណង​មិត្ត​ភាព​ជា​ប្រពៃណី រវាងកម្ពុជា និងរុស្ស៊ី ដោយឈរលើមូលដ្ឋាននៃគោលការណ៍គោរពគ្នាទៅវិញទៅមក និង​ផល​ប្រយោជន៍រួម ទាំងក្នុងក្របខ័ណ្ឌទ្វេភាគី និងពហុភាគី។ ភាគីទាំងពីរ បានគូស​បញ្ជាក់​អំពី​សារៈ​សំខាន់​នៃការបន្តកិច្ចសហ ប្រតិបត្តិការក្នុងវិស័យដែលផ្តល់ផលប្រយោជន៍ទៅវិញទៅមក រួមមាន ពាណិជ្ជកម្ម ការវិនិយោគ និងវប្បធម៌ក្នុងចំណោម​វិស័យជាច្រើនទៀត។ ក្នុងស្មារតីនេះ ភាគីទាំងពីរ បានឯកភាពគ្នារៀបចំកិច្ចប្រផុត។អន្តររដ្ឋាភិបាលកម្ពុជា-រុស្ស៊ីលើកទី១១ ស្ដីពីកិច្ចសហប្រតិបត្តិការពាណិជ្ជកម្ម សេដ្ឋកិច្ច វិទ្យាសាស្ត្រ និងបច្ចេកទេស ស្របពេលនឹងការរៀបចំកិច្ចពិគ្រោះយោបល់ទ្វេភាគីលើកទី៣ នៅ​ដើម​ឆ្នាំ​២០២៤ ខាងមុខ នេះ។ ភាគីទាំងពីរក៏បានពិភាក្សា និងចែក​រំលែក​ព័ត៌មាន​អំពី​បញ្ហា​អន្តរជាតិ​មួយចំនួនផងដែរ៕

ទិវាជាតិគ្រប់គ្រងគ្រោះមហន្តរាយ៖ សម្ដេចធិបតី លើកឡើងពីសារៈសំខាន់ នៃការចូលរួមធ្វើសកម្មភាពពីគ្រប់ភាគី

2023/10/13 11:05:20 am        542
Facebook Telegram Linkin
ក្នុងសារលិខិត ផ្ញើជូនជនរួមជាតិ នាឱកាសទិវាជាតិគ្រប់គ្រងគ្រោះមហន្តរាយ នាថ្ងៃទី១៣ ខែតុលា ឆ្នាំ២០២៣នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បាន​កត់​សម្គាល់​អំពី​ផលវិបាកផ្សេងៗដែលបង្កឡើងដោយគ្រោះមហន្តរាយធម្មជាតិ និង​កិច្ច​ខិតខំ​ប្រឹង​ប្រែង​របស់រាជរដ្ឋាភិបាលក្នុងការដោះស្រាយ និងកាត់បន្ថយហានិភ័យ នៃការប្រែប្រួល​អាកាស​ធាតុ រួមទាំងភាពចាំបាច់ នៃការចូលរួមធ្វើសកម្មភាពពីគ្រប់ភាគី។បើតាម សម្ដេចធិបតីនាយករដ្ឋមន្ត្រី កម្ពុជាក៏មិនខុសពីប្រទេសនៅក្នុងតំបន់ និងនៅលើ​ពិភព​លោក​ដែរ បានប្រឈមនឹងសា្ថនភាពអាកាសធាតុ ដូចជាការកើនឡើងកម្ដៅ និងរដូវ​វស្សា​ជួប​នឹង​របាយ​ទឹកភ្លៀងធ្លាក់មិនបានរាយប៉ាយល្អជាដើម។ សម្ដេចបាន​កត់​សម្គាល់​អំពី​មុខ​សញ្ញា​គ្រោះ​ថ្នាក់​នានា ដូចជា ខ្យល់កន្ត្រាក់ រន្ទះបាញ់ បាក់ច្រាំងទន្លេ ជំងឺឆ្លងរាតត្បាត ជំងឺកូវីដ-១៩ អគ្គិភ័យ គ្រោះថ្នាក់ផ្លូវគោក ផ្លូវទឹក រលំបាក់អគារ ព្រមមុខ​សញ្ញា​គ្រោះថ្នាក់​ផ្សេង​ៗ​ទៀត​ដែល​បាន​ផ្តាច់​អាយុ​ជីវិត​មនុស្ស បង្កការខូចខាតទ្រព្យសម្បត្តិប្រជាជន និងសហគមន៍ជាច្រើន។សម្ដេចនាយករដ្ឋមន្ត្រី បានអះអាងថារាជរដ្ឋាភិបាលកម្ពុជា តែងតែប្រើប្រាស់គ្រប់វិធានការសរុប មធ្យោបាយ សរុប ដើម្បីកាត់បន្ថយហានិភ័យគ្រោះមហន្តរាយមកលើប្រជាជន ហើយថា​ការ​គ្រប់​គ្រង​គ្រោះ​មហន្តរាយ គឺជាការងារពហុវិស័យ ជាការងារ​ប្រទាក់​ក្រឡា​ដែល​មាន​ការ​ពាក់ព័ន្ធ​ស្ទើរ​គ្រប់​ទិដ្ឋភាព ទាំងសេដ្ឋកិច្ច និងសង្គម របស់ប្រទេសជាតិ ដែលត្រូវ​ធ្វើ​ឡើង​ប្រកប​ដោយ​បរិយាបន្ន​។ ភ្ជាប់នឹងសារអំពាវនាវសំខាន់ៗ  សម្ដេចធិបតី បានគូសបញ្ជាក់ថា មិនថាវិស័យណាមួយ ស្ថាប័ន​ណា​មួយ ឬផ្នែកណាមួយ ទាំងស្ថាប័នរដ្ឋ ឯកជន គិតទាំងបុគ្គលគ្រប់រូបគឺសុទ្ធតែមានភារកិច្ច និង​ជាប់​ពាក់​ព័ន្ធក្នុងការរួមចំណែកដោយផ្ទាល់ ឬដោយ​ប្រយោល​ទៅ​ក្នុង​ការ​កាត់​បន្ថយ​ហានិភ័យ​គ្រោះ​ម​ហន្តរាយ ដើម្បីភាពធន់ និងការអភិវឌ្ឍប្រកបដោយចីរភាព ហើយគ្រប់​ភាគី​ពាក់ព័ន្ធ​ទាំង​អស់​គឺ​មាន​តួនាទីក្នុងការចូលរួមធ្វើសកម្មភាពកាត់បន្ថយហានិភ័យគ្រោះមហន្តរាយ៕

ប្រព័ន្ធផ្សព្វផ្សាយសង្គមចិន កំពុងផ្ទុះការគាំទ្រសម្រាប់ប៉ាឡេស្ទីន ហើយដាក់ការស្ដីបន្ទោសលើទីក្រុងវ៉ាស៊ីនតោន

2023/10/12 02:35:54 pm        168
Facebook Telegram Linkin
កាលពីល្ងាចថ្ងៃអាទិត្យ ស្ថានកុងស៊ុលអ៊ីស្រាអែល នៅទីក្រុងក្វាងចូវ ប្រទេសចិន បានផ្សព្វផ្សាយសារបង្ហោះក្នុងបណ្ដាញសង្គម ទៅកាន់អ្នកតាមដានរបស់ខ្លួន ចំនួន២៦៤.០០០នាក់ ដោយពណ៌នាអំពីរបាយការណ៍របស់ស្ត្រីជនជាតិចិន-អ៊ីស្រាអែលម្នាក់ ដែលត្រូវបានក្រុមហាម៉ាស ចាប់ខ្លួន។ ជាការឆ្លើយតប ប្រព័ន្ធផ្សព្វផ្សាយសង្គមរបស់ចិន កំពុងផ្ទុះឡើងជាមួយនឹងការគាំទ្រដល់ប៉ាឡេស្ទីន ហើយបានទម្លាក់កំហុសទៅលើទីក្រុងវ៉ាស៊ីនតោន ចំពោះការគាំទ្ររដ្ឋជ្វីហ្វ អ៊ីស្រាអែល ដែលបាននឹងកំពុងបង្កការខូចខាតដែលមិនអាចស្រោចស្រង់វិញបាន ចំពោះតំបន់ហ្គាហ្សា។ការបញ្ចេញមតិយោបល់មិនសមរម្យរាប់រយសារពីអ្នកប្រើប្រាស់ បានបង្ហោះពីក្រោមសាររបស់ស្ថានកុងស៊ុលអ៊ីស្រាអែល ហើយអ្នកបញ្ចេញមតិយោបល់ខ្លះ បានប្រៀបធៀបអ៊ីស្រាអែល ទៅនឹងប្រទេសជប៉ុន ដែលត្រូវបានប្រជាជនមិនចូលចិត្តយ៉ាងខ្លាំងនៅក្នុងប្រទេសចិន ដោយសាររបបឃោរឃៅរបស់ខ្លួននៅក្នុងសង្គ្រាមលោកលើកទីពីរ ហើយអ្នកផ្សេងទៀតបានចោទប្រកាន់អ៊ីស្រាអែល ថាជារដ្ឋណាស៊ីនិយម។ជាផ្លូវការ ប្រទេសចិនបានអំពាវនាវឱ្យមានភាពស្ងប់ស្ងាត់ ខណៈដែលក្រុមសកម្មប្រយុទ្ធ ហាម៉ាស បានបើកការវាយប្រហារដ៏ធំបំផុតរបស់ខ្លួនលើប្រទេសអ៊ីស្រាអែល ក្នុងរយៈពេលជាច្រើនទសវត្សរ៍ ហើយខណៈដែលអ៊ីស្រាអែលបានឆ្លើយតបជាមួយនឹងការវាយប្រហារដ៏ច្របូកច្របល់ និងការឡោមព័ទ្ធតំបន់ហ្គាហ្សា ប៉ុន្តែនៅលើបណ្ដាញសង្គមវៃប៉ូ (Weibo) របស់ចិន ដែលមានអ្នកប្រើប្រាស់ជិត ៦០០លាននាក់ បាននឹងកំពុងផ្ទុះរលកនៃការប្រឆាំងសាសនា និងកំហឹងចំពោះអ៊ីស្រាអែល។ស្របពេលមានរលកការបង្ហោះ និងការបញ្ចេញមតិរិះគន់អ៊ីស្រាអែល សារដែលបានបង្ហោះឡើងវិញជាញឹកញយ បានបង្ហាញពីហេតុផលកាន់តែស៊ីជម្រៅសម្រាប់ការបង្ហោះប្រឆាំងអ៊ីស្រាអែលមួយចំនួន ដោយបានស្ដីបន្ទោសលើសហរដ្ឋអាមេរិកផងដែរ៕

ប្រធានEU ចាត់ទុកការវាយប្រហាររបស់ក្រុមហាម៉ាសជា«អំពើភេរវកម្ម» ដែលឆ្លុះបញ្ចាំងពី «អំពើព្រៃផ្សៃបុរាណកាល»

2023/10/12 02:31:35 pm        146
Facebook Telegram Linkin
ប្រធានគណៈកម្មការអឺរ៉ុប លោក ស្រី Ursula von der Leyen បានចាត់ទុកការវាយប្រហាររបស់ក្រុមហាម៉ាសប្រឆាំងនឹងអ៊ីស្រាអែលថា ជា «អំពើភេរវកម្ម» ដែលឆ្លុះបញ្ចាំងពី«អំពើព្រៃផ្សៃបុរាណកាល»។លោកស្រី von der Leyen បាននិយាយក្នុងកិច្ចប្រជុំប្រចាំសប្តាហ៍របស់ក្រុមគ្រប់គ្រងកាលពីថ្ងៃពុធថា៖«ជនស្លូតត្រង់ទាំងនេះ ត្រូវបានសម្លាប់ដោយហេតុផលតែមួយ គឺដោយសារជាជនជាតិជ្វីហ្វ និងរស់នៅក្នុងរដ្ឋអ៊ីស្រាអែល។ វាជាអំពើអាក្រក់ពីបុរាណ ដែលរំលឹកយើងពីអតីតកាលដ៏ខ្មៅងងឹតបំផុត ហើយធ្វើឲ្យយើងទាំងអស់គ្នា តក់ស្លុតបំផុតរកអ្វីមកប្រៀបពុំបានឡើយ»។ លោកស្រី បានបន្តថា៖«យើងត្រូវតែច្បាស់លាស់ក្នុងការកំណត់ប្រភេទភាពភ័យរន្ធត់នេះ វាជាអំពើភេរវកម្ម ហើយវាជាទង្វើនៃសង្រ្គាមមួយ»។ លោកស្រី Von der Leyen បានបញ្ជាក់យ៉ាងច្បាស់ពីជំហររបស់គណៈកម្មការអឺរ៉ុបចំពោះជម្លោះដែលកំពុងបន្ត ដោយនិយាយថា អឺរ៉ុបឈរជាមួយអ៊ីស្រាអែល និង «គាំទ្រយ៉ាងពេញទំហឹងចំពោះសិទ្ធិការពារខ្លួនរបស់អ៊ីស្រាអែល»។

សហភាពអឺរ៉ុប ឱ្យពេល២៤ម៉ោងដល់ម្ចាស់ក្រុមហ៊ុន មេតា ដើម្បីឆ្លើយតបនឹងកង្វល់ព័ត៌មានមិនពិតរបស់អ៊ីស្រាអែល

2023/10/12 01:14:35 pm        183
Facebook Telegram Linkin
បន្ទាប់ពីលោក Elon Musk ដែលជាមហាសេដ្ឋីនាយកប្រតិបត្តិរបស់បណ្ដាញសង្គម X ដោយកាលពីមុនត្រូវគេស្គាល់ថាឈ្មោះ Twitter បានទទួលលិខិតព្រមានក្នុងសប្តាហ៍នេះ ពីលោក Thierry Breton ដែលជាស្នងការនិយតកម្មរបស់សហភាពអឺរ៉ុបមក លោក Breton បានបង្ហោះសារការឆ្លើយតបមួយទៀត ដែលលោកបានផ្ញើទៅកាន់នាយកប្រតិបត្តិក្រុមហ៊ុន មេតា គឺលោក Mark Zuckerberg នៅថ្ងៃព្រហស្បតិ៍ (១២ តុលា) នេះ ដោយផ្តល់ឱ្យស្ថាបនិកបណ្ដាញសង្គមហ្វ៊េសប៊ុក រូបនេះ នូវរយៈពេល២៤ម៉ោង ដើម្បីឆ្លើយតប។សារនោះបានទទួលស្គាល់តំបន់នានា ដែលមានការសម្របសម្រួលខ្លឹមសារពីក្រុមហ៊ុនមេតា ធ្វើឲ្យមានភាពប្រសើរឡើង ប៉ុន្តែបានបង្កើនការព្រួយបារម្ភបន្ថែមអំពីព័ត៌មានមិនពិត រួមទាំងការក្លែងបន្លំយ៉ាងជ្រាលជ្រៅ នៅលើវេទិកាសង្គមរបស់ក្រុមហ៊ុនមួយនេះ ខណៈសង្រ្គាមដ៏បង្ហូរឈាមរវាងអ៊ីស្រាអែល និងក្រុមហាម៉ាស នៅតែបន្ត។ ច្បាប់សេវាកម្មឌីជីថលរបស់សហភាពអឺរ៉ុប (DSA) តម្រូវឱ្យក្រុមហ៊ុនបណ្ដាញសង្គមដូចជា ក្រុមហ៊ុនមេតា សម្របសម្រួល និងលុបខ្លឹមសារដែលខុសច្បាប់ និងបង្កគ្រោះថ្នាក់ចេញពីវេទិការបស់ខ្លួន។សារមួយនោះ បានលើកឡើងពីការព្រួយបារម្ភអំពីការក្លែងបន្លំយ៉ាងជ្រាលជ្រៅ និងខ្លឹមសារដែលផ្លាស់ប្តូរការពិតតាមឌីជីថលផ្សេងទៀត ជាមួយនឹងផលប៉ះពាល់ដ៏មានសក្តានុពលទៅលើពិភពលោកពិត។ លោក Breton បានស្នើឱ្យលោក Zuckerberg ទំនាក់ទំនងជាមួយក្រុមការងាររបស់ស្នងការ «ដោយមិនមានការពន្យារពេល» លើព័ត៌មានលម្អិតនៃវិធានការដែលក្រុមហ៊ុនបានអនុវត្ត ដើម្បីកាត់បន្ថយការក្លែងបន្លំពីបញ្ហានៅអ៊ីស្រាអែល និងការប្រឆាំងព័ត៌មានមិនពិតទាក់ទងនឹងការបោះឆ្នោតនានាផងដែរ៕

លោក បៃដិន ជំរុញឲ្យអ៊ីស្រាអែលអនុវត្តតាមច្បាប់សង្គ្រាម

2023/10/12 01:07:09 pm        95
Facebook Telegram Linkin
កាលពីថ្ងៃពុធ (១១ តុលា) ប្រធានាធិបតីអាមេរិក លោកចូ បៃដិន បានជំរុញឱ្យនាយករដ្ឋមន្រ្តីអ៊ីស្រាអែល លោក Benjamin Netanyahu ឱ្យអនុវត្តតាមច្បាប់នៃសង្គ្រាម បន្ទាប់ពីនាយករដ្ឋមន្ត្រីអ៊ីស្រាអែលរូបនេះ បានប្តេជ្ញាថា នឹងកម្ទេចក្រុមហាម៉ាស បន្ទាប់ពីការវាយប្រហារដ៏ឃោរឃៅរបស់ពួកសកម្មប្រយុទ្ធប៉ាឡេស្ទីន មួយនេះទៅលើអ៊ីស្រាអែល។ ប្រធានាធិបតីអាមេរិក វ័យ៨០ឆ្នាំ ដែលបានបញ្ជូននាវាផ្ទុកយន្តហោះអាមេរិក ទៅកាន់តំបន់សង្រ្គាម ក្នុងការបង្ហាញការគាំទ្រដល់អ៊ីស្រាអែលរូបនេះ ក៏បានព្រមានអ៊ីរ៉ង់ដែលគាំទ្រក្រុមហាម៉ាសឱ្យ «ប្រុងប្រយ័ត្នខ្លួន» ផងដែរ។លោក បៃដិន បានថ្លែងប្រាបើនៅក្នុងការប្រមូលផ្តុំមេដឹកនាំសហគមន៍ជ្វីហ្វអាមេរិក នៅសេតវិមាន ថា ការវាយប្រហារលើអ៊ីស្រាអែល ដែលមនុស្ស ១.២០០នាក់ត្រូវបានសម្លាប់ គឺជា «ថ្ងៃដ៏អាក្រក់បំផុតសម្រាប់ជនជាតិជ្វីហ្វ ចាប់តាំងពីការសម្លាប់រង្គាលប្រល័យពូជសាសន៍ជនជាតិជី្វហ្វ កាលពីសង្រ្គាមលោកលើកទី២ មក»។ ប៉ុន្តែត្រង់ចំណុចថា អ៊ីស្រាអែល បានឆ្លើយតបជាមួយនឹងការវាយប្រហារតាមអាកាសទៅលើតំបន់ហ្គាហ្សា ដែលមន្ត្រីប៉ាឡេស្ទីនបាននិយាយថាបានសម្លាប់មនុស្សជាង ១.០០០នាក់នោះ លោកបៃដិន បាននិយាយថា លោកបាននិយាយពីបញ្ហានេះកាលពីថ្ងៃពុធទៅកាន់លោក Netanyahu រួចហើយ។ការលើកឡើងនេះ ជាលើកទីមួយហើយ ដែលលោកបៃដិន បានធ្វើការអំពាវនាវឲ្យមានការអត់ធ្មត់ចំពោះការឆ្លើយតបរបស់អ៊ីស្រាអែល ចំពោះអ្វីដែលលោកបានហៅថាជា «អំពើអាក្រក់បំផុត» នៃការវាយប្រហាររបស់ក្រុមហាម៉ាស កាលពីថ្ងៃសៅរ៍នោះមក៕

បណ្ដាញសង្គម

ព័ត៌មានថ្មីៗ

អូស្ត្រាលី ស្វាគមន៍លទ្ធផលនៃកិច្ចប្រជុំពិសេសលើកទី១ GBC រវាងកម្ពុជា-ថៃ ដែលនឹងត្រួសត្រាយផ្លូវសម្រាប់ការដោះស្រាយជម្លោះព្រំដែនដោយសន្តិវិធី
09/11/2025 10:09 PM
Facebook Telegram Linkin
ស្ថានទូតអង់គ្លេសប្រចាំកម្ពុជា និងប្រចាំនៅប្រទេសថៃ ស្វាគមន៍ចំពោះលទ្ធផលនៃកិច្ចប្រជុំពិសេសលើកទី១ គណៈកម្មការព្រំដែនទូទៅកម្ពុជា និងថៃ (GBC)
09/11/2025 10:09 PM
Facebook Telegram Linkin
អង្គការណាសារកឃើញភ័ស្តុតាងដែលអាចបញ្ជាក់ពីជីវិតបុរាណផុតពូជនៅលើភពព្រះអង្គារ
09/11/2025 09:09 PM
Facebook Telegram Linkin
ជំរំជនភៀសខ្លួននៅម៉ាឡាវីប្រឈមនឹងការកាត់បន្ថយជំនួយ ខណៈមូលនិធិ UNHCR ធ្លាក់ចុះ
09/11/2025 09:09 PM
Facebook Telegram Linkin
បុរសជនជាតិស៊ូដង់ ជួបជុំគ្រួសារវិញ ក្រោយរត់ភៀសខ្លួនពីទីក្រុងហែកហួរដោយភ្លើងសង្រ្គាម al-Fashir
09/11/2025 09:09 PM
Facebook Telegram Linkin
ការអប់រំផ្តល់ជាខ្សែជីវិតថ្មីសម្រាប់ក្មេងៗជនភៀសខ្លួនហ្កាហ្សានៅប្រទេសអារ៉ាប់រួម
09/11/2025 09:09 PM
Facebook Telegram Linkin
បារាំង សន្យាពង្រឹងកិច្ចសហប្រតិបត្តិការ គាំទ្រផែនការអាទិភាពរបស់ក្រសួងសុខាភិបាល
09/11/2025 09:09 PM
Facebook Telegram Linkin
មេដឹកនាំស្លូវ៉ាគី លោក Fico កំណត់លក្ខខណ្ឌ ដើម្បីគាំទ្រការដាក់ទណ្ឌកម្មរុស្ស៊ីបន្ថែមទៀត
09/11/2025 08:09 PM
Facebook Telegram Linkin
នេប៉ាល់ចាប់បានអ្នកទោសជិត ២០០នាក់វិញ ខណៈរាប់ពាន់នាក់ទៀត កំពុងរត់គេចខ្លួន
09/11/2025 08:09 PM
Facebook Telegram Linkin
ក្រុមហ៊ុន VISA Worldwide Pte. Limited គាំទ្រគម្រោងរបស់ក្រសួងទេសចរណ៍លើការអភិវឌ្ឍន៍ប្រព័ន្ធទេសចរណ៍វៃឆ្លាត
09/11/2025 08:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.