នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល
ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ

នយោបាយ​ និង ការអភិវឌ្ឍន៍

ក្រសួងការងារ ជួបជាមួយសហជីពនៅទូទាំងប្រទេស ក្នុងគោលបំណងស្វែងយល់ពីចក្ខុវិស័យរួមគ្នា

2023/10/06 09:58:06 am        196
Facebook Telegram Linkin
ភ្នំពេញ៖​ នៅទីស្តីការក្រសួងក្រសួងការងារ និងបណ្តុះបណ្តាលវិជ្ជាជីវៈ នាថ្ងៃទី០៥ ខែតុលានេះ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានជួបសំណេះសំណាល​ការងារ​ជាមួយសហភាព និងសហព័ន្ធសហជីពចំនួន ២០៥នៅទូទាំងប្រទេស ដើម្បីស្វែងយល់ពី​គោលដៅរួម​របស់ក្រសួងក្នុងការលើកកម្ពស់ជីវភាពរបស់កម្មករនិយោជិត​ដែលអនុវត្ត​តាមការ​ណែនាំ​ដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ក្រៅពីនេះ ​ជំនួបដ៏មានអត្ថន័យនិងខ្លឹមសារនេះ ក៏មានគោលបំណងរឹតចំណងសាមគ្គីភាព​ និងកិច្ច​សហប្រតិបត្តិការក្នុងភាពជាដៃគូរដែលមិនអាចខ្វះបានក្នុងការជួយជ្រួមជ្រែង និង​ពង្រឹងទំនាក់ទំនងវិជ្ជាជីវៈនិងភាពសុខដុមនីយកម្មក្នុងវិស័យការងារនៅកម្ពុជា។ សម្រាប់ឯកឧត្តមរដ្ឋមន្ត្រី ភាពសុខុដុមនីយកម្ម​ក្នុងវិជ្ជាជីវៈកាត់ដេរវាយនភណ្ឌ និងផលិតផល​ធ្វើដំណើរនេះ ​ទាមទារឱ្យគ្រប់ភាគីទាំងសហជីព ដែលតំណាងឱ្យកម្មករ​និយោជិត​យល់ពីក្រប​ខណ្ឌគតិយុត្តិ និងកាតព្វកិច្ចរបស់គ្រប់ភាគីពាក់ព័ន្ធដែលត្រូវបានកំណត់​ដើម្បី​រក្សាប្រយោជន៍​ជាអតិបរមាសម្រាប់គ្រប់ភាគីពាក់ព័ន្ធក្នុងការធានាបាននូវនិរន្តរភាព។ ​ជំនួបនេះ គឺជាជំនួប​ទ្រង់ទ្រាយ​ធំ​លើកទី១រវាងសហជីពគ្រប់និន្នាការ និងក្រសួងការងារ​និង​បណ្តុះបណ្តាល​វិជ្ជាជីវៈក្នុងដើមអាណត្តិទី៧នៃរាជរដ្ឋាភិបាល ។ឯកឧត្តមរដ្ឋមន្ត្រី បានគូសបញ្ជាក់ថា សហជីពគឺជាដៃគូមិនអាចខ្វះបាន​របស់រាជរដ្ឋាភិបាល​ក្នុងការ​លើកកម្ពស់សិទ្ធិ និងការពារអត្ថប្រយោជន៍របស់កម្មករនិយោជិតហើយការនេះតម្រូវ​ឱ្យ​សហជីព​ទាំងអស់ត្រូវពង្រឹងគុណវុឌ្ឍ សមត្ថភាព​ដើម្បីចូលរួមកសាងបរិយកាសអាជីវកម្មមួយ​ដែល​មានភា​ពសុខដុម និងប្រកបដោយភាពទាក់ទាញក្នុងការរក្សាប្រយោជន៍ជូនកម្មករនិយោជិតយូរអង្វែង។ បើតាមឯកឧត្តមរដ្ឋមន្ត្រី វប្បធម៌ជជែកពិភាក្សាគ្នាក្នុងនាមក្រុមគ្រួសារតែមួយការជជែកត្រង់ទៅត្រង់​មករវាងសហជីពនិងក្រសួងការងារ គឺជាយន្តការដ៏ល្អបំផុតដើម្បីឱ្យវិស័យការងារនៅកម្ពុជា​កាន់តែ​រឹងម៉ាំ​និងជាម្លប់ដ៏ត្រជាក់ប្រកបដោយភាពទាក់ទាញ​សម្រាប់រក្សាការវិនិយោគដែលមានស្រាប់ និងការចាប់យកឱកាសវិនិយោគថ្មីៗបន្ថែមទៀត។ បន្ថែមពីនេះ ឯកឧត្តមរដ្ឋមន្ត្រី បានគូសបញ្ជាក់ថា កម្ពុជាគឺជាឋានសួគ៌របស់សហជីព​ដែល​បង្កើតឡើង ​ដើម្បីការពារប្រយោជន៍​ដល់កម្មករ​ ដែលជាមធ្យមនៅរោងចក្រមួយមាន​សហជីព​មិនតិចជាង៣ផ្សេងគ្នានោះទេ។ដើម្បីធានាបាននូវប្រសិទ្ធភាពនៃទំនាក់ទំនង និងចំណងមិត្តភាពស្អិតរមួតរវាងភាគីទាំងពីរ ក្រសួងការងារ និងបណ្តុះបណ្តាលវិជ្ជាជីវៈ ​នឹង​បង្កើត​ឱកាសជំនួបជាលក្ខណៈដាច់ដោយឡែកនិង​ជាក្រុម​ប្រមូលផ្តុំឱ្យបាន​ញឹកញាប់​ជាមួយគ្នា។ សូមបញ្ជាក់ថា ក្រោយបញ្ចប់ការសំណេះសំណាលសហជីពទាំងអស់បានចូលរួម​អាហារសាមគ្គី និងច្រៀងកំសាន្តយ៉ាងសប្បាយរីករាយជាមួយគ្នាក្នុងនាមជាមហាគ្រួសារខ្មែរតែមួយ៕

ព្រះរាជសុន្ទរកថា របស់ព្រះមហាក្សត្រ ក្នុងព្រះរាជពិធីអបអរសាទរខួប ៣០ឆ្នាំ នៃការប្រកាសឱ្យប្រើប្រាស់រដ្ឋធម្មនុញ្ញ

2023/10/06 09:21:46 am        179
Facebook Telegram Linkin
ភ្នំពេញ៖ ព្រះករុណា ព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នាព្រឹកថ្ងៃទី៦ ខែតុលា ឆ្នាំ២០២៣ បាន​សព្វ​ព្រះរាជ​ហឫទ័យ​យាង​ជា​ព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីអបអរសាទរទិវារំលឹកខួប ៣០ឆ្នាំ នៃ​ការប្រកាស​ឱ្យប្រើរដ្ឋធម្មនុញ្ញ (ថ្ងៃទី២៤ ខែកញ្ញា ឆ្នាំ១៩៩៣ / ថ្ងៃទី២៤ ខែកញ្ញា ឆ្នាំ២០២៣​) ​ដែល​ជា​ឆ្នាំពិសេស​គម្រប់​ខួប៣០ឆ្នាំ នៃ​ការ​ប្រកាស​ឱ្យ​ប្រើ​រដ្ឋធម្មនុញ្ញ នៃ​ព្រះរាជាណាចក្រ​កម្ពុជា​ នៅសាលមហោស្រពកោះពេជ្រ ។ ព្រះរាជសុន្ទរកថា របស់ព្រះមហាក្សត្រ ក្នុងព្រះរាជពិធីអបអរសាទរខួប ៣០ឆ្នាំ នៃការប្រកាសឱ្យប្រើប្រាស់រដ្ឋធម្មនុញ្ញ ដូចខាងក្រោម៖ 

ព្រះមហាក្សត្រយាងជាព្រះរាជាធិបតីដ៏ខ្ពង់ខ្ពស់បំផុតទិវារំលឹកខួប៣០ឆ្នាំ នៃការប្រកាសឱ្យប្រើរដ្ឋធម្មនុញ្ញ នៃព្រះរាជាណាចក្រកម្ពុជា

2023/10/06 08:26:21 am        658
Facebook Telegram Linkin
នៅសាលមហោស្រពកោះពេជ្រ នាព្រឹកថ្ងៃទី៦ ខែតុលា ឆ្នាំ២០២៣ ព្រះករុណា ព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បាន​សព្វ​ព្រះរាជ​ហឫទ័យ​យាង​ជា​ព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីអបអរសាទរទិវារំលឹកខួប ៣០ឆ្នាំ នៃ​ការប្រកាសឱ្យប្រើរដ្ឋធម្មនុញ្ញ (ថ្ងៃទី២៤ ខែកញ្ញា ឆ្នាំ១៩៩៣ / ថ្ងៃទី២៤ ខែកញ្ញា ឆ្នាំ២០២៣​) ​ដែល​ជា​ឆ្នាំពិសេស​គម្រប់​ខួប៣០ឆ្នាំ នៃ​ការ​ប្រកាស​ឱ្យ​ប្រើ​រដ្ឋធម្មនុញ្ញ នៃ​ព្រះរាជាណាចក្រ​កម្ពុជា​។សូមបញ្ជាក់ថា ក្រុមប្រឹក្សាធម្មនុញ្ញដែលជាស្ថាប័ន​មាន​សមត្ថកិច្ច​ធានា​ការពារ​ការ​គោរព​រដ្ឋ​ធម្មនុញ្ញ​បាន​សហការជាមួយគណៈកម្មាធិការជាតិរៀបចំបុណ្យជាតិ-អន្តរជាតិនិងស្ថាប័នពាក់ព័ន្ធ នានា​រៀបចំ​ជា​ព្រះរាជ​ពិធី​អបអរ​ទិវា​រំលឹក​ខួប​៣០​ឆ្នាំ​នៃ​ការ​ប្រកាស​ឱ្យ​ប្រើ​រដ្ឋធម្មនុញ្ញ នៃ​ព្រះរាជា​ណាចក្រ​កម្ពុជា​ឱ្យមានអធឹកអ ធមនៅថ្ងៃទី២៤ ខែកញ្ញា ឆ្នាំ២០២៣ដែលជាឆ្នាំ ពិសេស​គម្រប់​ខួប​៣០​ឆ្នាំ នៃការប្រកាសឱ្យប្រើរដ្ឋធម្មនុញ្ញ ។ ប៉ុន្តែដោយ​មាន​សំណូមពរ​ជាក់​ស្ដែង​ព្រះ​រាជ​ពិធី​នេះ​ត្រូវ​បាន​ពន្យារពេលមកប្រារព្ធធ្វើនៅថ្ងៃទី៦ ខែតុលា ឆ្នាំ២០២៣ នៅសាលសន្និសីទ​កោះពេជ្រ ​ក្រោម​ព្រះរាជាធិបតីភាពដ៏ខ្ពង់ខ្ពស់បំផុតនៃព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជាជាទីគោរពសក្ការៈដ៏ខ្ពង់ខ្ពស់ បំផុត។ថ្ងៃទី​២៤ ខែកញ្ញា ឆ្នាំ១៩៩៣ ជាទិវា​ប្រវត្តិសាស្ត្រ​ដែល​រដ្ឋ​ធម្មនុញ្ញ​ជា​ច្បាប់​កំពូល​ នៃ​ព្រះ​រាជា​ណា​ចក្រ​ក​ម្ពុជាត្រូវបានព្រះករុណាព្រះបាទសម្តេច ព្រះនរោត្តម សីហនុ ព្រះមហាក្សត្រនៃ ព្រះរាជា​ណា​ចក្រ​កម្ពុជា​ជាទី​គោរព​សក្ការៈ​ដ៏ខ្ពង់​ខ្ពស់​បំផុត​ឡាយ​ព្រះហស្ថ​លេខា​លើ​ព្រះរាជ​ក្រម​ប្រកាស​ឱ្យ​ប្រើ​ជា​ផ្លូវ​ការ ក្រោយសភាធម្មនុញ្ញបានអនុម័តតាមឆន្ទៈរួម នៃប្រជារាស្ត្រខ្មែរ។ ទិវា​ជា​ប្រវត្តិសាស្ត្រ​នេះ​ត្រូវ​បាន​រាជរដ្ឋាភិបាលកម្ពុជាដាក់ចូលក្នុងប្រតិទិនឈប់សម្រាកកំរងប្រចាំឆ្នាំរបស់មន្ត្រីរាជការ និយោជិត កម្មករ។គិតទៅដល់​ថ្ងៃទី២៤ ខែកញ្ញា ឆ្នាំ២០២៣ រដ្ឋធម្មនុញ្ញ នៃ​ព្រះរាជាណាចក្រកម្ពុជា​មាន​អាយុ​៣០​ឆ្នាំ​គត់​ជា​រដ្ឋធម្មនុញ្ញមានអាយុវែងជាងគេក្នុងចំណោមរដ្ឋធម្មនុញ្ញទាំង៦ ដែលកម្ពុជា ធ្លាប់​បាន​អនុវត្ត​ ។ ការអនុវត្តរដ្ឋធម្មនុញ្ញក្នុងអំឡុងពេល៣០ឆ្នាំកន្លងមកនេះ (២៤ កញ្ញា ១៩៩៣-២៤ កញ្ញា ២០២៣)ព្រះរាជា ណាក្រកម្ពុជាសម្រេចបានលទ្ធផលដ៏ធំធេងនិងប្រកា ស​ដោយ​ភាព​ជោគជ័យ​ត្រចះត្រចង់ដែលញ៉ាំងឱ្យប្រជារាស្ត្របាននិងកំពុងរស់នៅក្នុងសុខសន្តិភាព ស្ថិរភាព និង​ការអភិវឌ្ឍក្រោមមាគ៌ាដឹកនាំដ៏ត្រឹមត្រូវរបស់រាជរដ្ឋាភិបាលកម្ពុ ជា និង​ក្រោម​ម្លប់​ដ៏​ត្រជាក់​ នៃ​អង្គ​ព្រះមហាក្សត្រជាទីគោរពសក្ការៈដ៏ខ្ពង់ ខ្ពស់បំផុត ។រដ្ឋធម្មនុញ្ញ​នៃព្រះរាជាណាចក្រកម្ពុជាមាន១៦ជំពូក និង១៥៨មាត្រា ។ នៅក្នុងបុព្វកថារបស រដ្ឋ​ធម្មនុញ្ញ​ក៏​បានរំលេចសារដាស់តឿននិងរំលឹកដល់កូនខ្មែរផងដែរថាសង្រ្គាមបាន នាំកម្ពុជាឱ្យ អន្តរាយ ខ្ទេចខ្ទាំ ហើយការបង្កើតរដ្ឋធម្មនុញ្ញជាថ្មី ដើម្បីពង្រឹងនូវការរួបរួមជាតិជាថ្មីឡើងវិញ។ «យើងជាប្រជារាស្ត្រ ខែ្មរ ដែលធ្លាប់មានអារ្យធម៌ឧត្តុងឧត្តមប្រទេសជាតិស្តុកស្តម្ភ ធំទូលាយ ថ្កុំ​ថ្កើង​រុងរឿង កិត្យានុភាពខ្ពង់ខ្ពស់ ភ្លឺចែងចាំងដូចពេជ្រ ពណ្ណរាយ បានធ្លាក់ខ្លួន ដ៏សែនរន្ធត់ ក្នុង​អំទ្បុង​ពីរ​ទសវត្សរ៍ចុងក្រោយនេះ ឆ្លងកាត់ទុក្ខសោក វិនាសអន្តរាយទ្រុឌទ្រោមឱនថយមហា សោកស្តាយ បានភ្ញាក់រលឹកក្រោកឈរ ទ្បើង ចងបាច់ឆន្ទៈមោះមុត ប្តូរផ្តាច់ រួបរួមគ្នាពង្រឹង ឯកភាព​ជាតិ រក្សាការពារទឹកដីកម្ពុជា អធិប តេយ្យ ថ្លៃថ្លា និងអារ្យធម៌អង្គរ ដ៏បវរ កសាង​ប្រទេស​ជាតិ​ឱ្យ​ទៅ​ជា «កោះសន្តិភាព»ទ្បើងវិញ។ មកដល់បច្ចុប្បន្ននេះ រដ្ឋធម្មនុញ្ញនៃព្រះរាជាណាកម្ពុជា ឆ្នាំ១៩៩៣ នេះត្រូវរដ្ឋសភាជាតិ ធ្វើវិសោធនកម្មចំនួន១០ លើកមកហើយ៕

សមាជិកសភាបក្សសាធារណរដ្ឋពីររូប ឈរឈ្មោះជាបេក្ខជនប្រធានសភាអាមេរិក បន្ទាប់អ្នកកាន់តំណែងពីមុនត្រូវបានបណ្ដេញចេញ

2023/10/05 02:15:00 pm        292
Facebook Telegram Linkin
ការប្រជែងដើម្បីជំនួសប្រធានសភា ដែលត្រូវបានបណ្តេញចេញពីតំណែង លោក Kevin McCarthy បានចាប់ផ្តើមកាលពីថ្ងៃពុធ (៤ តុលា) ខណៈលោក Steve Scalise សមាជិកសភាបក្សសាធារណៈរដ្ឋលំដាប់ទី២ និងលោក Jim Jordan ដែលជាអ្នកប្រឆាំងនាំមុខគេរបស់ប្រធានាធិបតីបក្សប្រជាធិបតេយ្យ លោកចូ បៃដិន បាននិយាយថា ពួកគេនឹងប្រកួតប្រជែងសម្រាប់មុខតំណែងប្រធានសភាមួយនេះ។ សមាជិកសភាទាំងពីររូបនេះ អាចត្រូវបានចូលរួមប្រកួតប្រជែងដោយបេក្ខជនមួយចំនួនផ្សេងទៀត នៅក្នុងអ្វីដែលអាចជាសមរភូមិដ៏យូរ និងស្មុគស្មាញ ដើម្បីបំពេញមុខតំណែងនៅក្នុងសភា ដែលគណបក្សសាធារណរដ្ឋកាន់កាប់ភាគច្រើនមួយនេះ។ការដកតំណែងលោក McCarthy ជាប្រវត្តិសាស្ត្រកាលពីថ្ងៃអង្គារ ដែលជំរុញដោយក្រុមបះបោររបស់សមាជិកគណបក្សសាធារណរដ្ឋ គឺជាលើកទីមួយហើយ ដែលសភាបានដកមេដឹកនាំរបស់ខ្លួនចេញពីតំណែង ដែលមានលំដាប់ទីពីរនៅក្នុងជួរប្រធានាធិបតី បន្ទាប់ពីអនុប្រធានាធិបតី។ គណបក្សសាធារណរដ្ឋ បានកំណត់ការបោះឆ្នោតនៅថ្ងៃទី១១ ខែតុលា ខាងមុខនេះ ដើម្បីជ្រើសរើសអ្នកស្នងតំណែងថ្មី ហើយនឹងត្រូវជួបប្រជុំគ្នាមួយថ្ងៃមុន ដើម្បីស្តាប់ការជជែកពីបណ្ដាបេក្ខជនផងដែរ៕

ប្រទេសជប៉ុនចាប់ផ្តើមបញ្ចេញទឹកវិទ្យុសកម្មជុំទីពីរ ពីរោងចក្រនុយក្លេអ៊ែរ ហ៊្វុគូស៊ីម៉ា

2023/10/05 01:47:35 pm        299
Facebook Telegram Linkin
របាយការណ៍សារព័ត៌មានបាននិយាយថា ប្រទេសជប៉ុនបានចាប់ផ្ដើមបញ្ចេញសំណល់ទឹកវិទ្យុសកម្ម ដែលត្រវបានធ្វើប្រព្រឹត្តិកម្មរួចជុំទីពីរ ចេញពីរោងចក្រនុយក្លេអ៊ែរ ហ្វ៊ូគូស៊ីម៉ា លេខ១ ដែលបានរងការខូចខាត នៅថ្ងៃព្រហស្បតិ៍ (៥ តុលា) នេះ ខណៈភាពតានតឹងជាមួយបណ្ដាប្រទេសជិតខាងជុំវិញបញ្ហានេះ កាន់តែខ្លាំងក្លាឡើង។ក្រុមហ៊ុន Tepco បាននិយាយថា ខ្លួនបានបញ្ចប់ការត្រួតពិនិត្យបន្ទាប់ពីការបញ្ចេញដំបូង ដែលបានបញ្ចប់នៅថ្ងៃទី១១ ខែកញ្ញា ដោយនិយាយថា ខ្លួនបានមិនរកឃើញហេតុផលគ្រោះថ្នាក់ណាមួយដើម្បីផ្លាស់ប្តូរនីតិវិធីបង្ហូរទឹកនេះទេ។ នៅក្នុងការបង្ហូរទឹកជុំទី១ ក្រុមហ៊ុននេះបាននិយាយថា ទឹកដែលបានធ្វើប្រព្រឹត្តិកម្មរួចសរុបចំនួន៧.៧៨៨តោន ត្រូវបានសម្លាប់មេរោគ និងបង្ហូរចេញដោយសុវត្ថិភាព ដោយគ្មានបញ្ហាអ្វីឡើយ។ ទីភ្នាក់ងារនេះបាននិយាយថា នៅក្នុងជុំទី២ នេះ ប្រហែលជាបរិមាណទឹកដូចគ្នានឹងជុំទី១នោះ ត្រូវបានកំណត់ថានឹងបញ្ចេញក្នុងរយៈពេល១៧ថ្ងៃ។បន្ទាប់ពីការបង្ហូរទឹកដំបូង ប្រទេសជប៉ុនបានឃើញប្រតិកម្មតបភ្លាមៗជាច្រើន ជាពិសេសពីប្រទេសចិនដោយមានការដាក់បម្រាបលើអាហារសមុទ្រ ការហៅទូរស័ព្ទរំខានរាប់ពាន់ករណីពីលេខទូរស័ព្ទចិន។ ទោះបីជាមានបម្រាមលើការនាំចូលអាហារសមុទ្ររបស់ជប៉ុនក៏ដោយ ក៏ទូកនេសាទរបស់ចិនជាច្រើនគ្រឿងត្រូវបានគេរាយការណ៍ថា នៅតែបន្តប្រតិបត្តិការនៅក្នុងតំបន់ដូចគ្នាទៅនឹងនាវារបស់ជប៉ុនដែរ។ ទន្ទឹមនឹងនេះ ប្រទេសរុស្ស៊ី ស្របពេលមានទំនាក់ទំនងកាន់តែតានតឹងជាមួយជប៉ុន កំពុងពិចារណាលើវិធានការស្រដៀងគ្នានេះលើអាហារសមុទ្ររបស់ជប៉ុនផងដែរ៕

សមាជិកបក្សសាធារណរដ្ឋ អំពាវនាវឲ្យមានការរួបរួមគ្នា បន្ទាប់ពីប្រធានសភាអាមេរិកត្រូវបណ្តេញចេញពីតំណែង

2023/10/05 01:35:50 pm        328
Facebook Telegram Linkin
សមាជិកគណបក្សសាធារណរដ្ឋមួយចំនួន បាននិយាយប្រឆាំងនឹងការបណ្តេញប្រធានសភាអាមេរិក លោក Kevin McCarthy កាលពីថ្ងៃអង្គារ (៣ តុលា) ដោយនិយាយថា ការសម្រេចនោះបានធ្វើឲ្យបក្សស្ថិតក្នុងភាពច្របូកច្របល់ ហើយបានអំពាវនាវឲ្យមានការរួបរួមក្នុងបក្ស។ សមាជិកគណបក្សសាធារណរដ្ឋមួយក្តាប់តូច នៅក្នុងសភាតំណាងរាស្រ្តសហរដ្ឋអាមេរិក កាលពីថ្ងៃអង្គារ (៣ តុលា) បានបោះឆ្នោតបណ្ដេញប្រធានសភាបក្សរបស់ខ្លួន លោក Kevin McCarthy ចេញពីតំណែង។ការបោះឆ្នោតចំនួន២១៦សម្លេង ទល់នឹង២១០សម្លេង បានកត់ត្រាលើកដំបូងក្នុងប្រវត្តិសាស្ត្រដែលសភាបានដកមេដឹកនាំរបស់ខ្លួនចេញ ដោយសមាជិកគណបក្សសាធារណរដ្ឋចំនួនប្រាំបីរូប បានបោះឆ្នោតជាមួយនឹងសមាជិកគណបក្សប្រជាធិបតេយ្យចំនួន២០៨រូប ដើម្បីដកលោក McCarthy ចេញពីតំណែង។ អតីតប្រធានសភារូបនេះ បានប្រាប់ក្រុមអ្នកយកព័ត៌មានថា លោកនឹងមិនឈរឈ្មោះជាបេក្ខេជនប្រធានសភាទៀតនោះទេ។ការបណ្តេញប្រធានសភាចេញពីតំណែងនោះ គឺជារឿងអាស្រូវនយោបាយចុងក្រោយបំផុតក្នុងរយៈពេលមួយឆ្នាំ ខណៈសភាដែលគ្រប់គ្រងដោយគណបក្សសាធារណរដ្ឋ បានដឹកនាំទីក្រុងវ៉ាស៊ីនតោនឈានទៅរកការបរាជ័យដ៏មហន្តរាយលើបំណុលរបស់សហរដ្ឋអាមេរិកចំនួន៣១,៤សែនកោដិ៍ដុល្លារ ព្រមទាំងការបិទរដ្ឋាភិបាលដោយផ្នែកផងដែរ៕

រុស្ស៊ីនិយាយថា ខ្លួនបានពិភាក្សាជាមួយសហរដ្ឋអាមេរិក សហភាពអឺរ៉ុប ស្តីពីតំបន់Nagorno-Karabakh មុនពេលមានវិបត្តិ

2023/10/05 01:00:33 pm        306
Facebook Telegram Linkin
អ្នកនាំពាក្យក្រសួងការបរទេសរុស្ស៊ីលោកស្រី ម៉ារៀ ហ្សាខារ៉ូវ៉ា ( Maria Zakharova) បាននិយាយកាលពីថ្ងៃពុធថា ប្រទេសរុស្ស៊ី បានផ្លាស់ប្តូរទស្សនៈជាមួយសហរដ្ឋអាមេរិក និងសហភាពអឺរ៉ុបស្តីពីស្ថានភាពនៅតំបន់ណាហ្គូណ័រ-ការ៉ាបាក់ មុនពេលប្រតិបត្តិការយោធាផ្លេកបន្ទោររបស់ប្រទេសអាស៊ែរបៃហ្សង់ កាលពីខែមុន។សារព័ត៌មានPolitico បានរាយការណ៍មុននេះថា មន្ត្រីជាន់ខ្ពស់មកពីសហរដ្ឋអាមេរិក និងសហភាពអឺរ៉ុប បានជួបសមភាគីរុស្ស៊ីរបស់ពួកគេនៅក្នុងប្រទេសទួរគីសម្រាប់ការពិភាក្សាជាបន្ទាន់អំពីតំបន់ការ៉ាបាក់ ប៉ុន្មានថ្ងៃមុនពេល អាស៊ែរបៃហ្សង់ ចាប់ផ្តើមប្រតិបត្តិការរបស់ខ្លួននៅក្នុងតំបន់បែងចែកនេះ។លោកហ្សាខារ៉ូវ៉ា បានប្រាប់អ្នកយកព័ត៌មានថា៖«សហរដ្ឋអាមេរិក និងសហភាពអឺរ៉ុប បានមករកយើង ហើយបានស្នើឲ្យយើងរៀបចំកិច្ចប្រជុំមួយ»។ អ្នកស្រីបានបន្តថា ភាគីទាំងពីរ បានផ្លាស់ប្តូរទស្សនៈគ្នាទៅវិញទៅមកអំពីស្ថានការណ៍ នៅតំបន់ការ៉ាបាក់។«មិនមានអ្វីជាសម្ងាត់អំពីកិច្ចប្រជុំនេះទេ វាគឺជាការផ្លាស់ប្តូរទស្សនៈធម្មតា។ យើងនឹងមើលពីរបៀប ដែលលោកខាងលិច នឹងបង្ហាញទាំងអស់នេះ នៅពេលនេះ។អ្នកនាំពាក្យរងក្រសួងការបរទេសសហរដ្ឋអាមេរិក លោក Vedant Patel បានប្រាប់អ្នកយកព័ត៌មានថា កិច្ចប្រជុំមិនមែនជាការសម្ងាត់ទេ ហើយ «បានរួមគ្នាដើម្បីដោះស្រាយបញ្ហាមនុស្សធម៌ជាបន្ទាន់ ជាពិសេស និងការផ្តល់ជំនួយមនុស្សធម៌ ដែលមានសក្តានុពលនៅក្នុងតំបន់ណាហ្គូណ័រ-ការ៉ាបាក់។

សារព័ត៌មានBild៖ Scholz រារាំងការបញ្ជូនមីស៊ីល Taurus ទៅអ៊ុយក្រែនសម្រាប់អនាគតដ៏ខ្លីខាងមុខនេះ

2023/10/05 12:57:16 pm        348
Facebook Telegram Linkin
សារព័ត៌មាន Bild បានរាយការណ៍កាលពីថ្ងៃទី៤ ខែតុលា ដោយដកស្រង់ប្រភពមិនបញ្ចេញឈ្មោះរបស់ អាល្លឺម៉ង់និងអ៊ុយក្រែន និងការអត្ថាធិប្បាយពីមុនរបស់លោកអធិការបតី អូឡាហ្វ សូល ( Olaf Scholz) ថា អាល្លឺម៉ង់ នឹងមិនបញ្ជូនមីស៊ីលTaurusរយៈចម្ងាយឆ្ងាយទៅអ៊ុយក្រែនទេ ដោយសារលោកអធិការបតីព្រួយបារម្ភ។ទោះបីជាការបញ្ជូននេះមិនត្រូវបានបដិសេធជាដាច់ខាតនៅពេលអនាគត ហើយអាល្លឺម៉ង់មិនបានបដិសេធជាផ្លូវការនូវសំណើរបស់អ៊ុយក្រែនក៏ដោយ វាត្រូវបានចាត់ទុកថា «មិនទំនងជា»ថាមីស៊ីល នឹងត្រូវបានបញ្ជូននោះទេ។មីស៊ីលTaurus គឺជាប្រធានបទនៃការពិភាក្សា និងការជជែកដេញដោលជាច្រើន ដោយមានការស្ទាក់ស្ទើរជាច្រើនរបស់អាល្លឺម៉ង់ ដែលកើតចេញពីការរំពឹងទុកនៃមីស៊ីលដែលត្រូវបានប្រើប្រាស់ នៅក្នុងទឹកដីរបស់ប្រទេសរុស្ស៊ី។ប្រទេសអ៊ុយក្រែន បានទទួលមីស៊ីលរយៈចម្ងាយឆ្ងាយផ្សេងទៀតពីសម្ព័ន្ធមិត្តរបស់ខ្លួន ដូចជា Storm Shadow ពីចក្រភពអង់គ្លេស និង SCALP ដែលផលិតដោយបារាំង ប៉ុន្តែ មីស៊ីលTaurus មានរយៈចម្ងាយឆ្ងាយជាងយ៉ាងខ្លាំង។

វ៉េណេហ្ស៊ុយអេឡា បើកស្ថានកុងស៊ុលថ្មី នៅប្រទេសកូឡុំប៊ី ចំពេលមានការធ្វើអន្តោប្រវេសន៍ដ៏ច្រើនលើសលប់

2023/10/05 12:53:14 pm        282
Facebook Telegram Linkin
ស្ថានកុងស៊ុលថ្មីចំនួន៥ កំពុងផ្តល់សេវាដល់ប្រជាជនវ៉េណេហ្ស៊ុយអេឡានៅទូទាំងប្រទេសកូឡុំប៊ី បន្ទាប់ពីមានការសម្របសម្រួលឲ្យបើកឡើងវិញ ក្នុងរយៈពេលពីរសប្តាហ៍កន្លងទៅ ដែលជាជំហានមួយទៀតក្នុងទំនាក់ទំនងថ្មីរវាងអ្នកជិតខាងនៅអាមេរិកខាងត្បូង ក្រោមការដឹកនាំរបស់ប្រធានាធិបតីឆ្វេងនិយមរបស់ប្រទេសកូឡុំប៊ី លោក ហ្គូស្តាវ៉ូ ប៉េត្រូ (Gustavo Petro) ។ប្រជាជនវ៉េណេហ្ស៊ុយអេឡាប្រហែល ២,៥លាននាក់ បច្ចុប្បន្ន រស់នៅក្នុងប្រទេសកូឡុំប៊ី ដែលមានព្រំដែនដ៏វែងឆ្ងាយនិងប្រវត្តិសាស្ត្រដ៏យូរអង្វែងជាមួយប្រទេសជិតខាងរបស់ខ្លួន នៅភាគខាងកើត។ ប្រជាជនជាង៧លាននាក់ បានចាកចេញពីវ៉េណេហ្ស៊ុយអេឡា ចាប់តាំងពីឆ្នាំ ២០១៥ ដោយសារតែភាពចលាចលនយោបាយ និងសេដ្ឋកិច្ច ដែលកំពុងបន្ត ដោយធ្វើឲ្យវាក្លាយជាវិបត្តិជនភៀសខ្លួនដ៏ធំបំផុតរបស់ពិភពលោក។លើកលែងតែស្ថានកុងស៊ុលតែមួយនៅជិតព្រំដែនវ៉េណេហ្ស៊ុយអេឡា ដែលបានបើកនៅនិទាឃរដូវនេះ ជនអន្តោប្រវេសន៍នៅប្រទេសកូឡុំប៊ីពីមុន មិនមានជម្រើសក្នុងការបញ្ជាក់ឯកសារទទួលបានលិខិតឆ្លងដែន ឬចូលប្រើសេវារដ្ឋាភិបាលផ្សេងទៀតទេ។ប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ (Nicolás Maduro) បានផ្តាច់ទំនាក់ទំនងការទូតនៅឆ្នាំ ២០១៩ បន្ទាប់ពីអតីតប្រធានាធិបតីកូឡុំប៊ី អ៊ីវ៉ាន់ ឌូកេ (Iván Duque) បានទទួលស្គាល់បេក្ខជនប្រឆាំង ចូន ខ្វៃដូ (Juan Guaidó) ជាមេដឹកនាំពិតប្រាកដរបស់ប្រទេសវ៉េណេហ្ស៊ុយអេឡា ក្នុងចំណោមភាពតានតឹងផ្សេងទៀត។ សហរដ្ឋអាមេរិក បានចងក្រងឯកសារមួយចំនួននៃការរំលោភសិទ្ធិមនុស្សក្នុងនាមរដ្ឋាភិបាលរបស់លោកម៉ាឌូរ៉ូ រួមទាំងការសម្លាប់ដោយហេតុផលនយោបាយ និងការធ្វើទារុណកម្មលើអ្នកទោសនយោបាយ។

កូរ៉េខាងជើង ផ្អាកម៉ាស៊ីនរ៉េអាក់ទ័រនុយក្លេអ៊ែរ ដែលទំនងជាទាញយកឥន្ធនៈសម្រាប់ផលិតគ្រាប់បែក

2023/10/05 12:49:49 pm        266
Facebook Telegram Linkin
សារព័ត៌មានកូរ៉េខាងត្បូង បានចេញផ្សាយនៅថ្ងៃព្រហស្បតិ៍ ៥ ខែតុលានេះ ថា កូរ៉េខាងជើងបានផ្អាកដំណើរការ ម៉ាស៊ីនរ៉េអាក់ទ័រនុយក្លេអែរ នៅឯបរិវេណអាតូមិកដ៏សំខាន់របស់ខ្លួន ប្រហែលជាដើម្បីទាញយកសារធាតុភ្លុយតូនីញ៉ូម ដែលអាចប្រើសម្រាប់ផលិតសព្វាវុធ ដោយកែច្នៃបំណែកឥន្ធនៈដែលបានប្រើប្រាស់ឡើងវិញ។ របាយការណ៍បាននិយាយថា យោងតាមការវាយតម្លៃចារកម្មដោយអាជ្ញាធរអាមេរិក និងកូរ៉េខាងត្បូងប្រតិបត្តិការរបស់ម៉ាស៊ីនរ៉េអាក់ទ័រនុយក្លេអ៊ែរកម្លាំង៥ មេហ្គាវ៉ាត់ នៅឯបរិវេណនុយក្លេអ៊ែរ យ៉ុងប្យុន (Yongbyon) ត្រូវបានផ្អាកចាប់តាំងពីចុងខែកញ្ញា។កាសែត ដុងហ្គា អ៊ីលបូ (Donga Ilbo) បានដកស្រង់ប្រភពរបស់រដ្ឋាភិបាលថា កូរ៉េខាងត្បូង និងសហរដ្ឋអាមេរិកជឿថា នេះអាចជាសញ្ញានៃការកែច្នៃឡើងវិញនូវការងារដែលកំពុងត្រូវបានដំណើរការ ដើម្បីទទួលបានប្លាតូនីញ៉ូមជាកម្រិតមួយដែលអាចផលិតអាវុធបាន ។ការកែច្នៃបំណែកឥន្ធនៈប្រើប្រាស់រួចដែលបានយកចេញពីម៉ាស៊ីនរ៉េអាក់ទ័រនុយក្លេអ៊ែ គឺជាជំហានមួយដែលបានធ្វើឡើង មុនពេលដែលផ្លាតូនីញ៉ូមត្រូវបានស្រង់ចេញ។ រោងចក្រនុយក្លេអ៊ែរ Yongbyon គឺជាប្រភពសំខាន់របស់កូរ៉េខាងជើងនៃសារធាតុផ្លាតូនីញ៉ូម ដែលទំនងជាបានប្រើប្រាស់សម្រាប់បង្កើតអាវុធនុយក្លេអ៊ែរ។កូរ៉េខាងជើងបានអះអាងខ្លួនជារដ្ឋនុយក្លេអ៊ែរ ប៉ុន្តែបានរក្សាចំនួនអាវុធនុយក្លេអ៊ែរដែលខ្លួនប្រហែលជាបានផលិត ឬដាក់ពង្រាយដោយសម្ងាត់។ ការប៉ាន់ប្រមាណដោយឯករាជ្យនៃចំនួនប្លាតូនីញ៉ូមរបស់កូរ៉េខាងជើង មានទម្ងន់រហូតដល់ ៧០ គីឡូក្រាម ដែលល្មមគ្រប់គ្រាន់ក្នុងការផលិតអាវុធបានប្រមាណ២០គ្រាប់ ឬច្រើនជាងនេះ៕

បណ្ដាញសង្គម

ព័ត៌មានថ្មីៗ

រដ្ឋមន្រ្តីសុខាភិបាល អនុញ្ញាតឱ្យគណៈកម្មការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម ជួបសម្តែងការគួរសម និងពិភាក្សាការងារ
09/10/2025 08:09 PM
Facebook Telegram Linkin
រ៉្វាន់ដា៖ ការអំពាវនាវរបស់កុងហ្គោឲ្យ UN ទទួលស្គាល់មាន «អំពើប្រល័យពូជសាសន៍» គឺជាទង្វើ «ល្ងង់ខ្លៅ»
09/10/2025 08:09 PM
Facebook Telegram Linkin
វិមានក្រឹមឡាំងបដិសេធមិនធ្វើអត្ថាធិប្បាយ ជុំវិញឧប្បត្តិហេតុយានដ្រូន នៅប៉ូឡូញ
09/10/2025 07:09 PM
Facebook Telegram Linkin
ក្រុមបារាំងកៀរគរគ្នាដើម្បីបេតិកភណ្ឌកម្ពុជា
09/10/2025 07:09 PM
Facebook Telegram Linkin
នាយករដ្ឋមន្ត្រីអង់គ្លេស៖ ការរំលោភរបស់រុស្ស៊ីលើដែនអាកាសប៉ូឡូញ គឺជា «ធ្វេសប្រហែសខ្លាំងណាស់»
09/10/2025 07:09 PM
Facebook Telegram Linkin
សមាជិកព្រឹទ្ធសភាអូស្ត្រាលីស្តាំនិយម ត្រូវបណ្តេញចេញពីក្រសួងស្រមោល ជុំវិញការអត្ថាធិប្បាយប្រឆាំងឥណ្ឌា
09/10/2025 06:09 PM
Facebook Telegram Linkin
ក្រុងច្បារមន និងខេត្តកំពង់ស្ពឺ ទទួលបាន ជ័យលាភី “ទីក្រុងទេសចរណ៍គ្មានផ្សែងបារី”
09/10/2025 06:09 PM
Facebook Telegram Linkin
ក្រុមហ៊ុនអាកាសចរណ៍ JAL រងការព្រមានជាលើកទី២ ពាក់ព័ន្ធនឹងអ្នកបើកបរយន្តហោះស្រវឹង
09/10/2025 06:09 PM
Facebook Telegram Linkin
ប្រមុខគណៈកម្មការ EU បញ្ជាក់ថា លោកស្រីនឹងស្នើវិធានការថ្មីផ្ដោតលើអ៊ីស្រាអែល
09/10/2025 06:09 PM
Facebook Telegram Linkin
សំឡេងផ្ទុះបន្លឺឡើង ក្រោយរថយន្តផ្លូវដែកផ្ទុកដោយឥន្ធនៈ មានអគ្គិភ័យ នៅលីទុយអានី
09/10/2025 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.