នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល
ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ

នយោបាយ​ និង ការអភិវឌ្ឍន៍

ក្មេងស្រីអ៊ីរ៉ង់ម្នាក់ត្រូវបានបញ្ជូនទៅមន្ទីរពេទ្យដោយរបួសធ្ងន់ បន្ទាប់ពីត្រូវបានចោទប្រកាន់ថាបានបំពានច្បាប់ហ៊ីចាប់

2023/10/05 10:17:33 am        294
Facebook Telegram Linkin
អ៊ីរ៉ង់៖ ក្មេងស្រីជំទង់វ័យ១៦ឆ្នាំម្នាក់រងរបួសធ្ងន់នៅក្នុងទីក្រុងតេអេរ៉ង់ (Tehran) បន្ទាប់ពីបានដួលសន្លប់កាលពីថ្ងៃអាទិត្យ ក្រោយការប្រឈមជាមួយក្រុមទីភ្នាក់ងារនៅលើរថភ្លើងក្រោមដីពីបទបំពានច្បាប់ស្លៀកពាក់តាមសាសនាអ៊ីស្លាមហ៊ីចាប់ (hijab)។  ការអះអាងនេះយោងតាមសកម្មជនសិទ្ធិមនុស្សធំៗចំនួន២ ដែលបានប្រាប់សារព័ត៌មាន Reuters ដោយសុំមិនបញ្ចេញអត្តសញ្ញាណ។ វីដេអូពី CCTV ដែលបានចែករំលែកដោយទីភ្នាក់ងារសារព័ត៌មានរដ្ឋ IRNA បង្ហាញពីនារីជំទង់ឈ្មោះ អាមីតា ហ្គេរ៉ាវ៉ានដ៍ (Armita Geravand) ពុំបានស្លៀកបំពាក់តាមច្បាប់ហ៊ីចាប់ជាកាតាព្វកិច្ចទេ។ នាងត្រូវបានអមដំណើរដោយមិត្តស្រីៗ២នាក់ ដើរទៅកាន់រថភ្លើង ។ ដោយកំពុងឡើងចូលក្នុងទូរថភ្លើង ក្មេងស្រីជំទង់ម្នាក់ក្នុងចំណោមពួកគេទាំង៣ត្រូវគេមើលឃើញចេញមកវិញភ្លាមៗនិងដួលនៅលើដី។ ក្រោយមកក្មេងស្រីម្នាក់ទៀត ត្រូវបានទាញចេញទាំងសន្លប់ពីទូរថភ្លើងដោយក្រុមអ្នកដំណើរ។    សារព័ត៌មាន Reuters មិនអាចផ្ទៀងផ្ទាត់បានភ្លាមៗ ទេពីការពិតនៃវីដេអូនេះ ។   ករណីរបស់នាង ហ្គេរ៉ាវ៉ាន់ កំពុងបង្កើនក្ដីបារម្ភ ថានាងអាចជួបវាសនាដូចនាង ម៉ាសាអាមីនី (Mahsa Amini)ជាស្រ្តីវ័យ២២ឆ្នាំដែលបានស្លាប់អំឡុងការសាកសួររបស់នគរបាលសីលធម៌ ដែលបានបង្កឲ្យមានការតវ៉ាទូទាំងប្រទេសអ៊ីរ៉ង់។  ក្នុងបទសម្ភាសន៍តាមទូរទស្សន៍ ឳពុកម្ដាយរបស់នាងនិយាយថា កូនស្រីរបស់ពួកគាត់ មានអាការៈធ្លាក់សម្ពាធឈាម បាត់បង់ជំហរ ហើយក្បាលរបស់នាងត្រូវបានបោកនឹងជញ្ជាំងទូរថភ្លើងក្រោមដី ៕

នាយករដ្ឋមន្ត្រីប្រទេសអាមេនីនឹងចូលរួមកិច្ចពិភាក្សាជាមួយEU បើទោះបីជាអាស៊ែរបៃហ្សង់ បដិសេធក៏ដោយ

2023/10/05 10:13:19 am        256
Facebook Telegram Linkin
អាមេនី៖ រដ្ឋាភិបាលរបស់ប្រទេសអាមេនី បានរាយការណ៍កាលពីថ្ងៃពុធថា នាយករដ្ឋមន្ត្រីអាមេនី លោក នីកូល ប៉ាស៊ីនយ៉ាន (Nikol Pashinyan) នឹងធ្វើដំណើរទៅកាន់ប្រទេសអេស្ប៉ាញ ដើម្បីពិភាក្សាជាមួយសហភាពអឺរ៉ុប នៅថ្ងៃព្រហស្បតិ៍នេះ បើទោះបីជាមានសេចក្តីរាយការណ៍ថា ប្រធានាធិបតីអាស៊ែរបៃហ្សង់ លោក អ៊ីលហាម អាលីយ៉េវ (Ilham Aliyev) បានដកខ្លួនចេញពីព្រឹត្តិការណ៍ដូចគ្នាក្តី។ប្រព័ន្ធផ្សព្វផ្សាយរដ្ឋអាស៊ែរបៃហ្សង់ បាននិយាយនៅមុននេះបន្តិចថា លោកអាលីយ៉េវ បានសម្រេចចិត្តមិនចូលរួមក្នុងព្រឹត្តិការណ៍សម្របសម្រួលដោយសហភាពអឺរ៉ុបនៅក្នុងប្រទេសអេស្ប៉ាញ ដែលលោកអាចជួបពិភាក្សាជាមួយលោក ប៉ាស៊ីនយ៉ាន។ទីភ្នាក់ងារព័ត៌មាន Interfax របស់ប្រទេសរុស្ស៊ី បានដកស្រង់សម្តីលោកប៉ាស៊ីនយ៉ាន ដោយនិយាយថា លោកមានការសោកស្តាយ ដែលបាត់បង់ឱកាសក្នុងការជួបពិភាក្សាជាមួយលោកអាលីយ៉េវ ហើយបានបន្តថា លោកបានត្រៀមខ្លួនរួចជាស្រេចក្នុងការចុះហត្ថលេខាលើអ្វីដែលលោកហៅថាជា «ឯកសារទម្លាយភាពទាល់ច្រក»ទាក់ទងនឹងកិច្ចចរចាសន្តិភាពរបស់ប្រទេសទាំងពីរ។កិច្ចប្រជុំ៥ភាគីជាមួយមេដឹកនាំនៃប្រទេសបារាំង អាល្លឺម៉ង់ អាមេនី អាស៊ែរបៃហ្សង់ និងប្រធានក្រុមប្រឹក្សាសហភាពអឺរ៉ុប លោក ឆាល មីសែល (Charles Michel) គ្រោងនឹងប្រព្រឹត្តទៅ នៅទីក្រុងហ្គ្រាណាដា (Granada) ប្រទេសអេស្ប៉ាញ នៅថ្ងៃព្រហស្បតិ៍នេះ៕

ប្រជាជនហៃទី ដែលភៀសខ្លួនសង្ឃឹមថា កម្លាំងដែលគាំទ្រដោយUNនឹងនាំមកនូវសន្តិសុខ

2023/10/05 10:10:48 am        238
Facebook Telegram Linkin
ហៃទី៖ លោក ឆាល អេឌីសុន (Charles Adison) បាននិយាយនៅក្នុងសាលាមួយក្នុងចំណោមសាលាជាច្រើន ដែលត្រូវបានបំប្លែងទៅជាជំរុំជនភៀសខ្លួនបណ្តោះអាសន្នក្នុងរដ្ឋធានីព័រអូប្រាំងនៃប្រទេសហៃទី ដោយនិយាយអំពីដំណោះស្រាយរបស់អង្គការសហប្រជាជាតិក្នុងសប្តាហ៍នេះថា នឹងឃើញកងកម្លាំងបរទេសចូលមកក្នុងប្រទេសនេះថា៖«យើងមានកាតព្វកិច្ចទទួលយកពួកគេ ដើម្បីជួយនគរបាលស្តារសណ្តាប់ធ្នាប់ឡើងវិញ។អង្គការសហប្រជាជាតិ បានប៉ាន់ប្រមាណថា ប្រជាជនហៃទីប្រហែល ២០០.000 នាក់ត្រូវបានផ្លាស់ទីលំនៅ ចំពេលមានអំពើហិង្សាកាន់តែខ្លាំងឡើង ដោយក្រុមជនអន្ធពាលប្រដាប់អាវុធ បានធ្វើការសម្លាប់ដោយគ្មានរើសមុខ ការចាប់ជំរិត ការចាប់រំលោភជាក្រុម និងដុតបំផ្លាញផ្ទះរបស់ប្រជាជន។កាលពីមួយឆ្នាំមុន រដ្ឋាភិបាលដែលមិនបានជាប់ឆ្នោតរបស់ប្រទេសហៃទី បានស្នើសុំជំនួយជាបន្ទាន់ពីកងកម្លាំងប្រដាប់អាវុធបរទេស ប៉ុន្តែវាមិនទាន់ដល់ខែកក្កដាទេ ដែលប្រទេសកេនយ៉ា បានក្លាយជាប្រទេសដំបូងគេ ដែលស្នើឲ្យដឹកនាំកងកម្លាំងបែបនេះ ហើយកាលពីថ្ងៃចន្ទ ប្រទេសនេះ ត្រូវបានអនុញ្ញាតដោយក្រុមប្រឹក្សាសន្តិសុខអង្គការសហប្រជាជាតិ។លោក ណិបទូន ដ្យូឌូនី (Neptune Dieudonne) ដែលកំពុងស្នាក់នៅក្នុងជំរុំបណ្ដោះអាសន្ន នៅទីប្រជុំជន រិក សៀធឺ (Rex Theatre) បាននិយាយថា៖«ប្រសិនបើពួកគេធ្វើការងារ ស្របតាមអ្វី ដែលពួកគេនិយាយ វាអាចល្អសម្រាប់ពួកយើង យើងអាចត្រឡប់ទៅផ្ទះសម្បែងរបស់យើងវិញបាន»៕

សហរដ្ឋអាមេរិក នឹងបញ្ជូនអាវុធដែលរឹបអូសបានពីអ៊ីរ៉ង់ទៅឲ្យអ៊ុយក្រែន

2023/10/05 09:54:25 am        208
Facebook Telegram Linkin
អាមេរិក៖ ក្រុមមន្ត្រីអាមេរិក និយាយថា សហរដ្ឋអាមេរិក នឹងបញ្ជូន អាវុធ និងគ្រាប់រំសេវ របស់អ៊ីរ៉ង់ដែលខ្លួនរឹបអូសបាន ទៅឲ្យអ៊ុយក្រែន ជាចំណាត់ការមួយដែលអាចជួយបន្ធូរបន្ថយការខ្វះខាតអាវុធបានមួយផ្នែក ដែលយោធាអ៊ុយក្រែនកំពុងប្រឈម ខណៈខ្លួនរង់ចាំកញ្ចប់លុយនិងគ្រឿងយុទ្ធោបករណ៍បន្ថែម ទៀតពីសហរដ្ឋអាមេរិក និងក្រុមសម្ព័ន្ធមិត្តរបស់ខ្លួន ។  ទីបញ្ជាការកណ្ដាលសហរដ្ឋអាមេរិក បានបញ្ជូនគ្រាប់រំសេវ១លានគ្រាប់ដែលរឹបអូសបានពីអ៊ីរ៉ង់ឲ្យទៅកងកម្លាំងប្រដាប់អាវុធអ៊ុយក្រែនរួចទៅហើយ ដែលខ្លួនបានប្រកាសកាលពីថ្ងៃពុធ។ ទីបញ្ជាការកណ្ដាលអាមេរិកខាងលើបាននិយាយនៅក្នុងសេចក្ដីប្រកាសព័ត៌មានមួយថា ការបញ្ជូននេះត្រូវបានធ្វើឡើងកាលពីថ្ងៃចន្ទ។ សេចក្ដីថ្លែងការណ៍នេះបាននិយាយថា រដ្ឋាភិបាលបានទទួលសិទ្ធិគ្រប់គ្រងអាវុធទាំងនោះកាលពីថ្ងៃទី២០ខែកក្កដា ឆ្នាំ២០២៣ តាមរយៈការអះអាងការរឹបអូសស៊ីវិលរបស់ក្រសួងយុត្តិធម៌ ប្រឆាំងនឹងសាជីវកម្មឆ្នាំបដិវត្តន៍អ៊ីស្លាម(IRGC)របស់អ៊ីរ៉ង់ ។  ក្រសួងយុត្តិធម៌បានប្រកាសកាលពីខែមីនាថា ខ្លួនកំពុងស្វែងរកការរឹបអូសគ្រាប់រំសេវរបស់អ៊ីរ៉ង់ចំនួនមួយលានគ្រាប់ ឆ្នួនបំផ្ទុះស្វ័យប្រវត្តសម្រាប់ប្រភេទបេ កងស្មា RGP-40 រាប់ពាន់គ្រាប់និង ឧបករណ៍ជំរុញរាប់ពាន់ផោនសម្រាប់គ្រាប់បែកដៃរ៉ូកែត ដែលកងទ័ពជើងទឹករឹបអូសបានពីប្រទេសអ៊ីរ៉ង់ ខណៈកំពុងឆ្លងកាត់ទៅកាន់ប្រទេសយ៉េមែន៕

បុគ្គលិកថែទាំសុខភាពអាមេរិកជាង៧៥.០០០នាក់ ចាប់ផ្តើមកូដកម្មរយៈពេល៣ថ្ងៃ

2023/10/05 09:47:20 am        199
Facebook Telegram Linkin
អាមេរិក៖ បុគ្គលិកថែទាំសុខភាពរាប់ម៉ឺននាក់ នៅក្នុងសហរដ្ឋអាមេរិក បានដើរចេញពីការងារកាលពីថ្ងៃពុធ ដោយចាប់ផ្តើមធ្វើកូដកម្មធំបំផុតមួយក្នុងវិស័យនេះ នៅក្នុងប្រវត្តិសាស្ត្រថ្មីនេះជុំវិញអ្វីដែលពួកគេនិយាយថាគឺជាការខ្វះបុគ្គលិក ខណៈឆ្នាំនៃភាពមិនពេញចិត្តការងារនៅអាមេរិក នឹងកើតឡើងឆាប់ៗ។ ការធ្វើកូដកម្មរបស់ បុគ្គលិកជាង៧៥.០០០នាក់នៅអង្គការ Kaiser Permanente ជាអង្គការថែទាំសុខភាពមិនរកប្រាក់កម្រៃធំបំផុតរបស់ប្រទេស កើតមានឡើងខណៈការកើនឡើងអតិផរណា ដែលបានជំរុញសកម្មភាពឧស្សាហកម្មនៅទូទាំងសហរដ្ឋអាមេរិក មានចាប់ពីតារាភាពយន្តហូលីវូត រហូតដល់បុគ្គលិករោងចក្រផលិតរថយន្ត Detroit។ គិលានុបដ្ឋាកវិជ្ជាជីវៈនាង Jessica Cruz ដែលបម្រើការនៅមជ្ឈមណ្ឌលវេជ្ជសាស្ត្រ Kaiser Los Angeles បាននិយាយនៅក្នុងសេចក្តីថ្លែងការសហជីពថា នាយកប្រតិបត្តិ Kaiser មិនព្រមស្តាប់យើងនោះទេហើយកំពុងតវ៉ាពីជំនឿមិនល្អជុំវិញដំណោះស្រាយ ដែលយើងចាំបាច់ត្រូវបញ្ចប់វិបត្តិខ្វះបុគ្គលិករបស់Kaiser ។ខ្ញុំមើលឃើញថាអ្នកជំងឺមានការខកចិត្តនៅពេលខ្ញុំព្យាបាលពួកគេយ៉ាងប្រញាប់ប្រញាល់ ហើយទៅព្យាបាលអ្នកជំងឺបន្ទាប់ទៀត។ នោះពុំមែនជាការមើលថែទាំដែលខ្ញុំចង់បាននោះទេ។ ទីតាំងអចិន្ត្រៃយ៍អង្គការ Kaiser ក្នុងទីក្រុង Washington DC , Virginia, California, Colorado, Oregon និងរដ្ឋ Washington ត្រូវបានគេរំពឹងថានឹងរងផលប៉ះពាល់ដោយកូដកម្មរយៈពេល៣ថ្ងៃនេះ។ អង្គការ Kaiser និយាយថា មជ្ឈមណ្ឌលនឹងនៅតែបើកទ្វារ ប៉ុន្តែបានព្រមានថាត្រូវរង់ចាំយូរជាងធម្មតា៕

ពលរដ្ឋនៅជនបទប្រទេសអូស្ត្រាលី បានជម្លៀសចេញពីលំនៅឋាន ខណៈមានទឹកជំនន់បន្ទាប់ពីអគ្គិភ័យ

2023/10/05 09:44:08 am        183
Facebook Telegram Linkin
អូស្ត្រាលី៖ ពលរដ្ឋនៅក្នុងទីក្រុងនានា នៅក្នុងរដ្ឋ Victoria ប្រទេសអូស្ត្រាលី ត្រូវបានព្រមាននៅថ្ងៃព្រហស្បតិ៍នេះថា វានៅតែគ្មានសុវត្ថិភាពដើម្បីវិលត្រលប់ទៅកាន់លំនៅឋានវិញ ខណៈមានទឹកជំនន់ដ៏គំហុកបន្ទាប់ពីចំហេះព្រៃ ដែលបានបង្ខំឲ្យពលរដ្ឋជម្លៀសខ្លួន។ ពលរដ្ឋនៅក្នុងតំបន់ជាច្រើន តាមបណ្តោយទន្លេ Macalister នៅរដ្ឋភាគអាគ្នេយ៍ ត្រូវបានគេប្រាប់ឲ្យជម្លៀសខ្លួនចេញកាលពីល្ងាចថ្ងៃពុធ បន្ទាប់ពីទឹកបានកើនឡើង ដល់កម្រិតខ្ពស់យ៉ាងគ្រោះថ្នាក់។អាជ្ញាធរបានព្រមាន ថាអ្នកទាំងឡាយណាដែលបន្តស្នាក់នៅ អាចដាច់អគ្គិសនី ទឹក ប្រព័ន្ធលូបង្ហូរទឹក និងបណ្តាញទូរស័ព្ទ ដោយសារតែទឹកជំនន់។ ទឹកភ្លៀងបានធូស្បើយនៅថ្ងៃព្រហស្បតិ៍នេះ ទោះបីជាមន្ត្រីគ្រប់គ្រងគ្រោះមហន្តរាយបាននិយាយថា ទឹកក្នុងចំនួនដ៏ច្រើន នៅតែចាំបាច់ត្រូវបង្ហូរចេញតាមប្រព័ន្ធទន្លេ។អនុប្រធានអង្គភាពសេវាសង្គ្រោះបន្ទាន់រដ្ឋVictoria លោក David Baker បាននិយាយថា លំនៅឋានប្រមាណ១៣០ខ្នង បានរងផលប៉ះពាល់ដោយទឹកជំនន់ ដែលបានកើតឡើងប៉ុន្មានថ្ងៃបន្ទាប់ពី សីតុណ្ហភាពខ្ពស់មិនសមស្របតាមរដូវកាល ដែលនាំទៅរកឲ្យមានចំហេះព្រៃ នៅតំបន់តែមួយនេះ។ លោកបានប្រាប់ប្រព័ន្ធផ្សព្វផ្សាយ ABC ថាព័ត៌មានល្អគឺថា គ្មានភ្លៀងធ្លាក់ខ្លាំងបន្ថែមទៀតត្រូវបានរំពឹងទុកនោះទេ។ ការព្រមានពីគ្រោះអាសន្ន កំពុងជំរុញឲ្យពលរដ្ឋដែលបានជម្លៀសខ្លួន កុំទាន់ត្រលប់ទៅវិញ នៅនឹងកន្លែង ក្នុងទីក្រុងនានានៅក្នុងតំបន់នេះ៕

ក្មេងប្រុសដែលបើកការបាញ់ប្រហារនៅផ្សារទំនើបថៃ ត្រូវចោទប្រកាន់ពីបទឃាតកម្មគិតទុកជាមុន ខណៈនគរបាលកំណត់គោលដៅលើការលក់កាំភ្លើងអនឡាញ

2023/10/05 09:38:23 am        254
Facebook Telegram Linkin
ថៃ៖ ប្រមុខនគរបាលថៃបាននិយាយកាលពីថ្ងៃពុធ (៤ តុលា) ថា ប្រទេសថៃនឹងបិទភាពចន្លោះប្រហោងផ្លូវច្បាប់ទាក់ទងនឹងការចាត់ថ្នាក់អាវុធ និងការលក់កាំភ្លើងតាមអ៊ីនធឺណិត នៅក្នុងកិច្ចខិតខំប្រឹងប្រែងគ្រប់គ្រងអាវុធរបស់ខ្លួន រយៈពេលមួយថ្ងៃបន្ទាប់ពីក្មេងប្រុសជំទង់ម្នាក់ ត្រូវបានចាប់ខ្លួនបន្ទាប់ពីការបាញ់ប្រហារដ៏រន្ធត់ នៅផ្សារទំនើបមួយកន្លែង ដែលបានបណ្តាលឱ្យមនុស្សពីរនាក់ស្លាប់។ក្រុមអាជ្ញាធរថៃ បានចោទប្រកាន់ជនដៃដល់ ដែលជាក្មេងប្រុសអាយុ១៤ឆ្នាំរូបនោះ ពីបទឃាតកម្មគិតទុកជាមុន និងកាន់កាប់អាវុធខុសច្បាប់កាលពីថ្ងៃពុធ (៤ តុលា) បន្ទាប់ពីមានការបាញ់ប្រហារនៅផ្សារទំនើបមួយក្នុងទីក្រុងបាងកក ដោយប្រើប្រាស់អាវុធដែលនគរបាលនិយាយថាជាកាំភ្លើងខ្លីកែច្នៃ ក្នុងគោលបំណងបាញ់មិនឲ្យចេញគ្រាប់។ប្រមុខនគរបាលថៃ លោក Torsak Sukvimol បាននិយាយនៅក្នុងបទសម្ភាសទូរទស្សន៍មួយថា កាំភ្លើងដែលប្រើដោយជនដៃដល់វ័យ១៤ឆ្នាំ ដែលត្រូវបានចោទប្រកាន់នោះ ត្រូវបានកែច្នៃ និងរចនាឡើងដើម្បីបាញ់ជុំទទេដោយមិនឲ្យចេញគ្រាប់ មានន័យថាកាំភ្លើងនោះមិនត្រូវបានចាត់ថ្នាក់ជាអាវុធដ៏សាហាវនោះទេ ហើយអាវុធនោះទំនងជាត្រូវបានទិញតាមអ៊ីនធឺណិត។លោក Torsak បាននិយាយថា មានកាំភ្លើងបែបនេះ ដែលនាំចូលស្របច្បាប់ជាង១០.០០០ប្រភេទ កំពុងចរាចរនៅក្នុងប្រទេសថៃ ហើយនគរបាលនឹងធ្វើការជាមួយភ្នាក់ងាររដ្ឋាភិបាលផ្សេងទៀត ដើម្បីចាត់ថ្នាក់ពួកវាឡើងវិញជាអាវុធគ្រោះថ្នាក់ ដើម្បីទប់ស្កាត់ការនាំចូលអាវុធប្រភេទនេះ៕

ការដួលរលំអគារនៅប្រទេសគុយបា សម្លាប់មនុស្សយ៉ាងហោចណាស់ម្នាក់ និងច្រើននាក់ទៀតជាប់ក្នុងគំនរបាក់បែក

2023/10/05 09:36:06 am        166
Facebook Telegram Linkin
គុយបា៖ រដ្ឋាភិបាលក្រុងបាននិយាយថា អគារមួយផ្នែកបានដួលរលំនៅក្នុងរដ្ឋធានី ហាឡាវ៉ាន់ ប្រទេសគុយបាកាលពីយប់ថ្ងៃអង្គារ (៣ តុលា) ដោយបានសម្លាប់មនុស្សយ៉ាងហោចណាស់ម្នាក់ និងបន្សល់ទុកមនុស្សយ៉ាងហោចណាស់២នាក់ទៀត ជាប់ខ្លួននៅក្រោមគំនរបាក់បែក។ ការបាក់រលំនៅក្នុងតំបន់ទេសចរណ៍ អូល ហាវ៉ាណា បានបំផ្លាញផ្នែកខាងក្នុងនៃអគារដ៏ចំណាស់មួយ ដែលជាលំនៅឋានរបស់ប្រជាជនចំនួន១៣គ្រួសារ និងមនុស្ស៥៤នាក់។ ក្រុមអ្នកជួយសង្រ្គោះបានធ្វើការពេញមួយថ្ងៃកាលពីថ្ងៃពុធ (៤ តុលា) ដើម្បីស្វែងរកមនុស្សពីរនាក់ ដែលនៅសេសសល់ក្នុងបំណែកបាក់បែក បន្ទាប់ពីការដួលរលំផ្នែកទីពីរនៃអាគារនៅពេលព្រឹកព្រលឹម ខណៈដែលខ្យល់ និងភ្លៀងបានបោកបក់ទៅលើទីក្រុងនោះ។ រដ្ឋាភិបាលក្រុងបាននិយាយនៅក្នុងសេចក្តីថ្លែងការណ៍មួយថា មនុស្សម្នាក់បានស្លាប់ និងពីរនាក់ទៀតត្រូវបានបញ្ជូនទៅមន្ទីរពេទ្យក្នុងស្ថានភាពធ្ងន់ធ្ងរ៕

ទីក្រុង Phoenix សហរដ្ឋអាមេរិក កត់ត្រារដូវភ្លៀងមូសុងដ៏ហួតហែងបំផុតមិនធ្លាប់មាន

2023/10/05 09:33:19 am        175
Facebook Telegram Linkin
អាមេរិក៖ សេវាអាកាសធាតុជាតិទីក្រុង Phoenix (NWS) របស់សហរដ្ឋអាមេរិក បានប្រកាសជាផ្លូវការថា ឆ្នាំនេះជាឆ្នាំមានអាកាសធាតុស្ងួតហួតហែងបំផុតក្នុងកំណត់ត្រា សម្រាប់ទីក្រុង Phoenix រដ្ឋអារីហ្សូណា។ អាកាសយានដ្ឋាន PSH របស់ទីក្រុងនេះ បានជួបប្រទះនូវកម្រិតទាបបំផុតជាប្រវត្តិសាស្ត្រដែលមានភ្លៀងធ្លាក់ត្រឹមតែកម្រិត ០,១៥អ៊ីញប៉ុណ្ណោះ ពេញមួយរដូវភ្លៀងមូសុងទាំងមូល ដែលជាធម្មតាមានរយៈពេលចាប់ពីថ្ងៃទី១៥ ខែមិថុនា រហូតដល់ថ្ងៃទី៣០ ខែកញ្ញា។ នេះជាកម្រិតទឹកភ្លៀងទាបបំផុតមិនធ្លាប់មានចាប់តាំងពីឆ្នាំ១៨៩៥ នៅពេលដែលទីភ្នាក់ងារអាកាសធាតុ NWS ចាប់ផ្តើមកំណត់ត្រាមក។ទីក្រុង Phoenix ក៏ធ្លាប់ជួបប្រទះរដូវក្តៅក្តៅបំផុតរបស់ខ្លួនកាលពីខែកក្កដាផងដែរ នៅពេលដែលសីតុណ្ហភាពឡើងដល់លើសពីកម្រិត៤៣អង្សាសេ ឬខ្ពស់ជាងនេះ សម្រាប់រយៈពេល៣១ថ្ងៃជាប់គ្នា។ លោកស្រីបណ្ឌិត Erinanne Saffell អ្នកជំនាញអាកាសធាតុនៃរដ្ឋអារីហ្សូណា បានពន្យល់ថា ទឹកភ្លៀងនៅរដូវក្ដៅដើរតួនាទីយ៉ាងសំខាន់ក្នុងការគាំទ្រវិស័យកសិកម្ម និងកាត់បន្ថយចំហេះព្រៃ ដោយរក្សាបន្លែឱ្យមានជាតិទឹក ហើយភ្លៀងធ្លាក់មិនគ្រប់គ្រាន់ក្នុងរដូវក្តៅអាចនាំឱ្យបាត់បង់ទឹក និងហានិភ័យខ្ពស់នៃចំហេះព្រៃផងដែរ៕

លោក Biden ប្រកាសវិធានការសម្រាលបន្ទុកបំណុលនិស្សិតបន្ថែមចំនួន៩ពាន់លានដុល្លារ

2023/10/05 09:27:53 am        225
Facebook Telegram Linkin
អាមេរិក៖ ប្រធានាធិបតីសហរដ្ឋអាមេរិក លោក Joe Biden បានប្រកាសកាលពីថ្ងៃពុធថា រដ្ឋបាលរបស់លោក បានអនុម័តវិធានការសម្រាលបន្ទុកបំណុលនិស្សិតបន្ថែមចំនួន៩ពាន់លានដុល្លារ សម្រាប់អ្នកខ្ចី១២៥.០០០នាក់។ លោក Biden បាននិយាយថា សេចក្តីប្រកាសចុងក្រោយ បាននាំឲ្យមានការលុបចោលបំណុលដែលបានអនុម័តសរុប ធ្វើឡើងដោយរដ្ឋបាលរបស់លោកចំនួន១២៧ពាន់លានដុល្លារ សម្រាប់ជនជាតិអាមេ រិកជិត ៣,៦ លាននាក់។លោកប្រធានាធិបតី បាននិយាយថា លោក នឹងបន្តវិធានការថ្មីដើម្បីផ្តល់វិធានការសម្រាលបន្ទុកប្រាក់កម្ចីនិស្សិតដល់ជនជាតិអាមេរិក បន្ទាប់ពីតុលាការកំពូល បានរារាំងផែនការរបស់លោកឲ្យលុបចោលបំណុលរាប់ពាន់លានដុល្លារ ហើយលោកបាននិយាយបន្ថែមថា រដ្ឋាភិបាលរបស់លោក កំពុងធ្វើអ្វីគ្រប់យ៉ាងដែល អាចធ្វើបាន និងឲ្យបានកាន់តែឆាប់រហ័ស៕

បណ្ដាញសង្គម

ព័ត៌មានថ្មីៗ

នគរបាលបាញ់ឧស្ម័នបង្ហូរទឹកភ្នែកដាក់បាតុករ «Block Everything» ក្បែរវិទ្យាល័យ នៅក្រុងប៉ារីស
09/10/2025 04:09 PM
Facebook Telegram Linkin
ទឹកជំនន់ នៅឥណ្ឌូនេស៊ី មានអ្នកស្លាប់យ៉ាងហោចណាស់ ១០នាក់
09/10/2025 04:09 PM
Facebook Telegram Linkin
ការអភិវឌ្ឍសេដ្ឋកិច្ចចក្រានៅកម្ពុជាលើកកម្ពស់ការចូលរួមឆ្ពោះទៅកម្ពុជាមានភាពស្អាត ភាពបៃតង និងចីរភាព
09/10/2025 04:09 PM
Facebook Telegram Linkin
ពលរដ្ឋជាង ៣០០គ្រួសារ នៅឃុំពង្រ ស្រុកចុងកាល់ ចាប់ឆ្នោតជ្រើសដីឡូត៍លំនៅឋាន និងដីឡូត៍កសិកម្ម គម្រោង LASED III
09/10/2025 04:09 PM
Facebook Telegram Linkin
ប្រមុខ EU នឹងពន្យល់ពីអាទិភាពរបស់ EU ក្រោយកិច្ចព្រមព្រៀងពាណិជ្ជកម្មជាមួយអាមេរិក រងប្រតិកម្ម
09/10/2025 04:09 PM
Facebook Telegram Linkin
កុងតឺន័ររាប់សិបគ្រឿងធ្លាក់ពីលើនាវាចូលទឹកទន្លេ ដោយផែសំខាន់ នៅរដ្ឋ California ត្រូវបិទ
09/10/2025 03:09 PM
Facebook Telegram Linkin
ឯកឧត្តមរដ្ឋមន្រ្តី ចាយ បូរិន និងមន្រី្តរាជការក្រោមឱវាទក្រសួងធម្មការ អញ្ជើញកាន់បិណ្ឌវេនទី៣ នៅវត្តបទុមវតីរាជវរារាម
09/10/2025 03:09 PM
Facebook Telegram Linkin
អូស្ត្រាលីនឹងចំណាយ ១,១ពាន់លានដុល្លារលើយានដ្រូនវាយប្រហារក្រោមទឹក
09/10/2025 03:09 PM
Facebook Telegram Linkin
ប្រធានាធិបតីប៉ូឡូញ៖ លោក Putin ត្រៀមរួចជាស្រេច ដើម្បីឈ្លានពានប្រទេសផ្សេងៗ
09/10/2025 03:09 PM
Facebook Telegram Linkin
ទីភ្នាក់ងារស្វែងរក និងសង្គ្រោះ នៅ Bali បន្តព្យាយាមចូលទៅទីតាំងមានទឹកជំនន់ ដើម្បីជម្លៀសមនុស្ស
09/10/2025 03:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.