នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

សម្ដេចក្រឡាហោមជួបពិភាក្សាការងារជាមួយប្រតិភូសង្កេតការណ៍បោះឆ្នោតនៃប្រទេសនិយាយភាសាបារាំង

2023/07/20 12:13:51 am        183
Facebook Telegram Linkin
ភ្នំពេញ៖ នៅព្រឹកថ្ងៃទី១៩ ខែកក្កដា នេះ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអនុញ្ញាតជូនប្រតិភូបេសកកកម្មសង្កេតការណ៍បោះឆ្នោត នៃបណ្ដាប្រទេសនិយាយភាសាបារាំង (FRANCOFONE) ចូលជួបសម្ដែងការគួរសម និងពិភាក្សាការងារ ។សម្ដេចក្រឡាហោម ស ខេង ក្នុងនាមរាជរដ្ឋាភិបាលកម្ពុជា បានថ្លែងអំណរគុណដល់អង្គការក្រុម ប្រទេសនិយាយភាសាបារាំង ដែលបានចាត់បញ្ជូនប្រតិភូមកចូលរួមសង្កេតការណ៍បោះឆ្នោត​នៅកម្ពុជា នាឱកាសនេះ ។ សម្ដេចបានជម្រាបជូនអំពីដំណើរការបោះឆ្នោតនៅកម្ពុជា ដែលបានធ្វើចាប់ពីឆ្នាំ ១៩៩៣ មកដល់​បច្ចុប្បន្ន ​ដែលក្នុងរយៈពេល៣​ទសវត្សរ៍​ចុងក្រោយនេះ​ ពីការបោះឆ្នោតមួយទៅការបោះ ឆ្នោតមួយ ស្ថានភាពសន្តិសុខ ​កាន់តែប្រសើរឡើង ​ការចូលរួមរបស់ពលរដ្ឋក៏ប្រកបដោយភាពវិជ្ជមាន ជាពិសេស​លុបបំបាត់អំពើហិង្សាក្នុងអំឡុងពេលបោះឆ្នោត និងមានការចូលរួមពីគណបក្ស​នយោបាយ នានា។សម្ដេចក្រឡាហោម ​បានគូសបញ្ជាក់ថា ការបោះឆ្នោតកន្លងមក ក៏មានការចូលរួមឃ្លាំមើលពីក្រុម អ្នកសង្កេតការណ៍ជាតិ ​និងអន្តរជាតិ និងអ្នកសារព័ត៌មាន ​ហើយសម្រាប់ការបោះឆ្នោតជាតិឆ្នាំនេះ គិតមក ដល់ថ្ងៃទី១៩ ខែកក្កដា នេះ ស្ថានភាពទូទៅ ក៏មានភាពល្អប្រសើរដែរ ។ឯកឧត្តម ដេស្រ៊ី នីយ៉ារ៉ូហ៊ីរីយ៉ា (Desire NYARUHIRIRA) ​ទីប្រឹក្សាពិសេសទទួលបន្ទុកកិច្ចការ នយោបាយ ​និងការទូត នៃអង្គការ OIM បានរម្លឹកភាពជាស្ថាបនិករបស់កម្ពុជា ក្នុងការបង្កើត​អង្គការក្រុម ប្រទេសនិយាយភាសាបារាំង​ និងបានទទួលស្គាល់ពីតួនាទីកម្ពុជា ក្នុងការរួមចំណែក​ដោះស្រាយបញ្ហា តំបន់ និងអន្តរជាតិ ។ឯកឧត្តម បញ្ជាក់ថា នៅពេលប្រទេសសមាជិកក្រុមប្រទេសនិយាយភាសាបារាំង ​រៀបចំការបោះ ឆ្នោត អង្គការនេះ តែងចាត់បញ្ជូនប្រតិភូចូលរួមសង្កេតការណ៍ និងបានជួបជាមួយបណ្ដាតួអង្គ​ពាក់ព័ន្ធនឹង ការបោះឆ្នោតនៅប្រទេសទាំងនោះ ហើយបេសកកម្មនេះ គឺដើម្បីជួយពង្រឹងនីតិរដ្ឋ និងសន្តិភាព ។បន្ទាប់មក សម្ដេចក្រឡាហោម ស ខេង និងឯកឧត្តមប្រធានប្រតិភូ ក៏បានផ្លាស់ប្ដូរយោបល់គ្នា អំពី បទពិសោធពាក់ព័ន្ធនឹងដំណើរការបោះឆ្នោតនៅកម្ពុជា ។ សម្ដេចក៏បានជម្រាបជូនអំពីការត្រៀមលក្ខណៈ របស់រាជរដ្ឋាភិបាលកម្ពុជា ក្នុងនោះ ក្រសួងមហាផ្ទៃ ក៏មានតួនាទីស្នូលក្នុងការថែរក្សាសន្តិសុខ សណ្ដាប់ ធ្នាប់ បម្រើឱ្យដំណើរការបោះឆ្នោតនេះ ៕ អត្ថបទ៖ យន់ វ៉ាន់

ឯកឧត្ដម វេង សាខុន សំណេះសំណាលជាមួយមន្ត្រីគណបក្សប្រជាជនកម្ពុជាស្រុកកំពង់សៀម និងពិភាក្សាអំពីពិធីហែក្បួនបិទបញ្ចប់យុទ្ធនាការឃោសនាបោះឆ្នោត

2023/07/20 12:00:36 am        117
Facebook Telegram Linkin
កំពង់ចាម៖ នៅទីស្នាក់ការគណបក្សប្រជាជនកម្ពុជាស្រុកកំពង់សៀម បានរៀបចំពិធីសំណេះសំណាលជាមួយមន្ត្រីគណបក្សប្រជាជនកម្ពុជាស្រុកកំពង់សៀម និងពិភាក្សាអំពីពិធីហែក្បួនបិទបញ្ចប់យុទ្ធនាការឃោសនាបោះឆ្នោតជ្រើសតាំងតំណាងរាស្រ្តនីតិកាលទី៧ ក្រោមអធិបតីភាពឯកឧត្ដម វេង សាខុន ប្រធានក្រុមការ ងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម និងជាបេក្ខជនតំណាងរាស្ត្រមណ្ឌល ខេត្តកំពង់ចាម នៅរសៀលថ្ងៃទី១៩ ខែកក្កដា ឆ្នាំ២០២៣នេះ។ក្នុងពិធីដ៏មានសារៈសំខាន់នេះ ក៏មានការអញ្ជើញចូលរួមពីឯកឧត្តម ណៅ ធួក អនុប្រធានក្រុមការងារគណបក្សចុះ មូលដ្ឋានស្រុកកំពង់សៀម និងជាបេក្ខជនតំណាងរាស្ត្រមណ្ឌលខេត្តកំពង់ចាម ឯកឧត្តមអនុប្រធានក្រុមការងារគណបក្សចុះមូលដ្ឋានស្រុកកំពង់សៀម ឯកឧត្តម លោក លោកស្រីប្រធាន និង​អនុប្រធានក្រុម ការងារចុះមូលដ្ឋានឃុំទាំង១៥ និងលោក លោកស្រីគណៈកម្មាធិការបក្សស្រុកសរុបចំនួន១៥៥នាក់។ នាឱកាសនេះ ឯកឧត្តមប្រធានក្រុមការងារក៏បានវាយតម្លៃលើសកម្មភាពយុទ្ធនាការឃោសនាក្នុងរយ:ពេល ១៩ថ្ងៃ កន្លងមកនៅទូទាំងស្រុកកំពង់សៀម ជារួមឃើញថាទទួលបានលទ្ធផលគួរជាទីមោទន។ លទ្ធផលនេះ ឯកឧត្តមប្រធានបានកោតសរសើរ និងវាយតម្លៃខ្ពស់លើឆន្ទ:ពុះពារ ខិតខំ និងលះបង់គ្រប់បែបយ៉ាងរបស់ឯកឧត្តម លោក ជំទាវជាអនុប្រធានក្រុមការងារ សមាជិក សមាជិកាបក្សគ្រប់លំដាប់ថ្នាក់ អាជ្ញាធរមូលដ្ឋាន សកម្មជនបក្ស។ល។ សម្រាប់ថ្ងៃបិទបញ្ចប់យុទ្ធនាការ ឯកឧត្តម បានធ្វើការណែនាំបន្ថែម ក្រៅពីអ្វីដែលបានអនុវត្តកន្លងមក ធ្វើយ៉ាងណាឱ្យសកម្មភាពដង្ហែក្បួននេះកាន់តែមានភាពឱឡារិកអធិអធម គគ្រឹកគគ្រេង និងត្រូវប្រកាន់ខ្ជាប់នូវវិន័យ សីលធម៌ សុជីវធម៌ សាមគ្គីភាព សុវត្ថិភាព និងសណ្តាប់ធ្នាក់សាធារណ ដើម្បី បង្ហាញពីសេចក្តីថ្លៃថ្នូរ និងកិត្យានុភាពរបស់គណបក្សប្រជាជនកម្ពុជា។ សូមជម្រាបជូនថា អង្គពិធីបានសម្រេចទិសដៅហែក្បួនបិទបញ្ចប់យុទ្ធនាការឃោសនា នាថ្ងៃទី២១ ខាងមុខ ដោយត្រូវកំណត់យកសមាជិកគណបក្សចូលរួមចំនួន ៤ ០២៥ នាក់ រថយន្តចំនួន ៧៩គ្រឿង និងម៉ូតូចំនួន ១ ៦៦៧គ្រឿង៕

ហុងគ្រីប្រឆាំងនឹងការបញ្ចូនសព្វាវុធទៅឲ្យអ៊ុយក្រែន

2023/07/19 09:28:55 pm        308
Facebook Telegram Linkin
ហុងគ្រី៖ រដ្ឋមន្ត្រីការបរទេសរបស់ប្រទេសហុងគ្រី បាននិយាយកាលពីថ្ងៃចន្ទថា ប្រទេសហុងគ្រីប្រឆាំងនឹងការចែកចាយសព្វាវុធណាមួយដល់អ៊ុយក្រែន ហើយជាពិសេសប្រឆាំងនឹងការប្រើប្រាស់គ្រាប់បែកចង្កោម ដោយបានបន្ថែមថា ដំណោះស្រាយត្រូវតែដើរមករកតុចរចា មិនមែននៅលើសមរភូមិនោះទេ។លោក Peter Szijjarto រដ្ឋមន្ត្រីក្រសួងការបរទេស និងពាណិជ្ជកម្មហុងគ្រី បានគូសបញ្ជាក់អំពីទស្សនៈរបស់ប្រទេសលោកចំពោះវិបត្តិអ៊ុយក្រែននៅក្នុងបទសម្ភាសន៍មួយនៅទីស្នាក់ការអង្គការសហប្រជាជាតិក្នុងទីក្រុងញូវយ៉ក។សហរដ្ឋអាមេរិកបានប្រកាសកាលពីដើមខែកក្កដាថា គ្រាប់បែកចង្កោមនឹងជាផ្នែកមួយនៃកញ្ចប់ជំនួយយោធាថ្មីដល់អ៊ុយក្រែនមានតម្លៃ ៨០០លានដុល្លារអាមេរិក ដែលជាការសម្រេចមួយបានធ្វើឱ្យមានការរិះគន់យ៉ាងខ្លាំងនៅទូទាំងពិភពលោក។លោក Szijjarto បាននិយាយថា សព្វាវុធកាន់តែច្រើនត្រូវបានបញ្ជូនទៅអ៊ុយក្រែន នោះជម្លោះនឹងកាន់តែយូរ ហើយចំនួនអ្នកស្លាប់ និងរបួសកាន់តែកើនឡើង។ លោកបានសង្កត់ធ្ងន់ថា គួរតែមានកិច្ចខិតខំប្រឹងប្រែងរួមគ្នា ដើម្បីនាំមកនូវបទឈប់បាញ់ និងបានអំពាវនាវឱ្យភាគីពាក់ព័ន្ធទាំងអស់ ដោះស្រាយវិបត្តិតាមរយៈការចរចា មិនមែនតាមរយៈការប្រយុទ្ធគ្នានោះទេ៕

ឯកឧត្តម វង្សី វិស្សុត ដឹកនាំប្រជុំបូកសរុបលទ្ធផល និងត្រៀមបិទយុទ្ធនាការឃោសនាបោះឆ្នោត ក្នុងស្រុកមុខកំពូល

2023/07/19 09:26:37 pm        391
Facebook Telegram Linkin
កណ្ដាល៖ ព្រឹកថ្ងៃទី១៩ ខែកក្កដា ឆ្នាំ២០២៣ នៅទីស្នាក់ការគណៈកម្មាធិការគណបក្សប្រជាជនកម្ពុជាស្រុកមុខកំពូល ឯកឧត្តម វង្សី វិស្សុត សមាជិកគណៈកម្មាធិការកណ្តាល, ប្រធានក្រុមការងារគណបក្សចុះមូលដ្ឋានស្រុកមុខកំពូល និងជាបេក្ខជនតំណាងរាស្រ្តមណ្ឌលខេត្តកណ្តាល បានដឹកនាំកិច្ចប្រជុំបូកសរុបលទ្ធផលយុទ្ធនាការឃោសនាបោះឆ្នោត និងការត្រៀមហែក្បួនបិទយុទ្ធនាការឃោសបោះឆ្នោត ។អង្គប្រជុំបានធ្វើការត្រួតពិនិត្យ និងពិភាក្សាលើរបាយការណ៍ស្តីពីសភាពការណ៍ និងលទ្ធផលនៃយុទ្ធនាការឃោសនាបោះឆ្នោតជ្រើសតាំងតំណាងរាស្រ្ត នីតិកាលទី៧ នៃរដ្ឋសភា គិតចាប់ពីថ្ងៃទី០១ ដល់ថ្ងៃទី១៩ ខែកក្កដា ឆ្នាំ២០២៣ តាមបណ្តាឃុំទាំង ៧ ក្នុងមូលដ្ឋានស្រុកមុខកំពូល ខេត្តកណ្តាល ដែលបានប្រព្រឹត្តទៅដោយរលូន, មានសន្តិសុខ, សុវត្ថិភាព និងសណ្ដាប់ធ្នាប់ល្អប្រសើរ ព្រមទាំងគ្មានអំពើហិង្សា។ អង្គប្រជុំបានវាយតម្លៃខ្ពស់ ចំពោះកិច្ចខិតខំប្រឹងប្រែងរបស់ក្រុមការងារគ្រប់លំដាប់ថ្នាក់, សកម្មជន និងយុវជនទាំងអស់ ដែលបានចូលរួមយ៉ាងសស្រាក់សស្រាំ និងប្រកៀកស្មាស្រុះដៃគ្នាល្អ ក្នុង​យុទ្ធនាការឃោសនាបោះឆ្នោត ពិសេសការផ្សព្វផ្សាយកម្មវិធីគោលនយោបាយរបស់គណបក្ស, ការចុះជួបសមាជិកតាមខ្នងផ្ទះ និងតាមមណ្ឌលសកម្មភាពបក្ស និងការពិនិត្យឯកសារបោះឆ្នោត ព្រមទាំងការបង្រៀនគូសសន្លឹកឆ្នោត ក៏ដូចជាការចូលរួមក្នុងសកម្មភាព មនុស្សធម៌ និងកិច្ចការ​សង្គមផ្សេងៗ ​ដូចជាការឧបត្ថម្ភដល់បងប្អូនប្រជាពលរដ្ឋដែលមានការខ្វះខាត​ផ្នែកជីវភាព និងជនចាស់ជរាគ្មានទីពឹងជាដើម។ជារួម អង្គប្រជុំបានធ្វើការវាយតម្លៃថា គណបក្សប្រជាជនកម្ពុជានៅតែបន្តនាំមុខ ហើយកាន់តែទទួលបាននូវការគាំទ្រពីប្រជាជនច្រើនជាលំដាប់ ដែលឆ្លុះបញ្ចាំងតាមរយៈចរន្តនៃការសុំចូលមករួមរស់ជាមួយគណបក្សប្រជាជនកម្ពុជាជាបន្តបន្ទាប់ ពីសំណាក់អ្នកគាំទ្រ និងសកម្មជនគណបក្សដទៃ ហើយពិសេសគឺ ការស្រលាញ់ពេញចិត្ត និងការគាំទ្ររបស់ប្រជាជនដ៏ច្រើនលើសលប់ ចំពោះសម្តេចតេជោ ហ៊ុន សែន និង ឯកឧត្តមបណ្ឌិត ហ៊ុន ម៉ាណេត ជាបេក្ខភាពបន្តវេននាពេលអនាគត។អង្គប្រជុំក៏បានធ្វើការពិនិត្យ និងពិភាក្សាផងដែរ លើការរៀបចំផែនការហែក្បួនបិទយុទ្ធនាការ ឃោសនាបោះឆ្នោត នៅថ្ងៃទី២១ ខែកក្កដា ឆ្នាំ២០២៣ ខាងមុខនេះ ឱ្យប្រព្រឹត្តិទៅដោយរលូន, មាន សណ្តាប់ធ្នាប់របៀបរៀបរយល្អ, ប្រសិទ្ធភាព និងជៀសវាងឱ្យបាននូវការប៉ះពាល់នានា ស្របតាម បទបញ្ញាត្តិ, នីតិវិធី និងការណែនាំរបស់ គ.ជ.ប. ដើម្បីបង្ហាញពីភាពខ្លាំង, ភាពថ្លៃថ្នូ និងភាពចាស់ទុំ ឱ្យ ស័ក្កិសម ជាគណបក្សដែលធំជាងគេ និងមានប្រៀបឈ្នះជាងគេ។ អង្គប្រជុំក៏បាន គិតគូរយកចិត្តទុកដាក់ផងដែរ ទៅដល់ការថែរក្សាសុខភាព និងសុវត្ថិភាពជូន​បងប្អូនទាំងអស់ ដែលបានចូលរួម នៅក្នុង ការហែក្បួន ឃោសនា បោះឆ្នោត។នៅក្នុងឱកាសនោះដែរ ឯកឧត្តម វង្សី វិស្សុត បានផ្តល់ការណែនាំដល់ក្រុមការងារ និងសកម្មជន​គណបក្សត្រូវបន្តរក្សាឱ្យបានូវចលនការជាប្រក្រតី និង បរិយាកាសល្អប្រសើរនៃដំណើរការ​បោះឆ្នោត នៅក្នុងមូលដ្ឋានស្រុកមុខកំពូល ហើយត្រូវបន្តស្វែងរកសំឡេងគាំទ្រជូនគណបក្សឱ្យ​បានច្រើន​បំផុតតាមដែលអាចធ្វើទៅបាន តែត្រូវគោរពច្បាប់, បទបញ្ជា និងនីតិវិធី ព្រមទាំងសេចក្តី​ណែនាំរបស់ គជប ។ ទន្ទឹមនេះ ត្រូវបន្តសកម្មភាពចុះជួបសមាជិកតាមខ្នងផ្ទះ, ការពិនិត្យឯកសារបោះឆ្នោត, ការធ្វើ​ឯកសារ​បញ្ជាក់អត្តសញ្ញាណបម្រើឱ្យការបោះឆ្នោត (IR) និងការង្រៀនគូសសន្លឹកឆ្នោតឲ្យបាន​ត្រឹមត្រូវ​តាមការកំណត់របស់ គ.ជ.ប ព្រមទាំងត្រូវការធ្វើចលនាជំរុញប្រជាពលរដ្ឋទូទៅ ពិសេស​សមាជិកគណបក្សទាំងអស់ទៅបោះឆ្នោតឱ្យបានគ្រប់ៗគ្នា និងបោះឆ្នោតជូនគណបក្ស​ប្រជាជនកម្ពុជា ពោលគឺសំដៅធានាឱ្យបានថា សមាជិកម្នាក់ សំឡេងគាំទ្រមួយសន្លឹក។ ជាមួយនេះ ក៏ត្រូវបង្កើនការយកចិត្តទុកដាក់ក្នុងការទប់ស្កាត់ឱ្យខាងតែបាន ចំពោះក្រុមជនទុច្ចរិត ដែលទៅ ណែនាំ ប្រជាជនឱ្យគូសសន្លឹកឆ្នោតខុស និងត្រូវត្រៀមលក្ខណៈទប់ស្កាត់គ្រប់​រូបភាព​នូវសកម្មភាពទាំងឡាយណា ដែលមានបំណងចង់បំផ្លាញការបោះឆ្នោត និងលទ្ធផលនៃការ​បោះឆ្នោត។ឯកឧត្តម វង្សី វិស្សុត ក៏មានប្រសាសន៍រំលឹកដល់មន្រ្តីគណបក្សគ្រប់លំដាប់ថ្នាក់ថា ទោះបីពេល​នេះយើងកំពុងជាប់ដៃជាមួយនឹងយុទ្ធនាការឃោសនាបោះឆ្នោតក្តី តែយើងមិនត្រូវភ្លេចបម្រើ​ប្រជាជន ​ពិសេសការផ្តល់សេវាសាធារណៈ ​និងការដោះស្រាយសំណូមពរ, តម្រូវការ និងបញ្ហាលំបាក​ផ្សេងៗរបស់ប្រជាជន ដោយមិនត្រូវព្រងើយកន្តើយឡើយ៕

ប្រទេសគុយបាកំពុងតស៊ូដើម្បីរកប្រាក់ពីបរទេស

2023/07/19 09:25:09 pm        342
Facebook Telegram Linkin
គុយបា៖ ប្រទេសគុយបាដែលជួបកង្វះខាតសាច់ប្រាក់ បានធ្លាក់ចុះនូវផែនការនាំចេញ និងនាំចូលរបស់ខ្លួន រហូតមកដល់ខែមិថុនានៃឆ្នាំនេះ ចំពេលមានកង្វះខាតធ្ងន់ធ្ងរពាក់ព័ន្ធនឹងការពឹងផ្អែកលើស្បៀងអាហារ ប្រេង  ឥន្ធនៈនិងសម្ភារៈសម្រាប់កសិកម្ម និងការផលិតពីបរទេស។អនុរដ្ឋមន្ត្រីសេដ្ឋកិច្ចទីមួយ លោកស្រី Leticia Morales បានប្រាប់គណៈកម្មការសភា កាលពីថ្ងៃអង្គារថា ប្រាក់ចំណូលនាំចេញមានចំនួន ១,៣ពាន់ដុល្លារ ៣៥,៧ភាគរយនៃការរំពឹងទុក ខណៈដែលការនាំចូលមានចំនួន៤,៤ពាន់លានដុល្លារ។លោកស្រី បាននិយាយថា វិស័យទេសចរណ៍ ស្ករ នីកែល និងអ្នករកបានរូបិយប័ណ្ណដែលអាចធ្វើពាណិជ្ជកម្មផ្សេងទៀត សុទ្ធតែជួបការខ្វះខាតទាំងអស់។អ្នកកាសែតបរទេស មិនត្រូវបានអញ្ជើញឲ្យចូលរួមកិច្ចប្រជុំនោះទេ។របាយការណ៍របស់ទីភ្នាក់ងារសារព័ត៌មាន Prensa Latina នឹងមិនមានភាពភ្ញាក់ផ្អើលទេចំពោះអ្នកស្រុកដែលមិនបានឃើញពីការលំបាកនៃការខ្វះខាតស្បៀងអាហារ ឱសថ ប្រេងឥន្ធនៈ និងទំនិញផ្សេងទៀត ចាប់តាំងពីឆ្នាំ ២០២០ និងអតិផរណាដែលមានចំនួនបីខ្ទង់ដែលនាំឲ្យមានការតវ៉ា និងការធ្វើនិរប្រវេសន៍ក្នុងកម្រិតខ្ពស់បំផុត។លោកស្រី Morales មិនបាននិយាយថាផែនការនាំចូលជាង ៩ពាន់លានដុល្លារអាមេរិក ហើយការនាំចេញចំនួន ៣,៦ ពាន់លានដុល្លារនៅឆ្នាំនេះ បានផ្លាស់ប្តូរនោះទេ។បើប្រៀបធៀបនៅឆ្នាំ ២០១៩ ប្រទេសដែលគ្រប់គ្រងដោយរបបកុម្មុយនីស្តមួយនេះ បានរាយការណ៍ពីការនាំចេញចំនួន ១២,៦ ពាន់លានដុល្លារ និងការនាំចូលចំនួន ១១ពាន់លានដុល្លារ៕

នាយករដ្ឋមន្ត្រីជប៉ុនជំរុញឱ្យចិនបង្ហាញ 'ភស្តុតាងវិទ្យាសាស្ត្រ' លើការជជែកដេញដោលជុំវិញគម្រោងបង្ហូរសំណល់ទឹក ហ្វ៊ូគូស៊ីម៉ា

2023/07/19 09:21:23 pm        338
Facebook Telegram Linkin
ជប៉ុន៖ នាយករដ្ឋមន្ត្រីជប៉ុន លោក Fumio Kishida កាលពីថ្ងៃអង្គារ (ទី១៨ ខែកក្កដា) បានជំរុញឱ្យប្រទេសចិន បង្ហាញ "ភស្តុតាងវិទ្យាសាស្ត្រ" នៅក្នុងការជជែកដេញដោលជុំវិញការបញ្ចេញទឹកសំណល់ពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដៃអ៊ិឈី ដែលបានរងគ្រោះដោយគ្រោះមហន្តរាយ។លោក Kishida បានប្រាប់ក្រុមអ្នកសារព័ត៌មានថា ទីភ្នាក់ងារថាមពលអាតូមិកអន្តរជាតិ (IAEA) បានសន្និដ្ឋានថា ផែនការរបស់ប្រទេសជប៉ុនក្នុងការបញ្ចេញប្រព័ន្ធដំណើរការរាវកម្រិតខ្ពស់ (ALPS) ដែលបានធ្វើប្រព្រឹត្តកម្មទឹករួច ចូលទៅក្នុងមហាសមុទ្រប៉ាស៊ីហ្វិក គឺស្របតាមស្តង់ដារសុវត្ថិភាពអន្តរជាតិ។ជប៉ុនគ្រោងនឹងចាប់ផ្តើមបញ្ចេញទឹកជាង១លានតោនពីរោងចក្រថាមពលហ្វូគូស៊ីម៉ាដែលបានខូចខាត នៅរដូវក្តៅនេះ។ ប្រទេសចិនបានបញ្ចេញសំឡេងខ្លាំងក្លាបំផុតក្នុងចំណោមអ្នករិះគន់ទាំងនោះ ដោយនិយាយថា ផែនការនេះនឹងបង្កគ្រោះថ្នាក់ដល់បរិស្ថាន និងអាយុជីវិតមនុស្ស៕

សមាជិក G20 ជាច្រើន បានថ្កោលទោសរុស្ស៊ីដែលបោះបង់កិច្ចព្រមព្រៀងគ្រាប់ធញ្ញជាតិសមុទ្រខ្មៅ

2023/07/19 09:16:48 pm        290
Facebook Telegram Linkin
ឥណ្ឌា៖ រដ្ឋមន្ត្រីក្រសួងហិរញ្ញវត្ថុឥណ្ឌា បាននិយាយកាលពីថ្ងៃអង្គារ (១៨ កក្កដា) ថា សមាជិកក្រុមប្រទេសទាំង២០ (G20) ជាច្រើនបានថ្កោលទោសរុស្ស៊ីដែលបោះបង់កិច្ចព្រមព្រៀងគ្រាប់ធញ្ញជាតិសមុទ្រខ្មៅ ដែលអនុញ្ញាតឱ្យមានការនាំចេញគ្រាប់ធញ្ញជាតិដោយសុវត្ថិភាពពីអ៊ុយក្រែន។រដ្ឋមន្ត្រីក្រសួងហិរញ្ញវត្ថុឥណ្ឌាលោកស្រី Nirmala Sitharaman បានប្រាប់អ្នកយកព័ត៌មានថា "សមាជិកជាច្រើនបានថ្កោលទោសរុស្ស៊ី ដោយនិយាយថា រឿងនោះមិនគួរកើតឡើងទេ ការឆ្លងកាត់សមុទ្រខ្មៅ មិនគួរត្រូវបានបញ្ឈប់ ឬផ្អាកនោះទេ" ។កិច្ចព្រមព្រៀងដែលសម្របសម្រួលដោយអង្គការសហប្រជាជាតិបានផុតកំណត់កាលពីថ្ងៃចន្ទ (១៧ កក្កដា) បន្ទាប់ពីប្រទេសរុស្ស៊ីបានសម្រេចមិនបន្តកិច្ចព្រមព្រៀង ក្រោយការព្រមានថា ខ្លួនមិនអាចធានាសុវត្ថិភាពនៃនាវាបានទេ ហើយអង្គការសហប្រជាជាតិបាននិយាយថាសកម្មភាពនេះនឹង "ប៉ះពាល់ដល់មនុស្សដែលត្រូវការជំនួយគ្រប់ទីកន្លែង" ។ប្រទេសលោកខាងលិចភាគច្រើន រួមមានសហរដ្ឋអាមេរិក ចក្រភពអង់គ្លេស អាល្លឺម៉ង់ និងបារាំង បានជំរុញឱ្យមានការថ្កោលទោសយ៉ាងម៉ឺងម៉ាត់ចំពោះរុស្ស៊ី និងសង្រ្គាមនៅអ៊ុយក្រែន ចំណែករុស្ស៊ី និងសម្ព័ន្ធមិត្តចិនបានជំទាស់នឹងទង្វើបែបនោះ៕

នគរបាលអ៊ីស្រាអែលឃុំខ្លួនក្រុមអ្នកតវ៉ាប្រឆាំងនឹងការផ្លាស់ប្តូរប្រព័ន្ធតុលាការ

2023/07/19 09:06:23 pm        282
Facebook Telegram Linkin
អ៊ីស្រាអែល៖ នគរបាលអ៊ីស្រាអែលបានសម្រុកចូលហ្វូងបាតុករក្នុងទីក្រុង Tel Aviv កាលពីថ្ងៃអង្គារ (១៨ កក្កដា) ជាមួយនឹងកាណុងបាញ់ទឹក និងក្រុមមន្ត្រីបង្រ្កាបបាតុកម្ម ក្នុងគោលបំណងដើម្បីបញ្ឈប់ការតវ៉ាបន្ទាប់ពីមាន "ទិវារំខាន" ប្រឆាំងនឹងការផ្លាស់ប្តូរប្រព័ន្ធតុលាការរបស់នាយករដ្ឋមន្ត្រីអ៊ីស្រាអែលលោក Benjamin Netanyahu។ចាប់ពីព្រឹកព្រលឹមថ្ងៃអង្គារ ក្រុមបាតុករបានបិទផ្លូវហាយវេយ៉ាងហោចណាស់ពាក់កណ្តាល ហើយបានធ្វើបាតុកម្មនៅស្ថានីយរថភ្លើងសំខាន់ៗនៅពេលរសៀល និងចូលក្នុងផ្សារហ៊ុនទីក្រុង Tel Aviv ដោយបោះចោលក្រដាសប្រាក់ក្លែងក្លាយជានិមិត្តសញ្ញានៃអំពើពុករលួយ។ នគរបាលបាននិយាយថា មនុស្សយ៉ាងហោចណាស់ ៤៥ នាក់ត្រូវបានចាប់ខ្លួន។រដ្ឋាភិបាលកំពុងជំរុញឱ្យអនុម័តច្បាប់ដែលនឹងរារាំងសមត្ថភាពរបស់តុលាការកំពូលក្នុងផ្តល់មោឃភាពដល់ការសម្រេចរបស់រដ្ឋាភិបាល និងរដ្ឋមន្ត្រីឬការតែងនានាតាមរយៈដកក្រុមចៅក្រមចេញពីអំណាចដោយចាត់ទុកការសម្រេចទាំនោះថា "មិនសមហេតុផល" ។ អ៊ីស្រាអែលមានគោលបំណងអនុម័តច្បាប់នេះ មុនពេលសភាឈប់សម្រាកនៅថ្ងៃទី៣០ ខែកក្កដាខាងមុខនេះ៕

ក្រុមប្រឹក្សាសន្តិសុខអង្គការសហប្រជាជាតិជួបប្រជុំជាលើកដំបូងស្តីពីហានិភ័យបច្ចេកវិទ្យា AI

2023/07/19 08:53:26 pm        247
Facebook Telegram Linkin
UN៖ ក្រុមប្រឹក្សាសន្តិសុខអង្គការសហប្រជាជាតិបានបើកកិច្ចប្រជុំលើកដំបូងរបស់ខ្លួនស្តីពីបច្ចេកវិទ្យាប្រាជ្ញាសិប្បនិមិត្តកាលពីថ្ងៃអង្គារ (១៨ កក្កដា) ជាទីដែលប្រទេសចិនបាននិយាយថា បច្ចេកវិទ្យានេះមិនគួរក្លាយជា "បញ្ហាដែលមិនអាចគ្រប់គ្រងបាននោះទេ" ហើយសហរដ្ឋអាមេរិកបានព្រមានប្រឆាំងនឹងការប្រើប្រាស់បច្ចេកវិទ្យា AI នេះក្នុងការត្រួតពិនិត្យ ឬគាបសង្កត់មនុស្ស។រដ្ឋមន្ត្រីការបរទេសអង់គ្លេសលោក James Cleverly ដែលជាប្រធានកិច្ចប្រជុំនេះ ក្នុងនាមប្រធានប្តូរវេននៃស្ថាប័ននេះរបស់ចក្រភពអង់គ្លេស បាននិយាយថា បច្ចេកវិទ្យា AI នឹង "ផ្លាស់ប្តូរជាមូលដ្ឋាននូវគ្រប់ទិដ្ឋភាពនៃជីវិតមនុស្សទាំងអស់" ។ក្រុមប្រឹក្សានោះដែលមានសមាជិក១៥រូប ដែលសមាជិកសំខាន់ៗរួមមាន អគ្គលេខាធិការអង្គការសហប្រជាជាតិលោក Antonio Guterres លោក Jack Clark សហស្ថាបនិកនៃក្រុមហ៊ុនដ៏ធំ AI startup Anthropic និងសាស្រ្តាចារ្យ Zeng Yi សហនាយកមជ្ឈមណ្ឌលស្រាវជ្រាវចិន-ចក្រភពអង់គ្លេសសម្រាប់ក្រមសីលធម៌ និងអភិបាលកិច្ចAI ។លោក Guterres បាននិយាយថា "ទាំងកម្មវិធីយោធា ទាំងមិនមែនយោធានៃបច្ចេកវិទ្យា AI អាចមានផលវិបាកយ៉ាងធ្ងន់ធ្ងរសម្រាប់សន្តិភាព និងសណ្ដាប់ធ្នាប់ពិភពលោក" ។ លោក Zhang Jun ឯកអគ្គរដ្ឋទូតចិនប្រចាំនៅអង្គការសហប្រជាជាតិ បានពណ៌នាបច្ចេកវិទ្យា AI ថាជា "អាវុធមុខពីរ" ហើយបាននិយាយថាទីក្រុងប៉េកាំងគាំទ្រតួនាទីសម្របសម្រួលកណ្តាលរបស់អង្គការសហប្រជាជាតិលើការបង្កើតគោលការណ៍ណែនាំសម្រាប់ AI ។ឯកអគ្គរដ្ឋទូតរងសហរដ្ឋអាមេរិកប្រចាំអង្គការសហប្រជាជាតិ លោក Jeffrey DeLaurentis ក៏បាននិយាយផងដែរថា មានតម្រូវការជាច្រើនសម្រាប់ប្រទេសនានាក្នុងការធ្វើរួមគ្នាលើបច្ចេកវិទ្យាAIនិងបច្ចេកវិទ្យាកំពុងរីកលូតលាស់ផ្សេងទៀត ដើម្បីដោះស្រាយហានិភ័យសិទ្ធិមនុស្សដែលគំរាមកំហែងដល់ការបំផ្លាញសន្តិភាព និងសន្តិសុខ៕

តុលាការជាន់ខ្ពស់ថៃព្យួរបេក្ខភាពសភារបស់បេក្ខជននាយករដ្ឋមន្ត្រីលោក ភីថា ហើយនឹងសម្រេចថាតើលោកបំពានច្បាប់បោះឆ្នោតឬយ៉ាងណា

2023/07/19 08:16:59 pm        272
Facebook Telegram Linkin
ថៃ៖ តុលាការធម្មនុញ្ញរបស់ប្រទេសថៃ នៅថ្ងៃពុធនេះ បានយល់ព្រមព្យួរតំណែងមេដឹកនាំគណបក្សបោះជំហានទៅមុខ (Move Forward) លោក ភីថា លីមចារើនរ៉ាត់ (Pita Limjaroenrat) ជាបេក្ខជននាយករដ្ឋមន្ត្រី ពីតួនាទីសមាជិកសភា ដោយរង់ចាំការសម្រេចរបស់តុលាការ ថាតើលោកបានបំពានច្បាប់បោះឆ្នោតឬយ៉ាងណា។ការប្រកាសរបស់តុលាការបានធ្វើឡើងនៅកៀកពេលវេលាបោះឆ្នោតលើកទីពីរក្នុងសភា ដែលត្រូវបញ្ជាក់ថាលោក ភីថា អាចក្លាយជានាយករដ្ឋមន្ត្រីឬក៏អត់។ គណបក្សរបស់លោក ភីថា បានទទួលជ័យជម្នះនៅក្នុងការបោះឆ្នោតទូទៅកាលពីខែឧសភា ហើយបានប្រមូលផ្តុំក្រុមចម្រុះចំនួន៨គណបក្សបន្ថែមទៀត ដោយលោកទទួលបានអាសនៈចំនួន៣១២ នៅក្នុងសភាតំណាងរាស្រ្ត។ទោះជាយ៉ាងណាក៏ដោយ ក្រុមចម្រុះមិនបានទទួលការគាំទ្រគ្រប់គ្រាន់នៅក្នុងការបោះឆ្នោតលើកដំបូងកាលពីសប្តាហ៍មុនពីព្រឹទ្ធសភា ដែលបោះឆ្នោតរួមគ្នាជាមួយសភាជាន់ទាបដើម្បីដាក់ឈ្មោះលោកជានាយករដ្ឋមន្ត្រីថ្មីនោះទេ។ ការប្រកាសរបស់តុលាការនៅតែអនុញ្ញាតឱ្យមានការតែងតាំង និងជ្រើសរើសលោក ភីថា ជានាយករដ្ឋមន្ត្រី រហូតដល់មានការសម្រេចចុងក្រោយពីតុលាការ។គណៈកម្មាធិការរៀបចំការបោះឆ្នោតរដ្ឋរបស់ប្រទេសថៃបានបញ្ជូនសំណុំរឿងរបស់លោក ភីថា ទៅកាន់តុលាការដោយនិយាយថា មានភស្តុតាងដែលបញ្ជាក់ថាលោក ភីថា បានបំពានច្បាប់បោះឆ្នោត ជុំវិញការចោទប្រកាន់ថាលោក ភីថា ជាម្ចាស់ភាគហ៊ុនរបស់ក្រុមហ៊ុនប្រព័ន្ធផ្សព្វផ្សាយ ដែលរឿងនេះត្រូវបានហាមឃាត់សម្រាប់សមាជិកសភាទាំងអស់៕

បណ្ដាញសង្គម

ព័ត៌មានថ្មីៗ

អង្គភាពប្រឆាំងអំពើពុករលួយបានបញ្ជូនសំណុំរឿង៤ករណីនៃឃុំព្រែកខ្សាច់ទៅសាលាដំបូងរាជធា​​នី​​​​ភ្នំ​​​​​ពេ​​​​​​​ញ
09/29/2026 08:09 PM
Facebook Telegram Linkin
ក្រសួងការងារ និងសេវាកម្មវាយតម្លៃសកល AQA នៃចក្រភពអង់គ្លេស ចុះ MoU ពង្រឹងភាពជាដៃគូអភិវឌ្ឍជំនាញ និងការពង្រឹងគុណភាព TVET ដើម្បីលើកកម្ពស់ជំនាញកម្លាំងពលកម្មស្របតាមតម្រូវការឧស្សាហកម្ម និងបច្ចេកវិទ្យា
09/29/2026 08:09 PM
Facebook Telegram Linkin
នេប៉ាល់ផ្អាកប្រតិបត្តិការស្វែងរក បន្ទាប់​ពី​មនុស្ស ១៦នាក់ បានប៉ើង​ទៅតាម​បំណាក់​​ទឹកកក ​
09/29/2026 07:09 PM
Facebook Telegram Linkin
ម្ចាស់សហគ្រាសផលិតសំបកវេចខ្ចប់ និងអ្នកវេចខ្ចប់ផលិតផល បានកំពុងរួមគ្នាបង្កើត និងគាំទ្រផលិតផលជាតិ
09/29/2026 07:09 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមពិធីចម្រើនព្រះបរិត្ត និងដាក់បិណ្ឌវេនទី៤ នៅវត្តឧណ្ណាលោម
09/29/2026 06:09 PM
Facebook Telegram Linkin
កងកម្លាំងអាមេរិកចាកចេញពីអ៊ីរ៉ាក់ ក្រោយរយៈពេល​ ២ទសវត្សរ៍ ដោយបើកផ្លូវឱ្យអ៊ីរ៉ង់បង្កើន​ឥទ្ធិពល​
09/29/2026 06:09 PM
Facebook Telegram Linkin
ទ្រព្យសកម្មក្នុងវិស័យ អ.ស.ហ. កើនដល់ជាង ៩ ប៊ីលានដុល្លារ និងបានបង្កើតការងារ ១៦ ពាន់កន្លែង
09/29/2026 06:09 PM
Facebook Telegram Linkin
អ៊ីរ៉ង់​គំរាមវាយប្រហារហេដ្ឋារចនាសម្ព័ន្ធ ក្នុងតំបន់ ប្រសិនបើសន្តិសុខរបស់ខ្លួន មិនត្រូវបានធានា
09/29/2026 06:09 PM
Facebook Telegram Linkin
សារព័ត៌មានរដ្ឋ៖ ការវាយប្រហារលើបំពង់បង្ហូរឧស្ម័ននៅភាគខាងកើតស៊ីរី បានធ្វើឲ្យការផ្គត់ផ្គង់ឧស្ម័នត្រូវផ្អាក
09/29/2026 06:09 PM
Facebook Telegram Linkin
បេសកជនរុស្ស៊ី៖ អាល្លឺម៉ង់ និងសហភាពអឹរ៉ុប មិនមានតួនាទីក្នុងកិច្ចចរចាអំពីអ៊ុយក្រែន
09/29/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.