នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

បណ្តាគណបក្សនយោបាយមួយចំនួន បានត្រៀមខ្លួនរួចរាល់ហែបក្សបិទយុទ្ធនាការឃោសនាបោះឆ្នោត

2023/07/19 07:13:16 pm        306
Facebook Telegram Linkin
ភ្នំពេញ៖ រហូតមកដល់ថ្ងៃទី១៩ ខែកក្កដានេះ គឺមានបណ្តាគណបក្សនយោបាយមួយចំនួន នៅរាជធានីភ្នំពេញ និងខេត្តកណ្តាល បានរៀបចំក្បួនហែបក្សបិទយុទ្ធនាការឃោសនាបោះឆ្នោតរបស់ខ្លួនជាបណ្តើរៗហើយ ខណៈការបិទយុទ្ធនាការឃោសនាបោះឆ្នោតផ្លូវការ នឹងឈានមកដល់នៅថ្ងៃទី២១ ខែកក្កដា ហើយការបោះឆ្នោតជ្រើសតាំងតំណាងរាស្ត្រនីតិកាលទី៧ នឹងឈានចូលមកដល់នៅថ្ងៃទី២៣ ខែកក្កដា។ គណបក្សនយោបាយ ដែលបានហែរបក្សបិទយុទ្ធនាបការរបស់ខ្លួននៅថ្ងៃនេះ​ និងគណបក្ស​ដែលត្រៀម​ហែបិទយុទ្ធនាការនៅថ្ងៃបន្ទាប់ បានថ្លែងប្រាប់BTV ​នៅថ្ងៃទី១៩ខែកក្កដានេះថា នៅ​ពេលនេះ ពួកគេ​បាន​ត្រៀមយានជំនិះ និង​កម្លាំង​ពលរដ្ឋចូលរួមពិធីបិទហែយុទ្ធនាការឃោសនា​បោះឆ្នោតរួចហើយ ក្នុងឱកាសហែបិទយុទ្ធនាការនៅថ្ងៃចុងក្រោយផ្សព្វផ្សាយពីកម្មវិធី​នយោបាយ​របស់បក្សខ្លួនជូនពលរដ្ឋបានយល់ជ្រួតជ្រាប។ បណ្តាគណបក្សនយោបាយបានអំពាវនាវពលរដ្ឋចូលរួមបោះឆ្នោត​ឲ្យបានគ្រប់ៗគ្នា និង​សូមគូស​ជ្រើសរើស​គណបក្សនយោបាយដែលខ្លួនស្រឡាញ់ឲ្យបានត្រឹមត្រូវ ​ខណៈសន្លឹកមួយៗ គឺតម្លៃខ្លាំង​សម្រាប់ប្រទេសជាតិយើងទាំងអស់គ្នា។បើតាម លោក ស៊ីម ដូនី ប្រធានលេខាធិការដ្ឋានគណកម្មាធិការរៀបចំការបោះឆ្នោតរាជធានីភ្នំពេញ ឲ្យដឹងថា នៅថ្ងៃទី១៩ ​ខែកក្កដានេះ ​គឺមានគណបក្សខ្មែរអភិរក្ស ​មួយបានធ្វើសកម្មភាពហែ​គណបក្ស​បិ​ទយុទ្ធនាការឃោសនា​បោះឆ្នោត ដោយឡែក ​គណបក្សប្រជាធិបតេយ្យមូលដ្ឋាន មួយទៀត ​នឹងធ្វើការហែរបិទការឃោសនារបសខ្លួននៅថ្ងៃស្អែក ​ហើយនៅថ្ងៃទី២១ ខែកក្កដា ដែលជាចុងក្រោយ ​គឺមានគណបក្សហែបិទយុទ្ធនាការចំនួន៣ រួមមាន​ គណបក្សប្រជាជនកម្ពុជា គណបក្សហ្វ៊ុនស៊ិនប៉ិច និងគណបក្សខ្មែររួបរួមជាតិ ។ដោយឡែកនៅខេត្តកណ្តាលវិញ​ លោក ផាន់ រិទ្ធិពល ប្រធានលេខាធិការដ្ឋាន​គណៈកម្មាធិការ​រៀបចំ​ការបោះឆ្នោតខេត្តកណ្តាល ថា នៅថ្ងៃស្អែកទី២០ ​និងថ្ងៃខានស្អែកទី២១ កក្កដា នៅ​ខេត្តកណ្តាល​គឺមានគណបក្សចំនួន៤​បានជូនដំណឹងថា​នឹងធ្វើការហែបិទយុទ្ធនាការ​ឃោសនាបោះឆ្នោតរបស់ខ្លួនផងដែរ។សូមបញ្ជាក់ថា យុទ្ធនាការហែរគណបក្សឃោសនាបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣​នេះ គឺមានរយៈពេល ២១ថ្ងៃ គិតចាប់ពីថ្ងៃទី១ ដល់ថ្ងៃទី២១ ខែកក្កដាឆ្នាំ២០២៣ ដែលមានគណបក្សនយោបាយចំនួន១៨បានចូលរួមប្រកួតប្រជែង៕ អត្ថបទ ស៊ុម សុខជា

អ្នកសង្កេតការណ៍៖ ចំនួនអ្នកឃ្លាំមើលការបោះឆ្នោតច្រើនជាងមុនបង្ហាញពីតម្លាភាពនិងយុត្តិធម៌

2023/07/19 06:43:26 pm        433
Facebook Telegram Linkin
ភ្នំពេញ៖ អ្នកសង្កេតការណ៍ជាតិលើកឡើងថា ចំនួនអ្នកចូលរួមឃ្លាំមើលការបោះឆ្នោត​ជ្រើសតាំង​តំណាងរាស្រ្ត ក្នុងនីតិកាលទី៧ ឆ្នាំ២០២៣ មានចំនួនច្រើនជាងអាណត្តិមុន គឺបានបង្ហាញពីតម្លាភាព និងយុត្តិធម៌ សម្រាប់ការបោះឆ្នោតនៅក្នុងប្រទេសកម្ពុជា។ នៅសល់តែប៉ុន្មានថ្ងៃទៀតប៉ុណ្ណោះការបោះឆ្នោតជ្រើសតាំងតំណាងរាស្រ្ត ​នីតិកាលទី៧ នឹងចាប់ផ្តើមដំណើរការជាផ្លូវការនៅថ្ងៃអាទិត្យទី២៣ ខែកក្កដានេះ។ក្នុងនោះវត្តមានរបស់អ្នកសង្កេតការណ៍ជាតិ ​និងអន្តរជាតិត្រូវបាន គណៈកម្មាធិការជាតិរៀបចំការ​បោះឆ្នោត (គ.ជ.ប) ​សម្រេចទទួលស្គាល់ឲ្យចូលរួមសង្កេតការណ៍បោះឆ្នោតចំនួន​ប្រមាណ ៩ ម៉ឺននាក់ ​ក្រោយត្រូវបានបិទបញ្ចប់ទទួលត្រឹមថ្ងៃនេះ។ លោក ទុំប៉ែន វីរៈវិទូ ប្រធានបណ្តាញសង្គមស៊ីវិលកម្ពុជា ប្រាប់ BTV ឲ្យដឹងថា នៅថ្ងៃទី១៩ កក្កដានេះថា ​ក្នុងការបោះឆ្នោតខាងមុខអ្នកសង្កេតការណ៍របស់អង្គភាពលោក នឹងធ្វើដំណើទៅតាម​ការិយាល័យបោះឆ្នោតនានា ដើម្បីចូលរួមតាមដាន និងឃ្លាំមើលដំណើរការបោះឆ្នោតចាប់តាំង​ពីពេលបើកទ្វារការិយាល័យបោះឆ្នោយរហូតដល់ការរាប់សន្លឹកឆ្នោត។ លោក រិន សុភ័ក្រ្ត អគ្គលេខាធិការសមាគមយុវជនធ្វើបាន លើកឡើងថា ចំនួនរបស់អ្នក​សង្កេត​ការណ៍​ជាតិ និងអន្តរជាតិ ដែលបានចូលរួមដ៏ច្រើននោះពិតជា​មានសារៈសំខាន់ណាស់​ដល់​ដំណើរការបោះឆ្នោត ​ដើម្បីមានតម្លាភាពបន្ថែមទៀត។ សូមជម្រាបថា អ្នកសង្កេតការណ៍ក្នុងការបោះឆ្នោតនៅកម្ពុជា​សម្រាប់​អាណត្តិនេះ​មាន​ចំនួនប្រមាណ ៩ម៉ឺននាក់ ​ក្នុងនោះមានសង្កេតការណ៍ជាតិជិត​៩​ ម៉ឺននាក់ និងអ្នកសង្កេតការណ៍​អន្តរជាតិជាង ៤០០ នាក់មកពីប្រទេសក្នុងតំបន់អាស៊ាន និងអឺរ៉ុប៕ អត្ថបទ សេក ឧត្តម

មន្ទីរពេទ្យកាល់ម៉ែតសហការជាមួយសមាគមចង្វាក់បេះដូងកូរ៉េ លើកកម្ពស់គុណភាពព្យាបាលជំងឺបេះដូង

2023/07/19 06:32:57 pm        904
Facebook Telegram Linkin
ភ្នំពេញ៖ មន្ទីរពេទ្យកាល់ម៉ែត ក្រសួងសុខាភិបាល នៃព្រះរាជាណាចក្រកម្ពុជា និងសមាគមចង្វាក់បេះដូងនៃសាធារណរដ្ឋកូរ៉េខាងត្បូង បានចុះអនុស្សារណៈ (MOU) ជាមួយគ្នាដើម្បីលើកកម្ពស់គុណភាពព្យាបាល និងថែទាំអ្នកជំងឺនៅមជ្ឈមណ្ឌលដេប៉ាតឺម៉ង់​ព្យាបាលជំងឺបេះដូង ឱ្យកាន់តែប្រសើរឡើងបន្ថែមទៀត នៅក្នុងប្រទេសកម្ពុជា។អនុស្សរណៈយោគយល់គ្នារវាងមន្ទីរពេទ្យកាល់ម៉ែត និងសមាគមចង្វាក់បេះដូងសាធារណរដ្ឋកូរ៉េ ប្រារព្ធឡើងនាព្រឹកថ្ងៃទី១៩ ខែកក្កដា ឆ្នាំ២០២៣នេះ ក្រោមវត្តមានឯកឧត្តមសាស្ត្រាចារ្យ គង់ សន្យា អគ្គនាយករងនៃមនី្ទរពេទ្យកាល់ម៉ែត និងលោកសាស្រ្តាចារ្យ ជុង វ៉ាង (Chun HWANG) ទីប្រឹក្សាកិត្តិយសជាន់ខ្ពស់ នៃសមាគមចង្វាក់បេះដូងសាធារណរដ្ឋកូរ៉េខាងត្បូង។ ឯកឧត្តមសាស្ត្រាចារ្យ គង់ សន្យា បានថ្លែងអំណរគុណចំពោះ លោកសាស្ត្រាចារ្យ ជុង វ៉ាង ក៏ដូចជាសមាគមទាំងមូល ដែលបានខិតខំប្រឹងប្រែងបង្កើតឱ្យមានកិច្ចសហការនេះឡើង ផ្តោតសំខាន់ទៅលើការជួយបណ្តុះបណ្តាលធនធានមនុស្ស ការផ្លាស់ប្តូរបទពិសោធន៍ ការឧបត្ថម្ភសម្ភារៈបច្ចេកទេសចាំបាច់ ​និងការសិក្សាស្រាវជ្រាវនានា សម្រាប់បម្រើផល​ប្រយោជន៍វិស័យសុខាភិបាលនៅកម្ពុជា។ឯកឧត្តមសាស្រ្តាចារ្យ គង់ សន្យា សង្ឃឹថា តាមរយៈការចុះអនុស្សរណៈយោគយល់រវាងភាគីទាំង​ពីរជាផ្លូវការនាពេលនេះនឹងបង្កើនចំណងមិត្តភាពយូរអង្វែងរវាងភាគីទាំងពីរ ជាមួយនឹងការផ្តល់​អត្ថប្រយោជន៍​ឱ្យគ្នាទៅវិញទៅមកនូវបច្ចេកទេសវេជ្ជសាស្ត្រ និងបទពិសោធន៍បច្ចុប្បន្នភាពសំដៅ​ជួយបង្កើនសមត្ថភាពដល់វេជ្ជបណ្ឌិតឯកទេសរបស់មន្ទីរពេទ្យកាល់ម៉ែត និងសមាគម​ចង្វាក់​បេះដូងសាធារណរដ្ឋកូរ៉េខាងត្បូង ​ដើម្បីបម្រើជូននូវសេវាសុខភាពផ្នែក​បេះដូងជូន​ដល់អ្នកជំងឺ និង​ក្រុមគ្រួសារ ដែលកំពុងត្រូវការជួយសង្គ្រោះពីវេជ្ជបណ្ឌិតជំនាញ៕ អត្ថបទ រដ្ឋា

សេចក្តីសម្រេចរបស់ICC បើកផ្លូវឲ្យមានការស៊ើបអង្កេតលើការសម្លាប់មនុស្សនៅប្រទេសហ្វីលីពីន

2023/07/19 06:30:08 pm        251
Facebook Telegram Linkin
ហ្វីលីពីន៖ ចៅក្រមសាលាឧទ្ធរណ៍នៅតុលាការព្រហ្មទណ្ឌអន្តរជាតិ (ICC) បានបើកផ្លូវឲ្យមានការស៊ើបអង្កេតលើការសម្លាប់មនុស្សរាប់ពាន់នាក់ ក្នុងអំឡុងពេល«សង្គ្រាមប្រឆាំងគ្រឿងញៀន»របស់ប្រទេសហ្វីលីពីន ជាដំណើរការមួយដែល ក្រុមគ្រួសារជនរងគ្រោះ និងក្រុមស្តាំនិយម បានសាទរជាជំហានមួយទៀតឆ្ពោះទៅរកយុត្តិធម៌។នៅក្នុងសេចក្តីសម្រេចមួយកាលពីថ្ងៃទី១៨ ខែកក្កដា ចៅក្រមឧទ្ធរណ៍របស់ICC បានច្រានចោលកិច្ចខិតខំប្រឹងប្រែងរបស់ហ្វីលីពីនក្នុងការរារាំងការស៊ើបអង្កេតលើយុទ្ធនាការប្រឆាំងគ្រឿងញៀនដ៏បង្ហូរឈាមរបស់អតីតប្រធានាធិបតី លោក រ៉ូឌ្រីហ្គោ ឌូទែរើតេ (Rodrigo Duterte) ។ តំណាងរបស់លោកបាននិយាយថា រូបលោកនឹងមិនអើពើនឹងការសម្រេចចិត្តនោះទេ។អតីតអ្នកនាំពាក្យរបស់លោក ឌូទែរើតេ គឺលោក Harry Roque បាននិយាយនៅក្នុងសេចក្តីថ្លែងការណ៍មួយថា ក្នុងនាមជារដ្ឋឯករាជ្យ និងអធិបតេយ្យភាព មានតែតុលាការហ្វីលីពីនប៉ុណ្ណោះ ដែលអាចកាត់ទោសឧក្រិដ្ឋកម្មណាមួយ ដែលបានប្រព្រឹត្ត នៅក្នុងទឹកដីហ្វីលីពីន។លោក Roque បាននិយាយថា អតីតប្រធានាធិបតីរូបនេះ នឹងប្រឈមមុខជាមួយអ្នកចោទប្រកាន់របស់លោកគ្រប់ពេលវេលា ប៉ុន្តែនៅចំពោះមុខតុលាការហ្វីលីពីន និងចំពោះមុខក្រុមចៅក្រមហ្វីលីពីន តែប៉ុណ្ណោះ។នៅខែកញ្ញា ឆ្នាំ ២០២១ តុលាការICC បានអនុម័តការស៊ើបអង្កេតជាផ្លូវការលើឧក្រិដ្ឋកម្មប្រឆាំងមនុស្សជាតិដែលត្រូវបានចោទប្រកាន់ថា បានប្រព្រឹត្តក្រោមការដឹកនាំរបស់លោក ឌូទែរើតេ ប៉ុន្តែតុលាការនេះ បានផ្អាកការស៊ើបអង្កេតរបស់ខ្លួននៅក្នុងខែវិច្ឆិកា ឆ្នាំ ២០២១ តាមសំណើរបស់ទីក្រុងម៉ានីល ដែលបាននិយាយថា ខ្លួនកំពុងធ្វើការស៊ើបអង្កេត៕

កម្មកររីករាយចំពោះការយកចិត្តទុកដាក់របស់សម្ដេចតេជោ ក្នុងការផ្ដល់រថយន្តដឹកពួកគេទៅបោះឆ្នោត

2023/07/19 06:26:14 pm        462
Facebook Telegram Linkin
ភ្នំពេញ៖ កម្មករកម្មការិនី កំពុងបម្រើការងារតាមរោងចក្រក្នុងមូលដ្ឋានរាជធានីភ្នំពេញ បានបង្ហាញអារម្មណ៍ សប្បាយចិត្តចំពោះការយកចិត្តទុកដាក់របស់សម្ដេចតេជោ ហ៊ុន សែន នាយករដ្ឋមន្ត្រី មកលើពួកគេ តាម រយៈការផ្ដល់រថយន្តដឹកជញ្ជូនពួកគេទៅបោះឆ្នោត ដែលនឹងជួយកាត់បន្ថយការចំណាយលើមធ្យោបាយ ធ្វើដំណើរទៅមក ។ក្រុមកម្មករ កម្មការិនី បានលើកឡើងថា ជាការប្រសើរណាស់ ដែលមានការគិតគូរសម្រាប់ពួកគេ ក៏ដូចជាពលរដ្ឋទូទៅដទៃផ្សេងទៀត​ ក្នុងការសម្រួលដល់ការធ្វើដំណើរទៅចូលរួមបោះឆ្នោត ដើម្បីបំពេញ​ តួនាទីរបស់ខ្លួនជាពលរដ្ឋល្អ ​ក៏ដូចជាការបំពេញសិទ្ធិជាម្ចាស់ឆ្នោត ក្នុងការ​សម្រេច​ចិត្តជ្រើសរើសថ្នាក់ ដឹកនាំដែលខ្លួនពេញចិត្ត ​ដើម្បីបន្តដឹកនាំប្រទេសទៅមុខបន្តទៀតផងដែរ ។រដ្ឋបាលរាជធានីភ្នំពេញ នឹងរៀបចំរថយន្តក្រុងចំនួន៣៥០គ្រឿង នៅតាមចំណត ចំនួន១០កន្លែង ក្នុងរាជធានីភ្នំពេញ ដើម្បីដឹកជញ្ចូនកម្មករ និយោជិត និងប្រជាពលរដ្ឋទូទៅទាំងអស់ ទៅ​កាន់ស្រុកកំណើត ​ដើម្បីធ្វើការបោះឆ្នោតជ្រើសតាំងតំណាងរាស្ត្រ នីតិកាលទី៧ ដោយ​ប្រើរយៈពេល​០៣ថ្ងៃ គឺចាប់ពី ថ្ងៃទី២២ ដល់ថ្ងៃទី២៤ ខែកក្កដា ឆ្នាំ២០២៣ ៕ អត្ថបទ៖ លីហេង

អ្នកនាំពាក្យអំពាវនាវ បណ្ដាគណបក្សនយោបាយបន្តប្រកាន់ភាពចាស់ទុំ ឆ្ពោះទៅបិទបញ្ចប់ការឃោសនា

2023/07/19 06:17:16 pm        296
Facebook Telegram Linkin
ភ្នំពេញ៖ ឯកឧត្ដម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានអំពាវនាវដល់បណ្ដាគណបក្សនយោបាយនានា បន្តប្រកាន់ខ្ជាប់ភាពចាស់ទុំក្នុងការធ្វើ​សកម្មភាពឃោសនាស្វែងរកសំឡេងឆ្នោតដើម្បីឆ្ពោះទៅបិទយុទ្ធនាការឃោសនាបោះឆ្នោតនាថ្ងៃទី២១ ខែកក្កដា ឆ្នាំ២០២៣ខាងមុខនេះ។ ឯកឧត្ដមបានថ្លែងថា រយៈពេលជិត ២០ ថ្ងៃនៃយុទ្ធនាការឃោសនាបោះឆ្នោតជ្រើសតាំង​តំណាងរាស្ត្រ​នីតិកាលទី៧ ឆ្នាំ២០២៣ ​គណបក្សនយោបាយនានា បានធ្វើសកម្មភាពឃោសនា​បោះឆ្នោតបានប្រព្រឹត្តទៅដោយរលូន មានសន្តិសុខ សុវត្ថិភាព សណ្ដាប់ធ្នាប់ល្អ និងគ្នាន អំពើហិង្សាណាមួយកើតឡើងឡើយ។ឯកឧត្ដមបន្តថា រហូតមកដល់ពេលនេះ គ.ជ.ប បាបនអនុវត្តស្របតាមនីតិវិធីច្បាប់​ដែលបានចែក​ដោយធ្វើយ៉ាងណាបម្រើសេវាកម្មបម្រើដល់អ្នកបោះឆ្នោតឱ្យអស់ពីលទ្ធភាព ក្នុងនោះមានដូចជា​ការរៀបចំបញ្ជាក់ឯកសារបម្រើដល់ការបោះឆ្នោតជាដើម ដើម្បីធ្វើយ៉ាងណាឱ្យប្រជាពលរដ្ឋដែល​មាន​ឈ្មោះក្នុងបញ្ជីអាចទៅបោះឆ្នោតបាន​ និងការបោះឆ្នោតដំណើការទៅបានដោយរលូន នាថ្ងៃទី២៣ ខែកក្កដាខាងមុខនេះ។សូមជម្រាបជូនថាការឃោសនាបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ នឹងត្រូវបិទបញ្ចប់​នៅថ្ងៃទី ២១ ខែកក្កដា ឆ្នាំ២០២៣នេះ ខណៈប្រជាពលរដ្ឋដែលមានឈ្មោះ​ក្នុង​បញ្ជីបោះឆ្នោតជាង ៩ លាន ៧ សែននាក់នឹងអញ្ជើញទៅចូលរួមបោះឆ្នោតនាថ្ងៃទី២៣ ខែកក្កដា ឆ្នាំ២០២៣ខាងមុខនេះ នៅតាមមណ្ឌលបោះឆ្នោតចំនួន ១២៥ នៅទូទាំង ២៥ រាជធានី-ខេត្តក្នុង​ប្រទេសសកម្ពុជា៕ អត្ថបទ៖ វ៉ន ដារ៉ា

ឯកឧត្តម ហ៊ុន ម៉ានី៖ បក្សប្រជាជនកម្ពុជា នាំមកនូវការរីកចម្រើន និងនៅជាមួយប្រជាពលរដ្ឋជានិច្ច

2023/07/19 06:07:55 pm        245
Facebook Telegram Linkin
កំពង់ស្ពឺ៖ ឯកឧត្តម ហ៊ុន ម៉ានី អនុប្រធានទី១ ក្រុមការងារគណបក្សប្រជាជនកម្ពុជា ចុះមូលដ្ឋាន​ជួយ​ខេត្តកំពង់ស្ពឺ បានលើកឡើងនៅចំពោះមុខប្រជាពលរដ្ឋថា ​គណបក្សប្រជាជនកម្ពុជា មិនដែល​អះអាងថា​ ខ្លួនល្អឥតខ្ចោះនោះទេ ​តែគណបក្សប្រជាជនកម្ពុជា បាននាំមកវិញនូវការ​រីកចម្រើន និងតែងនៅជាមួយប្រជាពលរដ្ឋគ្រប់គ្រាលំបាកទាំងអស់។ នេះជាការលើកឡើងនៅថ្ងៃទី ១៩ ខែកក្កដា ឆ្នាំ ២០២៣ ក្នុងការជួបសំណេះសំណាលជាមួយប្រជាពលរដ្ឋជាសមាជិក រស់នៅ​មូលដ្ឋាន​រស់នៅក្រុងឧដុង្គម៉ែជ័យ​ និងស្រុកសាមគ្គីមុនីជ័យ ខេត្តកំពង់ស្ពឺ។ឯកឧត្តម ហ៊ុន ម៉ានី អនុប្រធានទី ១ ក្រុមការងារគណបក្សប្រជាជនកម្ពុជា ចុះមូលដ្ឋានជួយ​ខេត្តកំពង់ស្ពឺ​ បានលើកឡើងនៅចំពោះមុខប្រជាពលរដ្ឋរស់នៅក្រុង ​ឧដុង្គម៉ែជ័យ​ និងស្រុក សាមគ្គីមុនីជ័យ ​ខេត្តកំពង់ស្ពឺថា​ គណបក្សប្រជាជនកម្ពុជា មិនដែលអះអាងថាខ្លួនល្អ​ឥតខ្ចោះ​នោះទេ។ ទោះគណបក្សប្រជាជនកម្ពុជាមិនល្អឥតខ្ចោះក្ដី ​តែគណបក្សប្រជាជនកម្ពុជា ជា​អ្នករំដោះជីវិតប្រជាពលរដ្ឋ ​និងជាអ្នកនាំមកនូវការរីកចម្រើន​ ផ្ដល់សុខសន្តិភាព ភាពសុខសាន្តដល់ប្រជាពលរដ្ឋកម្ពុជា។ លើសពីនេះ គឺគណបក្សប្រជាជនកម្ពុជា តែងនៅជាមួយប្រជាពលរដ្ឋជានិច្ច គ្រប់កាលៈទេសៈទាំងអស់ ហើយក៏ជាគណបក្សដែលប្រជាពលរដ្ឋអាចពឹងពាក់​បានគ្រប់ពេលវេលាផងដែរ។ ឯកឧត្តម លើកឡើងដែរថាគ្រប់យ៉ាងដែលប្រជាពលរដ្ឋកម្ពុជា កំពុងទទួលបានក្នុងពេលបច្ចុប្បន្នគឺកើតចេញពីគោលនយោបាយរបស់គណបក្សប្រជាជនកម្ពុជា។ ឯកឧត្តមបន្តថា ការបោះឆ្នោតជូនគណបក្សប្រជាជនកម្ពុជា ជាការបោះឆ្នោតជូនខ្លួនឯង។ទន្ទឹមនឹងការលើកឡើងរបស់ ឯកឧត្តម ហ៊ុន ម៉ានី សម្រាប់ប្រជាពលរដ្ឋវិញ ក៏មើលឃើញជាក់ស្ដែងពីកិច្ចប្រឹងប្រែងរបស់គណបក្សប្រជាជនកម្ពុជាផងដែរ។ ពួកគេថាបានរស់រានមានជីវិត ​ពីរបបប្រល័យពូជសាសន៍ខ្មែរក្រហម ​គឺដោយសារការជួយពី គណបក្សប្រជាជនកម្ពុជា ​ការទទួលបានវ៉ាក់សាំងគេចផុតពីគ្រោះថ្នាក់កូវីដ ១៩ ក៏ដោយសារ​តែគណបក្សប្រជាជនកម្ពុជា។ ពួកគេក៏មើលឃើញដែរថា គណបក្សប្រជាជនពិតជានៅជាប់ជាមួយប្រជាពលរដ្ឋជានិច្ច​ពិតប្រាកដមែន​ ហើយក៏បានធ្វើអោយសង្គមកម្ពុជា ក៏ដូចជានៅតាមមូលដ្ឋានមានការផ្លាស់ប្ដូរ​កាន់តែប្រសើរឥតឈប់ឈរ។ខណៈការបោះឆ្នោតកាន់តែខិតចូលមកដល់ ឯកឧត្តម ហ៊ុនម៉ានី ក៏បានក្រើនរម្លឹកទៅពលរដ្ឋអោយត្រៀមរួចរាល់នូវ អត្តសញ្ញាប័ណ្ណ ក៏ដូចជាឯកសារបញ្ជាក់​អត្តសញ្ញាណ សម្រាប់ប្រើប្រាស់ក្នុងការបោះឆ្នោត ​គូសសន្លឹកឆ្នោតអោយបានត្រឹមត្រូវ ដើម្បី​អោយសន្លឹកឆ្នោតនោះក្លាយជាសន្លឹកឆ្នោតបានការ នៃការបោះឆ្នោតជ្រើសតាំងតំណាងរាស្ត្រ​នៅថ្ងៃទី២៣ ខែកក្កដាខាងមុខនេះ៕អត្ថបទ.គឹមហុក

ឯកឧត្តម វេង សាខុន សំណេះសំណាល និងណែនាំរបៀបគូសសន្លឹកឆ្នោតឱ្យបានត្រឹមត្រូវជូនប្រជាពលរដ្ឋឃុំគគរ និងកោះមិត្ត

2023/07/19 05:59:39 pm        256
Facebook Telegram Linkin
កំពង់ចាម៖ ឯកឧត្តម វេង សាខុន ប្រធានក្រុមការងារគណបក្ស ប្រជាជនកម្ពុជាចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម និងក្រុមការងារ នៅព្រឹកថ្ងៃទី១៩ ខែកក្កដា ឆ្នាំ២០២៣ បានអញ្ជើញចុះសំណេះសំណាល និងណែនាំអំពីរបៀបគូសសន្លឹកឆ្នោតឱ្យបានត្រឹមត្រូវជូនដល់លោកយាយ លោកតា លោកអ៊ុំ ពូ មីង និងបងប្អូនសមាជិកគណបក្សនៅឃុំគគរចំនួន ១៧០នាក់ និងឃុំកោះមិត្តចំនួន ១៨០នាក់។អង្គពិធីបានប្តេជ្ញាបន្តគាំទ្រសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីក្នុងអាណត្តិថ្មីនេះ និងអាណត្តិក្រោយៗទៀត ដោយនឹងទៅបោះឆ្នោតជូនគណបក្សប្រជាជនកម្ពុជាលេខរៀងទី១៨ លើសន្លឹកឆ្នោត ទាំងអស់គ្នា "ជយោគណ បក្សប្រជាជនកម្ពុជា មានគណបក្សប្រជាជនកម្ពុជា គឺមានសុខសន្តិភាព ស្ថិរភាពសង្គម និងការអភិវឌ្ឍ" ។ សូមជម្រាបជូនថា គិតត្រឹមថ្ងៃ១៩ ខែកក្កដា ឆ្នាំ២០២៣ ក្រុមការងារគណបក្សចុះ មូលដ្ឋានស្រុក ឃុំ និងភូមិ រួមទាំងមន្ត្រីគណបក្សមូលដ្ឋានបានអញ្ជើញចុះឃោសនាផ្សព្វផ្សាយគោលនយោបាយរបស់គណបក្ស និងបង្រៀនគូសសន្លឹកឆ្នោតនៅតាមខ្នងផ្ទះរបស់សមាជិក សមាជិកាគណបក្សទូទាំងស្រុកកំពង់សៀមបានចំនួន ២៥,១៧១ ខ្នងផ្ទះ និងមានសមាជិកចូលរួមចំនួន ៥០,៩៤៩នាក់ ស្នើនឹង ៨៥%៕

ឱកាសចុងក្រោយសម្រាប់ លោក ភីថា ដើម្បីក្លាយជានាយករដ្ឋមន្ត្រីរបស់ប្រទេសថៃ ខណៈសភាធ្វើការបោះឆ្នោត

2023/07/19 04:56:19 pm        390
Facebook Telegram Linkin
ថៃ៖ មេដឹកនាំគណបក្សឆ្ពោះទៅមុខ (Move Forward) ដែលឈ្នះការបោះឆ្នោតរបស់ប្រទេសថៃ បានត្រៀមខ្លួនសម្រាប់អ្វីដែលអាចជាឱកាសចុងក្រោយរបស់លោក ក្នុងការបានក្លាយជានាយករដ្ឋមន្ត្រីនៅថ្ងៃពុធ (ទី១៩ ខែកក្កដា) ខណៈដែលសភា ដែលបានបដិសេធរូបលោក កាលពីសប្តាហ៍មុន បានកោះប្រជុំ សម្រាប់ការបោះឆ្នោតលើកទី២ របស់ខ្លួន ដើម្បីជ្រើសរើសនាយករដ្ឋមន្ត្រី។ប្រទេសថៃត្រូវបានគ្រប់គ្រងដោយរដ្ឋាបាលចាំផ្ទះ ចាប់តាំងពីខែមីនាមក ហើយពេលនេះ ៦៥ថ្ងៃ បានកន្លងផុតទៅហើយ គិតចាប់តាំងពីការមានជ័យជម្នះនៃការបោះឆ្នោតដ៏គួរឲ្យភ្ញាក់ផ្អើលរបស់គណបក្សឆ្ពោះទៅមុខ (Move Forward) លើគណបក្សដែលគាំទ្រដោយយោធារាជានិយម ពោលគឺបន្ទាប់ពីរយៈពេល ៩ឆ្នាំរបស់រដ្ឋាភិបាល ដែលដឹកនាំដោយឧត្តមសេនីយ៍។លោក ភីថា លីមចារើនរ៉ាត់ (Pita Limjaroenrat) វ័យ ៤២ឆ្នាំ ដែលជាអ្នកសេរីនិយមបញ្ចប់ការសិក្សានៅសហរដ្ឋអាមេរិកនោះ ត្រូវការការគាំទ្រជាងពាក់កណ្តាលពីសភាទាំងពីរ ដើម្បីទទួលបានការអនុម័តជានាយករដ្ឋមន្ត្រីបន្ទាប់របស់ប្រទេសថៃ ប៉ុន្តែត្រូវតែយកឈ្នះការជំទាស់យ៉ាងខ្លាំងក្លាពីពួកយោធា ដែលមិនស្របតាមមហិច្ឆតាប្រឆាំងនៃគណបក្សរបស់លោក។ច្បាប់សភាដែលតាក់តែងដោយពួកយោធា បន្ទាប់ពីការធ្វើរដ្ឋប្រហារឆ្នាំ២០១៤ និងភាពលម្អៀងរបស់ច្បាប់នេះ បានផ្ដល់ភាពបរាជ័យដល់លោក ភីថា ក្នុងការបោះឆ្នោតជុំទី១ នៅពេលដែលរូបលោក ត្រូវបានរារាំងដោយព្រឹទ្ធសភាដែលតែងតាំងដោយសម្ព័ន្ធមិត្តឧត្តមសេនីយ៍ជាមួយក្រុមអភិរក្សនិយម និងក្រុមគ្រួសារអ្នកមានទ្រព្យធនដែលមានឥទ្ធិពលយូរមកហើយលើលទ្ធិប្រជាធិបតេយ្យរបស់ប្រទេសថៃ៕

កូរ៉េខាងជើង បានបាញ់មីស៊ីល២គ្រាប់ បន្ទាប់ពីនាវាមុជទឹកបំពាក់នុយក្លេអ៊ែរអាមេរិក បានទៅដល់កូរ៉េខាងត្បូង

2023/07/19 04:28:56 pm        160
Facebook Telegram Linkin
 កូរ៉េខាងជើង៖ យោធាជប៉ុន និងកូរ៉េខាងត្បូង បាននិយាយថា កូរ៉េខាងជើង បានបាញ់មីស៊ីលបាលីស្ទីកចំនួន២គ្រាប់ ចូលក្នុងសមុទ្រភាគខាងកើតរបស់ខ្លួន ប៉ុន្មានម៉ោងប៉ុណ្ណោះបន្ទាប់ពីនាវាមុជទឹកបំពាក់មីស៊ីលនុយក្លេអ៊ែររបស់សហរដ្ឋអាមេរិក បានទៅដល់កំពង់ផែកូរ៉េខាងត្បូងជាលើដំបូងក្នុងរយៈពេល៤០ឆ្នាំមិនធ្លាប់មាន។ក្រសួងការពារជាតិជប៉ុននិយាយថា មីស៊ីលទាំង២គ្រាប់ដែលត្រូវបានបាញ់នៅព្រឹកថ្ងៃពុធនេះ ទំនងជាបានធ្លាក់នៅខាងក្រៅតំបន់សេដ្ឋកិច្ចផ្ដាច់មុខរបស់ប្រទេសជប៉ុន ។ នាយសេនាធិការចម្រុះរបស់កូរ៉េខាងត្បូង (JCS) បានអំពាវនាវឲ្យកូរ៉េខាងជើងកាត់បន្ថយការបាញ់សាកល្បងមីស៊ីលទាំងនេះ។ នាយសេនាធិការចម្រុះរបស់កូរ៉េខាងត្បូង បាននិយាយនៅក្នុងសេចក្ដីថ្លែងការណ៍មួយថា យើងថ្កោលទោសយ៉ាងខ្លាំងនូវសកម្មភាពបាញ់មីស៊ីលបាលីស្ទីករបស់កូរ៉េខាងជើង ថាជាទង្វើបង្កហេតុដ៏ធ្ងន់ធ្ងរ ដែលប៉ះពាល់ដល់សន្តិភាព និងសុវត្ថិភាពនៅឧបទ្វីបកូរ៉េ ព្រមទាំងសហគមន៍អន្តរជាតិ និងជាការបំពានយ៉ាងច្បាស់នៃសេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ។ លោក យ៉ាស៊ូកាស៊ុ ហាម៉ាដា (Yasukazu Hamada) រដ្ឋមន្ត្រីការពារជាតិជប៉ុន បានប្រាប់ក្រុមអ្នកសារព័ត៌មានថា មីស៊ីលទី១ បានហោះក្នុងរយៈកម្ពស់៥០គីឡូម៉ែត្រ និងចម្ងាយ៥៥០គីឡូម៉ែត្រ ចំណែកមីស៊ីលទី២ បានហោះក្នុងរយៈកម្ពស់៥០ គីឡូម៉ែត្រ និងចម្ងាយ៦០០គីឡូម៉ែត្រ ។ គួរឲ្យដឹងថា ការបាញ់នេះ បានកើតឡើង មិនដល់មួយសប្ដាហ៍ផងទេ បន្ទាប់ពីកូរ៉េខាងជើងបានបាញ់មីស៊ីលបាលីស្ទីកអន្តរទ្វីបដំណើរការដោយឥន្ធនៈរឹង វ៉ាសុង-១៨ (Hwasong-18) ចុងក្រោយបំផុតរបស់ខ្លួន ដែលក្រុងព្យុងយ៉ាង និយាយថាជាការព្រមានដល់សហរដ្ឋអាមេរិក និងគូសត្រូវផ្សេងទៀត ៕

បណ្ដាញសង្គម

ព័ត៌មានថ្មីៗ

អង្គភាពប្រឆាំងអំពើពុករលួយបានបញ្ជូនសំណុំរឿង៤ករណីនៃឃុំព្រែកខ្សាច់ទៅសាលាដំបូងរាជធា​​នី​​​​ភ្នំ​​​​​ពេ​​​​​​​ញ
09/29/2026 08:09 PM
Facebook Telegram Linkin
ក្រសួងការងារ និងសេវាកម្មវាយតម្លៃសកល AQA នៃចក្រភពអង់គ្លេស ចុះ MoU ពង្រឹងភាពជាដៃគូអភិវឌ្ឍជំនាញ និងការពង្រឹងគុណភាព TVET ដើម្បីលើកកម្ពស់ជំនាញកម្លាំងពលកម្មស្របតាមតម្រូវការឧស្សាហកម្ម និងបច្ចេកវិទ្យា
09/29/2026 08:09 PM
Facebook Telegram Linkin
នេប៉ាល់ផ្អាកប្រតិបត្តិការស្វែងរក បន្ទាប់​ពី​មនុស្ស ១៦នាក់ បានប៉ើង​ទៅតាម​បំណាក់​​ទឹកកក ​
09/29/2026 07:09 PM
Facebook Telegram Linkin
ម្ចាស់សហគ្រាសផលិតសំបកវេចខ្ចប់ និងអ្នកវេចខ្ចប់ផលិតផល បានកំពុងរួមគ្នាបង្កើត និងគាំទ្រផលិតផលជាតិ
09/29/2026 07:09 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមពិធីចម្រើនព្រះបរិត្ត និងដាក់បិណ្ឌវេនទី៤ នៅវត្តឧណ្ណាលោម
09/29/2026 06:09 PM
Facebook Telegram Linkin
កងកម្លាំងអាមេរិកចាកចេញពីអ៊ីរ៉ាក់ ក្រោយរយៈពេល​ ២ទសវត្សរ៍ ដោយបើកផ្លូវឱ្យអ៊ីរ៉ង់បង្កើន​ឥទ្ធិពល​
09/29/2026 06:09 PM
Facebook Telegram Linkin
ទ្រព្យសកម្មក្នុងវិស័យ អ.ស.ហ. កើនដល់ជាង ៩ ប៊ីលានដុល្លារ និងបានបង្កើតការងារ ១៦ ពាន់កន្លែង
09/29/2026 06:09 PM
Facebook Telegram Linkin
អ៊ីរ៉ង់​គំរាមវាយប្រហារហេដ្ឋារចនាសម្ព័ន្ធ ក្នុងតំបន់ ប្រសិនបើសន្តិសុខរបស់ខ្លួន មិនត្រូវបានធានា
09/29/2026 06:09 PM
Facebook Telegram Linkin
សារព័ត៌មានរដ្ឋ៖ ការវាយប្រហារលើបំពង់បង្ហូរឧស្ម័ននៅភាគខាងកើតស៊ីរី បានធ្វើឲ្យការផ្គត់ផ្គង់ឧស្ម័នត្រូវផ្អាក
09/29/2026 06:09 PM
Facebook Telegram Linkin
បេសកជនរុស្ស៊ី៖ អាល្លឺម៉ង់ និងសហភាពអឹរ៉ុប មិនមានតួនាទីក្នុងកិច្ចចរចាអំពីអ៊ុយក្រែន
09/29/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.