សម្តេចធិបតីអះអាងជាថ្មីថាកម្ពុជាមិនស្លាប់ដោយសារតែគេបិទព្រំដែននោះទេ
សម្ដេចធិបតីជំរុញការគាំទ្រផលិតផលជាតិដើម្បីជាការបង្កើតឱ្យមានឱកាសទីផ្សារដំបូងដ៏មានសារៈសំខាន់
សម្ដេចធិបតី៖ ក្នុងបរិបទពហុវិបត្តិ ការពង្រឹងផលិតកម្មក្នុងស្រុក គឺជាការពង្រឹងភាពធន់នៃសេដ្ឋកិច្ចជាតិ
សម្តេចធិបតី អំពាវនាវដល់ ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណាក្ដី

នយោបាយ​ និង ការអភិវឌ្ឍន៍

អ្នកជំនាញUNមកដល់ហុងឌុយរ៉ាស ដើម្បីស្វែងរកការបង្កើតបេសកកម្មប្រឆាំងអំពើពុករលួយ

2023/07/10 05:00:49 pm        113
ហុងឌុយរ៉ាស៖ អាជ្ញាធរហុងឌុយរ៉ាស បានប្រកាសកាលពីថ្ងៃអាទិត្យថា បេសកកម្មរបស់ក្រុមអ្នកជំនាញUN បានមកដល់ប្រទេសហុងឌូរ៉ាស ដើម្បីត្រួតពិនិត្យពីការដំឡើងបេសកកម្មអន្តរជាតិប្រឆាំងអំពើពុករលួយនៅក្នុងប្រទេសអាមេរិកកណ្តាលនេះ ដែលញាំញីដោយអំពើពុករលួយរាលដាល ដែលបានធ្វើឲ្យភាពក្រីក្រ និងអន្តោប្រវេសន៍កាន់តែធ្ងន់ធ្ងរឡើង។  ប្រធានាធិបតីឆ្វេងនិយម លោកស្រី ស៊ីអូម៉ារ៉ា កាស្រ្តូ ( Xiomara Castro) បានសន្យាក្នុងអំឡុងយុទ្ធនាការរបស់លោកស្រីក្នុងការតែងតាំងគណៈកម្មការប្រឆាំងអំពើពុករលួយ ដែលគេស្គាល់ថា ជាគណៈកម្មការអន្តរជាតិប្រឆាំងនឹងអំពើពុករលួយ និងនិទណ្ឌភាពក្នុងប្រទេសហុងឌូរ៉ាស (CICIH)។ រយៈពេលមួយឆ្នាំកន្លះ បន្ទាប់ពីការឡើងកាន់តំណែង ក្រុមសង្គមស៊ីវិលមានការខកចិត្តនឹងការពន្យារពេលក្នុងដំណើរការនេះ ដោយសាររដ្ឋាភិបាល និងអង្គការសហប្រជាជាតិ មិនទាន់ឈានដល់កិច្ចព្រមព្រៀងស្តីពីវិសាលភាពនៃគណៈកម្មការដែលមានសក្តានុពល៕

លោក Zelenskiy ៖ កងកម្លាំងអ៊ុយក្រែនបានវាយរុលទៅមុខនិងបានគ្រប់គ្រងតំបន់ភាគខាងត្បូងក្រុងបាកមូដ

2023/07/10 04:56:49 pm        155
អ៊ុយក្រែន៖ ទាហានអ៊ុយក្រែន បានវាយសម្រុកតាមរយៈយុទ្ធនាការដណ្ដើមមកវិញនូវដែនដីទាំងឡាយដែលរុស្ស៊ី បានគ្រប់គ្រងនៅក្នុងភាគអាគ្នេយ៍កាលពីថ្ងៃអាទិត្យ ខណៈលោកប្រធានាធិបតី វ៉ូឡូឌីមៀ ហ្សេឡិនស្គី (Volodymyr Zelenskiy) បាននិយាយនៅក្នុងការអត្ថាធិប្បាយនៅក្នុងពេលចាកផ្សាយតាមទូរទស្សន៍ថា កងកម្លាំងប្រទេសរបស់លោកបានដណ្ដើមគ្រប់គ្រងដែនដីដំបូងបន្ទាប់ពីការវាយបកទៅមុខមានសភាពយឺតយ៉ាវ។  កងទ័ពរុស្ស៊ី និយាយថា ការវាយប្រហារដ៏ខ្លាំងក្លាបានកក្រើកពេញតំបន់នានានៅខាងក្រៅភាគខាងកើតទីក្រុងបាកមូដ (Bakhmut) ដែលត្រូវបានកងកម្លាំងទាហានស៊ីឈ្នួលរុស្ស៊ីដណ្ដើមកាន់កាប់កាលពីខែឧសភា បន្ទាប់ពីសមរភូមិប្រយុទ្ធដ៏ក្ដៅគគុកជាច្រើនខែ។ មេដឹកនាំតំបន់ ឆេកឈ្នី( Chechen) លោក រុំាំហ្សាន កាឌីរ៉ូ (Ramzan Kadyrov) បាននិយាយថា មួយក្នុងចំណោមអង្គភាពជាច្រើនរបស់លោកត្រូវបានដាក់ពង្រាយក្នុងតំបន់នេះ។ ដោយត្រូវបានបំពាក់កាន់តែច្រើនដោយគ្រឿងសព្វាវុធទំនើបៗ របស់លោកខាងលិច បន្ទាប់ពីសង្រ្គាមមានរយៈពេលជាង៥០០ថ្ងៃ អ៊ុយក្រែន បានបើកការវាយលុកដែលបានរំពឹងទុកផ្ដោតលើការដណ្ដើមយកមកវិញនូវភូមិឋានមួយចំនួន ក្នុងភាគនិរតី ។ កងកម្លាំងរបស់ខ្លួនក៏បានព្យាយាមដណ្ដើមតំបន់នានាជុំវិញទីក្រុង Bakhmut យកមកវិញផងដែរ។ អនុរដ្ឋមន្ត្រីការពារជាតិអ៊ុយក្រែន លោកស្រី ហាណាម៉ាលីយ៉ា (Hanna Maliar) បានសរសេរលើតេឡេក្រាមថា ការវាយប្រយុទ្ធគ្នាដ៏ខ្លាំងក្លាបានកើនឡើងក្នុងតំបន់២នៅភាគអាគ្នេយ៍។  លោក Zelenskiy ត្រូវបានផ្ដល់បទសម្ភាសន៍នៅលើបណ្ដាញទូរទស្សន៍ ABC របស់សហរដ្ឋអាមេរិក មុនកិច្ចប្រជុំកំពូលរបស់សម្ព័ន្ធយោធាណាតូ នៅសប្ដាហ៍នេះ ក្នុងប្រទេសលីទុយអានី ជាទីដែលអ៊ុយក្រែនសង្ឃឹមថានឹងទទួលបានការចង្អុលបង្ហាញដ៏ច្បាស់លាស់អំពីទាំងអនាគតនៃការចូលជាសមាជិក ក្នុងសម្ព័ន្ធយោធារបស់លោកខាងលិចមួយនេះ ទាំងការធានាសន្តិសុខឲ្យអ៊ុយក្រែន៕

ឯកឧត្តម ហ៊ុន ម៉ាណែត៖ គោលនយោបាយគណបក្សប្រជាជនមិនគិតអំពីអ្នកមានអ្នកក្រនោះទេ

2023/07/10 03:55:28 pm        238
ឯកឧត្តម ហ៊ុន ម៉ាណែត បេក្ខភាពនាយករដ្ឋមន្រ្តី នៃកម្ពុជានាពេលអនាគត បានថ្លែងអះអាងថា គោលនយោបាយ​របស់គណបក្សប្រជាជនកម្ពុជា មិនដែលគិតអំពីអ្នកមាន អ្នកមធ្យម និងអ្នកក្រ ដូចការ​លាបពណ៌របស់ជនមួយចំនួនតូចនោះឡើយ ខណៈគោលនយោបាយបក្សប្រជាជន ឬ​រាជរដ្ឋាភិបាល​មាន​តែខិតខំពង្រឹង ជីវភាព​របស់​ប្រជាពលរដ្ឋ​ឲ្យ​កាន់​តែ​ រីកចម្រើន​បន្ថែម​ទៀត​តាំង​ពី​ដើម​រហូត​មក។តាមរយៈវិដេអូឃ្លីជាង ៦នាទី ដែលបានបង្ហោះលើបណ្តាញសង្គមតេលេក្រាម និង​ហ្វេសបុក​នាព្រឹក​ថ្ងៃទី១០ ខែកក្កដា ឆ្នាំ២០២៣ ឯកឧត្តម ហ៊ុន ម៉ាណែត បានបញ្ជាក់ថា រាជ​រដ្ឋាភិបាល​ដែលដឹកនាំ​ដោយគណបក្សប្រជាជនកម្ពុជា​ពុំដែលគិតអំពីវណ្ណៈនោះទេ ពោល​គឺ​គិត​បង​ប្អូន​ប្រជាពលរដ្ឋ​ទាំង​អស់ជាខ្មែរតែ មួយ​ជា​ពិសេស​អ្នក​ដែល​មាន​ជីវភាព​ក្រីក្រ គឺ​ត្រូវ​បាន​គិត​គួរ​ច្រើន​ជាង​គេ ដើម្បីធ្វើយ៉ាងណាឲ្យពួកគាត់ក្លាយទៅជាអ្នកមានជីវភាពមធ្យម ឬ​ក្លាយ​ទៅ​ជា​អ្នក​មាន​ធូរធារនៅក្នុងសង្គម។ឯកឧត្តម ហ៊ុន ម៉ាណែត បានបញ្ជាក់បន្ថែមទៀតថា គោលដៅដ៏ធំរបស់រាជរដ្ឋាភិបាល គឺអភិវឌ្ឍន៍ ប្រទេស​ឲ្យកាន់តែរីកចម្រើនបន្ថែមទៀត កាត់បន្ថយភាពក្រីក្រ គឺកាត់បន្ថយអត្រាអ្នកក្រីក្រ មាន​ន័យ​ថា​ជួយ​អ្នកក្រីក្រ​ឲ្យចេញពីចំណាត់ថ្នាក់ ដែលគេចាត់ទុកថាជាអ្នកក្រីក្រនោះ ធ្វើយ៉ាង​ណា​ឲ្យ​ចំណូល​របស់​ពួកគាត់កាន់តែច្រើនឲ្យកូនគាត់ ឬចៅគាត់មានឱកាសកាន់តែល្អ ហ្នឹង​ហើយ​ដែល​រាជ​រដ្ឋាភិបាលត្រូ​វជួយ និងត្រូវយកចិត្តទុកដាក់គ្រប់កាលៈទេសៈទាំងអស់នោះ។ តាមរយៈវិដេអូឃ្លីបដដែលនេះដែរ ឯកឧត្តម ហ៊ុន ម៉ាណែត ក៏បានលើកឡើងផងដែរថា អ្នក​មាន​ជីវភាព​ធូរធារ អ្នកមានជីវភាពមធ្យម និងអ្នកមានជីវភាពខ្សត់ខ្សោយមិនត្រូវស្អប់គ្នាទេ ត្រូវ​យក​អាសា​គ្នា​ទៅ​វិញទៅមក ហើយអ្វីដែលរាជរដ្ឋាភិបាលដឹកនាំដោយសម្តេចតេជោ ដោយ​គណបក្ស​ប្រជាជន​កម្ពុជា ផ្តោតលើគោលនយោបាយក្នុងការជួយអ្នកទាំង៣នេះ ឱ្យរីកចម្រើទាំងអស់គ្នា ព្រោះ​ទាំង៣នេះជាជនជាតិខ្មែរ ជាប្រជាពលរដ្ឋខ្មែរដែលចូលរួម ដើម្បីឱ្យខ្មែរយើងខ្លាំង និង​រីក​ចម្រើន៕ អត្ថបទ៖ បាន ចក់ សូមស្ដាប់ប្រសាសន៍ឯកឧត្ដម ហ៊ុន ម៉ាណែតតាមរយៈLink https://t.me/btvnewscambodia/103751

ឯកឧត្តមបណ្ឌិត ម៉ឹង មករា ដឹកនាំយុវជនគណបក្សចំនួន ៥០០០នាក់ ធ្វើយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧

2023/07/09 08:25:58 pm        442
កំពង់ចាម៖ ឯកឧត្តមបណ្ឌិត ម៉ឹង មករា ប្រធានក្រុមការងារជនបង្គោល គណបក្សប្រជាជនកម្ពុជា ចុះជួយ ស្រុកជើងព្រៃ ខេត្តកំពង់ចាម នាថ្ងៃទី៨ ខែកក្កដា ម្សិលមិញនេះ បានដឹកនាំយុវជន​គណបក្សចំនួន ៥០០០នាក់ ធ្វើយុទ្ធនាការឃោសនាបោះឆ្នោតជ្រើសតាំង​តំណាងរាស្ត្រ នីតិកាលទី៧ ឆ្នាំ២០២៣ ដោយមានការសហការ និងចូលរួមពីថ្នាក់ដឹកនាំ និងសកម្មជនគណបក្សស្រុកជើងព្រៃ ខេត្តកំពង់ចាម ផងដែរ។ ឯកឧត្តមបណ្ឌិត ម៉ឹង មករា បានដាស់តឿនរំលឹកដល់សកម្មជនបក្ស ក្នុងនាមគណបក្សដែលមាន​ភាពចាស់ទុំ សូមឱ្យសកម្មជនគណបក្សទាំងអស់គោរពយ៉ាងខ្ជាប់ខ្ជួនតាមច្បាប់ ​បទបញ្ជា និងនីតិវិធីនៃការបោះឆ្នោត ​ដើម្បីធានាឱ្យការបោះឆ្នោតប្រព្រឹត្តទៅដោយជោគជ័យ ប្រកប​ដោយលក្ខណៈសេរី ត្រឹមត្រូវ និងយុត្តិធម៌។ ឯកឧត្តមបណ្ឌិត ម៉ឹង មករា ក៏បានលើកទឹកចិត្ដដល់ថ្នាក់ដឹកនាំ សមាជិក សមាជិកាគណបក្ស​ទាំងអស់ ធ្វើខ្លួនជាកម្លាំងចលករក្នុងការពង្រឹងការងារឃោសនាអប់រំគោលនយោបាយបក្ស និង​បំផុសចលនាមហាជនក្នុងមូលដ្ឋាន ឲ្យមកចូលរួមរស់ជីវភាពនយោបាយជាមួយ​គណបក្ស​ប្រជាជនកម្ពុជា​ ដែលជាគណបក្សធំជាងគេ ​មានសមាជិកច្រើនជាងគេ មានគោលនយោបាយ​ច្បាស់លាស់ និងមានសក្តានុពលភាពជាងគេ ក្នុងការគ្រប់គ្រង ដឹកនាំ និងកសាងប្រទេសជាតិ ឱ្យមានសុខសន្តិភាព និងការអភិវឌ្ឍជានិរន្តរ៍។ គណបក្សប្រជាជនកម្ពុជា ជាគណបក្សដែលមិនប្រកាន់និន្នាការនយោបាយ ពូជសាសន៍ ពណ៌សម្បុរ ប៉ុន្តែជាគណបក្សដែលប្រកាន់ខ្ជាប់នូវគោលជំហរ​ សុខដុមនីយកម្ម ធ្វើឲ្យ​ការដឹកនាំ​ប្រកប​ដោយសាមគ្គីភាព ឯកភាពផ្ទៃក្នុង ​និងរក្សាបាននូវគោលនយោបាយរបស់ខ្លួន ស្របតាម​សម័យកាលជានិច្ច។ គណបក្សប្រជាជនកម្ពុជា ​ជាគណបក្សដែលប្រសូតចេញពីប្រជាជន ដើម្បីប្រជាជន បម្រើប្រជាជន និងធ្វើអ្វីគ្រប់យ៉ាងដើម្បីបុព្វជាតិមាតុភូមិ និងប្រជាជន។ប្រជាពលរដ្ឋអាចមានលទ្ធភាពប្រកបអាជីវកម្មចិញ្ចឹមគ្រួសារ មានកម្មសិទ្ធិដីធ្លី លំនៅឋាន សាលារៀន មន្ទីរពេទ្យ វត្តអារាម និងអាចធ្វើដំណើរគ្រប់ទីកន្លែងទៅបាន ក៏អាស្រ័យដោយ​ប្រទេសជាតិ​មានសុខសន្តិភាព ឯកភាពជាតិ ឯកភាពទឹកដី និងមានការអភិវឌ្ឍពេញលេញ ក្រោមការដឹកនាំដ៏ឈ្លាសវៃ និង​ប៉ិនប្រសព្វ​របស់សម្តេចតេជោ នាយករដ្ឋមន្ត្រី និងជាប្រធាន គណបក្សប្រជាជនកម្ពុជា។ក្រោមការចង្អល់បង្ហាញដ៏ខ្ពង់ខ្ពស់ពីសំណាក់ ឯកឧត្តមបណ្ឌិត ហ៊ុន ម៉ាណែត នាពេលកន្លងមក​ក្រុមការងារជនបង្គោល ​ចុះជួយស្រុកជើងព្រៃ ដឹកនាំដោយ ឯកឧត្តមបណ្ឌិត ម៉ឹង មករា បានរួមចំណែកចុះជួយប្រជាពលរដ្ឋ រួមមាន៖ ​ការកសាងផ្លូវថ្នល់ សាលារៀន​ មន្ទីរពេទ្យ វត្តអារាម ទំនប់ទឹក ប្រឡាយទឹក ស្រះទឹក ការដាំកូនឈើ ​ព្រមទាំងការងារសេដ្ឋកិច្ចសង្គម រួមមាន​វិស័យសុខាភិបាល វិស័យអប់រំ ជាពិសេស វិស័យកសិកម្ម ដែលជា​សសរស្ដម្ភ​សេដ្ឋកិច្ចជាតិ​ដ៏មានសារៈសំខាន់សម្រាប់គ្រួសារប្រជាពលរដ្ឋនៅជនបទ។ ឯកឧត្តមបណ្ឌិត ម៉ឹង មករា ក៏បានថ្លែងលើកទឹកចិត្ត នឹងស្នើសុំឲ្យប្រជាពលរដ្ឋចូលរួម​បោះឆ្នោត​ឱ្យបានគ្រប់ៗគ្នានៅ ខែកក្កដា ខាងមុខនេះ ជាពិសេសូមបោះឆ្នោតជូនគណបក្សប្រជាជនកម្ពុជា ដែលមានលេខរៀងទី១៨ នៅថ្ងៃទី២៣ ខែកក្កដា ឆ្នាំ២០២៣ នេះ​ ដើម្បីបន្តគាំទ្រ សម្ដេចអគ្គ​មហា​សេនាបតីតេជោ ហ៊ុន សែន ធ្វើជានាយករដ្ឋមន្ត្រី នៅអាណិត្តទី៧ និងគាំទ្រ បក្ខភាព ឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រី នាពេលអនាគត ​ដើម្បីដឹកនាំរក្សាសុខសន្តិភាព និងការអភិវឌ្ឍជាតិមាតុភូមិយើងឱ្យកាន់តែរីកចម្រើនជានិរន្តរ៍។ ដោយឡែកនៅក្នុងខេត្តកំពង់ចាម ប្រជាពលរដ្ឋដែលមានឈ្មោះក្នុងបញ្ជីបោះឆ្នោតជ្រើស​តាំង​តំណាងរាស្ត្រ ​នីតិកាលទី៧ ឆ្នាំ២០២៣ ​មានចំនួន ៦៥២,៥៤០ នាក់ មានការិយាល័យបោះឆ្នោត​សរុបចំនួន ១,៦៨២ និងមានគណបក្សនយោបាយឈរឈ្មោះបោះឆ្នោត ចំនួន១២ រួមមាន៖១.គណបក្សសំបុកឃ្មុំសង្គមប្រជាធិបតេយ្យ២. គណបក្សខ្មែរតែមួយ ,៣.គណបក្សសញ្ជាតិកម្ពុជា ,៤.គណបក្សខ្មែររួបរួមជាតិ៥.គណបក្សកម្លាំងប្រជាធិបតេយ្យ៦.គណបក្សខ្មែរឈប់ក្រ ៧.គណបក្សហ៊្វុនស៊ិនប៉ិច ៨.គណបក្សធម្មាធិបតេយ្យ ,៩.គណបក្សប្រជាធិបតេយ្យមូលដ្ឋាន១០.គណបក្សយុវជនកម្ពុជា ១១.គណបក្សសញ្ជាតិដើមប្រជាធិបតេយ្យកម្ពុជា១២.គណបក្សប្រជាជនកម្ពុជា

សម្តេចតេជោ ហ៊ុន សែន ប្រកាសដល់ពលរដ្ឋស្វែងរកព័ត៌មានពីសម្តេច ឬការស្នើសុំជួយ ការផ្តល់មតិផ្សេងៗពីពលរដ្ឋ តាមរយៈបណ្តាញសង្គមផ្លូវការ telegram ,twitter,TikTok

2023/07/09 01:10:02 pm        582
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសជូនបងប្អូនជនរួមជាតិ នៅយប់ថ្ងៃទី០៨ ខែកក្កដានេះថា ពេលមុនពលរដ្ឋស្វែងរកការផ្តល់ព័ត៌មានឬ រកការជួយពីសម្តេចតាមរយៈហ្វេសបុក។ ពេលនេះសម្តេចបានបញ្ចប់ការប្រើហ្វេសបុកដោយខ្លួនឯងដោយងាកទៅប្រើតេឡេក្រាមធ្វីសធឺ តិកតុក(telegram,twitter,TikTok)ជំនួសវិញ។ដើម្បីទទួលបានព័ត៌មានពីសម្តេច ផ្តល់មតិឲ្យសម្តេច ឬស្នើសុំឲ្យសម្តេចជួយសូមបង្កើតប្រសិនមិនទាន់មាននិងសូមភ្ជាប់ជាមួយបណ្តាញទាំង៣ខាងលើនេះរបស់សម្តេច។ បណ្តាញទាំង៣(telegram,twitter,TikTok) បើកឲ្យចូលមានមតិបានគ្រប់បណ្តាញ។ សម្តេចតេជោក៏ស្នើសូមឲ្យគ្រប់ស្ថាបន័ទាំងថ្នាក់ជាតិនិងថ្នាក់ក្រោមជាតិកងកម្លាំងប្រដាប់អាវុធគ្រប់ប្រភេទដែលធ្លាប់មានក្រុមតាមដានផេកហ្វេកបុករបស់សម្តេច ទៅតាមដានគណនីTelegram,twitter,TikTok របស់សម្តេចវិញព្រោះមតិប្រជាជនមាននៅតាមបណ្តាញទាំង៣នេះ។សម្តេចតេជោ បន្តថា បើទោះជាសម្តេចបោះបង់ចោលហ្វេសបុក ប៉ុន្តែសម្តេចនៅតែមានលទ្ធភាពទទួលយោបល់និងសំណូមពរប្រជាជនបានកាន់តែទូលំទូលាយជាងមុនតាមរយៈបណ្តាញសង្គមទាំង៣នេះគឺtelegram ,twitter ,TikTok ។បងប្អូន កាន់តែងាយស្រួល និង ទទួលបានព័ត៌មានកាន់តែលឿន ពីសម្ដេចតេជោ នាយករដ្ឋមន្ត្រី ដោយគ្រាន់តែ Scan QR Code ឬ ចុចចូលទៅតាមបណ្តាញតភ្ជាប់សង្គមផ្សេងៗខាងក្រោម៖

ឯកឧត្តម ចាយ បូរិន ផ្សព្វផ្សាយច្បាប់ បទបញ្ជា និងនីតិវិធីពាក់ព័ន្ធដំណើរការបោះឆ្នោតនៅមូលដ្ឋានស្រុកក្រូចឆ្មារ

2023/07/08 06:16:18 pm        332
ខេត្តត្បូងឃ្មុំ៖ ឯកឧត្តមចាយ បូរិន សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មការច្បាប់គណបក្សប្រជាជនកម្ពុជា ខេត្តត្បូងឃ្មុំ បានអញ្ជើញជាអធិបតីវគ្គបណ្តុះបណ្តាលផ្សព្វផ្សាយច្បាប់ បទបញ្ជា និងនីតិវិធី ពាក់ព័ន្ធនឹងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ដល់ ភ្នាក់ងារគណបក្ស ទាំង១៥២ការិល័យបោះឆ្នោត និងក្រុមការងារអ្នកច្បាប់ទាំង១២ឃុំក្នុងមូលដ្ឋានស្រុកក្រូចឆ្មារចំនួន៣៦៨នាក់ នៅទីស្នាក់ការគណបក្សស្រុក ក្រូចឆ្មារ ខេត្តត្បូងឃ្មុំ ព្រឹកថ្ងៃទី​ ៨ខែកក្កដា​ ឆ្នាំ​២០២៣ ។ទាក់ទងនឹងដំណើរការបោះឆ្នោត ឯកឧត្ដមចាយ បូរិន បានសង្កត់ធ្ងន់អំពីតួនាទី និងភារកិច្ចដ៏សំខាន់របស់ភ្នាក់ងារគណបក្ស ក៏ដូចជាក្រុមការងារអ្នកច្បាប់របស់បក្ស នៅក្នុងដំណើរ ការបោះឆ្នោត ជាអាទិ៍ ការឃោសនាបោះឆ្នោត ការសង្កេតមើលការបោះឆ្នោតនិងការរាប់សន្លឹកឆ្នោត ការបូកសរុបលទ្ធផលបោះឆ្នោត ការប្តឹងជំទាស់ឬប្តឹងតវ៉ាទៅលើភាពមិនប្រក្រតីដោយផ្ទាល់មាត់ឬតាមរយៈលាយលក្ខណ៍អក្សរ (ទ.១២០២) ការចុះហត្ថលេខាលើកំណត់ហេតុនៃការបោះឆ្នោត (ទ.១១០១) និងកំណត់ហេតុនៃការរាប់សន្លឹកឆ្នោត (ទ.១១០២) និងសិទ្ធិទទួលបានកំណត់ហេតុនៃការរាប់សន្លឹកឆ្នោតពី គឃ.សប រហូតដល់ពេលប្រកាសលទ្ធផលនៃការបោះឆ្នោតជាបណ្តោះអាសន្ន និងជាផ្លូវការ ។ឯកឧត្តមបានរម្លឹកដល់គ្រប់ភ្នាក់ងារគណបក្ស ដែលជាអ្នកការពាភាពស្របច្បាប់របស់គណបក្ស ត្រូវថែទាំសុខភាព និងកុំចេញដំណើរឆ្ងាយ បើមិនចាំបាច់ ទៅស្គាល់ការិយាល័យបោះឆ្នោត អោយហើយ ។នៅក្នុងឱកាសនោះដែរ ឯកឧត្តមសំណូមពរដល់ ភ្នាក់ងារគណបក្ស ត្រូវយកចិត្តទុកដាក់ពិនិត្យមើលគំនូសសន្លឺកឆ្នោតដែលបោះឲ្យគណបក្សប្រជាជនកម្ពុជា៕

ឯកឧត្តម វេង សាខុន ​​​បើកយុទ្ធនាការដង្ហែរក្បួនឃោសនាបោះឆ្នោតលើកទី២នៅឃុំកោះទន្ទឹម ឃុំកោះរកា និងឃុំកោះមិត្ត ស្រុកកំពង់សៀម

2023/07/08 05:59:04 pm        288
កំពង់ចាម៖​ ឯកឧត្តម វេង សាខុន ប្រធានក្រុមការងារគណបក្សប្រជាជនកម្ពុជា ចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម បានអញ្ជើញដឹកនាំបើកយុទ្ធនាការដង្ហែរក្បួនឃោសនាបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ លើកទី២ នៅឃុំកោះទន្ទឹម ឃុំកោះរកា និងឃុំកោះមិត្ត ស្រុកកំពង់សៀម ខេត្តកំពង់ចាម ដែលមានសមាជិកគណបក្សចូលរួមជាង ១០០០នាក់ នៅព្រឹកថ្ងៃទី៨ ខែកក្កដា ឆ្នាំ២០២៣នេះ។

បេក្ខជនតំណាងរាស្រ្តមណ្ឌលខេត្តកំពង់ចាម គាំទ្រឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្រ្តីសម្រាប់អនាគត

2023/07/07 11:19:31 pm        374
ភ្នំពេញ៖ នៅចំពោះមុខសមាជិក សមាជិកាប្រមាណ ១ពាន់នាក់ នៅស្រុកព្រៃឈរ ឯកឧត្តម បេក្ខជនតំណាងរាស្រ្តខេត្តកំពង់ចាម បានបង្ហាញការគាំទ្រយ៉ាងពេញទំហឹងចំពោះសម្តេចតេជោ ហ៊ុន សែន ជាបេក្ខភាពនាយករដ្ឋមន្រ្តីទៅមុខបន្តទៀត និងគាំទ្រ ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្រ្តីសម្រាប់ពេលអនាគត ដើម្បីដឹកនាំប្រទេសឲ្យមានភាពរីកចម្រើនបន្តទៀត។ជួបសំណេះសំណាលជាមួយសមាជិក សមាជិកាគណបក្សប្រជាជនកម្ពុជាឃុំជ្រៃវៀន ស្រុកព្រៃឈរ ខេត្តកំពង់ចាម កាលពីព្រឹកថ្ងៃទី៧ កក្កដា ឆ្នាំ២០២៣នេះ ឯកឧត្តម ប៉ាន សូរស័ក្តិ បេក្ខជនតំណាងរាស្រ្តខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកព្រៃឈរ និងស្រុកបាធាយ បានរៀបរាប់អំពីប្រវត្តិនៃការចូលរួមជាមួយគណបក្សប្រជាជនកម្ពុជា​ក្នុងការ​កសាងជាតិមាតុភូមិ និងបម្រើប្រជាជន ព្រមទាំងបានធ្វើការផ្សព្វផ្សាយកម្មវិធីនយោបាយគណបក្ស ដោយបានអាន និងបកស្រាយពន្យល់ម្ដងមួយៗអំពីខ្លឹមសារលម្អិតកម្មវិធីនយោបាយ​របស់គណបក្សប្រជាជនកម្ពុជា ដែលនឹងក្លាយជាកម្មវិធីនយោបាយរបស់រាជរដ្ឋាភិបាល​នីតិកាលទី៧ និងការដាក់ចេញនូវកម្មវិធីគោលនយោបាយជាអាទិភាពចំនួន ៦ចំណុច នៅក្នុងកម្មវិធីនយោបាយ ជូនប្រជាពលរដ្ឋទាំងអស់ដែលបានចូលរួម ជាពិសេសបានធ្វើការបង្ហាញជូនអំពីរបៀបគូសសន្លឹកឆ្នោតគាំទ្រគណបក្សប្រជាជនកម្ពុជាផងដែរ។ឯកឧត្តម ក៏បានរំឮកនូវគុណបំណាច់របស់គណបក្សប្រជាជនកម្ពុជា ក្នុងការជួយសង្រ្គោះប្រជាជន​ចេញពីរបបប្រល័យពូជសាសន៍ ប៉ុល ពត, ជាពិសេសនយោបាយឈ្នះឈ្នះ ដែលធ្វើឱ្យប្រទេស​កម្ពុជា​មានលទ្ធិប្រជាធិបតេយ្យ សេរីពហុបក្ស ការបង្រួបបង្រួមជាតិ ផ្សះផ្សាជាតិ រហូតទទួលបាន​សុខសន្តិភាពពេញលេញ ក្រោមការដឹកនាំប្រកបដោយគតិបណ្ឌិតរបស់ សម្តេចតេជោ នាយករដ្ឋមន្រ្តី ព្រមទាំងទទួលបានសមិទ្ធផលល្អៗ និងភាពជោគជ័យជាច្រើន រួមមាន៖ ផ្លូវ ស្ពាន ប្រព័ន្ធធារាសាស្ត្រ បណ្ដាញទឹកស្អាត អណ្ដូងទឹក ភ្លើងអគ្គិសនី ប្រព័ន្ធព័ត៌មាន រោងចក្រកសិដ្ឋាន សំណង់តូចធំ មណ្ឌលពាណិជ្ជកម្ម សាលារៀន មន្ទីរពេទ្យ វត្តអារាម។ល។ឯកឧត្តមបេក្ខជនតំណាងរាស្រ្ត បន្ថែមថា សមិទ្ធផលទាំងនេះ សុទ្ធតែបានមកពីផ្លែផ្កានៃសន្តិភាព ដោយការយក​អាយុជីវិតធ្វើជាដើមទុន និងពលិកម្មដ៏ធំធេងរបស់សមាជិក សមាជិកាគណបក្ស​ប្រជាជនកម្ពុជា ក្រោមការដឹកនាំរបស់សម្តេចតេជោ ហ៊ុន សែន ប្រធានគណបក្ស។ ឯកឧត្តមបន្ថែមទៀតថា បើប្រទេសគ្មានសន្តិភាព យើងនឹងត្រូវបាត់បង់អ្វីៗទាំងអស់ ហេតុនេះយើង​ទាំងអស់គ្នាត្រូវប្តេជ្ញាចិត្តចូលរួមក្នុងការការពារសន្តិភាពឱ្យរឹងមាំស្ថិតស្ថេរគង់វង្សជានិច្ច តាមរយៈការ​ទៅ​ចូលរួមបោះឆ្នោតនៅថ្ងៃទី២៣ ខែកក្កដា ឆ្នាំ២០២៣ខាងមុខនេះ ឱ្យបានគ្រប់ៗគ្នា ហើយ​ត្រូវបោះឆ្នោតជូនគណបក្សប្រជាជនកម្ពុជា៕

ជប៉ុន នឹងប្រារព្ធខួបនៃការសម្លាប់អតីតនាយករដ្ឋមន្ត្រីលោក អាបេ នៅថ្ងៃសៅរ៍

2023/07/07 09:49:45 pm        404
ជប៉ុន៖ ប្រទេសជប៉ុន នឹងប្រារព្ធខួបលើកទី១នៃការស្លាប់របស់អតីតនាយករដ្ឋមន្ត្រី លោកស៊ីនហ្សូ អាបេ (Shinzo Abe) នៅថ្ងៃសៅរ៍ (ទី៨ ខែកក្កដា) ពោលគឺការគម្រប់ខួប១ឆ្នាំ បន្ទាប់ពីលោកត្រូវបានគេបាញ់សម្លាប់ ពេលកំពុងធ្វើយុទ្ធនាការ នៅភាគខាងលិចទីក្រុងណារ៉ា (Nara)។ទោះបីលោកជាឥស្សរជនមានគំនិតពិសេសដាច់ដោយឡែក នៅពេញមួយអាជីពនយោបាយរបស់លោកក៏ដោយ ក៏ការសម្រេចរបស់រដ្ឋាភិបាលជប៉ុន ក្នុងការរៀបចំពិធីបុណ្យសពថ្នាក់រដ្ឋពេញលេញ សម្រាប់លោក អាបេ នៅក្នុងខែកញ្ញា ឆ្នាំ២០២២ បានបង្ហាញឲ្យឃើញនូវភាពចម្រូងចម្រាសផងដែរ ដោយការធ្វើបែបនោះបង្កឲ្យមានការតវ៉ាប្រឆាំងនឹងការប្រើប្រាស់មូលនិធិរដ្ឋ ដើម្បីចំណាយសម្រាប់កម្មពិធីនេះ។ការធ្វើឃាតលើលោក Abe បានធ្វើឲ្យមានការបញ្ចេញឲ្យដឹងយ៉ាងច្រើនអំពីទំនាក់ទំនង រវាងសមាជិកសភា នៅក្នុងគណបក្សកាន់អំណាចប្រជាធិបតេយ្យសេរី (LDP) ដែលលោកធ្លាប់ដឹកនាំ និងព្រះវិហារបង្រួបបង្រួម (Unification Church) ដែលក្រុមអ្នករិះគន់ហៅថា លទ្ធិសាសនា ដោយការបញ្ចេញឲ្យដឹងនោះ បានបង្កឲ្យមានប្រតិកម្មប្រឆាំងនឹងនាយករដ្ឋមន្ត្រីបច្ចុប្បន្នលោក Fumio Kishida។សូមបញ្ជាក់ថា លោកអាបេ (Abe) បានកាន់តំណែងជានាយករដ្ឋមន្ត្រីចំនួន ២អាណត្តិ ដោយបានចុះចេញពីតំណែងនៅឆ្នាំ២០២០ ដោយសារហេតុផលសុខភាពមិនសូវល្អ។ មុនពេលលោកទទួលមរណភាព លោកនៅតែមានវត្តមានលេចធ្លោ ក្នុងបក្ស LDP ដោយគ្រប់គ្រងដោះស្រាយជម្លោះដ៏ធំមួយ ក្នុងចំណោមជម្លោះធំៗរបស់គណបក្ស។ លោកអាបេ បានចេញមកពីត្រកូលអ្នកនយោបាយដ៏មានទ្រព្យធនមួយ ដោយឪពុករបស់លោកធ្លាប់ធ្វើជារដ្ឋមន្ត្រីការបរទេស និងជីតារបស់លោក ធ្លាប់កាន់តំណែងជានាយករដ្ឋមន្ត្រី៕

កូរ៉េខាងត្បូង៖ ផែនការសំណល់ទឹកនុយក្លេអ៊ែររោងចក្រហ៊្វូគូស៊ីម៉ារបស់ជប៉ុន ត្រូវតាមស្តង់ដារពិភពលោក

2023/07/07 09:45:59 pm        322
កូរ៉េខាងត្បូង៖ រដ្ឋាភិបាលកូរ៉េខាងត្បូងបាននិយាយនៅថ្ងៃសុក្រ (៧ កក្កដា)នេះថា ខ្លួនគោរពការត្រួតពិនិត្យរបស់អង្គការឃ្លាំមើលថាមពលនុយក្លេអ៊ែររបស់អង្គការសហប្រជាជាតិ លើផែនការរបស់ប្រទេសជប៉ុនក្នុងការបញ្ចេញសំណល់ទឹកវិទ្យុសកម្មដែលត្រូវបានធ្វើប្រព្រិត្តកម្មរួចចេញពីរោងចក្រនុយក្លេអ៊ែរ ហ៊្វូគូស៊ីម៉ា ដែលបានខូចខាត ចូលទៅក្នុងមហាសមុទ្រ ហើយថាវាបំពេញតាមស្តង់ដារអន្តរជាតិ។ទីក្រុងសេអ៊ូលបានប្រកាសពីការវាយតម្លៃរបស់ខ្លួនបន្ទាប់ពីទីភ្នាក់ងារថាមពលអាតូមិកអន្តរជាតិ (IAEA) បានផ្តល់កាយល់ព្រមនៅសប្តាហ៍នេះដល់ផែនការរបស់ប្រទេសជប៉ុន បន្ទាប់ពីការពិនិត្យឡើងវិញរយៈពេលពីរឆ្នាំ បើទោះបីជាមានកង្វល់អំពីសុវត្ថិភាពនៅក្នុងប្រទេសជិតខាងមួយចំនួន និងសញ្ញានៃការរិះគន់ពីអ្នកប្រើប្រាស់ក៏ដោយ។រដ្ឋមន្ត្រីការិយាល័យសម្របសម្រួលគោលនយោបាយរដ្ឋាភិបាលលោក Bang Moon-kyu បាននិយាយថា កូរ៉េខាងត្បូងគោរពការរកឃើញរបស់អង្គការ IAEA ព្រោះរបាយការណ៍នេះត្រូវបានផ្អែកលើក្រុមការងារនៃអ្នកជំនាញពិភពលោក ដែលបង្កើតឡើងដោយទីភ្នាក់ងារអន្តរជាតិ។ប្រទេសជប៉ុនគ្រោងនឹងចាប់ផ្តើមបញ្ចេញសំណល់ទឹកវិទ្យុសកម្មជាងមួយលានតោន ដោយឥឡូវនេះត្រូវបានរក្សាទុកនៅរោងចក្រដែលបានខូចខាតនៅភាគខាងជើងនៃទីក្រុងតូក្យូ។ សំណល់ទឹកនេះភាគច្រើនត្រូវបានប្រើដើម្បីធ្វើឱ្យត្រជាក់ដល់ម៉ាស៊ីនរ៉េអាក់ទ័រ ដែលបានបំផ្លាញដោយរលកយក្សស៊ូណាមិកាលពីខែមីនាឆ្នាំ២០១១៕

បណ្ដាញសង្គម

ព័ត៌មានថ្មីៗ

ឯកឧត្តម ហ៊ុន ម៉ានី ចាត់ទុកលទ្ធផល ស.ស.យ.ក. ព្រៃវែង បាត់ដំបង បន្ទាយមានជ័យ និងក្រុមអាហារូបករណ៍ជាភស្តុតាងនៃការ​ចូលរួម​ផ្ទាល់​របស់យុវជនដើម្បីបុព្វហេតុជាតិ
11/21/2026 06:11 PM
សភាមុខរបរបើកវេទិកាជំរុញផលិតផលខ្មែរ ដើម្បីរុញការផលិតផលក្នុងស្រុកឱ្យកាន់តែធំ និងការប្រកួតប្រជែង
11/21/2026 04:11 PM
រដ្ឋមន្ត្រីសុខាភិបាល «ការថែទាំសុខភាពថ្ងៃនេះ គឺជាការបង្ការ និងភាពរីកចម្រើនរបស់គ្រួសារ និងសង្គមជាតិ»
11/21/2026 04:11 PM
ក្រសួងពាណិជ្ជកម្ម ត្រៀមរៀបចំ «ពិព័រណ៍ពាណិជ្ជកម្មកម្ពុជា លើកទី១៩» នៅកោះពេជ្រ នាខែធ្នូ ខាងមុខនេះ
11/21/2026 04:11 PM
សមាជិកអាស៊ាន ជំរុញឱ្យកម្ពុជា-ថៃ អនុវត្តជាអចិន្រ្ដៃយ៍បទឈប់បាញ់ និងស្ដារទំនុកចិត្តតាមរយៈច្បាប់អន្ដរជាតិ
11/21/2026 04:11 PM
សម្តេចធិបតីអះអាងជាថ្មីថាកម្ពុជាមិនស្លាប់ដោយសារតែគេបិទព្រំដែននោះទេ
11/21/2026 01:11 PM
សម្ដេចធិបតីជំរុញការគាំទ្រផលិតផលជាតិដើម្បីជាការបង្កើតឱ្យមានឱកាសទីផ្សារដំបូងដ៏មានសារៈសំខាន់
11/21/2026 01:11 PM
សម្ដេចធិបតី៖ ក្នុងបរិបទពហុវិបត្តិ ការពង្រឹងផលិតកម្មក្នុងស្រុក គឺជាការពង្រឹងភាពធន់នៃសេដ្ឋកិច្ចជាតិ
11/21/2026 01:11 PM
សម្តេចធិបតី អំពាវនាវដល់ ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណាក្ដី
11/21/2026 01:11 PM
សម្តេចធិបតី ចង់ឃើញ ១០ឆ្នាំក្រោយ ៨០ភាគរយ ជាផលិតក្នុងស្រុក ហើយ ២០ភាគរយ នាំពីក្រៅ
11/21/2026 12:11 PM