នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

ទិដ្ឋភាពគួរឲ្យសង្វេគពីទីកំណើតនៃឯករាជ្យរបស់អាមេរិក ខណៈសំបូរដោយអ្នកប្រើប្រាស់គ្រឿងញឿន និងមនុស្សគ្មានផ្ទះសម្បែងក្នុងទីក្រុង Philadelphia

2023/07/06 06:15:08 pm        220
Facebook Telegram Linkin
អាមេរិក៖ រូបភពរំខានអារម្មណ៍ជាច្រើនបានបង្ហាញពីវិបត្តិគ្រឿងញៀនរបស់ទីក្រុង Philadelphia នៃរដ្ឋ Pennsylvania របស់សហរដ្ឋអាមេរិក ដោយមានមនុស្សអនាថាគ្មានផ្ទះសម្បែងជាច្រើន កំពុងរស់នៅតាមដងផ្លូវនានានៃទីកំណើតឯករាជ្យជាតិរបស់សហរដ្ឋអាមេរិក នៅថ្ងៃទី៤កក្កដាចុងសប្ដាហ៍មុន។  សង្កាត់ឃេនស៊ីងតុន (Kensington) ជាកន្លែងអាណាធិបតេយ្យសម្រាប់ប្រភពនៃគ្រឿងញៀនរបស់ទីក្រុងនេះ ត្រូវគេមើលឃើញគំនរសំរាមរាយប៉ាយនិងអ្នកញៀនថ្នាំដែលចាក់បញ្ចូលថ្នាំញៀនទាំងកណ្តាលថ្ងៃ។ គ្រោះមហន្តរាយនេះ ត្រូវបានបង្កឡើងដោយសារតែការកើនឡើងនៃគ្រឿងញៀន ស៊ីឡាហ្ស៊ីន (Xylazine) ដែលគេស្គាល់ថាជា'tranq' ដ៍សាហាវដែលត្រូវបានប្រើដើម្បីបង្កើនឥទ្ធិពលនៃកម្រិតហេរ៉ូអ៊ីន ហ្វេនតានីល (fentanyl) និងកូកាអ៊ីន។ទីក្រុង Philadelphia បានក្លាយជាទីកន្លែងពោរពេញដោយឧក្រិដ្ឋកម្មប្រើប្រាស់គ្រឿងញៀនក្រោមការគ្រប់គ្រងរបស់មេធាវីប្រចាំតំបន់មកពីគណបក្សប្រជាធិបតេយ្យលោក Larry Krasner ដែលបានពណ៌នាដោយខ្លួនឯងថា រដ្ឋអាជ្ញាជឿនលឿន' ។ការបរាជ័យរបស់លោកក្នុងការបង្ក្រាបបាននាំឲ្យមានការចោទប្រកាន់លើរូបលោកនៅឆ្នាំកាលពីឆ្នាំ២០២២ កន្លងទៅ ពីបទ បរាជ័យក្នុងការបំពេញកាតព្វកិច្ច ប៉ុន្តែលោកនៅតែកាន់តំណែងនេះ បន្ទាប់ពីការកាត់ក្តីលើរូបលោក ត្រូវបានពន្យារពេលដោយគ្មានពេលកំណត់៕

គ.ជ.ប៖ ទឹកខ្មៅប្រើប្រាស់សម្រាប់ការបោះឆ្នោតអាណត្តិទី៧ មានតម្លៃជិតមួយលានដុល្លារ

2023/07/06 06:01:44 pm        384
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសថា ទឹកខ្មៅលុបមិនជ្រះ សម្រាប់ជ្រលក់ដៃក្នុងការបោះឆ្នោត ជ្រើសតាំងតំណាងរាស្រ្តនីតិកាលទី៧ នាពេលខាងមុខនេះ មានតម្លៃជិតមួយលានដុល្លារអាមេរិក។ថ្លែងនៅក្នុងសន្និសីទសារព័ត៌មានបង្ហាញទឹកខ្មៅលុបមិនជ្រះដល់ភាគីពាក់ព័ន្ធ នាព្រឹកថ្ងៃទី៦ ខែកក្កដា ឆ្នាំ២០២៣នេះ ឯកឧត្តម ប្រាជ្ញ ចន្ទ ប្រធាន គ.ជ.ប បានលើកឡើងថា ទឹកខ្មៅសម្រាប់​ជ្រលក់ដៃក្នុងការបោះឆ្នោតខាងមុខនេះ មានគុណភាពខ្ពស់ បញ្ជាទិញពីប្រទេស​ឥណ្ឌា ដូចការ​ប្រើប្រាស់មុនៗយ៉ាងដូច្នោះដែរ។គ.ជ.ប.ក៏ផ្តល់ឲ្យមានការសាកល្បងដោយឲ្យភាគីពាក់ព័ន្ធធ្វើការជ្រលក់ដៃទឹកខ្មៅដែលខ្លួនបាន បញ្ជាទិញ​នោះផងដែរ ​ដោយការសាកល្បងនេះ ​គឺមានការចូលរួមពី​ប្រទេស​ជា​ម្ចាស់​ជំនួយ ​តំណាង​អង្គការជាតិ ​និងអន្តរជាតិ រួមទាំងតំណាងគណបក្សនយោបាយទាំង១៨។តំណាងជាច្រើននាក់​ ដែលមកគណបក្សនយោបាយ អង្គការជាតិ-អន្តរជាតិ រួមទាំង​អ្នកសារព័ត៌មាន​ផងនោះ បានចូលរួមជ្រលក់ម្រាមដៃ​ដើម្បីសាកល្បងគុណភាពទឹកខ្មៅថា​អាចលាងជ្រះ ឬក៏លាងមិនជ្រះ៕

ម្សៅកូកាអ៊ីនដែលប្រទះឃើញនៅសេតវិមាន ធ្វើឲ្យមានការជម្លៀសចេញរយៈពេលខ្លី

2023/07/06 05:36:28 pm        336
Facebook Telegram Linkin
អាមេរិក៖ សេតវិមាន នាពេលនេះ កំពុងស្ថិតក្រោមការស៊ើបអង្កេត ដោយសេវាសម្ងាត់សហរដ្ឋអាមេរិក បន្ទាប់ពីមានការរកឃើញម្សៅកូកាអ៊ីន កាលពីល្ងាចថ្ងៃអាទិត្យ (ទី២ ខែកក្កដា)។ការិយាល័យ West Wing នៃសេតវិមាន ដែលមានតំបន់សំខាន់ៗដូចជាការិយាល័យរាងពងក្រពើ និងកន្លែងធ្វើការសម្រាប់ជំនួយការប្រធានាធិបតី និងបុគ្គលិក ត្រូវបានជម្លៀសចេញក្នុងរយៈពេលខ្លី បន្ទាប់ពីការរកឃើញដ៏សំខាន់នេះ។ សូមបញ្ជាក់ថា ក្នុងអំឡុងពេលនៃការត្រួតពិនិត្យជាប្រចាំរបស់ខ្លួន ភ្នាក់ងារសេវាសម្ងាត់ បានប្រទះឃើញសារធាតុគួរសង្ស័យ នៅក្នុងទីតាំង ដែលក្រុមភ្ញៀវអាចចូលទៅលេងបាន។ ជាវិធានការប្រុងប្រយ័ត្ន អគារសេតវិមានត្រូវបានបិទនៅម៉ោង ៨:៤៥នាទីយប់ ម៉ោងក្នុងស្រុក (ត្រូវនឹងម៉ោង ១២:៤៥ ម៉ោងសកល) កាលពីថ្ងៃអាទិត្យនោះ។ ការធ្វើតេស្តបឋមដែលត្រូវបានរាយការណ៍ដំបូងដោយសារព័ត៌មាន Washington Post ក្រោយមក បានបញ្ជាក់ពីសារធាតុនេះ ជាកូកាអ៊ីន។នៅពេលកើតហេតុនោះ លោកប្រធានាធិបតី Joe Biden និងក្រុមគ្រួសាររបស់លោក ស្ថិតនៅឯកន្លែងសម្រាកលម្ហែ Camp David ដែលមានទីតាំងនៅរដ្ឋ Maryland។ មន្ត្រីអនុវត្តច្បាប់ជាន់ខ្ពស់មួយរូប បាននិយាយទៅកាន់សារព័ត៌មាន CS News ដែលជាដៃគូព័ត៌មានរបស់ប្រព័ន្ធផ្សព្វផ្សាយ BBC បានបង្ហាញថា សារធាតុត្រូវបានរកឃើញនៅក្នុងកន្លែងស្តុកទុក ដែលប្រើប្រាស់ជាប្រចាំដោយបុគ្គលិក និងភ្ញៀវរបស់សេតវិមាន ដើម្បីទុកទូរស័ព្ទដៃរបស់ពួកគេ។ក្រុមមន្ត្រីបានជូនដំណឹងដល់បណ្តាសារព័ត៌មាននានាថា សេវាសម្ងាត់នឹងធ្វើការស៊ើបអង្កេតយ៉ាងទូលំទូលាយថា តើសារធាតុនេះបានចូលទៅក្នុងសេតវិមានដោយរបៀបណា។ មន្ត្រីបាននិយាយថា កាមេរ៉ាសុវត្ថិភាព និងកំណត់ហេតុការចូល នឹងត្រូវបានពិនិត្យ ដើម្បីកំណត់អត្តសញ្ញាណបុគ្គលដែលមានសិទ្ធិចូលទៅកាន់តំបន់ ដែលបានរកឃើញសារធាតុនេះ។រដ្ឋបាលប្រឆាំងគ្រឿងញៀនរបស់សហរដ្ឋអាមេរិកចាត់ថ្នាក់ម្សៅកូកាអ៊ីនថា ជាថ្នាំប្រភេទទី២ (Schedule II) ក្រោមច្បាប់គ្រប់គ្រងសារធាតុញៀន ដោយសារសក្តានុពលខ្ពស់ ក្នុងការយកទៅប្រើប្រាស់៕

លោក Blinken ជួបនាយករដ្ឋមន្ត្រីហៃទីប្រកាសផ្តល់ការគាំទ្រផ្នែកសន្តិសុខថ្មី

2023/07/06 05:24:27 pm        317
Facebook Telegram Linkin
អាមេរិក៖ លោករដ្ឋមន្ត្រីការបរទេសសហរដ្ឋអាមេរិក អង់តូនី ប៊្លីនខិន (Antony Blinken) បានជួបនាយករដ្ឋមន្ត្រីហៃទី លោក អារៀល ហែនរី (Ariel Henry) កាលពីថ្ងៃពុធ (ទី៥ កក្កដា) ដោយសន្យាផ្តល់ការគាំទ្រផ្នែកសន្តិសុខបន្ថែមដល់ប្រទេសតំបន់សមុទ្រការ៉ាអ៊ីពដែលបំផ្លិចបំផ្លាញដោយអំពើឧក្រិដ្ឋកម្ម។ លោកប៊្លីនខិន បានបញ្ជាក់ពីជំនួយរបស់សហរដ្ឋអាមេរិកជាថ្មីសម្រាប់កងកម្លាំងសន្តិសុខរបស់បប្រទេសហៃទី និងបានអំពាវនាវឲ្យមានការគាំទ្រពីអន្តរជាតិ ដើម្បីជួយប្រទេសនេះក្នុងការប្រយុទ្ធប្រឆាំងអំពើឧក្រិដ្ឋកម្ម។ ចាប់តាំងពីឆ្នាំមុន លោកហែនរី បានអំពាវនាវសុំឲ្យកងកម្លាំងអន្តរជាតិជួយប្រយុទ្ធប្រឆាំងនឹងក្រុមអន្ធពាល ដែលគ្រប់គ្រងផ្នែកធំៗនៃប្រទេសនេះ ដោយបង្កឲ្យមានវិបត្តិមនុស្សធម៌ដែលបានជម្លៀសប្រជាជនរាប់ម៉ឺននាក់។ ជំនួបនេះ បានកើតឡើងនៅលើទឹកដីកោះTrinidad និង Tobago ជាទីដែលប៊្លីនខិន បានចូលរួមកិច្ចប្រជុំប្រមុខរដ្ឋាភិបាលនៃសហគមន៍សមុទ្រការ៉ាអ៊ីព (CARICOM) ស្តីពីការប្រារព្ធខួបលើកទី ៥០របស់ខ្លួន៕

ករណីសង្ស័យការលេចធ្លាយឧស្ម័នឆក់យកជីវិតមនុស្ស១៦នាក់ ក្នុងសំណង់លំនៅឋានបណ្តោះអាសន្នអាហ្វ្រិកខាងត្បូង

2023/07/06 05:17:50 pm        281
Facebook Telegram Linkin
អាហ្វ្រិកខាងត្បូង៖ អភិបាលខេត្ត បាននិយាយកាលពីថ្ងៃពុធបន្ទាប់ពីមានករណីមនុស្សជាច្រើនបានបាត់បង់ជីវិត ថាមនុស្សយ៉ាងហោចណាស់១៦នាក់ បានស្លាប់នៅក្នុងសំណង់លំនៅឋានបណ្តោះអាសន្នមួយកន្លែងជិតទីក្រុង  ប៊ុកស្បើក(Boksburg) ភាគខាងកើតរដ្ឋធានី ចូហានណេសប្បើក (Johannesburg) ក្រោយមានករណីសង្ស័យលេចធ្លាយឧស្ម័ន ។  លោក ផានីយ៉ាហ្សាឡេស៊ូហ្វី (Panyaza Lesufi) អភិបាលខេត្ត ហ្កូតឹង(Gauteng ) របស់ប្រទេសអាហ្វ្រិកខាងត្បូង បានប្រាប់ក្រុមអ្នកសារព័ត៌មាន ខណៈលោកចុះពិនិត្យកន្លែងកើតហេតុថា ការស៊ើបអង្កេតកំពុងដំណើរការដើម្បីកំណត់ប្រភេទឧស្ម័នឈានដល់ការបង្កគ្រោះថ្នាក់រហូតមានការបាត់បង់អាយុជីវិតនេះ។ លោកបាននិយាយថា ចំនួនជនរងគ្រោះ១៦នោះ ត្រូវបានផ្ទៀងផ្ទាត់រួចហើយ ។ដំបូងឡើយចំនួនអ្នកស្លាប់ត្រូវបានរាយការណ៍ថាមានដល់២៤នាក់។លោកបានបន្ថែមថា សាកសពទាំងអស់បានរាយប៉ាយពាសពេញតំបន់នេះ ហើយជនរងគ្រោះក្មេងជាងគេមានអាយុត្រឹម១ឆ្នាំប៉ុណ្ណោះ។  ដំបូងឡើយ សារព័ត៌មាន SABC បានដកស្រង់សម្ដីរបស់អ្នកនាំពាក្យនៃក្រសួងគ្រប់គ្រងគ្រោះមហន្តរាយនិងគ្រាអាសន្នដោយនិយាយថា មនុស្ស២៤នាក់បានស្លាប់។ សារព័ត៌មានអាហ្វ្រិកខាងត្បូង បានរាយការណ៍ថា ការលេចធ្លាយឧស្ម័ននេះ អាចជាប់ពាក់ព័ន្ធនឹងករណី ដែលគេសង្ស័យថា មកពីសកម្មភាពជីកខួងយករ៉ែដោយខុសច្បាប់៕

មនុស្ស២០នាក់ស្លាប់ និង១២៦នាក់រងរបួស អំឡុងការបាញ់ដ៏រង្គាលថ្ងៃបុណ្យឯករាជ្យជាតិនៅអាមេរិក

2023/07/06 05:09:42 pm        296
Facebook Telegram Linkin
អាមេរិក៖ ស្របពេលការប្រារព្ធពិធី និងការបាញ់កាំជ្រួចភ្ញីនៅថ្ងៃបុណ្យឯករាជ្យជាតិទី៤កក្កដា ដែលជាថ្ងៃឈប់សម្រាកចុងសប្ដាហ៍ជាច្រើនថ្ងៃ ទីក្រុងនានាទូទាំងអាមេរិក ត្រូវបានរងគ្រោះដោយអំពើហិង្សាដោយអាវុធ ខណៈការបាញ់ប្រហារដ៏រង្គាលបានកើតឡើងនៅក្នុងពិធីជប់លៀងនិងការជួបជុំពិធីបុណ្យផ្សេងៗ។  យោងតាមមជ្ឈមណ្ឌលតាមដានអំពើហិង្សាដោយអាវុធ(Gun Violence Archive)  ជាគេហទំព័រមួយដែលតាមដានការបាញ់ប្រហារទូទាំងសហរដ្ឋអាមេរិក មនុស្សចំនួន២០នាក់បានស្លាប់ និង១២៦នាក់ បានរងរបួសក្នុងហេតុការបាញ់ប្រហារសម្លាប់រង្គាលចំនួន២២លើក ដែលបានផ្ទុះឡើងទូទាំងប្រទេសរវាងម៉ោង៥ល្ងាច ថ្ងៃសុក្រ និង៥ព្រឹកថ្ងៃពុធទី៥សប្ដាហ៍នេះ ។ គេហទំព័រ ដែលកំណត់ពីការបាញ់ប្រហារដ៏រង្គាលថា រាល់ហេតុការណ៍នីមួយៗដែលមានមនុស្ស៤នាក់ ឬច្រើនជាងនេះ បានស្លាប់ ឬរបួសដោយរាយការណ៍ថាការបាញ់ប្រហារដ៏រង្គោលនៅថ្ងៃឈប់សម្រាក បានកើតឡើងនៅក្នុងរដ្ឋចំនួន១៧ និងទីក្រុងវ៉ាស៊ីនតោនឌីស៊ី ។ ក្នុងចំណោមការបាញ់ប្រហារធ្វើឲ្យកក្រើកសហរដ្ឋអាមេរិក ដោយការបាញ់ប្រហារដ៏រង្គាលនៅទីក្រុង Baltimore, Philadelphia, Boston, Chicago និងFort Worth នៅរដ្ឋ Texas ។ ជនរងគ្រោះនៃការបាញ់ប្រហាររួមទាំងក្មេងប្រុសវ័យ១៥ឆ្នាំម្នាក់ និងកុមារជាច្រើនស្ថិតក្នុងចំណោមអ្នករងរបួសទាំងនោះ។ក្រុមអាជ្ញាធរបាននិយាយថាមនុស្ស៤នាក់ បានស្លាប់និង៧នាក់ផ្សេងទៀត រងរបួសក្នុងហេតុការណ៍បាញ់ប្រហារនៅពិធីអបអរបុណ្យឯករាជ្យជាតិ៤កក្កដាភ្លាមៗមុនពេលមានការបាញ់បោះដោយសេរីកាលពីពាក់កណ្តាលអធ្រាត្រថ្ងៃអង្គារក្នុងទីក្រុងស្រ៊ីវវ៉េផត(Shreveport)ភាគខាងត្បូងរដ្ឋល្វីស៊ីណា (Louisiana)។ អ្នកនាំពាក្យស្នងការនគរបាលក្រុង ស្រ៊ីវវ៉េផត លោក អានជី វីលហៃ (Angie Willhite) បាននិយាយថា គ្មានជនសង្ស័យណាម្នាក់ត្រូវចាប់ខ្លួនបាននោះទេ ហើយគេក៏ពុំទាន់បានដឹងពីមូលហេតុភ្លាមៗដែរ។ គួររម្លឹកថា ការបាញ់ប្រហារនេះ បានកើតមានឡើង ស្របពេលមានការកើនឡើងថ្មីៗនៃអំពើហិង្សាដោយអាវុធទូទាំងសហរដ្ឋអាមេរិក នៅថ្ងៃបុណ្យឯករាជ្យជាតិចុងសប្ដាហ៍។ ការរបាញ់ប្រហារដ៏រង្គាលជាច្រើនត្រូវគេរាយការណ៍នៅក្នុងទីក្រុងមួយចំនួនរួមទាំង Baltimore, Philadelphia, Fort Worth និងWashington, D.C. បណ្ដាលឲ្យមនុស្ស១០នាក់ស្លាប់ និងរាប់សិបនាក់រងរបួស៕

ក្រុមអ្នកតវ៉ាអ៊ីស្រាអែលរាប់ពាន់នាក់ ដុតបំពួកភ្លើងលើផ្លូវហាយវ៉េក្នុងក្រុងតេល អាវីវ ប្រឆាំងសម្ព័ន្ធមិត្តរបស់លោក នេតានយ៉ាហ៊ូ ដែលដកតំណែងស្នងការនគរបាលក្រុង

2023/07/06 05:02:19 pm        324
Facebook Telegram Linkin
អ៊ីស្រាអែល៖ ក្រុមអ្នកតវ៉ារាប់ពាន់នាក់កាលពីថ្ងៃពុធបានបិទផ្លូវហាយវ៉េដ៏សំខាន់របស់ទីក្រុង តេល អាវីវ (Tel Aviv) ផ្លូវសំខាន់ៗ និងផ្លូវប្រសព្វទូទាំងប្រទេសអ៊ីស្រាអែល ក្នុងការផ្ទុះកំហឹងព្រមៗគ្នាបន្ទាប់ពីការបង្ខំឲ្យស្នងការនគរបាលក្រុងនេះលាលែងពីតំណែង។ លោក អាមី អេសេដ (Ami Eshed) បានប្រកាសកាលពីល្ងាចថ្ងៃពុធថា លោកនឹងចាកចេញពីកងកម្លាំងនគរបាលអ៊ីស្រាអែល ជាអ្វីដែលលោកបាននិយាយថា គឺជាសម្ពាធនយោបាយ។ លោកបានប៉ះទង្គិចគ្នាជាទៀងទាត់ជាមួយរដ្ឋមន្ត្រីសន្តិសុខជាតិ ដែលមាននិន្នាការប្រកាន់តឹងរបស់ប្រទេស នេះ គឺលោក អ៊ីតាម៉ា បេន-ជីវៀ( Itamar Ben-Gvir) ដែលបានទាមទារឲ្យនគរបាលចាត់វិធានការតឹងរ៉ឹងទប់ទល់ការតវ៉ាប្រឆាំងរដ្ឋាភិបាលជាច្រើនខែមកនេះ។  មនុស្សរាប់ពាន់នាក់បានបិទផ្លូវហាយវ៉េ អាយ៉ាឡុង(Ayalon) ដោយបញ្ឈប់ចរាចរណ៍លើផ្លូវដែលមានសភាពអ៊ូអរជាធម្មតា។ បាតុករជាច្រើននាក់ដែលកាន់ទង់ជាតិអ៊ីស្រាអែលពណ៌ខៀវ និងស បានផ្លុំស្នែង រាំនៅតាមផ្លូវ និងដុតបំពួកភ្លើងជាច្រើនកន្លែង។ នគរបាលមួយចំនួនដែលបានជិះលើខ្នងសេះ ព្យាយាមរុញហ្វូងហ្វូងមនុស្ស ជួនកាលត្រូវប្រើកាណុងបាញ់ទឹកទៀតផង។ក្នុងពេលផ្សាយផ្ទាល់ អ្នកបើកបររថយន្តបានបើករថយន្តកាត់ហ្វូងបាតុករ វាយបុរសម្នាក់បណ្តាលឲ្យដួលបោកក្បាលនឹងថ្នល់។ អ្នកបើកបរត្រូវបានគេរាយការណ៍ថាត្រូវបានចាប់ខ្លួន។ប្រជាជនអ៊ីស្រាអែលរាប់ម៉ឺននាក់បានចេញតវ៉ាតាមផ្លូវនានាចាប់តាំងពីរដ្ឋាភិបាលថ្មីរបស់នាយករដ្ឋមន្ត្រី បេន ចាមីន នេតានយ៉ាហ៊ូ (Benjamin Netanyahu) បានប្រកាសផែនការកាលពីខែមករា ក្នុងការកែប្រែប្រព័ន្ធតុលាការរបស់ប្រទេសនេះ ។ការតវ៉ាជាច្រើនបានបិទផ្លូវនានា រំខានដល់អាកាសយានដ្ឋាន និងមានមនុស្សប្រមូលផ្ដុំគ្នាកកកុញនៅតាមទីក្រុងសំខាន់ៗរបស់ប្រទេសនេះ ៕

ពលរដ្ឋខ្មែរនៅក្រៅប្រទេស បន្តអំពាវនាវដល់ពលរដ្ឋនៅក្នុងស្រុក​អញ្ជើញទៅបោះឆ្នោត​ឲ្យបានគ្រប់ៗគ្នា

2023/07/06 04:49:40 pm        307
Facebook Telegram Linkin
បងប្អូនប្រជាពលរដ្ឋខ្មែរ ដែលកំពុងរស់នៅតំបន់សហភាពអឺរ៉ុប អាមេរិក ជប៉ុន កូរ៉េ អូស្រ្តាលី និង​ប្រទេស​មួយផ្សេងៗទៀត បានចេញវិដេអូឃ្លីប​ដោយបន្តអំពាវនាវ​ដល់បងប្អូន​ប្រជាពលរដ្ឋខ្មែរ​ដែល​មាន​ឈ្មោះក្នុង​បញ្ជីឈ្មោះ​បោះឆ្នោត​អញ្ជើញ​ទៅចូលរួម​បោះឆ្នោត​ឲ្យ​បានគ្រប់ៗ ដើម្បី​បំពេញ​កាតព្វកិច្ចជាពលរដ្ឋល្អ។តាមរយៈវិដេអូឃ្លីបដាច់ដោយឡែកពីគ្នាជាបន្តបន្ទាប់នេះបងប្អូនប្រជាពលរដ្ឋ ខ្មែរនៅក្រៅប្រទេស​ទាំងនោះ​បាន​លើកឡើងថា ខណៈការបោះឆ្នោតជ្រើសតាំងតំណាងរាស្រ្តនីតិ កាលទី៧ កាន់តែខិតជិត​មកដល់ហើយនោះ សូមបងប្អូន​ប្រជាពលរដ្ឋ​ទាំង​អស់​ដែល​មាន​ឈ្មោះ​ក្នុង​បញ្ជី​បោះឆ្នោត​អញ្ជើញទៅបោះឆ្នោតឲ្យបានគ្រប់គ្នា ហើយគប្បីត្រូវបោះ​ជូន​គណបក្ស​ណាដែ​ល​នាំ​ប្រទេស​ឲ្យ​មានសុខសន្តិភាព និងការអភិវឌ្ឍ ដូចជា​គណបក្ស​ប្រជាជន​កម្ពុជា​ដែល​មាន​លេខ​រៀង​ទី​១៨ និងមានរូបសញ្ញាទេវតាបាចផ្កា។ក្រៅពីអំពាវនាវឲ្យពលរដ្ឋនៅក្នុងស្រុកអញ្ជើញទៅចូលរួមបោះឆ្នោតនាថ្ងៃទី២៣ ខែកក្កដា ខាង​មុខ​នេះ បងប្អូនប្រជាពលរដ្ឋដែលកំពុងរស់នៅប្រទេសក្នុងតំបន់អឺរ៉ុប អាមេរិក ជប៉ុន ចិន កូរ៉េ អូស្រ្តាលីម៉ាឡេស៊ី និងថៃទាំងនោះ​ក៏បាន​រំលឹក​អំពី​គោល​នយោបាយ​របស់​គណបក្ស​ប្រជាជន​កម្ពុជា​ផង​ដែរថា មានតែគណបក្សប្រជាជនកម្ពុជាដែលមានសម្តេចតេជោ ហ៊ុន សែន នាយក​រដ្ឋ​មន្រ្តី និងជាប្រធានគណបក្ស គឺនៅជាមួយបងប្អូនប្រជាពលរដ្ឋគ្រប់ពេលវេលា និង​គ្រប់​កាលៈ​ទេសៈ​ទាំងអស់ ហើយមាន​តែ​គណបក្ស​ប្រជាជន​កម្ពុជា​មួយ​គត់ដែល​មាន​គោល​នយោបាយ​ច្បាស់​លាស់ និងស័ក្តិសមបំផុតក្នុងការដឹកនាំនាវាកម្ពុជាឆ្ពោះទៅកាន់ការអភិវឌ្ឍរីកចម្រើន តាំង​ពី​ដើម​រហូត​មកដល់សព្វថ្ងៃនេះ។សូមបញ្ជាក់ថា ការបោះឆ្នោតជ្រើសរើសតំណាងរាស្រ្ត នីតិកាលទី៧នេះ នឹង​ប្រព្រឹត្ត​ទៅ​នា​ថ្ងៃ​ទី​២៣ ខែកក្កដា ឆ្នាំ២០២៣ខាងមុខនេះ ដោយមាន​គណបក្ស​នយោបាយ​ចំនួន​១៨​ចូលរួម​ប្រកួត​ប្រជែង​តាមបែបប្រជាធិបតេយ្យសេរីពហុបក្ស៕ អត្ថបទ៖​ បាន ចក់

តំណាងរាស្រ្តមណ្ឌលខេត្តកំពង់ចាម បន្តចុះផ្សព្វផ្សាយពីរបៀបគូសសន្លឹកឆ្នោតគាំទ្រគណបក្សប្រជាជនកម្ពុជា

2023/07/05 10:11:15 pm        151
Facebook Telegram Linkin
ភ្នំពេញ៖ គិតត្រឹមថ្ងៃទី៥ ខែកក្កដានេះ ជាថ្ងៃទី៥ដូចគ្នា នៃយុទ្ធនាឃោសនាបោះឆ្នោតជ្រើសរើសតំណាងរាស្រ្ត នីតិកាលទី៧។ ឯកឧត្តម ប៉ាន សូរស័ក្តិ បេក្ខជនតំណាងរាស្រ្តមណ្ឌលខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកព្រៃឈរ និងស្រុកបាធាយ បានបន្តចុះពន្យល់ណែនាំអំពីរបៀបគូសសន្លឹកឆ្នោតគាំទ្រគណបក្សប្រជាជនកម្ពុជា នៅក្នុងមូលដ្ឋាន។ក្នុងកម្មវិធីនាឱកាសនោះ ឯកឧត្តមបានពាំនាំនូវការផ្ដាំផ្ញើការសួរសុខទុក្ខសំណាក់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន ប្រធានកាកបាទ​ក្រហមកម្ពុជា ដែលសម្ដេចទាំងពីរតែងតែគិតគូរអំពីសុខទុក្ខ ព្រមទាំងតែងតែ​ណែនាំដល់ថ្នាក់ដឹកនាំ​គណបក្សប្រជាជនកម្ពុជាគ្រប់លំដាប់ថ្នាក់ ឱ្យយកចិត្តទុកដាក់គិតគូរបម្រើផលប្រយោជន៍បងប្អូន​ប្រជាពលរដ្ឋឱ្យបានល្អ និងដោយស្មោះត្រង់។ ឯកឧត្តម បានអាន និងបកស្រាយពន្យល់ម្ដងមួយៗអំពីខ្លឹមសាររបស់កម្មវិធី​នយោបាយរបស់​គណបក្សប្រជាជនកម្ពុជា ​និងការដាក់ចេញនូវកម្មវិធីគោលនយោបាយជាអាទិភាពចំនួន​ ៦ចំណុច នៅ​ក្នុងកម្មវិធីនយោបាយនេះ ​ជូនប្រជាពលរដ្ឋដែលបានចូលរួមទាំងអស់ ព្រមទាំងបានធ្វើការ​ណែនាំ​ជូនអំពីរបៀបគូសសន្លឹកឆ្នោតគាំទ្រគណបក្សប្រជាជនកម្ពុជាផងដែរ។ ជាមួយគ្នានេះ ឯកឧត្តម បានលើកឡើងនូវសមិទ្ធផលជាច្រើនជូនប្រជាពលរដ្ឋបានជ្រាប ជាពិសេស​ក្នុងមូលដ្ឋានស្រុកបាធាយផ្ទាល់ ដោយបាននាំមកនូវការអភិវឌ្ឍហេដ្ឋារចនាសម្ព័ន្ធ​ ផ្លូវ ស្ពាន អណ្ដូងទឹក ​ភ្លើងអគ្គិសនី​ រោងចក្រកសិដ្ឋាន សាលារៀន ​មន្ទីរពេទ្យ វត្តអារាម។ល។ ឯកឧត្តម ​បានអំពាវនាវឲ្យពលរដ្ឋ និងសមាជិក សមាជិកាទាំងអស់ ចូលរួមបោះឆ្នោតឲ្យបាន​គ្រប់ៗគ្នាកុំបីខាន ​នៅថ្ងៃទី២៣​ ខែកក្កដា​ ឆ្នាំ២០២៣ខាងមុខនេះ ហើយត្រូវបោះឆ្នោតជូនគណបក្ស​ប្រជាជនកម្ពុជា ដែលមាន ​លេខរៀងទី១៨ ដើម្បីរក្សាសុខសន្តិភាព ការអភិវឌ្ឍ និងភាពរីកចម្រើន​បន្តទៀត។ លើសពីនេះ សូមបង្ហាញនូវការគាំទ្រយ៉ាងពេញទំហឹងចំពោះ សម្តេចតេជោ ហ៊ុន សែន ជាបេក្ខភាព​នាយករដ្ឋមន្រ្តី សម្រាប់នីតិកាលទី៧ និងគាំទ្រ ​ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្រ្តី​សម្រាប់ពេលអនាគត៕

ពលរដ្ឋខ្មែរ-ឥស្លាម ប្តេជ្ញាគាំទ្របោះឆ្នោតជូនគណបក្សប្រជាជន ដើម្បីធានានិរន្តរភាពនៃភាពសុខសាន្តក្នុងជីវិត

2023/07/05 09:59:31 pm        150
Facebook Telegram Linkin
ភ្នំពេញ៖ ពលរដ្ឋខ្មែរ-ឥស្លាម រស់នៅក្នុងរាជធានីភ្នំពេញ នៅថ្ងៃទី០៥ ខែកក្កដា នេះ បានប្រាប់BTVថា ក្រោមការ ដឹកនាំរបស់គណបក្សប្រជាជនកម្ពុជា ពួកគេរស់នៅសុខស្រួល មានសិទ្ធិសេរីភាពដូចគ្នាទៅនឹងប្រជាពល រដ្ឋខ្មែរដែរ ។ ពួកគេប្ដេជ្ញាបន្តគាំទ្រ និងបោះឆ្នោតជូនគណបក្សប្រជាជនកម្ពុជា ដើម្បីធានានិរន្តរភាព នៃភាពសុខសាន្តក្នុងជីវិត ។ពលរដ្ឋខ្មែរ-ឥស្លាម បានលើកឡើងថា សម្តេចតេជោ ហ៊ុន សែន ​នាយករដ្ឋមន្រ្តីកម្ពុជា និងជាប្រធាន​គណបក្សប្រជាជន​កម្ពុជា ​បានយកចិត្តទុកដាក់ចំពោះប្រពលរដ្ឋខ្មែរ-ឥស្លាម ​ដោយផ្តល់​ឱកាស​ឱ្យពួក គេអាចគោរព និងរៀបចំពិធីផ្សេងៗ តាមបែបសាសនាឥស្លាម, កសាងព្រះវិហារ​សម្រាប់​សាសនិកឥស្លាម និងអនុញ្ញាតឲ្យសិស្សនិស្សិតឥស្លាមស្លៀក​សំលៀកបំពាក់​ប្រពៃណី នៅតាម​គ្រឹះស្ថានសិក្សាគ្រប់កម្រិតជាដើម ។ពួកគេប្តេជ្ញាថា នឹងបោះឆ្នោតគាំទ្រគណបក្សប្រជាជនកម្ពុជា​ បន្តដឹកនាំរាជរដ្ឋាភិបាល​ ដើម្បីធានា និរន្តរភាព​ នៃភាពសុខសាន្តក្នុងជីវិត និងការអភិវឌ្ឍបន្តទៀត ។ការបោះឆ្នោតជ្រើសតាំងតំណាងរាស្រ្ត ​នីតិកាលទី៧ នឹងប្រព្រឹត្តទៅនៅថ្ងៃអាទិត្យទី២៣ ​ខែកក្កដា នេះ ចាប់ពីម៉ោង៧:០០ព្រឹក រហូតដល់ម៉ោង៣:០០រសៀល។ ​ហើយ​ដើម្បីទទួលបាន​ជ័យជម្នៈ​ក្នុងការបោះឆ្នោតនេះ ​គណបក្សប្រជាជនកម្ពុជា​ បានដាក់ចេញគោលនយោយសំខាន់ៗជាច្រើន ដើម្បីការពារ និងលើកស្ទួយផលប្រយោជន៍ប្រជាជន ៕អត្ថបទ៖ ទូច សោភ័ណ

បណ្ដាញសង្គម

ព័ត៌មានថ្មីៗ

ក្រសួងបរិស្ថាន និងក្រសួងមហាផ្ទៃ ជំរុញភាពស្អាតនៅតាមពន្ធនាគារនៅទូទាំងប្រទេស
09/30/2026 08:09 PM
Facebook Telegram Linkin
នាយករដ្ឋមន្រ្តីកាតាថ្កោលទោសអំពើឃោឃៅរបស់អ៊ីស្រាអែលនៅតំបន់ហ្កាហ្សា
09/30/2026 07:09 PM
Facebook Telegram Linkin
គ្រូពេទ្យ៖ ការវាយប្រហាររបស់អ៊ីស្រាអែល នៅតំបន់ហ្កាហ្សា សម្លាប់មនុស្សយ៉ាង​តិច​ ៥នាក់
09/30/2026 07:09 PM
Facebook Telegram Linkin
​តំណាងអចិន្ត្រៃយ៍កម្ពុជា ប្រចាំ UN ស្នើអ្នករាយការណ៍ពិសេសស្តីពីស្ថានភាពសិទ្ធិមនុស្សបន្តយកចិត្តទុកដាក់ចំពោះប្រជាជនភៀសសឹកកម្ពុជា និងការវិលត្រឡប់ទៅកាន់លំនៅឋានវិញដោយសុវត្ថិភាព និងសេចក្តីថ្លៃថ្នូរ
09/30/2026 07:09 PM
Facebook Telegram Linkin
ជើងហោះហើរទៅកាន់អ៊ីស្រាអែល បង្វែរទិសដៅហោះហើរទៅកាន់អារ៉ាប៊ីសាអ៊ូឌីត ក្រោយការប្រកាសអាសន្ន
09/30/2026 06:09 PM
Facebook Telegram Linkin
នាយករដ្ឋមន្ត្រីអ៊ីរ៉ាក់សាទរ​យុគសម័យ «អធិបតេយ្យភាព​» ថ្មី​ ក្រោយកម្លាំង​ចម្រុះ​ដឹកនាំដោយអាមេរិក​​ចាក​ចេញ​
09/30/2026 06:09 PM
Facebook Telegram Linkin
KCNA៖ កូរ៉េខាងជើង និងវៀតណាមកំពុងស្វែងរកការពង្រីកកិច្ចសហប្រតិបត្តិការយោធា
09/30/2026 06:09 PM
Facebook Telegram Linkin
ប្រធានាធិបតីអ៊ីរ៉ង់បង្ហាញឆន្ទៈពង្រឹងទំនាក់ទំនងជាមួយអ៊ូសបេគីស្ថាន និងអាស៊ែរបៃហ្សង់
09/30/2026 06:09 PM
Facebook Telegram Linkin
រុស្ស៊ីចេញការព្រមាននុយក្លេអ៊ែរទៅកាន់អង្គការណាតូ ខណៈភាពតានតឹងកើនឡើង នៅតំបន់បាល់ទិក
09/30/2026 05:09 PM
Facebook Telegram Linkin
ការបោកបក់ដល់ដីគោកជាលើកទី ២របស់ព្យុះសង្ឃរា Polo បង្កការជន់លិចនៅតំបន់ភាគខាងជើងម៉ិកស៊ិក
09/30/2026 05:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.