នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកឧត្តម កែវ រតនៈ បញ្ជាក់ជាថ្មីថាបច្ចុប្បន្នកម្ពុជាពុំបាននាំចូលអគ្គិសនី ប្រេងសាំង និង​ឧស្ម័ន​ពី​ប្រទេស​ថៃ​នោះទេ
ទំនប់អូរតេធិបតី ត្រៀមផ្គត់ផ្គង់ទឹកស្អាតជូនពលរដ្ឋរាប់ពាន់គ្រួសារបន្ថែមទៀតក្នុងខេត្តមណ្ឌលគិរី
រដ្ឋមន្ត្រីអាកាសចរណ៍ស៊ីវិល ចុះពិនិត្យអាកាសយានដ្ឋានអន្តរជាតិតេជោ ដើម្បីត្រៀម​ផ្តល់​វិញ្ញា​បន​ប័ត្រ​ដល់ប្រតិបត្តិករ
ស្ពានមិត្តភាពកម្ពុជា-ចិន មេគង្គក្រចេះ” គ្រោងនឹងបើកឱ្យឆ្លងកាត់បណ្តោះអាសន្ន អំឡុង​ពិធី​បុណ្យ​ដា​​ក់បិណ្ឌ និងភ្ជុំបិណ្ឌនៅខែកញ្ញាខាងមុខនេះ សម្រាប់យានយន្តធុនតូច

នយោបាយ​ និង ការអភិវឌ្ឍន៍

កូរ៉េខាងជើងរៀបចំការប្រមូលផ្ដុំជាច្រើនប្រឆាំងសហរដ្ឋអាមេរិក ដោយព្រមានពីការផ្ទុះឡើងសង្គ្រាមនុយក្លេអ៊ែរ

2023/06/26 10:02:36 am        143
Facebook Telegram Linkin
កូរ៉េខាងជើង៖ សារព័ត៌មានរដ្ឋ បានរាយការណ៍នៅថ្ងៃចន្ទនេះថា កូរ៉េខាងជើងបានរៀបចំការប្រមូលផ្ដុំដ៏ធំនៅក្នុងទីក្រុងព្យុងយ៉ាង ជាទីដែលមនុស្សជាច្រើនបានស្រែកពាក្យស្លោកប្ដេជ្ញាធ្វើសង្រ្គាមសងសឹកដើម្បីកម្ទេចសហរដ្ឋអាមេរិក ខណៈប្រទេសនេះ ប្រារព្ធខួបលើកទី៧៣នៃការផ្ទុះសង្រ្គាមកូរ៉េ ។ ទីភ្នាក់ងារសារព័ត៌មានរដ្ឋ KCNA បានរាយការណ៍ថា មន្ត្រីរដ្ឋការ និងនិសិត្សប្រមាណ១២ម៉ឺននាក់ បានចូលរួមក្នុងការប្រមូលផ្ដុំជាច្រើនដែលបានធ្វើឡើងនៅទូទាំងរដ្ឋធានី កាលពីថ្ងៃអាទិត្យ ។ វីដេអូបញ្ចេញដោយសារព័ត៌មានរដ្ឋ បានបង្ហាញពីមនុស្សយ៉ាងច្រើនកកកុញប្រមូលផ្ដុំគ្នានៅពហុកីឡដ្ឋាន កំពុងកាន់ផ្ទាំងប្រកាសដែលសរសេរថា ទឹកដីសហរដ្ឋអាមេរិកទាំងមូលស្ថិតក្នុងគោលដៅបាញ់កម្ទេចរបស់យើង និង ឃ្លាថា ចក្រពត្តិនិយមអាមេរិក គឺជាអ្នកបំផ្លាញសន្តិភាព។ ការប្រារព្ធខួប កាលពីថ្ងៃអាទិត្យ បានកើតឡើង ស្របពេលមានក្ដីបារម្ភថា ទីក្រុងព្យុងយ៉ាងអាចនឹងបាញ់ផ្កាយរណបយោធាលើកដំបូងផ្សេងទៀតរបស់ខ្លួនដើម្បីបង្កើនការតាមដានសកម្មភាពយោធារបស់សហរដ្ឋអាមេរិក បន្ទាប់ពីការប៉ុនប៉ងលើកដំបូងរបស់ខ្លួនបានបរាជ័យកាលពីថ្ងៃទី៣១ខែឧសភា។ KCNA បាននិយាយថា ពេលនេះ កូរ៉េខាងជើងមានអាវុធដ៏មានឥទ្ធិពលបំផុតដើម្បីដាក់ទោសពួកចក្រពត្តិនិយមអាមេរិក ហើយក្រុមអ្នកសងសឹកលើដែនដីនេះនឹងបញ្ឆេះដោយឆន្ទៈដែលមិនអាចអត់ឱនបានដើម្បីសងសឹកសត្រូវ។កូរ៉េខាងជើងដែលប្រកាសខ្លួនឯងថាជាប្រទេសមហាអំណាចនុយក្លេអ៊ែរ បានសាកល្បងអាវុធផ្សេងគ្នាជាច្រើនរួមទាំងមីស៊ីលបាលីស្ទីកអន្តរទ្វីបធំបំផុតរបស់ខ្លួន ដែលជាការដុតបញ្ឆេះឲ្យកាន់តែមានភាពតានតឹងខ្លាំងថែមទៀត ជាមួយកូរ៉េខាងត្បូង និងសម្ព័ន្ធមិត្តដ៏សំខាន់របស់កូរ៉េខាងត្បូង គឺសហរដ្ឋអាមេរិក៕

ក្រុមមន្ត្រីមើលឃើញថា លោក Putin ចុះខ្សោយ ខណៈភាពចលាចលនៅរុស្ស៊ីបង្ហាញពីការបែកបាក់ផ្ទៃក្នុង

2023/06/26 09:52:00 am        184
Facebook Telegram Linkin
រុស្ស៊ី៖ ប្រមុខការទូតសហរដ្ឋអាមេរិកលោកAntony Blinken បាននិយាយថា បញ្ហាប្រឈមដែលមិនធ្លាប់មានចំពោះលោកប្រធានាធិបតីរុស្ស៊ី Vladimir Putin ដោយប្រធានក្រុមហ៊ុនទាហានស៊ីឈ្នួលវ៉ែកណាគ្រុប(Wagner Group) បានបង្ហាញពីការបែកបាក់កម្លាំងក្នុងការដឹកនាំរបស់លោក ដែលអាចចំណាយពេលដោះស្រាយជាច្រើនសប្ដាហ៍ ឬច្រើនខែ ខណៈប្រទេសចិន ដែលជាសម្ព័ន្ធមិត្តរបស់ប្រទេសរុស្ស៊ី និយាយថាខ្លួនគាំទ្រទីក្រុងមូស្គូ ក្នុងការការពារស្ថិរភាពជាតិ។ ក្នុងបទសម្ភាសន៍ជាបន្តបន្ទាប់តាមទូរទស្សន៍ លោក Blinken និងក្រុមសមាជិកសភាសហរដ្ឋអាមេរិក បាននិយាយថា ភាពចលាចលកាលពីថ្ងៃសៅរ៍ នៅក្នុងប្រទេសរុស្ស៊ី បានធ្វើឲ្យឥទ្ធិពលរបស់លោក Putin ចុះក្រោយក្នុងមធ្យោបាយជាច្រើនដែលអាចជួយដល់ការវាយបករបស់អ៊ុយក្រែន លើកងកម្លាំងរុស្ស៊ី ក្នុងទឹកដីរបស់ខ្លួន ខណៈកំពុងផ្ដល់ផលប្រយោជន៍ដល់បណ្ដាប្រទេសជិតខាងរុស្ស៊ីរួមទាំងប៉ូឡូញ និងរដ្ឋក្នុងតំបន់បាល់ទិក។ លោក Blinken បាននិយាយនៅក្នុងកម្មវិធីព័ត៌មាន ABC’s This Week ថា ខ្ញុំគិតថាយើងមើលពុំឃើញពីចំណាត់ការចុងក្រោយទេ បន្ទាប់ពីការងើបបះបោរធ្វើឡើងដោយប្រធានក្រុមហ៊ុនទាហានស៊ីឈ្នួល វ៉ែកណាគ្រុប លោក យេវ ហ្គីនី ព្រីហ្គូស៊ីន(Yevgeny Prigozhin) ។ លោកថា ភាពតានតឹងទាំងឡាយ ដែលបង្កឲ្យផ្ទុះសកម្មភាពឡើង បាននិងកំពុងរីកកាន់តែធំជាច្រើនខែទៀត និងបានបន្ថែមការគំរាមកំហែងដល់បញ្ហាផ្ទៃក្នុងដែលអាចប៉ះពាល់ដល់សមត្ថភាពយោធារបស់ក្រុងមូស្គូ នៅអ៊ុយក្រែន។ យោងតាមសារព័ត៌មាន The Washington Post និង New York Times ទីភ្នាក់ងារចារកម្មអាមេរិកបានប្រមូលសញ្ញាប៉ុន្មានថ្ងៃមុនដែលពេលលោក Prigozhin កំពុងរៀបចំកងទ័ពរបស់លោកដើម្បីបះបោរ ដោយក្រុមមន្ត្រីបានផ្ដល់របាយការណ៍នៅសេតវិមាន មន្ទីរបញ្ចកោណ និងនៅវិមាន Capitol Hill អំពីភាពចលាចលយ៉ាងរំជើបរំជួល មួយថ្ងៃមុនពេល Prigozhin ក្រោកប្រឆាំងនឹងមេដឹកនាំយោធារុស្ស៊ី គឺលោក Sergei Shoigu ដោយទាមទារឲ្យលោក Shoigu លាលែងពីតំណែង៕

សម្ដេចតេជោ ហ៊ុន សែន លើកទឹកចិត្តឲ្យចៅក្រមទាំងអស់ខិតខំឲ្យអស់លទ្ធភាព ដោះស្រាយសំណុំរឿងក្រៅប្រព័ន្ធតុលាការ

2023/06/26 09:22:42 am        171
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសលើកទឹកចិត្តដល់ចៅក្រម​ទាំងអស់ គប្បីត្រូវ ខិតខំឲ្យអស់ពីលទ្ធភាពក្នុងការ​ដោះស្រាយសំណុំរឿងក្រៅប្រព័ន្ធតុលាការ ដោយសំណុំរឿងខ្លះជា​រដ្ឋប្បវេណី​ទេ តែប្រើរយៈពេលវែងក្នុងការ​វិនិច្ឆ័យ ដូច្នេះត្រូវធ្វើការ​សម្របសម្រួល​ជាជាងកាត់ក្តីដល់គូជម្លោះ។ថ្លែងនៅក្នុងឱកាសអញ្ជើញជាអធិបតីភាពក្នុងពិធីសម្ពោធដាក់អោយប្រើប្រាស់ជាផ្លូវការ«អគារសាលាយុត្តិធម្ម»នាព្រឹកថ្ងៃទី២៦ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា សំណុំរឿងខ្លះបានធ្វើឲ្យគូជម្លោះអស់ទ្រព្យពីខ្លួនទាំងសងខាង ដោយសារតែប្រើរយៈពេលយូរ ដូច្នេះហើយ សម្តេចសូមលើកទឹកចិត្តឲ្យអស់លោក លោកស្រីជាចៅក្រម រួមទាំងអាជ្ញាធរផងនោះ​ដើរតួនាទីធ្វើការផ្សះផ្សារ និងសម្របសម្រួលក្រៅប្រព័ន្ធតុលាការជាពិសេសចំពោះសំណុំរឿង​ក្នុង​ក្របខណ្ឌរដ្ឋប្បវេណី។សម្តេចតេជោ ហ៊ុន សែន នាយករដ្ឋមន្រ្តី ក៏បានលើកឡើងផងដែរថា តុលាការគឺស្ថិតនៅក្នុង​មាត់ដង្កាប់​ ដោយអ្នកឈ្នះក្តី គេសរសើរតុលាការថា កាត់ក្តីយុត្តិធម៌ ខណៈអ្នកចាញ់ថា​នឹងគ្មាន​យុត្តិធម៌​សម្រាប់ពួកគេ ​ដូច្នេះហើយមានតែដើរតួនាទីជាអ្នកសម្របសម្រួល ​និងផ្សះផ្សារក្រៅប្រព័ន្ធ តុលាការទេទើបប្រសើរ ខ​ណៈមធ្យោបាយនេះ ​គឺជាយុទ្ធសាស្រ្តឈ្នះ​ ឈ្នះទាំងអស់គ្នា៕អត្ថបទ៖​បាន ចក់

ប្រសាសន៍សំខាន់ៗរបស់សម្ដេចតេជោ ក្នុងឱកាសអញ្ជើញសម្ពោធដាក់ឱ្យប្រើប្រាស់ជាផ្លូវការ "អគារសាលាយុត្ដិធម្ម" របស់ក្រសួងយុត្តិធម៌

2023/06/26 07:33:24 am        341
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី អញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីសម្ពោធដាក់ឲ្យប្រើប្រាស់ជាផ្លូវការ "អគារសាលាយុត្ដិធម្ម" របស់ក្រសួងយុត្តិធម៌ ដែលមានទីតាំងស្ថិតនៅ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ នៅព្រឹកថ្ងៃទី២៦ ខែមិថុនា ឆ្នាំ២០២៣នេះ។ប្រសាសន៍សំខាន់ៗរបស់សម្ដេចតេជោ ហ៊ុន សែន ដែលមានខ្លឹមសារដូចខាងក្រោម៖សម្ដេចតេជោ ហ៊ុន សែន បញ្ជាក់ថា កំណែទម្រង់ច្បាប់ និងប្រព័ន្ធយុត្តិធម៌ គឺជាកិច្ចការអាទិភាពនៅក្នុងរបៀបវារៈ និងកម្មវិធីនយោបាយរបស់រាជរដ្ឋាភិបាលសំដៅលើកកម្ពស់អភិបាលកិច្ចល្អ និងនីតិរដ្ឋ សម្រាប់គ្រប់គ្រង និងដឹកនាំរដ្ឋស្របតាមគោលការណ៍ នៃរដ្ឋធម្មនុញ្ញដែលជាច្បាប់កំពូលរបស់កម្ពុជា។សម្ដេចតេជោ ហ៊ុន សែន បញ្ជាក់ថា ហេដ្ឋារចនាសម្ព័ន្ធថ្មី «អគារសាលាយុត្ដិធម្ម» នឹងផ្ដល់លទ្ធភាពដល់សាលាជម្រះក្ដី និងអយ្យការអមសាលាជម្រះក្ដី គឺសាលាដំបូង និងសាលាឧទ្ធរណ៍ភ្នំពេញ អាចពន្លឿនចំណាត់ការលើសំណុំរឿងបានកាន់តែឆាប់រហ័ស ត្រឹមត្រូវ និងយុត្តិធម៌ ដើម្បីបញ្ចៀសបានការកកស្ទះសំណុំរឿង និងស្ថានភាពការពន្យារពេលយូរពេកក្នុងការផ្ដល់យុត្តិធម៌ មានន័យស្នើនឹងការបដិសេធមិនផ្ដល់យុត្តិធម៌។សម្ដេចតេជោ ហ៊ុន សែន បញ្ជាក់ថា វិធីដោះស្រាយវិវាទក្នុងសង្គម មិនមែនមានតែការកាត់ក្ដីមួយប៉ុណ្ណោះទេ ការសម្រុះសម្រួល និងការផ្សះផ្សារដោះស្រាយវិវាទ គឺជាវិធីដោះស្រាយប្រកបដោយប្រសិទ្ធភាព គឺគ្មានអ្នកឈ្នះ គ្មានអ្នកចាញ់ ធានាបាននូវសុខដុមរម្យនានៅសង្គម។សម្ដេចតេជោ ហ៊ុន សែន បញ្ជាក់ថា ដំណោះស្រាយដែលប្រជាជនចង់បានបំផុតនៅក្នុងសង្គមពេលមានវិវាទ កើតឡើងគឺជាដំណោះស្រាយមួយឆាប់រហ័ស និងអាចទទួលយកបាន។ ករណីវិវាទ ដែលមិនអាចសម្របសម្រួលបាន គឺចាំបាច់ត្រូវដោះស្រាយតាមផ្លូវតុលាការ។សម្តេចតេជោ ហ៊ុន សែន បានណែនាំឲ្យក្រសួងយុត្តិធម៌ក្តាប់ឲ្យជាប់នូវបទល្មើសព្រហ្មទណ្ឌ ខណៈបទល្មើសនេះបានកំពុងកើតមានឡើងនៅកម្ពុជា ជាពិសេសចំពោះជនជ្រុលនិយមមួយចំនួន។សម្ដេចតេជោ ហ៊ុន សែន បានផ្ដល់អនុសាសន៍ថា ដើម្បីលើកកម្ពស់គុណភាពនៅក្នុងការជម្រះក្ដីឱ្យបានត្រឹមត្រូវ និងយុត្តិធម៌ ត្រូវដោះស្រាយវិវាទឱ្យបានឆាប់ កាត់បន្ថយការកកស្ទះសំណុំរឿងនៅក្នុងតុលាការ ជួយផ្សះផ្សារការខ្វែងគំនិតគ្នារវាងគូភាគី ដើម្បីបង្កើនសាមគ្គីភាព និងភាពសុខដុរមនាឱ្យបានល្អប្រសើរ។សម្ដេចតេជោ ហ៊ុន សែន បញ្ជាក់ថា ការយឺតយ៉ាវក្នុងការកាត់ក្ដីជូនប្រជាពលរដ្ឋ មិនត្រឹមតែមិនបានផ្ដល់យុត្តិធម៌ដល់ប្រជាពលរដ្ឋប៉ុណ្ណោះទេ ប៉ុន្ដែវាជាភាពអយុត្តិធម៌សម្រាប់ជនជាប់ចោទថែមទៀតផង ដូចជាករណីឃុំខ្លួនជនជាប់ចោទដែលមិនទាន់បានជម្រះក្ដីជាដើម។ ដូច្នេះសម្ដេចតេជោតម្រូវឱ្យចៅក្រមត្រូវដោះស្រាយករណីនេះឱ្យបានល្អ កុំឱ្យដូចពេលមុនៗទៀត។សម្ដេចតេជោ ហ៊ុន សែន បានលើកទឹកចិត្តតួនាទីចៅក្រមឱ្យកាន់តែសកម្មក្នុងការដោះស្រាយវិវាទ រវាងគូភាគីឱ្យកាន់តែឆាប់ ដោយមិនត្រូវទុកឯកសារកាត់ក្ដីរយៈពេលយូរឡើយ។សម្ដេចតេជោ ហ៊ុន សែន បានលើកទឹកចិត្តដល់ចៅក្រមទាំងអស់ប្រើប្រាស់វិធីសាស្រ្ដក្នុងការសម្របសម្រួល ដោះស្រាយវិវាទទាំងខាងក្រៅ និងខាងក្នុងតុលាការ ចៀសជាងបញ្ជូនសំណុំរឿងក្ដីទៅកាត់នៅតុលាការ។សម្ដេចតេជោ ហ៊ុន សែន ណែនាំដល់ចៅក្រមទាំងអស់យកវិធីដោះស្រាយវិវាទក្រៅប្រព័ន្ធតុលាការ ដោយការពិនិត្យជាមុនលើបញ្ហារបស់គូភាគីរងវិវាទ រកវិធីដោះលើចំណុចត្រូវគ្នា ដើម្បីឈានទៅដោះស្រាយបញ្ហាឱ្យទទួលបានជោគជ័យស្របតាមគោលការឈ្នះឈ្នះទាំងអស់គ្នា។សម្ដេចតេជោ ហ៊ុន សែន បានណែនាំឱ្យពន្លឿនការធ្វើច្បាប់ទាក់ទងនឹងតុលាការពាណិជ្ជកម្ម ខណៈបច្ចុប្បន្ននេះកម្ពុជាកំពុងអភិវឌ្ឍន៍ប្រទេសដោយពង្រឹងលើការធ្វើធុរកិច្ចនៅកម្ពុជា។ សម្ដេចជំរុញឱ្យធ្វើច្បាប់នេះឱ្យចេញនៅក្នុងអាណត្តិខាងមុខ។

សម្ដេចតេជោ ហ៊ុន សែន អញ្ជើញពិធីសម្ពោធដាក់ឱ្យប្រើប្រាស់ជាផ្លូវការ "អគារសាលាយុត្ដិធម្ម" របស់ក្រសួងយុត្តិធម៌

2023/06/26 07:15:29 am        160
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី អញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីសម្ពោធដាក់ឲ្យប្រើប្រាស់ជាផ្លូវការ "អគារសាលាយុត្ដិធម្ម" របស់ក្រសួងយុត្តិធម៌ ដែលមានទីតាំងស្ថិតនៅ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ នៅព្រឹកថ្ងៃទី២៦ ខែមិថុនា ឆ្នាំ២០២៣នេះ។ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ បានឱ្យដឹងថា អគារសាលាយុត្តិធម្ម នេះជាទីតាំងបម្រើការងាររបស់សាលាឧទ្ធរណ៍ភ្នំពេញ និងមហាអយ្យការអមសាលាឧទ្ធរណ៍ភ្នំពេញ និងរបស់ សាលាដំបូងរាជធានីភ្នំពេញ និងអយ្យការអមសាលាដំបូង រាជធានីភ្នំពេញ។តាមរយៈសមិទ្ធផលនាពេលនេះគឺជាការយកចិត្តទុកដាក់ដ៏ខ្ពង់ខ្ពស់បំផុតពីសំណាក់សម្ដេចតេជោ នាយករដ្ឋមន្ត្រី សម្រាប់វិស័យយុត្តិធម៌ ដែលជាសសរស្តម្ភមួយដ៏សំខាន់ នៃសង្គមនីតិរដ្ឋ ព្រមទាំងជាការលើកទឹកចិត្តដ៏សំខាន់បំផុតសម្រាប់ថ្នាក់ដឹកនាំ មន្ត្រីរាជការ បុគ្គលិកនៅក្នុង វិស័យយុត្តិធម៌ទាំងមូល ទាំងនៅក្រសួងយុត្តិធម៌ ទាំងនៅតាមសាលាជម្រះក្តី និងអយ្យការអមសាលាជម្រះក្តី គ្រប់ជាន់ថ្នាក់ ក្នុងការបន្តអនុវត្តការងាររបស់ខ្លួនឱ្យកាន់តែសកម្ម និងកាន់តែមានប្រសិទ្ធភាពបន្តទៀតក្នុងការ អនុវត្តការងាររបស់ខ្លួន បម្រើសេវាយុត្តិធម៌ជូនប្រជាពលរដ្ឋ ជាពិសេសការបន្តគាំទ្រកាន់តែសកម្មថែមទៀត នូវកម្មវិធីកែទម្រង់ច្បាប់ និងប្រព័ន្ធយុត្តិធម៌របស់រាជរដ្ឋាភិបាល សំដៅលើកកម្ពស់គុណភាព និងប្រសិទ្ធភាព នៃការផ្តល់សេវាយុត្តិធម៌ ព្រមទាំងការពង្រឹងជំនឿទុកចិត្តពីប្រជាពលរដ្ឋ និងសាធារណជនលើវិស័យនេះ។ដោយសារទីតាំងបម្រើការងាររបស់សាលាដំបូងរាជធានីភ្នំពេញ និងរបស់សាលាឧទ្ធរណ៍ភ្នំពេញ មាន ទំហំតូច ហើយស្ថានភាពទីតាំងមិនអាចពង្រីកទីកន្លែងធ្វើការងារបាន ក៏ដូចជាមិនមានចំនួនសាលសវនាការគ្រប់គ្រាន់ ដើម្បីអាចឆ្លើយតបបានទៅនឹងតម្រូវការនៃការងារជាក់ស្ដែង, សម្ដេចតេជោនាយករដ្ឋមន្តី បានសម្រេច ផ្តល់ដីមួយកន្លែងទំហំ ៩ ៤៥៦ ម៉ែត្រក្រឡា ស្ថិតនៅតាមបណ្ដោយផ្លូវលោកតាក្រហមក ភូមិ ព្រែកលាប សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ (ក្នុងតំបន់អភិវឌ្ឍន៍ OCIC) និងបាន អនុញ្ញាតមានការសាងសង់នូវ អគារសាលាយុត្តិធម្មថ្មី ដ៏ធំមួយនៅលើទីតាំងដីនេះ ដែលនឹងក្លាយជាកន្លែង បំពេញការងាររួមរបស់សាលាដំបូងរាជធានីភ្នំពេញ និងសាលាឧទ្ធរណ៍ភ្នំពេញ ព្រមទាំងអង្គការអយ្យការអមសាលាជម្រះក្តីទាំងពីរនេះ។ អគារសាលាយុត្តិធម្មថ្មីនេះ ត្រូវបានគិតគូរសាងសង់ឡើងទៅតាមទម្រង់ជាអគារ សាលាជម្រះក្តី ដែលខុសពីអគាររដ្ឋបាលធម្មតា ហើយដោយយកតាមលំនាំអគារសាលាយុត្តិធម្ម ដែលជា អតីតសាលាវិនិច្ឆ័យរបស់កម្ពុជា ក្នុងរាជ ព្រះបាទសម្ដេចព្រះស៊ីសុវត្ថិ តាំងពីឆ្នាំ១៩២៥ ហើយបច្ចុប្បន្ន ជាអគារទីស្តីការក្រសួងយុត្តិធម៌។អគារសាលាយុត្តិធម្មថ្មីដ៏ស្កឹមស្កនេះ មានបណ្តោយ ៦២ម ទទឹង ៦០ម កម្ពស់ ៨ជាន់ និងមានផ្ទៃក្រឡាសរុបប្រមាណ ២៣ ០៣៥ ម២ ព្រមទាំងបំពាក់នូវប្រព័ន្ធបណ្តាញតភ្ជាប់ផ្នែកបច្ចេកវិទ្យា សម្រាប់បម្រើការងារ ក្នុងបរិបទនៃការធ្វើឌីជីថលលូបនីយកម្មនាពេលខាងមុខផងដែរ។ ការសាងសង់អគារនេះ បានប្រើរយៈពេល ២ឆ្នាំ និង ៦ខែ និងបានប្រើប្រាស់ថវិកាសរុបប្រមាណ ១៤,៦ លានដុល្លារអាមេរិក និង អនុវត្តគម្រោងសាងសង់ដោយ ក្រុមហ៊ុន លី ឈួង។អគារសាលាយុត្តិធម្មថ្មីនេះ បែងចែកជាពីរផ្នែកដោយមួយផ្នែកជាទីតាំងបម្រើការងារថ្មីរបស់សាលាដំបូង រាជធានីភ្នំពេញ និងមួយផ្នែកទៀតជាទីតាំងបម្រើការងារថ្មីរបស់សាលាឧទ្ធរណ៍ភ្នំពេញ។ ការរៀបចំទីកន្លែង បំពេញការងារនៅកន្លែងតែមួយនេះ គឺ យកលំនាំតាមការរៀបចំតុលាការដូចនៅប្រទេសបារាំង ហៅថា “វិមាន យុត្តិធម៌" (Palais de Justice) ដើម្បីប្រមូលផ្ដុំការផ្តល់សេវាយុត្តិធម៌ឱ្យនៅជាមួយគ្នា ងាយស្រួលសម្រាប់អ្នកប្រើប្រាស់សេវានេះ៕

ឯកឧត្តម វង្សី វិស្សុត ជំរុញសមាជិកបក្សខិតខំបម្រើប្រជាពលរដ្ឋប្រកបដោយគុណភាព

2023/06/25 08:05:07 pm        307
Facebook Telegram Linkin
កណ្តាល៖ ឯកឧត្តម វង្សី វិស្សុត អនុប្រធានក្រុមការងារគណបក្សចុះមូលដ្ឋានខេត្តកណ្តាល និងជាប្រធានក្រុមការងារគណបក្សចុះមូលដ្ឋានស្រុកមុខកំពូលបានថ្លែងការកោតសរសើរដល់ការខិតខំប្រឹងប្រែងបំពេញការងាររបស់សមាជិក សមាជិកាបក្សក្នុងវិស័យអប់រំនិងសុខាភិបាលដែលបានបំរើសេវាសាធារ ណៈជូនពលរដ្ឋបានយ៉ាងល្អប្រសើរនិងលើកទឹកចិត្តឱ្យបន្តការខិតខំឱ្យកាន់តែមានគុណភាពនិងប្រសិទ្ធភាពខ្ពស់។ឯកឧត្តម វង្សី វិស្សុត បានលើកឡើងបែបនេះក្នុងពេលអញ្ជើញចុះជួបសំណេះ សំណាលជាមួយថ្នាក់ដឹកនាំ និងមន្រ្តីជាសមាជិកសមាជិកា របស់គណបក្សប្រជាជនកម្ពុជា ក្នុងវិស័យអប់រំ វិស័យសុខាភិបាល និងក្រុម ស.២៦ ស.២៧ ប្រមាណជិត១,៤០០នាក់ នៅក្នុងស្រុកមុខកំពូល ខេត្តកណ្តាលកាលពីចុងសប្តាហ៍កន្លងទៅនៅទីស្នាក់ការគណបក្សប្រជាជនកម្ពុជាស្រុកមុខកំពូល។ឯកឧត្តមក៏បានវាយតម្លៃខ្ពស់ ចំពោះការចូលរួមចំណែករបស់សមាជិកទាំងអស់ ជាពិសេសគ្រូបង្រៀន និងគ្រូពេទ្យ ដែលជាអ្នកផ្តល់សេវាសាធារណៈដ៏ចាំបាច់បំផុត និងដោយផ្ទាល់ដល់ប្រជាពលរដ្ឋ ហើយ មានឥទ្ធិពលដល់សតិអារម្មណ៍ និងការរស់នៅប្រចាំថ្ងៃរបស់ប្រជាជន។ ឯកឧត្តមបន្តថា ជោគជ័យក្នុងការប្រយុទ្ធនឹងជំងឺកូវីដ-១៩ ក៏ដូចជាការដោះស្រាយផលប៉ះពាល់នៃជំងឺនេះមកលើសេដ្ឋកិច្ច-សង្គមកម្ពុជា ពិសេសការជួយទ្រទ្រង់អាជីវកម្មដែលទទួលរងផលប៉ះពាល់ និងការរក្សាលំនឹងជីវភាពរស់នៅប្រចាំថ្ងៃរបស់ប្រជាជន ពិសេសប្រជាជនក្រីក្រ និងងាយរងគ្រោះ ធ្វើឱ្យពិភពលោកមានការភ្ញាក់ផ្អើល និងទទួលស្គាល់ ដោយបានផ្តល់នូវចំណាត់ថ្នាក់ដ៏ខ្ពស់បំផុតដល់កម្ពុជា។ ជាមួយនេះ ការធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ាន, ព្រឹត្តិការណ៍អង្គរសង្រ្កាន្ត និងការធ្វើជាម្ចាស់ផ្ទះប្រកួតកីឡាស៊ីហ្កេម-ប៉ារ៉ាហ្កេមឆ្នាំ២០២៣ នេះបានធ្វើឱ្យពិភពលោកកាន់តែស្គាល់កម្ពុជាច្បាស់ និងធ្វើឱ្យពលរដ្ឋខ្មែរមានមោទភាពចំពោះជាតិ និងចំពោះខ្លួងឯងជាខ្មែរ និងបានធ្វើឱ្យព្រលឹងជាតិខ្មែរស់ឡើងវិញបន្ទាប់ពីបាត់បង់រាប់រយឆ្នាំ។ឯកឧត្តមបានបញ្ជាក់ថា ដំណើរឈានឡើងរបស់កម្ពុជា រយៈពេល ២៥ឆ្នាំចុងក្រោយនេះ បានគូសបញ្ជាក់អំពីគុណតម្លៃនៃសន្តិភាព ដូចនេះសមាជិកសមាជិកាគណបក្សទាំងអស់ ត្រូវចូលរួមការពារសន្តិភាព កុំឱ្យបាត់បង់ និងផ្តាំផ្ញើដល់លោកគ្រូ អ្នកគ្រូ គ្រូពេទ្យ និងពលរដ្ឋសូមទៅបោះឆ្នោតទាំងអស់គ្នា និងបោះឆ្នោតជូនគណបក្សប្រជាជនកម្ពុជា ដែលមានលេខរៀងទី១៨ ដើម្បីសន្តិភាព និងការអភិវឌ្ឍ ព្រមទាំងដើម្បីខ្លួនឯង ៕ 

ឯកឧត្តម វេង សាខុន៖សមិទ្ធផលបម្រើអោយវិស័យពុទ្ធចក្រនៅវត្តខែលជ័យសិរីសោភណមុនីរតនៈខេត្តកំពង់ចាម រីកដុះដាលជាបន្តបន្ទាប់ ក្រោមម្លប់សុខសន្តិភាព

2023/06/25 07:55:09 pm        347
Facebook Telegram Linkin
កំពង់ចាម៖ នៅវត្តខែលជ័យសិរីសោភណមុនីរតនៈ ស្ថិតនៅក្នុងភូមិខែលជ័យ ឃុំអូរស្វាយ ស្រុកកំពង់សៀម ខេត្តកំពង់ចាម មានរៀបចំពិធីបុណ្យសម្ពោធដាក់ឱ្យប្រើប្រាស់កុដិសមណសិស្ស និងសមិទ្ធផលនានា ថ្ងៃទី២៥ ខែមិថុនា ឆ្នាំ២០២៣នេះ ក្រោមអធិបតីភាពសម្តេចព្រះវនរ័ត្នកិត្តិបណ្ឌិត ណយ ច្រឹក សម្តេចព្រះសង្ឃនាយករងទី២ នៃព្រះរាជាណាចក្រកម្ពុជា និង ឯកឧត្តម វេង សាខុន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម។មានមតិសំណេះសំណាលទៅកាន់អង្គពិធី ឯកឧត្តមបានពាំនាំនូវបណ្តាំផ្ញើរសាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ដែលសម្តេចទាំងទ្វេតែងតែគិតគូរ និងបារម្ភអំពីជីវភាព និងស្ថានភាពរស់នៅរបស់បងប្អូន កូនចៅប្រជាពលរដ្ឋយើងគ្រប់ៗរូប។ឯកឧត្តម បានថ្លែងនូវការកោតសរសើរ និងវាយតម្លៃខ្ពស់ ចំពោះព្រះតេជគុណ ព្រះអនុគុណស្រុក និងព្រះចៅអធិការ វត្តខែលជ័យ ព្រមទាំងពុទ្ធបរិស័ទជិតឆ្ងាយ ដែលបានចូលរួមផ្តល់ជាបច្ច័យ ដល់ការកសាងទីសេនាសេនៈនៅវត្តខែលជ័យ ទទួលបានការរីកចម្រើន ជាបន្តបន្ទាប់ សមស្របជាទីកន្លែងបណ្តុះបណ្តាលសង្ឃ និងជាស្រែបុណ្យសម្រាប់ប្រជាពលរដ្ឋជិតឆ្ងាយ ។ ព្រះតេជគុណ ព្រះអនុគណស្រុក រួមជាមួយព្រះចៅអធិការ ក្នុងស្រុកកំពង់សៀម បានចូលរួមចំណែកយ៉ាងសកម្មលើការងារមនុស្សធម៌ ដូចការផ្តល់ស្បៀងអាហារ បរិក្ខា និងថវិកា ជួយដល់ប្រជាពលរដ្ឋដែលជាជនងាយរងគ្រោះ និងគ្រួសារមានហានិភ័យ រួមទាំង គ្រោះមហន្តរាយផងដែរ រួមជាមួយក្រុមការងារចុះជួយមូលដ្ឋាន បានធ្វើឲ្យប្រជាពលរដ្ឋរស់នៅមានភាពកក់ក្តៅ ។ជាមួយគ្នានេះ ឯកឧត្តម ក៏បានគូសបញ្ជាក់ពីវឌ្ឍនភាពជាទូទៅនៃសេដ្ឋកិច្ចកម្ពុជា ក្រោមម្លប់ដ៏ត្រជាក់នៃសុខសន្តិភាព ក្រោយការដាក់ចេញនូវនយោបាយឈ្នះ ឈ្នះ របស់សម្តេចតេជោ ហ៊ុន សែន ដែលជាប្រមុខដឹកនាំដ៏ប៉ិនប្រសប់ និងឈ្លាសវៃ បំផុត ដែលបានធ្វើឲ្យព្រះរាជាណាចក្រកម្ពុជា ទទួលបានការអភិវឌ្ឍបន្តបន្ទាប់ និងបានធ្វើឲ្យប្រជាពលរដ្ឋបានចេញផុតពីភាពក្រីក្រ លំបាក ជាបណ្តើរៗ តាមផែនការជាយុទ្ធសាស្រ្តរបស់រាជរដ្ឋាភិបាលដែលបានគ្រោងទុក ។ទន្ទឹមនឹងនេះ យើងមានក្តីសង្ឃឹមនិងជឿជាក់ថា នៅពេលដែលគណបក្សប្រជាជន ទទួលបានការគាំទ្រពីសំណាក់ប្រជាពលរដ្ឋដ៏លើសលុប នៅក្រោយការបោះឆ្នោតនាថ្ងៃ២៣ ខែកក្កដា ឆ្នាំ២០២៣ ខាងមុខនេះ រាជរដ្ឋាភិបាលដែលនឹងដឹកនាំដោយគណបក្សប្រជាជន នឹងខិតខំបង្កើនល្បឿននៃការអភិវឌ្ឍបន្ថែមទៀត ដោយដាក់ចេញនូវនយោបាយជាយុទ្ធសាស្រ្តបញ្ចកោណដំណាក់កាលទី១ រួមជាមួយនឹងការខិតខំដោះស្រាយបញ្ហាប្រឈមនានាដែលបាននឹងកំពុងប្រឈម មិនឲ្យប្រជាពលរដ្ឋខកចិត្តឡើយ។មុននឹងបញ្ចប់ ឯកឧត្តមក៏បានអំពាវនាវដល់ព្រះតេជគុណគ្រប់ព្រះអង្គ និងសមាជិក សមាជិកា គណបក្សប្រជាជនទាំងអស់ សូមព្រះមេត្តានិមន្ត និងអញ្ជើញទៅបោះឆ្នោតទាំងអស់គ្នា ហើយបោះឆ្នោតជូនគណបក្សប្រជាជនកម្ពុជា លេខរៀងទី១៨ នាថ្ងៃទី២៣ ខែកក្កដា ឆ្នាំ២០២៣ ខាងមុខនេះ ដើម្បីព្រះរាជាណាចក្រកម្ពុជាទទួលបានសុខសន្តិភាព និងការអភិវឌ្ឍថ្មីៗបន្តទៀត។ឯកឧត្តម រដ្ឋមន្ត្រីប្រតិភូអមនាយករដ្ឋមន្ត្រី បានយកអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិតចំនួន១០លានរៀល មកចែកជូនសមាជិកដែលបានចូលរួមទាំងអស់ ដែលម្នាក់ៗទទួលបាន ២០ ០០០ រៀលផងដែរ និងប្រគេនថវិការបស់ ឯកឧត្តម និងលោកជំទាវ ព្រមទាំងសហការី សរុប ១០ ០០០ដុល្លារ ជូនដល់ព្រះចៅអធិការវត្តសម្រាប់កសាងវត្ត៕

សម្តេចតេជោ ប្រកាសបណ្ដុះបណ្ដាលជំនាញវិជ្ជាជីវៈដល់យុវជនក្រីក្រ ១.៥ លាននាក់ចាប់ពីខែសីហា

2023/06/25 11:13:11 am        378
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្ដីកម្ពុជា បានប្រកាសថា រាជរដ្ឋាភិបាលនឹងចាប់ផ្ដើមធ្វើការបណ្ដុះបណ្ដាលជំនាញវិជ្ជាជីវៈដល់យុវជនក្រីក្រ និងងាយរងគ្រោះចំនួន ១.៥ លាននាក់ ចាប់ពីខែ សីហា ឆ្នាំ២០២៣ នេះតទៅ ខណៈនេះគឺជាគោលនយោបាយមួយទៀតរបស់រាជរដ្ឋាភិបាលក្នុងការទាក់ទាញវិនិយោគិនមកកាន់ប្រទេសកម្ពុជា និងការបង្កើនកម្លាំងពលកម្មជំនាញនៅក្នុងប្រទេស។សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជាបានមានប្រសាសន៍ ក្នុងឱកាសបន្តអញ្ជើញចុះជួបសំណេះសំណាលជាមួយកម្មករ កម្មការិនី ដែលបំរើការងារនៅតំបន់សេដ្ឋកិច្ចពិសេស មេនហាតធេន (MANHATTAN) ក្រុងបាវិត ខេត្ត ស្វាយរៀង នាព្រឹកថ្ងៃទី២៥ ខែមិថុនា ឆ្នាំ២០២៣នេះថា ការកសាងសន្ដិភាព​តាមរយៈគោល​នយោបាយ​ឈ្នះ ឈ្នះ គឺរាជរដ្ឋាភិបាលកម្ពុជា មានគោលនយោបាយច្បាស់លាស់ក្នុងការអភិវឌ្ឍ​ប្រទេសជាតិឱ្យមានការរីកចម្រើនជាជំហានៗ។ សូមជម្រាបថា សម្ដេចតេជោ ហ៊ុន សែន ជាប្រមុខរាជរដ្ឋាភិបាលកម្ពុជា បានផ្ដល់គោលការណ៍​ដល់ក្រសួងការងារ និងបណ្ដុះបណ្ដាលវិជ្ជាជីវៈ ជាមួយក្រសួងពាក់ព័ន្ធរៀបចំផែនការ​បណ្ដុះបណ្ដាល​ជំនាញវិជ្ជាជីវៈដល់យុវជនក្នុងគ្រួសារក្រីក្រ ​និងងាយរងគ្រោះ ដែលមានចំនួន​សរុបប្រមាណ ១.៥ លាននាក់ ដោយរាជរដ្ឋាភិបាលរ៉ាប់រងទទួល​បន្ទុកលើថ្លៃសិក្សា និងផ្ដល់ប្រាក់ឧបត្ថម្ភប្រចាំខែថែមទៀត។ដោយឡែកកាលពីថ្ងៃទី២០ ខែមិថុនានេះ ក្រសួងការងារ និងបណ្តុះបណ្តាលវិជ្ជាជីវៈ បានចុះអនុស្សរណៈជាមួយសាលាអន្តរជាតិកម្ពុជា-សិង្ហបុរី ( SCIA) របស់សិង្ហបុរី ដើម្បីបណ្ដុះបណ្ដាលជំនាញវិជ្ជាជីវៈដល់យុវជន ក្នុងគ្រួសារក្រីក្រ និងងាយរងគ្រោះ ១.៥ លាននាក់នេះផងដែរ។ ការបណ្តុះបណ្តាលនេះ នឹងចាប់ផ្តើមអនុវត្តនៅខែសីហា ឆ្នាំ២០២៣តទៅ៕អត្ថបទ៖វ៉ន ដារ៉ា

ឯកឧត្តម ឱម យ៉ិនទៀង៖ ឱ្យតែសមាជិកគណបក្សប្រជាជនមិនគិតថាថ្មី ឬចាស់ទេ គឺថ្នាក់ដឹកនាំទុកចិត្តដូចគ្នា

2023/06/25 11:00:43 am        308
Facebook Telegram Linkin
ភ្នំពេញ៖ ឯកឧត្តម ឱម យ៉ិនទៀង អនុប្រធានក្រុមការងារចុះជួយរាជធានីភ្នំពេញ និងជាប្រធានក្រុមការងារចុះមូលដ្ឋាន​ខណ្ឌទូលគោក រាជធានីភ្នំពេញ បានថ្លែងថា គោលនយោបាយរបស់គណបក្សប្រជាជនកម្ពុជាមិនប្រកាន់ថាអ្នកថ្មី ឬអ្នកចាស់នោះទេ ឲ្យតែសម្រេចចូលជាសមាជិកគណបក្សហើយ គឺថ្នាក់ដឹកនាំបក្សមានជំនឿ និងទុកចិត្តគ្រប់ៗគ្នាទាំងអស់ ដូច្នេះគប្បីត្រូវទៅចូលរួមបោះឆ្នោតឲ្យបានគ្រប់ៗគ្នា ហើយត្រូវបោះជូនដល់គណបក្សប្រជាជនកម្ពុជា។ក្នុងឱកាសប្រកាសទទួលសមាជិក-សមាជិកាគណបក្សថ្មី ជាង២ពាន់នាក់ នៅសង្កាត់បឹងសាឡាង ខណ្ឌទូលគោក រាជធានីភ្នំពេញ នាព្រឹកថ្ងៃទី២៥ ខែមិថុនា ឆ្នាំ២០២៣នេះ ឯកឧត្តម ឱម យ៉ិនទៀង បានលើកឡើងទៀតថា គោលនយោបាយរបស់គណបក្សប្រជាជនកម្ពុជា យកផលប្រយោជន៍​ប្រជាជន និងប្រទេសជាតិជាធំ ហើយគណបក្សប្រជាជនកម្ពុជាបើកទ្វាចំហរជានិច្ច ចំពោះការ​ទទួលបងប្អូនទាំងឡាយណាដែលសម្រេចចូលរួមជីវភាពនយោបាយជាមួយគណបក្សប្រជាជន ដោយមិនប្រកាន់ថាមកពីគណបក្សនេះ ឬគណបក្សនោះទេ តែទោះជាយ៉ាងណាការ​សម្រេច​ចិត្តចូលគណបក្សប្រជាជនកម្ពុជា ហើយគប្បីត្រូវស្មោះត្រង់ជាមួយគណបក្ស និងស្រលាញ់​ប្រជាជន និងប្រទេសជាតិ ស្របទៅតាមគោលនយោបាយរបស់គណបក្សប្រជាជន ដែលបានដាក់ចេញ។ឯកឧត្តម បានលើកឡើងទៀតថា គណបក្សប្រជាជនកម្ពុជា ដែលមានសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ​និងជាប្រធានគណបក្ស ​គឺនៅជាមួយបងប្អូនប្រជាពលរដ្ឋគ្រប់ពេលវេលា និងគ្រប់កាលៈទេសៈទាំងអស់ ហើយមានតែគណបក្សប្រជាជនកម្ពុជាមួយគត់​ដែលមានគោល​នយោបាយច្បាស់លាស់ និង​ស័ក្តិសម​បំផុតក្នុងការដឹកនាំនាវាកម្ពុជា​ឆ្ពោះទៅកាន់​ការអភិវឌ្ឍរីកចម្រើន តាំងពីដើមរហូតមកដល់សព្វថ្ងៃនេះ។យ៉ាងណាក៏ដោយខណៈការបោះឆ្នោតជ្រើសរើសតំណាងរាស្រ្តអាណត្តិ៧ ដែលនឹងប្រព្រឹត្តទៅនា ថ្ងៃទី២៣ ​ខែកក្កដា ឆ្នាំ២០២៣ខាងមុខនេះ ​ឯកឧត្តម ឱម យ៉ិនទៀង ក៏បានរំលឹក និងបានអំពាវនាវ​ដល់​បងប្អូនប្រ ជាពលរដ្ឋក៏ដូចជាសមាជិក-សមាជិកា​គណបក្សទាំងអស់មិនថាថ្មី ឬចាស់នោះទេ សូម​អញ្ជើ់ញ​ទៅបោះឆ្នោតឲ្យបានគ្រប់ៗគ្នាផងដែរ ដើម្បីឲ្យក្លាយទៅជាពលរដ្ឋល្អ ហើយ​គប្បីបោះឆ្នោតដើម្បីការពារសន្តិភាព​ ដោយធ្វើការគូសត្រូវគិតឲ្យត្រូវ គាំទ្រឲ្យត្រូវ ចំពោះលេខរៀង​ទី១៨ ខណៈគូសត្រូវលេខរៀងទី១៨ គឺដើម្បីបន្តអភិវឌ្ឍន៍​ប្រទេសជាតិលើគ្រប់វិស័យទាំង​អស់ផងដែរ៕ អត្ថបទ៖ បាន ចក់

សម្តេចតេជោ៖ រដ្ឋាភិបាលនឹងបង្កើតការងារក្នុង១ឆ្នាំ៣០ម៉ឺនកន្លែង ឬ១អាណត្តិស្មើ១លាន៥សែននាក់

2023/06/25 10:39:53 am        326
Facebook Telegram Linkin
ស្វាយរៀង៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានបញ្ជាក់ជាថ្មីថា រាជរដ្ឋាភិបាល និងខិតខំប្រឹងប្រែង ទាក់ទាញវិនិយោគិនមកបណ្ដាក់ទុន ដើម្បីបង្កើតការងារ ជូនពលរដ្ឋកម្ពុជាបន្ថែមទៀត ឲ្យបានជាង៣០ម៉ឺននាក់ ក្នុងមួយឆ្នាំ ឬអាចនិយាយបានថា ត្រូវបង្កើតការងារឲ្យបាន១លាន៥សែននាក់ សម្រាប់រយៈពេលមួយអាណត្តិនៃរដ្ឋសភា។សម្ដេចតេជោ នាយករដ្ឋមន្ត្រីកម្ពុជា មានប្រសាសន៍យ៉ាងដូច្នេះ ក្នុងពេលបន្តអញ្ជើញទៅជួបសំណេះសំណាលជាមួយកម្មករ កម្មការិនី នៅតំបន់សេដ្ឋកិច្ចពិសេស មេនហាតធេន (MANHATTAN) ក្រុងបាវិត ខេត្ត ស្វាយរៀង ជាង២ម៉ឺននាក់ នាព្រឹកថ្ងៃទី២៥មិថុនានេះ។ដើម្បីទាក់ទាញ វិនិយោគនេះ សម្ដេច បានបញ្ជាក់អំពីការខិតខំប្រឹងប្រែងរបស់រាជរដ្ឋាភិ បាលទៅ​លើការអភិវឌ្ឍ​ហេដ្ឋារចនាសម្ព័ន្ធទាំងផ្នែករឹងនិងផ្នែកទុន ដែលត្រូវធ្វើឲ្យកាន់តែងាយស្រួល សាមញ្ញ ដើម្បីកុំឲ្យអ្នកវិនិយោគមានការលំបាក។បើតាមរបាយការណ៍របស់ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈបានបញ្ជាក់ថា ក្រោមការដឹកនាំប្រកបដោយគតិបណ្ឌិតរបស់ សម្ដេចតជានាយករដ្ឋមន្ត្រី ប្រទេសកម្ពុជាបន្តរក្សា បានសន្តិភាព ស្ថិរភាព និងអភិវឌ្ឍន៍​លើគ្រប់វិស័យ សង្គម និងសេដ្ឋកិច្ចជាតិបន្តមានការរីកចម្រើនជាទីមោទនៈ។ សេដ្ឋកិច្ចកម្ពុជា បានកើនឡើងជាមធ្យមក្នុងអត្រា ៧% ជាង ២ទស្សវត្ស លើកលែងតែក្នុងអំឡុងដំណាក់កាល​នៃការរីករាលដាលជំងឺកូវី៨-១៩។ស្ថានភាពទីផ្សារការងារនៅកម្ពុជាមានភាពរឹងមាំដោយរក្សាបាននូវអត្រាមានការងារធ្វើខ្ពស់ប្រមាណ ៩៩៣% នៃកម្លាំងពលកម្មសរុបចំនួនប្រមាណ ១០៨លាននាក់។ បច្ចុប្បន្នសហគ្រាស គ្រឹះស្ថាន សេដ្ឋកិច្ចក្នុងប្រព័ន្ធដែលបានចុះបញ្ជីនៅក្រសួងការងារ និងបណ្តុះបណ្តាលវិជ្ជាជីវៈ មានចំនួន ១ម៉ឺន៧ពាន់ ២៥៦ សហគ្រាស ដែលមានកម្មករនិយោជិតចំនួន ១,៥លាននាក់៕

បណ្ដាញសង្គម

ព័ត៌មានថ្មីៗ

សាស្រ្តាចារ្យ និងសិស្សនិសិ្សតនៃគ្រឹះស្ថានបណ្តុះបណ្តាលបច្ចេកទេសមានមោទនភាព និងពេញចិត្តដែលរាជរដ្ឋាភិបាលបានចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជី​បេតិកភណ្ឌពិភពលោក
07/13/2025 07:07 PM
Facebook Telegram Linkin
គ្រឹះស្ថានបណ្តុះបណ្តាលបច្ចេកទេស និងវិជ្ជាជីវៈនៅទូទាំងប្រទេស អបអរសាទរការចុះ បូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
07/13/2025 07:07 PM
Facebook Telegram Linkin
មន្ទីរការងារ និងបណ្តុះបណ្តាលវិជ្ជាជីវៈនៅទូទាំងប្រទេសអបអរសាទរការចុះ បូជនីយដ្ឋាន​ចងចាំ​នៃកម្ពុជា ក្នុងបញ្ជីបេតិកភណ្ឌពិភពលោក
07/13/2025 07:07 PM
Facebook Telegram Linkin
ក្មេងទំនើង៣នាក់​បំផ្លាញទ្រព្យសម្បត្តិសាធារណៈ​ត្រូវបានឃាត់ខ្លួន ធ្វើកិច្ច​សន្យា​អប់រំ​ណែនាំ​ដោយ​មាន​ការធានាពីអាណាព្យាបាល ដើម្បី​អប់រំ​នៅ​មូលដ្ឋាន​បន្ត
07/13/2025 06:07 PM
Facebook Telegram Linkin
សហជីពតំណាងឱ្យកម្មករ កម្មការិនីនៅទូទាំងប្រទេសរីករាយ មានមោទនភាព និងស្ញប់ស្ញែងចំពោះរាជរដ្ឋាភិបាលដែលចុះទីតាំងឧក្រិដ្ឋកម្មទៅក្នុងបញ្ជីបេតិកភណ្ឌពិភពលោក
07/13/2025 06:07 PM
Facebook Telegram Linkin
ឯកឧត្តម ទី នរិន្ទ អញ្ជើ្ជញជួបសំណេះសំណាល​ជាមួយក​ម្មករ​-កម្មការិនី​ប្រមាណ ៥០០នាក់​ក្នុង​ឃុំត្រពាំងជង
07/13/2025 05:07 PM
Facebook Telegram Linkin
ចលនាមហាជនចូលរួមថវិកាគាំទ្រយ៉ាងផុសផុលរៀបចំមហាសន្និបាតវិសាមញ្ញ​តំណាង​សមាគម​អតីត​យុទ្ធជនកម្ពុជាទូទាំងប្រទេស បង្ហាញពីការយកចិត្តទុកដាក់ខ្ពស់​ចំពោះ​អតីតយុទ្ធជន​ដែល​បាន​ធ្វើ​ពលិកម្ម​ក្នុង​បុព្វ​ហេតុជាតិ មាតុភូមិ
07/13/2025 05:07 PM
Facebook Telegram Linkin
អតិផរណាអាមេរិក កើនឡើងជាលើកដំបូងក្នុងពេល ៥ខែ ដោយសារពន្ធបំផ្លិចបំផ្លាញសេដ្ឋកិច្ច
07/13/2025 05:07 PM
Facebook Telegram Linkin
រលកកម្ដៅបន្តកើតមានទូទាំងចក្រភពអង់គ្លេស មុនពេលសីតុណ្ហភាពធ្លាក់យ៉ាងគំហុកនៅថ្ងៃចន្ទស្អែកនេះ
07/13/2025 05:07 PM
Facebook Telegram Linkin
សារមន្ទីរទួលស្លែង រៀបចំពិធីអបអរសាទរការចុះ «បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្ម មកជាមណ្ឌលផ្សះផ្សា និងសន្តិភាព» ក្នុងបញ្ជីបេតិកភណ្ឌពិភពលោក
07/13/2025 04:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.