នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកឧត្តម កែវ រតនៈ បញ្ជាក់ជាថ្មីថាបច្ចុប្បន្នកម្ពុជាពុំបាននាំចូលអគ្គិសនី ប្រេងសាំង និង​ឧស្ម័ន​ពី​ប្រទេស​ថៃ​នោះទេ
ទំនប់អូរតេធិបតី ត្រៀមផ្គត់ផ្គង់ទឹកស្អាតជូនពលរដ្ឋរាប់ពាន់គ្រួសារបន្ថែមទៀតក្នុងខេត្តមណ្ឌលគិរី
រដ្ឋមន្ត្រីអាកាសចរណ៍ស៊ីវិល ចុះពិនិត្យអាកាសយានដ្ឋានអន្តរជាតិតេជោ ដើម្បីត្រៀម​ផ្តល់​វិញ្ញា​បន​ប័ត្រ​ដល់ប្រតិបត្តិករ
ស្ពានមិត្តភាពកម្ពុជា-ចិន មេគង្គក្រចេះ” គ្រោងនឹងបើកឱ្យឆ្លងកាត់បណ្តោះអាសន្ន អំឡុង​ពិធី​បុណ្យ​ដា​​ក់បិណ្ឌ និងភ្ជុំបិណ្ឌនៅខែកញ្ញាខាងមុខនេះ សម្រាប់យានយន្តធុនតូច

នយោបាយ​ និង ការអភិវឌ្ឍន៍

សម្តេចតេជោ៖ នយោបាយរាជរដ្ឋាភិបាលកម្ពុជា ដើម្បីសន្តិភាពធ្វើឱ្យប្រទេសជាតិរីកចម្រើន

2023/06/25 10:25:13 am        219
Facebook Telegram Linkin
ស្វាយរៀង៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍ថា រាជរដ្ឋាភិបាលកម្ពុជា មាននយោបាយសន្តិភាព បាននាំឲ្យប្រទេសជាតិរីកចម្រើនជាច្រើន លើគ្រប់វិស័យ ជាពិសេសតំបន់ព្រំដែន ដែលជាអតីតសមរភូមិប្រយុទ្ធ បានក្លាយជាតំបន់សេដ្ឋកិច្ចទីផ្សារ និងការអភិវឌ្ឍ។សម្ដេចតេជោ ប្រមុខរាជរដ្ឋាភិបាលកម្ពុជា មានប្រសាសន៍យ៉ាងដូច្នេះ ក្នុងឱកាសអញ្ជើញជួបសំណេះសំណាលជាមួយកម្មករ កម្មការិនី នៅតំបន់សេដ្ឋកិច្ចពិសេស មេនហាតធេន (MANHATTAN) ក្រុងបាវិត ខេត្តស្វាយរៀង ជាង២ម៉ឺននាក់ នាព្រឹកថ្ងៃទី២៥មិថុនានេះ។សម្ដេច មានប្រសាសន៍ថា ដោយសារគោលនយោបាយ ​ដ៏ត្រឹមត្រូវបែបនេះ​ហើយទើបនាំឱ្យ​តំបន់ព្រំដែនមាន ​ការរីកចម្រើន ដូចជា ​រោងចក្រ សហគ្រាស ​តំបន់សេដ្ឋកិច្ចពិសេស ដែលនាំអ្នកវិនិយោគិនមកបណ្ដាក់ទុន។ សម្ដេចតេជោប្រមុខរាជរដ្ឋាភិបាលកម្ពុជា បានមានប្រសាសន៍បន្តថា ​ទាក់ទិននឹងការអភិវឌ្ឍ នេះកម្ពុជា និងវៀតណាមមានការតភ្ជាប់គ្នា ដោយតំបន់សេដ្ឋកិច្ចពិសេសនៅទីនេះមិនមែន​នាំចេញ​ទៅកាន់កំពង់ផែ ​ខេត្តព្រះសីហនុ ដែលមានចម្ងាយ យ៉ាងឆ្ងាយនោះទេ ភាគីទាំងពីរមានកិច្ច​សហប្រតិបត្តិការនាំទៅកាន់ កំពង់ផែខាងវៀតណាម ដែលមានតម្លៃថោកជាង។ តែផ្នែកការតភ្ជាប់​ផ្សេងទៀត ដូចជាគមនាគមន៍ដឹកជញ្ជូន ​បញ្ហាអគ្គិសនី ឌីជីថលទូរគមនាគម​ជាដើម ត្រូវបាន​តភ្ជាប់ពីវៀតណាម ដើម្បីធ្វើការជាមួយគ្នា។ ក្នុងន័យនេះសម្ដេចថា នយោបាយសន្តិភាព របស់កម្ពុជាវាស្របគ្នា និងនយោបាយសន្តិភាព របស់​វៀតណាមផងដែរ ​ដែលត្រូវរិះរកការធ្វើពាណិជ្ជកម្មជាមួយគ្នា ​នាយកទៅវិញទៅមក ។សូមបញ្ជាក់ថា នៅខេត្តស្វាយរៀង ឆ្នាំ២០២៣ មានរោងចក្រ សហគ្រាស ចំនួន ២៦៤ មាន​កម្មករនិយោជិតប្រមាណជិត៩ម៉ឺន៥ពាន់នាក់ ដែលមានប្រាក់ឈ្នួលមធ្យមសរុបប្រមាណជាង ២៨៤លានដុល្លារអាម៉េរិកក្នុងមួយឆ្នាំ ក្នុងនោះរោងចក្រ ​សហគ្រាសវិស័យកាត់ដេរ ចំនួន៤១ មាន​កម្មករនិយោជិត សរុបជិត ៤ម៉ឺននាក់ ​ដែលមានប្រាក់ឈ្នួលមធ្យមសរុបប្រមាណជិត ១២៤លានដុល្លារអាម៉េរិកក្នុងមួយឆ្នាំ និងជាខេត្តទី៦ ដែលមានការអភិវឌ្ឍរោងចក្រ សហគ្រាស វិស័យកាត់ដេរច្រើន៕

ឯកឧត្តម វេង សាខុន អំពាវនាវដល់សមាជិកសមាជិកាបក្សត្រូវទៅបោះឆ្នោតទាំងអស់គ្នា នៅថ្ងៃទី២៣ខែក្រោយនេះ

2023/06/25 09:43:19 am        121
Facebook Telegram Linkin
កំពង់ចាម៖ នារសៀលថ្ងៃទី២៤ ខែមិថុនា ឆ្នាំ២០២៣ ឯកឧត្តម វេង សាខុន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម បានអញ្ជើញជាអធិបតីភាពក្នុងពិធីសំណេះ សំណាលជាមួយសមាជិក សមាជិកាបក្ស ស្ថិតនៅក្នុងឃុំកោះទន្ទឹម ស្រុកកំពង់សៀម ខេត្តកំពង់ចាម ។មានមតិសំណេះសំណាលទៅកាន់អង្គពិធី ឯកឧត្តម បានពាំនាំនូវបណ្តាំផ្ញើរសាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ដែលសម្តេចទាំងទ្វេតែងតែគិតគូរ និងបារម្ភអំពីជីវភាព និងស្ថានភាពរស់នៅរបស់បងប្អូន កូនចៅប្រជាពលរដ្ឋយើងគ្រប់ៗរូប។ ឯកឧត្តម បានថ្លែងនូវការកោតសរសើរ និងវាយតម្លៃខ្ពស់ ចំពោះគណបក្សមូលដ្ឋាន រួមជាមួយនឹង​សហការី ដែលអញ្ជើញមកពីថ្នាក់កណ្តាល ដែលបាន និងកំពុង ប្រឹងប្រែងយកចិត្តទុកដាក់កសាង​កម្លាំងគណបក្ស រួមជាមួយការចុះសួរសុខទុក​ប្រជាពលរដ្ឋជាប្រចាំ និងបានដោះស្រាយ​បញ្ហាជាច្រើននៅមូលដ្ឋាន រួមទាំងជួយដោះស្រាយជូនប្រជាពលរដ្ឋដែលប្រឈម នឹងជីវភាពរស់នៅ និងគ្រួសារមានហានិភ័យបានជាប្រចាំ។ ជាមួយគ្នានេះ ឯកឧត្តម ក៏បានគូសបញ្ជាក់ពីវឌ្ឍនភាពជាទូទៅនៃសេដ្ឋកិច្ចកម្ពុជា ក្រោមម្លប់ដ៏ត្រជាក់​នៃសុខសន្តិភាព ក្រោយការដាក់ចេញនូវនយោបាយឈ្នះ ឈ្នះ របស់សម្តេចតេជោ ហ៊ុន សែន ដែលជាប្រមុខដឹកនាំដ៏ប៉ិនប្រសប់ និងឈ្លាសវៃ បំផុត ដែលបានធ្វើឲ្យព្រះរាជាណាចក្រកម្ពុជា ទទួលបានការអភិវឌ្ឃបន្តបន្ទាប់ និងបានធ្វើឲ្យប្រជាពលរដ្ឋ​បានចេញផុតពីភាពក្រីក្រ លំបាក ជាបណ្តើរៗ តាមរយៈ ការកសាងហេដ្ឋារចនាសម្ព័ន្ធ សំខាន់ៗ ការអភិវឌ្ឍវិស័យកសិកម្ម ការដាក់ពង្រាយរោងចក្រនៅតាមខេត្តនិងតំបន់សេដ្ឋកិច្ចពិសេស ការបណ្តុះបណ្តាលធនធានមនុស្ស រួមជាមួយនឹង ការពង្រឹងនិងពង្រីកការផ្តល់សេវាផ្សេងៗ រួមទាំងការថែទាំសុខភាពសាធារណៈបានល្អប្រសើរផងដែរ ។ ទន្ទឹមនឹងនេះ ឯកឧត្តមមានក្តីសង្ឃឹមនិងជឿជាក់ថា គណបក្សប្រជាជននឹងទទួលបានការគាំទ្រ​ពីសំណាក់ប្រជាពលរដ្ឋដ៏លើសលុបបន្តទៀត នៅថ្ងៃបោះឆ្នោតនាថ្ងៃ២៣ ខែកក្កដា ឆ្នាំ២០២៣ ខាងមុខនេះ ហើយរាជរដ្ឋាភិបាលដែល​នឹងដឹកនាំ​ដោយគណបក្សប្រជាជន នឹងខិតខំ​បង្កើនល្បឿននៃការអភិវឌ្ឍបន្ថែមទៀត ដោយ​សម្តេចតេជោ នាយករដ្ឋមន្ត្រីហ៊ុន សែន បានបញ្ជាក់ថា៖ ក្នុងអាណត្តិទី៧ រាជរដ្ឋាភិបាលនឹងដាក់ចេញគោលនយោបាយយុទ្ធសាស្រ្តថ្មី គឺយុទ្ធសាស្ត្របញ្ចកោណ ដោយជំនួសយុទ្ធសាស្ត្រចតុកោណដែលបានអនុវត្តន៍​រយៈពេលចំនួន​៤អាណត្តិ​រួចមកហើយ។ ការផ្លាស់ប្តូរ គោលនយោបាយថ្មីនេះ គឺនឹងធ្វើឡើងដើម្បីឆ្លើយតបទៅ​តាមការវិវត្តនៃស្ថានការពិភពលោក និងដើម្បីសម្រេចចក្ខុវិស័យកម្ពុជាឆ្នាំ២០៥០។ ផែនការយុទ្ធសាស្ត្របញ្ចកោណនេះ អ្នកជំនាញលើផ្នែកគោលនយោបាយសាធារណៈបាន​ចាត់ទុកថា ជាកំណែទម្រង់ទាន់តម្រូវការសេដ្ឋកិច្ចសង្គម និងពិភពលោក ដែលក្នុងនោះមានយុទ្ធសាស្រ្ត៥សំខាន់ៗ រួមមាន៖ ១) ការអភិវឌ្ឍធនធានមនុស្ស, ២) ការធ្វើពីពិធកម្មសេដ្ឋកិច្ច (ការធ្វើសេដ្ឋកិច្ចប្រកបដោយមានលក្ខណៈគ្រប់ជ្រុងជ្រោយ), ៣) ការអភិវឌ្ឍវិស័យឯកជន និងការងារ, ៤) ការអភិវឌ្ឍសេដ្ឋកិច្ចសង្គម និងឌីជិថល, និង ៥) ការអភិវឌ្ឍប្រកបដោយបរិយាបន្ន និងចិរភាព។ ជារួមប្រមុខរាជរដ្ឋាភិបាលនឹងខិតខំដោះស្រាយបញ្ហាប្រឈមនានាដែលបាននឹងកំពុងប្រឈម មិនឲ្យប្រជាពលរដ្ឋខកចិត្តឡើយ។ មុននឹងបញ្ចប់ ឯកឧត្តមក៏បានអំពាវនាវដល់សមាជិក សមាជិកា គណបក្សប្រជាជនទាំងអស់ ត្រូវអញ្ជើញទៅបោះឆ្នោតទាំងអស់គ្នា ហើយបោះឆ្នោតជូនគណបក្សប្រជាជនកម្ពុជា លេខរៀងទី១៨ នាថ្ងៃទី២៣ ខែកក្កដា ឆ្នាំ២០២៣ ខាងមុខនេះ ដើម្បីព្រះរាជាណាចក្រកម្ពុជា​ទទួលបាន​សុខសន្តិភាព​ និងការអភិវឌ្ឍថ្មីៗបន្តទៀត។ ក្នុងឱកាសនោះ ឯកឧត្តម រដ្ឋមន្ត្រីប្រតិភូអមនាយករដ្ឋមន្ត្រី បានយកអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត ​ចំនួន ២៨ លានរៀល មកចែកជូនសមាជិកដែលបានចូលរួមទាំងអស់ ដែលម្នាក់ៗទទួលបាន ២០ ០០០ រៀលផងដែរ ៕

សម្តេចតេជោ ហ៊ុន សែន អញ្ជើញចុះជួបកម្មករ កម្មការិនី ជាង២ម៉ឺននាក់បន្តទៀត នៅតំបន់សេដ្ឋកិច្ចពិសេស ខេត្តស្វាយរៀង

2023/06/25 07:05:50 am        202
Facebook Telegram Linkin
ស្វាយរៀង៖ នៅព្រឹកថ្ងៃអាទិត្យថ្ងៃទី២៥ ខែមិថុនា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បន្តអញ្ជើញចុះជួបសំណេះសំណាលជាមួយកម្មករ កម្មការិនី ដែលបំរើការងារនៅតំបន់សេដ្ឋកិច្ចពិសេស មេនហាតធេន (MANHATTAN) ក្រុងបាវិត ខេត្ត ស្វាយរៀង។តាមការឲ្យដឹងពីឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានឱ្យ​ដឹង​ថា កន្លងទៅនេះ សម្តេចតេជោនាយករដ្ឋមន្ត្រី ធ្លាប់បាន អញ្ជើញជួបសំណេះសំណាលជាមួយបងប្អូនកម្មករនិយោជិតនៅ ក្រុងបាវិត ខេត្តស្វាយរៀងនេះ ចំនួន ៣ដង រួច មកហើយ ដែលលើកទី១ នៅឆ្នាំ២០០៥ ក្នុងពិធីសម្ភោធដាក់ឱ្យដំណើរការតំបន់សេដ្ឋកិច្ចពិសេសមេនហាតធេន, លើកទី២ នាថ្ងៃពុធ ទី៩ ខែឧសភា ឆ្នាំ២០១៨ ដែលមានកម្មករនិយោជិតចូលរួមចំនួន ២៨ ៥៨៤នាក់ មកពីរោង ចក្រ សហគ្រាស ចំនួន២៦ និងលើកទី៣ នាថៃ្ងព្រហស្បតិ៍ ទី១០ ខែឧសភា ឆ្នាំ២០១៨ ដែលមានកម្មករនិយោជិត ចូលរួមចំនួន ១៩ ៤៨៩នាក់ មកពីរោងចក្រ សហគ្រាស ចំនួន៣២។ជំនួបថ្ងៃស្អែកនេះ ជាលើកទី៤ ដែល សម្តេចតេជោនាយករដ្ឋមន្ត្រី បានមកជួបសំណេះសំណាលជាមួយ បងប្អូនកម្មករនិយោជិតសរុបចំនួន ២២ ៣៥៨នាក់ មកពីរោងចក្រ សហគ្រាស ចំនួន ២៤ ក្នុងក្រុងបាវិត ខេត្ត ស្វាយរៀង។រោងចក្រ សហគ្រាសចំនួន២៤ ជាប្រភេទរោងចក្រកាត់ដេរសម្លៀកបំពាក់ចំនួន ៧, ផលិតស្បែកជើងចំនួន៣, កែច្នៃផលិតផលជ័រ និងគ្រឿងផ្លាស្ទិក ចំនួន១, ផ្តុំនិងដំឡើងកង់ចំនួន ១, អេឡិចត្រូនិចចំនួន៣ និងរោងចក្រផ្សេងៗចំនួន៩។ ផលិតផលរបស់រោងចក្រទាំងនេះ គឺនាំចេញទៅទីផ្សារអន្តរជាតិ ដូចជាសហគមន៍ អឺរ៉ុប សហរដ្ឋអាម៉េរិក ប្រទេសចិន ប្រទេសអូស្ត្រាលីជាដើម។ នៅខេត្តស្វាយរៀង ឆ្នាំ២០២៣ មានរោងចក្រ សហគ្រាស ចំនួន ២៦៤ មានកម្មករនិយោជិតប្រមាណជិត៩ម៉ឺន ៥ពាន់នាក់ ដែលមានប្រាក់ឈ្នួលមធ្យមសរុបប្រមាណជាង ២៨៤លានដុល្លារអាម៉េរិកក្នុងមួយឆ្នាំ ក្នុងនោះរោងចក្រ សហគ្រាសវិស័យកាត់ដេរ ចំនួន៤១ មានកម្មករនិយោជិត សរុបជិត ៤ម៉ឺននាក់ ដែលមានប្រាក់ឈ្នួលមធ្យមសរុបប្រមាណជិត ១២៤លានដុល្លារអាម៉េរិកក្នុងមួយឆ្នាំ និងជា ខេត្តទី៦ ដែលមានការអភិវឌ្ឍរោងចក្រ សហគ្រាស វិស័យកាត់ដេរច្រើន៕

ឯកឧត្តម វេង សាខុន អញ្ជើញជួបសំណេះសំណាលជាមួយកម្មករ-កម្មការិនីរោងចក្រមេតថេក(ខេមបូឌា)នៅខេត្តកំពង់ចាម ជាង២០០០នាក់

2023/06/24 03:21:37 pm        191
Facebook Telegram Linkin
កំពង់ចាម៖ ឯកឧត្តម វេង សាខុន រដ្ឋមន្រ្តីប្រតិភូអមនាយករដ្ឋមន្រ្តី និងជាប្រធានក្រុមការងារគណបក្សចចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម បានអញ្ជើញជាអធិបតីភាព ក្នុងពិធីសំណេះសំណាលជាមួយកម្មករ-កម្មការិនី រោងចក្រមេតថេក(ខេមបូឌា) ស្ថិតនៅភូមិនគរបាជ័យ ឃុំអំពិល ស្រុកកំពង់សៀម ខេត្តកំពង់ចាម និងមានការអញ្ជើញចូលរួមដោយ ឯកឧត្តម លោកជំទាវ លោក និងលោកស្រីសមាជិក សមាជិកាក្រុមការងារថ្នាក់កណ្តាល ថ្នាក់ខេត្ត ស្រុក ឃុំ និងកម្មករ កម្មការនី ចំនួន ២៣៣៥នាក់​ នៅព្រឹកថ្ងសទី២៤ ខែមិថុនា ឆ្នាំ២០២៣។ ឯកឧត្តមរដ្ឋមន្រ្តីប្រតិភូអមនាយករដ្ឋមន្រ្តី បានកោតសរសើរដល់ក្រុមហ៊ុនមេតថេក ដែលបានខិតខំស្វែងរកទីផ្សារសម្រាប់ផ្គត់ផ្គង់ ដែលបានផ្តល់ឱកាសឱ្យរោងចក្រនេះមានសមត្ថភាពស្រូបយកកម្លាំងពលកម្មបានជាង២ពាន់នាក់ ទោះបីសេដ្ឋកិច្ចយើងទើបចាកចេញពីផលប៉ះពាល់នៃការរីករាលដាលជំងឺកូវីដ-១៩ក៏ដោយ។ ជាមួយគ្នានេះ ឯកឧត្តមបានពាំនាំនូវបណ្តាំផ្ញើសាកសួរសុខទុក្ខរបស់សម្តេចតេជោ និងសម្តេចកិត្តិព្រឹទ្ធបណ្ឌិត ដែលសម្តេចទាំងពីរតែងតែគិតគូរពីសុខទុក្ខ និងជីវភាពរបស់ប្រជាពលរដ្ឋគ្រប់ៗរូប។ឯកឧត្តម ក៏បានលើកឡើងពីប្រវត្តិនៃការតស៊ូរបស់ថ្នាក់ដឹកនាំកំពូលរបស់គណបក្សប្រជាជនកម្ពុជាដែលបានស្រោចស្រង់កម្ពុជារួចផុតពីប្រទេសមានសង្រ្គាមរហូតដល់ទទួលបានសន្តិភាពពេញលេញតាមរយៈការដាក់ចេញនូវនយោបាយឈ្នះឈ្នះ។ឯកឧត្តមបានអំពាវនាវឱ្យប្អូនៗ និងក្មួយៗកម្មករ កម្មការនីទាំងអស់រួមគ្នាថែរក្សាសុខសន្តិភាព ដើម្បីទទួលបានឱកាសការងារឥតឈប់ឈរ តកូនតចៅ។ឯកឧត្តមបានគូសបញ្ជាក់បន្ថែមថា តាមរយៈការយកចិត្តទុកដាក់ដ៏ខ្ពង់ខ្ពស់របស់សម្តេចតេជោ ហ៊ុន សែន ថ្មីៗនេះរាជរដ្ឋាភិបាល បានប្រកាសជួយគាំទ្រការស្នាក់នៅ និងហូបចុក សម្រាប់ពលករជាង ១,៥លាននាក់ ទៅបណ្តុះបណ្តាលជំនាញវិជ្ជាជីវៈក្នុងវិស័យឧស្សាហកម្ម ដើម្បីលើកកម្ពស់គុណភាពកម្លាំងពលកម្ម និងទទួលបានប្រាក់ចំណូលខ្ពស់នៅក្រោយបោះឆ្នោត។ ក្រៅពីនេះរាជរដ្ឋាភិបាលក៏កំពុងគិតគូរពង្រីកហេដ្ឋារចនាសម្ព័ន្ធសំខាន់ៗបន្ថែមទៀតដូចជាផ្លូវល្បឿនលឿន រថភ្លើងល្បឿនលឿន កំពង់ផែទឹកជ្រៅ និងព្រលានយន្តហោះអន្តរជាតិខ្នាតធំ ដើម្បីពន្លឿនការអភិវឌ្ឍន៍សេដ្ឋកិច្ចឱ្យមានភាពធន់ និងធានាបាននូវចីរភាព។ តាមរយៈសមិទ្ធផល និងគោលនយោបាយដឹកនាំដ៏ច្បាស់លាស់របស់គណបក្សប្រជាជនកម្ពុជា ឯកឧត្តម បានអំពាវនាវឱ្យកម្មករ កម្មការនីទាំងអស់និងក្រុមគ្រួសារ សូមទៅចូលរួមបោះឆ្នោតនៅថ្ងៃទី២៣ ខែកក្កដា ឆ្នាំ២០២៣ និងបោះឆ្នោតជូនគណបក្សប្រជាជនកម្ពុជាលេខរៀងទី១៨ឱ្យបានគ្រប់ៗគ្នា៕

ស្លាកគណបក្សភ្លើងទៀន ត្រូវបានអតីតសមាជិកទម្លាក់ចោលជាបន្តបន្ទាប់ ព្រោះអស់ជំនឿលើមេបក្សរបស់ខ្លួន

2023/06/23 05:26:55 pm        489
Facebook Telegram Linkin
កំពង់ចាម៖ គ្រួសារអតីតសកម្មជនបក្សភ្លើងទៀនចំនួន៣គ្រួសារ ក្នុងឃុំកងតាណឹង ស្រុកកងមាស ខេត្តកំពង់ចាម បានសម្រេចចិត្តទម្លាក់ស្លាកគណបក្សភ្លើងទៀនពីមុខផ្ទះចោល ខណៈពេលនេះ ពួកគេអស់ជំនឿជឿលើការដឹកនាំរបស់មេបក្សខ្លួន។ជាក់ស្ដែងនៅព្រឹកថ្ងៃទី២៣ខែមិថុនា ឆ្នាំ២០២៣ ពួកគាត់ក៏នាំគ្នាដកស្លាកគណបក្សភ្លើងទៀន​ពី​មុខ​ផ្ទះចោល ដោយបានលើកឡើងថា ​ការរស់នៅជាមួយមេដឹកនាំគណបក្សប្រឆាំង មិនបានធ្វើឲ្យ​ប្រទេសជាតិរីកចម្រើន​ មាន​តែភូតភរបោកប្រាសសកម្មជនរបស់ខ្លួន ។ពួកគាត់ បានលើកឡើងទៀតថា​ ការដែលសម្រេចចិត្តចូលរួម​ជីវភាព​នយោបាយ​ជាមួយ​គណបក្សប្រជាជន​ កម្ពុជា ​គឺបន្ទាប់ពីពួកគេដឹងខ្លួនថា​ ការ​ដឹកនាំ​គណបក្សប្រឆាំង​គ្មាន​គោលនយោបាយច្បាស់លាស់ ​មានតែការ​ញុះញង់​អុជអាល​ និង​រើសអើង​ជាតិសាសន៍ ខុសពី​គណបក្សប្រជាជនកម្ពុជា ​ដែលមាន​សម្តេចតេជោ ​ហ៊ុន សែន ​ជាប្រមុខដឹកនាំ មាន​គោល​នយោបាយច្បាស់លាស់ពិតប្រាកដ ​ដោយ​យកផល​ប្រយោជន៍ជាតិ ​និង​ប្រជាជនជាធំ ។សូមបញ្ជាក់ថា​ ក្នុងរយៈពេលចុងក្រោយនេះ ​គេសង្កេតឃើញថា ​សកម្មជន ​សមាជិក-សមាជិកា និង​មន្ត្រីគណបក្សប្រឆាំង នៅក្នុងប្រទេស ​និងក្រៅប្រទេស​ រាប់រយនាក់ បានសម្រុកចូលរួម​ជាមួយ​គណបក្សប្រជាជនកម្ពុជា និងរាជរដ្ឋាភិបាលជាបន្តបន្ទាប់ ៕

Bidenការពារការហៅមេដឹកនាំចិនលោក Xi ជាជនផ្តាច់ការអំឡុងពេលរៃអង្គាសថវិកា

2023/06/23 12:26:31 pm        142
Facebook Telegram Linkin
អាមេរិក៖ ប្រធានាធិបតីសហរដ្ឋអាមេរិក លោក Joe Biden បាននិយាយការពារការហៅប្រធានាធិបតីចិន លោក Xi Jinping ថា ជា «ជនផ្តាច់ការ» ត្រឹមតែប៉ុន្មានថ្ងៃបន្ទាប់ពីប្រទេសរបស់មេដឹកនាំកំពូលទាំង២ បានសាទរចំពោះការរីកចម្រើនតិចតួច នៅក្នុងការបន្ធូរបន្ថយភាពតានតឹង។អំឡុងពេលធ្វើសន្និសីទសារព័ត៌មានរួមគ្នាជាមួយនាយករដ្ឋមន្ត្រីឥណ្ឌា លោក Narendra Modi កាលពីថ្ងៃព្រហស្បតិ៍ (ទី២៣ ខែមិថុនា) លោក Biden បាននិយាយថា សេចក្តីថ្លែងការណ៍ត្រង់ៗរបស់លោកពាក់ព័ន្ធនឹងប្រទេសចិន គឺមិនមែនជាអ្វី ដែលលោកនឹងផ្លាស់ប្តូរច្រើននោះទេ។លោក Biden បានថ្លែងថា៖ «ខ្ញុំរំពឹងថា នឹងជួបជាមួយលោកប្រធានាធិបតី Xi នៅពេលណាមួយ ក្នុងអនាគតដ៏ខ្លីខាងមុខនេះ។ ហើយខ្ញុំមិនគិតថា វាមានផលវិបាកពិតប្រាកដនោះទេ»។ពាក្យថា «ជនផ្តាច់ការ» ត្រូវបានគេរាយការណ៍ថា បានលេចឡើងនៅឯយុទ្ធនាការរៃអង្គាសប្រាក់ ក្នុងរដ្ឋកាលីហ្វ័រនីញ៉ា នៅដើមសប្តាហ៍នោះ ដោយនៅក្នុងកម្មវិធីនោះ លោក Biden បានពណ៌នាមេដឹកនាំចិនថា មិនបានដឹងនោះទេនូវព័ត៌មានពីកើតហេតុការណ៍ ដែលពាក់ព័ន្ធនឹងបាឡុងចារកម្មចិន ដែលហោះនៅលើទឹកដីអាមេរិក។សេចក្តីថ្លែងការណ៍នេះបានធ្វើឡើងមួយថ្ងៃបន្ទាប់ពីរដ្ឋមន្ត្រីការបរទេសអាមេរិកលោក Antony Blinken បានបញ្ចប់ការធ្វើដំណើរទៅកាន់ទីក្រុងប៉េកាំង ដោយក្លាយជាមន្ត្រីជាន់ខ្ពស់បំផុត ដែលទៅបំពេញទស្សនកិច្ចនៅប្រទេសចិន ចាប់តាំងពីលោក Biden ចូលកាន់តំណែងក្នុងខែមករា ឆ្នាំ២០២១។កាលពីថ្ងៃព្រហស្បតិ៍ (ទី២២ ខែមិថុនា) ស្ថានទូតចិន ប្រចាំនៅក្រុងវ៉ាស៊ីនតោន សហរដ្ឋអាមេរិក បានឲ្យដឹងថា ស្ថានទូតបានចេញការតវ៉ាជាផ្លូវការប្រឆាំងនឹងការលើកឡើងរបស់លោក Biden។ស្ថានទូតបានរៀបរាប់នៅក្នុងសេចក្តីថ្លែងការណ៍មួយថា៖ «ជាមួយនឹងសុន្ទរកថាដែលមិនទទួលខុសត្រូវចុងក្រោយបង្អស់ពាក់ព័ន្ធនឹងប្រព័ន្ធនយោបាយរបស់ប្រទេសចិន និងមេដឹកនាំកំពូលរបស់ប្រទេស ប្រជាជនចិន មិនអាចជួយអ្វីបាន ក្រៅពីចោទសួរពីភាពស្មោះត្រង់របស់ភាគីអាមេរិក។ រដ្ឋាភិបាល និងប្រជាជនចិនមិនទទួលយកបាននោះឡើយនូវការបង្ករឿងខាងនយោបាយណាមួយ ប្រឆាំងនឹងមេដឹកនាំកំពូលរបស់ប្រទេសចិន ហើយនឹងឆ្លើយតបយ៉ាងដាច់អហង្ការ»៕

អតីតអ្នកគាំទ្របក្សប្រឆាំងទាំងក្នុង និងក្រៅប្រទេស ងាកមកគាំទ្របក្សប្រជាជនជាបន្តបន្ទាប់

2023/06/23 11:53:50 am        259
Facebook Telegram Linkin
ភ្នំពេញ៖ អតីតមន្រ្តីជាន់ខ្ពស់អ្នកជំនិត និងសកម្មជនរាប់រយនាក់ ដែលធ្លាប់គាំទ្រ គណបក្សប្រឆាំង​ជាច្រើនឆ្នាំមកហើយនោះទាំងក្នុង និងក្រៅប្រទេស បានសុំចូលរួមជីវភាពនយោបាយ​ជាមួយ​គណបក្សប្រជាជនកម្ពុជាជាបន្តបន្ទាប់​ ក្រោយពីពួកគេដឹងខ្លួនថា ​ការរស់នៅជាមួយមេដឹកនាំ គណបក្សប្រឆាំង មិនបានធ្វើឲ្យប្រទេសជាតិរីកចម្រើន​ មានតែនាំទុក្ខ​បុកម្នេញ​ដល់ខ្លួន ។អតីតអ្នកដើរតាមបក្សប្រឆាំងដែលបានចូលរួមជីវភាព​នយោបាយ​ជាមួយគណបក្សប្រជាជនកម្ពុជា ក្នុងរយៈពេលប៉ុន្មាន​ខែចុងក្រោយនេះ​ បានលើកឡើងដូចៗគ្នាថា ​ពួកគេពិតជាមាន​កំហុសធ្ងន់​ ដែល​បានរិះគន់​ និងដិះដៀលរាជរដ្ឋាភិបាល ​និងគណបក្សប្រជាជនកម្ពុជា​នាពេលកន្លងមក​ ដោយ​សារតែខ្វះការគិតពិចារណាស្តាប់​តាមការញុះញង់ ​និង​អុជអាល​របស់​មេបក្សប្រឆាំង រហូតដល់​ធ្វើឲ្យពួកគេជាប់​ពន្ធនាគារ​ រស់នៅក្រៅស្រុក ​មិនបានជួបឪពុកម្តាយ ​ប្រពន្ធកូនជាដើម ។ពួកគេក៏បានសម្ដែងនូវការសោកស្ដាយថា អស់រយៈពេលជាច្រើនឆ្នាំហើយ​ ដែលបានដើរតាម នយោបាយ​របស់មេដឹកនាំបក្សប្រឆាំង ដោយមិនបានចូលរួម​ធ្វើកិច្ចការដើម្បីបម្រើ​សង្គមជាតិ​នោះទេ គឺមានតែនាំឲ្យមានភាព​វឹកវរ​ដល់សង្គមជាតិប៉ុណ្ណោះ ។ពួកគេបានអះអាងថា ការដែលសម្រេចចិត្តចូលរួម​ជីវភាព​នយោបាយជាមួយ​គណបក្សប្រជាជន កម្ពុជា ​គឺបន្ទាប់ពីពួកគេដឹងខ្លួនថា​ ការដឹកនាំគណបក្សប្រឆាំង​មានការប្រកាន់បក្ខពួក និងមាន​អំពើពុករលួយ គ្មានគោលនយោបាយច្បាស់លាស់ ​មានតែការ​ញុះញង់​អុជអាល និង​រើសអើង​ជាតិសាសន៍ ខុសពីគណបក្សប្រជាជនកម្ពុជា ​ដែលមាន​សម្តេចតេជោ ​ហ៊ុន សែន ​ជាប្រមុខដឹកនាំ មាន​គោលនយោបាយច្បាស់លាស់ពិតប្រាកដ ​ដោយយកផល​ប្រយោជន៍ជាតិ ​និង​ប្រជាជនជាធំ ។សូមបញ្ជាក់ថា​ ក្នុងរយៈពេលចុងក្រោយនេះ ​គេសង្កេតឃើញថា ​សកម្មជន ​សមាជិក-សមាជិកា និង​មន្ត្រីគណបក្សប្រឆាំង នៅក្នុងប្រទេស ​និងក្រៅប្រទេស​ រាប់រយនាក់ បានសម្រុកចូលរួម​ជាមួយគណបក្សប្រជាជនកម្ពុជា និងរាជរដ្ឋាភិបាលជាបន្តបន្ទាប់ ៕អត្ថបទ៖ បាន ចក់

ការទាមទារអត្ថប្រយោជន៍ពីការអត់ការងារធ្វើរបស់អាមេរិក នៅតែខ្ពស់រយៈពេល ២០ខែ ដោយធ្វើឲ្យគម្លាតគណនីចរន្តរីកកាន់តែធំ

2023/06/23 11:13:27 am        100
Facebook Telegram Linkin
អាមេរិក៖ ចំនួនមនុស្សដែលដាក់ពាក្យស្នើសុំប្រាក់អត្ថប្រយោជន៍ពីការអត់ការងារធ្វើរបស់រដ្ឋជាលើកដំបូង នៅតែស្ថិតក្នុងកម្រិតខ្ពស់រយៈពេល ២០ខែ កាលពីសប្តាហ៍មុន ដោយនៅរក្សាការកើនឡើងខ្ពស់ ក្នុងរយៈពេល៣សប្តាហ៍ជាប់ៗគ្នា ជាអ្វីដែលអាចជាសញ្ញាដំបូងនៃការធ្លាក់ចុះទីផ្សារការងារ នៅចំពោះមុខការរឹតបន្តឹងកម្ចីឥទានដ៏គំហុករបស់ធនាគារកណ្តាលសហព័ន្ធ។ទិន្នន័យពីការិយាល័យស្ថិតិការងារ កាលពីថ្ងៃព្រហស្បតិ៍ (ទី២២ ខែមិថុនា) បានបង្ហាញថា ការទាមទារថ្មីចំនួន ២៦៤.០០០ច្បាប់ ត្រូវបានដាក់ដើម្បីសុំអត្ថប្រយោជន៍ពីការគ្មានការងារធ្វើ តាមមូលដ្ឋានដែលបានកែតម្រូវតាមរដូវកាល នៅចុងសប្ដាហ៍ថ្ងៃទី១៧ ខែមិថុនា ដោយមិនបានផ្លាស់ប្តូរពីកម្រិត ដែលបានកែសម្រួលឡើងកាន់តែខ្ពស់ កាលពីសប្តាហ៍មុន ដែលជាកម្រិតខ្ពស់បំផុតនៃការទាមទារដំបូង ចាប់តាំងពីខែតុលា ឆ្នាំ២០២១។យោងតាមការស្ទង់មតិរបស់សារព័ត៌មាន Reuters សេដ្ឋវិទូបានរំពឹងទុកថា ជាមធ្យមនឹងមានការទាមទារថ្មីចំនួន ២៦០.០០០ច្បាប់។ ទន្ទឹមនឹងនេះ ចំណាត់ថ្នាក់នៃគ្រប់អ្នកដែលបន្តទទួលបានអត្ថប្រយោជន៍មានលើសពីសប្តាហ៍ដំបូង បានធ្លាក់ចុះដល់ ១,៧៥៩លាននាក់ នៅចុងសប្តាហ៍ថ្ងៃទី១០ ខែមិថុនា ពីលំដាប់ ១,៧៧២លាននាក់ ដែលកែឡើងវិញ កាលពីសប្តាហ៍មុន។ សេចក្ដីប្រកាសចុងក្រោយបំផុត បើប្រៀបធៀបជាមួយនឹងចំនួនមធ្យមនៃការប៉ាន់ស្មានរបស់សេដ្ឋវិទូ គឺ ១,៧៨២លាននាក់ ដែលហៅថាការទាមទារបន្ត។រដ្ឋាភិបាលក៏បានរាយការណ៍ផងដែរថា ឱនភាពគណនីចរន្តរបស់សហរដ្ឋអាមេរិក ដែលជារង្វាស់ដ៏ធំទូលាយបំផុតនៃលំហូរទំនិញ សេវាកម្ម និងការវិនិយោគ ខាងក្នុង និងខាងក្រៅប្រទេស បានឡើងក្នុងកម្រិតតិចតួច ក្នុងរយៈពេល ៣ខែដំបូងនៃឆ្នាំ២០២៣ ដោយធ្លាក់ចុះ ៣ភាគ៤នៃចំនួនធ្លាក់ចុះដ៏ស្ដួចស្ដើង៕

តុលាការកំពូលរុស្ស៊ី ច្រានចោលបណ្ដឹងរបស់មេដឹកនាំបក្សប្រឆាំង Navalny ជំទាស់លក្ខខណ្ឌក្នុងពន្ធនាគារ

2023/06/23 11:09:42 am        103
Facebook Telegram Linkin
 រុស្ស៊ី៖ តុលាការកំពូលរបស់ប្រទេសរុស្ស៊ីកាលពីថ្ងៃព្រហស្បតិ៍បានច្រានចោលបណ្តឹងរបស់មេដឹកនាំប្រឆាំង កំពុងជាប់ពន្ធនាគារលោក Alexei Navalny ដែលប្រឆាំងនឹងច្បាប់ពន្ធនាគារដែលអនុញ្ញាតឲ្យមន្ត្រីពន្ធនាគារដកហូតសម្ភារៈការិយាល័យ និងប៊ិចពីរូបលោក។លោក Navalny កំពុងជាប់ពន្ធនាគាររយៈពេល៩ ឆ្នាំពីបទក្លែងបន្លំ និងការប្រមាថតុលាការនៅក្នុងបទចោទព្រហ្មទណ្ឌកម្រិតអតិបរមានៅដែនដីដាច់ស្រយាលមួយនៅពន្ធនាគារ Melekhovo ចម្ងាយ ២៥០ គីឡូម៉ែត្រ ភាគខាង កើតទីក្រុងម៉ូស្គូ។ នៅសប្តាហ៍នេះ ការកាត់ក្តីមួយផ្សេងទៀតប្រឆាំងនឹងសត្រូវដ៏ជូរចត់របស់វិមានក្រឹមឡាំងបានចាប់ផ្តើមនៅទីនោះនៅក្នុងបទចោទព្រហ្មទណ្ឌលើការចោទប្រកាន់ពីភាពជ្រុលនិយម។ ប្រសិនបើត្រូវបានកាត់ទោសលោក Navalny នឹងនៅជាប់ពន្ធនាគារយ៉ាងហោចណាស់ពីរទសវត្សរ៍ទៀត។ នៅក្នុងបណ្ដឹងដែលត្រូវបានពិចារណាដោយតុលាការជាន់ខ្ពស់កាលពីថ្ងៃព្រហស្បតិ៍ លោក Navalny បានត្អូញត្អែរថា ក្រុមមន្ត្រីពន្ធនាគារនៅក្នុងបន្ទប់ស្នាក់នៅត្រូវបានរឹងត្បិតដ៏តឹងរ៉ឹង ជាទីដែលលោកត្រូវបានឃុំខ្លួនដាច់ដោយឡែក លែងឲ្យលោកប៊ិច និងក្រដាសលោកប្រើទៀតហើយ ។ លោក Navalny បានសរសេរបង្ហោះនៅលើបណ្ដាញសង្គមជាធម្មតា នៅមុនឡើងសវនាការថា កន្លែងខ្លះបានឲ្យប៊ិច និងក្រដាសប្រើរយៈពេលមួយម៉ោង កន្លែងខ្លះឲ្យប្រើតែ១៥នាទីទេ ហើយអ្នកទោសម្នាក់ត្រូវការសរសេរលិខិតមួយសប្ដាហ៍ទើបចប់ ។ក្នុងករណីបណ្ដឹងរបស់ខ្ញុំ ពេលវេលាសម្រាប់សម្ភារៈសរសេរត្រូវបានដកចេញពីកាលវិភាគរបស់ខ្ញុំទាំងស្រុង។  បណ្ដឹងនេះ ស្ថិតក្នុងចំណោមបណ្ដឹងជាច្រើនរបស់អ្នកនយោបាយវ័យ៤៧ ឆ្នាំរូបនេះ ដែលបានប្ដឹងក្រុមមន្ត្រីពន្ធនាគារពីបទរំលោភជាច្រើនករណីលើសិទ្ធិសេរីភាពរបស់លោក ជាអ្នកទោស។ បណ្ដឹង និងញ្ញតិរបស់លោកទាំងអស់ត្រូវបានតុលាការរបស់រុស្ស៊ីទាត់ចោលមិនទទួលយក៕

ជនជាតិប៉ាគីស្ថានយ៉ាងហោចណាស់២០៩នាក់នៅលើទូកអន្តោប្រវេសន៍ដែលបានលិចក្បែរឆ្នសមុទ្ររបស់ប្រទេសក្រិក

2023/06/23 10:50:01 am        90
Facebook Telegram Linkin
ក្រិក៖ មានជនជាតិប៉ាគីស្ថានយ៉ាងហោចណាស់ ២០៩ នាក់បាននៅលើទូកផ្ទុកលើសទម្ងន់ដែលបានក្រឡាប់លិច នៅក្នុងសមុទ្រដ៏ល្វឹងល្វើយរបស់ប្រទេសក្រិកកាលពីសប្តាហ៍មុន នេះបើយោងតាមទិន្នន័យដែលបានចែករំលែកជាមួយសារព័ត៌មាន Reuters កាលពីថ្ងៃព្រហស្បតិ៍ទី២២ មិថុនា ដោយទីភ្នាក់ងារស៊ើបអង្កេតប៉ាគីស្ថាន។ទីភ្នាក់ងារស៊ើបអង្កេតសហព័ន្ធ (FIA) បាននិយាយថា តួលេខនៃមនុស្សចំនួន២០៩នាក់ នេះ គឺផ្អែកលើព័ត៌មានផ្តល់ដោយក្រុមគ្រួសារដែលនិយាយថា សាច់ញាតិរបស់ពួកគេបានឡើងទូកដែលធ្វើដំណើរពីប្រទេសលីប៊ីឆ្ពោះទៅប្រទេសក្រិក ហើយនៅតែបាត់ខ្លួននៅឡើយ។ ចំនួនអ្នកស្លាប់ជាផ្លូវការពីឧបទ្ទវហេតុនេះនៅតែមានចំនួន៨២នាក់ ហើយចំនួនអ្នកនៅរស់រានមានជីវិតមានចំនួន ១០៤ នាក់ ក្នុងនោះ១២ នាក់ជាជនជាតិប៉ាគីស្ថាន។ទីភ្នាក់ងារស៊ើបអង្កេតសហព័ន្ធ ត្រូវបានរដ្ឋាភិបាលប៉ាគីស្ថានប្រគល់ភារកិច្ចឲ្យដោះស្រាយការស៊ើបអង្កេតលើសោកនាដកម្មនេះ។  នាយកទីភ្នាក់ងារតំបន់អ៊ីស្លាម៉ាបាត លោក Rana Abdul Jabbar បានប្រាប់សារព័ត៌មាន Reutersថា ការស៊ើបអង្កេតដើម្បីផ្ទៀងផ្ទាត់រឿងនេះកំពុងដំណើរការ។ មនុស្សរាប់រយនាក់មកពីប្រទេសផ្សេងៗគ្នាត្រូវគេជឿថាបាននៅលើនាវានេះ ជាអ្វីដែលត្រូវបានគេមើលឃើញថាជាគ្រោះមហន្តរាយសមុទ្រដ៏អាក្រក់បំផុតក្នុងរយៈពេលជាច្រើនឆ្នាំសម្រាប់តំបន់នេះ ។ ប្រទេសប៉ាគីស្ថានមិនទាន់បញ្ជាក់ជាផ្លូវការថាតើមានពលរដ្ឋរបស់ខ្លួនប៉ុន្មាននាក់នៅលើទូកនោះទេ ប៉ុន្តែបានចាប់ផ្តើមកិច្ចខិតខំប្រឹងប្រែងស្វែងរកគំរូ DNA ដើម្បីជួយក្រិក កំណត់អត្តសញ្ញាណអ្នកដែលបានស្លាប់៕

បណ្ដាញសង្គម

ព័ត៌មានថ្មីៗ

ប្រមុខ UNRWA៖ អ៊ីស្រាអែល ប្រែក្លាយតំបន់ហ្កាហ្សា ទៅជាទីបញ្ចុះសពកុមារ និងភាពអត់ឃ្លាន
07/13/2025 02:07 PM
Facebook Telegram Linkin
អាកាសចរណ៍ស៊ីវិល ទូងស្គរ អបអរសាទរការចុះបូជនីយដ្ឋានចងចាំនៃកម្ពុជា ទៅ​ក្នុង​បញ្ជី​បេតិកភណ្ឌពិភពលោក
07/13/2025 02:07 PM
Facebook Telegram Linkin
រដ្ឋតិចសាស់ បន្តស្វែងរកអ្នកបាត់ខ្លួន ខណៈអ្នកស្លាប់ក្នុងមហន្តរាយទឹកជំនន់កើនជិតដល់ ១៣០នាក់
07/13/2025 02:07 PM
Facebook Telegram Linkin
ខេត្តបាត់ដំបង ទូងស្គរអបអរសាទរការចុះបូជនីយដ្ឋានចងចាំនៃកម្ពុជា ក្នុងបញ្ជីយូណេស្កូ
07/13/2025 02:07 PM
Facebook Telegram Linkin
ឯកឧត្តម ទៀ សុខា នាំយកទៀនព្រះវស្សា និងទេយ្យទានប្រគេនដល់ព្រះសង្ឃ ៥វត្តនៅស្រុកកំពង់ត្រាច ខេត្តកំពត
07/13/2025 02:07 PM
Facebook Telegram Linkin
ឥណ្ឌា ចេញរបាយការណ៍បឋមអំពីសោកនាដកម្មធ្លាក់យន្តហោះ Air India កាលពីខែមុន
07/13/2025 02:07 PM
Facebook Telegram Linkin
ក្រសួងសង្គមកិច្ច ទូងស្គរ អបអរសាទរការចុះ«បូជនីយដ្ឋានចងចាំនៃកម្ពុជា» ទៅក្នុងបញ្ជីបេតិកភណ្ឌពិភពលោក
07/13/2025 02:07 PM
Facebook Telegram Linkin
ក្រសួងមុខងារសាធារណៈ ទូងស្គរ អបអរសាទរការដាក់បញ្ចូលបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌវប្បធម៌ពិភពលោក
07/13/2025 02:07 PM
Facebook Telegram Linkin
ឯកឧត្តម ហ៊ុន ម៉ានី អញ្ជើញជាអធិបតី និងធ្វើបាឋកថា ក្នុងវេទិកាផ្សព្វផ្សាយស្តីពី «កំណែទម្រង់រដ្ឋបាលសាធារណៈ”
07/13/2025 02:07 PM
Facebook Telegram Linkin
ក្រសួងវប្បធម៌ និងវិចិត្រសិល្បៈ រៀបចំពិធីអបអរសាទរការចុះ “បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សា និងសន្តិភាព” ក្នុងបញ្ជីបេតិកភណ្ឌពិភពលោក
07/13/2025 02:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.