BTV NEWS

ឯកឧត្តម កែវ រតនៈ បញ្ជាក់ជាថ្មីថាបច្ចុប្បន្នកម្ពុជាពុំបាននាំចូលអគ្គិសនី ប្រេងសាំង និងឧស្ម័នពីប្រទេសថៃនោះទេ

ទំនប់អូរតេធិបតី ត្រៀមផ្គត់ផ្គង់ទឹកស្អាតជូនពលរដ្ឋរាប់ពាន់គ្រួសារបន្ថែមទៀតក្នុងខេត្តមណ្ឌលគិរី

រដ្ឋមន្ត្រីអាកាសចរណ៍ស៊ីវិល ចុះពិនិត្យអាកាសយានដ្ឋានអន្តរជាតិតេជោ ដើម្បីត្រៀមផ្តល់វិញ្ញាបនប័ត្រដល់ប្រតិបត្តិករ

ស្ពានមិត្តភាពកម្ពុជា-ចិន មេគង្គក្រចេះ” គ្រោងនឹងបើកឱ្យឆ្លងកាត់បណ្តោះអាសន្ន អំឡុងពិធីបុណ្យដាក់បិណ្ឌ និងភ្ជុំបិណ្ឌនៅខែកញ្ញាខាងមុខនេះ សម្រាប់យានយន្តធុនតូច

នយោបាយ និង ការអភិវឌ្ឍន៍

Modi បដិសេធការរើសអើងសាសនានៅឥណ្ឌា

ឥណ្ឌា៖ នាយករដ្ឋមន្ត្រីឥណ្ឌា លោក Narendra Modi បានបដិសេធថា មិនមានការរើសអើងប្រឆាំងនឹងជនជាតិភាគតិច ក្រោមការដឹកនាំនៃរដ្ឋាភិបាលរបស់លោកនោះទេ អំឡុងសន្និសីទសារព័ត៌មានជាមួយប្រធានាធិបតីអាមេរិក លោក Joe Biden កាលពីថ្ងៃព្រហស្បតិ៍ (ទី២២ ខែមិថុនា)។ក្រុមសិទ្ធិមនុស្ស និងក្រសួងការបរទេសអាមេរិក បានធ្វើការចោទប្រកាន់យ៉ាងលម្អិតអំពីការរំលោភលើជនជាតិភាគតិច អ្នកប្រឆាំង និងអ្នកសារព័ត៌មាន នៅក្នុងប្រទេសឥណ្ឌា។ យ៉ាងណាក្ដី លោក Biden បាននិយាយថា លោកបានពិភាក្សាពាក់ព័ន្ធនឹងបញ្ហាសិទ្ធិមនុស្ស និងសារៈសំខាន់នៃលទ្ធិប្រជាធិបតេយ្យផ្សេងទៀតជាមួយលោក Modi ក្នុងអំឡុងពេលកិច្ចពិភាក្សារបស់ភាគីទាំងពីរ នៅក្នុងសេតវិមាន។នៅពេលត្រូវបានសួរ ក្នុងសន្និសីទសារព័ត៌មានថា តើជំហានអ្វីដែលរូបលោកមានឆន្ទៈ ក្នុងការយកមកអនុវត្តឲ្យប្រសើរឡើង សម្រាប់សិទ្ធិរបស់ប្រជាជនម៉ូស្លីម និងជនជាតិភាគតិចផ្សេងទៀត នៅក្នុងប្រទេសរបស់លោក និងដើម្បីលើកកម្ពស់ការបញ្ចេញមតិដោយសេរីនោះ លោក Modi បានលើកឡើងថា ប្រទេសរបស់លោកមិនចាំបាច់ធ្វើប្រសើរឲ្យឡើងនោះឡើយ។លោក Modi បានប្រាប់អ្នកយកព័ត៌មានថា៖ «រដ្ឋធម្មនុញ្ញរបស់យើង និងរដ្ឋាភិបាលរបស់យើង និងរូបយើងបានបង្ហាញឲ្យឃើញនូវលទ្ធិប្រជាធិបតេយ្យ ដែលអាចផ្តល់ឲ្យបាន។ នៅពេលខ្ញុំនិយាយពីការផ្ដល់ឲ្យ ដូចជាវណ្ណៈ ជំនឿ សាសនា យេនឌ័រ មានន័យថា គ្មានកន្លែងសម្រាប់ការរើសអើងណាមួយទេ (នៅក្នុងរដ្ឋាភិបាលរបស់ខ្ញុំ)»។របាយការណ៍ស្តីពីសិទ្ធិមនុស្ស និងសេរីភាពខាងសាសនារបស់ក្រសួងការបរទេស បង្ហាញពីកង្វល់លើការប្រព្រឹត្តចំពោះជនមូស្លីម ហិណ្ឌូដាលីត គ្រិស្តសាសនិក និងជនជាតិភាគតិចសាសនាផ្សេងទៀតនៅក្នុងប្រទេសឥណ្ឌា ខណៈកំពុងចុះបញ្ជីពីការបង្រ្កាបលើអ្នកសារព័ត៌មានផងដែរ។ អ្នកតស៊ូមតិសិទ្ធិមនុស្ស និងសមាជិកសភារាប់សិបនាក់មកពីគណបក្សប្រជាធិបតេយ្យរបស់លោក Biden បានជំរុញឲ្យលោកលើកយកបញ្ហានេះមកនិយាយជាសាធារណៈជាមួយលោក Modi ដែលគណបក្សជាតិនិយមហិណ្ឌូ Bharatiya Janata (BJP) របស់លោក បានកាន់អំណាចតាំងពីឆ្នាំ២០១៤៕

រដ្ឋសភាបន្តសម័យប្រជុំ អនុម័តសេចក្តីព្រាងច្បាប់ស្តីពី វិសោធនកម្មច្បាប់បោះឆ្នោត និងច្បាប់ចំនួន ៦ ទៀត

ភ្នំពេញ៖ រដ្ឋសភា នៃព្រះរាជាណាចក្រកម្ពុជា នាព្រឹកថ្ងៃសុក្រ ទី២៣ ខែមិថុនា ឆ្នាំ២០២៣ បានបន្តសម័យប្រជុំ លើកទី៩ នីតិកាលទី៦ ក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាពញាចក្រី ហេង សំរិន ប្រធានរដ្ឋសភា ដោយមានវត្តមានសមាជិកសមាជិការដ្ឋសភា ពេលចាប់ផ្តើមសម័យប្រជុំ ចំនួន ១១១ រូប។របៀបវារៈ នៃការបន្តសម័យប្រជុំលើកទី៩ នីតិកាលទី៦ នាឱកាសនេះ មានចំនួន៧ ដែលមានដូចជា៖ ១- ការពិភាក្សា និងអនុម័តសេចក្តីព្រាងច្បាប់ស្តីពី វិសោធនកម្មច្បាប់បោះឆ្នោត ២- សេចក្តីព្រាងច្បាប់ស្ដីពី ការអនុម័តយល់ព្រមលើការធានាទូទាត់របស់រាជរដ្ឋាភិបាល នៃព្រះរាជាណាចក្រកម្ពុជា ឱ្យក្រុមហ៊ុន ខ្មែរ អេឡិកទ្រីខល ផៅវ័រ សម្រាប់គម្រោងអភិវឌ្ឍ វារីអគ្គិសនីស្ទឹងឫស្សីជ្រុំកណ្តាល អានុភាព ៧០មេហ្កាវ៉ាត់ ផ្គួបគ្នាជាមួយគម្រោងអភិវឌ្ឍវារីអគ្គិសនី ស្ទឹងវាលថ្មកំបុត អានុភាព ១០០មេហ្កាវ៉ាត់ ខេត្តកោះកុង ៣- សេចក្តីព្រាងច្បាប់ស្ដីពី ការអនុម័តយល់ព្រមលើការធានាទូទាត់របស់រាជរដ្ឋាភិបាល នៃព្រះរាជាណាចក្រកម្ពុជា ឱ្យក្រុមហ៊ុន ឡាក់ឃី សូឡា ផៅវ័រ ឯ.ក សម្រាប់ គម្រោងអភិវឌ្ឍ ស្ថានីយផលិតអគ្គិសនីដើរដោយថាមពលពន្លឺព្រះអាទិត្យ អានុភាព ៨០មេហ្កាវ៉ាត់ ខេត្តព្រៃវែង ៤- សេចក្តីព្រាងច្បាប់ស្តីពី ការអនុម័តយល់ព្រមលើការធានាទូទាត់របស់រាជរដ្ឋាភិបាល នៃព្រះរាជាណាចក្រកម្ពុជា ឱ្យក្រុមហ៊ុន ស្នេថេក ខូ អិលធីឌី សម្រាប់ គម្រោងអភិវឌ្ឍ ស្ថានីយ ផលិតអគ្គិសនីដើរដោយថាមពលពន្លឺព្រះអាទិត្យ អានុភាព ១៥០មេហ្កាវ៉ាត់ ខេត្តពោធិ៍សាត់ ៥- សេចក្តីព្រាងច្បាប់ស្ដីពី ការអនុម័តយល់ព្រមលើការធានាទូទាត់របស់រាជរដ្ឋាភិបាល នៃព្រះរាជាណាចក្រកម្ពុជា ឱ្យក្រុមហ៊ុន ឡាក់ឃី សូឡា ផៅវ័រ ឯ.ក សម្រាប់ គម្រោងអភិវឌ្ឍ ស្ថានីយផលិតអគ្គិសនីដើរដោយថាមពលពន្លឺព្រះអាទិត្យ អានុភាព ៨០មេហ្កាវ៉ាត់ ខេត្តព្រៃវែង ៦- សេចក្តីព្រាងច្បាប់ស្ដីពី ការអនុម័តយល់ព្រមលើការធានាទូទាត់របស់រាជរដ្ឋាភិបាល នៃព្រះរាជាណាចក្រកម្ពុជា ឱ្យក្រុមហ៊ុន ឡាក់ឃី សូឡា ផៅវ័រ ឯ.ក សម្រាប់ គម្រោងអភិវឌ្ឍ ស្ថានីយផលិតអគ្គិសនីដើរដោយថាមពលពន្លឺព្រះអាទិត្យ អានុភាព ៨០មេហ្កាវ៉ាត់ ខេត្តព្រៃវែង៧- សេចក្តីព្រាងច្បាប់ស្ដីពី ការអនុម័តយល់ព្រមលើការធានាទូទាត់របស់រាជរដ្ឋាភិបាល នៃព្រះរាជាណាចក្រកម្ពុជា ឱ្យក្រុមហ៊ុន ឡាក់ឃី សូឡា ផៅវ័រ ឯ.ក សម្រាប់ គម្រោងអភិវឌ្ឍ ស្ថានីយផលិតអគ្គិសនីដើរដោយថាមពលពន្លឺព្រះអាទិត្យ អានុភាព ៨០មេហ្កាវ៉ាត់ ខេត្តព្រៃវែង៕

ជនសង្ស័យធ្វើឲ្យបែកធ្លាយការណ៍សម្ងាត់មន្ទីរបច្ចកោណផ្តល់ឆ្លើយពីភាពគ្មានទោសចំពោះការចោទប្រកាន់របស់រដ្ឋាភិបាលសហព័ន្ធអាមេរិក

អាមេរិក៖ ឯកសារតុលាការបង្ហាញថា សមាជិកឆ្មាំជាតិកងទ័ពអាកាសដែលរងការចោទប្រកាន់ថាធ្វើឲ្យបែកធ្លាយការណ៍សម្ងាត់យោធាសហរដ្ឋអាមេរិក បានឆ្លើយពុំទទួលទោសកាលពីថ្ងៃពុធ ចំពោះការចោទប្រកាន់របស់រដ្ឋាភិបាលសហព័ន្ធចំនួន ៦ករណីពាក់ព័ន្ធនឹងការរក្សាទុក និងបញ្ជូនព័ត៌មានសម្ងាត់វិស័យការពារជាតិដោយចេតនា ។ លោក Jack Douglas Teixeira វ័យ ២១ឆ្នាំ បានឡើងសវនាការនៅតុលាការសហព័ន្ធ នៅទីក្រុង Worcester រដ្ឋ Massachusetts ក្រោយការចាប់ខ្លួនរបស់លោកកាលពីខែមេសា ពាក់ព័ន្ធនឹងការបញ្ចេញឯកសារសហរដ្ឋអាមេរិកលើសង្រ្គាមអ៊ុយក្រែន និងបញ្ហារសើបជាច្រើនផ្សេងទៀត ។ ក្រុមរដ្ឋអាជ្ញា និយាយថា លោក Teixeiraបានធ្វើឲ្យបែកធ្លាយឯកសារសម្ងាត់ដល់ក្រុមអ្នកលេងហ្គេមតាមកម្មវិធី Discord ។ ការបែកធ្លាយនេះ ត្រូវបានគេចាត់ទុកថាជាការបំពានសន្តិសុខជាតិសហរដ្ឋអាមេរិកដ៏ធ្ងន់ធ្ងរបំផុត ចាប់តាំងពីឯកសារ វីដេអូ និងទូរលេខការទូត ជាង ៧០ម៉ឺនឯកសារ បានបង្ហាញនៅលើវែបសាយ WikiLeaks កាលពីឆ្នាំ ២០១០ ។ ឯកសារបែកធ្លាយនៅលើកម្មវិធី Discordមានព័ត៌មានសម្ងាត់ជាច្រើនស្តីពីសម្ព័ន្ធមិត្ត និងសត្រូវ ក្នុងនោះមានទាំងរឿងរ៉ាវលម្អិតចាប់ពីការការពារដែនអាកាសអ៊ុយក្រែន រហូតដល់ទីភ្នាក់ចារកម្ម Mossad របស់អ៊ីស្រាអែល ។ ប្រធានាធិបតីសហរដ្ឋអាមេរិក លោក Joe Biden បានបញ្ជាឲ្យបើកការស៊ើបអង្កេតលើមូលហេតុដែលនាំឲ្យអ្នកធ្វើឲ្យបែកធ្លាយអាចចូលដល់ព័ត៌មានរសើបបែបនេះ ។ ក្រសួងយុត្តិធម៌សហរដ្ឋអាមេរិក និយាយថា ការចោទប្រកាន់នីមួយៗលើការរក្សាទុក និងបញ្ជូនព័ត៌មានវិស័យការពារជាតិ នឹងត្រូវកាត់ទោសឲ្យជាប់ពន្ធនាគាររយៈពេល ១០ឆ្នាំ ហើយនិងត្រូវពិន័យជាប្រាក់ ២៥ម៉ឺនដុល្លារ ៕

សិទ្ធិអ្នកស្រឡាញ់ភេទដូចគ្នានៅប្រទេសកេនយ៉ាស្ថិតក្រោមការគំរាមកំហែងបន្ទាប់ពីការរឹតបន្តឹងច្បាប់របស់ប្រទេសអ៊ូហ្គង់ដា

កេនយ៉ា់៖ កេនយ៉ា គឺជាប្រទេសអាហ្វ្រិកខាងកើតតែមួយគត់ ដែលទទួលជនភៀសខ្លួន រត់គេចពីការធ្វើទុក្ខបុកម្នេញ នៅក្នុងប្រទេសផ្សេងៗ ដោយសារតែការរឹតបន្តឹងភេទរបស់ពួកគេ។ ទោះជាយ៉ាងណាក៏ដោយ ជនភៀសខ្លួនងាយរងគ្រោះជាខ្លាំងចំពោះការរើសអើង និងអំពើហិង្សានៅក្នុងប្រទេសកេនយ៉ា នេះបើយោងតាមរបាយការណ៍ថ្មីៗនេះដោយគណៈកម្មាធិការជាតិនៃសិទ្ធិអ្នកស្រឡាញ់ភេទដូចគ្នា (NGLHRC) និងអង្គការលើកលែងទោសអន្តរជាតិ។ជនភៀសខ្លួនម្នាក់មកពីប្រទេសអ៊ូហ្គង់ដា ដែលសុំមិនបញ្ចេញឈ្មោះ ដោយសារតែលោកភ័យខ្លាចសុវត្ថិភាពរបស់ខ្លួន កំពុងរស់នៅលាក់ខ្លួនក្នុងរដ្ឋធានី ណៃរ៉ូប៊ី របស់ប្រទេសកេនយ៉ា បន្ទាប់ពីរងការវាយដំ និងត្រូវបានគេយកទៅដុតក្នុងភ្លើងក្នុងទីក្រុង កាគូម៉ា ។ជនភៀសខ្លួនរូបនោះបាននិយាយថាស្ថានភាពរបស់លោកនៅក្នុងប្រទេសអ៊ូហ្គង់ដា បានក្លាយទៅជាភាពមិនអាចទ្រាំទ្របាន បន្ទាប់ពីបងប្រុសរបស់លោក ត្រូវបានគេរកឃើញកាលពីឆ្នាំ ២០១៩ ថាគេមានទំនាក់ទំនងស្នេហាភេទដូចគ្នា។ លោកត្រូវគ្រួសារបដិសេធឈប់ទទួលស្គាល់ ហើយបានបណ្តេញចេញពីភូមិកំណើតរបស់ខ្លួន។ លោកព្យាយាមរស់នៅក្នុងរដ្ឋធានី កាំប៉ាឡា ជាមួយដៃគូស្នេហារបស់លោក ប៉ុន្តែពួកគេត្រូវបានគំរាមកំហែងម្តងហើយម្តងទៀតពីសាច់ញាតិទាំងសងខាង។កាលដើមឆ្នាំ ២០២០ គូស្នែហ៍របស់លោកត្រូវបានចាប់ពង្រាត់ ហើយលោកមិនបានឮដំណឹងពីគេតាំងពីពេលនោះមក។ ហេតុការណ៍នោះបានជំរុញឱ្យលោកភៀសខ្លួនទៅកាន់ប្រទេសកេនយ៉ា ជាទីដែលលោកបានតាំងលំនៅក្នុងទីក្រុង កាគូម៉ា ប៉ុន្តែបន្ទាប់ពីរងការវាយប្រហារម្តងហើយម្តងទៀតនៅទីនោះលោកបានបាត់បង់ក្តីសង្ឃឹមនៃអនាគតសន្តិភាពនៅក្នុងប្រទេសកេនយ៉ា។ប្រទេសកេនយ៉ាបានក្លាយជាទីជម្រកសម្រាប់ជនជាតិអាហ្រ្វិកដែលស្រឡាញ់ភេទដូចគ្នាតាំងពីយូរយារណាស់មកហើយ ប៉ុន្តែការអនុម័តច្បាប់ប្រឆាំងអ្នកស្រឡាញ់ភេទដូចគ្នានៅក្នុងប្រទេសជិតខាងគឺ អ៊ូហ្គង់ដា បានធ្វើឱ្យសមាជិកសភាកេនយ៉ាមានគម្រោងពង្រឹងការទប់ស្កាត់ផ្លូវច្បាប់លើអ្នកស្រឡាញ់ភេទដូចគ្នា និងអ្នកដែលអត់ឱនឱ្យដល់ពួកគេ៕

នាវាឆ្មាំល្បាតឆ្នេរអាមេរិកឆ្លងកាត់ច្រកសមុទ្រតៃវ៉ាន់ ក្រោយដំណើរទស្សនកិច្ចរបស់លោក Blinken នៅចិន

អាមេរិក៖ កងនាវាលេខ ៧នៃកងទ័ពជើងទឹកសហរដ្ឋអាមេរិក បាននិយាយនៅថ្ងៃព្រហស្បតិ៍នេះថា នាវាឆ្មាំល្បាតឆ្នេរអាមេរិក បានបើកឆ្លងកាត់ច្រកសមុទ្រតៃវ៉ាន់ កាលពីថ្ងៃអង្គារ ដោយបានឆ្លងកាត់ផ្លូវទឹកប្រកបដោយភាពចម្រូងចម្រាសរយៈពេល១ថ្ងៃប៉ុណ្ណោះ ក្រោយលោករដ្ឋមន្រ្តីការបរទេស Antony Blinken បញ្ចប់ដំណើរទស្សនកិច្ចដ៏កម្ររបស់លោកទៅកាន់ទីក្រុងប៉េកាំង ។ ច្រកសមុទ្រមួយនេះ ដែលបែងចែកចិនពីកោះគ្រប់គ្រងតាមបែបលទ្ធិប្រជាធិបតេយ្យតៃវ៉ាន់ គឺជាប្រភពនៃភាពតានតឹងកើនឡើងញឹកញាប់ ស្របពេលដែលទីក្រុងប៉េកាំងបង្កើន សម្ពាធយោធា និងនយោបាយរបស់ខ្លួន ដើម្បីព្យាយាមបង្ខំឲ្យទីក្រុងតៃប៉ិ ទទួលស្គាល់អធិបតេយ្យភាពចិន ។ កងនាវាលេខ ៧នៃកងទ័ពជើងទឹកចិន និយាយថា កាលពីថ្ងៃអង្គារកន្លងទៅ នាវាសន្តិសុខជាតិ USCGC Stratton បានបើកឆ្លងកាត់តាមទម្លាប់របស់ខ្លួននៅច្រកសមុទ្រកោះតៃវ៉ាន់ គឺឆ្លងកាត់ដែនទឹកជាទីដែលការធ្វើនាវាចរណ៍សមុទ្រមានសេរីភាពខ្ពស់ ដោយអនុឡោមតាមច្បាប់អន្តរជាតិ ។ កងនាវាលេខ ៧បានបន្តនៅក្នុងសេចក្តីថ្លែងការណ៍ថា ការឆ្លងកាត់ច្រកសមុទ្រតៃវ៉ាន់របស់នាវា Stratton ចង់បញ្ជាក់ពីការប្តេជ្ញាចិត្តរបស់សហរដ្ឋអាមេរិកចពោះតំបន់ឥណ្ឌូ-ប៉ាស៊ីហ្វិកសេរី និងបើកចំហ ។ យោធាសហរដ្ឋអាមេរិក នឹងហោះហើរ បើកបរលើទឹក និងប្រតិបត្តិការកន្លែងណាដែលច្បាប់អន្តរជាតិអនុញ្ញាត ។ បេសកកម្មចិននៅពុំទាន់ធ្វើសេចក្តីអធិប្បាយនេះ បានកើតឡើងរយៈពេល១ថ្ងៃប៉ុណ្ណោះ ក្រោយលោក Blinkenបញ្ចប់ដំណើរទស្សនកិច្ចរបស់លោកទៅកាន់ចិន ពេលដែលប្រទេសទាំង ២ បានយល់ព្រមធ្វើឲ្យស្ថិរភាពការប្រកួតប្រជែងដ៏តានតឹងរបស់ពួកគេ ដើម្បីចៀសផុតពីជម្លោះ ប៉ុន្តែភាគីទាំង ២ ពុំបានទម្លុះភាពទាល់ច្រកសំខាន់ៗនោះឡើយ ៕

អាមេរិក៖ G7បញ្ជាក់ពីការឯកភាព និងតម្រូវការសម្រាប់ការសម្របសម្រួលជិតស្និទ្ធក្នុងការទប់ទល់ជាមួយចិន

អាមេរិក៖ បន្ទាប់ពីរដ្ឋមន្រ្តីការបរទេសសហរដ្ឋអាមេរិកលោក Antony Blinken ជួបជាមួយក្រុមអ្នកតំណាងនៃក្រុមប្រទេសមានឧស្សាហកម្មលូតលាស់ G7 នៅក្នុងទីក្រុងឡុងដ្រ៏ ចក្រភពអង់គ្លេសរួចមក ក្រសួងការបរទេសសហរដ្ឋអាមេរិក និយាយថា ក្រុមប្រទេស G7 បានបញ្ជាក់ពីការឯកភាពរបស់ពួកគេ និងបានសង្កត់ធ្ងន់ពីតម្រូវការសម្រាប់ការសម្របសម្រួលជិតស្និទ្ធ ក្នុងការទប់ទល់ជាមួយចិន ។ ក្រសួងការបរទេសសហរដ្ឋអាមេរិក និយាយនៅក្នុងសេចក្តីថ្លែងការណ៍ថា ក្រុមប្រទេស G7បានកត់សម្គាល់ឃើញពីសារៈសំខាន់នៃកិច្ចសហប្រតិបត្តិការលើការទប់ទល់ជាមួយចិន ហើយនិងបានបញ្ជាក់ឡើងវិញថា ក្រុមប្រទេស G7 ត្រូវតែរួបរួមគ្នាខ្លាំងជាងមុន ដែលពុំធ្លាប់ដែលមានកាលពីមុនមក ។ ក្រសួងការបរទេសសហរដ្ឋអាមេរិក និយាយថា លោក Blinken បានជួបពិភាក្សាការងារជាមួយក្រុមអ្នកតំណាងមកពីកាណាដា បារាំង អាល្លឺម៉ង់ អ៊ីតាលី ជប៉ុន និងចក្រភពអង់គ្លេស ហើយនិងសហភាពអឺរ៉ុប នៅក្រៅវេទិកាកិច្ចប្រជុំនៅទីក្រុងឡុងដ៍្រ ហើយលោកបានរៀបរាប់ប្រាប់ពួកគេពីជំនួបរបស់លោកជាមួយក្រុមមេដឹកនាំចិន អំឡុងដំណើរទស្សនកិច្ចកាលពីពេលថ្មីៗនេះរបស់លោក ។ ជំនួបក្រុមប្រទេស G7របស់លោក Blinken បានកើតមានរយៈពេល១ថ្ងៃប៉ុណ្ណោះ ក្រោយពេលដែលប្រធានាធិបតីសហរដ្ឋអាមេរិកលោក Joe Bidenបានចាត់ទុកប្រធានាធិបតីចិនលោក Xi Jinping ថាជាជនផ្តាច់ការ ។ ចិននិយាយថា ការឣត្ថាធិប្បាយរបស់លោកBiden ដែលបានធ្វើឡើងនៅក្នុងកម្មវិធីរៃអង្គាសប្រាក់ គឺមិនទំនងទាល់តែសោះ និងជាការបង្កហេតុ ។ សូមបញ្ជាក់ថា លោក Blinken ទើបតែបានបញ្ចប់ដំណើរទស្សនកិច្ចរបស់លោកទៅកាន់ប្រទេសចិន ដែលមានគោលដៅធ្វើឲ្យមានស្ថិរភាពឡើងវិញនូវទំនាក់ទំនងរវាងសហរដ្ឋអាមេរិក និងចិន ដែលទីក្រុងប៉េកាំង និយាយថា បានធ្លាក់ដល់ចំណុចទាបបំផុត ចាប់តាំងពីទំនាក់ទំនងផ្លូវការរបស់ពួកគេ ត្រូវបានបង្កើតឡើងកាលពីឆ្នាំ ១៩៧៩ ៕

ក្តីបារម្ភអំពីសិទ្ធិមនុស្សបានលេចឡើង ខណៈលោក Biden ស្វាគមន៍នាយករដ្ឋមន្រ្តីឥណ្ឌាលោក Modi

អាមេរិក៖ ប្រធានាធិបតីសហរដ្ឋអាមេរិក Joe Biden បានស្វាគមន៍នាយករដ្ឋមន្ត្រីឥណ្ឌាលោក Narendra Modi នៅសេតវិមានកាលថ្ងៃពុធ ដោយមេដឹកនាំទាំងពីររំពឹងថានឹងធ្វើឱ្យកិច្ចសហប្រតិបត្តិការលើវិស័យការពារជាតិ និងបច្ចេកវិទ្យារវាងប្រទេសទាំងពីរកាន់តែស៊ីជម្រៅ ក្នុងអំឡុងដំណើរទស្សនកិច្ចផ្លូវរដ្ឋលើកដំបូងរបស់លោក Modi ។ប្រភពមួយចំនួនបានប្រាប់សារព័ត៌មាន រ៉យទ័រ ថា រដ្ឋបាលរបស់លោក Biden នឹងកំណត់ពេលវេលានៃដំណើរទស្សនកិច្ចនេះ ដើម្បីជួយសម្រួលដល់ប្រជាជនឥណ្ឌាដែលមានជំនាញក្នុងការរស់នៅ និងធ្វើការនៅក្នុងសហរដ្ឋអាមេរិក។ យោងតាមបុគ្គលម្នាក់ដែលដឹងពីបញ្ហានេះបានឲ្យដឹងថា ក្រសួងការបរទេសអាមេរិកអាចប្រកាសភ្លាមៗនៅថ្ងៃព្រហស្បតិ៍នេះថា "ចំនួនតិចតួច" នៃជនជាតិឥណ្ឌា និងពលករបរទេសផ្សេងទៀតដែលមានទិដ្ឋាការប្រភេទ H-1B នឹងអាចបន្តទិដ្ឋាការទាំងនោះនៅសហរដ្ឋអាមេរិកដោយមិនចាំបាច់ធ្វើដំណើរទៅប្រទេសផ្សេងដើម្បីបន្តទិដ្ឋាការឡើយ។នេះគឺជាផ្នែកមួយនៃកម្មវិធីសាកល្បងដែលអាចត្រូវបានពង្រីកនៅក្នុងប៉ុន្មានឆ្នាំខាងមុខ ដោយជួយកម្មករជំនាញឲ្យចូល ឬបន្តនៅក្នុងប្រទេស។ ប៉ុន្តែដំណើរការនេះធ្វើឡើងដោយមានសម្ពាធលើលោក Biden ពីសមាជិកបក្សប្រជាធិបតេយ្យរបស់លោកក្នុងការលើកឡើងពីបញ្ហាសិទ្ធិមនុស្សជាមួយលោក Modi ស្របពេលមានកង្វល់អំពីការថយក្រោយនៃលទ្ធិប្រជាធិបតេយ្យនៅក្នុងប្រទេសឥណ្ឌាក្រោមការដឹកនាំរបស់គណបក្សជាតិនិយមហិណ្ឌូ Bharatiya Janata របស់លោក Modi ។ទីប្រឹក្សាសន្តិសុខជាតិលោក Jake Sullivan បានប្រាប់អ្នកយកព័ត៌មានកាលពីថ្ងៃអង្គារថា លោក Biden ត្រូវបានគេរំពឹងថានឹងពិភាក្សាអំពីបញ្ហានេះជាមួយមេដឹកនាំឥណ្ឌា។ ភាគីទាំងពីរគ្រោងនឹងថ្លែងសុន្ទរកថា និងទទួលយកសំណួរពីអ្នកកាសែតនៅថ្ងៃព្រហស្បតិ៍នេះ។ លោក Modi មិនបានថ្លែងសុន្ទរកថាក្នុងសន្និសីទកាសែតណាមួយសោះឡើយក្នុងប្រទេសឥណ្ឌាចាប់តាំងពីលោកក្លាយជានាយករដ្ឋមន្ត្រីប្រហែលប្រាំបួនឆ្នាំមកនេះ៕

នាយករដ្ឋមន្ត្រីនូវ៉ែលហ្សេឡង់ មិនឯកភាពជាមួយលោក Biden ដោយនិយាយថាលោក Xi Jingping ពុំមែនជាជនផ្តាច់ការនោះទេ

នូវ៉ែលហ្សេឡង់៖ នាយករដ្ឋមន្ត្រីប្រទេសនូវ៉ែលហ្សេឡង់ លោក Chris Hipkins នៅមុនដំណើរទស្សនកិច្ចផ្លូវការរបស់លោកទៅកាន់ប្រទេសចិននៅចុងខែនេះ បាននិយាយកាលពីថ្ងៃព្រហស្បតិ៍ថា លោកមិនយល់ស្របតាមការថ្លែងលើកឡើងរបស់ប្រធានាធិបតីសហរដ្ឋអាមេរិក លោក Joe Biden ដែលបាននិយាយថាមេដឹកនាំចិន លោក Xi Jinping គឺជាជនផ្តាច់ការនោះទេ។លោក Hipkins បានថ្លែងប្រាប់អ្នកសារព័ត៌មានថា ទេ ហើយទម្រង់រដ្ឋាភិបាលដែលប្រទេសចិនមាន គឺជាបញ្ហាមួយសម្រាប់ប្រជាជនចិន។ ដោយត្រូវបានសួរដោយអ្នកសារព័ត៌មាន ថាតើប្រជាជនចិនបាននិយាយពីទម្រង់របស់រដ្ឋាភិបាលយ៉ាងណា លោក Hipkins និយាយថា ប្រសិនបើពួកគេមានបំណងផ្លាស់ប្តូរប្រព័ន្ធរដ្ឋាភិបាលរបស់ពួកគេ ដែលនោះគឺជាបញ្ហារបស់ពួកគេ។ លោកHipkins បានកំណត់ពេលធ្វើទ្សនកិច្ចទៅកាន់ប្រទេសចិន ចាប់ពីថ្ងៃទី២៥ ដល់ថ្ងៃទី៣០ ខែមិថុនា ដែលនឹងដឹកនាំគណៈប្រតិភូធុរកិច្ចរួមមានក្រុមហ៊ុនធំៗបំផុតរបស់ប្រទេសនូវ៉ែលហ្សេឡង់មួយចំនួន។ លោកនឹងជួបជាមួយប្រធានាធិបតីលោក Xi Jinping នាយករដ្ឋមន្ត្រីលោក Li Qiang និងប្រធានគណៈកម្មាធិការអចិន្ត្រៃយ៍របស់សភាប្រជាជនជាតិលោក Zhao Leji (ចាវ លើជី) ។ប្រទេសចិនបានវាយកបកវិញកាលពីថ្ងៃពុធ បន្ទាប់ពីលោក Biden ដែលបាននិយាយសំដៅដល់ប្រធានាធិបតីលោក Xi Jinping ថាជាជនផ្តាច់ការ ដោយនិយាយថា ការនិយាយលើកឡើងនេះពុំមែនជារឿងសមហេតុផល និងជាការបង្ករឿង ជាការផ្ទុះជម្លោះដែលមិនបានគិតទុក បន្ទាប់ពីភាគីទាំងពីរមានបំណងកាត់បន្ថយអរិភាព៕

មនុស្សរាប់រយនាក់បានប្រមូលផ្តុំគ្នាអំឡុងពេលកូដកម្មរបស់អ្នកនិពន្ធហូលីវូដ

អាមេរិក៖ ខណៈដែលកូដកម្មរបស់ក្រុមអ្នកនិពន្ធសម្របសម្រួលអាមេរិក (WGA) បានឈានចូលដល់សប្តាហ៍ទីប្រាំបីរបស់ខ្លួន អ្នកនិពន្ធរាប់រយនាក់ សមាជិកសហជីព និងអ្នកគាំទ្រសាធារណៈបានប្រមូលផ្តុំគ្នានៅទីក្រុង Los Angeles សហរដ្ឋអាមេរិក កាលពីថ្ងៃចន្ទ (២១ មិថុនា)។ ការដើរដង្ហែរក្បួននេះបានធ្វើឡើងស្របពេលចរាចរណ៍ដ៏មមាញឹកនៅទីក្រុង Los Angeles អមនឹងការស្រែកពាក្យស្លោក "អំណាចសហជីព" និង "អ្នកនិពន្ធរួបរួមគ្នានឹងមិនដែលចាញ់ឡើយ"។សមាជិកក្រុមអ្នកនិពន្ធ WGA បច្ចុប្បន្នកំពុងទាមទារដំឡើងប្រាក់ឈ្នួល បង្កើនការចាក់ផ្សាយ និងការរឹតបន្តឹងលើការប្រើប្រាស់ប្រព័ន្ធបច្ចេកវិទ្យាប្រាជ្ញាសិប្បនិម្មិត។ សមាជិកក្រុម WGA ម្នាក់ឈ្មោះ Peri Lapidus បាននិយាយថា «យើងនៅតែជួបការលំបាក និងព្យាយាមធ្វើឱ្យអ្នករាល់គ្នាត្រឡប់ទៅធ្វើការវិញឱ្យបានឆាប់តាមដែលអាចធ្វើទៅបាន។ ប៉ុន្តែយើងមិនចង់ធ្វើបែបនោះទេរហូតដល់យើងមានការទទួលស្គាល់មួយដែលយើងសមនឹងទទួលបាន»។ក្រុមសម្របសម្រួលរបស់តារាសម្តែងអាមេរិក SAG-AFTRA បច្ចុប្បន្នកំពុងពិភាក្សាជាមួយអង្គការសម្ព័ន្ធភាពយន្ត (AMP) និងក្រុមផលិតករទូរទស្សន៍ (TP) ហើយនៅដើមខែនេះភាគីទាំងពីរ (AMPTP) និង ក្រុមនាយកសម្របសម្រួលអាមេរិក (DGA) បានប្រកាសពីកិច្ចព្រមព្រៀងរយៈពេលបីឆ្នាំរវាងសហជីពទាំងពីរ។ ក្រុម WGA និងសមាជិករបស់ខ្លួនសង្ឃឹមថាពួកគេអាចឈានដល់កិច្ចព្រមព្រៀងដោយយុត្តិធម៌មួយ ហើយអាចត្រឡប់ទៅធ្វើការវិញធម្មតា៕

គ.ជ.ប ចែកបណ្ណព័ត៌មានអ្នកបោះឆ្នោតដល់ពលរដ្ឋទូទាំងប្រទេសបានជាង ៨ លានបណ្ណ

ភ្នំពេញ៖ គិតចាប់ពីថ្ងៃទី ២៨ ខែឧសភា ដល់ថ្ងៃទី ១៩ ខែមិថុនា ឆ្នាំ២០២៣នេះគណៈកម្មាធិការជាតិរៀបចំការបោះឆ្នោត (គ.ជ.ប) បានចែកបណ្ណព័ត៌មានអ្នកបោះឆ្នោតសម្រាប់ការបោះឆ្នោតជ្រើសតាងតំណាងរាស្រ្ដ នីតិកាលទី៧ ឆ្នាំ២០២៣ ដល់ប្រជាពលដ្ឋ បានជាង ៨ លានបណ្ណនៅទូទាំងប្រទេស។នេះបើតាមការបញ្ជាក់របស់អ្នកនាំពាក្យ គ.ជ.ប។ឯកឧត្ដម ហង្ស ពុទ្ធា សមាជិក និងជាអ្នកនាំពាក្យ គ.ជ.ប ថ្លែងប្រាប់ទូរទស្សន៍ BTV នាថ្ងៃទី២២ ខែមិថុនា ឆ្នាំ២០២៣នេះនៅក្នុងកិច្ចប្រជុំផ្សព្វផ្សាយជាមួយភាគីពាក់ព័ន្ធស្ដីពីការស្នើសុំ និងចេញឯកសារបញ្ជាក់អត្តសញ្ញាណបម្រើឱ្យការបោះឆ្នោត នៅទីស្ដីការ គ.ជ.ប ថា ការបោះឆ្នោតជ្រើសតាំងតំណាងរាស្ត្រ នីតិកាលទី៧ កាន់តែខិតជិតមកដល់ ហើយអំឡុងពេលនេះ គ.ជ.ប តាមរយៈក្រុមចែកបណ្ណព័ត៌មានអ្នកបោះឆ្នោត កំពុងមមាញឹកក្នុងការផ្តល់បណ្ណព័ត៌មាននេះជូនដល់ប្រជាពលរដ្ឋ។ ឯកឧត្ដមបន្តថា គោលដៅនៃការ ចែកបណ្ណព័ត៌មាននេះ គឺដើម្បីជម្រាបជូនអ្នកបោះឆ្នោតអំពីកាលបរិច្ឆេទ និងទីតាំងការិយាល័យ ដែលពួកគាត់ត្រូវទៅបោះឆ្នោត ពិសេសឱ្យត្រៀមឯកសារជាមុន ដែលមានដូចជាអត្តសញ្ញាណប័ណ្ណសញ្ជាតិខ្មែរ(អ.ខ) ឬត្រូវទៅធ្វើឯកសារបញ្ជាក់អត្តសញ្ញាណបម្រើឱ្យការបោះឆ្នោត (ឯ.អ) ក្នុងករណីពួកគាត់ពុំមានអត្តសញ្ញាណប័ណ្ណសញ្ញាតិខ្មែរ ឬមិនទាន់បានទទួល, បាត់,ខូច ឬកែតម្រូវ។បើតាមឯកឧត្ដម ហង្ស ពុទ្ធា ករណីប្រជាពលរដ្ឋមានឈ្មោះក្នុងបញ្ជីបោះឆ្នោត ប៉ុន្តែពុំមានអត្តសញ្ញាណប័ណ្ណសញ្ញាតិខ្មែរដើម្បីបោះឆ្នោត ប្រជាពលរដ្ឋនោះអាចប្រើប្រាស់ឯកសារបញ្ជាក់អត្តសញ្ញាណបម្រើឱ្យការបោះឆ្នោតជំនួសបាន។ កាលបរិច្ឆេទសម្រាប់ការស្នើសុំ និងការចេញឯកសារបញ្ជាក់អត្តសញ្ញាណបម្រើឱ្យការបោះឆ្នោតតាមឃុំ សង្កាត់មានរយៈពេល៣០ថ្ងៃចាប់ធ្វើពីថ្ងៃទី២២ ខែមិថុនា ដល់ថ្ងៃទី២១ ខែកក្កដា ឆ្នាំ២០២៣៕អត្ថបទ៖វ៉ន ដារ៉ា

បណ្ដាញសង្គម

ព័ត៌មានថ្មីៗ

រដ្ឋបាលរាជធានីភ្នំពេញ រៀបចំពិធីទូងស្គរ អបអរសាទរការចុះបញ្ជី "បូជនីយដ្ឋានចងចាំនៃកម្ពុជា" ក្នុងបញ្ជីសម្បត្តិវប្បធម៌ពិភពលោក

រដ្ឋបាលខេត្តពោធិ៍សាត់ រៀបចំពិធីអបអរសាទរការចុះបញ្ជី «បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សា និងសន្តិភាព» ទៅក្នុងបញ្ជីបេតិកភណ្ឌពិភពលោក

ក្រសួងប្រៃសណីយ៍ រៀបចំពិធីទូងស្គរ អបអរសាទរនៃការចុះ “បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្ម មកជាមណ្ឌលផ្សះផ្សា និងសន្តិភាព” ជាសម្បត្តិបេតិកភណ្ឌពិភពលោក

ឯកឧត្តមរដ្ឋមន្ត្រី ថោ ជេដ្ឋា អញ្ជើញចុះពិនិត្យជាក់ស្តែងវឌ្ឍនភាពគម្រោងធ្វើទំនើបកម្មវិស្វកម្មប្រព័ន្ធធារាសាស្ត្រកំពីងពួយ ស្ថិតក្នុងភូមិសាស្ដ្រខេត្តបាត់ដំបង

គណៈកម្មាធិការគណបក្សស្រុកគូលែន ប្រារព្វមីទ្ទីងអបអរសាទរខួបលើកទី៧៤ ថ្ងៃបង្កើតគណបក្សប្រជាជនកម្ពុជា

ឯកឧត្តមហ៊ុល សំអុន យកទៀនព្រះវស្សានិងទេយ្យទានប្រគេនព្រះសង្ឈ៧វត្តនៅស្រុកត្រាំកក់ខេត្តតាកែវ

ឯកឧត្តម អ៊ឹង ឌីប៉ូឡា និងក្រុមការងារនាំយកទៀនវស្សានិងទេយ្យទានប្រគេនព្រះសង្ឃចំនួន០៧វត្តក្នុងឃុំត្រពាំងជង

ឯកអគ្គរដ្ឋទូតអ៊ីរ៉ង់ប្រចាំនៅរុស្ស៊ី គូសបញ្ជាក់ពីបុរេលក្ខខណ្ឌ សម្រាប់ការពិភាក្សាអំពីបញ្ហានុយក្លេអ៊ែរ

លោក Erdogan និយាយថា សករាជថ្មីបានបើកឡើងសម្រាប់ប្រទេសទួរគី បន្ទាប់ពីការរំសាយអាវុធរបស់ក្រុមសកម្មប្រយុទ្ធ PKK

មន្ត្រីស្លូវ៉ាគី៖ កិច្ចសន្ទនាក្នុងចំណោមអរិយធម៌ផ្សេងៗ គឺពិតជាមានសារៈសំខាន់ណាស់សម្រាប់ការកសាងសន្តិភាព

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

Modi បដិសេធការរើសអើងសាសនានៅឥណ្ឌា

រដ្ឋសភាបន្តសម័យប្រជុំ អនុម័តសេចក្តីព្រាងច្បាប់ស្តីពី វិសោធនកម្មច្បាប់បោះឆ្នោត និងច្បាប់ចំនួន ៦ ទៀត

នាវាឆ្មាំល្បាតឆ្នេរអាមេរិកឆ្លងកាត់ច្រកសមុទ្រតៃវ៉ាន់ ក្រោយដំណើរទស្សនកិច្ចរបស់លោក Blinken នៅចិន

អាមេរិក៖ G7បញ្ជាក់ពីការឯកភាព និងតម្រូវការសម្រាប់ការសម្របសម្រួលជិតស្និទ្ធក្នុងការទប់ទល់ជាមួយចិន

ក្តីបារម្ភអំពីសិទ្ធិមនុស្សបានលេចឡើង ខណៈលោក Biden ស្វាគមន៍នាយករដ្ឋមន្រ្តីឥណ្ឌាលោក Modi

នាយករដ្ឋមន្ត្រីនូវ៉ែលហ្សេឡង់ មិនឯកភាពជាមួយលោក Biden ដោយនិយាយថាលោក Xi Jingping ពុំមែនជាជនផ្តាច់ការនោះទេ

មនុស្សរាប់រយនាក់បានប្រមូលផ្តុំគ្នាអំឡុងពេលកូដកម្មរបស់អ្នកនិពន្ធហូលីវូដ

គ.ជ.ប ចែកបណ្ណព័ត៌មានអ្នកបោះឆ្នោតដល់ពលរដ្ឋទូទាំងប្រទេសបានជាង ៨ លានបណ្ណ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

Modi បដិសេធការរើសអើងសាសនានៅឥណ្ឌា

រដ្ឋសភាបន្តសម័យប្រជុំ អនុម័តសេចក្តីព្រាងច្បាប់ស្តីពី វិសោធនកម្មច្បាប់បោះឆ្នោត និងច្បាប់ចំនួន ៦ ទៀត

នាវាឆ្មាំល្បាតឆ្នេរអាមេរិកឆ្លងកាត់ច្រកសមុទ្រតៃវ៉ាន់ ក្រោយដំណើរទស្សនកិច្ចរបស់លោក Blinken នៅចិន

អាមេរិក៖ G7បញ្ជាក់ពីការឯកភាព និងតម្រូវការសម្រាប់ការសម្របសម្រួលជិតស្និទ្ធក្នុងការទប់ទល់ជាមួយចិន

ក្តីបារម្ភអំពីសិទ្ធិមនុស្សបានលេចឡើង ខណៈលោក Biden ស្វាគមន៍នាយករដ្ឋមន្រ្តីឥណ្ឌាលោក Modi

នាយករដ្ឋមន្ត្រីនូវ៉ែលហ្សេឡង់ មិនឯកភាពជាមួយលោក Biden ដោយនិយាយថាលោក Xi Jingping ពុំមែនជាជនផ្តាច់ការនោះទេ

មនុស្សរាប់រយនាក់បានប្រមូលផ្តុំគ្នាអំឡុងពេលកូដកម្មរបស់អ្នកនិពន្ធហូលីវូដ

គ.ជ.ប ចែកបណ្ណព័ត៌មានអ្នកបោះឆ្នោតដល់ពលរដ្ឋទូទាំងប្រទេសបានជាង ៨ លានបណ្ណ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍