នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

អ្នកសង្កេតការណ៍មើលឃើញយុទ្ធនាការឃោសនាបោះឆ្នោតអាណត្តិនេះ កាន់តែប្រសើរជាងមុន

2023/07/04 07:42:56 pm        165
Facebook Telegram Linkin
ភ្នំពេញ៖ ក្រុមអ្នកសង្កេតការណ៍ជាតិ និងបណ្តាញសង្គមស៊ីវិលកម្ពុជា បានសង្កេតឃើញថារយៈពេល ៤ ថ្ងៃនៃសកម្មភាពយុទ្ធនាការឃោសនាបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ ២០២៣នេះ គណបក្សនយោបាយ និងអ្នកគាំទ្រកាន់មានភាពចាស់ទុំ និងបានធ្វើសកម្មភាពឃោសនាកាន់តែប្រសើរជាងអាណត្តិមុនៗទៅទៀត។ លោក សាខុន ប៉ូរិន អគ្គលេខាធិការរងនៃសហព័ន្ធនិស្សិតបញ្ញាវ័ន្តប្រជាធិបតេយ្យកម្ពុជា ឬហៅថា ក្រុមកែវភ្នែកយុត្តិធម៌ ដែលតែងតែចូលរួមសង្កេតការណ៍រៀងរាល់ការបោះឆ្នោតបានប្រាប់ BTV News នៅថ្ងៃទី៤ ខែកក្កដានេះថា សហព័ន្ធរបស់លោកមានអ្នកសង្កេតការណ៍បោះឆ្នោតជាង ១ ពាន់នាក់ សម្រាប់សង្កេតការណ៍តាមបណ្តារាជធានី-ខេត្ត ក្នុងយុទ្ធនាការឃោសនាបោះឆ្នោត​អាណត្តិនេះ។ លោកបន្តថា នាអំឡុងយុទ្ធនាការឃោសនានេះ ក្រុមការងាររបស់លោកសង្កេតឃើញ​បណ្តា​អ្នកនយោបាយមកពីគណបក្ស​ទាំង១៨ បាន​ធ្វើសកម្មភាព​ឃោសនា​មាន​ឥរិយាបថ​ចាស់​ទុំជាង​អាណត្តិមុនៗ ​និងគោរពគ្នាទៅវិញទៅមក។ លោក ទុំប៉ែន វីរៈវិទូ ប្រធានបណ្តាញសង្គមស៊ីវិលកម្ពុជា លើកឡើងថា យុទ្ធនាការបោះឆ្នោត​រយៈពេល៤ថ្ងៃកន្លង​មកនេះ សកម្មភាពឃោសនារកសំឡេងឆ្នោត​របស់​គណបក្សនយោបាយ​ទាំងអស់ គឺអនុវត្តបានល្អតាមច្បាប់ហើយអ្នកនយោបាយគ្រប់រូបគោរព​ក្រមសីលធម៌គ្នា​ទៅវិញទៅមក ដែល​នេះ​ឆ្លុះបញ្ចាំង​ពី​យុទ្ធនាការឃោសបោះឆ្នោត​ក្នុងអាណត្តិ​មានភាព​កាន់តែប្រសើរជាងមុន។សូមជម្រាបថា យុទ្ធនាការឃោសនាបោះឆ្នោតជ្រើសតាំងតំណាងរាស្រ្ត ​នីតិកាលទី៧ ឆ្នាំ២០២៣ មានរយៈពេល២១ ថ្ងៃ ចាប់ពីថ្ងៃទី១ ដល់ថ្ងៃទី២១ ​ខែ កក្កដា ឆ្នាំ២០២៣នេះ ខណៈការបោះឆ្នោត​នឹង​ប្រព្រឹត្តទៅ នាថ្ងៃទី២៣ កក្កដា​ខាងមុខនេះ ​ដែល​នឹង​មាន​ប្រជាពលរដ្ឋចូលរួម​បោះឆ្នោតជាង ៩លាន៧សែននាក់៕អត្ថបទ៖ សេក ឧត្តម

ថ្ងៃឃោសនាទី៤ គណបក្សនយោបាយនានាបន្តឃោសនារកសំឡេងឆ្នោតនៅភ្នំពេញ និងបណ្ដាខេត្ត

2023/07/04 07:33:23 pm        136
Facebook Telegram Linkin
ភ្នំពេញ៖ នៅថ្ងៃទី៤ ខែកក្កដានេះ ត្រូវនឹងថ្ងៃទី៤ នៃយុទ្ធនាការឃោសនាបោះឆ្នោត គណបក្សនយោបាយនានាបន្តធ្វើសកម្មភាពឃោសនារកសំឡេងឆ្នោតនៅមណ្ឌលរាជធានីភ្នំពេញ និងបណ្ដាខេត្ត ក្នុងនោះគណបក្សនយោបាយមួយចំនួនបន្តធ្វើការឃោសនានៅរាជធានីភ្នំពេញ និងមួយចំនួននៅតាមបណ្ឌលនានាតាមបណ្ដាខេត្ត។ ឯកឧត្ដម ឌឹម សុវណ្ណារុំ សមាជិក និងជាប្រធានក្រុមប្រតិកម្មព័ត៌មាននៃ គ.ជ.ប បានថ្លែងថា ក្នុងចំណោមគណបក្សនយោបាយទាំងអស់ គណបក្សប្រជាជនកម្ពុជា បានធ្វើសកម្មភាព​ឃោសនាមានការផុសផុលជាងគេទាំងនៅរាជធានីភ្នំពេញ និងតាមបណ្ដាខេត្ត ដែលមានសមាជិក សមាជិក និងអ្នកគាំទ្រជាច្រើនបានចូលរួមហែក្បួនឃោសនា។ ឯកឧត្ដមបន្តថា ដោយឡែកគណបក្សផ្សេងៗទៀតដែលមានសកម្មភាពផុសផុល​ទាំងនៅរាជធានីភ្នំពេញ និងបណ្តាខេត្ត រួមមាន គណបក្សខ្មែររួបរួមជាតិ គណបក្សខ្មែរតែមួយ គណបក្សសញ្ជាតិកម្ពុជា គណបក្សហ៊្វុនស៊ិនប៉ិច គណបក្សខ្មែរឈប់ក្រជាដើម។បើតាម គ.ជ.ប រយៈពេលថ្ងៃទី៣ថ្ងៃ នៃយុទ្ធនាការឃោសនាបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ ដែលបណ្ដាគណបក្សនយោបាយឈរឈ្មោះបោះឆ្នោត បានធ្វើ​សកម្មភាពឃោសនាបោះឆ្នោត គឺបានអនុវត្តទៅតាមលទ្ធភាព និងមធ្យោបាយរបស់ខ្លួន។ផ្អែកតាមរបាយការណ៍របស់គណៈកម្មការរាជធានី ខេត្តរៀបចំការបោះឆ្នោត (គធ.ខប) គណបក្ស​នយោបាយបានធ្វើការឃោសនាបោះឆ្នោត ដែលភាគច្រើនជាសកម្មភាពនៃការចាក់​មេក្រូផ្សព្វផ្សាយនៅទីស្នាក់ការគណបក្ស ​និងចល័តតាមភូមិ​ ការចែកខិត្តបណ្ណតាមខ្នងផ្ទះ ការបិទខិត្តបណ្ណ​នៅទីសាធារណៈ និងការជួបប្រជុំផងដែរ ដែលការជួបប្រជុំភាគច្រើនធ្វើឡើង​ដោយគណបក្សប្រជាជនកម្ពុជា៕អត្ថបទ៖ វ៉ន ដារ៉ា

លោក Putin និងលោក Xi នឹងចូលរួមកិច្ចប្រជុំកិច្ចសហប្រតិបត្តិការសៀងហៃតាមអ៊ីនធឺណិតរៀបចំ ដោយមេដឹកនាំឥណ្ឌា

2023/07/04 07:30:41 pm        179
Facebook Telegram Linkin
ចិន៖ មេដឹកនាំនៃអង្គការសហប្រតិបត្តិការសៀងហៃ (SCO) នៅថ្ងៃអង្គារនេះនឹងរៀបចំកិច្ចប្រជុំកំពូលតាមអ៊ិនធឺណិតរៀបចំដោយប្រទេសឥណ្ឌា ដែលកំពុងស្វែងរកការពង្រីកឥទ្ធិពលនៃក្រុមអាស៊ីអឺរ៉ុប ដោយរួមបញ្ចូលទាំងប្រទេសអ៊ីរ៉ង់ និងការបើកផ្លូវទៅកាន់សមាជិកភាពសម្រាប់ប្រទេសបេឡារុស។ ប្រធានាធិបតីចិនលោក Xi Jinping និងមេដឹកនាំរុស្ស៊ី លោក Vladimir Putin នឹងចូលរួមក្នុងកិច្ចប្រជុំកំពូលតាមបណ្តាញអ៊ីនធឺណិត ដែលនឹងក្លាយជាការបង្ហាញខ្លួនលើកដំបូងរបស់លោក Putin នៅក្នុងព្រឹត្តិការណ៍អន្តរជាតិ ចាប់តាំងពីលោកបានបង្ក្រាបការបះបោរដោយក្រុមទាហានស៊ីឈ្នួល Wagner កាលពីចុងខែមិថុនា។ដោយត្រូវបានបង្កើតឡើងក្នុងឆ្នាំ ២០០១ ដោយប្រទេសចិន និងរុស្ស៊ី ជាមួយនឹងអតីតរដ្ឋរបស់សូវៀតនៅអាស៊ីកណ្តាលជាសមាជិក ហើយក្រោយមកបានចូលរួមដោយប្រទេសឥណ្ឌា និងប៉ាគីស្ថាន អង្គការសហប្រតិបត្តិការសៀងហៃ (SCO) ដែលមានសមាជិកប្រាំបីប្រទេសមួយនេះ គឺជាក្រុមនយោបាយ និងសន្តិសុខ ដែលស្វែងរកការប្រឆាំងឥទ្ធិពលប្រទេសលោកខាងលិចនៅអាស៊ីអឺរ៉ុប។ ខណៈប្រទេសអ៊ីរ៉ង់ ត្រូវបានគេរំពឹងថានឹងត្រូវបានទទួលយកជាសមាជិក ប្រទេសបេឡារុសនឹងចុះហត្ថលេខាលើអនុស្សរណៈនៃកាតព្វកិច្ចដែលនឹងនាំទៅរកសមាជិកភាពរបស់ខ្លួននៅពេលក្រោយ។ នៅពេលប្រទេសទាំងពីរដែលមានតួនាទីជាអ្នកសង្កេតការណ៍ និងមានទំនាក់ទំនងជិតស្និទ្ធជាមួយទីក្រុងមូស្គូ ដែលត្រូវបានទទួលយកជាសមាជិកអង្គការសហប្រតិបត្តិការសៀងហៃ (SCO) នោះវានឹងពង្រីកស្លាបខាងលិចរបស់ក្រុម ទាំងនៅអឺរ៉ុប និងនៅអាស៊ី។កិច្ចប្រជុំកំពូលនេះ កើតឡើងត្រឹមតែពីរសប្តាហ៍ប៉ុណ្ណោះ បន្ទាប់ពីនាយករដ្ឋមន្ត្រីឥណ្ឌាលោក Narendra Modi ត្រូវបានប្រធានាធិបតីសហរដ្ឋអាមេរិកលោក Joe Biden បានទទួលស្វាគមន៍រូបលោកសម្រាប់ដំណើរទស្សនកិច្ចផ្លូវរដ្ឋ ហើយប្រទេសទាំងពីរបានចាត់ទុកខ្លួនឯងថា «ស្ថិតក្នុងចំណោមដៃគូជិតស្និទ្ធបំផុតនៅលើពិភពលោក»។

មេដឹកនាំក្រុងហុងកុងនិយាយថា សកម្មជននៅក្រៅប្រទេស ៨ នាក់នឹងត្រូវតាមចាប់ខ្លួនមួយជីវិត

2023/07/04 07:24:51 pm        133
Facebook Telegram Linkin
ហុងកុង៖ នគរបាលទីក្រុងហុងកុងកាលពីថ្ងៃចន្ទ បានចោទប្រកាន់សកម្មជនមានមូលដ្ឋាននៅក្រៅប្រទេសចំនួន៨នាក់ពីបទប្រព្រឹត្តិបទល្មើសច្បាប់សន្តិសុខជាតិធ្ងន់ធ្ងរ រួមមានការឃុបឃិតជាមួយបរទេស និងការញុះញង់ឱ្យមានការផ្តាច់ខ្លួន និងផ្តល់រង្វាន់សម្រាប់ព័ត៌មានដែលនាំទៅដល់ការចាប់ខ្លួនជនណាម្នាក់។ ការចេញតាមរកចាប់ខ្លួន និងផ្តល់រង្វាន់ចំនួន១លានដុល្លារហុងកុង ស្មើនឹង១២៧,៦៥៦ដុល្លារ នគរបាលបាននិយាយថា ទ្រព្យសម្បត្តិរបស់ជនជាប់ចោទនឹងត្រូវបានបង្កក នៅកន្លែងដែលអាចធ្វើទៅបាន ហើយនគរបាលបានព្រមានដល់សាធារណជនកុំឱ្យជួយពួកគេនូវផ្នែកហិរញ្ញវត្ថុ បើពុំនោះទេនឹងប្រឈមហានិភ័យនៃការបំពានច្បាប់។សកម្មជនទាំងនោះមានមូលដ្ឋាននៅកន្លែងផ្សេងៗគ្នារួមមាននៅសហរដ្ឋអាមេរិក អង់គ្លេស និងអូស្ត្រាលី។ ពួកគេត្រូវបានចោទប្រកាន់ក្រោមច្បាប់សន្តិសុខជាតិដែលទីក្រុងប៉េកាំងបានដាក់មកលើអតីតអាណានិគមអង់គ្លេស នៅក្នុងឆ្នាំ ២០២០ បន្ទាប់ពីមជ្ឈមណ្ឌលហិរញ្ញវត្ថុមួយនេះត្រូវបានរង្គោះរង្គើរដោយការតវ៉ាប្រឆាំងប្រទេសចិនដែលបានអូសបន្លាយពេលកាលពីឆ្នាំកន្លងទៅ។ ប្រទេសមួយចំនួន រួមទាំងសហរដ្ឋអាមេរិក បាននិយាយថា ច្បាប់នេះត្រូវបានប្រើប្រាស់ដើម្បីដាក់គំនាបលើចលនាគាំទ្រលទ្ធិប្រជាធិបតេយ្យរបស់ទីក្រុងនេះ ហើយបានធ្វើឱ្យប៉ះពាល់ដល់សិទ្ធិ និងសេរីភាពដែលត្រូវបានធានាក្រោមរូបមន្ត «ប្រទេសមួយ ប្រព័ន្ធគ្រប់គ្រងពីរ» ដែលបានព្រមព្រៀងគ្នានៅពេលទីក្រុងហុងកុងត្រូវបានប្រគល់មកឲ្យស្ថិតក្រោមការគ្រប់គ្រងរបស់ចិននៅឆ្នាំ ១៩៩៧។ អាជ្ញាធរចិន និងទីក្រុងហុងកុង បាននិយាយថា ច្បាប់នេះបានស្ដារឡើងវិញនូវភាពចាំបាច់ចំពោះស្ថិរភាពសម្រាប់ការរក្សាភាពជោគជ័យផ្នែកសេដ្ឋកិច្ចរបស់ទីក្រុងហុងកុង។ នគរបាលបាននិយាយកាលពីថ្ងៃចន្ទថា មនុស្ស ២៦០ នាក់ត្រូវបានចាប់ខ្លួនដោយច្បាប់សន្តិសុខជាតិនេះសរុបរហូតមកដល់ពេលនេះ ដោយ៧៩នាក់ក្នុងចំណោមពួកគេត្រូវបានកាត់ទោសពីបទល្មើសមួយចំនួនរួមទាំងការប៉ះបោរ និងសកម្មភាពភេរវកម្ម។

ទួរគី នឹងមិនដកការជំទាស់របស់ខ្លួនចំពោះប្រទេសស៊ុយអែតចូលរួមជាមួយសម្ព័ន្ធយោធា NATOនោះទេ

2023/07/04 07:17:19 pm        181
Facebook Telegram Linkin
ទួរគី៖ ប្រធានាធិបតីទួរគី លោក Tayyip Erdogan បាននិយាយកាលពីថ្ងៃចន្ទថា ប្រទេសទួរគី នឹងមិនដកចេញការជំទាស់របស់ខ្លួនចំពោះប្រទេសស៊ុយអែត ដែលចូលរួមជាមួយជាមួយសម្ព័ន្ធNATO នោះទេ រហូតដល់ប្រទេសនេះបញ្ឈប់ការផ្តល់ជម្រកដល់ក្រុមទាំងឡាយណាដែលទីក្រុងអង់ការ៉ាចាត់ទុកថាជាក្រុមភេរវករ។ប្រទេសស៊ុយអែតនិងហ្វាំងឡង់ បានដាក់ពាក្យស្នើសុំចូលជាសមាជិកសម្ព័នយោធាNATO កាលពីឆ្នាំមុនដោយបោះបង់ចោលគោលនយោបាយមិនចូលបក្សសម្ព័ន្ធយោធាណាមួយដែលខ្លួនប្រកាន់ខ្ជាប់យូរមកហើយ បន្ទាប់ពីការវាយលុករបស់រុស្ស៊ីលើអ៊ុយក្រែន។ ការដាក់ពាក្យស្នើសុំសម្រាប់សមាជិកភាព ត្រូវតែបានអនុម័តដោយសមាជិកសម្ព័ន្ធយោធាទាំងអស់ ប៉ុន្តែប្រទេសទួរគី និងហុងគ្រី ពុំទាន់បានបញ្ជាក់ច្បាស់ពីបំណងរបស់ប្រទេសស៊ុយអែតនៅឡើយ។ ប្រទេសទួរគី បាននិយាយដដែលៗថា ប្រទេសស៊ុយអែតចាំបាច់ត្រូវមានចំណាត់ការបន្ថែមទៀត ប្រឆាំងអ្នកគាំទ្ររបស់គណបក្សពលករឃឺតក្រៅច្បាប់ និងសមាជិករបស់បណ្តាញនេះ ដែលទីក្រុងអង់ការ៉ា តម្រូវឲ្យទទួលខុសត្រូវសម្រាប់ការប៉ុនប៉ង់រដ្ឋប្រហារកាលពីឆ្នាំ២០១៦។ ប្រទេសទួរគីបាន បានចាត់ទុកក្រុមទាំងពីរនេះថាជាអង្គការភេរវកម្ម។ លោក Erdogan បាននិយាយនៅក្នុងសុន្ទរកថា បន្ទាប់ពីកិច្ចប្រជុំគណៈរដ្ឋមន្ត្រីថា ប្រទេសទួរគីរំពឹងថា ប្រទេសស៊ុយអែត នឹងបញ្ឈប់ការផ្តល់ទីជម្រកដល់សមាជិកនៃក្រុមទាំងពីរនេះ។ កាលពីប៉ុន្មានខែថ្មីៗនេះ ក្រុមបាតុករ ក្នុងទីក្រុង Stockholm បានក្រវីទង់ជាតិ បង្ហាញពីការគាំទ្រសចំពោះគណបក្សពលករឃឺត ដែលត្រូវបានចាត់ទុកថាជាក្រុមភេរវនិយម ដោយសម្ព័ន្ធមិត្តប្រទេសលោកខាងលិច របស់ប្រទេសទួរគី រួមទាំងប្រទេសស៊ុយអែត។ លោក Erdogan បាននិយាយថា ជំហរ សេចក្តីរំពឹង និងការសន្យារបស់យើង ដែលយើងបានធ្វើឡើង ពិតជាច្បាស់លាស់។ នៅពេលនេះ យើងការពារគោលការណ៍ដូចគ្នា ដែលយើងបានការពារកាលពីឆ្នាំមុន។ អគ្គលេខាធិការសម្ព័ន្ធយោធាNATO លោក Stoltenberg បាននិយាយកាលពីខែមុនថា ប្រទេសស៊ុយអែត និងទួរគី នឹងជួបប្រជុំកម្រិតខ្ពស់ក្នុងទីក្រុងព្រុចស៊ែល ស្តីពីលទ្ធភាពនៃការចូលសមាជិកសម្ព័ន្ធយោធាNATO របស់ប្រទេសប្រទេសស៊ុយអែតមុនកិច្ចប្រជុំកំពូលរបស់សម្ព័ន្ធមិត្ត ក្នុងទីក្រុង Vilnius ប្រទេសលីទុយអានីនៅខែនេះ។

ក្រុមអ្នកតវាប្រមូលផ្ដុំគ្នាប្រឆាំងច្បាប់ថ្មីដែលប៉ះពាល់ដល់ជនអន្តោប្រវេសន៍នៅសហរដ្ឋអាមេរិក

2023/07/04 07:04:25 pm        110
Facebook Telegram Linkin
អាមេរិក៖ ជនអន្តោប្រវេសន៍រាប់រយនាក់នៅក្នុងទីក្រុងកសិកម្ម ហូមស្តេត(Homestead) រដ្ឋហ្វ្លរីដា (Florida) សហរដ្ឋអាមេរិក បានចេញតវ៉ាពេញដងផ្លូវ ប្រឆាំងទៅនឹងច្បាប់ថ្មី គឺ SB-1718 ដែលបានចូលជាធរមានកាលពីថ្ងៃសៅរ៍ទី១កក្កដា។  បណ្ដាអង្គការក្នុងតំបន់បានរាយការណ៍ថា ខ្លឹមសារនៃច្បាប់នេះ បានជំរុញឲ្យជនអន្តោប្រវេសន៍ដែលគ្មានឯកសារជាច្រើនចាកចេញពីរដ្ឋនេះ ដែលបានបង្កផលប៉ះពាល់អវិជ្ជមានដល់អាជីវកម្ម ដែលបានពឹងផ្អែកជាប្រវត្តិសាស្ត្រ លើកម្លាំងពលកម្មជនអន្តោប្រវេសន៍ ។ ក្រុមជនអន្តោប្រវេសន៍ផ្សេងទៀត នៅកន្លែងប្រមូលផ្ដុំនោះ បានសន្យាថានឹងប្រឆាំងច្បាប់នេះ។   ច្បាប់ដ៏ចម្រូងចម្រាសនេះ បានដាក់ទោសលើអាជីវកម្មនានា ក្នុងរដ្ឋហ្វ្លរីដា ដែលពុំជ្រើសរើសប្រើការផ្ទៀតផ្ទាត់ E ជាប្រព័ន្ធចងទិន្នន័យសហព័ន្ធ ដើម្បីត្រួតពិនិត្យឋានៈស្របច្បាប់របស់នយោជិតពួកគេ។ច្បាប់នេះ បង្កឲ្យមានទោសព្រហ្មទណ្ឌចំពោះបុគ្គណាដែលធ្វើដំណើរមកធ្វើការជាកម្មករដោយគ្មានឯកសារចូលមកក្នុងរដ្ឋនេះ។  មន្ទីរពេទ្យនានាដែលទទួលសេវាព្យាបាលផ្នែកវេជ្ជសាស្ត្រ ដែលជាការធានារ៉ាប់រងសុខភាពរបស់រដ្ឋាភិបាល ពេលនេះ ត្រូវបានកំណត់អាណត្តិដើម្បីចែករំលែកទិន្នន័យផ្នែកហិរញ្ញវត្ថុលើថ្លៃចំណាយព្យាបាលអ្នកជំងឺដែលគ្មានឯកសារ ហើយបណ្ណបើកបរខាងក្រៅរដ្ឋ ដែលទទួលបានដោយស្របច្បាប់ដោយក្រុមជនអន្តោប្រវេសន៍គ្មានឯកសារនឹងលែងទទួលយកទៀតហើយនៅក្នុងរដ្ឋហ្វ្លរីដា៕

ឧត្តមនាវីឯករបស់NATOថា អ៊ុយក្រែននឹងមិនត្រូវបានផ្តល់យន្តហោះចម្បាំងសម្រាប់ការវាយបកនេះទេ

2023/07/04 06:54:20 pm        98
Facebook Telegram Linkin
អ៊ុយក្រែន៖ លោក Rob Bauer ប្រធានគណៈកម្មាធិការសម្ព័ន្ធយោធាណាតូ បាននិយាយថា អ៊ុយក្រែននឹងមិនត្រូវបានផ្តល់យន្តហោះចម្បាំង រហូតដល់ការវាយបករបស់ខ្លួន បានបញ្ចប់។នៅក្នុងបទសម្ភាសន៍មួយជាមួយវិទ្យុ LBC កាលពីថ្ងៃចន្ទ លោកឧត្តមនាវីឯក បានថ្លែងថា ទោះបីជាមានការពិភាក្សាអំពីយន្តហោះចម្បាំងនោះ គឺជាយន្តហោះសំខាន់ក៏ដោយ ក៏វានឹងមិនត្រូវបានដោះស្រាយក្នុងរយៈពេលខ្លីបានដែរ។លោកបានសង្កត់ធ្ងន់ថា នឹងមិនមានការបណ្តុះបណ្តាលអ្នកបើកយន្តហោះ ឬបណ្តុះបណ្តាលអ្នកបច្ចេកទេស នៅមុនការវាយបករបស់អ៊ុយក្រែននោះទេ។អ្នកនាំពាក្យកងទ័ពអាកាសអ៊ុយក្រែន លោក យូរី អ៊ីហ្គណាត (Yury Ignat) បាននិយាយមុននោះថា គ្មានការបណ្តុះបណ្តាលសម្រាប់អ្នកបើកយន្តហោះអ៊ុយក្រែន ដើម្បីបើកយន្តហោះ F-16 ដែលផលិតដោយអាមេរិកនៅឡើយទេ ហើយទីក្រុងគីវ នឹងមិនចូលចិត្តការដាក់សម្ពាធលើលោកខាងលិចត្រង់ចំណុចនេះទេ ព្រោះខ្លួនពឹងផ្អែកលើពួកគេ ដើម្បីការគាំទ្រ។កាលពីដើមខែមិថុនា លោកអ៊ីហ្គណាត បាននិយាយថា អ្នកបើកយន្តហោះអ៊ុយក្រែន អាចនឹងចាកចេញទៅនៅក្រៅប្រទេសក្នុងពេលឆាប់ៗនេះ ដើម្បីហ្វឹកហាត់។ កាលពីចុងខែឧសភា រដ្ឋមន្ត្រីការពារជាតិអាមេរិក លោក ឡយដ៍ អូស្ទីន (Lloyd Austin) បានប្រកាសថា សមូហភាពលោកខាងលិច រំពឹងថា នឹងចាប់ផ្តើមបណ្តុះបណ្តាលអ្នកបើកយន្តហោះអ៊ុយក្រែនឱ្យបើកយន្តហោះ F-16 នៅប៉ុន្មានសប្តាហ៍ខាងមុខនេះ។ យោងតាមលោក អូស្ទីន ដាណឺម៉ាក និងហូឡង់ នឹងដឹកនាំក្រុមចម្រុះដែលសម្របសម្រួលការបណ្តុះបណ្តាលអាកាយានិកអ៊ុយក្រែន។ទន្ទឹមនឹងនេះ រដ្ឋមន្ត្រីការពារជាតិអ៊ុយក្រែន លោក អាឡិចស៊ី រេសនីកូវ ( Alexey Reznikov) បានថ្លែងថា កងកម្លាំងអ៊ុយក្រែននឹងអាចចាប់ផ្តើមប្រើប្រាស់យន្តហោះ F-16 ក្នុងការប្រយុទ្ធបាននៅរដូវស្លឹកឈើជ្រុះ ឬរដូវរងាខាងមុខប៉ុណ្ណោះ ដោយសារការបណ្តុះបណ្តាលអាកាសយានិក និងវិស្វករ ត្រូវការពេលវេលា៕

សកម្មជនគណបក្សប្រជាជនកម្ពុជា ក្នុងមូលដ្ឋានរាជធានីភ្នំពេញ កំពុងបន្តសកម្មភាពឃោសនាបោះឆ្នោត

2023/07/04 06:53:40 pm        140
Facebook Telegram Linkin
ភ្នំពេញ៖ ស្ថិតក្នុងយុទ្ធនាការឃោសនាបោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ២០២៣ ក្រុមការងារគណបក្សប្រជាជនកម្ពុជានៅក្នុងមូលដ្ឋានរាជធានីភ្នំពេញកំពុងមមាញឹកឃោសនារកសំឡេងឆ្នោត។ ជាក់ស្តែងនៅថ្ងៃទី៤ខែកក្កដានេះ ក្រុមការងារគណបក្សប្រជាជនកម្ពុជានៅសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ បានបន្តចុះផ្សព្វផ្សាយកម្មវិធីនយោបាយរបស់គណបក្សនៅក្នុងមូលដ្ឋាន។បើតាមលោក មូល វីរៈ ប្រធានគណៈកម្មាធិការគណបក្សប្រជាជនកម្ពុជាសង្កាត់ឫស្សីកែវ បានប្រាប់BTVថា ការចុះផ្សព្វផ្សាយគោនយោបាយគណបក្សប្រជាជនកម្ពុជា នាពេលនេះ មានដូចជា៖ ចែកខិត្តប័ណ្ណ បិទពាក្យស្លោក បង្រៀនរបៀបគូសសន្លឹកឆ្នោត និងណែនាំដល់ប្រជាពលរដ្ឋត្រៀមឯកសារពាក់ព័ន្ធដើម្បីងាយស្រួលពេលទៅបោះឆ្នោត ។ លើសពីនេះ លោកបន្តថា គណបក្សប្រជាជន គឺជាគណបក្សដាក់ចេញគោលនយោបាយច្បាស់លាស់ បំរើផលប្រយោជន៍ប្រទេសជាតិ និងប្រជាពលរដ្ឋ ហើយប្រសិនបើគណបក្សជាប់ឆ្នោត និងធ្វើតាមគោលនយោបាយដែលបានដាក់ចេញ។ ដូច្នេះសូមបង ប្អូន ប្រជាពលរដ្ឋ បន្តបោះឆ្នោតគាំទ្រគណបក្សប្រជាជនកម្ពុជា ដែលសម្តេចតេជោ ហ៊ុន សែន ជាប្រធានគណបក្ស និងបន្តគាំទ្រឯកឧត្តមបណ្ឌិតហ៊ុន ម៉ាណែតជាបេក្ខជននាយករដ្ឋមន្រ្តីបន្តវេននាពេលអនាគត ។ពលរដ្ឋបានលើកឡើងដែរថា ដោយមើលឃើញពីស្នាដៃជាច្រើនរបស់គណបក្សប្រជាជនកម្ពុជា បានអភិវឌ្ឍប្រទេសជាតិរីកចម្រើន និងការរស់នៅសុខស្រួល ក្រោមម្លប់សន្តិភាព ដូច្នេះនៅថ្ងៃទី២៣ខែកក្កដាខាងមុខនេះ នឹងទៅបោះឆ្នោតជូនគណបក្សប្រជាជនកម្ពុជា ដើម្បីអនាគតកូនចៅរស់នៅសុខស្រួល និងប្រទេសជាតិអភិវឌ្ឍន៍​រីកចម្រើនទៅមុខបន្តទៀត៕ អត្ថបទ៖ ទូច សោភ័ណ

គណនី TikTok ផ្លូវការសម្ដេចតេជោនាយករដ្ឋមន្ត្រី មានតែមួយគត់ ដែលមានសញ្ញាគ្រីសបៃតង

2023/07/04 06:47:53 pm        157
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយរដ្ឋមន្រ្ដីនៃកម្ពុជា នាព្រឹកថ្ងៃទី៤ ខែកក្កដា ឆ្នាំ២០២៣ នេះបានបញ្ជាក់ថា គណនី TikTok ផ្លូវការរបស់សម្ដេច គឺមានតែមួយគត់ដែលមានឈ្មោះថា Hunsen of Cambodia ដោយមានការបញ្ជាក់ទទួស្គាល់ផ្លូវការសញ្ញាគ្រីសបៃតងពីក្រុមហ៊ុន TikTok។គិតត្រឹមថ្ងៃទី៤ខែកក្កដានេះ គណនី TikTok របស់សម្ដេចតេជោ មានអ្នកចូលចិត្ត (Like) ជាង ៣០ ម៉ឺននាក់ និងអ្នកគាំទ្រ (Followers) ជាង ៧៤០០០នាក់ ដោយប្រជាពលដ្ឋអាចចូលទៅកាន់​គណនី​ផ្លូវការ​របស់សម្ដេចតេជោ បានដោយគ្រាន់តែស្វែងរកឈ្មោះ Hunsen of Cambodia។សម្តេចតេជោ ហ៊ុន សែន ​បានមានប្រសាសន៍ថា​ ការប្រើប្រាស់គណនី TikTok នេះ ដោយសារ​រយៈពេលកន្លងមក សម្ដេចបានប្រើប្រាស់​ គណនីហ្វេសប៊ុក (Facebook) ​ប៉ុន្ដែមានការក្លែងបន្លំ​គណនី​ច្រើនរហូតដល់ជាង ​២០ ដែលធ្វើឱ្យមានការភ័នច្រឡំពីអ្នកប្រើប្រាស់ដូចគ្នា ដូច្នេះទើប​សម្ដេច​សម្រេចចិត្តប្រើប្រាស់បណ្ដាញទំនាក់ទំនង​សង្គមដែលមានភាពងាយស្រួលប្រើដូចជា TikTok និង Telegram ជំនួសវិញ។សូមជម្រាបថា កាលពីនៅថ្ងៃទី២៩ ខែមិថុនា ឆ្នាំ២០២៣នេះ ​សម្ដេចតេជោ ហ៊ុន សែន បាន​ប្រកាសលុបចោលគណនីហ្វេសប៊ុកផ្លូវការរបស់សម្ដេច ​ដោយប្រើប្រាស់គណនី Telegram និងTikTok​ ជំនួសវិញ​ ដើម្បីផ្សព្វផ្សាយសកម្មភាពនានារបស់សម្ដេច រួមនឹងព័ត៌មានផ្លូវការជាច្រើន​ពីប្រភពនានាផងដែរ៕ អត្ថបទ៖ វ៉ន ដារ៉ា

ប្រធានាធិបតីសេណេហ្គាល់ លោក Sall៖ លោកនឹងមិនប្រឹងប្រែងរកអាណត្តិទី៣ ក្នុងការបោះឆ្នោតឆ្នាំ ២០២៤ ទេ

2023/07/04 05:57:49 pm        122
Facebook Telegram Linkin
សេណេហ្គាល់៖ ប្រធានាធិបតីសេណេហ្គាល់លោក Macky Sall បានឲ្យដឹងនៅក្នុងសុន្ទរកថាមួយ កាលពីថ្ងៃចន្ទ (ទី៣ ខែកក្កដា) ថា លោកនឹងមិនឈរឈ្មោះសម្រាប់ការបោះឆ្នោតឡើងវិញនោះទេ ក្នុងការបោះឆ្នោតឆ្នាំ២០២៤ ដោយការលើកឡើងនេះបានបញ្ចប់ការរំពឹងទុកជាទូទៅថា លោកនឹងស្វះស្វែងរកអាណត្តិទី៣ ដែលអ្នករិះគន់លើរូបលោក បាននិយាយថា នឹងប្រព្រឹត្តទៅដោយខុសច្បាប់។ពាក្យចចាមអារ៉ាមដែលថា លោក Sall នឹងព្យាយាមបន្តការកាន់អំណាចរបស់លោក បានបង្កើតឲ្យមានជម្លោះដ៏អាក្រក់បំផុត ចាប់តាំងពីឆ្នាំ២០២១ មក ដែលក្នុងនោះមនុស្សរាប់សិបនាក់ ត្រូវបានសម្លាប់ និងបានធ្វើឲ្យរង្គោះរង្គើដល់មុខមាត់របស់ប្រទេសសេណេហ្គាល់ ក្នុងនាមជាមណ្ឌលនៃលទ្ធិប្រជាធិបតេយ្យដែលមានស្ថិរភាពនៅអាហ្វ្រិកខាងលិច។លោក Sall បាននិយាយនៅក្នុងសុន្ទរកថាតាមទូរទស្សន៍ថា៖ «ការសម្រេចចិត្តរបស់ខ្ញុំ ដែលគិតពិចារណាយ៉ាងយូរ និងដោយប្រុងប្រយ័ត្ន គឺមិនមែនដើម្បីក្លាយជាបេក្ខជន នៅក្នុងការបោះឆ្នោតបន្ទាប់នោះទេ បើទោះបីជារដ្ឋធម្មនុញ្ញផ្តល់សិទ្ធិឲ្យខ្ញុំក្នុងការធ្វើដូច្នេះក៏ដោយ។ ប្រទេសសេណេហ្គាល់ គឺធំជាងខ្ញុំទៅទៀត ហើយប្រទេសនេះពោរពេញទៅដោយមេដឹកនាំ ដែលមានសមត្ថភាពដូចៗគ្នា ដែលមកជួយជំរុញប្រទេសឲ្យឆ្ពោះទៅរកភាពរីកចម្រើនបាន»។ភាពចលាចលថ្មីចុងក្រោយបំផុត បានកើតឡើងកាលពីខែមុន បន្ទាប់ពីមានការកាត់ទោសលើមេដឹកនាំបក្សប្រឆាំងដ៏មានប្រជាប្រិយភាពលោក Ousmane Sonko ឲ្យជាប់ពន្ធនាគាររយៈពេល ២ឆ្នាំ ក្រោមបទចោទ ដែលកើតចេញពីការចោទប្រកាន់ពាក់ព័ន្ធនឹងករណីរំលោភ ជាពាក្យចោទប្រកាន់ដែលលោក Sonko បានបដិសេធ ហើយនិយាយថា ជាការចោទប្រកាន់មានហេតុផលនយោបាយ ដើម្បីបញ្ឈប់រូបលោកមិនឲ្យឈរឈ្មោះនៅក្នុងការបោះឆ្នោត៕

បណ្ដាញសង្គម

ព័ត៌មានថ្មីៗ

ក្រសួងបរិស្ថាន និងក្រសួងមហាផ្ទៃ ជំរុញភាពស្អាតនៅតាមពន្ធនាគារនៅទូទាំងប្រទេស
09/30/2026 08:09 PM
Facebook Telegram Linkin
នាយករដ្ឋមន្រ្តីកាតាថ្កោលទោសអំពើឃោឃៅរបស់អ៊ីស្រាអែលនៅតំបន់ហ្កាហ្សា
09/30/2026 07:09 PM
Facebook Telegram Linkin
គ្រូពេទ្យ៖ ការវាយប្រហាររបស់អ៊ីស្រាអែល នៅតំបន់ហ្កាហ្សា សម្លាប់មនុស្សយ៉ាង​តិច​ ៥នាក់
09/30/2026 07:09 PM
Facebook Telegram Linkin
​តំណាងអចិន្ត្រៃយ៍កម្ពុជា ប្រចាំ UN ស្នើអ្នករាយការណ៍ពិសេសស្តីពីស្ថានភាពសិទ្ធិមនុស្សបន្តយកចិត្តទុកដាក់ចំពោះប្រជាជនភៀសសឹកកម្ពុជា និងការវិលត្រឡប់ទៅកាន់លំនៅឋានវិញដោយសុវត្ថិភាព និងសេចក្តីថ្លៃថ្នូរ
09/30/2026 07:09 PM
Facebook Telegram Linkin
ជើងហោះហើរទៅកាន់អ៊ីស្រាអែល បង្វែរទិសដៅហោះហើរទៅកាន់អារ៉ាប៊ីសាអ៊ូឌីត ក្រោយការប្រកាសអាសន្ន
09/30/2026 06:09 PM
Facebook Telegram Linkin
នាយករដ្ឋមន្ត្រីអ៊ីរ៉ាក់សាទរ​យុគសម័យ «អធិបតេយ្យភាព​» ថ្មី​ ក្រោយកម្លាំង​ចម្រុះ​ដឹកនាំដោយអាមេរិក​​ចាក​ចេញ​
09/30/2026 06:09 PM
Facebook Telegram Linkin
KCNA៖ កូរ៉េខាងជើង និងវៀតណាមកំពុងស្វែងរកការពង្រីកកិច្ចសហប្រតិបត្តិការយោធា
09/30/2026 06:09 PM
Facebook Telegram Linkin
ប្រធានាធិបតីអ៊ីរ៉ង់បង្ហាញឆន្ទៈពង្រឹងទំនាក់ទំនងជាមួយអ៊ូសបេគីស្ថាន និងអាស៊ែរបៃហ្សង់
09/30/2026 06:09 PM
Facebook Telegram Linkin
រុស្ស៊ីចេញការព្រមាននុយក្លេអ៊ែរទៅកាន់អង្គការណាតូ ខណៈភាពតានតឹងកើនឡើង នៅតំបន់បាល់ទិក
09/30/2026 05:09 PM
Facebook Telegram Linkin
ការបោកបក់ដល់ដីគោកជាលើកទី ២របស់ព្យុះសង្ឃរា Polo បង្កការជន់លិចនៅតំបន់ភាគខាងជើងម៉ិកស៊ិក
09/30/2026 05:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.