នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

យុវជនចងចាំពីវិរភាពសម្ដេចជោ នាឱកាសខួប៤៦ឆ្នាំនៃការស្វែងរកផ្លូវរំដោះប្រជាជនពីរបបខ្មែរក្រហម

2023/06/20 05:51:05 pm        197
Facebook Telegram Linkin
ភ្នំពេញ ៖ប្រជាជនខ្មែរ ជាពិសេសយុវជនជំនាន់ក្រោយចងចាំមិនភ្លេចឡើយអំពីវិរភាព ការលះបង់សាច់ស្រស់ឈាមស្រស់របស់សម្ដេចតេជោ ហ៊ុន សែន និងយុទ្ធមិត្ត ដែលបានយកជីវិតទៅប្ដូរ ដើម្បីស្វែងរកផ្លូវរំដោះប្រជាជនចេញពីរបបខ្មែរក្រហមកាលពីថ្ងៃទី ២០ មិថុនា ១៩៧៧ នាឱកាសជាខួប ៤៦ ឆ្នាំក្នុងថ្ងៃនេះ។ យុវជនសិស្ស-និស្សិតនៅក្នុងប្រទេសកម្ពុជាចងចាំមិនភ្លេចឡើយនូវវិរភាពរបស់សម្ដេចតេជោ ហ៊ុន សែន និងបានចាត់ទុកសម្ដេចជាឪពុក ជាវិរបុរស និងជា​អ្នកប្រាជ្ញ​មួយរូបរបស់កម្ពុជា​ដែលបាន​ដឹកនាំ​ប្រទេសដ៏កម្សត់មួយនេះចេញភ្លើងសង្គ្រាម ចេញពីប្រទេសដែលរងគ្រោះខ្ទេចខ្ទីប្រែក្លាយ​ទៅជាប្រទេសមានការអភិវឌ្ឍរីកចម្រើនលើគ្រប់វិស័យគួរជាទីមោទនបំផុត។លោក គោរម ដាឡា និស្សិតកំពុងសិក្សានៅសាកលវិទ្យាល័យភូមិន្ទ នីតិសាស្រ្ដ និងវិទ្យាសាស្រ្ដ​សេដ្ឋកិច្ច​លើកឡើងថា យុវជនជំនាន់ក្រោយចង់ចាំមិនភ្លេចឡើយនូវដានប្រវត្តិសាស្រ្ដរបស់​ប្រទេសកម្ពុជាអំពីការវិរភាពការតស៊ូលះបង់របស់សម្ដេចតេជោ ​ហ៊ុន សែន និងសមមិត្ត ​ដែលមិនគិតពីអាយុជីវិតចាកចោលគ្រួសារទៅស្វែងរកសន្ដិភាពសម្រាប់ប្រទេស និងប្រជាជនកម្ពុជាដែលកំពុងរងគ្រោះ។ យុវតី ថា ម៉ីម៉ី និស្សិតសិក្សាជំនាញនីតិសាស្រ្ដនៅសាកលវិទ្យាល័យភូមិន្ទ នីតិសាស្រ្ដ និង​វិទ្យាសាស្រ្ដ​សេដ្ឋកិច្ចលើកឡើងថា​ យុវជនជំនាន់ក្រោយចងចាំមិនភ្លេចឡើងនូវព្រឹត្តិការណ៍ ថ្ងៃ ២០ មិថុនា ឆ្នាំ១៩៧៧ ពីព្រោះថ្ងៃនេះជាថ្ងៃប្រវត្តិសាស្រ្ដរបស់ប្រទេសកម្ពុជា​ដែលសម្ដេចតេជោ ហ៊ុន សែន និងសមមិត្តបានស្វះស្វែងរកផ្លូវរំដោះពលរដ្ឋកម្ពុជា​ឱ្យចាកចេញពីរបបខ្មៅ​ងងឹតខ្មែរក្រហមដែលជាគុកឥតជញ្ជាំង។ប្រទេសកម្ពុជាក្រោមការដឹកនាំប្រកបដោយគតិបណ្ឌិត និងគោលនយោបាយច្បាស់លាស់​របស់​សម្ដេចតេជោ ហ៊ុន សែន ធ្វើឱ្យកម្ពុជាទទួលសន្តិភាពពេញលេញ និងមានឯកភាពជាតិទាំង​ស្រុងតាំងពីថ្ងៃទី ២៩ ខែធ្នូ ឆ្នាំ១៩៩៨ មក ​ក្រោមនយោបាយឈ្នឈ្នះរបស់សម្តេចតេជោ។ ប្រទេសកម្ពុជាប្រៀបដូចជាកោះដ៏កម្សត់មួយដែលបានឆ្លងកាត់សង្គ្រាម និងការឈ្លានពាន​ពី​បរទេស​យ៉ាង​ឆ្អែតឆ្អន់​នៅក្នុងប្រវត្តិសាស្រ្ដកន្លងមក។ ​ដូច្នេះហើយសម្ដេចតេជោ ​ហ៊ុន សែន ក្នុងនាមជាប្រមុខរដ្ឋាភិបាលកម្ពុជា​បានប្រកាសយ៉ាងដាច់ណាត់ថា «ទោះក្នុងតម្លៃណាក៏ដោយ​ត្រូវរក្សាសន្តិភាពរបស់ប្រទេសកម្ពុជាឱ្យបាន»៕ អត្ថបទ៖ វ៉ន ដារ៉ា

បេសកជនUN៖ សំណើច្បាប់របស់លីប៊ី មិនទាន់មានលក្ខណៈគ្រប់គ្រាន់ ដើម្បីអាចធ្វើការបោះឆ្នោតទេ

2023/06/20 05:50:23 pm        80
Facebook Telegram Linkin
UN៖ ប្រេសិតអង្គការសហប្រជាជាតិ ឬUN ប្រចាំប្រទេសលីប៊ី លោក Abdoulaye Bathily បាននិយាយកាលពីថ្ងៃចន្ទ (ទី១៩ ខែមិថុនា) ថា សំណើច្បាប់បោះឆ្នោត មិនបានដោះស្រាយបញ្ហាខ្វែងគំនិតគ្នា និងមិនមានលក្ខណៈគ្រប់គ្រាន់ ដើម្បីផ្តល់លទ្ធភាពឲ្យមានការបោះឆ្នោតបាននោះទេ។កិច្ចការការទូតរយៈពេលជាច្រើនឆ្នាំមកនេះ បានផ្តោតលើការបោះឆ្នោតជ្រើសរើសប្រធានាធិបតីថ្មី និងសភា ដើម្បីជាគន្លឹះ ក្នុងការដោះស្រាយជម្លោះរ៉ាំរ៉ៃជាច្រើនឆ្នាំ ប៉ុន្តែស្ថាប័ននយោបាយគូប្រជែងរបស់ប្រទេសលីប៊ី ម្តងហើយម្តងទៀត បានបរាជ័យក្នុងការឯកភាពលើច្បាប់នានា។ថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិ លោក Bathily បាននិយាយថា សំណើច្បាប់បោះឆ្នោត ដែលបានព្រមព្រៀងគ្នាក្នុងខែនេះ ដោយគណៈកម្មាធិការ ដែលត្រូវបានយកចេញពីស្ថាប័ននីតិប្បញ្ញត្តិពីររបស់ប្រទេសលីប៊ី គឺជា«ជំហានដ៏សំខាន់មួយឆ្ពោះទៅមុខ»។ប៉ុន្តែលោកបានបន្ថែមថា សំណើច្បាប់នេះ មិនទាន់មានលក្ខណៈគ្រប់គ្រាន់នោះទេ ក្នុងការដោះស្រាយបញ្ហាដែលមានការខ្វែងគំនិតគ្នាខ្លាំងបំផុត និងធ្វើឲ្យការបោះឆ្នោតទទួលបានជោគជ័យ ដោយចង្អុលបង្ហាញពីការបន្តខ្វែងគំនិតគ្នា ក្នុងចំណោមបក្សប្រឆាំងរបស់ប្រទេសលីប៊ី ដែលលោកបាននិយាយថា អាចបង្កឲ្យមានវិបត្តិថ្មី។ លោកបានសង្កត់ធ្ងន់ថា បញ្ហានៃច្បាប់ដែលបានស្នើឡើងនេះ រួមមានវិវាទជុំវិញសិទ្ធិបេក្ខជនប្រធានាធិបតី និងលក្ខខណ្ឌតម្រូវ ក្នុងការបង្កើតរដ្ឋាភិបាលបណ្តោះអាសន្នថ្មី មុនពេលបោះឆ្នោតណាមួយ។ការអត្ថាធិប្បាយរបស់លោក Bathily បានកើតឡើងប៉ុន្មានម៉ោងបន្ទាប់ពីប្រធានសភាដែលមានមូលដ្ឋាននៅភាគខាងកើត លោក Aguila Saleh បាននិយាយថា ច្បាប់ដែលបានស្នើឡើងភាគច្រើន គឺល្អ ហើយនាំយើងទៅរកការបោះឆ្នោត ដោយបន្ថែមថា ប្រេសិតអង្គការសហប្រជាជាតិ «នឹងមិនធ្វើជាអ្នកគ្រប់គ្រង ក្នុងការចេញសេចក្តីណែនាំនោះទេ»។សូមបញ្ជាក់ថា ប្រទេសលីប៊ីស្ទើរតែគ្មានស្ថិរភាព ឬសន្តិសុខនោះឡើយ ចាប់តាំងពីមានការបះបោរ ដែលគាំទ្រដោយសម្ព័ន្ធភាពយោធាណាតូ (NATO) ក្នុងឆ្នាំ២០១១ ហើយប្រទេសនេះ បានបែកបាក់ នៅក្នុងឆ្នាំ២០១៤ រវាងក្រុមភាគខាងកើត និងខាងលិចដែលកំពុងមានសង្រ្គាមជាមួយគ្នា ប៉ុន្តែមានការប្រយុទ្ធគ្នាក្នុងទ្រង់ទ្រាយធំតិចតួចប៉ុណ្ណោះ គិតចាប់តាំងពីមានបទឈប់បាញ់ ក្នុងឆ្នាំ២០២០៕

ព្រួយបារម្ភយ៉ាងខ្លាំងលើផែនការពង្រីកការតាំងទីលំនៅរបស់អ៊ីស្រាអែលនៅតំបន់ West Bank

2023/06/20 05:46:30 pm        168
Facebook Telegram Linkin
អ្នកនាំពាក្យអគ្គលេខាធិការអង្គការសហប្រជាជាតិលោក Farhan Haq បាននិយាយកាលពីថ្ងៃចន្ទថា អង្គការសហប្រជាជាតិមានការព្រួយបារម្ភយ៉ាងខ្លាំងចំពោះការសម្រេចចិត្តរបស់រដ្ឋាភិបាលអ៊ីស្រាអែលក្នុងការផ្លាស់ប្តូរផែនការការតាំងលំនៅឋាន និងពន្លឿនការពង្រីកនៅក្នុងតំបន់គ្រប់គ្រង West Bank ។ និយាយទៅកាន់សន្និសីទសារព័ត៌មាន លោក Haq បាននិយាយឡើងវិញពីអ្នកសម្របសម្រួលពិសេសសម្រាប់ដំណើរការសន្តិភាពនៅមជ្ឈិមបូព៌ាចំពោះការលើកឡើងរបស់លោក Tor Wennesland លើបញ្ហានេះ ហើយបាននិយាយឡើងវិញពីការខ្វះសុពលភាពផ្លូវច្បាប់នៃការតាំងលំនៅឋានទាំងនោះ ដោយនិយាយថាពួកគេគឺជាឧបសគ្គចំពោះដំណោះស្រាយរដ្ឋពីរ និង សន្តិភាពពេញលេញ។ ប្រទេសភាគច្រើន ចាត់ទុកការតាំងទីលំនៅរបស់ជនជាតិជ្វីហ្វ ដែលបានសាងសង់នៅលើដែនដីដែលអ៊ីស្រាអែលកាន់កាប់នៅក្នុងសង្រ្គាមមជ្ឈិមបូព៌ាឆ្នាំ ១៩៦៧ ថាខុសច្បាប់ ហើយការពង្រីកទីតាំងរបស់ពួកគេមានរយៈពេលជាច្រើនទសវត្សរ៍មកនេះគឺជាបញ្ហាដ៏ចម្រូងចម្រាសបំផុតរវាងអ៊ីស្រាអែល ប៉ាឡេស្ទីន និងសហគមន៍អន្តរជាតិ។ មេដឹកនាំប៉ាឡេស្ទីន បានស្វះស្វែងរកការបង្កើតរដ្ឋឯករាជ្យនៅតំបន់ West Bank និង Gaza ដែលមានទីក្រុងហ្សេរុយសាឡឹមខាងកើតជារដ្ឋធានីរបស់ខ្លួន ហើយបាននិយាយថាការតាំងទីលំនៅធ្វើឱ្យប៉ះពាល់ដល់ក្តីសង្ឃឹមនៃរដ្ឋដែលអាចសម្រេចបាន។ កាលពីថ្ងៃអាទិត្យ ទី ១៨ ខែមិថុនា រដ្ឋាភិបាលជាតិនិយមខាងសាសនារបស់នាយករដ្ឋមន្ត្រីលោក Benjamin Netanyahu បាននិយាយថា ខ្លួនមានផែនការអនុម័តលំនៅឋានថ្មីចំនួន ៤.៥៦០ នៅក្នុងទីតាំងផ្សេងៗនៃតំបន់ West Bank ។ចាប់តាំងពីការចូលកាន់តំណែងក្នុងខែមករាមក ក្រុមចម្រុះរបស់លោក Netanyahu បានព្រមព្រៀងលើការជម្រុញផ្នែកលំនៅឋានថ្មីជាង៧.០០០ខ្នង ដែលភាគច្រើនចូលជ្រៅនៅតំបន់ West Bank ។ វិសោធនកម្មច្បាប់មួយក៏ត្រូវបានធ្វើឡើងដើម្បីជម្រះផ្លូវសម្រាប់អ្នកតាំងលំនៅត្រឡប់ទៅតាំងទីលំនៅចំនួនបួនកន្លែងវិញដែលត្រូវបានជម្លៀសកាលពីពេលមុន។ យោងតាមអង្គការសហប្រជាជាតិបានឲ្យដឹងថា អ្នកតាំងលំនៅប្រហែល ៧០០.០០០នាក់រស់នៅក្នុង២៧៩កន្លែង នៅទូទាំងតំបន់ West Bank និងទីក្រុង ហ្សេរុយសាឡឹមខាងកើត កើនឡើងពី ៥២០.០០០ នាក់ក្នុងឆ្នាំ ២០១២៕

Biden ប្រកាសវិនិយោគ ៦០០លានដុល្លារ សម្រាប់ភាពធន់នឹងអាកាសធាតុ

2023/06/20 05:31:45 pm        151
Facebook Telegram Linkin
អាមេរិក៖ ប្រធានាធិបតីសហរដ្ឋអាមេរិកលោក ចូ បៃដិន (Joe Biden) កាលពីថ្ងៃចន្ទ (ទី១៩ ខែមិថុនា) បានប្រកាសពីការវិនិយោគលើអាកាសធាតុនូវទឹកប្រាក់ចំនួន ៦០០លានដុល្លារ ដើម្បីជួយដល់សហគមន៍ឆ្នេរសមុទ្រ នៅជុំវិញប្រទេសប្រយុទ្ធនឹងការប្រែប្រួលអាកាសធាតុ។ក្នុងអំឡុងការធ្វើទស្សនកិច្ចទៅកាន់ក្រុមហ៊ុន Palo Alto លោក Biden បាននិយាយថា ក្រសួងពាណិជ្ជកម្មនឹងចាប់ផ្តើមគម្រោងការប្រកកួតប្រជែងតាមតំបន់ធន់នឹងអាកាសធាតុ (Climate Resilience Regional Challenge) ដើម្បីផ្តល់មូលនិធិដែលសហគមន៍កំពុងសាងសង់គ្រោងការ ដែលការពារប្រឆាំងនឹងផលប៉ះពាល់ពីការប្រែប្រួលអាកាសធាតុ រួមទាំងការកើនឡើងកម្រិតទឹកសមុទ្រ ទឹកជំនន់ និងការកើនឡើងព្យុះ។ការវិនិយោគនឹងត្រូវបានផ្តល់មូលនិធិដោយច្បាប់កញ្ចប់ថវិកាអាកាសធាតុ និងហេដ្ឋារចនាសម្ព័ន្ធរបស់លោកបៃដិន (Biden) ហើយគម្រោងនោះក៏នឹងរួមបញ្ចូលការវិនិយោគ ៦៧លានដុល្លារ សម្រាប់រដ្ឋកាលីហ្វ័រនីញ៉ា (California) ធ្វើទំនើបកម្មបណ្តាញអគ្គិសនី ដើម្បីកាត់បន្ថយផលប៉ះពាល់ពីការកើតមានព្រឹត្តិការណ៍អាកាសធាតុធ្ងន់ធ្ងរ ដូចជាភ្លើងឆេះព្រៃជាដើម។គួរបញ្ជាក់ដែរថា កាលពីខែសីហាឆ្នាំមុន លោកបៃដិន (Biden) បានចុះហត្ថលេខាលើកញ្ចប់ថវិកាតម្លៃ ៤៣០ពាន់លានដុល្លារ ដែលត្រូវបានចាត់ទុកថា ជាកញ្ចប់ថវិកាអាកាសធាតុដ៏ធំបំផុត នៅក្នុងប្រវត្តិសាស្រ្តរបស់សហរដ្ឋអាមេរិក៕

ម្ចាស់ជំនួយអន្តរជាតិ សន្យាជំនួយ១,៥ ពាន់លានដុល្លារ សម្រាប់ប្រទេសស៊ូដង់

2023/06/20 05:28:21 pm        149
Facebook Telegram Linkin
ស៊ូដង់៖ ម្ចាស់ជំនួយអន្តរជាតិកាលពីថ្ងៃច័ន្ទ បានសន្យាផ្តល់ជំនួយមនុស្សធម៌ជិត ១,៥ពាន់លានដុល្លារដល់ប្រទេសស៊ូដង់ និងតំបន់ដ៏ធំទូលំទូលាយ ដោយឆ្លើយតបទៅនឹងការអំពាវនាវរបស់អង្គការសហប្រជាជាតិដើម្បីជំរុញជំនួយក្នុងពេលមានជម្លោះដែលបានបង្ខំមនុស្សប្រមាណ ២,២ លាននាក់ចាកចេញពីលំនៅឋានរបស់ពួកគេ។អង្គការសហប្រជាជាតិបាននិយាយថា ជំនួយចំនួន៣ ពាន់លានដុល្លារត្រូវការនៅឆ្នាំនេះសម្រាប់ការផ្តល់ជំនួយបន្ទាន់ផ្នែកមនុស្សធម៌នៅក្នុងប្រទេសស៊ូដង់ និងសម្រាប់ជនភៀសខ្លួនដែលភៀសខ្លួនចេញពីប្រទេស ដែលមានតែភាគតិចប៉ុណ្ណោះដែលត្រូវបានផ្តល់មូលនិធិ។ប្រទេសអាល្លឺម៉ង់ បានប្រកាសកាលពីថ្ងៃចន្ទថាខ្លួនកំពុងសន្យាផ្តល់ជំនួយ ២០០ លានអឺរ៉ូ ដល់ប្រទេសស៊ូដង់និងតំបន់រហូតដល់ឆ្នាំ ២០២៤ ហើយសហរដ្ឋអាមេរិកបានសន្យាផ្តល់ចំនួន ១៧១លានដុល្លារ ខណៈប្រទេសកាតាបានសន្យាផ្តល់ចំនួន ៥០ លានដុល្លារ។ អង្គការសហប្រជាជាតិបាននិយាយថា ស្ថាប័ននេះកំពុងបែងចែកជំនួយបន្ថែមចំនួន ២២ លានដុល្លារ ដើម្បីដោះស្រាយតម្រូវការជាអាទិភាព។សង្គ្រាមរវាងកងទ័ពស៊ូដង់ និងកងកម្លាំងគាំទ្ររហ័សយោធាប៉ារ៉ា(RSF) បានចាប់ផ្តើមកាលពីពាក់កណ្តាលខែមេសា ក្នុងពេលមានភាពតានតឹងជុំវិញផែនការដែលគាំទ្រដោយអន្តរជាតិសម្រាប់អន្តកាលឈានឆ្ពោះទៅរកការបោះឆ្នោតក្រោមរដ្ឋាភិបាលស៊ីវិល។ វាបានធ្វើឱ្យមនុស្សជាង ៣.០០០នាក់ស្លាប់ និងបានប្រែក្លាយរដ្ឋធានី Khartoum ទៅជាតំបន់សង្រ្គាម និងបានបង្កឱ្យមានអំពើហិង្សាដ៏ឃោរឃៅនៅក្នុងតំបន់ទីក្រុង Darfur ភាគខាងលិចដែលមានជម្លោះ ព្រមទាំងផ្នែកផ្សេងទៀតរបស់ប្រទេសនេះ។អង្គការសហប្រជាជាតិបានអំពាវនាវដាច់ដោយឡែកសម្រាប់ជំនួយជិត ៥០០លានដុល្លារសម្រាប់ជនភៀសខ្លួនដែលភៀសខ្លួនពីប្រទេសស៊ូដង់ ដែលប្រធានទីភ្នាក់ងារជនភៀសខ្លួនរបស់អង្គការសហប្រជាជាតិ លោក Filippo Grandi បាននិយាយថា បានទទួលមូលនិធិចំនួន ១៥% ជាស្ថានភាពមួយដែលលោកហៅថា «មានការព្រួយបារម្ភយ៉ាងខ្លាំង» ។ អគ្គលេខាធិការលោក Antonio Guterres បានប្រកាសអាសន្នលើជម្លោះនេះដោយនិយាយថា «ខ្ញុំមានការព្រួយបារម្ភជាពិសេសចំពោះរបាយការណ៍អំពីអំពើហិង្សាផ្លូវភេទ និងផ្អែកលើភេទ និងដោយទំហំនៃអំពើហិង្សាជនជាតិភាគតិចនៅក្នុងទីក្រុង Geneina៕

ច្បាប់វិធានការដើមកំណើតទំនិញ នឹងជួយលើកកម្ពស់ការនាំចេញទំនិញកម្ពុជា និងទប់ស្កាត់ការក្លែងបន្លំ

2023/06/20 05:27:30 pm        175
Facebook Telegram Linkin
ភ្នំពេញ៖ សេចក្តីព្រាងច្បាប់ស្តីពី វិធានការដើមកំណើតទំនិញ នឹងជួយលើកកម្ពស់ការនាំចេញទំនិញរបស់កម្ពុជា ក៏ដូចជាការជួយទប់ស្កាត់ការក្លែងបន្លំដើមកំណើតទំនិញ ដែលច្បាប់នេះ គឺធ្វើឡើង ស្របតាមគោលការណ៍អាស៊ាន និងអង្គការពាណិជ្ជកម្មពិភពលោកផងដែរ ។ បន្ទាប់ពីកិច្ចប្រជុំគណៈកម្មាធិការអចិន្រ្តៃយ៍ព្រឹទ្ធសភា ក្រោមអធិបតីភាព របស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៅថ្ងៃទី២០ ខែមិថុនា ឯកឧត្តម ម៉ម ប៊ុននាង អ្នកនាំពាក្យព្រឹទ្ធសភា មានប្រសាសន៍ថា សេចក្តីព្រាងច្បាប់ស្តីពី វិធានដើមកំណើតទំនិញ រៀបចំឡើង ក្នុងគោលបំណងកំណត់អំពីគោលការណ៍ និងវិធានដើមកំណើតទំនិញនាំចេញ និងនាំចូល ដើម្បីជំរុញ និងសម្រួលពាណិជ្ជកម្មក្រោមប្រព័ន្ធអនុគ្រោះពាណិជ្ជកម្ម និងក្រៅប្រព័ន្ធអនុគ្រោះពាណិជ្ជកម្ម ។ឯកឧត្តមបានបន្តថា សេចក្តីព្រាងច្បាប់នេះ នឹងធានានូវដើមកំណើតទំនិញ របស់កម្ពុជា ក្នុងការ​លើកកម្ពស់ និងជំរុញការនាំចេញផលិតផលរបស់កម្ពុជា​ ព្រមទាំងចូលរួមទប់ស្កាត់ ការក្លែងបន្លំ​ដើមកំណើតទំនិញផងដែរ ។ឯកឧត្តមអ្នកនាំពាក្យ បន្ថែមថា សេចក្តីព្រាងច្បាប់ស្តីពី វិធានការដើមកំណើតទំនិញ គឺជាការ​អនុវត្តបន្ថែម នូវលិខិតបទដ្ឋានគតិយុត្តក្នុងវិស័យសេដ្ឋកិច្ច ​និងពាណិជ្ជកម្ម ដែលត្រូវរៀបចំឡើង​ស្រប​តាមគោលការណ៍អាស៊ាន ​និងអង្គការពាណិជ្ជកម្មពិភពលោកផងដែរ និងជាផ្នែកមួយដ៏មាន​សារសំខាន់ នៃប្រព័ន្ធច្បាប់នៅលើពិភពលោក ដោយដើរទន្ទឹមគ្នាជាមួយកិច្ចព្រមព្រៀង​ពាណិជ្ជកម្ម​សេរីទ្វេភាគី តំបន់ និងពហុភាគី ដូចជាកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ កិច្ចព្រមព្រៀងពាណិជ្ជកម្មសេរីគ្រប់ជ្រុងជ្រោយកម្ពុជា-ចិន និងកម្ពុជា-កូរ៉េ ជាដើម ។ឯកឧត្តម ម៉ម ប៊ុននាង ​បានបញ្ជាក់ថា បន្ទាប់ពីពិនិត្យ និងពិភាក្សារួចមក គណៈកម្មាធិការអចិន្ត្រៃយ៍​ព្រឹទ្ធសភាជាតិ នឹងលើកយកសេចក្តីព្រាងច្បាប់ស្តីពីវិធានការដើមកំណើតទំនិញ នឹងលើកយក​ទៅពិនិត្យ ហើយឲ្យយោបល់ ក្នុងសម័យប្រជុំលើកទី១០ ព្រឹទ្ធសភានីតិកាលទី៤ ​នៅថ្ងៃទី២១ ខែមិថុនា​ ឆ្នាំ២០២៣ស្អែកនេះ ជាមួយនឹងរបៀបវារៈមួយទៀត គឺពិនិត្យហើយឱ្យយោបល់លើ​សេចក្តីព្រាង​ច្បាប់ស្តីពី អត្រានុកូលដ្ឋាន ស្ថិតិអត្រានុកូល-ដ្ឋាន និងអត្តញ្ញាណកម្ម ៕ អត្ថបទ បាន សុខរិទ្ធិ

អ៊ុយក្រែនត្រៀមការវាយសម្រុកធំបំផុត ខណៈអះអាងពីការដណ្ដើមបានភូមិចំនួន៨មកវិញពីរុស្ស៊ី

2023/06/20 05:21:46 pm        188
Facebook Telegram Linkin
អ៊ុយក្រែន៖ អ៊ុយក្រែន បាននិយាយកាលពីថ្ងៃចន្ទទី១៩មិថុនា ខ្លួនបានបណ្ដេញកងកម្លាំងរុស្ស៊ី ចេញពីភូមិទី៨ ក្នុងការវាយបកមានរយៈពេល២សប្ដាហ៍ ហើយមន្ត្រីការពារជាតិមួយរូប បានប្ដេជ្ញាវាយសម្រុករុលទៅមុខទ្រង់ទ្រាយធំបំផុត របស់ទីក្រុង Kyiv ទោះបីជាមានការវាយតបដ៏ខ្លាំងក្លាពីទាហានរបស់ទីក្រុង Moscow ក៏ដោយ។  អនុរដ្ឋមន្ត្រីការពារជាតិអ៊ុយក្រែន លោកស្រី ហាណា ម៉ាលីយ៉ា (Hanna Maliar) បាននិយាយថា កងកម្លាំងអ៊ុយក្រែន បានដណ្ដើមយកបានមកវិញនូវភូមិ ភាទីខាគី (Piatykhatky) នៅតំបន់មួយដែលមានការវាយប្រយុទ្ធគ្នាខ្លាំងនៃសមរភូមិមុខ ជិតផ្លូវដែលនៅកៀកបំផុតទៅកាន់ឆ្នេរសមុទ្រអាសូវ(Azov)របស់ប្រទេសនេះ។  នេះគឺជាផ្នែកមួយនៃការវាយរុលទៅមុខដោយទីក្រុង Kyiv ចម្ងាយ៧គីឡូម៉ែត្រ ចូលទៅក្នុងសមរភូមិដែលរុស្ស៊ីគ្រប់គ្រងក្នុងរយៈពេល២សប្ដាហ៍ ដោយដណ្ដើមបានមកវិញនូវផ្ទៃដីទំហំ១៣៣គីឡូម៉ែត្រក្រឡា។  លោកស្រី Maliar បាននិយាយនៅលើបណ្ដាញតេឡេក្រាមថា សត្រូវ នឹងមិនបោះបង់ចោលមូលដ្ឋានរបស់ពួកគេដោយងាយៗនោះទេ យើងត្រូវតែត្រៀមខ្លួនសម្រាប់សមរភូមិដ៏លំបាកមួយ។ យោធាកំពុងរុលទៅមុខ ព្រោះពួកគេគួរតែសម្រុករុលទៅមុខ ។ ហើយការវាយសម្រុកទៅមុខដ៏ធំបំផុត មិនទាន់បានធ្វើនៅឡើយទេ។  លោកស្រី បានបញ្ជក់ថា ការវាយប្រយុទ្ធគ្នាដ៏ខ្លាំងក្លា មាននៅក្នុងភាគខាងកើត និងខាងត្បូងក្នុងប្រទេសអ៊ុយក្រែន ដោយឡែក លោកស្រី បាននិយាយថា យោធាអ៊ុយក្រែនកំពុងទប់ស្កាត់ការវាយរុលទៅមុខរបស់កងទ័ពរុស្ស៊ី នៅក្នុងភាគខាងកើត ជាទីដែលបានផ្ដោតលើអង្គភាពរបស់ខ្លួន រួមទាំងទាហានវាយប្រហារតាមអាកាសផងដែរ៕

ប្រសាសន៍សំខាន់ៗរបស់សម្ដេចតេជោ ក្នុងឱកាសអញ្ជើញអបអរសាទរខួបលើកទី៤៦ ទិវានៃការចងចាំដំណើរឆ្ពោះទៅរកការផ្តួលរំលំរបបប្រល័យពូជសាសន៍ ប៉ុល ពត

2023/06/20 05:05:37 pm        223
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញអបអរសាទរប្រារព្ធខួប៤៦ឆ្នាំ នៃទិវានៃការចងចាំដំណើរឆ្ពោះទៅរកការផ្តួលរំលំ របបប្រល័យពូជសាសន៍ ប៉ុល ពត (២០ មិថុនា ១៩៧៧-២០ មិថុនា ២០២៣) នៅក្រសួងការពារជាតិ នាព្រឹកថ្ងៃទី២០ ខែមិថុនា ឆ្នាំ២០២៣នេះ។ប្រសាសន៍សំខាន់ៗរបស់សម្ដេចតេជោ ហ៊ុន សែន ដែលមានខ្លឹមសារដូចខាងក្រោម៖សម្តេចតេជោ ហ៊ុន សែន បានលើកទឹកចិត្តឲ្យអាជ្ញាធរគ្រប់រាជធានី-ខេត្តទាំងអស់ សាងសង់វិមានអនុស្សាវរីយ៍ឈ្នះឈ្នះ ដើម្បីជាការរំលឹកអតីតកាល និងជាកន្លែងកម្សាន្តរបស់ប្រជាពលរដ្ឋផងដែរ។សម្តេចតេជោ ហ៊ុន សែន បានចោទសំនួរថា កាលពី៤៦ឆ្នាំមុន(ថ្ងៃទី២០ ខែមិថុនា ឆ្នាំ១៩៧៧) បើសមមិត្តហ៊ុន សែន មិនសម្រេចចិត្តយកជីវិតធ្វើជាដើមទុន ដើម្បីធ្វើដំណើរឆ្ពោះទៅកាន់ការផ្តួលរំលំរបបប្រល័យពូជសាសន៍ ប៉ុល ពត ទេ តើអាចនឹងមានអ្វីកើតឡើងសម្រាប់ប្រទេសកម្ពុជាបន្តទៀត? ខណៈដែលជីវិតប្រជាពលរដ្ឋខ្មែរទាំងអស់ ស្ថិតនៅក្រោមកណ្តាប់ដៃរបស់ពួកខ្មែរក្រហម។សម្ដេចតេជោ ហ៊ុន សែន បង្ហាញសៀវភៅប្រវត្តិសាស្រ្ដកម្ពុជា ដែលជាសម្រង់ប្រសាសន៍របស់សម្ដេចជាង ៤០ ម៉ោង។ ប៉ុន្ដែសៀវភៅនេះ ត្រូវមានការត្រួតពិនិត្យ និងកែតម្រូវពីសម្ដេចបន្ថែមទៀតទើបឈានទៅដល់ការបោះពុម្ព។សម្ដេចតេជោ ហ៊ុន សែន បានណែនាំឲ្យមានការសិក្សាជាមួយអ្នកច្បាប់ ចំពោះការរៀបចំបង្កើតច្បាប់ស្ដីពីប្រវត្តិសាស្រ្ដយោធា បន្ទាប់ពីមានការស្នើសុំគោលការណ៍ ពីសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ។សម្តេចតេជោ ហ៊ុន សែន បានថ្លែងថា ការចាកចេញរបស់សម្តេចទៅកាន់ការផ្តួលរំលំរបបប្រល័យពូជសាសន៍ប៉ុល ពត កាលពី៤៦ឆ្នាំមុន ជាមួយនឹងទឹកភ្នែករាប់ម៉ឺនតំណក់ និងការឈឺចាប់ជាច្រើនទៀត ដោយបែកបាក់ប្រពន្ធ និងកូន ប៉ុន្តែទោះជាយ៉ាងណាទេវតាតាមថែរក្សាសម្តេចជានិច្ចផងដែរ។សម្ដេចតេជោ ហ៊ុន សែន បញ្ជាក់ថា សៀវភៅប្រវត្តិសាស្រ្ដកម្ពុជា ដែលជាសម្រង់ប្រសាសន៍របស់សម្ដេចជាង៤០ម៉ោងនោះ រយៈពេលប្រមាណ១០ឆ្នាំទៀត ទើបសម្ដេចអនុញ្ញាតឱ្យបោះពុម្ពផ្សាយជាផ្លូវការ។សម្តេចតេជោ បានបញ្ជាក់ថា «ខ្ញុំទទួលស្គាល់ថា ខ្លួនឯងជាមនុស្សឆេវឆាវ...[]តែការសម្រេចចិត្តខាងផ្នែកនយោបាយ ខ្ញុំជាមនុស្សចិត្តធ្ងន់បំផុតហើយ..»។សម្ដេចតេជោ ហ៊ុន សែន រម្លឹកការឈឺចាប់អំឡុងពេលសម្ដេច និងយុទ្ធមិត្តបានទៅដល់ប្រទេសវៀតណាម ២០ មិថុនា ១៩៧៧ ដែលពេលនោះ វៀតណាមបានទទួលបាយធ្វើឱ្យសម្ដេចពិសាបាយទាំងស្រក់ទឹកភ្នែកព្រោះនឹករលឹកដល់ប្រពន្ធ និងប្រជាពលរដ្ឋខ្មែរដែលកំពុងរងគ្រោះពីការកាប់សម្លាប់របស់ខ្មែរក្រហម។

លោក Xi និងលោក Blinken ព្រមព្រៀងរក្សាស្ថិរភាពនៃទំនាក់ទំនងរវាងអាមេរិក-ចិន ក្នុងកិច្ចពិភាក្សានៅប៉េកាំង

2023/06/20 05:02:49 pm        126
Facebook Telegram Linkin
 ចិន៖ ប្រទេសចិន និងសហរដ្ឋអាមេរិក បានព្រមព្រៀងកាលពីថ្ងៃចន្ទដើម្បីរក្សាស្ថិរភាពនៃប្រទេសគូប្រជែងដ៏ខ្លាំងក្លាទាំង២ ដើម្បីបញ្ចៀសពីជម្លោះ ប៉ុន្តែបានបរាជ័យក្នុងការសម្រេចបានជំហានរីកចម្រើនសំខាន់ណាមួយអំឡុងដំណើរទស្សនកិច្ចដ៏កម្រទៅកាន់ទីក្រុងប៉េកាំងពីសំណាក់ប្រមុខការទូតអាមេរិក លោក Antony Blinken។  លោកប្រធានាធិបតីចិន Xi Jinping បានស្វាគមន៍ការរីកចម្រើន បន្ទាប់ពីការចាប់ដៃជាមួយលោក Blinken នៅមហាសាលប្រជាជន ជាបន្ទប់ប្រជុំដ៏ធំ ដែលប្រើសម្រាប់ការស្វាគមន៍ប្រមុខរដ្ឋទាំងឡាយ។ ប្រមុខការទូតអាមេរិក និងលោក Xi បានបញ្ជាក់ពីសារៈសំខាន់នៃការរក្សាទំនាក់ទំនងប្រកបដោយស្ថិរភាពបន្ថែមទៀត ស្របពេលដែលជម្លោះជាយថាហេតុណាមួយរវាងប្រទេសមហាអំណាចសេដ្ឋកិច្ចធំបំផុតទាំង២របស់ពិភពលោក នឹងបង្កើតឲ្យមានការរំខានជាលក្ខខណៈសកល។  ប្រទេសចិនបានបដិសេធមិនទទួលយកបំណងរបស់ទីក្រុងវ៉ាស៊ីនតោន ដើម្បីបន្តបណ្តាញទំនាក់ទំនងយោធា និងយោធា ដោយលើកឡើងពីការដាក់ទណ្ឌកម្មរបស់សហរដ្ឋអាមេរិកថាជាឧបសគ្គ។ ភាគីទាំងពីរបានបង្ហាញជំហរខ្លួនលើបញ្ហាគ្រប់យ៉ាង ចាប់ពីកោះតៃវ៉ាន់រហូតដល់ពាណិជ្ជកម្ម រួមទាំងសកម្មភាពរបស់សហរដ្ឋអាមេរិកចំពោះឧស្សាហកម្មបន្ទះឈីបរបស់ចិន សិទ្ធិមនុស្ស និងសង្គ្រាមរបស់រុស្ស៊ីប្រឆាំងនឹងអ៊ុយក្រែន។ក្រោយមកកាលពីថ្ងៃចន្ទ ដដែលលោកប្រធានាធិបតីសហរដ្ឋអាមេរិក Joe Biden បាននិយាយ ថា លោកគិតថាទំនាក់ទំនងរវាងប្រទេសទាំងពីរគឺស្ថិតនៅលើផ្លូវត្រូវ ហើយបានបង្ហាញថាការរីកចម្រើននោះ ត្រូវបានធ្វើឡើងក្នុងអំឡុងដំណើររបស់លោក Blinken ៕

សម្ដេចតេជោ ហ៊ុន សែន អញ្ជើញអបអរសាទរខួបលើកទី៤៦ ទិវានៃការចងចាំដំណើរឆ្ពោះទៅរកការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧-២០ មិថុនា ២០២៣)

2023/06/20 02:42:29 pm        291
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញអបអរសាទរប្រារព្ធខួប៤៦ឆ្នាំ នៃទិវានៃការចងចាំដំណើរឆ្ពោះទៅរកការផ្តួលរំលំ របបប្រល័យពូជសាសន៍ ប៉ុល ពត (២០ មិថុនា ១៩៧៧-២០ មិថុនា ២០២៣) នៅក្រសួងការពារជាតិ នាព្រឹកថ្ងៃទី២០ ខែមិថុនា ឆ្នាំ២០២៣នេះ។គួររំលឹកថា នៅថ្ងៃទី២០ ខែមិថុនា ឆ្នាំ២០២៣ គឺជាខួបគម្រប់ ៤៦ឆ្នាំ នៃដំណើរតស៊ូឆ្ពោះទៅរកការរំដោះជាតិរបស់សម្តេចតេជោ ហ៊ុន សែន និងយុទ្ធមិត្ត ដើម្បីរំដោះជាតិ និងប្រជាជនកម្ពុជាចេញពីការកាប់សម្លាប់នៃរបបប្រល័យពូជសាសន៍ ប៉ុល ពត។ ថ្ងៃទី២០ ខែមិថុនា ឆ្នាំ១៩៧៧ ជាពេលដែលសមមិត្ត ហ៊ុន សែន ក្នុងវ័យ២៥ឆ្នាំ រួមនឹងយុទ្ធមិត្តដ៏ស្ម័គ្រស្មោះ ៤រូបផ្សេងទៀត បានសម្រេចចិត្តក្នុងស្ថានភាពដ៏តានតឹងបំផុតលាចាកទឹកដី លាចាកឧត្តមភរិយា និងកូនក្នុងផ្ទៃជាទីស្រឡាញ់ធ្វើដំណើរជ្រែកស្បៃរាត្រីឆ្លងកាត់ព្រំដែនទាំងគ្រោះថ្នាក់បំផុត ឆ្ពោះទៅកាន់ប្រទេសវៀតណាម ដើម្បីស្វែងរកគាំទ្រក្នុងការរំដោះជាតិ និងប្រជាជនកម្ពុជា ចេញពីក្រញាំបិសាចដ៏សែនឃោរឃៅប៉ុលពត។ផ្តើមចេញពីដំណើរតស៊ូជាមួយទឹកចិត្តដ៏មុះមុតនោះហើយ ទើបនាំឱ្យមានការរំដោះប្រទេសជាតិ និងប្រជាជនកម្ពុជា ចេញពីរបបវាលពីឃាត ប៉ុល ពត នៅថ្ងៃទី៧ ខែមករា ឆ្នាំ១៩៧៩ ហើយឈានឆ្ពោះទៅរកការបិទបញ្ចប់ភ្លើងសង្គ្រាម បិទបញ្ចប់ការបែកបាក់ជាតិ នាំមកនូវការបង្រួបបង្រួមជាតិ ឯកភាពជាតិ និងការកសាងអភិវឌ្ឍន៍ប្រទេស​ឱ្យរីកចម្រើនដូចពេលបច្ចុប្បន្ន។ដើម្បីរំលឹកដល់ស្លាកស្នាមប្រវត្តិសាស្ត្រដ៏មានគុណតម្លៃសម្រាប់ជាតិ និងប្រជាជន និងដើម្បីគាសរំលើងឱ្យឃើញនូវវីរភាពរបស់កុលបុត្រខ្មែរក្នុងការតស៊ូដើម្បីជាតិ និងប្រជាជនសម្រាប់កុលបុត្រខ្មែរជំនាន់ក្រោយនោះ នៅឆ្នាំ២០១៧ ដែលចំខួប៤០ឆ្នាំនៃការចេញតស៊ូនេះ សម្តេចតេជោ ហ៊ុន សែន រួមនឹងយុទ្ធមិត្តដែលនៅមានជីវិតពេលនោះ បានធ្វើដំណើររួមគ្នាទៅកាន់គ្រប់ចំណុចក្នុងដំណាក់កាលតស៊ូនោះ។ ចាប់តាំងពីឆ្នាំ២០១៧នោះមក ក្រសួងការពារជាតិ ក៏បានទទួលភារកិច្ចរៀបចំប្រារព្ធពិធីមួយនេះជារៀងរាល់ឆ្នាំ។ បន្ថែមពីលើនោះ ក៏មានការរៀបចំសាងសង់នូវសំណង់នានា នៅលើតំបន់ប្រវត្តិសាស្ត្រមួយនេះផងដែរ ដើម្បីតម្កល់ទុកជាមរតកដល់មនុស្សជំនាន់ក្រោយ៕

បណ្ដាញសង្គម

ព័ត៌មានថ្មីៗ

ក្រសួងឧស្សាហកម្មបង្កើតនូវឱកាសថ្មី សម្រាប់ការពង្រីកខ្លួនរបស់សហគ្រាសក្នុងតំបន់
10/01/2026 08:10 PM
Facebook Telegram Linkin
ហនុមាន ប៊ែវើរីជីស ចាប់ដៃគូជាមួយ AI FARM គាំទ្រយុវជនកម្ពុជាក្នុងការអភិវឌ្ឍបច្ចេកវិទ្យា រ៉ូប៉ូត តាមរយៈ BATTLEBOTx All Star​ Championship
10/01/2026 07:10 PM
Facebook Telegram Linkin
ប្រព័ន្ធលូមេធំមួយកន្លែង រីកកកស្ទះដោយកាកសំណល់ប្រើប្រាស់ និងមែកឈើ អាជ្ញាធរខណ្ឌពោធិ៍សែនជ័យចុះកាយផ្ទាល់ដៃដល់ក្នុងប្រអប់លូ
10/01/2026 07:10 PM
Facebook Telegram Linkin
រដ្ឋបាលខណ្ឌដូនពេញបានបំពាក់ គ្រឿងឥស្សរិយយសមេដាយការងារនិងប័ណ្ណសរសើរ ដល់មន្រ្តីរាជការរដ្ឋបាលខណ្ឌ
10/01/2026 07:10 PM
Facebook Telegram Linkin
ម្ចាស់ក្សត្រី ទុនគូ ពូតេរី អ៊ីនតាន់ សាហ្វីណា ប្រធានអឌ្ឍចន្ទក្រហមម៉ាឡេស៊ី យាងដល់កម្ពុជា ដើម្បីបំពេញទស្សនកិច្ចផ្លូវការ
10/01/2026 07:10 PM
Facebook Telegram Linkin
លោក Trump ចាប់​ផ្ដើម​​យុទ្ធនាការឃោសនាបោះឆ្នោត ខណៈបក្សសាធារណរដ្ឋប្រឈម​ការប្រកួតប្រជែងតឹង​តែង​
10/01/2026 06:10 PM
Facebook Telegram Linkin
ប្រធានាធិបតី​ឥណ្ឌូនេស៊ី តែងតាំងរដ្ឋមន្ត្រីការបរទេស និងឧស្សាហកម្មថ្មី ជា​ការ​រុះ​រើ​គណៈរដ្ឋមន្ត្រីដ៏​ធំ
10/01/2026 06:10 PM
Facebook Telegram Linkin
លីបង់ពឹងផ្អែកលើការបណ្តុះបណ្តាល AI ទ្រង់ទ្រាយធំ ដើម្បីស្តារសេដ្ឋកិច្ចឡើងវិញ
10/01/2026 06:10 PM
Facebook Telegram Linkin
ខ្មាន់កាំភ្លើងសម្លាប់មនុស្ស ៧នាក់ លើរថយន្តតូរីសនៅតំបន់ភាគខាងលិចប្រទេសស៊ីរី
10/01/2026 06:10 PM
Facebook Telegram Linkin
សត្វដំរីព្រៃចំនួនពីរក្បាលត្រូវបានជួយសង្រ្គោះ ក្រោយធ្លាក់ចូលស្រះទឹកមួយកន្លែង ស្រុកអូររាំង ខេត្តមណ្ឌលគិរី
10/01/2026 06:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.