នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ​ និង ការអភិវឌ្ឍន៍

សម្តេចពិជ័យសេនា ទៀ បាញ់ ដឹកនាំប្រតិភូទៅចូលរួមកិច្ចប្រជុំសន្តិសុខអាស៊ីលើកទី២០នៅសិង្ហបុរី

2023/06/02 11:02:38 am        144
Facebook Telegram Linkin
ភ្នំពេញ៖ តបតាមការអញ្ជើញរបស់បណ្ឌិត ចន ឈីបមែន អគ្គនាយក និងជាប្រធានប្រតិបត្តិនៃវិទ្យាស្ថានអន្តរជាតិសម្រាប់យុទ្ធសាស្រ្ត សម្តេចពិជ័យសេនា ទៀ បាញ់ ឧបនាយក រដ្ឋមន្រ្តី រដ្ឋមន្រ្តីក្រសួងការពារជាតិកម្ពុជានៅព្រឹកថ្ងៃទី២ ខែមិថុនា ឆ្នាំ២០២៣នេះ បានដឹកនាំគណៈប្រតិភូនៃកងយោធពលខេមរភូមិន្ទ ទៅចូលរួម កិច្ចប្រជុំសន្តិសុខអាស៊ីលើកទី២០ ដែលនឹងប្រព្រឹត្តទៅពីថ្ងៃទី២ -៤ ខែមិថុនា ឆ្នាំ២០២៣នៅ ប្រទេសសិង្ហបុរី។កិច្ចប្រជុំសម្រាប់ឆ្នាំ២០២៣ នឹងមានកិច្ចពិភាក្សាក្នុងសម័យប្រជុំពេញអង្គលើវិធានបទសំខាន់ៗរួមមាន៖បញ្ហាឥណ្ឌា-បាស៊ីហ្វិក ភាពជាដៃគូថ្មី ការអភិវឌ្ឍគំរូសម្រាប់ សន្តិសុខជាដើម។ កិច្ចប្រជុំកំពូលក៏នឹងមានក្រុមពិភាក្សាតូចៗនៅក្នុងសម័យប្រជុំពិសេសផងដែរ រួមមាន៖សន្តិសុខនៃប្រព័ន្ធអ៊ិនធឺណិត ការអភិវឌ្ឍនៃសមត្ថភាពយោធា ការធ្វើសមតុល្យភាពក្នុងតំបន់ជាដើម។បើតាមសេចក្តីជូនព័ត៌មានរបស់ក្រសួងការពារជាតិកម្ពុជា បានឲ្យដឹងថាក្នុងឱកាសចូលរួមកិច្ចប្រជុំកំពូលខាងលើនេះ សម្តេចពិជ័យសេនា ទៀ បាញ់ នឹងអញ្ជើញថ្លែងការណ៍ប្រកបដោយអត្ថន័យខ្លឹមសារ នៅក្នុងសម័យប្រជុំពេញអង្គទី៧ ស្តីពី«ការអភិវឌ្ឍគំរូសម្រាប់សន្តិសុខប្រកប ដោយកិច្ចសហប្រតិបត្តិការ» ដោយផ្តោតលើទស្សនៈលើបញ្ហាប្រឈមនានា ដែលអាចបង្ករឡើងដោយការអភិវឌ្ឍវិស័យយោធាយ៉ាងលឿននៅក្នុងតំបន់ និងមុខងារដែលសមត្ថភាពថ្មីៗទាំងនោះអាចដើរតួនាទី ក្នុងការរក្សាតុល្យភាពស្ថិរភាពតំបន់ផងដែរ។សូមបញ្ជាក់ថា កិច្ចប្រជុំខាងលើក៏នឹងមានជំនួបរួម ជាមួយរដ្ឋមន្រ្តីការពារជាតិសហរដ្ឋអាមេរិក ជាមួយរដ្ឋមន្រ្តីការពារជាតិនៃបណ្តាប្រទេសអាស៊ានមួយចំនួនដែរ។ ដោយឡែកក្រៅពីចូលរួមកិច្ចប្រជុំខាងលើនេះសម្តេចពិជ័យសេនា ទៀ បាញ់ ក៏នឹងមានជំនួបពិភាក្សាការងារទ្វេភាគីជាមួយរដ្ឋមន្រ្តីការពារជាតិនៃបណ្តាប្រទេសមួយចំនួនផងដែរ ដោយក្នុងនោះមានរដ្ឋមន្រ្តីការពារជាតិចិន អូស្ត្រាលី សិង្ហបុរី និងទទួលជួបសម្តែងការគួរសមពីសំណាក់ឥស្សរជនសំខាន់ៗប្រចាំនៅតំបន់អាស៊ីប៉ាស៊ីហ្វិកផ្សេងទៀត៕(ដោយ៖ បាន ចក់)

មេដឹកនាំប្រឆាំងរបស់ឥណ្ឌា លោក Rahul Gandhi រិះគន់លោក Modi ជុំវិញបញ្ហាចិន

2023/06/02 10:18:10 am        71
Facebook Telegram Linkin
ឥណ្ឌា៖ មេដឹកនាំគណបក្សប្រឆាំងឥណ្ឌា Rahul Gandhi កាលពីថ្ងៃព្រហស្បតិ៍ បានរិះគន់ការដោះស្រាយទំនាក់ទំនងរបស់នាយករដ្ឋមន្ត្រី Narendra Modi ជាមួយប្រទេសចិនដោយនិយាយថា ទីក្រុងប៉េកាំង កំពុង «កាន់កាប់ដែនដីរបស់យើង» ខណៈពេលដែលកំពុងរិះគន់មេដឹកនាំជាតិនិយមហិណ្ឌូ ជុំវិញការធ្វើឲ្យមានការបែកបាក់សាសនារបស់ប្រទេស។លោក Gandhi ដែលជាសមាជិកនៃគណបក្សប្រឆាំង Congress នៅឯក្លិបសារព័ត៌មានជាតិ ក្នុងដំណើរទស្សនកិច្ចទៅកាន់ទីក្រុងវ៉ាស៊ីនតោន សហរដ្ឋអាមេរិក បាននិយាយថា៖ «បញ្ហាគឺថា ប្រទេសចិនកំពុងកាន់កាប់ទឹកដីរបស់យើង។ វាគឺជាការពិតដែលត្រូវទទួលស្គាល់។ ខ្ញុំគិតថា ទំហំដីក្រុង Delhi ១.៥០០គីឡូម៉ែត្រក្រឡាត្រូវបានពួកគេកាន់កាប់។ នេះជាអ្វី ដែលមិនអាចទទួលយកបានជាដាច់ខាត តែមើលទៅលោកនាយករដ្ឋមន្ត្រី ហាក់ដូចជាមិនជឿថាវាបែបហ្នឹងទេ»។ទស្សនកិច្ចរបស់លោក Gandhi នេះ បានកើតមានឡើងតែប៉ុន្មានសប្ដាហ៍ប៉ុណ្ណោះ មុនការគ្រោងទុករបស់លោក Modi ដែលនឹងធ្វើដំណើរទៅទស្សនកិច្ច នៅសហរដ្ឋអាមេរិក នាចុងខែនេះ។ដូចដឹងមកហើយថា ប្រទេសឥណ្ឌា និងចិន គឺជាអ្នកជិតខាង ដែលមិនមានភាពសុខដុមរមនានឹងគ្នាអស់ជាច្រើនទសវត្សរ៍មកហើយ បន្ទាប់ពីសង្រ្គាមនៅលើព្រំដែនភ្នំហិម៉ាឡៃ ដែលប្រទេសទាំងពីរ មានជម្លោះជាមួយគ្នា នៅដើមទសវត្សរ៍ឆ្នាំ១៩៦០ ហើយទំនាក់ទំនងរបស់មហាអំណាចទាំងពីរ កាន់តែមានភាពយ៉ាប់យ៉ឺន នៅពាក់កណ្តាលឆ្នាំ២០២០ នៅពេលដែលកងទ័ពទាំងសងខាង បានប៉ះទង្គិចគ្នា នៅតាមព្រំដែន ដែលបានសម្លាប់ទាហានឥណ្ឌា ២០នាក់ និងចិន ៤នាក់។កាលពីខែឧសភា លោក Modi បានថ្លែងថា សន្តិភាពនៅតាមព្រំដែនឥណ្ឌាជាមួយចិន គឺជាភាពចាំបាច់ណាស់សម្រាប់ទំនាក់ទំនងប្រក្រតីរវាងប្រទេសជិតខាង ដែលមានអាវុធនុយក្លេអ៊ែរ។ ចាប់តាំងពីឡើងកាន់អំណាចនៅប្រទេសឥណ្ឌា ក្នុងឆ្នាំ២០១៤ រដ្ឋាភិបាលដែលស្ថិតក្រោមការដឹកនាំរបស់គណបក្ស Bharatiya Janata Party (BJP) របស់លោក Modi បានចំណាយប្រាក់រាប់លានដុល្លារ ដើម្បីអភិវឌ្ឍហេដ្ឋារចនាសម្ព័ន្ធយោធា និងស៊ីវិល នៅតាមព្រំដែនប្រវែង ៣.៨០០គីឡូម៉ែត្រជាមួយចិន៕

ព្រឹទ្ធសភាអាមេរិកត្រៀមអនុម័តសេចក្តីស្នើច្បាប់ពន្យាពេលការបង្កើនបំណុលនៅយប់ថ្ងៃព្រហស្បតិ៍

2023/06/02 10:13:39 am        54
Facebook Telegram Linkin
អាមេរិក៖ មេដឹកនាំមកពីភាគីទាំងពីរ បានរៀបចំការបោះឆ្នោតចុងក្រោយនៅយប់ថ្ងៃព្រហស្បតិ៍ដើម្បីបញ្ចៀសការខកខានសង់បំណុល បន្ទាប់ពីថយចុះការប្រឆាំងដោយសមាជិកព្រឹទ្ធសភាមួយចំនួន ដែលបានបង្កើនការព្រួយបារម្ភដែលថា កញ្ចប់កំណត់បំណុលនឹងធ្វើឲ្យមន្ទីរបញ្ចកោនខ្វះខាតមូលនិធិ។ ព្រឹទ្ធសភា ឈានទៅរកការអនុម័តចុងក្រោយនៅយប់ថ្ងៃព្រហស្បតិ៍នូវការបង្កើតច្បាប់ទ្វេបក្សដែលពន្យារពេលការកម្រិតបំណុល នឹងរឹតត្បិតការគ្រប់គ្រងចំណាយថ្មី ខណៈខ្លួនចាប់ផ្តើមបោះឆ្នោតលើវិសោធនៈកម្មជាបន្តបន្ទាប់ចំពោះកញ្ចប់នេះ។  ការបោះឆ្នោតលើការផ្លាស់ប្តូរដែលបានស្នើឡើង ដែលទាំងអស់នេះត្រូវបានគេរំពឹងថានឹងបរាជ័យ ទំនងជាសកម្មភាពចុងក្រោយក្នុងការបង្ហាញរយៈពេលយូរខែ ខណៈសមាជិកព្រឹទ្ធសភា នឹងបញ្ជូនច្បាប់ទៅឲ្យប្រធានាធិបតីលោក Joe Biden និងការបញ្ចៀសការខកខានសងបំណុលដ៏មហន្តរាយ។ វាបានធ្វើឡើងបន្ទាប់ពីកិច្ចប្រជុំបិទទ្វារជាបន្តបន្ទាប់កាលពីថ្ងៃព្រហស្បតិ៍ ដើម្បីដោះស្រាយការខ្វែងគំនិតគ្នានៅនាទីចុងក្រោយជុំវិញការផ្តល់មូលនិធិរបស់មន្ទីរបញ្ចកោន។ ការបោះឆ្នោតបានចាប់ផ្តើមបន្ទាប់មួយថ្ងៃនៃភាពមិនច្បាស់លាស់ ខណៈសមាជិកគណបក្សសាធារណៈរដ្ឋមួយចំនួនបានត្អូញត្អែរថា កិច្ចព្រមព្រៀងដែលបាន ចរចា រវាងលោក Joe Biden និងប្រធាសភា លោក Speaker Kevin McCarthy ដោយគ្មានការចូលរួមពីព្រឹទ្ធសភា នឹងធ្វើឲ្យខ្វះខាតមូលនិធិដល់យោធា ។ កិច្ចព្រមព្រៀងកំណត់បំណុល ដែលត្រូវបានអនុម័តយ៉ាងលើសលប់ដោយសភាកាលពីយប់ថ្ងៃពុធ នឹងត្រូវពន្យារពេលអតិបរមាបំណុលលើចំនួន៣១,៤សែនកោដិដុល្លាររហូតដល់ខែមករា ឆ្នាំ២០២៥ ខណៈមានការកាត់ការចំណាយលើកម្មវិធីក្នុងស្រុកជាច្រើន។ វានឹងបង្កើនការចំណាយរបស់មន្ទីរបញ្ចកោណរហូតដល់៨៨៦ពាន់លានដុល្លារសម្រាប់ឆ្នាំក្រោយ កើនឡើង៣ភាគរយ ប៉ុន្តែអ្នកគាំទ្រគណបក្សសាធារណៈរដ្ឋលើការចំណាយកាន់តែខ្ពស់ សម្រាប់យោធា បានកត់សម្គាល់ថា បញ្ហានេះនឹងមិនអាចទប់ល្បឿនជាមួយអតិផរណា និងបានអះអាងថា កញ្ចប់នេះនឹងធ្លាក់ចុះឆ្ងាយពីចំនួនដែលត្រូវការ៕

ទីក្រុង Chicago នៅតែព្យាយាមជួយអ្នកស្វែងរកសិទ្ធជ្រកកោន

2023/06/02 09:33:06 am        82
Facebook Telegram Linkin
អាមេរិក៖ ដោយជនអន្តោប្រវេសន៍រាប់រយនាក់នៅតែដេកនៅលើកម្រាលឥដ្ឋនៅស្នងការដ្ឋាននគរបាល ក្រុមប្រឹក្សាក្រុងនៃទីក្រុង Chicago បានអនុម័តថវិកា៥១លានដុល្លារក្នុងការផ្តល់មូលនិធិដើម្បីជួយគាំទ្រដល់អ្នកស្វែងរកសិទ្ធជ្រកកោន កាលពីថ្ងៃពុធទី៣១ ខែឧសភា។ ទោះជាយ៉ាងណា មេដឹកនាំមួយចំនួននៅទីក្រុងនេះ និយាយថា ថវិកានោះនឹងពុំមានរយៈពេលយូរឡើយ ហើយត្រូវការកញ្ចប់ថវិកាបន្ថែមទៀតដើម្បីដោះស្រាយវិបត្តិដែលកំពុងកើតមាន។ ទោះបីជាទីក្រុងChicago ជាកន្លែងកំពុងទទួលស្វាគមន៍ក៏ដោយ ក៏ខ្ញុំមិនដឹងថាយើងមានហេដ្ឋារចនាសម្ព័ន្ធដែលកសាងយ៉ាងពិតប្រាកដដើម្បីទទួលយកនូវអ្វីដែលយើងកំពុងមើលឃើញនោះដែរ។ មេដឹកនាំទីក្រុងនិយាយថា អ្នកស្វែងរកសិទ្ធជ្រកកោនប្រមាណ១ម៉ឺននាក់ បានធ្វើដំណើរមកកាន់ទីក្រុងChicago ចាប់តាំងពីខែសីហាឆ្នាំមុន ដែលមានមនុស្សរាប់សិបនាក់បានមកដល់នៅក្នុងមួយថ្ងៃៗ។ បច្ចុប្បន្នមានយ៉ាងហោចណាស់ជនអន្តោប្រវេសន៍៣០០នាក់ កំពុងត្រូវបានផ្តល់ទីជម្រកនៅវិទ្យាល័យ Wilbur Wright ទោះបីមានការចាប់ខ្លួនជាច្រើនពីប្រទេសជិតខាងក៏ដោយ។លោក Mary Ann Smith ជាអ្នករស់នៅទីក្រុង Chicago ជាយូរមកហើយដែលបានរស់នៅក្នុង ខុនដូរមួយ នៅជិតវិទ្យាល័យ Wright College និយាយថាខ្ញុំព្រួយបារម្ភខ្លះដែរ ព្រោះថាខ្ញុំមិនបានដឹងថាតើពួកគេនឹងមានប្រតិកម្មបែបណាទេ ខ្ញុំចង់និយាយថា ប្រសិនបើខ្ញុំត្រូវដើរផ្លូវនេះ តើពួកគេនឹងឆ្លើយតបមកខ្ញុំដោយរបស់ដែលចង់បានដែរឬទេ? តើសាលារៀនត្រូវបើកដែរឬទេ។ កាលពីខែមុន អតីតអភិបាលក្រុងChicago លោក Lori Lightfoot បានប្រកាសរដ្ឋក្នុងគ្រាអាសន្នទាក់ទងទៅនឹងវិបត្តិជនអន្តោប្រវេសន៍។ យោងតាមមន្ត្រីទីក្រុងបានឲ្យដឹងថា រហូតមកដល់ពេលនេះ ទីក្រុងនេះទើបតែទទួលបានថវិកា ១០លានដុល្លារពីរដ្ឋាភិបាលសហព័ន្ធ ទោះបីជាមានការស្នើសុំច្រើនជាងនេះក៏ដោយ៕

ពលរដ្ឋហុងគ្រី ប្រមាណមួយពាន់នាក់ តវ៉ាប្រឆាំងទៅនឹងច្បាប់គ្រូបង្រៀនថ្មី និងការបង្រ្កាបដោយហិង្សា

2023/06/02 08:42:42 am        129
Facebook Telegram Linkin
ហុងគ្រី៖ ពលរដ្ឋហុងគ្រី ប្រមាណមួយពាន់នាក់ បានប្រមូលផ្ដុំគ្នាក្នុងរដ្ឋធានី ប៊ូដាប៉េស (Budapest) កាលពីថ្ងៃព្រហស្បតិ៍ ទី១មិថុនា តវ៉ាប្រឆាំងច្បាប់ដែលនឹងលុបបំបាត់ចោលឋានៈមន្ត្រីរដ្ឋការស៊ីវិលរបស់គ្រូបង្រៀនព្រមទាំងប្រឆាំងនឹងការបាញ់ឧស្ម័នបង្ហូរទឹកភ្នែកទៅលើក្រុមយុវជនអំឡុងការតវ៉ាកាលកាលពីកន្លងទៅ។ គ្រូបង្រៀន និងនិសិត្ស បានប្រមូលផ្ដុំគ្នា នៅខាងមុខក្រសួងមហាផ្ទៃ ដែលឃ្លាំមើលការអប់រំដោយការស្រែកច្រៀងព្រមគ្នា និងកាន់ផ្ទាំងប្រកាសដោយមានសញ្ញានានាថា យើងកំពុងយំទាមទារសម្រាប់ប្រទេសនេះបើបើទោះបីជាមិនប្រើឧស្ម័នបង្ហៀរទឹកភ្នែកបែបនេះក៏ដោយនេះ ហើយការបំផ្លាញវិស័យអប់រំដែលប្រៀបបាននឹងការបំផ្លាញសង្គម។ ក្រុមអ្នកតវ៉ា បានហែក្បួនប្រឆាំងនឹងច្បាប់ថ្មីដែលគេហៅថា ច្បាប់ឋានៈដែលនឹងបង្កើនបរិមាណការងារកាន់តែច្រើនសម្រាប់គ្រូបង្រៀង។ ក្រុមអ្នករិះគន់សំដៅដល់ច្បាប់នេះថាជាច្បាប់សងសឹកជាការដាក់ទោសសម្រាប់ការតស៊ូជាច្រើនឆ្នាំរបស់គ្រូបង្រៀន។ រដ្ឋាភិបាលហុងគ្រី របស់លោកនាយករដ្ឋមន្ត្រី Viktor Orban បាននិយាយថា សេចក្តីស្នើច្បាប់នេះ មានគោលបំណងពង្រឹងគុណភាពអប់រំ។ គ្រូបង្រៀនជិត៥ពាន់នាក់ បាននិយាយថា ពួកគេនឹងបោះបង់អាជីពរបស់ខ្លួន ប្រសិនបើច្បាប់ស្តីពីឋានៈនេះ ត្រូវចូលជាធរមាន។  ការតវ៉ាកាលពីថ្ងៃព្រហស្បតិ៍ បានកើតឡើងបន្ទាប់ពីការប្រមូលផ្ដុំ និងកូដកម្មជាបន្តបន្ទាប់ទាមទារដំឡើងប្រាក់បៀវត្សរ៍និងលក្ខខណ្ឌការងារកាន់តែប្រសើរសម្រាប់គ្រូបង្រៀន។ នៅពេលនេះ អត្រាអតិផរណារបស់ប្រទេសហុងគ្រី បានហក់ឡើងដល់២៤% ៕

លោក DeSantisអ្នកសាធារណរដ្ឋ ប្រឹងប្រែងដោយខ្លួនឯងសម្រាប់ការបង្កើតយុទ្ធនាការបោះឆ្នោតឆ្នាំ២០២៤

2023/06/01 02:53:33 pm        124
Facebook Telegram Linkin
អាមេរិក៖ សម្រាប់អភិបាលរដ្ឋ Florida លោក Ron DeSantis ការធ្វើយុទ្ធនាការសម្រាប់ប្រធានាធិបតីនៅរដ្ឋ Iowa មានន័យថាការមកកាន់កន្លែងមួយដូចជាព្រឹត្តិការណ៍នៅ Grass Wagon ជាសាលទទួលភ្ញៀវដ៏ស្ងប់ស្ងាត់ ដែលមានមនុស្សប្រហែល៣០០ នាក់ កាលពីថ្ងៃពុធបានរង់ចាំរូបលោក ដោយ មានអ្នកបោះឆ្នោតដែលគ្រាន់តែចង់ដឹងច្រើនជាងអ្នកគាំទ្រ។  លោក DeSantis កំពុងស្ថិតនៅថ្ងៃទី២នៃដំណើរដ៏ស្វិតស្វាញរបស់លោកលើកដំបូងនៅទូទាំងរដ្ឋIowa ក្នុងនាមជាបេក្ខជនតំណែងប្រធានាធិបតីឆ្នាំ២០២៤ ហើយកន្លែងតូច និងហ្វូងមនុស្សតិចតួច - ជាសាលមានមនុស្ស ប្រហែលមួយភាគបីនៃចំនួនមនុស្សសរុបក្នុងសាលនេះ - គឺជាការរំលឹកពីការងារដែលនៅខាងមុខ ប្រសិនបើលោកសង្ឃឹមថានឹងប្រកួតប្រជែងការតែងតាំងពីគណបក្សសាធារណរដ្ឋ ទល់នឹងលោក Donald Trump ។ព្រឹត្តិការណ៍នេះ មានទ្រង់ទ្រាយតូច ដោយគ្រាន់តែបានជួបនិងស្វាគមន៍ ដែលស្តែងឲ្យឃើញថាជាការសាកល្បងសម្រាប់លោក DeSantis វ័យ៤៤ ឆ្នាំ ដែលមិនសូវមានគេស្គាល់ដោយសារប្រជាប្រិយភាពតិចតួចរបស់លោក ជារឿយៗ មិននិយាយច្រើន និងចូលចិត្តការពិភាក្សាតែរឿងនយោបាយ។ ប៉ុន្តែប្រភេទនៃយុទ្ធនាការប្រមូលផ្ដុំ គឺជាកត្តាចាំបាច់នៅក្នុងរដ្ឋ Iowa សម្រាប់បេក្ខជនដែលសង្ឃឹមថានឹងឈ្នះការបោះឆ្នោតជ្រើសរើសតំណាងរបស់រដ្ឋនៅឆ្នាំក្រោយ ដែលជាការប្រកួតជ្រើសរើសបេក្ខជនមកពីគណបក្សសាធារណរដ្ឋជាលើកដំបូងនៃការបោះឆ្នោតឆ្នាំ ២០២៤ ជាពិសេសប្រសិនបើពួកគេដូចជា លោក DeSantis ខ្វះភាពល្បីល្បាញដូចលោក Trump ។ អ្នកបោះឆ្នោតរដ្ឋ Iowa ត្រូវបានគេស្គាល់យ៉ាងច្បាស់សម្រាប់ការទាមទារចង់ឃើញបេក្ខជននានាដោយផ្ទាល់៕

សភាអាមេរិកអនុម័តសេចក្តីស្នើច្បាប់ដំឡើងកម្រិតបំណុលដើម្បីបញ្ចៀសការខកខានសងបំណុល

2023/06/01 02:48:46 pm        72
Facebook Telegram Linkin
អាមេរិក៖ ដើម្បីបញ្ចៀសវិបត្តិខកខានសងបំណុល សភាអាមេរិក បានអនុម័តការបង្កើនកម្រិតបំណុលនិងកញ្ចប់កាត់បន្ថយថវិកា កាលពីយប់ថ្ងៃពុធ ស្របពេលដែលលោកប្រធានាធិបតី Joe Biden និងប្រធានសភាលោក Kevin McCarthy បានកោះប្រជុំក្រុមចម្រុះទាំង២បក្ស គឺក្រុមប្រជាធិបតេយ្យនិយមកណ្តាល និងសាធារណរដ្ឋដែលប្រឆាំងនឹងលទ្ធផលពុំចង់បានបែបអភិរក្សនិយម និងការជំទាស់នឹងដំណើរសេរីនិយម ។  កិច្ចព្រមព្រៀងរកបានដោយលំបាកដែលធ្វើឲ្យសមាជិកសភាមួយចំនួនតូចប៉ុណ្ណោះមានការពេញចិត្ត ប៉ុន្តែក្រុមតំណាងរាស្រ្តវាយតម្លៃថា វាល្អជាងជម្រើសផ្សេងទៀតនោះ គឺជាភាពចលាចលផ្នែកសេដ្ឋកិច្ចដ៏មហន្តរាយ បើសិនជាសភាពុំអាចអនុម័ត ។  ភាពតានតឹងបានកើនឡើងពេញមួយថ្ងៃ ស្របពេលដែលក្រុមសាធារណរដ្ឋស្តាំនិយមជ្រុល បដិសេធន៍ពុំទទួលយកកិច្ចព្រមព្រៀង ខណៈដែលក្រុមប្រជាធិបតេយ្យ និយាយថា ទស្សនៈរបស់ក្រុមសាធារណរដ្ឋនិយមជ្រុល កំពុងធ្វើឲ្យខកខានការសងបំណុល យូរបំផុតនៅសប្តាហ៍ក្រោយនេះ ។  ដោយការបោះឆ្នោតនៅសភាទទួលបានសំឡេងគាំទ្រ ៣១៤ ទល់នឹង ១១៧ សេចក្តីស្នើច្បាប់នេះ នឹងបញ្ជូនបន្តទៅព្រឹទ្ធសភា ក្នុងនោះការអនុម័ត ត្រូវបានគេរំពឹងថានឹងធ្វើឡើងនៅដំណាច់សប្តាហ៍នេះ ។  លោក McCarthy បាននិយាយយ៉ាងទទួចថា គណបក្សរបស់លោកកំពុងធ្វើការ ដើម្បីផ្តល់ក្តីសង្ឃឹមដល់អាមេរិក ស្របពេលដែលរូបលោកថ្លែងសុន្ទរកថាពេលល្ងាច លើកសរសើរពីការកាត់បន្ថយថវិការនៅក្នុងសេចក្តីស្នើច្បាប់នេះ ដោយលោកបញ្ជាក់ថា វាជាតម្រូវការចំាបាច់ដើម្បីទប់ស្កាត់ការចំណាយដែលចេះតែកើនឡើង ឬឥតប្រយោជន៍របស់ទីក្រុងវ៉ាស៊ីងតោន ។  ប៉ុន្តែស្របពេលដែលមានមិនពេញចិត្តពីក្រុមសាធារណរដ្ឋដែលនិយាយថា ការរឹតត្បិតការចំណាយ នៅពុំទាន់គ្រប់គ្រាន់នោះ លោក McCarthyនិយាយថា វាគ្រាន់តែជាជំហានដំបូងប៉ុណ្ណោះ ។  នៅមុននេះ លោក Biden បានបង្ហាញសុទិដ្ឋិនិយមរបស់លោកថា កិច្ចព្រមព្រៀងដែលរូបលោក បានចរចាជាមួយលោក McCarthyដើម្បីបង្កើនការកំណត់កម្ចីជាតិ នឹងឆ្លងសភា និងបញ្ចៀសការខកខានសងបំណុលដែលនាំនូវមហន្តរាយខាងសេដ្ឋកិច្ចនោះ ៕

ក្រសួងការបរទេសម៉ាឡេស៊ី៖ ទណ្ឌិត សម រង្ស៊ី គ្មានការអញ្ជើញ ឬជូនដំណឹងណាមួយពីនាយករដ្ឋមន្រ្ដីម៉ាឡេស៊ីនោះទេ

2023/06/01 01:54:50 pm        297
Facebook Telegram Linkin
ភ្នំពេញ៖ ក្រសួងការបរទេសរបស់ប្រទេសម៉ាឡេស៊ី កាលពីថ្ងៃទី៣១ ខែឧសភា ឆ្នាំ២០២៣នេះ បានចេញសេចក្ដីប្រកាសព័ត៌មានមួយបញ្ជាក់ថា ទណ្ឌិត សម រង្ស៊ី បានចូលទៅកាន់ប្រទេស​ម៉ាឡេស៊ី គឺគ្មានការអញ្ជើញ ឬជូនដំណឹងណាមួយពីនាយករដ្ឋមន្រ្ដីម៉ាឡេស៊ីឡើយ ដូច្នេះនៅ​ថ្ងៃទី៣១ ខែឧសភា លោកត្រូវបានចាកចេញពីប្រទេសម៉ាឡេស៊ីវិញ ដោយគ្មានការរៀបចំ​កម្មវិធី​សាធារណៈណាមួយនោះទេ។ សេចក្ដីប្រកាសព័ត៌មានបញ្ជាក់ថា៖«ទាក់ទិននឹងវត្តមានរបស់អតីតប្រធានគណបក្សប្រឆាំង សម រង្ស៊ី នៅប្រទេសម៉ាឡេស៊ី ក្រសួងការបរទេស ​សូមបញ្ជាក់ជាថ្មីថា​ លោកនាយករដ្ឋមន្ត្រី YAB Dato' Seri Anwar Ibrahim គ្មានការអញ្ជើញ ឬជូនដំណឹងណាមួយពីនាយករដ្ឋមន្រ្ដីម៉ាឡេស៊ីឡើយ»។សេចក្ដីប្រកាសបន្តថា៖«យ៉ាងណាក៏ដោយ លោក សម រង្ស៊ី បានចាកចេញពីប្រទេសម៉ាឡេស៊ីហើយ កាលព្រឹកថ្ងៃទី ៣១ ខែឧសភា ឆ្នាំ២០២៣នេះ ដោយគ្មានកម្មវិធី​សាធារណៈណាមួយត្រូវបាន​គេប្រារព្ធធ្វើអំឡុងពេលស្នាក់នៅប្រទេសម៉ាឡេស៊ីទេ»៕

បណ្ដុំអង្គការសង្គមស៊ីវិល អំពាវនាវដល់ពលរដ្ឋកុំចូលរួមសកម្មភាពខុសច្បាប់ ជាមួយក្រុមប្រឆាំង

2023/06/01 12:27:41 pm        205
Facebook Telegram Linkin
ភ្នំពេញ៖ បណ្ដុំអង្គការសង្គមស៊ីវិល និងក្រុមយុវជននៅកម្ពុជា បានអំពាវនាវដល់ប្រជាពលរដ្ឋ និង​អ្នកគាំទ្រគណបក្សប្រឆាំង កុំចូលរួមសកម្មភាព ឬយុទ្ធនាការខុសច្បាប់ណាមួយឱ្យសោះ​ជាមួយក្រុមប្រឆាំងនៅក្នុងប្រទេស ​និងក្រៅប្រទេស ដែលពួកគេកំពុងរៀបចំគម្រោងអាក្រក់ផ្សេងៗ​លាបពណ៌​រាជរដ្ឋាភិបាល ​និងគណៈកម្មាធិការជាតិរៀបចំការបោះឆ្នោត (គ.ជ.ប) ។ដូចប្រជាពលរដ្ឋ និងសាធារណៈជនបានជ្រាបរួចហើយសម្ដេចតេជោ ហ៊ុន សែន នាយករដ្ឋមន្រ្ដី​នៃកម្ពុជា បានបង្ហាញនូវសារសំឡេងរបស់ក្រុកមក្បត់ជាតិនៅក្រៅប្រទេសដែលមានចេតនាអាក្រក់ និងកំពុងធ្វើយុទ្ធនាការវាយសំដៅមកសម្ដេច និងស្ថាប័ន គ.ជ.ប ដែលនេះជាល្បិចបំបែកបំបាក់របស់ពួកគេ។តាមរយៈសារដែលសម្ដេចតេជោ បានបង្ហាញនេះ​ សហភាពអង្គការសង្គមស៊ីវិល ព្រមទាំង​និស្សិត​បញ្ញវន្ត​ខ្មែរ​បានបង្ហាញការព្រួយបារម្ភ ​និងបានអំពាវនាវដល់ប្រជាពលរដ្ឋ អ្នកគាំទ្រគណបក្សប្រឆាំង កុំចូលរួម យុទ្ធនាការ ឬបាតុកម្មណាមួយ​ដែលធ្វើឡើង​ដោយ​គណបក្សប្រឆាំង ខណៈទង្វើនេះ​មិនបានផ្ដល់​ប្រយោជន៍ដល់ប្រទេសជាតិផ្ទុយទៅវិញ​ បានធ្វើឱ្យប៉ះពាល់​ដល់ច្បាប់​ប្រទេសជាតិ ហើយផ្ដល់​ប្រយោជន៍ដល់គំនិតនយោបាយអាក្រក់របស់ក្រុមប្រឆាំង​នៅក្រៅប្រទេសទៅវិញ។លោក មួង សូនី ប្រធានសហភាពអង្គការសង្គមស៊ីវិល ​បានលើកឡើងថា ជាទូទៅ​ជាទម្លាប់​របស់អ្នក​នយោបាយជ្រុលនិយម​ក្រុមប្រឆាំង​មួយចំនួនជាពិសេសក្រុមប្រឆាំង​នៅ​ក្រៅស្រុក គឺតែងតែមិនទទួលស្គាល់កំហុស​ដែលពួកគេបានប្រព្រឹត្តទេ ផ្ទុយទៅវិញពួកគេយកលេស​រឿង​ទាំងនោះ​ដើម្បីមកធ្វើបាតុកម្ម ​និងវាយប្រហាររាជរដ្ឋាភិបាល។លោក ហេង សំណាង ប្រធានបណ្ដុំអង្គការសង្គមស៊ីវិល បានលើកឡើងថា ល្បិចបំបែកបំបាក់​របស់ក្រុមប្រឆាំងមិនអាចមានប្រសិទ្ធភាពបានទេ ផ្ទុយទៅវិញមានតែបែកបាក់លើបក្សខ្លួនទៅវិញ។ លោកមើលឃើញថា នយោបាយ​ខ្មៅកខ្វក់ជ្រុលនិយមដដែលៗ ត្រូវបាន​ប្រជាពលរដ្ឋបាន​ដឹងអស់​ទៅហើយ។សូមជម្រាបថា ក្រោយពី គ.ជ.ប បាន​អនុវត្តតាមនីតិវិធីច្បាប់​បោះឆ្នោត ​បដិសេធការ​ចុះបញ្ជី​គណបក្ស​ភ្លើងទៀន ក្នុងការចុះបញ្ជីឈរឈ្នោះបោះឆ្នោតជ្រើស​តាំង​តំណាងរាស្រ្ដ សម្រាប់​នីតិកាលទី៧ ឆ្នាំ២០២៣នេះ ក្រុមប្រឆាំង​បាន​យកលេសនេះ ​វាយសំដៅមករាជរដ្ឋាភិបាល និង​ស្ថាប័ន គ.ជ.ប ​តាមរយៈការគ្រោងរៀបចំធ្វើបាតុកម្ម ​ធ្វើយុទ្ធនាការតាម​ហ្វេសប៊ុក ជា​ល្បិចបំបែកបំបាក់​របស់ពួកគេ៕អត្ថបទ៖ វ៉ន ដារ៉ា

សម្តេចតេជោ ហ៊ុន សែន បន្តបញ្ចេញសារពីចេតនាអាក្រក់របស់មេដឹកនាំក្រុមប្រឆាំងក្រៅស្រុក

2023/06/01 12:11:47 pm        326
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្ដី នៃកម្ពុជា នាព្រឹកថ្ងៃទី១ ខែមិថុនា ឆ្នាំ២០២៣នេះ បានបន្តបញ្ចេញសារពីចេតនាអាក្រក់របស់មេដឹកនាំក្រុមប្រឆាំង និងបានប្រដៅពួកក្រុមប្រឆាំង​នៅក្រៅស្រុក ដែលអះអាងថា ពួកគេមានមនុស្សនៅក្បែរសម្ដេច ប៉ុន្ដែផ្ទុយទៅវិញមនុស្សរបស់សម្ដេចទេ ដែលកំពុងនៅក្នុងក្រុមរបស់ពួកគេ ហើយផ្ដល់ព័ត៌មាន​ពិតមកសម្ដេច ដែលនេះជាល្បិចចារកម្មអត់​ស្រមោល​របស់​សម្ដេចផ្ទាល់។សម្ដេចតេជោ បាន​សរសេរ​ប្រដៅក្រុមប្រឆាំងក្រៅស្រុក​ នៅលើបណ្ដាញតេឡេក្រាម ដែលអះអាងថា មានមនុស្សនៅក្បែរសម្ដេចថា គួរតែប្រាប់ថា នោះ​គឺ​សម្ដេចតេជោផ្ទាល់តែម្តង​ដែល​តែងតែផ្តល់ព័ត៌មាន​ទៅក្រុមមេដឹកនាំប្រឆាំងនៅក្រៅស្រុក ដែលព័ត៌មានទាំងនោះជាព័ត៌មាន​សម្ដេចចង់ផ្ដល់ឱ្យប៉ុណ្ណោះ។សម្ដេច មានប្រាប់ទៅក្រុមប្រឆាំងដែលចោទថា អ្នកឱ្យព័ត៌មានច្រើនប្រើឈ្មោះ កុសល មែនទេ? ប៉ុន្ដែពួកក្រុមប្រឆាំងមានអំនួតខ្លាំងពេកហើយ ដែលថាមានមនុស្សបង្កប់នៅក្បែរសម្ដេច ប៉ុន្ដែមិនដឹងថានេះជាល្បិចចារកម្មអត់ស្រមោលរបស់សម្ដេចទៅវិញ។សម្ដេចតេជោ បញ្ជាក់ថា សម្ដេចបានយកព័ត៌មានពីក្រុមប្រឆាំងក្រៅស្រុក បានព័ត៌មានពិតតាមរយៈមនុស្សរបស់សម្ដេចនៅជាមួយអស់មេដឹកនាំទាំងនោះ ក្នុងនោះក៏មានមនុស្សខ្លះជេរសម្ដេចឮជាងគេផង។ ចំណែកពួកក្រុមប្រឆាំងយកព័ត៌មានពីសម្ដេច ជាព័ត៌មានដែលសម្ដេចចង់ឲ្យតែប៉ុណ្ណោះ។ដោយសារសម្ដេចឃើញមេដឹកនាំក្រុមប្រឆាំងទាំងនោះ​ល្ងង់ពេក ទើបសម្ដេចប្រាប់ពីការពិតនៃ​ចារកម្មឥត​ស្រមោលមួយនេះដើម្បីឆ្លាតបន្តិច។សម្ដេចតេជោ បានបង្ហាញរឿងមួយដែលមេដឹកនាំក្រុមប្រឆាំងម្នាក់ បានយល់ព្រមជាមួយ កុសល ឱ្យធ្វើ​ឃាតសម្ដេច ដែលរឿងនេះ សម្ដេចទុកទូទាត់បញ្ជីនៅពេលក្រោយ។សូមជមា្របថា ​ក្នុងរយៈពេលប៉ុន្មានថ្ងៃនេះ​សម្ដេចតេជោ​ បាន​បញ្ចេញ​សារ​ជា​បន្តបន្ទាប់ អំពី​ចេតនា​អាក្រក់​របស់មេដឹកនាំក្រុមប្រឆាំង ដែលកំពុងរៀបផែនការវាយសំដៅ​មកសម្ដេច រាជរដ្ឋាភិបាល ​និង គ.ជ.ប ដែលនេះ​គឺជាល្បិចបំបែកបំបាក់របស់ពួកគេ៕អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

កូនត្រីចម្រុះប្រមាណ៣ម៉ឺនក្បាល និងត្រីមេពូជ១០០គីឡូក្រាម ត្រូវបានលែងចូលស្រះជំរកត្រីសហគមន៍នេសាទបឹងកំពែង ក្នុងទិវាមច្ឆជាតិ១កក្កដា
07/19/2025 05:07 PM
Facebook Telegram Linkin
នាយករដ្ឋមន្ត្រីជប៉ុន លោក Ishiba ប្រឈមនឹងឧបសគ្គដ៏ធំក្រៃលែង នៅក្នុងការបោះឆ្នោតសភាជាន់ខ្ពស់
07/19/2025 04:07 PM
Facebook Telegram Linkin
រដ្ឋមន្ត្រីការបរទេសទួរគី ប្រាប់លោក Rubio ថា ជម្លោះ នៅស៊ីរី ត្រូវតែបញ្ចប់ឥឡូវនេះ
07/19/2025 04:07 PM
Facebook Telegram Linkin
លោក Trump៖ BRICS នឹងមិនមានអាយុកាលយូរអង្វែងទេ បើត្រូវបានបង្កើតឡើង ដើម្បីបង្កឥទ្ធិពល
07/19/2025 04:07 PM
Facebook Telegram Linkin
អតីតប្រធានាធិបតីកូរ៉េខាងត្បូងត្រូវបានចោទប្រកាន់ជាថ្មី ខណៈការស៊ើបអង្កេត លើការចេញច្បាប់អាជ្ញាសឹកនៅតែបន្តមាន
07/19/2025 04:07 PM
Facebook Telegram Linkin
អ្នកពន្លត់អគ្គិភ័យរាប់រយនាក់ ប្រយុទ្ធនឹងចំហេះព្រៃ នៅភាគខាងត្បូងបារាំង ខណៈលក្ខខណ្ឌអាកាសធាតុប្រសើរឡើង
07/19/2025 04:07 PM
Facebook Telegram Linkin
លោក Bolsonaro ប្រាប់ថា លោកគឺជាអ្នកមានសមត្ថភាពបញ្ឈប់លោក Lula ចិន និងពន្ធរបស់លោក Trump
07/19/2025 04:07 PM
Facebook Telegram Linkin
មន្ត្រីជាន់ខ្ពស់ក្រសួងធម្មការ ណែនាំដល់យុវជន ត្រូវធ្វើអំពើល្អ ខិតខំរៀនសូត្រ ដើម្បីបន្តការពារនិងអភិវឌ្ឍន៍ជាតិ
07/19/2025 03:07 PM
Facebook Telegram Linkin
កម្លាំងចម្រុះ រកឃើញជនជាតិចិន ៩០នាក់, ជនជាតិវៀតណាម ៣៥នាក់, ជនជាតិមីយ៉ាន់ម៉ា១៥នាក់, ឡាវម្នាក់ ក្នុងប្រតិបត្តិការចុះត្រួតពិនិត្យទីតាំងសង្ស័យលួចលាក់ប្រព្រឹត្តបទល្មើស Online Scam នៅក្រុងបាវិត
07/19/2025 03:07 PM
Facebook Telegram Linkin
អូស្ត្រាលីប្រគល់រថក្រោះ Abrams ទៅឲ្យអ៊ុយក្រែន ដើម្បីទប់ទល់សង្រ្គាមជាមួយរុស្ស៊ី
07/19/2025 02:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.