នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

Biden ៖ ស៊ុយអែត នឹងចូលជាសមាជិកNATO ឆាប់ៗ ក្នុងពេលថ្លែងសុន្ទរកថាទៅកាន់កងកម្លាំងទ័ពអាកាសអាមេរិក

2023/06/02 06:47:32 pm        276
Facebook Telegram Linkin
អាមេរិក៖ ប្រធានាធិបតីសហរដ្ឋអាមេរិក លោក Joe Biden បានលើកឡើងកាលពីថ្ងៃព្រហស្បតិ៍ថា ប្រទេសស៊ុយអែត នឹងចូលជាសមាជិកសម្ព័ន្ធយោធាណាតូឆាប់ៗ នៅពេលថ្លែងនៅសាលាបណ្ឌិត្យសភាកងកម្លាំងទ័ពអាកាសអាមេរិក ជាច្រើនថ្ងៃបន្ទាប់ពីលោកបានផ្តល់តម្រុយចំពោះកិច្ចព្រមព្រៀងដែលអាចធ្វើទៅបាន ដើម្បីជម្នះការប្រឆំាងរបស់ប្រទេសទួរគីចំពោះការទទួលយកប្រទេសនៅអឺរ៉ុបខាងជើងមួយនេះចូលទៅក្នុងសម្ព័ន្ធនេះ។ លោក Biden ក្នុងអំឡុងពេលថ្លែងសុន្ទរកថាបញ្ចប់វគ្គសិក្សានៅក្នុងទីក្រុង Colorado Springs រដ្ឋ Colorado បានព្រមានដល់អ្នកទទួលសញ្ញាប័ត្រថា ពួកគេនឹងចូលក្នុងអង្គភាពសេវាក្នុងពិភពលោកដែលមានអស្ថិរភាពកើនឡើង ដោយលើកឡើងពីការប្រឈមមកពីប្រទេសរុស្ស៊ី និងចិន។ កាលពីថ្ងៃចន្ទ លោក Biden បានថ្លែងទៅកាន់ប្រធានាធិបតីទួរគីលោក Recep Tayyip Erdogan ដើម្បីអបអរលោកក្នុងការជាប់ឆ្នោតថ្មី ។ លោក Biden បានប្រាប់អ្នករាយការណ៍ព័ត៌មានថា លោក Erdogan បាននិយាយដដែលៗពីបំណងប្រាថ្នារបស់ទីក្រុងអង់ការរ៉ាក្នុងការទិញយន្តហោះចម្បាំងF-16 ពីសហរដ្ឋអាមេរិក ខណៈលោក Biden បានជំរុញឲ្យទីក្រុងអង់ការ៉ា បញ្ឈប់ការជំទាស់របស់ខ្លួនចំពោះការចូលជាសមាជិករបស់ប្រទេសស៊ុយអែតទៅក្នុងសម្ព័ន្ធយោធាណាតូ។ នៅក្នុងសុន្ទរកថារបស់លោក លោក Biden និយាយថា ណាតូ កាន់តែរឹងមាំ ទោះបីជាការប៉ុនប៉ងរបស់ប្រធានាធិបតីរុស្ស៊ីលោក Vladimir Putin ធ្វើឲ្យបែកបាក់សម្ព័ន្ធមិត្តដោយការឈ្លានពានរបស់លោកលើអ៊ុយក្រែនក៏ដោយ។ លោកនិយាយថា វាត្រូវបានជំរុញបន្ថែមទៀត ដោយការដាក់បញ្ចូលនាពេលថ្មីៗនេះនូវប្រទេសហ្វាំងឡង់ ហើយឆាប់ៗនេះគឺដាក់បញ្ចូលប្រទេសស៊ុយអែតទៀត៕

ការតវ៉ាបណ្ដាលឲ្យមានអ្នកស្លាប់ ធ្វើឲ្យសេណេហ្គាល់រំជើបរំជួល ខណៈមេគណបក្សប្រឆាំង ត្រូវកាត់ទោសឲ្យជាប់ពន្ធនាគារ

2023/06/02 06:37:58 pm        271
Facebook Telegram Linkin
សេណេហ្គាល់៖ មនុស្ស ៩នាក់ បានបាត់បង់ជីវិតនៅប្រទេសសេណេហ្គាល់ កាលពីថ្ងៃព្រហស្បតិ៍ នៅក្នុងការប៉ះទង្គិចគ្នា រវាងនគរបាលបង្រ្កាបកុបកម្ម និងអ្នកគាំទ្រមេដឹកនាំប្រឆាំងលោក Ousmane Sonko បន្ទាប់ពីតុលាការ បានកាត់ទោសមេដឹកនាំរូបនេះឲ្យជាប់ពន្ធនាគាររយៈពេល ២ឆ្នាំ ដោយការកាត់ទោសនេះ បាននាំឲ្យមានមន្ទិលសង្ស័យយ៉ាងខ្លាំង ចំពោះឱកាសរបស់លោក ក្នុងការឈរឈ្មោះប្រជែងតំណែងប្រធានាធិបតី នៅឆ្នាំក្រោយ។រដ្ឋមន្ត្រីក្រសួងមហាផ្ទៃលោក Antoine Felix Abdoulaye Diome បាននិយាយតាមទូរទស្សន៍រដ្ឋ នៅព្រឹកថ្ងៃសុក្រនេះថា ការស្លាប់នេះ បានកើតឡើងបន្ទាប់ពីការតវ៉ាផ្ទុះឡើង នៅផ្នែកខ្លះនៃរដ្ឋធានីដាកា (Dakar) និងទីក្រុងដទៃទៀត ដោយលោកបានថ្លែងថា៖ «យើងបានសង្កេតឃើញមាននូវអំពើហិង្សាដ៏គួរឲ្យសោកស្ដាយ ដែលបាននាំឲ្យមានការបំផ្លិចបំផ្លាញទ្រព្យសម្បត្តិសាធារណៈ និងឯកជន ហើយរឹតតែគួរឲ្យសោកស្ដាយទៀតនោះ មានមនុស្សស្លាប់ ៩នាក់ នៅក្នុងទីក្រុង Dakar និង Ziguinchor»។ការប៉ះទង្គិចគ្នានេះ បានកើតឡើងពីក្រុមយុវជនវាយប្រហារដោយដុំថ្មលើនគរបាលដែលមានឯកសណ្ឋាន និងឧបករណ៍ទប់ស្កាត់កុបកម្ម ហើយក្រុមនគរបាលបានបាញ់ឧស្ម័នបង្ហូរទឹកភ្នែកតបវិញ។ រថយន្តក្រុងជាច្រើនគ្រឿងមកពីមហាវិទ្យាល័យវេជ្ជសាស្ត្រ ដេប៉ាតេម៉ង់ប្រវត្តិសាស្រ្ត និងសាលាវិជ្ជាជីវៈសារព័ត៌មានឈានមុខគេរបស់ប្រទេស ត្រូវបានដុតបំផ្លាញ ហើយការិយាល័យត្រូវបានចូលរុករើ ខណៈសាលារៀននានា ត្រូវបានប្រាប់ឲ្យផ្អាក រហូតដល់មានការជូនដំណឹងថ្មី។អំពើហិង្សានេះ កើតឡើងប៉ុន្មានម៉ោងប៉ុណ្ណោះ បន្ទាប់ពីមានការសម្រេចក្ដីរបស់តុលាការព្រហ្មទណ្ឌក្រុងដាកា ប្រឆាំងនឹងលោក Sonko។ ក្ដីក្ដាំ ដែលមានរយៈពេលពីរឆ្នាំនេះ បានធ្វើឲ្យរដ្ឋនៅអាហ្វ្រិកខាងលិចមួយនេះបែកបាក់យ៉ាងខ្លាំង ដោយបង្កឲ្យមានការប៉ះទង្គិចគ្នាយូរៗម្ដង រហូតដល់មានបាត់បង់ជីវិត ដែលធ្វើឲ្យប៉ះពាល់ដល់មុខមាត់នៃស្ថិរភាពរបស់ប្រទេស។តុលាការបានកាត់ទោសលោក Sonko ដែលជាគូប្រជែងដ៏ស្វិតស្វាញបំផុតរបស់លោកប្រធានាធិបតី Macky Sall ពីបទ «បំផ្លាញសុចរិតភាព» ដែលរួមមានការលើកទឹកចិត្តឲ្យមាន «ការប្រព្រឹត្តអបាយមុខ» របស់យុវជន អាយុក្រោម ២១ឆ្នាំ។ រូបលោកបានអវត្តមាន នៅពេលដែលសេចក្តីសម្រេច ត្រូវបានប្រកាសជាសាធារណៈ កាលពីថ្ងៃព្រហស្បតិ៍ ហើយលោកក៏មិនបានចូលរួមក្នុងសវនាការនោះដែរ។លោក Sonko ត្រូវបានគេសន្មត់ថា ស្ថិតក្នុងគេហដ្ឋានរបស់លោក នៅក្រុងដាកា ជាកន្លែង ដែលគាត់ត្រូវបានឡោមព័ទ្ធដោយកងកម្លាំងសន្តិសុខ បន្ទាប់ពីត្រូវបានឃុំខ្លួនកាលពីចុងសប្តាហ៍៕

ប្រធានាធិបតី ស៊ែរប៊ី និងកូសូវ៉ូ ចោទដាក់គ្នានៅកិច្ចប្រជុំកំពូលអឺរ៉ុបក្រោមសម្ពាធឲ្យបញ្ឈប់អំពើហិង្សា

2023/06/02 06:34:08 pm        309
Facebook Telegram Linkin
ស៊ែរប៊ី៖ប្រធានាធិបតីស៊ែរប៊ី និងកូសូវ៉ូ បានទទូចថា មេដឹកនាំទាំង២ចង់បន្ធូរបន្ថយវិបត្តិអំពើហិង្សានៅក្នុងប្រទេសកូសូវ៉ូ ភាគខាងជើង ប៉ុន្តែ បានបង្ហាញសញ្ញានៃការគាំទ្រតិចតួចពីជំហរប្រឆាំងរបស់ខ្លួន។ ពេលមកដល់កាលពីថ្ងៃព្រហស្បតិ៍នៅឯជំនួបកំពូលមួយក្នុងប្រទេសម៉ុលដូវ៉ា ដែលមានមេដឹកនាំអឺរ៉ុបជាង៤០ប្រទេសចូលរួម ប្រធានាធិបតី ស៊ែរប៊ី លោក Aleksandar Vucic និងប្រធានាធិបតី កូសូវ៉ូលោកស្រី Vjosa Osmani ពុំបានរាក់ទាក់គ្នាឡើយ ខណៈមេដឹកនាំទាំង២ឈរនៅចម្ងាយប៉ុន្មានម៉ែត្រពីគ្នានៅលើកម្រាលព្រំក្រហម។លោកស្រី Osmani បាននិយាយដោយសំដៅទៅកាន់ការប្រកាសឯករាជ្យឆ្នាំ២០០៨របស់កូសូវ៉ូ ថា យើងទាំងអស់គ្នាយល់ថាការគំរាមកំហែងពិតប្រាកដគឺកើតចេញពីការមិនទទួលស្គាល់របស់ស៊ែរប៊ីចំពោះអធិបតេយ្យភាពរដ្ឋរបស់កូសូវ៉ូ។ លោកស្រី បានចោទប្រកាន់លោក Vucic ពីបទគាំទ្រក្រុមជនឧក្រិដ្ឋជនអន្ធពាលក្នុងប្រទេសកូសូវ៉ូភាគខាងជើង ដែលលោកស្រី បាននិយាយថា ជាទំនួលខុសត្រូវទាំងស្រុងចំពោះការប៉ះទង្គិចគ្នានានា ដែលបង្កឲ្យកងទ័ពរក្សាន្តិសុខអង្គការណាតូ ៣០នាក់រងរបួស និងក្រុមអ្នកតវ៉ាស៊ែរ៊ប៊ី៥២នាក់រងរបួស ។ ប៉ុន្តែប្រទេសស៊ែរប៊ី បានច្រានចោលការចោទប្រកាន់នេះ ។ គួររម្លឹកថា ភាពតានតឹង បាននាំឲ្យកូសូវ៉ូ ជាមួយក្រុមអ្នកតវ៉ា និងកម្លាំងសន្តិសុខ ប៉ះទង្គិចគ្នានៅក្នុងទីក្រុងមួយចំនួន ត្រួតត្រាដោយស៊ែរប៊ីនៅភាគខាងជើង ទាក់ទងការបោះឆ្នោតជ្រើសរើសអភិបាលក្រុងរបស់ជនជាតិភាគតិចអាល់បានី ៕

ក្រុមរដ្ឋមន្ត្រីសមាជិកប្រទេស BRICS បង្ហាញកម្លាំងរួមគ្នាប្រឆាំងលោកខាងលិច ខណៈមានកង្វល់ពីដីការចាប់ខ្លួនលោក Putin

2023/06/02 06:06:25 pm        126
Facebook Telegram Linkin
រុស្ស៊ី៖ រដ្ឋមន្ត្រីការបរទេសសមាជិកប្រ៊ីកស៍ (BRICS) កាលពីថ្ងៃព្រហស្បតិ៍ បានបញ្ជាក់ពីមហិច្ឆតារបស់ប្លុកនេះ ដើម្បីប្រកួតប្រជែងជាមួយប្រទេសមហាអំណាចលោកខាងលិច ប៉ុន្តែការពិភាក្សារបស់ខ្លួន នៅក្នុងប្រទេសអាហ្វ្រិកខាងត្បូង ត្រូវបានគ្របដណ្ដប់ដោយសំណួរជាច្រើនជុំវិញថាតើប្រធានាធិបតីរបស់របស់រុស្ស៊ី នឹងត្រូវបានចាប់ខ្លួនដែរទេ ប្រសិនបើលោកនឹងចូលរួមក្នុងជំនួបកំពូលនៅខែសីហា។ រដ្ឋមន្ត្រីការបរទេសអាហ្វ្រិកខាងត្បូងលោកស្រី Naledi Pandor បាននិយាយថា ប្រទេសលោកស្រី កំពុងគិតដល់ជម្រើសនានា ថាតើលោក Vladimir Putin ដែលជាមុខសញ្ញានៃដីការចាប់ខ្លួនបទឧក្រិដ្ឋកម្មសង្រ្គាមចេញដោយតុលាការអន្តរជាតិ(ICC) បានប៉ះពាល់ដល់ជំនួបកំពូល BRICS ដែលបានគ្រោងទុកនៅក្នុងរដ្ឋធានី Johannesburg ឬ អត់។ក្នុងនាមជាសមាជិករបស់តុលាការអន្តរជាតិ ICC អាហ្វ្រិកខាងត្បូង តាមទ្រឹស្តីនឹងតម្រូវឲ្យចាប់ខ្លួនលោក Putin ហើយលោកស្រី Pandor ត្រូវប្រឈមនឹងសំណួរនានាទាក់ទងនឹងបញ្ហានេះ ខណៈលោកស្រីបានមកដល់ជាលើកដំបូងសម្រាប់ជុំទីមួយនៃការពិភាក្សាដោយមានអ្នកតំណាងមកពីប្រេស៊ីល រុស្ស៊ី ឥណ្ឌា និងចិន ។ លោកស្រី និយាយថា ចម្លើយគឺ លោកប្រធានាធិបតី អាហ្វ្រិកខាងត្បូង Cyril Ramaphosa នឹងបង្ហាញថា ជំហរចុងក្រោយរបស់អាហ្វ្រិកខាងត្បូង គឺជាអ្វី។ តុលាការឧក្រិដ្ឋកម្មអន្តរជាតិ បានចោទប្រកាន់លោក Putin កាលពីខែមីនា ពីបទឧក្រិដ្ឋកម្មសង្រ្គាមដែលមានការនិរទេសកុមារដោយបង្ខំចេញពីដែនដីក្នុងប្រទេសអ៊ុយក្រែន គ្រប់គ្រងដោយរុស្ស៊ី ។ ទីក្រុង Moscow បានច្រានចោលការចោទប្រកាន់ទាំងអស់ ។ គួរឲ្យដឹងថា អាហ្វ្រិកខាងត្បូ បានអញ្ជើញលោក Putin ចូលរួមជំនួបកំពូលBRICS កាលពីខែមករា៕

សម្តេចពិជ័យសេនា ទៀ បាញ់ ដឹកនាំប្រតិភូទៅចូលរួមកិច្ចប្រជុំសន្តិសុខអាស៊ីលើកទី២០នៅសិង្ហបុរី

2023/06/02 06:02:38 pm        193
Facebook Telegram Linkin
ភ្នំពេញ៖ តបតាមការអញ្ជើញរបស់បណ្ឌិត ចន ឈីបមែន អគ្គនាយក និងជាប្រធានប្រតិបត្តិនៃវិទ្យាស្ថានអន្តរជាតិសម្រាប់យុទ្ធសាស្រ្ត សម្តេចពិជ័យសេនា ទៀ បាញ់ ឧបនាយក រដ្ឋមន្រ្តី រដ្ឋមន្រ្តីក្រសួងការពារជាតិកម្ពុជានៅព្រឹកថ្ងៃទី២ ខែមិថុនា ឆ្នាំ២០២៣នេះ បានដឹកនាំគណៈប្រតិភូនៃកងយោធពលខេមរភូមិន្ទ ទៅចូលរួម កិច្ចប្រជុំសន្តិសុខអាស៊ីលើកទី២០ ដែលនឹងប្រព្រឹត្តទៅពីថ្ងៃទី២ -៤ ខែមិថុនា ឆ្នាំ២០២៣នៅ ប្រទេសសិង្ហបុរី។កិច្ចប្រជុំសម្រាប់ឆ្នាំ២០២៣ នឹងមានកិច្ចពិភាក្សាក្នុងសម័យប្រជុំពេញអង្គលើវិធានបទសំខាន់ៗរួមមាន៖បញ្ហាឥណ្ឌា-បាស៊ីហ្វិក ភាពជាដៃគូថ្មី ការអភិវឌ្ឍគំរូសម្រាប់ សន្តិសុខជាដើម។ កិច្ចប្រជុំកំពូលក៏នឹងមានក្រុមពិភាក្សាតូចៗនៅក្នុងសម័យប្រជុំពិសេសផងដែរ រួមមាន៖សន្តិសុខនៃប្រព័ន្ធអ៊ិនធឺណិត ការអភិវឌ្ឍនៃសមត្ថភាពយោធា ការធ្វើសមតុល្យភាពក្នុងតំបន់ជាដើម។បើតាមសេចក្តីជូនព័ត៌មានរបស់ក្រសួងការពារជាតិកម្ពុជា បានឲ្យដឹងថាក្នុងឱកាសចូលរួមកិច្ចប្រជុំកំពូលខាងលើនេះ សម្តេចពិជ័យសេនា ទៀ បាញ់ នឹងអញ្ជើញថ្លែងការណ៍ប្រកបដោយអត្ថន័យខ្លឹមសារ នៅក្នុងសម័យប្រជុំពេញអង្គទី៧ ស្តីពី«ការអភិវឌ្ឍគំរូសម្រាប់សន្តិសុខប្រកប ដោយកិច្ចសហប្រតិបត្តិការ» ដោយផ្តោតលើទស្សនៈលើបញ្ហាប្រឈមនានា ដែលអាចបង្ករឡើងដោយការអភិវឌ្ឍវិស័យយោធាយ៉ាងលឿននៅក្នុងតំបន់ និងមុខងារដែលសមត្ថភាពថ្មីៗទាំងនោះអាចដើរតួនាទី ក្នុងការរក្សាតុល្យភាពស្ថិរភាពតំបន់ផងដែរ។សូមបញ្ជាក់ថា កិច្ចប្រជុំខាងលើក៏នឹងមានជំនួបរួម ជាមួយរដ្ឋមន្រ្តីការពារជាតិសហរដ្ឋអាមេរិក ជាមួយរដ្ឋមន្រ្តីការពារជាតិនៃបណ្តាប្រទេសអាស៊ានមួយចំនួនដែរ។ ដោយឡែកក្រៅពីចូលរួមកិច្ចប្រជុំខាងលើនេះសម្តេចពិជ័យសេនា ទៀ បាញ់ ក៏នឹងមានជំនួបពិភាក្សាការងារទ្វេភាគីជាមួយរដ្ឋមន្រ្តីការពារជាតិនៃបណ្តាប្រទេសមួយចំនួនផងដែរ ដោយក្នុងនោះមានរដ្ឋមន្រ្តីការពារជាតិចិន អូស្ត្រាលី សិង្ហបុរី និងទទួលជួបសម្តែងការគួរសមពីសំណាក់ឥស្សរជនសំខាន់ៗប្រចាំនៅតំបន់អាស៊ីប៉ាស៊ីហ្វិកផ្សេងទៀត៕(ដោយ៖ បាន ចក់)

មេដឹកនាំប្រឆាំងរបស់ឥណ្ឌា លោក Rahul Gandhi រិះគន់លោក Modi ជុំវិញបញ្ហាចិន

2023/06/02 05:18:10 pm        96
Facebook Telegram Linkin
ឥណ្ឌា៖ មេដឹកនាំគណបក្សប្រឆាំងឥណ្ឌា Rahul Gandhi កាលពីថ្ងៃព្រហស្បតិ៍ បានរិះគន់ការដោះស្រាយទំនាក់ទំនងរបស់នាយករដ្ឋមន្ត្រី Narendra Modi ជាមួយប្រទេសចិនដោយនិយាយថា ទីក្រុងប៉េកាំង កំពុង «កាន់កាប់ដែនដីរបស់យើង» ខណៈពេលដែលកំពុងរិះគន់មេដឹកនាំជាតិនិយមហិណ្ឌូ ជុំវិញការធ្វើឲ្យមានការបែកបាក់សាសនារបស់ប្រទេស។លោក Gandhi ដែលជាសមាជិកនៃគណបក្សប្រឆាំង Congress នៅឯក្លិបសារព័ត៌មានជាតិ ក្នុងដំណើរទស្សនកិច្ចទៅកាន់ទីក្រុងវ៉ាស៊ីនតោន សហរដ្ឋអាមេរិក បាននិយាយថា៖ «បញ្ហាគឺថា ប្រទេសចិនកំពុងកាន់កាប់ទឹកដីរបស់យើង។ វាគឺជាការពិតដែលត្រូវទទួលស្គាល់។ ខ្ញុំគិតថា ទំហំដីក្រុង Delhi ១.៥០០គីឡូម៉ែត្រក្រឡាត្រូវបានពួកគេកាន់កាប់។ នេះជាអ្វី ដែលមិនអាចទទួលយកបានជាដាច់ខាត តែមើលទៅលោកនាយករដ្ឋមន្ត្រី ហាក់ដូចជាមិនជឿថាវាបែបហ្នឹងទេ»។ទស្សនកិច្ចរបស់លោក Gandhi នេះ បានកើតមានឡើងតែប៉ុន្មានសប្ដាហ៍ប៉ុណ្ណោះ មុនការគ្រោងទុករបស់លោក Modi ដែលនឹងធ្វើដំណើរទៅទស្សនកិច្ច នៅសហរដ្ឋអាមេរិក នាចុងខែនេះ។ដូចដឹងមកហើយថា ប្រទេសឥណ្ឌា និងចិន គឺជាអ្នកជិតខាង ដែលមិនមានភាពសុខដុមរមនានឹងគ្នាអស់ជាច្រើនទសវត្សរ៍មកហើយ បន្ទាប់ពីសង្រ្គាមនៅលើព្រំដែនភ្នំហិម៉ាឡៃ ដែលប្រទេសទាំងពីរ មានជម្លោះជាមួយគ្នា នៅដើមទសវត្សរ៍ឆ្នាំ១៩៦០ ហើយទំនាក់ទំនងរបស់មហាអំណាចទាំងពីរ កាន់តែមានភាពយ៉ាប់យ៉ឺន នៅពាក់កណ្តាលឆ្នាំ២០២០ នៅពេលដែលកងទ័ពទាំងសងខាង បានប៉ះទង្គិចគ្នា នៅតាមព្រំដែន ដែលបានសម្លាប់ទាហានឥណ្ឌា ២០នាក់ និងចិន ៤នាក់។កាលពីខែឧសភា លោក Modi បានថ្លែងថា សន្តិភាពនៅតាមព្រំដែនឥណ្ឌាជាមួយចិន គឺជាភាពចាំបាច់ណាស់សម្រាប់ទំនាក់ទំនងប្រក្រតីរវាងប្រទេសជិតខាង ដែលមានអាវុធនុយក្លេអ៊ែរ។ ចាប់តាំងពីឡើងកាន់អំណាចនៅប្រទេសឥណ្ឌា ក្នុងឆ្នាំ២០១៤ រដ្ឋាភិបាលដែលស្ថិតក្រោមការដឹកនាំរបស់គណបក្ស Bharatiya Janata Party (BJP) របស់លោក Modi បានចំណាយប្រាក់រាប់លានដុល្លារ ដើម្បីអភិវឌ្ឍហេដ្ឋារចនាសម្ព័ន្ធយោធា និងស៊ីវិល នៅតាមព្រំដែនប្រវែង ៣.៨០០គីឡូម៉ែត្រជាមួយចិន៕

ព្រឹទ្ធសភាអាមេរិកត្រៀមអនុម័តសេចក្តីស្នើច្បាប់ពន្យាពេលការបង្កើនបំណុលនៅយប់ថ្ងៃព្រហស្បតិ៍

2023/06/02 05:13:39 pm        80
Facebook Telegram Linkin
អាមេរិក៖ មេដឹកនាំមកពីភាគីទាំងពីរ បានរៀបចំការបោះឆ្នោតចុងក្រោយនៅយប់ថ្ងៃព្រហស្បតិ៍ដើម្បីបញ្ចៀសការខកខានសង់បំណុល បន្ទាប់ពីថយចុះការប្រឆាំងដោយសមាជិកព្រឹទ្ធសភាមួយចំនួន ដែលបានបង្កើនការព្រួយបារម្ភដែលថា កញ្ចប់កំណត់បំណុលនឹងធ្វើឲ្យមន្ទីរបញ្ចកោនខ្វះខាតមូលនិធិ។ ព្រឹទ្ធសភា ឈានទៅរកការអនុម័តចុងក្រោយនៅយប់ថ្ងៃព្រហស្បតិ៍នូវការបង្កើតច្បាប់ទ្វេបក្សដែលពន្យារពេលការកម្រិតបំណុល នឹងរឹតត្បិតការគ្រប់គ្រងចំណាយថ្មី ខណៈខ្លួនចាប់ផ្តើមបោះឆ្នោតលើវិសោធនៈកម្មជាបន្តបន្ទាប់ចំពោះកញ្ចប់នេះ។  ការបោះឆ្នោតលើការផ្លាស់ប្តូរដែលបានស្នើឡើង ដែលទាំងអស់នេះត្រូវបានគេរំពឹងថានឹងបរាជ័យ ទំនងជាសកម្មភាពចុងក្រោយក្នុងការបង្ហាញរយៈពេលយូរខែ ខណៈសមាជិកព្រឹទ្ធសភា នឹងបញ្ជូនច្បាប់ទៅឲ្យប្រធានាធិបតីលោក Joe Biden និងការបញ្ចៀសការខកខានសងបំណុលដ៏មហន្តរាយ។ វាបានធ្វើឡើងបន្ទាប់ពីកិច្ចប្រជុំបិទទ្វារជាបន្តបន្ទាប់កាលពីថ្ងៃព្រហស្បតិ៍ ដើម្បីដោះស្រាយការខ្វែងគំនិតគ្នានៅនាទីចុងក្រោយជុំវិញការផ្តល់មូលនិធិរបស់មន្ទីរបញ្ចកោន។ ការបោះឆ្នោតបានចាប់ផ្តើមបន្ទាប់មួយថ្ងៃនៃភាពមិនច្បាស់លាស់ ខណៈសមាជិកគណបក្សសាធារណៈរដ្ឋមួយចំនួនបានត្អូញត្អែរថា កិច្ចព្រមព្រៀងដែលបាន ចរចា រវាងលោក Joe Biden និងប្រធាសភា លោក Speaker Kevin McCarthy ដោយគ្មានការចូលរួមពីព្រឹទ្ធសភា នឹងធ្វើឲ្យខ្វះខាតមូលនិធិដល់យោធា ។ កិច្ចព្រមព្រៀងកំណត់បំណុល ដែលត្រូវបានអនុម័តយ៉ាងលើសលប់ដោយសភាកាលពីយប់ថ្ងៃពុធ នឹងត្រូវពន្យារពេលអតិបរមាបំណុលលើចំនួន៣១,៤សែនកោដិដុល្លាររហូតដល់ខែមករា ឆ្នាំ២០២៥ ខណៈមានការកាត់ការចំណាយលើកម្មវិធីក្នុងស្រុកជាច្រើន។ វានឹងបង្កើនការចំណាយរបស់មន្ទីរបញ្ចកោណរហូតដល់៨៨៦ពាន់លានដុល្លារសម្រាប់ឆ្នាំក្រោយ កើនឡើង៣ភាគរយ ប៉ុន្តែអ្នកគាំទ្រគណបក្សសាធារណៈរដ្ឋលើការចំណាយកាន់តែខ្ពស់ សម្រាប់យោធា បានកត់សម្គាល់ថា បញ្ហានេះនឹងមិនអាចទប់ល្បឿនជាមួយអតិផរណា និងបានអះអាងថា កញ្ចប់នេះនឹងធ្លាក់ចុះឆ្ងាយពីចំនួនដែលត្រូវការ៕

ទីក្រុង Chicago នៅតែព្យាយាមជួយអ្នកស្វែងរកសិទ្ធជ្រកកោន

2023/06/02 04:33:06 pm        117
Facebook Telegram Linkin
អាមេរិក៖ ដោយជនអន្តោប្រវេសន៍រាប់រយនាក់នៅតែដេកនៅលើកម្រាលឥដ្ឋនៅស្នងការដ្ឋាននគរបាល ក្រុមប្រឹក្សាក្រុងនៃទីក្រុង Chicago បានអនុម័តថវិកា៥១លានដុល្លារក្នុងការផ្តល់មូលនិធិដើម្បីជួយគាំទ្រដល់អ្នកស្វែងរកសិទ្ធជ្រកកោន កាលពីថ្ងៃពុធទី៣១ ខែឧសភា។ ទោះជាយ៉ាងណា មេដឹកនាំមួយចំនួននៅទីក្រុងនេះ និយាយថា ថវិកានោះនឹងពុំមានរយៈពេលយូរឡើយ ហើយត្រូវការកញ្ចប់ថវិកាបន្ថែមទៀតដើម្បីដោះស្រាយវិបត្តិដែលកំពុងកើតមាន។ ទោះបីជាទីក្រុងChicago ជាកន្លែងកំពុងទទួលស្វាគមន៍ក៏ដោយ ក៏ខ្ញុំមិនដឹងថាយើងមានហេដ្ឋារចនាសម្ព័ន្ធដែលកសាងយ៉ាងពិតប្រាកដដើម្បីទទួលយកនូវអ្វីដែលយើងកំពុងមើលឃើញនោះដែរ។ មេដឹកនាំទីក្រុងនិយាយថា អ្នកស្វែងរកសិទ្ធជ្រកកោនប្រមាណ១ម៉ឺននាក់ បានធ្វើដំណើរមកកាន់ទីក្រុងChicago ចាប់តាំងពីខែសីហាឆ្នាំមុន ដែលមានមនុស្សរាប់សិបនាក់បានមកដល់នៅក្នុងមួយថ្ងៃៗ។ បច្ចុប្បន្នមានយ៉ាងហោចណាស់ជនអន្តោប្រវេសន៍៣០០នាក់ កំពុងត្រូវបានផ្តល់ទីជម្រកនៅវិទ្យាល័យ Wilbur Wright ទោះបីមានការចាប់ខ្លួនជាច្រើនពីប្រទេសជិតខាងក៏ដោយ។លោក Mary Ann Smith ជាអ្នករស់នៅទីក្រុង Chicago ជាយូរមកហើយដែលបានរស់នៅក្នុង ខុនដូរមួយ នៅជិតវិទ្យាល័យ Wright College និយាយថាខ្ញុំព្រួយបារម្ភខ្លះដែរ ព្រោះថាខ្ញុំមិនបានដឹងថាតើពួកគេនឹងមានប្រតិកម្មបែបណាទេ ខ្ញុំចង់និយាយថា ប្រសិនបើខ្ញុំត្រូវដើរផ្លូវនេះ តើពួកគេនឹងឆ្លើយតបមកខ្ញុំដោយរបស់ដែលចង់បានដែរឬទេ? តើសាលារៀនត្រូវបើកដែរឬទេ។ កាលពីខែមុន អតីតអភិបាលក្រុងChicago លោក Lori Lightfoot បានប្រកាសរដ្ឋក្នុងគ្រាអាសន្នទាក់ទងទៅនឹងវិបត្តិជនអន្តោប្រវេសន៍។ យោងតាមមន្ត្រីទីក្រុងបានឲ្យដឹងថា រហូតមកដល់ពេលនេះ ទីក្រុងនេះទើបតែទទួលបានថវិកា ១០លានដុល្លារពីរដ្ឋាភិបាលសហព័ន្ធ ទោះបីជាមានការស្នើសុំច្រើនជាងនេះក៏ដោយ៕

ពលរដ្ឋហុងគ្រី ប្រមាណមួយពាន់នាក់ តវ៉ាប្រឆាំងទៅនឹងច្បាប់គ្រូបង្រៀនថ្មី និងការបង្រ្កាបដោយហិង្សា

2023/06/02 03:42:42 pm        168
Facebook Telegram Linkin
ហុងគ្រី៖ ពលរដ្ឋហុងគ្រី ប្រមាណមួយពាន់នាក់ បានប្រមូលផ្ដុំគ្នាក្នុងរដ្ឋធានី ប៊ូដាប៉េស (Budapest) កាលពីថ្ងៃព្រហស្បតិ៍ ទី១មិថុនា តវ៉ាប្រឆាំងច្បាប់ដែលនឹងលុបបំបាត់ចោលឋានៈមន្ត្រីរដ្ឋការស៊ីវិលរបស់គ្រូបង្រៀនព្រមទាំងប្រឆាំងនឹងការបាញ់ឧស្ម័នបង្ហូរទឹកភ្នែកទៅលើក្រុមយុវជនអំឡុងការតវ៉ាកាលកាលពីកន្លងទៅ។ គ្រូបង្រៀន និងនិសិត្ស បានប្រមូលផ្ដុំគ្នា នៅខាងមុខក្រសួងមហាផ្ទៃ ដែលឃ្លាំមើលការអប់រំដោយការស្រែកច្រៀងព្រមគ្នា និងកាន់ផ្ទាំងប្រកាសដោយមានសញ្ញានានាថា យើងកំពុងយំទាមទារសម្រាប់ប្រទេសនេះបើបើទោះបីជាមិនប្រើឧស្ម័នបង្ហៀរទឹកភ្នែកបែបនេះក៏ដោយនេះ ហើយការបំផ្លាញវិស័យអប់រំដែលប្រៀបបាននឹងការបំផ្លាញសង្គម។ ក្រុមអ្នកតវ៉ា បានហែក្បួនប្រឆាំងនឹងច្បាប់ថ្មីដែលគេហៅថា ច្បាប់ឋានៈដែលនឹងបង្កើនបរិមាណការងារកាន់តែច្រើនសម្រាប់គ្រូបង្រៀង។ ក្រុមអ្នករិះគន់សំដៅដល់ច្បាប់នេះថាជាច្បាប់សងសឹកជាការដាក់ទោសសម្រាប់ការតស៊ូជាច្រើនឆ្នាំរបស់គ្រូបង្រៀន។ រដ្ឋាភិបាលហុងគ្រី របស់លោកនាយករដ្ឋមន្ត្រី Viktor Orban បាននិយាយថា សេចក្តីស្នើច្បាប់នេះ មានគោលបំណងពង្រឹងគុណភាពអប់រំ។ គ្រូបង្រៀនជិត៥ពាន់នាក់ បាននិយាយថា ពួកគេនឹងបោះបង់អាជីពរបស់ខ្លួន ប្រសិនបើច្បាប់ស្តីពីឋានៈនេះ ត្រូវចូលជាធរមាន។  ការតវ៉ាកាលពីថ្ងៃព្រហស្បតិ៍ បានកើតឡើងបន្ទាប់ពីការប្រមូលផ្ដុំ និងកូដកម្មជាបន្តបន្ទាប់ទាមទារដំឡើងប្រាក់បៀវត្សរ៍និងលក្ខខណ្ឌការងារកាន់តែប្រសើរសម្រាប់គ្រូបង្រៀន។ នៅពេលនេះ អត្រាអតិផរណារបស់ប្រទេសហុងគ្រី បានហក់ឡើងដល់២៤% ៕

លោក DeSantisអ្នកសាធារណរដ្ឋ ប្រឹងប្រែងដោយខ្លួនឯងសម្រាប់ការបង្កើតយុទ្ធនាការបោះឆ្នោតឆ្នាំ២០២៤

2023/06/01 09:53:33 pm        233
Facebook Telegram Linkin
អាមេរិក៖ សម្រាប់អភិបាលរដ្ឋ Florida លោក Ron DeSantis ការធ្វើយុទ្ធនាការសម្រាប់ប្រធានាធិបតីនៅរដ្ឋ Iowa មានន័យថាការមកកាន់កន្លែងមួយដូចជាព្រឹត្តិការណ៍នៅ Grass Wagon ជាសាលទទួលភ្ញៀវដ៏ស្ងប់ស្ងាត់ ដែលមានមនុស្សប្រហែល៣០០ នាក់ កាលពីថ្ងៃពុធបានរង់ចាំរូបលោក ដោយ មានអ្នកបោះឆ្នោតដែលគ្រាន់តែចង់ដឹងច្រើនជាងអ្នកគាំទ្រ។  លោក DeSantis កំពុងស្ថិតនៅថ្ងៃទី២នៃដំណើរដ៏ស្វិតស្វាញរបស់លោកលើកដំបូងនៅទូទាំងរដ្ឋIowa ក្នុងនាមជាបេក្ខជនតំណែងប្រធានាធិបតីឆ្នាំ២០២៤ ហើយកន្លែងតូច និងហ្វូងមនុស្សតិចតួច - ជាសាលមានមនុស្ស ប្រហែលមួយភាគបីនៃចំនួនមនុស្សសរុបក្នុងសាលនេះ - គឺជាការរំលឹកពីការងារដែលនៅខាងមុខ ប្រសិនបើលោកសង្ឃឹមថានឹងប្រកួតប្រជែងការតែងតាំងពីគណបក្សសាធារណរដ្ឋ ទល់នឹងលោក Donald Trump ។ព្រឹត្តិការណ៍នេះ មានទ្រង់ទ្រាយតូច ដោយគ្រាន់តែបានជួបនិងស្វាគមន៍ ដែលស្តែងឲ្យឃើញថាជាការសាកល្បងសម្រាប់លោក DeSantis វ័យ៤៤ ឆ្នាំ ដែលមិនសូវមានគេស្គាល់ដោយសារប្រជាប្រិយភាពតិចតួចរបស់លោក ជារឿយៗ មិននិយាយច្រើន និងចូលចិត្តការពិភាក្សាតែរឿងនយោបាយ។ ប៉ុន្តែប្រភេទនៃយុទ្ធនាការប្រមូលផ្ដុំ គឺជាកត្តាចាំបាច់នៅក្នុងរដ្ឋ Iowa សម្រាប់បេក្ខជនដែលសង្ឃឹមថានឹងឈ្នះការបោះឆ្នោតជ្រើសរើសតំណាងរបស់រដ្ឋនៅឆ្នាំក្រោយ ដែលជាការប្រកួតជ្រើសរើសបេក្ខជនមកពីគណបក្សសាធារណរដ្ឋជាលើកដំបូងនៃការបោះឆ្នោតឆ្នាំ ២០២៤ ជាពិសេសប្រសិនបើពួកគេដូចជា លោក DeSantis ខ្វះភាពល្បីល្បាញដូចលោក Trump ។ អ្នកបោះឆ្នោតរដ្ឋ Iowa ត្រូវបានគេស្គាល់យ៉ាងច្បាស់សម្រាប់ការទាមទារចង់ឃើញបេក្ខជននានាដោយផ្ទាល់៕

បណ្ដាញសង្គម

ព័ត៌មានថ្មីៗ

សាលក្រមលើករណីរបស់​ក្រុម​ Man City ធ្វើឱ្យទំនាក់ទំនងការទូត រវាងព្រីតថេន​ និងអារ៉ាប់រួម​ តានតឹង
10/02/2026 07:10 PM
Facebook Telegram Linkin
ទិន្នន័យរបស់រដ្ឋាភិបាល៖ ការផ្ទុះឡើងនៃជំងឺអេបូឡា នៅកុងហ្គោ បានសម្លាប់មនុស្សជាង ៤.០០០នាក់
10/02/2026 06:10 PM
Facebook Telegram Linkin
ឯកឧត្តម គន់ គីម អញ្ជើញជួបសវនាការជាមួយ ឯកឧត្តម Winston Toh សមាគមអតីតយុទ្ធជនសាធារណរដ្ឋសិង្ហបុរី
10/02/2026 06:10 PM
Facebook Telegram Linkin
អនុប្រធានសមាគមអតីតយុទ្ធជន អញ្ជើញជួបសវនាការជាមួយ អនុប្រធានទី១សមាគមអតីតយុទ្ធជននៃសាធារណរដ្ឋប្រជាធិបតេយ្យទីម័រឡេស្តេ
10/02/2026 06:10 PM
Facebook Telegram Linkin
ម្នាក់ ក្នុងចំណោមជនជាតិម៉ាឡេស៊ីបាត់ខ្លួន​​ ៥៥នាក់ ត្រូវបានបញ្ជាក់នៅមានជីវិត ក្រោយ​ទឹកជំនន់ នៅនេប៉ាល់
10/02/2026 06:10 PM
Facebook Telegram Linkin
ម្ចាស់ក្សត្រី ប្រធានអឌ្ឍចន្ទក្រហមម៉ាឡេស៊ី យាងសួរសុខទុក្ខអ្នកជំងឺអេដស៍ នៅមន្ទីរពេទ្យសម្តេចឪ សម្តេចម៉ែ
10/02/2026 05:10 PM
Facebook Telegram Linkin
អតីតមេដឹកនាំ​តៃវ៉ាន់ លោកស្រី Tsai នឹងបំពេញទស្សនកិច្ច នៅសហរដ្ឋអាមេរិក នា​សប្តាហ៍ក្រោយ
10/02/2026 05:10 PM
Facebook Telegram Linkin
ចិនត្រៀមសម្រាប់តម្រូវការធ្វើដំណើរច្រើនបំផុត អំឡុងពេល​សម្រាកបុណ្យជាតិរយៈពេល ១សប្តាហ៍
10/02/2026 05:10 PM
Facebook Telegram Linkin
អនុប្រធានទី១ រដ្ឋសភា ជំរុញឱ្យនិស្សិតជ័យលាភីអាហារូបករណ៍ទៅសិក្សានៅបរទេស បំពេញតួនាទីជា «ទូតមិត្តភាព» និងជាកម្លាំងចលករក្នុងការកសាងមូលធនមនុស្សនៅកម្ពុជា
10/02/2026 05:10 PM
Facebook Telegram Linkin
កម្ពុជា ត្រៀមកងកម្លាំងជិត ២ម៉ឺននាក់​ ដើម្បីរក្សាសន្តិសុខ សុវត្ថិភាព ជូនថ្នាក់ដឹកនាំបរទេសដែលនឹងអញ្ជើញចូលរួមកិច្ចប្រជុំកំពូលហ្វ្រង់កូហ្វូនីលើកទី២០
10/02/2026 05:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.