នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

សម្ដេចតេជោ ជំរុញឱ្យអាស៊ានរកវិធីសាស្រ្តមានសក្តានុពល អាចជួយមីយ៉ាន់ម៉ាស្តារសន្តិភាព និងត្រឡប់ទៅរកប្រក្រតីភាពឡើងវិញ

2023/05/11 02:21:41 pm        167
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានគូសបញ្ជាក់នៅក្នុងកិច្ចប្រជុំកំពូលអាស៊ានលើកទី៤២ នៅទីក្រុងឡាប៊ូនបាចូ សាធារណរដ្ឋ​ឥណ្ឌូនេស៊ី ថ្ងៃទី១០-១១ ខែឧសភា ឆ្នាំ២០២៣ ដោយបាន ជំរុញឱ្យអាស៊ានរកវិធី​សាស្រ្ត​មានសក្តានុពល អាចជួយមីយ៉ាន់ម៉ាស្តារសន្តិភាព និងត្រឡប់ទៅរកប្រក្រតីភាពឡើងវិញ។សម្ដេចតេជោ នាយករដ្ឋមន្រ្ដី បានថ្លែងថា ចំពោះបញ្ហាមីយ៉ាន់ម៉ា វាមានសារៈសំខាន់ក្នុងការធានា​ឱ្យបាននូវការអនុវត្តកិច្ចព្រមព្រៀងជាឯកច្ឆន្ទ ៥ ចំណុច និងការពិនិត្យឡើងវិញ និងសេចក្តីសម្រេច​របស់ប្រមុខដឹកនាំអាស៊ាន ដែលបានអនុម័តនៅឆ្នំា២០២២ កន្លងមក ឱ្យបានពេញលេញ និងប្រកបដោយប្រសិទ្ធភាព។ សម្ដេចថ្លែងថា៖«លើសពីនេះ អាស៊ានគួរប្រកាន់ខ្ជាប់នូវភាពអត់ធ្មត់ ភាពបត់បែន និងការច្នៃប្រឌិត​ខ្ពស់ហើយស្វែងរកវិធីសាស្រ្តណាដែលមានសក្តានុពល ​អាចជួយមីយ៉ាន់ម៉ាស្តារសន្តិភាព និងត្រឡប់ទៅ​រកប្រក្រតីភាពឡើងវិញ»។សម្ដេចតេជោ បញ្ជាក់ថា នៅក្នុងបរិបទនៃការប្រកួតប្រជែងភូមិសាស្រ្តនយោបាយ ​និងសេដ្ឋកិច្ច អាស៊ានត្រូវលើកកម្ពស់ភាពពាក់ព័ន្ធរបស់ខ្លួន ហើយត្រូវពង្រឹងយន្តការទាំងឡាយ​ដែលដឹកនាំ​ដោយអាស៊ាន ដើម្បីធ្វើយ៉ាងណាឱ្យអាស៊ានបន្តដើរតួនាទីស្នូល ​និងនាំមុខ ក្នុងការដោះស្រាយការ​ប្រឈមនានា ក្នុងតំបន់ និងសកលលោក។ សម្ដេចថ្លែងថា កម្ពុជាក៏បានរំលេចផងដែរថា អាស៊ានគួរស្វាគមន៍​គំនិត​ផ្តួចផ្តើម​ទាំងឡាយ​ណា​របស់ដៃគូខ្លួន ដរាបណាគំនិតផ្តួចផ្តើមទាំងនោះស្របតាមធម្មនុញ្ញអាស៊ាន និងគោលការណ៍​នៃទស្សនវិស័យអាស៊ានស្តីពីឥណ្ឌូ-ប៉ាស៊ីហ្វិក (AOIP) និងរួមចំណែកដល់សន្តិភាព ស្ថិរភាព និងវិបុលភាព ​នៅក្នុងតំបន់ ហើយមិនត្រូវយកទៅប្រើប្រាស់ ដើម្បីប្រឆាំងនឹងភាគីដទៃទៀតឡើយ៕

សម្ដេចតេជោ៖ ចក្ខុវិស័យសហគមន៍អាស៊ានក្រោយឆ្នាំ២០២៥ គួរតែតម្កល់ប្រជាជនជាស្នូល

2023/05/11 01:38:42 pm        145
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្តី នៃកម្ពុជា បានគូសបញ្ជាក់ កិច្ចប្រជុំកំពូលអាស៊ានលើកទី៤២ នៅទីក្រុងឡាប៊ូនបាចូ សាធារណរដ្ឋឥណ្ឌូនេស៊ី ថ្ងៃទី១០-១១ ខែឧសភា ឆ្នាំ២០២៣ថា អ្វីដែលសំខាន់ទៀតនោះ គឺចក្ខុវិស័យសហគមន៍អាស៊ានក្រោយឆ្នាំ២០២៥ គួរតែផ្តោតលើសកម្មភាពជាក់ស្តែង និងតម្កល់ប្រជាជនជាស្នូលនៃកិច្ចខិតខំប្រឹងប្រែង ក្នុងការកសាងសហគមន៍អាស៊ាន។សម្តេចតេជោ នាយករដ្ឋមន្រ្តីបានគូសបញ្ជាក់ថា ចក្ខុវិស័យសហគមន៍អាស៊ានក្រោយឆ្នាំ២០២៥ ត្រូវឆ្លើយតបចំពោះនិន្នាការតំបន់ និងសាកល ​ដែលកំពុងមានការវិវត្តយ៉ាងឆាប់រហ័ស ដូចជារបៀប​វារៈបៃតង សេដ្ឋកិច្ចឌីជីថល បច្ចេកវិទ្យាទំនើប​ ខ្សែចង្វាក់តម្លៃសកល ការតភ្ជាប់ការដឹកជញ្ជូន និងភស្តុភាជាដើម ក្នុងបំណងធានាឲ្យបានថា អាស៊ានត្រៀមខ្លួនរួចជាស្រេច និងនៅតែរឹងមាំ ហើយធន់ នៅពេលអនាគត។ សម្ដេចតេជោ ថ្លែងថា នៅខណៈពេលដែលទទួលស្គាល់អំពីតម្រូវការ ដើម្បីរៀបចំចក្ខុវិស័យ​សហគមន៍​អាស៊ានក្រោយឆ្នាំ២០២៥ ឲ្យបានប្រកបដោយទស្សនវិស័យវែងឆ្ងាយ ការបំផុសគំនិត និងការសំឡឹងឆ្ពោះទៅមុខ ប្រមុខដឹកនាំអាស៊ានបានគូសបញ្ជាក់នូវតម្រូវការក្នុងការ​ធ្វើឲ្យ​មានតុល្យភាព រវាងភាពជាក់ស្តែងនិយម ​និងបំណងប្រាថ្នាដែលចង់បាន។ សម្ដេចតេជោថ្លែងថា៖«អ្វីដែលសំខាន់ជាងនេះទៀតនោះ គឺចក្ខុវិស័យសហគមន៍អាស៊ាន​ក្រោយឆ្នាំ២០២៥នេះ ​គួរតែផ្តោតលើសកម្មភាពជាក់ស្តែង និងតម្កល់ប្រជាជនជាស្នូលនៃកិច្ចខិតខំ​ប្រឹងប្រែង ក្នុងការកសាងសហគមន៍អាស៊ាន»៕

ទំនាក់ទំនងក្រៅតំបន់មេដឹកនាំអាស៊ានសង្កត់ធ្ងន់លើមជ្ឈភាព និងឯកភាពអាស៊ានតាមរយៈយន្តការអាស៊ានបូក

2023/05/11 11:20:40 am        206
Facebook Telegram Linkin
ភ្នំពេញ៖ ទាក់ទងនឹងទំនាក់ទំនងខាងក្រៅតំបន់ មេដឹកនាំអាស៊ានបានសង្កត់ធ្ងន់​អំពីសារៈសំខាន់​នៃមជ្ឈភាព និងឯកភាពអាស៊ាន ក្នុងភ្ជាប់ទំនងទំនងជាមួយដៃគូខាងក្រៅ តាមរយៈយន្តការអាស៊ាន​បូកមួយ អាស៊ានបូកបី កិច្ចប្រជុំកំពូលអាស៊ីបូព៌ា វេទិកាតំបន់អាស៊ាន និងកិច្ចប្រជុំរដ្ឋមន្ត្រីការពារជាតិអាស៊ានបូក។នេះបើតាមលទ្ធផលនៃកិច្ចប្រជុំកំពូលអាស៊ានលើកទី៤២ នៅថ្ងៃទី១០-១១ ខែឧសភា ឆ្នាំ២០២៣នេះ នៅក្រុងឡាប៊ូនបាចូ សាធារណរដ្ឋឥណ្ឌូនេស៊ី។ជាមួយគ្នានេះ មេដឹកនាំអាស៊ានបានទន្ទឹងរង់ការរៀបចំកិច្ចប្រជុំកំពូលរំលឹកខួបអាស៊ាន-ជប៉ុនសម្រាប់ ៥០ ឆ្នាំនៃសហប្រតិបត្តិការនិងមិត្តភាពអាស៊ាន-ជប៉ុន ថ្ងៃទី១៦-១៨ ខែធ្នូ ឆ្នាំ២០២៣ នៅទីក្រុងតូក្យូ។ មេដឹកនាំអាស៊ាន បានស្វាគមន៍សំណើអូស្ត្រាលី ក្នុងការរៀបចំកិច្ចប្រជុំកំពូលពិសេស ដើម្បីប្រារព្ធខួប ៥០ ឆ្នាំ នៃទំនាក់ទំនងដៃគូសន្ទនាអាស៊ាន-អូស្ត្រាលី នៅប្រទេសអូស្ត្រាលី ក្នុងខែមីនា ឆ្នាំ២០២៤ និងរង់ចាំការរៀបចំកិច្ចប្រជុំកំពូលអាស៊ាន-ក្រុមប្រឹក្សា​សហប្រតិបត្តិការ​ឈូងសមុទ្រ នៅពាក់កណ្ដាលឆ្នាំនេះ នៅទីក្រុងរីយ៉ាត ព្រះរាជាណាចក្រអារ៉ាប៊ីសាអូឌីត។ មេដឹកនាំអាស៊ានក៏បានពិភាក្សាយ៉ាងយកចិត្តទុកដាក់ លើបញ្ហាតំបន់ និងអន្តរជាតិ រួមមានបញ្ហាសមុទ្រចិនខាងត្បូង ឧបទ្វីបកូរ៉េ តំបន់មជ្ឈិមបូព៌ា បញ្ហាមីយ៉ាន់ម៉ា និងសង្គ្រាមនៅអ៊ុយក្រែនផងដែរ។ លើសហគមន៍នយោបាយ-សន្តិសុខអាស៊ាន មេដឹកនាំអាស៊ាន បានបញ្ជាក់សារជាថ្មី អំពី​សារៈសំខាន់នៃសន្ធិសញ្ញាមិត្តភាពនិងកិច្ចសហប្រតិបត្តិការនៅអាស៊ីអាគ្នេយ៍ (TAC) ដែលជា​ក្រមប្រតិបត្តិដ៏សំខាន់ ក្នុងការគ្រប់គ្រងទំនាក់ទំនងអន្តររដ្ឋក្នុងតំបន់ និងជាមូលដ្ឋានគ្រឹះ​សម្រាប់​រក្សាសន្តិភាព និងស្ថិរភាពក្នុងតំបន់ និងបានកត់សម្គាល់នូវការយល់ព្រមលើសំណើរបស់​អារ៉ាប៊ីសាអូឌីត និងប៉ាណាម៉ា ចូលជាភាគីនៃ TAC។ មេដឹកនាំអាស៊ាន បានស្វាគមន៍ចំពោះវឌ្ឍនភាពដ៏ធំនៃដំណើរការចរចាលើ​សន្ធិសញ្ញា​បត្យាប័ន​អាស៊ាន និងរំពឹងដល់ការបញ្ចប់របស់ខ្លួន ដែលនឹងរួមចំណែកដល់សន្ធិសញ្ញា​ស្ដីពីជំនួយផ្នែកច្បាប់ទៅវិញទៅមកក្នុងបញ្ហាឧក្រិដ្ឋកម្ម៕

មេដឹកនាំអាស៊ាន អំពាវនាវជាថ្មីឱ្យមីយ៉ាន់ម៉ា បញ្ឈប់អំពើហិង្សាគ្រប់ទម្រង់

2023/05/11 11:14:39 am        173
Facebook Telegram Linkin
ភ្នំពេញ៖ មេដឹកនាំអាស៊ាន បានចេញសេចក្ដីថ្លែងការរួមមួយដោយអំពាវនាវឱ្យជាថ្មីឱ្យមីយ៉ាន់ម៉ា បញ្ឈប់អំពើហិង្សាគ្រប់ទម្រង់។ មិនតែប៉ុណ្ណោះ មេដឹកនាំអាស៊ាន ក៏បានបង្ហាញការគាំទ្រលើសេចក្តីថ្លែងការណ៍របស់ប្រធានាធិបតីឥណ្ឌូណេស៊ី ដែលបានរិះគន់លើការវាយប្រហារមន្រ្តីជំនួយមនុស្សធម៌អាស៊ាន នៅមីយ៉ាន់ម៉ា។ការចេញសេចក្ដីថ្លែងការណ៍នេះ តាមរយៈកិច្ចប្រជុំកំពូលចង្អៀតនៃកិច្ចប្រជុំកំពូលអាស៊ានលើក​ទី៤២ នៅថ្ងៃទី១១ខែឧសភា ឆ្នាំ២០២៣នេះ នៅក្រុងឡាប៊ូនបាចូ សាធារណរដ្ឋឥណ្ឌូនេស៊ី។ ចំណែកមេដឹកនាំអាស៊ាន នៅក្នុងសេចក្តីថ្លែងការណ៍មួយចេញនៅថ្ងៃទី១០ ខែឧសភា ក្រោយកិច្ចប្រជុំកំពូលលើកទី៤២ នៅក្នុងក្រុង Labuan Bajo ខេត្ត East Nusa Tenggara ក៏បានគាំទ្រ​សេចក្តីថ្លែងការណ៍របស់ប្រធានាធិបតីឥណ្ឌូណេស៊ី ​និងបានជំរុញឱ្យអ្នកប្រព្រឹត្តិអំពើនោះត្រូវតែ​ទទួលខុសត្រូវ។ ទន្ទឹមនេះមេដឹកនាំអាស៊ាន បានអំពាវនាវជាថ្មីឱ្យមីយ៉ាន់ម៉ា បញ្ឈប់អំពើហិង្សាគ្រប់ទម្រង់ផងដែរ ដើម្បីស្តារដំណើរការសន្តិភាពនៅក្នុងប្រទេស។ «មេដឹកនាំមានក្តីបារម្ភយ៉ាងខ្លាំងលើអំពើហិង្សានៅមីយ៉ាន់ម៉ា និងជំរុញឱ្យមានការបញ្ឈប់​បទឈប់បាញ់​រាល់ទម្រង់ ​និងការប្រើប្រាស់កម្លាំងទ័ព ​ដើម្បីបង្កើតបរិយាកាសសុវត្ថិភាព និងអាចផ្តល់ជំនួយមនុស្សធម៌ទាន់ពេលវេលា»។ មេដឹកនាំអាស៊ាន បានបញ្ជាក់បែបនេះ នៅក្នុងសេចក្តីថ្លែងការណ៍ចេញនៅថ្ងៃទី១០ ខែឧសភា។ លើសពីនេះ មេដឹកនាំអាស៊ាន បានបញ្ជាក់ពីការគាំទ្រប្រធានអាស៊ាន ក្នុងការរក្សាទំនាក់ទំនង​ជាមួយភាគីពាក់ព័ន្ធនៅមីយ៉ាន់ម៉ាទាំងអស់​ និងការលើកទឹកចិត្តឱ្យអនុវត្តការឯកភាព ៥ចំណុច។ បន្ទាប់ពីបានបញ្ចប់កិច្ចប្រជុំកំពូលអាស៊ានលើកទី៤២ នៅក្រុង Labuan Bajo ខេត្ត East Nusa Tenggara រួចមកនៅព្រឹកថ្ងៃដដែលនោះដែរ ​សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងគណៈប្រតិភូជាន់ខ្ពស់រាជរដ្ឋាភិបាលកម្ពុជា អញ្ជើញចាកចេញពីក្រុង Labuan Bajo ខេត្ត East Nusa Tenggara ក្នុងដំណើរឆ្ពោះមកកាន់រាជធានីភ្នំពេញ ​ព្រះរាជាណាចក្រកម្ពុជា៕

មេដឹកនាំអាស៊ាន ប្តេជ្ញាអនុវត្តដោយពេញលេញនៃកិច្ចព្រមព្រៀងភាពជាដៃគូ សេដ្ឋកិច្ចគ្រប់ជ្រុងជ្រោយតំបន់

2023/05/11 10:52:37 am        184
Facebook Telegram Linkin
ភ្នំពេញ៖ ប្រមុខរដ្ឋប្រមុខរដ្ឋាភិបាល នៃប្រទេសអាស៊ាន បានអះអាងជាថ្មី នូវការប្តេជ្ញាចំពោះការ​អនុវត្ត​ដោយពេញលេញ និងប្រសិទ្ធភាពនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុង​ជ្រោយតំបន់ (អាសឹប) ក្នុងគ្រប់ទិដ្ឋភាព ​ព្រមទាំងការបង្កើតលេខាធិការដ្ឋានអាសឹប បណ្តោះអាសន្ន​ជាអង្គភាពគាំទ្រ នៅលេខាធិការដ្ឋានអាស៊ាន ដែលនឹងអាចប្រែក្លាយជាលេខាធិការដ្ឋានអាសឹបដាច់​ដោយឡែក ដើម្បីពង្រឹងចង្វាក់ផ្គត់ផ្គង់តំបន់ និងរួមចំណែកដល់របៀបវារៈសមាហរណកម្ម​សេដ្ឋកិច្ចអាស៊ាន ​ក៏ដូចជារក្សានូវមជ្ឈភាពអាស៊ាន នៅក្នុងអាក្លឹប។ ប្រមុខរដ្ឋ ប្រមុខរដ្ឋាភិបាល នៃប្រទេសអាស៊ាន បានអះអាងជាថ្មីបែបនេះក្នុងឱកាស កិច្ចប្រជុំកំពូលអាស៊ានលើកទី ៤២ នៅក្រុងឡាប៊ូនបាចូ សាធារណរដ្ឋឥណ្ឌូនេស៊ី កាលពីថ្ងៃទី១០-១១ ខែឧសភា ឆ្នាំ២០២៣នេះ។ប្រមុខរដ្ឋប្រមុខរដ្ឋាភិបាល នៃប្រទេសអាស៊ាន បានប្រជុំលើ សហគមន៍សេដ្ឋកិច្ចអាស៊ាន ដោយមេដឹកនាំអាស៊ានបានស្វាគមន៍សមិទ្ធផលសេដ្ឋកិច្ចជាអាទិភាពរបស់ឥណ្ឌូនេស៊ី និងគំនិតផ្តួចផ្តើមក្រោមភាពជាប្រធានអាស៊ានរបស់ខ្លួន រួមមាន ១ ការស្តារ និងការកសាងឡើងវិញ ២ សេដ្ឋកិច្ចឌីជីថល និង ៣ ចិរភាពដើម្បីដោះស្រាយការប្រឈមបន្ទាន់នានា ក្នុងការធានានូវ​ការស្តារ និងការកសាងឡើងវិញរបស់តំបន់ និងជំរុញសន្ទុះបន្ថែមទៀតសម្រាប់អាស៊ាន​ដែល​ជាស្នូលនៃកំណើន​ តាមរយៈសមាហរណកម្មសេដ្ឋកិច្ចឌីជីថលដែលប្រកបដោយបរិយាប័ន្ន កំណើនសេដ្ឋកិច្ចប្រកបដោយចិរភាព​ ស្ថិរភាពហិរញ្ញវត្ថុ ថាមពល​ និងសន្តិសុខស្បៀងអាហារ ព្រមទាំងពន្លឿនការអនុវត្តទស្សនវិស័យស្តីពីឥណ្ឌូ-ប៉ាស៊ីហ្វិក៕

មេដឹកនាំអាស៊ានគាំទ្រការសម្រេចលើក្របខ័ណ្ឌពេល២០ឆ្នាំ សម្រាប់ចក្ខុវិស័យសហគមន៍អាស៊ានក្រោយឆ្នាំ២០២៥

2023/05/11 10:46:10 am        117
Facebook Telegram Linkin
ភ្នំពេញ៖ តាមរយៈលទ្ធផលរបស់ប្រមុខរដ្ឋ ប្រមុខរដ្ឋាភិបាល នៃប្រទេសអាស៊ាន បានជួបជុំគ្នា​ក្នុងកិច្ចប្រជុំកំពូលលើកទី៤២ នៅក្រុងលំហែរកាយមាត់សមុទ្ទ ឡាប៊ូនបាចូ សាធារណរដ្ឋ​ឥណ្ឌូណេស៊ី ពេញរយៈពេល២ថ្ងៃ មេដឹកនាំអាស៊ាន បានគាំទ្រការសម្រេចលើក្របខ័ណ្ឌ​ពេល​វេលារយៈពេល ២០ ឆ្នាំ សម្រាប់ចក្ខុវិស័យ​សហគមន៍អាស៊ាន ​ក្រោយឆ្នាំ២០២៥ និងលើកទឹកចិត្ត​ឱ្យក្រុមការងារជាន់ខ្ពស់ចក្ខុវិស័យសហគមន៍អាស៊ានក្រោយឆ្នាំ២០២៥ បន្ត រៀបចំចក្ខុវិស័យ​សហគមន៍អាស៊ានក្រោយឆ្នាំ២០២៥ ដែលប្រកបដោយទស្សនវិស័យ ការបំផុសគំនិត ភាពរឹងមាំ គ្រប់ជ្រុងជ្រោយ មានបរិយាបន្ន និងការសម្លឹងឆ្ពោះទៅមុខ។ទាក់ទងនឹង ការកសាងសហគមន៍អាស៊ាន មេដឹកនាំអាស៊ាន បានគូសបញ្ជាក់ អំពីកិច្ច​ខិតខំ​ប្រឹងប្រែងដ៏មោះមុត ដើម្បីរក្សាសន្ទុះនៃការកសាងសហគមន៍អាស៊ាន និងធានានូវការ​អនុវត្ត​ចក្ខុវិស័យសហគមន៍អាស៊ានឆ្នាំ២០២៥ ឱ្យបានពេញលេញ ​និងប្រកបដោយប្រសិទ្ធភាព។ នៅក្នុងកិច្ចប្រជុំកំពូលនោះដែរ មេដឹកនាំអាស៊ានបាន អនុម័ត លើសេចក្តីប្រកាសថ្នាក់ដឹកនាំអាស៊ាន ស្តីពីការប្រយុទ្ធប្រឆាំង នឹងការជួញដូរមនុស្ស ដែលបង្កដោយការរំលោភបច្ចេកវិទ្យា។ សេចក្តីថ្លែងការណ៍អាស៊ាន​ ស្ដីពីការគាំពាពលករចំណាកស្រុក និងសមាជិកគ្រួសារស្ថិត​ក្នុងស្ថានភាព។ សេចក្តីថ្លែងការណ៍អាស៊ាន ​ស្ដីពីគំនិតផ្តួចផ្តើមសុខភាពតែមួយ។ សេចក្តីប្រកាសព័ត៌មានរួមគ្នារបស់មេដឹកនាំអាស៊ាន ស្ដីពីការបង្កើតបណ្តាញភូមិ អាស៊ាន។ សេចក្តីថ្លែងការណ៍រអាស៊ាន ស្ដីពីការបញ្ជូននិងការគាំពាអ្នកនេសាទចំណាកស្រុក។ សេចក្តីប្រកាសថ្នាក់ដឹកនាំអាស៊ាន ស្តីពីការអភិវឌ្ឍប្រព័ន្ធអេកូឡូស៊ីយានយន្តអគ្គិសនីតំបន់។ សេចក្តីប្រកាសថ្នាក់ដឹកនាំអាស៊ាន ​ស្តីពីការពន្លឿនការតភ្ជាប់ទូរទាត់តំបន់ និងការលើកកម្ពស់​ការផ្ទេររូបីយវត្ថុក្នុងស្រុក។ផែនទីចង្អុលផ្លូវសម្រាប់សមាជិកភាពអាស៊ាន​ពេញសិទ្ធិរបស់​ទីម័រឡេស្ត។ សេចក្តីថ្លែងការណ៍ថ្នាក់ដឹកនាំអាស៊ាន ស្តីពីការពង្រឹងសមត្ថភាពអាស៊ាន និងប្រសិទ្ធភាពស្ថាប័ន។ សេចក្តីថ្លែងការណ៍ថ្នាក់ដឹកនាំអាស៊ានស្តីពីការរៀបចំចក្ខុវិស័យសហគមន៍អាស៊ានក្រោយឆ្នាំ២០២៥ ទស្សនវិស័យស្តីពីឥណ្ឌូ-ប៉ាស៊ីហ្វិក សសើរការងារដែលកំពុងបន្តដោយកិច្ចប្រជុំរដ្ឋ​មន្ត្រីការ​ពារជាតិអាស៊ាន ក្នុងការរៀបចំឯកសារទស្សនទាន​ ស្តីពីការអនុវត្តទស្សនវិស័យស្តីពីឥណ្ឌូ-ប៉ាស៊ីហ្វិក ​ខាងទិដ្ឋភាពការពារប្រទេស ​ដោយមានគោលដៅ លើកកម្ពស់តួនាទីស្នូល​និង​យុទ្ធសាស្ត្ររបស់អាស៊ាន ក្នុងការដោះស្រាយបញ្ហាប្រឈមផ្នែកសន្តិសុខរួម​ ក្នុងតំបន់​ ក៏ដូចជា ពង្រឹងការភ្ជាប់ទំនាក់ទំនងជាមួយដៃគូខាងក្រៅ ​ដើម្បីជំរុញវិធានការកសាងជំនឿទុកចិត្តគ្នា៕

ឯកឧត្តម ប្រាក់ សុខុន ទទូចឱ្យប្រទេសសមាជិកអាស៊ានទាំងអស់ផ្តល់ការគាំទ្រចាំបាច់នានាដល់មជ្ឈមណ្ឌលសកម្មភាពមីនតំបន់អាស៊ាន

2023/05/11 09:50:40 am        186
Facebook Telegram Linkin
ភ្នំពេញ៖ ឯកឧត្តម  ប្រាក់  សុខុន  ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា ក្នុងកិច្ចប្រជុំក្រុមប្រឹក្សាសហគមន៍នយោបាយ-សន្តិសុខអាស៊ាន (APSC) លើកទី២៦ នៅថ្ងៃទី០៩ ខែឧសភា ឆ្នាំ២០២៣ ដោយបានទទូចឱ្យប្រទេសសមាជិកអាស៊ានទាំងអស់ផ្តល់ការគាំទ្រចាំបាច់នានាដល់មជ្ឈមណ្ឌលសកម្មភាពមីនតំបន់អាស៊ាន (ARMAC)។ឯកឧត្តម ប្រាក់ សុខុន នៅក្នុងកិច្ចប្រជុំនេះ ឯកឧត្តមឧបនាយករដ្ឋមន្រ្តីបានសង្កត់ធ្ងន់អំពីសារៈសំខាន់ ក្នុងការថែរក្សា និងលើកកម្ពស់មជ្ឈភាពអាស៊ាន តាមរយៈការពង្រឹងយន្តការទាំងឡាយដែលដឹកនាំដោយអាស៊ាន ដើម្បីសន្តិភាព ស្ថិរភាព វិបុលភាព និងការអភិវឌ្ឍប្រកបដោយចីរភាព ក្នុងតំបន់។ ឯកឧត្តមឧបនាយករដ្ឋមន្រ្តី ក៏បានលើកឡើងផងដែរអំពីបញ្ហាសន្តិសុខប្រពៃណីនិងមិនប្រពៃណីសំខាន់ៗបំផុតមួយចំនួន ដូចជា ឧក្រិដ្ឋកម្មឆ្លងដែន ការឆបោកតាមប្រព័ន្ធអ៊ីនធឺណិត ការលាងលុយកខ្វក់ និងគ្រឿងញៀនខុសច្បាប់ ជាដើម។នៅក្នុងកិច្ចប្រជុំនេះ រដ្ឋមន្រ្ដីការបរទេសអាស៊ាន ក៏បានកោតសរសើរចំពោះវឌ្ឍនភាព ក្នុងការអនុវត្តបន្ទាត់សកម្មភាពនៃផែនការលម្អិតស្តីពីសហគមន៍នយោបាយ-សន្តិសុខអាស៊ានឆ្នាំ២០២៥ ដែលសម្រេចបានប្រមាណ ៩៩% ហើយក៏បានលើកទឹកចិត្តដល់អង្គភាពតាមវិស័យនានា ដើម្បីសម្រេចឲ្យបាននូវអាទិភាពផ្សេងៗទៀតដែលនៅសល់។ រដ្ឋមន្ត្រីការបរទេសអាស៊ានក៏បានកត់សម្គាល់ឃើញផងដែរថា ចាប់តាំងពីឆ្នាំ២០២១ មក លេខាធិការដ្ឋានអាស៊ានបានតាមដានលើបញ្ហាថ្មីៗ ដែលកំពុងកើតមានផងដែរ ដូចជា ទស្សនវិស័យអាស៊ានស្តីពីឥណ្ឌូ-ប៉ាស៊ីហ្វិក (AOIP) សន្តិសុខតាមប្រព័ន្ធអ៊ីនធឺណិត ការឆ្លើយតបរបស់អាស៊ានចំពោះជំងឺរាតត្បាតកូវីដ-១៩ របៀបវារៈស្ត្រី សន្តិភាព និងសន្តិសុខ (WPS) និងរបៀបវារៈយុវជន សន្តិភាព និងសន្តិសុខ (YPS) ដែលបានកំណត់ដោយក្រុមប្រឹក្សាសហគមន៍នយោបាយ-សន្តិសុខអាស៊ាន៕

រដ្ឋមន្ត្រីការបរទេសអាស៊ានស្វាគមន៍ដៃគូខាងក្រៅក្នុងការស្វែងរកការបង្កើតទំនាក់ទំនងជាមួយអាស៊ាន

2023/05/11 09:40:13 am        266
Facebook Telegram Linkin
ភ្នំពេញ៖ តាមរយៈលទ្ធផលនៃកិច្ចប្រជុំរដ្ឋមន្ត្រីការបរទេសអាស៊ាន (AMM) រដ្ឋមន្ត្រីការបរទេសអាស៊ានបានស្វាគមន៍ការចាប់អារម្មណ៍ខ្លាំងរបស់ដៃគូខាងក្រៅ ក្នុងការស្វែងរកការបង្កើតទំនាក់ទំនងជាមួយអាស៊ាន និងបានកត់សម្គាល់ដោយសេចក្តីពេញចិត្តចំពោះការបន្តកើនឡើងនូវការចាប់អារម្មណ៍នៃបណ្តាប្រទេសទាំងឡាយ នៅខាងក្រៅតំបន់ ក្នុងការស្នើសុំចូលជាភាគីនៃសន្ធិសញ្ញាមិត្តភាពនិងសហប្រតិបត្តិការនៅអាស៊ីអាគ្នេយ៍(TAC) ហើយដែលការណ៍នេះ។រដ្ឋមន្ត្រីការបរទេសអាស៊ានទន្ទឹងរង់ចាំការចុះហត្ថលេខា ដោយប្រទេសម៉ិកស៊ិក ប៉ាណាម៉ា និងអារ៉ាប៊ីសាអូឌីត ជាមួយនឹងអេស្ប៉ាញ លើលិខិតុបករណ៍នៃការចូលជាភាគីនៃ TAC នៅក្នុងឆ្នាំនេះ ហើយក៏រំពឹងផងដែរនូវការវាយតម្លៃឡើងវិញលើសំណើរបស់ប្រទេសស៊ែប៊ី។ រដ្ឋមន្រ្តីការបរទេសអាស៊ានក៏បានសម្តែងនូវក្តីសង្ឃឹមផងដែរថា អាស៊ាននឹងអាចសម្រេចបាននូវកុងសង់ស៊ីសក្នុងការគាំទ្រលើសំណើរបស់ម៉ាល់ឌីវសុំជាភាគីសន្ឋិសញ្ញានៃ TAC។អំពីទំនាក់ទំនងខាងក្រៅរបស់អាស៊ាន រដ្ឋមន្ត្រីការបរទេសអាស៊ានបានគាំទ្រសំណើរបស់កាណាដាក្នុងការរៀបចំកិច្ចប្រជុំកំពូលអាស៊ាន-កាណាដា ក្នុងឆ្នាំនេះ និងបានគាំទ្រការបង្កើតភាពជាដៃគូយុទ្ធសាស្ត្រអាស៊ាន-កាណាដា តាមរយៈការចេញសេចក្តីថ្លែងការណ៍រួម នៅឯកិច្ចប្រជុំរដ្ឋមន្ត្រីការបរទេសអាស៊ានជាមួយ កាណាដា នៅក្នុងខែកក្កដា  ឆ្នាំ២០២៣ ខាងមុខនេះ។ រដ្ឋមន្រ្តីការបរទេសអាស៊ានក៏ទន្ទឹងរង់ចាំការរៀបចំកិច្ចប្រជុំកំពូលពិសេសអាស៊ាន-អូស្ត្រាលី ដើម្បីរំលឹកខួបអនុស្សាវរីយ៍លើកទី ៥០ឆ្នាំ នៃទំនាក់ទំនងរវាងអាស៊ាន និងអូស្រ្តាលី។រដ្ឋមន្ត្រីការបរទេសអាស៊ានក៏បានផ្លាស់ប្តូរយោបល់គ្នាលើវិធីសាស្រ្ត ដើម្បីធ្វើយ៉ាងណាពន្លឿននូវវឌ្ឍនភាពនៃការអនុវត្តកិច្ចព្រមព្រៀងជាឯកច្ឆន្ទ ៥ចំណុច (5PC) របស់ប្រមុខដឹកនាំអាស៊ាន រួមទាំងការពិនិត្យឡើងវិញនិងសេចក្តីសម្រេច ១៥ចំណុច របស់ប្រមុខដឹកនាំអាស៊ានស្តីពីការអនុវត្តកិច្ចព្រមព្រៀង ជាឯកច្ឆន្ទ ៥ចំណុច ដែលបានអនុម័តនៅក្នុងកិច្ចប្រជុំកំពូលអាស៊ានលើកទី៤០ នៅរាជធានីភ្នំពេញ កាលពី ឆ្នាំកន្លងទៅ។ កម្ពុជាក៏បានគូសបញ្ជាក់ផងដែរថា សោកនាដកម្មទាំងឡាយបង្កឡើងដោយអំពើហិង្សាដែលកំពុងបន្តកើនឡើង នៅតាមតំបន់ជាច្រើន នៅមីយ៉ាន់ម៉ា គឺជាការរំលឹកដ៏ឃោរឃៅមួយដែលតម្រូវឲ្យយើងបង្កើនកិច្ចខិតខំប្រឹងប្រែងទ្វេដង ដើម្បីជួយមីយ៉ាន់ម៉ាឱ្យវិលទៅរកភាពប្រក្រតីឡើងវិញ ឲ្យបានឆាប់បំផុតតាមដែលអាចធ្វើទៅបាន។ នៅចំពោះមុខការប្រឈមដ៏ស្មុគស្មាញនេះ អាស៊ានចាំបាច់ត្រូវមានភាពបត់បែន ការបង្កើតគំនិតថ្មី និងភាពច្នៃប្រឌិត ក្នុងការស្វែងរកអភិក្រមនានាដែលអាចជំរុញការអនុវត្តកិច្ចព្រមព្រៀង 5PC នេះបាន៕

AI របស់ Google កំពុងអូសទាញក្រុមហ៊ុនកាន់តែច្រើនមកជិតលោកអ្នក

2023/05/11 09:27:05 am        126
Facebook Telegram Linkin
អាមេរិក៖ របាយការណ៍ហិរញ្ញវត្ថុដែលអ្នកបានអាន ទីផ្សារសម្លៀកបំពាក់ដែលអ្នកឃើញ និងជំនួយការជជែកកម្សាន្ត ដែលអ្នកចូលរួមអាចនឹងឆ្លុះបញ្ចាំងពីប្រភពដើមទូទៅ នោះគឺ បញ្ញាសិប្បនិម្មិត្តបានមកពីក្រុមហ៊ុន Google ។ផ្នែកប្រព័ន្ធសើវ័រ(servers) ឬ ខ្លោដ ( cloud) នៅខាងក្នុង Alphabet Inc កំពុងចងក្រងអតិថិជនឲ្យដាក់បច្ចេកវិទ្យាថ្មីបំផុតរបស់ខ្លួនក្នុងការសាកល្បង ដែលហៅកាត់ថា AI ជំនាន់ថ្មីដែលផលិតចេញពាក្យសំដីដូចមនុស្ស ឬខ្លឹមសារផ្សេងទៀតពីទិន្នន័យកាលពីកន្លងទៅ។  ក្រុមហ៊ុននេះ បានប្រាប់ សារព័ត៌មាន Reuters សម្រាប់សន្និសីទព័ត៌មានស្ដីពី Google I/O 2023កាលពីថ្ងៃពុធ នៅក្នុងទីក្រុង Mountain View រដ្ឋ California សហរដ្ឋអាមេរិក ថា ធនាគារ Deutsche Bank AG  ក្រុមហ៊ុន Uber Technologies Inc និងអង្គភាពនៃក្រុមហ៊ុន Victoria's Secret & Co ស្ថិតក្នុងចំណោមក្រុមហ៊ុន ដែលកំពុងផ្ដល់ការសាកល្បងឧបករណ៍របស់ក្រុមហ៊ុន Google  ។  អតិថិជនកំពុងអនុវត្តបច្ចេកវិទ្យារបស់ Google តាមវិធីទាំងពីរដែលរំពឹងទុក ដូចជា chatbot សេវាអតិថិជនសម្រាប់ Uber និងមានលក្ខណៈខុសប្លែកពីធម្មតា រួមទាំង AI ដើម្បីគ្រប់គ្រងសេវាការបញ្ជាទិញនៅភោជនីយដ្ឋានអាហារទាន់ចិត្ត Wendy's Co ក្នុងរដ្ឋ Ohio ។ ចំណាប់អារម្មណ៍របស់ពួកគេ ស្តែងឡើងក្នុងពេលវេលាដ៏សំខាន់សម្រាប់ក្រុមហ៊ុន Google ។ ផ្នែកគ្រប់គ្រងទិន្នន័យតាមប្រព័ន្ធអ៊ីនធឺណិតរបស់ខ្លួន បានប្រកាសប្រាក់ចំណេញប្រតិពីបត្តិការលើកដំបូងរបស់ខ្លួន កាលពីត្រីមាសមុន ហើយបច្ចេកវិទ្យា AI ដែលក្រុមហ៊ុន Google បានត្រួសត្រាយអាចជួយក្រុមហ៊ុននេះ បង្ខិតគម្លាតជាមួយក្រុមហ៊ុនបច្ចេកវិទ្យាធំៗ ដូចជា Amazon.com Inc និង Microsoft Corp ជាដើម ៕

ឆ្លងកាត់ព្រំដែនកើនលើស១ម៉ឺននាក់រៀងរាល់ថ្ងៃ ខណៈជនអន្តោប្រវេសន៍ព្យាយាមចូលមកអាមេរិក មុនមាត្រាទី៤២ត្រូវបិទបញ្ចប់

2023/05/11 09:23:36 am        39
Facebook Telegram Linkin
អាមេរិក៖ ក្រុមជនអន្តោប្រវេសន៍ បានមកប្រមូលផ្តុំគ្នានៅព្រំដែនដោយមានកាន់អីវ៉ាន់របស់ពួកគេ និងកំពុងឈរនៅក្រោមកម្តៅថ្ងៃក្តៅខ្លាំងកាលពីថ្ងៃពុធ បន្ទាប់ពីឆ្លងកាត់ចូលមកសហរដ្ឋអាមេរិកពីប្រទេស ម៉ិកស៊ិក មកក្នុងទីក្រុង El Paso រដ្ឋតិចសាស់។ជនអន្តោប្រវេសន៍រាប់ពាន់នាក់ កំពុងឆ្លងកាត់ចូលមកសហរដ្ឋអាមេរិក នៅសប្តាហ៍នេះ មុនពេលច្បាប់ថ្មីចូលជាធរមាន ដែលអាចរារាំងជនអន្តោប្រវេសន៍ភាគច្រើន ដែលឆ្លងកាត់ដោយខុសច្បាប់មិនឲ្យស្វែងរកសិទ្ធិជ្រកកោន ខណៈអ្នកផ្សេងទៀត បានប្រមូលផ្តុំគ្នានៅខាងទឹកដីនៃប្រទេសម៉ិកស៊ិកក្នុងពេលមានការយល់ច្រឡំអំពីគោលនយោបាយរបស់សហរដ្ឋអាមេរិក។ សហរដ្ឋអាមេរិក ចាប់ផ្តើមច្បាប់ថ្មីកាលពីថ្ងៃពុធ ដែលបានសន្មត់ថា ជនអន្តោប្រវេសន៍ភាគច្រើនគឺគ្មានសិទ្ធសម្រាប់សិទ្ធិជ្រកកោននោះទេ ប្រសិនបើពួកគេបានឆ្លងកាត់តាមប្រទេសផ្សេងៗដោយគ្មានការស្វែងរកការការពារនៅកន្លែងផ្សេងទៀតជាដំបូង ឬប្រសិនបើពួកគេមិនបានប្រើប្រាស់ផ្លូវធ្វើដំណើរស្របច្បាប់សម្រាប់ការចូលមកសហរដ្ឋអាមេរិក។ច្បាប់ថ្មីនេះ គឺជាផ្នែកដ៍សំខាន់សម្រាប់ផែនការអនុវត្តន៍ច្បាប់ព្រំដែនរបស់ប្រធានាធិបតីសហរដ្ឋអាមេរិក លោក Joe Biden ខណៈវិធានការរឹតត្បិតជំងឺ Covid-19 ដែលគេដឹងថាជាមាត្រាទី៤២ ដល់ពេលបញ្ចប់មុនកណ្តាលអធ្រាត្រនៅថ្ងៃព្រហស្បតិ៍។ ស្ថិតនៅក្រោមមាត្រាទី៤២ ដែលត្រូវបានអនុវត្តន៍ចាប់តាំងពីខែមីនា ឆ្នាំ២០២០ អ្នកឆ្លងកាត់ព្រំដែនភាគច្រើន ត្រូវបានបណ្តេញចេញយ៉ាងរហ័សទៅកាន់ប្រទេសម៉ិកស៊ិកដោយគ្មានឱកាសស្វែងរកសិទ្ធិជ្រកកោនឡើយ ដែលកំពុងនាំទៅរកការព្យាយាមធ្វើបែបនេះម្តងទៀត។ រដ្ឋមន្ត្រីសន្តិសុខក្រសួងមហាផ្ទៃលោក Alejandro Mayorkas និយាយថា ច្បាប់ថ្មីនេះ នឹងមានន័យថា មានផលវិបាកកាន់តែខ្លាំងសម្រាប់ជនអន្តោប្រវេសន៍ឆ្លងកាត់ព្រំដែនដោយខុសច្បាប់ ប្រសិនបើត្រូវបានចាប់ខ្លួន អាចត្រូវបាននិរទេស និងរារាំងមិនឲ្យចូលសហរដ្ឋអាមេរិករយៈពេល៥ឆ្នាំ ប្រសិនបើពួកគេពុំមានលក្ខណៈចាំបាច់សម្រាប់សិទ្ធិជ្រកោន។ លោក Brandon Judd ប្រធានសហព័ន្ធទីភ្នាក់ងារល្បាតព្រំដែន បាននិយាយថា ជនអន្តោប្រវេសន៍ជាង១ម៉ឺននាក់ ត្រូវបានចាប់ខ្លួនដែលកំពុងឆ្លងកាត់ព្រំដែនម៉ិកស៊ិក-អាមេរិកដោយខុសច្បាប់កាលពីថ្ងៃចន្ទនិងថ្ងៃអង្គារ។

បណ្ដាញសង្គម

ព័ត៌មានថ្មីៗ

សម្តេចធិបតី៖បំណងនៃកិច្ចប្រជុំស្អែកជាមួយនាយករដ្ឋមន្រ្តីស្តីទីរបស់ថៃ គឺដើម្បីសម្រេចឲ្យមានបទឈប់បាញ់គ្នា
07/27/2025 11:07 PM
Facebook Telegram Linkin
សាលាបឋមសិក្សាស្ថាពរខេត្តព្រះវិហារ ទទួលអំណោយមួយចំនួនពីសប្បុរសជន
07/27/2025 10:07 PM
Facebook Telegram Linkin
ច្ចសន្ទនាតាមទូរស័ព្ទរបស់ ឯកឧត្តម Marco Rubio រដ្ឋមន្ត្រីក្រសួងការបរទេសអាមេរិក និងឯកឧត្តម ប្រាក់ សុខុន ឧបនាយករដ្ឋមន្ត្រី និង​រដ្ឋមន្ត្រី​ក្រសួងការបរទេស​កម្ពុជា
07/27/2025 10:07 PM
Facebook Telegram Linkin
គណៈប្រតិភូសភាកម្ពុជា ដឹកនាំដោយសម្តេចរដ្ឋសភាធិបតី ឃួន សុដារី អញ្ជើញដល់ទីក្រុងហ្សឺណែវ ប្រទេសស្វីស ដោសុវត្ថិភាព ក្នុងការចូលរួមកិច្ចប្រជុំកំពូលប្រធានសភាស្រ្តីលើកទី១៥ និងសន្និសីទប្រធានសភាពិភពលោក លើកទី៦
07/27/2025 09:07 PM
Facebook Telegram Linkin
ឯកឧត្តម ឌិត ទីណា ស្វាគមន៍ពលករដែលបន្តចាកចេញពីប្រទេសថៃមកកម្ពុជាវិញ
07/27/2025 07:07 PM
Facebook Telegram Linkin
ក្រុមការងារមន្ទីរបរិស្ថានខេត្តព្រះវិហារ កំពុងរៀបចំអនាម័យបរិស្ថាន នៅតាមមណ្ឌលសុវត្ថិភាពជនភៀសសឹកដែលរដ្ឋបាលខេត្ត បានរៀបចំទទួលទាំង ១១កន្លែង
07/27/2025 06:07 PM
Facebook Telegram Linkin
ពលរដ្ឋខ្មែររាប់ម៉ឺននាក់ ចេញធ្វើបាតុកម្មទាមទារបញ្ឈប់ការឈ្លានពានភាគីថៃ និងលើកទឹកចិត្តវីរកងទ័ពជួរមុខកម្ពុជា
07/27/2025 06:07 PM
Facebook Telegram Linkin
ឯកឧត្តម ឌិត ទីណា ចូលរួមរំលែកទុក្ខវីរៈកងទ័ពដែលបានពលីជីវិតក្នុងបុព្វហេតុការពារដែនដី
07/27/2025 06:07 PM
Facebook Telegram Linkin
[BREAKING NEWS] រដ្ឋមន្ត្រីការបរទេសម៉ាឡេស៊ី៖ សម្ដេចធិបតី ហ៊ុន ម៉ាណែត និង​នាយករដ្ឋមន្ត្រី​ស្តីទីថៃ ជួបគ្នានៅប្រទេសម៉ាឡេស៊ីស្អែកនេះ
07/27/2025 06:07 PM
Facebook Telegram Linkin
សម្តេចកិត្តិសង្គហបណ្ឌិត ម៉ែន សំអន អញ្ជើញគោរពវិញ្ញាណក្ខន្ធសពឧត្តមសេនីយ៍ឯក ដួង សំនៀង ដែលបានពលីជីវិតនៅលើសមរភូមិប្រយុទ្ធជាមួយទ័ពសៀមឈ្លានពាន ដែនអធិបតេយ្យភាពកម្ពុជា
07/27/2025 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.