នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

រុស្ស៊ីចាប់ផ្តើមព្យុហយាត្រាទិវាជ័យជំនះក្នុងពេលមានសន្តិសុខតឹងតែងបន្ទាប់ពីការវាយប្រហារដោយយានដ្រូន

2023/05/09 09:34:13 am        155
Facebook Telegram Linkin
រុស្ស៊ី៖ ប្រទេសរុស្ស៊ី បានចាប់ផ្តើមព្យុហយាត្រាទិវាជ័យជំនះប្រចាំឆ្នាំ នៅលើទីលានក្រហម(Red Square) នៅថ្ងៃទី៩ ខែ ឧសភានេះ ក្នុងពេលមានការរឹតបន្តឹងសន្តិសុខដ៏តឹងរ៉ឹង បន្ទាប់ពីការវាយប្រហារដោយយាន ដ្រូនជាបន្តបន្ទាប់ រួមទាំងការវាយប្រហារទៅលើទីតាំងការពាររឹងមាំនៅវិមានក្រឹមឡាំង ដែលទីក្រុងមូស្កូ បានដាក់កំហុសទៅលើអ៊ុយក្រែន។ ទិវាជ័យជំនះ គឺជាខួបដ៏មានសារៈសំខាន់សម្រាប់លោក Vladimir Putin ដែលតែងតែរំលឹកដល់ដួងព្រលឹង និងការលះបង់ ដែលបានជួយសហភាពសូវៀតផ្តួលរំលំ របបណាស៊ីអាល្លឺម៉ង់ ក្នុងឆ្នាំ១៩៤៥ ដើម្បីបំផុសគំនិតស្នេហាជាតិរបស់រុស្ស៊ី។ ទោះជាយ៉ាងណា តំបន់ជាច្រើនរបស់រុស្ស៊ី បានកាត់បន្ថយព្រឹត្តិការណ៍ ដោយសារតែការេព្រួយបារម្ភអំពីការដាក់គោលដៅដោយក្រុមវិច្ឆេទករគាំទ្រអ៊ុយក្រែន។ទីក្រុងមូស្គូ បានបង្ហាញបុគ្គលិកយោធា និងគ្រឿងយុទ្ធោបករណ៍រតិចជាងមុន ដែលទាក់ទងទៅនឹងការហាត់សមសម្រាប់ព្យុហយាត្រា។ សហភាពសូវៀត បានបាត់បង់ប្រជាជន២៧លាននាក់ក្នុងសង្គ្រាមលោកលើកទី២ ច្រើនជាងប្រទេសដ៏ទៃទៀត។ ទោះជាយ៉ាងណា ការព្រួយបារម្ភផ្នែកសន្តិសុខរបស់ពលរដ្ឋរុស្ស៊ី បានកើនឡើងកាលពីមួយសប្តាហ៍កន្លងទៅនេះ បន្ទាប់ពីការវាយប្រហារដោយយានដ្រូន ដាក់គោលដៅលើឃ្លាំងស្តុកប្រេង និថងរថភ្លើងដឹកទំនិញ។ កាលពីថ្ងៃទី៨ ខែឧសភា ប្រព័ន្ធផ្សព្វផ្សាយ បានរាយការណ៍ពីការផ្ទុះជាច្រើនលើក នៅទូទាំងតំបន់គ្រីមៀគ្រប់គ្រងដោយ  រុស្ស៊ី។ ការិយាល័យរបស់លោក Putin បាននិយាយភ្ជាប់ទៅនឹងអ្វី ដែលខ្លួនហៅថា ការវាយប្រហារភេរវកម្មដោយយានដ្រូន លើវិមានក្រឹមឡាំង កាលពីពេលព្រឹកថ្ងៃទី៣ ខែឧសភា ទៅនឹងក្បួនព្យុហយាត្រាទិវាជ័យជំនះ ដែលបានធ្វើឡើងនៅក្រោមកំពែងការពាររឹងមាំសម័យបុរាណ។ ខួបទិវាជ័យជំនះនៅឆ្នាំនេះ ធ្វើឡើងខណៈការស្លាប់និងរងរបួសរបស់រុស្ស៊ី បន្តកើនឡើងនៅក្នុងសង្គ្រាមនៅអ៊ុយក្រែន ដែលបច្ចុប្បន្នចូលដល់ខែទី១៥របស់ខ្លួន មុនពេលការវាយបកតាមផែនការធ្វើឡើងដោយអ៊ុយក្រែន ដើម្បីដណ្តើមយកមកវិញនូវទឹកដីដែលត្រូវបានគេចូលកាន់កាប់។ ចាប់តាំងពីឆ្នាំ២០០៨ ក្រោមរបបលោក Putin ខួបជ័យជំនះ បានក្លាយជាឱកាសដើម្បីរំលាយចោលរូបភាពរបស់ប្រទេសរុស្ស៊ីក្រោយរបបកុម្មុយនីស ដែលត្រូវស្តារឡើងវិញឲ្យឈានដល់ភាពអស្ចារ្យនៃឆ្នាំអតីតកាល៕

សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត អញ្ជើញទៅកាន់ប្រទេសឥណ្ឌូនេស៊ី ដើម្បីចូលរួមកិច្ចប្រជុំកំពូលអាស៊ាន

2023/05/09 07:42:16 am        382
Facebook Telegram Linkin
ភ្នំពេញ៖ នៅព្រឹកថ្ងៃទី៩ឧសភានេះ តបតាមការអញ្ជើញរបស់ឯកឧត្តម ចូកូ វីដូដូ ប្រធានាធិបតីនៃសាធារណរដ្ឋឥណ្ឌូនេស៊ី និងជាប្រធានប្តូរវេនឆ្នាំ២០២៣ នៃសមាគម ប្រជាជាតិអាស៊ីអាគ្នេយ៍ (អាស៊ាន) សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានដឹកនាំគណៈប្រតិភូ ជាន់ខ្ពស់អញ្ជើញទៅចូលរួមកិច្ចប្រជុំកំពូលអាស៊ានលើកទី៤២ និងកិច្ចប្រជុំកំពូលពាក់ព័ន្ធក្នុងក្របខ័ណ្ឌ អាស៊ាន ក្រោមមូលបទ «សារៈសំខាន់អាស៊ាន៖ ស្នូលនៃកំណើន» ដែលនឹងប្រព្រឹត្តទៅពីថ្ងៃទី១០ ដល់ទី១១ ខែឧសភា ឆ្នាំ២០២៣ នៅទីក្រុង ឡាប៊ូន បាចូ សាធារណរដ្ឋឥណ្ឌូនេស៊ី ។ឯកឧត្តម ស្រ៊ី ថាមរ៉ុង្គ រដ្ឋមន្ត្រីប្រតិភូអមនាយករដ្ឋមន្ត្រីបានបញ្ជាក់ប្រាប់ក្រុមអ្នកសារព័ត៌មានថា ក្រោយការហោះហើរអស់រយៈពេល៥ម៉ោង ពេលអញ្ជើញដល់សម្តេចតេជោ នាយករដ្ឋមន្ត្រីលោក និងមានជំនួបជាបន្តបន្ទាប់ជាមួយមេដឹកនាំនៃប្រទេសមួយចំនួននិងអញ្ជើញ ចូលរួមក្នុងកិច្ច​ប្រជុំកំពូលអាស៊ាន ដែលនឹងពិភាក្សាលើបញ្ហាជាច្រើនដូចជាពិនិត្យមើលឡើងវិញ សមិទ្ធផលដែលអាស៊ានសម្រេចបានជាពិសេសបញ្ហាជម្លោះ នៅសមុទ្រចិនខាងត្បូង បញ្ហាមីយ៉ាន់ម៉ា និងបញ្ហាសង្គ្រាមរុស្ស៊ី អ៊ុយក្រែនដែលនាំឲ្យប៉ះពាល់ដល់សេដ្ឋកិច្ចជាសកល។ថ្នាក់ដឹកនាំអាស៊ាន នឹងពិភាក្សាអំពីវិធីសាស្ត្រ និងមធ្យោបាយនានាក្នុងការរក្សានូវសន្ទុះនៃការ​កសាង​សហគមន៍អាស៊ាន ជំរុញលើរបៀបវារៈនៃការអភិវឌ្ឍប្រកបដោយចីរភាពរបស់អាស៊ាន ដើម្បីសម្រេចបាននូវសហគមន៍មួយប្រកបដោយបរិយាប័ន្ន ការចូលរួម និងកិច្ចសហប្រតិបត្តិការ ព្រមទាំងពន្លឿនការអភិវឌ្ឍនូវចក្ខុវិស័យរបស់សហគមន៍អាស៊ានក្រោយឆ្នាំ២០២៥ សំដៅប្រែក្លាយ​អាស៊ាន ជាសហគមន៍ដែលតម្រង់ទិសដៅអនាគត និងជាតំបន់ប្រកបដោយ​សន្តិភាព ស្ថិរភាព សុវត្ថិភាព វិបុលភាព និងភាពធន់។ថ្នាក់ដឹកនាំអាស៊ាន ក៏នឹងពិភាក្សាលើបញ្ហាក្នុងតំបន់ និងអន្តរជាតិដែលជាក្តីបារម្ភ និងផល ប្រយោជន៍រួម រួមទាំងការអនុវត្តលើការព្រមព្រៀងជា​ឯកច្ឆន្ទ​ប្រាំចំណុចស្ដីពីមីយ៉ាន់ម៉ា និងសេចក្តី សម្រេចរបស់មេដឹកនាំអាស៊ាន និងការអនុវត្តលើទស្សនវិស័យរបស់អាស៊ានស្តីពីឥណ្ឌូ-ប៉ាស៊ីហ្វិក ផងដែរ ។នៅក្នុងអំឡុងពេលស្នាក់នៅទីក្រុង ឡាប៊ូល បាចូ សម្តេចតេជោនាយករដ្ឋមន្ត្រី ក៏នឹងមាន ជំនួបទ្វេភាគីជាមួយសមភាគីអាស៊ានរបស់សម្តេច និងឥស្សរជនអាស៊ាន មួយចំនួនផងដែរ៕

សម្ដេចតេជោ ហ៊ុន សែន នឹងអញ្ជើញចូលរួមកិច្ចប្រជុំកំពូលអាស៊ានលើកទី៤២ និងកិច្ចប្រជុំកំពូលពាក់ព័ន្ធ​ក្នុងក្របខ័ណ្ឌអាស៊ាន នៅប្រទេសឥណ្ឌូនេស៊ី

2023/05/08 12:59:54 pm        368
Facebook Telegram Linkin
ភ្នំពេញ ៖ តបតាមការអញ្ជើញរបស់ឯកឧត្តម ចូកូ វីដូដូ ប្រធានាធិបតីនៃសាធារណរដ្ឋឥណ្ឌូនេស៊ី និងជាប្រធានប្តូរវេនឆ្នាំ២០២៣ នៃសមាគម ប្រជាជាតិអាស៊ីអាគ្នេយ៍ (អាស៊ាន) សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នឹងដឹកនាំគណៈប្រតិភូ ជាន់ខ្ពស់អញ្ជើញទៅចូលរួមកិច្ចប្រជុំកំពូលអាស៊ានលើកទី៤២ និងកិច្ចប្រជុំកំពូលពាក់ព័ន្ធក្នុងក្របខ័ណ្ឌអាស៊ាន ក្រោមមូលបទ «សារៈសំខាន់អាស៊ាន៖ ស្នូលនៃកំណើន» ដែលនឹងប្រព្រឹត្តទៅពីថ្ងៃទី១០ ដល់ទី១១ ខែឧសភា ឆ្នាំ២០២៣ នៅទីក្រុង ឡាប៊ូន បាចូ សាធារណរដ្ឋឥណ្ឌូនេស៊ី ។នេះបើតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ។អញ្ជើញអមដំណើរសម្តេចតេជោ នាយករដ្ឋមន្ត្រី រួមមាន៖ ឯកឧត្ដម ប្រាក់ សុខុន ឧបនាយក រដ្ឋមន្ត្រី រដ្ឋមន្ត្រីការបរទេស ​និងសហប្រតិបត្តិការអន្តរជាតិ និងឯកឧត្តម ប៉ាន​ សូរស័ក្តិ រដ្ឋមន្តី ក្រសួងពាណិជ្ជកម្ម ព្រមទាំងមន្ត្រីជាន់ខ្ពស់នៃរាជរដ្ឋាភិបាលកម្ពុជា ​និងធុរជនមួយចំនួននសភា ពាណិជ្ជកម្មកម្ពុជា ។ថ្នាក់ដឹកនាំអាស៊ាន នឹងពិភាក្សាអំពីវិធីសាស្ត្រ និងមធ្យោបាយនានាក្នុងការរក្សានូវសន្ទុះនៃការ​កសាង​សហគមន៍អាស៊ាន ​ជំរុញលើរបៀបវារៈនៃការអភិវឌ្ឍប្រកបដោយចីរភាពរបស់អាស៊ាន ដើម្បីសម្រេចបាននូវសហគមន៍មួយប្រកបដោយបរិយាប័ន្ន ការចូលរួម ​និងកិច្ចសហប្រតិបត្តិការ ព្រមទាំង​ពន្លឿនការអភិវឌ្ឍនូវចក្ខុវិស័យរបស់សហគមន៍អាស៊ានក្រោយឆ្នាំ២០២៥ សំដៅប្រែក្លាយ​អាស៊ាន ជាសហគមន៍ដែលតម្រង់ទិសដៅអនាគត និងជាតំបន់ប្រកបដោយសន្តិភាព ស្ថិរភាព សុវត្ថិភាព វិបុលភាព និងភាពធន់។ថ្នាក់ដឹកនាំអាស៊ាន ក៏នឹងពិភាក្សាលើបញ្ហាក្នុងតំបន់ និងអន្តរជាតិដែលជាក្តីបារម្ភ និងផល ប្រយោជន៍រួម ​រួមទាំងការអនុវត្តលើការព្រមព្រៀង​ជា​ឯកច្ឆន្ទ​ប្រាំ​ចំណុច​ស្ដីពីមីយ៉ាន់ម៉ា​ និងសេចក្តី សម្រេចរបស់មេដឹកនាំអាស៊ាន ​និងការអនុវត្តលើទស្សនវិស័យរបស់អាស៊ានស្តីពីឥណ្ឌូ-ប៉ាស៊ីហ្វិក ផងដែរ ។នៅក្នុងអំឡុងពេលស្នាក់នៅទីក្រុង ឡាប៊ូល បាចូ សម្តេចតេជោនាយករដ្ឋមន្ត្រី ​ក៏នឹងមាន ជំនួបទ្វេភាគីជាមួយសមភាគីអាស៊ានរបស់សម្តេច ​និងឥស្សរជនអាស៊ាន​ មួយចំនួនផងដែរ។នៅមុនកិច្ចប្រជុំកំពូលអាស៊ានលើកទី៤២ ​និងកិច្ចប្រជុំកំពូលពាក់ព័ន្ធក្នុងក្របខ័ណ្ឌអាស៊ាន​ នេះ ឯកឧត្តមឧបនាយករដ្ឋមន្ត្រី ប្រាក់ សុខុន នឹងអញ្ជើញចូលរួមកិច្ចប្រជុំរដ្ឋមន្ត្រីការបរទេសអាស៊ាន (AMM) កិច្ចប្រជុំក្រុមប្រឹក្សាសហគមន៍សន្តិសុខ-នយោបាយអាស៊ាន (APSC) ​លើកទី២៦ និងកិច្ច ប្រជុំក្រុមប្រឹក្សាសម្របសម្រួលអាស៊ានលើកទី៣៣ (ACC) ​ដើម្បីត្រៀមរៀបចំសម្រាប់កិច្ចប្រជុំ កំពូលអាស៊ានខាងលើនេះ៕

សម្តេចតេជោ៖ លើកទឹកចិត្តឲ្យកម្ពុជាសិង្ហបុរី ជំរុញអនុវត្តកិច្ចព្រមព្រៀងដែលមានស្រាប់ ជាពិសេសលើវិស័យថាមពល និងទីផ្សារកាបោន

2023/05/08 11:17:19 am        173
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានលើកទឹកចិត្តឲ្យភាគីទាំង២ កម្ពុជា-សិង្ហបុរី ជំរុញអនុវត្តតាមកិច្ចព្រមព្រៀងដែលមានស្រាប់ជាមួយគ្នា ជាពិសេសលើវិស័យថាមពល និងទីផ្សារកាបោន និងពិនិត្យមើលកិច្ចសហប្រតិបត្តិការលើវិស័យដទៃទៀត។សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជាបានផ្តល់នូវ​អនុសាសន៍យ៉ាងដូច្នេះ ក្នុងពេលអនុញ្ញាតឱ្យឯកឧត្តម ធាវ ឈីហ៊ាន (Teo Chee Hean) ទេសរដ្ឋមន្ត្រី រដ្ឋមន្ត្រីសម្របសម្រួលសន្តិសុខជាតិសិង្ហបុរី ចូលជួបសំដែងការគួរសម និងពិភាក្សាការងារ នៅវិមានសន្តិភាព នាព្រឹកថ្ងៃទី៨ឧសភានេះ។បើតាមឯកឧត្តម អ៊ាង សុផល្លែត ជំនួយការផ្ទាល់សម្តេចតេជោបានប្រាប់ដល់ក្រុមអ្នកសារព័ត៌មាន​ថា នៅក្នុងជំនួបនេះឯកឧត្តម ធាវ ឈីហ៊ាន បានគោរពសម្ដែងនូវការ អបអរសាទរជូនដល់​សម្ដេចតេជោ ដែលបានរៀបចំនូវព្រឹត្តិការណ៍ស៊ីហ្គេមបានយ៉ាងរលូន ​បានយ៉ាង​អស្ចារ្យ និងជោគជ័យ។ឯកឧត្តម បានប្រសាសន៍ថា៖ កីឡាករ កីឡាការិនី និងអ្នកដែលមកចូលរួមបានទទួលនូវការរីករាយ និងបដិសណ្ឋារកិច្ចយ៉ាងកក់ក្តៅ។ឯកឧត្តមក៏បានគោរពសម្ដែងនូវការអបអរសាទរជូនចំពោះសម្ដេចតេជោផងដែរ នៅក្នុងការប្រយុទ្ធ​ប្រឆាំង ​នឹងជំងឺកូវីដ-១៩ បានជោគជ័យ និង ការដឹកនាំកិច្ចប្រជុំកំពូលអាស៊ាន ​និងកិច្ចប្រជុំកំពូល​ពាក់ព័ន្ធបានយ៉ាងជោគជ័យ។ ឯកឧត្តម ធាវ ឈីហ៊ាន ក៏បានគោរពជម្រាបខ្លួន​សម្ដេចតេជោថា ក្នុងដំណើរទស្សនកិច្ចរបស់​ឯកឧត្តម​មកកាន់ព្រះរាជាណាចក្រកម្ពុជានៅពេលនេះ ដើម្បីជំរុញទំនាក់ទំនងរវាងប្រទេស​ទាំងពីរ​ឱ្យឈាន​ឡើងមួយជំហ៊ានទៀត។ជាការឆ្លើយតបសម្ដេចតេជោ ហ៊ុន សែន បានថ្លែងអំណរគុណជូនចំពោះរដ្ឋាភិបាល និងប្រជាជន​សិង្ហបុរី ដែលបានបញ្ជូនកីឡាករ កីឡាការិនី​មកចូលរួមប្រកួតស៊ីហ្គេមនៅកម្ពុជា​ដែល​ញ៉ាំង​ឱ្យ​ព្រឹត្តិការណ៍ស៊ីហ្គេមនៅកម្ពុជា ​កាន់​តែ​មានភាព​អធិកអធម។ សម្ដេចតេជោ ក៏បានថ្លែងអំណរគុណផងដែរ ​ជូនដល់រដ្ឋាភិបាលសិង្ហបុរី ដែលបានគាំទ្រកម្ពុជា​ក្នុងឱកាសដែលកម្ពុជារៀបចំនិងដឹកនាំកិច្ចប្រជុំកំពូល​និងកិច្ចប្រជុំកំពូលពាក់ព័ន្ធនៅព្រះរាជាណា​ចក្រ​កម្ពុជា​ហើយពាក់ព័ន្ធនឹងការជំរុញទំនាក់ទំនង​រវាងប្រទេសទាំងពីរ ដើម្បីឈានឡើងមួយជំហាន​ថែមទៀតនោះ ​ជាបឋមសម្ដេចតេជោ បានវាយតម្លៃខ្ពស់លើកិច្ចសហប្រតិបត្តិការ ដែល មាន​ស្រាប់​រវាង​ប្រទេសទាំងពីរ ​ទំនាក់ទំនងរវាងប្រទេសទាំងពីរ ​ហើយក៏បានលើកទឹកចិត្តឲ្យភាគីទាំង​ពីរ​ពិនិត្យមើលការជំរុញការអនុវត្តតាមកិច្ចព្រមព្រៀង និងអនុស្សាណៈដែលបានចុះហត្ថលេខាហើយ ជាពិសេសលើវិស័យថាមពល និងវិស័យទីផ្សារកាបោន។ ជាមួយគ្នានោះដែរសម្ដេចតេជោ ក៏បានលើកទឹកចិត្តឱ្យមានការពិនិត្យមើលលទ្ធភាពក្នុងការធ្វើកិច្ច សហប្រតិបត្តិការលើវិស័យ​ ដទៃទៅទៀត ដែលអាចធ្វើទៅបាន៕

ប្រមុខ UN ជំរុញឲ្យភាគីប្រដាប់អាវុធទាំងអស់នៅកុងហ្គោទម្លាក់អាវុធចុះ

2023/05/07 09:25:52 am        368
Facebook Telegram Linkin
អាមេរិក៖ អគ្គលេខាធិការអង្គការសហប្រជាជាតិ(UN) លោក Antonio Guterres បានជំរុញឲ្យភាគីប្រដាប់អាវុធទាំងអស់នៅសាធារណរដ្ឋប្រជាធិបតេយ្យកុងហ្គោ ទម្លាក់ចុះអាវុធរបស់ពួកគេ ដោយលោកបានលើកឡើងថា វត្តមានរបស់ពួកគេ បណ្តាលឲ្យកើតមានសោកនាដកម្មមនុស្សធម៌ និងគំរាមកំហែងដល់សន្តិសុខក្នុងតំបន់ ។   លោក Guterres បានថ្លែងបែបនេះ នៅឯជំនួបមេដឹកនាំក្នុងតំបន់ ក្នុងទីក្រុង Bujumbura គឺជារដ្ឋធានីពាណិជ្ជកម្មរបស់ប្រទេសប៊ូរុនឌី ដោយរូបលោកបានកោះប្រជុំ ដើម្បីពិភាក្សាលើស្ថានភាពសន្តិសុខក្នុងប្រទេសកុងហ្គោ ជាទីដែលក្រុមប្រដាប់អាវុធរងការស្តីបន្ទោសសម្រាប់អំពើហិង្សា និងការជម្លៀសជនស៊ីវិលទ្រង់ទ្រាយធំ ។  អស់រយៈពេលជាច្រើនឆ្នាំមកហើយដែលតំបន់ភាគខាងកើតកុងហ្គោ បានញាំញីដោយសារអំពើហិង្សាទ្រង់ទ្រាយធំ ដែលរួមទាំងករណីកាប់សម្លាប់ ចាប់រំលោភសេពសន្ថវៈដោយក្រុមបះបោរប្រដាប់អាវុធមកពីក្រុមជាច្រើន រួមទាំងក្រុមចលនា ២៣ឧសភា (M23) និងកងកម្លាំងប្រជាធិបតេយ្យសម្ព័ន្ធមិត្ត (ADF) ។  លោក Guterres និយាយថា លោកសូមធ្វើការអំពាវនាវសារជាថ្មីម្តងទៀតឲ្យមានការបន្ធូរបន្ថយភាពតានតឹង ភាពធូរស្រាល និងការអត់ធ្មត់របស់ក្រុមប្រដាប់អាវុធ មិនថាក្រុមក្នុងស្រុក ឬក្រៅស្រុកនោះទេ ពួកគេត្រូវតែទម្លាក់អាវុធចុះនៅសាធារណរដ្ឋប្រជាធិបតេយ្យកុងហ្គោ ។ មានក្រុមប្រដាប់អាវុធជាង១០០ក្រុម នៅតំបន់ភាគខាងកើតកុងហ្គោ ហើយវត្តមានរបស់ពួកគេ បានគំរាមកំហែងដល់សន្តិសុខក្នុងតំបន់ ។   លោក Guterres បន្តិថា ការក្រោកឈរឡើងវិញរបស់ក្រុមឧទ្ទាម M23 ចាប់តាំងពីខែវិច្ឆិកា ឆ្នាំ ២០២១រហូតមក បានជម្លៀសមនុស្សយ៉ាងហោច ៥០ម៉ឺននាក់ ។   កុងហ្គោ បានចោទប្រកាន់ប្រទេសជិតខាងរ៉្វាន់ដា ថាបានគាំទ្រក្រុមឧទ្ទាម M23 ដែលត្រូវបានបង្កើតឡើងពីជនជាតិភាគតិច Tutsiនៅភាគខាងកើតកុងហ្គោ ប៉ុន្តែរ៉្វាន់ដា បានច្រានចោលការចោទប្រកាន់បែបនេះ ៕

សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត អញ្ជើញបើកព្រឹត្តិការណ៍ស៊ីហ្គេមលើកទី៣២ និងអាស៊ានប៉ាររ៉ាហ្គេមលើកទី១២

2023/05/05 07:05:48 pm        899
Facebook Telegram Linkin
ភ្នំពេញ៖ នៅល្ងាចថ្ងៃទី៥ ខែឧសភា ឆ្នាំ២០២៣នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីបើកព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេមលើកទី១២ ដែលប្រព្រឹត្តទៅនៅពហុកីឡដ្ឋានជាតិមរតកតេជោ។ការធ្វើជាម្ចាស់ផ្ទះនៃព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម គឺជាមោទនភាព និងមុខមាត់សម្រាប់ប្រទេស និងប្រជាជនកម្ពុជាទាំងមូល ដែលបានរង់ចាំអស់រយៈពេល ៦៤ឆ្នាំមកហើយ។សូមជម្រាបថា SEA Games ចាប់ផ្តើមពីថ្ងៃទី០៥-១៧ ខែឧសភា ឆ្នាំ២០២៣ និង ASEAN Para Games ចាប់ផ្តើមពីថ្ងៃទី០៣-០៩ ខែមិថុនា ឆ្នាំ២០២៣។ការប្រកួតកីឡាស៊ីហ្គេម មានសរុបចំនួន ៣៧ប្រភេទកីឡា ត្រូវនឹងវិញ្ញាសាហូតដល់ ៥៨៦វិញ្ញាសា ដែលធ្វើឡើងនៅក្នុងរាជធានីភ្នំពេញ និងខេត្តចំនួន៤ រួមមាន៖ ព្រះសីហនុ, កែប, កំពត និងសៀមរាប៕

សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា ស្វាគមន៍ព្រឹត្តិការណ៍ស៊ីហ្គេម២០២៣ (SEA GAMES 2023)

2023/05/05 11:12:34 am        365
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា តាមរយៈមន្រ្ដីតេឡេក្រាមនាព្រឹកថ្ងៃទី៥ ខែឧសភា ឆ្នាំ២០២៣នេះ បានប្រកាសស្វាគមន៍ព្រឹត្តិការណ៍ស៊ីហ្គេម២០២៣ (SEA GAMES 2023) ដោយសម្ដេចបានបញ្ជាក់ថា ០៥ ឧសភា ២០២៣ នេះ គឺជាព្រឹត្តិការណ៍ប្រវត្តិសាស្ត្ររបស់កម្ពុជាដែលបានរង់ចាំអស់រយៈពេល ៦៤ ឆ្នាំមកហើយ គឺជាថ្ងៃនៃការបើកព្រឹត្តិការណ៍កីឡាស៊ីហ្គេមលើកទី៣២ ដែលកម្ពុជាយើងធ្វើជាម្ចាស់ផ្ទះ ក្នុងសម័យកាលសន្តិភាពពេញលេញ ដោយបានបង្ហាញនូវកិត្យានុភាពជាតិទៅពិភពលោកកាន់តែស្គាល់កម្ពុជាច្បាស់ តាមរយៈព្រឹត្តិការណ៍ដ៏អស្ចារ្យនេះ។ សម្ដេចតេជោបានបញ្ជាក់ថា ពលរដ្ឋកម្ពុជាទាំងអស់ គឺជាម្ចាស់ផ្ទះនៃព្រឹត្តិការណ៍ដ៏អស្ចារ្យនេះ ដូច្នេះសូមចូលរួមទាំងអស់គ្នាដើម្បីគាំទ្រ ដោយស្នាមញញឹម មោទនភាព និង រក្សាភាពថ្លៃថ្នូររបស់ជាតិយើង៕

សម្ដេចតេជោ ស្នើឱ្យឡាវរួមគ្នាពិនិត្យកិច្ចព្រមព្រៀងមិនយកពន្ធត្រួតគ្នា ដើម្បីជំរុញការវិនិយោគឱ្យកាន់តែច្រើន

2023/05/04 01:08:32 pm        365
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងឯកឧត្តមបណ្ឌិត ថងលុន ស៊ីសូលីត ប្រធានរដ្ឋ នៃសាធារណរដ្ឋប្រជាធិបតេយ្យប្រជាមានិតឡាវ បានជួបពិភាក្សាទ្វេភាគី នៅវិមាន​សន្តិភាព​ទីស្តីការនាយករដ្ឋមន្ត្រី ​នាព្រឹកថ្ងៃទី៤ ខែឧសភា ខណៈឯកឧត្តម ​បានអញ្ជើញមក​បំពេញទស្សនកិច្ចផ្លូវរដ្ឋតបតាមការយាងពីព្រះមហាក្សត្រកម្ពុជា ​ដើម្បីចូលរួមបើកការប្រកួត​កីឡាស៊ីហ្គេមលើកទី៣២ នៅនៅល្ងាចថ្ងៃស្អែកនេះ។នៅក្នុងជួបទ្វេភាគីរវាងសម្តេចតេជោ និងឯកឧត្តមបណ្ឌិត ថងលុន ស៊ីសូលីត សម្ដេចតេជោ ក៏បាន​ស្នើ​ឱ្យភាគីឡាវរួមគ្នាពិនិត្យលើការរៀបចំកិច្ចព្រមព្រៀង​មិនយកពន្ធត្រួតគ្នា​ដើម្បីជំរុញការវិនិយោគ​រវាងប្រទេសទាំងពីរឱ្យកាន់តែច្រើនឡើងថែមទៀត។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ នាយករដ្ឋមន្ត្រី បានប្រាប់​ក្រុមអ្នក​សារព័ត៌មាន​ឱ្យដឹងថា ​ក្នុងជំនួបទ្វេភាគី ឯកឧត្តម ថងលុន ស៊ីសូលីត​ បានគោរពថ្លែងអំណរគុណ ជូនចំពោះសម្ដេចតេជោ ដែលបានអញ្ជើញឯកឧត្តមមកចូលរួម ក្នុងពិធីបើកកីឡាស៊ីហ្គេម នៅព្រះរាជាណាចក្រកម្ពុជា។ឯកឧត្តម បានមានប្រសាសន៍ថា ឯកឧត្តមពិតជាមានកិត្តិយសណាស់ ជាមួយការរៀបចំ​ដ៏ល្អរបស់​កម្ពុជា។ ឯកឧត្តម ថងលុន ស៊ីសូលីត ​មានជំនឿជឿជាក់ថា កម្ពុជា និងទទួលបាន ជោគជ័យ​និង​មេដាយមាសច្រើន។ ក្នុងឱកាសនោះដែរ ឯកឧត្តម បានគោរពថ្លែងអំណរគុណជូនចំពោះសម្ដេចតេជោ ជូនចំពោះកម្ពុជា ដែលបានជួយឡាវដ៏ធំធេង ​នឹងដ៏ថ្លៃថ្នូរកន្លងមក​ រួមទាំងវិស័យសុខាភិបាល​ វិស័យសេដ្ឋកិច្ច ។ ឯកឧត្តម ​បានមានប្រសាសន៍បន្តថា ​ទំនាក់ទំនងរវាងកម្ពុជា និងឡាវកំពុង តែស្ថិតដល់ចំណុច​កំពូល ហើយៗអ្វីដែលត្រូវធ្វើបន្តគឺ រួមគ្នាបន្តសម្របសម្រួលគ្នា ធ្វើឱ្យទំនាក់ទំនងនេះឈាន​ឆ្ពោះឡើង​មួយកម្រិតទៀត តាមរយៈរួមគ្នា​ អនុវត្តតាមកិច្ចព្រមព្រៀងដែលមានស្រាប់ និងស្វែងរកិច្ច​សហប្រតិបត្តិការ ដទៃបន្ថែមទៀត ​ដូចជាវិស័យទេសចរណ៍ ​វិនិយោគ វិស័យសន្តិសុខរួមគ្នា​ដោះស្រាយ គ្រោះមហន្តរាយ ជាយថាហេតុ។ជាការឆ្លើយតប សម្ដេចតេជោ ហ៊ុន សែន បានថ្លែង អំណរគុណជូនចំពោះ ឯកឧត្តមថងលុន ស៊ីសូលីត ដែលបានទទួល​ ការអញ្ជើញមកចូលរួមបើកកីឡាស៊ីហ្គេមលើកទី៣២ ។ សម្តេច ក៏បានឯកភាពជាមួយឯកឧត្តម ថងលុន ស៊ីសូលីត លើទំនាក់ទំនងរវាង​ប្រទេសទាំងពីរ និងអ្វីដែលត្រូវធ្វើបន្ត ​ហើយលើសពីនេះទៀតសម្ដេចតេជោ ​បានស្នើសុំឲ្យភាគីឡាវរួមគ្នាពិនិត្យលើ​ការរៀបចំកិច្ចព្រមព្រៀងមិនយកពន្ធត្រួតគ្នា ​ដើម្បីធ្វើយ៉ាង​ណាជំរុញការវិនិយោគ​រវាង​ប្រទេសទាំងពីរ ​ឱ្យបានកាន់តែច្រើន​ឡើងថែមទៀត។គួរបញ្ជាក់ថា ដំណើរទស្សនកិច្ចផ្លូវរដ្ឋរបស់ឯកឧត្តមបណ្ឌិត ​ថងលុន ស៊ីសូលីត មកកាន់កម្ពុជា នឹងពង្រឹងបន្ថែមទៀតនូវទំនាក់ទំនង​ដ៏ល្អប្រពៃដែលមានស្រាប់​ ភាពជាអ្នកជិតខាងល្អ ចំណងភាតរភាព ​និងភាពជាដៃគូយុទ្ធសាស្រ្តគ្រប់ជ្រុងជ្រោយ​ និងយូរអង្វែង ដើម្បីផល​ប្រយោជន៍នៃប្រជាជនទាំងពីរ៕

សម្តេចតេជោ ហ៊ុន សែន ទទួលបដិសណ្ឋារកិច្ចប្រធានរដ្ឋឡាវ

2023/05/04 11:17:08 am        370
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី០៤ ខែឧសភា ឆ្នាំ២០២៣នេះ បានទទួលបដិសណ្ឋារកិច្ច ឯកឧត្តមបណ្ឌិត ថងលុន ស៊ីសុលីត ប្រធានរដ្ឋ នៃសាធារណរដ្ឋប្រជាធិបតេយ្យប្រជាមានិតឡាវ នៅវិមានសន្តិភាព។បន្ទាប់ពីទទួលបដិសណ្ឋារកិច្ចសម្តេចតេជោ ហ៊ុន សែន និងឯកឧត្តមបណ្ឌិត ថងលុន ស៊ីសុលីត មានកិច្ចប្រជុំទ្វេភាគី ដើម្បីពិភាក្សា អំពីការធ្វើឱ្យស៊ីជម្រៅបន្ថែមទៀតនូវកិច្ចសហប្រតិបត្តិការទ្វេភាគី ក៏ដូចជាអំពីបញ្ហាតំបន់ និងអន្តរជាតិមួយចំនួនដែលជាក្តីបារម្ភរួម។គួរបញ្ជាក់ថា ឯកឧត្តមបណ្ឌិត ថងលុន ស៊ីសុលីត ប្រធានរដ្ឋ នៃសាធារណរដ្ឋប្រជាធិបតេយ្យ​ប្រជាមានិតឡាវ ​បានចាប់ផ្តើមបំពេញទស្សនកិច្ចផ្លូវរដ្ឋនៅកម្ពុជា ​នៅព្រឹកថ្ងៃទី០៤ ខែឧសភា ឆ្នាំ២០២៣នេះ ​នៃដំណើរទស្សនកិច្ចផ្លវរដ្ឋពីថ្ងៃទី០៤-០៦ ខែឧសភា ឆ្នាំ២០២៣ នៅកម្ពុជា។ទស្សនកិច្ចរបស់ប្រធានរដ្ឋឡាវ ​ធ្វើឡើងតបតាមការយាងរបស់ព្រះករុណា ព្រះបាទ សម្តេច​ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា។ ក្នុងអំឡុងពេលទស្សនកិច្ចផ្លូវរដ្ឋនេះ ​ឯកឧត្តមបណ្ឌិត ថងលុន ស៊ីសុលីត ក៏មានជំនួបដាច់ដោយ​ឡែកពី​គ្នាជាមួយសម្តេចវិបុលសេនា ភក្តី សាយ ឈុំ ប្រធានព្រឹទ្ធសភា និងសម្តេចអគ្គមហាពញា​ចក្រី ហេង សំរិន ប្រធានរដ្ឋសភា ផងដែរ ។ក្នុងឱកាសស្នាក់នៅរាជធានីភ្នំពេញ នៅថ្ងៃទី ០៥ ខែឧសភា ឆ្នាំ២០២៣ ឯកឧត្តមបណ្ឌិត ថងលុន ស៊ីសុលីត នឹងអញ្ជើញចូលរួមក្នុងពិធីបើកនៃកីឡាអាស៊ីអាគ្នេយ៍លើកទី៣២ ​និងកីឡាជន ពិការ អាស៊ាន ​លើកទី១២ នៅពហុកីឡដ្នានជាតិមរតកតេជោ ​ដែលកម្ពុជាជាម្ចាស់ផ្ទះរៀបចំព្រឹត្តិការណ៍ ជាប្រវត្តិសាស្ត្រនេះ ពីថ្ងៃទី ០៥ដល់ទី ១៧ ខែឧសភា ឆ្នាំ២០២៣។ដំណើរទស្សនកិច្ចផ្លូវរដ្ឋរបស់ឯកឧត្តមបណ្ឌិត ថងលុន ស៊ីសុលីត មកកាន់កម្ពុជា នឹងពង្រឹង បន្ថែមទៀត នូវទំនាក់ទំនងដ៏ល្អប្រពៃដែលមានស្រាប់​ ភាពជាអ្នកជិតខាងល្អ ​ចំណង ភាតរភាព និង​ភាពជាដៃគូយុទ្ធសាស្រ្តគ្រប់ជ្រុងជ្រោយ ​និងយូរអង្វែង ​ដើម្បីផលប្រយោជន៍នៃប្រជាជនទាំងពីរ៕

វិមានក្រឹមឡាំង៖ អ៊ុយក្រែនព្យាយាមសម្លាប់លោក Putinដោយប្រើយានដ្រូន ខណៈអ៊ុយក្រែនច្រានចោល

2023/05/04 09:45:00 am        303
Facebook Telegram Linkin
រុស្ស៊ី៖ ប្រទេសរុស្ស៊ី កាលពីថ្ងៃពុធ បានចោទប្រកាន់ប្រទេសអ៊ុយក្រែនពីបទប៉ុនប៉ងធ្វើឃាតពុំបានសម្រេចលើលោកប្រធានាធិបតី Vladimir Puin តាមរយៈការវាយប្រហារដោយយានដ្រូន និងបានប្ដេជ្ញាសងសឹក។ប៉ុន្តែលោក Zelenskyy បានបដិសេធថា អ៊ុយក្រែនពុំបានវាយប្រហារទៅលើលោក Putinឬ ក្រុងមូស្គូទេ។  ប្រធានាធិបតីអ៊ុយក្រែនលោក Volodymyr Zelenskiy បាននិយាយកាលពីថ្ងៃពុធទី៣ឧសភាថា លោក Putin បរាជ័យក្នុងការបង្ហាញជ័យជម្នះក្នុងសង្រ្គាមនេះទើបចោទប្រកាន់ទីក្រុង Kyiv ថាបានវាយប្រហារដោយយានដ្រូនលើវិមានក្រឹមឡាំង។ វីដេអូបង្ហាញពីវត្ថុហោះជិតកំពូលរាងក្រឡូមឬដោមរបស់វិមានក្រឹមឡាំង មុនពេលផ្ទុះ ។ សារព័ត៌មាន Reuters មិនអាផ្ទៀងផ្ទាត់រូបភាពនេះបានទេ។ វិមានក្រឹមឡាំងនិយាយថា រុស្ស៊ី បានត្រៀមសិទ្ធិក្នុងការសងសឹក ហើយក្រុមអ្នកប្រកាន់តឹងរបស់ប្រទេសនេះ បានទាមទារឲ្យផ្ដន្ទាទោសភ្លាមៗ លើប្រធានាធិបតីអ៊ុយក្រែន Volodymyr Zelenskiy។ នៅក្នុងសេចក្ដីថ្លែងការណ៍មួយ វិមានក្រឹមឡាំងនិយាយថា យានហោះគ្មានមនុស្សបើកបរចំនួន២គ្រឿង បានដាក់គោលដៅលើវិមានក្រឹមឡាំង។ដោយសារតែចាត់វិធានការទាន់ពេលវេលាពីសំណាក់យោធា និងសេវាពិសេស ដោយប្រើប្រាស់ប្រព័ន្ធរ៉ាដាសង្រ្គាម ឧបករណ៍ទាំងនោះមិនអាចធ្វើប្រតិបត្តិការចំគោលដៅបានឡើយ។  សេចក្ដីថ្លែងការណ៍ដដែលនេះ បាននិយាយថា បំណែកយានដ្រូនត្រូវធ្លាក់រាយប៉ាយក្នុងបរិវេនវិមានក្រឹមឡាំង តែពុំបណ្ដាលឲ្យមនុស្សរងរបួសឬ ខូចខាតអ្វីឡើយ ហើយលោក Putin ក៏មានសុវត្ថិភាពដែរ ៕

បណ្ដាញសង្គម

ព័ត៌មានថ្មីៗ

ទីភ្នាក់ងារ IAEA៖ ការបាញ់ផ្លោង ឬវាយប្រហារដោយយានដ្រូន នៅជិតរោងចក្រថាមពលនុយក្លេអ៊ែរ មិនត្រូវកើតឡើងទេ
07/28/2025 03:07 PM
Facebook Telegram Linkin
អាមេរិកបញ្ជាក់ជាថ្មីថា កាលបរិច្ឆេទពន្ធទី០១ សីហា គឺច្បាស់លាស់ណាស់ ពុំមានការបន្ថែមពេលទៀតទេ
07/28/2025 03:07 PM
Facebook Telegram Linkin
លោក Netanyahu៖ អ៊ីស្រាអែលប្តេជ្ញាថា នឹងធ្វើឲ្យសម្រេចជ័យជម្នះទាំងស្រុង និងកម្ចាត់ក្រុមហាម៉ាសឲ្យអស់
07/28/2025 03:07 PM
Facebook Telegram Linkin
កិច្ចចរចាបទឈប់បាញ់រវាងកម្ពុជា និងថៃបានចាប់ផ្តើម ក្រោមការសម្របសម្រួលរបស់ម៉ាឡេស៊ី និងមានការចូលរួមពីតំណាងអាមេរិក និងចិន
07/28/2025 03:07 PM
Facebook Telegram Linkin
ប្រជាពលរដ្ឋភៀសសឹក​ ៥០០០​ គ្រួសារ​ ទទួលអំណោយមនុស្សធម៌ពីសម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន
07/28/2025 02:07 PM
Facebook Telegram Linkin
Google សារភាពពីបរាជ័យក្នុងការព្រមានមនុស្ស ១០លាននាក់ ក្នុងរញ្ជួយដីទួរគី កាលឆ្នាំ២០២៣
07/28/2025 02:07 PM
Facebook Telegram Linkin
ហុងគ្រីថ្កោលទោសគោលនយោបាយដាក់ទណ្ឌកម្មរបស់សហភាពអឺរ៉ុបប្រឆាំងនឹងរុស្ស៊ីថា បរាជ័យទាំងស្រុង
07/28/2025 02:07 PM
Facebook Telegram Linkin
នគរបាលអ៊ីរ៉ាក់ ប៉ះទង្គិចជាមួយក្រុមយុទ្ធជនយោធាប៉ារ៉ា ដែលបានសម្រុកចូលអគាររដ្ឋាភិបាល
07/28/2025 02:07 PM
Facebook Telegram Linkin
ក្រុមហ៊ួទីនៅយេម៉ែន គំរាមកំណត់គោលដៅលើនាវាពាក់ព័ន្ធនឹងក្រុមហ៊ុន ដែលទាក់ទងនឹងកំពង់ផែអ៊ីស្រាអែល
07/28/2025 02:07 PM
Facebook Telegram Linkin
[UPDATE] ព្យុះស៊ីក្លូនត្រូពិកវាយប្រហារហ្វីលីពីន ខណៈអ្នកស្លាប់ឡើងដល់៣១នាក់និងជាង៦លាននាក់រងផលប៉ះពាល់
07/28/2025 01:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.