នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

មនុស្សរាប់រយនាក់ប្រមូលផ្តុំគ្នានៅ Kashmir គ្រប់គ្រងដោយប៉ាគីស្ថានប្រឆាំងកិច្ចប្រជុំ G20 នៅឥណ្ឌា

2023/05/23 06:45:57 pm        231
Facebook Telegram Linkin
ប៉ាគីស្ថាន៖ មន្ត្រីរដ្ឋាភិបាល បាននិយាយថា ប្រជាជនរាប់រយនាក់ បានមកប្រមូលផ្តុំគ្នា នៅក្នុងតំបន់ Kashmir ដែលគ្រប់គ្រងដោយប៉ាគីស្ថាន កាលពីថ្ងៃចន្ទ ដើម្បីតវ៉ាការសម្រេចចិត្តរបស់ប្រទេសឥណ្ឌាជាគូប្រជែងដ៏ធំ ក្នុងការធ្វើជាម្ចាស់ផ្ទះកិច្ចប្រជុំទេសចរណ៍ G20 នៅក្នុងផ្នែករបស់ខ្លួននៅតំបន់ហិម៉ាល័យដែលមានជម្លោះនេះ។ ទីក្រុង New Delhi កំពុងរៀបចំសន្និសីទដ៏សំខាន់នៅក្នុងទីក្រុងរដូវក្តៅ Srinagar(ស្រ៊ីណាហ្កា) តំបន់ Kashmir ចាប់ពីថ្ងៃចន្ទដល់ថ្ងៃពុធជាការសម្រេចមួយ ដែលប្រទេសប៉ាគីស្ថាន និងប្រទេសចិនជាសម្ព័ន្ធមិត្តយូរអង្វែង បានជំទាស់។ មន្ត្រីរដ្ឋាភិបាលលោក Raja Azhar Iqbal បាននិយាយថា ក្រុមអ្នកតវ៉ាជាច្រើនបានធ្វើបាតុកម្មក្នុងទីក្រុង Muzaffarabad (មូហ្សាហ្វហ្វារ៉ាបាដ) ជាទីក្រុងនៅតំបន់ Kashmir គ្រប់គ្រងដោយប្រទេសប៉ាគីស្ថាន និងទីក្រុងផ្សេងទៀត ដោយមានស្រែកពាក្យថា «ទៅវិញឥណ្ឌា បកក្រោយវិញ និងធ្វើពហិការ ធ្វើពហិការកិច្ចប្រជុំ G20 ធ្វើពហិការ»។ រដ្ឋមន្ត្រីការបរទេសប៉ាគីស្ថាន លោក Bilawal Bhutto-Zardari បានធ្វើទស្សនកិច្ចនៅតំបន់នេះ និងបានថ្លែងសុន្ទរកថា ទៅកាន់សភារបស់តំបន់ Kashmir កាលពីថ្ងៃចន្ទ។ លោកបានចាត់ទុកការជួបប្រជុំគ្នារបស់ក្រុមប្រទេស G20 ថាខុសច្បាប់និងជាការប៉ុនប៉ងដោយប្រទេសឥណ្ឌា ដើម្បីស្វែងរកភាពស្របច្បាប់ជុំវិញការគ្រប់គ្រងរបស់ខ្លួននៅតំបន់ដែលមានជម្លោះ។ កិច្ចប្រជុំក្រុមការងារ ទេសចរណ៍ប្រទេស G20 គឺជាព្រឹត្តិការណ៍អន្តរជាតិលើកដំបូង នៅក្នុងតំបន់ ចាប់តាំងពីមានការផ្លាស់ប្តូរមកនោះ។ ប្រទេសដែលមានអាវុធនុយក្លេអ៊ែរទាំងពីរ ប៉ាគីស្ថាននិងឥណ្ឌា បានប្រយុទ្ធគ្នាក្នុងសង្គ្រាម៣លើក ចាប់តាំងពីទទួលបានឯករាជ្យពីចក្រភពអង់គ្លេសក្នុងឆ្នាំ១៩៤៧ ដែលសង្គ្រាមចំនួន២ ជុំវិញបញ្ហាតំបន់ Kashmir ដែលពួកគេម្នាក់ៗអះអាងសិទ្ធិគ្រប់គ្រងពេញលេញ ប៉ុន្តែបានគ្រប់គ្រងដោយផ្នែកប៉ុណ្ណោះ។ ក្រុមប្រទេសG20 រួមមានប្រទេសអ្នកមានស្តុកស្តម្ភចំនួន១៩ប្រទេស និងសហភាពអឺរ៉ុប៕

រដ្ឋទន្លេ Colorado ឈានដល់កិច្ចព្រមព្រៀង «ប្រវត្តិសាស្ត្រ» ដើម្បីរក្សាទឹក

2023/05/23 06:41:41 pm        184
Facebook Telegram Linkin
អាមេរិក៖ រដ្ឋចំនួន៧ របស់សហរដ្ឋអាមេរិក ដែលទាញយកទឹកពីទន្លេ Colorado ដែលត្រូវបានប្រើប្រាស់ច្រើនហួសកម្រិត ពោលគឺត្រូវបានមើលឃើញត្រង់ទីនេះ នៅខាងកើតនៃមាត់ជ្រោះហ្គ្រែន ឃែនយ៉ិន (Grand Canyon) នោះ បានឈានដល់កិច្ចព្រមព្រៀងជាប្រវត្តិសាស្ត្រ ដើម្បីកាត់បន្ថយការប្រើប្រាស់ទឹក កាលពីថ្ងៃចន្ទ។ក្នុងកិច្ចព្រមព្រៀងជាមួយរដ្ឋបាលលោក ចូ បៃដិន (Joe Biden) រដ្ឋ Arizona, California និង Nevada នឹងទាញយកទឹកមិនដល់ ៣លានអេគ័រហ្វីត (ប្រមាណជា ៣៧០.០៤៤០.០០០ម៉ែត្រត្រីគុណ) ពីទន្លេ Colorado រហូតដល់ចុងឆ្នាំ២០២៦ ដែលជាចំនួនស្មើនឹង ១៣% នៃការបែងចែករបស់ពួកគេ នាពេលបច្ចុប្បន្ន។ រដ្ឋទាំងបីនោះ បង្កើតបានជារដ្ឋអាងទំនាប (Lower Basin) ពឹងផ្អែកលើបឹង Lake Mead ជាអាងស្តុកទឹកដែលបង្កើតឡើងដោយទំនប់ Hoover ខណៈដែលរដ្ឋអាងខាងលើ ( Upper Basin) រួមមានរដ្ឋ Colorado, New Mexico, Utah និង Wyoming ទាញទឹករបស់ពួកគេដោយផ្ទាល់ពីទន្លេ និងដៃទន្លេរបស់ខ្លួន។លោកស្រី Sarah Porter នាយកនៃមជ្ឈមណ្ឌល Kyl សម្រាប់គោលនយោបាយទឹក ក្នុងនាមសាកលវិទ្យាល័យរដ្ឋ Arizona និយាយលាយឡំដោយអារម្មណ៍រំភើបថា ការកាត់បន្ថយនេះ ប្រហែលជាអាច ឬមិនអាចជួយសង្គ្រោះបឹង Lake Mead ដែលរងគ្រោះដោយគ្រោះរាំងស្ងួតបាន។លោកស្រីបានប្រាប់ថា៖ «វាមានទឹកច្រើនណាស់។ វាជាកិច្ចព្រមព្រៀងមួយ ដើម្បីរក្សាទុកទឹក ៣លានអេគ័រហ្វីត នៅបឹង Lake Mead បន្ថែមពីលើការកាត់បន្ថយដោយស្ម័គ្រចិត្ត ដែលរដ្ឋ Arizona បានយល់ព្រមជាពិសេស។ ហើយអ្នកដឹងទេទីក្រុង Las Vegas នៅភាគខាងត្បូងរដ្ឋ Nevada ក៏កំពុងកាត់បន្ថយផងដែរ។ រដ្ឋ New Mexico ក៏ដូចគ្នាដែរ។ ដូច្នេះទំហំបន្ថែម ៣លាន អេគ័រហ្វីតនេះ គឺមានសារៈសំខាន់ណាស់។ វាគ្រប់គ្រាន់ឬអត់នោះ មានតែពេលវេលាទេ ដែលនឹងបង្ហាញឲ្យដឹង។ យើងនឹងត្រូវតែចាំមើលថា តើយើងនឹងមានការរីងហួតខ្លាំងក្នុងឆ្នាំផ្សេងទៀតដែរទេ។ កិច្ចព្រមព្រៀងនេះ ទទួលស្គាល់ថា យើងអាចនឹងស្ថិតនៅក្នុងតំបន់គ្រោះថ្នាក់នោះម្ដងទៀត»។ស្ថានភាពរយៈពេលវែងរបស់ទន្លេ គឺមានសារៈសំខាន់សម្រាប់តំបន់ទាំងមូល ដោយសារទន្លេនេះ ផ្តល់ទឹកស្អាតសម្រាប់ប្រជាជនចំនួន ៤០លាននាក់ និងប្រព័ន្ធធារាសាស្រ្តសម្រាប់ដីកសិកម្មដ៏សម្បូរបបែប៕

ក្រុមហ៊ុន TikTok បានប្ដឹងរដ្ឋ Montana សហរដ្ឋអាមេរិក ឲ្យលុបបម្រាមលើកដំបូងរបស់រដ្ឋមួយនេះ

2023/05/23 06:07:25 pm        174
Facebook Telegram Linkin
អាមេរិក៖ ក្រុមហ៊ុនបណ្ដាញសង្គមផ្ដល់សេវាកម្សាន្ត TikTok បានប្ដឹងឲ្យបិទបម្រាមរបស់រដ្ឋMontana សហរដ្ឋអាមេរិក ដែលហាមប្រាមមិនឲ្យពលរដ្ឋរបស់ខ្លួនប្រើសប្រាស់កម្មវិធីរបស់បណ្ដាញសង្គមនេះ។  ការដាក់ពាក្យបណ្ដឹងនេះ ធ្វើឡើង បន្ទាប់ពីរដ្ឋ Montana កាលពីសប្ដាហ៍មុន បានក្លាយជារដ្ឋដំបូងរបស់សហរដ្ឋអាមេរិក ដែលអនុម័ត បម្រាមលើការប្រើប្រាស់បណ្ដាញសង្គមកម្សាន្តវីដេអូខ្លីៗរបស់ចិន។  នៅក្នុងសេចក្ដីថ្លែងការណ៍មួយ ក្រុមហ៊ុន TikTok បាននិយាយថា បម្រាមនេះ បង្កឲ្យមានជម្លោះជាមួយសិទ្ធិនិយាយស្ដីដោយសេរីរបស់សហរដ្ឋអាមេរិក។ក្រុមហ៊ុន TikTok បានស្ថិតក្រោមការត្រួតពិនិត្យតាមដានពីក្រុមអាជ្ញាធរនៅជុំវិញពិភពលោក ទាក់ទងក្ដីបារម្ភដែលថា ទិន្នន័យនេះ អាចផ្ដល់ទៅឲ្យរដ្ឋាភិបាលចិន ។ បណ្ដឹងដែលបានដាក់កាលពីថ្ងៃចន្ទនៅក្នុង តុលាការសហព័ន្ធប្រចាំតំបន់សម្រាប់រដ្ឋ Montana និយាយថា ខ្លួនកំពុងប្ដឹងដើម្បីឲ្យទាត់ចោលបម្រាមនោះថាជារឿងខុសច្បាប់។ អ្នកនាំពាក្យម្នាក់បាននិយាយនៅក្នុងសេចក្ដីថ្លែងការណ៍ថា យើងកំពុងតវ៉ាទៅនឹងបម្រាមផ្ទុយពីរដ្ឋធម្មនុញ្ញ ដើម្បីការពារអាជីវកម្ម និងអ្នកប្រើប្រាស់បណ្ដាញសង្គម TikTok រាប់ម៉ឺននាក់របស់យើងនៅក្នុងរដ្ឋ Montana៕

ទីក្រុងញ៉ូវយ៉កជំរុញឲ្យផ្តល់ប័ណ្ណការងារសម្រាប់ជនអន្តោប្រវេសន៍

2023/05/23 05:45:10 pm        210
Facebook Telegram Linkin
អាមេរិក៖ អភិបាលក្រុងញ៉ូវយ៉កលោក Eric Adams និងអភិបាលរដ្ឋញ៉ូវយ៉ក លោកស្រី Kathy Hochul កាលពីថ្ងៃចន្ទបានអំពាវនាវដល់មន្ត្រីសហព័ន្ធ ពន្លឿនផ្តល់ប័ណ្ណការងារសម្រាប់ជនអន្តោប្រវេសន៍រាប់ពាន់នាក់ ដែលពួកគេភាគច្រើនជាអ្នកស្វែងរកសិទ្ធិជ្រកកោន ដែលបានមកដល់ទីក្រុងនិងរដ្ឋនេះ កាលពីឆ្នាំមុន។ លោកស្រី Hochul និយាយថា ជាងអ្វីៗផ្សេងទៀត យើងត្រូវការផ្លាស់ប្តូរចំពោះគោលនយោបាយផ្តល់   ប័ណ្ណការងារ ដែលនឹងអនុញ្ញាតឲ្យបុគ្គលទាំងនេះមិនត្រូវរងចាំជាច្រើនខែ និងច្រើនឆ្នាំទៀត សម្រាប់ស្ថានភាពស្របច្បាប់នោះ។ បច្ចុប្បន្ននេះរដ្ឋញ៉ូវយ៉ក កំពុងផ្តល់ទីជម្រក ដល់ជនអន្តោប្រវេសន៍ជាង៤ម៉ឺននាក់ នៅក្នុងសណ្ឋាគារ និងគ្រឹះស្ថានហាត់ប្រាណនៅសាលារៀន។ អភិបាលរដ្ឋ លោកស្រី Hochul និយាយថា រដ្ឋញ៉ូវយ៉ក ពុំមានចៅក្រម ឬបុគ្គលិកការិយាល័យគ្រប់គ្រាន់ដើម្បីដំណើរការសវនាការការសុំសិទ្ធិជ្រកកោនទាំងអស់ និងចេញប័ណ្ណការងារក្នុងរបៀបឲ្យទាន់ពេលវេលានោះទេ។ ទីក្រុងញ៉ូវយ៉ក គឺជាគោលដៅទី១សម្រាប់អ្នកស្វែងរកសិទ្ធិជ្រកកោន ជាអ្នកដែលត្រូវបានដោះលែងពីមន្ទីរឃុំឃាំងសហព័ន្ធ ដែលកំពុងរង់ចាំជំហានបន្ទាប់របស់ពួកគេនៅក្នុងដំណើរការ។ ទីក្រុងញ៉ូវយ៉កជាកន្លែងដែលមិនគួឲ្យជឿជាក់សម្រាប់ការរស់នៅ ប៉ុន្តែវាបានផ្តល់ការទទួលខុសត្រូវ និងការពិតជាច្រើនដែលបច្ចុប្បន្ននេះមានមនុស្សជាង៤២.០០០នាក់ ត្រូវបានផ្តល់ទីជម្រក និងបានជ្រកកោនដោយសុវត្ថិភាព។ អភិបាលក្រុង លោក Adam បានអំពាវនាវដល់រដ្ឋបាលលោក Bidenផ្តល់មូលនិធិបន្ថែមទៀតដល់ទីក្រុងនានា ដើម្បីដោះស្រាយលំហូររបស់ជនអន្តោប្រវេសន៍៕

សម្ដេចតេជោ រំលឹកឱ្យចងចាំថា ធ្វើជាគ្រូពេទ្យគឺដើម្បីសង្គ្រោះជីវិតមនុស្ស

2023/05/23 05:35:34 pm        295
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន បានសំណូមពរចំពោះក្រុមគ្រូពេទ្យ និងនិស្សិតដែលកំពុងធ្វើកម្មសិក្សា និងកំពុងរៀន ត្រូវចាំថា ធ្វើគ្រូពេទ្យ គឺដើម្បីសង្គ្រោះជីវិតមនុស្ស ហើយសម្ដេចសង្ឃឹមថា គ្រូពេទ្យឬចៅៗ ដែលជាកម្មសិក្សាត្រូវដាក់ចិត្តដាក់កាយ ហើយត្រៀមខ្លួនបម្រើប្រជាជន សង្គ្រោះជីវិតប្រជាជន។សម្ដេចតេជោ ប្រមុខរាជរដ្ឋាភិបាលកម្ពុជា មានប្រសាសន៍ផ្តាំផ្ញើបែបនេះ ខណៈសម្តេចរួមជាមួយ និងសម្តេចកិត្តិព្រឹទ្ធបណ្ឌិត បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការ«អគារតេជោអភិវឌ្ឍន៍» នៅមន្ទីរពេទ្យកាល់ម៉ែត នាព្រឹកថ្ងៃទី២៣ ខែឧសភា នេះ ។ជាមួយនឹងការកោតសរសើរដល់ក្រុមគ្រូពេទ្យដែលបានលះបង់យកចិត្តទុកដាក់​សង្គ្រោះព្យាល​អ្នកជំងឺសម្តេច ក៏បានយកឱកាសនេះ អំពាវនាវបន្ថែមដល់ក្រុមគ្រូពេទ្យឲ្យ​យកការបម្រើប្រជាជន​ធ្វើជាស្នូល ធ្វើជាគោលដៅនៃការធ្វើសកម្មភាព។សម្ដេចបានបញ្ជាក់បន្ថែមថា បច្ចេកទេសគឺត្រូវតែមានការគ្រប់គ្រងដោយ​ក្រុមសីលធម៌​មួយជា​ចាំបាច់។ សម្ដេចបានផ្ដាំផ្ញើដល់ក្រុមគ្រូពេទ្យ រួមទាំងសិស្សកម្មសិក្សាទាំងអស់ត្រូវបន្តការ​លើកកម្ពស់សមត្ថភាព សម្រាប់ការប្រើប្រាស់នូវបច្ចេកវិទ្យាថ្មីៗ ដែលមាននៅក្នុងមន្ទីរពេទ្យព្រោះ​នៅពេលនេះគឺជាសម័យ ការធ្វើទំនើបកម្មកាន់តែខ្ពស់ ដែលទាមទារឲ្យ គ្រូពេទ្យរបស់យើង​ធ្វើការស្រាវជ្រាវនិងរៀនសូត្រ ប្រើប្រាស់នូវឧបករណ៍ទាំងនោះ​ឲ្យបានព្រោះយើងបានទិញមកសុទ្ធតែទំនើបៗ ប៉ុន្តែប្រសិនបើយើងមិនចេះប្រើវាគឺស្មើនឹងអត់។អ៊ីចឹងទេនៅពេលគេមកបំពាក់សំភារៈ ទំនើបៗនោះគឺសុទ្ធតែមានអ្នកបច្ចេកទេសរបស់គេ មកបង្ហាត់បង្រៀន ដែលតម្រូវឲ្យយើងត្រូវចេះប្រើប្រាស់វាឲ្យបានត្រឹមត្រូវ៕

សម្តេចតេជោ៖ មន្ទីរពេទ្យថ្នាក់ជាតិដែលអាចផ្ទុកអ្នកជំងឺបានដល់១ម៉ឺនគ្រែសាងសង់ជិតរួចហើយ

2023/05/23 05:26:59 pm        228
Facebook Telegram Linkin
ភ្នំពេញ៖ សម្តេចជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសថា រាជរដ្ឋាភិបាលបានកំពុងធ្វើមន្ទីរពេទ្យថ្នាក់ជាតិមួយទៀត ដែលមានលទ្ធភាព ទទួលអ្នកជំងឺបានរហូតដល់១ម៉ឺនគ្រែ ខណៈសាងសង់នូវមន្ទីរពេទ្យនេះ ក៏ជិតរួចរាល់ហើយផងដែរ។ថ្លែងនៅក្នុងឱកាស អញ្ជើញជាអធិបតីសម្ភោធជាផ្លូវការអគារមជ្ឈមណ្ឌលពហុឯកទេស «អគារតេជោអភិវឌ្ឍន៍» នៅមន្ទីរពេទ្យកាល់ម៉ែត នាព្រឹកថ្ងៃទី២៣ ខែឧសភា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា រដ្ឋបានកំពុងនឹងធ្វើមន្ទីរពេទ្យថ្នាក់ជាតិ​នៅជាយក្រុងរាជធានីភ្នំពេញមួយទៀត ដើម្បីផ្តល់ភាពងាយស្រួលបន្ថែមទៀត ក្នុងការបម្រើសេវាសុខភាពដល់បងប្អូនប្រជាពលរដ្ឋគ្រប់រូប។សម្តេចតេជោ ហ៊ុន សែន នាយករដ្ឋមន្រ្តី ក៏បានលើកឡើងផងដែរថា ការធ្វើទំនើបកម្មមន្ទីរពេទ្យ​ជាបន្តបន្ទាប់នេះគឺសម្រាប់ផ្ដល់សេវាសុខាភិបាលដែលកាន់តែមានតម្រូវការខ្ពស់​ជូនប្រជាជនក្នុងប្រទេសផង និងផ្ដល់ទំនុកចិត្តចំពោះអ្នកការទូត វិនិយោគគិន និងភ្ញៀវទេសចរណ៍អន្តរជាតិដែលមកប្រទេសកម្ពុជាផងដែរ៕អត្ថបទ៖ បាន ចក់

អ្នកស្រី E. Jean Carroll ទាមទារសំណងការខូចខាត១០លានដុល្លារពីលោក Trump ក្រោយសេចក្ដីសម្រេចរបស់តុលាការ

2023/05/23 05:24:44 pm        156
Facebook Telegram Linkin
អាមេរិក៖ អ្នកស្រី E. Jean Carroll អ្នកសរសេរបទអត្ថាធិប្បាយដែលបានឈ្នះក្ដីចោទប្រកាន់រំលោភសេពសន្ថវៈនិងបរិហាកេរ្តិ៍ចំនួន៥លានដុល្លារអាមេរិកពីអតីតប្រធានាធិបតី លោក Donald Trump កំពុងព្យាយាមទាមទារប្រាក់យ៉ាងហោចណាស់១០លានដុល្លារបន្ថែមទៀត នៅក្នុងការដាក់ពាក្យបណ្ដឹងទៅតុលាការជាថ្មីកាលពីថ្ងៃចន្ទ ដែលស្វែងរកការដាក់បន្ទុកលើលោកចំពោះការអត្ថាធិប្បាយដែលលោកបានធ្វើឡើងក្រោយការចេញសាលក្រមតុលាការ។ បណ្តឹងដែលបានកែប្រែដើម្បីទាមទារសំណងការខូចខាត ចំនួន ១០ លានដុល្លារ និងបង់ប្រាក់ពិន័យការខូចខាត ត្រូវបានប្តឹងនៅសង្កាត់ Manhattan ដោយមេធាវីរបស់អ្នកស្រី Carroll ដែលនិយាយថាការអត្ថាធិប្បាយរបស់លោកTrump ក្នុងការឆ្លើយតបទៅនឹងការចោទប្រកាន់ពីបទរំលោភសេពសន្ថវៈរបស់ស្ត្រីរូបនេះ បានធ្វើឲ្យខូចកេរ្តិ៍ឈ្មោះរបស់អ្នកស្រីដែលបានបាត់បង់ការងារជាយូរណាស់មកហើយជាអ្នកសរសេរបទអត្ថាធិប្បាយផ្តល់ប្រឹក្សាឲ្យទស្សនាវដ្ដី Elle។មេធាវីបានសរសេរថា "សេចក្តីថ្លែងការណ៍បង្ខូចកេរ្តិ៍របស់លោក Trump ក្រោយសាលក្រមបង្ហាញពីជម្រៅនៃការព្យាបាទរបស់លោកចំពោះ Carroll ព្រោះពិបាកក្នុងការស្រមៃមើលការបង្ខូចកេរ្តិ៍ឈ្មោះដែលអាចត្រូវបានជំរុញដោយការស្អប់ខ្ពើម ឆន្ទៈមិនល្អ ឬការគុំកួន ។ ការប្រព្រឹត្តនេះគាំទ្រការផ្តល់ការពិន័យជាប្រាក់ដ៏ច្រើនសន្ធឹកសន្ធាប់ក្នុងការបំពេញចិត្តរបស់អ្នកស្រី Carroll ទាំងការដាក់ទោសលើលោក Trump ដើម្បីរារាំងលោកមិនឲ្យបន្តការបរិហារកេរ្តិ៍បន្ថែមទៀត និងរារាំងអ្នកផ្សេងទៀតកុំឲ្យប្រព្រឹត្តទង្វើដូចគ្នានេះ ។គួររម្លឹកថា កាលពី២សប្ដាហ៍មុន គណៈវិនិច្ឆ័យចំនួន៩រូប បានសម្រេចថា លោក Trump បានរំលោភសេពសន្ថវៈលើអ្នកស្រី Carroll នៅហាងលក់សម្លៀកបំពាក់សង្កាត់ Manhattan កាលពីដើមនិទាឃរដូវឆ្នាំ ១៩៩៦ ៕

ទឹកភ្នែក និងកំហឹង ពីពលរដ្ឋជម្លៀសខ្លួន ខណៈរុស្ស៊ីអះអាងគ្រប់គ្រងទីក្រុង Bakhmut

2023/05/23 04:58:25 pm        204
Facebook Telegram Linkin
អ៊ុយក្រែន៖ ពលរដ្ឋនៅចំណុចប្រុយុទ្ធដ៏ក្តៅគគុកនៅទីក្រុង Bakhmut ភាគខាងកើតប្រទេសអ៊ុយក្រែន បានចូលមកមជ្ឈមណ្ឌលគាំទ្រទីក្រុងគីវ ដើម្បីទទួលបានការថែទាំសុខភាព និងសម្លៀកបំពាក់ ដោយបោះបង់ចោលទីក្រុងរងភាពខ្ទេចខ្ទាំ ខណៈរុស្ស៊ីអះអាងការគ្រប់គ្រងទាំងស្រុង។ក្រុមទាហានស៊ីឈ្នួល Wagner របស់រុស្ស៊ី បានអះអាងថាដណ្តើមបានទីក្រុង Bakhmut បន្ទាប់ពីជាច្រើនខែនៃការវាយប្រហារដ៏តានតឹង ខណៈអ៊ុយក្រែនទទូចថាខ្លួននៅតែកំពុងប្រយុទ្ធក្នុងទីក្រុងដែលត្រូវបានបំផ្លាញមួយនេះ។នាង Olga ដែលភៀសខ្លួនចេញពីទីក្រុងកំណើតរបស់នាង បាននិយាយថា ខ្ញុំគ្រាន់តែចង់និយាយរឿងមួយទៅកាន់អ្នកទាំងឡាយដែលកំពុងរងចាំរុស្ស៊ី អ្នកនឹងទទួលបាននូវអ្វីដែលអ្នកចង់បាន។ នាង Olga និងពលរដ្ឋទីក្រុង Bakhmut ដែលភៀសខ្លួនដ៏ទៃទៀត បានចូលទៅដល់មជ្ឈមណ្ឌលគាំទ្រ ក្នុងទីក្រុងគីវ ដែលត្រូវបានបង្កើតឡើងដោយរដ្ឋាភិបាលតំបន់ ជាកន្លែងដែលពួកគេអាចជួបវេជ្ជបណ្ឌិត និងទទួលបានសម្លៀកបំពាក់ដោយឥតគិតថ្លៃ ឬការផ្តល់គ្រែ។ ដោយសម្រក់ទឹកភ្នែកក្នុងកំហឹង នាងOlga អាយុ ៣៣ឆ្នាំ បានរៀបរាប់ពីរបៀបដែលនាងបានមកដល់ក្នុងរដ្ឋធានីគីវ កាលពីខែតុលា បន្ទប់ពីភៀសខ្លួនចេញពីទីក្រុង Bakhmut ជាមួយស្វាមី របស់នាង និងកូន២ នាក់។ ឣ្នកស្រី Vera Biryukova ជាគ្រូបង្រៀនចូលនិវត្តន៍អាយុ៧៤ឆ្នាំ បានបង្ហាញរូបភាពជាច្រើននៃអគារគ្មានបង្អួចដែលត្រូវបានឆេះបំផ្លាញ ជាផ្ទះល្វែងរបស់គាត់នៅជាន់ផ្ទាល់ដី៕

រុស្ស៊ី ប្រយុទ្ធប្រឆាំងការវាយឆ្មក់ឆ្លងកាត់ព្រំដែនដែលអ៊ុយក្រែននិយាយថា គឺជាការប្រឆាំងរបស់រុស្ស៊ី

2023/05/23 04:51:49 pm        236
Facebook Telegram Linkin
រុស្ស៊ី៖ រុស្ស៊ី បាននិយាយកាលពីថ្ងៃចន្ទថា ខ្លួនកំពុងប្រយុទ្ធប្រឆាំងការវាយលុកឆ្លងកាត់ព្រំដែនដោយក្រុមវិច្ឆេទករដែលបានវាយឆ្លងកាត់ព្រំដែនពីប្រទេសអ៊ុយក្រែន ក្នុងអ្វីដែលបានបង្ហាញថាជាការវាយប្រហារមួយក្នុងចំណោមការវាយប្រហារធំបំផុតនៃនៃប្រតិបត្តិការរបស់ខ្លួន ចាប់តាំងពីសង្គ្រាមបានចាប់ផ្តើមរយៈពេល១៥ខែមកនេះ។ អភិបាលតំបន់ Belgorod របស់រុស្ស៊ី លោក Vyacheslav Gladkovបាននិយាយថា ក្រុមវិច្ឆទកររបស់អ៊ុយក្រែន បានចូលមកដែនដីរុស្ស៊ីក្នុងស្រុក Graivoron ជាប់ព្រំដែនអ៊ុយក្រែន ហើយកំពុងត្រូវបានវាយរុញទៅ វិញ។ប៉ុន្តែសារព័ត៌មានអ៊ុយក្រែន Hromadske បានដកស្រង់សម្តី ចារកម្មយោធាអ៊ុយក្រែនដែលបាននិយាយថា ក្រុមប្រឆាំងប្រដាប់អាវុធរុស្ស៊ី២ក្រុមគឺក្រុមសេរីភាពរុស្ស៊ី និងក្រុមស្ម័ក្រចិត្តរុស្ស៊ី ទាំង២ក្រុមនេះ មានពលរដ្ឋរុស្ស៊ី បានទទួលខុសត្រូវសម្រាប់ការវាយប្រហារ។ទីប្រឹក្សាប្រធានាធិបតីអ៊ុយក្រែន បាននិយាយនៅលើបណ្តាញ Twitter ថា រដ្ឋាភិបាលទីក្រុងគីវ កំពុងតាមដានស្ថានភាពដោយយកចិត្តទុកដាក់ ប៉ុន្តែពុំបានធ្វើឣ្វីពាក់ព័ន្ធនឹងរឿងនេះនោះទេ។ ក្រុមអ្នកស្ម័ក្រចិត្តរុស្ស៊ី បានចេញផ្សាយវីដេអូកាលពីល្ងាចថ្ងៃចន្ទ បានបង្ហាញនូវអ្វីដែលខ្លួនបាននិយាយថាអ្នកប្រយុទ្ធម្នាក់កំពុងពិនិត្យរថពាសដែកដែលត្រូវបានរឹបអូស។ ហើយវីដេអូមួយផ្សេងទៀត បានបង្ហាញនូវអ្វីដែលខ្លួននិយាយថាក្រុមអ្នកប្រយុទ្ធកំពុងធ្វើប្រតិបត្តិការដោយរថពាសដែកមួយគ្រឿងនៅលើដងផ្លូវ៕

ប្រសាសន៍សំខាន់ៗរបស់សម្តេចតេជោ ក្នុងឱកាស អញ្ជើញសម្ពោធអគារមជ្ឈមណ្ឌលពហុឯកទេស «អគារតេជោអភិវឌ្ឍន៍» នៅមន្ទីរពេទ្យកាល់ម៉ែត

2023/05/23 04:19:50 pm        305
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីសម្ពោធដាក់ឲ្យប្រើប្រាស់ជាផ្លូវការ អគារមជ្ឈមណ្ឌលពហុឯកទេស «អគារតេជោអភិវឌ្ឍន៍» នៅមន្ទីរពេទ្យកាល់ម៉ែត ស្ថិតនៅសង្កាត់ស្រះចក ខណ្ឌដូនពេញ រាជធានីភ្នំពេញ នៅព្រឹកថ្ងៃទី២៣ ខែឧសភា ឆ្នាំ២០២៣នេះ។ ប្រសាសន៍សំខាន់ៗរបស់សម្តេចតេជោ ហ៊ុន សែន នាយករដ្ឋមន្ត្រី ដែលមានខ្លឹមសារដូចខាងក្រោម៖សម្តេចតេជោ ហ៊ុន សែន មានប្រសាសន៍ថា ការកសាងអគារតេជោអភិវឌ្ឍន៍ នៃមន្ទីរពេទ្យកាល់ម៉ែតនេះ ពិតជាមានទំនាក់ទំនងជាមួយសម្តេចយពិតប្រាកដមែន ដែលកាលណោះសម្តេចបានយកម្តាយក្មេកសម្តេចមកសង្គ្រោះនៅទីនេះ។ សម្តេចបញ្ជាក់ថា ដោយអគារថ្មីនេះបំពាក់ដោយឧបករណ៍វេជ្ជសាស្ត្រ ទំនើបៗនាំចូលមកពីអាលឺ្លម៉ង់ និងអាមេរិក ឆ្លើយតបទៅនឹងតម្រូវការសេវាសុខភាពសាធារណៈ។សម្ដេចតេជោ ហ៊ុន សែន បានរម្លឹកអំពីគំនិតផ្ដួចផ្ដើមសាងសង់ មន្ទីរពេទ្យកាល់ម៉ែតនេះ ដោយ នាអំឡុខែវិច្ឆិកាឆ្នាំ ២០១៩ រាជរដ្ឋាភិបាលមានថវិកាសន្សំ ៣៥០០ លានដុល្លារ ក្រោយពេលដែលបានដក ៤០០ លានដុល្លារទៅអភិវឌ្ឍន៍លើម៉ាស៊ីនភ្លើង និងជាង ១០០ លានដុល្លារទៀតបានយកទៅអភិវឌ្ឍន៍ខេត្តព្រះសីហនុ។សម្ដេចតេជោ ហ៊ុន សែន បានឱ្យដកថវិកា ៣០ លានដុល្លារដើម្បីមកកសាងមន្ទីរពេទ្យកាល់ម៉ែត រួមជាមួយនឹងថវិកាសប្បុរជនប្រមាណ ២២៥ នាក់ ដែលមានថវិកាជាង៧២លានដុល្លារ។ថវិកាដែលទទួលបានសរុបក្នុងការសាងសង់មន្ទីរពេទ្យនេះមានចំនួន ១០២ លាន ៨ សែន ដុល្លារ និងថវិកា ២៨០ លានរៀល។ ការសាងសង់មន្ទីរពេទ្យនេះបានប្រើប្រាស់ថវិកាសរុប សម្រាប់ផ្នែកអគារអាស់ចំនួន ៧០ លាន ៣ សែនដុល្លារ និងចំណាយ ១១ លាន ៣ សែន ទៀតទៅលើសម្ភារៈបរិក្ខា ដូច្នេះការសាងសង់សរុបជាង ៨២ លានដុល្លារ ខណៈថវិកានៃការសាងសង់មន្ទីរពេទ្យនេះ គឺជាថវិកាផ្សាភ្ជាប់ទៅនឹងគោលនយោបាយរបស់រាជរដ្ឋាភិបាល។សម្ដេចតេជោ ហ៊ុន សែន បញ្ជាក់ថា ការកសាងបាននូវមន្ទីរពេទ្យដែលមានសមត្ថភាពសង្គ្រោះ ពិនិត្យព្យាបាល គឺបានជួយកម្ពុជា ក្នុងការបង្កើតបាននូវជំនឿទុកចិត្តនៃអ្នកការទូតដែលមកធ្វើការនៅកម្ពុជា, បង្កើតបាននូវជំនឿទុកចិត្តសម្រាប់វិនិយោគិននានា, បង្កើតបាននូវជំនឿទុកចិត្ត សម្រាប់ទេសចរ ដែលមកកាន់កម្ពុជា។សម្តេចតេជោ ហ៊ុន សែន បានបញ្ជាក់ថា កម្ពុជាត្រូវមានការខិតខំរួមគ្នា ដើម្បីឱ្យវិស័យសុខាភិបាលរបស់កម្ពុជាសម្រាប់បំពេញតម្រូវការរបស់ប្រជាពលរដ្ឋក្នុងប្រទេសផង និងបរទេសដែលមកកាន់កម្ពុជាផងដែរ។សម្ដេចតេជោ ហ៊ុន សែន សំណូមពរចំពោះក្រុមគ្រូពេទ្យ និងនិស្សិតដែលកំពុងធ្វើកម្មសិក្សា និងកំពុងរៀន ត្រូវចាំថា ធ្វើគ្រូពេទ្យ គឺដើម្បីសង្គ្រោះជីវិតមនុស្ស។ សម្ដេចតេជោ សង្ឃឹមថា គ្រូពេទ្យដាក់ចិត្តដាក់កាយ ហើយត្រៀមខ្លួនបម្រើប្រជាជន សង្គ្រោះជីវិតប្រជាជន។សម្ដេចតេជោ មានប្រសាសន៍ថា បច្ចេកទេសបើកគ្មានការគ្រប់គ្រងដោយក្រមសីលធម៌មួយទេ បច្ចេកទេសនឹងនាំទៅដល់គ្រោះថ្នាក់ ឧទាហរណ៍ដូចជាពួកអ្នកធ្វើភេរវកម្ម ដែលសុទ្ធតែជាអ្នកមានបច្ចេកទេសខ្ពស់ក្នុងការអនុវត្តការងាររបស់ពួកគេ។សម្ដេចតេជោ ហ៊ុន សែន បានវាយតម្លៃខ្ពស់ចំពោះសមត្ថភាពគ្រូពេទ្យនៅមន្ទីរពេទ្យ កាល់ម៉ែត ដែលមានសមត្ថភាពក្នុងការប្រើប្រាស់បច្ចេកវិទ្យាទំនើបនៅក្នុងវិស័យសុខាភិបាល។សម្ដេចតេជោ បានបន្តជំរុញឱ្យក្រុមគ្រូពេទ្យខិតខំអភិវឌ្ឍន៍ និងពង្រឹងសមត្ថភាពរបស់ខ្លួនបន្ថែមទៀត លើការប្រើប្រាស់បច្ចេកវិទ្យាទំនើបសម្រាប់វិស័យសុខាភិបាលនេះ ដើម្បីឈានទៅព្យាបាល និងសង្គ្រោះប្រជាជនប្រកបដោយប្រសិទ្ធភាពខ្ពស់។សម្ដេចតេជោ ហ៊ុន សែន ប្រាប់ឱ្យគ្រប់ស្ថាប័នត្រៀមខ្លួនក្នុងការកសាងសមិទ្ធផលនានាដោយខ្លួនឯង កុំចាំតែជំនួយបរទេស ឬកម្ចីពីប្រទេសដទៃ។សម្ដេចតេជោ បញ្ជាក់ថា «យើងក្រ ប៉ុន្ដែកុំក្រទាំងចិត្ត»។ សម្ដេចតេជោ បញ្ជាក់ថា វិស័យឯកជននៅក្នុងប្រទេសកម្ពុជា ក៏បានចូលរួមចំណែកជាច្រើនក្នុងការជួយដល់រាជរដ្ឋាភិបាល និងប្រជាជនទាំងវិស័យសុខាភិបាល ការងារ និងវិស័យជាច្រើនទៀត។សម្ដេចតេជោ ហ៊ុន សែន កោតសរសើចំពោះផលិតផលកែវភ្នែកសិប្បនិម្មិតរបស់មិត្តជប៉ុន ដែលបានជូនសម្ដេចប្រើប្រាស់អស់ពេលជាង ៣០ ឆ្នាំកន្លងមកនេះ គឺមិនដែលមានបញ្ហាណាមួយកើតឡើងចំពោះសុខភាពសម្ដេចឡើយ។ សម្ដេចតេជោចង់ឱ្យមិត្តជប៉ុន ក្នុងការជួយបង្កើតទីតាំងផលិតកែវភ្នែកសិប្បនិម្មិតបែបនេះនៅកម្ពុជា។

បណ្ដាញសង្គម

ព័ត៌មានថ្មីៗ

សម្តេចព្រះមហាសង្ឃរាជ បួរ គ្រី ព្រះរាជប្រទានព្រះរាជអំណោយសម្រាប់ឱកាសពិធីបុណ្យកាន់បិណ្ឌ
10/03/2026 07:10 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមក្នុងពិធីចម្រើនព្រះបរិត្ត និងដាក់បិណ្ឌវេនទី៨ នៅពុទ្ធមណ្ឌលវិបស្សនាធុរៈ
10/03/2026 06:10 PM
Facebook Telegram Linkin
គណបក្ស CJP ប្រកាសធ្វើបាតុកម្មនៅថ្ងៃទី១០ ខែតុលា ប្រឆាំងនឹងប្រធានស្ថាប័នរៀបចំការបោះឆ្នោត
10/03/2026 05:10 PM
Facebook Telegram Linkin
មនុស្សយ៉ាងតិច ៥នាក់ស្លាប់ និង ១០នាក់រងរបួស ក្នុងហេតុការណ៍ផ្ទុះឡចំហាយទឹក នៅភាគខាងត្បូងឥណ្ឌា
10/03/2026 05:10 PM
Facebook Telegram Linkin
រុស្ស៊ីវាយប្រហារលើស្ពានសំខាន់មួយទៀត ក្នុងរដ្ឋធានីរបស់អ៊ុយក្រែន
10/03/2026 05:10 PM
Facebook Telegram Linkin
មនុស្សយ៉ាង​តិច​ ១១នាក់ បាន​រងរបួស​ ក្រោយ​បារបាក់​រលំ​ នៅអេស្ប៉ាញ
10/03/2026 05:10 PM
Facebook Telegram Linkin
សម្តេចបវរធិបតី និងលោកជំទាវបណ្ឌិត បានឧបត្ថម្ភអង្ករប្រចាំត្រីមាស ជូនដល់សាកលវិទ្យាល័យឌីជីថលកម្ពុជា សម្រាប់ផ្គត់ផ្គង់ការហូបចុកជូនដល់សិស្សនិស្សិតក្រីក្រ
10/03/2026 05:10 PM
Facebook Telegram Linkin
អាវុធហត្ថរាជធានី បង្ហាញប្លង់ទីតាំងមូលដ្ឋានអាវុធហត្ថទាំង១៤ខណ្ឌ ងាយស្វែករកសម្រាប់ការទៅស្នើសុំពាក្យចូលបំពេញកាតព្វកិច្ចយោធា
10/03/2026 04:10 PM
Facebook Telegram Linkin
អារ៉ាប់រួម​៖ អ្នកបើកបរ​ជំនួយរបស់ Flydubai បានវាយប្រហារអ្នកបើកយន្តហោះដោយពូថៅ និងប៉ុនប៉ងវាយប្រហារ «ភេរវកម្ម»
10/03/2026 04:10 PM
Facebook Telegram Linkin
សិស្សវិទ្យាល័យ នៅតំបន់ជាយក្រុងប៉ារីសដែលខ្វះ​ធនធាន​ បង្កឱ្យមានចលនាតវ៉ាទូទាំងប្រទេស
10/03/2026 04:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.