នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

សម្ដេចតេជោ៖ ទំនាក់ទំនងរវាងកម្ពុជា និងប្រទេសផ្សេងៗប្រកាន់ភ្ជាប់លើចំណុចសំខាន់ចំនួន៣

2023/05/01 06:33:31 pm        155
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា មានប្រសាសន៍ថា សម្រាប់ការធ្វើទំនាក់ទំនងជាមួយបណ្ដាប្រទេសនានានៅលើភិភពលោក បើប្រទេសទាំងនោះចង់ឱ្យកម្ពុជាគាំទ្រគឺត្រូវប្រកាន់ភ្ជាប់នូវចំណុចសំខាន់ចំនួន៣ទាក់ទងនឹងការរក្សាសន្ដិភាព និងការអភិវឌ្ឍជាគោល។សម្តេចតេជោ ហ៊ុន សែន នាយករដ្ឋមន្រ្តី បានមានប្រសាសន៍បែបនេះក្នុងឱកាស អញ្ជើញជាអធិបតីអបអរសាទរខួបអនុស្សាវរីយ៍លើកទី១៣៧នៃទិវាពលកម្អន្តរជាតិ១ឧសភា, ពិធីបើកការដ្ឋានសាងសង់ចំណតផែកុងតឺន័រនៅខេត្តព្រះសីហនុ និងពិធីអបអរសាទរ​ខួបអនុស្សាវរីយ៍​លើកទី៧០ នៃទំនាក់ទំនងការទូតរវាងកម្ពុជា និងជប៉ុន នៅចំណតកំពង់ផែស្វយ័ត​ក្រុងព្រះសីហនុនាថ្ងៃទី១ ខែឧសភា ឆ្នាំ២០២៣នេះ។ សម្ដេចតេជោ បានបញ្ជាក់ថា ក្នុងនាមកម្ពុជាជាប្រទេសសមាជិកអាស៊ានមិនមែនចេះតែគាំទ្រប្រទេសផ្សេងៗនោះទេ គឺត្រូវការប្រទេសទាំងនោះបែរមកគាំទ្រប្រទេសអាស៊ានទៅវិញផងដែរ ស្របតាមនយោបាយការ​បរទេសកម្ពុជា គឺនយោបាយការបរទេសឯករាជ្យផ្អែកលើច្បាប់។សម្ដេចតេជោ បានបញ្ជាក់ថា រាល់គំនិតផ្គួចផ្ដើមទាំងអស់ត្រូវធានាចំណុចសំខាន់ទាំង៣យ៉ាងនេះ បើមិនអាចធានានូវចំណុចសំខាន់ទាំង៣យ៉ាងនេះទេ កម្ពុជានឹងមិនចូលរួម និងគាំទ្រជាមួយប្រទេស​ទាំង​នោះឡើយ។សូមបញ្ជាក់ថា ក្នុងនាមប្រទេសសមាជិកអាស៊ាន សម្ដេចបានស្វាគមន៍រាល់គំនិត​ផ្តួចផ្តើម​ពីដៃគូខាងក្រៅ ដែលមានគោលបំណងរួមចំណែកដល់សន្តិភាព ស្ថិរភាព និងវិបុលភាពក្នុងតំបន់។ ជាងនេះទៅទៀត គំនិតផ្តួចផ្តើមទាំងនោះ ត្រូវតែស្របតាមធម្មនុញ្ញអាស៊ាន ​សន្ធិសញ្ញាមិត្តភាព និងកិច្ចសហប្រតិបត្តិការនៅអាស៊ីអាគ្នេយ៍ និងទស្សនវិស័យអាស៊ានស្តីពីឥណ្ឌូ-ប៉ាស៊ីហ្វិក ហើយមិនត្រូវប្រើប្រឆាំងនឹងភាគីផ្សេងទៀត ឬប្រើជាឧបករណ៍សម្រាប់ការប្រកួតប្រជែងរវាងប្រទេសមហាអំណាចនោះទេ៕អត្ថបទ៖ វ៉ន ដារ៉ា

សម្ដេចតេជោ៖ «ការគោរពសិទ្ធិកម្មករមិនមែនធ្វើតែ១ថ្ងៃ១ឧសភានោះទេ គឺត្រូវធ្វើរាល់ថ្ងៃ»

2023/05/01 06:03:04 pm        179
Facebook Telegram Linkin
ព្រះសីហនុ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា មានប្រសាសន៍ថា ការគោរពសិទ្ធិកម្មករមិនមែនមានតែមួយថ្ងៃ នៅថ្ងៃទី១ខែឧសភា នោះទេ ប៉ុន្ដែគឺត្រូវគោរពសិទ្ធិរបស់កម្មកររាល់ថ្ងៃពីម្ចាស់រោងចក្រសហគ្រាសនានា ពីព្រោះកម្មករ គឺជាអ្នកជួយរកចំណូលដល់ម្ចាស់រោងចក្រទាំងអស់។សម្តេចតេជោ ហ៊ុន សែន នាយករដ្ឋមន្រ្តី បានមានប្រសាសន៍បែបនេះក្នុងឱកាស អញ្ជើញជា​អធិបតីអបអរសាទរខួបអនុស្សាវរីយ៍លើកទី១៣៧ នៃទិវាពលកម្អន្តរជាតិ១ឧសភា, ពិធីបើកការដ្ឋានសាងសង់ចំណតផែកុងតឺន័រនៅខេត្តព្រះសីហនុ និងពិធីអបអរសាទរខួប​អនុស្សាវរីយ៍លើកទី៧០ នៃទំនាក់ទំនងការទូតរវាងកម្ពុជា និងជប៉ុន នៅចំណតកំពង់ផែស្វយ័ត ក្រុងព្រះសីហនុនាថ្ងៃទី១ ខែឧសភា ឆ្នាំ២០២៣នេះ។ សម្ដេចតេជោ បានមានប្រសាសន៍ថា ជារៀងរាល់ឆ្នាំនៅថ្ងៃទី១ ខែឧសភា សម្ដេចតែងតែ​អញ្ជើញជាអធិបតីអបអរសាទរខួបអនុស្សាវរីយ៍លើកទី១៣៧ នៃទិវាពលកម្អន្តរជាតិ១ឧសភា នៅទីតាំងកំពង់ផែស្វយ័តក្រុងព្រះសីហនុនេះ ដើម្បីសំណេះសំណាលតំណាងឱ្យកម្មការ កម្មការិនីនៅទូទាំងប្រទេសកម្ពុជា ពីព្រោះសម្ដេចមិនអាចអញ្ជើញទៅគ្រប់រោងចក្ររាប់ពាន់ រោងចក្រនៅទូទាំងប្រទេសក្នុងថ្ងៃនេះបានទេ។តាមរយៈសាលិខិតរបស់សម្ដេចតេជោ ដើម្បីអបអរខួបអនុស្សាវរីយ៍លើកទី១៣៧ នៃទិវាពលកម្ម​អន្តរជាតិ ថ្ងៃទី១ ខែឧសភា ឆ្នាំ២០២៣ បានបញ្ជាក់ថា រាជរដ្ឋាភិបាលបាននិងកំពុង​បន្តយកចិត្តទុក​ដាក់ខ្ពស់ក្នុងការអភិវឌ្ឍទីផ្សារការងារដែលមានប្រាក់ចំណូលខ្ពស់។ បន្តពង្រឹងប្រសិទ្ធភាពនៃយន្តការសម្របសម្រួលទីផ្សារការងារ តាមរយៈការពង្រីកវិសាលភាព នៃការផ្តល់សេវាការងារ និងព័ត៌មានទីផ្សារការងាររបស់ទីភ្នាក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ ដោយបានបង្កើនមជ្ឈមណ្ឌលការងារ និង​មជ្ឈមណ្ឌលការងារចល័តបានដាក់ឱ្យអនុវត្តផ្ទាល់ឌីជីថលសេវាការងារ ព្រមទាំងរៀបចំ វេទិកាការងារ ថ្នាក់ជាតិ និងនៅតាមមូលដ្ឋាន ដោយបានផ្ដល់ សេវាជួយស្វែងរកការងារ និងប្រឹក្សាការងារ។ ខណៈអត្រាមានការងារធ្វើនៅកម្ពុជាបច្ចុប្បន្នមានចំនួន ៩៩,៣%៕អត្ថបទ៖ វ៉ន ដារ៉ា

សម្តេចតេជោ អំពាវនាវដល់ពលរដ្ឋ និងកម្មករខ្លះដែលស៊ីស្នួលធ្វើបាតុកម្ម ឲ្យបញ្ឈប់សកម្មភាពជាបន្ទាន់

2023/05/01 05:45:00 pm        247
Facebook Telegram Linkin
ព្រះសីហនុ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានធ្វើការអំពាវនាវដល់បងប្អូន​ប្រជាពលរដ្ឋ និងបងប្អូន កម្មករខ្លះបញ្ឈប់សកម្មភាពស៊ីស្នួលធ្វើបាតុកម្មជាបន្ទាន់ ខណៈការធ្វើបែបនេះគឺមិនល្អនោះទេ ហើយក៏មិនមែនជាការបញ្ជាក់ថា ការគោរពសិទ្ធិមនុស្ស និងសិទ្ធិកម្មករនោះដែរ។ក្នុងឱកាសអញ្ជើញជាអធិបតីក្នុងពិធីអបអរសាទរខួបលើកទី១៣៧ នៃទិវាពលកម្មអន្តរជាតិ ០១ ឧសភា,បើកការដ្ឋានសាងសង់ចំណតផែកុងតឺន័រខេត្តព្រះសីហនុ និងខួបលើកទី៧០ នៃទំនាក់ទំនងការទូតកម្ពុជា-ជប៉ុន (១៩៥៣-២០២៣) នៅខេត្តព្រះសីហនុ ថ្ងៃទី០១ ខែឧសភា ឆ្នាំ២០២៣នេះសម្តេចតេជោ ហ៊ុន សែន បានលើកឡើងជាសំនួរថា ហេតុអ្វីបានបងប្អូនមានលុយ​ធ្វើបាតុកម្មអូសបន្លាយបានយូរ ខណៈខ្លួនជាកម្មករនោះ។ជាមួយគ្នានោះដែរ សម្តេចតេជោ ហ៊ុន សែន ក៏បានអំពាវនាវដល់មិត្តភក្តិបរទេស​មួយចំនួនដែល​បានផ្តល់លុយសម្រាប់ឲ្យពលរដ្ឋខ្មែរ និងកម្មករមួយចំនួនធ្វើបាតុកម្មប្រឆាំងរដ្ឋាភិបាល​នោះ​គប្បីត្រូវដកខ្លួនចេញ សូមកុំធ្វើអន្តរជាតិតូបនីយកម្មលើបញ្ហាបាតុកម្មនៅក្នុងប្រទេសកម្ពុជា។សម្តេចតេជោ ហ៊ុន សែន នាយករដ្ឋមន្រ្តី ក៏បានលើកឡើងផងដែរថា សហជីពមួយចំនួន​ដែល​ធ្វើសកម្មភាពនៅលើទឹកដីកម្ពុជា គឺបានយកលុយបរទេស ប៉ុន្តែទោះជាយ៉ាងណាក៏ដោយ​សម្តេច​ក៏បានផ្តាំ ដល់សហជីពទាំងនោះកុំធ្វើឲ្យហួសហេតុពេក ខណៈទិវាសិទ្ធិពលកម្មអន្តរជាតិនេះ​ក៏កុំឲ្យមានតែមួយថ្ងៃ គឺថ្ងៃទី១ ខែឧសភានេះ សូមឲ្យមានទិវាបែបនេះ និងការគោរពសិទ្ធិកម្មករ​ចំនួន៣៦៥ថ្ងៃទើបវាត្រឹមត្រូវ៕អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ក្នុងឱកាសអញ្ជើញអបអរសាទរទិវាពលកម្មអន្តរជាតិ១ឧសភា ,ពិធីបើកការដ្ឋានសាងសង់ចំណតផែកុងតឺន័រ និងខួបអនុស្សាវរីយ៍លើកទី៧០ នៃទំនាក់ទំនងការទូតរវាងកម្ពុជា និងជប៉ុន

2023/05/01 04:24:11 pm        264
Facebook Telegram Linkin
ព្រះសីហនុ៖ប្រសាសន៍សំខាន់ៗរបស់សម្តេចតេជោ ហ៊ុន សែន នាយករដ្ឋមន្រ្តី ក្នុងឱកាសអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធី អបអរសាទរខួបអនុស្សាវរីយ៍លើកទី១៣៧ នៃទិវាពលកម្អន្តរជាតិ១ឧសភា ,ពិធីបើកការដ្ឋានសាងសង់ចំណតផែកុងតឺន័រ នៅខេត្តព្រះសីហនុ និងពិធីអបអរសាទរខួបអនុស្សាវរីយ៍លើកទី៧០ នៃទំនាក់ទំនងការទូតរវាងកម្ពុជា និងជប៉ុន ដែលប្រារព្ធធ្វើឡើងនៅចំណតកំពង់ផែក្រុងព្រះសីហនុ។ សម្ដេចតេជោ ហ៊ុន សែន បានរម្លឹកថា កាលពីជាង ៣ឆ្នាំមុន កំពង់ផែក្រុងព្រះសីហនុ បានធ្វើកិច្ចការដ៏សំខាន់មួយនោះ គឺការសង្គ្រោះនាវាទេសចរណ៍ Westerdam ដែលមានមនុស្សរាប់ពាន់នាក់ជាប់គាំងក្នុងដោយសារការភ័យខ្លាចជំងឺកូវីដ-១៩ ហើយប្រទេសជាច្រើនបានបដិសេធការចូលសុំចត។សម្តេចតេជោ បានបញ្ជាក់ថា ការសង្គ្រោះនាវាទេសចរណ៍ Westerdam គឺជាកាយវិកាសប្បុរសធម៌មួយរបស់កម្ពុជា ហើយនៅខែធ្នូ ឆ្នាំ២០២៣នេះ នាវានេះនឹងមកកម្ពុជាម្ដងទៀត ដើម្បីរម្លឹកដល់ទឹកចិត្តសប្បុរសធម៌របស់កម្ពុជា និងកសាងនិមិត្តរូបរួមគ្នា។សម្ដេចតេជោ ហ៊ុន សែន បានបញ្ជាក់ថា ការគោរពសិទ្ធិកម្មករ មិនមែនមានតែមួយថ្ងៃ គឺនៅថ្ងៃទី១ ខែឧសភានោះទេ ប៉ុន្ដែគឺជាការគោរពសិទ្ធិរបស់កម្មកររាល់ថ្ងៃ រវាងម្ចាស់រោងចក្រ និងកម្មករ។សម្ដេចតេជោ បញ្ជាក់ថា ចំពោះបុគ្គលមួយក្រុម ដែលនាំគ្នាធ្វើបាតុកម្មរាប់ឆ្នាំ មិនមែនរាជរដ្ឋាភិបាលមិនដឹងថា ក្រុមនេះបើកលុយនៅទីណា? កន្លែងណា? ដើម្បីស៊ីឈ្នួលធ្វើបាតុកម្មនោះទេ។សម្តេចតេជោ ហ៊ុន សែន បានផ្ដាំផ្ញើដល់ក្រុមបរទេសដែលផ្ដល់លុយឱ្យ ក្រុមធ្វើបាតុកម្មនោះ សូមដកខ្លួនចេញ និងកុំយកបាតុកម្មមកធ្វើជាឈ្នាន់នយោបាយឱ្យសោះ។ សម្តេចបញ្ជាក់ថា ក្រុមរបស់សម្តេចក៏នៅក្នុងនឹងដែរ រឿងអ្វីៗក៏សម្តេចបានដឹង និងជ្រាបផងដែរ។សម្ដេចតេជោ ហ៊ុន សែន បានរម្លឹកថា ដើម្បីការពារកំពង់ផែស្វយ័តក្រុងព្រះសីហនុទៅជារបស់ឯកជន សម្ដេចបានខិតខំខ្លាំងណាស់ ក្នុងការការពារ ។សម្តេចបន្តថា បើសិនជាកំពង់ផែនេះ ធ្លាក់ក្នុងដៃឯកជន នឹងមិនទទួលបានជំនួយពីប្រទេសជប៉ុន ដើម្បីធ្វើការអភិវឌ្ឍដូចសព្វថ្ងៃនេះនោះទេ។សម្តេចតេជោ បានបញ្ជាក់ថា សម្ដេច គឺជាគ្រូពេទ្យវះកាត់ ក្នុងការរីកលូតលាស់នៃកំពង់ផែនេះ រហូតដល់មានការរីកចម្រើនដូចពេលបច្ចុប្បន្ននេះ។សម្ដេចតេជោ ហ៊ុន សែន បានបញ្ជាក់ថា សម្ដេចបានធ្វើការងារជាមួយមិត្តជប៉ុនរយៈពេល៣៣ឆ្នាំហើយ ជប៉ុនបានចូលរួមចំណែកក្នុងការស្វែងរកសន្ដិភាពនៅកម្ពុជា បន្ទាប់មកជប៉ុនបានដើរតួនាទីសំខាន់ក្នុងការនាំមុខលើការអភិវឌ្ឍកម្ពុជា ជាពិសេសលើការផ្ដល់ជំនួយឥតសំណង។សម្ដេចតេជោ ប្រកាសថ្លែងអំណរគុណដល់ប្រទេសជប៉ុន ដែលមានវិធីដោះបំណុលយ៉ាងល្អដល់កម្ពុជា ដែលប្រទេសផ្សេងៗអាចយកធ្វើជាគំរូ ខណៈដែលកម្ពុជាជំពាក់បំណុលជប៉ុន ដោយជប៉ុនបង្វែជាការផ្ដល់ជំនួយផ្សេងៗដល់កម្ពុជាជាការដោះដូររួចបំណុលពីជប៉ុន។សម្ដេចតេជោ ហ៊ុន សែន បានលើកឡើងថា រាល់កិច្ចប្រជុំជាមួយថ្នាក់ដឹកនាំប្រទេសជប៉ុន សម្ដេចតែងតែអំពាវនាវចំពោះការអភិវឌ្ឍកំពង់ផែទឹកជ្រៅនៅក្នុងកំពង់ផែស្វយ័តក្នុងព្រះសីហនុនេះ។សម្តេចតេជោ បានប្រកាសថា កម្ពុជា-ជប៉ុន បានការយកចិត្តទុកដាក់លើផ្នែកភស្តុភារកម្ម និងពន្លឿន ដោយធ្វើយ៉ាងណាឱ្យទឹកនៅកំពង់ផែនេះរឹតតែជ្រៅ ដើម្បីអាចឱ្យនាវាធំៗចូលចតនៅកំពង់ផែនេះបាន ដើម្បីកាត់បន្ថយតម្លៃ នៃការដឹកជញ្ជូន។សម្ដេចតេជោ ហ៊ុន សែន បានបញ្ជាក់ថា ការពង្រីកកំពង់ផែស្វយ័តក្រុងព្រះសីហនុ ទៅជាកំពង់ផែទឹកជ្រៅ នឹងធ្វើឱ្យចំនួននាវាធំៗចូលចតមានការកើនឡើងច្រើនជាងមុន ហើយធ្វើឱ្យតម្លៃនៃការចូលចតរបស់នាវានឹងមានតម្លៃថោកជាងមុនផងដែរ។សម្ដេចតេជោ ហ៊ុន សែន បានបញ្ជាក់ទៅបុគ្គលមួយចំនួនដែលបានលើកឡើងពីការផ្ដល់ជំនួយរបស់ជប៉ុនដល់កម្ពុជាថា មានអំពើពុករលួយ គឺសូមអញ្ជើញទៅសួរជប៉ុនដោយខ្លួនឯងទៅចុះ។ សម្ដេចបញ្ជាក់ថា «ជប៉ុនមិនមែនល្ងង់ចេះតែផ្ដល់លុយឱ្យគេផ្ដេសផ្ដាសនោះទេ..[]ជប៉ុនដេញថ្លៃនៅតូក្បូ ដោយកម្ពុជាចាំតែសម្ពោធ និងប្រគល់-ទទួលប៉ុណ្ណោះ»។សម្តេចតេជោ ហ៊ុន សែន បានបញ្ជាក់ថា ដើម្បីក្លាយជាដៃយុត្តិសាស្ត្រជាមួយបរទេសទាំងឡាយត្រូវគោពគោលការណ៍ចំនួន៣ ដោយទី១-គោលគៅសន្តិភាព និងការអភិវឌ្ឍ ទី២-មិនធ្វើឡើងដើម្បីប្រឆាំងប្រទេសដទៃ ឬក្រុមណាទេ និងទី៣- ត្រូវគោរពមជ្ឈភាពអាស៊ាន និងឥណ្ឌូប៉ាស៊ីហ្វិក ។សម្ដេចតេជោ ហ៊ុន សែន បានបញ្ជាក់ថា ទំនាក់ទំនងពាណិជ្ជកម្ម កម្ពុជា-ជប៉ុន កំពុងមានការរីកចម្រើន ដោយសម្ដេចស្នើឱ្យមានការបន្តពង្រីកបន្ថែមទៀត លើទំនាក់ទំនងពាណិជ្ជកម្មប្រទេសទាំងពីរ។សម្ដេចតេជោ បានបញ្ជាក់ថា កាលពីមុនកម្ពុជា ជាប្រទេសរង់ចាំជំនួយពីប្រទេសជប៉ុន ប៉ុន្ដែឥឡូវទំហំពាណិជ្ជកម្មរវាងប្រទេសទាំងពីរបានកើនឡើងដល់ ១.៩៤៨លានដុល្លារអាមេរិក ក្នុងនោះកម្ពុជានាំទំនិញទៅជប៉ុនចំនួន ១.១៧៣លានដុល្លារអាមេរិក ហើយជប៉ុននាំចូលមកកម្ពុជាវិញចំនួន ៧៧៤លានដុល្លារអាមេរិក។សម្ដេចតេជោ ហ៊ុន សែន បានថ្លែងអំណរគុណដល់មិត្តជប៉ុន ដែលបានផ្ដល់កែវភ្នែកដល់សម្ដេច។ សម្ដេច បានកោតសរសើរចំពោះកែវភ្នែកជប៉ុន គឺមានគុណភាពល្អ ពីព្រោះសម្ដេចបានប្រើប្រាស់រយៈពេល ៣៣ ឆ្នាំមិនដែលធ្វើឱ្យមានបញ្ហាសុខភាព ឬឈឺក្បាលអ្វីឡើយ។សម្តេចតេជោ ហ៊ុន សែន បានប្រកាសដល់គ្រប់ទូរទស្សន៍ទាំងអស់ត្រូវផ្សាយពីព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ជាពិសេសការប្រគួតកីឡានានា។សម្ដេចតេជោ បានដាក់បទបញ្ជាក់ដល់ទូរទស្សន៍ជាតិ និងអំពាវនាវដល់ទូរទស្សន៍ឯកជននានា ចូលរួមចាក់ផ្សាយឱ្យបានទូលំទូលាយអំពីការប្រកួតផ្សេងៗ នៃព្រឹត្តិការណ៍ស៊ីហ្គេមលើកទី៣២ (32nd SEA Games) និងអាស៊ានប៉ារ៉ាហ្គេមលើកទី១២ (12th ASEAN Para Games) ដែលកម្ពុជាធ្វើជាម្ចាស់ផ្ទះក្នុងឆ្នាំ២០២៣នេះ។សម្ដេចតេជោ ហ៊ុន សែន បានបញ្ជាក់ទៅកាន់ក្រុមជនមួយចំនួនដែលកំពុងញុះញង់បំបែបបាក់នៅក្នុងប្រទេសកម្ពុជា ដោយយកព្រះមហាក្សត្រទៅភ្ជាប់នឹងព្រឹត្តិការណ៍ស៊ីហ្គេមថា «បើសិនជាមិនចេះ មិនយល់ពីកិច្ចការងារទេ កុំធ្វើសកម្មភាពញុះញង់ និងបំបែកបំបាក់កម្ពុជា»។

សម្ដេចតេជោ ហ៊ុន សែន អញ្ជើញអបអរសាទរទិវាពលកម្មអន្តរជាតិ១ឧសភា ,ពិធីបើកការដ្ឋានសាងសង់ចំណតផែកុងតឺន័រ និងខួបអនុស្សាវរីយ៍លើកទី៧០ នៃទំនាក់ទំនងការទូតរវាងកម្ពុជា និងជប៉ុន

2023/05/01 02:32:56 pm        456
Facebook Telegram Linkin
ព្រះសីហនុ៖ សម្តេចតេជោ ហ៊ុន សែន នាយករដ្ឋមន្រ្តី បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធី អបអរសាទរខួបអនុស្សាវរីយ៍លើកទី១៣៧ នៃទិវាពលកម្អន្តរជាតិ១ឧសភា ,ពិធីបើកការដ្ឋានសាងសង់ចំណតផែកុងតឺន័រ នៅខេត្តព្រះសីហនុនិងពិធីអបអរសាទរខួបអនុស្សាវរីយ៍លើកទី៧០ នៃទំនាក់ទំនងការទូតរវាងកម្ពុជា និងជប៉ុន ដែលប្រារព្ធធ្វើឡើងនៅចំណតកំពង់ផែក្រុងព្រះសីហនុ។ ថ្ងៃទី១ឧសភា គឺជាថ្ងៃនៃទិវាពលកម្មអន្តរជាតិ ដែលជាទិវាប្រវត្តិសាស្រ្តរបស់ពិភពលោក ហើយរាជរដ្ឋាភិបាលកម្ពុជាក៏បានកំណត់ និងប្រារព្ធទិវាពលកម្មអន្តរជាតិនេះជារៀងរាល់ឆ្នាំផងដែរ ចាប់តាំងពីកម្ពុជាបានរស់រានឡើងវិញពីរបបប្រល័យពូជសាសន៍ក្រោយថ្ងៃរំដោះ ៧-មករា-១៩៧៩។ ជាមួយគ្នានោះ រាជរដ្ឋាភិបាលតែងតែគិតគូរក្នុងការបន្តលើកកម្ពស់ការការពារសិទ្ធិ សេរីភាពអង្គការវិជ្ជាជីវៈ ថែរក្សាសុខដុមនីយកម្ម ទំនាក់ទំនងវិជ្ជាជីវៈ ផ្ដល់អត្ថប្រយោជន៍នានា និងកិច្ចគាំពារសង្គម ជូនបងប្អូនកម្មករនិយោជិត ស្របតាមគោលនយោបាយ ច្បាប់ស្ដីពីការងារ និងអនុសញ្ញាអន្តរជាតិខាងការងារ។ ទាំងអស់នេះ សបញ្ជាក់ឱ្យឃើញអំពីការយកចិត្តទុកដាក់ខ្ពស់របស់រាជរដ្ឋាភិបាល ចំពោះកម្មករ និយោជិត និងអង្គការសហជីពទាំងអស់ដែលមានវត្តមាននៅកម្ពុជា។ពិធីប្រកាសបើកការដ្ឋានសាងសង់ចំណតផែកុងតឺន័រថ្មី គឺជាការអភិវឌ្ឍបន្ថែមទៀត ដើម្បីពង្រីកសមត្ថភាពរបស់កំពង់ផែស្វយ័តក្រុងព្រះសីហនុ និងឆ្លើយតប ទៅនឹងការកើនឡើងនៃបរិមាណកុងតឺន័រឆ្លងកាត់កំពង់ផែនាពេលបច្ចុប្បន្ន និងពេលអនាគត ដែលរួមមានចំណតផែច្រាំងទំនិញទូទៅ៖ មានប្រវែង ២៥៣ម៉ែត្រ នឹងត្រូវសាងសង់កែសម្រួលជាចំណតផែថ្មី ដោយនឹងបំពាក់មធ្យោបាយលើកដាក់កុងតឺន័រទំនើបរួមមាន គ្រឿងចក្រលើកដាក់កុងតឺន័រនៅគែមផែ ប្រភេទQC (០២គ្រឿង) និងគ្រឿងចក្រលើកដាក់កុងតឺន័រនៅទីលាន ប្រភេទRTG (០៦គ្រឿង) ដែលនឹងជួយបង្កើនសមត្ថភាពចំណតផែកុងតឺន័របន្ថែមប្រមាណ ៣៥% (២៥០.០០០TEUs/១ឆ្នាំ)។ គម្រោងនេះនឹងប្រើប្រាស់រយៈពេលសាងសង់ចំនួន ១៨ខែ ហើយគ្រោងនឹងបញ្ចប់នៅខែកញ្ញា ឆ្នាំ២០២៤។ -ចំណតផែកុងតឺន័រថ្មី-ជំហានទី១៖ មានប្រវែង ៣៥០ម៉ែត្រ ជម្រៅទឹក ១៤,៥ម៉ែត្រ មានសមត្ថភាពអាចអនុញ្ញាតឱ្យនាវាកុងតឺន័រមានទម្ងន់ផ្ទុក ៦០.០០០DWT(ឬស្មើនឹង៤.០០០TEUs) ដែលមានផ្លូវដឹកជញ្ជូននៅក្នុងតំបន់អាស៊ីប៉ាស៊ីហ្វិក ទៅ-មកកំពង់ផែស្វយ័តក្រុងព្រះសីហនុ ហើយនឹងបង្កើនសមត្ថភាពកំពង់ផែបន្ថែមប្រមាណ ៤៥០.០០០TEUs/១ឆ្នាំ។ គម្រោងនេះនឹងប្រើប្រាស់រយៈពេលសាងសង់ចំនួន ៣៦ខែ ហើយគ្រោងនឹងបញ្ចប់នៅឆ្នាំ២០២៦។ -ចំណតផែកុងតឺន័រទឹកជ្រៅថ្មី-ជំហានទី២៖ មានប្រវែង ៤០០ម៉ែត្រ ជម្រៅទឹក ១៦,៥ម៉ែត្រ មានសមត្ថភាពអាចអនុញ្ញាតឱ្យនាវាកុងតឺន័រមានទម្ងន់ផ្ទុក ១២០.០០០DWT (ឬស្មើនឹង១០.០០០TEUs) ដែលមានផ្លូវដឹកជញ្ជូននៅក្នុងតំបន់សមុទ្រឥណ្ឌា និងប៉ាស៊ីហ្វិក ទៅ-មកកំពង់ផែស្វយ័តក្រុងព្រះសីហនុ ហើយនឹងបង្កើនសមត្ថភាពកំពង់ផែបន្ថែមប្រមាណ ៥៧០.០០០TEUs/១ឆ្នាំ។ គម្រោងនេះនឹងប្រើប្រាស់រយៈពេល សាងសង់ចំនួន ៣៦ខែ ហើយគ្រោងនឹងបញ្ចប់នៅឆ្នាំ២០២៨។-ចំណតផែកុងតឺន័រទឹកជ្រៅថ្មី-ជំហានទី៣៖ មានប្រវែង ៤៣០ម៉ែត្រ ជម្រៅទឹក ១៧,៥ម៉ែត្រ មានសមត្ថភាពអាចអនុញ្ញាតឱ្យនាវាកុងតឺន័រមានទម្ងន់ផ្ទុក ១៦០.០០០ DWT (ឬស្មើនឹង១៥.០០០TEUs) ដែលមានផ្លូវដឹកជញ្ជូនក្នុងតំបន់អឺរ៉ុប និងអាមេរិក ទៅ-មកកំពង់ផែស្វយ័តក្រុងព្រះសីហនុ ហើយនឹងបង្កើនសមត្ថភាពកំពង់ផែបន្ថែមប្រមាណ ៦១៧.០០០ TEUs/១ឆ្នាំ។ គម្រោងនេះនឹងប្រើប្រាស់រយៈពេលសាងសង់ចំនួន ៤២ខែ ហើយគ្រោងនឹងបញ្ចប់នៅឆ្នាំ២០២៩។គម្រោងកែសម្រួលចំណតផែកុងតឺន័រពីផែច្រាំងទំនិញទូទៅ និងគម្រោងសាងសង់ចំណតផែកុងតឺន័រថ្មី ជំហានទី១ នឹងត្រូវអនុវត្តការសាងសង់ដោយក្រុមហ៊ុនជប៉ុន TOA Corporation និងត្រួតពិនិត្យបច្ចេកទេសដោយសម្ព័ន្ធក្រុមហ៊ុនNippon Koei & Original Consultant Global JV។ចំពោះចំណតផែកុងតឺន័រទឹកជ្រៅថ្មី ជំហានទី២ និងជំហានទី៣ គឺកំពុងស្ថិតនៅក្នុងដំណើរការនៃនីតិវិធីលទ្ធកម្មជ្រើសរើសក្រុមហ៊ុនម៉ៅការសាងសង់ និងក្រុមហ៊ុនត្រួតពិនិត្យបច្ចេកទេស។ គម្រោងទាំងនេះនឹងប្រើប្រាស់ថវិកាសរុបប្រមាណ ៩៧៣លានដុល្លារអាមេរិក ក្នុងនោះ ឥណទានសម្បទានពីរដ្ឋាភិបាលនៃប្រទេសជប៉ុនចំនួនប្រមាណ ៧៦០លានដុល្លារអាមេរិក, ថវិកាបដិភាគរបស់រាជរដ្ឋាភិបាលកម្ពុជាសម្រាប់ពន្ធអាករផ្សេងៗចំនួនប្រមាណ ១៩២លានដុល្លារអាមេរិក, និងថវិកាផ្ទាល់របស់កំពង់ផែស្វយ័តក្រុងព្រះសីហនុចំនួនប្រមាណ ២១លានដុល្លារអាមេរិក ដោយត្រូវបានបែងចែកសម្រាប់គម្រោងសាងសង់រួមមាន៖ ចំណតផែច្រាំងទំនិញទូទៅ ចំណាយថវិកាប្រមាណ ៣២លានដុល្លារអាមេរិក, ចំណតផែកុងតឺន័រទឹកជ្រៅថ្មី-ជំហានទី១ ចំណាយថវិកាប្រមាណ ២៤៣លានដុល្លារអាមេរិក, និងចំណតផែកុងតឺន័រទឹកជ្រៅថ្មី-ជំហានទី២ និងជំហានទី៣ ចំណាយថវិកាប្រមាណ ៦៩៨លានដុល្លារអាមេរិក។ទាក់ទងទៅនឹងទំនាក់ទំនងការទូតរវាងកម្ពុជា និងជប៉ុន អបអរសាទរ “ខួបអនុស្សាវរីយ៍លើកទី៧០ នៃការបង្កើតទំនាក់ទំនងការទូតរវាងកម្ពុជា-ជប៉ុន (១៩៥៣-២០២៣)” ដែលតាមរយៈទំនាក់ទំនងការទូត និងមិត្តភាពដ៏រឹងមាំនេះ បានជំរុញ និងប្រែក្លាយចំណងការទូតរវាងប្រទេសទាំងពីរទៅជា “ភាពជាដៃគូយុទ្ធសាស្រ្តគ្រប់ជ្រុងជ្រោយ” នៅក្នុងឆ្នាំ២០២៣នេះ ដែលនឹងផ្តល់នូវផ្លែផ្កាដល់ការអភិវឌ្ឍសេដ្ឋកិច្ច-សង្គមយ៉ាងច្រើនដល់ ប្រជាជននៃប្រទេសទាំងពីរ។ការអភិវឌ្ឍរីកចម្រើនទាំងហេដ្ឋារចនាសម្ព័ន្ធរូបវ័ន្តពាសពេញផ្ទៃប្រទេស រួមទាំងការរីកចម្រើន របស់វិស័យកំពង់ផែផងដែរ គឺកើតឡើងដោយសារកម្ពុជាមានសុខសន្តិភាពពេញលេញ និងស្ថិរភាព នយោបាយដ៏ពិតប្រាកដ ក្រោមការដឹកនាំដ៏ឈ្លាសវៃ និងប៉ិនប្រសប់របស់ សម្តេចតេជោនាយករដ្ឋមន្រ្តី ដែលបានខិតខំប្រឹងប្រែង និងលះបង់អស់កម្លាំងកាយកម្លាំងចិត្ត និងបញ្ញាញាណ ក្នុងបេសកកម្ម ដើម្បីបុព្វហេតុជាតិមាតុភូមិ និងប្រជាជនកម្ពុជា៕

រុស្ស៊ី បន្ទោសអ៊ុយក្រែនពីបទបាញ់ប្រហារដោយយានដ្រូន ដែលធ្វើឲ្យឆេះកន្លែងស្តុកប្រេងនៅ Crimea

2023/04/30 04:46:00 pm        75
Facebook Telegram Linkin
រុស្ស៊ី៖អភិបាលក្រុងលើកបន្តុបដោយទីក្រុង Moscow បាននិយាយកាលពីថ្ងៃសៅរ៍ថា កាវាយប្រហារដោយយានដ្រូនមួយបានបណ្ដាលឲ្យឆេះទីតាំងស្តុកប្រេងមួយកន្លែងក្នុងទីក្រុងកំពង់ផែ Sevastopolរបស់តំបន់ Crimea ដែលបង្កឲ្យមានផ្សែងខ្មៅខ្មួលខ្មាញ់ឡើងលើអាកាស មុនពេលត្រូវបានពន្លត់។ លោក Mikhail Razvozhaev បាននិយាយតាមបណ្ដាញសង្គម Telegram ថា ក្រុមអ្នកជំនាញបានពិនិត្យមើលទីតាំងកើតហេតុ និងបានបង្ហាញយ៉ាងច្បាស់ថា មានតែយានដ្រូនតែប៉ុណ្ណោះ ដែលអាចទៅដល់កន្លែងស្តុកប្រេងឥន្ធនៈបម្រុងនេះ ដោយលោកបានបន្ថែមថា ពុំមាននរណាម្នាក់រងរបួសទេក្នុងអគ្គិភ័យនេះ។ លោកបានបន្ថែមទៀតថា យានដ្រូនមួយគ្រឿងផ្សេងទៀត ត្រូវបានបាញ់ទម្លាក់ ហើយបំណែកយានដ្រូននោះ ត្រូវបានប្រទះឃើញនៅមាត់ឆ្នេរជិតច្រកកំពង់ផែ។ ប្រទេសអ៊ុយក្រែន ពុំមានមីស៊ីលរយៈចម្ងាយឆ្ងាយដែលអាចបាញ់ដល់គោលដៅ ដូចជា កំពង់ផែ Sevastopol នេះទេ តែមានតែប្រើយានដ្រូនប៉ុណ្ណោះដែលអាចធ្វើទៅបាន។ ទីក្រុង Moscow បានចោទប្រកាន់ទីក្រុង Kyiv ពីបទបញ្ជូនរលកនៃយានដ្រូនតាមអាកាស និងតាមសមុទ្រ ដើម្បីវាយប្រហារតំបន់ Crimea ជាឧបទ្វីបដែលរុស្ស៊ី បានបញ្ចូលក្នុងឧបសម្ព័ន្ធកាលពីឆ្នាំ ២០១៤៕

ការវាយប្រយុទ្ធគ្នាកាន់តែខ្លាំងនៅទីក្រុងកាទូម តែប្រេសិតUNមើលឃើញថាភាគីទាំងពីរបើកចំហកាន់តែច្រើនសម្រាប់ការចរចា

2023/04/30 04:39:21 pm        399
Facebook Telegram Linkin
 ស៊ូដង់៖ ការវាយប្រហារតាមអាកាស និងកាំភ្លើងធំបានធ្វើឲ្យកក្រើកទីក្រុង Khartoum កាលពីថ្ងៃសៅរ៍ ខណៈ ប្រទេសស៊ូដង់ បានឈានចូលដល់សប្តាហ៍ទី៣នៃការប្រយុទ្ធគ្នារវាងកងកម្លាំងយោធា ដែលជាគូប្រជែង ទោះបីជាមានបទឈប់បាញ់ក៏ដោយ ដោយបានជំរុញឲ្យជនស៊ីវិលកាន់តែច្រើនភៀសខ្លួន និងការព្រមានជាថ្មីអំពីអស្ថិរភាពកាន់តែធ្ងន់ធ្ងរ ប្រសិនបើសង្រ្គាមមិនត្រូវបានបញ្ឈប់។អ្នកនាំពាក្យក្រសួងការបរទេសអាមេរិក លោក Matthew Miller បាននិយាយថា នៅក្នុងកិច្ចខិតខំប្រឹងប្រែងចុងក្រោយបំផុតមួយរបស់រដ្ឋាភិបាលបរទេសក្នុងការជម្លៀសពលរដ្ឋរបស់ពួកគេ និងអ្នកដទៃ ក្បួនរថយន្តដែលរៀបចំដោយរដ្ឋាភិបាលសហរដ្ឋអាមេរិកបានមកដល់ទីក្រុងកំពង់ផែសមុទ្រក្រហម ផតស៊ូដាន(Port Sudan) កាលពីថ្ងៃសៅរ៍ ដោយជម្លៀសពលរដ្ឋអាមេរិក បុគ្គលិកក្នុងស្រុក និងអ្នកផ្សេងទៀត។ លោក Miller បន្ថែមថា រដ្ឋាភិបាលសហរដ្ឋអាមេរិកនឹងជួយជនភៀសខ្លួនធ្វើដំណើរទៅកាន់ទីក្រុង Jeddah ប្រទេសអារ៉ាប៊ីសាអ៊ូឌីត។ លោកមិនបានបញ្ជាក់ថា តើមានជនជាតិអាមេរិកប៉ុន្មាននាក់ទៀតនៅក្នុងប្រទេសនេះនោះទេ។ប្រេសិតពិសេសរបស់អង្គការសហប្រជាជាតិមួយរូបមុននេះ បានបង្ហាញលទ្ធភាពនៃក្តីសង្ឃឹមកាន់តែតិចទៅក្នុងការបញ្ចប់ការប្រយុទ្ធគ្នា ដោយនិយាយថា ភាគីជម្លោះដែលរហូតមកដល់ពេលនេះមិនមានសញ្ញានៃការសម្រុះសម្រួល ឥឡូវនេះបើកចំហបន្ថែមទៀតសម្រាប់ការចរចា ទោះបីជាមិនទាន់បានកំណត់កាលបរិច្ឆេទក៏ដោយ។មនុស្សរាប់រយនាក់បានស្លាប់ និងរាប់ពាន់នាក់ទៀត បានរងរបួសចាប់តាំងពីថ្ងៃទី ១៥ ខែមេសា នៅពេលមានការដណ្ដើមអំណាចជាប់ប្រចាំរវាងកងទ័ព និងកងកម្លាំងគាំទ្ររហ័ស (RSF) បានផ្ទុះឡើងជាជម្លោះ។មនុស្សយ៉ាងហោចណាស់៥១២នាក់ស្លាប់ ខណៈការប្រយុទ្ធនៅបន្ត ទោះបីមានបទឈប់បាញ់ក៏ដោយ៕

គណបក្សប្រជាជនកម្ពុជា រៀបចំការជួបជុំ​រចនាសម្ព័ន្ធ​គណៈចលនា​មហាជន​ឆ្ពោះទៅ​កាន់​ការ​បោះឆ្នោត ឆ្នាំ២០២៣

2023/04/30 04:37:41 pm        424
Facebook Telegram Linkin
គណបក្សប្រជាជនកម្ពុជា នៅថ្ងៃទី៣០ ខែមេសា ឆ្នាំ២០២៣នេះ បានរៀបចំពិធី​ជួបជុំ​រចនា​សម្ព័ន្ធ​គណៈចលនាមហាជនទូទាំងប្រទេសឆ្ពោះទៅកាន់ការបោះឆ្នោត ឆ្នាំ២០២៣។ ​ពិធី​នេះ​ធ្វើ​ឡើង​ក្រោម​អធិបតីភាព​សម្ដេចកិត្តិសង្គហបណ្ឌិត ម៉ែន សំអន អនុ​ប្រធាន​គណបក្ស​ប្រជាជន​កម្ពុជា និង​ជា​ប្រធាន​គណៈចលនា​មហាជន នៃ​គណៈកម្មាធិការ​កណ្តាល​គណបក្ស​ប្រជាជន​កម្ពុជា រួមទាំងវត្តមានចូលរួមពីរចនាសម្ព័ន្ធគណៈចលនាមហាជនថ្នាក់កណ្ដាល គណៈ​ជំនាញ​ទាំង​៤ គណៈចលនាមហាជនពីបណ្តាគណបក្ស ក្រសួង-ស្ថាប័ន, រាជធានី-ខេត្ត, ក្រុង-ស្រុក-ខណ្ឌ រួមទាំងសមាសភាពពីអង្គការមហាជននានា ដែលមានសមាសភាពប្រមាណ ២០០០ នាក់ នៅវិមាន៧ មករា។  ឯកឧត្តម ហ៊ុន ម៉ានី អគ្គលេខាធិការ នៃអគ្គលេខាធិការដ្ឋានគណៈចលនាមហាជន បាន​ឡើង​ថ្លែង​សុន្ទរកថាស្វាគមន៍ និងធ្វើរបាយការណ៍អំពីដំណើរការ នៃការរៀបចំ និង​គោល​បំណង​ នៃ​ពិធី​ជំនួ​បនាពេលនេះ ព្រមទាំ​ង​ប្រធានបទ​នៃ​បទ​បង្ហាញ​សំខាន់ៗ​ដែល​នឹង​ប្រព្រឹត្ត​ទៅ​ក្នុង​កិច្ច​ប្រជុំ​រយៈ​​ពេល ១ថ្ងៃ​ពេញនេះ។ ពិធីជួបជុំរចនាសម្ព័ន្ធគណៈចលនាមហាជនទូទាំងប្រទេសនាឱកាសនេះ ត្រូវបាន​រៀបចំ​ឡើង​ក្នុង​គោល​បំណង​សំខាន់ ដើម្បី​ធ្វើ​បច្ចុប្បន្នភាព និងចែករំលែកដល់រចនា​សម្ព័ន្ធ​របស់​គណៈ​ចលនា​មហាជន​ទូទាំង​ប្រទេស នូវស្ថានភាពនយោបាយ សេដ្ឋកិច្ច សង្គម និងបទពិសោធន៍​ក្នុង​ការ​តាម​ដាន វាយតម្លៃ និងគ្រប់គ្រងសមរភូមិសតិអារម្មណ៍ ក៏ដូចជាកិច្ចការមហាជនសំខាន់ៗ ដែល​ត្រូវ​យក​ចិត្ត​ទុកដាក់​សម្រាប់ដំណើរឆ្ពោះទៅកាន់ការបោះឆ្នោតជ្រើសតាំងតំណាងរាស្រ្ដ នីតិកាលទី៧ នាថ្ងៃទី២៣ ខែកក្កដា ឆ្នាំ២០២៣ ខាងមុខនេះ។ក្នុង​ឱកាសបើកកម្មវិធីនេះ សម្ដេចកិត្តិសង្គបណ្ឌិត ម៉ែន សំអន បានគូសបញ្ជាក់ថា៖ «ស្ថាន​ភាព​នយោបាយ​បច្ចុប្បន្ន​របស់កម្ពុជា កំពុងស្ថិតក្នុងស្ថានភាពល្អ និងអំណោយផល ដែលតាំង​ពី​ឆ្នាំ​២០១៨ គណបក្សប្រជាជនកម្ពុជា បានក្តាប់នូវអំណាចពេញដៃទាំងស្រុង ក្នុងការដឹកនាំប្រទេស ចាត់​ចែង​កិច្ចការ​ផ្ទៃក្នុង ក៏ដូចជាការរៀបចំកំណែទម្រង់ផ្សេងៗ ដើម្បីអភិវឌ្ឍ​ប្រទេស​ជាតិ​ឱ្យ​កាន់​តែ​រីក​ចម្រើន»។ ជាមួយគ្នានេះ សម្ដេចក៏បានលើកទឹកចិត្តឱ្យសមាជិក សមាជិកា​ទាំង​អស់​បន្ត​ចូល​រួម​ធ្វើ​យ៉ាងណាឱ្យគណបក្សប្រជាជនកម្ពុជានៅតែបន្តរក្សាប្រៀបឈ្នះនាពេលខាងមុន និង​អាណត្តិ​​បន្តបន្ទាប់ទៀត។ ពិធីជួបជុំរចនាសម្ព័ន្ធគណៈចលនាមហាជនទូទាំងប្រទេសឆ្ពោះទៅកាន់ការបោះឆ្នោត ឆ្នាំ​២០២៣ នេះ នឹងប្រព្រឹត្តទៅរយៈពេលមួយថ្ងៃពេញ និងមានការធ្វើបទបង្ហាញចំនួន ០៣ ដែល​នឹង​ផ្តល់​ជា​ពិសោធ និងចំណេះដឹងថ្មីៗបន្ថែមទៅលើបច្ចុប្បន្នភាពស្ថានភាព នយោបាយ សេដ្ឋកិច្ច និង​សង្គម​កម្ពុជា, បទពិសោធក្នុងការតាមដាន វាយតម្លៃ និងគ្រប់គ្រងសមរភូមិសតិអារម្មណ៍ និង​ការងារ​មហាជនសំខាន់ៗ ឆ្ពោះទៅកាន់ការបោះឆ្នោតឆ្នាំ២០២៣៕ អត្ថបទ៖គឹម ហុក

ពលរដ្ឋអ៊ីស្រាអែលរាប់ម៉ឺននាក់បន្តចេញតវ៉ាប្រឆាំងកំណែទម្រង់ប្រព័ន្ធតុលាការ ខណៈមានការបំបែក និងការចាប់ខ្លួន

2023/04/30 04:33:26 pm        335
Facebook Telegram Linkin
អ៊ីស្រាអែល៖ ពលរដ្ឋអ៊ីស្រាអែលរាប់ម៉ឺននាក់ បានចេញតវ៉ានៅតាមដឹងផ្លូវកាលពីថ្ងៃសៅរ៍ទី២៩ ខែមេសា តវ៉ាប្រឆាំងផែនការដាក់ចេញដោយរដ្ឋាភិបាលសាសនាអ្នកជាតិនិយមរបស់លោកនាយករដ្ឋមន្ត្រី Benjamin Netanyahu ក្នុងការបញ្ឈប់លើប្រព័ន្ធតុលាការដែលពួកគេបានមើលឃើញថាជាការគំរាមកំហែងដល់ការប្រព្រឹត្តទៅនៃលទ្ធិប្រជាធិបតេយ្យ។ នគរបាលអ៊ីស្រាអែល បានបំបែកក្រុមបាតុករ និងបានចាប់វាយខ្នោះ បន្ទាប់ពីការតវ៉ាប្រចាំសប្ដាហ៍កាលពីថ្ងៃសៅរ៍ នោះដែរ។ អ្នកក្រុង Tel Aviv និងជាប្រធានគម្រោងលោក Netta Parnas បាននិយាយថា ខ្ញុំមកទីនេះ ដើម្បីតវ៉ាប្រឆាំងចំពោះវិធានការនានា ដែលរដ្ឋាភិបាលកំពុងធ្វើប្រឆាំងនឹងលទ្ធិប្រជាធិបតេយ្យអ៊ីស្រាអែល ដើម្បីឲ្យប្រាកដថា កូនៗរបស់យើងនឹងទទួលបានប្រជាធិតេយ្យ ដូចដែលយើងមានមកហើយក្នុងអំឡុង៧៥ឆ្នាំកន្លងមកនេះ  វិបុលភាពនិងសុវត្ថិភាព និងកន្លែងរស់នៅល្អដូចដែលយើងធ្លាប់មាន។  ដោយឈានដល់សប្ដាហ៍ទី១៧រហូតមកដល់ពេលនេះ ការតវ៉ា នៅក្នុងទីក្រុង Tel Aviv បានក្លាយជាការតវ៉ាប្រចាំសប្ដាហ៍ ខណៈការតវ៉ានៅពេលនេះត្រូវគេមើលឃើញពីការកើនឡើងកាន់តែខ្ពស់ ចាប់តាំងពីចាប់ផ្ដើមការតវ៉ាមក ២ថ្ងៃមុនការបើកសម័យប្រប្រជុំរដូវក្ដៅរបស់សភាអ៊ីស្រាអែលនិងរយៈពេល២ថ្ងៃបន្ទាប់ពីការតវ៉ាដ៏ធំបំផុតរបស់ក្រុមស្ដាំនិយមជ្រុលលិទ្ធិប្រជាធិបតេយ្យក្នុងទីក្រុង Jerusalem។  សម្រាប់ប្រជាជនអ៊ីស្រាអែលភាគច្រើន ភាពជាប់គាំងនេះ បានបើកចំហសម្រាប់ការសួរដេញដោលលម្អិតអំពីប្រទេសរបស់ពួកគេ ដែលហួសពីការតែងតាំងសមាសភាពរបស់តុលាការកំពូល និងអំណាចរបស់អង្គនិតិបញ្ញតិក្នុងការទាត់ចោលការសម្រេចចិត្តរបស់តុលាការ៕

សម្ដេចតេជោ ហ៊ុន សែន អញ្ជើញពិនិត្យ សមិទ្ធផលស្ថានីយប្រព្រឹត្តិកម្ម ទឹកកខ្វក់ នៅខេត្តព្រះសីហនុ

2023/04/30 03:11:27 pm        723
Facebook Telegram Linkin
ព្រះសីហនុ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញពិនិត្យ សមិទ្ធផលស្ថានីយប្រព្រឹត្តិកម្មទឹកកខ្វក់នៅ ខេត្តព្រះសីហនុ នៅព្រឹកថ្ងៃអាទិត្យទី៣០ ខែមេសា ឆ្នាំ២០២៣នេះ។ស្ថានីយប្រព្រឹត្តិកម្ម ទឹកកខ្វក់កម្រិតស្ដង់ដា នៅខេត្ដព្រះសីហនុ គឺជាសមិទ្ធផលមួយក្នុងចំណោម សមិទ្ធផលជាច្រើន ដូចជា ហេដ្ឋារចនាសម្ព័ន្ធផ្លូវថ្នល់ ចំនួន៣៧ ខ្សែអគារខ្ពស់ៗ និង ហេដ្ឋារចនាសម្ព័ន្ធថ្មីៗជាច្រើនទៀតដែល រាជរដ្ឋាភិបាលកម្ពុជាបាន ចំណាយថវិការដ្ឋ និង ធនធានក្នុងប្រទេសប្រែក្លាយខេត្ដនេះជាតំបន់សេដ្ឋកិច្ចពិសេសគំរូ ពហុបំណង ដ៏សំខាន់នៅក្នុងប្រទេស ។ស្ថានីយប្រព្រឹត្ដិកម្ម ទឹកកខ្វក់ចំនួន៣ត្រូវបានសាងសង់ឡើងនៅក្នុងខេ ត្តនេះ។ ស្ថានីយនេះធ្វើឡើងដោយបំពាក់ បច្ចេកវិទ្យាចុងក្រោយ MABR ដែលជាបច្ចេកវិទ្យានវានុវត្ដន៍ របស់អ៊ីស្រាអែល ។ ស្ថានីយនេះគឺជាផ្នែកសំខាន់មួយ ដើម្បីឱ្យក្រុងព្រះសីហនុក្លាយជាទីក្រុងទំនើប (Smart- City) នៅក្នុងប្រទេសផងដែរ ។ស្ថានីយប្រព្រឹត្តិកម្មទឹកកខ្វក់ទី១ មានសមត្ថភាពប្រព្រឹត្តិកម្មទឹកកខ្វក់ក្នុងបរិមាណ ៥២០០ ម៉ែត្រគុប ក្នុង១ ថ្ងៃ ទទួល រងទឹកកខ្វក់ពីតំបន់ទី ៣ ដែលមានផ្ទៃដី៣៦៤ ហិកតា ស្ថិតក្នុងសង្កាត់លេខ ៣ ។ ស្ថានីយប្រព្រឹត្តិកម្មទឹកកខ្វក់ ទី២ មាន សមត្ថភាពប្រព្រឹត្តិកម្មទឹកកខ្វក់ក្នុង បរិមាណ៧២០០ ម៉ែត្រគុបក្នុង ១ ថ្ងៃទទួលរងទឹកកខ្វក់ពីតំបន់ទី៤ ដែលមាន ផ្ទៃដី៤៨៦ ហិកតា ស្ថិតក្នុង សង្កាត់ លេខ៣ ។ ចំណែកឯស្ថានីយ ប្រព្រឹត្តិកម្ម ទឹកកខ្វក់ ទី៣មានសមត្ថភាពប្រព្រឹត្តិកម្ម ទឹកកខ្វក់ក្នុងបរិមាណ២០០០០ ម៉ែត្រគុប ក្នុង១ ថ្ងៃទទួលរងទឹកកខ្វក់ពីតំបន់ ទី៥ និង តំបន់ទី៦ ដែលមានផ្ទៃដី ២ ៦៩០ ហិកតាស្ថិតក្នុងសង្កាត់ លេខ ៤ដែលសាងសង់ដោយ ក្រុមហ៊ុន X-WATER TECHNOLOGY CO.,LTD ៕

បណ្ដាញសង្គម

ព័ត៌មានថ្មីៗ

តំណាងរាស្រ្តខេត្តបន្ទាយមានជ័យ៖ ទោះបីមានការឈ្លានពានពីប្រទេសជិតខាង តែពលរដ្ឋកម្ពុជា នៅតែមានឱកាសធ្វើបុណ្យទានប្រកបដោយសទ្ធាជ្រះថ្លា
10/04/2026 05:10 PM
Facebook Telegram Linkin
ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញកាន់បិណ្ឌទី៨ និងនាំយកទេយ្យវត្ថុប្រគេនវត្តចំនួន១៣វត្ត និងចែកអំណោយដល់យាយជីតាជី នៅខេត្តពោធិ៍សាត់
10/04/2026 04:10 PM
Facebook Telegram Linkin
មន្រ្តីជាន់ខ្ពស់ធនាគារជាតិ៖ វិស័យធនាគារបានបន្តរក្សាលំនឹង និងមានសុខភាពល្អជាធម្មតា
10/04/2026 04:10 PM
Facebook Telegram Linkin
លោកជំទាវ ចម និម្មល អញ្ជើញសំណេះសំណាល សួរសុខទុក្ខ និងនាំយកអំណោយជូននាយទាហាន នាយទាហានរង និងពលទាហាន នៃបញ្ជាការដ្ឋានកាំភ្លើងធំ កងទ័ពជើងគោក ក្នុងឱកាសពិធីបុណ្យភ្ជុំបិណ្ឌ
10/04/2026 04:10 PM
Facebook Telegram Linkin
ប្រតិបត្តិការបង្ក្រាប Online Scam នៅប៉ោយប៉ែត ឃាត់ខ្លួនមនុស្សជិត៦០០នាក់
10/04/2026 03:10 PM
Facebook Telegram Linkin
ប្រធានក្រុមការងាររាជរដ្ឋាភិបាលចុះមូលដ្ឋានស្រុកស្អាង និងកោះធំ អញ្ជើញជួបសំណេះសំណាល និងសួរសុខទុក្ខគ្រួសារវីរៈកងទ័ព និងគ្រួសារក្រីក្រក្នុងស្រុកស្អាង និងកោះធំ សរុប ១៨០០គ្រួសារ
10/04/2026 03:10 PM
Facebook Telegram Linkin
ការនាំចេញអង្ករកម្ពុជាទៅកាន់ប្រទេសហ្វីលីពីន មានសន្ទុះខ្លាំង ខណៈការដឹកជញ្ជូនអង្ករចំនួន ២០.០០០តោនបានចាប់ផ្តើមចេញដំណើរហើយ
10/04/2026 03:10 PM
Facebook Telegram Linkin
រដ្ឋមន្ត្រីសុខាភិបាល៖ ការតម្កល់សុខុមាលភាពរបស់ប្រជាពលរដ្ឋ គឺជាអាទិភាពចម្បងជានិច្ចរបស់រាជរដ្ឋាភិបាល
10/04/2026 03:10 PM
Facebook Telegram Linkin
អតីតសមាជិកគណបក្សប្រឆាំង ចំនួន៣៩នាក់ សម្រេចចិត្តចូលរួមជីវភាពនយោបាយជាមួយគណបក្សប្រជាជនកម្ពុជា
10/04/2026 03:10 PM
Facebook Telegram Linkin
នេប៉ាល់ប្រារព្ធពិធីរំឭកវិញ្ញាណក្ខន្ធជនរងគ្រោះ និងទាមទារភាពយុត្តិធម៌អាកាសធាតុ
10/04/2026 02:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.